|
نساء من هذا الزمان ، للكاتبة : سهر الليالي84 ..
alyawm 7abbit an9olikom 9iassa min a7la ma 9ara2t lilkaatiba almobdi3a "سهر الليالي84 " wa ismoha قصة : "نساء من هذا الزمان" wa saddi9ooni al9issa rawwwwwwwwwwwwwwww3a we incha'Allah ta3jebkom nebda 3ala barakit Allah نساء من هذا الزمان +++++++++ قصة ثانية بس ماخلصتها كلها فشوي شوي علي القصة عن خمس نساء دلال وندى والجازي وشيماء وسعاد ..كل وحدة الزمن شلون يدور معاها أتمنى إنها تعجبكم بس شوي شوي علي لأني ما خلصتها ..الحلقة الأولى .. هز ايدها بقوة وهو يقول ــ دلالوه دلالوه قومي ..بسك رقاد . فتحت عيونها تشوف أخوها يوسف واقف على راسها معصب .. ــ يا صباح خير نعم!!!!!!!! وهي تتثاوب قال لها يوسف ـــ دلالوه يوم اليمعه سلفتك ثمانين ريال يوم نسيتي بوكج في المول ..أبيهم الحين .. قامت وهي معصبة وفتحت شنطتها وطلعت امية ريال وقالت وهي معصبة ــ هاك يالله فارج .. خذ الفلوس وطلع طالعت دلال الساعة كانت ست الصبح وصرخت ــ تأخرت !! طلعت معصبة وكشتها مب مشطة وطقت الباب على غرفة خواتها كانوا قافلين الباب كالعادة .. ـــ سويروه شيوخ علوي هنود حمدوووه بطلوا الباب ! (سارة وحمده وهند أخواتها لكن عليا وشيخة بنات عمها ) فتحت سارة الباب وعيونها مبققة مخترعة ــ ها دلال شتبين!! دلال ــ الساعة ست ما وراكم امتحانات ؟؟ يله تزهبوا عشر دقايق وتنزلون ..اللجنة تبدأ الساعة سبع ونص ويالله تريقون وتتزهبون مايمدانا نوصل .. ـــ زيين .. ردت دلال حق غرفتها وراحت الحمام تروشت بسرعة ..وطلعت ..كالعادة السيشوار قبل كل شي بس على سريع مشت على شعرها وبعدين المكياج فكرت آنه شلبس اليوم ؟؟ اوكي بلبس أحمر القميص الأحمر على تنورة سودا بس المكياج !! اذا حطيت أحمر بيكون صارخ !اوكي اليوم بلبس تنورة جينز .. علشان المكياج يكون أزرق شوي ..القميص مب لايق مع التنورة شكلي بلبس بلوزة وردية ..صج بكون علج في حلج البنات بس مو مشكلة (..حطت الميكياج أزرق على وردي خفيف الوردي مخليها شوي أصغر مع بشرتها البيضا مخليها مشرقة شوي .) فكرت شوي بالإكسسوار فتحت علبتها ولقت علبة الحلق الغجري مإلبسته ولا مرة كان فيه لون أزرق فاتح طالعت لقت الإسوارة الغجرية في نفس الكيسة .إلبستهم حضرت شنطتها العطر والبوك وأوراق لبعض البنات إلبست عباتها وحطت الشيلة على كتفها وجوالها في شنطتها وطالعت أحذيتها ..شتلبس اليوم واطي ولا كعب؟؟ ولا عادي بوت البوت تقريبا خفت موضته ..طقت سارة الباب ودخلت ــ دلال أعطيني سشوارج ! طالعت دلال أختها وقالت لها ــ للحينج مالبستي ولا استشورتي أنا خلصت تقريبا وخواتك وبنات عمك؟؟خلصوا ؟ ـــ واقفين بالدور على الشسوار كلهم إلبسوا إلا أنا رحت وزهبت الريوق مافيني أنطرهم تعطيني اياه؟؟ راحت دلال وطلعت الشسوار من الدرج وقالت ــ شرايج ألبس كعب اليوم ؟؟ سارة وهي تبي تطلع ـــ تعرفين لازم ..على فكرة شكلج واايد حلو تفتحين النفس حسافة ما تراقبين علينا .. استحت دلال من كلام اختها وقالت ـــ تعرفين ما يخلوني أراقب إذا حد يقرب لي في اللجنة براقب صف ثاني ثانوي أدبي ....عندهم فترتين .. علقت سارة ـــ دام أدبي كشخي عدل وإلبسي كعب تعرفينهم مخهم فاضي ويقعدون يفحصونك ولا سيارة قطعة قطعة لابسة إيش حركاتج شلون حتى أظافيرج مابتسلم منهم ..ولا تآخذين جوالج معاج بيقولون تكشخ علينا كأن ماحد عنده جوال غيرها ! ـــ سويروه ماله داعي تعلميني ؟أعرف ..الله يرحم أيامنا كنا لما نشوف المدرسة ماكنا نهتم لإيش لابسة كل المهم أنها راضية علينا .. طلعت سارة وتمت دلال تلبس بالكعب العالي .. طالعت درج تحتفظ فيه بكل أغراضها لخاصة وذكرياتها فتحت الدرج وطلعت الصور .. وتمت تطالع صورته ..جاسم ..واقف مع أخوها أحمد وراهم ابو الهول!!..جاسم!! ليتك ترحمني وتقولي إذا تبيني ولا لا! أنا في نظر أهلي عنست خلاص ..لو تدري كم واحد رديت علشانك ..الحين نادر ماييون الخطاطيب ..كبرت ,,كبرت وأنا عمري ماتعدى الثمان وعشرين ..بس أبي اثبات إنك للحين تبيني ..أرجوك أي إثبات أي إشارة أبوي عصب علي وقال لي أنا مب دايملج العمر كله ... ردت الصور للدرج وامسكت نفسها وهي تقول ـــ أنا أعزك بس .. معزتك ما بتفيدني في الآخر ! نزلت وقعدت تتريق طالعت الساعة لقتها سبع .. البنات نزلوا من فوق ومعاهم هند وشيخة ــــ صباح الخير ..هند وشيخة مالكم مكان في السيارة .. وين جايين؟؟ (هند في جامعة فرجيينيا كومونولث وشيخة في جامعة قطر).. هند ـــ عندنا محاضرات ونبي نروح تأخرنا .. شيخة ـــ صج أنا راحت علي أولى ..عندي ثانية ورابعة ..والدريول على مايوصلكم نكون تريقنا .. دلال ـــ كيفكم أنا رايحة بنات يالله وكالعادة الزيادة تنقط في الكرسي اللي ورى .. علياــ لا والله!! تستانسون أنتم كل مرة قاطيني ورى والله لأقعد بينكم ماعلي السيارة واسعة وتكفي أربعة .. سارة ــ هي عالوسع واسعة لكن احنا نتكلم عن راحتنا أنت ماشالله تضيقيين علينا المكان فما نقدر نتنفس .. طق الباب في هذي اللحظة ودخلت جارتهم أم خالد ومعاه بنتها سبيكة .. ـــ صباح الخير بنياتي .. ـــ صباح النور هلا أم خالد حياج .. ام خالد ــ ادري إن أمج محد هالحزة مابطول بس سبجوه طافها الباص وأنا شفت دريولكم موجود قلت إذا ما فيها كلافة.. دلال ـــ لا ولو سبيكة أختنا رابية معانا بتروح معاي .. أم خالد ــ زيين عيل أخليكم الحين بسير البيت .. دلال ــ بس ما ضيفناج ارتاحي شوي .. أم خالد ــ لا مشكورة بس ما أقدر أبو خالد في البيت وبيطلع دوامة وللحين ما زهبت له الريوق ..مع السلامة . دلال ــ الله يسلمج .يالله بنات للسيارة .. سبيكة ــ أنا ما بقعد ورى !(طبعا لانهم كلهم بنات ماحد يقعد قدام علشان الدريول السيارة نيسان فيها كراسي ورى دايما دلال تخلي اللي يجوون زيادة( ضيوف ) سواء أخواتها أو بنات عمها (لأنهم عادي مع بعض ما في كلفة بينهم )يجلسون ورى حتى سبيكة ما سلمت من هالقانون البنات يتفشلون وهم ينزلون من ورى فكرت دلال في نفسها بنات آخر زمن الله يرحم يوم كنت أندس مع أخواني في البيك آب اللي فيها كرسيين و أنا في الثانوية )..ضحكت دلال وقالت ــ لا تخافين هالمرة مب بروحج معاج علوي .. عليا ــــ لا تناديني علوي أحسن إني ولد ! دلال ــ أو! أجل أيش أنت ؟؟؟ بنت معقوولة!! ضحكوا كل البنات على عليا ..اللي قالت ــ غلطة عمري هالقصة ..الله ياخذج ياعنوودووه هي اللي قالت لي قصي بوي بيطلعج أنثوية شوي .قالت شنو .بيبين رقبتج يعل رقبتج القطع ياعنوودوه وين ما كنتي الحين.. ( عليا رقيقة وايد بس شكلها يقول إنها شيطانة عيونها حادة ورسمتها مثل رسمة عيون المها ونظرتها حادة ..قصة البوي مطلعتها نااااعمة بس أخواتها وبنات عمها يحبون أنهم يعقدونها ..لأنهم ما يقدرون يتصورون عليا أنثى ..خاص إنها طويلة وضعيفة واايد ..وحركية ما تقعد في مكان واحد ) ************* دخلت دلال الغرفة ..وراحت صوب مكتبها المدرسات الحين كل وحدة في لجنتها ..انزعت عباتها وحطت شيلتها على كتفها .. ضبطت شعرها ورشت العطر وطلعت رايحة للجنة اللي تراقب عليها .. دخلت ولقت الجازي واقفة توزع الأوراق .. دلال ـــ صباح الخير ,امتحانهم وصل ولا هذي كراريس الإجابة؟؟ الجازي ـــ هذي الكراريس ..ساعديني شوي . .اللجنة كبيرة تتكون من ثلاثين طالبة ..وزعت الكراريس .. البنات يطالعونها شلون ..بطريقة أربكتها حاولت إنها تتجاهلهم . وقالت في نفسها ــــ صج بيفككوني قطعة قطعة .. الجازي ــ دلال شفتي نورة تحت؟ ـــ نورة العلي؟؟لا ماشفتها بس شفت خلود المانع ..تبين أناديها لج ؟؟ ـــ ياليت ..في كراريس من نوع ثاني ..ياليت..أنا اعتقد مخربطين لأن فيها خرايط .. ـــ بناديها .. طلعت دلال وهي تدور خلود لكنها لقت نورة ... ((((((((( مر نص الوقت وبنات أدبي مب مقصرين بطلباتهم الكثيرة .. طالعت دلال الجازي وقالت ــ اليازيه فديتج بس أبي منج قلم ..اللي قربج قامت اليازي وأعطته دلال ..وهي مستغربة ليش شتبي دلال من القلم الأحمر ,, قامت دلال وكتبت على ورقة وحدة من البنات (ضبطت وهي تغش !) وسحبت منها الورقة والبنت اللي اسمها نايفة منصطدمة ..دلال امسكت البراشيم اللي كانت نايفة مخبيتهم في كم قميصها وحطتهم داخل الورقة والبنت تمت تصيح من قلب وهي تقول آخر مرة والله آخر مرة .. كانت هذي أول مرة دلال تمسك بنت تغش .. دخلت الغرفة وهي متضايقة شوي ..ما هانت عليها البنت .. دخلت الجازي وراها وكانت تحس إنها متضايقة فقالت تحاول أنها ترفه عن دلال ـــ وااو ما صدقت متى تخلص الفترة الأولى .. دلال ـــ أنا أكره اليوم الاول سواء في الدراسة ولا في الأمتحانات يسبب لي توتر ... دخلت باقي المدرسات و أولهم ندى وقالت لدلال وهي تغمزــ الله الله إذا كان حبيبك ثور إلبس له أحمر .. طالعتها دلال وقالت ــ والله كان قلبي حاس كنت أبي ألبس احمر اليوم بس قلت شيفكني من لسان ندووش .وبعدين هذا ور دي آوه نسيت أن عندج عمى ألوان .. سعاد ــ والله يا دلول لولا ندووش كان البنات اكتبوا على باب غرفتنا غرفة المدرسات العانسات الحمدلله إن البنات يموتون عليها وعلى خفة دمها وإلا احنا أولا وأخيرا شلة عوانس مقابلين بعض .. الجازي ــ تكلمي عن نفسج بس .. التفت دلال حق الجازي اللي كانت مستحية وقالت وهي مبققة عيونها مصدومه ـــ قولييييييييييييي والله! ما افهمت شيماءالسالفة وقالت ـــ عسى ماشر؟؟ ضحكت دلال وقالت لندى وسعاد وشيماء ـــ الخايسة شكلها انخطبت !! ندى +سعاد +شيماء= يالنذلة يا خاينة العيش والملح صج خايسة متى وليش ماتقولينه ليش ما تعزمين!!(طبعا كل وحدة منهم سؤال وشتيمة حق الجازي) الجازي ــ والله أنتم النذالة تبون أقولكم وللحين ما استوى شي علشان تـنـطون لي في البيت مثل السبال ويشوفكم ويهون عني .. سعاد ـــ صج مطيرية !!شأصله وشلون تعرفتي عليه ؟ الجازي ــ هو هاجري من ربع أخوي شافني بالغلط مرة ..وعيبته .. شيماء ــ اخطبس خلاص خطبة ؟؟ماأشوف الخاتم وينه؟؟ دلال ــ أبوج شلون رضى ؟؟؟قولي شصار ! الجازي ـــ هو طرش أهله من يومين أبوي بيرد له خبر اليوم ..كان أبوي مب موافق بس يدتي قالت له (الجازي تقلد صوت جدتها )اليازية صار عمرها ثلاثين متى بتعرس ودام إنه رفيج ولدكا زين الرياييل ..عاد أبوي إلتفت علي وسألني اليازية بوي شرايك؟؟ فقلت له إن كلام يدتي صج وأنا ما شايفة شي يعيب الريال أبوي انصطدم لأنه لو سألني قبل سنة كان ما قدرت أبطل حلجي بحرف لكن الحين قلت لنفسي بلا مستحى بلا بطييييييييييييييييييخ...يا نصير فوق يا نطيح .. قامت دلال واحضنت صديقة عمرها وباركت لها ..وقالت ـــ عقبالي ..شوقتيني أعرس .. شيماء ــ شسمة ومن ولده أذا هاجري أكيد بعرفة خليني أرسم عليه بنت قبيلته أصلح له من مطيرية مثلس. سعاد ــ نعم ؟؟شيموه يوزي ..أنا حاجزته قبلش ..هو يرضى بمرية؟؟ صدقيني البيت علي وطلعات البر والمهر .. ندى بعصبية ــ صج مرية هيه أنتي تقولج يبي يخطبها مب مطرشها تدور عن عروس له؟؟وبعدين إنتي ليش مرخصة عمرج له ..دلال ــ ندى ..شفيج عليها أكيد صاير لج شي من ورى سالفة المهر ..قولي ..شصاير .(.دلال بدون قصد فتحت جرح في قلب ندى ),,ندى ارتبكت شوي وقالت ــ أعرف بنت .أبوها رخص فيها وعطاها لأبن عمها ببلاش ابن عمها خطبها ...بس هانت عليه بنت عمه وتزوج بنت ثانية ودفع مهرها ثلاثمية ألف ريال .. دلال ـــ وبنت عمه ؟؟ ندى ــ طبعا ..الأبو مات من الجلطة وبنت العم تعقدت وكرهت الرياييل ..شكلها ما بتعرس .. ( هذي ببساطة قصة ندى لكن ما قالت لأحد عنها علشان محد يرخص من قيمتها أو يشفق عليها ..) دلال ــ حراااااااااااااااااااااااااااااااااااااااااااااااااام .. كانت هالكلمة مثل السكين اللي انطعن في قلب ندى وقلبت السالفة مزح ـــ عسى الله يرزقج بواحد بطران مثله انشالله ما يرخص فيك فلوس الدنيا .. ..وضحكوا البنات ... سألتها شيما ــ ندووش من أي عرب ولد عمها ؟؟ ندى ــ مــ.. كانت تبي تقول مهنديين بس قالت ـــ ما أدري ..السالفة صارت في الكويت ..(ندى تستغفر ربها في قلبها لأنها تكذب) علقت دلال ــ بنت خالتي وصلت من الكويت الأسبوع اللي راح وما تمت اشاعة ولا سالفة في الكويت ما قالتها اللي ذبح اخته واللي صاد زوجته مع رفيجه واللي مات حتى أسامي اللي يفحطون في الليل ويشلون تعرفهم ما يابت لي طاري عن هالرمسة ! التفتوا البنات حق دلال وقالوا ــ دلول كم مرة قلنا لج لا تتكلمين انجليزي واحنا مع بعض ! ضحكت دلال من قلب على البنات ..اللي ما يعرفون معنى هالكلمة وقالت ـــ معناها السالفة ..كلمة امارتية ,,أجل لو يلستوا مع يدتي أم محمد شيصير فيكم ...بنات ..الفترة الثانية كأنها ابتدت يالله .. ***************** جايبلي سلام عصفور الجناين جايبلي سلام من عند الحناين نفض جناحاتوه عاشباك الدار مثل اللي بريشاته مخبي أسرار أسرار ..شو قلي شو قلي عتبان المحبوب مابدك تطلي بعتيله مكتوب ودي له شي ورقة عليها كتابة زرقا .وامرقي به مرقه مطرح مابتنساني كل ليلة عشية قلبي لك ضويه قوي الضو شوي وارجعي وطيه يعرفها علامة ويصلي تتنامي وتقومي بالسلامة ..ويبقى قلبك ناااااايم .... الجازي ــ الله الله ..دلول صوتج على أغاني فيروز يجنن .. دلال ــ احم احم أدري ..بس شهادتج تثبت المصداقية ..والله لو اسمعتني ست سحر لطردتني اليوم قبل باجر . ضحكت الجازي ( ست سحر هي مديرتهم )..طالعت الجازي الصف الفاضي وهي تقول .. ـــ خلصت الفترة كالعادة والبنات سلموا الامتحان ..ودهم يخلصون بسرعة ولو على طريقة سوبر مان . ضحكت دلال وقالت ـــ تعالي هذا شعر؟؟ولا شو؟؟ الجازي ــ وأنا شدراني طلعت مني جذيه شوفي ترى حقوق الطبع محفوظة ! هزت دلال راسها وتقول ــ لا إله إلا الله يا مطيرية شسوي فهالقلتيه حتى ماحفظته .. الجازي ــ ما يهم المهم حذرتج! دلال ــ يالله أنا بروح البيت الحين خواتي أكيد يتريوني في السيارة .. الجازي ــ ليش ماعندج لجنة تصحيح؟؟ دلال ــ لا مب اليوم بكره محد امتحن رياضيات اليوم كانت دلال تبي تطلع من اللجنة لكن الجازي نادتها الجازي ــ خلج معاي بس ساعة دقي على الدريول وخليه ياخذ البنات البيت ويرد لج بعدين ..بهذر معاج شوي .. دلال ــ من عيوني ما طلبت شي ..ودقت على الدريول ((سراج أنت يأخذ البنات ويروح ويرد حق عمتك دلال بعد شوي اوكي؟؟؟ اوكي يو قو نو .. .. الجازي ـــ دلال .. ـــ نعم .. الجازي ــ أنعم الله عليج ..يالمنصورية بغيتج أول وحدة تكونين حاضرة في خطبتي .. فرحت دلال وايد هذا يعني إن الجازي تعزها أكثر وحدة قالت لها ـــ طبعا هالجملة رمستي بها حق الكل ندووش وشيوم وسعود . الجازي قامت واحضنت صديقة عمرها وهي تقول ـــ والله العظيم إن ما قلتها حق حد قبلج ولا راح أقولها حقوق الطبع محفوظة نسيتي؟ ضحكوا شوي بعدين نزلت دموعهن وهن حايرات دموع فرح ولا حزن ..أول مرة تحس دلال بهالشعور ..أول مرة تحس إنها فرحانة علشان رفيجتها وزعلانة علشان فراقها ..قالت لها ـــ يالخاينة بتعرسين بعد عشرة عمر ؟؟ ست سنوات وأنا مقابلتج أكثر من هلج تجين تقولين لي بعرس؟انا مب موافقة؟ الجازي ــ فديت للي تغار فديتج أنا ما بتركج كل اللي أسوية إني بطلق عزوبيتي بطلق لقب العانس طلاق بائن لارجوع فيه .. صاحت دلال في حضن الجازي ماتحملت شي يخليها تغار .. يمكن خوفها على صديقة عمرها . دلال ــ بياخذك مني, كل رمساتج بتكون له بتدلعين عليه بس تغارين عليه وتبيعين الدنيا وحتى أنا علشان رضاه ..الله لا .. هو شسمه ؟؟ الجازي تضحك وتقول ــ فهد .. |
ـــ روح يا فهد الله ..(كانت بتدعي عليه ىبعدين ترددت علشان الجازي ) الله يفتح لك باب في كل طريج ..ويوسع عليك من أوسع أبوابه علشان الشقردية اليازية .. فرحت الجازي وايد بدعوة صديقة عمرها وحضنتها بقوة وهي تقول ــ والله لوخيروني بينك وبين طوايفي كلهم ببديج عليهم كلهم ..وأولهم فهد .. دلال ــ ايه ايه اكلي بعقلي حلاوة مدري ششايفتني ..مقصة يالله اللي في الجدر يطلعه الملاس بكره نشوف . الجازي ــ الله لا يقول ويجي ذاك اليوم .. دلال ــ بدينا !!! ضحكت الجازي ..وقالت في قلبها شكثر أعزك يا دلال أكثر من نفسي .. ********* الحلقة الثانية دمعت عيون شيخة وهي تشوف الفيلم وقالت ــ صج رومانسي يعور القلب لا زم يموت توم كروز في النهاية؟؟ ضحكوا عليها وقالت هند ـ لا تقولين إنج مب شايفته من قبل؟؟ ــ لا ولا مرة الله ياخذها نيكول كله بسببها ..أوه شيصير ؟؟فتح عيونه ؟؟لا على جذي استوى فيلم هندي يعني رجع للحياة يوم قالتله أحبك؟؟ لا لا خربتوا الفيلم لو ميت جان وايد أحسن !! وقامت وبندت الفيديو وأخواتها وبنات عمها ميتين ضحك عليها ..وعلى دموعها .. دخلت دلال الصالة وشافتهم وصرخت عليهم ــ حمدوه عليوي وحتى إنت ياسارة؟؟ الملاك بينهم؟؟ بكره مب عندكم زفت ليش ما تقومون تدرسون؟؟ وأنتوا يالكبار هندوه وشويخ مخلينهم يسرحون على كيفهم؟؟ طبعا أول ما خلصت دلال هواش و زعيق البنات اللي عليهم امتحانات اركضوا للغرف .. هند ــ والله إني أصارخ عليهم لكن كل مرة يقولون الحين ومرة يقولون درسنا .. قعدت دلال ــ آه ريولي ذابحتني كله من هالكعب .. شيخة ــ والله يا بنت عمي ضريبة الكشخة !! دلال ــ واللي يسمعج تشربون كابتشينو ؟؟ هند ــ ايه والله ياريت .. دلال ــ خلاص هنود ما خيبج قومي سوي لج ولي ولبنت عمج .. هند مدت بوزها شبرين وشيخة تضحك عليها ويوم كانت تبي توقف وتروح قالت لها دلال ــ دامني ما فصخت ملابسي وللحين بعباتي خلال خمس دقايق اللي ماتكون جاهزة تفوت على عمرها غدا بيتزا سيزر وكابتشينو بستار بكس .. مامداها تلتفت لهم إلا وهم طيران على الدرج .. دقت دلال على حياة زوجة أخوها.ابراهيم .. ــ السلام عليكم .. حياة ــ وعليكم السلام . دلال ــ ها مرت الغالي وأم الغالي شلونج ؟؟ ـــ بخير ياأخت الغالي ... دلال ـــ بشري صلحت دشكم ؟؟ حياة ـــ لا والله قاعدة متمللة بس فديت ابن أخوج مقابلته أربع وعشرين ساعة .. أحلى من التيلفزيون .. دلال ــ تعالي بيتنا بطرش لج الدريول أبي أطلع مع شيوخ وهنود ..والبنات ما آمن أخليهم بالبيت بروحهم .. حياة ــ لكن أمج قبل كانت تخليهم بروحهم وتطلع .. دلال ــ هم الحين مسؤوليتي . ما أقدر أخليهم بروحهم تعالي وقعدي في الصالة عاد هند وشيخة مأجرين أفلام وايد ..تعالي تسلي دام ابراهيم في شغله .. ويله بيب لكم معا ي عشا ..يالله .. حياة ــ دلول فديتج أكيد مستلمة المعاش مبجر وكالعادة توزعين هبات وطلعات وعشوات ونص الشهر مفلسة .. دلال ــ لا والله ..عمي وأبوي معطيني فلوس وايد وقال طلعوا وتونسوا ..الطلعة على حسابي لكن العشا من الفلوس إياها يالله تعالي بس قبل دقي على برهوم وقولي له يجي في الليل .. حياة ــ اوكي بس طرشي حد مع الدريول أخاف أركب معاه بروحي .. دلال ــ ومحمد الصغير ماله حشمة ؟؟ حياة هههههههههههههه ــ والله له بس مب اليوم ..خلي يكبر وهو يصير سبع أمه ! دلال ــ سبع أبوه يالله باي الحين الفاتورة وراج بتكون جايده .. سكرت دلال جوالها وطالعت لقت البنات واقفي على راسها وهم يقولون خلينا نمر محلات السيتي سنتر نبي أشياء للجامعه .. دلال ــ أوكي بس هند نادي يوسف .. شيخة ــ ليش يوسف ؟؟ دلال ــ ما أدخل السيتي سنتر بروحي لازم معاي حد أو ولد ولا تقوليين أنج تستحين منه أنتي أكبر من ولد عمج بوايد .. شيخة ــ لكن يوسف صار ريال شطوله ..ليش ما أستحي منه ؟؟ دلال ــ شوفي الستار بكس والبيتزا ما بيكون معانا لأنه متغدي ..لكن السنتر أكيد .. وخاصة المحلات ماعليج بخليه يخلي بينا مسافة أمان ..(( يوسف عمرة 18 سنة اللي يشوفة السنة اللي راحت ما يقول هذا يوسف لأنه طال وشكله تغير جذريا وحتى صوته )) دقت دلال على الدريول ووصته يجيب حياة وخلت سيسيت الفلبينية تروح معاه ودقت على جوال يوسف ــ يوسف أبيك تخاوينا .. يوسف ــ على وين ؟؟ دلال ــ احنا بنطلع نتغدى وبعدين نروح الستار بكس أبيك تلاقينا في الستي سنتر الطابق الثاني .. يوسف ــ زين أنا الحين مع ربعي أدرس بعد ساعتين ونص يعني الساعة خمس ونص ألاقيكم في السيتي اوكي؟؟ دلال ــ اوكي .. ********* هند ــ صراحة الأكل هنا صج أحس إنه ايطالي .. دلال ــ نطروني شوي أسوي طلبية وأدفع الفاتوره وأرجع ..نزلت دلال للطابق اللي تحت وتكلمت مع الكاشير ـــ please iwant five pitzza like this to goand two lazanya hole one and abig jar of cabbage salad this order make it Indeffrent bill I will take it at six oclock now please give me the current bill ………………………… طالعت ومن ورى غشوتها لمحت عيون تطالعها ليش لأنها بنت بروحها .. حاولت إنها تتجاهل هالعيون لكنه ما تجاهلها .. نزلت شيخة هي وهند ونادتها هند ـــ دلال ..اتصلتي على الدريول؟؟ هزت دلال راسها ــ ايه غمضت دلال عيونها الشاب للحين يطالعها وبما إنها جاية مع دريول بيلحقها أكيد الله يسامحج يا هنود .ما ني ناقصة مشاكل.. دفعت الفاتورة وطلعت مع البنات ومثل ما توقعت الشاب بسرعة دفع فاتورته ولحقهما .. دلال وهي معصبة في السيارة ــ مافي ستار بكس زيين؟؟ هند وشيخة ـــ ليش ؟؟ وقف الدريول عند الإشارة .. دلال ــ ليش ما تشوفين هذا اللي يلحق ورانا من طلعنا من سيزر ؟؟ كل بسببج يا هنود مافي سيتي سنتر بعد ... شيخة ــ ليش ؟؟ هالشاب مجرد ما يشوف يوسف بيبتعد ... ترددت دلال ..وقالت ـــ ما أبي مشاكل خوفي لا يسوي لنا مشكلة أخواني كلهم مسافرين مع أبوي و أعمامي وابراهيم ما بيكون فاضي ما بيرجع من دخان قبل الساعة سبع !! آآآآآآآآآآآآآآآآآآههه................. ــــــــــــــــــــــــــــــــــــــــــــــــــــــــــــ ــــــــــــــــــــــ بطلت دلال عيونها وهي تعبانه ..تحس كأن كل عظمة في جسمها مرتضة ..شافت الممرضة اللي واقفة على راسها وهي تقول ــ are you fine can you talk ?? دلال في صدمة شتقول هالممرضة؟؟تبي تتذكر شصار لها لكن ما في أمل ..اختفت الممرضة ودخل طبيب .. ـــ السلام عليكم .. سحبت دلال الغطا لاإراديا تغطي نفسها .. الدكتور ــ إنت تتذكرين شي عن الحادث؟؟ بققت دلال عيونها ـــ أي حادث؟؟ سكت الدكتور ما يعرف شيقول دلال ما ارتاحت لشكله ـــ شصاير ؟؟شالسالفة؟؟ كل اللي أذكره إني وأخــ..شيخة وهند شلونهم ؟؟ كانوا معاي في السيارة ..دكتور أنا أختهم الكبيرة أنا المسؤولة عنهم .. وحطت أيدها على قلبها .. الدكتور ـــ هدي نفسج شوي .. كنتوا واقفين عند الإشارة ولما صارت خضرا وتحركت السيارة طلعت لكم شاحنة مسرعة .. هذا اللي قاله الشخص اللي رافقكم .. دلال ـــ وأخواتي شيخة وهند شسصار فيهم ؟؟أرجوك يا دكتور قولي .. قلب دلال مقبوض أكثر من قبل .. الدكتور ــ السائق توفى ..وحدة من خواتج في العناية .. دلال ــ والثانية ؟؟ الدكتور ــ البقاء لله .. انكتمت دلال ما قدرت تنطق بحرف ..وقامت من السرير بسرعة وهي تركض ناسية جروحها وريلها المربوطة وكانت العناية بجنبها بالضبط ويوم إلمحت من اللي مرقدة على السرير صاحت بأعلى صوت وشكلها يقطع القلب ودموعها اللي تدافعت لعيونها وريولها ما شالتها ـــ لالالالالالالالالالا هنننننننننننننننننننننننننننننننننننند !! ودموعها على خدودها والممرضات يحاولون إنهم يهدونها ويرجعونها لسريرها وهي تصيح وتصارخ وفجأة ..طاحت .. ******** بعد ما قعدت تمت تصيح وتصيح المخدة انملت دموع ودلال تصيح بروحها هند لا ..هند أبي هند أبي اختي ..وتمت ترجف وهي تصيح دخل يوسف عليها ودموعه في عيونه .. مسك ايد أخته اللي تمت تصيح وتصيح ..وتقوله ـــ يوسف هند راحت ..راحت وهي زعلانه مني ..كله مني هند راحت ..أبيها أبيها ترجع أرجوك يوسف شقول لأبوي شقول لأمي ..هند كانت نور عيونهم .. ..وتمت تصيح في حضن يوسف اللي صاح معاها .. دقايق ودخلت سارة مع حمدة وعليا وهي منصدمة وتقول ــ سلامات يوسف ليش مارديت نطرناك شلون شيخة وهند ..ليش تصيحون شصار ؟؟ لا إراديا نزلت دموع سارة وهي خايفة ومرتعبة .. حمده ـــ شصار قولوا هند وين ؟؟شيخة وين ؟؟ يوسف ما قدر يتكلم هنا عليا صاحت ـــ قولوا عنهم بخير صح دلال؟؟هم بخير دلال تحجي قولي شي.. دلال صرخت من قلب ودموعها مغرقة عيونها ــ شأقولج أن هند راحت ؟؟ هند ماااااااااااتت ..انا ذبحتها كله مني .. سارة من الصدمة طاحت وعليا ماقدرت توقف انزلت وهي ماسكة برجول السرير وحمدة تمت واقفة منصدمة ..يوسف ركض لأخته ساره وحاول إنه يوقظها ودخلت الممرضة بسرعة ونقلتها لغرفة ثانية ..سارة مريضة سكري وهالشي أثر فيها وايد .. ******************* ارجعوا أهل دلال من العمرة الجماعية بسرعة والأم طاحت من الصدمة هي مريضة بعد في السكري وسارة وارثة المرض منها .. البنات في حالة حزن قوية ..وكل اللي في البيت يذكرهن بهند شيخة طلعت من الحالة الحرجة اللي كانت فيها وللحين ماتدري شصار .... حصة أم شيخة زارتها في المستشفى كانت شيخة متاذية وايد ولما وعت سألت أمها ـــ يمه شالسالفة انا وين وأنت شتسوين هنا ؟؟ ــ رجعت من العمرة من ثلاثة أيام ما تتذكرين يوم أنا وأبوج سلمنا عليج؟؟ ـــ لا شصاير ؟؟ ـــ أنت ما تتذكرين شصار .. سرحت شيخة شوي وقالت ـــ كل اللي أتذكره إني يوم إلتفت حق هند كانت تطالع من دريشتها وتتشهد .. حصة ماقدرت تمسك عمرها وصاحت ..شيخة شكت وقالت ــ شالسالفة؟؟ ـــ هند ماتت ماتت .. ********** ثلاثة أيام ودلال في المستشفى وهي ساكته وتصيح بس تصيح زارتها الجازي لكن دلال ما تكلمت .. دموعها هي اللي تكلمت يوسف يزورها كل يوم ..وهي على حالها .. مافيها روح علشان تتكلم.. بعد أسبوع الطبيب رخصها وقال إنها تقدر تطلع ..لكن لازم تراجع علشان جروحها ..ركبت مع يوسف وهي ساكته ..يوسف يعرف إنها ما بتتكلم فحط شريط قرآن .. ((ذلك الذي يبشر الله عباده الذين آمنوا وعملوا الصالحات قل لاأسئلكم أجر إلا المودة في القربى ومن يقترف حسنة نرد له فيها حسنا إن الله غفور حكيم ))* ****************************** طبعا مع إني ما شفت أي أراء أو ردود بحط كم حلقة لكن صدقوني ما بكمل اذا ما شفت ردود .. الحلقة الثالثة .. أول ما دخلت البيت حست إنه مظلم ..حست إنها بتتعذب أكثر وأكثر ..اركضت لغرفتها دخلت وقفلت الباب وانسدحت على سريرها وهي تصيح .. دخل فيصل وسعيد للصالة وهم متضايقين كان يوسف قبلهم والدنيا قفلت في وجهه ..قام لأخوانه الكبار .. فيصل ــ يبت دلال ؟؟ هز يوسف راسه ــ ايه .. فيصل ـــ قوم يا سعد نسولف معاها شوي ونطلعها من كربتها .. يوسف ــ لا تعبون نفسكم ..صار لها أسبوع ما انطقت كلمة .. ماشي غير الدموع وبس ..الحين صكت الباب على نفسها .. سعد ـــ أنا صراحة ما أصدق اللي صار ..لا إاله إالا الله .. يوسف ــ دلال أنا خايف على دلال دلال تلوم نفسها على اللي صار خصوصا إن محد زارها لا أبوي ولا أمي ..حتى خواتي ما زاروها ..أعتقد إنها تحس إن الكل يلومها . فيصل ـــ لا مالها ذنب ..الشرطي واحد من أصدقائي وقال لي أن الشاحنة تجاوزت الإشارة الحمرا .. طبعا سايق الشاحنة ما نجا من هذا الحادث ..بعدين أبوي من خلص العزا وهو معتكف في المسجد .. وأمي كل يوم السكري مطيحها من طولها والأطباء مايبون يرخصونها ..يخافون عليها .. يوسف ــ لاإله إالا الله ..لا حول ولا قوة إلا بالله .. فيصل ــ ما أدري ليش تقول إن دلال تلوم نفسها .. يوسف ــ لأنها طلعتهم يتمشون .. سعد ـــ لكن هذا كان قضاء وقدر .. وقف يوسف وهو يقول ــ عاد ..دلال من اللي يقنعها .. ـــ أنا .. إلتفتوا للصوت كان أحمد .. رجع من السفر ..ما كانوا شايفينه من سنتين ..بالأحضان استقبلوه إخوانه ..وبدا أحمد يبجي وما قدر يوسف وفيصل إنهم يمسكون حالهم فبجوا معاه .. دلال في عالم ثاني وهي سرحانة تتذكر هند ..ما أكثر ما كانت تصارخ عليها وكانت هند تتقبل ..شكثر أشياء كانت تبي تقولها لهند ..سمعت صوت مفتاح استغربت!!من عنده مفتاح غرفتها ..طل براسه وهو يبتسم وقال ــ مفاجأة!! قامت له وهي تعرج ورمت نفسها في حضنه ..ماقدرت تمسك دموعها .. غرقت ملابسه وهو يهديها .. جلس على السرير .. أحمد هو توأمها .. أحمد ــ لا إله إلا الله ..الله يرحمها .. ما قدرت تتكلم .. الكلمات متحجرة على لسانها تحس إنها أثقل من جبل .. حس أحمد فيها ..وقال ــ يالله خلينا ننزل تحت ..أخوانج يبون يشوفونج يبون يشوفون دلال القوية .. نزلت عيونها في الأرض أحمد شاف دموعها تطيح على الأرض ..وقال ــ وغلاتي ..يالله خلينا ننزل ..هزت راسها حضنها أحمد وسندها علشان توقف .. كانت المفآجأة الثانية قدامها في الصالة ..ابوها اللي أول ما شافها خذاها بحضنه ..بدون ما ينطق ..وهي تبجي وتقول ــ يبه آنا آسفة ..آنا آسفة .. الأبو ــ لا يابنتي حرام هذا قضاء وقدر .. لاهو ذنبج ولا ذنب حد ثاني .. ************** الجو متوتر خصوصا بعد رجوع ظبية أم دلال ..اللي سلمت على بنتها بكل برود ..يوسف وفيصل يحاولون أنهم يلطفون الجو ..لكن لا حياة لمن تنادي . |
شهر ..شهرين ..وهذا الشهر لثالث ..البيت ما عادت فيه حياة محد عاد يضحك مثل قبل وحتى بنات العم صار بينهم touch دلال طول اليوم مندسة في غرفتها ..والبنات حمدة وسارة ..يا يطالعون أفلام ..يا مندسين في غرفتهم ..الأم ..تقريبا بدأت ترجع لحياتها ..فهند مب أول ظنى تفقده ..فقدت قبلها بنت وولد أول ما نولدوا .. بس شكثر ما كانت تسرح وتفكر .......................................... طقت الخدامة الباب فتحت دلال الباب ــ ها سيسيت شبغيتي ؟؟ ـــ بابا يقول غدا .. نزلت دلال تحت كانوا كلهم جالسين على الأرض ..سلمت واجلست ..كالعادة فيصل يحاول إنه يلطف الجو المشحون بينهم ـــ تصدقين يمه هالأكله من زمان ما أكلتها .. الأم من دون نفس تتكلم ــ يمه فيصل لو ناسي هذا غدا أمس اللي محد أكل منه غيرك جمدته واليوم سخنته .. يوسف ما قدر يكتم ضحكته .. وفيصل انحرج ما عرف شيقول ..الأبو ابتسم ..والبنات اضحكوا على خفيف ودلال ملامحها جامدة مثل ماهي ما تغيرت .. كالعادة دلال ما أكلت ..وقامت اول وحدة ..أحمد ــ دلال ما أكلتي .. إلتفت له ــ بس كافي شبعت .. أحمد ــ دلال أنا ماقلت لج أني بكره بسافر .. دلال ـــ لا ما قلت .. وراحت غرفتها والدمعة في عينها ..أحمد مو بس توأمها أحمد توأم روحها .. بيسافر ويتركها هي اصلا ما اتحملت الثلاثة أشهر اللي راحت إلا علشانه .. ...... سارة ودمعتها في عينها ــ بحياتي كلها ما شفت دلال منكسرة جذي ..توقعتها أقوى . .أحمد طالع أخته بحنية وقال ــ ما عليج دلال اللي أعرفها بترجع ..ولازم كلنا نتخطى هالأزمة ..مب بس دلال .. صح يمه؟؟ ظبية تقريبا تأقلمت وقالت ــ يا ابني مابيكون سهل علينا ..بس لازم .. نكمل حياتنا .. فيصل ــ متى بتسافر؟؟ أحمد ــ بكرة الساعة ست الصبح .. سارة ــ بهالسرعة؟؟ أحمد ــ سويرو صدقيني عندي مشاريع وايد ماجلها ما فيني أطول أكثر .. يوسف ــ بحج السنة عن هند الله يرحمها .. طالعوه الكل متفاجأين بقرارة .. الأبو ــ لا يا ابني أنا بحج عنها .. يوسف ــ يبه خليني أخلص ضميري ..هند السنة اللي راحت كانت تبي تروح بس أنا رحت بدلها ..وزعلت علي شوي .السنة ببري ذمتي ..على الأقل أسوي لها شي كانت تبي تسويه .. الأبو ـ على راحتك .. ******************* ـــ ما تلاحظين إنها من بداية المدرسة تلبس أسود وألوان غامقة العام ما كانت جذي .. ـــ ليش ما تدرين إن أختها توفت؟؟ اللي في جامعة خاصة صارت مناحة عليها حتى دكتورها اللي في الجامعة زعل عليها يقولون كانت آدمية ومحبوبة وايد ..يقولون إنها كانت رسامة أو شي من هالكلام .. .................. البنات منصدمات من تغير مدرستهن دلال ..أسلوبها غير العصبية راحت .. .. دلال كانت قليلة الكلام .الجازي وندى وشيماء وسعاد محتارين فيها يسولفون معاها عادي .. الجازي ــ ندى فديتج سلفيني الموسوعة اللي عندج .. ندى ــ خذي ..شلون فهاااااادي معاج؟؟ الجازي طالعت ندى بوحشية ــ فهادي في عينج اصغر عيالج هو وأنا ما أدري سمعي أنت مالج خص في فهد ومحد يدلعه غيري !!! انصدمت ندى من ردة فعل الجازي وقالت ـــ بل هالكثر تحبينه؟؟؟؟؟؟؟؟ اسكتت الجازي ردها كان انفعالي واايد ويهها استوى أحمر ضحكت ندى وشيماء عليها ... ندى ــ صج تعلي أنت ما كلمتينا عنه وشلون صارت الملجة بدون محد يدري .. تأكدت الجازي إن الباب مقفول وقالت ــ صراحة ما قدر أسولف ودلال موجودة .. ندى ــ دلال وشخص دلال في السالفة؟؟ الجازي ــ خطبتي صارت يوم الحادث تذكرون ؟؟ما أحب أذكرها .. سكتوا البنات معاها حق اللي صار في دلال حطمها وهم يحاولون أنهم ما يذكرونها .. الجازي ــ تعرفون ملجت من شهرين كان مستعجل ....الحفلة كانت بسيطة وايد أهله واأهلي .. الصور مب عندي عنده .. للحين ما تكلم معاي .. ندى ــ لييييييييييييش؟؟ الجازي ــ مسافر بيرجع بعد أسبوعين .. ندى ـــ وين مسافر؟؟ الجازي ــ وأنا شدراني ؟ ندى ــ فهد مب خلاص صار ريلج؟؟ الجازي ــ شالسؤال الغبي ؟؟ ندى ـــ أجل ليش مخليته على حل شعره؟؟ الجازي ــ وأنا شدراني أول مرة اتزوج! ضحكوا عليها البنات ندى وشيما وسعاد ..وعلى حسن نيتها وقالت سعادــ اللي يشوفش تهددين ندووش من قبل شوي يقول ذايبة حدش في غرامه .. استحت الجازي ــ صراحة أنا أموت عليه .. ندى ــ وشوووووووووووو؟؟ اذا ماكلمتيه ولا هو كلمج؟؟ شيماء ــ صج اذا ما قابلتيه وهو ما يحبس وأنت ما تحبينه من وين طلع هالحب؟ الجازي ــ أخته أعطتني صورته صراحة أنا مقابلته ليل نهار وخلاص قلبي نطق وقال أي هو .. ندى بدفاشة معهودة منها اركضت لشنطة الجازي وهي تسب ــ صج مطيرية يالخايسة عندج صورته وخاشتها عنا ؟؟ وطلعت الصورة قبل ما تحوشها الجازي .. ندى ــ مش بطاااااااااااااااااااااااااااااااااااااااااااال .. طالعتها الجازي بنص عين ..وشيماء شافت الصورة شهقت ــ يالعيوووووووووووز مش بطاااااااااال؟؟ قولي إلا يهبل يجنن ذا كنج اوف هانسم بيوتفل كيووووت .. بسرعة الجازي اخذت الصورة من ندى وقعدت تقرا المعوذات بصوت عالي وتذكر الله وهم ميتين من الضحك عليها .. سعادــ ما توقعنااااااااش كذا غيورة حدش !! الجازي معصبة ــ حدش ولا حطلع , عيونكم اذكروا ربكم والله ان صار فيه شيء ما بتلومون إلا نفسكم !!!!!! ضحكت ندى بصوت عالي وقالت ــ والله مالومش إن حبيتيه يعل قلبس الهنا انتا يا عمري !! طبعا ما فهموا شيء لأن ندى قلدت سعاد وشيماء ولزقت جملة ثانية في السالفة ..مالها دخل كعادتها مدري من وين تطلع سوالفها ؟ رن الجرس وكلهم تصلبوا بسرعة خشت الجازي الصورة وقالت ــ الحين دلال خلصت حصتها أنا عندي حصة .. الوضع ما عجب ندى كل ما تدخل دلال تنقلب الغرفة هدوء وكآبة وبعد ما نطلع يرد الجو القديم الأولي الضحك والغشمرة ..فقررت في تفسها إنها تواجهه دلال بروحها الحصة الخامسة بتكون دلال بروحها هنا الكل عندهن حصص .......... جلست دلال وهي تقرأ بدفتر التحضير ..ندى كانت تتصرف كأنها تبي تصحح الأوراق وبمجرد ما طلعت الجازي وكانت آخر وحدة في الغرفة سكرت ندى الملف اللي فيه أوراق وقامت وسكرت الباب ورى الجازي ودلال تحاول إنها تلهي عمرها في دفتر التحضير .. ندى ــ دلال.. دلال ـــ نعم .. ندى ــ صج أنج مداومة مسائي؟؟ دلال ـــ من قالج ؟؟ ندى ــ بنت عمتي تداوم هنا كطالبة مسائي ..وكلمتني أمس عنج.. دلال ــ عاد مين خولة ولا هناء ولا منيرة .! ندى ــ خولة ..مافي غيرهم طالبات عندج؟؟ دلال ــ امبلى في وايد لكن الباقي كلهم حريم كبار أو بدو مو من طقتج..بس هاذيلي الثلاث شوي .. ندى حست إن دلال تحاول إنها تتهرب فقالت لها بصريح العبارة ـــ تدرين إن اليازية انخطبت رسمي .. دلال ــلا ما قالت لي ..بس أدري أنها كانت تبي تنخطب قالت لي يوم .. وتذكرت دلال اليوم اللي تكلمت فيه الجازي عن خطبتها وانخطف لون ويهها ..ــ متى؟؟ حست ندى إن دلال تبي تتهرب كالعادة بأنها تطول السالفة وتاخذها وتجيبها ..فاستجمعت قوتها علشان تبطها في ويهه دلال ــ لا موبس انخطبت ملجت بعد ..وصار لها شهرين .. فكرت دلال وهي مندهشة ليش ؟؟ليش يالجازي شسويت فيج؟؟خايفة أنج تقولين لي؟؟ دلال ـــ مستحيل اليازي ما قالت لي أنا تقولج أنت؟؟ هالكلمات كانت قاسية على ندى لكن ندى متفهمة حالة دلال وقالت ــ أدري إني مو رفجة عمر مثل الجازي لكن غلاتكم عندي مثل غلات خواتي وأعزكم بالحيل ..الجازي ملجت وخافت على مشاعرج صار لها شهرين وهي ساكته ماتبي تقولج خايفة عليج اليوم تكلمت ..الجازي تعاني ..الجازي محتاجة لج كأخت كصديقة أنتوا كنتم دايما تتساسرون وكل علومكم وأخباركم عد بعض ..أنا ما أرتاح إلا يوم أكلم صديقة عمري بكل شي في قلبي ...لكن يوم أشوف الجازي أدري إنها تتعذب ..لأنج الوحيدة اللي كنت فاهمتها ..بس هي تراعي مشاعرج حتى حفلة الملجة كانت بسيطة تذكرين يوم كانت تتكلم عن زواجها تذكرين خططها ؟؟الجازي بتتزوج بعد ثلاثة شهور .. ما أعرف شقول بعد لكن يا دلال الحزن اللي أنت فيه حرام ..أنت ما تلبسين إلا أسود حرام أختج في قبرها بتتعذب ..دلال اللي تسوينه ولاعدة ..الأعمار بإيد الله وما دايم إلا وجهه .. كلنا في الأخير بنموت ..خلاص .لا تحبسين عمرج في هالحلقة .. الدموع تلمع في عيون دلال وهي تقول ــ تدرين ليش داومت مسائي ؟؟لأني كرهت البيت ..كرهت أني أرجع له كل يوم وهند محد ..كلام وايد في قلبي أبي أقوله لهند ..لكنها راحت ..راحت وهي ..زعلانة علي ..آخر لحظة بيني وبينها كانت زعل ..على سبب تافه ..اللي في قلبي أكبر من أني أقوله بلساني ..أحس قلبي بيتقطع بس أتذكرها ..وتبيني أطلع من الحالة اللي أنا فيها؟؟ ونزلت دموعها وبدت تبجي بطريقة تقطع القلب ندى بسرعة احضنتها وقعدت تصيح معاها لأول مرة دلال تفتح لها قلبها ..فجأة دلال اكبحت دموعها وقالت ــ خلاص ...أنا ماكان قصدي |أقولج الكلام اللي قلته يوم كلمتيني عن الجازي .. ندى ــ أدري والله أدري ..وأنا مستحيل أزعل منج .. دلال ــ الخايسة ما قالت لي انا أراويها .. ضحكت ندى هذي دلال اللي افتقدوها .. قامت دلال وبطلت شنطة الجازي ولقت الصورة وقالت لندى ــ هذا هو الخايس؟ هز راسه ندى وقالت ــ ايه شتبي تسوين؟؟ دلال ـــ بعذبها ..باخذ الصورة بدون ما تدري .. ضحكت ندى زيادة وقالت ــ والله بتتخبل علينا انت شدراج بالصورة؟؟ دلال ــ جذي صج هو عندها يشوفها كل يوم لكن حتى ولو الصورة الأولى هي الأصل .. ندى ــ لا ما شافته ولا كلمته للحين مسافر ويوم سألناها وين قالت مادري ويوم هاوشناها قالت مادري أنا أول مرة أتزوج!!!!!!!! دلال ــ هي تحبه؟؟ ندى ــ تموت عليه وبوم نقول أي شي عنه تاكلنا .. دلال ــ صراحة ماتنلام هو ما شاءالله يهبل. ندى ــ الجازي مب قاصرة بعد .. ************ الحلقة الرابعة اليوم الثاني الكل انصدم دلال قطت اللون الأسود ولابسه زيتي ..ندى في قلبها افرحت إن اللي سوته أثمر معاها ..بس ما قالت لأحد عن اللي سوته شي ..جلست دلال على كرسيها وهي متنبهة لنظرات ندى المستانسة ..دخلت الجازي وسلمت وما انتبهت إن دلال قطت الأسود ..بسرعة تدور في الأدراج وفي الملفات وفي الدفاتر وندى ودلال بينهم نظرات خبيثة ندى تستهبل ـــ ها جوز شفيج قلبتي المكتب رأسا على عقب كما يقال باللغة العربية .. الجازي مالها خلق حق ندى رفعت ايدها بإستخفاف ــ ولا شي . وتمت تدور وندى ودلال يتناغزون عليها الجازي مسكينة من ارجعت البيت تبي تنام وبغت تطلع الصورة مالقتها وهي مستخفة .. دورت في كل مكان مالقتها .. كانت متفائلة يمكن ألاقيها في المدرسة لكن ما لقتها تستحي تطلب صورة ثانية وخالتها قالت لها تزهب صورة ريلها علشان تشوفه لبناتها ..الجازي كانت دايما تحتر يوم بنات خالتها يطرشون صور خطاطيبهم حق وكان نفس الجازي إنها تكسر عينهم لأن ريلها أحلى من خطاطيبهم .. تضايقت الجازي مافي امل .. طالعت لدلال وندى وانتبهت أخيرا للبس دلال وبققت عيونها مب مصدقة دلال عاد طلعت الصورة وقالت لها بخبث ـــ تدورين هاذي؟؟ تيبست الجازي ماتعرف شتسوي ولا شتقول الموقف عجب دلال وحبت تغلس شوي عليها مستغلة غيرتها ـــ من هالحلو؟؟ صراحة رقم تلفونه مكتوب ورا خليني أجرب وأتصل عليه ورفعت دلال جوالها وأول ما كانت تبي تدق صرخت فيها الجازي ــ لا لا لا .. طالعتها دلال وهي تستعبط عليها ـــ ريال في الحلاة كلها والزين كله وتقولين لي لا شفيج تتصرفين كأنه ريلج؟؟؟ خلاص الجازي ما فيها تخبي أكثر ـــ ايه هاذا فهادي نظر عيني ريلي.. دلال ــ يالخاينة من وراي تنخطبين وتتملجين ولاتقولين؟؟ سكت الجازي ماتعرف شتقول لكن دلال تكلمت ـــ وأنا آخر من يعلم؟؟ على الأقل كوني قد كلمتج يوم قلت إنج تبيني أول وحدة في خطبتج؟؟ وإلا هذا كله كلام لا يودي ولايجيب ؟؟أشوفج انخرستي؟؟ الجازي ما قدرت تتكلم ركضت وحضنت دلال وهي تصيح ..دلال انصدمت ما توقعت ردة فعلها تكون جذي .. دلال ــ اليازي ويهت شفيج؟؟ الجازي تصيح وتصيح وهي فرحانة إن دلال عرفت باللي صار لها وقالت بإسلوب مرح ـــ كنت أعرف إن هذيك مب إنت وقلت لهم إنج مخطوفة بس محد صدقني ها شلون الكائنات الفضائية عاملتج؟؟نسختج اللي حطوها كانت كئيبة الحمدلله أنج رجعتي.. دلال ما قدرت تقول أي شي بس قالت وهي تبتسم بينما ندى ميته من الضحك دلال ــ الظاهر أنج تشوفين أفلام أجنبية وايد هاليومين لاتخافين بأجر لج باجر فيلم هندي .. ،،،،،،،،،،،،،،،،،،،،، الجازي ــ واخيرا بيجي اليوم يزورني .. دلال ــ ليش أنت كلمتيه؟؟ الجازي ــ لا أخته صارت رفجة معاي دقت علي وقالت لي أن بيزورني اليوم علشان يبارك لي بالشهر.. دلال ــ تو الناس الشهر صار له أسبوعين وهو جاي يبارك لج الحين أمحق ريل .. الجازي ــ دلالووه يوزي كان مسافر ..يمه يا حبج حق المشاكل .. دلال ــ زين وين كان مسافر؟؟ الجازي ــ ألمانيا كان عند أخوه اللي يعالج هنااك أخوه اللي فيه السرطان .. دلال ــ لا حول ولا قوة إلا بالله ..الظاهر إني ظلمت قيس مينون اليازي . شتلبسين ؟؟ الجازي ــ مادري , يمكن بلوزة سهره مع تنورة بذيل .. دلال ــ حلو تكشخي عدل اوكي ؟؟ الجازي ــ لا توصين حريص بطيحه من أول لقا.. دلال ــ عليكي به يا إمرأة ..وداعا الجازي ــ بل إلى اللقاااااااااااااااااااااااء .. وسكرت التيلفون وسارت غرفتها ..طلعت البلوزة العنابية اللي فيها لمعة مع أكمام طويلة وتنورة حريرية بذيل لونها أسود , فتحت شعرها ومشطته ما يحتاج استشوار ناعم .. طالعت علبةالميكياج وبدت تحط عنابي خفيف ممزوج بأسود على طرف عيونها ولمسة ذهبية غير الكحل .. وعلى شفايفها قلوس عنابي فاتح .. رشت العطر اسكادا وسبحت عمرها فيه طالعت الساعة ثمان ونص في الليل هيا أخت فهد قالت إنه بيجي الساعة تسع ..نص ساعة خليها تجهز فيها سفرة بسيطة ..والشاي والعصير والقهوة .. نادت الخدامة اللي انبهرت في شكل الجازي ..اللي كانت طالعة ولا أميرة في البلوزة العنابية مع التنورة ..مرت على يدتها وسلمت عليها وقالت لها عن يية فهد .. أم الجازي متوفية من كانت الجازي صغيرة وخواتها الكبار متزوجات كل وحدة في بيت ريلها وعددهن أربع سميرة و عايدة ونورة وصافية وأخوانها العيال ثلاثة محمد وصالح وسند .. كل واحد في بيته مع حرمته وعياله ..الوحيدة اللي ما جاها نصيبها هي الجازي مع إنها أحلى خواتها خطبوها وايد لكن أبوها ما عجبه أحد والمثل المعروف يقول البنت لا كثروا خطابها بارت ..لكن الله رزقها بفهد ..كانت سرحانة والخدامة تحط الأكل يوم دخل فهد وسم بإسم الله من هالقمر اللي قاعدة قدامه ؟؟ـــ السلام عليكم.. فزت الجازي على طووووووووووول وهي مخترعة .. ـــ وعليكم السلام .. كانت بتهاوشه لأنه دخل من غير ما بطق الباب بس الجازي تذكرت إنها قالت لهيا خله يدخل على طول لأن أبوها محد وهي ما تقدر تطلع له بروحها .. فهد ــ مبروك عليج الشهر وآسف لأني ما طقيت الباب ,, الجازي وهي مستحية ــ علينا وعليك ولا ما عليك عادي منت غريب تفضل الحين أنادي يدتي .. تم فهد يطالعها وقلبه يعورة شلون يقولها ..حس إنه ظلمها واايد بها الزواج ..لكن حتى هو ما كان يعرف .. بيأجل السالفة لين بعد العيد ..بس اذا طلبت الطلاق؟؟ لازم ما أعلقها فيني . طلت اليدة العيوز اللي يالله تتحرك وقالت بلهجة استفزازية حق الجازي علشان تطيح الميانة بينها وبين ريلها ـــ هذا فهدك اللي ذابحتنا فيه ليل ونهار؟؟ هلا باللي معلق بنت ابني من قلبها ..وينك ما تطل زعلتنا منك وشوقتهم عليك. ويه الجازي انصبغ من الإحراج وانصدم فهد يعني اوريدي هي متعلقة فيه .. ما عرف شي يرد بس سلم عالعيوز و بارك لها الشهر .. وسألها عن عمه ــ وين عمي بو سند؟؟ اليدة ــ ظهر للمسيد يصلي تراويح وبعدين يسير لربعه في الخيمة مثل كل ليلة الحين أنا بخليكم وأروح .. الجازي اخترعت ــ يمه وين رايحة؟؟ استغرب فهد إن الجازي تنادي يدتها يمه .. اليدة ــ يابنتي هذا غريب علي لكنه مب غريب عليج هذا ريلج ..بروح أشوف المسلسل طلع تعرفيني أحب حياة الفهد بس مسلسلها السنة مب شي .. ضحك فهد من الخاطر على كلام أم خالد ..اللي سارت ولا عبرت أحد ,,التفت فهد حق الجازي وقال ــــ خليها وإلا إنت مستحية مني؟؟ كان فهد يجنن عالطبيعة أكثر من الصورة وكلامه خلاها تذوب ..ما قدرت ترد استحت وايد .. فهد ــ صار لنا شهور متزوجين وأنت بعدج تستحين مني؟؟ فلت لسان الجازي من دون قصد ــ عاد اللي يسمعك يقول مطيح هني ولا كأنك مطنشني .. انصدم فهد بردها ..كان طالع من القلب ..لدرجة إنه يوم انتبهت فتحت حلجها منصدمة ويهها استوى طماطة وهي تقول ــ اعذرني والله ما اقصد .بس لساني شوي طويل بقصه .. وحطت ايدها على شفايفها بحركة طفولية ..ضحك فهد والجازي تقول في قلبها فدييييييييت هالضحكة اللي تجنن .. قال وهو منزل راسه ــ معاج حق والله إني مجبور .. الجازي ــ والله أدري قالت لي هيا اليوم عن أخوك والله إني دعيت له وأنا أصلي ..بس شسوي رفيجاتي في الدوام يوزون على راسي ليل نهار مطنشج مطنشج كاشت فيج طبعا يبون يسون مشكلة بيني وبينك فثبتت هالفكرة في راسي هالغبي .. مرة ثانية تكلمت أكثر من اللزوم أكيدالريال يحب المرة الخجول مثل ما قالت لها شيماء ..وهي ماعرفت فهد إلا من دقايق ودقت معاه سوالف .. كان فهد يبتسم وهو يطالعها ..الجازي ادخلت قلبه بدقايق من وسع ..قال ــ تشتغلين ايش؟؟ الجازي وهي تتمسخرــ أربي أجيال المستقبل وأعلمهم فيزياء .. طالعها فهد مستغرب كل هالرقة تدرس فيزيا؟؟ فقالت ترد على نظراته ــ أدري قالوها إخواني قبلك .. فهد ــ شقالوا ؟؟ الجازي ـــ قالوا لي انت وجهه فيزيا انت؟؟حتى الطبخ ما بتفلحين فيه.. ضحك فهد من قلبه ..وقال ـــ لا والله ما كنت أقول جذي .. الجازي ــ عيل أكيد تقول الجملة الثانية .. فهد ـــ أي جملة ثانية؟؟ الجازي ــ الحين عرفت شسبب هالتخلف عند طلابنا .. ضحك فهد وهز راسه ــ لا والله ما كنت أبقول جذي .. الجازي ــ تبيني أسمع لك الجمل الباقية بس أخافك تمسكهم علي بعدين .. فجأة تجمد وجهه فهد من كلمة بعدين لثواني حست فيه الجازي لكنه طنش اللي في مخه وقال بجدية ـــ لا تقولين كنت أبي أقول عنج إنج أحلى مدرسة فيزيا شفتها في حياتي .. انحبطت الجازي وتفاجأ بردة فعلها لكنها قالت ــ أرجوك وانت وين شايف مدرسة فيزيا حلوة؟؟طبعا انا أحلى من المصريين اللي كل واحد كرشه قدامه يمش ببشبر و شعره في حالة تصحر عكسي .. ((((((((((((((())))))))))))))))))))(((((((((())))))))))) مرت دلال على الصالة وشافت سارة منسدحة قدام التيلفزيون ،، دلال ــ شمسهرج لهالحزة؟ سارة ــ نشوف اعادة المسلسل الظهر ما شفناه كنا في المطبخ نشتغل وبعدين بدري احنا ما ننام إلا الساعة أربع بعد السحور.. دلال ــ والمدرسة ؟؟ سارة ـــ انت تحبين المسلسلات المحلية ..تعالي شوفيه والله يجنن ..تقريبا نفس حكم البشر بس أحلى بوايد.. دلال ــ لمين وداد؟؟اوف طراق قوي .. سارة ــ ايه ..الكلب طقها طراق يعل ايدك الكسر يمال الضعفة .. طلت حمدة وهي شايلة صحون الجلي ــ شصار.؟ سارة ــ الكلب ناصر عطا الجازي طراق صج كلب وخايس .يعل يده الكسر .. قامت دلال عن خواتها لكن نادتها حمدة ــ ما بتشوفينه؟؟ دلال ــ لا بروح أقرأ قرآن .. فكرت دلال في نفسها هذا آخر اسبوع نداوم فيه الأسبوع اللي جاي اجازة العيد ..ياترى شلون بيمر عليها هذا العيد من غير هند ؟؟ وهالأسبوع شبتسوي؟؟ قبل التدريس ما خذ كل وقتها ..فتحت القرآن بعد ما توضت وبدأأت تقرا .. ((((((((((()))))) دلت الغرفة وكل البنات مجتمعات عند الجازي ـــ صباح الخير شفيكم ؟؟ شيماء ــ نسألها شصار مب راضية تقولنا الا لم تجين . دلال ــ حرام الجازي قولي لهم أنا جيت خلاص .. وقالت لهم الجازي كل شي وهم منصدمين من هالهبلة .. دلال ــ اليازي من صجج ولا تكذبين علينا؟؟ الجازي ــ والله العظيم ..ما أجذب عليكم كل اللي صار قلت لكم بالحرف .. ندى وهي ميتة من الضحك ــ صج هبلة ! دلال وهي مب مصدقة ــ اليازي و اللي يخليج قولي أنج تمزحين؟؟ الجازي ــ والله ما أمزح سولفت معاه كأني أعرفه من عشرين سنه .. دلال ــ وهو.. الجازي ــ مسكين كلامه مختصر ومتردد ومستحي كأنه هو البنت وأنا أعطيه خيارات وأقوله أي وحده تبي تقول.. خلاص ندى ماتت من الضحك وشيماء وسعاد نفس الشي دلال للحين منصدمة وقالت بلهجة تتطنز ــ شكنت تقولين لي تطيحينه من أول لقا؟؟؟ قولي تطفشينه من أول لقا .. وقامت وهي معصبة تشيل كتبها وقالت ــ زين وشصار بعدين ؟؟ الجازي ــ الوالد جا وقعد معاه شوي واستأذن فهد من أبوي أنه يكلمني في التيلفون وأبوي وافق .. دلال ــ لا زيين ..على الأقل ما طفش .أنا عندي حصة أولى يالله باي الحين .. الكل =باي .. ............................................................ ...... جلست دلال بين الطالبات على الكراسي وقالت ــ سمية يالله حلي المعادلة واشرحيها حق البنات مثل ما فهمتي .. ودلال تصحح الحلول اللي البنات تسابقوا علشان يراوونها صح والا غلط .. دلال التفت للبنت اللي تكتب على السبورة وقالت لها ــ سمية تكلمي وانت تحلين والا طلعت بنت ثانية .. سمية ــ سين تربيع زائد ثلاثة سين زائد .. طق الباب قامت دلال تشوف من .. شيماء ــ دلال تليفونج يرن مكالمة خارجية تعال شوفيه .. دلال ــ الحين ..بنات حلو التمارين اللي على السبورة الحين اجي ما ابي حسكم يطلع .. الغرفة ما كانت بعيدة علشان جذي الحقت دلال على الإتصال , ــ ألو .. دلال تجمدت هالصوت تعرفه ..طالعت البنات اللي يراقبونها اطلعت للممر واطلعت وراها الجازي ووقفت جنبها وهي تتكلم .. دلال ــ ألو .. جاسم ــ دلال ..شلونج .. الحلقة الخامسة .. دلال ــ بخير ..مين معاي.. جاسم ــ معقولة نسيتي صوتي ؟؟ دلال ــ لا مانسيت ..بس حبيت أتأكد .. جاسم ــ أدري إنها متأخرة بس البقا في راسك بوفاة هند.. دلال ــ متأخرة؟؟ جاسم ــ و حبيت أبارك لج بالشهر .. دلال ــ الله يبارك فيك لو قلت أبارك لج في العيد أهون .. جاسم ــ دلال انت ليش تكلميني جذي ؟؟ دلال ــ شلون تبي أكلمك؟؟ جاسم ــ دلال ما كنت جذي .. دلال ــ جاسم تذكر آخر مرة كلمتني فيها متى كانت ؟ جاسم ــ أذكر ..أول يوم في سنة ألفين ..1-1-200م دلال ــ يعني من ثلاث سنوات ..والناس تتغير في ثلاث سنوات .. جاسم ــ دلال انت شتبين الحين ؟؟ ضحكت دلال وقالت له بسخرية ــ اللي يسمعك يقول اني أنا اللي داقة الحين؟؟غمضت عيونها وهي تحاول إنها تهدي نفسها .. جاسم ــ دلال .. دلال ــ جاسم كلمة وما في غيرها ..انت تبيني ولا لا.. انصدمت الجازي من كلام دلال .. جاسم ــ احس إن ما في تفاهم بينا ..دلال شصار ؟؟ دلال ـــ جاسم خلاص انا بعد عندي نفس الإحساس وأتمنى إنك تنسى رقمي هذا .. ما نطرت رده وسكرت التيلفون في وجهه ..رن التيلفون مرة ثانية ..لكن دلال ما ردت ..وصل مسج .. (( دلال أنا أبي أكلمج دلال أنا أحس بالذنب إني نطرتج كل هالسنوات )) مسحت دلال المسج ما تبي ترد عليه ..وصل مسج ثاني .. ((دلال إن ما رديتي الحين أكلم أمي وأخليها تخطبج)) شالمسج ؟؟ شقصده؟؟لها الدرجة؟؟ طرشت مسج (( لا.. فهمت شتقصد ..يعني لها الدرجة ماتبيني) رن التيلفون مرة ثانية فهمت دلال إن جاسم خلاص مايبيها لكن عقدة الذنب مسيطرة عليه .. دلال ــ آلو.. جاسم ــ دلال لا تفهميني غلط ..أنا مستعد أني أتزوجج اليوم قبل باجر بس ما أحس بشي تجاهج بظلمج معاي .. دلال ــ وأنا بعد ما أحس بشي تجاهك ..وعدي لك هو اللي كان يربطني فيك لكن الحين دامك حررتني منه خلاص ..ماعندي مشكلة روح الله يوفق في طريقك .. سكرت التيلفون .. والجازي مندهشة من اللي صار ..دلال أعطت تيلفونها للجازي وراحت ... دخلت للصف و بدت تحل مع البنات المساءل وهي مرتاحة من إنها خلاص ..هم كبيرو انزاح عن قلبها ... ********* |
الجازي ــ اليوم بتتفطرين عندنا ..اتصلي على أهلج وقولي لهم إنج بتردين معاي .. دلال ــ ما أبي أكلف عليج .. الجازي ــ لا تكليف ولا شي أبوي اليوم هو ويدتي بيتفطرون عند أخوي سند .. ما أبي أتفطر بروحي .. دلال ــ تدرين ليش لا اوكي .. ودقت دلال وقالت لأبوها اللي ما يمانع لأنه يعرف علاقة الجازي بدلال .. .......... الجازي ــ ليش؟؟ دلال ــ ليش ايش؟؟ الجازي ــ جاسم كان يبي يتزوجج ليش رفضتيه ؟؟ دلال ــ والله إنج ما تدرين شالسالفة .. الجازي ــ قولي لي فهميني .. دلال ــ جاسم ما يحبني جاسم ما يبيني .. الجازي ــ وش اللي يخليج واثقة؟؟ دلال ــ قلت لج عن مكالمته الأخيرة قبل هذي تذكرين؟؟ الجازي ــ لا والله . دلال ــ كان بارد معاي وسوالفه بسيطة ..مب نفس قبل وبعدين عرفت من احمد أنه يسقط في امتحاناته علشان ما يطلع من مصر ويرد الدوحة ..وبعدين كافي إنه صار له ثلاث سنوات ما كلمني ..واليوم اعترف لي انه ما يحس بشي تجاهي .. الجازي ــ لكنه عرض عليج الزواج؟ دلال ــ لا تنسين أني ما تزوجت علشانه هو يحس بعقدة الذنب .أنه خلاني أنطره .. رن تيلفون الجازي في هاللحظة .وكان رقم فهد .. الجازي نست الدنيا بحالها وكلمته ودلال الصقت في السماعة .. فهد ــ السلام عليكم ... الجازي ــ وعليكم السلام .. فهد ــ شلونج شخبارج .. الجازي ــ بخير الحمدلله وانت شحالك؟؟ فهد ــ ..اشتقت لج.. الجازي خلاص ذابت ودلال تبحلق فيهاــ والله طيحتيه .. الجازي ــ شدعوة متى عرفنا بعض علشان نشتاق ؟؟ دلال طالعت الهبلة اللي قدامها وقالت لها بدون صوت مالت عليج.. فهد ــ والله من أول لقا .. الجازي ــ عاد افطرت؟؟ فهد ــ يحليلج تضيعين الموضوع ..ايه .. الجازي ــ وين ؟؟ فهد ــ عند حرمتي وين بعد.. الجازي ــ شنوووووووووووو؟؟ فهد ــ شفيج اخترعتي امزح معاج ..عند أختي نوير.. الجازي ــ ايه زين .. فهد ــ تغارين؟؟ الجازي ـــ أكيد مب ريلي ؟؟ فهد ــ الله ما أحلاها طالعة منج ..عيديها.. الجازي ــ خلاص ..بس استح مب بروحنا .. دلال طالعتها معصبة وطقتها على كتفها ..وراحت عنها .. فهد ــ يعني في حد كان يتسمع ؟؟ الجازي ــ صديقة عمري كانت لاصقة في السماعة بس الحين راحت ..احنا عادي مع بعض ما نخبي شي على بعض . فهد ــ زين روحي لها ..الليلة الساعة وحدة بكلمج اوكي ؟؟ الجاي ــ انزين .. سكرت التيلفون وطاحت فيها دلال سب وطق .. ******** الأسبوع الأخير ..كلها كم يوم والعيد يشرف ..ودلال حبت إنها تستغل العشر الأواخر في العبادة .. الجازي علاقتها بفهد تعمقت واايد .. وكانت تكلمه بشكل يومي .. ,,,,,,,,,,,,,,,,, رجعت ندى من السوق وهي معصبة ...لين الحين ما حصلت شي سنع للعيد .. ندى البنت الوحيدة بين سبع أولاد . صرخ عبيد ــ مطااااااااافي مطاااافي ندى مولعة .. بكل خفة دم يجي سعد مع قلاس الماي وهو يصارخ ــوووييييووووووووويييييييييووووو.. ندى ـــ تسلم سعود صج كنت أبي ماي .. وتاخذة من سعد وتشرب .. (سعد عمره 21 سنة وعبيد 23سنة ) سعد ــ ليش معصبة ؟؟ ندى ــ مالقيت شي عليه القيمة .. عبيد ــ قيمة ولا فلافل ؟؟هههاااااااااااااااااااااااااااي .. ندى ــ ما تضحك ..بايخة .. سعد ــ قلنا لج روحي مع حريم أخواني دبي ما رضيت .. ندى ــ رحت الشهر اللي راح ..واشتريت أشياء لكن ما دخل مزاجي شي .. سعد ــ مريم للحين ما راحت دبي لو تبين آخذكم اثنينكم.. ندى وهي تطالعة بنص عين ــ أقول ليش مهتم فينا واايد رحت ولا لاء علشان هالسبالة مرايم . سعد ــ سبالة ويهج .. هذي مريم زينة الغزلان .. ندى ــ وشدراك أنها ما راحت دبي أنت تكلمها؟؟ سعد ــ لا ..أنا واثق بمرايمي ما تكلم أحد حتى أنا ..سمعت الوالدة تقول جذي .. عبيد ــ ما ادري شعاجبك في مريم هالغبية .. ضحكت ندى على غباء أخوانها يعني ايش يستعبطون ؟؟ يعني ما يدرون إن مريم تموت على عبيد؟؟ ومفضوحة .. سعد ــ عبيد ما اسمحلك ..وانتي مع هالويه ليش تضحكين ؟؟ ندى ــ تذكرت سالفة .. ضحكت عليها بعدين ماباقي شي عالعيد لا تخاف بدبر حالي .. وقامت لغرفتها .. أخوان ندى ما تنمل قعدتهم ..كلها ضحك و مزح والجد عندهم مييييح .. عبدالله ويوسف وحمد بالترتيب أكبر اخوانها وأعمارهم ((33-30-29)) كل واحد في بيته مع زوجته وعياله .. لكن خالد وعلي وعبيد وسعد للحين عزابية ما تزوجوا وأعمارهم ((25 -16 -23-21)).. امها كالعادة من بيت لبيت.. أخوانها الكبار في شركة الوكالة .. **** شيماء في البيت كعادتها مع عماتها وبنات عماتها وبنات عمها ..جمعتهم اليومية بعد صلاة التراويح ..أخوات شيماء صغار والوحيدة اللي كبيرة فيهم هي غالية ..عمرها 17 سنة ..شيماء وأخوها سلطان(32سنة ) وناصر (27سنة ) من أم وأخوانها اللي با قين من أم ثانية .. زوجة أبوها اسمها العنود وهي بكبر سلطان تزوجت أبو سلطان وهي عمرها 15 سنة .وبدأت المشاكل في العيلة عقب هالزواج .. شيماء وبنت عمها خلود تحط لها الحنة ــ خلود ما قلتي لي شتلبسين للعيد؟؟ خلود ــ قلت لس إني بلبس جلابية مطرزة ..على فكرة محمد يسلم عليس .. تحنطت شيماء ..وقالت ــ شلون؟؟متى بنخلص من هالسالفة ..قولي له خل يلتفت حق زوجته وبناته هم أولى به .. خلود ــ والله عجزت كل يوم ذابحني قولي لها وقولي لها مردها لولد عمها .وحتى أعطاني شريط وقال لي أوصله لس ..بس أنا مستحية .. شيماء ــ تعالي حجرتي .. وقامت معاها للغرفة ..دخلت شيماء وهي متوترة وقالت لها ــ حطي اشريط في المسجلة ..أنا يدي كلها حنة .. ترددت خلود لكنها حطت الشريط .. وبدا يشتغل بصوت جواد ((مردك لي مردك لي يطول الوقت أو يقصر ))بسرعة وقفت الشريط وقالت وهي معصبة ــ خلود الله يخليس ..قلبي الشريط .. فطلع صوت شيرين ــ (( أنا ببعادك يا حبيبي أنا خلصت دموع العين أنا مش عارفة أنت نا سيني وجرحني وسايبني لمين بتحن علي ثواني )) ما خلنها تكمل ..دورت بين الأشرطة اللي عندها وقالت يا ربي شلون أرد عليه ..احتارت ..ملت من محمد وسوالف محمد .. شيماء ــ خلود قولي لي شسوي ..شلون أرد عليه الأفكار خلصت من راسي .. خلود ــ لو تبين أقوله إنس ما سمعتي الشريط .. شيماء ــ ما بيصدقس ..أشرطتي ما فيها شي سنع .. خلود ــ ردي عليه بأغنية آه ياليل مالت شرين .. شيماء ــ لا لا لا ...هذيس موقف وأنا موقف ثاني . خلود ــ أغنية تترجى فيا .. شيماء ــ لا .. خلود ــ من أغاني خالد عبدالرحمن .. شيماء ــلا لا لا كلها حب ووله .. خلود ــ خلاص ..أنت ما جربتيها من قبل اكتبي له في ورقة مثل .. شيماء ــ لا ..خلاص لقيتها معاس جوالس؟؟ خلود ــ ايه .. شيماء عطيني إياه .. ............................................. كان محمد في اللحظة ناطر على نار وبقربه رفيجه نايف .. نايف ــ ياشيخ ماتروح لزوجتك و بناتك .. من الصبح وأنت هنا .. نايف انتبه لحالة محمد علشان جذي حب يرخصه .. محمد ــ أي زوجة أي زفت أنا ماني فاضي لهم .. ((زوجة محمد هي صالحة بنت خاله ..وهو من شاف شيماء تعلق فيها صالحة المسكينة تعقدت تبي تعرف زوجها شاللي غيره ..)) نايف ــ شفيك على نار من حزة المغرب للحين ..لايكون للحينك تفكر في بنت عمك ؟؟ محمد ــ ناطر ردها ..طرشت لها مرسال .. وأبي الرد .. نايف ــ صج إنك مب صاحي .. محمد ــ أنا بدخل الحمام .. أول ما طلع محمد من الميلس ..وصل مسج لتيلفونه .. نايف قام لعند محمد وصرخ ــ وصلك مسج .. محمد ــ شيقول؟؟ فتح نايف المسج وانصدم ..ما قدر يتكلم وقال لمحمد ــ أعتقد إنك تقراه أحسن ,, طلع محمد ..وهو متوضي .. نايف ــ أي صلاة هالحزة ؟؟ انت مب مصلي معاي التراويح ؟؟؟ محمد ــ بلى ..لكني بروح المسجد أقرأ قرآن شوي ..تعرف العشر الأواخر.. نايف ــ يالك مسج .. مسك التيلفون وهو يقرأ ,, (( واذا خاطبهم السفهاء قالو سلاما)) (( الحلم المستحيل)) ..طالع محمد الرقم وهو معصب ..ــ هذي شقصدها .؟؟ نايف ــ هدي أعصابك .. اتصل في أخته .. من جهه ثانية خلود ميته من الخزف ما تقدر ترد .. شيماء ــ ردي .. خلود ــ بيذبحني .. شيماء ــ قولي إن مالس خص ..وإني أنا اللي طرشت المسج .. خلود ــ والله مارد مب بايعة عمري .. شيماء ــ ردي وحطي السماعة على اذني ..أنا بكلمه .. محمد ــ ألوو خلودووووه شمعنى هالكلام ؟؟ شيماء ــ معناه اللي فهمته مب أنا اللي تنغصب على واحد مثلك ..سكري التيلفون يا خلود .. ((طبعا لأن يدين شيماء كلها حنا )) انصدم محمد شلون يعني؟؟ السالفة تحدي؟؟ أنا وحدة مثل شيوم تتحداني؟؟وشلون تكلمني؟؟؟وهي حتى رسالة ما كانت تطرش لي .. محمد ــ والله لأكسر شوكتج يا بنت عمي وتعرفين شلون .. نايف ــ شبتسوي ؟؟ بعد العيد بتشوف .. *************************** سعاد مطيحة في العزبة ..مع خواتها من بداية الأسبوع .. مزنة ــ سعيدان وين الجاي؟؟ سعاد ــ سعيدان شنو هذي بعد؟؟ شايفتني قرد؟؟ الجاي في السيارة .. مزنة ــ ووين السيارة ؟ سعاد ــ مع أخوش حمد , مزنة ــ ووينه حمد؟؟؟ سعاد ــ راح يجيب لش سم تاكلينه .. موزة ــ وأنا أخوك يا صبي نسيتي الجاي؟؟ سعاد ــ ما بتموتون ..إن ما شربتوا جاي .. موزة ــ واااااااااااااااااااانيت ..تغشوا !!!!!!!! طبعا كل وحدة تغطت بعباتها وشيلتها .. سعاد ـــ الله يغربلش الوانيت برة العزبة ..خرعتينا .. مزنة ــ يالله بنات سمعونا صوتكم غنوا .. سعاد طالعت مزنة و موزة وبدوا في نفس الوقت ((بو صاااااالح سرى ليله هل الدمع من عينه ..)) وقعدوا يغننون وتستغربون ليش سعاد ما جالها نصيبها؟؟اذا مطيحة في العزبة ليل نهار .. موزة ــ سعود.. كتى تتغربلين وتتزوجين؟؟؟ سعاد ــ ههههههاااااااااااااااااااااي ..لما تحج البقرة على قرونها ..هههههههههههههههه موزة ــ هههههههههههههه بس تعرفينه كل يوم يبحلق فيش ..من تطلعين الصبح لين تردين من المدرسة .. مزنة ــ مين تقصدين التيس؟؟ موزة ـــ هههههههههههههههههههههه أي حتى هذا واقف في الصف .. سعاد ــ جب جب ..يوم بتزوج ما باخذ رايكم يالحيايا.. مزنة ــ شوفي مالش غير خليفان .. سكت سعاد وقالت موزة ــ والله إن صرت في عمرش وما تزوجت وخليفان للحين ما عرس بتزوجه .. ضحكت مزنة وموزة سعاد تمت ساكته .. سعاد ــ كل يوم تعيدون السالفة ؟؟ حلال عليش خليفان يا موزة .. وقامت عن خواتها وهي معصبة .. مزنة ــ مو قلت لش ما ترضى عليه؟؟ موزة ــ اللي يسمعش عاد ..أصلا هي ما تطيق تسمع سيرته ........ سعاد تضايقت من موضوع خليفان ..خليفان هو ولد جيرانهم .خليفان معوق ..وانسان غامض ..تسميه أخته كتلة العقد ..سعاد تعز خليفان وايد ..بس تكره خواتها يوم يتطنزون عليه ..تحس كأنهم يتطنزون عليها هي .. ************************************************************ ************** هاااااااي سوري تأخرت عليكم شوي و مشكوريييين وايد على الردود ..اسمحوا لي ان تأخرت عليكم والله ظروفي شوي .. الحلقة السابعة .. الكل لاحظ تغير دلال ..انصدموا ..دلال ما عادت تضحك ما عادت تتكلم وايد ..من بعد رجوعهم من الإجازة والكل مستانس دلال حاولت إنها ما تخرب عليهم فرحتهم .. ندى ــ تعالوا بنات طبعا عدا اليازي مدام ..انا عازمتكم .. شيماء ــ وشو سبب العزومة؟؟ ندى ــ العيد ..يعني شنو تعالوا اجلسوا عاد أنا يبت معاي قطع كاتوه من البتيل .. طلعت ندى من الكيسة كرتون .. اليازي ــ نكهة ايش؟؟ ندى ــ بما إن سعاد عندها حساسية من المانجو ودلال تكره الفانيليا وانت ما تحبين كيكة الكاكاو والآنسة شيماء تحسس من الفريز ..يبت لكم كاتوه مقطع ونكهات مختلفة .. دلال ـــ ولازم يعني تستعرضين لنا معلوماتج العامة؟؟ ما اختصرتيها من الأول وقلتي مشكل .. ندى ــ لازم أبين ليش أنا جبت مشكل ..أشرح السبب اللي خلاني محتارة وأنا واقفة في المخبز .. دلال ــ زين عاد يبتي معاها عصير؟؟ ندى ــ طرار ويتشرط ..طبعا لا حلو مع حلو ما يشكل زواج ناجح لكن حلو مع مر يسوي تعادل .. دلال ـــ أيوووووووووه علينا ..يبت عصير ولا لا؟؟ ندى ــ شفيج صايرة جبريت ..يبت قهوة ..نسكافيه ..هذي هي الدلة .. دلال ــ ندووش شفيج انتي لم أعهدك تطيلين بالحديث هكذا .. ندى ــ وااااااااو احلى انكليزي!!! تحلطمت دلال ..ـــ شتخرفين؟؟ شيماء ـــ ندوووش عمري ما عليش منها الظاهر مب سامعه النكته ..انت حبيبتنا اليوم ام .. دلال ــ ام الشحم واللااااحم .. ندى ــ دلالوووووه يوزي عني ..انا متعنية وصاحية من الصبح علشان تنكدين علي؟؟ دلال ــ سووووو يا سوو .. ضحكت سعاد ــ ههه وأنا على بالي بتقولين سوري علشان تفتح ندى الكرتون ونزط بهالكيك ..لاتنسون انا كنا مسوين ريجيم آخر عشرة أيام في رمضان .. ندى ــ دلال رايقة اليوم من الصبح وهي طايحة فيني .. دلال ــ يله خاطركم ..عندي رابعه .. ندى ــ ووين وين ..والكيك؟؟ يله خلصنا اجتماعنا مع المديرة واحنا يوعانين .. دلال ــ بس عندي حصة وهذا رياضيات مب أحياء ثلاث مرات في الأسبوع..هذي ثلاث مرات في اليوم .. ندى ــ حشى دوا مب مادة ريحي البنات ولاتعطينهم حصة اليوم حرام عليج رادين من اجازة العيد مستانسين تروحين تنغصين عليهم؟؟ الجازي ــ ميثة اليوم عاد قالت لي انها تبيهم الرابعة لانها بتطلع الخامسة تبي تراجع معاهم المعادلات ..بس ما كنت ادري انج عليهم .. دلال ــ اوكي بروح ابدل معاها واجي .. بعد ما اتفقت مع ميثة اللي كانت شاكرة لها هالخدمة ردت تبي تطلع الطابق الثاني حق البنات ..انتبهت لحرمه عيوز تطالعها ..وواقفة عدالها بنت ثانية بسرعة راحت أول ما شافتها , نادتها الحرمه ــالسلام عليكم .. دلال ـــ وعليكم السلام العيوزــ يمه بنيتي ممكن تدليني على صف ثالث ثانوي.. دلال ــ بس يا يمه أي قسم العلمي ولا الأدبي ؟؟ العيوز ــ والله ما أدري ...فيه بنت اسمها هيفاء صالح ..ييت أشلها عندها موعد .. دلال ــ هيفاء صالح المنصوري؟؟ العيوز ــ أي يا بنيتي .. دلال ــ خليج بمكانج الحين أزقرها لج .. العيوز ــ لا بنتي خليني أطلع لها .. دلال ــ لا يمه الدري عليج صعب الحين اناديها لج ما بطول العيوز ــ انت من بنته؟؟ دلال ــ أنا مدرسة هنا اسمي دلال عبدالرحمن المنصوري .. العيوز ــ والله ان الدنيا صغيرة انت بنت ام أحمد؟؟ دلال ــ أي والله انا بنتها ... العيوز ــ وشلونها ظبية ؟؟ انت أي وحدة اخت احمد التوأم ؟؟ دلال ــ الحمدلله ..وانا اخت احمد ..انت تعرفينا؟؟ العيوز ــ ايه يابنتي معرفة قديمة ..قولي لها ام عبدالله مرت صالح جاسم.. تسلم عليج دلال ــ انشا الله .. العيوز ــ ما عطلج بنتي بس قولي لها اني بمرها قريب انشا الله .. دلال ــ انشاالله الحين اناديلج بنتج هيفاء ..بس انطريها في الإدارة . العيوز ــ الله يوفقج .. صعدت دلال الدري وطلعت بنت كانت مختبية ورى العامود .. نايفة ــ ها عمتي ..شرايج فيها ؟؟ العيوز ــ والله احلوت وايد واستوت حرمه لاعنها ولادونها انت متأكدة إنها ما تزوجت للحين ولا انخطبت؟؟ نايفة ــ انا متأكدة ...سمعت من أختها إنها انخطبت بس مو من العيلة ..والأبو ما وافق . العيوز ــ وبلاه جاسم ولد حصه ما خذاها؟؟ نايفة ــ حصة مين؟؟ العيوز ــ ولد عمها ..بس لا تخافين يا نايفة البنت اعجبتني وانشالله الله يكتبها لولدعمتج ..ويهديه . نايفة ــ أي والله عمتي انا بعد عاجبتني ..من يوم ضبطتني وأنا أغش .. العيوز ــ انت شتقولين؟؟ قولي تبين تفتكين وما تبين ولد عمتج ..نايفة ــ والله يا عمتي حرام عليج توني صغيرة هو أكبر مني بوايد .. العيوز ــ ما نبيج نبي وحدة عاقلة مب رقلة مثلج.. نايفة ــ آفااااااااااااااا.. في هاللحظة طقت دلال الباب .. دلال ــ ست هناء في بنت أمها تبيها تحت ,, هناء ــ مستحيل أنا عندي حصة وهايدول توجيهي .. دلال ــ توجيهي !! يا ست هناء البنت عندها موعد ..بتطلع واللي ناقصها تاخذه من زميلاتها .. هناء ــ أولتك هيك؟ دلال ـــ عاد شنسوي البنت امها تترياها تحت .. هناء ــ اوكي .. دلال ــ هيفاء أمج تنطرج تحت ييبي عباتج .. شلت هيفاء شنطتها وعباتها وطلعت مع دلال (هيفاء السنة اللي راحت كانت طالبة عند دلال )) دلال وهي توصلها ــ تدرين طلعنا معارف؟؟ هيفاء ــ صج يا أبله؟؟ دلال ــ شفت أمج تحت ويوم اسألتني عن اسمي طلعت تعرف الوالدة .. هيفاء ــ أنا أعرف إن زوجة خالي تعرفج .. دلال ــ زوجة خالج؟؟ بس أنا ما أعرفها .. هيفاء ــ لا تعرفج بالإسم بس ،العام يا أبله صدتي بتنها تغش نايفة .. دلال ــ آآآه لاتذكريني هالبنت عورت قلبي ..لو إنها ما غشت ما كان عادت السنة الحين ..وكان الحين هي في ثالث .. هيفاء ــ هي صراحة كانت راسبة راسبة .. دلال ــ زين هيفاء بعد ما توصلين لامج روحي معاها الإدارة ..مع إني شفت ورقة في ايدها بس علشان يتأكدون وشدي حيلج أبي نسبة أعلى من نسبة العام .. هيفاء ــ بس هذا علمي مب مضمون أسئلته .. دلال ــ الشاطر يتفائل ..بعدين ست هناء مب مقصرة تبي تبيكم تجتهدون في ا لتوجيهي ..أمج تحت قدام الدري ..انزلي لها .. رجعت دلال على طول للغرفة تأخرت وايد على البنات .. كان تيلفون الجازي يدق بس الجازي ما ترد عليه . دلال ــ ما تردين احترق التيلفون .. الجازي ــ ما ابي وين تأخرتي ..يله خذي اللي تبين ..وكلي .. جلست دلال جنب الجازي والبنات اللي باقين كانوا مجتمعين حول ندى تقولهم عن اللي صار معاها في العيد.. دلال ــ أرد أنا؟ الجازي ــ يا ويلج.. دلال ــ رقم مين ..الله الله مكتوب حبيبي .. الجازي ــ لاتقولين حبيبي.. دلال ــ بس مكتوب حبيبي .. الجازي ــ حبيبي انا مب انت .. دلال ــ زين ماتردين على حبيبيج؟ الجازي ــ خله يحترق ..أمس دقيت عليه لقيته مشغول يطالع هيفاء وهبي على نغم.. دلال ــ نغم!! ما في عالكيبل قناة اسمها نغم.. الجازي ــ على الدش حاط له دش في غرفته ويطالع لي هالمصايب .. وصل مسج للجازي .. (( حبي عمري ليش ماترد والله اني ما كنت اطالع بس حبيت أغلس عليج شوي )) ضحكت الجازي دلال ما بغت تتلقف وتشوف شكاتب لها .. لكن الجازي راوتها .. الجازي ــ شوفي ؟؟ على يوم بيجيب لي الجلطة تخيلي ليلة العيد يطالع لي روبي زاعلته ..بس قلت أول عيد معاه ...خليني أسامحه ..وأول أمس يطالع لي أمل حجازي ..وامس هيفاء وهبي ..مو من حقي ازعل؟؟ دلال ــ مين روبي ؟؟ الجازي ــ وحدة مفعوصة تمشي في عز النهار في الهايد بارك وهي متفصخة لابسة بدلة رقص .. دلال ــ لاه؟؟ انت مو قلتي لي انج تحرينه بكاظم ؟؟ الجازي ــ ايه .. |
