مذاكرت تلميذ فاشل
يا سلام علي المدرسة بتاعتنا وعلي المدرسين.....اللي اتوعدت بيهم علي اخر الزمن.....بقالي عشر سنين في سنة تانية ابتدائي وصعبان عليا اسيب الفصل اللي عشت فيه طول هذه المدة لكن بسلامتهم
المدرسين راسهم والف كشكول ينقلوني لفصل تالت قلت لهم ياناس حرام عليكم ..دي العشرة مبتهونش الا علي ولاد الحرام ...مفيش فايدة ....اخيرا سلمت امري لله وقلتلهم اتفضلوا انقلوني...راحوا جايبين لي كراس وقلم وقالولي اكتب مايأتي ...واضرب مايأتي...قلت لهم...انتوا جري لعقلكم حاجة؟؟لاسمح الله...اكتب اييه؟؟؟واضرب اييه؟؟...قالولي اكتب....حسن يحب سعاد....شوف الكلام الفاضي...وقلة الادب...طب وانا مالي ان كان حسن بيحب سعاد ولابيحب سميرة؟؟؟خلوني في حالي يا ناس..عيب عليكم تفتحوا عيني علي الكلام الفاضي ده...قالولي طيب اضرب خمسة في ستة وقلنا حاصل الضرب يبقي اييه؟؟...قلت لهم بسيطة اوي ..طبعا لما خمسة يضربوا ستة راح يبقي الحاصل كتير اوي..والاسعاف هتشيل كتييير وتستنفع مش كده ولا اييه؟؟؟......قالولي اتلهي علي عينك وخليك قاعد في فصلك سنة كمان ....رحت مزغرط بعلو حسي عشان سابوني مع فصلي سنة كمان
|