دلال ــ اوكي وين الشريط اللي دايما تسمعينه له؟؟ الجازي ــ في الشنطة لحظة ..خذي ... دلال ــ اوكي .ندى وين مسجلتج؟؟ ندى ــ في الدرج احذاج . طلعت دلال المسجلة والبنات انتبهوا عليها ..وقالت دلال ــ شريطه الأخير صح؟؟ الجازي ــ ايه ليش ؟؟ دلال ــ فيه أغنية روعه سمعتها في الراديو قاتلتي ترقص .. على هالمنوال .. الجازي ــ أيه حافية القدمين .. وضبطت الجازي الشريط وحطته على الأغنية .. دلال ــ دقي على فهد رنه علشان يتأدب وتكون الفاتورة عليه الجازي ــ لا حرام .. دلال ــ دقي .. دقت الجازي على فهد رنة ..ورد دق عليها أخذت دلال التيلفون وحطت الأغنية .. (( هل عندك شك أنك أحلى وأغلى امرأة في الدنيا ؟؟ وأهم امرأة في الدنيا هل عندك شك أن دخولك في قلبي هو أعظم يوم في التاريخ وأجمل خبر في الدنيا؟ هل عندك عندك شك أنك عمري وحياتي وبأني من عينيك سرقت النار وقمت بأخطر ثوراتي أيتها الوردة والريحانة والياقوته والسلطانة والشعبية و الشرعية بين جميع الملكات يا قمر يطلع كل مساء من نافذة الكلمات ياآخر وطن اولد فيه وادفن فيه وأنشر فيه كتاباتي غاليتي أنت غاليتي لا أدري كيف رماني الموج على قدميك لا أدري كيف مشيتي إلي وكيف مشيت إاليك دافئة انت كليلة حب من يوم طرقت الباب علي ابتدأ العمر هل عندك شك؟؟ كم صار رقيقا قلبي حين تعلم بين يديك كم كان كبيرا حظي حين عثرت يا عمري عليك يانار تجتاح كياني يا فرحا يخرج أحزاني يا جسدا يقطع مثل السيف ويضرب مثل البركان يا وجهها يعبق مثل حقول الورد ويركض نحوي كحصاني قولي لي كيف سأنقذ نفسي من أشواقي وأحزاني قولي لي ماذا أفعل فيك أنا في حالة ادمان قولي لي مالحل فأشواقي وصلت لحدود الهذيان .قاتلتي ترقص حافية القدمين في مدخل شرياني .. من أين أتيت ؟ وكيف أتيت ؟ وكيف عصفت بوجداني؟؟؟؟؟؟؟ )) دلال والجازي وندى وشيماء وسعاد اندمجوا وايد مع الكلمات كانت رومانسيه جدا ..كانت ساحرة واللحن رائع وأسلوب كاظم وصوته الرائع أغرقهم في كوامن نفسهم ..ناهيك عن كلمات نزار قباني الرائعة الحلوة إلى حد الثمالة ..سكرت دلال التيلفون ..وما حد علق ..اللعبة اللي ابتدت في البداية ما صار لها معنى ..أما على الناحية الثانية ..فهد ..لأول مرة في حياته يشعر بهالشعور ..كأنك ياكاظم تتكلم عني عن الجازي اللي ادخلت حياتي ..وغيرتها ..كل كلمة من هالكلمات أعنيها وأوجهها لج يالجازي ..الجازي ماألومج يوم حبيتي كاظم الساهر ..لأنه بصراحة وصل احساسه بالكلمات ..المفروض إنج تحريني بهالتيلفون؟؟ لا يالجازي ..انت أبهرتيني وخليتيني أتمسك فيج أكثر ..بعد ما قررت أصارحج بالحقيقة..يالجازي اكتشفت في هاللحظة إني أحبج وإني علشانج بناضل ..بناضل وأكافح المرض .. &&&&&&&&&&&&& الحلقة الثامنة .. رجعت شيماء للبيت وهي غير متوقعة المفاجأة اللي ناطرتها ..نزلت من السيارة وكان محمد واقف قدام باب البيت يبي يروح لكنه شافها ووقفها .. محمد ــ شيماء ..شلونج؟؟ شيماء ماردت لكنها قالت بوقاحة ــ عاد صالحة يات معك ولا لا ؟؟ محمد ــ ليش عمرج سمعتي عن واحد ياخذ حرمته معاه علشان ياخذ عليها ضرة ؟؟ انقبض قلب شيماء لا يكون سواها؟؟لا مستحيل .. شيماء ـ أي احسن علشان ماينرفض قدامها فتقلل من قيمته .. أو يطيح من عينها .. عصب محمد ..لكنه قال في باله انا المنتصر لازم أقهرها وأكسر شوكتها .. محمد ــ صح يمكن .. يله أشوفج بعد أسبوع .. شيماء ــ وليش متأكد انك بتشوفني بعد اسبوع؟؟ محمد ــ حبيبتي لأنه يوم عرسنا !! التفت الدنيا في شيماء ..لا لا لا ركضت داخل وكان ابوها في الميلس ..جلست قدامه وقالت له ــ يبه فديتك أنا قولي تم .. الأبو ــ على ايش يابنتي ؟؟ شيماء ــ يبه قول انك مابتيوزني لمحمد !! الأبو ــ بس يابنتي هالأمر طلع من ذمتي أنا أعطيت ولد عمج كلمة والعرس بعد اسبوع .. شيماء ــ لا لا يبه أنا ما أباه يبه متزوج ..وعنده عيال .. الأبو ــ واذا متزوج وعنده عيال الشرع حلل أربعه بعدين هو بياخذج علشان تجيبن له الولد اللي ماجابته صالحة .. سواها محمد ..لا ليش ؟؟ ضغط على أبوي من ناحية هو متعصب فيها الولد ..مع إن بناته أكبرهم عمرها أربع سنوات ..وفوق إنه ولد عمي ..لا لا ..الدموع عرفت طريقها وشيماء خلاص انهارت ..وهي تدخل البيت شافتها أمها اللي درت بالسالفة ..لكن ما تقدر تسوي شي إذا أبو سلطان أعطى أحد كلمته مابيتراجع عنها ..وأكبر دليل أخته هيا زوجها بين يوم وليلة ..حق واحد عنده زوجتين مب زوجة وحده وهو ما يقرب لهم شلون ما بيزوج بنت حمده اللي يكرها لولد عمها؟؟ نكاية في أمها؟؟شيماء تصيح طول الوقت بدون صوت ...هالشي أخرسها ..دقت على خلود ــ خلود إلحقيني .. خلود ــ شيماء ؟؟ شفيه صوتس ؟؟ليش تصيحين؟؟ شيماء ــ خلود عرسي على محمد بعد أسبوع . خلود انكتمت ..صدمة ..طلع صوتها واطي أقرب إلى همس ــ شلون؟؟ شيماء ــ أبوي ..(ماقدرت توصف الأممر مالقت كلمات تساعدها والدموع مغرقة عيونها ) ولد ..بنات أتزوجه ..وافق .ما أعرف شقــ..ول ..أبوي .. خلود ــ خليني أكلمه وأرد عليج.. بسرعة راحت خلود لبيت أخوها اللي ملاصق لبيتهم .. محمد ــ شتسوين هنا؟؟؟ليش تصيحين؟؟ خلود ــ محمد قولي إنك ما سويتها .؟؟ ابتسم محمد ــ علشان تقللون من قيمتي .. خلود ــ حرام عليك البنت ما تبيك .. محمد ــ خلود فارجي .. وسكر الباب في وجهها ..وهي ما تعرف شلون ترد عليه ..ما تعرف شتسوي اركضت لأمها وقالت لها السالفة الأم حز في قلبها إن أبنها ييب على بنت أخوها ضرة ..بس هي تبي تشوف الولد ..وهذي ثالث بنت تييبها صالحة وتوه أبو محمد عايرها ببنت أخوها .. أم محمد ــ خلي يتزوجها بس المسكينة ما يمديها اسبوع تتجهز فيه .. انصدمت خلود ــ يمه بغيتس عون طلعت ..يمه اسمحيلي البنت تكرهه ..وحرام عليس هذي بنت أخوس شلون ترضين تصير عليها ضرة؟؟ أ م محمد ــ أنت توس صغيرة على هالسوالف انطمي ولا تشجعين البنت على الرفض مصيره ا لولد عمها سواء محمد أو غيره ومحمد أولى بها ..وأخوانس الباقيين حاطين عيونهم على بنات عماتهم .. ***** احتارت شيماء شتسوي من اسمعت الخبر وهي تصيح سلطان! فكرت في اخوها سلطان ما في غيره، شيماء ــ سلطان انت شتقول؟؟ سلطان ــاللي سمعتيه زواجك من محمد صار واقع. شيماء ــبس انا ما ابيه!! سلطان ــ ليش من متى البنات لهم راي في الزواج؟ تركها سلطان وراح عنها ..انهارت حتى انت ياسلطان ؟؟ ما تم حد ما إلجأت له لكن الكل موافق ..طرت ببالها العنود مرت أبوها ..ليش لا .. كانت العنود تسولف مع بنتها غالية يوم ادخلت شيماء بيتها وهي تبجي .. ــ عمتي عمتي ..أبيس تساعديني .. العنود ــ شفيس يا شيماء ..ليش هالدموع ؟ شيماء ـ أبوي يبي يزوجني لمحمد بعد أسبوع !! العنود ــ ....................... غالية ــ محمد مين؟؟لايكون ولد عمي ريل صالحة! شيماء ــ اييه.. شهقت غالية وقامت تصيح على حظ أختها لكن العنود كانت ساكته ما قالت شي .. شيماء ــ عمتي أرجوس اقنعي أبوي إنه ما يسوي فيني جذي العنود ــ قال لي إنه تقدم لس واحد وأنه أعطاه كلمته بس ما قال لي انه محمد ..أبوس لا أعطى حد كلمته ما يرجع فيها .. ما اقدر أسوي شي .. الأمل الأخير ..انتهى ..يعني محمد بيعرس عليها يوم الخميس اللي جاي ..احساس فظيع انتابها بالضياع ..بأن حياتها انتهت .. ********* ضحكت سعاد وهي تطالع المسلسل ...ولفت لأخوها الخبل حمد .. سعاد ــ حمد الله يخليك من هذا ؟؟ حمد ــ مالش دخل هذا رفيجي .. ورد يكلمه وسعاد ميته من الضحك على غباء هالإثنين .. حمد ـــ والله قلت لك إن شفته ..واختبى تحت الصخرة ارفع الصخرة وصوب عليه .....لا يا خبل ..في راسه أجل شلون بنطبخه؟؟ ..هيييييييييه عبووودووه والله يا ويلك .. انت خبل انت شتقول ؟؟ صار لي ساعة معاك عالجوال وأعلمك شلون تلحقه وتجي تقولي مليت والله ان ما صدته يا ويلك.. ,,,عبدالله ..ياخوي لا تخليه يغيب عن عينك ..هاه صوبت عليه؟؟ ايه وين في راسه؟؟ ليش يا حمار كله هالكبر والطلقة طيرت نصه ..زين الحين اجيك بس هاه نظفه زين .. تبي ايش ؟؟ملح؟؟ زين ..الحين أجيك انطروني انت والربع ..باي . التفت سعاد حق اخوها ــ حمد ما خبرك تا كل ضب؟ حمد ــ هذا ماهو ضب هذا فري ..الدياي الصغير .. سعاد ــ وانت الحين قاطع شوط للبر علشان تاكل هالفري ؟؟ اشتري لك أربع فري حتى سته مب أربع بعشرة ريال من الجمعية .. حمد ــ أخلي الطازج وأكل هالمجمد ..لا انت مو صاحية .. سعاد ــ أنتوا كم الحين اثنين؟؟ حمد ــ لا سته .. سعاد ــ الحين ست أنفار بتتقابلون على فري واحد حتى طاير نصه؟؟ وتقولي مو صاحيه!! طنشها حمد وطلع من البيت مسرع علشان يلحق ربعه .. وردت تطالع المسلسل ..طرت على بالها الهنوف ..بنت جيرانهم وبا ان حمد طالع ما في مشكلة تجي للبيت .دقت عليها .. سعاد ــ آلو .. ...ــ آلو .. سعاد ــ السلام عليكم الهنوف موجودة؟؟ ما سمعت رد لكن اللي رد عليها راح ينادي الهنوف ..مرت ثلاث دقايق ..يله ردت الهنوف ــ آلو .. سعاد ــ ألوين وينش يالقاطعه؟؟ الهنوف ــ واله هنا شوف من يتكلم ..شخبارش والله مشتاقة لش ... سعاد ــ عيل سيري علي البيت فاضي امي وأخواتي في العزبة وحمد راح حق ربعه في البر والوالد محد .. الهنوف ــ ما اقدر اخلي خلفان بروحه في البيت ..العايله كلهم محد طلعوا كشته .. سمعت سعاد صوت يكلم الهنوف ــ أنا موب ياهل روحي وماعليش مني .. الهنوف ــ اوكي الحين أجيش ..زهبي لي قهوتش اللي تينن . سعاد ــ اوكي ..باي .. سكرت سعاد وقامت للمطبخ تجهز القهوة .بالها مع خلفان ..كتلة العقد ..تذكرت اليوم يوم طلت على فيلتهم لقته على كرسيه يطالع لها من البلكونه .غصبا عنها ابتسمت له ..فنزل الستارة بحركة فظة ..عورت قلبها ليش يا خلفان انت للحين تذكر كلامي؟؟ كنت مراهقة يا خلفان ..مراهقة أقرب إلى طفلة ..طفلة .. الهنوف ــ في ايش سرحانه يا سعاد ؟؟لدرجة انش ما حسيتي فيني؟؟ فزت سعاد ..وسلمت على رفيجتها وقالت ــ لا ولا شي بس أحب ريحة القهوة ..فكنت .. الهنوف ــ ادري تتذكرين اللي رد عليش في التيلفون .. سعاد ــ يمه منش ..ما يفوتش شي .. الهنوف ـــ والله مبين على وجهش أنش تفكرين فيه لكن شتسوين حيط ما يحس .. تنهدت سعاد حيط حيط ..وقالت ــ قولي طبل ..ثلاجة ..كرسي ..ما اقولش لا ..الحين تخلص القهوه ..اسبقيني الصالة .. الهنوف ــ خليني معاش ..تعالي وين خدامتكم؟؟ سعاد ــ راحت العزبة معاهم .. الهنوف ــ غريبة ليش ما رحتي للعزبة؟؟ سعاد ــ خلوني مثلش بيبي ستر للخبل حمد.. الهنوف ــ لايسمعش خلفان ..يسوي فيش جريمة .. سعاد ــ ليش يعني ؟؟ انتو ولا مرة خليتوه بروحه ليش؟؟ الهنوف ــ مرة من حوالي أربع سنوات رحنا وخليناه في البيت بروحه ..وكان يوعان راح للمطبخ وحاول إنه يوصل لشغله فصار إن الكرسي الي قاعد عليه انقلب ..وتأذى وايد ..وأنت تعرفين خلفان يموت ولايطلب المساعدة من حد ..فظل حوالي عشر ساعات ..وهو جامد ..ما تكلم لين ما دخلت امي المطبخ وشافته ..كنا راجعين الساعة 11 في الليل ومتعودين نخلي خلفان بروحه ..فما استفقدناه ..من يومها ما نخليه بروحه بس اصابته كانت وايد ..خطيرة . سعاد ــ وهو شلون كانت ردة فعله؟؟ الهنوف ــ بعد ما طاب داوم مع اختصاصي رياضه للحين كل يوم يروح له ..قوى ايدينه والقسم الأعلى من جسمه لدرجة إنه يتحكم في نفسه ويقدر يسوي كل شي بدون مساعده .. سعاد ــ شي ممتاز يله نروح الصالة .. ******* الجازي ــ فهد ويهك شاحب .. فهد ــ لا ما في شي بس نزلة برد ..انت شلونج؟؟ الجازي ــ صراحة اشتقت لك وايد .. ما شفتك من متى .. فهد ــ حبيبتي عندي لج خبر شرايج تشربين حبة بندول قبل إني أقوله لج؟؟ الجازي ـــ اصلا راسي اوريدي صدع تكلم شمسوي ولا شتبي تسوي شالمصيبة اللي تبي تقولي عنها .. فهد ـــ كيفج قلت لج اشربي الحبة ما رضيتي ..حبيبتي جوز ..بسافر ألمانيا ..بكره .. الجازي ــ بتغيب وايد؟؟؟ فهد ــ شهرين .. شهقت الجازي ..شهرين؟؟ انا يومين وذبحني الشوق ابي اشوفك تغيب عن عيني شهرين؟؟ تكلمت بعد دقيقة صمت ـــ وايد ...زين ليش ما يروح حد من أخوانك و يبقى هناك مع اخوك .. فهد ــ لا حاولت قدر الإمكان اني اتملص من هالشي لكن ..ما اقدر ..بتصل فيج كل يوم ..الجازي شفيج زعلت .. الجازي ــ لا ما زعلت ..لكن افكر اني تعودت عليك كل يوم ..ما اقدر اتخيل انك بتبعد عني .. فهد ــ الجازي قوليها لي لا تخبينها ..يمكن ما أعيش .. الجازي ــ فال الله ولا فالك شالكلام ؟؟ (ودمعتها انزلت على خدودها من فظاعة الفكرة ) فهد لا تتكلم جذي .. بدت ترتعش الفكرة هزت كيانها ..فهد حز في خاطره .. وقال ــ تدرين يوم قالت لي امي متى بتتزوج ليش طريتي في بالي؟؟ ما ردت الجازي حست انها ما تقدر تنطق ..لكن فهد قدر هالشي وقال ــ قلت لها ان في بنت انا شفتها وحطيت عيني عليها تدرين متى؟؟ ما ادري اذا تذكرين ولا لا كنت بدخل الميلس اسلم على ابوج وكنت انتي في الحديقة تكلمين صديقتك ..وكنت تضحكين ..في هاللحظة انبهرت بضحكتج ..فقلت انا ابي وحدة ..مثل هذي ضحكتها تملى علي الدنيا ..انت شفتيني فعلى طول دخلتي ..كنت تلبسين الدراعة البيضا..وفيها لون احمر عرباوية كنتي ..الجازي ما ابيج تصيحين مهما صار تذكري أني أعشق ضحكتج ..وما ابي شي من هالدنيا غيرها ..قولي لي هالكلمة اللي ابي اسمعها منج .. الجازي ــ أي كلمة ؟؟(تستعبط) فهد ــ الكلمة اللي ما ابي اسافر قبل لا اسمعها .. الجازي ــ الله وياك .. فهد ــ الجوز والله ان ما قلتيها ما راح أكلمج .. الجازي ــ لا لا خلاص بقولها ..ألف حاء باء كاف .. فهد ــ ابي كلمة تعطيني حروف ..الجازي أحبج ..أحبج .. احبج ..قوليها .. الجازي ــ أحبج .. عصب فهد والجازي ميته من الضحك كان خلاص يبي يطلع بس صرخت ــ فهد لا تروح ..فهد أحبك.. وقف فهد والدنيا مب سايعته .. طالع لها بنظرة حب وقال ــ الله لا يعدمني هالضحكة .. وطلع ..وهي تمت مبتسمة ..يدتها دخلت عليها وهي شايلة قلاس الماي ..وقالت ــ اليازية ..يمه يبي لي الدوا .. الجازي قامت وفتحت الدرج وشعور بأنها أسعد انسانة على وجهه الأرض ..يتملكها .. **************** الحلقة التاسعة .. دلال تصحح الاوراق اللي بإيدها والبنات كل وحدة هادية ومستغربة اجازة شيماء المفاجئة وعرسها المفاجئة الأكبر .. سعاد ــ أدق على شيماء ما ترد ..أبي أعرف شسالفة العرس . ندى ــ أنا مثلج ..من ثلاثة أيام وأنا أحاول أكلمها ..ما ترد واليوم وصلتني بطاقة عرسها .. دلال ــ كأنه ولد عمها؟؟ ندى ــ ايه ..ولد عمها ..بس سمعت من ست عليا أنه متزوج . دلال ــ وأنا بعد ..الظاهر مغصوبة عليه ..لأني اعرف شيماء هذي مب من مبادئها .. محد علق لأن كلامها فيه شي من المنطق ..شيماء دائما كانت تحقر من اللي يتزوجون على زوجاتهم بدون سبب لمجرد الزواج .. التفت دلال للجازي اللي كانت في واد ثاني .. دلال ـــ شفيج للحين ما اتصل؟؟ الجازي ــ وعدني أول ما يوصل يدق علي صار له يومين ..ما سمعت صوته ما أعطاني رقمه اللي في ألمانيا ..بالي منشغل عليه وايد.. دلال ــ الله الله على الحب ...خليه يفتك شوي من رقابتك ..بل حاكرته ..خلي يشوف له وحدة ألمانية حلوة .. الجازي ــ والله رايقة ..وخري عني ...ماني فاضية لج .. حست دلال إن السالفة جد فقالت ـ لها الدرجة خايفة عليه؟؟ تطمني امس كنت قاعدة أشوف الأخبار ..ما طاحت طيارة من ثلاثة أسابيع .. الجازي ـــ وخري عني دلالوه ..(وبدت تصيح ).. انصدمت دلال وحطت يدها على كتف الجازي وطلعتها بره الغرفة .. دلال ـــ الجازي اللي يشوفج جذي يقول صاير شي واذا ما اتصل ..مصيره بيتصل فيج يمكن انشغل شوي مع اخوه .. الجازي ــ ما ادري آخر مرة شفته كان لونه منخطف خفت عليه ..شكله مريض .. دلال ــ لا تقولين جذي مافيه إلا العافية ..قولي شوقج له هو اللي خلاج تحاتين جذي ..بتحضرين عرس شيماء؟؟ الجازي ــ يمكن ..ما سألت أبوي .. دلال ــ اسأليه يلا نرجع للغرفة البنات بدو يحاتون ... فتحت عيونها وهي تحس إنها مصدعة حدها ..قامت من السرير ومشطت كشتها .ونزلت تحت ببيجامتها ..للمطبخ قلاس جاي هو اللي يهدي هالصداع ..طالعت الساعة ..خمس المغرب ..طولت في الرقاد .. ــ سيسيت سوي لي جاي ..tea سيسيت ــ مس لا يروح ليفنجروم ..في غيست .. دلال ـالله يغربلج مع هاللغة ..غيست شمعنى غيست ؟؟ايه ضيوف ..مين؟؟ سيسيت ــ تو هرمه مدام اولد .. مافهمت دلال شتخرف هالفلبينية .اللي لا تتكلم عربي ولا انجليزي مثل الناس ...طلعت غرفتها وأخذت دش سريع .. استشورت شعرها على الماشي ورفعته .. لبست تنورة سودا مع قميص أزرق ..رشت شوية عطر ونزلت تشوف الضيوف ..دلال من طبعها إنها تحب اللمة وتحب الضيوف يزورونها ..شمت ريحة البخور في البيت .. طلعت لها سيسيت من المطبخ وأعطتها قلاس الجاي اشربت منه شوي وأعطه سيسيت ــ خلاص وديه .. فتحت باب الصالة ودخلت .. كانت أمها يالسة مع حرمتين كبار .. سلمت ..ودخلت ..تكلمت العيوز الي كانت رافعة برقعها .فميزتها دلال على طول ..ام عبدالله ..اللي شافتها المدرسة .. ام عبداالله ــ شلونج يا بنيتي .. دلال ــ الحمدالله الله يسلمج .. تكلمت الحرمة الثانية ــ أنا أم نايفة ..ناديني أم علي .. دلال ــ اهلا وسهلا والله إني مستحية منج بس شسوي .. ام علي ــ لا يا بنتي بالعكس أنا اللي مستحية منج ..بنتي هذي ما تستحي مب كافيها إنها كسلانة لا و تغش بعد .. ما علقت دلال بس افهمت من نظرة أمها إنها لازم تطلع ..وتخليهم بروحهم .. استأذنت وطلعت ..وقلبها مقبوض ..في شي يصير ... شافت سارة تأكل وهي تطالع التيلفزيون في الصالة الصغيرة ..دلال ــ وإنت دايما تزطين ؟؟ومقابلة هالتيلفزيون متى تدرسين؟؟ سارة ــ توني طقيت ابرة الانسولين .وتعرفين لازم ازط بعدها بربع ساعة .من هالحريم اللي في الصالة العودة؟؟ سمعت من سيسيت إنهم جايين من نص ساعة .. دلال ــ معارف أمي ..تعالي شخبار بنات عمج ما شفتهم من زمان ؟ سارة ــ بخير بس تعرفين القوانين الصارمة ممنوع الزيارات إذا في شباب في البيت .. دلال ــ شالقانون الغريب من متى ؟؟ سارة ــ من انخطبت شواخي .. شهقت دلال ــ ومتى انخطبت؟؟ سارة ــ في العيد ..خطبها ولد عمنا ابراهيم ..اللي في الإمارات .. دلال ــ أعرفه ..يحليله ..والله كبر وصار يخطب توه كان عمره عشر سنوات وينطط في البيت .. سارة ما حبت تجرح أختها ..لكنها قالت بعفوية ـــ عاد الزمن محد يقدر يوقفه هذا هو كبر وصار ريال يشتغل ضابط .. فهمت دلال شقصد اختها لكنها ما ازعلت ..صج اكبرت دلال ..بتدخل التسع وعشرين بعد كم شهر وسنة ثانية تمر مثل البرق وتدخل الثلاثين ولحظتها بتصير عانس رسميا .. .. كم عمرك الحين يا ايراهيم ثلاثة وعشرين سنه اكثر ؟اقل ؟؟ يحليلها شيخة والله تستاهل .. دلال ــ وين فيصل ؟؟خليه ياخذني لها صراحة أنا ما باركت لها .. سارة ــ بروح معاج .. طلعت أمها من الصالة العودة .. دلال ــ راحو ؟؟ الأم ــ اييه وصلتهم للباب ...والله زمان ..كنت يا دلال ياهل يوم كنا نتزاور في الفريج القديم ..صج الأيام تمر بسرعة .. فكرت دلال في نفسها ..ردوا لموضوع العمر والزمن والايام خلني اقوم ..؟أحسن لايصير شي . في غرفتها ... جلست على كرسي الكمندينو ..طالعت روحها في المنظرة.. طلعت المحفظة اللي فيها ميكياجها وعلب الشادو ..رفعت شعرها ..شغلت الراديو ..وبدت في حالة من حالات التفريغ اللي تزورها حطت الأساس والباودر وبدت تمزج بالألوان .. البصلي مع الوردي الفاتح البيج ...تمزجه بطريقة كثيفة وبعدين امسكت الكحل ..وخطت كحلة فرعونية تمتد لفوق وجنتها ..غمقت الكحل اكثر واكثر ..مشت لون وردي غامق تحتها بشكل مرتب ..امسكت اللمعة الذهبية وبدت تحط على شفايفها .ووجنتها وشوي على حواجبها ..وزعت البلاشر البيج على خدودها وفتحت شعرها وبهدلته ...خصلة قدام وخصلة على جنب وخصلة شلون ملتفة ..طالعت نفسها في المنظرة وابتسمت ..ببساطة هذي لحظة من لحظات الجنون اللي تنتاب دلال ..شحنة من الغضب والفراغ امتزجوا في انها ترضي نفسها بأي شكل ..كانت دايما تحب انها تشوف نفسها بشكل ثاني وتتمنى انها تكون حد ثاني هذا الشي هو اللي يرضي دلال العاقلة اللي لو يشوفونه بهالحالة يسحبون منها لقب العاقلة ..وووظيفتها في التدريس ويحطون الخبلة ....محمد عبده كان يطرب العالم في الراديو .. (( مهما يقولون مهما صار مهما تم ..انت البدايات وآخر ساحل ومينا )) فكرت دلال مهما صار مهما تم ..يعني بيصير وبيتم وانا ابقى معلقة في هالبدايات والسواحل ؟؟ دقت الباب سارة ـــ دلال .. .. دلال ــ شتبين؟؟ سارة ــ ابوي يبيج تحت ... اعتفست دلال ..هالمصايب شلون تشيلها من على وجهها ..غسلت وجهها .. للحين ما راحت ..طلعت قطن وطلعت منظف البشرة .. وبدت تمسح ..راح تدريجيا ..حطت شوي بودر تستحي تطلع لأبوها مع كل هالميكياج .. .............................................. |
شيماء في عالم ثاني ..والحناية تهذر مع بنات عمها ... طالعت أمها وأخواتها ومرت أبوها الكل مستانس في عرس بيصير .. للحين حنة العيد لها أثر على ايدينها ..بكره العرس ..طيف صالحة مزروع في كل مكان حولها ..تحاول تتخيل شكلها يوم قالوا لها عن العرس ..قالت لها خلود انها انصدمت وما قدرت تتكلم ولا تعلق .. غاليةــ شيماء لا توقفين عند المروحة بيجف الحنا بسرعة وما يصير لونه عدل .. خلود ــ واللي يسمعس يقول ان اختس مهتمة ما تشوفينها سرحانة ؟؟ نورة (أخت شيماء عمرها 14) ــ سرحانة في محمد؟؟ أكيد ..يا حيس ..بتاخذينه عاد هويهبل . خلود ــ حتى المفاعيص صار يتكلمون ..انجبي ما بي اسمع صوتس .. شيماء ــ خليها يا خلود ما في مشكلة ..خلي تطلع اللي في خاطرها .. كانت نبرة شيماء هادية ..شخصية شيماء بسيطة ..طيوبة وهادية ..على نياتها ..لكنها وقت الجد تستمد قوة حديدية وتتماسك ..تستمد هالقوة من ايمانها انها مع الحق . صالحة في بالها طول الوقت .. مستحيل ..شلون بتتأقلم مع صالحة ؟؟ كل ما تشوف بناتها تحس بالذنب .. ********** دخلت دلال غرفة ابوها اللي في الطابق اللي تحت ..وكانت بشرتها متهيجة ومتوردة من كثر ما كانت تمسح بقوة علشان تطير المكياج ..ابوها ضحك وقال ـــ يا حليلج مستحية؟؟ أكيد أمج قالت لج .. استغربت دلال ؟؟؟ ـــ امي قالت لي ايش؟انا كنت اغسل ويهي بماي حار علشان اتوضا واصلي..علشان جذي لونه احمر .. (دلال تستغفر في قلبها على كذبها بس أبوها ما بيستفيد من الصج ) جلست عدال ابوها .. الأبو ــ يا بنتي توه ياني عبدالله ولد صالح الله يرحمه ..وهو يقرب لنا من بعيد ..وطلب ايدج على سنة الله ورسوله .. دلال ساكته عبدالله؟؟عبدالله ؟؟عبدالله ؟ تذكر انها بفترة من فترات الطفولة كانت تطلع لشوارع الفريج ويا أحمد ..وابراهيم كان صغير شوي ..تذكر عبدالله كان دايما مع العيال ..ما كان يخليها تلعب معاهم ..كان ابيض ..وشعره اجعد ..بس هذا اللي تتذكره من ملامحه .. بس عبدالله تقريبا اكبر منها بسنة ..وليش اخطبوها هي ؟؟اللي تعرفه ان الحريم يحبون ياخذون بنات صغار حق عيالهم .. الأبو لاحظ حيرة دلال ومحد يفهم دلال كثر ابوها ..فتكلم ـــ عبدالله أرمل ..عنده بنت صغيرة عمرها سنة ونصف .. تربيها يدتها ..عبدالله انا اشهد له انه خوش ريال .. وهو مهندس ..وعنده مكتبه الخاص ..والحمدلله حالته المادية ميسورة ..أخوانه الباقين في بو ظبي .. عايشين هناك ..وعنده في البيت بس أمه وثلاث من أخواته ..ما يقدر يخليهم ويطلع بنتي ..أنا شاري الريال ..وأتمنى إنج توافقين عليه وقلت له برد لك خبر بعد أسبوع ..مني ليوم الأربعا اللي جاي ..فكري يوم الأربعا الصبح بسألج رايج .. وأتمنى إنج توافقين ...لأني شاري الريال ..وبنتي ..أنا مب دايملج طول العمر .. قام أبوها وطلع ..لأنه يعرف بنته في هالمواقف ..ما تتكلم تفكر لين ترسى على شي ... ************** الحلقة العاشرة .. كانت تتقلب ف فراشها ..أسبوع يا ظالم وللحينك ما دقيت؟؟ الساعة اربع الفجر ..تمتمت (ظالم ولكن.. في القلب لسه هواه .. ان قلت بكره يحن .. ألقاه يزيد في جفاه ..) مسكت جوالها ودقت على جوال دلال .. طبعا ..مين رايق كثر الجازي .. دلال ــ ومرض ..شتبين مقعدتني من نومي!! الجازي ــ جذي ما ياني نوم .. قلت مايصير إنت تنامين و أنا سهرانه ! دلال ــ صج مطيرية ..الله يعين ريلج عليج ..ما تدقين عليه ؟؟ الجازي ــ وليش أنا لاقية له طريق؟؟ ولا ما تعبت نفسي ودقيت عليج .. دلال ــ الحين بأجر لج وكالة بحث ..بس علشان تفكيني وتخليني أنطم ..وأنام .. الجازي ــ دلالوه ووجع ..من زمان ما دقينا على بعض في هالوقت ولانسيتي حركاتنا قبل .. دلال ــ لا ما نسيت .. ولا انتي نسيتي .انت استبدلتيني بفهد ..فصرت تكلمينه في الليل ..وأنا راحت علي ..طلعت من الحسبة ..(وتتثاءب دلال في هاللحظة ) الجازي ــ شتلبسين لعرس شيماء اليوم ؟؟ دلال ــ أسود .. الجازي ـــ وأنا بعد ..أسود فحمي ..بلمعة زرقا .. دلال ــ قصدت بالأسود العباة والشيلة والبرقع .. الجازي ــ أدري ..هذا لبسج في كل عرس ..أخاف أنج يوم عرسج بتلبسين اللون نفسه! دلال ــ لا تذكريني .. الجازي ــ شالسالفة ؟؟ دلال ــ تقدم لي خاطب اليوم والمسألة شكلها جد .. الجازي ــ اليوم ؟؟ دلال ــ قصدت أمس .. الجازي ــ مين ؟؟أعرفه؟ دلال ــ تعرفين هيفاء صالح اللي درسناها العام؟؟ الجازي ــ ايه .. دلال ــ أخوها .. الجازي ــ وانت شرايج؟؟ دلال ــ شكلي بوافق لأنه مناسب لي ..وبعدين مصختها واذا ضيعت هالفرصة ..خلاص ما في أمل بعد .. الجازي ــ وجاسم! سكتت دلال ..جاسم!! الجازي ــ دلال ..وجاسم!! دلال ــ انا ما أحب جاسم ..يمكن اقتناعي فيه كبير ..لكن ..ما أحبه ..وفي حياتي كلها ما غزا هالشعور قلبي ..ولاقلت هالكلمة لأي رجل غريب ..أنا ما بخون جاسم ..لأن ما في شي يربطني فيه ..من الأساس ..سوى وعد مراهقة . يله قلبي ويهج أبي انام ,, الجازي ــ ما أبي .. دلال ــ أقولج قلبي ويهج ..شفيج ما عندج كرامة!! الجازي ــ عندي بس مترفعة عن أقوالج .. وما تسمعها .. دلال ــ الجازي ..وراي بكره عرس ..أبي أنام ..روحي دقي على شيماء ..تعرفين عروس ما راح تنام .. الجازي ــ لو عندها جوال كان دقيت عليها ... دلال ــ دقي على ندى بس فكيني من ويهج .. الجازي ــ ندى!! يالله ..أغلس عليها شوي.. دلال ــ باي .. دقت الجازي على جوال ندى .. ندى افتحت عيونها مخترعة ويوم شافت رقم الجازي اخترعت أكثر ــ ها الجازي شصاير .. ضحكت الجازي وقالت ــ صباح خير أبد ما صار شي .. ندى ــ وليش داقة علي هالحزة ؟؟ الجازي وهي تضحك ــ أصحيج لصلاة الفجر .. ندى ــ وإنت مين حاطج مسحراتي !!من وظفج؟؟دليني عليه وأعطيني اسمه وأنا أمحيه من الوجود! الجازي اضحكت عليها .. ندى ــ تضحكين يا مال الضعفة ..استغفر الله ..حرقتي دمي ..شفيج ما ياج نوم ؟؟ دقي على سعاد تراها بات ومان مثلج .. أنا ماني رايقة لج .. الجازي ــ ما أحب أوشوش من الصبح خليني معاج ... ندى ــ جوز ..حلي عن سماي ولا أسوي فيج حركة خايسة! الجازي ــ شبتسوين؟؟ قامت دلال وافتحت المسجلة وخلت الجوال قربه واشتغل ملحم بركات ..وردت وحطت راسها ونامت والجازي ميته عليها من الضحك .. (جوال ندى يسكر تلقائي اذا الطرف الثاني سكر الخط فما كانت شايله هم ..لأن الجازي هي اللي داقة وهي اللي بتخسر والفاتورة بتكون على راسها ) الجازي سكرت التيلفون ..وهي تهز راسها وتضحك ندووش وحركاتها ..دقيقة ورن التيلفون ..ردت الجازي على طول على بالها ندى ــ قلت ..مصيرج بدقين .. فهد ــ وين شاغله التيلفون في هالحزة!! الدنيا مب سايعه الجازي من الفرحة .. ـــ فهد !!!!!!!!!!!!!!! ليش ما دقيت علي !! والله خفت عليك!!( وبدت تصيح) فهد ـــ الجازي ما راح أطول . فلا تصيحين ..ما قلت لي مع مين كنت شاغله التيلفون!! الجازي ــ وحده ..شلونك؟؟و صوتك متغير ليش ما دقيت ... فهد ــ تحقيق؟؟شوي شوي علي ..أول ما وصلت انحجزت في المستشفى وهنا ممنوعه التيلفونات ..وصوتي تعبان لأني مريض شوي .. الجازي ــ سلامتك فيني ولافيك.. فهد ــ لا اسم الله عليج ..( اخترع فهد من هالدعوة كل شي ولا الجازي ) ..بس الجو متغير علي شوي ..الجو هنا بارد وايد .. بقولك الحين شنو صار ..بس قبل كل شي عيدكم مبارك ..وانشالله يعود عليكم بالخير .. الطقاقة تغني بحماس ..وشيماء تتقدم خطوة خطوة ..العرس فخم .... طالعت فستانها ...ذوق غالية ..سافرت لبنان مدة يومين مع خالها عيسى ..واشترته ..مع باقي الأغراض ..هالأسبوع مر عليها بسرعة ..من أول ما اسمعت الخبر تحنطت ..غالية عرضت خدماتها بسرعة ..لأنها سافرت لبنان أكثر من مرة مع خالها ..فسافرت ورجعت ..أمها وصت على الجلابيات والدراريع من الإمارات ..وبقية الأغراض بعد العرس توصل ..طالعت الكوشة وهي متوترة ..الفستان وايد فخم وكبير وين تطلع على الدري بروحها؟؟ امسكتها يد وساعدتها ..يوم تبينت من صاحبة هالإيد انصدمت ..فكرت في نفسها..صالحة؟؟ وكاشخة ولابسة ومسوية شعرها كأن عرس أي حد ثاني مب عرس زوجها !! ابتسمت صالحة يوم شافت نظرة شيماء..معاها حق ..فكرت صالحة في نفسها ..لولا إني أحبك يا محمد ..وما أبي أخسرك ولو على ضرة ..صدقني ما كان استهنت بكرامتي .. ........................................... في نص العرس راحت دلال والجازي لشيماء اللي كانت واقفة عندها ندى ..اما سعاد فما احضرت .. دلال ــ مبروك ..انشا الله الله يتمم عليج .. ندى ــ لا تقربون قرصت ركبتها قبلكم .. ضحكت الجازي ــ ما عليج ..أنا ودلال ..خلاص .. ارتحنا من هالعنا . التفت ندى حق دلال اللي انحرجت وتطالع الجازي بنظرة شيطانية .. ندى ـــ دلال!!صج؟؟ دلال ـــ ما صار شي رسمي بس خطبة ..حتى ما رديت عليهم برأيي ..وانت يا ام لسانين ما قلت الا لندى ..أصلا ما صار شي ,,مب غلطتج غلطت الحمار اللي يقولج .. ضحكت شيماء وقالت ــ صج يا اليازي .. يمكن الله ما يكتب شي وتنحرج . .. دلال ــ لا هي من أخذت جرعتها المخدرة وهي مخها خلاص عليه السلام .. ما فهموا البنات شالسالفة لكن الجازي ابتسمت وقالت ــ قصدها فهد ..ايه حرة ..زين! ندى ــ اتصل اخيرا؟؟ دلال ــ ايه اتصل أمس في الليل ..بعد ما أزعجتني .. ندى ــ أزعجتج أنت بعد والله أمس خرعتني ..الله يهديج في حد يتصل في الناس الساعة أربع الصبح؟؟ الجازي ـــ عادي ..أصلا كنت أبي أدق على شيماء تعرفون عروس ..ما تنام ليلة عرسها ...لكن ما عندها جوال .. شيماء ــ والله إني نمت من الساعة عشر في الليل لين الساعة ثمان الصبح !! قربت خلود منهم ــ شيماء ..محمد بيدخل في أي لحظة .. ندى ـــ يله خاطرج الله يوفقج في حياتج .. الجازي ــ الله يوفقج .. دلال ــ مبروك ..والله يوفقج تبين مساعدة؟؟ شيماء ــ الله يوفقكم جميع بس يا ريت تلبسيني الرداء ..ما عليس أمر .. ساعدتها دلال ..ونزلت من الكوشة ودخل محمد وهو مستانس وايد ..مع عدد من أخوانه ..اللي اطلعوا بعد خمس دقايق ..وما نزل عينه من على شيماء ..أبهرته .. جمال ناعم ..وهدوء عجيب ..كل شي توقعه إلا هدوئها ...عيونها الناعسة في وراها شي كبيرحس بشعور غريب .. أنه متأكد من شي واحد ..أنه ما يبي يعرف هالشي .. ******** دخل الغرفة وجلس على السرير ..دخلت وراه ..ما حاول إنه يساعدها ..يعرف إنها بترفض مساعدته .. رفعت الغطا عنها ..دخلت بهدوء وحطت المسكة على الطاولة واتجهت للتسريحة ..وببطء شديد بدت تزيح طرحتها عن شعرها .بعدين افتحت التسريحة ...انسدل شعرها كامل على ظهرها ..محمد كان يراقبها بهدوء ..خللت أصابعها في شعرها ..طالعت له التقت عيونهم ..محمد كان شكله غير غير ..كان وجهه جامد وعيونه هي اللي تتحرك ..انترست عيونها دموع ..حاول انها تتماسك ..لكن الطيف اللي تراءى لها في هاللحظة هز كيانها ..سالت الكحله مع الدموع ..كانت دموع بدون صوت .. ــ شفت صالحة اليوم ..أنت متأكد أنك ماشربتها طبوب ولا سحر؟؟ محمد ــ ؟؟؟؟ شيماء ــ لأني بصراحة استغربت جمودها ورضاها ..ما عورك قلبك يوم شفت بنتك دانة تحت ؟؟ محمد ــ ................................... شيماء ــ ندمت؟؟ بحياتي كلهاما شفت انسانة نبيلة مثلها ما رضت تسلم عليك حتى ما تحرجك قدام الناس ويقولون تبي تبين له إنها مب مهتمة .. محمد ـــ لا ..ما ندمت ولا راح أندم ..ماراح تصدقين اذا قلت لج إن صالحة هي اللي بخرتني وعطرتني قبل ما أروح العرس .. شيماء ..لا تمصخينها معاي أنا بسكت لك مرة مرتين بس ما بسكت لك العمر كله .. ************ الحلقة الحادية عشر .. دلال ـــ مستحييييييييييييييل .. أبو أحمد ــ شاللي مستحيل الريال ما غلط بشي .. دلال ــ يبه حرام عليك هند ما مرت سنة على وفاتها .وتبيني أتزوج رابع أيام عيد الأضحى؟؟ ابو أحمدــ يا بنتي ابن عمج مأجل عرسه علشان نفس السبب ..واحنا من وقت طويل ما فرحنا خلينا نقط ثوب الحزن .عبدالله أعطاني مهرج ..وقال إنه بيملج عليج يوم العرس ..خذي . اعطاها ظرف .. دلال ـــ ايش هذا؟؟ الأبو ـــ هذا المهر .ثمانين ألف ريال ...حطيه بحسابج..وجهزي نفسج .. قام أبوها ..وتركها بحيرتها .. مسكت تيلفونها ..ودقت على أحمد .. دلال ــ السلام عليكم .. أحمد ــ وعليكم السلام ..أهلين بالقاطعة ..حشى ما عندج أخو تحاتينه .. دلال ـــ أحمد الله يخليك لا تزعل مني ..والله إنك في بالي .. أحمد ـــ مبين ..شلونج وشلون الوالد والوالدة وأخوانج المحترمين؟؟ دلال ـــ كلهم بخير نا طرينك تحن وترجع .. أحمد ـــ أنا ! لا مطول شوي ..شسبب هالإتصال لا تقول وحشتنا اعرفك كذاب .. فهمت دلال إن في حد قربه .. دلال ــ من حذاك؟؟ أحمد ــ ناس ..ما قلت شلونك ؟؟ دلال ـــ لا بس حبيت أقولك إني انخطبت .. أحمد ـــ الله يبشرك بالخير ..ووافقت ؟ دلال ــ ما أدري يبي العرس رابع أيام عيد الأضحى ..هذا اللي خلاني مترددة .. أحمد ــ والوالد؟؟ دلال ــ موافق ..شرايك ؟؟ أحمد ـــ ومين تعيسة الحظ؟؟ دلال ـــ عبدالله صالح المنصوري .. أحمد ـــ أعرفه خوش ناس .. وافق.. دلال ــ بس هند ما مر سنة على وفاتها .. أحمد ـــ لا تناقش الوالد اللي يشوفه سوه ..( ابتعد صوته شوي) ناس قلت لك ما يخصك خلك مع خطيبتك ..(سمعت همس ..جاسم قصر حسك ) حبيبي .. دلال ــ ها .. أحمد ــ بروح الحين كلميني بعدين .. دلال ـــ الله وياك .. خطيبته ؟؟ طالعت الظرف ..لازم أبدأ أجهز نفسي ..وأبين له إني مب بايرة .. ******* دخل وشايل أكياس العشا .. أحمد ـــ وين تعيسة الحظ وأخوها ؟؟ جاسم ــــ راحت بيتهم .. أحمد ـــ حسبت حسابهم عالعشا ..بنادي الناطور وأعطيه الباقي .. جاسم ـــ لا لا ..أنا يوعان من الصبح ما أكلت شي ..امحق خطيبة ما تعبت نفسها وسوت لي قلاس عصير .. أحمد ــ هي جايه تدرس معاك مو جاية تخدمك .. جاسم ـــ من خطب ؟؟ وهو يفتح الأكياس ويحط الأكل .. أحمد ــ مين ؟؟ جاسم ـــ مين كنت تكلم وباركت له عالخطبة ؟؟ أحمد ــ بل ما يطوفك شي .. مد جاسم يده وقبل أن أن ياكل اللقمة ... أحمد ــ دلال اختي انخطبت ..عاد ما تصدق من خطبها عبدالله صالح ...اللي كنا نطلع معاه للبر أيام قبل .. عاف جاسم الأكل دلال انخطبت؟؟شلون ؟؟وليش ؟؟ حس بضيق بصدره .. ـــ لكن أنا حضرت عرس عبدالله من كم سنة .. أحمد ــ آخر مرة كنت في الدوحة ..سمعت إنه ترمل .. جاسم قام معصب .. أحمد ـــ على وين والعشا؟؟ جاسم ـــ أنا ماني يوعان *********** من عيوني ما طلبتوا شي ..سوري تأخرت عليكم لكنكم تعرفون حوسة العيد ..بالمناسبة كل عام وانتم بخير وعيدكم مبارك .. دخلت الغرفة وهي معصبة .. سعاد ــ شفيش؟؟؟ الجازي ــ ست سحر ..ما جات اليوم ..يعني طلب الإستئذان تكنسل .. دلال ـــ حسافة ..كنت معتمدين على هالشي ..يالله نزورها بعد العصر .. سعاد ــ بس بيكون زوجها موجود .. دلال ــ عادي يطلع ..فشيلة احنا ما زرناها .. سعاد ــ على الأقل كنا ضامنين ان زوجها مب موجود لكن الحين فشيلة هم في شهر العسل .. دلال ــ صار لهم أسبوع وتص متزوجين..يعني خذوا على بعض .ما في احراج .. الجازي ـــ ندى المعصقلة وين؟؟ دلال ـــ راحت تطبع أوراق مراجعة للبنات . الجازي ـــ يوم كلمتي شيماء حسيت إنها طبيعية؟؟ دلال ـــ عادية ليش ؟؟ الجازي ــ لا شي بس على بالي انها ..مب سعيدة بزواجها .. دلال ــ خليني أدق عليها أقول لها إن الزيارة الصباحية تغيرت لمسائية .. امسكت جوالها وطلعت ..عندها رقم بيت شيماء .. دلال ــ السلام عليكم .. صالحة ـــ وعليكم السلام .. دلال ـــ شيماء موجودة ؟؟ صالحة ــ لحظة .. ** شيماء ـــ الو .. دلال ــ سنة؟؟ شيماء ـــ لا والله كنت في غرفتي فوق ..ها بتيون ؟؟ دلال ـــ انت صاحية؟؟الساعة ثمان ..مستحيل نطلع هالحزة ورانا حصص ..كنا بنييج الساعه عشر ..لكن ست سحر مو موجودة ..علشان كده اتصلت علشان أأولك إن الزيارة حتكون الساعة أربع بعد الدهر .. شيماء وهي مبتسمة ـــ ممتاز يا حبيبتي ..أأولك إيه ..ما تجيبي معاك بدلة رأص؟؟ ونمسي عوالم بشارع الحمدانية .. دلال ــ مو لايق لج المصري بالمرة ..أقولج ,,انطرينا .. شيماء ــ انشالله .. سكرت شيماء التيلفون ..وطالعت صالحة ..اللي ماسكة بنتهاالصغيرة ..(أول مرة تتكلم شيماء مع صالحة) شيماء ــ اعذريني إن ثقلت عليس ..بس استحيت من رفيجاتي بالدوام ..يبون يعرفون لي رقم ..فأعطيتهم هالرقم .. صالحة ــ لا ما ثقلتي ولا شي .. شيماء ـــ ..بستأذن منس أنا عزمت رفيجاتي اليوم ..بما إن البيت بيتج ممكن أدخل المطبخ ..وو.. صالحة انصدمت من طلب شيماء ..وقالت لها بعفوية ـــ البيت مب بيتي البيت بيت محمد ..وإنت زوجته مثل ما أنا زوجته ..ماله داعي الإستئذان .. شيماء ــ مشكورة لكن ولو.. يبقى لس الراي الأول والأخير .. صالحة ــ لاتقولين .. تبين أساعدس بالمطبخ .. شيماء ــ والله مالي عين أطلب منس ..بس .في بيت أهلي ماكنت أطبخ ..ووو.. صالحة ـــ ؟أدري أنا كنت مثلس ..شيماء قبل كل شي ..عديني مثل أختس .. انحرجت شيماء من طيبة صالحة ..فنزلت راسها ..ما عرفت تتكلم..فهمت صالحة موقف شيماء .. صالحة ـــ لما نكون مع بعض انسي أنس ضرتي ..وأنا نفس الشي ..بهاللشكل نقدر نعيش بعيد عن هالمشاكل .. انقبض قلب شيماء ..شلون يا محمد قدرت تخلي هالإنسانة النبيلة وتتزوج غيرها ..تتزوج وحده ما سلمتك نفسها حتى!! محمد كان يوم يدخل الطابق الثاني اللي مخصص لشيماء يحط راسه وينام ..وهي تروح حق غرفة ثانية وتنام ولامرة من تزوجوا دار بينهم كلام ..ولاطالبها بحقه كزوج ..وهالشي كان مريح شيماء وايد .. ******** الحلقة الثانية عشر .. الممرض واقف عند راسه وهو يرجع دم ..أقسى نواع الألم كان يواجهها ..مسح وجهه بالمنشفة ..يحس كأن صدره يحرقه الممرض نظف المكان ..وطلع عنه ودخل غالب ابن عمه .. غالب ودمعته في عينه ـــ شلونك الحين ؟؟ فهد(وهو يلهث ) ـــ بخير .. |
حالة فهد تقطع القلب ..للتو أخذ العلاج الكيماوي للمرة الأولى ..حس إن روحه تبي تطلع ..توه طلع من عملية استئصال الورم اللي باءت بالفشل ..الأطباء يحاولون انهم يتلاحقون المرض قبل أن ينتشر ..
غالب يطالعه شلون شاحب ..ويحس أنه يتألم ..من ملامح وجهه .. فهد علشان أنه يتفادى هالألم صار يفكر في أشياء تريحه ..تذكر الجازي وانه صار له أسبوع ما كلمها وهو واعدها يكلمها يوميا ..يتذكر ضحكتها ..عجيبة هالبنت ابتسم وهو يتذكرها .. انتبه غالب لإبتسامته..بس ما حب يثقل عليه فتم ساكت ..فهد ــ أبي تيلفوني .. غالب ـــ خليته في البيت ..المرة الجاية بييبه معاي .. فهد ـــ ليش ما بيطلعوني اليوم؟؟ غالب ـــ لا .. خيبة أمل واجهت فهد ..بيتم مع هالعذاب ؟؟ يالله ..ارحمني برحمتك يا رحيم .. ******************* كانت تتعدل وتحط شوية ميك أب .. عبيد ــ شنو ما سويت بتظلين طول عمرج قرد .. طالعتله ندى معصبة ــ شوف من اللي يتكلم ...هيييه انت لا تصدق عمرك!! مع هالويه!! وبعدين شتسوي في غرفتي؟؟ اطلع أبي أبدل ملابسي .. عبيد ــ ما أبي روحي الحمام وبدلي ملابسج.. ندى ــ شفيك على ايش تحوس ..قول .. عبيد ــ مريم وافقت على سعد! ندى ـــ شلون!! متى سعد طلبها وهي شلون وافقت!! عبيد ـــ هيييه ياخبلة ..أسألج هي وافقت ؟ ندى ــ ما أدري شي عن السالفة .. عبيد ــ يعني سعد يجذب علي ..الحمار أنا أراويه .. وطلع معصب من الغرفة ..فهمت ندى السالفة ..يحليلك يا عبيد أتريك تحب مرايم.. وأنا أقول محتاس ليش ..أتاري سعيدان مسوي فيك مقلب .. امسكت التيلفون ..كانت تبي تقول السالفة لمريم ..لكن هونت . كملت مكياجها ولبسها بتمرها الجازي الحين هااااااااااااااااي سوري تأخرت عليكم ... كانت شيماء لابسة دراعة لونها فستقي على رملي ..كانت مشرقة وايد ..فتحت شعرها الطويل ومشطته ..سمعت ضجة تحت في الحوش طلت من الدريشة كانت صالحة ماخذه بناتها وطالعه ..فكرت شيماء في نفسها .. ياصالحة والله ما أقدر أواجهس .. اللي سويتيه اليوم خلاس تكبرين وايد في نظري ..والحين تاركة بيتس علشان آخذ راحتي؟؟ كملت شيماء مكياجها وهي تفكر في محمد ..لين متى بتصبر عليَّ؟؟ المحيرني أكثر إنك ما تتكلم ما تقول لي شي.. بعد ما خلصت نزلت للطابق الأول و جلست وهي تنتظر البنات .. ********* سعاد كالعادة ما حضرت .بس طرشت هديتها مع دلال .وكانت مجموعة عطور راقية من أرقى بيوت الأزياء العالمية .. ابتسمت شيماء وهي منحرجة من هدية ندى .. كانت خاتم ألماس وايد حلو ..وشكله غالي وايد ..الجازي هديتها كانت سلسة ذهب فيها اسم الله .. كانت وايد حلوة ..أما دلال فهديتها اصدمت شيماء ..شموع عطرية لونها أحمر مع قميص نوم وايد ناعم نفس اللون .. بققت عيونها شيماء ـــ ايش هذا؟؟ ضحكت دلال ـــ يعني ايش مريول مدرسة؟؟ شيماء ـــ بس أنا ما أستعمل هالأشياء .. (كان رد شيماء عفوي وسريع بدون تفكير لأن محمد ما كان يطالبها بشي ) دلال ـــ الله الله .. وضحكت بس يوم شافت انحراج شيماء قالت ـــ تحاططنا أنا والبنات ويبناه لج هدية جماعية لا تردينه .. وطلعت علبة صغيرة فيها خاتم ذهب أبيض وفيه فص ألماس ..من نوعية اللي تنباع في داماس الي فيها أحجار كريمة .. ابتسمت شيماء وما عرفت شتقول .. ـــ صراحة وايد كلفتوا على أعماركم..ليش كل ها... ندى ـــ ما يغلى عليج شي ..تستاهلين أكثر .. سعاد كالعادة أبوها مارضى أنها تجي معانا لكنها تسلم .. ضيفتهم شيماء من الحلويات اللي مسويتها صالحة ..ندى كان نفسها تسأل شيماء عن علاقتها بصالحة ..لكنها ما بغت تتدخل لين ما تقول لها شيماء من نفسها .. *** كانت جلسة ظريفة لكن فيها شوية توتر ..شيماء منحرجة والبنات حسوا فيها.. فما حبوا يثقلون عليها اشكروها على الضيافة وراحوا .. طلعت للطابق الثاني وحطت الأغراض اللي جابوها البنات في الصالة الفوقانية و نزلت ترتب المكان وتشيل الصحون .. الخدامة راحت مع صالحة لأنها تشيل بناتها فصالحة بنيتها ضعيفة وايد ..ما تقدر لهم .. أبطأ من سلحفاة ..هذي هي شيماء علشان ترتب البيت وتغسل الصحون أخذ منها ساعتين ونص ..طالعت لقت الحنا اللي في ايدها بدى يتلاشى ..جلست في الصالة وتمت تطالع التيلفزيون الساعة ثمان الحين .. بيجي محمد صالحة متعوده هالحزة تحضر له عشا ..دخلت المطبخ وهي محتارة ..فتحت الفريزر ..في برغر مجمد ونقانق ..في دياي ولحم و شرايح شيبس مجمدة .. كل ليلة من تزوجت للحين والعشا كان من العيار الثقيل عيش ولحم أو دياي ..وين تطبخ عيش ولحم هالحزة ؟؟ طاح شعرها على وجهها فردته لورى..طلعت البرجر والنقانق والشيبس .. وفتحت الثلاجة لقت صمون وصحن سلطة .وبيبسي .وبدت تكلم نفسها ..((الليلة العشا من ماكدونالد ..لا مب ماكدونالد ..ماك شيماء..بيكون ..بسوي بيض مسلوق وأقطعه شرايح ..وأحطه مع السلطة )) حطت التاوة على النار وسخنت الزيت وبدأت تقلي البرجر ..وفي تاوة ثانية قلت الشيبس .. وحطت البيض .. كان محمد واقف يراقبها بهدوء ,انشغالها وهدوءه ما خلوها تنتبه .. طلع محمد شوي شوي على الدري علشان يبدل ملابسه ..شاف الأكياس على الكرسي ..ما قدر يقاوم فضوله دام إن شيماء مشغولة .ما في مشكلة إن شافهم .. وبدى يفتح الأكياس ويقرأ البطاقات اللي معاها .. دقايق ودخلت شيماء الطابق الثاني وويهها معتفس ..انصطدمت وهي تشوف محمد رافع حاجبه مندهش ومتعجب ..انتبهت للأكياس ..كانت تبي تصارخ عليه وتسبه لكن الألم ما خلاها تبطل حلجها بكلمة .. انتبه محمد لإيدها ..كانت حمرة وايد ..قام لها بسرعة وأمسكها ونزلها المطبخ وكت عليها زيت زيتون غرقها وسط اندهاش شيماء اللي كتمت صرختها من فظاعة الألم وونت بصوت مبحوح تحس أن نار تسري في يدها قمة الألم دموعها في عيونها محمد عوره قلبه ما حب إنها تتشوه تستحمل شوية ألم ولا تتشوه يدها للأبد .. ضمها له وهي تحاول أنها تبعده عنها لكنه كان أقوى منها ..وهي كانت محتاجة لشي تمسكه بقوه فخدشت ايده بأظافيرها وصرخت ..كان الألم أقوى منها ..حاول إنه يهديها ..كت الزيت على ايدها مرة ثانية لكنها حست براحة .أهون من أول مرة .. ابتعدت عنه شوي.. شيماء وسط ألامها ـــ لا تتوقع ألبسه لك ..مستحيل .. ابتسم وفهم شتقصد ..قال لها بصوت هادي ـــ لا ما أتوقع ..أنت تلبسين هالقميص ؟؟وجدامي؟؟ أصلا إنت الود ودج أنج تلبسين عباة ونقاب جدامي .. اندهشت شيماء من كلامه ..توقعته يعصب ويهاوش .. للحين ماسك يدها و يمسح على شعرها .. محمد ــ شلون حرقتي يدك؟؟ شيماء ـــ كنت أسلق بيض ..وانفلت مني الجدر وانكت الماي الحار على ايدي .. محمد ـــ توقعت أنه يكون ماي حار.. شيماء ـــ عندك دورة في الإسعافات الأوليه ؟؟ محمد ـــ لا .. شيماء ـــ زين شلون... محمد ـــ وأنا صغير حوالي عمري كان ثمان سنوات كنت بروحي مع أمي في البيت وأمي كانت تسوي شاي ,,انفلت منها وانكت على ريلي ..طبعا مافي أحد يوديني للطبيب أمي يابت زيت الزيتون وغرقت ريلي ..صج حسيت بآلام فظيعه بس الحمدلله ما تشوهت .. أنا شفت زميل لي في المدرسة صار له نفس الشي ريله متعفسه بشكل مخيف ..الزيت هنا يمنع الهوا ..فالحرق ما يتطور ..على ما أعتقد ..بتوجعج يدك لين ما تنامين والإحمرار بيزول شوي شوي .. بياخذ له يومين ..أنا بروح أجيب لج عشا .. محمد كان يبي عذر يبتعد عن شيماء ؟لأن قلبه كان يدق بقوة ..وخاف إن شيماء تحس عليه قربه اليوم منها ..كان بينفضح شعوره لها ..وبدا تنفسه يضطرب .. شيماء في الوقت نفسه رف قلبها محمد كان حنون وايد معاها ..لكن هذا ما يغفر له اللي سواه فيها .. *********** الحلقة الثالثة عشر .. الجازي ميته من الغيظ ..ليش يا فهد تسوي فيني جذي؟؟ هذا الأسبوع الثالث اللي ماكلمتني فيه ..حطت شريط طلال مداح اللي أعطاها إياه فهد ..كأول هدية لها .. أحبك لو تكون حاضر .. أحبك لو تكون هاجر .. ومهما الهجر يحرقني .. راح أمشي معاك للآخر .. سنين وسنين وأنا صابر وراح أصبر كمان وكمان وبحر الشوق يلعب بي ألين أوصل لشط أمان ..وأمشي معاك للآخر .. أحبك لو تحب غيري وتنساني وتبقى بعيد .. عشان قلبي بيتمنى يشوفك كل لحظة سعيد .. وأمشي معاك للآخر ..) دمعت عيون الجازي .. فهد شلون حبيتك؟؟ يمكن لأنك ظهرت في مرحلة كنت محتاجة فيها للحب؟؟ فكرت ليش ما تتصل بهيا اخت فهد وتسألها عن رقم فهد هناك !! **** أحمد ـــ إنت غبي؟؟ أقولك تحدد يوم عرسها ؟؟تبي تخرب عليها ؟؟ جاسم حتى لو كنت صديق عمري وحسبة أخوي دلال بتم أختي ..وما أرضى عليها هالبهدلة .. جاسم ـــ أحمد الله يهداك أي بهدلة؟؟ قلت لك أنا أبيها أبي أتزوجها اول ما أرجع الدوحة .. أحمد يتكلم باحتقار ـــ لو تبيها ما رخصت فيها كل هالسنين .. ما خليتها ترفض عشرات المتقدمين لها علشان وعد ألزمتها فيه أيام المراهقة ..وبعد ما طاف العمر حررتها منه .. قام جاسم وهو معتفس .. ـــ كنت أماطل لأني شكيت في مشاعري لها ما حبيت أظلمها لكن الحين ... قاطعه أحمد ـــ لما وافقت تزوج حسيت إنها بتطير منك؟؟ بتصير ملك لحد ثاني ؟؟ جاسم ـــ هذا انت فاهمني ليش تستعبط علي ؟؟ أحمد ـــ هذي اسمها أنانية ..حب التملك .. أنا مستحيل أخلي دلال تغير خططها علشانك ..خلها تروح لنصيبها وأنا اللي بوقف بينك وبينها .. جاسم ــ أحمد أبيك عون طلعت فرعون؟؟ تدري أني أقدر أروح لعمي وأقوله ما بيردني ..ويقولي خذها ببلاش .. عصب أحمد وصارخ فيه ـــ تخسي لا أنت ولا عشرة مثلك ..أختي مب رخيصة علشان تنساق لواحد مثلك ..منحط ..وببلاش !! راح معصب لغرفته لكنه التفت لجاسم وقال له .. ـــ هالمرة أنا بوقف عثرة في طريقك اذا قربت من دلال ..وقسما بالله لاسمعتك تطري اسمها مرة ثانية ما يحصل لك طيب ..ما أكون أحمد بن صالح .. صفق الباب وراه بعصبية ..منو جاسم اللي يتكلم جذي على دلال ؟؟ يخسي ..وماراح يطول اظفر من أظافيرها طول ما أنا عايش .. جاسم انصدم ..أحمد بحياته كلها ما زعل منه ولا صارخ عليه ..لهالدرجة يعز دلال؟؟ ياترى دلال تنعز هالكثر؟؟ ليش ايش فيها زود عن البنات؟؟!! مجرد عانس مدرسة رياضيات ..لا أكثر ة ولا أقل ..حتى مب حلوة وايد .. ******* ـــ هيا أنت شتقولين ؟؟ متى ؟؟ هيا ـــ من شهرين ..فهد قال لي أني ما أقولج .. الجازي ـــ شلون يموت منصور أخوه ولا يقول لي؟؟ على الأقل ما أقصر في حقكم ..أنت متأكده؟؟ مستحيل فهد قال لي إنه رايح له ..في ألمانيا . هيا ـــ أصلا ..فهد قال لنا إنه مسافر دورة لغة انجليزية في لندن .. الجازي ــ ايه ..يالله سلمي على عمتي بزورها قريب .. هيا ـــ الله يسلمج ..حياج الله .. سكرت الجازي التيلفونن والفار بدى يلعب في مخها.. فهد قال لي إنه رايح لمنصور في ألمانيا, هيا تقول إن منصور مات من شهرين ..قلبي مو متطمن ..المصيبة أسأل مين؟؟ سند!! أخوي يعرف أكيد .. دقت عليه .. سند ـــ أهلين وسهلين بأختنا اللي ما نعرف عنها شي ليش ما حضرت العزومة يوم الجمعة؟؟ الجازي ـــ كان عندي شغل وايد ..ماقدرت والله ..انت شلونك والعيال ؟؟ ومزنة؟؟ ــــ كلنا بخير وعافية ..مزنة زعلانة ..ليش ما ييتي ..عاد أبيج هالجمعة تباتين عندي .. ابتسم الجازي ـــ اوكي .. سند ـــ شلون فهد ما شفناه من زمان ؟؟ 0 الجازي ـــ مادري له ثلاثة أسابيع ما كلمني ..تعال أبي اسألك شلون أخوه اللي في ألمانيا؟؟ سند ــ أخوه توفى ..ليش ما قالج؟؟ الجازي ـــ متى توفى؟؟ هو ما قال لي... أصلا قال لي أنه بيروح له ..\ سند ــ فال الله ولافالج تفاولين على الريال حرام عليج أخوه مات من شهرين ..أنا رحت أعزيه والوالد بعد .. الجازي ـــ عاد أنت احكم يقول لي بسافر شهرين لألمانيا يتم مع أخوه وبعدين أكتشف ان اخوه ميت وهو قال لأخته انه رايح لندن ..شالتناقض صار له ثلاثة اسابيع ما كلمني .. سند ـــ زين بشوف شالسالفة وأقولج بعدين .. سكرت الجازي وقلبها ناغزها من السالفة شالحوسة .. *** طالعت أخوها متعجبة منه .. دلال ـــ فيصل أبي أروح للبنت حرام عليك ..أنا قلت لابوي وأمي وقالوا لي روحي .. فيصل ـــ أنا ماني دريول عندج كافي الصبح اوصلج للدوام مالي خلق اقطع كل هالطريق عشان اتم جالس في السيارة .. دلال ــ بتمن علي الحين؟؟ وبعدين ليش ما تنزل خليل وعبدالرحمن موجودين .. فيصل ــ ما احاجيهم ..تهاوشت معاهم من كم شهر وحلفت ما اكلمهم مرة ثانية ..يوسف فاضي ناديه .. دلال ـــ فيصل الطريق طويل عليه ..وبعدين يوسف لازم ياخذ ابرته في الليل .. فيصل ـــ والحين؟؟ قلت لج حطي لج دريول ما رضيتي ..تبين تظلين لين الليل؟؟ انا عندي موعد مع ربعي الساعة سبع .. تنهدت دلال .. سارة ـــ أقول لابوي ياخذنا؟؟ ابوي صار له اسبوعين ماراح لهم حمده ــ تبينا نوصل بعد شهر؟؟ ضحكت سارة والتفت فيصل لحمدة ـــ طرار ويتشرط هييه يالسبالة هذا ابوج .. حمدة ـــ بس بطيء وايد.. ذيك المرة خذاني للمدرسة اللي عشر دقايق ونوصلها وصلتها بعشرين .. فيصل ـــ سارة بعد تطق ابرتها في الليل ..ما خفتي عليها ؟.. دلال ـــ فيصلوه أشوفك تزلغ وايرات ..تبي توقع بينا؟؟؟ قامت سارة واحضنت دلال بقوة.. ــ ما بقدر .. ابتسمت دلال ..ـــ خلاص ..خلاص .. ضحك فيصل وقال ـــ للحينج ما تحبين هالسوالف ؟؟؟؟ عيل بكرة لاتزوجتي بتسوين ايش؟؟ انحرجت دلال ـــ وجع فيصلوه انطم .. فيصل ـــ عاد اللي يسمعج .ذابحج الحيا الله يعينك يا عبدالله .. مسكت مخده وطقت فيصل بها وقالت ـــ عقابا لك انت اللي بتوصلنا يالله قوم البس .. كان يبي يعترض دلال ـــ ولا كلمة ..انا اختك الكبيرة وآمرتك بهالشي قوم ..يالله بنات قومو بدلوا ملابسكم .. طبعا لما دلال تأمر محد يقول لاء.. *** بملامحه الخشنة .ناداها .التفت له وكلها اشمئزاز ـــ نعم .. ـــ أبي أعترف لج بشي ..بس أول بسألج سؤال .. بنفس خايسه ـــ نعم؟ ـــ شعورج نحوي شلون؟ بطريقة ساخرة ومهينة ـــ ومن تكون؟؟ من انت علشان ؟أشعر نحوك بأي شعور .. ما انتبهت انك تطالع لفوق؟؟ دور لك وحدة من نفس مستواك على الأقل ..تطالع في عيونها ..مب ترفعهم لها.. فتحت عيونها وهي مكتئبة..الساعة الحين خمس ..طالعت لسرير اختها ..فاضي ..ووين راحت هالحزة؟؟ قامت للشباك وطالعت من فتحه صغيرة في الستارة ..انسابت دمعتها على خدها وهي تشوفه جالس قدام الكمبيوتر ..خبير في التكنولوجيا والكمبيوتر ..حطت أصبعها على الزجاج ..تمسح على صورته ..طالعت لمكتبها ولكمبيوترها ..أعطتها الهنوف بريده الإلكتروني وقالت له انه يشيكه يوميا ..هي عندها بريد الكتروني من رموز .وعندها رغبة تبي تتواصل معاه باي طريقه تنهدت وهي تحس انها بتسوي شي غبي طلعت ورقة كتبت فيها خاطرة ..فكرت.now or never.. شبكت على النت وبدت تكتب ..حطت عنوانه .. (( غلطة مراهقة )) لم لا تغفر لي؟؟ أخطأت بحقك مرة ..لكن عذري يشفع لي .. فقد كنت مراهقة ..كالعديد من قبلي .. أحلم بالحب الأزلي .. كأميرة من أمراء العصر الأولي .. بأمير مثلي وبقصر على جبل .. كنت مراهقة .. متغطرسة .. منافقه .. طالبة مدرسه .. وبآمالِ شاهقة .. لم أكن امرأة .. لم تنضج مشاعري بعد .. غلطة مراهقة .. غرور غبي ..لم يكشف لي حقيقة قلبي .. لم يفصح لي عن حبي .. ؟إلا بعد فوات الأوان .. بعد رحيل الحنان .. جف نبعك .. في ذات الوقت الذي ولد فيه حبك .. لم يأست مني؟؟ لم كتبت كلماتي الغبية بماء ذهبي في قلبك ؟؟ لم تحاسبني على غبائي؟؟فكل ما فعلته كان غلطة مراهقة لا تحلم سوى بالكمال؟؟ التوقيع .. انا .. Send طالعت من الشباك..ثواني ..التفت لها بسرعة نزلت الستارة ..وجلست قدام الكمبيوتر .. وصل ايميل ..ترددت تفتحه .. (( شالسالفة؟ ظل راجل ولا ظل حيطه؟؟ وان كان معوق وناقص بعيد كل البعد عن صورة الكمال ؟؟)) بكت سعاد وهي تقرأ رد خلفان... New message )) آسف ..آسف ..)) بكت سعاد أكثر ..وأكثر .. كتبت reply _________________ أتتأسف؟؟ لم؟؟ بعد أن تتعجرف؟؟ لم ؟؟ امنحك الحق في قول ما تريد .. وعني أكثر لو تزيد .. أقلها أعرف أنني أصبت شيئا من نفسك .. لقد رفضت العديد من أفراد جنسك .. ولم أندم .. وهبتك قلبي وعمري وحياتي دون أن تطلب .. ولم أعلم .. بأنك بخلت علي ونظراتك تحجب .. تحجب شعورك ..وتخفي أنينك ..تحجب غرورك و تقتل حنينك .. التوقيع .. أنا .. Send بندت الكمبيوتر ..طلعت بره الغرفة .. جلست دلال وهي مبتسمة ..شعر عليا طال ...وويهها شوي امتلا ..نزلت شيخة وهي مستانسة وايد .. دلال ــ أهلا وسهلا بالعروس .. استحت شيخة .. ـــ عدال انت اللي ما كأنج بتتزوجين قبلي؟؟ ابتسمت دلال ..ذكروها اليوم زواجها ..اللي باقيله شهر .. عليا ــ عاد جهزتي نفسج؟؟ دلال ـــ أروح السوق كل يومين مع الوالدة ..ها شيوخ شلونج؟؟ وشلون خطيبج؟ شيخة ـــ الحمدلله .. دلال ــ متى العرس؟؟ شيخة ــ حرام عليج ما خلصت الجامعة ..بقالي سنتين ونص .. سارة ــ ايه حرام ,,كل هالتعب وتتزوج وتترك كل شي .. عليا ـــ انا اقول ما بيفيدها غير ريلها .. شيخة ــ أصلا انت خبيثة تبين تبقى الغرفة لج وحدج.. ضحكت عليا ..ـــ دامج تعرفين ليش ما تتزوجين وتفكيني .. دلال ـــ وين عمتي حصة؟؟ شيخة ـــ راحت لجارتنا توجبها ..يابت بنت .. دلال ـــ يا ما شا الله البنات كل ما جالهم يزيدون .. دخلت الخدامة ـــ ماما باب كليل يبي يدكل .. طالعت دلال أخواتها ـــ روحوا مع عليوي لغرفتها .. عليا ــ يااااااااااالله لا تقولين عليوي بتعقديني .. قامت سارة وحمدة لداخل ..دخل خليل .. ـــ شلونج دلال شخبارج؟؟ ـــ زان لونك ..بخير الحمدالله .. خليل(19سنة) ـــ تتكلمين مثل أمي ...عاد أعرف لي بنت زميلة لي الدوام ..وسألتها شلونج قالت لي بنكي فاين ثانك يو .. دلال ــ وليش حضرتها قاطة الميانه معاك؟؟ ليكون الغيرل فرند ؟؟ خليل ــ لا بس هي من البنات اللي ..تعرفين . دلال ـــ اييه ...بنكي . خليل ـــ أكيد جايين علشان جاسم؟؟ دلال ـــ وشفيه جاسم ؟؟ خليل ـــ راح عبدالرحمن يجيبه من المطار .. ***************************** |
الحلقة الرابعة عشر *********** الالااااالالالالالاااالاللااااااااااااااااااا اااااااااااااااااااااااااالاللاللالالالالالالالالااااااالللل لللاااااااااااا لللللااااااااااااالالالااااااااااااااااااااااااااااااااااللل للللللللللللللللللللللللللللاااااااااااااااالا لالالالاالالالالالالالالااالللللللللللللللللللللالاال الالالاالالالاالالالالاااااااااااااااااااااااااااااااااااااا اااااااااااااااااااااااااااااااااااااااااااااااااااااااااااا اااااااااااااااااااااااااااااااااااااااااااااااااااااااااااا ااااااااهه.. عبيدـــ صج خبلة ندووش شفيج؟؟ ندى ـــ أغني اوبرا .. عبيد ـــ اييه لما تسافرين اتالي (ايطاليا) غني اوبرا لكن الحين حنا في قطر غني يامال ..ولا أقولج ..لا تغنين بالمرة ..تصدعين راسنا .. ندى ــ روح روح ..ياللي واحد مفعوص مثل سعد قص عليك .. على طاريها ..بعدما انكشفت متى تبي أمي تخطبها لك؟؟ عبيد ساكت وهو يطالعها بنظرات حقد .. ندى ـــ أوراقك كلها انكشفت لا تتغلى على البنت ..متى؟؟ عبيد ــ لما أشوف أمي يوم واحد في البيت ما تطلع .. ندى ــ الظاهر ما راح تعرس ..أمي تبيها ما تطلع؟؟أمي حياتها كلها في الطلعات وزيارة الجيران وشاي الضحى .. عبيد ـــ إي والله ..(سكت دقايق )أنا كنت مكابر علشانج .. ندى ـــ ؟؟؟؟ شلون!! وأنا شدخلني في الموضوع ؟؟ عبيد ــ اللي سواه فيج سيف مب هين ..ومرايم أخت سيف .. ندى ــ حرام عليك لا تظلمها هي من بد أهلها اللي وقفت معاي ..هي ما تكلم سيف ولا تزوره علشاني .. عبيد ــ لا حبيبتي تراج منغشة فيها وايد .. مريم وقفت في صفج علشان مصلحتها ..علشاني أنا ..توقعتج ذكية تفهمينها على الطاير .. قام عبيد وندى تمت بأفكارها ..العلاقة بينها وبين مريم قوية ..واللي قاله عبيد ..يمكن يكون صح ..تنهدت . تمت تطالع التلفزيون وهي سرحانة .. رن نقالها .. فطيم ـــ هاي ..وينج؟؟ ندى ــ في هالدنيا ..وانت ؟؟ فطيم ـــ أنا في المشتري ..تعالي .. ندى ــ شتبين ؟؟ فطيم ـــ نازل فلم روعة ..ألاقيج في سينما الخليج؟؟ ندى ـــ ليش الخليج ؟؟ فطيم ـــ أرخص ..تعالي بنجلس فوق ..كابينه وبروحنا .. ..بس مريني ..الدريول امي ما خذته .. ندى ــ اوكي .. ***** ندى ــ اليوم عبيد اعترف لي أنه يبي مريم .. فطيم ــ صج؟؟ شالخبر السعيد وليش كان يكابر ؟؟ ندى ـــ علشاني .. استغربت فاطمة وعقدت حواجبها فقالت لها ندى كل شي .. فطيم ــ لكن هذا من سوء الظن ..مريم انسانة واضحة ..لو كان هذا مرادها كان انفضحت ..وانت شرايج؟؟ ندى ــ ما أدري ..شككني في البنت ..أغلب كلامها معاي عن عبيد ..فما استبعدت هالفكرة .. فطيم ـــ أنا هني في صف محايد واللي أشوفه أن مريم انسانة واضحة .. بعدين بنت عمي مثل ما هي بنت عمج ..وأعرفها زين مب مريم اللي تفكر بهالخبث .. **** ناصر ـــ ما تشوف لنا صيده هالليلة؟؟ علي ـــ انت ما شبعت مب كافيك اللي في .. ناصر ـــ قصر حسك ..احنا واقفين في الصف .. علي ـــ شوف صيده ..بنت وبروحها في السينما .. علي ــ أي والله ..شكلها هاي هاي ..شوف السيارة اللي انزلت منها .حوت .. ناصر ـــ شوف معاها وحدة ثانية ..كأني أعرف هالزول؟؟ علي ــ ما شالله عليك تعرف البنات كلهم .. ناصرــ أقول روح الحين ما أبي أشوفك هالبنات من الأهل .. علي ــ آفاااااا ..معقول ؟ ناصر ـــ روح لا يشوفونك معاي مالي خلق لتحقيق .. علي ــ والفلم .. ناصر ــ أنا بعزمك مرة ثانية .. راح علي وناصر حجز له مكان جنب ندى وفاطمة بالضبط .. ندى ـــ الشاشة وايد كبيرة .. فاطمة ــ عزمني ناصر لهنا الجمعة اللي راحت أحسن من سينما المول والاند مارك..وآخذ راحتي فيها .. ندى ـــ اها.. ناصر انتظر الصالة لين ما تظلم يالله جلس جنبهم , فطيم ـــ شالمصيبة اللي على يمينج؟؟ ندى ــ صه ..لايسمعج يسوي لنا مشكلة .. فطيم ـــ من بد الأماكن والكابينات ما جلس إلا حذاج؟؟ ندى ـــ يا بنتي للحين ما غلط معاي ..أدري مابناخذ راحتنا بس انت طالعي الفلم و سكتي .. فطيم ـــ تدرين خلي نغير مكاننا .. ندى ـــ خلينا نروح الكراسي اللي ورى .. قامت ندى ومرت من قدامة ويوم مرت فطيم قرصها ناصر من ايدها شهقت والخوف خلاها تيبس لكنها يوم شافت وجهه ناصر وهو يضحكح ضربته بشنطتها ـــ الله يغربلك جلطتني ..دمعتها نزلت على خدها وبدت تبجي ..قام ناصر وضمها وقال ـــ شدعوة أمزح معاج ليش تصيحين؟؟ فطيم ــ خرعتني.. ندى ما فهمت شالسالفة ..فاطمة من وسط دموعها .. ـــ هذا الشيخ ناصر أخوي .. ابتسم ناصرمد يده علشان يسلم ــ وانت؟؟؟ صديقتها؟؟ فاطمة ـــ هذي ندى بنت عمك يالخبل . نزل ايده بسرعة ..حركته صدمت ندى ..شلون يعني ؟؟ ناصر ـــ انا بروح الحين .. فاطمة ـــ والفيلم ؟؟ ناصر ـــ ما احب أغلس عليكم .. فاطمةـــ اجلس اجلس ..ندى ما عندها مشكلة .. جلس ناصر قرب ندى ..ندى ما عجبها الوضع بدلت كرسيها مع فاطمة .. ********************** تحنطت دلال ـــ لا والله ما كنت ادري بروح البيت أكيد أحمد بيرجع معاه.. خليل ــــ لا أحمد ماراح يجي ..أنا على بالي انكم تعرفون . هزت دلال راسها ..شالصدفة الغريبة ..جاسم بعد كل السنوات يرجع وفي اليوم اللي زارت اهله فيه شيقول عليها ما صدقت جت تشوفه؟؟لازم اروح البيت الحين لازم أطلع من هنا .. دلال ـــ خليل فيصل بره؟؟ هز خليل راسه ـــ لا راح مواعد ربعه بيرجع متأخر شوي .. دلال حست انها بتختنق .. ـــ عن اذنك خليل .. مسكت تيلفوتها ودقت على فيصل .. فيصل ـــ نعم .. دلال ــ فيصل ارجع الحين خذنا ..البيت . فيصل ـــ دلال والله ماني رايق لج .. دلال بعصبية ـــ تعال الحين ..السالفة جد.. فيصل ـــ اوووووف الحين ربع ساعة وأكون عندج ... دلال ـــ عشر دقايق .. سكرت التيلفون وهي متوترة ..رجعت لعند شيخة وخليل .. شيخة ـــ شفيج معصبة؟؟ دلال ــأبدا ماني معصبة ولا شي ..بس شوي فاجأني رجوع جاسم بدون أحمد .. خليل ـــ وحنا بعد اتصل فينا الصبح وقال انه جاي .. مرت الدقايق صعبة على دلال ..وخليل استأذن وطلع .. دلال ـــ البنات فوق؟؟ شيخة ـــ اييه.. دلال ـــ ناديهم فيصل طرش لي مسج بنروح الحين شيخة ـــ بدري ..للحين ما يات أمي .. دلال ـــ الله يهداكم انتوا انتقلتوا لهنا بعيد عنا الطريق بياخذ وقت منا يالله نرجع البيت قبل نص الليل . شيخة ـــ زين ما تعشيتو عندنا .. دلال ـــ بتشتغلين على راسي بسالفة الضيافة يا اختي كفيتي ووفيتي انشاالله مرة ثانية في بيت ريلج .. انا بسبق البنات للسيارة ..البست دلال شيلتها وطلعت بعد ما سلمت على شيخة .. وقبل أن تتغشى شافته ..كان جاي بروحه عبدالرحمن وخليل يتكلمون مع فيصل كانت تبي تنخش عنه لكن فات الأوان .. جاسم ـــ ............................................................ ....................السلام ... دلال ـــ وعليكم..الحمدالله على سلامتك .. جاسم مو مصدق ..دلال قدامه الحين وما شافها من ثلاث سنوات !! احلوت وايد عن قبل ..دلال تطالع أي شي حولها إلا جاسم ..تبي تتهرب من نظراته .. جاسم ـــ الله يسلمج..شلونج ؟؟ دلال ــ الحمدلله .. جاسم ـــ وعبدالله؟؟ والعرس؟ دلال ـــ بخير ..حددنا العرس رابع ايام عيد الأضحى .. بلع جاسم ريقه دلال تتكلم عادي عنه بالعكس فيها خجل ..افكار جاسم مب مرتبة..تهديد أحمد له مخليه متوتر .. جاسم ـــ قال لي احمد ..مبروك . دلال ـــ الله يبارك فيك ..عن اذنك فيصل ناطرني في السيارة. جاسم ما كان يبي يفقدها ما كان يبيها تروح فمسك يدها .. انصدمت دلال شالجرأة؟؟ جاسم ـــ دلال .. دلال ـــ جاسم اترك يدي ..بلا فضايح .. جاسم ـــ لا ..مستحيل تتزوجين غيري .. دلال ـــ جاسم هالكلام ما صار له معنى ولاتغلط بحق خطيبتك وحق خطيبي .. ترك يدها وهو مندهش .ـــ شدراج بخطيبتي ؟؟ دلال ـــ أنا ماني غبية.. تركته وراحت وهي معصبة ..نست تلبس غشوتها ومبين عليها انها معصبة .. عبدالرحمن ـــ اهلين ببنت العم .. دلال ــ اهلا فيك بو عوف شخبارك؟؟ عبدالرحمن ـــ بخير الحمدلله ..وانت شحالج؟؟ دلال ـــ الحمدلله .. عيون عبدالرحمن فضحته كان معجب بدلال ..دلال من شافت عبدالرحمن قلبها فز تذكرت هند وحبها له. دمعت عينها وجلست في السيت اللي جنب فيصل .. ************************ دخل بوسند البيت وهو يصارخ ـــ الجااااااااازي ...الجااااااااااااااااازي .. الجازي ـــ ها يبه .. بوسند ـــ الليلة طيارتنا الساعة 12.30 جهزي لج شنطة .. الجازي ـــ شنطة ايش يا يبه؟؟ليش؟؟ وين بنسافر؟؟ بوسند ـــ اقولج في الطيارة .. الجازي ـــ ويدتي؟؟؟ بو سند ـــ بياخذها سند بتم عنده لين ما نرجع ..خلي كل شي وحضري لج شنطة تكفي اسبوعين .. الجازي بدت ترتجف لكنها نادت الخدامة اللي ساعدتها .. ياترى وين ياخذها ابوها؟؟؟ الحلقة الخامسة عشر .. ***************** الوحيدة اللي مندمجة في الفيلم هي فاطمة ,,أما ندى وناصر ما كانوا مرتاحين ..ناصر يغلس على ندى وندى تتجاهله .. ناصر ـــ أقول بنت العم ... ندى (من دون نفس ) ـــ نعم.. ناصر ـــ قالوا لي انج مدرسة أحياء ,,صحيح؟؟ طريقة سخريته و نطقة للسؤال نرفزوا ندى ..فقالت بنفاذ صبر .. ـــ اييييييييييييييه.. ناصر ـــ عرفت الحين ليش نص طلابنا متخلفين في الأحياء... ندىــ أصلا أنا ما أدرس طلاب أدرس طالبات ..والحمدالله كلهم من الأوائل ..لكن التخلف ناتج من قلة العقل وعدم التفكير ..اللي عند طلابكم .. فكر ناصر في نفسه (غلبتيني في هذي بس والله يا ندى بطلعها من عينج هالحركة اللي سويتها شايفة فيني العنكز علشان تقعدين بعيد؟؟؟) ناصر ــ أقول ندى ..شرايج في الفيلم؟؟ ندى ـــ مو حلو .. ناصر ـــ لاتسمعج فطيم تزعل عليج .. ندى ـــ وانت شيخصك؟؟ خلها تزعل أنا ما حبيت الفيلم مب علشان قصته لا ..بس علشان الجو ما عاجبني .. ناصر ـــ تدرين نفس الشعور ..الجو كئيب ونكد .. ندى ــ صج نكد وايد وايد .. ناصر ـــ ندى أبي اسألج سؤال .. ندى ــ نعم !!! ناصر ـــ شخبار سيف؟؟؟؟ هني ندى شاطت ..ولعت ...حاولت تمسك عمرها انها ما تقوم ترميه من الكابينه ..ضحكت ضحكة استفزازية .. ــــ والله امس مرايم قالت لي أنه متخانق مع زوجته ... فاطمة اللي كانت مندمجة مع الفيلم لفت حق ندى مستغربة .. ناصر ــ صج ؟؟...توقعتج للحين تحاتين أخباره .. هالكلمة اخنقت ندى كانت خلاص بتقوم تصارخ عليه .. لكن فاطمة نطت في النص .. فاطمة ـــ نويصر ..شالكلام ..يالله شيفكني منكم ..ناصر وندى تقابلوا والله ان قعدتوا تغلسون على بعض ما بتخلصون مني للشهر الياي .. ناصر ـــ أنا الفيلم مو عاجبني بطلع .. ندى ـــ بالسلامة ... ناصر ـــ تدرون خليني أخلصه للنهاية .. فاطمة ـــ خلص ..يالله نقوم نروح...بروح وياك يا ناصر .. ناصر ـــ لا عندي مشوار ردي مع اللي جيتي معاهم .. قام ناصر وراح ...لفت فاطمة حق ندى ـــ آسفة ..ندى سامحيني هالنغزة اللي قطاها كانت قوية .. ندى ـــ وانت شدخلج في الموضوع اصلا انا كذبت عليه مريم ماقالت لي شي ...يالله نروح .. فاطمة ـــ وين نروح باقي ربع ساعة ويخلص الفيلم والله ما اتزحزح .. ندى ـــ لكنج قلت .. فاطمة ـــ يوم شفت الصراع مع ناصر تأزم قلت خلينا ننسحب بكرامة .. ندى ـــ يحليلج يا فطيم ..والله عليج حركات .. فاطمة ـــ بس انت غلطتي في حقه ليش قمت من جنبه كأنه جربان؟؟ ندى ـــ هو حضرته ماقصر في البداية يوم درى اني بنت عمه استخسر انه يسلم ..لو اني صديقتج كان خذني بالأحضان .. ضحكت فاطمة ـــ يعني كل واحد منكم يبي يرد كرامته المسلوبه .. ********* رجعت دلال البيت وهي معصبة شالحظ الردي ..شالحظ الردي ..أبي أكلم حد أبي أكلم حد ..مافي غيرها الجازي .. رفعت التيلفون ودقت على تيلفون غرفة الجازي .. ـــ الجازي هلب هلب لحقيني .. الجازي ــــ عسى ما شر ..شفيج .. دلال ـــ اليازية ..شفتي حظي الردي من بد الأيام رحت اليوم حق بنت عمي أبارك لها .. الجازي ـــ انت قلت لي امس انج بتروح وبعدين ؟؟ دلال ـــ عاد شافني ولد عمي خليل وقال لي اكيد جايين علشان جاسم .. الجازي ـــ وشفيه جاسم .. دلال ـــ كان راجع .. الجازي ـــ انتي من صجج.. دلال ـــ والله العظيم ..من بد الأيام رحت اليوم اللي يرجع فيه جاسم اللي ماطب الدوحة من ثلاث سنوات ونص .. الجازي ـــ شافج ؟؟ دلال ــايه ...حاولت اني اطلع قبل انه يجي لكن ..حظي حطني في مواجهه معاه وبروحنا .. الجازي ـــ شصار ؟؟ دلال ـــ سألني شخباري وعن عبدالله .. الجازي ـــ عبدالله مين؟؟ دلال ـــ لا إله إلا الله ..يا بنتي خطيبي ... الجازي ـــ ايه نسيت ..كملي .. دلال ــ ويوم ترخصت بروح السيارة مسك يدي بجرأة وقال لي ما بتتزوجين غيري ..تخيلي ؟؟؟ الجازي ـــ شهقت (هييييييييييييييييييييييييه) هذا غبي ؟؟شسالفته يوم يبيج ويوم ما ..كملي وانت شقلتي له ؟؟ دلال ــ قلتله عن الفضايح ..موحلو هالشي بحق خطيبتك وخطيبي .. الجازي ـــ وانت شدراج بخطيبته ؟؟ دلال ـــ مرة دقيت على احمد وسمعته يقول حق واحد خلك مع خطيبتك استنتجت انه جاسم لأنه الوحيد اللي ساكن مع أحمد في نفس الشقة .. الجازي ــ يالله ..دلال لحظة ,,((نور الله ياخذج قلت لج الجاكيت البني ..)) دلال .وبعدين .. دلال ــ ولا ابلين .. تركته ورحت ..شفيج شالحوسة اللي حولج؟؟ الجازي ـــ هلب ..دوري الحين ...دلال لحقيييييييييييييييييييييييني !!! دلال ـــ شفيج ؟؟ الجازي ـــ أبوي جاني وقال لي جهز اغراضج بسافر الحين .. دلال ـــ وين ؟؟ الجازي ـــ مادري ..ابوي كان معصب وبيودي يدتي لعند أخوي ..وقال لي سفرة بتدوم سبوعين .. دلال ــ وشغلج؟؟ الجازي ـــ ما ادري انا محتاسة ..شسوي؟؟ دلال ــ شوفي في كل مكان في العالم ماعدا قطر الدنيا برد .. خذي لج ملابس ثقيلة .. الجازي ـــ زين ..وبعد؟؟ دلال ـــ خذي كل أغراضج الشخصية .. الجازي ـــ اوكي .. دلال ـــ خذي معاج بوت .. الجازي ـــ اوكي ..نور في بوت في الخزانة حطيه .. نور ــ ماما أي واهد .. الجازي ــ حطي الاسود والبني ...ايه دلال وبعد ؟؟ دلال ـــ مجوهراتج وذهبج لا تاخذينه معاج أعطيه لجدتج يتم عندها .. الجازي ــ اوكيه ..اخذ حجب ولا شيل؟؟ دلال ـــ حطي لج شيلتين والحجب أكثر .. الجازي ـــ اللي يسمعني يقول أول مرة أسافر ...بس الله اني محتاسة قلبي مب مرتاح .. دلال ـــ أدري فيج ..زين الجازي خط تيلفونج.. الجازي ـــ اييه أقدر أكلمج دافعه اشتراك ..الحين بروح ..خلصت نور حطت كل ملابسي .. بلبس وأروح خذي لي اجازة ..أول ما بوصل بكلمج .. دلال ـــ اوكيه ..تذكري الخطوات الخمس لتجاوز أي محنة .. الجازي ــ عندي المسجات في الأرشيف ..الله لا يحوجني لها .. دلال ـــ آمين ..الله يكتب لج . الخير.يالله مع السلامة توصلين بالسلامة بحاول أكلمج .. الجازي ـــ الله يسلمج مع السلامة .. حطت الجازي التيلفون ..وابتسم يوم تذكرت المسجات ..خمس مسجات من دلال طرشتهم لها يوم صار حادث لسند من سنة .. ****** في المطار .. الجازي ـــ برلين؟؟؟ وشفيها برلين؟؟؟لا يكون فهد فيه شي ..يبه قول ..لا تخليني على أعصابي .. بو سند ـــ ما فيه إلا العافية ..في الطيارة بقولج كل شي ..يالله نصعد .. الجازي كانت ترتجف ..طرشت مسج لدلال .. (( رايحين برلين ألمانيا ..دلال ادعي لي ..ان شاء الله خير )) ردت دلال المسج (( ان شاء الله موفقين ان شاءالله ))) ****** حاولت الجازي انها تستوعب الموضوع ما قدرت .. بو سند ـــ يا بنتي هذا مكتوب له ادعي له .. الجازي ـــ من متى هالكلام؟؟ يبه شدراك؟؟يمكن مو صحيح؟؟ بوسند ـــ لا صحيح ..سند أمس دق على غالب ولد عم فهد وسأله فقاله غالب انه معاه وهو كان ياخذ علاجه الكيماوي للمرة الرابعه .. العبرة اخنقت الجازي ..حست انها ما تقدر تتنفس ..فهد فيك السرطان وما تقول ؟؟ ليش ؟؟تخبي علي ليش ؟؟ صارت ترتجف ..بو سند خاف على بنته ..غلطه انه قال لها في الطيارة ..احتضنها وصار يقرأ آيات قرآنية ..يحاول يهديها ..الجازي اكتمت عبراتها وحزنها ..حبها لفهد أقوى من هالظروف ..يالله صبرني ... ********** أول ما وصلوا للمستشفى .. وسألوا عن غرفته ..الباب كان مفتوح طلت الجازي ..وشهقت على طول طلعت بره ..أبوها ما دخل وقف معاها في الممر ..صورة فهد ترسخت في ذاكرتها اللي شافته الين مب فهد ..كان شعره طايح وشعر حواجبه وشنبه ..وويهه شاحب ..ضعيف وايد ..ما انتبه لها كان نايم ..ماقدرت تنطق ..دموعها تتكلم عنها .. بوسند ـــ يالله ندخل .. هزت راسها بلا وعيونها تقول ما أقدر ..الحروف تاهت من على لسانها .. بوسند ـــ شرايج نروح نرتاح ونرجع الظهر؟؟ولاتبين العصر ؟؟احنا ما نمنا من البارحة .. هزت راسها اييه .. حضن بو سند بنته وطلع كان راعي التاكسي للحين واقف .. بوسند ـــ take us to ahotel .. راعي التاكسي ــ okay .. بو سند ما هو جاهل ماخذ شهادته في الهندسة من جامعة مصر .. الجازي ــ أغراضنا يا يبه .. بوسندــ خليتها ي الأمانات ..بنمر ناخذها ..take us first to the airport الجازي كان فيها صدمة كبيرة تبي تصيح تبي تصارخ ..لكنها يودت عمرها ..نزل أبوها مع راعي التاكسي ..يجيبون الأغراض ..الأفكار تدور في راس الجازي ..كل شي ولا فهد ..بتموت إن صار شي لفهد .. ***************** |
***************** دلال تحاتي الجازي ...موقادرة تركز في دفتر التحضير. ندى ــ تهقينها وصلت الحين؟؟ دلال ـــ الساعة عشر ...من زمان وصلت ..يالله ..المصيبة فهد في ألمانيا ..أنا خايفة صار شي لفهد .. ندى ـــ لا تفاولين عليه ما فيه إلا الخير .. دلال ـــ يالله ..الجازي عندها فهد بالدنيا لا صار له شي بتموت .. تنهدت ندى ــــ دقي عليها .. دلال ـــ أحاول من الصبح لكن ..ما يعلق معاي الخط .. دخلت سعاد الغرفة .. ـــ سمعتوا شي عن الجازي؟؟ دلال ـــ لا ...ليش ما كملت حصتج؟؟ سعاد ـــ ما أدري ..تعبت ..مالي خلق .. طالعت دلال الساعة ـــ ربع ساعة وتخلص الحصة ...تاكلون شي أنا يوعانه .. سعاد وندى ـــ اوكي .. سعاد تفكيرها متلخبط..ساعة تفكر في الجازي وساعة في خلفان ... ياترى طرش لي ايميل ولا لا .. وقفت عند الشباك تتأمل ساحة المدرسة.. ندى ـــ سعاد شفيج؟؟؟ سعاد ــ مافيش ..أفكر متى يرتاح بالنا وننتهي من هالكوارث اللي تتناوب وتتحذف علينا .. ندى ـــ اذا تميت تفكرين ما بتخلصين ... سعاد ــ برايش .. ندى ابتسمت ـــ تقصدين برايج؟؟ يعني برايي أنا ؟؟ هزت سعاد راسها بنعم .. ندى ـــ الله اول مرة تأخذين برأيي ..شالتغير .. ماردت سعاد ..سعاد معروف عنها كبريائها قوي وغرورها أكبر ...وعنيدة ..المحت ندى دموع في عيون سعاد .. سعاد ـــ صدقيني يا ندى ..للأول مرة في حياتي ..أحتقر غروري .. ****************** أحتقر غروري .. فبسببه فقدت شعوري .. فقدت انسانيتي .. امسيت كالزهور .. التي تخلو من العطور .. أمسيت كبحر جف مائه ... ولم يبق فيه سوى الملح والصخور ِ.. وكله بسبب غروري ... الذي جردني من الشعور .. *************************** سعاد كانت قوية بعد ما قالت الخاطرة تمت تتأمل ..ندى تفاجأت من اعتراف سعاد .. حاولت إنها تسري عنها .. ــــ انتي متأكدة أنج مب مدرسة لغة عربية؟؟؟انت متأكدة انج تدرسين كيميا؟؟؟ ابتسمت سعاد .. ندى ـــ سعاد ..أنا أعرفج من أربع سنوات ..ما شفت فيج هالتغطرس اللي تتكلمين عنه.. صج انج عنيده ..بس قلبج وايد علينا ..انت كتلة من المشاعر ..فيج غرور بس حلو ..مب هذاك الغرور اللي يصعب التعامل معاه أو الغرور اللي ينكره ..بالعكس ..لا تصورين نفسج بهالقسوة أنت مب كذا .. سعاد ــ ندى أنت عرفتيني ..بس بعد فوات الأوان ..عرفتيني بعد ما تغيرت ..لكن لو عرفتيني قبل عشر سنوات.. صدقيني ما راح يكون هذا كلامش .. ****************************** دخلت الجازي غرفتها تأكدت إن الباب مفتوح..دست راسها في المخدة وبدت تصيح بأعلى صوت .......... ارفعت راسها والمخدة غرقانه من دموعها ..ضمت رجولها لصدرها ..وتمت تصيح بدون صوت ..تتذكر شكل فهد ..شكله قطع قلبها .. (( حبيبي يصير فيك جذي؟؟ كله مني من خطبتني طحت في المرض ..صج إني ويه النحس عليك ..انشا الله فيني و ولافيك ..يالله شافيه ...الله .)) قامت وتوضت وصلت ..وفي كل ركعه تدعي وفي كل سجده تدعي لفهد .. صلت حوالي عشر ركعات غير الصلوات المفروضة.. ندمت إنها نست تجيب قرآن معاها ..بس أبوها أكيد ما بينسى .. طقت الباب على أبوها اللي كان يصلي شافت القرآن على سريره خذته ..وطلعت ..أحسن أبوها ما يشوف دموعها وويها المورم من الصياح .. حضنت القرآن وبدت تصيح..قرأت سورة ياسين .. ******* هذي الحلقات واعذروني على التأخير ...وشكرا لك يالجنون واعتذر عن مخاطبتي لك بالمذكر ..اسعدني جدا اهتمامج ... دلال ــ بنات ..شاللي تتمنونه يصير اليوم؟؟ طبعا الطالبات مستغربات من سؤال دلال ... (دلال تدرس ثاني علمي ..) تجرأت وحدة من البنات المرحات .. ــــ يالله يا أبله ..ياليت ما ناخذ درس اليوم ...أحس أن الرياضيات تكوم في مخي ...عطينا بريك ... ابتسمت دلال ــــ ولك هذا ..يله روحوا الحديقة بس ما أبي أبي أسمع صوت .. البنت نفسها واسمها سمية ـــــ الله ...ابلة اليوم هذا لازم يتسجل في التاريخ ..ست الجازي غايبة وست سعاد ما أعطتنا درس وست ندى عطت حصتنا للرياضة ..ياليت ست كوثر مدرسة الشرعية تعتذر عن حصتها تكون الوناسة صج .. دلال ـــ انا عليكم اليوم حصتين صح ؟؟ البنات ـــ صح ..الحصة السابعة .. دلال ـــ اليوم اعفاء ..ما في رياضيات ..الحصة السابعة انزلوا القاعة الرياضية بس لا تزعجون الصفوف الثانية .. طلعت دلال والبنات مستانسين وايد .... تفكر في الجازي .. *********************************** الساعة 3 العصر ..ابو الجازي صحاها من رقادها .. ــــ الجازي ..يله نروح المستشفى .. هزت الجازي راسها وهي تعبانه ..خذت دش سريع ..ولبست عباتها وحجاب بني ..مسكت جوالها وفتحت الإرشيف ..وبدت تقرأ المسجات .. المسج الأول ..تنفسي ..شهيق زفير .. المسج الثاني ..كوني قوية اذا الكل انهار انت لا تنهارين .. المسج الثالث تفائلي ..بيطيب ويشفى انشاءالله خير لا تتشاءمين خلي ايمانج بالله قوي .. المسج الرابع عيونج وشفايفج لازم تنطق بهالتفاؤل لاتبينين انج متشاءمة وزعلانة النفسية اهم شي بيني انج صابرة ومتأملة خير .. المسج الخامس تنفسي لا تصيحين تنفسي اذا شفتي سند ابتسم له وبين له انج متفائلة بالخير ..وانه يقوم بالسلامة .. حاولت الجازي انها تتنفس ..خافت انها تنهار .. بوسند ـــ يبه الجازي التاكسي ينطرنا تحت .. طلعت الجازي بعدما توكلت على الله .. ********** وقفت عند غرفة فهد ..تنفست وهي تقول لنفسها (خلج قوية)عدت لين الأربعة ..ودخلت ..طبعا تفاجأ فهد ..ارتجفت يده ابتسمت الجازي ابتسامة عتب .. ــــ السلام عليكم خير خير ما تشوف شر ياولدي .. فهد ـــ الشر ما ييك يا عمي ,,فاجأتوني ..تفضلوا .. شلونج الجازي ,, الجازي ــ ما أحاجيك .. ابتسمت ..صافحته ..خنقتها العبرة شكله تعبان وايد ..همست في أذانه ـــ انشالله تقوم بالسلامة .. تموا عنده ربع ساعة ..بعدين وقف بوسند ـ ـــ يبه فهد انا دريت من الدكتور ان علاجك بيطول شوي ..علشان جذي قلت ما حد يوقف معاه غير زوجته وهذي زوجتك ..سلمتها لك يدا بيد ..وابريت ذمتي ..هي الحين مسؤولة منك .. فهد ـــ بس ياعمي ... بوسند ـــ لا بس ولا غيره ..يبه هذا الشرع ..واحنا كم فهد عندنا ..بعدين حرام ولد عمك غالب متشحطط هنا وتارك أعماله ..هذي زوجتك وهي اللي بتوقف معاك .. الجازي انصدمت ..ابوها ما قال لها .. فهد ــ لا ياعمي حرام أظلمها معاي .. بوسند ـــ شالكلام يا فهد اذا ما وقفت مع زوجها توقف مع مين الله يهداك .. فهد ـــ الجازي لو سمحت ييبي لي من الكافتيريا اللي تحت عصير ولأبوج شاي .. الجازي فهمت ان فهد يبي يكلم ابوها على انفراد فطلعت .. فهد ـــ عمي الجازي رقيقة وايد ما بتتحمل ..أن بعد جلسة العلاج الكيماوي ينهد حيلي ..ما أبي أعذبها .. بوسند ـــ لا يا ابني الجازي قوية والا ما جبتها لك ..يوم صار حادث سند كانت أقوى وحدة فينا ..مع أن علاقتها بسند قوية جدا ..الجازي عاقل وتفهم ... فهد ـــ بس الجازي انسانه ..بتضغط على أعصابها لين متى ؟؟أنا ما قلت لها علشان ما أكدرها ..وبعدين هي تحلم بعرس فخم وايد ..وشهر عسل ما أبي أدفنها معاي هنا ...أنا بس أقوم بالسلامة بحقق لها كل آمالها .. بوسند ـــ الجازي مب صغير البنت صار عمرها ثلاثين ..أي عرس أي خرابيط .. فهد ـــ بس يا عمي ... بوسند ـــ خلاص يا فهد..أنا بسافر اليوم ..طيارتي الساعة ثمان بالليل ..باخذ غالب معاي حرام الريال عنده أشغال ..هو ووين؟؟ فهد ـــ راح يتغدى ..بيرجع بعد نص ساعة .. بعد خمس دقايق دخلت الجازي واعطت فهد العصير .. الجازي ـــ وين أبوي .. فهد ـــ راح ,,طيارته الساعة ثمان ..يالله يمشي أموره وييب لج عشا .. سكتت الجازي ..هي بروحها مع فهد ..صج مب أول مرة ...بس خلاص هي صارت زوجته من غير عرس ..استحت وطالعت فهد اللي كان سرحان .. الجازي ــــ في ايش تفكر ؟؟ فهد ـــ افكر أن أنا بظلمج معاي ..جذي أبوج يزفج لي من دون عرس ..وأنا بهالحال ..الجازي ردي مع أبوج الوقت ما طاف كلها كم شهر وأنا راجع للبلاد .. الجازي ـــ فهد ..هالشهر اللي ما شفتك فيه ..كان موت ..فهد ..شلون تبيني اخليك وانت قطعة مني ..ما أقدر ..انا ما أقدر ..ابوي ماقال لي عن نيته ..بس تدري إني فرحت؟؟؟ جذي بسرعه ..ما أبي أتركك دقيقة وحدة ..فهد ...أحبك ..ما أبي أصبر كم شهر ..ما أبي عرس وطقطقة ..لو خيرني أبوي ..كان اخترت إني أكون لك اليوم .. مسكت يده وهو منصدم من كلامها ..لأول مرة تقوله أحبك ..بدون ما يطلبها منها .. فهد ـــ بس ..هذا حلم كل بنت ..العرس والفستان الأبيض ..و.. الجازي ـــ فهد ..شالسالفة أصلا أنا كنت مستهجنة هالعرس ..تبيني بهالعمر ..ألبس نفنوف أبيض؟؟ وأجلس وانت تيي وتيلس جنبي ويقولون الناس ما شاء هالمزيون الحلو ماخذ هالعانس الخايسة؟؟؟؟؟؟؟ فهد ـــ يخسي اللي يقول عنج هالكلام أقص لسانه ..أنت زينة المزايين .. الجازي ـــ أدري ...ما يحتاي تقول لي ... بدت تغني بصوت واطي (( أنا مين لو سألوني ..أنا مين بقلن أنت .. أنا من ضلعك شالوني من اليوم اللي تكونت ..)) ********** دخلت دلال الغرفة وهي منصدمة من كلام أبوها....مستحيل . دخلت ظبية ورى بنتها .. ظبية ـــ شفيج ؟؟؟ ليش؟؟ وشفيه ولد عمج؟؟؟ دلال ـــ يمه أرجوج ..أنا مخطوبة لواحد ثاني وعرسي بعد أقل من شهر ..مستحيل أكنسل كل شي وأتزوج ...... ظبية ــــ علشانه أصغر منج حاقرته؟؟؟ دلال (ودموعها على خذها ) ـــ يمه حرام عليج ..افهميني .. ظبية ـــ شاللي تبيني أفهمه؟؟ ولد عمج يبيج أنت أما بالنسبة لعبدالله أبوج بيعطيه ساره ..وانحلت المشكلة .. دلال ـــ لا يمه ما انحلت مستحيل ..تبيني أتعذب كل دقيقة في حياتي؟؟؟هالزواج يعني موتي حرام عليج ... ظبية ـــ شموتج شالخرابيط؟؟؟ قولي شاللي يخليج ترفضين وإن اقتنعت بقنع أبوج .. دلال ـــ يمه .. ورحمة هند ... ظبية ـــ ليش تحلفين برحمة هند وش دخلها في الموضوع ؟؟ دلال ـــ يمه ..هند كانت تحب عبدالرحمن ..كانت تحب عبدالرحمن!!!! *&****** الحلقة السادسة عشر ... ************ سحب له نفس من الشيشة وقال ـــ تدري يا بو جاسم .. أن نفسي أتزوج .. محمد ـــ سيف أنت من صجك؟؟؟ بعد هالعمر؟؟حرام عليك بتظلم بنات الناس معاك .. سيف ـــ ليش بظلمهم ..هم حاصل لهم واحد مثلي؟؟؟ محمد ـــ ايه متقاعد ومطلق وعمرك خمس وأربعين سنة ...شباب أعمارهم ما تعدت الخمس وعشرين ما لقوا بنات الحلال ..تبي أنت وويهك تلاقي عروس .. سيف ـــ ايه شكلي بناسبك ..ما كأنها أخت مرتك مزيونة ؟؟؟ محمد ـــ لا تقرب من بنات عمي ولا بنات خالي ..بيتنا كله لاتقرب منه ..أنا ما أبي أظلمهم ..معاك .. سيف ــ ليش؟؟؟ أنت خذيت بنت عمك ضرة على بنت خالك ..هذا الظلم ولا أنا غلطان .. محمد ـــ سيف ...أرجوك لا تقارنني فيك ..أنا على الأقل أصغر عنك ب 12سنة ... وما ني مطلق ..ومسوي مشاكل مع بنات الناس ومعلقهم .. وقف سيف معصب ...فقال له محمد ـــ سيف الله يهداك ..لاتسوي لي مشاكل . طلع سيف وترك محمد ونيتة الظاهر شينه .. ************ رجع البيت وكانت شيماء تطالع التيلفزيون في طابقها .. شيماء ـــ عسى ما شر ؟؟؟ ويهك مب طبيعي .. محمد ـــ شيماء ..ما أدري بس توقعي في الأيام اللي يايه تسمعين خبر عن خطبة .. شيماء ـــ خطبة من ؟؟ محمد ـــ يمكن أختك غالية ...وما أدري يمكن هنوف أخت صالحة ..أنا ماني خايف على الهنوف لان أبوها ..غير ..لكن خايف على أختك فأبوج ...ما أدري شقول ... شيماء ــــ أدري متسلط ..حرام غالية توها صغيرة ..من اللي بيطلبها شتعرف عنه ؟؟ محمد ـــ سيف ...واحد أعرفة رفجة من زمان ... الدموع وقفت على رموش شيماء ـــ حرام عليك ليش دليته عليها توها صغيرة ..حرام عليك ... محمد ـــ قسم بالله ما دليته عليها السالفة انه ...والله اني حذرته من أن يقرب صوب بيتكم ..هو يعرف أن أبوج يعطي .. شيماء بلهجة ساخرة ودموعها على خدودها ـــ طبعا يعرف ..شافك خذيتني بالساهل ..بدون نقاش .وعلى ضرة .. قامت وراحت غرفتها وصكت الباب بقو وراها .. كلامها قهر محمد حس انه بيدخل عليها وبيكسر الباب ويطيح فيها ..لا ..ما تهون عليه شيماء أنه يضربها .. ضرب بقبضة يده الكنبه اللي جالس عليها ..نزل تحت لصالحة ... *الساعة 10 فالليل .. الخبر انتشر في كل البيت ..عبدالرحمن طلب دلال ..ساره اسكتت وفيصل ويوسف انصدموا ..ما علقوا ..كانوا كلهم جالسين في الصالة انكلودينق (بمن فيهم ) عبدالرحمن ناطرين دلال تنزل وتعلن رايها .. بو أحمد ـــ يبه فيصل شوف أمك تأخرت ليش من زمان راحت لها .. فيصل ـــ زيين يبه .. قبل أن يقوم فيصل نزلت ظبية من فوق ..وبروحها .. بو أحمد ـــ ها شقالت؟؟ ظبية ـــ تقول حرام هالشي ..والرسول نهى عن أن يخطب المسلم على خطبة أخوه .. وانها تشوف عبدالرحمن مثل أخوها ابراهيم ..يعني ما في نصيب .. بو أحمد دام أم أحمد راضية ما تكلم والتف لعبدالرحمن .. ــــ يبه ..الزواج قسمة ونصيب ..أنا معطي الريال كلمة وما بغيت أثنيها بس قلت أمشي ورا راي البنت ..والبنت ..ماردتك لشي فيك ..لا ..محشوم ..بس ..قسمة ونصيب .. ـــ عمي أنا أبي دلال !!!!!! أنا محيرها من كانت ياهل .. التفتوا الكل للي يتكلم وصدمة عنيفة ... فيصل ـــ أهلين جاسم ..هذا السلام اللي تعلمته في مصر؟؟؟ محد يحب جاسم ..خصوصا فيصل لأن جاسم نذل في نظره.. بو أحمد ـــ جاسم أنا اتصلت فيك وكلمتك عن الموضوع وأبريت ذمتي ...لا تنط لي الحين ..وتقول لي محيرها ؟؟ جاسم ــــ بس ياعمي هالكلام من زمان ... بو أحمد ــــ اتصلت فيك من خمس أشهر وقلت لك يا جاسم خاطرك في وحدة من بناتي ..قلت لي لا ياعمي أنا ما ناوي على الزواج الحين ..أحمد قال لي أنك ما بتاخذ دلال .لا تكذبني الحين ..وتقو ل من زمان .. جاسم ـــ زيين أنا ولد عمها و أولى فيها من الغريب ..اسألها ..تبيني ولا لاء .. عبدالرحمن ـــ مستحيل توافق عليك ..انت شلون تخطبها أصلا أنا طالبها قبلك .. وولعت خناقة بالكلام بين عبدالرحمن وجاسم ..صرخ فيهم بو أحمد ــــ بس!!!!أنتوا هني في بيتي ..وأنا بحترمكم يا عيال أخوي مع أنكم ما احترمتوني ... التفت لفيصل .. ـــ ناد لي دلال بسرعة ... ـــ زيين يبه . نزلت دلال وهي لابسة شيلتها ..ومستغربة جاسم هنا؟؟؟؟ وعبدالرحمن ..والكل واقف كأن في هوشة ..كانت عيون دلال حمره وخشمها محتقن .. بو أحمد ـــ تفضلوا اجلسوا .دلال تعالي اجلسي جنبي ... دلال ــ لبيه يبه .. بو أحمد ــــ هذا عبدالرحمن تقدم لج ..وهذا جاسم تقدم لج بعد كلهم يبونج على سنة الله ورسوله .. أبي رايج في هاللحظة وبعدها ما نفتح هالموضوع أبد .. تيبست دلال .. ما استوعبت اللي قاله ابوها ..خذت لها خمس دقايق والكل ساكت ناطرينها تتكلم .. دلال ـــ يبه ..أنا ما أقدر أرد عليهم لأن عبدالله اوريدي دفع مهري وأنا جهزت نفسي ..أنا ملتزمة بخطبتي له ..وآسفة بس ما راح أقبل أي واحد منهم ..مو علشان شي فيهم لا ..علشان ..أني خلاص رضيت بنصيبي ..وقسمتي ..وعرسي بعد أقل من شهر ..ما أبي أكنسل أي شي وما أبي أوقع أخوان بين بعضهم .. أنا مخطوبة لعبدالله بن صالح ..أكرر عرسنا بعد أقل من شهر ..وماراح يتغير شي .. قامت دلال بعد إن استأذنت من أبوها .. جاسم ــ من متى للبنات راي في الزواج؟؟ بو أحمد ـــ من قبل لا تنولد ..أنا ما أزوج بناتي بدون موافقتهم ولا تفتحون هالسيرة مرة ثانية .. قام بو أحمد وكمل ـــ حياكم الله اشربوا الشاي والقهوة ..وتوكلوا .. طلع أبو أحمد من الصالة .. ************* تمت دلال تصيح في غرفتها وهي مب مصدقة اللي صار للحين ..للحين ترن كلمة جاسم في مخها من متى للبنات راي؟؟ طالعت شنطها اللي تجهزهم ..حست بضياع كبير .يارب شكاتب لي في المستقبل ؟؟مسكت جوالها ودقت على أحمد توأمها الغالي عليها ..قالت له كل اللي صار ..وهو منصدم .. أحمد ـــ أنا حذرته الكلب ...متى سافر؟؟ دلال ـــ وصل أمس ..ليش ما تدري؟؟ أحمد ـــ لا أمس كنت رايح في جولة لمستشفيات الإسكندرية .استغل الفرصة و..المهم إنج رفضتيه أبوي رفضه ؟؟ دلال ـــ أحمد أكيد أبوي رفضه أبوي معطي كلمة لعبدالله ..مستحيل يرجع عنها .. أحمد ـــ زيين ..تعالي من زمان نفسي أسألج ..شخبارها؟؟ دلال ـــ تزوجت .. أحمد ـــ شلون؟؟؟بس انا قلت لج قولي لها أني أبيها .. دلال ـــ ما صحت لي الفرصة .. بس أختها ما تزوجت شرايك أقول لأمي تخطبها لك ؟؟؟ أحمد ـــ كم عمر أختها ؟؟ دلال ـــ لا تعصب ..عمرها ..18 سنة .. أحمد ـــ الله يهداج ..تبيني أربي؟؟؟؟ أبي أتزوج . البنت وايد صغيرة .. دلال ـــ بس عقلها يوزن بلد ..أعرفها ..شرايك؟؟؟ أحمد ـــ خلاص ...الشور شورج وهداية الله ..قولي لأمي تخطبها ..هي شسمها؟؟ دلال ـــ الغالية .. أحمد ـــ ما أبي أتأمل وايد بس ..اوكي ..قولي لأمي أنا برجع الدوحة الشهر اللي ياي .. دلال ـــ أكيد بتحضر عرسي ولا والله العظيم ما ني متزوجة . أحمد ـــ أكيد ..يالله بالسلامة وأنا براوي جاسم .. دلال ـــ مع السلامة .. دلال كانت بتخطب شيماء لأحمد ..أحمد كان يبي وحدة من نفس عمره أو أصغر عنه بشوي ..ودلال كلمته عن شيماء بشكل عام وصفاتها العامة ..وأعجبته .. ************************** عبيد ـــ تعال يا ناصر للطابق اللي فوق .. ناصر ـــ لا ..لا تحرج أهلك .. عبيد ـــ عادي بنت عمك وحدة ما في غيرها وهي دياية تنام مبجر.نلعب كوره؟؟؟ ناصر ـــ ايه ..من زمان مالعبت سوني .. بدت اللعبة ..عبيد فريق الأرجنتين وناصر البرازيل ..بدا الصراخ والهواش والضحك ... الشباب لما يجتمعون على لعبة يكونون في قمة الإزعاج .. على الجانب الثاني ندى في غرفتها ..ندى نومها خفيف تصحى على دبة النملة شلون والصراخ كلله في الناحية الثانية من البيت .؟؟طلعت ببيجامتها المشمشية وكشتها ما تشوف طريقها لأنها مو لابسة نظارتها ونص نايمة ..فتحت باب غرفة عبيد و فصلت السوني وأخذت السلك الرئيسي وطلعت بدون ما تشوف من موجود ... طبعا وسط دهشة عبيد وسعد وناصر ..شالوحش اللي دخل عليهم.. عبيد ـــ ناصر اعذرنا اختنا الكبيرة ...ما لنا كلمة عليها .. وانفجروا ضحك ... أما ندى ارجعت نامت وكأن شيئا لم يكن .. ناصر ــ خربت علينا اللعبة ,,, عبيد ــ لا ما عليك هي دايما تسوي هالحركة فينا وشكلها كانت نايمة ما انتبهت لك ..لذلك عندنا سلك احتياطي .. خذوا السوني ونزلوا الديوانية ..ولعبوا على راحتهم ..لكن ناصر كان فكره بعيد ..بعيد ..مع ندى ... ******** |
عطاها قلاس الماي .. ـــ تسلمين .. الجازي ـــ الله يسلمك ..ما بيرخصونك اليوم ؟؟؟ ابتسم فهد وقال ـــ ياليت ... فهمت الجازي ابتسامته واحمرت خدودها من الحيا . فهد ـــ حبيبتي الجازي ...انشالله في هالأسبوع براويج ألمانيا .الجلسة اللي جاية بعد أسبوع ..بنطلع ونتمشى وكأن شيئا لم يكن ... الجازي ـــ لا ...أنا سمعت الدكتور يقولك لا تعب حالك..وأنا لاحقة على الهياته لاتخاف علي ..المهم صحتك بالدنيا .. فهد ـــ غالب سافر ويا عمي؟؟؟ الجازي ـــ هيه..فهد..ليش خبيت عني موت أخوك؟؟ فهد ــــ ......................................... الجازي ـــ فهد ليش ما قلت لي؟؟ فهد ـــ خفت تكرهيني ... الجازي ـــ أنا؟؟؟؟؟؟؟؟؟؟؟؟؟؟؟ أكرهك؟؟ انت يافهد؟؟فهد أنا أموت على التراب اللي تمشي عليه ..ليش تقول هالكلام؟؟ فهد ـــ بعد ما توفى أخوي ..خفت أن يصير لي نفسه ..أخوي اكتشف المرض متأخر ..بعد فوات الأوان أبوي مات من نفس المرض وأخوي الثاني مرض لكنه تلاحق عمره قلت أسوي الفحوصات وصج .الفحوصات اكدت اني مريض ..بالخبيث ..كنت قررت اني اول ما أرجع اقولج وننفصل ..لين اللحظة اللي دخلت فيها عتبة بابكم وأنا قراري كان اني اطلقج وما اعذبج معاي ..لكني جبنت حبيت الحياة من شفتج وما قلت لج ,مع الأيام تعلقت فيج وكل يوم اكثر من اللي قبله ..نسيت مرضي والعلاج والمصير ..كنت انتي بس اللي أشوفها ... ومن الحب ما قتل ..اتصل فيني طبيبي وهزأني ..ما قلت لج ..لأني خفت تكرهيني ..تقولين بعد ما علقتني فيك تروح وتخليني؟؟ انا خدعتج..أملتج بحياة ومستقبل أنا ما أملكهم بإيدين خالق هالكون ..ما كنت بتكرهيني وتلعنين اليوم للي شفتيني فيه؟؟ التفت لها لقاها غارقة بدموعها ...وعيونها حمر ... فهد ـــ الجازي ...أنا آسف ..من حقج تكرهيني وأكثر .. الجازي من وسط دموعها ـــ مستحيل ستحيل ...لازم أنت اللي تكرهني ..أانا اللي ألهيتك عن نفسك وصحتك ..بسببي أنا حالتك الحين خطرة ..سامحني فهد والله إني أحبك موت أكثر من أي شي في هالدنيا ... ومسكت يده وبللتها بدموعها وهي تحضنها .. دمعت عيون فهد موقف الجازي غريب غريب ..ضحك .... وضحك مرة ثانية ..الجازي ما تقدر تسأله عن سبب ضحكه لأنها في وادي ثاني ... مسح على راسها وقال لها بعد ما سكتت .. ـــ الجازي أنا اللي لازم تسامحيني انت ما غلطت ..الجوز أبيج تعرفين شي واحد مهما صار..أنا مستحيل أكرهج أنا أحبج ...والله الشاهد على كلامي ..لانصيحين ..ما أبي أشوفج تصيحين بعد اليوم ... مسحت دموعها وتمت تطالع بعيونه هي الشي الوحيد الل تتعرف عليه من ملامحه ...دمعت عيونها مسحت على وجهه وعدلت غطاه واطلعت بره الغرفة بحجة إنها تجيب ماي لكنها كانت تبي تصيح وتبجي ..بعيد عنه ... ******************* الحلقة السابعة عشر ... ****************** دخل سعد وهو مكتئب للغرفة ..وكانت ندى توها راجعة من الدوام ..تلاقوا عند الممر اللي بين غرفهم .. ندى ـــ قوة ..شلونك؟؟ سعد ـــ عايش ... استغربت ندى حالة سعد (فكرت في نفسها أنا من حطاني مصلح اجتماعي؟؟) ندى ـــ مو من العادة ..شفيك سعد من مضايقك .؟؟ سعد ـــ أنتوا يالإناث أنتوا تضايقون بلد .. ابتسمت ندى من وسط همومه وينكت .. ندى ــ انطرني دقيزا أبدل وأسمع مشكلتك ... سعد ـــ تقصدين دقيقة؟؟؟أنت تبدلين في دقيقة على مين تقصين؟؟ ندى ـــ yeh just one mint دخلت ندى وبسرعة غيرت ملابسها وغسلت شعرها وويهها واستعملت المنظف . طلعت وشعرها القصير لين أذونها مبلل ..كانت لابسة بيجامتها الزرقا .. طقت الباب ..ودخلت سعد ـــ دخلي يا ام منت ...صار لي ناطر عشر دقايق لو نزلت وتغديت كان أهون .. جلست على الكرسي اللي مقابله .. ندى ـــ فضفض ماذا فعلن بك فتيات الجنس الناعم.؟ سعد ـــ لا تقلبين لي فصحى انت ساعة عامي ساعة هندي ساعة انجليزي وآخر شي فصحه؟؟تكلمي عادي .. ندى ـــ مو مهم شلون أتكلم المهم إنت تكلم!! سعد ـــ أختي .. أنتوا يالبنات شاللي يرضيكم؟؟ ندى ـــ من أي ناحية؟؟ سعد ـــ ما أدري يمكن أسأل الإنسان الغلط أنتي مو من بنات هاليومين .. ندى ـــ لا ماعليك..من أي ناحية تقصد بالرضا يا أخي العزيز؟؟ سعد ـــ أنا الحين أبي بنت تحبني ..ليش ما ألاقي هالإستحسان مع أن عبيد مو أحلى مني ولا دمه أظرف من دمي بس البنات ميتين عليه؟؟؟؟؟؟ ندى ـــ تقصد مرايم؟؟إنت من جدك؟؟ سعد ـــ مرايم وغير مرايم البنات بشكل عام؟؟ ندى ـــ أقولك الصج وما ..تعصب؟ سعد ـــ قولي هالجوهرة اللي عندج.. ندى ـــ شوف برأيي كبنت ..أنا أكره الرجال اللي من نفس نوعيتك .. سعدـــ نااااااااااااااااااااعم؟؟ ندى ـــ خليني ؟أكمل للنهاية ..أمثالك ماخذين الحياة هزل ..ضحك ..مومهتمين بشي ..وبكره لاتزوجتوا كزوجة ما بتهتمون بهالزواج ..لأن حياتكم بحد ذاتها أنت غير مهتمين لها فشلون لحياة زوجاتكم؟؟ علشان كذا البنات نوت انترستنج غير مهتمات بهذا الصنف من الرجال اوكي؟؟؟ سعد ـــ يعني ..بس شلون أصير انترستنج لكم يالبنات عطيني نموذج وأنا من بكرة بتقيد فيه لكن أصير مثل عبيد؟؟؟ لا لا مستحيل ..عطيني مثال حي .. فكرت ندى شوي بس ترددت .. ندى ـــ انطرني دقيقة ... راحت غرفتها ..وسحبت صندوق صغير من تحت سريرها ..وفتحته ..كان مليان بروايات عبير ..احتارت أي قصة ؟؟؟ خذت لها قصة وحطتها تحت قميصها وهي مترددة ..ابتسمت وهي تتذكر الأيام اللي اشترت فيها هالقصص كانت في عطلة الصيف ..يوم سافروا الكل وتمت هي لأن عندها صيفي .. والجو ماكان يساعد على الطلوع والهياته دلتها وحدة من صديقاتها على هالقصص فأدمنتها كانت طول اليوم نايمة في غرفتها مع المكيف وتاكل بالشيبس والبيبسي حتى يوم ارجعوا أهلها انصدموا كانت زايدة 15 كيلو ..ندى ضعيفة وايد جلد على عظم ويوم امتنت كانت تهبل ..بس ما طول الأمر ضعفت أول ما ردت للجامعة .. دخلت للغرفة ـــ سعد اقرأ هالقصة ..وبتعرف كل شي.. حطت القصة على السرير وطلعت وهي تقول ـــ الغدا لا تنسى .. ********** صالحة ـــ محمد ..شيماء من يومين ما كلت شي ..لا يكون .. محمد ـــ لا يكون ايش؟؟ صالحة ــــ لايكون حامل؟؟؟ ضحك محمد من قلب وعيونه دمعت وهو يضحك ... شر البلية ما يضحك .. استغربت صالحة ضحكه .. قال ـــ لا بدري عالحمال ..بس هي نفسيتها شوي ..خايفة على أختها ..لا تتزوج من سيف قلت لج السالفة ..حطي لها أكل خفيف علشان آخذه لها ما عليج أمر .. صالحة ـــ زين بس ليش ضحكت؟؟؟ممكن أسأل؟؟ محمد ـــ أقولج بعدين ..ماني رايق الحين .. صالحة ــــ حرام مسكينة شيماء ...هادية وايد ومنعزلة ..شوي شوي معاها يامحمد .علشان خاطري .. محمد ــــ ماعليج ..تدبر حالها حية من تحت تبن.. اجلست صالحة بعدما كانت واقفة . ـــ محمد أنا أعرف شيماء من زمان وهالكلام ما أقوله من عشرة يوم أو يومين ..أنا أعرفها من انولدت وهالكلام ما ينطبق عليها صدقني ,, محمد ـــ تهقين ؟؟ هزت صالحة راسها وقالت ـــ وإلا ما قبلتها ضرة علي لولا اني أعرف طباعها .. قامت من على الأرض تحضر سفرة لشيماء ... أخذ محمد الأكل وطلع الطابق اللي فوق .. حط الأكل على الطاولة طق الباب على شيماء .. ـــ شيوم إن فتحتي الباب لج عندي خبرية بتفرحج .. ماردت شيماء ... ـــ شيوم ...الخبرية عن غالية . انفتح الباب بدقايق وكانت شيماء شاحبة وويها أصفر .. ـــ شفيها الغالية؟؟ ابتسم محمد ـــ تعالي تعالي كلي لج لقمة تسند طولج وأنا أقولج .. شيماء ـــ محمد الله يخليك شفيها أختي ... محمد ـــ ما راح تنخطب لسيف .. شيماء ـــ صج ؟؟أنت أقنعته ؟؟ صج؟؟ كانت فرحانة وايد ..وضمت محمد لها محمد تيبس ..كانت تتصرف لاإراديا .. يوم حست بحالها احمر ويهها وانسحبت ببطء.. مسكها وقعدها على الطاولة وقال .. ـــ ما أبي أخيب ظنج ..أنا ما أقنعت سيف ..السالفة عن شخص ثاني خطبها ..وأبوج وافق .. انصدمت شيماء وتطالع محمد وعيونها تسأل .. محمد ـــ خطبها واحد اسمه أحمد صالح المنصوري ..هو الحين في مصر ..هو جراح خلص دراسته من زمان بس يبي يتدرب أكثر , السنة بيرجع للدوحة .عمره .. شيماء ـــ 28سنة .. محمد ـــ صج ...أنت شدراج؟؟ شيماء ـــ أخو .زميلتي في المدرسة .. محمد ـــ معقول؟؟وهي قالت لج عن عمره؟؟ شيماء ـــ لا ..بس هي توأمه ..أكيد من نفس العمر .ياااااااااااي شقد أنا فرحانه ..الغالية تستاهل .. محمد ـــ أمس ماكنت راضية عن خطبتها تقولين صغيرة واليوم فرحانة؟؟؟ شيماء ــ أعرف هالناس وهم ناس زينين وايد ..وهو ..صج كبير عليها لكنه من كلام أخته عنه انسان وايد محترم .. محمد ـــ يله كلي ..صار لج يومين ما أكلتي ... شيماء ـــ شلون عرفت؟؟ أنت كله في الشغل .. محمد ـــ قالت لي صالحة اليوم المسكينة على بالها إنج تتنسين ماتدري بالمخبى والمستور ... قام محمد وهو يضحك وشيماء تمت طاخة ..أول مرة يتكلم عن الحمال ..وقبل أن يوصل الباب قالت له بصوت همس ـــ أنا ما منعتك عن شي .. سمعها بس حب يتأكد ـــ هاااااااااه؟؟؟ شتقولين .. شيماء ـــ أنا أقول ..إني ..ما ...منع..تك ... محمد ـــ أدري باللي قلتيه ولاتتصورين إنج مانعتني ..بس أنا مو حيوان ..مو إنت اللي ما نعتني ..لا ..أنا ما راح أقرب منج لليوم اللي أحس فيه إنج ... سكت ..ما تكلم .. شيماء ـــ إني ايش ..أحبك؟؟؟ تتوقع إن أحبك بعد اللي سويته فيني؟؟؟ بقولها لك مثل ما يقولونها اخواننا المصريين ... دا بعدك.. طلع محمد من الطابق وهو معصب ما يشوف الدنيا قدامه .. لكن شيماء ندمت على كلماتها معاه ..كانت قلة أدب منها ..محمد كان موقفه نبيل ..نزلت دموعها ..وبعدين صرخت في نفسها .. ـــ ليش أنا أدافع عنه..لا يكون لا يكون..؟؟؟ قامت وتركت الأكل ..وهي مكتئبة ..قفلت باب طابقها بالمفتاح ما تضمن محمد وشاللي بيسويه .. *************** وأخيرا ..بعد ثلاثة أيام واتتها الشجاعة إنها تفتح إيميلها .. InboxNo message انقهرت ..ليش يا خلفان ..ليش ..تمنيت منك رسالة وحدة ..وأنا على أعصابي من يومين!!!!!!! New أمسيت كالصقور .. التي تحلق في الجو وتدور .. تبحث عن مايبقيها على قيد الحياة لكن للأسف اختفت الحياة ..واختفت الطيور ... وكبركان من الحمم يفور .. أنتظر ردك ..الذي لم يأت .. فلم أستطع الهبوط ,, وتعبت من الدوران .. أريد النور .قبل أن أثور .. وبطغياني وسط الظلام أجور .. Send تنهدت ..ما تقدر ترسل رسالة عادية .. كبرياءها يمنعها ,, طبعا خلفان بعيد كل البعد عن الغباء ..فبيفهم أن الرسالة منها ..لكن مستحيل ما في شي يؤكد له هالشي .. طلعت برة الغرفة وكان حمد طايح طق في صافية.. سعاد ـــ اتركها ولاتمد يدك عليها مرة ثانية .. تركها حمدـــ يا ويلش إن شفتش عتبت باب حجرتي انتي تسمعين .. سعاد ـــ وخير ياطير اذا دخلت حجرتك شالشي الخطير اللي ما تبيها تشوفه ؟ حمد ـــ أنا ما أدخل حجركن فلا تدخلون حجرتي فهمتوا .. طلع وهو معصب .. طالعت سعاد أختها اللي قالت ـــ كل هذا علشان الفيلم اللي جايبه راح أعلم أبوي عليك جايب فيلم لمادونا.. سعاد طالعت اختها بنظرات ـــ وأنت شلقفش ودخلش الغرفة؟؟ صافيةــ حتى إنتي علي؟؟ سعاد ـــ لاتفتكرين إني دافعت عنش إنش مو غلطانة ..يا ويلش إن عديتها ومالش شغل في حمد ..صار ريال .. صافية ــ توه عمره 19 سنة ..وينه وين الرجولة . سعاد ــ شنبه ما تارس عينش؟؟ يالله روحي المطبخ ..شوفي لش شي تسوينه .. راحت للصالة وامسكت التيلفون علشان تتصل في الهنوف .. *************** صحت من النوم دايخة ززطالعت الساعة ..الساعة خمس الفجر .؟؟؟ قامت ما تشوف طريقها طلعت ملابس من الخزانة وحذفتهم على السرير ..أول ما طلعت من الغرفة كان عبيد وأمها يطالعون التيلفزيون .. ـــ يمه آذن المغرب ؟؟ ـــ لا ..ليش تسألين .؟؟؟ ــــ خلينا نصحي أختك من النوم ..ما شفتها من رجعت من المدرسة ... استوعبت ندى ان الساعة خمس المغرب مب خمس الصبح .. ندى ـــ السلام .. عبيد ـــ جبنا سيرة القط جا ينط ...وعليكم .. راحت المطبخ تسوي لها كوب نسكافيه بالحليب ... شانيا ـــ good after noon miss .. ندى ـــ good ….to you too ..make acoffee withmilk ….quick.. ندى مو مركزة تحس بصداع غريب ..يمكن علشان اليوم ما تغدت؟؟؟؟ شانيا ـــ why you didn’t eat your lunch?? ندى ـــ أي فورقيت ...كويك ..اي هاف ءاهديك .. طلعت للحديقة ..كان سعد جالس وسرحان ... ندى ــــ اللي ما خذ عقلك يتهنا به.. سعد ـــ ؟أهلين ندى ... ندى ـــ قي ايش تفكر؟؟ سعد ـــ صراحة ..أقولج شي ياندى ..أنا أبي وحدة بنفس المواصفات ...اللي في الرواية اللي أعطيتيني اياها .. ضحكت ندى ــــ عاد البطلة هني ..ما أدري شقولك ..معقدة سعد ـــ ومن قال أبي مواصفات البطلة؟؟؟ أبي وحدة بمواصفات البطل .. انصدمت ندى ,,كمل سعد .. ــــ غنية ..ما تتكلم وايد قاسية و جافة ومن وسط هالأشياء يطلع حنان وحب ..الجسم ممشوق ..والعيون زرقا والرموش ذهبية...آآآآآآآآآآآآآآآآآآآآآآآآآآآآه ياليت في بنت في هالصفات .. ضحكت ندى تعليقا على الموقف .. ــــ سعد إنت مريض درجة حرارتك مرتفعة شي؟؟أنا عطيتك هالقصة علشان أقولك إن البنات يحلمون في هالبطل ...تنقلب إنت وتحلم في بنت مثله؟؟ سعد ـــ لا يا أختي ...البنات يموتون في واحد يحقرهم ... وما يعطيهم ويه ..انتي من متى تقرأين هالأشياء ؟؟ ندى ـــ مالك شغل ..هذي مرسيه مالتك؟؟؟ سعد ـــ خليني أقوم وأروح أنام من الظهر وأنا أقرأ ..تعبت ندى ـــ سعد نصيحة أخيرة .. سعد ـــ تفضلي ... ندى ـــ لا تحاول تحب وحدة تحب واحد غيرك ...بأمل إنها تحبك .. سعد ـــ لكن بطلة القصة نجح معاها هالشي .. ندى ـــ هذاك في مجتمعهم ..في مجتمعنا مستحيل البنت ..تختلط بالشباب ..فما عندها أي فكرة عنهم كلهم انما عن شخص واحد وفي خيالها تعتمده شريك حياتها ..الفكرة ما راح تتغير ..مهما صار ..فلاتحاول . الحلقة الثامنة عشر .. ************** حاولت دلال للمرة المية إنها تتصل في الجازي ...لكن ما علق الخط ..يوم الجمعة عرس دلال .. أي بعد أسبوع تماما ..الجازي من سافرت ما اتصلت في دلال بس مرة وحدة وقالت لها كل اللي صار .الثلاث الأسابيع اللي راحت صارت أشياء وايد أحمد خطب الغالية . ولأنه أبو أحمد صديق لأبو شيماء وافق الأخير على زواجهم .لكنه ما يعطي لغير قبيلته ..بس هالمرة استثناء . ..ندى سافرت لبنان مع بنات عمها ..شيماء الوحيدة اللي بتحضر عرس دلال .يمكن ندى ترجع ثالث أيام العيد مشكورة يالجنون ...من قلب مشكورة. سارة ـــ ما علق الخط؟؟ دلال ــ لا ...صراحة ما أقدر أتزوج والجازي ما تحضر عرسي .. سارة ـــ يالله .. صراحة ما أقدر أتخيل الجازي عروس. دلال ـــ ليش؟؟ سارة ـــ مادري ..طول عمرها البنت العانس ..صار عمرها ثلاثين سنة .. وفجأة بلا مقدمات أو حتى حفلة عرس صارت عروس..ريلها ما حد تكلم عنه شلونه كم عمره؟ مزيون وإلا لا .. دلال ـــ اسمه فهد ..مزيون .عمره أربع وثلاثين سنة ..الشهر اللي ياي بيدخل الخمس وثلاثين .صديق أخو الجازي ..الجازي تقولي إنه كان عايش برا يشتغل في السفارة ..خطب بنت خالته لكنها ..ما رضت لأنها تبي تكمل دراستها وهي الحين دكتورة ..كان متأمل إنها بعد ما تخلص دراستها توافق عليه علشان جذيه انشغل بشغله وأجل السالفه ..لكنه تفاجأ بزواجها من ابن عمها ..طبعا هو كان مغترب ومشغول بمرض أبوه وبعده أخوه فما درى بزواجها إلا متأخر . سارة ـــ هو كان يحبها؟؟ بنت خالته؟؟ دلال ـــ ما أدري بس كان شي مصيري ..الجازي تقولي إنه طول عمره كان يبي سهام زوجة له ..بس ما كان يحبها ..ما حصلت له الفرصة إنه يتعرف عليها ويحبها كان مشغول وايد ويوم كان يفتحون سيرة الزواج كان يأجل حط في باله مايتزوج لين ما تخلص سهام دراستها ..وصار النصيب وفهد خطب الجازي . سارة ـــ طبعا هذ ا من حسن حظ الجازي . هي خلاص ما بتسوي حفلة ؟؟ دلال ـــ بتسوي حفلة لما ترجع ويشفى فهد من المرض.. سارة ـــ انشاء الله والله انها تستاهل كل خير .. قامت دلال عن سارة وتم تفكيرها مشغول في عبدالله .اللي ما تعب نفسه ويسألها شلونج؟ *********** محمد ـــ بترجعين للمدرسة؟؟؟ شيماء ـــ هذا سؤال ولا قرار؟ محمد ـــ سؤال . شيماء ـــ أنا حياتي المدرسة ..ما أقدر أتخلى عنها .إذا سمحت لي برجع أداوم.. محمد ـــ مسموحة . طوال الأيام اللي مرت و شيماء مقهورة ..محمد من قال لها عن سالفة الحمال والعلاقة بينهم متوترة .محمد يدخل لغرفته وينام ..ولا كلمة بينه وبينها ..شي غريب كانت تحس فيه ..طريقته في الكلام معاها تعذبها ..تذكرت كلام أمها .. أم سلطان ـــ يمه ..تسنعي مع ريلس ..ترا محمد تربايتي خوش ريال ..أنتوا متزاعلين ؟؟ شيماء ــ لا يمه ...ما فينا شي .. أم سلطان ــ انشاء الله ماييكم ..هو تزوجك علشان الولد ..ها بشري عساس حامل؟ ارتبكت شيماء في هذيك اللحظة ـــ لا يمه ..أنا مب حامل . أم سلطان ـــ بنتي أنت مو صغيرة . علشان نقول بدري . عمس أبو ريلس ناطر البشارة ...صالحة حامل في الخامس .. بس متوقعين بنت ؟لأن أم صالحة ما يابت عيال كله بنات . شيماء ـــ الله كريم يمه .. أم سلطان ـــ والنعم في الله ..بس حبيت أنبهس ..لا تقولين توني صغيرة وبدري .. محمد ـــ شيماء ..شيماء , في ايش سرحانة؟؟ ابتسمت شيماء ـــولا شي ..بغيت شي ؟؟ محمد ـــ صالحة تعبانة ..خذي بالج منها أنا بطلع ..يمكن أرجع متأخر .. طريقته في الكلام كانت جافة كأنه يكلم الخدامة .. شيماء ـــ محمد ..أرجوك لاتكلمني بهالطريقة. مارد عليها طلع من الباب فلحقته على السلم... التفت لها ـــ نعم ليش لاحقتني؟؟ شيماء ــ ابي ... محمد ـــ تبين ايش خلصيني (كان يتكلم بنفاذ صبر ) شيماء ارتبكت وماقدرت تتكلم مثل ما تبي ـــ تــ ت...ولا شي ولا شي .. طنشها محمد وطلع ..حست بوخز في صدرها ...طريقته كانت جافه معاها .ماقدرت تقضب دمعتها اللي نزلت ..تكلمت مع نفسها (من حقه يكرهني ..أنا غبية..يالله ليش أدافع عنه ..أنا ما أتوب؟ يالله كل اللي أطلبه منك لا تخليه يعاملني بهالقسوة والله إني ...ما سويت له شي..) وصل محمد لسيارته وكان معصب ..شيماء كل ما جالها وتصير غامضة. مايفهم هالبنت ولا راح يفهمها .شكله بيندم على اليوم اللي حب فيه شيماء وصمم على الزواج منها .. تأفف وفتح باب السيارة ..وركب ..هو يحاتي شيماء ,,شيماء جننته ..وهو يقاوم نفسه ..نفسه يضمها له لين ما تكسر عظامها مثل ما عذبت له قلبه ..نفسه يقطعها بأظافره لين يشفي غليله منها ..فهو يكرهها ..وفي نفس الوقت مجنون بحبها ..صج لا قالوا بين العشق والكره شعرة... ...................... |
ابتسمت الجازي .. ـــ فهد بتم لا بس هالكبوس حتى في الفراش؟؟ فهد ـــ وانت شحارج؟؟؟تغارين منه؟؟ الجازي ـــ يهبي هالكبوس ياخذك مني ..بس ..أحب صلعتك..أحب أغني لك أقرع قريعه طاح بالطاسة..يبجي على أمه يبي قرقاشة.. قالت هالأغنية وهي تهرب منه وهو يلحق وراها متوعد فيها .. فهد طوال هالأسابيع اللي مرت كان ياخذ الكيماوي بجرعات مخففة ..علشان ما يصدم الجازي .. جلست على الأرض ..فهد حط راسه على شيليلها.. ..مسحت على راسه وهي مبتسمة .. ـــ فهد إلحق.. فهد ـــ ايش؟؟ الجازي ــ ملمس راسك خشن ..هذي كم شعره طالعين .. فهد ـــ جوز بليز بلا الجوكس مالتج الحين .. الجازي ــ والله إني نوت جوكينق ..هات يدك ... حطت يده على المكان الخشن ..فقام ركض للمنظرة .. ـــ أي والله..هذول متى طلعوا؟؟فقدت الأمل انهم يطلعون مع إني أسقيهم كل يوم... ضحكت عليه الجازي.. الجازي ـــ تبي شعرك يطول ...طنشه ..لا تقعد تراقبه .. فهد ـــ وانت الي يسمعج يقول مطنشة ماكأنج كل يوم قبل تنامين تفردينه وتشوفينه لوين .. الجازي ــ وانت شدراك؟؟لا يكون تراقبني؟؟؟ فهد ــــ حبيبتي من الليلة الأولى لنا وأنا ما تغمض لي عين ..قبل لااشوفج قدامي وأحمد الله .. الجازي ـــ ..حبيبي..لا تضحك علي بس سمعت أن الشعر لو ما اهتميت فيه يزعل.فما يطول. ضحك فهد ..وطنش ..ما توقع الجازي من اللي يصدقون هالخرافات .. لكن هذا الشي يزيدها حلاوة.. فهد ـــ بكرة انشاءالله أروح للمستشفى من الصبح موعد علاجي الساعة ثمان.. الجازي ـــ لا والله؟؟ تروح بروحك؟ ما أخليك.. فهد ـــ بكرة بطول شوي وبتعب..ما أبيج معاي. الجازي ـــ فهد والله ان عدت هالجملة مرة ثانية أزعل عليك..أنا من لي في هالدنيا غيرك؟؟؟شلون ما تبيني أوقف معاك؟ فهد ـــ شايفه هالشعرات اللي اطلعوا اليوم؟ هزت الجازي راسهاــ ايه.. فهد ـــ بيموتون بكرة ...مثل اللي قبلهم .. الجازي ــ وانت شايل هم هالشعرات ؟؟؟خل يموتون ..أفقدهم أهون علي من ....فقدانك.. فهد ـــ لا تبجين..أنا هنا ماني رايح مكان .. الجازي ـــ بكرة بروح معاك يله الحين حط راسك ونام. فهد ـــ شلون أنام قبل ما أمتع ناظري فيك؟؟ الجازي ـــ أصلا عندي شغل في المطبخ ..يله قود نايت .. تبي تقوم من عنده جرها ..وقال .. ـــ الشغل يتأجل ياعمري ..يتأجل ... ************** الحلقة التاسع عشر.. ******** شالمغثة اللي مرافقهم؟؟؟؟ البرد في لبنان مب طبيعي ..دلكت ايدينها .. الريم (بنت عمها )ــ نبي نروح الجبال جبال الثلج.. ناصر ــ الريم الله يهداج الجبال بعيده عنا خلينا الحين في الأسواق والجبال انشاءالله يوم الجمعه .. يوم الجمعه ذكر ندى بشي .. ندى ـــ صراحة أنا بكون مسافرة يوم الجمعة ياليت ياعمي خالد تاخذنا للجبال اليوم علشان نلحق نشوفهم ونرجع طيارتي يوم الخميس.. خالد عمره 33سنة ومطيح في لبنان .. ـــ بس يا ندى ما يمدينا..اللبس لازم غير والطريق طويل وايد..شرايكم نروح اليوم زحلة؟ ناصر ـــ عمي من بيروت لزحلة المسافة وايد طويلة .شرايك ناخذهم لصيدا؟ خالد ــ تقريبا نفس البعد بالنسبة زحلة تدرون ايش رايي؟؟ الريم ــ ايش يا عمي؟ خالد ـــ ناخذ طيارة لقبرص..قبرص تجنن وهالوقت يعني رائعة.. ندى ـــ ياعمي الله يهداك ماتبي تأخذنا للجبال تأخذنا قبرص؟ خالد ــ الجبال غير إنها بعيده ..فهي خطرة .أبي آخذكم قبرص لأنها أحلى ..لا تخافون حافظها مثل اسمي ..وبتستانسون وايد..يله نبقى هناك ليوم الخميس..وبعدين نرجع لبنان. ندى ــ أنا بطلع من قبرص للدوحة.. ناصرــ كليتينا كأن ما في وحدة غيرج بترد للبلاد...زين عرفنا.. برطمت ندى لو إنك ياسعد جاي معاي كان استقويت على هالخدية نويصر..لكن عمي معانا وهو ما يرضى بهالكلام. ندى بإبتسامة نصرــــ محد طلب رأيك ياكزانوفا عصرك. خالدـــ صج انت ليش بتسافرين؟؟ ندى ـــ عرس رفيقتي يوم الجمعه وحرام وعدتها إني أحضر. ناصرــ والله ..زمن ندى ولها رفايق من البنات وأنا على بالي إنج ما تعرفين إلا فطيم.. فطيم ـــ ناصر وبعدين معاك؟؟؟ مصختها .. ناصر ــ أنا ما سويت لها شي .بس طريقتها في الكلام تنرفز. ندى ـــ كازانوفا زمانك مو علينا هالكلام ..لا تتوقع أعطيك ويه مثل رفيجاتك جاي تتبلى علي؟ خالد ـــ ندى .شالكلام. هذا ولد عمج.. ندى ـــ عمي تراك بعد مو مقصر اتصلت فيك هايدي في الفندق وتركت لك رسالة إنها بتنطرك في شقتها !!!!!!!!!!! ************** ـــ أمج وين؟؟؟ ـــ أمي وأبوي اطلعوا لعرس ناس يعرفونهم ..تعالي حجرتي بنسولف على راحتنا . سعاد ـــ صج؟ عاد أنا أمي وأبوي راحوا بيت خالي حمد. وأخذوا البنات معاهم فقلت أجي واستانس معاش. الهنوف ـــ سعاد ..شرايج ندخل غرفة خلفان ..هو مو موجود.. سعاد ــــ وين راح؟ الهنوف ـــ ما أدري كأنه مركز الكمبيوتر أو شي جذي..يله تعالي. دخلت مع الهنوف للغرفة وجسمها ينتفض من داخل ..ريحة خلفان ..وجوده ...استشعرتهم وقلبها سعيد بهالشي..حطت يدها على كتبه..وصوره..كمبيوتره.. طالعت الجدار والبوسترات .. وانتبهت لشي غريب.على بوستر لطفلة كتب شي ..قرأت وانصدمت ..هذي خاطرتها غلطة مراهقة كتبها بكل حرف كتب الريبلي بعد .. حست بوناسة خطه وايد حلو..صارت تتلمش الأحرف وهي مندمجة ما انتبهت إن الهنوف اطلعت.. ـــ أعجبتج؟؟؟ وقفت كل شعرة في جسمها من اسمعت حسه انتفض قلبها مثل الطير المجروح .. التفت له ما حاولت إنها تطلع لا ..ريولها خانتها فماتحركت خطوة.. ـــ وايد مؤثرة.. خلفان ــ تتوقعين إنها صادقة؟ سعاد ـــ هاه؟؟؟ خلفان ـــ مشاعر اللي كاتبتها تتوقعين إنها صادقة؟ ارتبكت شتقول له؟؟؟ ــــ يمكن العلم عند الله هو العالم باللي في القلوب.. خلفان ـــ ونعم بالله ..بس أبي رايج.. ـــ أنا متأكده إنها صادقة...أقرأ ندمها وحبها في كل كلمة .. استغربت سعاد من نفسها ..شلون طلعت معاها هالكلمات؟ خلفان ــ أنا عكسج..أشوفها مخادعة و متصنعة وممثلة عظيمة.. الكلمات كانت ثقيلة وايد عليها ..اخنقتها العبرة..ما مسكت دموعها..انتبه لدموعها بدوره .. خلفان ــ تأثرت؟؟؟ دايما يقولون المرأة لا تجيد سوى دموع التماسيح. ما قدرت تمسك نفسها أكثر ..اندفعت دموعها أكثر من الأول..لكنها قالت بحزم. ـــ لا يا خلفان ..مب دايما ..دموعي مب دموع تماسيح. ..دموعي حزن عليها..فأنا متعصبة لبنات جنسي..ويحزنني العذاب اللي بتــــــ...وين الهنوف ؟ خلفان ــ شفتها تدخل الحمام الله يكرمج.أتمنى أن ردي وصل لها فهي مثل المعلقة ..لامتطلقة ولامتزوجة.. كان خنجر ثاني ينطعن في قلبها.. ـــ لا تنغر وايد..فتعيد غلطتها.. خلفان ـــ هذا كلامج؟ سعاد ـــ هذا رأيي..أنا بطلع .. خطواتها ثقيلة وايد وريولها ما قدرت تحملها.. وماقدرت تتحرك .. خلفان ــ أنا العاجز هنا اللي ما يمشي لكن انت؟؟ سعاد ـــ العجز مب بالمشي ..العجز بالتفكير.. مرت بجانبه وتهيأ لها انه بيمسك يدها ..لكنه حرك كرسيه بكل غرور ..وما إلتفت لورا.. تطلعت وهي تشهق ...دخلت غرفة الهنوف شالت شنطتها وطلعت ... أحبك يا خلفان ليش تعذبني أحبك..أحبك.. *** ـــ أحرجتي عمي..ليش قلتي جذيه؟ ندى ـــ فطيم الكل يعرف مصايبه وهو نفسه ضحك وقال الله يبشرج في الخير..وين الإحراج اللي تتكلمين عنه؟ ناصر ـــ أصلا هايدي متزوجة عمي عرفي .. ندى + فطيم= اييييييييييييييييييش؟؟؟ ناصر ـــ وشفيكم اخترعتوا عمي عرفني عليها في عطلة الصيف ..بس عمي ما يبي يقول لحد علشان تعرفون كلام الأهل ويدتي .. فطيم ـــ والله يدتي ما تحب له إلا الخير.. ندى ـــ لا خالد من حزبي ..المنبوذ من قائمة المفضلين ليدتي .. فطيم ـــ شالكلام؟؟ يدتي فطيم تحبج.. ضحكت ندى ـــ يدتي ما تطيق تسمع سيرتي ..تقول عني المسترجلة..مع اني والله العظيم ما استرجلت ولاشي. فطيم ـــ انت دايما تقصين شعرج وتلبسين بيجامات وبناطيل ..طبعا بتقول مسترجلة .. ندى ـــ ما أحب ألبس جلابيات ولا أحب ألبس تنانير زين يالله أستحمل التنورة في المدرسة..تضايق حركتي.. ناصر ـــ أي صج شعرج وبيجاماتج كأنج صبي.. التفت ندى وفطيم لناصر ـــ وانت شدراك ؟؟؟ انحرج ناصر وعرف أنهم بيستجوبونه ـــ من كلامكم ..بعدين ياندى انت في الشيلة والعباة كأنج صبي شلون ببيجامة وشعر قصير. انزعجت ندى من كلامه وصارخت عليه ـــ هيييييييييييييه انت ما أسمحلك تتكلم عني جذي...انت مو شايف نفسك؟وبعدين انت شنططك بينا ما تروح ويا خالد؟؟ ناصر ـــ هيه في عينج أنا مو سعد ولاعبيد تصارخين علي وتمشين كلامج ترى أغسل شراعج الحين!!وأخليج ما تسوين بيزه! احترقت أعصاب ندى وبغت تفش خلقها فيه لكن نطت لها فاطمة. فطيم ـــ ناصر هدي أعصابك ريلاكس ...متر بليييييز قلاس ماي ندى ولعت وين المطافي ....وانت الثانية استرخي .. الريم ـــ أصلا ندى تربت بين سبع عيال فتطبعت بطبايعهم وهذا شي طبيعي ..يوم كانت تلعب كانت لازم تغلبهم فالدراريع تعرقل الركض واللعب وأما عن الشعر فالاولاد ما يوقفون دقيقة جدام المنظرة كل وقتهم لعب ندى تبي تلعب مثلهم فتعودت أنها ما تهتم فيه وكل ما كان خفيف عليها كل ما كان أحسن فهالعادة صارت من طباعها ..وبوطبيع مايوز عن طبعه .. فطيم ـــ تكلمت الدكتورة النفسية.. الريم ـــ هالكلام أنا درسته في تخصصي علم نفس..ما يبته من الهوا.. ندى ـــ بطلع أشم هوا في حديقة الفندق ...تعالي يافطيم. الريم ـــ وأنا؟؟ فطيم ـــ خلج مع أخوج ... ناصر ـــ أنا بطلع خذوها معاكم يمكن أشوف لي وحدة لبنانية رمز للأنوثة أمتع ناظري فيها .. الريم ـــ لا تحذفوني على بعض ماني طالعة بصعد السويت و أشوف التيلفزيون ..آخر عمري يايه لبنان علشان أشوف تي في . ******** ندى ـــ رفع لي ضغطي .. فطيم ـــ ناصر عاد ..مجنن البنات سواء بالحب أو الكره. ندى ـــ هو ليش جاي معانا .. فطيم ـــ يقول اشتاق لعمي ومايبينا أنا والريم بروحنا.ليش ما يا سعد ..متعودين وين ما تسافرين يروح معاج مشكورة ..وايد ..الجزء هذا بسيط ..مافي أحداث وايد ..بس انطروا الجزء اللي ياي .. ندى ــ ما أدري قلت له تعال قال ماني فاضي ..أصلا كنت أبي أروح كندا..بس شفتكم يايين لبنان قلت أأجل الروحة. فطيم ـــ شتسوين في كندا مب حلوة وايد.؟؟ ندى ـــ بروح ألعب ..بروح لخالتي زينب ..صار لي أربع سنوات ما شفتها شكلي بروح أصيف عندها مع أمي. فطيم ــ بس مرت عمي ماتحب السفر وبتشحطط لين توصل كندا.ليش متعبين على نفسكم؟ليش ما ييون هم؟ ندى ـــ هم حرام يالله يلاقون لقمتهم ..لاتنسين ؟إنهم يتامى. اذا التذكرة الوحدة بسبعة..وهم ستة أنفار.. فطيم ـــ سبعمية ريال؟ ندى ـــ لا سبعة آلاف ريال ..أمي بالحيل مشتاقة لهم .واحنا اثنين وحالنا أحسن من حالهم.. فطيم ـــ معقووووووووووول ؟؟؟ ومن وين يعتاشون؟ ندى ـــ عبدالهادي يشتغل سمسار ..وزينب حاضنة أطفال .الباقي في المدرسة والجامعة. فطيم ــ بتتزوجين عبد الهادي؟ قولي لي صراحة.. ندى ـــ شايفتني خبلة مثل خالتي؟؟؟تزوجت واحد مب قطري وآخرتها متشحططة في بلاد الغربة؟لا ..عبدالهادي صرفت نظر عنه من زمان أصلا هو مخطوب لبنت عراقية اسمها دنيا..مثله حاملة الجنسية الكندية. فطيم ـــ حرام ...هو كم عمرة ؟؟26سنة صح؟ ندى ـــ يوم ميلاده كان 13 الشهر دخل 27سنة. فطيم ـــ انت تكلمينهم؟؟ ندى ـــ لا ..نتواصل بالرسايل ..أنا وسمر ونهلة ومنى نتبادل الرسايل دايما.وصلتني آخر رسالة من ثلاثة أسابيع .وأنا طرشت لهم هدية عبدالهادي . فطيم ـــ أمج بتزوج عبيد لمنى؟؟ ندى ـــ لا ..بتزوج منى لخالد..وعبيد لمريم وسعد لسمر وعلي لنهلة .لأن منى عمرها 23 وسمر 20ونهلة 15,,هالكلام بيكون بعد سنتين بالكثير هي قالت لي .طبعا ما قلت لهم علشان ما يفركشون شي امي تبي تجمع الأخوات هنا وبعدين خالتي ترجع لبلدها يكون محمد وأحمد كبروا ..عمرهم تقريبا بيكون 26سنة.العيال يتمون في كندا والبنات يتزوجون قطريين وبعد كم سنة يأخذون الجنسية وخالتي قطرية بتم هني معانا.. فطيم ـــماشا الله أمج خططت لكل شي .. ندى ـــ هيه .وأنت شلون خطيبج؟؟ما تتكلمين عنه من زمان.. فطيم ـــ أنا ماني مخطوبة أنا مخبوطة..عبدالعزيز كاشت في الدنيا كلها وأولهم أنا وحياتج. خطبتنا دخلت في العام الخامس وحضرت لا سؤال لا جواب ..وكملي الأغنية مثل أحمد فتحي ندى ـــ بس قولي انشاءالله مايكشت فيج قبل عرسج بأسبوع . فطيم ــ ما أستبعد هالشي ..فهو أخو سيف.. ندى ـــ لاتذكريني ..الله دخليج مابغيت أنسى السالفة. فطيم ـــ بس أنا ماراح أسكت له مثلج أقل شي يدفع لي تعويض.. ندى ـــ انت تخرفين؟؟؟شاللي بايدج تسوينه؟ فطيم ـــ لا حبيبتي ..منقعني خمس سنوات وبالأخير يقول آسف؟؟لا ..ماراح أرضى أصلا هلي ما بيسكتون له.. ندى ــ قلت نفس كلامج وأكثر..وقهرني إن بعد وفاة أبوي أخواني ما فزعوا لي وقالوا قسمة ونصيب ...كل هذا علشان ما يخسرون شراكة سيف وأبوه في الوكالة.سيف من كان عمري 16 سنة وهو محيرني ..ويوم صار عمري 24 فركش كل شي ..ثمان سنوات ..بالنسبة له ولاشي..توقعي عبد العزيز بعد سنتين ولا ثلاثة يقولج يفتح الله..ولا يكسر الرقم القياسي لأخوه ويخليها عشرة. فطيم ـــ انت الله فكاج منه في عمر صغير ..لكن أنا ..عمري الحين خمس وعشرين .. ندى ـــ ست وعشرين دخلتيها من شهر ونص ..نسيت بهالسرعة؟ فطيم ـــ اللي هو..ينطرني بعد خمس سنوات يطق عمري الثلاثين؟؟؟لا ما يبيني يقول من الحين ..ألحق ادور لنفسي معرس . ندى ـــ ناصر كم عمره ست وعشرين؟ فطيم ـــ اذا أنا ست وعشرين ؟الله يهداج عمره ثمان وعشرين.. ندى ــ خلينا من سالفة الأعمار .الحين شنسوي بأخوج الشيخ ناصر؟ فطيم ــ والله انت اللي متورطة معاه انا مالي شغل.. |************** الحلقة العشرين .. ****************** خلج قوية ..الله أكبر ..خلج قوية .. ـــ الجازي اطلعي بره ما بتتحملين ..اطلعي بره ... الجازي ـــ فهد ..تحتاج لحد معاك ما بتركك ..امسك يدي .. طالع لها الممرض ..وأشر لها على الباب ..هزت راسها وقالت ـــ No I am his wife I cant leave him… طالعها الدكتور ـــ please mam ..you cant stay here we will finish soon ..please ..gotto your self acoffee..or tea … ـــ I cant leave him .. ـــ I needto focus please don’t waste my time . ـــ اطلعي يالجازي ..يقولج انه يبي يركز ..اطلعي ... اطلعت الجازي وما قدرت تمسك دموعها ... طول الدقايق اللي تمر وهي ترتجف ..وتصيح ..تذكرت أمس و ابتسامته ..تمت تدعي له بالتوفيق والصحة .. ************* بياض الثلج ..لا ..الشحوب اللي يعتليه يخوف ..حاولت إنها تصمد .. مسكت يده ..كان غايب عن الوعي .. مامسكت دموعها ..دموعها طاحت على يده اللي رافعتها لها.. ـــ أحبك ...أحبك ...أفديك بحياتي ..أفديك بكل فلوسي .بروحي ..بس ارجع لي بصحتك وسلامتك. *********************** ــــ شيماء شيماء أنا آسفة .. ــــ خلود ما أسمحلس أنس تتعدين حدودس معاي .. ــــ كل اللي سويته أني سألتس ..ليش زعلتي قسما بالله أني ما اقصد ..قسما بالله انها أسئلة تافه ليش انتفضتي جيه. ـــ خلود لو تبين تيليسين مع الغالية بناديها لس ..أنا طالعة غرفتي فوق. ــــ شيماء شيمااااااااااااااااااااااااااء ...يالله .. تنرفزت شيماء من أسئلة خلود ..علاقتها بصالحة سمنة على عسل ..ليش يقولون جيه؟ وبعدين مالهم دخل اذا حملت ولا لاء ..لكن ما نست الجزء الأخير من سؤالها ..صج محمد يحبس وااايد؟؟؟؟أكثر عن صالحة ..محمد ما يحبني ..يحب صالحة محمد تزوجني عنااااد .. الغالية ـــ اتصل محمد ناطرس تحت ... خذت عباتها وغشوتها وطلعت . خلود ـــ شيماء انسي إني سألتس .. شيماء ـــ نسيت من ومان بس ما حب حد يتدخل في حياتي ولا يتقول علي ..سمعت ياخلود وهذا أخوس قبل أنه يكون زوجي.مع السلامة . كانت خطواتها سريعة وانتبه محمد لها الشي . محمد ـــ عمتي موجودة ؟؟ ـــ اييه ..بس عندها ضيوف لوسمحت محمد وصلني للبيت صالحة ناطرتني ..بنتها الصغيرة تبي غيارات والباقي يبون عشا . محمد ـــ في خدامات متكفلات بهالشي ..اليوم بتطلعين معاي. ـــ لا ما يطمن قلبي ..حرام حطتهم في ذمتي .. ـــ اوكي بناخذهم ونطلع .. ــــ الصغيرة وين ناخذها ..الدنيا برد. محمد ـــ شيماء ..بلييز لاا تجادلين تراني مصدع ..قلت بناخذهم يعني بناخذهم..لا تعاندين ..تراج تتهربين من طلعاتج معاي من تزوجنا .. كلامه صح ..هي تتهرب من الطلعات معاه ..بس هالمرة ما بيكونون بروحهم .. اتصل في صالحة وقال لها.صالحة الحمل متعبها وايد ..ما تقدر تتحرك . **** الكل متوتر ..بما أن عرس دلال بعد أيام ..نزلت من غرفتها وهي متوترة .. ـــ هااااااااااي .. ـــ خالي ..أهلين ..متى ييت من السفر؟ سعيد ـــ دلول ..أنا هنا من الساعة ثمان الصبح .. سلمت على خالها .. ـــ شالزيارة الغريبة مو من عادتك .. سعيد ـــ دلول ..يا عروستنا الحلوة نسيت إني كل عيد هنا؟ولا العرس نساج العيد؟ ـــ اييه ..تدري العرس وسوالفه نسيت العيد ..اعذرني ياخالي من سوق لسوق من خياط لخياط من صالون لصالون ..مافي راحة .. ــــ خلصتي؟؟؟ تجهيزج وكل هالسوالف ..خالتج بتيي يوم ثاني أيام العيد . ــــ يعني ..بقى الأشياء البسيطة. خوفي لاأنساها ..الله يسامحج يالجازي كانت ترتب لي أموري دايما وتكتب ليسته لكنها سافرت فضعت من دونها. ـــ لو تبين أروح أييب خالتج لج اليوم ..تراها تعرف في هالسوالف.. دلال ـــ خالتي هيا ؟؟؟ صج؟؟بس هي للحين ما تزوجت شعرفها في هالسوالف.. سعيد ـــ لولاها خالج كان مختبص يوم عرسه ..عندها كنترول منظم اورغينايزيد.تبين الليلة أييبها لج. دلال ـــ شكلي بدق عليها . صراحة أنا محتاسة.. ما أشوف ريقي أحس قلبي يدق بقو ..وكل شي مبهم عاد حلمت أني فجأة صحيت من النوم واكتشفت أني تزوجت ومر ثلاثة شهور على هالشي وأنا ما أذكر شي اطلاقا ..كان حلم كريه. سعيد ـــ انشاء الله خير .. دلال ـــ ولا مدامتك مايات سلمت؟؟سيده راحت لأهلها؟؟؟ سعيد ـــ خبرج .. شيخة اذا ما شافت أهلها بتموت . شاللي بلشني ببنت غير بنت بلادي بس تعب رايح ياي ..غير اذا طرا على بالها تسافر اير لاين .. دلال ـــ مالقيت الزين في الأمارات ودرتها وييت قطر ام الحلا كله .. سعيد ـــ لا حبيبتي لا تنغرين ..الزين كله في الأمارات وإلا نسيت؟. كافي أنا من الإمارات ...مستر هانسم..بعدين أنا خذيت قطرية علشان أمج ..اطلبت مني آخذ شيوخ ..بنت سلامة خالتها .. دلال ـــ سلامة مو خالتك بعد خالو ..شو بلك بدك تعرس كمان علشان هيك موشوش شوي؟؟ سعيد ـــ وطي صوتج ..شيوخ لا تسمعج تقلبها مناحة يالله افتكيت منها .. دلال ـــ أصلا أمي شافت بنت خالتها شيوخ عمرت ولسه ما تزوجت ..فقالت مافي مثل الزين سعيد ولد خالتها يشيلها ويتزوجها ...وإلا هي كما رأيي فيها من زمان قرقرة ونكدية .. سعيد ـــ كأنج غلطتي على زوجتي؟؟ بنت اختي ماي نيس . بليز ..تراني والله أحبها بس إنها بتموتني قبل وقتي بس .. دلال ـــ بس!!! وايد عليها تخسي .. ضحك سعيد ـــ وليش تقولينها بصوت واطي ؟؟خايفة . دلال ـــ نو ماي أنكل ..خايفة أمي تفركش عرسي .وتقطني برقبة جسوم ولد عمي نكاية فيني لاتنسى بنت خالتها .. ابتسم سعيد ـــ تدرين إني سعيد إنه ما خذاج؟؟ صراحة من يوم يومه نذل ..الحمدالله انج ما تورطتي معاه . ابتسمت دلال بدورها ..محد يعرف إنها حبت جاسم رغم نذالته وحقارته انها تمت سنوات تحطه في بالها عل وعسى ..وبعد جهد واقناع داخلي تخلت عن الصورة المثالية له ..الحين تقولون نذل؟ ليش ما قلتوا من قبل؟؟ سعيد ـــ بروح انام تعبااااااان البشكارة خلصت غرفة نومي .. دلال ـــ أعتقد مرسيييييه واييييد وبرشا على مرورج الكريم أدري الجزء كان بسيط جدا لكنه ممهد لأحداث ...هذي التكملة .. ــــ بنروح السوق ؟ ـــ شيماء نسيت أن العيد بعد كم يوم ..لا أنت ولا صالحة ولا البنات رحتوا السوق .. ــــ صج ..انشغلنا بصالحة. مسكينة تعبانه وايد . ــــ هي جذي في كل حمل لها ..تتعب وايد ..لأنها ضعيفة وايد ..وسمعت أن حمال البنت يتعب أكثر من حمل الولد .. ـــ لا تظلمها ..وبعدين البنات رزق ..ليش هالتعصب عندكم؟ البنت أحن من الولد... ــــ شيوم ..شفيج انتفضتي .هدي البنات معانا لاتنسين ..راعي مشاعرهم شوي . ********** |
ــــ مشكورة وايد والله إن الدراعة تينن ..وملابس البنات روعة ..ما توقعت أنس تعرفين أغراضهم ولبسهم .. ــــ صالحة صدقيني ما أعرف بس محمد ساعدني ..ما شاء الله يعرف كل المقاسات والأغراض ..أنا بس اخترت الموديلات بس. ــــ ذوقس وااااااااااااايد روعة .. ـــ تستاهلينها .. طلعت الطابق الثاني وكان محمد جالس يطالع التيلفزيون .. ـــ أنت تعبان؟ ـــ ايه شوي دايخ ..صداع .بحط راسي وانام ..صحيني بعد ساعة .. فصخت عباتها ..وتمت في القميص والتنورة ..بندت التلفزيون ومسكت مجلة تتصفحها ..ثواني وسمعت صرخة في الطابق اللي تحت ..نزلت بسرعة وقلبها يدق بسرعة . ***************** ارتجفت وهي منصدمة .. ــــ فهد أنت ترجع دم ؟؟؟ دددم..د..د.م . فهد ما يحس باللي حوله الألم أكبر منه . طعم الدم وريحته في نفسه .. الجازي تصرفت بديهيا خذته عالحمام و وبللت منشفة بماي ..حاولت أنها تضمه بس يخف عليه الوجع ..تتحرك بسرعة وهو منتفض الجازي على طول ياتبت له بطانية والمنشفة بللتها بماي حار .. ـــ بـــر..رردان ..غطيـ..يــ..ني..ههه.. وتم يلهث وهو تعبان الجازي على طول يابت له دواه المسكن بعد ما انتهت النوبة .. غطته ..وهي ترتجف ..تأكدت أنه نام على فراشه .. طلعت بره الغرفة هي مصدومة ..هذا اللي ..كان خايف أنه يصير؟ هذي ردة فعل الجسم بعد أخذ الكيماوي ..يالله ..يالله ..حست أنها ما تقدر تتنفس ..انهارت وهي تصيح بصوت مكتوم اللي صار لا يحتمل ..دخلت الحمام منظر الدم ..وقف شعر جسمها ..الموقف أكبر من أي دموع من أي كلام ..شهقت وتمت تصيح وهي خايفة ..انتفضت ..حست بقلبها توقف دقاته ..فنحت الماي و رشت الحمام ..ريحة الدم في كل مكان ..رشت المعطرات والمنظفات وافتحت كل درايش البيت ..افتحت الدش ..ودخلت تحت الماي الحار .. مشطت شعرها وهي سرحانة ..تطالعه من المنظرة ..نايم ..المعت دمعه في عيونها . راحت له ..وانفضت شعرها المبلل على وجهه ..تعرفه يكره هالشي ..فتح عيونه منزعج ويوم شاف ابتسامتها ..ماقاوم أنه يمسكها من شعرها .. ـــ الجوز كم مرة قلت لج لاتسوين جذي هالحركة تخلي جسم يقشعر ..شعرج بارد ليش متسبحة بماي بارد؟؟؟ ـــ حبيبي ..والله إنه كان ماي حار .. ــــ أنا من متى نايم؟ ـــ من ساعة ونص ..يله خلاص ..اصحى ..ولا بتخليني بروحي ؟؟ ــــ الجازي ..انا كنت أحلم ولا ..صج اللي صار ؟؟ ـــ تقصد ردة فعل جسمك؟؟ الدكتور قالي عنها ..ما عليك النوبة ما كانت قوية .. هزت شعرها في ويهه .. ــــ بس بس ..أزعجتيني .. ************************* ************* ـــ آسف النزيف كان قوي ..ما انكتبت لها النجاة ..الله يرحمها. محمد ـــ انت شتخرف ..الظهر ما كان فيها شي ..شنزيفه والجنين .. الدكتور ـــ الجنين كان ذكر ما كملش ست شهور للأسف ..ما قدرناش ننقذه .. ـــ انت شتقول ؟؟؟..لا الأم ولا الجنين ..لا إاله إلا الله ..لا حول ولا قوة إلا بالله ..يالله ..رحمتك ..وبناتها؟؟ شقول لبناتها الثلاث اللي .. ماقدر يوقف ..والدموع لقت طريقها لعيونه ..ترك الدكتور وطلع للإستراحة وين شيماء كانت خايفة وتنطره .. ـــ ها محمد ..شفيها صالحة عسى المغص عادي ..محمد انت ليش تصيح؟؟محمد رد علي ..دخيل الله محمد رد علي .. ـــ صالحة ماتت ..ماتت هي والجنين ..النزيف كان قوي ومدري ايش بعد ..ههه.. شيماء ما استوعبت ..وبدت تتكلم بهسترية .. . ـــ يمكن مغلطين ..تعرف مستشفى حكومي فيه شكثر مراجعين يمكن سألت الدكتور الغلط ..حرام عليك لا تفاول عليها ما كان فيها شي من قبل شوي .حرام عليك .. ــــ شيماء ..ماتت ..أنا لحقتها لين الغرفة اللي طلع منها الطبيب ..ماتت ..ماتت .. ارتجفت شيماء ما قدرت تتنفس ..ماقدرت توقف على ريولها صرخت وجلست على الكرسي وبدت تصيح وهي تشهق ...حس فيها محمد وحضنها بقوة .. الحلقة الواحد والعشرين *********** سارة ـــ قسما بالله انج روعة ..فستانج كوول .. دلال ـــ مرسيه وايد ..ظهري ذابحني من ليلة الحنا هذي آخر مرة أحط فيها حنا هالكثر . ظبية ـــ يمه أنتي مو كل يوم تعرسين .الحنا اللي حاطته حنا عرايس بس . دلال ـــ ايه صج ..ها يمه شرايج فيني .. ظبية ـــ زيينه.. دلال ـــ بس ..هذا اللي طلع منج؟؟ يمه اليوم عرسي ..مدحيني شوي .. عليا ــ دلال ليش ايدج ترتجف؟ دلال ـــ ما قدر أنزل خايفة .. ندى ـــ لا يا دلال خلي عندج ثقة في نفسج .. دلال ـــ قبل أن يسرقني الوقت ..ندى مشكورة أنج ييتي ..صراحة ..الحمدلله أنج موجودة ..صراحة أنا مفتشلة منج أنج قطعتي سفرتج .. ندى ـــ دلال أصلا أنا ييت علشان أفتك من الرفقة ..مرافقنا واحد غثيث .. وبعدين أنت مو كل يوم تعرسين .. ندى رجعت على طول من لبنان بعد آخر موقف بينها وبين ناصر ..فكرت أنها تعيد بين أهلها وأخوانها أحسن .. ندى ـــ يله .وين عصبيتج وين حزمج ..دريت ان أخت المعرس كانت طالبة عندج صج .. دلال ــ اييه ..هيفاء لا وبنت عمه ..البنت اللي ضبطتها تغش السنة اللي فاتت . ندى ـــ لا تقولين ...على جذي بدأتي بسجل أسود .الله يعينج بيضيه ..بس والله أنج الليلة عروس .. دلال ـــ الحمدلله والشكر ندووووش ..أنا عروس ..ما تشوفين النفنوف الأبيض؟والباقة الحمرا؟ ندى ـــ أحلى عرووس ..هذي الكلمة اللي نسيتها ..أحلى .. سارة ـــ والله ما أقدر أشبع من شوفتج ..طالعة روعة جنان ..حلوة وايد .. ندى ـــ سارة ..حاسبي .. سارة ـــ اايش ؟؟ ندى ـــ أنت فيج سكري الحلو مب زين لج ..غيري المحطة شوفي لج وحدة مرة شوي .. ضحكوا ..ودلال شوي طلعت من الخوف اللي مسيطر عليها عليا ـــ دلول خلج قوية ..كما عهدناك .. ندى ـــ لا تغركم بعصبيتها و شخصيتها المسيطرة تراها جبانة ما تشوفنها ترتجف ؟؟ دلال ـــ ندووش ..سكتي عني لا أقوم و أشد شعرج .. ندى ـــ هذا اللي شاطرة فيه تتفرعنين علي .بعد شوي قدام عريس الغفلة ترتجفين كأنج دياية . سارة ــ عاد عبودي .. هذا .. ندى ــ عبودي ؟؟شالتطورات من متى تنادينه عبودي يادلول؟ دلال ـــ ما أناديه عبودي من قال جذي أصلا أنا ما أنطق اسمه سويره قسما بالله إن ما انطميتي أمسح فيج الأرض ..تدرون أنا شكلي بفركش العرس ,,يمه ما أبي أتزوج .. ظبية ــ أنتي ملجتي وخلاص ..وقلتي للملا أنج موافقة ..يالله عن خرابيط اليهال . دلال ـــ ايه والله نسيت ... ضحكوا عليها ..أصابعها صارت باردة.. سارة ـــ وصل أحمد .. ندى ـــ أنا بسبقكم وبروح القاعة ..بشوف التجهيزات ....مبروك يادلال ..منه المال ومنج العيال .. دلال ـــ الله يبارك فيج ..مشكوره وايد على ييتج . سلمت عليها وطلعت .. دخل أحمد ـــ مبروك مبروك الله الله شالزين كله .. استحت دلال ,, أحمد ـــ حبيبتي مبروك..انشاء الله يوفقكم في حياتكم.. دلال ــــ مشكور يا أحمد..والله ييتك تسوى عندي الدنيا كلها . سارة ـــ تراها مو حافظة إلا هالجملة وقالتها حد الحين سبع مرات .. ضحكوا عليها وهي احرجت وطالعت سارة بنظرات شيطانية . سارةـ ـــ لاتطالعين جذي ..انتهى دورج في حياتي ما تقدرين تسوين لي شي .. دلال ـــ ليش حنا في فيلم هندي العروس خلاص تهجر أهلها وما يشوفونها لا حبيبتي بعد بكرة بكسر راسج .. عليا ـــ يالله يادلال شغلتج التكسير بس ؟ كل واحد يتكلم كسر راسك قطع شعرك ..لهالدرجة متوترة نفسج تمسكين رشاش اوتماتيك وتقضين علينا؟؟ دلال ــ عليوي .. أحمد ـــ الله يعينها إذا ما ياها انهيار عصبي من وراكم.. يالله دلال ..الليموزين تحت ..يالله بنات .. دلال ـــ ما أقدر ريولي ما تشيلني .. أحمد ـــ أشيلج؟؟ دلال ـــ لا ..خلاص بمشي .. ********** تحس بنظراتهم الكل يطالع لها .بتموت هي ما تحب أحد يطالع لها .وينج يالجازي؟؟؟ شحالج الحين ؟ قربت شيخة زوجة خالتها منها وقالت . ـــ ما شاء الله الكل هنا يتكلم عنج يقولون إنج حلوة وايد بس مو احلى من عبير يوم عرسها . دلال ـــ عبير؟؟؟ كانت مستغربة من كلام شيخة ..دلال ما تواطن شيخة وشيخة تحقد على دلال .. شيخة ــــ هه..ما تعرفين من عبير؟ أنا أصلا كنت أبي أسألج. كلام شيخة مبين أنه مقصود ..شيخة تعرف من عبير لكن دلال ما تعرف ... دلال ـــ هذي أعتبرها كلمة مبروك .. شيخة ــ الصراحة أنت طالعة جنان الليلة ..مبروك . هزت دلال راسها ..وراحت شيخة .. طالعت أمها وشافت الدموع في عيونها ..قبل كل شي ..أمها تحبها وايد ويستحيل عليها فراق بنتها . هالشي تأكدت منه دلال يوم شافت أمها سرحانة وتصيح ..أحبج يمه ..مع أن عمرج ما قلتيها لي . دخل عبدالله ومعاه أخوانها وأبوها اللي بارك لها وحبها على راسها ..حست ان عبدالله مبهور فيها ..وجود اخوانها وخصوصا فيصل اللي كان مسوي جو ..خلاها تحس بالراحة .. ********************* طقت البااب مترددة .. ــــ محمد .. ــــ ادخلي ياشيماء ,, شمت ريحة صالحة في الغرفة ..كان محمد نايم على السرير وين آخر مرة شافوها ..يوم كانت تصارخ من بطنها .. شيماء ـــ محمد ..انت ما كلت شي من أيام قوم تعشى .. محمد ـــ مالي نفس ...اليوم مو عرس صديقتج؟ شيماء ـــ ايه .. محمد ــــ ليش ما رحتي؟.. شيماء ـــ ما أقدر ,,البنات وأنت ..وأنا في حالة ما تسمح لي بأني أروح .. محمد ـــ ليش ..اللي توفى مو من أهلج ولا قرايبج.. شيماء ـــ كلامك هذا يجرحني ..صالحة كانت أختي وصديقتي ..واللي صار لها أنا ما أقدر أستوعبه .. محمد ـــ زين ..تبين شي.. شيماء ـــ محمد أنت حتى ما طالعت لي ..محمد حرام تحبس نفسك في هالغرفة ..حرام تعذب نفسك .. محمد ـــ لو سمحتي ..خليني بروحي ... شيماء ـــ وبناتك؟؟؟ كافي أنهم يسألون عن أمهم الحين صاروا يسألون عن أبوهم ..حرام عليك ..قوم محمد قوم ..علشان خاطري .. محمد ـــ علشانج سويت الهوايل ..لو سمحتي اطلعي بره ..وأي شي أبيه بطرشه مع الشغالة . كلامه كان قاسي عليها طلعت وهي تصيح ..ضمت البنات لها وهي خايفة عليهم .. ****************** ـــــ مبروك .. دلال ــ الله يبارك فيك مبروك لك بعد .. ـــــ خذي راحتج ..بروح أشوف طلبية العشا ما أدري ليش تأخروا .. دلال حست أن ويهها أحمر من الخجل .. للحين ما قدرت تحط عينها في عينه ... بس شكله وايد جنتلمان ..محترم وايد ..سرح فكرها شوي باللي سمعته من وحدة من الحضور وهي طالعة ــــ شلون يستبدل عبير بوحدة مثل هذي ..عبير كانت ..ملاك.. فهمت دلال أن عبير هي زوجته الأولى ..بدلت ملابسها البست روب طويل ..وفتحت شعرها .. عبدالله ـــ طبعا ما تعشيت ..لا تقولين شبعانة ..قال لي أحمد أنج ما كليت .. جلست على الطاولة بعد ما سحب لها كرسي . عبدالله ـــ أنا سمعت كلام عند باب القاعة من وحدة عن أرملتي ..أتمنى أنه ما ضايقج .. ـــ ما ضايقني .. عبدالله ـــ أدري أنه ضايقج ..توقعي بأول الأيام أنهم يقارنون بينج وبينها ..أنا آسف ..هذي فظاظة منها .. دلال ـــ لا عادي .. عبدالله ـــ ما أدري تتذكريني ولا لا ..بس كنا نلعب مع بعض أيام قبل .. دلال ـــ ايه أتذكر ..كنت ما تخليني ألعب معاكم .. عبدالله ـــ ايه ..أذكر كنت ما أحب البنات ..ما كان عندي أخوات . دلال ـــ أذكر مرة تهاوشت أنت ويا أحمد علشاني كان أحمد يبيني أروح للدكان بروحي وأنت تقوله لاء ما تروح بروحها .. عبدالله ـــ ما أتذكر ..بس اتذكر اني مرة رحت معاج للدكان و اشتريت لج كافي ..كنت رايحة بدون فلوس ..ههههه..انت مديونة لي بنص ريال .. دلال ـــ لا مو ذنبي ... أحمد باق مني ريالي ..أذكرها حتى اشتريت لي كت كات.. ضحكوا على بعض شلون يتذكرون ..دلال نفسها ما توقعت أنها تتذكر هالكثر ..قبل ساعة ما كانت تعرف شالسالفة ... وجذي مضت الليلة الأولى بدون رهبة ..كان يعرفون بعض أيام الطفولة ..وهالشي قلل التوتر بينهم . ماراح أنطركم وايد .............ومشكورين وايد على مروركم ... ــــ فهد ..فهد ..فهد ..فهد اصحى ..فهد.. بدت يدها ترتجف صارت تهزه بقوة .. ـــ فاااااهد ..فهد الله يخليك قوم ..فهد .. الخوف تملكها وبدت تصارخ .. ــــ فههههههههههد قوم ..فهد .. صابتها هستريا تجمدت ماتعرف شتسوي ... ــــ خرعتج؟؟؟؟؟ وكأن الروح طلعت منها وردت لها في ثانية اشهقت مخترعة .. ماقدرت تنطق . ــــ الجوز ..شفيج؟؟ أضحك معاج أتغشمر ... حطت يدها على قلبها .. ـــ خايس ..شلون تخرعني جذي؟؟ وبدت تصيح ..كسرت خاطره قام وحضنها وهو مبتسم .. ـــ خلاص ..يالجازي خلاص..آسف .. ــــ لاتعيدها .. قام من الفراش وقال ـــ لايعة جبدي ..ونعسان وايد .. الجازي ـــ لايكون حامل !!! طالعها نظره مصدومة ـــ يمكن ..لا لا الدكتور قال لي إنه هذا من ردات فعل الجسم للكيماوي ..بعدين مع الكيماوي فرص أني أحمل قليلة .. ضحكت الجازي عليه .. الجازي ــ والله لك نفس تتغشمر ,.. فهد بجدية ـــ بس أنا ما أتغشمر ..فرص أني أنجب تقريبا معدومة مع الكيماوي... سكتت الجازي..ما فكرت في الأطفال ..لكن هالفكرة ما خوفتها ..هي بس استغربت إنها ما فكرت في الأطفال ..يمكن فهد مالي عليها حياتها.. فهد ـــ شفيج سكتي؟؟؟الجازي تكلمي قولي رايج ..اعترضي صارخي لكن لاتسكتين. الجازي ـــ كنت أفكر ليش موضوع اليهال نسيته مايا على بالي ..يمكن ؟لأني كنت مشغولة فيك وأنت صراحة مالي علي الدنيا .. فهد ـــ الله الله ..كل هالغزل والدلال لي ؟؟ الجازي ـــ هييييييييييييييييييييييه..نسيت .. فهد ـــ ايش؟؟؟؟ الجازي ـــ اليوم عرس دلال .لا ..يالله ..شلون نسيت؟؟؟بدق عليها .. فهد ـــ انت صاحية؟؟؟ هالحزة عندهم؟؟؟تبي تخربين ليلة العمر عليها؟؟ الجازي بخبث ـــ عادي ..بكلمها..أهم شي ما تقول نستني .. رفعت التيلفون ودقت على جوالها .. فهد ـــ أنا بتسبح ..كلميها على راحتج .. كانت دلال في هاللحظة خلصت العشا مع عبدالله .. عبدالله ـــ هذا مو جوالي..رنتي غير . دلال ـــ هذي تيلفوني اعذرني لحظة اشوف من اللي دق علي .. عبدالله ـــ بدخل الحمام وآخذ دش ..صراحة أنا تعبان بالمرة .. دلال ـــ ألو .. الجازي ـــ مبروك ... دلال ــ بدري...ما دقيت بكره أحسن .. الجازي (تستعبط ) ـــ انت الحين على الكوشة؟؟ دلال ـــ لا ..مو علي لعبتج هذي ..تعرفين إني في غرفتي في الفندق مع ..عبدالله..لا تستعبطين . الجازي ـــ ما قلتي لي شلونه؟؟؟ قطعت عليكم شي؟؟ دلال ـــ لا بس تونا خلصنا عشانا ..دخل يتسبح .. الجازي ـــ حلو ...تعالي شلون يدتي؟؟؟ من زمان ما كلمتها .. دلال ـــ ياتني اليوم سلمت علي ..شكلها مشتاقة لج وايد .. الجازي ــ وأنا أكثر .. دلال ــ شلون فهد ؟؟ الجازي ـــ ما أدري شقولج ..الكيماوي هد حيله ..ما أبي أنكد عليج أحاجيج قريب ..يالله مبروك منج المال ومنه العيال .. دلال ـــ نعم؟؟؟؟؟؟ الجازي ـــ مو عنده بنت؟؟؟؟ أوريدي عنده العيال ..المال الحين من اختصاصك .. دلال ـــ تقلفعي الحين ..اراويج يوم أشوفج ..يالله باي ما أبي أخسرج . الجازي ـــ يمكن صرفت عليج في هالمكالمة عشر دولارات ..ذكريني آخذها منج ..مع السلامة .. دلال ـــ مب مني منج ...ياهذارة قرقة ,الله يعين فهد عليج ..أنت اذاعة تشتغل اربع وعشرين ساعة حتى وانت نايمة تهذرين.. الجازي ــ الشرهه مو عليج على اللي يدق عليج ..الله يعين عبود الليلة ..بيبتلي فيج .. الجازي سكرت التيلفون وهي تضحك .خافت تهزأها دلال .. ********** الحلقة الثانية والعشرين . ********* دخلت على بنت عمها وهي تصيح ... ــــ الكلب الكلب .. ندى ـــ فطيم شفيج؟؟ ـــ الكلب ...الكلب ... ندى ـــ مين ناصر؟؟ هزت فاطمة راسها بلا .. ندى ـــ مين ؟؟؟ تكلمي .. فاطمة ـــ عبدالعزيز ..قال لناصر انه صرف نظر عن زواجه مني .. ندى ــ أحسن ..الحين ولا بعد خمس سنوات .. ضحكت فاطمة .. ندى ــ وناصر ..شقال ؟؟ فطيم ـــ الكلب .. ندى ـــ ناصر؟؟ فطيم ـــ لا عبدالعزيز ..اشتكى على ناصر في المخفر . ندى ـــ ليش ؟؟ فاطمة ـــ من بعد ما قال له انه صرف نظر ناصر طاح فيه طق .. ندى ـــ والله ناصر كبر في عيني يستاهل عبدالعزيز الخايس . بكلم أخوي يوسف ..محامي ويعرف هالشغلات . خلصت المكالمة ورجعت لفطيم اللي كانت سرحانة وتصيح .. حطت يدها على كتفها تواسيها.. فاطمة ـــ يعني أنا خيخة؟؟ليش ما يبيني؟؟ قسما بالله أني مقهورة .. ندى ـــ أنا مثلج انقهرت ..أعرف باللي تفكرين فيه أنا نفسي شكيت انه شاف علي شي خلاه يعافني ,,لكن ..ما قدرت أوصل لشي ..وقررت أن اللي ما يبيني ..أنا ما أبيه .أحس انه ..أهانني..ما تشوفين نصيبي ..واقف؟؟ الناس شتقول عني..أكيد شاف علييها شي خلاه يتركها بعد هالعمر..هذولا صراحة ما أسميهم بشر ,,هذول حيوانات ..ناس ما عندها ضمير ..كل واحد مثل سيف وعبدالعزيز ..دمروا حياتنا ..ولا اهتموا ..ما يبونا ما قالوا من الأول.. احنا مب في فيلم أجنبي علشان يسوون جذي .. ندى ما قدرت تمسك دموعها واحضنت فاطمة اللي تمت تصيح .. **************** ابتسمت ..فعبدالله وايد محترم معاها .. ــــ والله يا عمتي ما مقصر علي في شي ..ومنى في عيوني الثنتين ..بس ما أدري ليش ما تستلطفني.. أم عبدالله ـــ البنت متعلقة وايد في أبوها ...وشافتج أخذتيه منها طبعا بتغار..وماله داعي تلبسين الملفع في البيت ..محد في البيت إلا انا والبنات وريلج ..أخوان ريلج في الإمارات عايشين هناك . مسكت منى الصغيرة وشالتها وطلعت لغرفتها فوق تغير لها ملابسها . هذا أسبوعها الأول مع عبدالله وأهله خلص..بدت تحب عبدالله ..وأخواته محترمات وايد معاها ..لكنها تحب أن علاقتها أكبر من الإحترام .أمه طيبه وااااايد ..بس الوحيدة اللي ما تخليها ترتاح هي منى ..منى تكره دلال ..لأنها غريبة .دلال تحاول إنها تتأقلم مع منى. منى ـ مااااااااااااابي مابي .. دلال ـــ حبوبة لازم نغير ملابسنا علشان نكون نظيفين .. منى ــ مابي مابي ..انت خايسه. ضحكت دلال عليها ..فكرت أن دايما أول شي يتعلمه الأطفال هو الشتم ..والمسبه .. دلال ـــ انت بتصيرين خايسه اذا ما غيرت ثيابج ,,ريحتج بتطلع .وع .. منى ــ انتي وع .. دلال ـــ عندي كافي مارس ..اذا غيرت ملابسج أعطيج اياه .. سكتت منى مستسلمة ..كل شي يفدا الكافي .. هيفاء ـــ هاي .. دلال ـــ أهلين . جلست هيفاء على الطاولة .. وشافت دلال شلون متوهقة مع منى .. هيفاء ـــ عبير كانت تبدل لها ملابسها وهي نايمة ..كانت ما تقدر عليها .. هذي المرة المية اللي يقارنونها بعبير ..عبير تسوي جذي ..عبير كانت تسوي كذاك ..دلال مسكت عمرها .. دلال ـــ بعد ما توفت عبير من اهتم بالبنت؟؟ هيفاء ـــ الخدامة ..أنا عندي دراسة و خولة وسهام ..نفس الشي أمي تعبانه ما فيها شدة لليهال وعبدالله كله في الشغل. مافي غير الخدامه اللي كانت مع عبير دايما ..فتعرف كل شي . رن تيلفونها ..ــ هيفاء بليز كملي لبسها .. ـــ ألو .. ـــ أهلين حماده .. أحمد ـــ مو لأني عشت في مصر تناديني جذي..اسمي احمد .يا مدام . دلال حست انه متضايق ـــ شفيك ؟؟ ما يسوى علينا التغشمر معاك ..شفيها الغالية هالمرة .. أحمد ـــ ما أدري تبي العرس السنة اللي يايه ..تقول تبي مجموع في الثانوية وتبي تدرس عدل فما راح تفضى للجهاز .اللي أقل شي يا خذ منها سنه . دلال ـــ زين خلها تجهز شهر سته وسبعه وثمانية والعرس شهر تسعه .. أحمد ـــ ما يكفيها .. دلال ـــ لا يكفيها تكون اجازة ..وأحسن الموديلات نازلة ..انا خلصت جهازي بأقل من شهرين .. أحمد ـــ تدرين ..أنا أخرعها وأقول لها اذا قلت لأبوج بيعطيني اياج في اسبوع ..مسكينة تقعد تصيح وتقول سواها في شيوم مو بعيد يسويها فيني.. دلال ــــ حرام عليك ..بعدين تحقد عليك .. أحمد ــــ لا بس تخريع ..انت شلونج شخبارج؟ دلال ـــ ممتاز..بس عبدالله قطع اجازته ورجع لشغله يقول عليه التزامات ...ومنى مشيبة راسي , أحمد ـــ عاد هذي البنت هي تحدي لج ..اكسبيها وحبيها ..أدري انج عصبية شوي . بس مع البنت خلي بطنج وسيع .. دلال ـــ والله اني أحاول .. أحمد ـــ شفيج ..هدوئج يدل انج متضايقة من شي .. دلال ـــ والله انك دايما تعرف في اللي في بالي ..بس متضايقة من شغلة بسيطة .دايما يقارنون بيني وبين زوجة عبدالله المرحومة ..هالشي يزعجني ..أخاف أتم لآخر عمري وجه مقارنة معاها .. أحمد ـــ ...................................لهاالدرجة يضايقونج؟ دلال ــ لا ..بالعكس ..بس ..هم ما يقصدون الشغلة تكون بالتعود ..يعني مثلا ,,أغير للبنت ملابسها يقولون لي عبير ماكانت تسوي جذي ,,أحط للبنت أكل ..تقولي الخدامة ماما عبير يكون يحط لها أكل ثاني..وعلى هالمنوال .دايما عبير كانت تسوي .. أحمد ـــ أنت الحين تغارين من طيف وحدة متوفية؟؟هم مع الأيام بيستدركون هالشي ..والبنت بتكبر و احتياجاتها بتختلف .وبيكون هالشي المضايقج مثل سحابة صيف .. حاولي انج تمتصين جهلهم بالمقارنة ..هم ما يدرون انه يضايقج ..ولاتخلينهم يدرون ..لأن هذا بيتسجل ضدج ..وبيقولون تحاول تنسينا عبير.. تنهدت دلال كلام أحمد فيه منطق ..ـــ بحاول .. أحمد ـــ يله الحين ..توكلي .. دلال ـــ يله باي .. رجعت للغرفة ..أزعجها انها تشكي همومها لأحمد ..اللي تعتبره أقرب الناس لها ,,أكثر من أمها .سارة صغيرة على هالمشاكل ..والجازي مو موجودة وامها كله معتكفة في غرفتها والعلاقة بينهم سطحية ..أبوها يزورها كل اسبوع أخوانها كل في شغله ولاه بحياته ...عبدالله .تحسه غريب عليها ما كملوا اسبوع مع بعض . بس امها يا ترى أمها للحين تحقد عليها بسبب وفاة هند .هند ..الله يرحمج .. انصدمت لما شافت هيفاء مطنشة منى وتطالع التيلفزيون . دلال ـــ ليش ما غيرتي لها ملابسها؟؟ هيفاء ـــ تقول ما أبي ..واحنا عندنا ديموقراطية في هالبلد ..ما نفرض على أحد شي. دلال بعصبية ـــ بس هذي قاصر مالها ديموقراطية .. مسكت منى ولبستها ملابسها ومنى بدت تتدلع فقالت لها دلال بجدية ـــ ترى ما في كافي !! وقدرت عليها .. الطفل اذا تدلل وايد يصعب السيطرة عليه في المستقبل .. هذي النظرية اللي اتخذتها دلال في تربية منى ..الإعتدال . ******************* طقت الباب للمرة العاشرة .. ـــ محمد ..بطل الباب ..محمد .. فتح الباب وشكله تعبان وايد...كسر خاطر شيماء. دخلت شايله صينية الغدا .وكان توه راجع من الدوام . ــــ الغدا .. مارد عليها .. بكرامة طلعت ..ما يبي يكلمها كيفه .. طالعت بنات صالحة ..اللي كثرت أسئلتهم عن أمهم ..شيماء حنونة ..وفيها من الحنان اللي تعيش فيه هالبنات للأ بد ..لكن مافي شي يماثل حنان الأم..صالحة كانت كتلة من الحنان على بناتها .وبناتها حسوا بتغيير رغم صغر سنهم .الريحة مب ريحة أمهم ..ولا الحضن حضنها .. شالت الصغيرة ونادت الباقي ..وراحت الغرفة تقيلهم شوي . دخلت الشغالة شايلة رضاعة مها الصغيرة .. ـــ راني بابا أكل؟؟؟ ـــ بابا ما في اكل بابا يودي اكل مطبخ. بدت تصيح سارة .. ـــ بس ..بس حبيبتي ..لا تصيحين ..دانة ليش طقيتها؟؟ دانة ـــ أنا ما طقيتها .. هي طقتني .. وبدت تصيح دانة..طلعت شيماء من الثلاجة عصاير وأعطت دانة وسارة ..وحضنت مها وأرضعتها بالرضاعة ..بس بالها مع محمد .. ************ |
فتحت عيونها ..اكتشفت إنها نامت مع البنات . شالت الرضاعة من ايدين مها والعصاير من ايدين البنات . قامت بعد ما غطتهم .طلعت لهم ملابس وغيارات ..وحطتها على جنب .طلعت لقت الساعة أربع ..فكرت شلون بتداوم ؟ البنات من يكون معاهم؟ قبل صالحة مهتمة في البيت الحين من يراقب البيت ؟؟ والبنات يبون عناية خاصة ..في فرصة انها تدخل دانة روضة ..لكن ..مها وسارة ؟؟ طلعت الصالة ــ راني ..راني .. ـــ يس ماما .. ــــ راني رتبت الصالة؟ ـــ يس .. ـــ والشاي سويتي شاي؟؟وقهوة؟ هزت راني راسها ـــ يس ماما.. ـــ باب قعد من النوم؟؟ ـــ يس..بابا في حديقه . ــــ راني خذي الشاي والقهوة والبسكويت اللي في الخزانة للحديقة ..بابا يمكن جوعان ..أنا بكلم تيلفون ..اوكي؟؟ ـــ يس . مسكت التيلفون واتصلت في امها .. ومثل العادة ..وصية أمها الدائمة لها من وفاة صالحة .. ـــ يمه الله هالله في البنات تراهم يتامى .. ـــ والله حاطتهم في عيوني ..انت شلونس وشلون سلطان وناصر ؟؟ ـــ كلنا بخير ما بتمرينا اليوم ؟ ـــ ما أعتقد..محمد تعبان شوي ..أبيه يرتاح هاليومين .. ـــ شيماء صار لي أسبوع أسئلس تقولين لي نفس الكلام .. شيماء ـــ يمه والله وفاة صالحة مأثره فيه ..للحين ما تأقلم والبنات نفس الشي ..كل لحظة يسألوني عن امهم ...أحتاج لوقت يالله أرتب اموري .. ــــ وشغلس متى بتردين له؟؟ شيماء ـــ ما أعتقد إني برد له ..البنات يبون لهم حد ييلس معاهم ..وما أتمن على الخدامة والبيت ..بيتم فاضي ..المسؤولية كلها على راسي الحين .. ـــ على راحتس يايمه..عاد بنت خالتس حسنا انخطبت ومعجبة بعد .. ـــ لا والله ؟.مبروك متى و أخذوا مين؟ ـــ أمس .خطبهن اثنين اخوان عيال ابراهيم ...بو سالم . ــــ اييه ...على خير انشاء الله ..هذا محمد ..يله ..أخليس الحين يمه ... ـــ مع السلامة . صكت التيلفون ..وهي مستغربة ..محمد ياي لها معصب.. ـــ من كنت تكلمين ؟ شيماء ـــ أمي.. ــــ زين وين البنات ؟؟ ـــ شفيك معصب .. ـــ شلون .. سمعت كلام عن شغل ..تبين ترجعين شغلج؟ ــــ ما أدري ما أعتقد ..البنات ..لا ما برجع . ــــ قلتي لي قبل انج تبي ترجعين له ..وخلاص ..بناتي انت مالج علاقة فيهم .. شيماء ــ محمد انت شتقول ..البنات صاروا في ذمتيه ..ما أقدر أخليهم . محمد ـــ مالج علاقة فيهم ..ارجعي لشغلس ..بعد اليوم راني هي اللي بتربي البنات.. شيماء ارتعبت البنات صاروا جزء منها ما تقدر تخلي مسؤوليتها منهم فقالت بعصبية وصوت عال طالع بالفطرة مثل الأم لما تدافع عن بناتها ـ ـــ حشى ..والحشى عن ألف يمين ما بتربيهم ..أنا اللي بربيهم ..ما أحط بناتي بين ايديها اذا انت مستغني انا لاء. محمد ـــ انت ترفعين صوتج علي؟؟؟ وحده مثلس ترفع صوتها علي ..تهبين ..شيماء روحي أنت طا... صرخت شيماء ـــ لا لا يامحمد لا تنطقها ..لا تنطقها .. حطت أصابعها على شفاته .. وهي ترتجف .دقات قلبها كانت سريعة ...وطاحت مغشي عليها ... فتحت عيونها ..وكان جالس بقربها ..وماسك يدها ... ـــ شيماء ..أنا ..أنا ما كنت في وعيي .. ـــ محمد ...خلاص ..أنا بعتبر اللي صار ولا كأنه صار .. ـــ أنا آسف ...أنا مو قادر أتصور .شلون تصرفت بهالطريقة يمكن لأني فقدت صالحة ..صالحة كانت مثل اساس البيت بالنسبة لي .حسيت ان البيت انهد فوق راسي ..لمتج ..وزعلت منج .. مع انه مو ذنبج .. ــــ محمد ..هذا مقدر ..ومكتوب ...بعدين صالحة ما ماتت ..صالحة حية ... في بناتها . ..واللي خلف مامات .. ــــ شيماء انا اللي كاسرني هالبنات ..حرام صاروا يتامى .. ـــ أنا موجودة وانت موجود ..واليتم هذا ما بيحسون فيه ..أوعدك بهاالشي ..صج ..خسارتهم في أمهم ما بعدها خسارة ..بس ..العوض ولا الحريمة ..أنا وأنت نقدر نعوضهم عن هالحرمان . ــــ شيماء ..تهقين؟ هزت راسها وهي واثقة ..مسك يدها كأنه يشكرها .. شيماء أيقنت في هاللحظة أنها تحب محمد ..هالشعور مستحيل يكون غير الحب ..هالشعور الحلو الدافي .. ************ الحلقة الثالثة والعشرين . **************** الفكرة الي اخطرت على بال ندى ..عواقبها وخيمة ..في اليومين اللي راحوا كان موقف ناصر رائع بالنسبة للصار لفاطمة ..كبر في عيونها وايد ..هي تعرف أنه ازكرتي ..(راعي سوالف ) ..لكن ..هو ناصر اولا وأخيرا .. كانت فاطمة تقرأ في مجلة ..لما طلعت ظرف .. فاطمة ـــ شاللي في هالظرف .؟ ندى ــــ لعبة ... فاطمة ـــ ياي ..لعبة ايش .. ندى ـــ أقولج بس ما تقولين لحد . فاطمة ـــ ما أدري ليش تخيلت أيام الإبتدائي في هاللحظة ماتقولين لأحد معناها انشري الخبر لأخر الفريج . ندى ـــ ههههه لا بس هالمرة جد . فاطمة ـــ اوكي ..توب سيكرت . لعبة ايش . طلعت ندى اللي في الظرف .. فاطمة ـــ بس هذا كرت جوال ..وين اللعبة اللي تقصدينها؟؟ ندى ـــ هذي هي اللعبة . بحلقت فاطمة في ندى مخترعة ..فهمت اللي في بالها .. فاطمة ـــ ندى ترى ..أنا أخاف ما أحب اللعب هذا ..ما توقعت أنج ..تفكرين بهالطريقة مثل بنات اليوم .هذا حرام آخرتها سمعتنا بتتدمر . ندى ـــ بس احنا مب أغبياء .بذكاء بنلعب صح . فاطمة ـــ لا لا ..ندى لاتصيرين مثل اللي يقولون ما تمشي علينا هالسوالف ..ترى لكل هفوة ثمن ..شوفي بنات اليوم ..مافي وحدة اسلكت هالدرب وطلعت سالمة ..أخاف ..ما أبي .وأنت بعد لا تلعبين هاللعبة ترى أخواننا بيذبحونا . ندى ـــ بس أنا ما بلعب مثلهم ..السالفة بتكون مثل المطب . فاطمة ـــ ندى ..انت تخرعيني ..شلون مطب . ندى ـــ بنلعب على أخوج ناصر . فاطمة ـــ هيييييييييييييييييييييييييييييييييييييييييييييييييء ..نويصر ..والله ما بتمر عليه .ناصر شيطان ..شيطان ومعارفه وايد ..بيطلع رقمج واسمج وكل شي ..ما تخفى عليه خافيه .. ندى ـــ ما يقدر ..هذا كرت هلا المدفوع مسبقا ..واشترتيته من وحده اشترته من هندي مدري وين .. فاطمة ـــ بيعرفج من صوتج .. ندى ـــ ما بتواصل معاه بالكلام ..لا ..أنت تعرفين الشباب يتعلقون باللي تنبذهم..علشان جذي ببدأ بمسج ..وأوعدج السالفة كلها مزح .ما تتعدى مسجين أو ثلاث ..وإن دق ما برد عليه . فاطمة ـــ اوكي مادام السالفة مزح وما تتعدى ناصر أخوي . ندى ـــ أصلا أنا ما عندي الجرأة أكلم أي أحد في التيلفون ..ما أحب وأخاف ..وما أدري أكره الرياييل .بس السالفة لعبة والله ما تتعدى حدود اللعب بعدين أنا مدرسة وعندي التزامات وألزم ماعلي سمعتي . وأحب أكون قدوة للبنات .بس مزح ما بتتعدى هالحدود . حطت الكرت في التيلفون ..وعبت الرصيد .طالعت فاطمة ..اللي كانت مترددة .. ندى ـــ لا تخافين بس أبي أشوف ناصر وين يوصل بسوالفه مع البنات . ضحكت فاطمة . ندى ـــ أعطيني اسم ..أي أسم .. فاطمة ــ خلود ..أحب هالإسم .. كتبت ندى (( خلود أنا راويج ..شلون تسوين فيج جذي؟؟)) وطرشت المسج وفاطمة فهمت قصد ندى .. أنه شغله عادية ..كأن المسج بالغلط وصل لناصر . ثواني ورد بمسج (( ليش شسويت ؟؟؟)) ضحكت فاطمة وندى ـــ يمه منه ..يبي يتواصل . كتبت ندى مسج (( تعرفيني اكره الرياييل .شلون تطرشين خطيب لي ؟؟ ومين ابن عمج اللي تكرهينه )) طالعت فاطمة ندى بإعجاب ..هالفكرة من وين طلعت لها. رد بمسج ,, (( ليش مو عاجبج ؟؟ حمدي ربج ...بالله عليج كم عمرج الحين؟؟)) ضحكت ندى ـــ واله مب هين ..يبي يقررني ..زين .. ((( لا تستعبطين عمري من عمرج ما ازود عليج إلا بيومين )) فاطمة ـــ ليش ما قلتي عمرج وخلصتي منه ؟؟ ندى ـــ شالسالفة كسر خاطرج أخوج؟؟ هنا حنا نلعب .لاتنسين . وصل مسج ـــ(( هيه انتي ..لا تفكرين أنج أحسن مني انت ما توصلين لجمالي تراج خيخة .)) ضحكت ندى ,,فاطمة ما فهمت شالسالفة . فشرحت لها ندى . ـــ يبيني أرد عليه هيه في عيونج أنا اسمي كذا فهمتي ..طريقة ثانية علشان يعرف اسمي .. فاطمة ــ قسما بالله محد يجاريك أنت وناصر في اللعب .شدراج ..أنا لو مكانج كان عصبت وسويت اللي قلتيه . ندى ـــ صج مب هين هالناصر .اوكي .. (( هيه في عيونج انا عمتج شيخة البنات ..يالخيخة )) طرشت المسج .. فاطمة ـــ على بالي تقولين أنا عمتج شيخة ..صج ..منتي هينه ندى ـــ أخوج اللي مب هين .شوفي هذا على أساس أنه مسج بالغلط .أجل لو أتصلت فيه أتغزل الله يستر شي يسوي . ******************* دمعت عيونها وهي تتذكر كلماته ..مخادعة وممثلة .. طالعت من الشباك لغرفته ..مقابل هالكمبيوتر ..معقول يكرهها ؟؟ زين ونظراته ؟؟ ووقوفه كل يوم في البلكون الصبح؟ نظراته لها .. تحس أنها غلطت بكلامها معاه .بس كانت تحتاج أنها تعرف موقفه تجاهها . لكنها ندمت فموقفه حيرها أكثر ..صدمها أكثر ,,مسكت دفتر خواطرها وكتبت . أحبك ..لا شفقة ..ولا يأسا ..صدقا أعرفها . أحبك ..رأيتها مبعثرة في عينيك .لا أعرف أهي أحبك ..أم كلمة أخرى ..فلم يسعني الوقت في ترتيب حروفها . هل لمست أشواقي ؟ هل سمعت من روحي أسفها ؟ أم رددت في قلبك كلمة قاسية ككلمة أكرهها؟؟ أحبك أعرف أنك سمعتها..ولكنك لم تصدقها . فأرجوك تلك الكلمة المخنوقة في قلبك ..أطلقها .. لا أريد سوى سماعها ..وبعدها سأحرقها ...)) حطت الأوراق على جنب ..وابتسمت ..الدفتر الثالث من أشواقها وحبها .. طالعت من الشباك .كان دخل المصعد اللي في غرفته .اللي ينزله للطابق اللي تحت .استغربت يوم كانت في حجرته ليش ما حست فيه ..يمكن لأنها كانت غارقة في مشاعرها؟؟ وأفكارها ؟؟ تمت بين أوراقها ومذكراتها .. دخلت صافية الغرفة .ـــ سعاد ياتنا أم علي تعالي سلمي عليها .. سعاد ـــ ما أبي مالي خلق ..ما أحب هالمخلوقة . صافية ـــ خلي عنش هالغرور ..يعني أنتي أحسن منها؟؟ قومي يمكن تخطبش لأبنها علي . سعاد ـــ يخسي هالخدية يفكر بهالشي ..ما بقالي إلا علي . صافية ـــ قومي قومي وخلي عنش هالتكبر ..أمي قلت لي أناديش .. سعاد ـــ ما أبي ..يله ذلفي عن ويهي .. صافية ـــ كيفش .. انذلت لشخص واحد ..وهو نفسه اللي بتنذل له لآخر عمرها ..هو خلفان ,كتلة العقد .اللي ذلته في يوم من الأيام . ************ راحت فاطمة ..وتمت ندى بروحها .. آخر مسج استلمته من ناصر كان (( آسف أختي مغلطة بالرقم )) حست أنه استسلم لأنه يحاول يعرف عنها شي بس ما تخليه . طرشت له مسج ـــ أنا أطرش مسجاتي من الصبح على نفس ارقم شلون؟مغلطة) ناصر ــ(( أبد كنت أتسلى ..بس أنتي اما ذكية أو غبية فما طلع منج شي )) ندى ـــ\((نعم؟ ومن أعطاك الحق أنك تتسلى؟)) ناصر ـــ أنا حر . ندى (( حر في بيتكم . هذا اسمه تعدي على حقوق الآخرين .ماسمعت بالمثل للي يقول تنتهي حريتك عندما تبدأ حرية الآخرين؟)) ناصر (( بالضبط .هذا اللي صار)) ناصر (( انت لو تبين حريتج ما طرشتي لي مسج بعد ما عرفتي من أنا )) ندى ــ (انت مغرور .أنا ما أسمحلك . أنا كنت أبي أفهم سبب تطفلك )) ناصر (( أنا ما خبيت عليج شي .قلت لج أتسلى )) ندى ــ (( أمثالك ****ين .)) ناصر (( يمكن ..أمثالك انتي سخيفات )) ندى (( أنا مب سخيفة .)) ناصر (( أمثالج على بالها انها تبهر الشباب بتحفظها .الشباب مب غبي يفهم لعبتكم ويجاريكم وبالأخير يفوز )) ناصر (( يا بنت الناس أنا شاب .وحبيت أتسلى لقيت أنج من النوع هذا وهالنوع ما أحبه لأنه يتفلسف ويضيع فلوسي وفلوسه على سخافات)) ندى (( يعني تبي تلعب دايركتلي تبي تدخل بالحب والعشق بدون مقدمات )) ناصر (( ما أبي أضيع وقتي .أمثالج الواحد يتعب يله يحصل من وراها شي وهو نفسه اللي يحصله من غيرها وأنا مو فاضي )) ندى (( كلكم يالرياييل نسخة وحدة كريهه )) ناصر (( وانتوا يالبنات نفس الشي .اللهم هالمقبلات اللي تتفنون في اظهارها ولا أولا وأخيرا كلكم نفس الطينة)) ندى (( أنا أكره كل أصناف الرجال على وجه الأرض)) ناصر (( بس ما تكرهين أبوج ..ولا تكرهين أخوانج ولاخوالج ولاعمامج كلهم رجال تكرهينهم؟) كلام ناصر غريب .. ندى استغربته . ندى (( غريب هالكلام يطلع منك أنت ؟؟ ياللي تتسلى )) ناصر (( أتسلى بكيفي ..ومحد يمنعني كنت بلتزم في حياتي بوحدة لكنها للأسف ما إلتزمت فيني البنات ما يستاهلون الإلتزام يستاهلون خراب البيوت والعار ) كلامه أرعبها ..رجعت وقرأت المسج ..وما استوعبت كتبت ندى ( (انت شيطان )) وسكرت جوالها مرتعبة ..يعني صج هالكلام ..هو يخرب بيوت البنات ويلعب عليهم .. طلعت الكرت ورجعته للظرف ..حمدت الله أنه فاطمة راحت وإلا بيطيح من عينها بعد هالإعتراف . الجنون أنت أروع ..شكرا لج ..أهلا بمرمورة وأسعد أن تكون أول مشاركاتج معاي ..شكرا لج ..وهذا الجزء الجديد أبي آرائكم .. طلعت الكرت ورجعته للظرف ..حمدت الله أنه فاطمة راحت وإلا بيطيح من عينها بعد هالإعتراف . ساعة كاملة وهي تفكر بكلامه ..رن جوالها اخترعت لا يكون هو ..بعدين تذكرت أنها شالت الكرت . ندى ـــ ألو . فطيم ـــ ألو ...دقيت عليج من ساعة ونص ليش ما رديت ؟؟ ندى ــ كنت مشغولة . فطيم ـــ زين طرش مسج بعد ما طلعت ؟ ندى ـــ لا ..ما..ما ..طرش. فطيم ـــ حنا قلنا مطب وطلعنا منه ..خلاص الكرت قطيه ولاتورطين عمرج . ندى ــ كسرته نصين ما عليج . ندى تستغفر انها تكذب . فاطمة ـــ اوكي ..وغلاتي عندج لا تعيدين هاللعبة ..أنا ما أحب هالسوالف بس كنت بشوف ناصر وين يوصل . ندى حست أنها تخدع فاطمة ..لأنها حبت التواصل مع ناصر ..من كلماته يبان كأنه شخص ثاني غير الغثيث اللي يحرق لها أعصابها.كلما التقوا .. ندى ـــ اوكي ..(في قلبها مابعيدها ..بس بكملها أبي أشوف وين نوصل في النهاية)..فطيم لا تقولين لناصر ..أرجوج . فطيم ـــ اوكي ما بقوله .يله باي . ندى ـــ تشاو . *************** دخلت دلال للغرفة ..فقاموا الكل مستانسين وسلموا عليها فهذا أول يوم دوام بعد اجازتها . ندى ـــ أهلين .الله الله والله محلوة صج اللي تعرس تحلو..ليش قطعتي شهر العسل؟؟ دلال ـــ شهر العسل ببيروت نسيت ..مب في الدوحة .. سعاد ــ أهلين والله محلوة وايد .صج ..حرام ما كملتي اجازتج . دلال ـــ أبد ..عبدالله عند التزامات ..فقطع اجازته .والبنت الصبح تروح لجدتها أم أمها والبنات كلهم في المدرسة و وعمتي من بيت لبيت ..ليش أتم في البيت بروحي وأنا عندي بنات لازم أدرسهم .ما أقدر أستغني عنهم . ندى ـــ عاد قولي لنا شلون الزواج ؟؟ دلال ــ حلو ..عبدالله وايد ..متساهل معاي ..وأنا بديت أحبه . ندى ـــ بديت تحب بديت تغار ..بدى قلبك يعيش بنار بديت تسهر عيونك ..عسى الله يكون في عونك .وبنت ريلج شلونها معاج؟ دلال ـــ دلوعة ..مايعة , بالعربي يبي لها تضبيط براغي .. ندى ــ ويه ..أكرهه هالنوعية من الأطفال ..مزعجين ..بس يا دلال بتقدرين عليها انشاءالله وبتكسبينها وتخلينها تحبج . سعاد ـــ وعبدالله ريلج يتدخل في تربيتها ؟ دلال ـــ ليش عبدالله يتدخل في شي؟ كله في الشغل . الله يعينه . دلال متحفظة أكثر من الجازي ..فما يقدرون ياخذون ويعطون معاها بالكلام . سعاد ـــ عاد خلص ألبوم عرسج؟؟أبي أشوفه .. دلال ـــ انشاءالله ...بعد أيام يخلص . ندى ـــ شخبار الجازي ؟؟ما كلمتج؟؟والله لها وحشة هي وشيماء. سعاد ـــ شيماء بتستقيل ..بعد وفاة ضرتها ما تقدر تخلي البيت فاضي وبتربي بنات ريلها .. ندى ـــ مسكينه ..الله يعينها ..والجازي ؟ دلال ـــ لا الجازي ماخذه اجازة مفتوحة ..تقول لي انها بتطول شوي ..علاج زوجها بياخذ وقت .. ندى ـــ هم خلاص بدون عرس يعيشون مع بعض. دلال ـــ اييه ..يالله ..عندي اليوم أربع حصص رياضيات لثاني علمي.. ندى ــ مساكين بيطفشون ..أنت ما خذه حصص الجازي؟ دلال ـــ تخيلي لليوم مالقوا لها بديلة دائمة ..في منتدبة بس تجيهم مرتين في الأسبوع وتعطيهم ثلاث حصص في اليوم فيزياء. اسمها نورة ..خذت حصصي كلها الأسبوع اللي راح ..خليني أعوضهم .أكيد اشتاقوا للرياضيات . ندى ـــ مؤكد ..للبهدلة ..اشتاقوا . طالعتها دلال مبتسمة ـــ يستاهلون ..درجاتهم نص الفصل ما أعجبتني .بذلهم شوي منهج جديد وأربع دروس من العيار الثقيل .. ************ ندى ـــ ها ..شلونكم؟؟ تشبعتوا رياضيات؟؟ البنات يطالعون لها وهم مصدعين للتو خلصت دلال آخر حصة لها وطلعت ..دخلت ندى مبتسمة .. بنت من البنات ـــ تصدقين يا أبله ..ميثوه نحستنا وحسدتنا .. ميثه بلهجة بدوية ــ وأنا شسويت لكم ..على ايش أحسدكم على جمالكم الباهر؟؟ ندى كانت تبي تتدخل وتنهي الكلام بس حبت أنهم يضحكون شوي ويفرفشون عن بعض علشان يركزون معاها في الدرس.. ندى تقلد لهجتها البدوية ـــ ايه وشدخل ميثة ليش احسدتكم؟؟ البنت ذاتها ـــ يا أبله تصدقين أمس شقالت بعد ما خلصت الحصة الرابعة من حصص الفيزياء؟؟ قالت الحمدلله اننا ما ناخذ رياضيات وإلا اختبص مع الفيزياء ورحنا خبر كان . ميثه ـــ العن أبو الكذب يمه منش متى قلت جذي ..... ندى طالعتها مستنكرة اللعنة اللي قالتها . ميثة حست بغلطها ــ آسفة .فلتت مني .. تذكرت ندى الجازي شلون كانت تتكلم عن فهد أول الأيام وكله تقول افلتت مني .. وفكرت يالجازي أنت الحين بيا ديرة وبأي حال؟؟؟ * الجازي في ذات اللحظة كانت تصيح وتبجي بروحها في الصالة.فهد نايم في الغرفة .المرة الثانية اللي ياخذ فيها الكيماوي قدامها وحاله ألعن من المرة الأولى ..حست أنها ما تقدر تصبر تبي تكلم أحد ..تبي أحد يضمها له ..وينج يا يدتي ..وينك يا يبه ..وينج يا دلال ..أنا محتاجة لكم ..ما أقدر أصبر ..ما أقدر أكتم في قلبي أكثر ..أنا خايفه ..خايفه .. تذكرته الصبح ..قبل تبدأ جلسة الكيماوي ..لما سألها .. ـــ الجازي يدور في قلبي هالسؤال ..أبي أسألج . الجازي دام أنه ناداها بإسمها بهالطريقة أكيد في سؤال يقرقع في قلبه ـــ اسأل يا عمري يا حياتي .. فهد ـــ الجازي أنت تخرعت أول مرة شفتيني؟؟ الجازي ..ليش سكتي؟ أنتي تخرعتي؟؟ شكلي يخليج تشمئزين صح؟؟ سكوتج يأكد كلامي..أدري أنا مو فهد المزيون اللي وافقت على طلبه للزواج منج؟؟ ..أنا أخاف من نفسي لما أطالع المنظرة .شلون أنتي مستحملتني اكيد تغيرت وصرت مومياء ,,قولي يالجازي ..تكلمي .. الجازي ـــ فهد أبي أفهم شي ..انت شلون تقول أنك تغيرت؟؟ عيونك هم نفسهم ..وخشمك هو نفسه ..شفايفك ..ايدينك ..وأهم شي ..قلبك عو نفسه ..شالتغير اللي تتكلم عنه ؟؟ أنا لما أطالع لك ..ما أشوف المومياء اللي تتكلم عنها ..أشوف فهد ..بعيونه بضحكته ..بوجوده في حياتي ..اما على الشعر ..والشحوب ..مسألة وقت .. ويرجعون مثل ما كانوا وأحسن . ابتسم لها ..كلامها ريحه من الخاطر ..تركته وطلعت بره .. تذكرت ابتسامته ..وبدت تصيح ..امسكت التيلفون .. ـــ قوة يبه .. ـــ يبه بنتي الجازي شلونج ..وشلون ريلج توج على بالي .. ـــ كلنا بخير ..انت شلونك وشلون امي؟؟ ـــ بخير ..ها يبه أشوفج متضايقه .. ـــ يبه ..محتاجه لك ..أبي أتكلم معاك أبي حضنك أبي أشكي لك همي ..يبه ..فارق الدش ثلاثة أيام بس وارجع لروبي بعدين صدقني ما بتطير .. ضحك أبوها عليها ـــ الله يغربل ابليسج انشاءالله من وسط دموعج وتتغشمرين؟؟ أي روبي هذي اللي تحوشني عنج . بس تدرين نزلت لها أغنية ,,تكسر الدنيا .. ضحكت الجازي .,.. أبو سند ـــ ما عليج .. بكره أكون عندج ,تخسي روبي وعشرة مثلها انهم يبعدوني عنج ...يله مع السلامة الحين بكره بكون عندج. فرحت الجازي ..ـــ الله لا يحرمني منك يا يبه ..مع السلامة . *** تعبت من الوله والشوق .. تعبت وطول الهجران . تعبت من الفراق اللي أبد ما شفت له آخر. تعبت من السفر والخوف وغربة ليلي والأحزان . ياوحشة قلبي من دونك .يا وحشة روحي والخاطر. تمنيتك على بعدك ..تمنيتك أهل وأوطان .. تمنيتك هنا عمري فرح دنيا وأمل باكر تعبت من الفراق للي أبد ما شفت له آخر . خذاك البعد يا غايب خذاك الوقت والنسيان .. أبي ترجع لأجل دمع وقف في العين جمر عاثر ... أمانة يا بعيد ارجع ذبحني الخوف والخذلان ... ذبحني الشـــــــــــــــــــــــــوق وما بين للأشواق أبد آخر.. ................ كانت مندمجة وايد مع الأغنية ..وتفكيرها كله مع الجازي ..شلونها الحين؟؟ علاقة دلال والجازي أكبر من علاقة الصداقة ..علاقة ارتباط روحي ..الجازي كانت أختها ..تحبها وايد وايد ...ومشتاقة لها وايد وايد .. عبدالله ـــ يا سلام ..في ايش سرحانة ... دلال ـــ محد ..بس ..أفكر في دروس اللي بشرحها بكرة .. عبدالله ـــ والراديو مفتوح ؟شلون تركزين؟ دلال ـــ ما يحتاج ..ما بتطلع اليوم ؟؟ عبدالله ـــ لا ..خلاص . بلتزم بالدوام الصباحي بس ..تعبت .. دلال ـــ سلامتك من التعب .. عبدالله ــ وين منى؟؟ ما شفتها .. دلال ـــ خذتها سهام وراحت بيت يدتها ..أم عبير . عبدالله ـــ يعني احنا بروحنا اليوم ؟؟ما في ازعاج من منى؟؟ استحت دلال .. عبدالله ـــ حبيبتي .بدلي ملابسج ..بنطلع .. دلال ـــ وين ؟؟ عبدالله ــ حيا الله مكان ..مسكينة انتي كله مبتلشة مع مناوي .ما طلعنا من زمان ..نسيت انا في شهر العسل ؟؟ دلال ـــ اوكي .. كانت محتاجة لتغيير جو ..وعبدالله كأنه حاس فيها ..تحب تشوف عبدالله يوم يلاعب منى ..كأنه طفل ..وهالشي وايد حلو يريحها وايد .. حط يده على شعرها يلعب فيه .. ـــ دلول في ايش تفكرين؟؟ ـــ ولا شي ..ما أشوفك تيلس مع منى وايد ..ليش؟؟ عبدالله ـــ لا ..أنا .انشغلت هالشهر اللي راح ..بالزواج والمكتب ..أنا أشوفج قاسية معاها شوي ..لو ..تليينين .. دلال ـــ عبدالله ..البنت بغيابك ..وعدم ملاحظة أمك ولا أخواتك لها أخذت حريتها ..الخدامة تسوي لها اللي تبيه كل طلباتها مجابة ..تدلعت وايد ..صراحة ما أقدر أسيطر عليها إلا في العصبية.. عبدالله ـــ أمها دلعتها وايد .. دلال ـــ لا..أمها توفت من أكثر من سنة ..البنت صغيرة يوم توفت عبير..ما تتذكر شي عنها ..أنت ما تشوفها يوم تلعب معاك ..تلعب بكل قوتها وجهدها لأنها عارفة أنك ما بتلعب معاها بكرة ..كأن هذي الفرصة ما تيي إلا بالنادر.. عبدالله ــ ما أفهم شاللي تبين توصلين له يا دلال ..من دقيقة أنت معصبة عليها والحين تبررين تصرفاتها .. دلال ـــ الزبدة ..بنتك ..خلك معاها دايما ..لا تدلعها لا ..بس خلها واثقة أنك موجود مهما صار ..أنك دايما موجود ..أنا مو أمها علشان ترتاح لي , وأنا يمكن أنتقد الدلع اللي هي فيه لأني ما جربت أن يكون عندي طفل أدلــله.وكل شي يبيه يحصل عليه .. عبدالله ــ هذي منى ..اعتبريها مثل بنتج .. دلال ــ لكنها مو بنتي ..أنا أعرف هالشي وهي تعرف هالشي ..وأنت تعرف هالشي . عبدالله ـــ دلال ..أنا تزوجتج وأنا على ثقة أنج بتحطين بنتي في عيونج .كلامج هذا يخوفني.. كان جالس على السرير لما قامت وجلست قدامه ,, دلال ــ عبود ..حبيبي..بحطها في عيوني وبكرة لا صار عندنا عيال ,والله ما بفرق بينها وبينهم ..بعاملها مثل بنتي.. بتكون بنتي..بس هي مستوعبة أني مب أمها ..وأنا اللي أبيه أنك تحسسها بوجودك .أبيك تكون لك كلمة عليها ,أبي يكون لها أقرب الناس أنت ..ما في في حياتها غيرك أنت ..بتحبني بعدين ..بس ما بيكون لي قيمة في حياتها ..أبيك أنت اللي تربي منى .علشان ما تلومك في المستقبل أنك يبت لها زوجة أبو ما ارتاحت لها .وأنك ما كنت موجود في حياتها . عبدالله ـــ ما فهمت ليش تتكلمين عن نفسج جذي؟؟ ..أنت مو واثقة من نفسج؟ فهميني ..ليش.ما أدري .كلامج ما ريحني ,,ما أشوف له سبب... دلال ـــ عبدالله ..أنا ورثت من أمي طبع ..أنا الوحيدة اللي فيني هالطبع من بد أخواني..أمي تحبنا ..بس ما قدرت توصل لنا هالشعور..أمي ما تحب الأحتكاك واظهار العواطف ..خاصة مع عيالها وبناتها ..عكس أبوي اللي هو كتلة من الحب عايشة وسطنا ..أنا مثل أمي ..ما أحب أبين عواطفي وشعوري .أحس أنه شي سخيف..محرج ..ماله داعي ..بالرغم أني عانيت من هالمشكلة ..كنت أحتاج أمي..لكنها ..ما تعطيني أي كلمة أو مسانده ..هي تحبني .بس ..ما تحضني مثل باقي الأمهات يوم يحضنون عيالهم حب وحنان ما أحس أني تشبعت من حبها وحنانها ...أنا أعرف أني بكون مقصرة بحق منى ..وعيالي قبل منى ..لأني .. المعت دمعة في عينها ..حضنها عبدالله .. ـــ دلول ..ماله داعي تشرحين أنا فهمت ..بس بالعكس أنا ما أشوفج نفس ما وصفتي أمج .. دلال ـــ تتوقع أني أتغير؟؟؟ عبدالله ـــ ايه يا حبيبتي..أنا مثلا ما كنت مهتم للدنيا ..قبل زواجي..ما كنت مهتم للعلاقات الأخوية ..يعني تقريبا مثلج أتجنب هالأشياء.يوم تزوجت عبير ..عرفت قيمة العلاقات والكلمة الطيبة ..اسألي البنات شلون كنت وشلون أمسيت ..يوم شرفت منى للدنيا..كان أحلى شعور مر علي في حياتي بعد شعور النجاح في الثانوية طبعا .. ضحكت دلال ..كمل ـــ تعرفين ..بكره إن الله كتب ..بتحسين باللي حسيت فيه .. دلال ـــ ياليت ,,ما أبي أظلمكم ..ببرودي..بس تدري ..شعور النجاح في الثانوية أحلى شعور في الدنيا ..أحلى من شعور الزواج بس لا تزعل.. عبدالله ـــ أكيد ..عاد أنا تخرجت من الثانوية بنسبة 77%..وكان شي مهم في هذيك الأيام وأنتي؟؟ دلال ـــ 89% ..كانت فرحتي ما بعدها فرحة ..أوه هالكلام من متى ..من زمان ..من خمس سنوات بس .. ضحك عبدالله ..ـــ دلول مو علي ..تراج أصغر عني بسنة ..يعني أنا مخلص ثانوي من ست سنوات بس !!! ضحكت دلال .. عبدالله ــ ايه يمه منكم يالحريم تصغرون في أعماركم مثل ماتبون ..يله قومي بدلي ملابسج..ولا نسيت الطلعة؟؟ فكرت دلال في أبوها ,,شقد تحبه ..كل بنت في هالكون تعز أبوها معزة خاصة ..وله مكانة خاصة في قلبها ..ودلال اكثر وحدة تعرف هالشعور ..علشان جذي تبي منى تحس بهالحب عبدالله يستاهل ..المعزة .. ****************** |
تركض ورى دانة وهي تضحك ... ـــ قسما الله ما أقدر عليس ..تعالي ..خلاص انت الفايزة .. وقفت دانة وحضنتها شيماء وهي تضحك .. دانة ـــ عمتي ..وين أمي؟ متى ترجع؟؟ مسحت شيماء على شعرها وهي تفكر شلون ترد عليها .. ـــ دندون ..ماما يمكن تأخر شوي ..أنت اشتقتي لها؟؟ أنا اشتقت لها وايد .. دانة ـــ هي وين راحت خليني أروح لها . اخترعت شيماء ـــ اسم الله عليس ..لا تقولين جذي , ..اسم الله عليس ...(حضنتها مرتعبة ..) . فكرت شيماء أن دانة لما تكبر ما بتكون عندها أي فكرة عن أمها ..ما بتتذكرها .. دخل من الباب ..دق قلب شيماء بقوة ..من اكتشفت انها تحب محمد ..وهي ما تقدر تواجهه .لأن عيونها بتفضحها .. محمد ـــ السلام عليكم .. ـــ وعليكم السلام .. دخل محمد غرفة صالحة ..تمنت شيماء لو يغير تصرفاته شوي..لو ييلس معاهم شوي ..هالإنعزال مب زين حقه .. أكيد كان في ديوانية سيف ..وأكيد كان يدخن شيشة ..متى بيطلع من حالته ؟. ــ ماما ..ماما بيبي فيه حراره . اخترعت شيماء..هي ما تعرف شي عن الأطفال . ـــ راني هاتي برقعي و عباتي وقولي للدريول يحمي السيارة ...بنروح العيادة .. ركضت لمها ولقت حرارتها مرتفعة.. غيرت لها ملابسها والبست عباتها وقالت لدانة ــــ دندون ..حبيتي ..بعد اعشا نامي زين لا تسهرين ما بتأخر ..حط بالس على خويتس سويرة . اوكي؟ وصت راني وهي تعدل في عباة الراس وتلبسها عدل بد ماحطت البرقع .. ـــ راني..العشا خليه لبن زبادي وجبن وزيتون تعرفين دانة تحب الزيتون ..حطيه الجبن لهم في سندويتشات ..وبعدين حطيهم في الفراش.أنا ما أبتأخر..عطيهم كل وحدة كافي اذا اسألوا عني اوكي؟؟ ركبت السيارة و طوالي على العيادة . ابتسم الطبيب ... ـــ ومين الحين؟؟ شيماء ـــ مها يادكتور خالد ..حرارتها مرتفعة .. خذها الدكتور ومددها على السرير وطلب من شيماء أنها تستريح بره .. شيماء ترتاح للدكتور خالد .. فهو في الخمسين ودكتور العايلة من زمان .. كانت شايلة هم مها .وتدور من مكان لمكان .. طلع الدكتور ـــ شيماء ..تعالي أبي أكلمج .. دخلت ـــ ها دكتور عسى ما فيها شي؟؟ ـــ لا الحمدلله ما فيها شي ..ارتفاع في درجة الحرارة وهذا شي عادي بالنسبة لعمرها تستعملين مخفض حرارة فيروح . شيماء ــ الحمدلله ..خفت وايد ..أعطيتها منه يا دكتور؟ ـــ اييه .. شيماء ..هذا المرة المية اللي تجيني العيادة بسبب مها أو دانة أو سارة .الأسباب ما تحتاج زيارة طبيب اللي يمرون فيه يمر فيه كل طفل في مثل أعمارهم ..صارحيني ..أنت تعرفين شي عن الأطفال؟؟ نزلت راسها وهي مفتشلة ـــ لا يا دكتور ..ما أعرف شي ..البنات بنات زوجي وأمهم توفت عنهم من كم أسبوع ..وصاروا في ذمتي ..أخاف يصير لهم شي اذا مرضوا .أنا ما أعرف شي عن الأطفال ..ليش أعقد الأمور ..الطبيب يعرف أحسن مني ..وإلا أنا غلط يا دكتور؟؟ الدكتور ـــ بالعكس ..تصرفج صحيح أميه بالميه ,,بس اللي فهمته أن الأطفال صارو في ذمتج ..بتمين لآخر عمرج تتنقلين من عيادة لعيادة لأسباب تافهه؟ شيماء ـــ ما فهمت شتقصد يا دكتور .. الدكتور ـــ اللي أقصده ..بتربين الأطفال لين يكبرون ومستحيل تمين جذي . ..أنا بتساهل معاج الأشهر اللي جايه ..بس أنت لازم تتعلمين شلون تعتنين فيهم ..أنا بعلمج اللي كل ام ثانية تعلمته ..بس ها ..كوني تلميذة نشيطة .. شيماء ـــ زين أنا ..مستغربة أني ما أعرف مع أني معاهم من كم شهر ..بس أحس أني جاهله في هالأمور.. الدكتور ــ أنت معذورة ..لأنهم مب أطفالج ..الأم تكون من تربي لين يكبر الطفل معاها ..تعرف بالضبط احتياجاته .ومرضه ونومه وعاداته ..لأنها تتعرف للطفل كل يوم ويوم تنجب طفل ثاني تكون عندها خبرة من معاملة الطفل في هالمرحلة ..لكن أنتي بين يوم وليله صار عندج ..كم.؟؟ شيماء ـــ ثلاثة بنات .. الدكتور ـــ ثلاثة أطفال في مرحلة عمرية حرجة يكونون عرضة لأي شي ..سواء أمراض أو حوادث لأنهم غير مسئوولين عن تصرفاتهم ويحبون يستكشفون العالم ..غير مدركين لأي شي .الحين بدأنا بدرسنا اليوم .اذا تعرضت الطفلة لأرتفاع درجة حرارة ..طبعا لازم يكون عندج خافض حرارة في البيت ..واذا الأمر تأزم وصاحبته حمى وتعب تعالي لي ..اوكي ؟؟ شيماء ــ اوكي . ********************************* الحلقة الرابعة والعشرين . ************* شيك البريد الوارد للمرة العاشرة من الصبح .. علي ـــ ناصر أشوفك متوتر ..صيده جديدة؟؟ ناصر ـــ لا ..بس طرشت مسج وتقرير الإستلام ما وصل .. علي ـــ حق مين طرشته ؟ ناصر ــ وانت شدخلك؟؟ خلك في النت مالك ...ما أدري شالمتعة اللي تحصلها وراه .تقضي نص وقتك تدور وحدة ..والنص الثاني تحاول أنها تعجب فيك وأنت ما تدري ,,أذا كان وحدة ولا واحد .. علي ـــ لا .عهد الكتابة انتهى .الحين .نازلة الدردشة الصوتية ..عل كيف كيفك ..بدخل الحين ..مع بنت ..اسمها حورية البنات .. ناصر ـــ عرفت وحدة اسمها حورية من كم سنة ..كانت ..قبيحة ..عيونها جاحظة وشفايفه مبرومة ..تخرع ..ما أدري شكانت تسوي في لندن . ..على الناحية الثانية ندى حطت راسها تبي تنام ..بعدين ما قاومت أنها تشوف كرت هلا ياترى اذا طرش لها ناصر مسج ولا لا.. ( أنت أول وحدة تكتشف حقيقتي واعترفت لها بدون ندم ، بالمناسبة اسمي ناصر ) ماقاومت ندى أنها تطرش له مسج .. (( وأنا شيهمني اذا اسمك ناصر ولا غيره .)) ناصر قام من عند علي في مقهى النت. وركب سيارته بس ما حرك . (( مين ما كنتي أنا ارتحت لج .وفضفضت لج من دون لا أدري .بتقولين كلام مكرر العب على غيري .لكني صادق) ندى (( والمطلوب مني؟؟)) ناصر ((نتواصل بالمسجات بدون أي علاقة تجمعنا .ما يحتاج أعرف اسمج بس اسمحيلي أطرش لج اللي في بالي .وأسمع رايج ) ترددت ندى أنها تعطيه موافقتها ..أمثال هالحركات سمعت عنها ..لكنه ما يقدر يخدعها فهو ما إلاناصر ولد عمها ..تبي تشوف شاللي يعتلي مخه من أفكار .. ( ما أمنعك من أن تطرش أي مسجات ..لكني ما أوعدك أني برد عليك ) ناصر (( موافق .)) وصل مسج ثاني (( ممكن تسمحيلي أناديج بـــــــــ ندى)) ارتجفت أصابيع ندى ..يعرفها ..لا مستحيل ..فاطمة قالت لها أنها ما بتقول له ..خاطرت وأسألته (( ليش هالإسم بالذات )) تنهد ناصر ..وكتب ..وطرش لها المسج .. ندى انعقد لسانها من قرأت المسج ..انقلبت فيها الدنيا ..وكانت كلمات ناصر بالضبط . (( لأنها الإنسانة اللي حاولت أني ألتزم فيها لكنها خانتني ..)) شلون ؟؟ شلون ومتى ؟هالأسئلة اللي عصفت براس ندى وهي متأكدة أن ما بيجاوبها عليها إلا ناصر!!!! *************** طلعت الكرت ورجعته للظرف ..حمدت الله أنه فاطمة راحت وإلا بيطيح من عينها بعد هالإعتراف . ساعة كاملة وهي تفكر بكلامه ..رن جوالها اخترعت لا يكون هو ..بعدين تذكرت أنها شالت الكرت . ندى ـــ ألو . فطيم ـــ ألو ...دقيت عليج من ساعة ونص ليش ما رديت ؟؟ ندى ــ كنت مشغولة . فطيم ـــ زين طرش مسج بعد ما طلعت ؟ ندى ـــ لا ..ما..ما ..طرش. فطيم ـــ حنا قلنا مطب وطلعنا منه ..خلاص الكرت قطيه ولاتورطين عمرج . ندى ــ كسرته نصين ما عليج . ندى تستغفر انها تكذب . فاطمة ـــ اوكي ..وغلاتي عندج لا تعيدين هاللعبة ..أنا ما أحب هالسوالف بس كنت بشوف ناصر وين يوصل . ندى حست أنها تخدع فاطمة ..لأنها حبت التواصل مع ناصر ..من كلماته يبان كأنه شخص ثاني غير الغثيث اللي يحرق لها أعصابها.كلما التقوا .. ندى ـــ اوكي ..(في قلبها مابعيدها ..بس بكملها أبي أشوف وين نوصل في النهاية)..فطيم لا تقولين لناصر ..أرجوج . فطيم ـــ اوكي ما بقوله .يله باي . ندى ـــ تشاو . *************** دخلت دلال للغرفة ..فقاموا الكل مستانسين وسلموا عليها فهذا أول يوم دوام بعد اجازتها . ندى ـــ أهلين .الله الله والله محلوة صج اللي تعرس تحلو..ليش قطعتي شهر العسل؟؟ دلال ـــ شهر العسل ببيروت نسيت ..مب في الدوحة .. سعاد ــ أهلين والله محلوة وايد .صج ..حرام ما كملتي اجازتج . دلال ـــ أبد ..عبدالله عند التزامات ..فقطع اجازته .والبنت الصبح تروح لجدتها أم أمها والبنات كلهم في المدرسة و وعمتي من بيت لبيت ..ليش أتم في البيت بروحي وأنا عندي بنات لازم أدرسهم .ما أقدر أستغني عنهم . ندى ـــ عاد قولي لنا شلون الزواج ؟؟ دلال ــ حلو ..عبدالله وايد ..متساهل معاي ..وأنا بديت أحبه . ندى ـــ بديت تحب بديت تغار ..بدى قلبك يعيش بنار بديت تسهر عيونك ..عسى الله يكون في عونك .وبنت ريلج شلونها معاج؟ دلال ـــ دلوعة ..مايعة , بالعربي يبي لها تضبيط براغي .. ندى ــ ويه ..أكرهه هالنوعية من الأطفال ..مزعجين ..بس يا دلال بتقدرين عليها انشاءالله وبتكسبينها وتخلينها تحبج . سعاد ـــ وعبدالله ريلج يتدخل في تربيتها ؟ دلال ـــ ليش عبدالله يتدخل في شي؟ كله في الشغل . الله يعينه . دلال متحفظة أكثر من الجازي ..فما يقدرون ياخذون ويعطون معاها بالكلام . سعاد ـــ عاد خلص ألبوم عرسج؟؟أبي أشوفه .. دلال ـــ انشاءالله ...بعد أيام يخلص . ندى ـــ شخبار الجازي ؟؟ما كلمتج؟؟والله لها وحشة هي وشيماء. سعاد ـــ شيماء بتستقيل ..بعد وفاة ضرتها ما تقدر تخلي البيت فاضي وبتربي بنات ريلها .. ندى ـــ مسكينه ..الله يعينها ..والجازي ؟ دلال ـــ لا الجازي ماخذه اجازة مفتوحة ..تقول لي انها بتطول شوي ..علاج زوجها بياخذ وقت .. ندى ـــ هم خلاص بدون عرس يعيشون مع بعض. دلال ـــ اييه ..يالله ..عندي اليوم أربع حصص رياضيات لثاني علمي.. ندى ــ مساكين بيطفشون ..أنت ما خذه حصص الجازي؟ دلال ـــ تخيلي لليوم مالقوا لها بديلة دائمة ..في منتدبة بس تجيهم مرتين في الأسبوع وتعطيهم ثلاث حصص في اليوم فيزياء. اسمها نورة ..خذت حصصي كلها الأسبوع اللي راح ..خليني أعوضهم .أكيد اشتاقوا للرياضيات . ندى ـــ مؤكد ..للبهدلة ..اشتاقوا . طالعتها دلال مبتسمة ـــ يستاهلون ..درجاتهم نص الفصل ما أعجبتني .بذلهم شوي منهج جديد وأربع دروس من العيار الثقيل .. ************ ندى ـــ ها ..شلونكم؟؟ تشبعتوا رياضيات؟؟ البنات يطالعون لها وهم مصدعين للتو خلصت دلال آخر حصة لها وطلعت ..دخلت ندى مبتسمة .. بنت من البنات ـــ تصدقين يا أبله ..ميثوه نحستنا وحسدتنا .. ميثه بلهجة بدوية ــ وأنا شسويت لكم ..على ايش أحسدكم على جمالكم الباهر؟؟ ندى كانت تبي تتدخل وتنهي الكلام بس حبت أنهم يضحكون شوي ويفرفشون عن بعض علشان يركزون معاها في الدرس.. ندى تقلد لهجتها البدوية ـــ ايه وشدخل ميثة ليش احسدتكم؟؟ البنت ذاتها ـــ يا أبله تصدقين أمس شقالت بعد ما خلصت الحصة الرابعة من حصص الفيزياء؟؟ قالت الحمدلله اننا ما ناخذ رياضيات وإلا اختبص مع الفيزياء ورحنا خبر كان . ميثه ـــ العن أبو الكذب يمه منش متى قلت جذي ..... ندى طالعتها مستنكرة اللعنة اللي قالتها . ميثة حست بغلطها ــ آسفة .فلتت مني .. تذكرت ندى الجازي شلون كانت تتكلم عن فهد أول الأيام وكله تقول افلتت مني .. وفكرت يالجازي أنت الحين بيا ديرة وبأي حال؟؟؟ * الجازي في ذات اللحظة كانت تصيح وتبجي بروحها في الصالة.فهد نايم في الغرفة .المرة الثانية اللي ياخذ فيها الكيماوي قدامها وحاله ألعن من المرة الأولى ..حست أنها ما تقدر تصبر تبي تكلم أحد ..تبي أحد يضمها له ..وينج يا يدتي ..وينك يا يبه ..وينج يا دلال ..أنا محتاجة لكم ..ما أقدر أصبر ..ما أقدر أكتم في قلبي أكثر ..أنا خايفه ..خايفه .. تذكرته الصبح ..قبل تبدأ جلسة الكيماوي ..لما سألها .. ـــ الجازي يدور في قلبي هالسؤال ..أبي أسألج . الجازي دام أنه ناداها بإسمها بهالطريقة أكيد في سؤال يقرقع في قلبه ـــ اسأل يا عمري يا حياتي .. فهد ـــ الجازي أنت تخرعت أول مرة شفتيني؟؟ الجازي ..ليش سكتي؟ أنتي تخرعتي؟؟ شكلي يخليج تشمئزين صح؟؟ سكوتج يأكد كلامي..أدري أنا مو فهد المزيون اللي وافقت على طلبه للزواج منج؟؟ ..أنا أخاف من نفسي لما أطالع المنظرة .شلون أنتي مستحملتني اكيد تغيرت وصرت مومياء ,,قولي يالجازي ..تكلمي .. الجازي ـــ فهد أبي أفهم شي ..انت شلون تقول أنك تغيرت؟؟ عيونك هم نفسهم ..وخشمك هو نفسه ..شفايفك ..ايدينك ..وأهم شي ..قلبك عو نفسه ..شالتغير اللي تتكلم عنه ؟؟ أنا لما أطالع لك ..ما أشوف المومياء اللي تتكلم عنها ..أشوف فهد ..بعيونه بضحكته ..بوجوده في حياتي ..اما على الشعر ..والشحوب ..مسألة وقت .. ويرجعون مثل ما كانوا وأحسن . ابتسم لها ..كلامها ريحه من الخاطر ..تركته وطلعت بره .. تذكرت ابتسامته ..وبدت تصيح ..امسكت التيلفون .. ـــ قوة يبه .. ـــ يبه بنتي الجازي شلونج ..وشلون ريلج توج على بالي .. ـــ كلنا بخير ..انت شلونك وشلون امي؟؟ ـــ بخير ..ها يبه أشوفج متضايقه .. ـــ يبه ..محتاجه لك ..أبي أتكلم معاك أبي حضنك أبي أشكي لك همي ..يبه ..فارق الدش ثلاثة أيام بس وارجع لروبي بعدين صدقني ما بتطير .. ضحك أبوها عليها ـــ الله يغربل ابليسج انشاءالله من وسط دموعج وتتغشمرين؟؟ أي روبي هذي اللي تحوشني عنج . بس تدرين نزلت لها أغنية ,,تكسر الدنيا .. ضحكت الجازي .,.. أبو سند ـــ ما عليج .. بكره أكون عندج ,تخسي روبي وعشرة مثلها انهم يبعدوني عنج ...يله مع السلامة الحين بكره بكون عندج. فرحت الجازي ..ـــ الله لا يحرمني منك يا يبه ..مع السلامة . *** تعبت من الوله والشوق .. تعبت وطول الهجران . تعبت من الفراق اللي أبد ما شفت له آخر. تعبت من السفر والخوف وغربة ليلي والأحزان . ياوحشة قلبي من دونك .يا وحشة روحي والخاطر. تمنيتك على بعدك ..تمنيتك أهل وأوطان .. تمنيتك هنا عمري فرح دنيا وأمل باكر تعبت من الفراق للي أبد ما شفت له آخر . خذاك البعد يا غايب خذاك الوقت والنسيان .. أبي ترجع لأجل دمع وقف في العين جمر عاثر ... أمانة يا بعيد ارجع ذبحني الخوف والخذلان ... ذبحني الشـــــــــــــــــــــــــوق وما بين للأشواق أبد آخر.. ................ كانت مندمجة وايد مع الأغنية ..وتفكيرها كله مع الجازي ..شلونها الحين؟؟ علاقة دلال والجازي أكبر من علاقة الصداقة ..علاقة ارتباط روحي ..الجازي كانت أختها ..تحبها وايد وايد ...ومشتاقة لها وايد وايد .. عبدالله ـــ يا سلام ..في ايش سرحانة ... دلال ـــ محد ..بس ..أفكر في دروس اللي بشرحها بكرة .. عبدالله ـــ والراديو مفتوح ؟شلون تركزين؟ دلال ـــ ما يحتاج ..ما بتطلع اليوم ؟؟ عبدالله ـــ لا ..خلاص . بلتزم بالدوام الصباحي بس ..تعبت .. دلال ـــ سلامتك من التعب .. عبدالله ــ وين منى؟؟ ما شفتها .. دلال ـــ خذتها سهام وراحت بيت يدتها ..أم عبير . عبدالله ـــ يعني احنا بروحنا اليوم ؟؟ما في ازعاج من منى؟؟ استحت دلال .. عبدالله ـــ حبيبتي .بدلي ملابسج ..بنطلع .. دلال ـــ وين ؟؟ عبدالله ــ حيا الله مكان ..مسكينة انتي كله مبتلشة مع مناوي .ما طلعنا من زمان ..نسيت انا في شهر العسل ؟؟ دلال ـــ اوكي .. كانت محتاجة لتغيير جو ..وعبدالله كأنه حاس فيها ..تحب تشوف عبدالله يوم يلاعب منى ..كأنه طفل ..وهالشي وايد حلو يريحها وايد .. حط يده على شعرها يلعب فيه .. ـــ دلول في ايش تفكرين؟؟ ـــ ولا شي ..ما أشوفك تيلس مع منى وايد ..ليش؟؟ عبدالله ـــ لا ..أنا .انشغلت هالشهر اللي راح ..بالزواج والمكتب ..أنا أشوفج قاسية معاها شوي ..لو ..تليينين .. دلال ـــ عبدالله ..البنت بغيابك ..وعدم ملاحظة أمك ولا أخواتك لها أخذت حريتها ..الخدامة تسوي لها اللي تبيه كل طلباتها مجابة ..تدلعت وايد ..صراحة ما أقدر أسيطر عليها إلا في العصبية.. عبدالله ـــ أمها دلعتها وايد .. دلال ـــ لا..أمها توفت من أكثر من سنة ..البنت صغيرة يوم توفت عبير..ما تتذكر شي عنها ..أنت ما تشوفها يوم تلعب معاك ..تلعب بكل قوتها وجهدها لأنها عارفة أنك ما بتلعب معاها بكرة ..كأن هذي الفرصة ما تيي إلا بالنادر.. عبدالله ــ ما أفهم شاللي تبين توصلين له يا دلال ..من دقيقة أنت معصبة عليها والحين تبررين تصرفاتها .. دلال ـــ الزبدة ..بنتك ..خلك معاها دايما ..لا تدلعها لا ..بس خلها واثقة أنك موجود مهما صار ..أنك دايما موجود ..أنا مو أمها علشان ترتاح لي , وأنا يمكن أنتقد الدلع اللي هي فيه لأني ما جربت أن يكون عندي طفل أدلــله.وكل شي يبيه يحصل عليه .. عبدالله ــ هذي منى ..اعتبريها مثل بنتج .. دلال ــ لكنها مو بنتي ..أنا أعرف هالشي وهي تعرف هالشي ..وأنت تعرف هالشي . عبدالله ـــ دلال ..أنا تزوجتج وأنا على ثقة أنج بتحطين بنتي في عيونج .كلامج هذا يخوفني.. كان جالس على السرير لما قامت وجلست قدامه ,, دلال ــ عبود ..حبيبي..بحطها في عيوني وبكرة لا صار عندنا عيال ,والله ما بفرق بينها وبينهم ..بعاملها مثل بنتي.. بتكون بنتي..بس هي مستوعبة أني مب أمها ..وأنا اللي أبيه أنك تحسسها بوجودك .أبيك تكون لك كلمة عليها ,أبي يكون لها أقرب الناس أنت ..ما في في حياتها غيرك أنت ..بتحبني بعدين ..بس ما بيكون لي قيمة في حياتها ..أبيك أنت اللي تربي منى .علشان ما تلومك في المستقبل أنك يبت لها زوجة أبو ما ارتاحت لها .وأنك ما كنت موجود في حياتها . عبدالله ـــ ما فهمت ليش تتكلمين عن نفسج جذي؟؟ ..أنت مو واثقة من نفسج؟ فهميني ..ليش.ما أدري .كلامج ما ريحني ,,ما أشوف له سبب... دلال ـــ عبدالله ..أنا ورثت من أمي طبع ..أنا الوحيدة اللي فيني هالطبع من بد أخواني..أمي تحبنا ..بس ما قدرت توصل لنا هالشعور..أمي ما تحب الأحتكاك واظهار العواطف ..خاصة مع عيالها وبناتها ..عكس أبوي اللي هو كتلة من الحب عايشة وسطنا ..أنا مثل أمي ..ما أحب أبين عواطفي وشعوري .أحس أنه شي سخيف..محرج ..ماله داعي ..بالرغم أني عانيت من هالمشكلة ..كنت أحتاج أمي..لكنها ..ما تعطيني أي كلمة أو مسانده ..هي تحبني .بس ..ما تحضني مثل باقي الأمهات يوم يحضنون عيالهم حب وحنان ما أحس أني تشبعت من حبها وحنانها ...أنا أعرف أني بكون مقصرة بحق منى ..وعيالي قبل منى ..لأني .. المعت دمعة في عينها ..حضنها عبدالله .. ـــ دلول ..ماله داعي تشرحين أنا فهمت ..بس بالعكس أنا ما أشوفج نفس ما وصفتي أمج .. دلال ـــ تتوقع أني أتغير؟؟؟ عبدالله ـــ ايه يا حبيبتي..أنا مثلا ما كنت مهتم للدنيا ..قبل زواجي..ما كنت مهتم للعلاقات الأخوية ..يعني تقريبا مثلج أتجنب هالأشياء.يوم تزوجت عبير ..عرفت قيمة العلاقات والكلمة الطيبة ..اسألي البنات شلون كنت وشلون أمسيت ..يوم شرفت منى للدنيا..كان أحلى شعور مر علي في حياتي بعد شعور النجاح في الثانوية طبعا .. ضحكت دلال ..كمل ـــ تعرفين ..بكره إن الله كتب ..بتحسين باللي حسيت فيه .. دلال ـــ ياليت ,,ما أبي أظلمكم ..ببرودي..بس تدري ..شعور النجاح في الثانوية أحلى شعور في الدنيا ..أحلى من شعور الزواج بس لا تزعل.. عبدالله ـــ أكيد ..عاد أنا تخرجت من الثانوية بنسبة 77%..وكان شي مهم في هذيك الأيام وأنتي؟؟ دلال ـــ 89% ..كانت فرحتي ما بعدها فرحة ..أوه هالكلام من متى ..من زمان ..من خمس سنوات بس .. ضحك عبدالله ..ـــ دلول مو علي ..تراج أصغر عني بسنة ..يعني أنا مخلص ثانوي من ست سنوات بس !!! ضحكت دلال .. عبدالله ــ ايه يمه منكم يالحريم تصغرون في أعماركم مثل ماتبون ..يله قومي بدلي ملابسج..ولا نسيت الطلعة؟؟ فكرت دلال في أبوها ,,شقد تحبه ..كل بنت في هالكون تعز أبوها معزة خاصة ..وله مكانة خاصة في قلبها ..ودلال اكثر وحدة تعرف هالشعور ..علشان جذي تبي منى تحس بهالحب عبدالله يستاهل ..المعزة .. ****************** تركض ورى دانة وهي تضحك ... ـــ قسما الله ما أقدر عليس ..تعالي ..خلاص انت الفايزة .. وقفت دانة وحضنتها شيماء وهي تضحك .. دانة ـــ عمتي ..وين أمي؟ متى ترجع؟؟ مسحت شيماء على شعرها وهي تفكر شلون ترد عليها .. ـــ دندون ..ماما يمكن تأخر شوي ..أنت اشتقتي لها؟؟ أنا اشتقت لها وايد .. دانة ـــ هي وين راحت خليني أروح لها . اخترعت شيماء ـــ اسم الله عليس ..لا تقولين جذي , ..اسم الله عليس ...(حضنتها مرتعبة ..) . فكرت شيماء أن دانة لما تكبر ما بتكون عندها أي فكرة عن أمها ..ما بتتذكرها .. دخل من الباب ..دق قلب شيماء بقوة ..من اكتشفت انها تحب محمد ..وهي ما تقدر تواجهه .لأن عيونها بتفضحها .. محمد ـــ السلام عليكم .. ـــ وعليكم السلام .. دخل محمد غرفة صالحة ..تمنت شيماء لو يغير تصرفاته شوي..لو ييلس معاهم شوي ..هالإنعزال مب زين حقه .. أكيد كان في ديوانية سيف ..وأكيد كان يدخن شيشة ..متى بيطلع من حالته ؟. ــ ماما ..ماما بيبي فيه حراره . اخترعت شيماء..هي ما تعرف شي عن الأطفال . ـــ راني هاتي برقعي و عباتي وقولي للدريول يحمي السيارة ...بنروح العيادة .. ركضت لمها ولقت حرارتها مرتفعة.. غيرت لها ملابسها والبست عباتها وقالت لدانة ــــ دندون ..حبيتي ..بعد اعشا نامي زين لا تسهرين ما بتأخر ..حط بالس على خويتس سويرة . اوكي؟ وصت راني وهي تعدل في عباة الراس وتلبسها عدل بد ماحطت البرقع .. ـــ راني..العشا خليه لبن زبادي وجبن وزيتون تعرفين دانة تحب الزيتون ..حطيه الجبن لهم في سندويتشات ..وبعدين حطيهم في الفراش.أنا ما أبتأخر..عطيهم كل وحدة كافي اذا اسألوا عني اوكي؟؟ ركبت السيارة و طوالي على العيادة . ابتسم الطبيب ... ـــ ومين الحين؟؟ شيماء ـــ مها يادكتور خالد ..حرارتها مرتفعة .. خذها الدكتور ومددها على السرير وطلب من شيماء أنها تستريح بره .. شيماء ترتاح للدكتور خالد .. فهو في الخمسين ودكتور العايلة من زمان .. كانت شايلة هم مها .وتدور من مكان لمكان .. طلع الدكتور ـــ شيماء ..تعالي أبي أكلمج .. دخلت ـــ ها دكتور عسى ما فيها شي؟؟ ـــ لا الحمدلله ما فيها شي ..ارتفاع في درجة الحرارة وهذا شي عادي بالنسبة لعمرها تستعملين مخفض حرارة فيروح . شيماء ــ الحمدلله ..خفت وايد ..أعطيتها منه يا دكتور؟ ـــ اييه .. شيماء ..هذا المرة المية اللي تجيني العيادة بسبب مها أو دانة أو سارة .الأسباب ما تحتاج زيارة طبيب اللي يمرون فيه يمر فيه كل طفل في مثل أعمارهم ..صارحيني ..أنت تعرفين شي عن الأطفال؟؟ نزلت راسها وهي مفتشلة ـــ لا يا دكتور ..ما أعرف شي ..البنات بنات زوجي وأمهم توفت عنهم من كم أسبوع ..وصاروا في ذمتي ..أخاف يصير لهم شي اذا مرضوا .أنا ما أعرف شي عن الأطفال ..ليش أعقد الأمور ..الطبيب يعرف أحسن مني ..وإلا أنا غلط يا دكتور؟؟ الدكتور ـــ بالعكس ..تصرفج صحيح أميه بالميه ,,بس اللي فهمته أن الأطفال صارو في ذمتج ..بتمين لآخر عمرج تتنقلين من عيادة لعيادة لأسباب تافهه؟ شيماء ـــ ما فهمت شتقصد يا دكتور .. الدكتور ـــ اللي أقصده ..بتربين الأطفال لين يكبرون ومستحيل تمين جذي . ..أنا بتساهل معاج الأشهر اللي جايه ..بس أنت لازم تتعلمين شلون تعتنين فيهم ..أنا بعلمج اللي كل ام ثانية تعلمته ..بس ها ..كوني تلميذة نشيطة .. شيماء ـــ زين أنا ..مستغربة أني ما أعرف مع أني معاهم من كم شهر ..بس أحس أني جاهله في هالأمور.. الدكتور ــ أنت معذورة ..لأنهم مب أطفالج ..الأم تكون من تربي لين يكبر الطفل معاها ..تعرف بالضبط احتياجاته .ومرضه ونومه وعاداته ..لأنها تتعرف للطفل كل يوم ويوم تنجب طفل ثاني تكون عندها خبرة من معاملة الطفل في هالمرحلة ..لكن أنتي بين يوم وليله صار عندج ..كم.؟؟ شيماء ـــ ثلاثة بنات .. الدكتور ـــ ثلاثة أطفال في مرحلة عمرية حرجة يكونون عرضة لأي شي ..سواء أمراض أو حوادث لأنهم غير مسئوولين عن تصرفاتهم ويحبون يستكشفون العالم ..غير مدركين لأي شي .الحين بدأنا بدرسنا اليوم .اذا تعرضت الطفلة لأرتفاع درجة حرارة ..طبعا لازم يكون عندج خافض حرارة في البيت ..واذا الأمر تأزم وصاحبته حمى وتعب تعالي لي ..اوكي ؟؟ شيماء ــ اوكي . ********************************* الحلقة الرابعة والعشرين . ************* شيك البريد الوارد للمرة العاشرة من الصبح .. علي ـــ ناصر أشوفك متوتر ..صيده جديدة؟؟ ناصر ـــ لا ..بس طرشت مسج وتقرير الإستلام ما وصل .. علي ـــ حق مين طرشته ؟ ناصر ــ وانت شدخلك؟؟ خلك في النت مالك ...ما أدري شالمتعة اللي تحصلها وراه .تقضي نص وقتك تدور وحدة ..والنص الثاني تحاول أنها تعجب فيك وأنت ما تدري ,,أذا كان وحدة ولا واحد .. علي ـــ لا .عهد الكتابة انتهى .الحين .نازلة الدردشة الصوتية ..عل كيف كيفك ..بدخل الحين ..مع بنت ..اسمها حورية البنات .. ناصر ـــ عرفت وحدة اسمها حورية من كم سنة ..كانت ..قبيحة ..عيونها جاحظة وشفايفه مبرومة ..تخرع ..ما أدري شكانت تسوي في لندن . ..على الناحية الثانية ندى حطت راسها تبي تنام ..بعدين ما قاومت أنها تشوف كرت هلا ياترى اذا طرش لها ناصر مسج ولا لا.. ( أنت أول وحدة تكتشف حقيقتي واعترفت لها بدون ندم ، بالمناسبة اسمي ناصر ) ماقاومت ندى أنها تطرش له مسج .. (( وأنا شيهمني اذا اسمك ناصر ولا غيره .)) ناصر قام من عند علي في مقهى النت. وركب سيارته بس ما حرك . (( مين ما كنتي أنا ارتحت لج .وفضفضت لج من دون لا أدري .بتقولين كلام مكرر العب على غيري .لكني صادق) ندى (( والمطلوب مني؟؟)) ناصر ((نتواصل بالمسجات بدون أي علاقة تجمعنا .ما يحتاج أعرف اسمج بس اسمحيلي أطرش لج اللي في بالي .وأسمع رايج ) ترددت ندى أنها تعطيه موافقتها ..أمثال هالحركات سمعت عنها ..لكنه ما يقدر يخدعها فهو ما إلاناصر ولد عمها ..تبي تشوف شاللي يعتلي مخه من أفكار .. ( ما أمنعك من أن تطرش أي مسجات ..لكني ما أوعدك أني برد عليك ) ناصر (( موافق .)) وصل مسج ثاني (( ممكن تسمحيلي أناديج بـــــــــ ندى)) ارتجفت أصابيع ندى ..يعرفها ..لا مستحيل ..فاطمة قالت لها أنها ما بتقول له ..خاطرت وأسألته (( ليش هالإسم بالذات )) تنهد ناصر ..وكتب ..وطرش لها المسج .. ندى انعقد لسانها من قرأت المسج ..انقلبت فيها الدنيا ..وكانت كلمات ناصر بالضبط . (( لأنها الإنسانة اللي حاولت أني ألتزم فيها لكنها خانتني ..)) شلون ؟؟ شلون ومتى ؟هالأسئلة اللي عصفت براس ندى وهي متأكدة أن ما بيجاوبها عليها إلا ناصر!!!! *************** |
***************
وجود أبوها بقربها ..ريحها جدا ... فهد ـــ عمي ..شخبار الكل ؟؟ بوسند ـــ والله كلهم بخير ويسلمون عليك ..كم بقا لك وترجع الدوحة ؟؟ فهد ـــ بيطول شوي .حاليا علاجي مكثف . وبسوي عملية بسيطة بس بضطر آخذ جلسات كيماوي من وقت لوقت علشان أتفادى رجوع المرض . بوسند ـــ وصلتني رسالة من أمك أنها مجهزة لك جناح في بيتها ..بس ارجع بالسلامة . فهد ــ لا ..قول لها ما يحتاج .. انا بيتي جاهز من مجاميعه . بوسند ـــ انشاء الله لا رجعتوا الدوحة لأسويلكم عرس وطقطقة ما صارت في الدوحة كلها .. دخلت الجازي وهي شايله صينية المعكرونة .. ـــ أي عرس وأي طقطقة يا يبه ..احنا ما نبي م هالدنيا إلا الصحة والسلامة . بوسند ـــ الله الله ..هالمعكرونة اللي صج تفتح الشهية والله اشتقت لطباخج ياليازية . الجازي ـــ يبه ..عاد ما كنت أطبخ لكم إلا يوم السبت لأنه أجازة ..بس .. الجازي كانت مستانسة أخيرا لقت الحضن للي تشكي له.. طالعت فهد فلقته يطالعها وملامحه جدية .ابتسمت له بعفوية ما كانت تدري أن نظرات فهد وراها شي كبير ... بعد ما خلصوا وأول ما تبي تشيل الجازي صحون الأكل ..وكانوا اتفقوا على أنهم يطلعون .. فهد ـــ أنا بكره ما أقدر أطلع معاكم ..روحوا بروحكم بعدين بنلتقي في المستشفى . الجازي ـــ ليش شاللي طرا جديد ؟ فهد ـــ تذكرت أن عندي واحد معرفة توفى أبي أسير له أمورة ..أنتوا بعد ما تطلعون للمنتزة وتتجولون ..روحوا للمستشفى على طول لأن موعدي الساعة أربع ..بنقابل الدكتور وبيناقش حالتي . فهد ــ الجازي خليج مع أبوج ..أنا بشرب المسكنات وبروح بسابع نومه ..اسهروا مع بعض .. *** بوسند ــ المنتزة روعة بس الجو بااااااااارد .. الجازي ـــ ايه ..صج ..بس تعودت على البرد ..يبه شلون جدتي؟ أميمه؟؟ بوسند ــ تعبانه شوي من ركبها ..بس ماعليج ..أمي تدبر حالها طول عمرها جذي.. الجازي ـــ زين خالتي للحين تتصل كل شهر علشان ورث أمي؟؟ بوسند ـــ تقول أنه في أرض لها ولأمج الله يرحمها كتبها المرحوم جدج لهم ..وأن ورقة الأرض عندي ..أنا صراحة ما لقيت اللي تقول عنه وأمج ماتت والشي الوحيد اللي كان مكتوب بإسمها هو بيت خالتج وحنا في غنى عنه . البيت كحيان ومتهالك .. الجازي ـــ زين ليش ما تطلع بدل فاقد اذا هي حيل واثقة من الأرض.ليش ما يكون خالي عيد هو اللي أخذ الأرض ..ليش كل فترة وفترة طالعة لنا بقصة؟؟ بوسند ـــ ما أدري .. الجازي ـــ لا يبه انت تدري ..خالتي تبي ...تبي ..والله اني مستحية أقول .بس تبي عذر تنط بينا كل فترة وفترة . ضحك بو سند وقال ـــ رجعت لقصتج القديمه أنها حاطة عينها علي ؟؟حرام عليج يبه ..انسي هالفكرة . الجازي ـــ ليش لا ؟ أنت توك في الخمسين وأرمل وفلوسك ياماشاء الله .وهي مطلقة وبناتها متزوجات ومتصابية كأنها في العشرين ..يبه هي تبي تتزوج منك . بوسند ـــ بس أنا عقب أمج ..مالي خاطر في الحريم وأولهم خالتج ..خليها تحاول بس ما بتحصل شي ..اوه الساعة ثلاث ونص ..يله الطريق ياخذ نص ساعة ,خلينا نروح المستشفى . كان فهد دخل عند الدكتور وقال له كل شي ..طلع علشان بعض التحاليل ..وقال للدكتور أنه يوصل ظرف . لأبو سند بعد ما يشرح لهم حالته والتطورات اللي صارت ويقول لهم أنه راح للبيت ونفذ الدكتور الطلب كخدمة . تقريبا كلام الدكتور نفسه اللي يقوله لهم كل مرة ..مازلنا نحارب المرض وقدرنا نقضي على نصه وأعطاهم خطة العلاج المقبلة . أعطى الدكتور بعد ما خلص الظرف لأبو سند .. فتح أبو سند الظرف واستغرب ..بعدين شحب وجهه .. أبو سند ـــ الجازي ... يالله نطلع .. الجازي انتبهت للظرف وردة فعل أبوها .. ـــ شفيه الظرف يا يبه ؟؟ بوسند ـــ ما شي ..خلينا نروح للفندق تراني تعبان وبعدين نسيت أعطيج شغله من أختج سميرة .. الجازي ـــ اوكي.فهد وين ؟؟؟ بو سند ـــ راح للي تكلم عنه أمس . الجازي ـــ اييه .. ******************** دخلت غرفة أبوها وهي منصدمة ... الجازي ـــ يبه هذي ....هذي الشنط مالتي .. بوسند ـــ اييه أدري .. الجازي ما فهمت شالسالفة ..عطاها أبوها الظرف .. ومع كل كلمة تقرأها دمعة من دموعها تنزل .. انهارت ..وصرخت ـــ يبه شنو هذي ؟؟ بوسند ما رد عليها ..طلع وخلاها بروحها ..وهي مو مصدقة .. طالعت لقت ظرف على شنطة من شنطها ..وقرأت رسالة .. (( الجازي ..اكتشفت اأني أكبر أناني و**** على وجهه الأرض .شلون كنت مرتاح وأنتي حولي تتعذبين؟؟شلون خدعتج وخليتج تحبيني وأنا ما عارف مصيري ..شلون أعذبج كل يوم معاي ..وأنت راضية ..شلون أبعدتج عن هلج وربعج ..وخليتج وحيدة ما تقدرين تشكين لأحد ..وفوق هذا امكانية أنج تنحرمين من العيال..زينة هالحياة الدنيا ..أنا حاس فيج ..الجازي أنا أحبج ..بس ما أبي أظلمج ... الجازي أنت طالق ...وهذي ورقة الطلاق صدقتها في السفارة ..آسف .....)) ارتجفت الجازي وهي مب مصدقة اللي يصير ؟؟طلقها فهد ؟!!!!!!!!!!!!!!!!!! ليش؟؟ ما شالتها ريولها فجلست على الكرسي وهي محطمة ..منكسرة متفاجأة منقهرة خايفة ...ومعصبة ..اعصار من الذهول خذها في دوامته ..حطت يدها علىشفايفها تكتم صرخة اعتراض ..وهي تحاول أنها تستدرك اللي يصير تحاول أنها تستوعبه ..طالعت شنطها ..يمكن مقلب فقامت من كل عقلها وفتحت الشنط وهي تتمنى يارب فاضية ..لكن كل ثيابها كانت موجودة ..فتحت الظرف اللي أعطاه اياه أبوها ..هذي ورقة طلاقها ,,هذا اسم فهد ..وهذا اسمها ..ما امسكت عمرها وبدت بنوبة بجي وصياح ..ليش يا فهد ليش ؟؟طلعت وهي منصدمة للهول ـــ يبه ..أبي أشوف فهد أبي أكلمة ..يبه أبي أشــ..ووفه ووووينه ؟؟هه؟؟يبه رد..علي .. بوسند ـــ فهد أعطى الريسبشن تذكرة سفرج و جوازج ..الطيارة اليوم بعد ساعتين .. الجازي ـــ يبه ماأبي أسافر ..ما أقدر أخليه .. بوسند بجدية وغير مراعي لدموعها ـــ الريال طلقج ..مالنا قعدة هنا ..يله جهزي عمرج .. دفعها للغرفة ... الجازي سكتت ..ما قدرت تتكلم ..أبوها هو اللي شال الشنط وطلع نزل يدفع حساب الفندق و يوقف تاكسي ..رجع لها ومسكها من يدها و ركبها التاكسي وللمطار ..الجازي غرقت في عالمها وفي ذكرياتها ..في قلبها المصدوم ..وفهد الأناني اللي تركها بدون ما يعرف شسوى فيه بعده ..بعده ذبحها ..انفصاله عنها صدمة ما تخيلتها ..شيكون شعور الواحد لما ينفصل عن روحه .؟؟ عن قلبه ..عن حياته ؟؟؟مثل الشجرة اللي اقتلعوها من جذورها..وصار لا لها أرض ولا وطن تلجأ له .... بوسند خاف على بنته ..سكوتها والدموع اللي في عيونها تحير ..لكن ما يقدر يلوم فهد ولا يقدر يسأله ..هو لو كان مكان فهد لسوى الشي نفسه ..الجازي نوع من الحريم اللي قلب الرجل ما يقدر يظلمها ..مهما كان متعلق فيها . ******************* روتين ...هذي هي حياة سعاد ...من العزبة للبيت لتصحيح الواجبات مطالعة التلفزيون مكالمة الهنوف ..وتحضير لدرس بكرة ..بعدين النوم .. لين رن تيلفون غرفتها ـــ آلوو.. ـــ آلو ..السلام ممكن سعاد ؟؟ سعاد ـــ أنا سعاد ..مين معاي.. ــــ قلنا اذا نسيتنا ونتصل فيج يمكن تتذكرين صوتنا ..لكن الظاهر اننا ولا على بالج .. هالصوت تعرفت عليه سعاد ـــ دنيا؟؟؟ دنيا ابراهيم معقول ؟؟ دنيا ـــ ايه معقول ...ها شلونش؟؟ شخبارش؟؟ سعاد ـــ بخير الله يسلمش..وينش؟؟ ما عرفنا عنش شي من أيام الجامعة .. دنيا ـــ والله رقمي هو نفسه و عنواني هو نفسه ...لكن ما حاولت تتصلين ليش؟؟لأنش قاطعة.. سعاد ـــ والله انش في بالي ..بس المشاغل هاليومين .. دنيا ـــ أرجوش ياللي متزوجة وعيالش نص درزن ..سمعت أنش ما تزوجتي للحين . سعاد ـــ عندي أربعين بنت .. دنيا ـــ وأنا خمس وثلاثين ..سمعت أن مدرستش بتزور مدرستنا بكره . تعالي منها نشوفش ومنها ترجعين لعقلش وتنضمين لنا . سعاد ـــ لا يا بنتي ..أنا عاجبيني بناتي وعاجبيني زميلاتي..ما أبي أنتقل . دنيا ـــ بمرش الحين تطلعين معاي؟؟ سعاد ـــ هالحزة؟؟ معقول؟؟ما أقدر .. دنيا ـــ يا بنت بنت خال أمي قولي لأمش وأنا بمرش عندي مفاجأة ..بتعجبش.. سعاد ـــ ليش لا ..تعالي خليني أشوفش. ******************* ـــ تسوقين سيارة ؟؟شلون أمش خلتش؟؟ دنيا ـــ قلت لش بفاجأش..اركبي اليوم خذيت الليسن وانت أول وحدة طرت على بالي ... أول ما ركبت سعاد قدام ... ــــ أمي قالت لي ما نتأخر الساعة تسع نكون في البيت .نقابي عدل ؟ دنيا ـــ ايه عدل .. داست دنيا مسرعة ـــ دنيا أمانة ..لا تسرعين . دنيا ـــ معليش..علشان الحق أرجعش البيت .. سعاد ـــ بتوديني بو هامور (المقبرة) مب ترجعيني للبيت . سعاد ــ والله وأنا قلت سواقة البنات غير عن سواقة الشباب أتريني غلطانة ..أنتوا ألعن منهم . *************************** هلت دموعه ..الجازي انت الحين في البيت؟؟..حضن دراعتها اللي كانت لابستها آخر مرة شافها ..فيها ريحتها ..طالع صور الخطوبة والملجة اللي يحتفظ فيها ..هو نادم ..لانه خلاها تروح ..لأنه ما ودعها ..ما شرحها سبب اللي سواه ..بتكرهه ..لكن مع الأيام بتفهم .. قالوا ترى مالك أمل ..في قربها ولو يوم ابعد وجنب دربها هذا هو المقسوم .. قلت اتركوني واسكتوا خلوا العتب واللوم .. قدني غرقت في بحرها ولا عاد يفيد العوم . قالوا ترى في حبها ويل واسى وهموم قلت انقتل في حبها حسبي تقول مرحوم .. * الجازي في ذات اللحظة حاسه بوحشة بغربة ..تحس أن الغرفة باردة كبيرة عليها ..صج عاشت ثلاثين سنة في هالغرفة ..لكن الكم شهر اللي عاشتها مع فهد .خلوها تكره تعيش بأي مكان من دونه .. بجت ,,يعني شلون بعيش من دون فهد ؟؟ما أقدر ..ما أقدر .. تحس أنها بردانة وما في شي في هالدنيا بيدفيها غير حضن فهد .. نزلت تحت وين جدتها جالسة زعلانة على حال بنتها .. الجازي جلست ..جدتها تكلمت .. ـــ يا بنتي ..مهما كان اسبب اللي طلقج علشانه ريلج ..أنت الحين لازم تنسين ..وتحاذرين ..كلام الناس ما يرحم ..وظروفج غريبة بيتكلمون عليج . الجازي طالعت جدتها نظرة عتاب ..انا ياية لج علشان تريحيني تقومين تزيدين عذابي؟؟ كأن جدتها فهمتها ..حضنتها وهدتها .. ********************* دلال ـــ الواجب كل مساءل التقويم .. البنات ـــ حرام عليج يا أبله وايد .. دلال ـــ افتحوها وتعالوا قولوا وايد ..أهم شي تحاولون ..بكرة حصتنا مناقشة للمساءل ..شوفوها وفكروا فيها .. خلصت الحصة وكالعادة الرياضيات مادة الصداع والتفكير الكثير .. سألت ندى ـــ ما يات سعاد؟؟؟ ندى ــ لا ..ما جاتش ..مو عادتها تتأخر ..يالله المكتب موحش لا سعاد ولا الجازي ولا شيماء .. دلال ـــ اييه أدري .. ندى ـــ دق جوالج ..ثلاث مرات تلاقينه عبادي مشتاق لج. ابتسمت دلال ــ عبادي؟؟؟ ريلج وأنا مو داريه .. مسكت جوالها وشيكت مس كول.. دلال ـــ هذا رقم بيت الجازي ..يا ترى من داق علي لايكون ارجعت؟ ندى ــ لا ما أعتقد ..زين والمكالمات الباقية .. دلال ـــ مثل ما توقعتي يالحية ..عبادي .. ندى ـــ ايوه ايه الحب ده ..تلات مرات بالساعة ؟؟ دلال ــ لا حبيبتي مرة وحدة ..رقم الجازي دق مرتين .. ندى ـــ لا ..حسافة ..ذكرتيني بدق على بيت سعاد بشوف ليش ما يات .. دلال ـــ وأنا بدق على بيت الجوز ..أشوف شالسالفة. ............ رجعت دلال مرتبكة وشافت ندى مرتبكة نفس الشي .. دلال ـــ شفيج ويهج منخطف لونه .. ندى ـــ خبر مزعج بالمرة .. دلال ـــ وأنا بعد عندي خبر مزعج بالمرة .. ندى ـــ قولي انت على ما أقدر أستوعب اللي سمعته . دلال ـــ الله يستر ..الجازي رجعت . ندى ـــ صج ؟؟شلون تقولين هالخبر مو حلو؟؟ بالعكس .. دلال ـــ اسمعي الباقي ..رجعت مطلقة . ندى انصدمت ..ـــ لا حول ولا قوة إلا بالله ..شلون ؟؟وليش ؟ دلال ـــ ما أدري ..وأنتت شالخبر اللي عندج؟ ندى ـــ سعاد في المستشفى ..في غيبوبة سوت حادث أمس .. يالله . بستأذن وبنزل طوالي .. دلال ـــ وأنا معاج ..خلصت حصصي اليوم . ندى ـــ أنا عندي حصتين ..ببدل مع أي وحدة .. دلال ـــ بسوي تيلفون وأرجع لج .أشوف عبدالله يوصلني ولا لا .. ندى ـــ تعالي معاي بالسيارة ..أوصلج بيت الجازي وأروح لسعاد في المستشفى .. دلال ــ حتى ولو .. لا زم أدق على عبادي أستأذن منه .. ندى ــ اوكي بنطرج في السيارة .. عبدالله ـــ لكن يا دلال أنت ما تركبين مع دريوليه ..خليني أوصلج أو أوصي يوسف أو فيصل .. دلال ــ ما عليه ..أمشي حالي ..الجازي صدق محتاجتني .. وسعاد في المستشفى ..دريول ينطرنا أحسن من أن تروح وتجي .. عبدالله ــ اوكي خذي راحتج ..بس كلميني وطمنيني ..الله معاج يا حبيبتي . دلال ـــ الله معاك . _________________________ الجازي شكت لدلال كل اللي في قلبها ...ودلال تأثرت باللي صار لها وهلت دموعها .. ــــ ابجي يالجازي طلعي كل اللي في قلبج ..أنا أسمعج .. كانت الجازي حاطه راسها على شليل دلال ..ما تقدر تمسك عمرها من الصياح .. الجازي ـــ أحبه ..ما قدرت انام من امس ..ما قدرت أتخيل حياتي بدونه .ليش طلقني ..أنا راضية ..راضية بكل شي بس ما يتركني ..ما طلبت منه الطلاق ..ولا كنت راح اطلب .. دلال ـــ الجازي ..لا تلومينه ما تعرفين أسبابه .. ____________________________ سعاد نايمة ولا تدري بالدنيا ..تأذت وايد من ورى الحادث ..ندى دمعت عيونها وهي تشوفها مرقدة والكدمات والضمادات والجبس ..أمها جالسة حدها ودموعها تتكلم بدل عنها .. ندى ــ خالتي ام حمد ..شلون صار الحادث؟ أم حمد ـــ طلعت أمس مع وحدة من قرايبنا تسوق ولبنت كانت مسرعة ..انزلقت السيارة عن الطريق ..البنت في العناية ..نفس حالتها .. سعاد قي غيبوبة ..والله يعلم متى بتصحى منها ..بس حالتها تعور القلب .. مسكت ندى يدها وتنهدت ..تذكرت كلام سعاد ــ..أفكر متى يرتاح بالنا وننتهي من هالكوارث اللي تتناوب وتتحذف علينا .........صج ..متى يرتاح بالنا من المصايب ..محد يعرف شمكتوب له بكرة . ************************** ترددت الهنوف أنها تقول لخلفان ...كانت واقفة عند الباب مترددة .أولا وأخيرا بيدري ..دخلت ..كان مقابل الكمبيوتر يشتغل على برمجة الكمبيوتر .انتبه لها ..ترك كل شغله وحط نظارته على جنب . خلفان ـــ ها الهنوف .. شفيش متضايقة .؟ الهنوف ـــ خلفان عندي خبر لك ..عن سعاد .. خلفان ــ وأنا شيخصني في سعاد ما أبي أسمع عنها شي .. رجع ولبس نظارته ..وتابع شغله ..بجت الهنوف فالتفت لها مستغرب .وما نطرت أنه يسألها .. ـــ خلفان ..سعاد سوت حادث أمس في الليل ..وهي الحين في غيبوبة . هالخبر نزل مثل الصاعقة على راس خلفان ..سعاد؟؟؟ حادث ؟؟؟الهنوف طلعت وخلته مصدوم ..قلبه يدق بسرعة ..حياتي سعاد ..في المستشفى؟؟ طلع ورى الهنوف وطق باب غرفتها .. ـــ ادخل .. خلفان ـــ صج هالكلام اللي قلتيه لي؟؟ الهنوف ــ ايه .. خلفان ـــ شلون ومتى ..هي زينه؟؟ عسى ما فيها شي جايد . الهنوف ــ ما أدري ..اصابتها ..ما أدري ...اختها قالت لي انها امس سوت الحادث .. خلفان ــ روحي لها الحين ..السواق تحت خذي امش وروحي وأول ما تعرفين كل شي عنها اتصلي فيني . الهنوف ـــ زيين خليني البس عباتي ونقابي.. طلع وهو مختبص ..بس لا يصير لها شي ..والله ما بيسامح نفسه .. ..يتبــــــــــــــــــــــــــــــــــع........سهر مرسيه وايد لج يالجنون على المتابعة ..مرمورة أعجبني جدا وصفج وتوقعج للأحداث ..ومشكورة على المتابعة ويشرفني ذلك ..دلوعة الزعيم ..شكرا لج على الردود .. وهذي التكملة .. الحلقة الخامسة والعشرون *** *** رجعت البيت وهي مصدعة ..ومحزونة وايد للي صار لأثنين من أغلى صديقاتها ..معقول في يوم واحد .. وقفت عند باب غرفتها وأول ما تبي تدخل .. سعد ــ ندى وين كنت للحين؟؟ الساعة سبع . ودوامج يخلص الساعة وحدة .. ندى ـــ الله يخليك سعد تعبانة مالي خلق لتحقيقاتك .. سعد ـــ لا تتوقعين انج حرة نفسج..وليش قافلة تيلفونج ؟؟ وين كنتي ؟ ندى ـــ كنت في المستشفى عند وحدة من صديقاتي ..وممنوع التيلفونات هناك ..وبعدين حولت على بيت صديقتي الثانية ردت من السفر ..خلص تحقيقك ممكن أدخل غرفتي وأنام ؟؟ سعد ـــ مرة ثانية ..اتصلي وقولي وين تروحين وتتأخرين ولا لاء..سمعت .. ندى ـــ أمرا وطاعة . ندى ما كانت في مزاج أنها تتهاوش مع سعد اللي ولا عبر حالتها النفسية ..شفيه سعد متغير ..ما هو سعد اللي ينحط على الجرح يطيب ..ولا هو سعد اللي يضحكها في وسط حزنها .. دخلت حطت راسها تبي تنام ..لكنها تذكرت ناصر .. بدلت الكروت ..وأول ما فتحت الجوال وصلت المسجات .. (( هاي انت فاضية تسمعيني ؟)) (( بليز لا تبندين جوالج ..أنا يمكن احتاج لج في أي لحظة ..)) (( لا فتحتي جوالج طرشي لي مسج ولو فاضي ..)) (( اناخايف عليج ..لايكون صار لج شي؟؟)) ((ادري المسج اللي راح فيه سؤال غبي )) ابتسمت ندى ..طرشت مسج فاضي ما فيه الا رقم واحد .. ناصر (( وأخيرا ...ليش مقفلة تيلفونج؟)) ندى (( ظروف .)) ناصر (( انت وين الحين )) ندى (( وأنت شيخصك!!أكون وين ما اكون )) ناصر (( سوري ..انا الحين في بيت البنت ..اللي غدرتني)) ندى (( ندى؟؟ شلون؟؟)) ناصر (( هي بنت عمي ..الحين انا واقف قدام بيتهم شتنصحيني ؟؟) ندى (( انت تبيها؟؟ مو هي غدرتك؟) ناصر (( ابي نصيحتج شلون أكلمها ؟..انا وهي دايما نتخانق ) ندى (( لا تتحرش فيها ولا تتفلسف عليها اسمع منها ..)) ناصر (( كأنج تعرفيني من زمان..فعلا انا كنت اسوي اللي قلتيه معاها ..) ******************* بعد ساعة صحت ندى من النوم على صوت مسج .. (( ما نزلت لي يقولون نايمة )) ندى (( زين نايمة نايمة ..وبعدين ؟) ناصر (( انت ليش مسجات جافة ؟؟)) ندى ((تبيني أبللها لك بماي؟؟)) ناصر (( بايخة )) ندى (( خلينا الحلو لك )) ناصر (( ندى تراج تنرفزيني)) ندى (( يا ابني انت اللي ترفع الضغط )) ناصر(( شلون)) ندى (( تناديني باسم وحدة انت تكرهها شلون تبي شعوري يكون؟؟)) ناصر(( من قال لج أكرهها ..بالعكس أنا ..)) ندى (( انت ؟؟؟.كمل )) ناصر (( أنا أحبها )) ندى (( صراحة ما فهمتك ..يوم تقول أكرهها ويوم أحبها .لما ترسى على بر طرش لي مسج الحين أبي أنام تصبح على خير )) ناصر (( هي حبي الأول ..نقل قلبك حيث شئت من الهوى فمالحب إلا للحبيب الأول )) ندى (( يعني ماضي!! قود نايت )) سكرت جوالها . ورجعت للنوم .. *************************** رجعت الهنوف للبيت وين كان خلفان ينتظرها .. خلفان ــ ليش ما اتصلتي؟؟ وليش ما تردين على مكالماتي ؟ الهنوف ـــ اتركني يا خلفان والله قليي موجوع عليها ..وفي المستشفى ممنوعة الجوالات .. خلفان ـــ الهنوف ..ريحيني وقول شلون حالتها وعسى ما تأذت !! الهنوف ـــ في كسور ..ونزيف داخلي ..لحقوا عليه ..فيه ضربة جايدة عى راسها يخافون انها تسبب ضرر لمخها ..هي الحين في غيبوبة ولصحت يكون حالتها استقرت .. خلفان زعل عليها وايد .. ـــ لا حول ولا قوة إلا بالله ...لا حول ولا قوة إلا بالله ..يالله قومها بالسلامة ..والله ما تستاهل ..هنوف ..أبي أشوفها !! الهنوف ـــ انت صاحي ؟؟ أمها عندها طول اليوم ..ما تقدر وأبوها وأخوها رايحين جايين .. خلفان ـــ هنوف افهميني بموت اذا ما شفتها .. لازم تدبرين لي طريقة اشوفها فيها .. الهنوف ـــ بكرة بحاول أقنع امها أنها ترجع البيت وبناوب عنها ..وأشوف .. خلفان ـــ أنا معتمد عليش . طلع وتركها دخل غرفته والدنيا تلف فيه وتدور .. طالع كلمانها اللي طرشتها له ..تنهد ..الله ياخذ هالكرسي..لولاه ..لولاه ..أستغفر الله ..اللهم لا اعتراض وهلت دموعه .. ********************** ندى ــ وأنت بعد لابسة أسود ؟ دلال ـــ أنا ألبس حسب مزاجي ..واليوم أنا متضايقه .. ندى ـــ عبدالله ما هاوش ؟؟ دلال ــ بلى ..قال لي لا تلبسين ..لكن ما يالي نفس ألبس شي ثاني ولا أحط مكياج ولا أتعدل .. ندى ــ شلون الجازي ما قالت لج ليش تطلقت ؟؟ دلال ـــ أنت تعرفين الجازي تنحط على الجرح يطيب ..فهد علاجه مطول ..وأمل نجاته قليل ..ما حب أنه يعذبها ..طلقها رغم أنه يحبها وهي تموت فيه .. مسكينة ..ماقال لها ما أعطاها فرصة للخيار ..وسعاد؟؟ ندى ـــ سعاد ..في غيبوبة لين الحين ..يخافون أن المخ يتضرر ..وهي تحت الملاحظة بيشوفها خبير اليوم العصر . دلال ــــ قلتي لشيماء؟؟ ندى ـــ لا ما أعرف شقول لها ..خلي الأمور تستقر .وبعدين بقولها .كم حصة عندج اليوم ؟ دلال ـــ بآخذ حصص سعاد ..لا ردت بالسلامة أعطيها حصصي .. ندى ـــ الله يقومها بالسلامة ..والجازي بترد الشغل؟ دلال ـــ ما سألتها ..بس لازم ترجع علشان تطلع من الحالة اللي هي فيها .. ندى ــــ صج ست سحر بتزوج بنتها ؟؟ دلال ــ ايه ..سمعت انها بتزوجها لأبن تاجر .. ندى ـــ بنتها مو عمرها 16سنة؟؟ دلال ـــ ايه ..لكنها مو فالحة في الدراسة ..يمكن تفلح في الزواج .. ندى ـــ عاد بنتها مو قاصرة ..تهبل ماشاء الله عليها ..تشربين كوفي ؟ دلال ـــ اييه ..لو سمحت .. ندى ـــ صج دلال ..شلون منى معاج ؟ دلال ـــ عنيدة بصورة ما تتوقعينها..أمس ما قدرت أقنعها أنها تشرب حليب ..فحطيت لها كافي معاه وضربته بالخلاط شربت نصه بس ! ندى ـــ كل الأطفال جذي .. دلال ـــ لا ,,إلا هذي ..أكلها مب صحي بالمرة كله شيبس وكوافي .. ما تاكل فاكهه ..بشرتها صايرة سمرة واللون الوردي مختفي من ويهها ..اعتقد عندها نقص فيتامينات بخلي عبدالله ياخذها للطبيب اليوم . ندى ـــ زيين وأنت ..ما حملت؟؟ دلال ـــ لاء ..بروح أسوي تحاليل وأفحص .أشوف ليش تأخر حمالي... ندى ـــ بدري على الحمال ..هذي شيماء للحين ما حملت ..مع انها من متى متزوجة .. دلال ــــ شيماء ..صار عندها ثلاثة بنات .. ندى ـــ بس مافي ولد ..مافي مناص من الحمال ..لازم الولد . دلال ـــ شالتخلف ..عاد عبادي أمس قال لي أنه ما يحب الأولاد ..يحب البنات أكثر ..لأنهم أحن ..وأحلى .. ندى ـــ كلام بس ..كلام ..لكن عند الجد .وين الولد !! دلال ـــ صراحة عن نفسي تشبعت من البنات ..درست حدالحين ثمان دفعات تقريبا من البنات ..أبي درزن أولاد .. ندى ـــ ذكرتيني أيام طفولتي ..أمي صارت تكثر زيارات للجيران والمعارف بس علشان تهرب من ضجة اخواني .. .. دلال ـــ صج ..شلون عشت وسط أخوانج ؟؟ ندى ـــ عادي أهم شي ما يغلبونج .. **************** أول ما طرت على بالها الفكرة ركضت للصالة ..دورت في دفتر التيلفونات ..وما خاب ظنها ..هذي رقم الشقة اللي كانوا ساكنينها في المانيا ..أكيد ما بيغيره فهد .. ضغطت على الأرقام وقلبها يدق بسرعه .. رن ..التيلفون ..فرحت وايد ..رن ورن ..ورن .. ـــ آالو ... كان صوته تعبان .. ـــ آلو hello who ?? تنهدت الجازي ـــ فهد ..فهد ..بغيت أموت لو ما سمعت صوتك ..فهد ..شلونك؟؟. فهد ـــ ........................................................ الجازي ـــ فهد ..فهد ..رد علي ..صوتك تعبان ..كلمني .فهد ليش ؟؟ فهد ـــ ....................................................... الجازي ـــ فهااااااااد ..تكلم قول أي شي ..حرام عليك ..ليش ..تعرفني ما أعيش بلاك..فهد ..كلمني انطق بكلمة ..بحرف ..حرام عليك ارحم عذابي ..فهد ..فهاااااااااااااااد .. دخل أبو سند ..وشاف الجازي ودموعها وترجيها .. أخذ التيلفون منها ..وصكره ..مسك ايدينها وصرخ فيها .. أبو سند ـــ الجازي افهمي فهد طلقج ..ما يبيج خلاص ..بس ترجي بس ذل . صرخت بصوت عالي ودموعها تساند كلامها . الجازي ـــ يبه حرام عليك ..فهد يحبني ..وأنا أحبه ..حرام عليكم ..أنا شسويت لكم ؟؟حرام تعذبوني حرام حرام .. فلتت من يد أبوها وراحت غرفتها ,, أبو سند مزع رقم فهد من دفتر التيلفونات ..وطلع .. أما الجازي ..فرجعت لغرفتها الباردة..وحتى صورة ما عندها لفهد . ما عندها شي يذكرها به غير حبها له .غير أيامهم الحلوة مع بعض ..يحاولون ينسونها فهد؟؟ لا ..ما يقدرون ..فهد مطبوع في عقلها وقلبها وروحها ..ورحمها !! الجازي حامل . اكتشفت هالشي من ثلاثة أيام ..وكانت تبي تقول لفهد ..لكنه ما أعطاها فرصة ..محد يدري بهالخبر ..هي تقريبا في الأسبوع الثالث . .. ************* |
صارت اهتماماتها كله متعلقة بالبيت والبنات وراحة محمد ..محمد اللي صارت تحبه لكنه ما حس بحبها له ..لأنه عزل نفسه في عالم خاص فيه اسمه صالحة .. شيماء ـــ راني ..حضري البنات ..بلبس علشان نروح الحديقة ..أو فن تاون .. راني ـــ ماما يروح جنغل زوون أهسن مكان . شيماء ـــ راني ماما صالحة الله يرحمها لما تطلع وين كانت تاخذهم ؟ راني ـــ حديكة سناء ..بس أنا ما يقدر عليهم ..مكان كبير وبتشا صغير وناس كتير !! ضحكت شيماء ـــ اله يغربلس من هندية ..بنروح اللاند مارك ..أحسن يمكن في مهرجين و ألعاب حلوة .. راني ـــ وبابا مهمد ..مين يسوي له عشا؟؟ شيماء ـــ بنيب له عشا معانا ..مع أنه ما ياكل .. شيماء وراني صار ثنائي كرسوا حياتهم علشان البنات الصغار وسط غياب امهم وأهمال أبوهم .. رن التيلفون قبل أن تطلع شيماء .. ـــ آلو ..شيماء يمه شلونس ؟ شيماء ــــ بخير يمه شلونس أنت؟؟ ـــ بخير ..أختس مسوية حفلة بكرة علشان ملجتها ..ما عزمتس؟؟ شيماء ـــ لا ..تلاقينها اتصلت فيني وما لقتني .. ـــ أنت طالعة مكان ؟؟ ـــ بروح الاند مارك ألعب البنات ..ناطريني في السيارة مع الدريول وراني .. ـــ الله معاس ..يله ما أعطلس مع السلامة .. ـــ مع السلامة .. البست برقعها وعباة الراس ..وطلعت .. كان الأطفال يلعبون في كل مكان ودانة مستانسة وايد ..راني تلاعب سارة ومها بيدين شيماء .. شيماء عيونها على دانة وهي تبتسم ..عاجبها المهرج وايد ..وتلعب معاه ويعطيها ألعاب وحلويات .. أما سارة فكانت مستانسة بلعبة الأحصنة .. شيماء تلاعب مها بلعبة للأطفال اللي من عمرها ..لكن عيونها ما نزلت عن دانة .. طاحت رضاعة مها على الأرض ..فغيرتها شيماء برضاعة احتياطية ..لما تأكدت ان مها مسكت الرضاعة بين يدينها التفت على دانة ..لكن دانة ماكانت موجودة! شالت مها وراحت عند الأطفال المتجمعين .. ـــ دانة ..دانة ..دانة .. دانة مو موجودة ..التفت يمين وشمال ..وهي خايفة ..راحت لراني .. ـــ راني شفت دانة ؟؟ هزت راني راسها بلا ..انتفضت شيماء .. ــــ البنت وين راحت ..شيلي سارة ونادي الدريول ودوري عليها في المجمع أنا بدور في هالقسم .. راني ــ زين ماما .. ظلت شيماء تدور مثل المجنونة ــ دانة ..دانة ..دانة .. شافت رجل أمن ..بسرعة اتجهت له وهي ما تبي تفكر مجرد التفكير أنها ضاعت .. ـــ لوسمحت أخوي ما شفت بنت صغيرة حوالي أربع سنوات لابسة بلوزة بيضا وتنورة جينز زرقا قصيرة ؟؟؟ رجل الأمن ـــ ما مر أطفال من هالناحية . من متى ضاعت .. ـــ لا تقول ضاعت ..لا ..بلاقيها كانت هنا قبل خمس دقايق . تكلم رجل الأمن عبر اللاسلكي وعمم أوصاف الطفلة في حال أحد شافها .التفت لشيماء . ـــ .اسمها ؟؟ ـــ دانة دانة محمد .. ارتعبت شيماء أكثر وصارت تدور في المجمع .. ــــ دااااانة ..دندون .. التنقت راني اللي كانت تصيح ـــ راني لقيتيها ؟؟ ـــ نيهي ماما ..يدور عليها مايلاقيها .. التفت للدريول ـــ لقيتها .. ـــ نو مدام .. اقترب منها السيكيورتي .. ـــ واحد من السيكيورتي شاف واحد شايل طفلة بنفس الأوصاف طالع من المجمع ..انت جايه مع أحد .. ـــ لا .لا ..أنا مع الدريول يايه ..لا ..دانة موجودة هنا أنا أحس بهالشي ..مستحيل.. السيكيورتي ـــ يا مدام بنتج انشاء الله بنلاقيها ..بس انت تمالكي أعصابج ..ارتاحي على الكرسي . ـــ ما أبي أرتاح ..بدور دانة ..شالت مها وتمت تنادي مثل المجنونة ـــ دانة ,,دانة ..دانة .. مسكت بيد سارة ..ـــ سارة ما شفت دانة؟؟ راني روحي دوريها في المحلات يمكن تلاقينها .. حالة شيماء الهستيرية ورفضها القاطع أن دانة انخطفت جذب انتباه الناس اللي في المجمع .. فتكونت حلقة تشاهد عن بعد ..تطوع شاب من الشباب .. ـــ هي شكانت لابسة بندورها بره في المواقف .. السيكيورتي ــ مافي أحد بره البنت خذاها واحد وطلع .. شيماء ـــ لاء..دانة موجودة ..محد يقدر ياخذها أنا علمتها ما تروح مع غريب ..مستحيل .. السيكيورتي ـــ يا مدام ..هدي نفسج ..وانشاءالله خير ..أنا بلغت الشرطة .. شيماء بدت تهلوس بهستيرية ـــ لاء ..ما ضاعت ..ما انخطفت لاء ..شقول لمحمد ان سأل عن بنته ؟؟ هذي الأمانة اللي أمني عليها .. تمت تصيح ..وهي خايفة ترتجف .. السيكيورتي ـــ هي بنتج ؟؟ شيماء ـــ ايه ..ولاء .. السيكيورتي استغرب الشاب ـــ لو تتصلون في زوجها ..هي في حالة ما تسمح لها بالتفكير .. طلعت شيماء جوالها .. بس ما قدرت أن تتصل .. السيكورتي ـــ اسمحي لي .. وأخذ الجوال من يد شيماء ـــ اسم زوجك؟؟ شيماء ــ محمد . شيك الأسماء .. كان محمد في هاللحظة لابس يبي يطلع .. ـــ آلو ..شيماء ؟ السيكيورتي ـــ السلام عليكم .. أهلك يا أخوي في مجمع الاند مارك ..ممكن تشرف بسرعة ؟؟الحالة طارئة .. محمد ـــ ومن حضرتك ؟ ـــ أنا السيكيورتي ..صارت مشكلة ممكن تحضر؟؟ محمد ـــ عشر دقايق .. لفت الدنيا في محمد لايكون صار شي لشيماء ..وبسرعة ركب سيارته ..وللمجمع .. شيماء خلاص في مرحلة انهيار ..شتقول لمحمد ..دانة ضاعت ؟؟ لا مستحيل . وصل محمد ..وشرحوا له كل شي بسرعة . السيكيورتي ـــ اتصلنا في الشرطة وعمموا أوصاف الرجل اللي شفناه مع البنت .. محمد ـــ ماله داعي البنت .لقيناها ..مشكور على المساعدة .. السيكيورتي ــ شلون ؟؟ محمد ــ من دقايق اتصل فيني جدها وقال أنه شافها في المجمع ..وأخذها ونسى أنه يقول لأحد .. تنهدت شيماء ارتاح قلبها ..وكأن الروح ارجعت لها ..افرحت وايد .. السيكيورتي والشاب حمدوا الله على أن المسألة كانت بسيطة ..شكرهم محمد ..وشال مها من ايدين شيماء ..وخذها لسيارته وشيماء تتبعه وقلبها فرحان أن الله فرج كربتها .. الموقف ما يتحمل ولا كلمة .. دخلت البيت وهي متوترة .. محمد ــ شيماء ..شفيج .. شيماء ــ ما في شي ..بس اخترعت وايد اليوم .. محمد ـــ اتصل فيني عمي أبو صالحة ..وقال لي أنه شاف دانة في المجمع وهي ركضت له ..وبدون ما يفكر تذكر صالحة وطلع مع البنت من المجمع .. شيماء ـــ ماله حق يحرق قلبي بهالطريقة .. محمد ـــ معذور..بنت بنته اللي ماتت .والبنت فيها من ريحة أمها . شيماء ـــ لا .. ماله حق يحرق لي دمي وأعصابي ..ماله حق يعيشني في خوف ماله آخر ..محمد لو تعرف باللي حسيت فيه في هالدقايق ..حسيت كأني أنا اللي ضايعة مب الدانة .. وبدت تبجي بحرقة .. حضنها محمد ..كانت محتاجة لحضنه ..تحس أنها تعبت .. محمد ـــ خلاص يا شيوم ..خلاص .أنا بنبه عليه ..لا تصيحين (وبلهجة مزاح )..يله عاد لا تمصخينها ما صار سوء تفاهم عادي .وإلا انت مستانسة أنج في حضني ؟؟ ابتعدت عنه بسرعة ..وصعدت غرفتها في الطابق اللي فوق وتم هو يضحك عليها . *************************** كانت الساعة ثمان فالليل ..وأم حمد جالسة بقرب سعاد في العناية العناية ممنوع أن يبقى أي واحد فيها ..لكن الأطباء تساهلو مع حالة أم حمد اللي خايفة على بنتها ..الهنوف اقتعت ام حمد أنها تروح وترتاح وأنها بتحل محلها .. أم حمد ـــ والله فشيلة منش أنت اللي تمين هنا وأخواتها .. الهنوف ـــ خالتي ..أنا ما وراي شي ..وسعاد حياتي وصديقة عمري ..أما خواتها معذورات وراهم دراسة ,,,توكلي الحين وروحي ارتاحي أنت من يومين ما نمت ولا كليتي لش لقمة سنعة ..اذا استجد شي بتصل عليكم .. أم حمد ـــ والله قلبي ما يطاوعني .. الهنوف ـــ يا خالتي ..الله يقومها بالسلامة ..بس انت ادعي لها .. طلعت أم حمد وراحت البيت ..اتصلت الهنوف بخلفان اللي كان ناطر تحت في المواقف .. الهنوف ـــ تعال ..الحين .. خلفان ـــ هذي ام حمد وحمد طلعوا من المستشفى ..وأبو حمد في شغله الحين ..الحين بطلع لكن بتأخر شوي .. ............ يحس أن قلبه يدق بسرعة ,,وأول ما طاحت عينه عليها وهي في هذا الحال ..انصدم ..ممدة كأنها ميته .. مع كل هالأشياء اللي حولها .. دفع كرسيه لين سريرها .. مد يده ومسح على جبهتها ..وكانت يده ترتجف يخاف يعورها ..مسك يدها وباسها ..أدفع عمري كله ..بس قومي بالسلامة ..ظل حاضن يدها ..ويطالع لها كأنه يبي يشبع عينه بشوفتها ..مرت الدقايق ..وهو بس يطالع لها . الهنوف ـــ خلفان الساعة صارت عشر الحين يمر الأطباء وبيهاوشونا خلينا نطلع وننتظر في الإستراحة .. دفع كرسيه وطلع وهو منكسر .. ـــ أنا بروح البيت ..لا استجد شي دقي علي ... الهنوف ـــ زين .. خلفان ـــ لا تبتعدين عنها ..تبين شي؟؟ الهنوف ـــ لا ..مشكور .. ******************************** دلال ـــ يله بنات ..لازم نلحق على الحفلة أول الناس .. سارة ـــ مارحتي مع ريلج؟؟ أنت دايما ناشبة لنا في الزور؟؟ دلال ـــ هالكلام يطلع من سويره ؟؟ أنت متأكدة أنج سارة ؟؟ حمده ـــ صج ..ليش ما رحتي مع ريلج ؟؟كان تأخرنا على كيفنا .. حياة ـــ أعتقد أنا بعد بتقولون لي نفس الكلام .. سارة ـــ لا حياة .. أنت يشفعلج حمود ..الغالي .. دلال ــ الحين ابن الأخو يشفع والأخت ما تشفع ؟؟عندكم لين بكرة تجمعون كل فلس سلفتكم اياه وتردونه لأنكم مب ويهه حد يصرف عليكم ويسلفكم وينسى سلفياته . حمدة ـــ دلول ..انت تسوين الكل ..ما أدري شلون خلاج عبادي تطلعين مع كل هالحلاة ..بس مو أحلى مني .. دلال ــ اشتغل لسانج يا مصلحجية .بكرة اشتغلي دلالة ولا محامية عليك دفاع ماله مثيل .يله حياة ننطرهم تحت .. كانت دلال لابسة فستان قرمزي أحمر والأكمام من دانتيل ..ورفعت شعرها وموجته . والمكياج كان خفيف . حياة ــ ليش ما رحتي مع عبدالله ؟ دلال ـــ حبيت أروح مع أهلي ..وبعدين أهل عبدالله ما يبون يروحون ..ما يعرفون أحد ..ابراهيم وين؟؟ وين فيصل وسعد ..والله ما شفتهم من زمان...ولا يوسف الحمار ..وين راح ؟ أحمد ـــ الله ...شالحلاة كلها ..الغالية لازم تكون نجمة الحفل اليوم مب أنت .. دلال ــ مشكور حمادة ..أنت اللي تطيب الخاطر دايما .. أحمد ـــ ما كلمتج ..كلمت حياة ...شالغرور اللي عندج دلال .. احترت دلال وانحرجت أما حياة فضحكت على المقلب اللي سواه فيها أحمد . دلال ـــ هذا وأنا ضاغطه على أعصابي ومكلفة على عمري وشارية فستان حق حفلة ملجتك تتكلم جذي ؟؟ اوكي ما ني رايحة . أحمد ـــ دلول ..نضحك معاج ..وبعدين أنا اشتريت ثوب حق يوم عرسج ..وانت شارية الفستان مو علشاني ..علشان تنافسين الحريم الباقيين . دلال ـــ لا يكون كنت مفكر تلبس بدلة حق عرسي..يا ويلك . حياة ـــ مبروك أحمد مجددا ..وما أدري شاللي كنت بتخسره لو تزوجت السنة اللي راحت مع ابراهيم ..كان الحين عندك ولد أو بنت كبر محمد . أحمد ـــ صراحة يا حياة ..خفت أنج تطغين بجمالج على جمال عروستي وبما أني الكبير فقررت التنحي ..وبعدين لو تزوجت العام ما كنت أخذت الغالية السنة فكل تأخيرة فيها خيره .. حياة ـــ ويقولون خير البر عاجله . أحمد ـــ وين ابراهيم ؟ حياة ـــ أخوك في دخان ..ما بيرجع للساعة عشر في الليل . حياة كانت من أجمل البنات اللي في دخان ..وشاءت الصدف أن ابراهيم يشوفها ..فتعلق فيها وخطبها فورا دون أي مقدمات ..أبو أحمد تردد أنه يزوج ابراهيم قبل أحمد لأن أحمد الكبير ..لكن ما قدر يسوي شي ..فصار الزواج وكانت حياة خير الزوجة الصالحة وأبو أحمد ما ندم على أي شي . ************* شيماء كانت بدورها تستعد..لبست فستان أسود ..ورفعت شعرها ..شافها محمد .. ـــ ليش الأسود؟ ماردت عليه ..ما تعرف شتقول له ..علشان صالحة . محمد ـــ أبيج تلبسين فستان ثاني .لا تلبسين أسود بعد اليوم . شيماء ـــ الفستان حلو .. محمد ـــ أنا مو غبي ..غيري الفستان من دون مناقشات ..وفكي شعرج . شيماء ـــ بس الحفلة بتكون بسيطة ..وشعري بيبهدلني .. محمد ــ شيماء أبي أشوفج بأحلى حلة .. شيماء ـــ لكن الحفلة حفلة الغالية ..حرام أسرق منها الأضواء ..شعري بيجذب الكل ..خليه مرفوع .. محمد ـــ غيري الفستان ..اصعدي فوق وغيري الفستان . ما عارضت ..والبست فستان تركوازي اللون ..مكياجها كان دخاني ..لكنها مشت حالها مع اللون . سرحت بكلمات محمد ..أبي أشوفج بأحلى حلة ..للحين يحبها ..يعني ما كرهها بعد وفاة صالحة . ـــ الله الله ..ملاك .. قامت ووقفت .. شيماء ـــ محمد ..أنت من متى هني؟ محمد ــــ توني ..ماصار لي دقيقة . شيماء .. شيماء ـــ لبيه .. محمد ـــ اللي صار أمس ,,حيرني ..أنت تحبين بناتي ..مثل بناتج؟ شيماء ـــ وأزود ..أنا هالبنات صاروا قطعة مني . محمد ـــ شيماء ..أنت مستانسة لأن صالحة ماتت؟؟ جحظت عيون شيماء ..شالفكرة اللي طلع فيها؟؟ ـــ لاء ..أنا ما كنت أكره صالحة وكنت أتمنى لها كل خير ..وكل ليلة أتمنى أني أنا اللي مت ..مب صالحة .. ماذرفت دمعه وحدة ولهجتها كانت هادية وايد مقنعة ..محمد اقتنع ..لكن شيماء ...احتارت هي نفسها في هالسؤال .. محمد ـــ لا تزعلين مني . كان لازم أسأل هالسؤال .. شيماء ـــ محمد ..أنت ليش كله حابس نفسك في غرفة صالحة؟ محمد ــــ أنا ..أنا ما أقدر أسامح نفسي على العذاب اللي سببته لها ..واخترت هالطريقة كعقاب لي .. تركها وراح .. واللي توقعته شيماء صحيح ..هو يعاقب نفسه. كانت الحفلة بناتية ..الغالية بأحلى طلة ..والبنات حولها يباركون لها ..صديقاتها ومعارفها ..شيماء انفردت بدلال ..وصاروا يتكلمون عن حياتهم الزوجية بشكل عام ودلال تحاول أنها تتجنب ذكر اسم الجازي أو سعاد .. ******************* الحلقة السادسة والعشرين .. ************** فتحت عيونها ..وهي تحس بثقل في راسها ..كل شي حولها ضبابي ..تبي تستوعب ..لكن الألم أخرسها ..طل وجهه فوق راسها ..وابتسم .. حمد ـــ يمه سعاد صحت ..بنادي الدكتور .. أم حمد ـــ الحمدلله يارب ..الحمدلله يارب ... أما سعاد فكل شي تسويه يألمها ..ان لفت وجهها أو حتى حركت عيونها .. الطبيب دخل بسرعة العناية وطلب من أم حمد أنها تطلع .. * دقايق وحست سعاد براحة ..لأن الطبيب حقنها بمسكن .. الدكتور ـــ ممكن تركزين معاي ؟ غمضي عيونج مرة اذا الجواب نعم ومرتين اذا لا تفهمين ؟ غمضت عيونها مرة .. الدكتور ـــ تتذكرين اسمج ؟؟ سرحت شوي ..وغمضت عيونها مرة..بعدين المرة الثانية .. الدكتور ـــ تتذكرين الحادث ؟ غمضت عيونها مرتين . الدكتور ـــ تحسين بألم ؟؟ غمضت عيونها مرة .. الدكتور ــ وين في راسج؟ غمضت عيونها مرة .. الدكتور ـــ تقدرين تتكلمين؟؟ ما غمضت ..لأنها نص ونص ..ويوم حاولت تتكلم حست أن الكلام ثقيل عليها ونت ..لكن ما طلع معاها الكلمة اللي تبيها . بعدين غمضت عيونها مرتين يعني لا . طلع الدكتور ..وشاف أم حمد وحمد .. الدكتور ــ حاليا ..تمنع الزيارات عنها ..احنا سمحنا لكم قبل لكن الحين ممنوع أي زيارة حتى أسمح لكم لمصلحة بنتكم . حمد ـــ يا دكتور بس انت قلت أن لما تصحى من الغيبوبة يكون حالها تحسن . الدكتور ــ أكيد .لكن المريضة حاليا في حالة عجز كلي عن الحديث والتذكر والحركة . الأطباء الخبيرين بيزورها وبيسوون لها فحص شامل ..علشان نعرف الأجزاء اللي تضررت في مخها وفي جسمها ..لكن صحوها من الغيبوبة يعتبر تحسن .. حمد ( وماقدر يفهم ثلاثة أرباع الكلام .) ـــ يعني ما في زيارة .. الطبيب ـــ ممنوع ..بوصي الممرضات ..لا تخافون كلها كم يوم ..وادعوا لها أن الله يقومها بالسلامة . أم حمد ـــ آميين .. ************** (( ممكن ما تناديني ندى ؟؟)) (( ليش ..شلون تبيني أنالديج؟)) ندى ـــ (( غيوم )) ضحك ناصر يوم قرأ المسج ..(( غيوم ؟؟؟؟ ندى أحلى )) ندى (( ما سألتك رايك حلو ولا لال ..ناديني غيوم والسلام .) ناصر (( ممكن أدلعج كلاودز؟؟)) احترت ندى وعصبت (( لا ..غيوم وبس !)) ناصر (( اسمج ثقييييييييييل ما أقدر عليه شرايج في اسم ثاني ؟؟)) ندى (( أسمع رايك لكن ما بلتزم فيه )) ناصر (( شرايج هتان )) ندى (( مثل الشاعرة ؟؟)) ناصر (( ايه ..معنى اسمها المطر الغزير ..وجذي يكون حل وسط ..لاغيوم ولاندى )) ندى (( أول مرة تتكلم بشكل منطقي موافقة )) ناصر ((والدلع ياترى شلون بيكون ريننق؟؟) ندى (( ممكن ما نضيع مسجاتنا على اشياء تافهه ؟تراني عبيت تيلفوني للمرة العاشرة من عرفتك .) ناصر (( انت طول اليوم مقفلة تيلفونج)) ندى (( لا تصدق عمرك وتحاسبني ..مالك شغل )) ناصر (( انا كل ما اقرب لج من طرف تلسعيني وتقولين مالك شغل انا مستعد افتح لك خط بس ما تسكرينه طول اليوم) ندى ( ما احتاج لهباتك ولا حسناتك .ومالك خص اذا فتحته طول اليوم ولا أغلقته) ناصر (غريبة مع ان هذا أول طلب تطلبه البنات لما اتعرف عليهم ) ندى (( أنا قلت لك من الأول أنا مو مثل رخيصاتك ولا راح أكون وعقابا لك بسكر جوالي )) وسكرت ندى التيلفون وبدلت الكروت .. ابتسمت..علاقتها بناصر غير ..هو يحاول يخليها مثل العلاقات الباقية ..لكنها ما تسمح له ..تحب يوم يتناقشون عن مبادئهم ورأيهم بالناس ..مع أن أرائهم مختلفة لكنها قريبة من بعض ..واثنينهم فقدوا الثقة في الناس .. ********* طلعت من عند الدكتورة وهي مستغربة .. الدكتورة تقول لي ما في شي يمنعج من الحمل ..ياترى ليش ما حملت للحين؟؟ طالعت الروشته ..حبوب كلوميد ..سمعت أن هالنوع من الحبوب يخرب الكبد والهرمونات ..دلال ما اهتمت ..وعند أقرب سلة مهملات ..قطت الروشته .. أحمد ـــ ها بشري عساج حامل .. دلال ـــ لا ياخوي ..ما في شي .. أحمد ــ زيين سوت لج تحاليل ؟ دلال ـــ ايه ..بس ما فيني أي عيب ,,وعبدالله عنده منى ..يالله ..يمكن من الله ..تعرف ..في ناس الله مو كاتب لهم يكون لهم عيال . أحمد ـــ أعطتج دوا؟؟ دلال ـــ وصفت لي كلوميد ..لكني حذفت الروشته .. أحمد ــ زيين سويتي .الكلوميد يضر أكثر ماينفع في بعض الأحيان لكن في أحيان ثانية يكون مفيد ..خذي هالكلام من أخوج الجراح الشهير .عيدي لي .شلون كانت الغالية ؟؟أحلى وحدة في الحفلة صح ؟؟ دلال ـــ صج أنك مذلة ..أييه أحلى وحدة .. دلال ما قالت لعبدالله عن زيارة الدكتورة ...رجعت المدرسة . ندى ـــ أبشرج ..سعاد صحت من الغيبوبة .. دلال ـــ الله يبشرج بالخير ..وشلونها الحين؟ ندى ـــ ما أدري الطبيب مانع الزيارة .انتي شسويتي في موعدج؟ دلال ــــ أبد مافي شي ..لا مرض ولا عيب التأخير من عند الله .. ندى ـــ عسى أن تكرهوا شيئا وهو خير لكم ..ما تعرفين يمكن أحسن لج .. دلال ــ صج ..ما يندرى ..وانت شلونج .. ندى ـــ يمكن أسافر كندا .. دلال ـــ متى ؟ ندى ـــ احتمال في الصيف .أمي فاتحتني في الموضوع أمس ..وقلت لها انشاء الله قريب .. دلال ـــ بتنجن ست سحر اذا سافرتي ..ما يكون لج بديل . الجازي اجازة مفتوحة .وسعاد في المستشفى وشيوم استقالت وأنا يمكن آخذ اجازة .. ندى ـــ ليش ؟؟ دلال ـــ عبدالله يبي يسافر بريطانيا عنده دورة ..ويبيني أروح معاه ..قال لي فكري ..وأعطاني مدة أسبوع ..مر منها يومين . ندى ـــ صج ما تهنيتوا بشهر العسل ..لا تضيعين الفرصة يا بنتي .زرتي الجازي ؟؟ دلال ـــ لا ..هاليومين هي تعبانه نفسيا وما تقدر تشوف أحد ..بزورها بكره ..انشاء الله .. ندى ـــ عاد ما تصدقين .. دلال ـــ بصدق ..قولي .. ندى ــ أمس أمي كانت عند الجيران وطرشت بنتهم الصغيرة لي ..تبيني لبست عباتي ورحت ..لقيت عندها وحدة تشوف الفال .. دلال ـــ أولي كلام غير ده معقوول ؟؟ ندى ـــ أيوة يأختي ..ما تشوف البخت إلا اذا كان صاحب الحاجة موجود ..أنا ما شيت أمي ..ويلست ..تقول لي ..بتعبرين حد ..قلت في نفسي أكيد أمي تكلمت عن سفرنا لكندا قدامها ..وقالت لي بتتزوجين باللي تبينه ..وبتتركين شغلج .. وتصير هوشة بين هلج وعيال عمج ..علشان الفلوس ضحكت في هذيك اللحظة وتركتها و طلعت بالنسبة للزواج ما بتزوج واحد ما أبيه ..والشغل أنا مشتغلة للتسلية وكل الفريج يعرف هالشي ..والهوشة ..صراحة كل سنة لما يصير توزيع الأرباح اللي تنتج من شركتنا يتهاوش أخواني وعيال عمي ..وهالشي معروف يعني ما في جديد ..حسافة خسارة الخمسين ريال اللي حطتها أمي في بسطتها . دلال ـــ هاهاهاه ..بس حرام هالأشياء ..صلاتج ما بتنقبل .. ندى ـــ يا بنتي قلت أجرب ..أحتاج لبصيص أمل .. بس الظاهر ..مفيش استغفر الله ..عاد أمي تحب هالأشياء ..وأولا وأخيرا ..كذب المنجمون لو صدقوا .. ***************************** أولا ..شكرا إلى كل اللي تابعوا القصة ..شكرا مرمورة أنج قرأت قصتي الأولى أسعدني كثيرا هالشي .. ..وآسفة أني تأخرت عليكم ..والسبب انشغالي ..هذا الجزء وبيكون ممهد للأحداث .. ـــ ما بتطلعين من غرفتج؟؟ الجازي ـــ لا يا يدتي ..بحط راسي وأنام . ـــ اليازية ..كل يوم على هالحال من رديتي ..كلما أقولج ااطلعي من غرفتج تقولين لي بحط راسي وأنام ..أجل شتسوين في غرفتج طول الوقت إذا ما نمتي؟؟ طنشت الجازي جدتها ولفت راسها الناحية الثانية .. اليدة ـــ بسافر ..بروح السعودية الأسبوع اللي ياي ..من زمان ما شفت أختي أم سالم .تجيين معاي ؟؟ الجازي ـــ يدتي ..السفر مو زين لي .. اليدة ـــ لا يكون حامل ؟؟ الجازي ـــ اييه ... اليده ـــ يا مشاء الله ..مبروك و كم عمره؟؟؟ الجازي ـــ كم أسبوع . اليده ـــ لازم أقول لأبوج ..لازم يردج لريلج قبل لا تنتهي العدة .. الجازي ـــ قلت له أمس ..قال أنه بيسأل فهد ..لكن فهد طلع مغير رقمه ..يدتي . فهد طلع من ألمانيا بكبرها ..دكتوره قال لأبوي .أنه بيكمل علاجه في مكان ثاني .. ادمعت عيون الجازي ..وخلاص انتهى الأمل الجازي ـــ أنا طابت نفسي من فهد ..ما أبي أشوفه ..ولا أشم ريحته ..ولا أسمع عنه كلمة ..تلوع جبدي .. ابتسمت الجدة ـــ يمه يالجازي ..هذي يسمونها نساة . اختي ام سالم ..يوم حملت غيرت بيتها لأنها كرهته .. الجازي ـــ لا يكون كل ما حملت تغير بيتها .. الجدة ـــ لا ..بس أول مرة ..المرة الثانية تنست في فقع في عز الصيف ..ما شفتي ولدها خالد جسمه مليان علامات و في موسم الفقع تبين بكثرة .. الجازي ـــ يمه ..ما يكون أحسن لي لو أني كرهت فهد؟؟صج ,مب نساه ؟ اليدة ـــ لا ,,انت وراج ولد أو بنت تربينها ..ولازم فهد يرجع لحياتج من جديد ..بصفة ريل أو أبو . والكره ما بيفيدج في الحالتين . الجازي ـــ أكره هالغرفة..تضييق علي الهوا .. اليدة ـــ البيت مليان غرف ..اخذي لج غرفة ثانية ..وأي شي في نفسج قولييه .لا تكتمينه ..مب زين للياهل ..يالله ..خلاص ما في روحة للسعودية بتم حذاج .. الجازي ـــ سافري يا يمه ..أنا برجع للشغل ..يمكن هالأسبوع.أحتاج كم هالبيزة اللي أحصلها .. كان تفكير الجازي تحدد ..بتربي الياهل ..أما فهد ..ففي هاليومين ,,طابت نفسها منه ..خصوصا بعد ما عرفت بسفره لازم ما تخسر شغلها ..ما تبي تعتمد على حد غير نفسها .. ********** اليوم الرابع بعد ما صحت سعاد ..حالها تحسن صار بإمكانها أنها تتواصل بالكلام مع الدكتور ..سعاد تعرفت على أمها وأخواتها..وتذكرت اسمها . ام حمد ــ يا دكتور . ليش ما تتذكر أخوها حمد؟؟ الدكتور ـــ هي حاليا تعاني بعض العجز ..في عجز في الذاكرة والتذكر عجز جزئي ..مب كلي . وتعاني صعوبة استيعاب ..هذا من أضرار الحادث ..مع الأيام بيزول تدريجيا . ام حمد طالعت الدكتور .. ــــ يعني ما تفهم ؟؟ لو ماتت أحسن لها من التخلف ..يالله .. الدكتور ـــ يا مدام الظاهر انج ما ركزتي في كلامي ,مو تخلف ..صعوبة استيعاب .. هي تفهم لكن في بعض الأحيان العقل بيتعب ..فتتوقف عن الإستيعاب ..وبتشفى ..ما بتظل عندها هل الإعاقة المؤقته .وفقدان ذاكره جزئي . أم حمد ـــ لكن يا ولدي ..هي مدرسة ..وإن نست وصابها فقدان ذاكرة بتخسر وظيفتها .. الدكتور ـــ لو أني مكانج أحمد الله أن بنتي عاشت بعد هالحادث ..مو أفكر في وظيفتها .. أم حمد ـــ الحمدلله .. ام حمد فكرت فوظيفة سعاد لأن منها البيت يمشي حاله ..أبوها ما هو إلا متقاعد ..ومعاشة ما يتعدى الثلاثة آلاف .. ومعاش سعاد ساعدهم في تدبير حياتهم بشكل أفضل من قبل . صافية ـــ سعاد أنت تحبين تسمعين محمد عبدالوهاب وليلى مراد ومصطفى اسكندراني .. موزة ـــ اييه والأكل تحبين النقانق والمارتديلا أكثر شي .. مزنة ــــ والألوان تحبين الأصفر واللون الأحمر .. حمد ـــ أما من المسسلسلات تحبين عدنان ولينا ..ورأفت الهجان ..تموتين عليهم .. سعاد ـــ صافية انتي تكذبين ..ومزنة بعد ..أما اللي فازوا بجائزة الصدق والميثاقية هم حمد وموزه لأني لما سمعت هالأشياء عرفت إني أحبها .. مزنة ــ غلط ..انت تكرهين النقانق والمارتديلا ..والبيتزا لما نطلبها تكون بدون هالشيين ..يعني الوحيد اللي كان صادق معاج هو حمد اللي ما تتذكرينه بالمرة.. صافيةــ بتزوش بعد شوي الهنوف .. تتذكرينها؟؟ سعاد ـــ اييه ..أتذكرها . ************************** سافر عبدالله لكن دلال ما سافرت عندها التزام مع طالباتها .اقترح عليها عبدالله انها تروح وتبقى عند أهلها لين ما يرجع لكنها رفضت لأنها تبي توثق علاقتها بمنى . سهام ــ بيزورنا غانم الأسبوع اللي جاي مع زوجته منال. دلال أتمنى أنج تروحين بيت أهلج . دلال ــ ليش؟؟ سهام ـــ منال غيورة وايد ..وماراح تأخذين راحتج بوجودها ..وبعدين مشكلجية ..اأنا عن نفسي أكرهها . دلال ـــ ليش ؟؟ سهام ـــ لأنها ..تبي تزوجني لخالد أخوها ..أنا أكرهه ..وأكرهها . دلال ـــ يعني تنصحيني أروح بيت أبوي؟ سهام ـــ الأحسن أنج ما تلتقين فيهم ..وهذا كلام أمي بعد .. دلال ــ عمتي؟؟ اوكي بسوي اللي تبيه بروح الأسبوع اللي ياي بيت أبوي وبتم هناك لين يروح غانم وزوجته . اتصل فيها يوسف . دلال ـــ وأخيرا ..أخوي القاطع ..وين كنت؟؟ يوسف ـــ مسافر ..الأسبوع اللي راح كنت مسافر لكن رجعت أمس . دلال ــ وعبدالله سافر أمس ..شفته في المطار؟ يوسف ـــ اييه شفته ..كان توه واصل وأنا بركب الطيارة ..مالحقت أسلم عليه . دلال ـــ لا أنت مغلط قصدك أنت توك واصل وهو راكب الطيارة . يوسف ــ لا مو مغلط .. دلال ـــ أنت وين كنت مسافر؟ يوسف ــ تايلاند مع واحد من الربع .. شهقت دلال ــ وأنت شتسوي في تايلاند ؟؟ يوسف ـــ قلت لج واحد من الربع عزمني ..ريلج شيسوي في تايلند؟؟ عبدالله في تايلند؟؟ لكنه قال رايح بريطانيا؟؟ يوسف ـــ دلال أنت معاي ؟؟الظاهر مافي ارسال دلال .. دلال ـــ معاك يوسف ..حمدالله على سلامتك أشوفك الأسبوع اللي ياي ولا بتسافر؟ يوسف ــ وين أسافر أنا وراي جامعه .. دلال ـــ اييه صج ..اوكي ..أشوفك الأسبوع اللي ياي .باي . يوسف ـــ مع السلامة . ارتبكت دلال ..عبدالله في تايلند ؟؟ ..يمكن ترانزيت ..صج أني جنيت ..تايلند وين وبريطانيا وين ..ويمكن مو عبدالله يوسف شافه من بعيد ..يمكن مشبهه عليه ..عبدالله لا يمكن يقص علي . وأنا ليش حارقة أعصابي .يا خبر اليوم بفلوس بكره يجي ببلاش .مثل ما يقولون بالمصري . ************** |
الهنوف ــ خلفان يسلم ..ويقول لش حمدالله على السلامة . عقدت سعاد حواجبها ..حاولت تلاقي ذاكرة لهالإسم ..لكن ما تذكرت . سعاد ـــ من؟؟من خلفان ؟؟ الهنوف ـــ خلفان أخوي .. صافية ـــ ما تتذكرين خلفان؟؟ تراه يشبه هذاك المقعد اللي في مسلسل دارك آنجل ..اللي يلبس نظارات ..بس خلفان عيونه سود وأسمر شوي وضعيف وايد ..بس وسيم . سعاد ــ ما أعرفه .. الهنوف ـــ انشاء الله تتذكرينه مع الأيام ..تقدرين تتحركين ؟؟ سعاد ـــ لا ..يقولون فقرات رقبتي مرتضة ..لازم ما أتحرك .وعندي صداع حتى الكلام يتعبني ..ويزيده علي . صافية ـــ الهنوف حمدي ربش أنها تذكرتش ..هي ما تذكرت حمود أخوي بس تذكرت أبوي وخالي .. الهنوف ـــ وانت يالسعلوة..تذكرتش ؟؟من الأحسن لش أنها ما تتذكرش وإلا حاسبتش على السلفيات اللي سلفتش اياها .. صافية ـــ الله يغربلش وانا ما أبي أذكرهها .. ليش تكلمتي ؟؟ سعاد ــ ما عليش ..بسقط عنش الديون كعفو مني مناسبة نجاتي من هالحادث . صافية ـــ صج؟؟ مرسيه وايد ..صراحه ماعرفت شلون أرجع لش أربعة آلاف ريال اللي اشتريت فيها الاب توب . سعاد ـــ أربعة آلاف؟؟ ألغينا القرار ..بنسامحش في أربعمية بس . صافية ــ أنا مالي شغل القرار صدر وأنا نفذته فورا ..طرشت ديونش للريسايكل بين (سلة المحذوفات )الحين أنا صار عندي فقدان ذاكرة . الهنوف ــ يمه منش ..قومي قومي ...خليني أسولف مع سعاد على راحتنا .. صافية ـــ وين أروح ؟؟ حمد خذ موزة ومزنه وبح ..راح ..أمي في البيت.. بتجي بعد شوي العصر . الهنوف ـــ المستشفى ما أكبرها روحي قحصي ..(فحطي ) في الممرات ..تعرفي على نيو بيبول ...بس فارجي . صافية ــ بس ما تقولون لحمد .. سعاد ـــ اليوم جمعه ..وبيكونون كل الرياييل في هالحزة في صلاة الجمعه ..روحي تمشي في الممرات ..محد يقولج لا .. صافية ـــ كلها مستشفى..حولتوها كورنيش ..بعدين في مرضى ..حرام أزعجهم . الهنوف ـــ هذي اللي ترفع الضغط ..خيط ثمش وأنت تتمشين ..بس فارجي .. طلعت صافية .. الهنوف ـــ سعاد ما تتذكرين خلفان ؟؟ ـــ لا ..ليش لازم أتذكره ؟ الهنوف ـــ بينجن اذا عرف ..سعاد ..أنت تحبين خلفان . سعاد ـــ ما أتذكر .. الهنوف ـــ حاولي أرجوش حاولي والله بينجن خلفان لاعرف انش ما تتذكرينه .. سرحت سعاد شوي ـــ ما أتذكر ..هالإسم ما هز ولا شعره فيني ..تقولين أحبه؟؟ الهنوف ـــ اييه ..بس ..صارت بينكم مواقف ..انت تحبينه من زمان ..بس هالمواقف هي اللي ..هي اللي ابعدتكم عن بعض بس انت تحبينه وهو يحبش ما شفتيه يوم درى بالحادث ..مسكين انجن ..ويا هنا وشافش .. سعاد ـــ شافني ؟؟ الهنوف ـــ تم ماسك يدش ساعتين وهو بس يطالع لش ودمعته في عينه ..حرام ما تتذكرينه الحين بعد ما كل شي بيهون والماضي بينمحى .. سعاد ـــ أنا ما أفهم أنت شتقولين شماضيه ؟؟ الهنوف ـــ ما يفيد الشرح الحين ..بكره ..لا تذكرت ..بتفهمين الماضي .. ****************** (( ماعرفنا لكم ..يوم تبون المرأة مثقفة ويوم ربة بيت )) ناصر (( أنا أبيها الثنتين ..مافي ؟؟)) ندى (( لا ..مستحيل )) ناصر (( أنا بدفع مهر وحياتي كلها لها ليش لا ؟؟)) ندى (( لأن المرأة تدفع لك مقابل هالأشياء حياتها وصحتها)) ناصر (( أبد .ما تدفع شي تصرف وتصرف وتصرف بس)) ندى ((لا غلطان ..تدفع حياتها انها بتم طول عمرها تخدم لك )) ناصر (( الله يخلي الخدم الحين )) ندى (( الحمال والولادة تسع أشهر شايله هالطفل في بطنها ..وبعدين الولادة ..وبعدين التربية علشان يشيل اسمك )) ناصر (( كل الحريم هالشكل ..عادي )) ندى (( انتوا تشوفونه عادي .لكنه مو عادي هذي قمة المعاناة والألم )) ناصر (( هذي أمي ..نفس الشي ..حملت وولدت حوالي عشر مرات لكنها مب مثلكم )) ندى (( أمك ..مب زوجتك ..أمك تعطيك كل الحب وحنان والتربية ..بمشاركة أبوك ..)) ناصر (( الزبده ؟؟)) (( أنت تبي الزوجة نفس الأم ؟؟بتصير بس حق ولدها مب حقك أنت ..أنت زوج مطالب بالمسؤولية والتعب علشان تحسس عيالك باللي حسيت فيه انت )) ناصر (( فهمت ..يعني مستحيل ألاقي وحدة مثل أمي تحبني وترعاني وتخاف على مصالحي )) ندى (( أقوله تيس يقول احلبوه )) ضحك ناصر ..والله يا هتان الكلام معاج متعب .. ندى (( انسى يا دلوع أمك ..الحين اكبر صير ريال ..دور الحرمة اللي تشاركك حياتك وتسعدك مب تدلعك وتصرف عليك )) تاصر (( الحين أكلمها لكنها مب راضية تبادلني شعوري ..)) ندى (( يا ابني قلت لك العب على غيري ..بسكر جوالي )) طرشت ندى المسج وسكرت جوالها .. طلعت للصالة ..من زمان ما قعدت مع أهلها .. كان سعد جالس .. ندى ــ ازيك ؟؟ سعد ـــ مالي خلق لج .. ندى ـــ سعود ..التجاهل عامل فيه وحدة تبي تخليها تحبك ..وحدة غريبة لكن أنا أختك أحبك ..عاملني مثل قبل فهالطريقة الأخوات يحبونها .. سعد ـــ ما عرفنا لج ...يوم تقولين أكره الرياييل شراتك ..ويوم هالطريقة أحبها .. ندى ـــ أنا حطيت نفسي مكان وحدة غريبة مب أختك فكرت بكرة لا تزوجت ..أختار شريك حياتي شلون ..لكن كأخت أقولك الأخوات يحبون أخوهم مزوح معاهم ..يحبهم ..معاي أنا كون سعد الفني ..المرح ..مع غيري ,,اقلب للشاب الجاد المتكتم . سعد ـــ ندى عندي طريقه أحسن علشان أحل هالإشكال .. ندى ـــ شلون ؟؟ سعد ـــ بنسى أنج تنتمين لجنس الإناث وبعاملج مثل عبيد وخالد ..كولد ..ودامج عصبتيني .. شهقت ندى ..وهربت عنه الحين بيطقها لا محالة وما يراعي انها بنت ولا انها أكبر منه .. وهو يلحق وراها ويطيح فيبها طق ..(بمزح ) ************************* شيماء ــ ما بتنجح ..لا ..لا ..لا .. راني ـــ ماما ..هذا كتاب طبخ مافي فايده ..ماما صالحه عنده كتاب . شيماء ـــ وينه ؟وارمي هالكيكة في الزبالة ..مدري شفيها انخسفت . راني ـــ في غرفة ماما صالحه ..بابا محمد نايم ما أقدر أدخل روح أنتي انت زوج مال كتاب في درج ... شيماء ترددت .. لكنها راحت .. دخلت الغرفة بشويش ..لكنه كان نايم ..طالعت له بنظرات تحبه تحبه ..ماقاومت رغبتها في أن تعدل غطاه ..وتمسح على شعره ..وتبوس جبهته ..مثل اليهال .. قامت من عنده وفتحت الدرج ..لقت الكتاب قلبت صفحات الكتاب ..ونست نفسها وقالت بلهجة المنتصر ـــ يس ..وصفة كيكة الشوكلاته .. ـــ ماله داعي تسوينها .أنا بيبها لج العصر ..أنا ما نسيت أنه يوم ميلاد ساره .. تحنطت شيماء ..يعني كان صاحي مو نايم ؟؟انقبض قلبها وانقلب ويهها أحمر وطلعت بسرعه ..أم هو فتقلب على فراشه ..وحط يده على جبهته وين باسته ضحك ..ورجع يقيل. راني ــ ماما ..ما بنسوي كيك؟؟ شيماء ـــ لا بابا بيجيب العصر روحي ارتاحي ..بس نظفي المطبخ معاس . طلعت الطابق الثاني ..البنات كانوا يلعبون بالألعاب . دخلت غرفتها..وتمت تطالع لصورتها معاه يوم العرس .. افتحت شعرها وبدت تفرده وتمشطه .. ************ كل شي مضبوط..ناقص الكيكة اللي تأخر محمد ..للحين ما جابها . شيماء ـــ الغالية ..تهقين ريلج بيخليج تدرسين السنة الأولى؟؟ الغالية ـــ ما أعتقد ..هو يبي العرس في العطله ..كلمي دلال ..هي صديقتج ..قولي لها تقنعه هو دايما يكلمني دلال دلال دلال ..توأمه وأغلى أخت من خواته عنده .والله بتقنعه .. شيماء ــ دلال قالت لي أنه مستعجل خصوصا أنه استقر خلاص ..ماباقي إلا الزواج وهو مستعد من مجاميعه . خلود ـــ صج ياغاليه .. حرام تنطرينه سنه .. الغالية ـــ بس ..ما أدري ما أحب الإستعجال.. شيماء ــ ما تدرين ..يمكن خير ..ليش لاء؟؟..والجامعه بتلحقين عليها وبتدرسين على راحتس لأنه بيكون مشغول في المستشفى طول اليوم.. الغالية ـــ لما قلت حق الحوش صديقاتي أنه جراح وفي مستشفى حمد ..على طول راحوا يشوفونه..قصوا على الدكتور وقالوا فيهم الزايده ..ويوم شافوه ينوا عليه يقولون لي ماشاءالله حظس قوي .. شيماء ــ هههه والعملية؟؟ الغالية ـــ هربوا قالوا ما فيهم شي .عيارين ..ليش محمد تأخر؟؟ كانت الحفلة بسيطة فيها عصاير و سندويتشات وبالونات و ألعاب والغالية يت مع أخواتها الصغار .. دخل محمد ويده فاضيه .. ـــ مالقيت كيك ..حظكم خلوا يوم الميلاد بدون كيك .. شيماء ـــ لا ..لو سويت الكيك ماكان أحسن؟؟ كانت دانه معصبه لأن مافي كيك .. ـــ الحين ساره ما بتطفي الشمعه؟ شيماء ـــ ما عليش ..بنحط شمعه على السندويتش .. ضحكت غاليه ومحمد وخلود .. غاليه ـــ الله يهداس يا شيماء ..سندويتش؟؟في في الجمعيه كيك بو احدعش ريال ..الحين اطرش الدريول ييبه .. خلود ـــ في حياة بلازا كيك جاهز ..دامه قريب . محمد ـــ ماله داعي يالمهابيل ..راني الكيكه في السيت الوراني في سيارتي يبيها.. شيماء ـــ يعني كنت تضحك علينا؟؟ محمد ـــ كنت ابي اشوف افكاركم لوين بتوصل ..لكن شمعه على السندويتش؟؟ صراحه...صج انكم مهابيل .. الكيكه عليها ثلاث شمعات ..وهم عمر ساره بالضبط. شال محمد بنته وباسها وقال لها ـــ طفي الشموع...يا حياتي .. ***************************** الحلقه السابع والعشرين ******************** ـــ الله يرحمه .. طالعت ندى أمها اللي نزلت منها دمعه .. ـــ رغم أنه طول عمره ما دخل بيتنا ولا مر علينا ..الله يرحمه ..واجب علينا نزور اهله ونترحم عليه ..ندى البسي عباتج يمه بنروح بيت عمج .. ندى ـــ بس يا يمه هذا بيت سيف وأهله واحنا ما نزورهم. ـــ يا ندى يا بنتي من سيف ومن أهله ..عمج اليوم مات ..ولزوم نزورهم ونترحم عليه ونعزي أهله ..مهما صار منهم ..البسي عباتج وبعدين لا تنسين أن مريم زينه معانا . عبيد ـــ ندى روحي علشان مريم .. سعد ـــ الله يرحمه مع اني ما كنت اشوفه الا بالأعياد ..مات شلون؟ عبيد ـــ شلون يعني؟ هذا عمره ..والله أخذ أمانته.. دخلت ندى غرفتها وهي مترددة ..تروح ولا لاء.ثواني وباب غرفتها انفتح .. فاطمه ـــ سمعت الخبر؟؟ ندى ـــ الله يرحمه ..ما أدري أمي تبيني اروح. فاطمه ـــ وأنا نفس الشي ..انت على الأقل اللي صار لج من مده طويله والجروح انبرت ..لكن أنا ..من كم أسبوع ..مالي ويهه اروح . ندى ـــ امي تقول لي خلينا احسن منهم ..وخلينا نعزيهم ..وان كان على الجرح ..جرحي ما انبرى أبد ..وبعدين خلينا نروح علشان مريم ..اوقفت معانا وايد ..حرام نخذلها في هالظرف . فاطمه ـــ على رايج ..بروح أبدل ملابسي .. لبست ندى اسود ..ونزلت وراحت مع أمها لبيت عمها أبو ناصر وأخذوا فاطمه وامها والريم معاهم .... أول ما دخلت البيت ..كان من الفخامه ولا قصر ..بيت ندى قصر لكن مب نفس هالقصر . لقاهم عند الباب شاب .. ـــ العزا مو الحين تعالوا في الليل .. كاان فظ ..لكن اسعفتهم مريم اللي اطلعت من غرفه .. ــــ ابراهيم ..هذولا مو ضيوف هذولا اهلنا ..حريم أعمامي وبناتهم .. وكضت واحضنت كل وحده فيهم بالدور وهي تصيح .. ندى ــ الله يرحمه .. أم ندى ـــ ما باقي إلا وجهه سبحانه وتعالى ..الله يرحمه .. أم ناصر ـــ البقا في راسك يا بنتي لاحول ولا قوة إلا بالله انا لله وانا إليه راجعون . دخلتهم مريم للصاله اللي كانت فخمه جدا .. ــــ الحين انادي امي ومرت ابوي وخواتي .. ندى ـــ يمه من اللي بره هو في عمر علي .. أم ندى ـــ لا يمه ..هو في عمر سعد وان ما كنت غلطانه هو ابراهيم اخو مريم .. الريم ـــ صج؟؟ما سمعنا عنه .شكله وايد رول ..فظ . ام ناصر ـــ الريم انطمي ..ما بي أسمع حسج ..حنا في عزا مب في دراسه من دراساتج .. ابتسمت ندى وفاطمه لأن الريم تهزأت هي دايما تتفلسف عليهم .. دخلت أم سيف ـــ مسرع ما جيتوا تطالبون بنصيبكم .. طبعا هالهجوم أخرسهم كلهم ندى والريم وفاطمه وأم ناصر وام ندى .. مريم ـــ يمه ..شالكلام ..حريم عمامي يايين يعزون .. وكانت نبرة مريم حادة ..وكملت ــــ ارجعي غرفتج لو تبين ..يايين لي أنا بس ... دخلت الزوجة الثانية لعم ندى ــــ مالكم حق تيون لهنا الورث من نصيب عيالي .. ام سيف ـــ ذلفي يا عزيزة الورث لعيالي الوكاله عيالي انا اللي بنوها .. دخلت ثريا وابتسام وعايشه خوات مريم ـــ الورث لنا حنا عيال ام سيف ..انت مالج شي يالخايسه .. مريم صرخت فيهم ودموعها على خدودها ـــ باااااااااااااااااااااااااااااس ...بس حرام عليكم ابوي للحين ما جف قبره ..للحين الناس ما عزت بموته ..حرام عليكم توه مات ما صار له أربع ساعات ..حرام عليكم.. وانهارت مريم في الصياح . فأخذتها ندى في حضنها وطلعتها من الصاله للممر اللي بره ..راحت فاطمه معاهم ..وتموا يهدون فيها .. مر شاب ثاني .. ـــ مريم مريم شفيج؟؟ انتصبت فاطمه من شافت زوله .. ــــ عبدالعزيز الحقني ابوي للحين ما جف قبره وامي ومرت ابوي يتهاوشون على الورث .. عبدالعزيز ـــ يعني انتي ما تعرفين امج؟؟ انت ابخص بها ..انا توقعت هالشي ..علشان جذي خليت عزا الحريم في بيت يدتي فطيم ..قومي أوديج .. مريم ـــ لا ..ماله داعي بروح مع فاطمه وندى بنات عمي .. عبدالعزيز ـــ انتوا يايين مع مين؟؟ ندى ـــ مع عبيد أخوي .. عبدالعزيز ـــ لا انا باخذج ..عبيد سيارته صالون ما بتكفي .. ندى ـــ يله يافاطمه ..ننادي اميمتنا ونروح بيت يدتي .. يوم قالت ندى فاطمه التفت عبدالعزيز لها وطالعها .. ********************* ندى ـــ عال يدتي ما تحبني . فاطمه ـــ الله يهداج ..والله تحبج.. أم ندى ـــ اتصلي على اخوج .صار لنا ساعه واقفين بره .. ندى ـــ اتصل عليه مقفل جواله.. اللي ما كانت ندى فاطنه له انها ما بدلت الكروت .. فاطمه ـــ هات جوالج بتصل في ناصر اكي سيارته اكيد موجود في الميلس العود . كان ناصر في هاللحظة جالس مع ابراهيم ويوم رن تيلفونه وشاف الإسم ..ـــ هتان ..استغرب ..متصله فيه مرة وحده؟؟طلع بره للحديقه علشان يرد عليها .. ندى اسحبت الجوال من يد فاطمه لأن عبيد حضر .. والغت الإتصال .. ناصر في هاللحظة كان يبي يرد ..لكنه تصكر فكر اكيد علشان اطلع من الميلس ..دق عليها مرة ثانية .. طالعت ندى اسم المتصل ..ناصر .. اكيد علشان فاطمه اتصلت وشافه مس كول ..ردت ـــ ألو .. ناصر ـــ هتان ..وأخيرا.. انصدمت ندى ..وصكرت التيلفون بسرعه ..هتان؟؟ اوه لا نسيت اغير الكرت ..الحمدلله ..الحمدلله ..أغلقت جوالها ..وحطته في الشنطه .. فاطمه ـــ ليش أغلقتيه؟؟وشفيج مخترعه؟؟ ندى ـــ أبد ما دفعت الفاتورة هالشهر ..فقطعوا التيلفون .. لكن ندى اختبصت ..يالله ..كانت بتنكشف لو ما يا عبيد..كان الحذر اللي مدعيته بيوديها خبر كان .. الحمدلله ..الله ستر , ******************************* انتهى العزا ورجعوا كلهم البيت .. كان علي وسعد ويوسف في الصاله يتكلمون .. ندى ـــ ليش الجمعه انشاء الله خير .. يوسف ـــ انت ما قلت لهم؟؟ عبيد ــــ كان معانا ام ناصر وبناتها ..ما قدرت اقول لهم شي .. ام ندى ـــ عسى مافي شي جايد ..عيالي طمنوني.. يوسف ـــ ابد مافي شي بس اليوم في عزا الرياييل تهاوش الكل على الورث وسوا لنا فضيحه مالها اول ولا آخر .. ندى ـــ الورث الورث ..كله نصيب في الوكاله ..وبيتوزع بالتساوي .. يوسف ـــ لا ..عمي كان ماسك الإداره بكبرها..وله اسهم في شركات وايد ..عمي خالد حاول يلطف الجو لكن عيال عمج هذولا عيال عزيزه مرت ابوهم وسيف وابراهيم تهاوشوا على الورث ولاحياء ولامستحى .. ام ندى ـــ حتى ام سيف وعزيزة نفس الشي..لولا مريم اللي صرخت عليهم ..ما شفت ناس بهالدناءة .. ندى ـــ يمه مو كلهم . مريم وعبدالعزيز غير هم الوحيدين اللي يهدون الأمور .. ام ندى ـــ يدتج ما قصرت بعد طلبت منهم انهم يعطونها حصتها في ميراث ولدها.. عبيد ـــ العرق واحد ..كلهم هامتهم الفلوس وبس .ابتداء من عمي الله يرحمه . يوسف ــ احنا ما علينا لنا الثلث في الشركه وحمد وعبدالله حافظين لنا نصيبنا ..فنصيحه .لا تتدخلون في اللي ما يخصكم مهما كان..ابتعدوا عنهم اوراقنا قانونيه ..ولاتخلون حد يجبركم على توقيع أي اوراق..بس بغيت احذركم انا رايح للبيت الحين مع السلامه يمه وندى مري علينا مالنا غيرج . ندى ـــ عاد أمس سعد كسر لي مفاصلي من الطق .. يوسف ـــ والله زمان ما تصارعنا ..تعالي لنا اليوم العصر ..وأنا بغلبج .. ندى ـــ يوسف ..no way . نسيت من أنا ؟؟ ما تقدر تغلبني بعضك .. يوسف ـــ تعالي اليوم لبيتي وأنا أشوف من اللي بيقطع الثاني. وطلع وهو مبتسم .. ندى ـــ شسالفتكم ليش كلكم تبون تطقوني ؟؟ سعد ـــ من زمان ..ما طقيناج ..تعالي .بنتكاسر ونشوف من يغلب .. ندى ـــ خليني اروح اغير ملابسي و؟أرجع اغلبك عدل .. ام ندى ـــ لاتغيرين ملابسج بنرجع في الليل الساعه سبع للعزا . ندى ـــ ماني رايحه وراي تحضير .. اول ما دخلت غرفتها وفتحت الجوال المسجات انهالت عليها . (يعني شلون تدقين وماتردين علي؟)) ((شلون تسكرينه في وجهي)) (ليش قافله جوالج؟؟) ضحكت ندى شكله عصب عدل ..بالمره طرشت له مسج واحد بس ((اليهال كانوا يلعبون في تيلفوني ولا انا ما اتنزل واكلمك) وبدلت الكروت تعبت من هالكروت من بكره بتشتري جوال ثاني . ********_******* مر اسبوع ودلال في حيرتها عبدالله ما تصل فيها للحين وبعد شوي بترجع بيت اهلها لان غانم بيوصل في اللي مع زوجته. عبدالله ان اتصل في البيت مايلاقيها وهي ماتعرف له رقم ..جهزت لها شنطه تكفيها لأسبوع تقريبا ..منى تعلقت فيها لأن دلال الوحيده اللي تراعيها من بعد سفر ابوها .فأخذتها معاها لبيت ابوها .. اول ما دخلت البيت شافتها ساره . ـــ اهلين يبت معاج هالآفة بتاكل كل اكل البيت من المجاعه اللي هي فيها .. منى ـــ انت آفه انت دبه . واختبت تحت عباة دلال . دلال ـــ ها ردت عليج خايفه تنافسج ..أعرفج ..زطيه . ساره ـــ أنا مو زطيه ما اسمح لج . دلال ـــ انتي مو زطيه بس انت آفه ..وين حمده خليها تيي وتشيل الشنط .. ساره ـــ مع عليا فوق ابصر شي يسوا .. دلال ـــ عليوي هنا؟؟ ساره ـــ وشيوخ بعد ..بس شيخه في غرفتج تطالع فستان عرسج وما أستبعد انها تكون لبسته . أنا بروح اسوي كوفي ..تبين؟؟ دلال ـــ أبي عصير او بيبسي واحد لي واحد لمنى . منى ـــ ابي بيبسي . ساره ـــ البنت ليش ضعيفه هالقد؟؟ كله من البيبسي يمه البيبسي ياكل عظامج.. خافت منى ـــ بيبسي .. دلال ـــ هاتي لنا عصير بس حركي صايره متينه اعرف اللي فيهم سكري يضعفون مب يمتنون . ساره ـــ حبيبتي هذي الموضه هاليومين ..المتن شوفي جنفر لوبيز ولاكيت وينسلت .من كم سنه . دلال ـــ اييه ..اخبارج بايته روحي شوفيهم الحين مب من كم سنه .. شالت منى وطلعت الدرج .. ***************** الهنوف ـــ ما بتتطلع هالشهر يمكن الشهر اللي ياي .. خلفان ـــ للحين ما تذكرتني؟؟ الهنوف ـــ للحين ما تذكرت حمد اخوها انا اعتقد لان الذاكره عندها تمشي بالاحرف الهجائية وانت وحمد متقاربين ح خ ..فانمسحتوا من ذاكرتها مؤقتا .. ابتسم خلفان وتنهد تنهيده من قلب مكسور .. ـــ والله ياهنوف انتي ماخذ الأمر بمزح ..وانا هنا مقهور . الهنوف ـــ خلفان هذا كله محسوب من صحتك ليش تحرق دمك على شي مب محسوم حرام اعصابك تنشد وتتوتر وانت ماعارف الأمور شلون ..ارتاح ..ريلكس ..الحمداله انها قامت بالسلامه ..لازم هالشي هو اللي يفرحك ..أنها بدت ترجع للحياه بعد ماكانت بين الحيا والموت ..لازم هالشي يشفع حق كل الأشياء الثانيه ..ومايخليك متوتر لأشياء مؤقته . خلفان ـــ اللي يده في الماي ومو نفس اللي يده في النار ..هنوف انا بموت ابي اشوفها ابي اتطمن عليها ..انت كل يوم تشوفينها وكل يوم تملين عيونج منها ..كل يوم تتطمنين عليها ..لكن انا هنا مثل المقطوع عنه الماي والهوا . الهنوف ـــ بس انا اقولك اخبارها .. خلفان ـــ مايكفي مايكفي ...خليني بروحي .. طلعت الهنوف وهي تحس بنار اخوها ..تفهم شعوره .. ************** ندى ما تجرأت تشوف مسجات ناصر من أسبوع وهي كل يوم تتردد ..لكنها تقول في نفسها خليه يتأدب ..اشتاقت للنقرة معاه و لتبادل الآراء .. استغربت ليش ما شافت فاطمه من ثالث يوم في العزا ..يمكن لأن الخلافات بين العائلة كبرت ..وخصوصا بعد اكتشافهم أن في أرض للمرحوم جدهم في الخليج الغربي وعمهم كان يبني عليها فندق .. وأخيرا حطت الكرت .وصل مسج واحد بس .. (( ندى ..game over )) *********************************** ظبيه ـــ جاسم ولد عمج عرس .. دلال ـــ متى؟؟ ما عزمنا .. ظبيه ــــ عرس على وحده مصريه .. أمه ماقال لها تخيلي ؟؟ دلال ـــ نذل ..حتى عرسه صار بنذاله . ظبيه ـــ لو أنج موافقه عليه ؟؟ ماكنت الحين أحسن له من المصريه؟؟ دلال ـــ أحسن له مب أحسن لي وأنا راضيه بعبدالله ..ويمه يا الوقت اللي تقتنعين أن نصيببي مع عبدالله .. ظبيه ـــ ليكون حامل ؟ دلال ـــ لاء ..ماني حامل ..ما أدري ليش مو عاجبج عبدالله مع أنه أدمي معاي ويحبني .. ظبيه ـــ يحب فلوسج.. دلال ـــ والله انه مايخليني أصرف قرش أحمر من معاشي .. ظبيه ـــ ما أحبه ..وهالشي كافي في نظري .. دلال ـــ لا يمه مو هو اللي ما تحبينه ..أنا اللي ما تحبينها ..مب هو .. وقامت دلال من عند امها ..ودخلت غرفتها لقت شيخه تطالع فستان العرس .. دلال ـــ شفيج؟؟ شيخه ـــ أتمنى أني ما ألبس فستان أبيض في عرسي .. دلال ـــ ليش ؟؟ شيخه ـــ سخافه أدخل مع الفستان الأبيض والطرحه والمسكه كأني لعبه ..وبس أروح لريلي أغيره .. دلال ـــ ليش أنت تبي تنامي في الفستان؟؟ شيخه ـــ لا ..بس أحس أنه تافه .. دلال ـــ أحلى شي في الفستان أنج تلبسينه ليله وحده بس .. شيخه ـــ مدري من يقول ليش العرس ما يدوم أكثر من ليله وحده في العمر والزواج يدوم طول العمر. ضحكت دلال .ـــ .شكله فيلسوف اللي قال جذي .. شيخه ــ ليش حاطته هنا؟؟ دلال ـــ كبير وين أحطه ..خليه هنا ماعندي مكان له في غرفتي هناك . شيخه ـــ في حريم يلبسونه في أعياد زواجهم .. دلال ـــ لا ..أنا مو من هالنوعيه ..شكلي ببيعه ..وأنت وخطيبج ..متى تعرسون ؟ شيخه ـــ في العطله . دلال ـــ والجامعه ؟؟ شيخه ـــ أكمل في الأمارات . حطت دلال أغراضها وقالت ـــ انشاء الله ..تعالي ننغص على حمدوه وعليوي ..أحب أشوفهم مغتاضين . دخلت هي وشيخه عليهم وانصدمت ..كانوا ماسكين ابره .. ـــ هذي من اب ساره؟؟ شتسوون فيها؟ حمده ـــ دلال أبي أقولج شي ..تعالي .. طلعت حمده من الغرفه .. طلعت دلال وراها وهي مستغربه ..دخلوا غرفة دلال .. حمده ـــ أنا بقولج قصه الإبره بس لا تعصبين علي أدري أني غلطت .. دلال ـــ عليا شدخلها في الموضوع؟؟ حمده ـــ عليا مالها دخل كانت تدور دفتر في درج فطلعتها ودخلتوا انتوا أنا ما قلت لها شي .. دلال ـــ شاللي ما قلتيه لها ؟ حمده ـــ أمس يوسف طلب مني سويج سيارة فيصل وقال لي أييبه له ..مفتاح غرفتي نفس مفتاح غرفته ..وأنا ما كنت ادري انه موجود لأني ما شفت المفتاح في الباب ..يوم دخلت الغرفه لقيت فيصل نايم وهو يرتعش و بردان ..لقيت هالإبره بقربه وفيها هالمحلول ..أو الله يعلم شاللي فيها ..لقيت قصدير ولقيت ولاعه ..اخذت الإبره والسويج وطلعت .ادري كان غلط اني أخذ الابره وادخل غرفته .. دلال انصدمت ...الإبره غريبه..لكن لازم تطمن حمده .. ــ هذي ابره شرجيه ..اخوج فيه البواسير ..بس لا تقولين لحد اوكي .. ضحكت حمده ضحكه استفزازيه .. ـــ دلال أنا مو غبيه ..أنا أعرف أنها ابره مخدرات ..وأعرف ليش القصدير والولاعه ..شفت فيلم ترافيك مال كاترينا زيتا جونز ..ومايكل دوغلاس ..صج أني في ثاني ثانوي لكني مب غبيه . انصدمت دلال ..اذا هي ما تعرف هالأشياء .. ـــ ترافيك ؟؟؟ . مخدرات ؟؟حمده ..مابيج تبطلين ثمج لأي كان حتى ساره ..ولما أفهم شالسالفه بقولج . روحي الحين ..أعطيني الإبره . مسكت دلال الإبره بقرف ولفتها بكلينكس ...ونزلت تحت لغرفة أحمد أخوها. كان موجود لحسن حظ دلال .. طقت الباب ـــ أحمد .. أحمد ـــ ادخلي يا دلال .. كان منسدح يطالع التيلفزيون ويقلب في قنوات الريسيفر . دلال ـــ حماده ..أنت شفت فيلم ترافيك ؟ مال كاترينا جونز؟ أحمد ـــ ايه .. دلال ـــ الفيلم عن ايش ؟ احمد ـــ عن المخدرات بشكل عام . صراحه فيلم درامي ناجح . دلال ــ اللي فيه صحيح؟؟ أحمد ـــ اميه في الإميه انتي ما شفتيه؟ دلال ــ لاء .وما أبي أشوفه ..أحمد ..هالإبرة مالت ايش؟؟ وأعطته الإبره ..وتم يبحلق فيها وفتحها وبدا يشم السائل اللي فيها . أحمد متوتر ـــ من وين هالإبره ؟؟ دلال ــ أول قولي شاللي فيها ؟؟. أحمد يعرف عناد دلال .. أحمد ـــ ماراح أقولج لين ماتقولين لي من وين لج ؟؟ دلال ـــ زين جاوب على سؤالي أول ..هذي مخدرات؟ أحمد ـــ اييه ..من وين .. دلال كان منصدمه يعني كلام حمده صج.. دلال ـــ من غرفه ..فيصل .. أحمد ـــ شنو؟؟؟؟؟؟؟؟؟؟؟؟؟؟؟؟ انتفض من مكانه .. دلال ـــ مو الحين هدي أعصابك عندنا بنات عمي ..لقتها حمده ..وقالت انها شافت ولاعه وقصدير في الغرفه وفيصل كان يرتجف ..قالت انها تغعرف انها مخدرات لأنها ببساطه شافت فيلم ترافيك . احمد محتار شلون بيحل المسألة ..فيصل ؟؟ لو سعد ما استبعدها ..لكن فيصل ؟المثالي الطالب في كلية الطيران؟ مستقبله كله بيضيع لو اكتشفوا ادمانه .. دلال ـــ أحمد ..في عيادات لها الشي ..وانت أكيد تعرف عياده في مصر أو أي مكان ثاني خذه بالسياسه ..ومافي داعي الخبر ينتشر . أحمد ـــ المصيبه وين ألاقيه الحين ..من وين حصل هالأشياء ؟؟كله من ريلج ..كله من ريلج .. دلال ـــ ريلي ؟؟أحمد ..شتتكلم عنه ؟ شفيه عبدالله وشدخله في هالموضوع ؟ ******************************* |
******************************* مشكورين جدا على المرور والمتابعة ..هذا جزء ..بس علشان ما تعصبون علي... ندى في صدمه ..شلون عرف ؟؟الحين شلون بتدافع عن نفسها؟؟ فاطمه صار لها أقل من أسبوع ما كلمتها .. دقت عليها على البيت بسرعه .. ظل التيلفون يرن ويرن محد يشيله ..قلب ندى يدق مع رنات التيلفون ..نست أنها تشيك التاريخ اللي طرش فيه ناصر المسج ..وبسرعه بإيدين ترتجف شافت التاريخ ..هالتاريخ من أربع أيام ..ما شافت فيهم فاطمه ولا سمعت عنها خبر .. ترددت ..لكن مافي غير هالطريقه علشان تدافع عن نفسها . اتصلت في ناصر.. وقلبها يدق بسرعه من الخوف .. ـــ ألو ..ناصر .. ناصر ـــ ندى ؟؟ولا أناديج هتان ؟؟شرايج اناديج غيوم . ندى ـــ ناصر انت عرفت؟؟ ناصر ـــ اييه ..عرفت ..اختي فاطمه يت تعتذر لي عن اتصالها وعدم ردها علي واعتذرت لي لانج صكيت التيلفون في ويهي لان تلفونج انقطع ..لا ..وتدرين شالالإعتراف الكبير اللي اعترفته لي ؟؟ عن لعبه في يوم من الأيام كانت هي وبنت عمها يحاولون يلعبونها علي لكنهم تراجعوا ..أو بالأحرى هي تراجعت وانتي كملت اللعبه .. ندى انخرست ماقدرت تنطق بكلمه .. شتقول له ؟؟أنه رغم انها كانت لعبه لكنها كانت صادقه معاه؟؟بس وين كرامتها؟؟؟ وين كبرياءها ؟؟ ناصر ـــ انت ساكته ليش؟؟لاني كشفتج؟؟ لان اكتشفت اني كنت لعبة عندج؟؟ اني كنت مسخرة تضحكين عليها وانا صادق معاج؟؟ اني فتحت قلبي لأكبر ****ة في هالدنيا ؟ ندى انت شسويتي فيني؟ انت ذبحتيني ذبحتيني ..حسستيني اني ما اسوى بيزه.. انت اليوم خليتيني افقد الثقة في كل الناس وأولهم انا ..بسببج فقدت ثقتي بنفسي ..أكرهج ..أكرهج .. صكر التيلفون في ويهها ..وهي غارقه في دموعها ..كلامه اخترقها ما تقدر تتكلم لكن اصابعها اسعفتها وبدت تكتب المسجات .. ناصر على الناحية الثانية كان في غرفته ودموعه في عيونه ..هزه بالحيل خداع ندى له ..وصل مسج. ((ناصر انا ماخدعتك . انا ما مثلت عليك ولا ضحكت عليك انا لو تراجع مسجاتي معاك كنت ابتعد عن أي محاولة منك لاقامة علاقة بيننا ..وآراءك احترمتها )) وصل مسج ثاني (مرتبط ا/2 وما ضحكت عليك . ناصر انا حتى ماسألتك ليش كرهتني ومتى حبيتني واتمنى انك تجاوبني الحين)) ناصر تردد ..(( يوم قبلت الزواج بسيف هالكلب |)) سكر ناصر جواله ..خلاص الأمور وصلت لحد مايرضي أحد ..منع فاطمه من انها تروح لندى ..وأخذ منها جوالها وفصل تلفون البيت .بس لين متى ؟؟؟ ندى مالفت جواب سؤالها في مسج ناصر ..متى؟؟ناصر أنا ما حسيت بوجودك أبد في حياتي ..متى ؟؟الجواب يمكن عند فاطمه ..لا ..ناصر مايوصل للحد اللي يفضفض فيه لفاطمه .اتصلت في ناصر مرة ثانية ..وهالمرة هي اللي بتتكلم .. لكن لقت الجوال مغلق .. ******************************** أحمد متوتر شلون قال جذي لدلال .. دلال ــ أحمد شدخل عبدالله صار لي ساعه اسألك ليش ما ترد ..عبدالله له يد في المخدرات؟؟أحمد أرجوك جاوبني أرجوك .. أحمد ماقدر يجاوبها ..سحب غترته ـــ أنا عندي دوام .. وطلع وتمت تلحق وراه ..سكوته يأكد كلامه .. دلال ـــ أحمد رد علي أحمد دخيلك ..في ذمتك قول لي ..أحمد حرام عليك أنا دلال اختك تخبي علي .. أحمد ..أحمد .. أحمد ركب سيارته وطلع ..وهو مرتبك ما يقدر يطالع حق دلال اللي فلتت منه كلمه ..بتدمر حياتها . رجعت دلال وهي متوتره ..ميه سؤال وسؤال ..الظنون استبدت فيها ..أمها ليش تكره عبدالله . عبدالله يمكن يكون في تايلند ..المخدرات ..فيصل ..أحمد وسكوته ..هو اللي زرع فيها هالشكوك ..يارب استر ..يا رب استر .. طلعت لغرفتها وقفلت الباب على نفسها .. طول الساعات اللي مرت وهي تدق على جوال أحمد لكنه مصكر جواله .. الساعه وحده ونص في الليل ..نزلت غرفة أحمد ,,لكنها مثل ما تركها .الظاهر عنده عمليه أو شي ..مرت غرفة أبوها وأمها ..كانوا نايمين ..طلعت مرة ثانية لغرفتها وتذكرت منى ..منى أنا نسيتها ..فتحت غرفة حمده وساره ..ولقت منى نايمه في سرير هند ..انقبض قلبها ..شالت منى وخذتها لغرفتها ونومتها على سريرها ..ورجعت غرفة البنات ورتبت سرير هند ..كانت صورتها بقرب السرير ..بملامحها الطيبة .. محد قرب من أغراض هند . كل شي على حطته ..كتبها ..ورسوماتها ..فتحت دلال خزانتها ..ملابسها وحياتها كلها في هالخزانه .دلال احتاجت انها تلهي نفسها بشي ..سحبت درج هند الخصوصي .. حطته على سرير هند وبدت تقلب فيه . لقت رسومات لهند ..وايد روعه ..وتوقيع هند بذيل اللوحات .بعدين لقت دفتر خاص لونه مشمشي ..ناعم ..فتحته ..وكانت فيه تواقيع من صديقات هند ..وجمل بسيطه ..دفتر ذكرى على طريقة هند ..زميلاتها كلهم من الفنانات ..ففي الصفحة المقابلة لهل الجمل رسمات غريبة بس حلوة .. حطت الدفتر على جنب ..ولقت دفتر ثاني ..مذكرات ..تواريخ ..وكتبت هند في كل تاريخ شالحدث المهم .. 8-4-2002 الثامن من ابريل ..ساره رجعت من المدرسة تصيح والسبب ؟ انها بطيبتها وتصرفاتها مثل الملاك ينادونها البنات باللي على نياتها ..وهي زعلت من هالشي ..ساره..صدقيني هالأيام هالميزة مثل اللي يقول لج انت ملكة انسانة نبيلة ..ولان هالاشياء اندثرت من زمان فالناس تستقلها ..يعني نادرة الحدوث مب تقلل من قيمتها مثل ما انت فاهمة وانا افتخر انج تحملين هالصفة ..افتخر فيج لان ما لوثتج الدنيا بشرها وخبثها . كلمات هند كانت رائعة . ماقدرت دلال تمسك دموعها .. اختارت صفحة ثانية عشوائية .. 30-4-2002 اليوم شفتها أخيرا ..ختام ..أحب اسمها .هي من أرقى العائلات في المجتمع ..لا ..من أغنى العائلات ابوي قال لي انهم من عشرين سنة ما كان لهم صيت قوي لين ماصاروا من أغنى الناس .وهي بنت راقية ..لكنها قاسية . ورغم قساوتها فهي مهزوزة ..في شي ناقص في حياتها مثل كل أبناء وبنات الأغنياء هالزمن .يفتقدون أهلهم .. الأباء في صغرهم ..ماكانوا محرومين من شي . كانوا تحت رقابة أهلهم و ووسط اللمة العائلية والحب الأبوي ..فتربوا تربية صحيحة ومستقيمة ..لكنهم كانوا يعانون من شي واحد وهو الفقر ..ما كانوا يحصلون على الأشياء اللي يبونها ..فتعبوا ...واجتهدوا ..والحين اغرقوا نفسهم في الشغل والتعب ..علشان عيالهم مايحسون في اللي حسوا هم فيه من الفقر الحاجة ..الأباء يحققون رغباتهم الطفولية لأولادهم ..ناسين أهم شي ..وهو وجودهم في حياه أبناءهم ..ناسين الوسط العائلي واللمات الحلوة ...نسوا يربون أبناءهم التربية الصحيحة اللي هم تربوها ..أعمى عيونهم المال والفلوس وأن أبناءهم يحصلون على الأشياء اللي هم ما قدروا يحصلون عليها وهم صغار ..ونسوا أنهم يعطون أبناءهم من الأشياء اللي احصلوا عليها وهم صغار ..للأسف اذا الآباء ما تتداركوا هالغلطة بيروح كل تعبهم على الفاضي لأنه ما بيظل لهم هالأبناء ... كلام هند في شي وايد من الحقيقة . غيرت دلال الصفحة .. 9-9-2002 اليوم عيد ميلادي .وعندي احساس أنه يوم خاص .. شكرا أحمد ..رغم بعدك أرسلت هديتك الغالية ..أعجبني وايد هالعطر ..بس عندي سؤال انتوا يالرجال ليش دايما العطور الغالية من أهم هداياكم اللي تهدونها للمرأة؟؟ العطر هذا غالي وايد ..أغلى من أني أستعمله ..بس خلينا نعيش ..وها الحين برش منه على هذي الصفحه .. شكرا حمده و ساره على الدباديب والشوكلاته اللي أعطيتوني اياهم .وايد روعه ..يا حلو يا سكر .. شكرا فيصل على الكيكة ..تعبت عمرك ..تعرفني عاشقة لكيكة المانجو .. صورتها علشان أحتفظ فيها كذكرى .. شكرا يوسف على البطاقه ..وايد روعه ..والهدية مب في قيمتها المادية بل في قيمتها المعنوية ..وأنا أسعدتني جدا .. شكرا دلال ..عدة الرسم اللي يبتيها لي ..صراحة أنا شفتها في مكتبة ويوم بغيت أشتريها صدمني سعرها ..فتراجعت ..وأسعدني انج كنت حاسه بالشغلة اللي افتقدها ,وهذي من صفاتج اللي أحبها طول عمرج حاسه باللي نحتاجه ..وماتقصرين علينا ..ما أقدر أنطر متى يي اليوم اللي فيه أنا وأنت نكون في بيت واحد في بيت عمي أنت مع جاسم وأنا مع عبدالرحمن.. دلال ماقدرت تتحمل أنها تقرأ أي شي زيادة .. هلت دموعها ..رجعت الأغراض مكانها ..ماعدا مذكرا ت هند ..شالتها معاها الغرفة واحتفظت فيها .. ********************** ندى سارحه في أفكارها ويا ناصر والهالات السود من تحت عيونها تقول أنها ما نامت أمس . دلال ويهها منخطف ومحتارة ..مانامت عدل ما قدرت تحط راسها إلا الساعة ثلاث الفير .وكل تفكيرها في عبدالله ..وعلاقته باللي يصير مع فيصل . الجازي ويهها شاحب والتعب الضيق باين على ويهها .. كل وحده في عالم ..وشاءت الصدف أن عالمهم ينتمي لمجرة وحدة ..مجرة الحيرة والحزن . رن جرس الحصة الثالثة ..قامت ندى ..واتجهت لحصتها .. طبعا الطالبات متعودين على اسلوب ندى المتسامح .فاول خمس دقايق ماكانوا منظمين وكانوا يتكلمون وايد ..ندى حاولت تمسك عمرها أنها ما تصارخ عليهم ..لكن كان كل بنتين مع بعض يتكلمون ..ولا معطين أي أهمية لوجود ندى ..اللي وقفت وهي صامدة وجهها كله غضب ..وقفة مستقيمة ..وملامحه وجهها تدل أنها ناوية على شر .. البنات انتبهوا على وقوفها بهالطريقة ..فشوي شوي بدت الأصوات تخف وبعدين الكل سكت ..منتظرين الأسوأ ..لحظات صمت كبيرة ..وجو متوتر ..البنات عيونهم منتصبة على ندى ..ولا نفس ..ولا حس ..هدوء عم المكان .. ندى بهدوء ـــ كم ضاع من الحصة وأنا واقفة هنا؟ خمس دقايق ؟ عشرة ؟ ليش لأني أعطيتكم ويهه ؟؟ لاني اعتبرتكم بنات آدميات محترمات؟؟ تمشون بالسياسة؟؟ حذفت ندى الكتب اللي على الطاولة بعيد من قدامها .. وصارخت فيهم ـــ أنتوا بنات قليلات الأدب ..بعيدات كل البعد عن الإحترام والسياسة ..أنتوا ما تمشون إلا مثل الحيوانات بالصراخ والزعيق ..ليش قاعدين أنا قلت لكم اقعدوا؟؟ قوموا ..وقفوا كلكم .. وقفوا البنات ..وهم مرتعبات .. ندى ـــ درس اليوم مشروح ..روحوا البيت وفتحوا كتبكم اللي دايما تنسونها واقرؤه وادرسوا ..وبكره فيه اختبار . خذت نفس بعصبية ..وكملت ـــ ما أبي أشوف وجوهكم السنعة ..لفوا وقابلوا الحيط ..ولا تتحرك أي وحدة فيكم ولا أسمع أي حس .. سحبت ندى كرسي المدرسة وحطت على الطرف عند الدريشه ..وفتحت الدريشة ..وراحت وافتحت الباب ..علشان يكونون فرجة لكل بنات المدرسة . اجلست على كرسيها وتمت تطالع من الدريشة . وتمت جذي لين آخر الحصة . ********* الجازي ـــ شفيكم أشكالكم انت وندى يقول كأن في حد ميت ؟. دلال ما تقدر تصارح الجازي باللي في قلبها ..فردت على السؤال بسؤال . ـــ أنتي مو مفروض أنج تمتنين مثل باقي الحوامل..أشوف العكس يصير ليش ما تاكلين؟ الجازي ـــ أبد ..بس مالي نفس .. دلال ـــ كلي علشان هالمخلوق اللي في بطنج ..ولا تبينه يطلع متخلف لها الدنيا من نقص الأكل ..أشك أنج تتنفسين كفاية . الجازي ـــ مالي نفس ..مالي نفس .. دلال ـــ أنا الحين بطلب من الكافيتريا سندويتشات وعصاير وبناكل لين نقول بس ..فل .. الجازي ـــ ماله داعي مالي نفس ..ما أشتهي .. دلال ـــ ولا أنا مالي نفس ولا أشتهي لكن ..بناكل . ورجعوا لسكوتهم .. لمدة دقايق .. الجازي ـــ شخبار سعاد ؟؟ متى بتطلع من المستشفى ؟ دلال ـــ ما أدري ..آخر خبر سمعته عنها أنها أوكي صارت تتحسن ,,. ورجعوا لسكوتهم ..مافي موضوع يتكلمون فيه .. ومر الوقت بطيء ..ورن جرس الفسحه في ذات الوقت اللي وصلت فيه الطلبيه .. حطت دلال الأكل ودخلت ندى .. دلال ـــ تعالي كلي .. ندى ـــ مالي نفس .. دلال ـــ صرنا ثلاثة تعالي ..بنتغلب على هالمالي نفس وناكل غصب . جلسوا ثلاثتهم على الأكل ..وهمومهم اجلست معاهم .. ترددوا أنهم يمدون أيديهم .. دلال ـــ كلوا .. دلال نفسها مادمت يدها ..رغم الأكل شهي .. قامت الجازي ـــ ما قدر أبي أرجع ..لاعت جبدي .. وطلعت الجازي للحمام .. ندى ـــ وأنا ما أقدر ..ما أقدر ..قامت عن الأكل .. دلال ـــ وأنا مثلج بس بغيت الجازي تاكل ..شوفي ويهها شلون صاير ما فيه دم مو زين للجنين اللي في بطنها . ندى ـــ محد مرتاح ..محد مرتاح .. دلال ــ باخذ الأكل للبنات . وطلعت دلال شايله الأكل وأعطته لبنات كانوا متجمعين .. ********************** الحلقة الثامنه عشر ***************** احمد اليوم ما بين .دلال ناطرته على نار الساعة صارت ست المغرب ..دلال تنتقل من غرفة لغرفة ..فيصل مو موجود ولاسعد ولايوسف ..ابوها في بيت عمها من العصر ومنى مع حمده .. اتصلت في أحمد ..لكن للحين مسكر جواله . تمت نص ساعه وهي تلف وتدور في الحوش .دخل أحمد بسيارته .. ويوم شاف دلال توتر ..لكنه هدى نفسه ..وذكر الله ونزل .. دلال ـــ حمدالله على السلامة ..من أمس ما شفتك .. أحمد ــ أهلين ..عندي مناوبة والصبح أجريت عملية مستعجلة .. دلال ـــ أحمد ..ما أبي أتعبك فلا تعبني أنا على أعصابي من أمس .. أحمد ـــ أدري ,,أسف أنا غلطت ولمت عبدالله مع انه ماله يد في الموضوع . دلال ـــ لكنك قلت .. أحمد ـــ أدري أني قلت ..اعذريني ..عبدالله الشغلة الوحيده اللي تسبب فيها انه أخذ فيصل معاه لديوانية واحد من ربع ربعه ..وهناك التقى الحثالة اللي اعطوه هالسم . دلال ـــ مو معقول ما أصدقك .. |أحمد ـــ يعني أنا أكذب ؟؟؟ دلال ـــ لا محشوم ..بس ..لو هالشي صحيح كان قلته لي أمس ..موتميت تتهرب مني طول اليوم . أحمد ـــ دلال أنا كنت مختبص ومحتار بفيصل ما أعرف شفكر وشقول ..دلال صدقيني الكلام اللي قلته لج هو الصحيح .. دلال ـــ وفيصل ..شبتسوي معاه ؟؟ أحمد ـــ أنت بس انسي كل اللي يصير ..وأنا بتكفل بالأمور من تحت لتحت ..وحاليا قدرت أمنع فيصل من هالسم ..بس لا تسألين لا تطور شي بقولج ..أنا من أمس تعبان وودي أنام ..عن اذنج .. راح عن دلال ..اللي ماصدقت ولا حرف من اللي قاله ..لكنها مالها يد غير انها تصدق هالشي . لازم تتفاءل مع ان قلبها يقول لها أن في أشياء ..بالأحرى مصايب هي ما تعرف عنها شي .. ******** في بيت محمد وكانت خلود معزومة على العشا عنده ... خلود ـــ دام خلصنا العشا ..خلينا نطالع تلفزيون . محمد ـــ اللي يسمعج تتكلمين يقول انتي المضيافة وراعية البيت . شيماءـــ البيت بيتها ..وأهلا فيها بأي وقت ...راااني ..تعالي شيلي السفرة ..يله نطالع التي في .. جلست شيماء وقربها خلود وبعدين محمد . محمد أخذ الريموت ..وبدا يقلب في قنوات الد ش . خلود ـــ فديتك محمد ..لا تحط اخبار . محمد ـــ ابي اشوف الموجز . خذت خلود الريموت من يده وحطت قناة عجمان كانت برامج هندية طالعه هالحزة .. شيماء ـــ لا ..ما احب الافلام الهنديه ..غيريه .. وخذت شيماء الريموت من يد خلود ..وحطته على ميلودي .وكانت نانسي عجرم تغني ياي .. قام محمد وجلس بقرب شيماء وخذ الريموت من يدها ــــ بنشوف برنامج الاتجاه المعاكس على الجزيرة . وحط القناة على الجزيرة ..قامت خلود واخذت الريموت من يده ـــ البرنامج يطلع عشر ونص . وحطت القناة على امبسي تو ..وكان انجل . شيماء تاخذ الريموت من خلود ـــ بحطه على روتانا .. وكان كاظم .. دخلت دانة الصالة وانسدحت قدام التلفزبون ـــ حطوه على سبيس توون طلع توم وجيري . شيماء ما عاندت وحطت سبيس تون .كان طالع توم وجيري القديم (الأصلي) كانت حلقة توم مع الفأر القوي ..اللي يلبس قبعه مع ثوب اصفر مخطط بأخضر .كان شيماء تتابع مندمجة ..وتضحك وخلود تضحك ومحمد يطالعهم مستغرب ..وطالع الكرتون معاهم .. محمد طالع شيماء اللي كانت مندمجة مع الكرتون . .كانت لامة شعرها ومرخيته على ظهرها .. ليش الحب اللي في قلبه لها خف ؟؟ هو موجود ..لكن ..مو مثل قبل ..للحين كل ما يشوفها تهتز مشاعره معلنة عظمتها في قلبه ..لكنها ثواني وتخر ..تنهد ..لكن الشي المهم انها موجودة .. خلود ـــ بروح البيت الحين ..دانة تجين تباتين عندي نشوف ديزني شانل طول الليل ؟؟ دانة ــ ايه.. خلود ــ محمد تسمح؟ محمد ـــ اسألي شيماء ..بالنسبة لي ما عندي مانع . شيماء ـــ معليش ..خليها تروح مع عمتها .بس بيجامتها فوق .. خلود ـــ خليس قاعده انا بجيبها .في غرفة الصغار؟ هزت شيماء راسها ـــ تماما .. طلغت خلود وخذت البيجامة ونزلت وخذت الدانة وطلعت . محمد تم يقلب في قنوات التيلفزيون ..الساعة الحين حوالي تسع ..سارة نايمه ومها نايمه وراني راحت غرفتها تنام . محمد ـــ ملل .. شيماء ـــ قوم نام .. محمد ــ سارة انا ولا دانة انام الساعة تسع .تدرين ...البسي عباتج بنطلع .. شيما ارتبكت ..ـــ البيت ما اقدر اخليه فاضي والبنات .. محمد ـــ خلود للحين ما وصلت للبيت الحين اكلمها . وقام محمد واتصل بخلود اللي للحين ما دخلت باب البيت ..ورجعت لبيت شيماء .. محمد ـــ خلود بما انج بتسهرين طول الليل مع الدانة ..اسهري هنا واحنا بنطلع انا وشيماء ويمكن نتأخر .. شيماء ساكته ..هي نفسها ملانه ... شيماء البست عباة الكتف مع شيلة واسعة وتغشت ما تبرقعت ..وطلعت معاه .. وهم في السيارة .. محمد ـــ بتمين طول الوقت ساكته ؟؟ شيماء ـــ احمد ربك اذا ما نمت في الطريق . محمد ــ ليش تنامين هذا موعد نومج الحين؟؟ شيماء ـــ لا ..أنام الساعة احدعش .. محمد ـــ شيماء تكلمي عن أسبوعج هذا اللي راح شسويتي فيه؟ شيماء ـــ يوم الأربعا اللي راح خذيت مها للتطعيم .. وشيكت عند الدكتور بالمرة البنات .. زرت عمتي ..أمك ..وتميت معاها يوم الخميس كله ..مرضت علي مها من التطعيم ..وكالعادة ركضت للدكتور اللي مل من شوفة ويههي ..خذيت راني للفحص الطبي ..اجراء شكلي أخاف على صحة البنات وراني تتفهم هالشي ..رحت السوق مع البنات ..خذتهم ليدتهم ام صالحة .. ..وأمس رحنا المول ..لعبنا شوي .. محمد ـــ كل هذا وأنا غايب عن الأحداث؟ شيماء ـــ كنت اما نايم أو بره ..وين بتاخذني ؟؟ العشا ؟توني ماكله وشبعانة حدي .. محمد ـــ بآخذج الكورنيش ..تهضمين .. شيماء ـــ بحر في الليل ؟؟ تبي يني يدخل فيني ؟؟مو زين .. محمد ـــ من قال لج مو زين ؟؟من قص عليج ؟؟ شيماء ـــ أمي قالت لي موزين وبعدين الجز بارد ..مافيني أطلع .. محمد ـــ لا ما عليج ..الجو حلو وما في أي ينانوة ..بعدين آخذج للسينما ونتمشى ..ونشرب كرك ونرجع البيت ..واوعدج قبل الساعة 12 تكونين في البيت ..مثل سندريلا .. شيماء ـــ لا على جذي بكون شيماء ريللا ..بس ياليت مافي سينما مالي خلق ..لو أبي كان قعدت في البيت . محمد ـــ طلباتج أوامر ..شيوم ريللا .. *************************** هاي سوري على التأخير الجزء بيكون بسيط ..وشكرا لكل الردود وأسعدني وايد تثبيت القصة ..فشكرا .. هذاالأسبوع الثاني من دون الجازي ..فهد اشتاق للجازي وايد .الجازي كانت مالية الدنيا عليه ..كانت تخفف الوجع بكلمتها الحلوة وابتسامتها الرائعة ..طالع للشقة اللي كانت مبهدلة .. وهو ما فيه حيل يقوم ويرتبها ..اتصل في واحد يعرفه في المانيا .. ( فهد ما طلع من ألمانيا ..ولاغير دكتوره . بس غير رقم تلفون الشقة وطلب من الدكتور انه ما يقول لاحد انه للحين يتعالج عنده ) فهد ـــ ألو ..علي موجود ؟؟ ـــ لحظة . علي ـــ ألو .. فهد ـــ قوة أخوي علي .. علي ـــ فهد ؟؟معقول ؟؟ أهلين ..شخبارك ؟؟ فهد ـــ الحمدالله انت شلونك؟ علي ـــ بخير الله يسلمك ..وينك ما سنعنا عنك خبر من كم شهر .. فهد ــ تعرف المشاغل ...انت شلون دراستك؟؟ علي ــ ابسط ياعم ..أنت اول واحد يسألني عن دراستي .. فهد ـــ ليش ؟؟؟وين الربع عنك؟؟ علي ـــ من حسن حظك انك اتصلت على هالرقم اليوم ..بكره كنت بهد هالشقة وادور على شقة ثانية ..صاحبة الشقة لعوزتني ..تبيني أطلع وأنا مع هالكتب والمراجع وهالهيكل العظمي اللي يرافقني .. يله حطيت كل كتبي في السيارة والهيكل العظمي في السيت القدامي مسوي رعب في الشارع . فهد ـــ زين من اللي رد علي ؟؟ علي ـــ هذا واحد يدرس معاي اسمه خليل ..يساعد في النقل .بس من سوء حظي انه ساكن مع أهله والا انتقلت معاه ..اوه سوري انت تعرفني هذار ..كان سؤالك شنو؟؟ اييه عن دراستي ..والله نجحت العام الللي راح وأناضل للبقاء في الكليه هالعام . فهد ـــ عاذرك من عرفتك وانت هالراديو يشتغل ..أقول .عندي لك حل ..لمشكلتك . علي ـــ حل ؟؟ لمشكلتي ؟؟ ناطر ايش ما تقول .. فهد ـــ تعال ..عندي لك شقة.. علي ـــ قول والله؟؟ الحين أييك ..انطرني دقيزا ..بس لحظة ..عطني العنوان .. علي شاب كويتي يدرس الطب في المانيا تعرف عليه فهد في المستشفى أيام ما كان أخوه الله يرحمه يتعالج هناك .. فهد دق على علي علشان يوفر له حد يساعده .. *************** محمد ـــ لا تفكرين أني بنسى صالحة .. شيماء ـــ أدري انك ما بتنساها ..بس حرام انك تعاقب نفسك وانك تعيش حابس نفسك في حلقة اسمها صالحة ..صالحة نفسها ما بترضى . محمد ـــ شوفي هالياهل ..تهقين أمه قريبة من هنا؟؟ طالعت شيماء يمين .. ــ أكي امه . محمد لا تغير الموضوع . أبيك تقاوم احساسك بالذنب تجاه اللي صار حق صالحة .. محمد ـــ شيماء ..ممكن تخلينا رايقيين ما نتكلم في هالموضوع؟؟ خلينا نروح لمكان ثاني .. شيماء ـــ الجو حلو .. محمد ــ ما كنت تبين البحر ..شاللي غير رايج؟ شيماء ـــ ولا شي ..برايك نروح نشوف فيلم؟؟ محمد ـــ لاء ..الظاهر الجو عاجبج ..خلينا نتمشى ..خلينا نتكلم وإلا تبينا نمشي وحنا ساكتين ؟. شيماء ـــ تكلم عن شغلك ..فضفض .قولي من اللي تحبه ومن اللي ماتطيقه ومن اللي يزعجك ..وهلم جرا .. محمد ـــ عندي هذا الفراش في الشغل اسمه عبدالقادر . هندي ضعيف وقصير وايد نفس اللي يطلع مع سمير غانم اللي يقول اديني .. شيماء ـــ ايه عرفته .. محمد ـــ هذا ما يخلي دينه عند أحد ..وطبعا هو هندي ..لازم ندفع له آخر الأسبوع حق الشاي والقهوة ..عندي واحد في الكتب اسمه خليفه وهذا شيطان ..عليه حركات نضحك . يوم يجي الهندي عاد مسكين كبير في السن . وكلامه مكسر يوم يجي بالعادة يقول يبي هساب فلوس ..عاد هالخلفوه علمه يقول اديني نفس الممثل ما يسويها ..وشاءت الصدف أنه مدير القسم يزورنا في نهاية الأسبوع .. ويي عبدالقادر بشعره الأبيض والتجاعيد اللي في وجهه ..ويصارخ مثل الممثل ويقول اديييييييني .. مسكين تعود وما انتبه ان المدير موجود عاد المدير أول ماشاف هيئته وكلمته ..مات من الضحك عليه .وخليفه ويهه استوى احمر خصوصا لما سأل المدير من علمه هالكلمه . اشر عبدالقادر على خليفه .. المدير ضحك دبل ..صراحة كان موقف لايحسد عليه خليفه .. ****************************** علي ـــ فهد ..يا ريال لا تكذب علي أنا أحس أن في وحده كانت في هالشقة ..فيها لمسة مرة .. فهد ـــ كان فيها حاليا ما في .. علي ـــ ..تركتك علشان مرضك؟؟ فهد ـــ مالومك لسانك متبري منك ..تذكرني بناس .. علي ـــ بمين أذكرك ؟؟ فهد ـــ ناس ما تعرفهم ..تركتك وأنا متوقع لما ألقاك مرة ثانية يقصر لسانك ..بس ما في أمل انت شلون خلوك تدرس طب ؟؟الطبيب كله ساكت وغامض متكتم على حالة مرضاه لكن انت ..اوووه ..بتفضحهم . علي ـــ يالحبيب علشان جذي ييت أدرس في ألمانيا ..قولي ليش تركتك الحبيبة ؟ فهد ـــ على بالك كل الناس مثلك؟؟ لا يبه أنا ما أعرف هالسوالف .. علي ـــ بس كانت في امرأة في هالشقة ..معقول تزوجت ؟؟انت ؟؟العازب الأشهر في دول الخليج العربي؟ فهد ـــ اييه ..تزوجت .. علي ـــ صج ..مبروك متى ؟؟وليش ما تعزم ؟؟ فهد ـــ ما سويت عرس ..سكيتي البنت نفسها اللي قلت لك أني بخطبها .. علي ـــ عيل مالوم الحرمه لا هربت منك .بدون عرس ولا ..على فراش الموت زواجها منك أشبه بزواجها من واحد قد جدها .انت شايف شكلك شلون مع هالقرعه ؟؟ فهد ــ ما هربت مني أنا هربت منها ..والله أن لسانك متبري منك ..شلون تقول لي جذي حافظ على مشاعري يا أخي .. علي ـــ حبيبي ,,ما يسبك إلا اللي يحبك ..تعال ليش هربت منها فيها شي ؟؟ نكدية ؟؟؟ جذيه مثل اللي يطلعون في الأفلام الزوجات اللي يطقون أزواجهم .. فهد يطالع علي منصدم ..انفجر بالضحك لحظة بعدين قال بلهجة صادقة . ـــ ما انولدت اللي تمد يدها علي ..شايفني خيخة؟؟ تطقني زوجتي ؟؟ وبعدين من انت علشان اكلمك عن ماي برايفت لايف ..(حياتي الخاصة). علي ــ آفااااا ..شلون تجرحني يا فهد ؟؟أنا ؟؟..شلون تكلمني بهالفظاظة؟؟ كانت نظرات علي غريبة جنه زعلان صج .. فهد ـــ يا ابني انت ما فكرت في مشاعري يوم تكلمت عن فراش الموت ..لا تصيح ..لا تبجي سوري .. ضحك علي ـــ بذمتك ما أنفع ممثل ؟؟ عصب فهد على علي .. ـــ علي ..انت ساعة تبجيني وساعة تضحكني ..علي لا تخليني أندم على دعوتك للعيش معي .. علي ـــ حلوة دعوتك للعيش معي هذي ..صج فهد .. ليش تركتها ؟؟ فهد ـــ لانه حرام اعذبها ,,,انت قلت كأنها كتزوجه بواحد بعمر جدها ..حرام ..ما طاوعني قلبي أدفنها معاي . علي ـــ بس هذي مهمة الزوجات بشكل عام .. أحسن شكلها ما تستاهل لأنها تركتك في عز حاجتك لها .مثلها مثل باقي الحريم ..أنانية .. فهد ـــ لا ..الجازي غير ..الجازي تحطها على الجرح يطيب ..مستحيل تشوف دمعتها ..مستحيل تحس بألمها كله تكتمه في قلبها ..مستحيل تحس التعب اللي تتعبه علشانك ..ما تتذمر ..ولا تشكي ..وتشيل المسؤولية أحسن مني ومنك .. علي ـــ زين ليش طلقتها ..هذا هو المطلوب لحالة مثل حالتك .فهد ــ لأنها جذيه ..ولأنها في بلد غريب ..بتصبر وتصبر وما تقدر تفضفض لأحد ..انسانة مثلها ..حرام أظلمها معاي ..وأنا على فراش الموت ما راح أترك لها إلا ذكريات ..اللي ثلاثة أرباعها مليانة بالمرض والدموع ..خليها تكرهني لأني طلقتها ..وتكمل وتعيش حياتها بعد موتي ..ولا تبقى لآخر عمرها عايشه في وهم اسمه فهد . علي ـــ شكله هزك بالحيل فراقها ..أشوف دموعك هلت مع كل كلمة تنطقها .. فهد ـــ تعلقت فيها ..خلتني أحبها غصب عني كنت مصمم أني ما ..ما أكمل معاها ..لكن ..سحرتني ..هي الوحيده ..هي الأولى والأخيرة في حياتني . علي ـــ لا تقول جذي,انشاءالله العمر كله لك .. وانت للحين تتعالج وحالتك اكتشفتها مبجر مو مثل أخوك .انشاء الله تقوم بالسلامه ..وترجع لحياتك .. فهد ـــ اللي يسمعك ما يصدق الكلام اللي قلته لي من قبل شوي . علي ـــ فهد لا تاخذ كلامي على محمل الجد..كنت أمزح معاك ..شوف ويهك ..صاير كثيب .. فهد ـــ حلوة محمل الجد هذي .. ضحك علي ..ـــ نسيت أعرفك على آدم . استغرب فهد ــ من آدم؟؟ أشر علي على هيكل عظمي ملبسه كاب وشيرت .. علي ــ شرايك ؟؟ فهد ـــ يشبهني مو ؟؟ ضحك علي ـــ شوي انقص كم باوند وتصير نسخة .. **************** ندى حولت أنها تتصل في فاطمة ..لكن محد يرد .فقررت أنها تروح لها في البيت .. خذت عباتها وطلعت ..رنت الجرس وهي ناطرة .. فتحت الباب الخدامة ..ندى تجاهلتها ومثل ما متعودة اطلعت لغرفة فاطمة على طول . طقت الباب ـــ فاطمة ..فاطمة ,,هاي أنا ندى. فتحت فاطمة الباب ودخلت ندى بسرعة .. ـــ شاللي جابج ؟؟ ندى ـــ ييت أزورج ..بنت عمي وصديقتي .. فاطمة ـــ ندى ردي بيتكم الحين ناصر متحلف فيني اذا شفتج يا ويلي . ندى ـــ ومن ناصر اللي يقدر يمنعني عنج ؟؟ ماله حق . فاطمة ــ انت ما تدرين ناصر درى بلعبتنا هذيك تذكرين ؟؟ ندى ـــ وأنت ليش قلتي له يالهبلة؟؟ فاطمة ــ هو استدرجني بالكلام ..لين طحت بلساني ..عصب وطقني طق الحمير ..وأنا ما قدرت أستنجد بأحد خفت أمي تدري تذبحني ..مع أني ما سويت شي غلط . ندى ـــ انتي مالج ذنب .. ماله حق عليج .. دخل ناصر ـــ فاطمة اطلعي بره بكلم بنت عمج بروحنا .. ارتجفت ندى ..فاطمة ــ ما أقدر أخليكم بروحكم في الغرفة . ناصر ـــ قلت اطلعي بره . ندى ــ أنا اللي بطلع بره . ناصر ـــ انت خليج في مكانج عندي حساب معاج ، فاطمة ..روحي لا تخافين ..حساب بيني وبين ندى روحي قعدي في غرفتي .علشان ما يشك أهلج ..روحي ..روحي لا أكسر عظامج . ندى من الخوف ما قدرت توقف على ريولها .فجلست على السرير ..طلعت فاطمة وناصر صكر الباب وقفله . ندى استجمعت اللي باقي فيها من قوة واوقفت .. ندى ـــ ناصر مالك حق تــ..تمنع فاطمة من .. وقبل أن تكمل جملتها نزل كف قوي على خدها .. طاحت على السرير وهي منصدمة ..خانتها دموعها .. ندى ـــ ليش ؟؟ ليش ؟؟ أنا شسويت لك ؟؟ ناصر ـــ كافي أنج خنت ثقة أهلج فينج ..هذا سبب كافي . ندى ـــ خنتها في ايش ؟؟ حرام عليك ..أنا غلطت ادري ..بديت اللعبة ..بس كان قصدي واضح ..أبي أشوف وين توصل مع البنات غيري .. ناصر ـــ وهذا سبب ثاني علشان أحقرج .. شلون تنزلين من صورتي في عين أختي ؟؟ .. ندى ـــ والله ما ..ما ..فاطمة ما تعرف شي عن اللي بينا ..ولا أقول لها ..أنا نفسي خفت أنها تشوف فيك هال.. ناصر ـــ هالــ...؟؟ كملي هال ايش ؟؟ ندى مسحت دمكوعها وقالت بجدية وغضب ـــ هالكلب اللي يغدر بنات الناس .. كف ثاني نزل على خدها ..اسكتت ..ما نزلت دمعه من دموعها ..وتمت جامدة .. ناصر ــ أنا كلب؟؟ أنا كلب ؟؟ ندى تعتبريني كلب ؟؟ اذا أنا كلب ..فانتي اللي ربيتيه ..انت اللي غذيته بالوحشية والكره ..هالكلب ..انتي اللي دفنتي انسانيته .. ندى ـــ أنا وأنا وانا ..أنا أصلا ما حسيت بوجودك في حياتي لين الحين علشان تلومني ..أأنا تميت ثمان سنوات عايشة في طيف اسمه سيف ..ما طلعت ليش ؟؟ وين كنت مختبي ؟ متى غدرتك أصلا متى عاهدتك علشان أغدرك ؟؟ ناصر ـــ يعني تقنعيني أنج ما تتذكرين ؟؟ أذكرج ..يوم كنت في ال16 ..كنا ندرس مع بعض تذكرين ؟؟ طبعا لا ..كنت أنا وانت وفاطمة ندرس مع بعض كنت أنا ثانوية ..وسيف توه تخرج من الجامعه ..قلت لج يا ندى أني أحبج بس انطريني ..وكان ردج زين ..وأنا أحبك بعد .. ناصر ـــ مستحيل ..أنا قلت لك أني أحبك ؟؟ مستحيل ..أنا ما أتذكر ... ناصر ـــ طبعا ما تتذكرين لأن في ذات اللحظة دخل سيف البيت ..وذات اللحظة نسيتي وجودي ..وقبلتي خطبته لج في ذات الأسبوع . ندى ــ ما أتذكر ..ما أتذكر ..مستحيل ..أنت تكذب أنا ما أوعد وأنسى وعودي .. ناصر ـــ لأن سيف عمى عيونج عن كل شي ..الطالب المتخرج من الجامعه والقود لوك ..والوسيم ..أنا كنت جنبه ولاشي ..ولا شي ..تركت لج الديرة بكبرها ..وانصدمت بعدين لما عرفت أنه باعج يوم الملجة بس لأ ن أبوج قاله أنا أعطيك بنتي بدون مقابل ..وأنا أشتري ريال وفلوس أخوي هي نفسها فلوسي ..ماله داعي للشكليات ..ضحكت ..وضحكت وضحكت .. ندى ـــ يمكن .متهيء لك اني في يوم من الأيام خدعتك ..وضحكت أنت في الأخير ..لكني ما خدعتك مثل ما انت متصور .. ناصر ــ تقصدين هتان ؟؟؟؟ شلون ما خدعتيني وانتي توهميني الإهتمام؟؟ وانت تتكلمين ..يا أرض اتهد ما عليك أقدي ..وانت تشوفيني أتذلل بس علشان تسمعيني ؟؟ ندى ـــ والله أني كنت أتصرف معاك باحترام ..والله اني ما ضحكت على كلامك ولا على أي شي ثاني انت تعتبره خاص في حياتك .. ناصر ـــ لا تبررين .,.انت خلاص طحت من عيني ..ما أبيج تقربين من خواتي أخاف تعدينهم بالحقارة ..وما أبيج تطبين هالبيت خير شر .. ندى ــ انت ذليتني ..أنا مو ****ة ..وإن كنت فلاني أزود عنك ..وهذا بيت عمي ..أدخله مثل ما أبي دام أهل البيت مرحبين فيني . ناصر ــ أنا صاحب هالبيت ...وأقولج ..لا أنت ولا أي وحدة مثلج تكسر كلمتي ..اطلعي بره . ندى ـــ انت تطردني ؟؟ ناصر ـــ اييه أطردج..اطلعي بره ..ما تشرفني وحدة مثلج ..وما غلط سيف يوم تخلى عنج .وحدة بايعة .. ندى ما مسكت نفسها وضربت ناصر كف .. وطلعت من البيت بكبره ودموعها على خدها ..تماسكت وفكرت انها لازم تبعد عنه ..وعن هالمكان كله . اتصلت في يوسف .. ـــ يوسف أهلا ندى شخبارج ؟؟ ندى ــ بخير الله يسلمك ..يوسف انا وأمي قررنا نسافر كندا ..شرايك ؟ يوسف ـــ ونعم الراي امي كلمتني من اسبوع فخلصت لها كل الإجراءات ..بس كنت مأجل الموعد شوي .. ندى ــ لا لا تأجل أنا بسافر معاها وبلا تضييع وقت .. يوسف ــ خلصي أمورج على ما أخلص اجراءاتج لا تخافين ما بطول .. ندى ــ ياريت هالأسبوع علشان ما تضيع اجازتي .. يوسف اوكي. ******************* |
الحلقة التاسعة والعشرين . ******************* مرت الأيام والليالي ..والحال مثل ما هو عليه ..وخلص الأسبوع الثاني المفروض أن عبدالله يرجع ..أحمد وفيصل سافروا ..والوحيدة اللي تعرف سبب سفرهم هي دلال ..احمد ما ضيع وقت ..وأجبر أخوه على أن يسمع كلامه . دلال ترتب أغراضها وأغراض منى استعدادا للرجوع لبيت عبدالله . سارة ـــ أمي تبيج ..روحي لها . تحركت دلال والكل لاظ عليها هزول وشحوب .. ظبية ـــ يمه تردين بيت ريلج؟؟ دلال ـــ بيرجع عبدالله اليوم المغرب .. ظبية ـــ أحمد ما قال لج وين مسافر هو وفيصل ؟ دلال ــ ما قال لي ..ليش ما سألتيه ؟؟ ظبية ــ طلع قبل أن أشوفه راح من دون لايسلم . دلال بصوت واطي ـــ دام سلامه مثل عدمه ..ليش مهتمة ؟. ظبية ـــ ما سمعتج شتقولين ؟؟ دلال ـــ أقول أني ما أعرف شي عنه .. برخصتج يمه بروح بيت ريلي .. طلعت دلال من عند أمها وهي مهمومة ..شلون بتقابل عبدالله ؟؟ هذي أول مرة يسافر ..شتقول له أهلا فيك وين كنت في لندن ولا تايلند؟؟ يوسف نطرها في السيارة بعد ما شال شنطتها ومنى .. ركبت السيارة وهي ضايعة بأفكارها .. يوسف ـــ دلال ..نويت على نية .. دلال ـــ نية ؟؟ شناوي ؟؟ وأنت للحينك ما خلصت سنة أولى جامعه ؟ يوسف ـــ علشان هالشي أنا ناوي على نية وأبي مساعدتج .. دلال ـــ قول شناوي عليه ؟؟ما أوعدك ..بس بحاول . يوسف ـــ أبي أحير عليا لي ..أخطبها لي لين تخلص الجامعه . دلال ـــ توكم صغار هي ما كملت ال 17..وأنت ما دخلت ال19 .. يوسف ـــ ما أبي شي ما أبي خطبة ما أبي ملجة بس أبي أن في المستقبل عليا تكون لي .. دلال ـــ البنت مو طايره ..موجودة .. يوسف ـــ لا ..حتى ولو أنا أخاف بعد كم سنة يخطبها فيصل ولا سعد ..أنا أبيها ..دلال ممكن أعتمد عليج ؟؟ دلال ـــ بقول لأبوي دامك تبيها .. يوسف ـــ يا ريت قريب .. دلال ـــ اوكي بكره بيزوركم عبدالله وبيي معاه ..وبكلم أبوي في الموضوع بس هاه ,,شد حيلك في دراستك وبلا سفرات لتايلند وغير تايلند .. يوسف ـــ اوكي أنا بس أخلص هالسميستر ..أكون وثقت خطوتي في مجال الإعلام .. دلال ـــ كلام في كلام في كلام بابابابا .. يوسف ــ تشوفين .. ********** غانم كان المستقبل ليوسف .. طلب من يوسف أنه ينزل لكن يوسف اعتذر أنه وراه دراسة .. دلال ـــ السلام عليكم .. الكل = وعليكم السلام .. سلمت دلال على أم زوجها وعلى اخواته ...ويا دور منال .. منال ـــ انتي دلال ؟؟ سوري لأني ما حضرت عرسج ..غانم كان مشغول .. دلال ـــ ماله داعي الإعتذار اتصالكم كفى وزيادة ..هذي ولدج ؟؟ منال ــ اييه ..هذا حمدان .. دلال ـــ حمدان ؟؟؟ عاشت الأسامي . سهام ــ حمدان اندثر في قطر قليل من الناس يسمون بهالإسم .هالإسم لكنه منتشر في الامارات .. دلال ــ أنا ما علقت على الإسم الإسم وايد حلو . منال ـــ نشوف بكره شبتسمين ولدج .. دلال ــ اذا ولد ..الأبو هو الي يتولى التسمية لكن اذا بنت بسميها هند .. منال ــ على اسم امج المرحومة ؟؟ دلال ـــ أمي الحمدلله عايشة ..والله يطول في عمرها على اسم أختي الله يرحمها .. منال ـــ الله يرحمها واعذريني ما كان قصدي .. دلال ـــ لا ...ما غلطت سوء تفاهم بسيط .. ابتسمت دلال لمنال اللي من نظراتها ما كانت هاضمة دلال بالمرة ..منال مربوعة و سمرة شوي لكن عيونها مثل القطوة بلونها الرمادي ورسمتها الحادة وأنفها الحاد الطويل .. استأذنت دلال واطلعت وطلعت وراها هيفاء .. دلال تهمس ــ هذي لون عيونها أصلي ؟؟موب عدسات ؟ هيفاء ــ اييه .بس jealous jealousjealous دلال ـــ ها؟؟؟ هيفاء ــ غيورة غيورة غيورة ..مثل القطوة ما تخلي أحد يسرق عشاها . دلال ـــ زين من بيسرق عشاها ما شاء الله من الحلاة يكفي ريلها وزود ..ليش يطالع حق وحدة غيرها .. هيفاء ــ ومن قال غيورة على ريلها بس ؟؟ بالرغم من أن غانم ..ماله شغل في أحد ..لكن بالنسبة لحريم أخواني الباقيين تغار منهم ..تحسدهم أي شي يسوونه تغار وتروح تسوييه ..ما تحب الخير لأحد ،لازم هي اللي تطغو عليهم كلهم . دلال ـــ الله يعيني ..بس يا رب يرد عبدالله بالسلامة ..وأنا ببعد عن طريقها . هيفاء ــ زيين أبي منج فيفر .. دلال ـــ تكلمي عربي ..تراني مو رايقة للانقلش . هيفاء ـــ خدمة .. دلال ـــ من عيوني .. هيفاء ــ أبي تشرحي لي التكامل والهندسة الفضائية بليييز؟؟ ما فهمت بعض الأشياء من ست هناء .توجيهي .. دلال ـــ متى تبين أشرح لج ؟؟ هيفاء ـــ بكره .. دلال ـــ بكره عندي مشوار ..ما أقدر واعدة حد قبلج بخدمة ..صايرة مرسول الحب .. هيفاء ـــ لما ترجعين .. دلال ـــ اوكي لافضيت أوعدج ..وان ما فضيت بيي في الليل وأشرح لج .. دلال تسبحت واستشورت شعرها وحطت ميك آب مو واضح لأن أخو زوجها هنا ..وبالأخير رشة العطر على الجلابية الزرقا اللي لابستها ..رغم أن الأسئلة تدور في راسها ..لكنها استعاذت من الشيطان ..واستهدت بالله .. ****************** وأخيرا ..رخصها الطبيب مع نصائح وايد .وكانت سعاد تعبت من جو المستشفى ..وريحة المطهرات ..دنيا ابراهيم رحعت لبتهم ..وحرمها ابوها من السواقة بعد اليوم ..وما كان لها ويهه تزور سعاد .. وبشويش ..وصلوها لغرفتها ..اللي ما تذكرت فيها إلا الدريشة .تذكرت أنها كانت تطل فيها من وقت لوقت ..الهنوف زارتها وأبوها بكل طيبةقلب سوى عزيمة كبيرة بقومتها السلامة . وتصدق بكم بيزه لهالفقارى .. الهنوف استفردت فيها أخيرا .. ـــ سعاد ..قومي طلي من الدريشة .. سعاد ـــ شالي بشوفه من الدريشه ؟؟ الهنوف ـــ أرجوش لا تخيبيني بس طلي .. قامت سعاد مع أن الكسر في رجلها للحين ما برى و الجروح للحين ما طابت ..وطلت من الدريشة ..وانصدمت .. كان جالس على كرسيه ناطرها ..وفتح دريشته على وسع ..ينطر ..وهو ولهان عليها ..كان بين دريشته ودريشتها عشرين متر ..لكنها تحسه على بعد شبر منها ..نزلت الستارة وطالعت الهنوف .. ـــ هذا ..هذا اللي تكلمت عنه ؟ الهنوف ـــ هذا خلفان اللي ما ذاق النوم من عرف أنش بتطلعين من المستشفى ..تقريبا من يومين وهو ناطر جدام الشباك .. سعاد ـــ بس . أنا كان مألوف لي حيل ..كنت أحسه قريب ..لكن ..ما أسعفتني الذاكرة في شي ..بس أحاسيسي تذكرته ..وانتفض شي في قلبي ..تقولين كنت أحبه ؟ الهنوف ــ أي..وهو يحبش ..بس اثنيناتكم كابرتوا ..ووصل فيكم الغرور لحد مؤذي ..أذيتوا بعض ..وبكيتوا بعض ..وما حبيتوا غير بعض .. سعاد احتارت بكلمات الهنوف ..وما كانت تبي تصدقها .... دخلت صافية وشافت سعاد واقفه عند الدريشة .. ـــ صج ما قدرتي إلا تطلين من الشباك ..وحشش خلفان ..تعالي ارتاحي ..الدكتور قال لا تتحركين وايد . الهنوف ـــ ام لسانين . شوي شوي عليها بتاكلينها .. سعاد ـــ لا ..خليها الظاهر كات تعرف عني كل شي .. الهنوف ـــ لا لا تنغرين فيها وايد ..ماتعرف عنش شي أبد أنت محد يعرف عنش ..وخصوصا هالسبال . صافية ـــ سبال ..لا تنغر ..هنوف شفيش علي ؟؟ بايقه حلال أبوش وأنا مدري ؟؟ ****************************** سميرة ـــ الجازي ختي ..تعالي عندي كم يوم ..عيسى مسافر ..والعيال يبونج ..يحبونج ..تعالي .. الجازي ـــ ابوي ما اقدر اخليه بروحه خصوصا ان يدتي مسافرة ..تعالي انتي .. سميرة ـــ اوكي بس ها ما تقولون اذلفي انتي وعيالج؟؟ الجازي ـــ لا تخافين اول اسبوع ما بنشتكي انا وابوي بس انطري الاسبوع الثاني ..بنتذمر بالاسبوع الثالث بنطردكم .. سميرة ـــ الثالثة ثابته ها؟؟؟ الجازي ـــ عليج نور ..بس تعالي .. سميرة ـــ متأكدة عيالي ما بيزعجونج؟؟ الجازي ـــ الصبح بكون في المدرسة والظهر بكون نايمة وباقي اليوم اتم متململة بروحي ..وبعدين عيالج كلهم تميم وفايزه وجابر ..وكلهم كبار وين الازعاج؟؟ سميرة ـــ انتي نسيتي فهد؟؟ الصغير؟؟ رف قلب الجازي من هالجملة ..لكنها تناست ـــ اييه المسكين ما كنت حاضرة بولادته فحذفته من قائمة ماي نيس .. سميرة ــ اعطينا يومين ونكون عندكم .. الجازي ـــ مسافرين حشى ..لكم ساعتين ..يله تعالوا املوا علي البيت .. (تميم عمره 16 وجابر 14 وفايزه 12 ..أما فهد فعمره أربع شهور .). ********************** انتبهت لدفتر تحت فراشها ..ويوم طلعته ..ما قاومت رغبة أنها تقرأه .. الدفتر معنون في البداية ((أحبك ..كلمه مبعثرة في عيونك .. رتبها الزمن بإسم جنونك ..)) فتحت الصفحة اللي وراها ..وكان مكتوب فيها سكرين اثنبن بس .. (( قسى علي الشعور بالذنب .. وأتعبني يا ناس اني والله احب )) استغربت سعاد ليش هالصفحتين بالذات سيطر عليها هالسطرين .. بدت تقلب الدفتر ..خاطرة بعد خاطرة وكل خاطرة تحمل نفس المضمون ..الحب .. لقت ورقة مكتوب عليها ((قلبي قلب الود على من قلب كيانه .. على من قلب التاريخ من ود ووفا إلى خيانه .. وأعلن حروب الكره ما مر عليه في زمانه .. حرب الحقد والدمع والألم على خاين الأمانه .)). احتارت سعاد ..اقلبت الصفحة .. (( عشق الدميم لبهية الطلة .. عشقته وأنا واثقة ان مافي امل منه عشقته وقلبي بالوفا يخضع له .. وكرهه لي كان ليديني الحنة ..)) ومقطع ثاني في نفس الصفحة .. (( أودعك كل ليله .. وابتسم لك كل صباح .. مثل الحمامة الذليلة .. اللي اقطعوا فيها جناح )) وافتحت آخر صغحة ..وكان مكتوب عليها .. (( تبرى مني الحظ والوقت ..وامسيت وحيدة .. رغم اني يا ناس عشقت ..القلوب البعيدة )) خواطر سعاد كانت معنونة تحت عنوان واحد هو(( الحب الذي يأتي متأخرا ..)) انصدمت سعاد ..يعني اذا فقدت ذاكرتها الخاصة بحياتها العاطفية ..بتدفن قلبين بالحيا ..قلبها ..وقلب خلفان .. ********************************** رجع عبدالله ..وبالعكس كانت بشرته مبيضة ..ولبسه شتوي ..وهذا يدل في نظر دلال انه كان في لندن ..وشيكت جواز السفر وكان عليه ختم بريطانيا .. فرحت ان شكوكها مالها اساس ...حمدت الله انه ماصار شي من اللي فكرت فيه .. بس بقى سالفة فيصل ... هاااااااااااي ..وسوري للجميع اني طولت عليكم ...بس الظروف ...شكرا للكل للمرور والمتابعة ..وهذي كم حلقة .. رجع عبدالله ..وبالعكس كانت بشرته مبيضة ..ولبسه شتوي ..وهذا يدل في نظر دلال انه كان في لندن ..وشيكت جواز السفر وكان عليه ختم بريطانيا .. فرحت ان شكوكها مالها اساس ...حمدت الله انه ماصار شي من اللي فكرت فيه .. بس بقى سالفة فيصل ... واخيرا انفرد فيها في الغرفة وبروحهم .. عبدالله ــ اشتقت لج .. دلال ـــ باين ..من كثر الاتصالات .. عبدالله ـــ اشتقت لج ... دلال ـــ عاد تصدق الحافظة انترست من مسجاتك وتلفوني ماعاد يستقبل .. عبدالله ـــ اشتقت لج .. دلال ـــ واو فاتورتك وايد عودة ..الله يعينك شلون بتدفع كله مكالمات خارجية لي ..لا تتوقع مني ادفع لك .. عبدالله ـــ اشتقت لج .. دلال ما استحملت ..وبدت تصيح ..وقالت له ـــ انت ليش ما تبرر الغلط اللي سويته؟؟ ليش ما تدافع عن نفسك تراك مذنب اوريدي ..فلاتعب نفسك بكلام الغزل ما بترشيني .. عبدالله ما حرك ساكن ـــ اشتقت لج !!!!!! دلال ــ الظاهر انك مو عبدالله الظاهر انك روبوت آلي معلمينك ما تقول إلا هالجملة ... عبدالله ـــ اشتقت لج .. دلال ضحكت وبيأس ـــ غلبتني ..وأنا اشتقت لك اكثر . وضمها عبدالله لحضنه وباس راسها .. عبدالله ــ انت مع هالراس العنيد تعبتيني .. دلال ــ انا تعبتك؟؟ ليش ما بررت لي عدم اتصالك؟؟ عبدالله ــانت قلتيها اوريدي غيلتي مذنب..أتعب روحي بالشرح ليش ؟؟ دلال ـــ هذي آخر مرة تسافر وتخليني ..وحشتني وايد .. عبدالله ـــ قلت لج ..تعالي معاي ما رضيتي ..تستاهلين بس اما فاتج لندنيات يطيرون العقل كل وحدة أحلى من الثانية .. دلال ـــ لندنيات !! اوكي ..بروح الحين حق منال وآخذ منها كم درس شلون اقدر أطير العقل ..وأرجع لك .. وقامت من عنده والبست شيلتها .. انصدم عبدالله ـــ تعالي ..ماتطلعين من الغرفة ..تبين تجننيني.؟؟ كافي غانم مسكين حقوقه مهضومة من النكد .. دلال بلعانه ـــ حرام لازم كان نفسك في لندنيات يطيرون العقل .. عبدالله ــ دلول ..من صجج؟؟ تعالي هنا ..تعالي ..منال قالت ،مالي خلق للفرعنه والنكد .. دلال ـــ المرة شكلها حبوبة وكافي انه غانم ما يتجرأ ويطالع وحدة غيرها .. عبدالله ـــ كلكم يالحريم تبون ريال بهالمواصفات ..لا عيوني ..تعالي تعالي قلت لج ..هذي منال خليج بعيدة عنها عشر امتار لاتعديج .. اقتربت منه دلال وهي تضحك ..مسكها ولف ايده حول رقبتها ـــ ان عدت هالموضوع مرة ثانية يا ويلج .. دلال ــ أي اي ..عورتني ما بعيده ..بس ما تطالع وحدة غيري .. تركها ..وقال ــ ما أوعدج يمكن وحدة حلوة في يوم من الأيام يغمى عليها في الطريق ..لازم أساعدها .. دلال ـــ أي يا حبيبي ومافي غيرك في هالطريق ..مالك شغل انشاءالله تطلع روحها مالك شغل محد عينك منقذ ولاسوبر مان .. ضحك عبدالله عليها ..وعلى غيرتها العمية .ماتوقعها تغير جذي ..أما هي فنست الكون كله وكل المشاكل ..وهمها بس انه معاها .. ******************************* حضنت عيال أختها بقوة ..كانت مشتاقة لهم وايد .. تميم ــ خالتي وينج عنا اشتقنا لج .. الجازي ـــ شسوي الله بلاني بطالبات مايعرفون شي عن الفيزيا .. تميم ـــ عاد هالأسبوع انسي كل شي ..وخلينا رميمبر ذا باست .. الجازي ــ اوكي هني .وي ول ..الحين الله يسلمك ..خليني أسلم على ييور ماذر ..ماي قريت سيستر .. سميرة استقبلت الجازي بالأحضان ـــ كل هذا هذر مع تميموه .. الجازي ــ اختي تعرفين لازم ننشئ علاقة ودية مع أجيال المستقبل ..تفضلوا ارتاحوا .. جابر ـــ قصدج تميم وفايزه ؟؟قولي أفيال المستقبل .. وضربة قوية على راس جابر من تميم .. فايزه ـــ كل يرى الناس بعين طبعه يالدب .. جابر ـــ شرااب يور دونكي قيرل ..كاو .. فايزه ـــ اتشطر في دراستك مب علي يال... طقه قويه دبل من سميرة على راس فايزه وجابر .. سميره ــ جب ..جيل أمي مسافرة ..تراني ما سافرت للحين .. فايزه ـــ والله هو اللي بدا .. جابر ـــ انا راويج يالسباله.. الجازي ـــ بما انكم ثري بويز (ثلاث أولاد ) ..فأنا وفايزه وسميره بنكون حزب الإناث .. جابر ـــ بس حنا ولدين .. الجازي ـــ لا ثلاثة ..نسيتوا فهد ؟؟ جابر ــ احنا حزب أمي مسافره .. فايزه ــ لا أحنا حزب أمي مسافره .. تميم ــ الحمدلله والشكر ..من زين الإسم .. الجازي ــ ايش هاذي امي مسافرة؟؟ فايزه ـــ خالتي بما أنج كنت غايبه عن الساحه الفنية ..فأنا وجابر بنقدم لج آخر صيحة في الأغنية الشبابية..يله جابر .. وغنوا مع بعض أمي مسافرة وهاعمل حفلة بس يا ريت ما تقيش على غفلة ..ولاجيراننا تبلغ عنا ولا الكهربا تعمل أقفلا.. وتم جيل المستقبل يغني وماخذ راحته وسط دهشة الجازي . سميرة ــ ميتين على هالأغنية رغم أنها في قمة التفاهه .. الجازي ـــ ما ينلامون .. طبقوا وجوب وصولنا للقمة ..حتى في التفاهه .. كان فهد الصغير نايم فما قربت منه الجازي علشان ما تنكسر قدام أختها وعيالها .. ********************** وصلت كندا أخيرا ..وتطلب سفرها وقت ..سافرت بالرغم من أن المديرة احتجت على اجازتها لكن الواسطة وما تسوي ونفوذ ندى قوي جدا .. زينب ـــ ندى أنت غرفتج مع منى ..وأمج بتنام في غرفتي . منى ـــ ما أحب حد ينام معاي بدون أهانة ..بس ما أحب .. سمرــ تعالي معانا في غرفتنا .. زينب ــ على راحتك يا منى ..ندى لو تبين روحي مع سمر و نهلة .. انصدمت ندى من تصرف منى واللي صدمها أكثر قبول خالتها بهالشي ..صج هي ما زارتهم من زمان بس .. سمرــ سوري ..اللي سوته منى مالها حق .. ندى ـــ لا عادي ..عندنا أخوي خالد نفس الشي ..منعزل ما يحب الإختلاط .. سمر ــ اعذريني بس ..حتى ولو . اعذريها تعرفين هنا في كندا غير الدوحة ..هنا كل على راحته . وللأسف منى لأنها أكبر وحدة فينا ما كان لازم تسوي هالشي . ندى ـــ خلاص بتمين تعتذرين لي طول الليل ؟؟ خبريني عن أخبارج . وجامعتج ؟؟ سمر ــ بكره تروحين معاي للجامعه ..تتكلمين انكليزي ؟؟ ندى ـــ لا ما أعرف شرايج ؟؟ أكيد أتكلم أحسن منج .. سمر ـــ بكره تروحين معاي ..بعرفج على أحمد .. ندى ـــ مين أحمد ؟؟ سمر ــ الفيانسيه تبعي .. انصدمت ندى.. ندى ـــ ما قلتي لي في الرسايل انج انخطبت؟؟وأخوي سعد ؟؟ سمر ـــ ندى افهميني ..انا مستحيل أعيش في الخليج ..ومستحيل أتزوج بواحد من أخوانج ..وما قلت لج لأني خفت ..أنج تقولين لأخوانج فيتصرفون ويمنعوني أصلا أمي ما تعرف عنه ..لما أتخرج بتزوجه ..امانة هالسر ..احتفظي فيه ولا تقولين لحد .. ندى ــ لكن .... سمر ـــ ندى افهميني ..انسي كلمة لكن ..أنا فكرت في الموضوع ولقيت أني من الصعب أرجع للخليج ..بتبهدل ..أنا أدرس الفاشون ديزاين .. وهالمهنة في الخليج نادرة ..بتندثر موهبتي ..لكن هنا ..هنا حياتي وهنا مستقبلي .. ندى ـــ ما أدري شقول الأزياء الحين في الخليج تطورت بشكل كبير أحسن من قبل بوايد .. سمر ــ لكن مب في المعايير اللي انا ادرسها ..وهنا المجال أكبر ..حتى يمكن ننتقل أمريكا أنا وأحمد وبعدين اوربا ..نكون مثل المجموعه المتجولة ..أتكلم وايد .أحلام وخطط المستقبل مع احمد .. ندى ـــ ..بس بتصير مشاكل وايد .. سمر ـــ ما بيصير لي شي ..أنا كندية وتعديت السن القانوني وحياتي أنا حرة فيها محد يقدر يتحكم فيني وأي واحد يحاول بلجأ للشرطة . ندى ـــ سمر ..أنت تقولين لي انج بتشتكين على اهلج ؟ سمر ــ من وفاة أبوي وأنا أحاول أني ألطف الجو ..المشاكل اللي بينا اوريدي وصلت للبوليس ..أنت ما تعرفين ..أنا ما أ أقول لج مشاكلي ..لأن كل واحد في حياته مشاكل وايد ..ما أحب أثقل عليك . ندى ـــ يعني انت مصممة ؟؟ سمر ـــ واتخذت قراري ..أحمد فاهمني ..وأنا وهو نتشارك نفس التخصص والميول وأهل أحمد أنا أحبهم وايد وكلهم موافقين على خطبته لي ومقتنعين بظروفي .. ندى ــ بكره بنشوف أحمد .وبشوف اذا يقنعني ولا لاء.. سمر ــ أنا ليش اخليج ناطرة لين بكره ..هذا هو ..شوفي الصورة .. ندى ـــ واو ..سعد أحلى .. سمر ــ ياندى صدقيني ..لا تحاولين تغريني بأخوج سعد ..أنا قررت أن بتزوج أحمد ..بس! ندى تنهدت وابتسمت وتمنت لسمر التوفيق لأن الكلام اللي بتقوله ما منه فايده ..كندا غير الخليج ..ودام تعدت السن القانوني ..مافي حد يجبرها على شي . سمر ــ وأنت ..ما توفقتي مع ابن الحلال؟؟ ابتسمت ندى ..ولأن العلاقة بينها وبين سمر قوية فقالت لها كل شي عن ناصر من اللحظةاللي دقت عليه بالغلط ..للحظة اللي طردها فيها من بيته .. ***************** كانت الجازي تمشط فايزه .في غرفتها .. فايزه ــ خالتي ..أنت حلوة وايد .. الجازي ـــ وأنت أحلى ..بس اكبري وتشوفون المعاريس مصطفين على بابج . فايزه ـــ خالتي ..أنت حلوة ..ليش فهد طلقج ؟؟ انصدمت الجازي من تفكير فايزه .اللي قالت ـــ نورة الخايسة بنت عمي نايف تقول انج مطلقة لأنج ... الجازي ـــ لأني ...كملي .. فايزه ـــ لأنج ما تييبين عيال ولانج عيوز .. ضحكت الجازي .. ـــ وانت يا فايزة شسويت لها ؟؟ فايزه ـــ قلت لها انت عيوز وماراح تييبين عيال ..وخليتها ورحت عنها . الجازي ـــ حبيبتي ..أنا حامل ..يعني أييب عيال ..وأنا قدامج ..يبين علي أني عيوز ؟؟ فايزه ـــ لا ..انت حلوة ..علشان جذي اسأل ليش طلقج ؟؟ الجازي ـــ محد يعرف ليش ..محد قدر يسأله لأنه سافر ..وبعدين الطلاق مو شرط علشان هالسببين ..في ناس ما تتفاهم ..وفي ناس ..تصير بينهم مشاكل ..ما أعرف أشرح لج مع أني .. سكتت الجازي حست أنها تتلعثم بالكلام ..فهد الصغير بدى يصيح ..صرخت سميرة وكانت في المطبخ . ـــ فااااااااااايزة ..شوفي أخوج .. الجازي لقتها فرصة أنها تتهرب من بنت أختها فقالت ـــ أنا بشوفه . لمي شعرج .. أول ما شافته رق قلبها له ...مسحت على شعره وشالته ..بدت تهزه وتضحكه ..ضمته لها ..وسالت دمعه منها .. وبدت تدور في الصالة وهي شايلته وتضحك له ..وهو يضحك لها ..ويمسك شعرها ويشده .. سميره ـــ الجاااازي .. وتركض وتاخذه من يد الجازي وتصارخ عليها ـــ ياهبلة نسيتي انج حامل ؟؟؟؟ الجازي ــ وش فيها اذا شلته ؟؟ سميرة ـــ الجازي مب زين ..لا تشيلين أي شي..وخصوصا فهد هالدب ..لاتشيلين شي ثقيل ..استريحي ..ايلسي .. الجازي ـــ عادي .. سميرة ـــ لا .. مب عادي ..انت ما تراجعين طبيبة ؟؟ الجازي ـــ ماطلعت من البيت إلا للمدرسة ومن المدرسة للبيت ..تصدقين بعض الأحيان أنسى أني حامل .. سميرة ـــ لازم تشوفين طبيبة وتتابع حملج .. الجازي ـــ أمي حملت وولدت خمس بنات وثلاث أولاد وأبوي يقولي أنها ماراحت المستشفى إلا علشان تولد بس .. سميرة ـــ لا ..لازم تروحين ..بعدين أنت سافرتي و أنت بأول اسابيع الحمل وهذا مب زين ..لازم تراجعين .. الجازي ــ تدريين بتبرع بهالياهل لعايده ..أنا مالي خلق لليهال . سميرة ــ بالعكس .حالة عايدة لازم تخليج تتمسكين بهالياهل اللي يمكن يكون السبب في رجوعج لفهد .. (عايده عقيم وزوجها وتزوج عليها )) الجازي ـــ وهو وين ريلي ؟؟؟؟ قامت الجازي وطلعت لغرفتها .. **** فهد في اللحظة كان ناطر نتايج التحاليل ..وكان خلاص فقد الأمل ..وتوقع انه بيموت لامحالة ..طرت على باله الجازي ..لكنه طردها من خياله ..تعب من الإنتظار ..فترك المكان كله ..طلع للمنتزهات وبدا يدور ..كان لابس الكاب بالمقلوب ..ويدور من مكان لمكان ومافي في مخه أدنى فكرة يمكن تشغله ..من مكان لمكان ومن زاوية لزاوية ..وهو يمشي ..ما حس بتعب ولاحس بعطش ..يحس انه محتاج أنه يزيح كل هالهم عن ظهره ..مل من الأدوية ومل من التعب والمرض .. المفروض أنه يرتاح ..لكنه مل...لأن مافي راحة يالله ..رحمتك..ملابسه وسعت عليه في هالأسبوع ..وهذا يدل انه خسر كيلوجرامات أكثر من وزنه ..عشر كيلوجرامات ثانية ويصير جلد على عظم ..طالع ساعته وانتبهه ان صار له ساعة الا ربع يمشي ..تذكر التحاليل ..فرجع للمستشفى .. علي ـــ وينك يا أخي أنا ناطرك من زمان وين رحت ؟؟ فهد ـــ أنت من متى هنا ؟؟ علي ـــ من ساعة ييت ..خلصت امتحان وطلعت ..مريت على ممرض أعرفه هنا ..وقال أن تحاليلك خلاص عند الطبيب .. فهد ــ صج ؟؟ وأخيرا نقعوني هنا ساعتين ونص .. علي ــ صراحه يستاهل الأمر الأنتظار .. فهد ما فهم فشرح علي ـــ أنا بلقافتي المعهودة يوم مالقيتك رحت للطبيب ..ولأن الطبيب شافني معاك أكثر من مرة فما تردد وقال لي أنهم نجحوا في التغلب على الخلايا المسرطنة .. كلام علي فهد ما صدقه .. ـــ علي ..أنت من صدقك تتكلم ؟؟ علي ـــ لا أمزح معاك .. تنهد فهد ـــ عرفت أنك كذوب ..وخر عن طريقي .. علي ـــ فهد !! كلامي صحيح .. والدكتور داخل روح اسأله .. فهد ــ مستحيل ..الشهر اللي فات قال الطبيب أن الخلايا تنتشر ..وما تستجيب للعلاج الكيماوي تقول لي الخلايا تغلبنا عليها ؟؟ومتى هالأسبوع ؟ياشيخ شوف لك واحد ثاني تقص عليه بهالكلام . علي ـــ وين ايمانك بالله ؟؟؟ فهد ـــ أنا مؤمن بالله ..ومؤمن بقدري ..وهذا من الإيمان .. علي ــ فهد اسمع كلامك ..انت شتقول ..أنا لو مكانك أفرح و أحمدالله .. فهد ـــ الحمدلله أحمد الله على كل شي ...وأشكره أني عشت للحين ...لكنك مب في مكاني .. فما راح تفهم . علي ـــ فهد انت ليش مستخسر الفرح في عمرك ؟؟ فهمني ؟ فهد المعت دمعه في عينه وقال بلهجة المكسور ـــ لأني اخاف افرح وأصدق ويطلع هالكلام مب صحيح ..ما أكثر الأغلاط ..وما أكثر الفحوصات ..لكن ايماننا بالواقع والوقائع ..وبحقيقة اللي يصير ..لازم ما يخلينا نغلط في استنتاجاتنا .. علي ـــ من وين تعلمت هالكلام ؟؟ فهد ـــ من فيزيا الحياة ..السعادة والفرح انك تقتنع باللي يصير لك وتتقبله وتعيش معاه ..وتبعد عن الأحلام اللي مستحيل تتحقق إلا بمعجزة ..وانا مو فاضي ..عمري ما يكفيني اني أنتظر هالمعجزة اللي يمكن تتحقق ويمكن لا .. علي بلهجة صادقة ..بعيدة كل البعد عن المزح ـــ لكنها تحققت ..المرض عندك الطبيب قدر يسيطر عليه ..ومع كم جلسة من العلاج الكيماوي ..بتقضي عليه نهائيا ..وهالكلام الدكتور نفسه قاله لي وشرحه لي لاني طالب طب و أفهم بهالأشياء .وأنا شفت البيانات ..وما في أخطاء ..الإسم اسمك وفصيلة دمك والمعلومات الشاملة عنك ..لو مو مصدق انا مستعد الحين اطلب منهم يعيدون التحاليل . علي كانت لهجته صادقة ..فهد ..لشي في نفسه ..كان يبي يصدق كلامه ..وعلي حس أن فهد صدقه , كانت نظرات فهد حايره ..علي ابتسم ..وقال .. ـــ والله يا فهد ان كلامي مصدق من ا الدكتور بنفسه .. ورفع ايدينه ..وفهد ما رده خايب ..أخذه بالأحضان و ما مسك دموعه ..ولسانه ينطق ..بالحمدلله ..بالحمدلله .. ******************************* **************************** كانت تلبس عباتها يوم دخل متضايق ـــ وين ناوية تروحين؟؟ دلال ــ عبدالله انت نسيت؟؟؟ مو قلنا أمس أن اليوم بنروح بيت أهلي ؟؟ عبدالله ـــ أي ..آسف نسيت .. دلال افصخت عباتها واقتربت منه ـــ عبدالله شاللي مضايقك ؟؟ عبدالله ـــ مثل ما توقعت ..حضرته ياي علشان الفلوس . دلال ـــ ومن حضرته ؟؟عن من تتكلم ؟؟ عبدالله ـــ عن غانم ..ومرته الحية منال . دلال ـــ ليش ؟؟ طلب منك فلوس ؟؟ عبدالله ـــ اييه .. دلال ـــ وليش معصب ؟؟ أخوك وطلب منك فلوس أكيد محتاج ..كم طلب ألف ؟؟ألفين ؟؟ عبدالله طالعها بنظرة استخفاف ــــ ألف ؟؟ طلب مني مية ألف ريال . ارتبكت دلال المبلغ وايد عود .. دلال ـــ شيبي يسوي فيها ؟؟ يبني بيت ويكمل اللي ناقص له ؟؟ ولا يشتري سيارة ؟؟ عبدالله ـــ لا ..يبي يلعب بالبورصة ..أنا أكد مثل الحمار وحضرته يجي ياخذ الفلوس ببساطة ويلعب بالبورصة ..ودايما ينسى يرجع اللي سلفته له . دلال ـــ أنت سلفته قبل ؟؟ عبدالله ـــ اييه ..سلفته عشرين ألف من ستة أشهر ,,وقبل سنة خمسين ألف . دلال ـــ معقولة ماردهم لك ؟؟ عبدالله ــ لا ما رجعهم وما أقدر أشتكي عليه أخوي ..وما عندي شهود أنه خذ مني الفلوس . دلال ـــ لا تعطيه .. عبدالله ـــ ما أقدر ما أعطيه ..يالله .. تنهد وتكلم ـــ كديت في وظيفة حكومي لسبع سنوات يالله جمعت مبلغ أفتح فيه مكتب وأستقل بشغلي ومن ثلاث سنوات وأنا أكد في المكتب على أمل اني بوسعه باللي يطلع لي من الشغل فيه ..يلا جمعت هالسنة هالميتين ألف لها المشروع ..وياي الحين يطلب مني امية ألف ..فلوس أبوه وأنا ما أدري . دلال ـــ ماله داعي تعصب وتحرق دمك ..قول له ما عندي .. عبدالله ــومن قالج أني ما قلت له ؟؟بس هالنسرة زوجته ابحثت من وراه وواجهني أن عندي ميتين ألف .وبعدين ..هو أخوي الصغير . دلال ـــ دامه يلعب فيها ليش تعطيه انت مب ملزوم تخسر عليه فلوسك .. عبدالله ـــ بيفضحني ..وشغلي أهم شي فيه الأمانه ..أنا مجبور ..أنا ما أقدر أدفع له إلا خمسين ألف بس لأني أحتاج الفلوس اللي باقي .بيفضحني .. دلال ـــ عبدالله انا عندي في حسابي مبلغ ..وأقدر أساعدك .. عبدالله ــ لا يا دلال ..أنا ما أبي فلوسج .. دلال ــ انا وانت جيبنا واحد .. وفلوسك فلوسي .. عبدالله ـــ بس ما توصل للحد أني آخذ فيه من فلوسج .أنا أشتكي لج ..لكن ما أطلب منج .. دلال ــ عبادي ..شالكلام ..أنا زوجتك ..مب طبيبة نفسية ..بعطيك المبلغ .. بس ها ..يوم تعطيه لخوك ..خلي في دليل .. عبدالله ــ مستحيل أكتب أخوي ايصال ..أو سند أمانة .. دلال ـــ مو شرط تكتبه ..لا اكتمل المبلغ عندك ..أعطه له لكن قدام أمك وخواتك وقدامي .. عبدالله ـــ بيفتشل .. دلال ـــ أحسن علشان يرجعهم ..وأبيك تقوله بالحرف خذ المية الف اللي تبيني أسلفك اياهم ..جذي ما بينكر أنك سلفته .. عبدالله ـــ لكني مفتشل ..ما أبي آحذ من فلوسج .. دلال ـــ عبدالله ..لا نتكلم في هالموضوع .. وهم طالعين مني بطيب خاطر وأنا ما أحتاجهم .. عبدالله ـــ خلينا من هالموضوع الحين . البسي عباتج بنروح لأهلج ..وبعدين بنروح نتعشى بره .. دلال ـــ ايه جذيه ..خلينا نعيش رومانسية .. عبدالله ــ منى في بيت جدها ؟ دلال ـــ اييه ..خذتها اليوم خالتها . ما أعرف شسمها .. ودلال في السيارة ..رنت في بالها كلمات أمها..علشان فلوسج ..وشككتها في عبدالله ..اللي ما مر على زواجهم كم شهر ..وطلب منها فلوس ..لكنه ما طلب منها فكرت محتارة ..هذا غير سالفة المخدرات اللي بسفر أحمد ما قدرت تتأكد منها .. الشكوك كل ما يا لها تكثر حول عبدالله ..ودلال عايشة بحيرة .هي تحب عبدالله ..لكنها للحين ما قدرت توثق فيه كل ما تحاول يطلع لها شي يزحزح هالثقة .والمصيبة ما تقدر تواجهه ..لأنها تحبه ..وما تبي مشاكل معاه .ما تعرف تشكي لمين ..وما تقدر تشكي للجازي لأن اللي فيها كافيها .ومب زين لحملها الضيقة والحزن . ******************************* |
الحلقة الثلاثين ... ************** تميم ــ خالتي البيتزا اللي سويتيها روعة .. جابر ـــ صج .خاصة أنج كثرتي من الموزريلا ...ممممم سميرة ــــ من حسن حظج انه أطروا على البيتزا .. بوسند ـــ صج يالجازي من حسن حظج ..هذا الجيل ما يشكر .. تميم ـــ والله يا يدي حنا نشكر ..بس بالانقليزي ..thankyou aunt.. الجازي ــ جيل أمريكا ..عايش في أمريكا ..مب هنا .. جابر ـــ خالتي شفيكم علينا جيل جيل جيل ,,احنا مو عاجبينكم ليش ؟ مالنا رب ؟؟ الجازي ـــ حسافة يدتي مو هنا ..ولا لوسمعتك تصارخ جذي قصت لسانك .. فايزه ـــ حسافة .. سميرة ـــ بس ..كلو وانتوا ساكتين ..ما قلت لي يا يبه متى تسافر وتيب جدتي ؟؟ بوسند ــ خليها هي تشوف أهلها بالسنة احسنة دامكم هنا مع الجازي مافي خوف ..خليها على راحتها .. الجازي ـــ بس يا يبه أخاف تتعب هناك ..خصوصا انهم بدو .. بوسند ـــ خوالي الله يسلمج ..شايلينها في عيونهم ..وهي مب مقصرة ..تحب الهوا هناك ..يخليها تتنشط شوي ..وأنا وصيت على خدامة لها ..يمكن بتم شهر وشي.. سميرة ـــ بس حنا ما بنطول ..أسبوعين وبنرد بيتنا .. الجازي ــ أنا ما أبي بيبي ستر ..أقدر أعيش بروحي ,,,لحظة أنا مب بروحي أبوي معاي .. تميم ـــ يدي كله مطيح في الديوانيات ..ولا قدام الدش ..شلون تبينه ياخذ باله منج ؟؟ بوسند ــ من حطك وصي عليها ؟؟ هذي بنتي ..لو سمحت ..مالك شغل .. سميرة ــ يبه أنت تقول مالك شغل للوحيد اللي يتدخل بكل شي . عيسى دايما يهاوشه ويقول له مالك شغل في الناس ..لكن من تكلم .. بوسند ــ حفيدي العزيز ..لا كبرت شناوي تصير ؟؟ تميم ــ يدي ..لاكبرت؟؟ أنا كبير لكن لو كان سؤالك شناوي تدخل لا وصلت الجامعه أقولك ادارة واقتصاد .. بوسند ـــ زين ..توقعتك بتختار صحافة .. تميم ـــ ليش اورط نفسي بالبهدلة ..ادارة واقتصاد ..احسن .على الأقل .أكون على علم بأمور التجارة .. بوسند ــ تجارة ؟؟ ناوي تتدخل مع أبوك في تجارته ؟ تميم ــ ابوي ..لا ..ناوي أنشأ بنفسي تجارتي وشركتي ..يدي حنا نتكلم عن أشيا يمكن تصير أو ما تصير ..أنا مو واثق . بوسند ــ وأنت يا جابر؟ جابر ــ أبي أصير مطرب ..أو طيار .. بوسند ـــ ما أستبعد الأولى و أشجع الثانية ..وأنت يا فايزة ؟ فايزة ـــ أبي أصير بيزنس وومن ..أبي أشارك أبوي في تجارته دام جابر يبي يصير طيار وتميم يبي شركة بروحه .. بوسند ـــ ونعم الإختيار ..الجازي من الحين زني على ولدج لا بنتج اللي قي بطنج أنها لازم تصير مدرسة .. الجازي ـــ وشمعنى مدرسة أنا أبيها طبيبة .. بوسند ـــ طبيبة ولا طبيب ..المهم ما تطلع لنا وتصير رقاصة. ضحكوا الكل للحظة بعدين رجعوا يتكلمون عن البيتزا .. ******************** طالعت دلال الجازي وهي تتكلم عن عيال أختها شلون ..للحظة الجازي رجعت مثل قبل ..اللي ما تسكت دقيقة ..وتسمع كل شي ..هالأسبوع اللي قضته مع عيال أختها وأختها ملا عليها حياتها ..وخلاها تنسى فهد . الجازي ـــ لو تصدقين تميموه هذا شلون يهذر ..ما أدري طالع على من .. دلال ـــ ومن غير خالته ؟؟ اللي صدعت لي راسي أيام قبل من كثر الهذرة ؟؟ الجازي ـــ اووه ..سوري صدعتج بكلامي عن العيال ..بس ما تصدقين شطانتهم .. دلال ـــ ما صدعتيني ..بالعكس اشتقت لسوالفج ..وزين لقيت لج شي ينسيج همومج .. الجازي تسكت دقيقة وتسرح وتقول بصوت مخنوق ـــ ومن قال لج أني نسيت همومي ؟؟ كل لحظة يصيح فيها فهد الصغير ولا يبكي تخنقني العبرة ..أتذكر فهد .. دلال ـــ الجازي ..لا تصيحين ..كملي لي سالفة تميم ..وبعد شسوى لجابر يوم اكتشف انه غشه بالدمينو ... الجازي ـــ دلال ..خلي عنج هالسبالة تميم وجابر ..شلون منى معاج ؟؟ ما تتكلمين عنها وايد .. دلال ــ عادي علاقة عادية . أهتم فيها و أربيها بس ما أحس أنها تحبني ..بس متعلقة فيني لأني الوحيدة اللي أهتم فيها .. الجازي ـــ وعبدالله ؟؟ دلال ـــ مشغول ..لازم يوسع مكتبه ..شغلة جذي ..وأنت راجعتي علشان حملج ؟؟ الجازي ـــ سميرة أختي أجبرتني وراحت معاي ..كل شي اوكي ..والله ندى لها وحشة .. دلال ــ ايه ..صج ..وحتى سعاد ..سمعت أنها تتحسن الجازي طالعت الساعة وجهزت أوراقها .. دلال ـــ ..بتشرحين لهم اليوم درس جديد؟؟ الجازي ـــ لازم ..مع أني ما راجعت معاهم الدروس اللي راحت ..صراحة ..أنا متأخرة في المنهج . دلال ـــ متأخرة ؟؟ كم درس يعني ؟؟ الجازي ــــ خمس دروس كل واحد أطول من الثاني ..ما أقدر أشرح لهم كل مع بعض ..بينجنون ..الدروس تبي وقت ..يله يستوعبونها .. دلال ـــ بغياب ندى ..وهي تقريبا خلصت المنهج خذي حصصها .. الجازي ـــ الحركة اللي سوتها ندى غريبة ..شلون تغيب جذي وتخلي البنات ..ست سحر منقهرة وايد منها .. دلال ـــ ندى تقريبا خلصت المنهج مع طالباتها ..بقى لها كم درس وتمارين بس ..لا تنسين أنها كانت تاخذ حصصي وحصصك وحصص سعاد يوم كنا نغيب ..كانت حاطة في بالها انها بتسافر السنة قبل الامتحانات النهائية ..بس هي سافرت مبجر . .. الجازي ـــ يعني لاخذيت حصصها ما بأثر على البنات وأخرهم في الأحياء ؟؟؟ دلال ـــ لا ..ندى باقي لها شوي وتختم المنهج ..وأعتقد ست سحر بتيب لها منتدبة ..مع أن مافي داعي ..خذي انت الحصص بدل اللي خذتها منك .. الجازي ـــ وسعاد ..ضاعت حصصها كلها .. دلال ــ ست سحر قالت لي ان بديلة سعاد بتوصل نهاية هالأسبوع ..اجازة سعاد الطبية بتكون لآخر هالسنة .. الجازي ـــ خوفي الكبير من الموجهه ..أنا متأخرة في دروسي ..و...بأي لحظة بتدخل علي . دلال ـــ الجازي في وقت أنج تتداركين اللي فات البنات ..ولا تخافين عليهم من الضغط ..بيفهمون ...وبعدين لا خلصت راجعي لهم ..وفهميهم أكثر .. الجازي ـــ هالبنات هالسنة حظهم زفت مع المدرسات ..ما يتهنون في مدرسة شهر على بعضه إلا ويصير لها شي.. دلال ـــ قولي هم ناحسين المدرسات ..شوفينا العام محلانا ..والسنة شلون انقلبت أمورنا .. رن الجرس في هاللحظة ..كانت حصة الجازي .. ******************************** علي ـــ بترجع الدوحة الشهر اللي ياي ؟؟ فهد ـــ لا ...ما برجع لين ما أتأكد أن المرض بح .. علي ـــ لكن بتطول .. فهد ـــ عادي ..بس أرجع بصحتي ..وأستلم شغلي ..اللي نسيته ..وأشوف أمي ..ياني مشتاق لمي ..ما سمعت صوتها من أشهر ..ولا خواتي ..وعيال خواتي الميانين .. علي ـــ انشاء الله هانت .. فهد ـــ ايه ..الحمدلله ..الحمدلله ... علي ـــ بتتزوج ؟؟ فهد ـــ اييه...بتزوج .. علي ـــ اذا تبي مساعدتي , عندي لك وحدة .. فهد ـــ لا ما يحتاج ...المرة موجودة .. علي ـــ موجودة؟؟من ؟؟ فهد ـــ من غيرها ؟؟؟ المطيرية .. علي ـــ ناوي ترد لها ؟؟ فهد ـــ ناوي اشيلها بعيوني ..وأتزوجها .. علي ـــ بس انت طلقتها .. فهد ـــ طلقتها مرة وحدة .وآخر مرة .. علي حب يغلس على فهد ــــ بس يمكن تلاقيها تزوجت واحد ثان في هاللحظة .. انتفض فهد ,,لا ..لا ..انا أعرفها ما بتتزوج واحد غيري .. علي ــ وليش واثق جذيه ..خلها عنك ..البنات ماشاء الله تارسين البلاد ..شوف لك وحدة أصغر عنها ب12 سنة .. فهد ـــ والله ما أخذ غيرها وما أتزوج غيرها ..ولو توصل الأمور للقتل .. علي ـــ هدي أعصابك ..ماتوصل الأمور لها الدرجة ..انشاءالله ما توصل الأمور لها الحد ..شفيك ما يقدر الواحد ياخذ معاك ويعطي .. فهد ترك علي وطلع من الشقة ..وضاقت فيه الدنيا ..الجازي من أحلى البنات وأحسنهم بالأخلاق ..ما يستبعد اللي قاله علي ..وهالشي خلاه يخترع .. **************** أفكاره تسافر وتخطي بلاد ..ونفسه ومنى عينه ..يعرف خبر ..صج اجرحته ..وصج اضحكت عليه ..لكن يظل لها في القلب معزة .. رن تيلفونه . شاف الأسم ..العنود .. طنش . تلاقيها مديونة ولا انقطع تيلفونها ..التيلفون تم يرن .. فتح الدرج وحط التيلفون فيه وصكر عليه ..بليبه رن ..هالمرة رقم هناء الخبله ..طنش ..طلع من الغرفة كانت فاطمة تقلب بقنوات التيلفزيون .. ناصر ـــ شتسوين ؟؟ فاطمة ـــ ألعب كورة ولا أسرق بنك .. ناصر ـــ أنت ملانه ؟؟ ليش ما تطلعين؟؟ فاطمة ــ وين اطلع ؟؟قبل مع ندى أطلع وأتجول الحين مع مين ؟؟ ناصر ـــ الريم اختج ...ولا مريم بنت عمج .. فاطمة ـــ مريم عندها امتحانات ..ونفس الشي الريم ..وبعدين أموت لو طلعت مع الريم تم تتفلسف على راسي طول الطلع وتشرح لي أسباب المشاكل في هالعالم كأني ما أدري .. ناصر ـــ أرجوج عن ندى اللي تطيحج بمشاكل وبلاوي .. فاطمة ـــ ندى ما تورطني بأي مشاكل ..بالعكس أنا وياها قريت كبل ..والوناسة كلها معاها بعيد عن الغلط.. ناصر ـــ قومي البسي عباتج .. فاطمة ــــ ليش ؟؟ ناصر ــــ بطلعج ..وخلي عنج هالملل . فاطمة ـــ صج بتطلعني ؟؟ ناصر ـــ ايه وعندي موضوع أبي أتكلم معاج فيه .. فاطمة ـــ عطني ربع ساعة .. ناصر ـــ أعطيج لين أوصل السيارة ..بله .. ******************* عبدالهادي يتحاشاها , وهي نفس الشي ..سمر لاحظت هالشي ـــ ناصر استولى على قلبج ؟؟؟ونساج عبدالهادي؟؟ ندى ـــ ليش أنا حبيت الثاني ولا حبيت الأول ؟؟ أنت تعرفين عدل من اللي في قلبي ..لا تستعبطين .. سمر ـــ أدري ..توقعتج نسيت .. ندى ـــ تناسيت هي الكلمة الأصح .. سمر ـــ اتس سو فني هاو ذا هارت ألويز جووز ذا رونغ مان .. ( مضحك جدا كيف القلب يختار دائما الرجل الخطأ) ندى ـــ سمر الله يخليج ..لا تتفلسفين .. سمر ـــ ماشاالله ندى انت صايرة الدون جوان . والمصيبة في الأخير انت دايما الخسرانة ..سيف ..وعبدالهادي ..وآخرهم ناصر ..حطمت الرقم القياسي في عيلتنا .. دخلت منى في هاللحظة ,, منى ـــ من ناصر ؟؟ سمر ـــ واحد ..يقرب لندى ..وأنت شدخلج نوت يور بزنس . منى ـــdon’t tell me ..fatema brother. ندى ـــ شدراج ؟؟ منى ـــ you told me years ago . ندى ـــ مستحيل . ناصر السنة دخل حياتي .. منى ـــ لا ..انت كنت تتكلمين عنه مرة من المرات اللي زرتينا فيها .. ندى ـــ أنا من كم سنة ما زرتكم ..والزيارة الأخيرة منت مخطوبة فيها لسيف . منى ـــ نو ..بيفور سيف ..وي وير توكنج ابوت .. ندى ـــ تكلمي عربي .. منى ـــ اوكي ..قبل سيف ..مرة كنا تنكلم فيها عن كل وهدة ومن تتوقعه زوج لها ..وقلت لي انج تحبين ناصر .. ندى ـــ ما أتذكر مستحيل ..انت تقولين وهو يقول أني كنت جذي ..بس أنا ما أتذكر .. سمر ــ قلت لج الدون جوان ..من كثرهم ما تتذكرينهم .. ندى ـــ والله يا سمر مالي خلق لج . منى ـــ اوكي لا تصدقيني ..بس عندي شغله بتذكركك .. ندى ـــ شغلة ايش ؟؟ منى ـــ come with me to my room .no .wait I will bring it . سمر ــــ منى مهووسة ..ما تحب حد يقرب من أغراضها ولا يدخل غرفتها ..ولو لاحظت حتى السلام من بعيد لبعيد ..عندها فوبيا من الأمراض ..تخاف تنعدي . ندى ـــ ليش ما تشوف طبيب نفسي ؟؟ ما كانت جذي أيام قبل .. سمر ـــ صار فيها هالشي بعد ان اكتشفت أن صديقتها اللي كانت تنام في نفس الغرفة في السكن في الجامعه فيها ايدز ..طلعت من السكن وردت البيت ..وتعقدت . ندى ـــ مسكينة ... دخلت منى ومعاها صورة قديمة .. ندى ــ ايش هذي ؟؟ منى ـــ صورة ناصر ..مع الخيل .انت عطيتيني اياها وقلت لي انكم رحتوا مع بعض لعزبة عمج ..وهناك حبيتيه ..لأنه كان وايد طيب معاج . امسكت ندى الصورة ..وضحكت ..كان ناصر ضعييف وايد وشكله غير عن الحين ..كان قصير شوي..تذكرت ندى انها حبته ..تذكرت من شافت صورته ..كان يضحك ..ويطالع للكامير ..تذكرت ندى انها هي اللي صورته ..وكانت أول مرة تشوف فيها فرس ..لأن عمها توه اشترى العزبة ..ومعاها هالخيل ..تذكرت ..لكنها كانت مراهقة ..ومشاعر المراهقين غير ناضجة .. ندى ـــ تذكرت ..كنت صغيرة . كنت ما أعرف عن هالدنيا شي .. سمر ــ يعني انت كنت تحبينه ؟؟ ندى ـــ لا ..كنت أحب هذا ..ناصر الطيب ..الحبوب ..لكن ناصر اللي تعرفت عليه هالسنة ..ماكان نفسه ..علشان جذيه ما تذكرته ..لأنه مو نفس الأنسان اللي حبته ندى المراهقة ..اللي مشاعرها ما كانت واضحة ..وما كانت ناضجة ..وبعدين يا .سيف و عمى عيني عن ناصر بشهادته ووسامته . وثروته ..كنت صغيرة . ياهل ..لكني حطمت ناصر .. منى ـــ ناصر نفسه كان صغير ..يمكن نسى ..مثل ما نسيتي .. ندى ـــ حتى ان نسى قبل ...فالحين مستحيل ينسى ..صج اني غبية ..غبية .. هلت دموعها .. منى ـــ لا ..لاتقسين على نفسج ..محد يسوى دموعج ... سمر ـــ منى أنتي ما تعرفين ..لو تعرفين كان قدرتي دموعها . منى ـــ tell me ..شاللي ما عرفه ؟ ******************************* فاطمة ـــ انت شقلت له ؟؟ أنا مو موافقة بعد الي سواه فيني .. ناصر ـــ عبدالعزيز شرح لي كل شي .. فاطمة ـــ وأنت صدقته ؟؟ ناصر ـــ ليش ما أصدقه ؟؟ الريال كان فاهم غلط متأثر في هله وعلى باله انه بيعيش معاهم وهو ما يحب المشاكل ..قرر انه يتزوج من بره العايله ويسافر ويفركش كل شي معاج لأنه ما عرفج ..ولأنه خاف يظلمج . وما يوفر الراحة ..وسط أمه وزوجة أبوه ..أبوه كان ناوي يزوجه ويعطيه قسم في البيت العود ..وانت شفت أهله شلون ..لكن الحين بعد وفاة أبوه استقل بنفسه ..واستقل بشغله.. فاطمة ـــ مستحيل ..هو نفس أخوه ..الكلب اللي حطم ندى ..هو نفس الشي يبي يحطمني ويلعب علي .. ناصر اعتفس من كلمات فاطمة لكنه قال بلهجة محترمة ـــ فاطمة الريال شاريج ..وأنا أول واحد بعرف اذا كان يبي يلعب عليج ولا لا ..وعبدالعزيز غير سيف ..أنا معاشرهم ثنينهم ..وأعرف طباعهم .. فاطمة ـــ لكنه اشتكى عليك .. ناصر ـــ وبنفس اليوم تنازل ..وأنا غلطت عليه وطقيته وهو ما قدر يسوي شي والأمور كبرت ويت الشرطة وخذتنا المركز لأنه كنا بمحل عام ..وكان في شهود اني غلطت عليه وتهجمت عليه .. فاطمة ـــ انت تدافع عنه ليش ؟؟ ناصر ـــ لأني أعرف مصلحتج .ومصلحتج في الزواج منه . فاطمة ـــ عطني مدة أفكر ..وأسأل ندى .. ناصر ـــ وش دخل ندى ؟؟ أنا ما قلت لج مالج دخل فيها واقطعي علاقتج بها ؟؟ فاطمة ــ حرام عليك والله انك ظالمها .. ناصر ـــ انت ماتعرفين شالسلفة وانا مالي خلق اشرح لج وان كنت ظلمتها فانت ظالمة عبدالعزيز أكثر ..خلينا نخلص عشانا ..ونروح نتمشى .. *************************** عصبت دلال ,,هذي المرة العاشرة اللي تتحرش فيها منال ..وترفع لها ضغطها .. ام عبدالله ـــ دلال ..يمه ..ماعليج منها .. دلال ـــ عمتي ليش متعبة حالج وراكبة الدري ..انت ما تقدرين عليه .. ام عبدالله ــ شفت كلمة منال يوم تكلمت عن العيال ضايقتج .. دلال ـــ عمتي لا تضيقين خلقج بسوالف منال ..مالها داعي ..أنا رحت الطبيبة وقالت مافيني شي ..وأنا ما عصبت من هالموضوع بس عصبت من تدخلها في حياتي وهذي مب أول مرة ..استريحي . واسندت ام عبدالله لين ما جلست على الكنبة .. ام عبدالله ـــ أعرف منال حشرية ..وتتدخل في اللي مالها فيه ..وهذا الشي من زمان ..طول عمري اتمنى انها تودر هالطبع ..بس يايمة لولا هالطبع كانت مصالح ريلها راحت وطي ..غانم وليدي مسجين ..طيب وعلى نياته ..وخبل ..وبيضيع بطيبته ..ومنال هي اللي حافظة فلوسة و شغلة وكرامته .. دلال ــ أنا ما قلت شي ..بس ياليت ما تتدخل في حياتي ولا تسألني أي شي ..مالها حق علي ومالي حق عليها تسأل عني .. أم عبدالله ـــ بس السؤال اللي اسالته كل الناس تسأله .. دلال ـــ لا يا عمتي ..هي لو يات على السؤال هذا بس ما زعلت ..لكنها تتدخل أكثر من مرة ..اليوم العصر اسألتني عن وظيفتي ..وامس عن عبدالله وليش يرضى اني اشتغل ..ودايما تسألني اذا بطلع ببيت بروحي ..ولا اطرش منى بيت يدها علشاني اكرهها ...ارجوج خالتي لا تفهميني غلط ..هي تتدخل بحياتي والألعن لما تعطني أفكار وتقولي ليش ما تسوين جذي .. ام عبدالله ـــ كانت عبير الله يرحمها من طيبتها تتأثر بكلام منال دايما ..وكانت المشاكل بينها وبين عبدالله بسبة منال ما تخلص ..ووصلت مرة أنه عبدالله طق عبير ..وكانت آخر مرة زارت فيها منال بيتنا قبل وفاة عبير ..منال تغار من السعادة بين عبير وعبدالله ..فتخلق لهم المشاكل ..كأنهم كانوا ناقصينها .. دلال ـــ عمتي ..أمثال منال ..اعذريني . لازم ما تفتحين بيتج لهم . ام عبدالله ــ انا فتحت بيتي لأبني ..ولكل عيالي .. ***************** هاي وسوري اني تأخرت عليكم وايد ..لكن انشغلت شوي ...مشكورين جدا على الردود وتفاعلكم الرائع مع القصة ...وحلوة التوقعات منكم واعذروني لاني ما أشارك بمواضيع المنتدى لأني بصراحة مشغوولة جدا ..وشكرا لكم وهذي التكملة .. مر اسبوع ثاني ..واليوم الأحد ..سعاد حست انها بتنقهر من وحدتها وجلسة البيت ..تأففت متمللة .. التلفزيون مافيه شي ..وأخواتها بالمدرسة والجامعة . ..وأمها من الصبح راحت مع أبوها العزبة ..وهنوف راحت السوق اليوم ..بالعادة كانت تزورها هالحزة وتسليها .. عندها العصر موعد في المستشفى ..طالعت التيلفون ..لكن في من تتصل هالحزة ؟؟؟ الكل في اشغالهم ..طالعت الحبوب المنومة اللي اعطاها اياها الطبيب ..ما ترددت ..شربت حبة ..مع قلاس حليب .. ******************* تحس أنه حيط ..يعني ما حس بحبها له ؟؟ عيونها كل ما تلتقي بعيونه ..تفضحها ..الخجل اللي ينرسم فيها ..ويهها لما يحمر ..وهو ..أبد ..كأنه شي عادي كأنه يكلم أخته ولا الخدامة ..عيونه ما تعطيها أي تفسير ..صج اللي الأيام اللي راحت كان في كلام وايد بينها وبينه ..لكنه ما يعطيها أي اهتمام .. خلود ـــ وين سرحانة ؟؟ لدرجة أنس مالاحظتي أن دانة راحت للمراجيح البعيدة ؟؟ شيماء ـــ ها؟؟ دانة ..تعالي العبي في هالمراجيح ..تعالي .. خلود ـــ وين كنت سرحانة ؟؟ شيماء ـــ مالس خص .. خلود ـــ شيماء ..أنت مو مثل قبل ..ليش ما تتكلمين معاي وتشكيلي همومس ؟؟ من تزوجتي ابتعدتي عني ..لهاالدرجة محمد استولى على حياتس ؟؟ ضحكت شيماء ..وفكرت في نفسها ..شقولج ؟؟ أنا ومحمد عايشين مثل الأغراب ؟؟ كل في عالم . شيماء ــ خلود ..سامحيني ..بس انشغلت مع البنات ومحمد ...وكل حياتي صارت بينهم ..قبل أكلمس عن المدرسة ..والطالبات ..لكن الحين ..البنات ما خذين وقتي ..وسوالفهم انتي تعرفينها .. خلود ـــ كلميني عن محمد ..شلون يتصرف معاس ؟؟ ييب لس هدايا؟؟ وين تطلعون..أنا ما أحس أنس متزوجة .. شيماء ـــ آخر مرة طلعنا مع بعض كانت أمس ..رحنا للسينما ..وبس ..اما الهدايا فلو تموتين ما راح أقولس عنها .. خلود ــ ليش ؟؟ شيماء ـــ لأنس صغيرة ..لازم ما أفتح عيونس على هالسوالف .. خلود ـــ وانت ومحمد كل ما تكلمتوا قلتوا انتي صغيرة؟؟الشرهه مب عليكم على اللي يسألكم .. شيماء ـــ تذكريني بالغالية ..كل ما تسألني أقول لها انت صغيرة تعصب وتقول أنا متزوجة . خلود ــ خذتنا السوالف ..شوفي دانة وسارة ماخذين راحتهم .. شيماء ــ ذكرتيني أتصل في أمي ..تقول أبوي تعبان هاليومين .. خلود ــ سلامته عمي شفيه ؟؟؟ شيماء ـــ ما أدري بس بكلم مرت أبوي ..هي تعرف عنه أحسن من أمي .. خلود ــ للحين أبوج ما يحب أمج؟؟ مو خلاص انحلت المشاكل ؟؟ شيماء ــ انحلت ..اييه لكن القلوب مب صافية على بعض ..أبوي ما يدخل بيت أمي ..كله في بيت العنود ..وأمي ما تتكلم معاه وايد .. خلود ـــ اييه ..الضرة وما تسوي .. كلمة خلود انفلتت منها بدون وعي ..ولما انتبهت انها تكلمت جذييه ..نزلت راسها ... ـــ آسفة شيماء بس انت غير .. شيماء بمرارة ـــ انا غير أنا ذبحتها من القهر ..وماتت .. خلود ـــ والله صالحة ما كانت مقهورة .. شيماء ـــ مستحيل ..مافي وحدة يتزوج عليها ريلها ما تنقهر. شوفي البنات ..يلعبون ولا مهتمين بأحد ..الشارع وراهم ..تعالي نبعدهم .. ******** **** يوسف ــ شقال أبوي ؟؟ دلال ـــ وافق ..وكلم عمي أول أمس ..ارتحت الحين ؟؟ يوسف ـــ أرتاح أكثر لو تقولين لي وين سافر أحمد وفيصل .. تتأتأت دلال ـــ ما أدري .. يوسف ــ قالت لي حمدة أنج تعرفين .. دلال ــ وانت صدقت هالخبلة؟؟ أنا أعرف انهم سافروا بس وين ما عندي فكرة . يوسف ـــ أنا أحس أنج تعرفين .. دخلت سارة لغرفة يوسف ـــ يوسف ما قلت بتاخذني للصالون ؟؟ وين وعدك ؟؟ دلال ..منى لطخت ثيابها بالطين اللي في المزرعة .. دلال ــ لا ..لا تقولين ..يالله .. وطلعت دلال وشالت منى وخذتها الحمام و غسلتها ولفتها بمنشفة وصعدت لغرفتها ولبستها ثياب ثانية .. مسكت يدها ورجعت لغرفة يوسف .. سارة ـــ حرام عليك كل يوم تقول بكرة .. يوسف ـــ روحي مع دريول دلال .. دلال ـــ أنا ما عندي دريول عبدالله هو اللي وصلني .. يوسف ـــ أنتوا ليش ما تحطون دريول ؟؟ طلباتكم وايد .. سارة ــ ما أحب أركب مع دريوليه ..يله تاخذني ؟؟ دلال ـــ خذها يا يوسف .. سارة ـــ وأنت تعالي معانا ..قصي شعرج أو اصبغيه .. وشعر منى ..سوي تغيير .. دلال ـــ ما قلت لعبدالله .. سارة ـــ سويها مفاجأة له .. دلال ـــ اوكي ..مع أني أدري انج تبيني أدفع التكلفة لج ..بس ما عندي مشكلة .. سارة ـــ أنا عندي فلوس طيرت من أبوي خمسمية اريال . يوسف ــ وحمدة ما تروح معاكم ؟؟ سارة ــ حمدة مو هنا حمدة عند بيت عمي ..بتبات هناك .. دلال ــ والمدرسة ؟؟؟ سارة ـــ بتغيب بكره ..بتزور مدرسة عليا ..بروح ألبس .. دلال ـــ بمر أمي وأشوفها حالها .. يوسف ـــ أمي عند حياة ..مرت أخوج ابراهيم .. دلال ـــ ليش ؟؟غريبة ..ما تروح بالعادة .. يوسف ـــ أنا سمعت طراطيش كلام ..بس حياة شكلها حامل .. دلال ــ يحليلها ..بمرها اليوم فالليل .. يوسف ـــ دلال ,.ما أشوفج مستقرة ببيت ريلج ..هذا سابع مرة تزورينا في هالأسبوع .. دلال ــ لا ..مافي شي بس عبدالله مشغول في المكتب ..وأنا أحاول أغير جو .. لكن الحقيقة أن منال صارت تضايق دلال وايد ..وعبدالله حس في هالشي رغم أن دلال ما تشتكي ..فحب أنها تبتعد عن منال ..لين ما تسافر هالأخيرة . ************************** سارة ــ قصي شعرها خليه بوي ..هاي الموضة .. دلال ـــ بيذبحني عبدالله ان قصيته بوي .. سارة ــ قصيه حرام البنت صغيرة على العجفة ..وأنت مالج خلق تمشطينها كل يوم .. دلال للكوافيره ــ قصيه لها بوي ..بس خلي فيها انوثة ..الغرة خليها مثل ماهي ..ومب حيل قصير ..لا ..شوي ,, الكوافيرة ــ فاهمة ..وحضرتك ؟؟ دلال ــ أنا عادي ...ساوييه .. سارة ـــ لا ...بليز قصيه وصبغيه ,, دلال ــ أنا يله خليته يطول لين نص ظهري ..تبيني أقصه ؟؟ سارة ـــ أنا عن نفسي ما أحب الشعر الوسط ...يا طويل ..يا قصير ..وسوي تغيير لوك ..نفسيتج بتتحسن .. دلال ـــ لا ,,ما أبي أقصه .. سارة ـــ غير أن نفسيتج تتحسن ..طلتج تحلو ..وأنا أشوف القصير عليج روعة ..مع صبغة جذي نحاسي على بني ..بيتغير اللوك .. دلال ـــ شسالفة نفسيتج هذي ؟؟ سارة ـــ آخر مرة رحت للأخصائية مالت مرض السكري كنت مكتئبة ..فانصحتني أسوي تغيير في حياتي ..أقص شعري ولا أسوي ريجيم ولا أروح نادي ..وأنا صراحة ..محتاجة تغيير ..فبقص شعري وأصبغة بني .بدل من اللون الأسود الكئيب .. دلال ـــ أوكي ,,بقصه ..بس انت اختاري القصة .. سارة ـــ أوكي ..بس ما تشوفينها إلا لما تخلصين من كل شي . دلال ـــ وأنا شدراني اذا ما بتصبغين شعري أخضر ؟؟ سارة ـــ مافي ثقة ؟؟ وبعدين الأخضر ما نزل للحين ..بينزل يمكن السنة اللي جاية .. *************************** دلال ــ حلو اللوك على منى ..مطلعها حلوة ..وبريئة .. الكوافيرة ــ ماشاء الله البنت حلوة أوي ..عيونها العسلية ..زي عيون أبوها ؟؟ سارة ـــ ابوها عيونه مب عسلية صح؟؟عيونه سود.. دلال ـــ لا ...جدتها عيونها عسلية . الكوافيرة ـــ الله يخليها لاهلها ..نعيما.. طالعت دلال شعرها وانصدمت .. دلال ـــ ساره هذا وايد قصير ؟ سارة ـــ لا ..بالعكس روعة .. نعيما بينجن عبادي الليلة عليج.. الصبغة وايد حلوة عليج .. دلال ـــ اما عبدالله اليوم بيذبحني ..على شعر منى وشعري .. سارة ـــ بيذبحج من الحب.. دلال ـــ جب جب .. ******************** انصدمت ندى من طلب سمر .. ندى ــ من زايد؟؟؟؟؟ سمر ـــ صديق أحمد اماراتي ..شافج معاي أمس ..فطلب من أحمد أنه يتعرف عليج . ندى ـــ أنت خبلة ؟.؟؟ تبين تجيبين أجلي ؟؟لو درى عبدالهادي ولا أمي بيذبحوني .. وبعدين انت العاقلة اللي تعرفين الأصول يطلع منج كل هذا ؟؟ سمر ـــ كندا ما أكبرها ..طلعوا انت وياه لمطعم بعيد عن عين عبدالهادي وأمج ...وبعدين اذا لقيتي نفسج تميلين له أنا برتب لج الأمور.. ندى ـــ سمر ..اصحي ..هاذي حركات بنت لعوب ..ايش تميلين له وهالخرابيط .. سمر ـــ itsnothing ....all the girls do that ندى ــ سمر ,,لا تخليني أحجز تذكرة للدوحة بكرة الصبح ..قولي لأحمد أني رافضة الفكرة .. سمر ـــ وأنا قلت أنج هنا بعيدة عن القيود ..وتأخذين راحتج . ندى ـــ آخذ راحتي في ايش ؟؟ في الهياته والصياعة ؟؟؟ سمر ــ at least I give you achance you refuse it . ندى ـــ مستغنية ..وبفخر .. سمر ـــ قولي انج خايفة وجبانة ..السالفة كلها ثقة ..ثقي في نفسج . ندى ـــ انا واثقة من نفسي ..وأهلي وواثقين فيني ..لكن اذا اليوم زايد بكره مارك ولا ستيف .. سمر ـــ كيفج ************************** رن التيلفون ...ورفعت شيماء السماعة .. الغالية ــ شيماء ..تعالي ..الحين .. شيماء ـــ عسى ما شر .. الغالية ـــ انشاء الله ما في شر ..بس تعالي ..أبوي طالبس . شيماء ـــ اوكي عشر دقايق .. التفت شيماء لخلود وكانوا توهم راديين من الحديقة .. شيماء ــ بروح بيت أبوي اتمين مع البنات ؟؟ خلود ـــ شصاير ؟؟ شيماء ـــ ما أدري الغالية تقولي تعالي ..ابوي يبيني ..تمين مع البنات ؟؟ خلود ـــ اييه ... خذت عباتها ونادت الخدامة وطلعت .. طول الطريق وبالها مشغول .وأول ما وصلت البيت على طول راحت قسم مرت "أبوها ."" استغربت امها واقفة عند الباب .. أم سلطان ـــ ها بنتي .. شيماء ـــ يمه انت هنا في بيت مرت ابوي؟؟ معقول ؟؟ شصاير عسى ابوي ما فيه شي؟؟؟؟ ام سلطان ـــ ما أدري ..أخوانس ناصر وسلطان داخل .. شيماء ـــ والعنود؟؟ ام سلطان ـــ في غرفة بناتها .. طلع سلطان وهو منخطف لونه وطلع ناصر وراه سلطان ـــ شيماء ..أبوي طالبج . شيماء ادخلت وكان قلبها مقبوض ـــ سلامات يبه .. وباست راسه وكان ممد وشكله تعبان وايد .. بو سلطان ــــ شيماء ..يبه ..أبيج ....أبيج تسامحيني ان ظلمتج .. شيماء ـــ يبه شالكلام .. أنا بنتك ..وكلمتك على راسي .. بوسلطان ـــ بس انا ظلمتج ..زوجتج بدون رضاج .. شيماء ـــ يبه أنا من ايدك هذي لايدك هذي ..وانت تعرف مصلحتي وين.. وأنا ما معترضة .. بوسلطان ـــ يبه أنا كنت ابيج تتزوجين ..خصوصا انج كبرتي وصرت مدرسة ..ومافي اخير من ولد عمج ..وسامحيني ان غلطت معاج في يوم من الايام . شيماء ـــ يبه ... قاطعها بوها ـــ بس يا شيماء ...نادي لي امج.. شيماء ـــ ما تشوف شر يا يبه ..انشاء الله تقوم بالسلامة .. وطلعت من الغرفة وقلبها منقبض .. شيماء ـــ يمه ..أبوي يبي يكلمس.. تدخل أم سلطان ..ويرجع ناصر مع سلطان .. ناصر ـــ خلينا ناخذه للمستشفى ..شكله تعبان ..وايد .. سلطان ـــ شيماء امي داخل ؟؟ شيماء ـــ اييه ..سلطان ابوي وايد تعبان ..اخذوه المستشفى .الحين .أنا خايفة عليه .. وما قدرت تمسك دموعها .. سلطان ربت على كتف شيماء ـــ انشاء الله ما فيه شي ..الحين بس تطلع امي وناخذه المستشفى .. طلعت أم سلطان وهي زعلانة .. ـــ أبوكم تعبان ...دخلوا له .. ناصر ـــ بناخذه للمستشفى ..تعال سلطان نسنده .. شيماء اختلت بأمها .. شيماء ــ شقال لس ؟؟ ام سلطان ــ طلب مني السموحة اذا غلط معاي ..وأنا أولا وأخيرا بنت عمه .. شيماء ـــ يمه هدي خاطرس ..لا تصيحين .. أم سلطان راحت عن بنتها وقلبها مهموم ..مهما صار يتم ريلها وعزوتها وبو عيالها .. **************************** |
الحلقة الواحد والثلاثون . ************ عبدالله ابتسم من شاف اللوك الجديد لدلال .. عبدالله ـــ مفاجأة ... دلال ـــ عاد عجبتك ولا لا ؟؟ عبدالله ـــ وايد روعة ..الله .شالحلاة.. دلال ـــ أعجبك يعني ؟؟؟ عبدالله ــ وايد .. اللون حلو ..ومنى هالمفعوصة صايرة حلوة مع هالقصة .. دلال ــ هي حلوة من زمان .عاد اليوم اسألتني الكوافيرة اذا عيونها عسلية مثل عيونك .. عبدالله بحزن .. ـــ عبير كانت عيونها عسلية .. دلال ــ توقعت هالشي أنا سمعت عن عبير وايد لكني ما شفت لها صورة .. عبدالله ـــ شايفة منى ؟؟ دلال ـــ اييه .. عبدالله ـــ زودي عليها عشرين سنة ..نسخة طبق الأصل عن عبير ..كل ما أشوف منى أتذكر عبير ..يرف قلبي ..اشتقت لها وايد ..وايد .. عبدالله انتبه على نفسه انه تكلم أكثر من اللزوم زما راعى وجود دلال .. دلال انتبهت للدمعه اللي المعت في عيون عبدالله , غارت ..وحست أنه يجرحها ...لكنها قالت ـــ عبادي كلمني عن عبير ..ابي أعرف كل شي عنها .. عبدالله ــ لا يا دلال ..مو من مصلحتج تخليني أتكلم عنها ..أنا جرحتج وأنا آسف .. دلال ـــ عبدالله أرجوك ..أنا بحيرة ..أبي أعرف عن عبير أبي حد يتكلم عنها , أبي أفهم شالصورة اللي خلتها في بالكم ..طيفها موجود دايما وراح يكون موجود لأخر عمري ..في منى ..في أهلها ..فيك ..أبي أفهم ..أبي أعذركم لما تتكلمون عنها .افهمني عبدالله افهم حيرتي .. عبدالله ــ أنا فاهمج ..بس ما بساعدج اذا تكلمت ..ما أقدر ..اسألي أي حد غيري .. ******************************* ضحكت وايد على تميم وفايزة اللي يتهاوشون على الريموت .. فايزة ـــ حطه على أي ارتي الموسيقى .. جابر ــ أبي اشوف الرياضة الجازي ـــ جابر علشاني أنا مو حيل مع الرياضة ...بلييز حطه على الموسيقى .. فايزة ـــ عاشت خالتي ناصرة حزب الاناث. جابر ـــ تميم شرايك ؟؟ تميم ـــ أنا عن نفسي حطه على فيلم أجنبي .لكن دام خالتي اطلبت منك الموسيقى حطه عليها .. جابر استسلم ..وكانت اغنية احلام( أحسن ..) الجازي ــ الأغنية حلوة بس الفيديو كليب مسخرة .. فايزة ــ أنا معاج يا خالتي ..مو حلو الفيديو كليب همجي .. جابر ـــ بالعكس هذي الموضة .. فايزة ـــ تكلم خبير زمانه .. جابر ـــ يالدبة ,..جب . الجازي ـــ فايزة أضعف منك .. فايزة ـــ الله ...رضا العبدالله ..مطربي المفضل ..زود الصوت .. وبصوته العذب .. ((ظالم ظالم ؟؟حبيبي أكبر ظالم قلبي الوحيد لامسكين .. بإيدك وقع يا ظالم قسوتك هدت حيلي مجروح أساهر ليلي يا ما كنت تشكي لي .. الله الوحيد العالم .. يا ما طبيبك كنت أسهر لك وأرعاك .. تمسكنت وتمكنت وجرحت من داواك .. شكرا حبيب القلب ...ه هذي جزاة المحب .. ما عندنا أي ذنب ...الله الوحيد العالم . مشكلتي أحبك أنا ياللي حملتني جراح .. لو تعتذر ..لأبتسم وبلحظة أنسى اللي راح ... ارجع على أولك ..من غيري يتحملك ... أعذار أخلق إلك ..الله الوحيد العالم ..)) الجازي قامت من عند عيال اختها ..والدمعه مخنوقه في عيونها ..أول ما صكرت الباب .. هلت دموعها ...تذكرت فهد ..حطت يدها على بطنها اللي برز شوي ... اندست في فراشها وتمت تصيح ... في نفس الوقت تحت فايزة ـــ شفيها خالتي الجازي .. جابر ـــ توها ما أحلاها معانا ..قامت جذي معصبة وما ردت علي .. تميم ـــ كل منكم يالخبول ياللي تحبين رضا ..شوفي أغنيته شسوت في خالتج ..ذكرته باللي نسته .. فايزة ـــوشاللي نسته ؟؟ تميم ـــ ما راح تفهمين يالبهيمة ... فايزة ـــ لا تقولي بهيمة ..ترا أقول لأمي . تميم ـــ ياليت علشان لما تعرف شاللي صار بخالتي تهزأج . سميرة ادخلت شايلة بإيدها صينية قاتوه .. سميرة ـــ وين الجازي ؟؟؟ تميم ـــ يمه خالتي تضايقت من اغنية ..اطلعت غرفتها شوي تعبانه ..ايه نسيت أقول لج اتصل ابوي لما كنت في الحديقة . سميرة ـــ بكلمه بعدين اروح أشوف خالتكم .. تميم ـــ يمه ..خليها ..بروحها ..تراها ضايقة ..روحي لها بعد عشر دقايق .. سميرة ـــ هذي الجازي لا خليتها متضايقة دقيقة وحدة بروحها ضميري يعذبني .. طلعت سميرة فوق ..ولقتها في سريرها ودموعها مغرقة المخدة .. سميرة ـــ الجازي ..ما قلنا انتهينا ؟؟ الجازي ـــ ما أقدر ..الله يسامحه حتى صورة له ما عندي .. سميرة ــ انت ما قلتي لي انج كرهتيه ؟؟ الجازي ــ لا ..هو حياتي ..ودنيتي كلها ..مهما حاولت أكرهه ..ما أقدر..مشتاقة له ..مشتاقة له ..أبي بس أشوفه ..ولا أسمع صوته .. سميرة ـــ حبج له حرام .. الجازي ـــ المصيبة ما أقدر أتخيل نفسي أكرهه.. بظل أحبه لآخر عمري .. سميرة ـــ ما راح ينسيج حبه إلا شي واحد .. الجازي ـــ مع أني ما أبي أنسى حبه ..بس ..شاللي بينسيني اياه ؟؟ويفكني من هالعذاب .. سميرة ترددت ..لكنها قالت الموضوع اللي في بالها .. سميرة ــ ابن عم عيسى ريلي ..عمره ... انصدمت الجازي وقامت من سريرها .. الجازي ـــ انت شتقولين؟؟؟؟؟؟؟؟؟؟؟؟؟؟؟؟ سميرة ـــ خليني أخلص كلامي ...عمره 37 سنة ..أرمل ..عنده ولدين ..وبيشيل ابنج او بنتج في عيونه ..هو طلبج من قبل ..بس أبوي ما ,, قاطعتها الجازي ـــ سميييييييييرة أنت تبيني أتزوج .؟؟؟ مستحيل . مستحيل ..وفهد .. سميرة ـــ الجازي ..اهدي ...اهدي ..فهد ..يمكن يموت .. الدكتور قال لابوي ان المرض يقاوم العلاج . علشان جذيه ابوي ..ما لام فهد .. الجازي برعب ـــ يموت ؟؟؟؟؟ فهد ..يموت ؟؟؟؟ وشلون ما قلتوا لي ؟؟؟يموت ؟؟ ويخليني ؟؟؟يعني اعيش في هادنيا وفهد مو فيها ؟ يتركني ؟؟ سميرة ـــ هو تركج في اللحظة اللي طلقج فيها . الجازي ـــ لا ...فهد ..انت تكذبين .أبي أروح له .. سميرة ـــ اذا دليتي له طريق ..فهد اختفى ..بح ..حتى أهله ما يعرفون له طريق ..حتى ان مات .. بيموت بروحه ..وبيندفن بعيد ...بعيد .... كلمات سميرة كانت قاسية على الجازي اللي صاحت فيها . ـــ لا ...لا ...لا ...طلعي بره ... سميرة ـــ بطلع بره لكن فكري انج بكره بتعيشين بروحج ...فكري بمصلحة هالطفل ..يبي له أبو ..وأخوان ..وبيت ..فكري بصالح .. ولد عم عيسى ...وأنا أشوف أنه خوش ريال .. طلعت سميرة ..والجازي صكرت الباب وراه بقوة ..واستندت على الباب ..وتمت تبجي .. ****************************** انصدمت دلال ..طالعت هيفاء بنظره افهمتها هيفاء .وابتسمت ورفعت كتفها مثل اللي مالها حيلة .. كانت منال قصت نفس قصة دلال ..واصبغت شعرها ..نفس الصبغة .. دلال ـــ الله ..شكلج وايد حلو ..( ابتسامة مجاملة ) منال ـــ صج ؟؟؟ اللون مب راكب على لون بشرتي .. دلال ــ عادي . غير البودر اللي تحطينه واستعملي درجة أفتح. منال ـــ انت تطنزين علي ؟؟؟ دلال ـــ انا أعطيتج نصيحة ..مثل النصايح اللي تعطينها لي دايما .ما قلتي لي متى تسافرين ؟؟ منال ــ الأسبوع اللي جاي انشاء الله . دلال التفت لمنى اللي تلعب بالمكنسة الكهربائية المركونة على جنب . دلال ـــ منى ..لا تلعبين .. لكن منى طنشت .. دلال ـــ قلت لا تلعبين .. وراحت عندها وشالتها وحطتها على الطاولة بقربها .. منال ــ ما كنت أصدق لما يقولون أن زوجة الأبو ..قاسية .. دلال ـــ أنا مو قاسية ..منى بنتي .. منال ــ ما أشوف هالشي , كل اللي أشوفة شلون تصارخين عليها وما تخلينها تلعب .. دلال ـــ أنا أخليها تلعب ..وأنا ما أصارخ عليها .. منال ـــ هذي طفلة ياهل ما تفهم ..المفروض تعاملينها بليونة ..مب تقسين عليها . دلال ــ منال أنا ما أقسى عليها ..وأنا ما أحتاج نصايحج في التربية لأني ما أشوفها نافعة مع عيالج . منال ـــ عيالي ؟؟؟؟ لا حبيبتي ..عيالي مربيين عدل . دلال ـــ باين . شالت منى وطلعت قسمها ..مطنشة كلمات منال ..ولكنها قبل أن توصل الباب ..انتبهت على عبدالله يتكلم (( أنا أعزج ....لا وقلت لج الموضوع انتهى لا نتكلم فيه ... .............. لو مهتمة كان بينت اهتمامها في الوقت اللي كنت محتاجها فيه .. انتهينا ...أرجوج ..لا تفتحين هالموضوع بعد اليوم ,اذا لي خاطر عندج ..مع السلامة ..)) صكر التيلفون وهو يتنهد .. دلال لفت فيها الدنيا ..من اللي يكلمها ؟؟؟ يعزها ؟ يالله ..ليش كل ما يالها الشكوك تزداد حولك يا عبدالله؟؟؟ الحين من هذي الي في حياتك ..يالله ..أنا مو مكتوب لي الراحة أبد ,,وماعندي الجرأة أسأله ..أسأله عن ايش ولا ايش .المخدرات ولا الفلوس ..ولا هذي اللي يكلمها ..من هذي ؟؟ حبيبة؟؟ ولا زبونة ؟ ولا ايش بالضبط؟ ادخلت ودمعتها في عيونها .. عبدالله ـــ دلال ..شفيج؟؟ دلال ـــ ما في شي .. جبنت ..وما قالت له عن شكوكها .. عبدالله ـــ أكيد منال ...اللي من يوم ما يت ..وأنت كل يوم معتفسة .. دلال ـــ عبدالله ..تشوفني زوجة أب قاسية لمنى؟؟ سكت عبدالله ..دلال جافة بتعاملها مع منى ..لكنها قالت لعبدالله هالشي ..واعترفت له ..وهو فهم السبب ... عبدالله ـــ أشوفج الانسانة اللي تحتاجها منى ..بالضبط الانسانة اللي تحتاجها منى . دلال ـــ ما جاوبتني ,,تشوفني قاسية؟؟ عبدالله ـــ أشوفج قمر الليالي .. هزت راسها بلا ..وابتسمت .. دلال ــ تصدق منال سوت نفس قصة شعري ونفس الصبغة؟؟ عبدالله ـــ غريبة ،أخاف بكره تترك غانم و تاخذني . دلال ــ تخسي ..محد يقدر ياخذك مني .وخصوصا هالمنال . عبدالله ـــ يله بصير انا الأسد وأنت اللبوات اللي تتهاوشون من تاخذني . دلال ـــ صج ؟؟ ..لو صح لك مب لغانم أنك تتزوج منال ..تتزوجها؟ عبدالله ـــ حبيبتي ..اذا شفت صورتها ..بتعجبني لأنها جميلة جدا ..ويمكن أقرر أتزوجها بسرعة ..لكن من أول ساعة من جلوسي معاها بطلقها ..لأن ما ينقصني وحدة تسير حياتي ..أنا ريال ولازم الكلمة الأولى والأخيرة لي ..بالعربي ما أحب المرة المتسلطة. دلال ـــ بس أنا متسلطة ..يعني انت ما تحبني؟؟ عبدالله ـــ انت مو متسلطة ..أنت تحبين أن رأيج ينسمع ..وهذا الشي يعجبني فيج ..تحبين الكل يحترمج ..فارضة وجودج .. التفت عبدالله في هاللحظة يلاعب منى ..طالعت له دلال ..وغمضت عيونها .. (( يالله ..أحبه وما أبي أخسره ..أخاف أول ما أقوله اللي في بالي يقول لي انت ما توثقين فيني . يا أحمد متى ترجع ..أبي أكلمك ..أبي أشكي لك ..أبي أسمع رايك..)) ***************************** (( أنا مجنون ..الفكرة مجنونة ..لكن أقدر آخذ راحتي وأفهمها..أنا ليش مستعجل ..كلها كم أسبوع وترجع ..لكن ما بقدر أكلمها على راحتي ..هناك أقدر ..ليش لا ..أنا مليت الانتظار ..انا احبها ومشتاق لها ..وأبي أتزوجها أخاف تضييع مني ...ليش لا ؟ هالأسبوع بسافر لها ..وبنفرد فيها وأكلمها مثل ما أبي ..ندى ..انطريني ..أسبوع وأكون عندج في كندا ) قام من على سريرة ..وفتح الدرج وين جواز سفره .. تصفحه . لازم يجدده ..ويبدأ حياة جديدة ..انتبه للأختام ..فرنسا وبريطانيا ومصر و ماليزيا ..وبكل دولة خمس ولا ست حبيبات ..هذا غير اللي هنا ..لازم يمحي كل هالماضي .. ************************* سمر ـــ ندى يله .. ندى ـــ الحين عطيني منت . أم ندى ـــ وين رايحين؟؟مافي جامعة هالحزة .. سمر ـــ خالتي انا عازمة ندى ..بمشيها في كندا .. ام ندى ـــ انتوا كل يوم طالعين مكان ..ما نشوفكم . سمر ـــ خالتي انا عرفت ندى على صديقاتي وهم ما يبونها ترجع الدوحة الا مستانسة وما تنساهم ..فبعد العشا بنروح معاهم الحديقة . ام ندى ـــ يا بنتي البلاد غريبة .. سمر ـــ لا يا خالتي البلاد آمنه ..عن اذنج .. زينب ـــ خذوا عدالهادي ولا محمد معاكم .. سمر ـــ يمه ما راح نطول الساعة عشر بنكون هنا ..وبعدين بركب سيارة عبدالهادي ..والرحلة بناتية بينحرج. طلعت ندى من الغرفة ..وطلعت مع سمر .. ندى ـــ ما أفهم ليش ما خليتي حد من أخوانج يي معانا .. سمر ـــ بقابل احمد ..وما ابيهم يشوفوني معاه . ندى ـــ اذا انت مع احمد ..أنا مع مين بكون؟؟ سمر ابتسمت بخبث ـــ معانا ..احمد هو اللي عازمج ..حتى هو اللي اعطاني فلوس للبترول . ندى ـــ أنا مو مرتاحة . سمر ـــ انت مو تقولين ل انكم في الدوحة تطلعين لاماكن وايد بروحج؟؟ ندى ـــ لا تقولين وهنا نفس الشي ..لا .هناك اكون بروحي ومو مع البوي فريند.. اوصلوا للمطعم واحجزت سمر طاولة .. ـــ ندى بليز ..انت كوني داخل انا احب اكون على الطرف . ندى ـــ اوف ...بتحجزيني غصب؟؟ اوكي ..بس لا ييلس البوي فريند مالج قدامي . سمر ـــ علاقتنا بريئة .. فلا تنادينه البوي فريند ... ندى ـــ هذا هو شرف .. قرب منهم ..أحمد يبتسم .(أحمد كندي من أصل لبناني ). أحمد ـــ هاي بنات . سمر ندى =اهلين. أحمد ـــ بس ما كون طولت عليكون؟ ندى ـــ لا .. احمد ــ كيفيك سمر؟؟ حبيبتي انتي بخير؟ سمر ـــ فاين حبيبي آم فاين .. أحمد ـــ طلبتوا؟؟؟ سمر ــ لا ...ناطريكم .. انتبهت ندى للجمع .. ـــ ناطرين مين غير احمد؟؟؟ سمر ـــ ماحد ..احمد بس ..شو نبدأ بالمقبلات ولا تشربوا شي أول ؟؟ مرت عشر دقايق وأحمد وسمر طايحين سوالف عن اللي سووه في يومهم ..أشر أحمد . ـــ شوفوا من هون ..تعال هون ..خيو.. التفت ندى وين احمد يتكلم ..كان شاب وسيم له عارض وملامحة حلوة ..أسمر البشرة عكس احمد ..لابس شيرت رمادي و جينز اسود. جسمه كان رياضي ..نزلت ندى عيونها .. احمد ـــ أهلين كيفيك ..أوه نسيت أعرفك ..سمر خطيبتي ..وندى بنت خالتها . صبايا اعرفكن ..زايد محمد ..صاحبي ورفيقي .. ندى افهمت ان سمر وأحمد سوا فيها حركة خايسة .. سمرـــ أهلين ..تشرفنا ..تفضل .. ندى ـــ تشرفنا .. قالتها ببرود واعطت سمر نظرة حادة تهربت منها سمر .. احمد ـــ أنا بدي اقعد مقابيل خطيبتي ما عندك مانع تدخل لجوه مقابيل ندى ؟ زايد ـــ أنا أخاف أثقل عليكم.. أحمد ـــ لا يا خي ..عزومة جماعية وكل ما كان عددنا اكتر كلما احلوت . زايد ـــ على جذي ..ما ارفض دعوتك . ندى طنشت ..وتمت تطالع من الواجهه ..هالموقف البايخ اللي حطتها فيه سمر ما بتنساه لها .. سمر انتبهت ان ندى مطنشة الكل وتطالع من الواجهه ..لكزتها لكن ندى تجاهلتها .. أحمد أنقذ الموقف ـــ ما حكيتي لي يا ندى انت شو بتشتغلي؟ ندى بدون نفس ـــ أعتقد سمر قالت لك شو بشتغل . أحمد ــــ والله ما حكيت لي .. ندى انحرجت ـــ أنا مدرسة . احمد ـــ يماشاء الله ..مدرسة ايش؟ ندى ـــ أحياء. أحمد ـــ ومالك عم تتكلمي بالقطارة؟؟كلمة كلمة؟ ابتسمت ندى له ـــ اعذرني احمد أنا مصدعة ..ومافيني اتكلم. وسمر تعرف هالشي . سمر بخبث ـــ ما قلتي لي . زايد ــ انت من الدوحة؟؟؟ ندى ترددت ما تبي تفتح موضوع معاه. فهزت راسها بنعم ـــ مم.. زايد ــ أنا عندي أهل في الدوحة ساكنين في الوكرة . ندى بهمس ـــ صحيح.. زايد ــ يقولون بعيد عن الدوحة ...خالتي عايشة هناك ..ما ادري اذا تعرفينهم ..بس اسمهم .. ندى في هاللحظة سرحت وتذكرت غلطتها مع ناصر ..حست بندم .. زايد يتكلم ..وندى تهز براسها سواء باي ولا لاء ..وهي مو مركزة بكلامه . تفكر متى تخلص هالعزومة وترجع البيت وتكفخ سمر . زايد ـــ ما أشوفج مرتاحة ..أنا مضايقج بوجودي؟؟ ندى كانت سرحانة لا اراديا هزت راسها بنعم ـــ مم.. انتبهت لنفسها ـــ عفوا ايش كان سؤالك؟؟ زايد انحرج ..وفهم ان ندى بنت محافظة وما تحب هالعلاقات . زايد ـــ كنت اسأل ..دامكم ما عملتوا حسابي في العشا للحين ممكن استأذن؟؟ احمد ـــ لا يا خيي..ما بتروح.. زايد ـــ أنا مرتبط عندي موعد شكرا احمد ..ممكن تفسح لي الطريق . أحمد ــ زايد انا آسف .. زايد ـــ لا ليش تعتذر انا آسف خربت عليكم سهرتكم وضايقتكم .. كان وجهه ندى صار احمر من الاحراج ..ومنزلة راسها .و تتظاهر انها تعدل حجابها . وأول ما راح زايد صرخ أحمد في سمر ـــ منيح هيك؟؟؟ أحرجتوا الشب. سمر ـــ ليش تصارخ علي .. أحمد ـــ ما بنت خالتك احرجت صديقي ..هايدا سبب لاعصب . ندى ــ أنا قلت لكم اني ما ابي اتعرف عليه وهاللعبة ما تعجبني . أحمد ــ ومن قال لك انها لعبة؟. يمكن تعجبيه وتتجوزا . ندى ـــ ومن حاطك خطابه؟؟ من قال لك اني ابي اتزوج؟؟ سمر اعذريني انا بطلع من هنا . خطيبج يهيني .. سمر ـــ ندى اهدي .. وقامت عن طريقها وطلعت ندى سمر ـــ مالك حق تكلمها جذييه. أحمد ـــ ما شفتي شو عملت بالشب؟؟ أحرجته إدامنا . سمر ـــ ولو مالك حق تصارخ عليها ..أنا بروح معاها . أحمد ـــ والعشا؟؟ سمر ـــ كله لوحدك. طلعت وكانت ندى تصييح عند السيارة .. سمر ـــ ندى انا آسفة . ندى ــ آسفة؟؟ سمر ــ هي تجربه والواضح انها ما نجحت خلاص .don't cry.. ندى ـــ سمر الله يخليج ..خلينا نرجع البيت . سمر ـــ لا ..بنمر ونتعشى من أي مطعم وجبات سريعة بعدين نرجع . ندىـــ ماني جوعانة الحين . سمر ــ عادي ..مو كل واحد ياكل جوعان . **************** في اليوم الثاني ... دخلت الهنوف لعند سعاد وهي مرتبكة .. سعاد ــ الله يهديش ..شلون ما أشوفش من يومين؟؟؟ الهنوف ـــ كان عندي ظروف .. سعاد ـــ وليش كا تردين على التيلفون ؟ الهنوف ـــ كنت مشغوولة .. سعاد ـــ بايش مشغوولة ؟ الهنوف ـــ كنت أجهز البيت حق حفلة .. سعادـــ حفلة ايش ؟؟؟ الهنوف ـــ حفلة خطبة خلفان ...خلفان خطب والشهر اللي ياي بيملج .. لفت الدنيا في سعاد ..وانصدمت ..خطب؟؟ تأتأت ــ انت شــ..شـــتقووو...ليــن ..خلــ...فـان خـ..ط.ب الهنوف ـــ أي من يومين خطب ..وانت ليش مهتمة ؟؟ أنت ما تتذكرينه ..ولا تعرفين عنه شي .. سعاد انقبض قلبها بقوة والدمعه هلت من عينها ..حست بنار بنار . بلوعه .. ـــ هنوف ..وأنا ..خلفان يحبني ..شلون يتزوج غيري؟؟؟ أنا أحبه ..ليش ؟؟ ..أنا نذرت نفسي له ..ليش .. الهنوف ـــ خلفان صار عمره في الثلاثين .. سعاد ـــ نطرني كل هالسنين ..ويات على هالكم شهر؟؟ يعني يرد كرامته ؟؟ يجرحني مثل ما جرحته قبل؟ ينتقم مني يتركني بعد ما صرت عاجزة؟ الهنوف ــ هدي نفسش يا سعاد ما يحتاج كل هالبجي ..أنت مو نسيتي خلفان؟؟ خلفان قطع الأمل أنش تتذكرين ..وخلاص .. سعاد ما قدرت تتكلم ..لفت راسها عن الهنوف ..واغرقت بدموعها ..تركتها الهنوف واطلعت ..لكن قبل ما تطلع .. الهنوف ـــ تراش معزومة على الحفلة ..بعد بكرة .خلفان طلب مني أوصل لش الدعوة ..واعتبري كأن ما شي صار .. بعد ساعة من دموعها الحارة ..طلعت دفترها .. (( خيانة .. لا..بل ..نهاية .. وهذا ما خفت منه طوال حياتي ..النهاية .. سأرسل لك في الغد أغلى الهدايا .. وأهنئك .. فقد انتصرت ... وأحلتني بهزيمتك إلى إحدى السبايا) ******************************* رجعت شيماء البيت وكانت تعبانه .. محمد عصبية ـــ وين كنت؟؟ من الصبح طالعة والبنات عند خلود ؟..وين كنت ؟؟ شيماء ــ في المستشفى .. خفت نبرة العصبية وقال بصوت واطي محمد ـــ ليش ؟؟فيج شي ؟؟ شيماء ـــ أبوي في المستشفى .. ابوي تعبان ما قالت لك خلود؟؟ محمدــ ما سألتها..شفيه عمي ؟ عسى ما شر .. شيماء واخنقتها العبرة ــ تعبان ..الدكتور يقول هذا عمره ..الحين هو طايح ..بين الحياه والموت .. محمد لم شيماء في حضنه ..ودموعها بللت ثيابه .. ـــ انشاء الله يقوم بالسلامة .. لا تصيحين ..انشاءالله مافيه شي.انت ليش ما قلتي لي ؟ شيماء ــ ما ..حبيت أشغل لك بالك .. محمد ـــ انت روحي الحين وغيري ملابسج ..وارتاحي ..وانشاء الله ما يصير إلا خير . سندها لين وصلها لغرفتها ..وعند الباب وقف .. شيماء ــ ما بتدخل ؟؟ محمد ــ انت تعبانه ..مو في وعيج .. بوصلج لسريرج .. دخلها تحت الغطا ..و عدله .. شيماء ـــ تهقى أبوي يموت؟؟ .. محمد ــ لا انشاءالله ..فال الله ولا فالج .. شيماء ـــ اذا مات وين يروح ؟؟ الجنة ولا النار؟؟؟ انصدم محمد ..كلامها غبي ..طفلة اللي تتكلم الحين .. محمد ـــ انشاءالله الجنة ..لا تتكلمين جذي أحس أن عقلج كبر عقل دانة . اسم الله على عمي من النار .. شيماء ــ بس بعد اللي سواه لامي ..عذبها .. محمد ــ عمتي بتسامحه ..وبعدين أي عذاب هو ما ارتكب جريمة ..شيماء انت تهذين ..تهلوسين .. شيماء ـــ لكنه تزوج عليها ..وخلاها تصيح ..وتكرهه ... محمد ــ هذا مو ذنب ..هذا شرع ..واذا كان هذا كلامج ..فيعني أنا بروح النار ؟؟ شيماء ـــ لا ..اسم الله عليك .لا تقول جذي .. محمد ــ وأنا بعد أنا تزوجت على زوجتي ..وخليتها تصيح ..يالله ..شيماء شوف نفسج وانت تتكلمين كأنج ياهل ..دانة ما تفكر جذيه . شيماء ــ لكنه ظلم ..كان ظالم ..كان كله يعذب أمي ..ظلمنا أنا وأخواني ..وبكل بساطة ..قبل وفاته يطلب السموحة ..بحجة أنه لمصلحتنا .. محمد ـــ شيماء صدقيني محد يعرف مصلحة عياله كثر أبوج ..ولولا ظلمه ..و قسوته على أخوانج ..ما انجحوا الحين وصاروا بأعلى المناصب .. شيماء ـــ لكنه حرمهم من الكلمة الطيبة ..حرمهم من أنهم يلعبون مثل الأطفال ..كانوا من المدرسة لمحله ومن محله للمدرسة كله يطقهم ..ويطقني معاهم ..ومع عيال العنود.. ما مد يده على أحد .. محمد ـــ لأنه ببساطة أخوانهم الكبار موجودين ويقدرون يصرفون عليهم ..ماتشال هم الصغار لأنه ربى الكبار عدل .. ون كان عليج ..أنا ماقدر أتخيل أنه لو ما وافق على زواجي منج ..شسوي ..يمكن . بموت من القهر ..لاني أحس أنج موجودة في حياتي قبل ان تدخلينها ..لج مكان ..دايما .. شيماء ـــ بس انت مو سعيد معاي .. محمد ـــ أنا راضي ..المهم انت معاي .. مدت يدها له ..لكنه امتنع وقام وبند النور ـــ تصبحين على خير .. طلع وصكر الباب وراه ..ماكان يبي يستغلها هي تعبانه الحين ..وهو للحين ما برى من احساسه بالذنب لموت صالحه .. أما شيماء ..فغمضت عيونها ..ونامت على طول . ****************** الجازي ــ تميم .. تميم ـــ أي خالتي ..كنت بودعج ..على بالي انج نايمة .. الجازي ـــ بتروحون الحين؟؟ تميم ــ أبوي واقف بره ..اليوم وصل ..بشتاق لج يا خالتي .. الجازي حضنت ابن اختها .. ـــ وين أمك؟؟ تميم ـــ صراحة هم ناطريني في السيارة ..امي تقول انها ما تبي تزعجج ..ويدتي بترجع الاسبوع اللي ياي ..مافي خوف عليج .. الجازي ـــ بالسلامة ..بشتاق لك .؟؟سلم على الكل .. تميم ـــ الله يسلمج ..ماله داعي تنزلين ..شكلج تعبانه .. الجازي ــ شوي .. تميم ـــ مع السلامة .. طلع تميم ..فكرت الجازي ان البيت راح فضى عليها ..عيال اختها كانوا مالين البيت ..وكانوا شاغلينها بسوالفهم . لايكون سميرة ازعلت من طردتها ..لكن سميرة لازم تعذرها ..لازم تفهم أنها تحب ..يا ويل قلبي عليك يا فهد ..بتموت؟؟؟ هلت دموعها في هاللحظة .. ***************************** الحلقة الثانية والثلاثون . ********************* تذكرت سعاد كل شي عن خلفان ..تذكرت دموعها ..وحبهم ..حزينة جدا أنه خلاص ..نسى حبه ...قررت في قرارة نفسها ما تحضر الحفلة .. صافية ـــ في ايش سرحانة؟؟ سعاد ـــ ولاشي .. صافية ـــ مع أن بيني وبينش أربع سنوات بس ..لكن أحسن أني أفهمش ..وأنت تصديني دايما .. ما علقت سعاد .. صافية ـــ أدري أنش زعلانة علشان خلفان . هلت دمعه من عين سعاد..فتكلمت صافية .. ـــ سمعت أم خلفان تتكلم شلون أنها قالت له لازم يتزوج الحين ..لانه بيسافر أمريكا ..شغلة خاصة بالدراسة ..ويتم هناك أربع سنوات ..قالت أنه هو اللي تكفل بمصاريف سفره ..ودبر له شغل هناك ...ما كان يبي يتزوج لكنها اخطبت ه ..وهو ما مانع ..سعاد ..لا تحزنين عليه ان باعش ..أنت ألف من يتمناش ..ومن حسن حظش أنش نسيتيه . سعاد ـــ تذكرته ..رد لذاكرتي وبقوة ..بكل التفاصيل من سمعت أنه خطب ..عذابي الحين مضاعف أكثر من قبل ..يالله ..ما أقدر أحظر خطوبته بكره .. صافية ــ سمعت صالحة ونورة بنات عمه يقولون أنش لو ما حضرت الحفلة ..بيكون الللي يفكرون فيه صحيح .. سعاد ـــ أنا ما يهمني شاللي يفكرون فيه .. صافية ــ ان في شي بينش وبين خلفان ..ما تبينه يبدأ حياته وهالسلعوات يتكلمون عنكم ..لازم تبينين له أنش ..سعيدة له . سعاد تكلمت بتأتأة .. ـــ لكنــ..ي مب سعيدة ..ذبحني ..أهانني ..رفضني ..أنا عاجزة عن التفكير والكلام ..رد كرامته المسلوبة على يد طفلة من وحدة عاجزة ..وتحبه .. صافية ـــ لازم ما تنهزمين ..انت سعاد ..لازم ما تنهزمين وين غرورش وين كبرياءش ..لازم ..تكونين مثل الجبل الي ما تهده الريح . سعاد ـــ لكني انهزمت . صافيه ـــ قومي بسرعة من طيحتش ..لا تمين طريحة وممسحة للخسارة ..انهزامش لازم يكون في لحظة ..مب العمر كله .. سعاد ـــ شوي شوي علي ..كلامش أكبر من أني أستوعبه كله دفعه وحدة . صافية ـــ سعاد ..روحي بكره الحفلة وارقصي بعد,, سعاد ـــ مع الجبس اللي في ريلي ؟؟؟والضمادات الي في ايدي ..والكدمات على وجهي ؟؟انت مينونة .. صافية ـــ أنا أبي عزة نفسش ما تنهدم ..أبي راسش في الهوى ..أبيش سعاد الغرورة ..أبيش تبينين له انش عايشة ...ما اقتله حبش .. سعاد ـــ من وين يبت هالقوة يا صافية .. صافية ـــ من أختي اللي الكل حاسب لها حساب ..من غرورها الحلو..وقلبها المغدور .. وحضر له هدية ..بيني له ..انش ما شايله في قلبش .. طلعت صافية عن سعاد الللي اسرحت في كلام اختها .. ************************* |
جهزت الهدية .. ..خطبته اليوم ..طالعت الهدية ..مب ندمانه . شيكت الرسالة ..للمرة العاشرة ..وهي مترددة. دخلت موزة ـــ للحين ما لبستي؟؟ سعاد ـــ أنا ..الحين .... موزة بطنازة ـــ حسافة ..خلفان بيتزوج ..الورقة اللي كنت بحتفظ فيها لا عنست .. سعاد ـــ وشفيه خلفان ؟؟وليش توقعت أنه ما بيتزوج؟؟ما ناقص شي ..مهندس وخبير كمبيوتر ..ووسيم .. موزة ــ ..سعاد ..أقولش شي؟؟ تراني كنت متوقعة انش تتزوجينه . سعاد ـــ صج؟؟ ..وليش ؟؟ موزة ـــ أنت تعديت الخمس وعشرين ..وهو كل يوم يكون ناطرش لاجل يشوفش .. سعاد ـــ يا خبلة ..يكون ناطر سيارته ودريوله علشان يروح شغله . طلعي بلبس وأحط مكياج .. سعاد اختارت فستان بأكمام طويلة ..وفتحت شعرها علشان تغطي الكدمات والجروح اللي في وجهها ..الفستان كان أسود .والمكياج اللي حطته كان خفيف . شربت دواها ..والبست عباتها وشالت الهدية وطلعت .. كانت الاغاني شغالة ..والبيت مزين . الهنوف ـــ أهلين ..أهلين .. سعاد ــ امي سبقتني وأخواتي ..مبروك .. الهنوف ــ أي جذيه الضحكة ..مب مثل يومين منتحبة علينا .. نزلت سعاد راسها .. ((شفافي ترسم البسمة ..وقلبي بصدري مثل الطير المذبوح وروحي تصرخ بسمه ..لكن ..ياروح ما بعدك روح ..)) سعاد ــ الهنوف لا تزعلين مني .. الهنوف ـــ لا ..ولو .. سعاد ــ شسم الخطيبة؟؟ الهنوف ــ اسمها أمل ..للحين ما يات . سعاد ـــ مبروك ..أبي أعدل الميكياج ..بطلع غرفتش.. الهنوف ــ ما أقدر أيي معاش ..بس البيت بيتش..تدلين الغرفة .. طلعت للطابق الثاني ..لكنها ما دخلت غرفة الهنوف ..اتجهت لغرفة خلفان ..ومن حسن حظها كانت مفتوحة ..هي سمعت من حمد أنه بياخذ خلفان ويتعشون بره لان الحفلة للحريم بس. دخلت ..وريحته تسللت لنفسها ..تذكرت ..كلامه عنها ..رفعت وسادته ..وضمتها لصدرها ..سالت منها دمعه .. حطت الهدية ..وغطتها بوسادته .تأملت الغرفة ..ابتسمت ..وقالت بصوت مسموع ــ مبروك ..مبروك ..والله اني فرحانة لك ..وزعلانة على نفسي ...ضيعتك من يدي..لكنك تستاهل أحسن مني..أنا ينيت أكلم نفسي .. .قامت وطلعت من الغرفة.وراحت غرفة الهنوف ضبطت مكياجها اللي ساح ..من دموعها ..ونزلت .. انفتح باب الحمام ..ودفع كرسيه وهو مصدوم ..اللي سمعه مب خيال ..هذا حس سعاد ..شكانت تسوي هنا؟؟ لايكون ماتعرف انه موجود ..طالع الغرفة ..اذا في شي متغير .انتبه ان وسادته مرتفعة ..اقترب منها ...ولمح انها مبللة .معقول هذي دموعها ..رفع الوسادة..وشاف الهدية اللي مغلفة .. احتار يعني تذكرته؟؟ فتح الرسالة .. (( مبروك ..ليس لك بل لها .. أما لك ..فقد أعدت لك كل ما وهبتني اياه ..سوى ذلك الجزء في قلبي .. سيستغرق قلبي زمنا حتى يتخلص منه .. ..كل مشاعري التي أحسست بها نحوك أعيدها لك .. طلب أخير .. احرق هذه الورقة بعد انتهاءك من قراءتها ... التوقيع : بدون خجل بدون حياء ..بدون خوف ابنة الجيران ... سعاد .. انصدم خلفان ..ما صدق ..سعاد؟؟؟ رن تيلفونه ...رقم حمد يستعجله .. خلفان ـــ ألو ,,أهلين حمد .. حمد ـــ الناس اجتمعت عندكم ..يله متى تطلع؟؟ خلفان ــــ لا حمد ..ما بطلع ..بتم في غرفتي ...طرالي مشروع نسيته .. حمد ـــ يا شيخ اليوم خطبتك أي مشروع أي خرابيط؟؟ خلفان ــ لازم أسلم المشروع بكره ..اعذرني ان عطلتك .. حمد ــ لا ما عطلتني ..مبروك ..وأخليك على راحتك , خلفان ـــ مشكور أخوي ..عقبالك .. حمد ــ لا ..الشر بره وبعيد .. أتزوج؟؟ تبيني أتعقد..كافي هالخردة خواتي عندي..بعد أييب زوجة ؟؟ خلفان ـــ شكلك مو حيل مع جنس الاناث .. حمد ــ ما وراهم إلا المشاكل ..يله ما طول عليك ..تامرني بشي؟؟ خلفان ـــ ما يامر عليك عدو ..لا ..مشكور ..كفيت ووفيت .. حمد ـــ أنت مو كل يوم تعرس ,,يله مع السلامة .. خلفان ـــ الله معاك .. صكر من عند حمد ..وفتح هدية سعاد..كانت ثلاثة دفاتر وعلبة عطر رجالي فاخرة .. كانت ببساطة دفاتر خواطرها ..ما أشارت فيها إلى أي اسم ..وخلفان من فتح الدفتر الاول ..اندمج في القراءة . وصلت أمل ..وكانت جميلة ..سعاد تطالعها بحسرة .. الهنوف ــ ترقصين معاي؟؟ ام سعاد أسعفتها ـــ الدكتور حذرها من الحركة وايد..للحين عظامها ما قوى ..جروحها ما برت ...لكنها تعاند .. سعاد ــ يمه ...الهنوف اعزمتني واقول لها لا بعدين اقدر استند على ريولي الحمدالله ... الهنوف ـــ يعني بترقصين؟؟ سعاد ــ برقص بس شوي شوي علي ..لا تستعجلين.. قطت عباتها ورجعت شعرها الطويل لورى ..وبخطوات مدروسة تحركت ..هز على الخفيف .. الحين في هاللحظة طوت صفحة خلفان للأبد ... خلفان من كلمة لكلمة من خاطرة لخاطرة ..كل كلمة يحس فيها ..قلبه كأنه يقولها .. هزته خاطرة ..اسمها النافذة .. (( كل يوم في موعدنا عند الشروق .. أطل من النافذة .. إلى من يطل من نافذة آخرى .. يرق قلبي ..ويرق قلبه ..ونرسل الاشواق .. نرسلها مغلفة بالحقد والاعتذار .. نرسلها مغلفة بالتعب ..والاشتياق .. لما لا نحرر بعضنا من تلك الاشواق؟ لم لانحرر بعضنا من هذا الحب؟؟ من هذا الكره والحقد والالم؟؟ هل لأننا نريده؟؟ أم أنه قدر لنا ؟؟ وهاهي تساؤلاتنا تملأ مغلفا آخر.. سنتبادلها عند المساء ..ويمضي يوم آخر من قصة حبنا الاسطورية .. من القصة التي لم نلعب دورا فيها .. ولم نعشها ..انما تبادلنا الادوار ..وعاش كل منا في حياة الآخر الكئيبة ..دون التقاء .. دون مصير ..)) انتبه خلفان على التواريخ . ..اللي كانت قديمة.. اقتربت سعاد وهي تعرج شوي ..الاسبوع اللي جاي بتفك الجبس .. الهنوف ـــ سعاد ..أمل ..أمل سعاد ..سعاد بنت جيراننا وصديقتي .. أمل بصوت ناعم جدا ــ أهلا .. سعاد ـــ مبروك لش ولخلفان . أمل ــ الله يبارك فيش ... التفت أمل لصديقاتها الواقفين عدالها ..وتمت تتكلم معاهم ببساطة ..شكلها طيبة ونعومة ..لكن البسمة مالها طريق لشفايفها ..كانت جدية .. أم خلفان ــ الهنوف يمه خلفان في غرفته ..خذي له عشا .. الهنوف ـــ زيين يمه .. أما سعاد فكأنما حد سكب ماي بارد عليها ..تيبست ..موجود؟؟ سعاد ـــ لكني سمعت حمد يعزمه .. الهنوف ـــ لا ..اعتذر ..طلع عنده مشروع ..أو شغله جذيه ..عن اذنش .. سعاد ــــ هنوف ..موعد دواي قرب ..برد البيت ..معليش .. الهنوف ـــ لا ..تو الساعة عشر ..كنت أبيش تسهرين معاي للصبح .. سعاد ـــ ما أقدر .. يلا ..مبروك ..أخليش الحين .. الهنوف ـــ بالسلامة ..نانا ..نانا .. سعاد ـــ من تنادين ؟؟ الهنوف ـــ الخدامة ..لازم حد يسندش لين توصلين البيت ..وأخواتش شكلهم ما بيردون معاش ..شوفيهم منسجمين مع البنات ..نانا ..اسندي سعاد ووصليها بيتم ووي شوي على ريلها ..كافي انها رقصت اليوم .. نانا ــ زين ماما .. سعاد بكلمات بطيئة جدا .. ـــ ريلي خلاص تقريبا ..شفت ..والرقصة اليوم..كانت من البطيء الاغنية خلصت وأنا ما درت نص دورة ..عن اذنش .. الهنوف راحت المطبخ .. خلفان للحين مع الدفاتر ..الحيرة اللي يحس فيها ..اللوعه ..ما كان يبي يتزوج ..لكن أمه حطته قدام الامر الواقع ..وخطبت له أمل ..ما حب يخيب رجاها خصوصا أن سعاد فاقدة الذاكرة من كم أسبوع ..لكن هالحركة تقول له انها تذكرت ..يعني ضيعها من يده ؟؟ حبه لها ساكن في كل مكان في قلبه ..يعشقها ..مهما ذلته ..مهما قالت له ..بالنسبة له ..عسل ...يفكر فيها من يصبح الصبح لين ..ما يحط راسه وينام ..كل أحلامه عنها ..لكنه يأس ..وفي لحظة نسى كل شي ..ليش لما نسيت ذكرتيني ؟؟ليش يا سعاد ..ياني أكرهج ..وأعشقج ..أكثر من أي شي في هالدنيا .. رجع للدفاتر .. (( هلت دمعه ..وخرجت آه يتيمة .. اونطفأت شمعه .. فقد انتهت مشاعرنا السقيمة .)) دخلت الهنوف ـــ تفوتتك أمل تحت بأحلى حلة .. خلفان ـــ يات اليوم؟؟ الهنوف ــ اعذرني بس شالسؤال الغبي ..الحفلة لها هي الخطيبة أكيد تجي . خلفان ــ تعرفين من أقصد .. الهنوف ــ اييه ..يات ولا كأن شي صاير ..الحمدلله ريحتني خفت من انها تكون زعلانة ..وما تيي ..رغم اني زعلت انكم ما كملتوا حيتكم مع بعض ..لكن ..الحمدلله محد تأذى ..الكل عايش .. خلفان ـــ مكثر ما تهذرين ..نزلي لضيوفش تحت . الهنوف ـــ ليش معطيني ظهرك ..التفت لي . خلفان ـــ مشغول .. الهنوف ــ أنا يبت عشاك .. خلفان ــ كليه انتي انا ما اشتهي .. الهنوف ــ انا مالي خلق ...بالي مع سعاد ..اليوم رقصت معاي ..خايفه يكون مو زين ل كسر ريلها والارتجاج اللي صار لها .. خلفان ــ ارقصت؟؟ الهنوف ظنت انها تخلي اخوها يفكران انتهى من حياة سعاد بكلامها .. ــ اليوم كانت بأحلى حلة كالعادة ..وشعرها فتحته ..أول مرة قبل ما تفتحه والبسمة على شفايفها تقول الحفلة لها مب لك ..الله يهنيها .. نزل خلفان راسه ..وكون صورة من وصف الهنوف ..صج أنج يالهنوف ما تعرفين صديقة عمرج ..ما تعرفين ان قلبها ينوح ..غرورها اليوم هو اللي يرفض انهزامها ..وحزنها ..والشتهد..مخدتي اللي عليها دموعها ..مثل عادتج يا سعاد ..الغرور بيقتلج في يوم من الايام .. خلفان ـــ روحي لها..شوفيها .. الهنوف ــ راحت بيتهم ..موعد دواها ..بس استأذنتها ..أييب لك عشا قالت انها بتروح .. ابتسم خلفان ..يعني ما تعرف انه موجود .. خلفان ــ مرسيه على العشا ..فارجي .. الهنوف ـــ يو ويل كم ..ماعرف شلون أرد بالفغنسي ..باي .. طلعت ..خلفان دفع كرسيه لين الشباك..وفتحه ..كانت غرفتها منورة .. طالعها ..واستسلم لواقعه ..انه ما بيقدر ينسى .. ******************************* سمر ـــ لا تتحركين وايد ..تراج تدوشيني ..ندى انتي نايمة ؟؟ ندى ـــ اييه ... ضحكت سمر ــ أنا ملاحظة أنج ما تنامين من كم يوم ..شفيج ..ما كنت ابي أسألج ..بس..شفيج ؟؟ ندى ـــ أرق ... ضحكت سمر ـــ الساعة ثلاث العصر ..وانتي في الفراش ..وأرق؟؟ ندى ـــ اييه أرق ..أبي أنام بس ما أقدر ..ما يسمون هالحالة أرق ؟ سمر ــ أنت مدرسة الاحياء هنا مب أنا .أنا تخصصي في اللي تلبسينه بس ..!! ندى ــ اييه..ذكرتيني .. أبي منج كم تصميم .يمكن تصير أعراس ..وأبي أكون في لوك جديد .. سمر ـــ قلت لج نتواصل بالايميل ..وأعطيج التصميم اللي تبين لو صار عرس ..لكن حاليا تصاميمي توب سيكرت .. ندى ـــ ما يطلع منج شي ..أوكي ..ان ما بقت تصاميمج كلهم ..انطري علي .. لفت وحطت راسها تنام .. سمر ـــ ما خستي في هالفراش؟؟؟ حرام قومي ظهرييه للشمس ..صار لج ثلاثة أيام ما كليتي شي ولا طلعت من فراشج الا للحمام .. شفيج ؟؟ ندى ـــ ما أبي أطلع خليني في فراشي ..أبي أنام .. سمر ـــ وانا أبي أدرس ..وأنت خالقه لي جو متوتر ..شتفكرين فيه ؟؟ ندى ـــ ما أفكر بشي .. سمر ـــ الحيين تيي نهلة من المدرسة .. مب أحسن لج تراها هذارة ..قولي لي شتفكرين فيه .. ندى ـــ زايد ..أحرجته ومتلومة .. سمر ـــ ندى ..تقولين لي أنج من ثلاثة أيام تفكرين في زايد؟؟ ليش ما قلتي لي يا حمارة؟؟ ندى ـــ أأصغر عيالج ..تقولين للي حمارة ..أنا ما أفكر فيه بطريقة الحب ..وهالكلام .. أنا متفشلة ..أبي أعتذر له ما بطلع من كندا الا معتذرة له .. سمر ـــ أوكي ..متى تسافرين؟؟؟ ندى ـــ قدمنا سفرنا أسبوع ..علشان موسم الامتحانات ..تقريبا الخميس مب اللي ياي ..لا ..اللي وراه بكون في الدوحة الساعة ثلاث الفير .. سمر ـــ والله الايام مرت بسرعه ..تعودت عليج ..باقي لج أسبوعين ..والله لاخليهم لج ..لا ينسون.وبالنسبة لزايد ..بدبر لقاء صدفة لج عاه..وتعتذرين له ..وتعزمينه على.. ندى ـــ هييييييييييييييه ..انتي يا خبله ..شأعزمه ؟؟ اعتذار بسيط ..شفيج تبيني أصير الدون جوان عن حقق وحقيق .. سمر ــ كيفج ..علمتني اليوم تينا لعبة .. ندى ـــ الله يستر ...لعبة ايش .. سمر ــ قومي من عندج انتي وبيجامتج الحمرا ..وتعالي هنا .. ندى ــ تعالي انتي ...انتي محترة من بيجامتي الحمرا .. سمر ـــ انت صاحية ؟؟ شاللون الفاقع؟؟ ندى ـــ اشتريتها عناد في سعد ..حلف اني ما بشتريها ..انتي شايفة لونها .. فخليته يكفر عن حلفانه ..بس مريحة ..حرير .. سمر ــ اييه بس اللون مب مريح ..اللعبة اسمها قول الحقيقة .. ندى ــ اوكي .. سمر ــ بسألج ..عشر أسأله سريعه ,,زتجاوبيني أسرع ..ومال تفكرين أبي الحل بديهي ...بدون تفكير عميق بسرعه ..بسرعه .وما بنتظر أناقش الاجابة ..بسألج بسرعه السؤال الثاني ..اوكي فهمت ؟ ندى ـــ أي.. سمرـــ ببدأ .اسمج ـــ ندى ــــ عمرج ــ ست وعشرين ـــ وظيفتج ـــ مدرسة ـــ اسم امج ـــ عليا ــــ برجج ـــ الجدي ــــ لون شعرج ـــ أسود ــــ عدد اخوانج ـــ سبعه ـــ عدد عمامج ـــ ثلاث ـــ عدد صديقاتج ـــ مادري ما عديت ـــ صديقتج ـــ فطيم .. ـــ عددد خالاتج ـــ وحدة ـــ اسمها ـــ زينب ـــ اسم عيالها ــ سمر منى عبدالهادي التوأم ونهلة ـــ اسم اللي تحبينه ـــناصر .. سكتت ندى .. ندى ـــ عيدي السؤال الاخير ـــ ليش ؟ ـــ لأني مب أنا الي جاوبت عنه .. سمر ـــ وهذا المغزى من اللعبة ..اللي مو متأكدة منه قلبج اللي يجاوب عنه وغريزتج .. ندى ــ لكني ما احب ناصر .. سمر ـــ يمكن ..ويمكن لا ..تحبينه .. ندى ـــ سمر ..انت مجنونة .. قامت ندى ورجعت لفراشها . وتمت لين الليل .. *************************** شكرا لكم انكم للحين متابعين قصتي ما مليتوا .. وعيون اعذريني ..ما فهمت ..شلون للرفع؟؟؟؟؟؟؟؟؟؟؟؟؟؟؟؟؟؟ وهذا جزء بسيط ..لكن اعذروني بتأخر عليكم شوي ...سهر ... الجازي ــ صباح الخير.. دلال ـــ أهلين صباح النور ..شلونج اليوم ؟؟ الجازي ـــ ماشي حالي .. وأنت شلونج شخبارج شخبار الريل والعيال انشاءالله بصحة وسلامة ؟؟ دلال ـــ كلنا بخير يا حبيبتشي ..المهم صحتك انت ..ازاي البيبي ؟؟ الجازي ـــ الحمدلله .. دلال ـــ أشوفج بديت تلبسين ملابس الحمال.. الجازي ــ المسألة بدت تكبر شوي ..لازم نعطيها قد مقامها .. دلال ــ ما قلتي لي شلون يدتج ؟؟ ما تكلمت عنها من ارجعت؟؟ الجازي ــ يدتي الله يسلمج ردت صغيرة عشر سنوات ..مثل ما يقولون.تناولت اكسير الحياة .. دلال ــ خل تعطيني منه ..كلها كم شهر ..وأطق الثلاثين ,,أبي أصير عشرين . الجازي ــ يدتي الله يسلمج راحت البر ..وتمت هناك شهر ..كامل ..وهي تلقى نفسها بين الحلال و الصحرا ..تقول لي انها استصعبت هالشي أول الايام متعودة على الرخا ..بعدين ..تأقلمت .. دلال ـــ بعض الاحيان الانسان يلقى نفسه بالمكان اللي يحبه ..ترد له الروح ..عاد تصدقين؟؟أنا لليوم مو قادرة أتأقلم في بيت عبدالله ..وأحلى شي عندي يوم أروح بيتنا وأدخل غرفتي ..وأحط راسي وأنام ولا كأني متزوجة ..على سريري ..وبروحي.. الجازي ـــ هالسنة غريبة ..انقلبت فيها أحوالنا أنا وأنت وشيماء ..فجأة انتمينا لعالم المتزوجات..والمطلقات ..والأمهات ..طبعا هالأخيرتين لي أنا وحدي ..صج ..شيماء شخبارها ؟؟ما احملت؟؟ دلال ـــ والله من سافر أحمد أخوي انقطعت عنا الغالية ..وما أعرف عنها شي... الجازي ـــ منال هذي سافرت؟؟ دلال ــ معقول ما قلت لج؟؟ سافرت ..والحمدلله الصداع عندي قل .. الجازي ــ انت ذكرتي مرة أنج تبي تروحين للبنك ..شغلة جذي ..ليش؟؟؟ دلال ترددت تقول لها .. ـــ بيني وبينج ..أنا أعطيت عبدالله ستين ألف ريال .. شهقت الجازي ـــ كم؟؟؟؟؟؟؟؟؟؟؟؟؟؟؟؟؟ دلال ـــ كان محتاج .. الجازي ـــ انت مب قلت لي أنه هالمية ألف اللي في رصيدج تبين تأمنين فيها مستقبلج؟؟بتشترين أرض؟؟ دلال ـــ قلت ..والظاهر بأجل الفكرة شوي ..بس كل ما يا للأراضي وأسعارها تولع نار .. تنهدت .. الجازي ـــ دلال بتظلين طول عمرج تعطين؟؟؟ العام يبتي سيارة ليوسف ..من المبلغ اللي كنت تبين تشترين منه هالأرض ..العام اللي قبله حق سعد واللي قبله حق فيصل .. دلال ــ أخواني وانا وعدتهم اذا انجحوا في الثانوية أشتري لهم سيايير ..والحمدلله ..انتهيت من اقساطها ..وأبوي ساعدني بالمبلغ ..لكن عبدالله ريلي ..وفلوسي فلوسه ..وفلوسه فلوسي..وصدق كان محتاج مني هالمبلغ ..يعني أنت ما كنت تعطين لفهد ؟؟ الجازي ـــ الكذب خيبه ...أنا ما خليته يصرف علي شي ..لان العلاج ياخذ فلوس وايد ..فهد صدق محتاج ..وأنا ما ناقشت معاه هالنقطة..ويوم حاول قلت له اني متعودة أتكفل بنفسي ..لكنه صدق كان محتاج..ومافي مقارنة بينه وبين عبدالله..اللي الحمدلله ما فيه شي ..وفلوسه في جيبه .. دلال ـــ كان محتاج ..بعدين هو ما طلب أنا عرضت عليه .. الجازي ـــ اذا هذي أولها ..ستين ألف ؟؟ دلال ــ أنا الحين استقليت بمعاشي عن البيت وعبدالله هو اللي يصرف ..أقدر أجمع المبلغ في ثمانية أشهر ....ما فيها شي .. الجازي ـــ ليش؟؟ هو ما بيردها لج؟؟ دلال ــ حتىإن رجعها الاراضي أسعارها نار ..نار ..أصلا وين بلاقي أرض بمية ألف ؟؟؟؟؟ مستحيل .. الجازي ـــ ايه والله صدق ..وين هالارض..أنا عندي مبلغ في البنك .مع مهري ..اللي ماجهزت نفسي منه..أعتقد يمكن أقدر أشاركج ..وأشتري أرض معاج .. دلال ــ لا يالجازي ..فلوسج لج .. اسثمريها عدل ..اشتري بيت ..أنت بتصيرين أم لازم تضمنين لابنج مكان ..لو دار الزمن فيكم ترجعون له .. الجازي ـــ ياليت بس .. أقل سعر لبيت شعبي هو ميتين ألف ... دلال ـــ انطري شوي .. خلي فلوسج تزداد ..وبعدين اشتري البيت ..اوه ..عندي حصة ثانية .لازم أصحح الواجبات .. فتحت الدفاتر وبدت تصحح .. الجازي ـــ ليش ما خلصتيها في البيت؟؟ دلال ـــ علشان تقطعهم منى؟؟؟ لا ...أمس لولا الصدفة كان شخبطت على دفتر التحضير اللي تعبت في ترتيبه .. الجازي ـــ ذكرتيني بعيال أختي ..والله اشتقت لهم .. دلال ـــ صج ..كانوا مالين عليج البيت ..لكن الحين يدتج رجعت..خليها تتكلم عن مغامرات البر .. الجازي ــ حفظتها ..أميمه من كنت ياهل وهي تقولي ..يدج كان وكان ..أبوه كان وكان .. دلال ــ شتسوي ما حفظت قصص سندريللا وبائعة الكبريت .. الجازي ـــ عدال يعني أمج اللي كانت حافظتها .. دلال ـــ ما أقص عليج أن قلت لج أن امي راحت السينما مرة أيام قبل .. الجازي ـــ صحيح؟ أي فيلم؟؟ دلال ـــ أنا لولا أبوي اللي قال ولا ما عرفت أبد ..امي تحتفظ في هالاشياء لنفسها ..الرومانسية بينها وبين أبوي . الجازي ـــ أشك اذا في رومانسية ..حرام عليج دلال حيل متأملة ..أمج زيين يابت عيال من أبوج ...!!! دلال ..بدل ما تعصب وتكسر راس الجازي بالعكس..ضحكت ....وطالعتها .. ـــ أمي مع أنها ما تبين أي شي ..بس تموت على أبوي ..الله يخليهم لبعض ..قمة التناقض ..الجافة مع الحنون .. الجازي ـــ أنا صراحة نفسي أسأل أبوي عن كل عشيقاته ..لولا المستحى ..أبوي كان دون جوان عصره ..كازانوفا زمانه .. دلال ـــ أبوج ماشاء الله ..مع أنه كبير في العمر .لكن من تشوفينه فيه ..فيه وسامة ..ما أنسى يوم شفت صورته في شبابه ..كان وسيييييييييييييييم ... الجازي ـــ اييه ..بس يوم تزوج أمي ..سار على الطريق المستقيم ..كان يحبها مووت ..خالتي لليوم تحاول انها تتزوج منه ..لكنه رافض ..ويقول ما بيحل مكانها أي حد ..الغالية .. دلال ـــ انت تتذكرينها ؟؟ الجازي ــ يعني ..أتذكر يوم رحت المدرسة معاها أول يوم ..أتذكر طيحتها ومرضها ..كنت في ثاني ابتدائي ..امرضت ..وخواتي كانوا يغيبون بالتناوب ..بس علشان يتمون حذاها ..بس ..هذا اللي اذكره ..بعض الأحيان ..اتذكر يوم تصحيني من النوم ..علشان المدرسة ..بعدين بعد موتها الله يرحمها ....ربتني يدتي ..وكنت أناديها يمه ..لأنها كانت أقرب لي من خواتي اللي كل وحدة تزوجت وراحت لحياتها ..تقريبا عشت مع يدتي ثلاث وعشرين سنة ..وهي اللي شاركتني كل أفراحي ونجاحي ..رغم أنها أمية ..وأخواتي المدرسات والموجهات..وجودهم كان رسمي في حياتي .مالهم أثر عميق أما أخواني ..فأقرب لي منهم ..خصوصا سند ... دلال ــ تذكرين يوم بغيتي تزوجينه؟؟؟ ضحكت الجازي .. ـــ كنت ملزمة ما ياخذ إلا انت ..لكنج كنت مرتبطة في جاسم ..وكان كل يوم ييكم ..وكنت تقولين لي مستحيل أتزوج غير جاسم ..الحين لو تزوجت سند؟؟؟ ماكان أحسن؟؟ ..على الاقل عندج ياهل عمره سبع سنوات.. دلال ــ يا بنتي لا تقولين لو ... لو تفتح باب الشيطان ..تعالي متى موعدج؟؟ الجازي ـــ بكره .. دلال ـــ انت تقريبا في أي أسبوع ؟؟ الجازي ـــ الأسبوع الاحدعش لو ما حسبت هذا الاسبوع .يالله الأيام تمر بسرعة.. دلال ــ ما كأن بطنج كبيرة شوي عن العادي؟؟ الجازي ـــ اييه..أنا أحس جذييه ..بسأل الطبيبه ..انشاء الله خير ...وتكون المسألة عادية .. دلال ـــ انت بس حاسبي على عمرج .. وكل شي يكون أوكي ..اهم شي يشرف بصحة وسلامة .. الجازي ـــ قلت لهيا أخت فهد أني حامل ..افرحت وايد ..وأمها فرحت أكثر ..وقالوا لو اتصلوا في فهد ..بيقولون له .. دلال ـــ فهد تركج ..ليش للحين متمسكة فيه .غيرج تكرهه .. الجازي ــ دلال ..لو تركني لسبب مثل الاسباب اللي يتطلقون الناس علشانها كان كرهته , لكنه تركني علشان ما يعذبني ..تركني وضحى براحته وسعادته ..علشاني مايدري اني راضية ..أنا أحبه وهو يحبني و سعيدين مع بعض ..القصة مب كرامة ..لا ..لأنه معذور .ما أقدر أكرهه .هالسبب ..خلاني أتمسك فيه أكثر .. لكن مع الحمال تغيرت مشاعري شوي ..والحين سميرة تبي تزوجني .. دلال ـــ معقول ؟؟؟لمين؟؟ يا حيج لقيتي البديل ..لا تزعلين أمزح .. الجازي ـــ خذي راحتج في المزح ..أنا ما بتزوج عقب فهد ..ما بييب لابني زوج أم ..مهما صار .. دلال ـــ ليش واثقة وايد أنه ولد؟؟ الجازي ـــ ولد ولابنت ..ماراح أييب له زوج أم مهما صار ..تشربين شاي؟؟ دلال ـــ لا ..أنا شوي متوعكة من الصبح ..الظاهر أكلت وايد أمس فصار معاي تلبك معوي .. الجازي ـــ تبين أييب لج شي؟؟ دلال ـــ لا ..ما أشتهي .. *********************************** ضحكت سمر على ندى ..ومنى قالت لها .. منى ـــ ندى ..هني ..أنت ليش حاطة في بالج أنج بتتزوجين غني؟؟ أنتي مو ناقصة mony.. ندى ـــ اضحكي يالسبالة سمر ..منى..أنا وحدة تعودت طول عمري على الرخا ..تعودت على الصرف على كيفي ..معاشي ما أصرف منه بيزه ..أبي أتزوج واحد مثلي ..موشايل هم الفلوس ..ولاياخذني طمع في فلوسي .. سمر ـــ من متى تفكرين جذي؟؟ ندى ـــ من وعيت على الدنيا .. سمر ـــ علشان جذي ما انتبهت لناصر ..لأن أبوه ما كان معاكم في الشركة ..كان موظف عادي .. ندى ـــ يمكن .. ناصر وظيفته حلوة وله مركز عالي ..والترقيات قدامه وايد ..لكن .. منى ـــ كم معاشه في السنة .. ندى ـــ أعتقد امية وعشرين ألف في السنة ..بمعدل اثنعش ألف كل شهر .. منى ـــ بالدولار ..يعني كم ؟؟ ندى ـــ خليني أحسب اذا الدولار بأربع ريال أو ثلاث ..تقريبا من ثلاثين ألف إلى أربعين ألف قابل في السنة.. منى ـــ قابل؟؟؟؟ ندى ـــ مع الترقيات قابل للزيادة .. منى ـــ يعني ..أربع آلاف دولار في الشهر ..حلو كتير ..دخله قوي ..يعيشك منيح .. ندى ـــ أنا أحيانا أصرف هالمبلغ في شهر !!! شلون تبيني أعيش فيه لسنة؟؟ منى ـــ معاشك موجود .. ندى ـــ أنا أشتغل تسلية اذا تزوجت ما أبي أشتغل ..منى شفيج تتكلمين كأني بتزوج ناصر ..ناصر ..مستحيل بعد اللي صار يفكر فيني .. منى ـــ أنت مادية جدا ..اذا بتتزوجين علشان الفلوس ..أما الحب وهالخرابيط مالها وجود أو اعتبار في نظرج .. ندى ـــ لها وجود ولها اعتبار ..لكن ..أنا أصرح لكم بشي قررته من مراهقتي ..ما أبي أضيع آخر عمري .وعاجبني نمط حياتي ..ما أبيه يتغير .. سمر ــ وين بتلقيت هالغني اللي تفكرين فيه ؟؟؟ ماله وجود .. ندى بحسرة ـــ شوفوا ..لو طغى الحب على المادية عندي يمكن أتزوج بموظف عادي ..لكن الفكرة أنا أستنكرها . منى ــ راتبه لناصر ممتاز جدا .. مستوى المعيشة اللي هو فيها عالي ..ما أفهم ليش رافضته ؟؟ ندى ــ أنا مو رافضته..لا بالعكس ..لكن ..أنا أعلى منه في المستوى .. سمر ـــ لكنه ولد عمج .. ندى ـــ المستوى المالي المادي .. قلت لكم أنا متعودة أصرف على كيفي .. سمر ــ وبتمين من أرباحج في الشركة ..زواجك بناصر ما بيغير شي .. ندى ـــ ما أدري ليش تتكلمون كأني بتزوج ناصر يا أخواتي ..ماراح أتزوجه...يمكن ماراح أتزوج بالمرة ..وأترك هالحرية اللي أنا عايشه فيها .. ************************ الحلقة الثالثة والثلاثون .. ************************ شيماء ــ وين بتسافر؟؟ محمد ـــ بسافر السعودية ..مع واحد من الربع محتاج مرافق . شيماء ـــ متى؟؟ محمد ـــ السبت انشاءالله ..ما قلتي لي شلون عمي ؟؟ شيماء ـــ مثل ما هو ..ما تغير فيه شي .. محمد ــ انتي محتاجتني ؟؟ أنا يمكن ألغي سفري .. شيماء ـــ لا ..لا تلغيه ..خلود تساعدني ...كم بتغيب؟؟ محمد ــ أخذت اجازة ثلاثة أيام بحد أقصى ..يمكن أرجع يوم الاحد ..الشغلة ما تطول .. شيماء ـــ خذ راحتك ...أنا بقوم أشوف مها ..اليوم الصبح مدري شفيها ..شكلي باخذها الدكتور .. محمد ـــ شفيها ؟؟ شيماء ـــ ما أدري ..الخدامة تقول أنها مب طبيعية كله تصيح ..هالاسبوع اللي راح انشغلت مع أبوي ..فالخدامة كانت تراعيها ..طبعا تحت نظر خلود .. كانت شيماء رادة من المستشفى و ما قطت عباتها للحين .. محمد ــ هاتيها أنا باخذها للطبيب .. شيماء ـــ لا ماله داعي ..أنا باخذها .. محمد ــ لا تكسرين كلامي ناطرج في السيارة .. شيماء ــ انشاء الله .. طلعت شيماء و شالت مها اللي كانت نايمة ..ونزلت تحت .. محمد ـــ البنت مو صغيرة لا تشيلينها ..خليها تمشي .. شيماء ـــ نايمة ..أنت مو قلت ناطرني في السيارة ؟؟ محمد ــ نسيت مفاتيحي ..هاتيها ,, وخذها من يدين شيماء ... في عيادة الطبيب .. الدكتور خالد ــ مافيها شي .. شيماء ـــ لكن يادكتور ..هي مو طبيعية تصيح من الصبح .. الدكتور ـــ مافيها أي أعراض لاي مرض ..الحمدلله .. كانت تشتكي من شي ؟؟ شيماء ـــ أنا ما كنت معاها طول الوقت ..الخدامة قالت لي ..صراحة أنا كنت بره مارجعت إلا الحين .. محمد تم ساكت وعيونه تنتقل بين شيماء وبين الدكتور .. الدكتور ـــ الحين فهمت السبب .. أنت غايبة طول اليوم ..يا شيماء أنا مو قلت لج البنات تعلقوا فيج؟؟ وأنج لازم ما تبتعدين عنهم وايد.أنت الحين بمثابة أمهم .. وشي طبيعي تصيح طول اليوم تبي أمها .. شيماء ــ لكن ..الخدامة .. الدكتور ـــ الخدامة تسوي الي انت تبينه ..أنت تنامين معاهم تاكلين معاهم تلعبين معاهم ..أما من الناحية الطبية مها الحمدلله مافيها إلا العافية ..أنت والد البنات؟؟ انتبه محمد أن الدكتور يكلمه .. محمد ــ اييه ..أنا أبوهم .. الدكتور ـــ استنتجت هالشي ..الظاهر أنك ما تعرف عنهم شي بالمرة .. انحرج محمد ..وندم أنه عرض على شيماء انه يوصلها ..فأنقذته شيماء ـــ يعرف يا دكتور .. بالعكس ييلس معاهم وايد ويلاعبهم ..وبيسجل دانة بالروضة السنة اللي ياية .. هز محمد راسه مؤ يد لشيماء اللي وقفت واعتذرت للدكتور أنها أزعجته ..وطلعت مع محمد من العيادة .. شيماء ـــ علشان جذي ما بغيتك تيي ..لان الدكتور خالد حشري ..ويحب يعرف كل شي ..وعلاقتي فيه مثل علاقة الابو ببنته .. محمد ــ لكنه ما غلط أنا فعلا مقصر في حق البنات ..انشاء الله بعد ما أرد من السفر ..بيتغير كل شي .. ************************ |
سعاد بدت تظهر عليها علامات عجزها ..بدت تاخذ وقت يله تستوعب الكلام..و بعض الاحيان تتصرف تصرفات بدون وعي ..وما تقدر تكمل جملة على بعض ..من غير تأتأة أو نسيان . الدكتور طمنها انها تقدر تتغلب على عجزها ..لكن سعاد التزمت السكوت ..ما حبت أنها تنحرج أكثر ..تكتفي بكلمة للتعبير عن مرادها ..وطول اليوم ساكته ..اما خلفان فانتهى من حياتها وصارت ما تفكر فيه ..وحتى الهنوف ما صارت تتصل فيها وايد ..حمد بان جانب من انسانيته اللي محد توقع انها موجودة ..وكان ياخذ سعاد ويطلعها ..رغم أنهم ما يتكلمون وايد ..لكن انها تشوف الناس ..وتغير جو ..كافي .. صافية ــ سعاد ... سعاد ـــ نعم.. صافية ـــ بنروح بيت علي ..تيين معانا؟؟ سعاد ـــ لا .. صافية ــ تعالي الهنوف بتكون هناك.. سعاد ــ ما أبي .. صافية ـــ كيفش....موزة ومزنة هنا ..ما بيروحون ..لو تبين أناديهم لش .. سعاد ــ ما أبي .. صافية ـــ يعني شبتسوين بروحش؟؟ سعاد ـــ تلفزيون .. صافية ـــ أنت للحين تتكلمين كلمات متقاطعه؟؟ سعاد ..لي متى؟ ماردت سعاد .. هالحادث ..غير حياتها ..ويمكن بيدمر مستقبلها .. لين متى ؟ الله عالم .. ***************************** سمر ــ الحقي .. اليوم يسافر زايد .. ندى ــ من قال لج؟؟ سمر ــ أحمد ومن غيره ؟؟ عبدالهادي أعطاني مفاتيح سيارته وراح مع صديقه ..تعالي .. ندى ـــ وين أروح؟؟ سمر ـــ المطار ..طيارته الساعة وحدة الظهر .. ندى ـــ شأقول له؟؟ سمر ـــ اعتذري له .. ندى ـــ شيقول يايه المطار تعتذر لي؟؟ سمر ـــ قولي انج يايه باصدفة ..تقابلنا صدفة ..اكسدنت لي .. ندى ـــ أعطيني دقيقة أعدل حجابي .. ****************************** سمر ـــ هذا هو ...وأخيرا .. ندى ـــ أنا مترددة .. سمر ـــ روحي وقولي له آسفة على سوء التفاهم اللي صار في هذاك اليوم ..ات جست واز مس أندرستاندينج ..اي ددنت مين ات ..ماكنت أقصد ..كنت مشوشة..وعندي صداع ما انتبهت لشي ..وهيك كلام .. ندى ــ سمر أنا مو مثلج ..ما أقدر أتكلم مع واحد مني والطريج ..وأعتذر له .. سمر ــ انت شفيج متناقضة ..مو قلتي لي تبي تعتذرين ..والحين قلبتي ؟؟ شتبين بالضبط ؟؟ ندى ـــ ساعديني ,أنت ناديه ..ووقفي معاي تكلمي بشكل رسمي .. وقولي اللي قلتيه من قبل شوي . شهقت سمر ــ أنا اللي غلطت عليه وما أدري ؟؟ تبين تعتذرين اعتذري لكن مالي شغل .. ندى ـــ كله بسببج .. لولاج ماكنت ييت هنا اليوم ولا نسيتي؟؟ سمر ـــ بتذليني؟؟؟ ندى .. بردها لج .. تعالي .. مشت سمر بخطوات بطيئة باتجاه زايد وندى ملتصقة فيها مثل الياهل .. سمر ـــ hello .. I remember you .. زايد ـــ مس سمر .. سمر ـــ زايد ...صح؟؟ زايد ـــ صحيح ..صديق أحمد .. سمر ـــ آه ..تتذكر ندى بنت خالتي.. زايد ـــ اييه ..مس ندى ..شلونج؟؟ ندى هزت راسها وتممت اوكي .. سمر ـــ شالصدفة الغريبة اللي اجمعتنا في المطار توقذر ..ناطر حد؟؟ زايد ـــ لا والله ..مسافر .. طيارتي بعد ساعة تقريبا ..وأنت ناطرة حد ؟؟ سمر ـــ تقريبا صديقتي من الولايات بتوصل اليوم ..لكن ما حددت الساعة ولا الرحلة .. فأنا وندى هانق اروند ..لين ما توصل .. ندى ـــ بالمناسبة ..بما اني صادفتك ..أنا محرجة جدا ... سمر ـــ آه محرجة ..تتذكر يوم التقينا .. ندى الكزت سمر ـــ سمر معليش .. اخو زايد انا محرجة جدا. سمر ـــ ندى قصدها تقول that she .. ندى ـــ انا بقول اللي اقوله ..خليني اكمل ..اعذر سمر هي شوي بالعربي ملقوفة...اخو زايد أنا أعتذر منك .. زايد ـــ ما أفهم أي سبب للأعتذار .. ندى ــ بلى ,,أنا من دون قصد أحرجتك لما كنا في المطعم ..صدقني ما كنت منتبهه لسؤالك .. قاطعها زايد زمد يده بجرأة ووضعها على كتفها بطريقة مواسيه ـــ ماله داعي ..أنا مــ... انتبه لنظرة الاستنكار اللي في عيون ندى وهي تطالع يده اللي على كتفها و قسمات وجهها كلها دهشة .. نزل يده بسرعه ..وتلبك وقال ــ اسف .. كنت اقول ما صار شي ..عن اذنكم .. ندى ـــ لحظة .. أنا اتوقع منك اعتذار على هذي الحركة ..أنا مب وحدة أجنبية علشان تاخذها بالاحضان على راحتك .. أنت اهنتني .. زايد ـــ انا آسف عن اذنج .. وابتعد .. التفت ندى لسمر لكنها لكنها تفاجأت .. وقالت بكلمات مسموعه ــ مستحيييييييييييييييييل ..أنا في فيلم هندي ..لا مستحيل.. سمر ـــ شاللي مستحيل؟؟؟ ندى مترددة ..تهرب ولا تم واقفة في مكانها ولا تخطي خطواتها نحوه ..الموقف اللي هي فيه لا تحسد عليه .. ما حست بنفسها إلا وريولها ماخذتها لهذاك الجانب .. سمر تطالع من بعيد .. كان متصلب ..والشنطة طاحت من يده منصدم ..هذي هي ..تقرب منه .. ندى ـــ ناصر... ناصر ما تكلم .. ندى ـــ ناصر خليني أشرح لك ..لا تفهم الموضوع غلط .. ناصر يطالعها بنظرات شيطانية ..كان يبي يضربها كف لك ..خانته يده .. بيي يقتلها ..لكن وجوده في هالمكان العام وهالبلد الغريب ..خلوه يمسك أعصابه .. ناصر ـــ تبيني أكذب عيوني؟؟ شاللي ما أفهمه غلط؟؟ ندى ـــ تعال الحين ..تعال .. ومسكت يده لكنه سحبها باشمئزاز من يدها .وكأنه قرفان منها .. سمر تدخلت في هاللحظة ..ـــ ندى ..من هذا ؟؟ ندى ـــ ناصر ولد عمي . سمر بنت خالتي ..خلينا نروح السيارة .. ناصر للحين مصدوم ما قدر يتكلم ..أول ما ركب السيارة .. ندى ـــ أدري السفر تعبك فما راح تفهم أي شي الحين .. بنوصلك لفندق وبكره الصبح بيي مع سمر ..وأفهمك الموضوع كله .. ناصر ما تكلم .. بكره الصبح بكره الصبح .. ندى ـــ سمر أي فندق أرجوج .. سمر ـــ هذا فندق ممتاز ..انزل ناصر ..واحجز لك غرفة وبكرة الصبح بنلتقي .. الصدمة خلته محتار ..لكن جسمه تعبان الدكتورة ـــ ماشاء الله .باين انك حامل بتوأم .. الجازي ما صدقت الخبر .. الجازي ـــ توأم ؟؟ معقول؟؟ صحيح يا دكتورة ؟؟ الدكتورة ـــ آه ,,صحيح .. الجازي ـــ الحمدلله ..صحتهم شلون .. الدكتورة ــ ممتازة .. لكن باين انك ما تاكلي كويس .. الجازي ـــ لا يا دكتورة ,,الحمدلله ..أنا آكل كويس مثل ما تقولين ..توأم ؟؟ شقد فرحني هالخبر ..الحمدلله ..الحمدلله .. الدكتورة ــ أنت حافظي على غذائك وكلي كويس ..وانشاء الله يكونون بخير .. الجازي ـــ انشاء الله ..انشاء الله ... بعد ما طلعت من الغرفة كان أبوها ناطرها في الممر .. بو سند ـــ ها بشري ..شلون حفيدي الصغير .. الجازي ــ طلع مو حفيد .. بو سند ــ يعني حفيده؟؟ شلون قدرت تحدد توج بأول حملج .. الجازي ــ ولا حفيده ... عقد بو سند حواجبه ــــ انت شتقولين يا بنت لا ولد ولا بنت ؟؟ شتخرفين؟ اضحكت الجازي ـــ لا تخترع يبه .. أنا حامل بتوم ... ارتاح بو سند ـــ حسبي الله على ابليسج خرعتيني ..توأم؟؟ يما شاء الله ..يعني حفيدين .. الجازي ـــ ما شاء الله يبه عندك أحفاد وايد ...وفرحتك كأنهم أول اثنين.. بو سند ــ وهم أول اثنين من بنتي الغالية اليازية ..أصغر بناتي ..وأحبهم لقلبي .. *************************** دلال الدنيا مو سايعتها ...اختبار الحمل يقول انها حامل ..وهذا الخبر فرحها وايد خصوصا مع تأخر الحمل عندها ...وأخيرا حامل ...بتصير أم .. رتبت شعرها .. وطلعت للغرفة كان عبدالله فارش الخرايط يطالع فيها محتار .. سحبتها من قدامه وه مبتسمة .. عبدالله ـــ دلال ..أنا تعبان مالي خلق لشي ..هاتيهم .. دلال ـــ ارتاح شوي ..قولي ..شنفسك فيه؟؟ عبدالله ــ قلاش جاي يضبط المزاج ..لاني مصدع وايد .. دلال ـــ حبيببي ..أنت تركت شغلك بعد العصر علشان تييبه لي البيت؟؟ انسى الشغل ..الحين أصب لك جاي من الدلة ..منعنع ...ومضبوط .. قامت وصبت له الجاي ..وعطته اياه .. عبدالله ـــ مشكورة ..تسلمين .. دلال ـــ الله يسلمك ..عبدالله .. عبدالله ـــ ها يا عيون عبدالله؟؟ دلال ـــ عبدالله عندي خبر لك .. عبدالله ـــ شالخبر؟؟؟ ربحت اليانصيب؟؟ دلال ـــ ههه..لا ..شي ماله علاقة بالفلوس .. عبدالله ـــ ها ..شالخبر ؟؟ وقرب القلاس من شفاته .. دلال ـــ أنا ..حامل .. ارتجف وانكب الجاي من ايده على ملابسه .. من الصدمة .. قامت دلال بسرعه ويابت منشفة .. دلال ـــ اسم الله عليك لايكون ا حترقت ؟؟ هز راسه بلا ووجهه تجهم ..واصار أحمر .. دلال حست أنه مرتبك ..طالعت له وحطت عينها في عينه تبي تفهم سبب هالنظرة .. عبدالله وهو يتنفس بطيء يحاول يتماسك .. ــ دلال ..كوني صادقة معاي ..من مين؟؟؟ من أخوي غانم؟؟ *************************** هاااااااااي .. تسلمون على ردودكم الرائعة ............... وسور عيون ..ماكنت فاهمة الم عنى ..اعذري جهلي .. هذي جزء ..وأتمنى أنه يعجبكم ..........عبدالله وهو يتنفس بطيء يحاول يتماسك .. ــ دلال ..كوني صادقة معاي ..من مين؟؟؟ من أخوي غانم؟؟ ارتجفت يدها ..ما صدقت ..فكرت هو يمزح ..طالعت عيونه والتقت عيونهم لفترة ..هالنظرة .. ووجهه الجامد ..مستحيل يكون يمزح ..مستحيل ..ارتعبت ..حست بدقات قلبها غريبة .. دلال ـــ عبدالله ..انت تمزح صح؟؟ عبدالله بهدوء شديد ـــ لا ...أكيد غانم ..هو الريال الوحيد اللي كان في البيت وله سوابق في المغازل .. يتهمها في شرفها؟؟ يتهمها في أخلاقها؟؟؟ ومع مين ؟؟ مع أخوه؟؟ يعني مب واثق لا فيها ولا فيه . يعني ..الدموع وقفت في عيونها ..عيونها اغرقت ..ونظرة الصدمة ممزوجة بالدهشة والخوف والاستنكار ..حطت عينها في عينه ..لا ..الكلمات اختفت من على لسانها ..اخنقت صرخة اعتراض وصرخة تكذيب..اخنقت صرخة كرامة... عبدالله لما شاف جمودها مسكها من كتوفها وهزها ..وصارخ فيها ــ قولي ..قولي ...من غانم؟؟ غيره ؟؟ من يا دلال من اللي بعت آخرتج علشانه ... دلال بنبرة قوية وعصبية ـــ والله العظيم محد غيرك لمسني لا غانم ولا أي حد . وافلتت من ايده وطلعت شنطتها وبدت تحط ثيابها فيها .. عبدالله ـــ شتسوين؟؟ دلال ـــ انت اهنتني ..اتهمتني في شرفي وعرضي ..تبين أتم عندك دقيقة ثانية مستحيل ..أنا برجع بيت أبوي .. عبدالله ـــ تبين تفضحيني؟؟ تهقين أخليج تطلعين من هنا علشان تفضحيني ؟؟؟ شال الشنطة ورماها على الحيط ..وبعصبية ..مسكها من شعرها ورماها على الأرض ..ونزل فيها رفس وهي تحاول تمنعه لكنها ما قدرت .. دلال ـــ آآآه آي عبدالله حرام عليك ..حرام عليك ..لا .. ..بعدين سحبها من شعرها بقوة لين ما وقفت على ريلوها ..وسحبها لين عند باب الطابق الثاني ..ودزها بقوة على الدرج .. دلال كانت تبي تكبح حركتها لكن ما قدرت وهوت على الدرج من درجة لدرجة ..لين ما وصلت الارض واصطدمت بها بقوة ...واغمى عليها .. أما عبدالله مر فوقها كأنها مطبة ..وطلع ركب سيارته وراح للمكتب ..ولا كأن شي صاير .. *************************** فتحت عيونها تعبانة .. ندى ـــ سمر ..حلمت حلم مزعج .. سمر ـــ قومي البسي ..لا تخافين مب حلم ..ناصر هنا في كندا ...وناطرنا نمر عليه بعد ساعة .. ندى ـــ لا لاتقولين ..يا ربي وأنا أدعي طول الوقت ياليته حلم ...شلون أشرح له الي صار .. سمر تقلد لهجتها ـــ ليش شاللي صار ؟؟ ندى ـــ كل هذا وتقولين شاللي صار ..شاف البنت اللي يحبها مع شاب حاط يده على كتفها ..ما كان قريب علشان يسمع اللي صار ..يالله ..شلون أشرح له ؟؟ شلون؟؟؟ سمر ــ قومي غسلي وجهك وغيري ملابسك علشان نوقف تاكسي ونروح الفندق وين زتيناه .. ندى ـــ لا تقليلين من احترامه قدامي ..هذا ناصر ..ايش زتيناه هذي .. سمر ـــ واللي يسمعج .. ما شفتي كيف تهربنا منه وزتيناه بالاوتيل ؟؟بروح أكلم أحمد ... أصبح على الشب اللبناني المهضوم ...وخليكي مع ناصر تبعك .. ام ندى دخلت في هاللحظة ـــ يمه ندى ..اتصل أخوج سعد أمس ..يقول لنا ان عبدالعزيز وفاطمة عيال عمامج ملجوا .. شهقت ندى ... ام ندى ــ تكلمينها؟؟ ندى ـــ بعد شوي متى ملجوا ؟؟ وشلون ؟؟ مب .. أم ندى ـــ ما أدري يقول من تحت لتحت ..محد يدري .. سمر ـــ أنت ليش معصبة؟؟الحين تشوفيـ.. أم ندى ـــ تشوف منو؟؟ ندى ـــ أكلم فاطمة عالماسنجر وأشوفها بالكاميرا .. سمر كانت تبي تقول تشوفين ناصر .. ام ندى ـــ لا يكون تطلعين؟؟ ندى ـــ اييه بروح النت الكافيه أكلم فاطمة .ليش؟؟ ام ندى ــ قلت آخذج لبيت ام هناء ..من زمان ما شفناهم .. تم هناء قريبة لهم من بعيد .. سمر ـــ ام هناء بيتها بعيد ..بمدينة ثانية .. أم ندى ــ علشان جذيه كنت أبي أروح من الصبح .. ندى ــ والله ما أقدر اليوم ليش ما تروحين مع خالتي زينب؟؟ ام ندى ـــ شكلي بسوي جيه ..يله .. أخليكم .. ندى ـــ تكسر خاطري امي كل يوم الصبح تكون بروحها ..خالتي في شغلها وماترجع إلا المغرب .. سمر ـــ معاج حق ..يلا بدلي ..بنروح لناصر .. ندى ـــ ناصر ..ناصر ..ناصر ...اوووووف ..هالاسم يدوخني .. ضحكت سمر ..وطلعت من الغرفة . لكن ندى المعت في عيونها الدمعه .. هالاسم معذبها ..بالأحرى صاحب هالاسم .. وقفوا تاكسي ..وراحوا للفندق .. ادخلت وسمر سبقتها .. اسألت الريسبشن عن ناصر ..ورجعت لها .. سمر ــ يقولون واعي من الصبح وناطر هناك .. ندى ـــ سألتيهم اذا تريق ولا لا؟؟ سمر ـــ طلب الفطور لغرفته ..روحي له ..أنا بنتظر هنا ... ندى ـــ بروحي؟؟ تبينه يذبحني؟؟ سمر ـــ أنا ما أعرفه وبيحرج من وجودي ..لكن انتوا على رواق تفاهموا .. ندى ــ كم مرة قلت لج أنا غير انتي؟؟؟ ماأعرف أكلم شاب مني والطريج ... سمر ــ لكن هذا ناصر ..كنت تتكلمون بالتيلفون .. ندى عضت على شفايفها معصبة .ـــ كنا نتواصل بالمسجات ..في فرق .. سمر ـــ شوفي أنا ما تروقت واليوم مفوته الجامعه علشانك .. .. بروح اكل شي ..وأرجع تكونين شرحتيله بهدوء بدون ما تسوون فضيحة ..وتصالحتوا ..سي يو .. وطلعت سمر ..وخلت ندى في وجهه المدفع ..ندى طول عمرها تحتقر الافلام الهندية والمسلسلات المكسيكية ..واللي يصير الحين واحد من هالاثنين .. مشت ناحية البهو ..ودخلت قاعة وكان موجود هناك ..تحركت صوبه ..كان جالس يشرب نسكافيه .. ندى ـــ صباح الخير .. ما رد عليها .جلست ..تأملت المكان حولها ..في شوية ناس ..يالله اليوم هي بتنذل ..قدام هالخلق . ندى ـــ ناصر ..بقولك كل الي صار ..ولا تقاطعني ارجوك .. ما تكلم كان يطالع لها بنظرات شك .. ندى ـــ ناصر .. انت تعرفني ..طول عمري فظة ..والكلام يطلع مني تلقائي ..( تنهدت ) من أسبوع تقريبا ان ما خانتني هالذاكرة ..كنت مع سمر ..انت شفت سمر اللي كانت معاي في المطار . ناصر ـــ اييه وبعدين..الزبده .. ندى ـــ .كنت معاها في مطعم ..وهالشخص اللي شفته امس ..كان موجود ..سمر تعرفه معاها في الجامعه ..طول عمره عايش في كندا وانت تعرف في كندا الناس غير والحياة غير ..حاول انه يتقرب مني مثل ما يتقرب من أي وحدة ثانية ..وكان وسط ناس ..أنا صديته ..وأحرجته قدامهم بشكل فظيع ..تعرف هنا غير الدوحة ..امس التقيناه انا وسمر ..رحت اعتذر منه لاني احرجته وهو تقريبا ما تعرض لي مجرد انه كان يبي يتعرف ..أنا قلت لك انه طول عمره عايش هنا ..فحط يده على كتفي وهو يقول ما صار شي ..أنا عصبت من حركته هذه وهو انتبه واعتذر ..وراح ..هذا بالضبط اللي صار والله يشهد علي اني ما كذبت ولا غلطت ..أرجوك يا ناصر صدقني .. وما أدري ايش القدر يحكم علي بمواقف مثل هذي .. ناصر ـــ علشان تبان حقيقتج ...ماشاء الله في ليلة وحده اختلقت هالتفسير المنطقي . ندى ـــ والله هذا اللي صار ..والله العظيم ..لا تفهمني غلط ..ا ناصر ــ واذا ..أقول واذا ..انتبهي على و اذا ...واذا كنت صادقة .. ليش ما قلتي لي امس؟؟ ندى ـــ أنا نفسي لما وصلت كندا كنت من التعب بس ابي انام ما اقدر افكر في شي ..ففهمت ان كلامي معاك ماله فايده .. ناصر ــ ندى ..ما اقدر اصدقج .. كل مرة اكتشف انج انسانة لعوب .. كل مرة أبي أصدقج بس القدر يفضحج قدامي .. وعار على العايلة تكون وحدة فيها صايعة .. ندى ـــ أنا مب صايعه ..ما اسمح لك .. قام ناصر من مكانه وقامت ندى تواجهه .. ندى ـــ ناصر بلا فضايح أرجوك اييلس ابي أكمل كلامي معاك ..( كان اسلوبها جاف وحاد .. وعصبي ) ناصر ـــ ما شاء الله صارت عندج الجرأة أنج تحطين عينج في عيني ؟وتامريني ؟؟ أنا مستحيل اوثق فيج ..أنت لعوب وماشية على حل شعرج .. ندى ــ ما أقول إلا كل يرى الناس بعين طبعه .. نزل كف قوي على خدها ..صوته رن في القاعة بقوة والكل التفت لهالاثنين .. حطت يدها على خدها الحار من صفعته اللي عورتها بقو .. هذا ثاني كف من ناصر ..رغم ان دمعتها انزلت تلقائية من عيونها لكن ضحكت شفايفها .. ـــ ناصر مب كأن هذي المرة الثانية اللي تضربني فيها وانت ظالمني؟؟؟ عطته ظهرها ومشت تبي تطلع من الفندق لكنه مسكها يدها و خذها لغرفته فوق .. ندى ــ ما أقدر أدخل ..لا ..عيب ..ناصر ..مايصيير .. ناصر ـــ أنت بنت عمي لا تخافين ما راح أسوي فيج شي ..بس أبي أكلمج الناس تحت عيونهم علينا ... ندى ـــ نطلع بره الفندق نتكلم ..لا تدخلني الغرفة ..لا .. ما عبر اعتراضها و صراخها . ودزها داخل غرفته اللي في الطابق الثاني و قفل الباب ..التفت لها .. ناصر ـــ ارتاحي على الكرسي ... ندى جلست على الكرسي ... ناصر ـــ ندى ..أنت جننتيني ..شسوي فيج ..يعني أنا ظلمتج ؟؟ ندى ــ أنت ظلمتني ..ايه ..لكن أنا غلطانة بعد .. ناصر ـــ يعني تقنعيني ان ما في شي بينج وبين هالشاب مال المطار ؟؟ ندى ـــ حلفت لك بالله العظيم ..ليش مستهين بحلفاني ..احلفلك بخالق هالكون و اللي خلقني وخلقك ..واللي يشهد علي ان كلامي صحيح ..أنا ما أعرف هالشاب ولا كنت ابي اعرفه لي عزة نفس ..لي اخلاق وضمير وأصلي وأخاف ربي .. ناصر ـــ خلاص خلاص ..لاتصيحين صدقتج ..لكن ..أنا ما ظلمتج في اللي صار في الدوحة... ندى ــ بلى ..أنا غلطانه ما أنكر ..بس كنت صافية النية ..لو تذكر أنا ما كلمتك ولا مرة عن الحب ..انت كنت تبي العلاقة بينا تتطور لكني ما سمحت لك ..لاني كنت حاسة ان ورا هالشيطان ناصر سر ..وما غلطت ..سرك انك انجرحت مني ..لاني اخترت الغني والجامعي والووسيم .. ناصر ــ لكن ياندى انتي تعديت الحدود ..كسرت العادات والتقاليد ..شلون تجرأت انج تكلميني؟؟ ندى ـــ ها ..أنا أكلمك الحين ..على الاقل ..أنا أعرف من انت ..اعرف انك ولد عمي اللي يخاف علي ...انا ما كلمت واحد غريب من الشارع ..ولا تماديت بعلاقتي بك اللي ما تعدت حدود الرسايل .. أنا كنت أكلمك من كنا صغار ..من كنا نلعب مع الخيل ..ببساطة ..من كنا نحب بعض بغباء .. ناصر ـــ تسمين حبنا غباء؟؟ لحظة ..شلون تذكرتي ؟؟ مب انتي اللي صرختي فيني انج ما حبيتيني؟؟ولاتذكرين انج وعدتيني ..مب اقولج كل ما أقرب من اني اصدقج ينفضح أمرج ؟؟ ندى ـــ هه ..اذا تبي تعرف الحقيقة بقولك ..انا اكتشفتها متأخر من شفت هالصورة .. وطلعت الصورة اللي اعطتها لها منى ..وأعطتها اياه .. ندى ـــ طالع عدل .. أنا ما حبيتك انت ...أنا حبيت ناصر ..اللي كان حنون معاي ..الولد اللي كنت العب معاه ..واضحك معاه ..مب ناصر الحين ..اللي صار بلا ذمة ولا ضمير .. ناصر تأمل الصورة ..ابتسم ابتسامة حزينة ..ورجعها لها ــ مهما كان يا ندى ..ما في شي يبرر اللي سويتي فيني ..مافي شي يبرر انج استغفلتيني وخليتيني اكلمج باللي في قلبي .. ندى ـــ ما أدري شالجريمة اللي سويتها ..كنت غامض بالنسبة لي ..وحبيت اعرف كل شي عنك..اللي تقريبا كان كله عني كنت تلومني .واليوم اقدر اشرح لك الاسباب ..كنت مراهقة ..كنت غبية ..انت كنت اكبر مني بسنة ..يعني للحين طالب ..كنت دايما مع اخواني ..وعلشان جذيه عديتك واحد منهم ..عديتك اخوي ..لان طول عمرك معاي .. لكن يوم دخل سيف حياتي ..تذكرت اني بنت ..مب ولد يلعب اربع وعشرين ساعة ..تذكرت اني لازم امشط شعري والبس فساتين مثل باقي البنات ..كنت استحي ..لان سيف كان غريب ..لكن انت كنت مثل اخواني اقرب من روحي لي ..ما كنت استحي منك ..لانك طول عمرك كنت عايش معانا ..سيف ذكرني بأنوثتي ..اللي نسيتها وسطكم ...هذا كل اللي صار ..وانت ما فهمته ولا انا فهمته .. ناصر ــ ندى .خلاص ..لا تقولين شي زيادة ..انا فهمت الصورة ...روحي الحين ..خليني افكر . خليني اريح بالي .. اول ما كانت تبي تفتح الباب.. ناصر ــ لحظة .. فتح الثلاجة وطلع مكعبات الثلج ..حط له مكعبين ف منديل ..وبهدوء حطها على خد ندى اللي انتفخ . ـــ ندى أنا آسف .. .استحت ندى من قربه الشديد منها وخذت المكعبات من يده وطلعت .. أول ما نزلت اشهقت سمر .. ـــ هييييييييييييييييييييي ..كنت في غرفته ؟؟؟؟؟؟؟؟؟؟؟؟ ندى ـــ الله ياخذج قصري حسج ..وقفي تاكسي وخلينا نروح مطعم انا يوعانه .. سمر ـــ شفيه ويهج ؟؟ وشصار مع ناصر؟؟ ندى ـــ بقولج في المطعم خلينا نروح الحين .. ********************************** ظبية ــ وين ريلها؟؟ أم عبدالله ـــ والله علمي علمج ..البنات يتصلون فيه ,لكن ما يرد . ظبية ـــ ماقال لج الدكتور وش فيها بالضبط؟؟ أم عبدالله ـــ لا والله ..بس ..قال ان طيحتها من الدري سوت لها مضاعفات ..مضاعفات ايش .ما أدري.. ظبية ـــ بس عساها تقوم بالسلامة .. طلت هيفاء وسهام وحمده كانوا توهم طالعين من عند الدكتور..حمده كان مبين عليها انها صاحت ..خشمها احمر ..وصوت مبحوح .. ظبية ـــ ها يمه حمده ..شقال لكم الدكتور؟؟ حمده ــ يقول ان عندها التواء في ريلها ..وكسر في الرسغ في يدها ..الحمدلله يمه الدكتور قال ان كان في الامكان انها تموت من ضربة في الراس ..لكن الله ستر .. ظبية ـــ يا ويلي عليج يا بنتي ..ومتى بتطلع ؟؟ حمده ـــ بتم عندهم يومين ..لين ما يتأكدون أن كل شي اوكي .. ظبية ــ انتي مو قلت كسر عادي؟؟ ليش بتم يومين ؟؟ حمده ـــ يمه .. دلال ..كانت حامل ..لكن من الطيحة اجهضت .. حطت ظبية يدها على قلبها ..وام عبدالله تم تحمدالله انها قامت بالسلامة .. ظبية ـــ أيا ويلي عليج يا بنتي .. خسرتي ظناج؟؟.. ام عبدالله ـــ هدي نفسج يا ام احمد ..الله كريم ..المهم سلامتها. الله يعوضها انشاء الله ..حمدالله على سلامتها .. ظبية ــ الله يسلمج ..الحمدلله على كل شي .. هيفاء ــ خالتي لا تكدرين خاطرج .. الدكتور يقول لو أمي تأخرت عليها ساعة كان ما قدروا يسوون لها شي .. أم عبدالله ـــ أي والله ..كأن قلبي كان ناغزني فطلعت أشوف البيت ..يوم لقيتها طايحة دارت فيني الدنيا ....الله حفظها لج وردها بالسلامة ..وان كان على الحمال ..الله كريم .. امادلال فكانت في عالم ثاني .................... هيفاء تهمس لسهام ــ عبدالله ما يرد على جواله .. سهام ـــ وين تهقين طلع ؟؟ هيفاء ــ ما أدري ..لكن انا شاكة في السالفة ..السالفة فيها ان..انتي تشوفين شلون دلال تمشي بثقة ..وماتحط ريلها في مكان الا وهي عارفة شتسوي ...معقول تطيح من الدري؟؟ وبعدين تذكرين سفرات عبير وعبدالله الكثيرة قبل لا ييبون منى؟؟ كانت عن العلاج ..علاج ايش ما ادري محد قال .. سهام ــ هيفاء ..انتي عن ايش تتكلمين ..لا يروح ظنج لبعيد .. هيفاء ــ انا بس ادرس المعطيات ..لا اكثر ولا اقل .. سهام ـــ هذي حمدة يايه صوبنا ..صكري على الموضوع ما نبي فضايح .. هيفاء ـــ كيفج ..أنا قلت لج اللي افكر فيه .. حمده ــ بروح البيت الحين ..أوصلكم؟؟ هيفاء ـــ ودلال ؟؟؟ حمده ـــ الدكتور يقول ما بتفيق من البنج لين بكره الصبح ..باخذ امي وبروح انا يايه في سيارة جيرانا ..فان ...أوصلكم؟؟ هيفاء ـــ لا حنا يايين مع دريول عمتي . بندق عليها وتطرشه.:arab: مشكورة .. حمده ـــ على راحتكم ..أنا باخذ امي وبروح ..وفي الليل بتيي سارة ..تبات عندها .. ********************************** سارة ــ دلال ..أنت بخير ...حمدلله على سلامتج .. دلال حست بتعب بضيج .. ـــ سارة ؟؟ ..أنا وين ؟؟ .. سارة ـــ في المستشفى ..ام عبدالله . لقتج طايحة من الدري .. تذكرت دلال اللي صار .. ــ والياهل ؟؟ الياهل لا يكون صار له شي .. حطت يدها على بطنها ..لكن نظرات سارة كان تقول لها ..انه راح .راح .. نزلت ساره عيونها .. اما دلال فبجت .. دلال ــ حرام عليه .. والله حرام ..ههه ..يالله .. انا في حلم يالله ...كابوس مب حلم كابوس ..كابوس .. وانهارت بالبجي حاولت سارة تفهم كلماتها لكنها ما قدرت .. سارة ــ دلال انت شتقولين ؟؟.. من حرام عليه ؟؟ من تبين ؟؟ دلال ــ أبي أحمد ..أبي أحمد أخوي ..ييبوا لي أحمد أخوي .. سارة ـــ لكن أحمد سافر ومحد يدري وين طريقه .. دلال ـــ سارة ..أمانة لا تقولين لحد ..ييبي لي جوالي .. سارة ـــ جوالج مب موجود ..محد ياب شي من أغراضج ..انشغلنا فيج .... دلال ـــ دقي على جوال هيفاء ..انت معاج جوالج؟؟ سارة ـــ اييه ..لكن الساعة ثلاث الفير ..من يكون صاحي هالحزة .... دلال ـــ هيفاء تسهر تدرس نسيت انها ثانوية ؟؟ اتصلي فيها ..وخليها تعطيج رقم أحمد ف مصر اللي موجود في جوالي بسم حماده . ..وكلميه ابيه ..خللي يي ..قولي له ضروري .. سارة ـــ اوكي بطلع اكلمها بره ..بس أرجوج لا تصيحين ..الله يعوضج ..انشاء الله ..اهم شي سلامتج .. طلعت سارة ..واتصلت في هيفاء ..بتكون الفاتورة كبيرة لكن ..دام دلال طلبت منها ترخص لها كل هالدنيا .. هيفاء ــ هي شلونها الحين .. سارة ـــ تصيح ..مسكينة ..هيفاء ممكن اطلب منج طلب؟؟ اخوج عبدالله موجود؟؟ هيفاء ــ اطلبي اللي تبينه وعبدالله ما رد البيت ما ادري وينه ..ما شفناه اليوم ولا يرد على اتصالاتنا .. سارة ــ يعني الغرفة فاضية ..يالليت تييبين لي جوال دلال اكيد تلاقينه في شنطتها .. هيفاء ــ أييبه للمستشفى؟؟ سارة ـــ لا ..أبي رقم معين .. ليتج تدورينه لي وتتصلين فيني ناطرتج .. هيفاء ـــ اوكي ..بدق بعد دقيقة .. لفت سارة شوي في الممرات وهي تتأفف .. اول ما رن تيلفونها ـــ لقيتيه ؟؟ هيفاء ــ اييه ..في ثمانية مس كول . ولما شيكتهم .. رقم ست الجازي ..مرتين ..ورقم حماده خمس مرات. .. من حماده؟؟؟ ساره ـــ أحمد أخوي .. أعطيني رقم أحمد ..طرشيه لي كمسج ..اوكي ؟؟ هيفاء ـــ اييه اوكي الرقم طويل شوي ..الحين .. ساره ـــ مشكورة ..ازعجتج .. هيفاء ـــ لا ..أبد ما سويينا شي ..مع السلامة .. ابتسمت سارة أحمد كأنه حاس في دلال ... ثواني ووصل مسج ..واتصلت على طول .. أحمد ـــ سارة ..أهلين ..شعرفج برقمي؟؟ سارة ـــ حماده من غيرها ..شخبارك ؟؟؟واخبار فيصل نسيتوا ان عندكم اهل ابوي يحاتيكم .. أحمد ــ الحمدلله ..وماله داعي ..حنا في ام الدنيا قولي لي شلون الغالية ؟؟.. سارة ـــ اييه بس هذي اللي تسأل عنها ..و .أم الاهرامات الثانية.بخير وتحاتي ....انت في شقتك صح هذا رقم شقتك؟؟ ما بعتها ؟؟ أحمد ـــ لا ..هذي شقة ثانية ..ليش متصلة فيني هالحزة مو من عوايدج ..اعترفي .. سارة ــ انت اتصلت في دلال ؟؟ أحمد ـــ اييه ..أكثر من مرة ..اليوم ما أدري ليش طرت على بالي .كنت بس أبي أتطمن عليها .. سارة بهدوء ..ـــ يسمونها الحاسة السادسة .. أحمد ـــ أنت عن ايش تتكلمين ؟؟ سارة ـــ سبحان الله ..يقولون التوأم يحسون ببعض ..هذي الحاسة السادسة اللي عندك .. أحمد ـــ لايكون صار لها شي ؟؟ سارة ..تكلمي شفيها دلال ؟؟ سارة ـــ لا تخترع ..الحمدلله اله ستر وقامت بالسلامة .. أحمد ــ شفيها بالضبط؟؟ انت ليش باردة ..أنا أعصابي على نار وانت تتمايعين شفيها؟؟ سارة ــ تعثرت اليوم بالدري ..وطاحت .. وأجهضت جنينها ..وكسرت يدها وريلها التوت .. أحمد ــ تقولين كانت حامل ؟؟ سارة ـــ اييه ..هي احين تصيح ..وتبيك ..تقول ابي احمد ..ييبوا لي احمد .. أحمد ــ أعطيني اياها ..بسرعه .. سارة ـــ الحين .. وخطت سارة داخل الغرفة وأعطت دلال التيلفون .. أحمد ـــ دلال ..انت بخير ؟؟ دلال ـــ أي أحمد الله ستر .. أحمد ــ أنت تصيحين؟؟ دلال ـــ لا ..بس أبي أشوفك ضروري ..أبي أتكلم معاك .. أحمد ــ انشاء الله ..أسبوع وأكون عندج .. دلال ـــ أحمد ما اقدر انطر اسبوعا بيك الحين ..الحين ..الموضوع وايد خطير .. أحمد ـــ أنا بخلص اشغالي ..وكلها طيحة من الدري لا تتدلعين ....اهم شي تقومين بالسلامة ..والياهل الله يعوضج انشاء الله .. اشرت دلال لسارة انها تطلع بره .. سارة راحت وهي شاكة .. أحمد ـــ وين رحتي دلال دلال .. دلال ـــ انا هني ..أحمد أبي أتكلم معاك ..بنجن اذا ما ييت الحين ..ارجوك احمد .. أحمد ـــ دلال انت نسيتي فيصل؟؟ انتي حتى ما سئلتيني عنه ؟؟..ما أقدر أخليه هو تعافى تقريبا .. دلال بدون صبر وهي تبجي ــ عبدالله كان يبي يذبحني ..يبي يذبحني ..ارجوك احمد ..تعال .. أحمد انصدم ..ـــ دلال انتي شتقولين؟؟ دلال ـــ طقني بعد ما عرف اني حامل ..وبعدين دفعني على الدري ..ارجوك أحمد أبيك جنبي ..ما أقدر أقول لاحد ...ما أقدر أرجع البيت ..ما أقدر .. أحمد ـــ ليش ؟؟ ليش طقج؟؟ شالسبب ؟؟ استحت دلال تقول لاخوها ..لكن ..مالها غيره سند ـــ عبدالله يقول الياهل مب ولده ...( وبجت في هاللحظة ..) يشك فيني .. ما أقدر أرجع بيته ..وما أقدر أقول لهلي ..ما بيتحملون الصدمة ..أرجوك أنا بين نارين ..نار كرامتي اللي انهانت ونار اهلي .. أحمد ـــ دلال ..أنا في حياتي كلها ما شكيت باخلاقج .. لاني انا اللي مربيج ..لكن لازم أسألج هالسؤال ..ليش يقول جذييه شاف عليج شي؟؟ دلال ـــ والله العظيم اني ما خطيت .. ما ادري ما قدرت اسأله أحمد ..أرجوك أنت اللي بتحل الموضوع ..أرجوك أنا كنت بموت اليوم .. أحمد ــ دلال بكره بكون عندج ..لكن لا تقولين لحد ..أيا كان ..السالفة سالفة شرف ..وادعي الله ان عبدالله ما يبطل حلجه لين اوصل .. صكر من عند دلال ..وحط يده على راسه مب مصدق اللي سمعه ..دلال ؟ دلال اشرف من الشرف ..وبعدين تذكر شي ..اتصل في جاسم اللي كان في الدوحة.. جاسم ـــ يا صباح خير ..من اللي ما عنده لاذمة ولاضمير داق هالحزه؟؟ أحمد ـــ أنت .. ضحك جاسم وهو يتثاوب ..ــ أحمد ..اهلين ..وينك ..محد يعرف عنك شي ؟؟ أحمد ـــ أنا بخير ..أنت الي اول ما وصلت مصر انصدمت انك رايح الدوحة شهر عسل!!!! جاسم ـــ أي شهر عسل أي بطيخ . أمي ما تدري اني بالدوحة ..والكلب أمين رفيجك قال لها اني تزوجت ..ويوم اتصلت في خواتي اكتشفت ان امي حالفة اني ما أطب البيت ..أمانه تسمي هالمقلب اللي حطاني فيه امين شهر عسل ؟؟ احمد ـــ أسميه شهر زفت ..تعال انا متصل فيك أسألك سؤال. جاسم ــ سؤال ؟؟ انت خلصت دراسة من زمان سؤال عن ايش ؟؟ أحمد ــ يا فالح .. جاسم ـــ اسمي جاسم .. أحمد ـــ أنا متصل فيك من مصر علشان تخسرني ببلاهتك ؟؟ يا شاطر الاسئلة مب في الدراسة بس .. جاسم ـــ أدري ..ما يحتاج تقول لي .. ضحك جاسم وانغاض أحمد ـــ جاسم ما ني متفيق لك من الصبح .. انت مب قلت لي ان عبدالله ريل اختي كان له يد في المخدرات من خمس سنوات ؟؟ جاسم ــ اييه ..سمعت..مب أكيد ..قال لي سعد المصري ..اذا تعرفه .. أحمد ــ أعرفه .. اللي كان في الصيدلة وانتقل طب ..عكس الناس .. جاسم ـــ تماما ..سعد ابن عمه شرطي في مدريد ..يقول انه عبدالله كان مدمن على انواع مختلفة ..من المخدرات وانصاد مرة بتهمة الحيازة ..لكن بواسطة اللي كان معاه فلتوا من هالتهمة ..ما أدري اذا كان كلامه تشابهه اسماء ..ولا صحيح..أنا قلت لك من باب وجوب العلم بالشيء لا اكثر ..يمكن تصادفك مشكلة .. احمد ـــ جاسم .. ابي اعرف رقم سعد .. جاسم ـــ الشقة مكركبة ..والنوتة ما أدري وين حذفتها ..ماعندي ادنى فكرة .. أحمد ـــ بكره بكون في الدوحة وبييك الساعة ثمان في اللي ل ..جهز لي الرقم ..اوكي ؟؟ جاسم أوكي .باي برد أنام .. ************************** |
الحلقة الرابعةوالثلاثين ... ****************************** حطت يدها على كتف بنتها .. ـــ يمه سعاد اذا عاجبتش قعدتش في البيت ..بدون شغلة .. سعاد ـــ لا يمه ..أنا موافقة ... ام سعاد ــ خير وبركة ..حضري شنطتش .. سعاد ــ انزين .. أم سعاد كسرت خاطرها بنتها اللي طول اليوم في البيت ..فشكت لأخوها غازي اللي عرض أن سعاد تسافر له في الكويت ..دامه عزابي ومحد معاه في البيت .. سعاد ـــ يعني ..كم ..يوم؟ أم سعاد ــ خالش بيخلص شهر خمسة ويرجع الدوحة ..تمي معاه لين شهر خمسة .. سعاد طلبت من صافية أنها تساعدها في شنطها .. صافية ـــ بشتاق لش وايد .. هزت سعاد راسها ..وتذكرت شي ـــ المواعيد .. أم سعاد ـــ خالش بيوديش طبيب هناك .. صافية ـــ متى تسافر ؟؟ أم سعاد ــ بكره الصبح ..أبوش حجز لش التذكرة .. صافية ـــ تسافر بروحها ؟؟سابقة .. ام سعاد ـــ حنا بنوصلها المطار هنا لين تركب الطيارة وهناك خالش بيستقبلها بسرعة وكلها ساعة ..ما ينخاف عليها .. أم سعاد بالها كان مكان ثاني ..كانت متعودة كل يوم تطل من الشباك ..شلون بتعيش بدون هالشباك؟؟ موزة ـــ عاد ها ..لا تنسين الهدايا السنعة ..انت كريمة وحنا نستاهل .. هزت سعاد راسها باي وابتسمت .. سعاد ــ الهنوف ..اتصلي فيها يا صافية .. صافية ـــ انشاء الله .. بس أخلص ترتيب الشنطة معاش.. سعاد ـــ أبي اكلمها الحين .. صافية ــ اوكي .. تركت كل شي وراحت تتصل في الهنوف .. ********************************* هيفاء ــ عبدالله وين؟؟؟؟ من أمس ما بين ؟؟ دلال ـــ يا في الليل ...وقال انه مشغول .. طبعا هو ما بين ...لكن دلال علشان ما تصير مشكلة قالت جيه .. دلال ــ مليت متى يرفعون المغذي ؟؟؟ هيفاء ــ يمكن العصر .. حالة دلال النفسية تعبانة ..لكن ما تقدر تبين هالشي لاي أحد . هيفاء ـــ بتنامين الحين؟؟؟ دلال ـــ اييه .. اغرقت دلال بافكارها ...حرام عليه ليش ظلمها؟؟ شاللي يخليه يقول جيه ؟؟ يالله ... عبدالله ليش مع الايام ثقتي وحبي لك يتزعزع ؟؟ شلون تشك فيني ؟؟ والله كنت الزوجة المخلصة لك ..ليش ما صدقت أن الطفل طفلك؟؟ لحظة ..ليش شكيت اني ..لايكون ..لكن عندك بنت ..مستحيل تكون عقيم ..ليش شكيت أني ممكن أحمل منك؟؟ يالله ..لا ..لكن مالي عيشة معاك بعد اليوم .. أنا بفترق عنك ...أنت بكل برودة قلب كنت تبي تقتلني ..وقتلت ابنك ..قتلته .. انتبهت ان هيفاء تكلمها .. هيفاء ـــ في ايش سرحانة؟؟؟ دلال ــ ولا شي .. هيفاء ـــ أنا بطلع ..أخوج ياي في الطريق ..بنتظر في الاستراحة .. دلال ـــ أخوي من ؟ هيفاء ــ ما أدري ..اتصلت فيني سارة وقالت لي .سي يو .. دلال ـــ مع السلامة .. رتبت دلال شكلها .. انتظرت خمس دقايق . ..وكانت غارقة في أفكارها .. يوسف ـــ سلامات ....ما تشوفين شر .. دلال ـــ أهلين يوسف ..الله يسلمك ..والشر ماييك .. باس راسها وحط علبة الشوكلاته بقربها ... دلال ـــ شخبارك ؟؟ يعني لازم يصير اللي يصير يله أشوفك؟؟ يوسف ـــ لا تقولين هالكلام ..انشاء الله ما فيج شي. والحمدلله ..الله ستر .. دلال ـــ الحمدلله .. يوسف ـــ عاد..نسيتيني ..يبت لج معاي هدية .. دلال ـــ يبت هالعلبة .. يوسف ـــ لا ...هدية ثانية الحين بأي لحظة الدكتور ييبها .. دلال ــ انت تخصصك ايش بالضبط؟؟ طب ؟؟ موصي لي على علاج سريع مثلا؟؟..عشان الدكتور ييبه .. يوسف ـــ قربت من الحل ..ها هذي هي هديتي .. دخل أحمد مع الدكتور للغرفة فاشهقت دلال وأمد خذها بالأحضان ..الدكتور انسحب .. تمت تصيح في حضن أحمد ..اللي كان يهديها .. أحمد ـــ توني محاجي الدكتور يقول ما فيج الا العافية ..لا تصيحين .. يوسف ــ الله الله أنا أخوج بعد لكن ما خذتيني في الاحضان .. دلال ـــ تعال .. وضمت يوسف تراضيه .. يوسف ـــ لولا اني عندي شغل والا كان تميت في لكن الحين الستأذن ..سلامات دلال ..عسى هديتي ريحتج؟؟ دلال ـــ الله يخليك الحلقة الرابعةوالثلاثين ... ****************************** حطت يدها على كتف بنتها .. ـــ يمه سعاد اذا عاجبتش قعدتش في البيت ..بدون شغلة .. سعاد ـــ لا يمه ..أنا موافقة ... ام سعاد ــ خير وبركة ..حضري شنطتش .. سعاد ــ انزين .. أم سعاد كسرت خاطرها بنتها اللي طول اليوم في البيت ..فشكت لأخوها غازي اللي عرض أن سعاد تسافر له في الكويت ..دامه عزابي ومحد معاه في البيت .. سعاد ـــ يعني ..كم ..يوم؟ أم سعاد ــ خالش بيخلص شهر خمسة ويرجع الدوحة ..تمي معاه لين شهر خمسة .. سعاد طلبت من صافية أنها تساعدها في شنطها .. صافية ـــ بشتاق لش وايد .. هزت سعاد راسها ..وتذكرت شي ـــ المواعيد .. أم سعاد ـــ خالش بيوديش طبيب هناك .. صافية ـــ متى تسافر ؟؟ أم سعاد ــ بكره الصبح ..أبوش حجز لش التذكرة .. صافية ـــ تسافر بروحها ؟؟سابقة .. ام سعاد ـــ حنا بنوصلها المطار هنا لين تركب الطيارة وهناك خالش بيستقبلها بسرعة وكلها ساعة ..ما ينخاف عليها .. أم سعاد بالها كان مكان ثاني ..كانت متعودة كل يوم تطل من الشباك ..شلون بتعيش بدون هالشباك؟؟ موزة ـــ عاد ها ..لا تنسين الهدايا السنعة ..انت كريمة وحنا نستاهل .. هزت سعاد راسها باي وابتسمت .. سعاد ــ الهنوف ..اتصلي فيها يا صافية .. صافية ـــ انشاء الله .. بس أخلص ترتيب الشنطة معاش.. سعاد ـــ أبي اكلمها الحين .. صافية ــ اوكي .. تركت كل شي وراحت تتصل في الهنوف .. ********************************* هيفاء ــ عبدالله وين؟؟؟؟ من أمس ما بين ؟؟ دلال ـــ يا في الليل ...وقال انه مشغول .. طبعا هو ما بين ...لكن دلال علشان ما تصير مشكلة قالت جيه .. دلال ــ مليت متى يرفعون المغذي ؟؟؟ هيفاء ــ يمكن العصر .. حالة دلال النفسية تعبانة ..لكن ما تقدر تبين هالشي لاي أحد . هيفاء ـــ بتنامين الحين؟؟؟ دلال ـــ اييه .. اغرقت دلال بافكارها ...حرام عليه ليش ظلمها؟؟ شاللي يخليه يقول جيه ؟؟ يالله ... عبدالله ليش مع الايام ثقتي وحبي لك يتزعزع ؟؟ شلون تشك فيني ؟؟ والله كنت الزوجة المخلصة لك ..ليش ما صدقت أن الطفل طفلك؟؟ لحظة ..ليش شكيت اني ..لايكون ..لكن عندك بنت ..مستحيل تكون عقيم ..ليش شكيت أني ممكن أحمل منك؟؟ يالله ..لا ..لكن مالي عيشة معاك بعد اليوم .. أنا بفترق عنك ...أنت بكل برودة قلب كنت تبي تقتلني ..وقتلت ابنك ..قتلته .. انتبهت ان هيفاء تكلمها .. هيفاء ـــ في ايش سرحانة؟؟؟ دلال ــ ولا شي .. هيفاء ـــ أنا بطلع ..أخوج ياي في الطريق ..بنتظر في الاستراحة .. دلال ـــ أخوي من ؟ هيفاء ــ ما أدري ..اتصلت فيني سارة وقالت لي .سي يو .. دلال ـــ مع السلامة .. رتبت دلال شكلها .. انتظرت خمس دقايق . ..وكانت غارقة في أفكارها .. يوسف ـــ سلامات ....ما تشوفين شر .. دلال ـــ أهلين يوسف ..الله يسلمك ..والشر ماييك .. باس راسها وحط علبة الشوكلاته بقربها ... دلال ـــ شخبارك ؟؟ يعني لازم يصير اللي يصير يله أشوفك؟؟ يوسف ـــ لا تقولين هالكلام ..انشاء الله ما فيج شي. والحمدلله ..الله ستر .. دلال ـــ الحمدلله .. يوسف ـــ عاد..نسيتيني ..يبت لج معاي هدية .. دلال ـــ يبت هالعلبة .. يوسف ـــ لا ...هدية ثانية الحين بأي لحظة الدكتور ييبها .. دلال ــ انت تخصصك ايش بالضبط؟؟ طب ؟؟ موصي لي على علاج سريع مثلا؟؟..عشان الدكتور ييبه .. يوسف ـــ قربت من الحل ..ها هذي هي هديتي .. دخل أحمد مع الدكتور للغرفة فاشهقت دلال وأحمد خذها بالأحضان ..الدكتور انسحب .. تمت تصيح في حضن أحمد ..اللي كان يهديها .. أحمد ـــ توني محاجي الدكتور يقول ما فيج الا العافية ..لا تصيحين .. يوسف ــ الله الله أنا أخوج بعد لكن ما خذتيني في الاحضان .. دلال ـــ تعال .. وضمت يوسف تراضيه .. يوسف ـــ لولا اني عندي شغل والا كان تميت في لكن الحين استأذن ..سلامات دلال ..عسى هديتي ريحتج؟؟ دلال ـــ الله يخليك ...لي ولعليا .. استحى يوسف ..وطلع ..التفت أحمد لدلال وهو يبتسم ... لكنها بجت ..ما تعرف شتقول له ولا شتشكي له ..وقالت له كل شي بالتفصيل الممل من شكوكها فيه لين ما صحت وهي في المستشفى .. أحمد ـــ دلول ..لا تكدرين خاطرج ..خلي كل شي علي أنا .. دلال ـــ لكن ..شلون ..أنا مالي قلب أخليك بروحك معاه .. أحمد ـــ لا ..لاتكبرين السالفة ..سوء تفاهم وانشاء الله بينحل ..وترجعون لبعض .. دلال ـــ أحمد ..أنت شتقول ..أنا مستحيل أرجع له ..أنا شفت الموت على يديه ..وكافي انه ذبح ظناه .. أحمد ـــ دلال ..اهدي لا تصارخين ..اهدي .. دلال ـــ أنا كنت هادية طول الوقت ..لكن الحين ماقدر أسكت .. أحمد ــ دلال ..أختي ..أنا تقريبا ..فهمت اللي في راس عبدالله ..وصدقيني لما أتأكد بقولج ..والله حزتها بتنسين كل اللي صار .. دلال ـــ أحمد ..كان يبي يقتلني ..شلون تبيني أنسى ؟؟ أحمد ـــ أجل تبين تتطلقين ؟؟ دلال ـــ ما في حل غير هذا ..كافي انه اتهمني في شرفي ..وجرح كرامتي .. أحمد ـــ دلال اسمعي نفسج شتقولين ..عبدالله ما أساء التعامل معاج إلا لسبب وجيه ..انت العاقلة فكري جذيه ..عمره من تزوجتوا أهانج ..ولا سبج ولا ضربج؟؟ دلال ـــ لاء ..ولكن .. أحمد ـــ ما في لكن ..في سبب ..ولما تعرفين هالسبب..أنا ما بجبرج على شي ..بس اصبري ..وارجعي بيت ريلج كأنه ما صار شي .. دلال ـــ شلون أرجع؟؟؟ أحمد..أنت اصحى ..أقولك أنا انهنت وكنت بموت ..على يده ..أحمد ..أرجوك ارحمني . وتمت تبجي .. أحمد ـــ دلال ,,بالعقل .. دلال ـــ أي عقل وأي منطق يأيد اللي تقووله انت ..ماله حق مهما كان انه يسوي فيني جذيه .. أحمد ـــ اوكيه لا ترجعين وخليه يصدق اللي في باله عنج .. دلال ـــ أحمد !!! شالكلام .. أحمد ـــ أكيد لو ما تميت في بيتج ودافعت عن نفسج وأثبتي أنه غلطان ..بيصدق اللي في راسه ..ويقول اعترفت بــ.. دلال ـــ بس لا تكمل ..عبدالله ما ... أحمد ـــ ما ايش ؟؟ هذا دليل انج للحين تحبينه ..وما تبينه يفكر جذيه عنج .. دلال ـــ أنا أدافع عن كرامتي .. أحمد ـــ كرامتج انج تبين له انه غلطان ..وتمين في بيتج ..كرامتج ما تخليج تهربين من المشكلة اللي قدامج ..ولازم تواجهينها بكل شجاعة ..وأنت واثقة أنج على حق ..عبدالله بياخذ وقت يله يقتنع .. دلال ـــ وهذا الي قاهرني ..ليش شاك ان اللي كان في بطني مب ولده ؟؟على أي أساس ..فكرت يمكن يكون عقيم ..لكن شلون عقيم وعنده منى ..شلون عقيم ويخبي عني هالشي ..هالاحتمال مستحيل ..ليش شك فيني ؟؟ حد قال له شي عني ؟؟ حرام عليه والله العظيم اني حتى من زود فرحتي ما نطرت أروح الدكتورة ..قلت له بسرعه ..قلت له وأنا في قمة سعادتي علشاني يحولني في دقايق لاتعس مخلوقة .. وقامت تصيح في حضن أحمد اللي يحاول يهديها ..كلامها منطقي لكن أحمد ذكي ..وخمن سبب المشكلة ..ما يبي دلال تتطلق ..وبيحل هالمشكلة بمنطق .. أحمد ـــ أنا بروح الحين ..الدكتور قال لي انج بتطلعين اليوم العصر .. دلال ـــ انشاء الله .. أحمد ـــ لبيت ريلج .. هزت راسها مستسلمة ..ـــ زين .. طلع أحمد .. وفكر يمر على ربعه .. في نفس الوقت كانت الغالية محتارة ..واقفة بره ..ناطره جولة الاطباء تخلص ..ولمحت زول أحمد ..ما كذبت عيونها .. اقتربت منه .. الغالية ــ أحمد ؟؟؟؟ التفت أحمد وشاف وحده مبرقعة . تكلمه ..وعرف هالعيون .. أحمد ـــ الغالية ؟؟؟ شتسوين هنا ؟؟ وقرب منها ..الغالية ــ أنت متى رديت ؟؟؟ احمد ـــ اليوم ..دلال ..صار لها حادث ..فاضطريت أني أرجع بسرعه ..أنت شتسوين هنا ؟؟ الغالية وعيونها تغرقت بالدموع ــ أبوي ..أبوي طاح علينا .. أحمد ــ شفيه عمي ؟؟ الغالية ــ ما ادري .. ****************************** الجازي انجنت من عرفت اللي صار لدلال ..وتمت تصيح ..وقررت زيارتها .. اليدة ــ الجازي وين طالعة هالحزة الصبح ؟؟؟؟ وليش متكدرة ؟؟ الجازي ـــ أميمة دلال ربيعتي في المستشفى .. اليدة ـــ خير وشفيها ؟؟ الجازي قالت لجدتها كل اللي صار لها .. اليدة ـــ اليازي يده ..لا تروحين الطريق طويل عليج انا بروح عنج .. الجازي ـــ ما أقدر ..وبعدين عادي لكن ..دلال ما أقدر اخليها .. اليدة ـــ لكن لازم ما تعبين نفسج ..أنت كل ما يا لج وتزيدين الحركة ..ارتاحي ..كافي شغلج متعبج .. الجازي ـــ انا مو تعبانة ..الحمدلله انا ما اشتكي من شي .. اليدة ـــ مب علشانج ..علشان هالبزارين المساكين .. الجازي ـــ الله يحميهم ..مالي غيرهم ..من بعد الغالي .. اليدة ـــ للحينج على طاريه ؟؟ ما قلنا نسيتي ؟؟ الجازي تهمس ــ أنسى روحي ..بس ما اقدر انساه .. عن اذنج يدتي .. اليدة ـــ بحفظ الله .. كانت شكل الجازي روعة .. ويهها منتفخ شوي ..ولبسها لثوب الحوامل معطيها انوثة ..مع العباة المفتوحة والشيلة المطرزة ...ما كانت تلبس غشوة ..لما شافها ..وسم بالله عليها ... صالح كان مذهول باللي يشوفه ..كان واقف في الشارع ..كان يبي يتأكد من كلام عيسى له ..انه جميلة وآدمية ..وأول ما حس انها بتطلع مع الدريول شغل سيارته وتحرك بسرعة ..علشان ما تحس فيه .. الجازي ــ من هذا ؟؟ الدريول ـــ ما يعرف اسمه ,,, الجازي ـــ انت يشوفه أول مرة ؟؟ الدريول ـــ لا ماما ..انا يشوفه بيت ماما سميرة .. الجازي فكرت ..سميرة ؟؟ الدريول دايما يروح لهم لانها تحتاجه مع زحمة اشغالها بعكس الجازي وجدتها اللي ما يطلعون وايد ..من هذا ؟؟ وليش كان يطالع لها ؟؟ حطت الغشوة على ويهها .. ـــ المستشفى ..بسرعة .. مرت في طريقها على محل شوكلاته وورود ... الجازي ـــ سلامات ..والله العظيم توني يله عرفت .. دلال ـــ الله يسلمج ..ماله داعي تعتذرين.. الجازي ـــ شصار بالضبط؟؟؟ شالسبب ؟؟ دلال ـــ يا بنتي ..مكتوب لي ..انت شخبارج ؟؟ وليش مكلفة على عمرج؟؟ الجازي ـــ اعذريني مو من مقامج عندي بس على الماشي .. دلال ـــ الجازي والله ما كان له داعي .. الجازي ـــ قالوا لي انج ... دلال ــ أجهضت ؟؟ الجازي ـــ اييه ..ما اعرف شقولج بس الله يعوضج انشاءالله ... دلال ـــ الله كريم ..وانت شقالت لج الدكتورة .. الجازي ـــ ماله داعي تسأليني ..أخاف أضايقج ..و؟أذكرج .. دلال ـــ لا ..شتضايقيني ؟؟ الموضوع ما فيه شي ..مب مكتوب لي هالياهل ..والحمدلله على كل شي ..كسرت يدي .. الجازي ـــ سلامات .. دلال ـــ الله يسلمج خلينا مني الحين ..شقالت لج الدكتورة عن انتفاخ بطنج الغير طبيعي ؟؟ الجازي ــــ ما تصدقين الياهل طلع .. دلال ـــ بنت؟؟ الجازي ــ لا .. طلعوا اثنين مهابيل مزعجين .. افرحت دلال للجازي ووقالت وهي فرحانة ـــ صحيح؟ الله يخليهم لج .. الجازي ـــ ..آمين ..عاد لي واحد وانت لج الثاني ..انا ما استحمل اثنين .. ضحكت دلال ـــ لا تخليني اصدق تراني اسويها .. الجازي ـــ دا بعدك ..أنت عندج الريل . أما انا فعندي العيال ..سبحان الله محد كامل .,.. سرحت دلال دقيقة ..وهزت راسها ..ــ صحيح ..محد كامل . الجازي ـــ أدري بتقولين شالصديقة اللي تتكلم عن هالموضوع وأنا في هالحالة ..بس صدقيني عرفت أن هالشي بيفرحج .. ضحكت دلال ...ـــ صج فرحت لج وايد .. الجازي ــ عاد يدتي قالت لي ما أقول لحد أني حامل بتوأم علشان ما يحسدوني .. دلال ـــ صحيح ..ترى الناس عيونها ضيقة ..وسمعت قصص وايد عن الحسد.. الجازي ـــ لا ..مب لها الدرجة .. دلال ـــ لها الدرجة وأكثر صدقيني أهم شي أنج تحافظين على أذكار الصبح والمسا ..وانشاء الله ما يصيبج شي ... ************************ شيماء ـــ أجهز لك شنطتك؟؟ محمد ـــ ما أبي أعذبج ..كافي انج طول اليوم بتكونين في المستشفى .. شيماء ـــ اليوم ما بروح إلا العصر ..الصبح بتكون اختي عنده .. محمد ـــ وشلونه الحين ؟؟ عسى حالته تحسنت ؟؟ شيماء ـــ ما أدري .. لا تسألني ..من زود ضيقي صرت ما أسأل الدكتور عن حاله .. وتحركت في الغرفة طلعت شنطة صغيرة..وبدت ترتب ثيابه فيها ..هو كان جالس على الكرسي الل مقابلها ..يطالعها شلون تتحرك و تحط الثياب في الشنطة ... قلبه يدق ..أنوثتها ..نعومتها ..شخصيتها ..كل شي فيها يطير العقل ..يحس أنه ما يقدر يصبر أكثر ..هالحاجز اللي بينهم لازم ينزاح .. محمد ـــ لا تحطين ملابس وايد كلها يومين .. شيماء ـــ بتسافر الليلة؟؟ محمد ـــ بيمرني ربيعي الفير في سيارته .. شيماء ـــ سيارة ؟؟ ما قلت لي انك بتسافر في سيارة .. محمد ـــ وليش مخترعة جذييه؟؟؟ شيماء ـــ لا ..بس ...على بالي تسافر في طيارة .. محمد ـــ لا ..ماله داعي ..لا رحنا هناك بنضيع في الشوارع ونصير من تكسي لتكسي ..أما اذا كنا في سيارتنا أمن لنا ..على الاقل نعرف وين شنطنا .. شيماء ـــ بــ.. كانت بتزل بلسانها وتقول توحشني ..لكنها ..تذكرت .. محمد ـــ ها؟؟ شيماء ـــ لا ..كنت ..بقول ..الله يسهل لكم طريقكم ..ويردكم بالسلامة .. محمد ــ شيوم ..شرايج نطلع الليلة ؟؟ نتمشى .. شيماء ـــ لا ..وراك سفر لازم تنام مبجر .. حطيت لك عطر و شامبو وصابون ومشط ..وحطيت منشفتين في الشنطه .. كل شي جاهز .. طالعت الشنطة مرة ثانية وقالت شيماء ـــ كل شي جاهز و حطيت لك غترتين وشماغ ..كافي ؟؟ محمد ــ كافي ..حتى ما بحتاجهم ..حطيتي لي بيجامة ؟؟ شيماء ـــ حطيت ثنتين حتى لا تسخت وحدة تستعمل الثانية .. محمد ــ مشكورة ..كافي جذييه ..بسافر يومين مب أسبوع .. شيماء ـــ الظاهر ما تعرف شي عن نفسك ..أنت تستهلك نص هالكمية في يوم .. محمد ـــ معقول ؟؟ أنا أغير ملابسي هالكثر ؟؟ لا ..انا البس ثوب واحد ويوم أرد البيت البس البيجامة واذا طلعت ألبس نفس الثوب .. شيماء ـــ لا ..قالت صالحة الله يرحمها ..انك ما تلاحظ ..لا ..انت بالضبط تستعمل هالعدد من الملابس في يوم واحد .. صكرت الشنطة وحطتها على جنب ويوم التفت لقته واقف قدامها .وقريب وايد منها ..حست بانفاسه ... محمد ـــ شيماء ... أنت سامحتيني ؟؟؟ شيماء استحت ونزلت راسها الارض ..ـــ شقصدك ..بالضبط .. محمد ـــ شيماء ..سؤال واحد ..أنت للحين تكرهيني ؟؟ هالسؤال خلا شيماء تنجن ..وقالت في قلبها .انا احبك بجنون ..لكن ..حست أنها تبي تهرب منه ..نفسها صار سريع ..وجوده قريب منها يذبحها .. محمد ــ جاوبيني .. شيماء ـــ لا ..أنا ما أكرهك .. وبسرعة طلعت من الغرفة ويهها كان لونه أحمر . محمد طلع وراها .. ـــ شيماء .. وقفت في مكانها ..ـــ نعم .. وهي مضطربة شسوي الحين ؟؟ وتمت ترتب في شعرها ..وهي معطته ظهرها ما عندها الجرأة أنها تطالع له .. محمد ـــ باخذ دش بعدين بروح أصلي الجمعه ..ما بتغدى هنا بتغدى في بيت أبوي ..لا تعملون حسابي .. شيماء ـــ زين .. وطلعت الغرفة فوق وحست أنها بتنجن ..يعني معقول ما حس فيها ؟؟ معقول ؟؟ شلون بتعيش بدون شوفته هاليومين ..ما تقدر ..الله يعينها .. **************************** انصدمت ..واهتزت ..وعيونها غرقها الدمع .. ـــ ايش هذي ؟؟ حمد ـــ عكاز ...أنت ما تقدرين تمشين إلا وحد يسندش ..وهذي عكاز اليوم شفتها في السوق ..عاد شكلها راقي ومقبضها مريح .. سعاد ـــ عكاااز ؟؟؟؟ حمد ــ شفيش مثل الياهل اللي ما مصدق ..خذي أنا بروح الحين وبجي عقب ساعة أشلش المطار .. سعاد ما قدرت تتحمل ..ودموعها فضحتها .. صافية ـــ حلو هالعكاز يذكرني بالرسوم المتحركة ..خصوصا نساء صغيرات هذا جارهم العيوز اللي عنده وحدة مثلها .. تعطي هيبة لصاحبها ..شي .. سعاد ـــ ما جبتوا لي ... كرسي.. متحرك ما ...كان أحسن ؟؟ انتبهت صافية للوعة أختها .. صافية ـــ اسم الله عليج ..انشاء الله ما تستعملينها إلا مؤقت ..وتشفين .. سعاد بصعوبة وهي تتننفس مع كل حرف تنطقه ـــ لا ..ما أعتقد أني بشفى ..الدكتور قال لي احتمال العرج كبير جدا . ...وضعف في ريولي ...........واصابة ظهري بكدما.....ات.... واحد من الاسباب اللي......... ما تخليني أمشي عدل ..الحين حسيت في العذاب اللي عايش فيه خلفان ..ان الواحد يكون حبيس اعاقته ...يالله .. وتمت تبجي وصافية ما قدرت تنطق بحرف ..خذت أختها في حضنها ..ولوت عليها .. أما العكاز ..فتم في مكانه ..وطوال ساعة سعاد تطالع له وهي حزينه ..وضايقه ..عكاز ...هذي آخرتها ..اللهم لا اعتراض .. وصلها حمد للمطار ..اركبت الطيارة بتأن .. وسافرت .. *************************** أحمد بمجرد ما خلصت صلاة الجمعة راح لبيت عبدالله .. رن الجرس ـــ نعم .. كانت سهام عند الباب .. أحمد ـــ السلام عليكم . عبدالله موجود؟؟ سهام ـــ لا والله .. أحمد ـــ وين ألاقيه ؟؟ سهام ــ شوفه في المكتب .. أحمد ـــ آسفين على الازعاج .. وطلع أحمد مسرع ..للمكتب ..اللي كان في الطابق الثاني في عمارة بوسط الدوحة ..وكان عبدالله دل أحمد عليه من قبل .. دخل مع أن الناطور قاله أنه ما في أحد في المكتب .. أول ما وصل لباب المكتب .. جرب يفتحه ..وما خاب ظنه ..كان مفتوح .. دخل المكتب الي كان عبره عن شقة صغيره وأثاثها واييد كلاسيك .. وقرا اسم عبدالله على المكتب .. المهندس عبدالله المنصوري .. طق الباب وبدون لا ينطر أي رد دخل .. كان عبدالله جالس على مكتبه وساند راسه للطاوله وحاط غترته على جنب ..وبيده سيجارة .. أحمد ـــ ما خبرتك تدخن .. رفع عبدالله راسه ..وكان ويهه أسود ..ومبين عليه ما نام من يومين ..عبدالله ـــ أحمد ؟؟ أحمد ـــ أيه أحمد ..عبدالله .. ـــ لبيه ,. أنا هنا ..شتبي مني ؟؟؟ أحمد ـــ شفيك ؟؟ ليش تصارخ ؟؟ دخل احمد المكتب ببرود أعصاب وجلس على الكرسي مقابل احمد .. عبدالله ـــ تبي تعرف ايش ؟؟؟ ييتك مو لله .. أحمد ـــ ليش سويت جذي في دلال .؟؟ عبدالله ـــ تستاهل ..خانتني ..الكلبة .. أحمد ـــ خانتك؟؟؟ وبأي حق تقول أنها خانتك ..شالدليل .. عبدالله ـــ انها حملت سفاح .. أحمد ـــ سفاح ؟؟؟؟؟؟وليش ما يكون حملها منك ؟؟ عبدالله ـــ .......................لاني عقيم!!!! أحمد ـــ ومنى ..بنتك ..شلون عقيم وانت عندك منى ..ولا زوجتك الاوليه خانتك بعد ؟؟ عبدالله ــ جب ...جاااااب ..ما أسمح لك تتكلم عنها جذييه .. أحمد ببرود ـــ زين اشرح لي . شلون عندك بنت وانت عقيم ؟؟ عبدالله ـــ منى ...منى ..أنا وعبير يبنا منى عن طريق الانابيب .. فهم أحمد الصورة الحين ..لكن حب يتأكد ـــ اشرح لي ؟؟ عبدالله ــ انت دارس طب اكيد تعرف شلون اطفال الانابيب . أحمد ـــ قصدت ..شلون صرت عقيم ... انخطف لون عبدالله .. ــ مافي شي ينشرح .. أحمد ـــ لا ..في ... تكلم .. اعترف .. كنت بتقتل أختي وأنت ترميها ببرود من على الدري ..لي حق أشرح لها سبب جريمتك هذي .. عبدالله ـــ قلت لك ..أختك كانت حامل في سفاح .. أحمد ـــ أختي أطهر منك ..ومو ذنبها انك شكاك ..وجاهل .. عبدالله ـــ أنا مب جاهل ..واذا كلامك صحيح شلون تفسر حملها .. أحمد ــ في اللحظة اللي تفسر لي سبب عقمك ..بفسر لك سبب حملها .. عبدالله ـــ ما أقدر أتكلم .. وقف احمد وهو معصب ... أحمد ـــ أنا عندي فكرة عن هالموضوع ..وبختصرها لك في سطر واحد ...مانع رفيجك كان السبب في ادمان اخوي فيصل على المخدرات .. ارتبك عبدالله ..أما أحمد ..فكان يبي يطلع من المكتب .. ــــ انتظر ..أحمد .. أحمد رد للمكتب .. أحمد ـــ أعتقد أنك فهمت أني جدي .. عبدالله ـــ فيصل مدمن؟؟ أحمد ـــ الحمدلله ..قدرت ألحق عليه ..وهو الحين في مصحة في مصر ..وتقريبا ..استجاب للعلاج .. عبدالله ـــ تقول مانع .. أحمد ـــ اييه ..مانع ..قال لي فيصل مرة انه تعرف عليه في ديوانية واحد من ربعك..وبعدين ..تصاحبوا وشوي شوي ..جر فيصل في المخدرات .. عبدالله ـــ ..................شتبي أقولك بالضبط؟؟؟ أحمد ــ أنا شفت واحد ..قال ان ابن عمه ضابط ..في مدريد ..وانه واحد اسمه عبدالله ورفيجة مانع قبضت عليهم الشرطة بتهمة التعاطي ..لكن بوساطة مانع اطلعوا منها ..وهالكلام من .. عبدالله ـــ خمس سنوات ..أعرف .. أحمد ــ يعني كنت انت ؟؟ .. عبدالله ـــ اييه ..كنت مخلص الجامعه ..وتوني بديت في الشغل ....وتعرفت على مانع ..ابن التاجر الغني ..وصاحب الاسم الكبير . أحمد ــ شلون ؟؟ انت العاقل ..شلون ؟؟ عبدالله ـــ اقنعني اني اخذ اجازة ..وسافرنا ..كنت توني متزوج عبير ..تركتها ..المسكينة ..اما مانع ..فخذاني من دولة لدولة ..وأنا كانت عاجبتني الراحة ..والاكثر ..المخدرات ..تعاطيتها مثل الكثير غيري بنفس التسلسل ... القليل ما يضر .والقليل صار متوسط ..والمتوسط صار بدرجة كبيرة ..وتميت سنة ونص .. ..وأنا ضايع ..من مهدئ لثاني ومن بودرة وابر لحشيش .. ..ما خليت شي ..ما استعملته ..لين قبضوا علينا في مدريد ..طبعا كنت مفلس ..وكنت أبيع وأسوي لمانع اللي يبيه ...بس ..يعطيني الدنيا ..كنت اسمي المخدرات الدنيا ..قبضوا علينا ..وبواسطة وفلوس مانع .. قدرنا نلفلف القضية ..واستدنت فلوس منه ..بس علشان أرجع الدوحة .. ورجعت لعبير ..بعد غياب سنة ونص تقريبا من اللف والدوران من بلد لبلد ..بأول أيامي انجنيت من حاجتي للمخدرات ..لكن عبير داوتني ..كل فلوسها حطتها في مستشفى في السعودية وخذتني له بالغصب .. أحمد ــ وبعدين ؟؟ عبدالله ـــ شالي بعدين ؟؟ انصلح حالي ..ورجعت لشغلي .. أحمد ــ وقصة الانجاب ؟؟ عبدالله ـــ مرت علينا فترة أنا وعبير .. قررنا نروح للطبيب ..عبير كان عندها مشكلة .. فتمت تعالجها ..أما أنا مجرد ما عرفت ان عندها مشكلة .. تأكدت ان القصور منها ..لكنها تمت تتعالج ..وبعدين ..فحصت . بطلب من الطبيب ..وكانت الصدمة .. أحمد ــ يعني انت ما تعرف ان اللي يتعاطون مخدرات يدمرون فرصهم في الانجاب ؟؟ عبدالله ـــ ما كان عندي أدنى فكرة . انصدمت .شرح لي شغلة عن عدد الحيوانات المنوية وانها غير كافية مدري كم مليون ..في مدري كم ..انت ادرى ... قال لي الدكتور ما في حل الا اطفال الانابيب ..وجربنا ..مرتين وفشلت المحاولة ..لكن في المرة الثالثة ..كانت منى .. أحمد ـــ ما قال لك شي ثاني ؟؟ عن ادمانك ؟؟ عبدلله ــ أصلا أنا ما قلت له اني مدمن على المخدرات ..بالاحرى كنت مدمن .. أحمد ـــ عبدالله ..أمانة ..كون صادق معاي ..متى آخر مرة ..جربت فيها المخدرات ؟؟ ارتبك عبدالله .. أحمد ـــ متى .؟؟ عبدالله ـــ السنة اللي راحت .. أحمد ـــ متى ؟؟ليش ؟؟ عبدالله ـــ صدقني بس مرة وحدة ..كنت محتاج لشغلة تنسيني ..كنت ضايق ..ورحت لمانع ..وسهرنا للصبح .. أحمد ـــ ليش ما قلت لدلال ؟؟انك عقيم ؟؟ ليش ما صارحتها ؟ شلون ضميرك .. قاطعه عبدالله ـــ ما قدرت ..فكرت ان كان على الاطفال طريقة الانابيب ..لكن .. أحمد ـــ لو أنك قلت لدكتورك .انك كنت مدمن ...كان قالك ان مشكلتك له علاج بمجرد انك تتوقف عن هالسم ؟؟ عبدالله ـــ لا ما قال لي ..لو صحيح كان قال لي .. أحمد ـــ الدكتور على باله انك ..انك ..مولود جذيه ..لو قلت له ان السبب ..كان المخدرات كان اشرف على علاجك .. عبدالله ـــ احمد شتقول ؟؟ في فرصه اني أتعالج ؟؟ احمد ـــ اييه ..بس انت للأسف دمرت فرصتك ..وذبحت ظناك .. عبدالله ــ وأنا شدراني ان كنت تكذب علي علشان تغطي على اختك ؟؟ احمد عصب من هالكلام . ..ـــ عبدالله ..تراك تعديت الحدود أنا ما أبي أدمر حياة دلال ..ودلال متربية معاي أنا ..ولو شكيت لحظة ..أن كلامك صحيح كان أنا أول واحد تصرفت معاها ..كان أنا ذبحتها وبدم بارد ..لكن ..أنا واثق منها .. ما تكلم عبدالله ..لكنه تم شاك .. أحمد ـــ رد لبيتك .. وراجع نفسك ..وفكر زين ..وفي أمية طريقة وطريقة تتأكد من كلامي .. طلع أحمد ..وخلى عبدالله ..اللي تم محتار .. *********************************** |
دلال ردت البيت .. وأول ما دخلت الغرفة تمت محتارة ..تذكرت قسوتة معاها .. قلاس الجاي مكانه ..كل شي مكانه وهذا يدل على أن عبدالله ما دخل الغرفة من صار اللي صار .. سهام ـــ انت استريحي في سريرج ..وأنا تحت خدمتج .. دلال ـــ وين منى ؟؟ اشتقت لها .. سهام ــ الحين اخلي الخدامة تييبها .. حضنتها دلال .. حست أن شي في حياتها ناقص هاليومين .. وأخيرا تأكدت أنها تحب منى ..عكس الافكار اللي كانت تزرعها منال في راسها .. سهام ــ ما كلت من أمس لليوم .. وكله تبيج .. هيفاء ـــ تقول وين ماما ..تخيلي ؟؟ ابتسمت دلال ــ أخيرا قالت ماما ؟؟ عني ؟ كانت كله تقول دالال ...اما منى فحطت راسها على صدر دلال .. ومسك فيها كأنها ماتبيها تخليها .. هالموقف خلى دلال في حيره .. اذا انفصلت عن عبدالله ..منى المسكينه من يربيها ؟؟.. سهام ــ الغرفة مب مرتبة ..بنادي الخدامة ترتبها .. دلال ـــ ياليت بسرعه تراني مو طايقة الغرفة جذييه .. أما عبدالله ما كان يدري أن دلال ارجعت البيت ..كان على باله أنها بتروح بيت أبوها ..رد البيت وأول ما دخل الغرفة انصدم ..كانت أخواته سهام وهيفاء والخدامة ترتب الغرفة بسرعة ..وقف عند الباب متسمر ..أما هيفاء فقالت ـــ يله سهام ناخذ منى ونطلع ..حمدالله على سلامة دلال يا عبدالله .. عبدالله ــ الله يسلمج .. وأشرت للخدامة أنها تطلع بره .. منى ما كانت تبي تطلع لكن هيفاء سحبتها بقوة .. أول ما اطلعوا .. صكر عبدالله الباب .. وتم ساكت جلس على الكرسي ..بعيد عن دلال شوي ..وهو محتار ..شمعنى رجوها للبيت ؟؟ أما دلل فعدلت مخدتها ..وريحت راسها ونامت ..( تمثل أنها نامت لكنها ميته من الخوف )..الموقف مربك ..مربك .. عبدالله ـــ ليش رجعتي ؟؟ دلال ــ.................... عبدالله ـــ اذا تبين أشرح لج سبب شكي ؟؟؟ أنا مستعد .. دلال ـــ ....................................................... عبدالله ـــ دلال ..ردي علي .. دلال ـــ أنا تعبانه الحين ..ممكن نأجل كلامنا لليل ؟؟ عبدالله ـــ ممكن..ليش لأ... طلع عبدالله بهدوء.. لكن دلال لامت نفسها ..ليش ما خلته يشرح لها وهي تموت وتعرف السبب ..لكنها مب مستعدة تتكلم معاه ..مب مستعده تواجهه ... أما عبدالله فراح غرفة منى وحط راسه ونام .. ********************************* العكاز اللي بيدها ونظرة كل الناس لها تجرحها ..استندت عليه ..وفكرت وين راح ؟؟ خالها وين راح ؟؟ناطرته من ساعه .... جلست بقربها بنت .. ـــ أنتوا للحين تلبسون هالأشياء ؟؟( كان قصدها النقاب ) سعادــ وعليكم السلام .. البنت ـــ سوري .. نسيت .. سعاد ـــ لا معليش .. البنت ــ أنا اسمي ليلى وليد .. سعاد ـــ................................ البنت ـــ ما تعرفت عليج ؟؟ سعاد ــ اسمي سعاد .. البنت ــ تدرين ..في واحد عند المدخل يسأل عن وحده اسمها سعاد .. سعاد ــ صحيح؟؟ و|أخيرا بين ..أكيد هذا خالي .. ليلى ـــ ما تروحين تشوفينه ؟؟ سعاد ــ لا ..هو بيجي .. انتبهت ليلى للعكاز ..فهزت راسها بينما سعاد طنشتها .. تمت ليلى تتكلم وتتكلم .. سعاد ـــ انتي من أهل البلد؟؟ ليلى ـــ اييه ..لكن أنا هنا ناطره اخوي مشعل ..بيجي اليوم من السويد ..الطيب عند ذكراه ...هذا هو .عن اذنج . انتبهت سعاد على اخوها..كان طويل ..ووسيم جدا .. عيونه حادة ..وله عارض مخلي شكله رجولي جدا .. التقت عيونهم..استحت سعاد فنزلت راسها علىطول.. طلعت ليلى مع أخوها .. مشعل ـــ من هذي ؟؟ ليلىـــ وحدة.. مشعل ـــ تصدقين على بالي واحد ..أدري وحده تعرفينها ؟؟ ليلى ـــ لا ..بس شكلها مغرورة ,أتكلم معاها ما ترد ..اييه ذكرتني .. مشعل ــــ ايش ؟؟ ليلى ـــ هذاك خالها من قبل شوي كان يسأل عنها ..بروح أقول له .. مشعل ـــ وليش تقولين له ؟؟ ليش ما تروح له ؟؟ ليلى ـــ ما شفت عكازها ؟؟ شكلها عندها عله في ريولها ..مسكينه .. مشعل ـــ أنا أقول له .. ليلى ـــ واذا سألك شلون عرفت ؟؟ ما تشوفها لابسة نقاب؟؟ أكيد محافظين حيل .. مشعل ــ يمكن,,بروح معاج .. اقتربت ليلى نم غازي اللي كان طاير عقله ويدور ..ويسأل التكاسي .. ليلى ـــ أخوي .. في وحدة داخل في الانتظار لابسة نقاب ..اسمها سعاد .. غازي ـــ صحيح؟؟ أنا قلت لها ما تروح الانتظار ..وليش حضرتها ما يت هنا ؟؟ ليلى ــ ما ادري بس هي ما سكة بيدها عكاز .. ضرب غازي بيده على راسه ..ـــ اوووف شلون فاتتني هذي .مشكورة أختي .. هزت ليلى راسها بماله داعي وراحت هي ومشعل .. أما غازي اللي نسى انه عندها صعوبة في المشي ..دخل بسرعه ولقاها .. سعاد ــ هلا خالي ..واخيرا .. سلمت عليه ... غازي ـــ أصلا لولا وحدة نشمية هي وخوها كان ما دليت طريقش ... سعاد ــ اسفة خالي ان تعبتك .. غازي ـــ لا ..يا بنت اختي ولو ..خليني أشيل الشنطة ..تبين أسندش؟؟ سعاد ـــ ماله داعي .. استندت على عكازها ولحقته ... مشعل ــ عيونها ما أدري سحرتني .. ليلى ـــ صج ؟؟ وأخيرا ؟؟ وقعت في الحب؟؟ مشعل ـــ لاتفهميني غلط ..ما أدري ..لما التقت عيوننا ..تسمرت في مكانني ..لكن ما أدري أكيد ورى هالنقاب وجهه قبيح .. ليلى ـــ لا ..أنا ما أتوقع هالشي ..شوف هذي هي ..مثل ما توقعت ..عندها مشكلة في ريولها شوف شلون تعرج .. مشعل ـــ رغم أنها تعرج ..لكن مشيتها .. ليلى ــ أخوي العزيز ..شفيك؟؟ مشعل ــ ما أدري ..هالبنت .. ليلى ـــ وشدراك أنها بنت ؟؟ يمكن متزوجة ؟؟.. مشعل ـــ صدقيني أنها بنت ..البنت ما تقدر تحط عينها في عين الريال الغريب ..تستحي فتنزل راسها ..وهي سوت جذي لما يت عيني في عينها .. ليلى ـــ هاهااهاها .. ضحكتني .. مشعل ـــ ضحكتي من .. ليلى ــ ان كملت بقول لابوي .. سكت مشعل ..لكن سعاد رغم أنه ما سمع منها كلمة وحدة لكن تركت عنده انطباع قوي .. غازي ــ سعاد .. تبين شي ؟؟ عطشانه ؟؟ يوعانه؟؟ سعاد ــ لا خالي ما أبي شي ..مشكور .. غازي ــ اعذريني ان شفتي البيت فوضى خالش عزابي وما يعرف يرتب أغراضه .. وقف .. سعاد ـــ وصلنا؟؟ غازي ـــ اييه .. دخلت بيت خالها اللي كان مبهدل بمعنى الكلمة .. سعاد ـــ خالي عرفت الحين سبب عرضك أني أيي هنا .. غازي ـــ يا بنت اختي ..أنا يبتش لسببين ..تسلين بما أني بروحي والسبب الثاني المؤجر أنا قصيت عليه قلت له انا والاهل ..والا ماكان بيأجر البيت لعزابي ..وما أبي أطلع من البيت ..مطول يلا أخلص شغلي .. سعاد ــ فهمت ..اعتمد ..علي ..برتب البيت بسرعه .. غازي ـــ لا ..انتي ارتاحي الحين ..أنا أجرت لي عمال ينظفون البيت ..بييون الساعة سبع ..نكون أنا وانتي طلعنا .. سعاد ــ وين نطلع ؟؟ غازي ـــ بنروح نتعشى بره ..وبعدين بمشيش ..يله روحي غرفتش ... سعاد ـــ اوكي .. **************************** صحت دلال من النوم ..كانت الساعة تسع في الليل .. قامت وراحت تشوف وين عبدالله ..دخلت غرفة منى ..لكنها كانت نايمة ..وكان عبدالله نايم بقربها ..ابتسمت غصب عنها ..تحب تشوف عبدالله مع بنته .. رجعت غرفتها ..واتصلت في أحمد .. أحمد ـــ أهلين دلال شلونج الحين؟؟ دلال ـــ الحمدلله بخير ..شخبارك؟؟ أحمد ــ الحمدلله ..عبدالله موجود ؟؟ دلال ـــ نايم .. أحمد ـــ مسكين ما نام من يومين ..قولي لي ..كلمج عن شي ؟ دلال ـــ كان يبي يكلمني ..لكني قلت له بعدين ..ما كنت مستعده .. أحمد ـــ أحسن ..لأنه كان تعبان ..خليه يرتاح بعدين تتكلمون على راحتكم ... دلال ـــ أحمد قول لي انت .. أحمدــ انا ما راح أتدخل ..خليه هو يقول لج كل شي .. دلال ـــ توقعت ردك هذا ..عاد تصدق من زارتني اليوم؟؟ أحمد ـــ أعرف ..الغالية ..شفتها قبلج .. دلال ــ متى ؟؟ أكيد ان قلت لها عني ..مسكينه على بالها مسوية حادث سيارة . ابتسم أحمد ـــ أنا قلت لها صار لج حادث ..الهبلة حاصرة كلمة حادث في سيارات بس .. دلال ـــ تقول أبوها مريض صحيح؟؟ أحمد ـــ اييه ..الله يقومه بالسلامه .مع أن الدكتور يقول هذا عمره .. دلال ـــ لا اله إلا الله ..المسكينه .. أحمد ـــ دلال ..ما تحسين أني تسرعت بزواجي هذا ؟؟ دلال ـــ ليش تقول هالكلام؟؟ أحمدـــ الغاليه صغيرة ..ياهل ..وأنا أكبر منها بعشر سنين .. دلال ــــ لا ..صدقني انتوا ما شاء الله لايقين لبعض ..بعدين انت ما شاء الله عليك ما يبين فيك كبر .. أحمد ـــ أدري ..ماله داعي تقولين لي...تدرين ..أنا أحبها لكن أحس أنها صغيرة .. ما أدري شعوري غريب ..أخوي الاصغر مني ماخذ وحدة أكبر من زوجتي .. دلال ـــ عادي ..ما فيها شي ..والفرق مب كبير وايد .. أحمد ـــ الدكتور يقولج ريحي عمرج ..لا تتعبين وايد ..هاليومين خلج في فترة نقاهه ..والحين باي .. دلال ــ مع السلامة .. *********************** ما قدرت تنام ..تمت صاحية لين أذن الفير .. قامت من سريرها ..رتبت شعرها ..حطت شوي كحل في عيونها . ولبست دراعه بيضا .. نزلت لتحت ..حضرت ريوق سريع ..حطته على الطاوله ..وأول ما تبي تطق باب غرفته انفتح الباب .. نزت ..وابتسمت.. ـــ صباح الخير .. محمد ـــ صباح النور ... كان لابس ملابسه وشايل شنطته بيده .. شيماء ــ رفيجك يا ؟؟ محمد ـــ لا ..بس كنت بنطره في الصاله .. شيماء ـــ سويت لك ريوق .. محمد ابتسم ..مشت قدامه بشعرها الاسود الحرير ..ودراعتها البيضا اللي مخليتها ولا ملاك ..تنهد.. محمد ـــ صليتي الفير ؟؟ شيماء ـــ لا للحين وانت ؟؟ محمد ـــ اييه صليت .. جلس ..وهو مضطرب أكل ريوقه بسرعه .. محمد ـــ خذي هذا رقم تيلفون الشقة اللي حجزناها .. شيماء ـــ وجوالك؟؟ محمد ــ شغال بس ان ...للضرورة .. شيماء ـــ اتصل فينا لا وصلت .. محمد ـــ انشاء الله ..خلي بالج على البنات .. شيماء ـــ بحطهم في عيوني ..وانت حط بالك على نفسك ..لا تسرعون .. محمد ــ لا تشغلين بالج .. طالع لها بعدين نزل عيونه.. ولما طالع لها مرة ثانية ..كانت تطالع له ..لكنها ما نزلت عيونها ..كانت شكلها بتصيح .. محمد ـــ شفيج ؟؟ ــ ولا شي ..( ونزلت دموعها ) .. محمد ـــ شيماء ..ليش تصيحين ؟؟ شيماء بدون شعور ـــ بتخليني بروحي وتسافر .. خذا راسها في حضنه ـــ بروحج؟؟ واللي يسمعج ..ما كأن جيرانج ابوي وأمي ولا كأنج عايشه في البيت مع ثلاث بنات .. شيماء ـــ انت غير.. افلتت منها هالكلمة ..ابتسم محمد ..شم شعرها ..ما كان يبي يطلع ريحتها من صدره ..رفع راسها ..وباسها على خدها ..وعلى جبهتها .وهمس في اذنها .. محمد ـــ احبج .. سمع صوت سيارة بره ..باس راسها وشال شنطته وطلع ..وصكر الباب وراه .. شيماء ـــ وأنا أحبك موت ...في حفظ الله ..يالله احميه واحفظه لشبابه وبناته ..ولي . ********************************* الحلقةالخامسة والثلاثون ... ********************** ندى ـــ بروح له .. سمر ـــ ليش ؟؟ ندى ــ ما أدري ..بس ابي أروح له .. سمر ـــ ندى ؟؟ كأنج تحطين مكياج؟؟ ندى .. makeup?? ندى طنشت ندى وحطت شدو تركوازي .. وكحلت عيونها على خفيف ..وشوية ماسكارا .. والروج زهري شاحب .. طلع شكلها مذهل ..لبست حجاب أسود ..ولبست تنورة طويله سودا وقميص تركواز ..ولبست الجاكيت الاسود الطويل عليه .. سمر صفرت ـــ وااااو .. فيري بيتوفل .. ندى ـــ عندي كم سؤال لج ..وشاطرة اذا حليتهم .. سمر ـــ اسألي .. ندى كانت تلبس عدساتها وهي تتكلم ـــ شلون ندخل فيل الثلاجة على ثلاث مراحل ؟؟ سمرـــ سهلة ..نقطعه ونحطه في ثلاجة .. ندى ـــ غلط ..أول شي نفتح الثلاجة ..ثاني شي ندخل الفيل داخل الثلاجة وثالث شي نقفل الثلاجة .. سمر ـــ ياليت الامر بهالسهولة .. ندى ــ سؤال ثاني ...شلون ندخل الزرافة داخل الثلاجة على أربع مراحل ؟؟ سمر ــ سهلة نفتح باب الثلاجة ندخل الزرافة نقفل باب الثلاجة .. ندى ـــ غلط ..نفتح باب الثلاجة نطلع الفيل من الثلاجة ندخل الزرافة ونقفل باب الثلاجة .. ضحكت سمر ..ـــ غيره .. ندى ــ شالشي اللي له راسين وثمان رجول ؟؟ سمر ـــ تنين؟؟ ولا عنكبوت .. ندى ـــ غلط ..قطوتين .. سمر ضحكت ـــ بس انتي قلت شي واحد .. ندى ـــ سؤال اخير .. احترقت حديقة الحيوان فاحترقت كل الحيوانات ما عدا الزرافة ليش ؟؟؟ سمر ـــ لان رقبتها طويله؟؟ ولا رجولها طوال فنطت فوق الشبك .. ندى ــ تيييييت ..غلط ... سمر ـــ I give up .. ندى ـــ لانا حطيناها في الثلاجة .. نسيتي؟؟؟ باي .. ضحكت سمر ... ـــ انت مصرة تروحين بروحج ؟ خليني أوصلج .. ندى ـــ لا ..أدل الفندق ..باي ..يوه ... سمر ـــ what?? ندى ـــ نسيت أتصل في فاطمة .. سمر ـــ ask nasser .. ندى ــ شكلي بسوي جذييه ..باي .. كان ناطر عند باب الفندق لما شافها .. ندى ـــ هاي .. ناصر ــ وأخيرا .. ندى ـــ نطلع نروح نتمشى؟؟ ناصر ـــ أنا ما أعرف البلد .. ندى ـــ أنا أعرف مكان او اثنين ..لكني أدل بيت خالتي بالضبط وين .. ناصر ـــ على ريولنا؟؟ ندى ـــ الجو حلو .وبرد ... تموا ساكتين دقايق ..بعدين تكلمت ــ صج فاطمة ملجت؟؟ ناصر ــ اييه .. ندى ـــ لكن عبدالعزيز .. ناصر ـــ مسكين ..كان تحت سيطرة أبوه .وبعدين قرر انه يتزوجها وينفصل عن أهله ومشاكلهم .. ندى ــ لكن فاطمة شلون رضت؟؟بعد اللي سواه فيها .. ناصر ـــ أنا أقنعتها ..صراحة عبدالعزيز شخص أثبت حسن نيته .. ندى ـــ وليش ما نطرتوا رجوعنا ؟؟ ناصر ـــ محد سافر غيرج وعمتي ..الكل موجودين ..عبدالعزيز كان مستعجل ..عرسهم بيكون في الصيف .. ندى ـــ صحيح؟؟ حليلها تستاهل كل خير ..ناصر ..انت صدقتني ؟؟ ناصر ـــ ماله داعي نتكلم في أي موضوع ..أنا قررت أنسى اللي صار وأبدى معاج صفحة جديدة .. ندى ـــ لكن ما صار شي .. ناصر ـــ قصدت بكل شي ..كل شي .. ندى ـــ أمانه ناصر ..يوم شفتني في السينما عرفتني؟؟ ناصر ـــ صراحه ..لا ..انت تغيرتي وايد عن قبل .. ندى ـــ للأحسن؟؟ ناصر ـــ يعني ..كبرتي ..ما عدت ياهل .. ندى ـــ انت ليش ردودك جذيه جافة ؟؟؟ ناصر ـــ أنا مب قلت لج اني نسيت كل شي صار بينا؟ ***************************** محتار يدور في الشقة ..يدور على مفتاح للشقة ...يبي يطلع ..لكن ما عنده مفتاح أعطى مفتاحه لفهد ..لانه كان مستعجل ..واليوم فهد راح لموعده ..حتى لا رجع بيطيح وينام وين يقوم يفتح له الباب .. طالع غرفة فهد وهو متردد..بيقتله فهد ..قال له هالغرفة ما تقرب لها ..مهما صار ..فتح الباب وهو متردد .. كان كل شي مرتب .. صار يدور على المفتاح..فتح الدروج ..ما كان فيها غير أدويه ..فتح الكبت ..مالقى شي ..بس ملابس فهد وكاباته ..دور في جيوبه ..ما في ..انتبه ان سريره مرتب ..فمر ليش لا ..رفع المخده ..لقى دراعه ..أكيد هذي دراعة طليقته .. رفع فراش فهد ..وشاف صور ..كانت صورتها أول صورة ..من النظرة الاولى ..كانت تضحك جالسه على كرسي في الحديقه بحجابها ..هي من النوع اللي ينحب من أول نظرة .. شكلها ودود .. ــــ علي ؟؟؟؟؟؟؟؟؟؟؟؟؟؟؟ اخترع علي والتفت على فهد اللي كان واقف عند الباب .. علي ـــ فهد ؟؟ أما فهد فنظرة غضب في عيونه .. علي ــ فهد والله العظيم ما كان قصدي ..كنت أدور على المفتاح .بس .. قرب فهد وشاف الصورة اللي كان يطالع لها .. نزل الفراش ما تكلم .. علي ـــ والله ما شفت غير هالصورة ..وبالغلط ..كنت أدور على المفتاح لان أكيد عندك جلسة علاج ..وبترجع هلكان .. ما بتفتح لي الباب .. فهد تم سا كت .. علي ـــ تكلم .عصب كسر راسي ..لكن لاتسكت جذييه .. فهد ـــ هذي صورة هديل .. ارتبك علي ..لان فهد قال له مره ان زوجته اسمها الجازي ..لكن من هديل ؟ ********************************** ********************************** سمر ـــ أحسن .. عصبت ندى ..وكانت الدموع في عيونها ..تذكرت كلمات ناصر(( ..أنا نسيت كل شي حنا عيال عم بس..لا أكثر ولا أقل ..))شلون تركته ورجعت البيت ... رجعت للواقع كانت سمر تهز كتفها .. سمر ـــ ندى ؟ انت سرحانة ؟؟ ندى ـــ انت شكنت تقولين؟؟ سمر ـــ كنت أقول أحسن .. ندى انهارت تصيح ـــ أحسن ؟؟ شلون أحسن ؟؟ ما ..ما .. سمر ــ اهدي ..اهدي ..ندى ..أنت تحبينه ؟؟ ولا هذا مجرد ردة فعل ؟؟ ندى ما فهمت كلمات سمر وعقدت حواجبها .. سمر اشرحت أكثر ـــ ندى .. انت بتخسرينه ..انت زعلانه لانج فقدتيه وانت تحبينه ؟؟ ولا لانه أرخص بج ..انه كان دايما موجود الشخص الي يحبك دايما ..شتسمونه بالعربي ؟؟ حب التملك؟؟.. ندى ـــ سمر أنت شتخرفين؟؟ أنا ..ما أدري لاتسأليني .. ابتسمت سمر ـــ على الصعيدين ..سواء كنت تحبينه ولا اهانج بتخليه عنج ..هذا الشي لصالحج.. ندى ـــ شلون ؟؟ سمر ــ لانه صراحة بدايتكم كانت مشحونة بالشكوك دوبتس اند بروبليمز دونت فورقيت تو منشين جاليسينغ .. ندى ــ تكلمي عربي ما ني فاضية أترجم .. سمر ـــ بحاكيك باللبناني ..لانه أسهل علي ..انتوا بدايتكن كانت كلا غيرة وخناقات ومشاكل وجرح كرامة واهانتها .. لكن ..هلأ ..بديتوا من جديد ..يعني صفحة بيضا ..حاولي انك تخلينه يحبك من أول وجديد .. ندى ـــ ................................... مادري .. سمر ــ دخيلك ندى .. اسمعيني .بسألك سؤال ...شو الحب في نظرك؟؟ ندى ـــ شالسؤال؟؟ قولي شالحب في نظرج انتي .. سمر ـــ مثلا ..الحب بالنسبة لإلي ..اني لاقي واحد كمل معه حياتي وأنا واثقه انه بيحبني وبيظل معي ..انه ما بيتخلى عني ..انه يحبني لإلي ..لسمر مش لوجها ولا لجسمها ..يحبني لإلي ..لعقلي لقلبي ماي سول . ولقيت هالحب في أحمد ..ومش رح أتخلى عنه أبدا ...انت شو بتشوفي الحب ؟؟ كلمات سمر خلت ندى تفكر .. شتعريف الحب بالضبط بالنسبة لها .. ندى ــ اليوم عرفت ..أن لما دموعي تهل وحزني يكبر على شخص ..فأنا أحبه ..طول عمري اقابل ناس وافارقهم ..لكن اليوم دموعي غير ....حتى لوعة فراق سيف لي ..ما تسوى شي قدام اللوعه اللي أحسها الحين ..ناصر كأنه ذبحني . كأنه بكلامه حكم علي بالموت ..أحس بشعور غريب في كل أطرافي وفي قلبي ..مثل الوجع لكنه مب وجع ..مثل ..الخوف ..لكنه مب خوف ..شعور ما أقدر أطيقه لحظة لكني أحس فيه في كل لحظة ..مثل النوبة اللي تيي وتروح بين فترة وفترة ..لكنها تيي بين ثانية وثانية ..احس اني بردانه ..في ثانية ..لكني أدفى فالثانية اللي بعدها ..وأرجع أرتعش ..شعور ما ألحق عليه..بس أبيه ينتهي ..سمر ..الحقيني ..............................................أنا أتفلسف !!!!! سمر كانت مدهوشة بكلام ندى ..ندى قالت هالكلام وهي سرحانة ..كأنه تراقب هالشي اللي تتكلم عنه .. ابتسمت ـــ so what ?? واذا تفلسفتي ..مش حرام ؟؟ ندى ـــ زين ما سمعتني فاطمة كان ضمتني لقائمة ريم ..هههه.. رغم الضحكة اللي طلعت منها ..نزلت دمعه سريعه من عيونها ... ـــ سمر .. أنا أحب ناصر ..ما أقدر أخليه ينساني ..لا ...ما أبي ..ناصر .. سمر ــ your hands are too cool ندى ـــ لا عادي انا لا ارتبكت ..يديني تصير باردة .. سمر ـــ قومي نامي ..قومي بدي غطيك .. ندى ــ ماله داعي ...عادي .. سمر ـــ ندى بليز ..مشان خاطري .. ندى ـــ اراهن انج علشان تاخذين شي من احمد تقولين له هالجملة .. وكانت قوم لفراشها .. سمر ـــ أنا كافي أطلب منه شغلة ..حتى بلليز ما بستعملها ..دارلي ..انا على الاقل وقعت بحب شاب يتمنى مني اشارة .. ندى ـــ أونج ما جربت الحب ابد .. سمر ـــ شو يعني؟؟ ندى ـــ يعني .... انت لهلأ ما عرفت الحب الحقيقي .. سمر ــ أي نو ات ...بعرفه ..بيغنيه محمد فؤاد ...ههه..يله تدفي منيح ..بروح المطبخ وبعمل لك شي حار .. ندى ــ قبل كل شي ... سمر ـــ أي نو ...ملحم بركات .. ... حطت سمر السي دي في الاستيريو ...وطلعت .. ندى ـــ مشكورة ...تعرفين ما أهدى إلا لما أسمع احساسه .. ********************************* علي ـــ فهد ..انت ليش تجمع أغراضك..أنا قلت لك آسف كنت مضطر ..وما كان قصدي أتطفل ... فهد ــــ مافي مشكلة .. علي ـــ فهد انت تبي تطلع ليش؟؟ اكيد السبب انا ..انا اللي بطلع مو انت ..البيت بيتك .. فهد مسك يد علي وقال و هو يلهث ومبتسم ــ انت مو فاهمني يا علي ..علي اليوم أنا فرحان .الدنيا مل سايعتني ... وافق الدكتور أني أسافر ..وقال لي أنه بعد آخر عملية ,السرطان انتهى مني تماما .. علي فتح حلجه مو مصدق.. فرح وصرخ صرخة عوده( كبيرة) ــ بربك؟؟؟؟؟؟؟؟؟؟ قولي أنك ما تمزح ؟؟؟ فهد بحماس ..ـــ والله ما أمزح ..ما أقدر أصبر ..مشتاق لامي مشتاق للديرة مشتاق للجازي ..مشتاق لقطر بكبرها ..يمه ..والله أني مشتاق لها بالحيل ....علي... علي ــ هاا؟ فهد شفيك؟؟ فهد خانته ريوله ـــ . اسندني يا أخوي .. .. وطاح فهد . علي ساعده أنه يجلس على الكرسي ـــ فهد عسى ما شر ؟؟ فهد ـــ لا دوخة ..من الكيماوي اليوم أخذت جرعه .. علي ــ انت مو قلت لي أنه خلاص ؟؟ حرارتك مرتفعه ..فهد (حط يده على جبهته )انت محموم؟؟ فهد ـــ الدكتور قال لي انه لازم آخذ بين فترة وفترة هالعلاج ..علشان أمنع ظهوره ..ولازم .....هه..أراقب نفسي علشان ما يرجع المرض ..هه.آه.... علي ـــ فهد انت تعبان .؟؟ فهد ــ أعراض ما بعد كل جلسة ..من زود فرحتي ما نطرت اتم عند الدكتور ..ييت على طول أول ما خلصت..أوني أهذر وايد ..ولا أنا عايش في حلم .. ضحك علي على فهد ..اللي من وسط آلامه..مايقدر يخبي فرحته .. .. فهد ـــ علي اسندني للحمام ..الله يخليك ..أبي أرجع .. اهتم علي بفهد ..وكان يعرف بالتفصيل شاللي بيصير له ..طول المدة اللي تم معاه وهو متابع حالته أول بأول ..ومن أسبوع فهد سوى عملية ..والدكتور كان متفائل جدا .. .. بعد أربع ساعات بالضبط ..فتح فهد عيونه وهو تعبان ..وكان علي يقرأ قرآن فوق راسه .. فهد ــ ليش حاط يدك على راسي وانت تقرأ؟؟ قالوا لك مصروع؟؟ ابتسم علي ـــ كنت أبيك ترتاح ..وكلام الله يريح القلوب .. فهد ـــ ادري بهالشي ..يا خي .. والله ..فيك أشياء وايد منها ..كنت أصحى من النوبة ..وكانت ..تقرأ قرآن .. علي ـــ تتكلم عن هديل ؟؟ ضحك فهد ..ـــ انت مو قلت لي انه ما كان عندك شي تبي تروح له؟؟ علي ـــ لا عادي اتصلت واعتذرت ..فهد .. فهد ـــ لبيه .. علي ـــ انت زعلت لاني شفت صورة اهلك؟؟ فهد ـــ لا .. لا ..هذي مب زوجتي ..هذي هديل ..خطيبة أخوي منصور الله يرحمه ..كنت أمس ارتب في أغراض قديمة ..ولقيتها ..كنت أبي أرجعها لها ..وبس .. علي ـــ صج؟؟ يعني انت مو زعلان؟؟ انا شكيت قلت مو معقولة ..لما كنت تتكلم عن زوجتك ذكرت مرة أنت اسمها الجازي .. فهد ـــ اييه..ما كنت بخبرك اسمها لكن للضرورة احكام .. علي ــ ادري ..بس صدقني ما بقول لاحد ..اليوم انا عازمك على العشا في أفخم مطعم في برلين .. فهد ــ اليوم انشاءالله ..انا بنتهي من هالعذاب ..الحمدلله يا رب .. علي ـــ تعال ..انت من صدقك كنت تبي تسافر ؟؟ ادمعت عيون فهد ..محد بيفهم سبب استعجاله .. علي ـــ أفا ..وليش الدموع ؟؟ فهد ـــ انا من الفرحة ..ما نطرت مجرد ما قال لي الدكتور ..طلعت من المستشفى ..ييت ركض , أبي اطلع من هالبلد ..برجع الدوحة ..ما تقدر تفهم اللي في قلبي ..يأسي من حالي ..وتعبي من هالسم ..خلاني ما أشوف طريقي .. علي ــ الحمدلله .. فهد ـــ الحمدلله ..الحمدلله ..الحمدلله ... ****************************** عبدالله ـــ هيفاء عندج نت؟؟ هيفاء ـــ اييه ليش ؟؟ عبدالله ـــ أحتاجه .. هيفاء ــــ تبيني أساعدك؟؟؟ عبدالله ــ لا ..ممكن أستعمله بروحي؟؟ بدون أي تطفل ؟؟ هيفاء ـــ خذ راحتك ..سهام بره عند خالتي ماجده ..وأنا بروح المطبخ اسوي سناك لي ولدلال .. عبدالله ـــ سناك؟؟ بالعافية مقدما .. هيفاء ـــ لو لي بروحي ما كان قلتها .. ابتسم عبدالله ..وقفل الباب اول ما طلعت هيفاء .. دق على واحد يعرفه خبير في النت .. عبدالله ـــ شلونك يا عبدالرحمن؟؟ عبدالرحمن ـــ كعادتي ..مع هالنت والبنات .. عبدالله ـــ بغيت منك اللي تكلمنا عنه امس .. عبدالرحمن ـــ شلون تحذف المواقع اللي تدخلها علشان محد يشيك وراك؟؟ سهلة ..في طريقتين اكتب عندك .. عبدالله ـــ قول .. عبدالرحمن ـــ تفتح فيو ..وتاخذ هيستوري ..وتضغط على الموقع اللي تبي تحذفه ..وبالزر اليمين في الفارة تضغط دليت .. عبدالله ــ والطريقة الثانية؟؟ عبدالرحمن ـــ هذي آمن لك ..تروح للتولز ..اللي في الشريط ..وبعدين تاخذ انترنت اوبشنز..وفي قائمة جنرال تضغط على كلير هيستوري ..وبعدين اوكي .. عبدالله ــ بس ؟؟ عبدالرحمن ـــ بس ..شوف أبو العبد ..لو تبي مواقع ...أنا أعرف كم موقع ..تعرف من .. عبدالله ـــ خاف ربك .. أنا ما أبي شي بس كنت أبي أشوف موضوع..وأبي أحذفه .. عبدالرحمن ـــ مو علينا ..لو تبي أطرش لك ايميل باسماء المواقع؟؟ صدقني ما بتندم .. عبدالله ـــ لا صدقني ..أقول عبدالرحمن ..للحينك مع المسجات الدردشة مالت روتانا؟؟ وانسى سالفة المواقع .. عبدالرحمن ـــ كيفيك شكلك ما تبي المواقع .. وجواب سؤالك ..اييه ..صراحة وناسة .. عبدالله ـــ أمس كنت أتابع القناة ..وشفت من أبو عوف الهكر .. إلى الغريبة ..مع أجمل التهاني قطر ..منك؟؟؟ عبدالرحمن ــ اييه ..مني ...ما شاء الله عليك لقطتها .. عبدالله ــ من غيرك ابو عوف الهكر ..انا كان عندي سؤال واحد ..كانت في أحرف غريبين ..ما فهمتهم مع هالمسج .. عبدالرحمن ــــ هذا رقم تلفوني ..الله يسلمك ..احط عن كل رقم ثاني حرف موجود عليه ..توقعتك ذكي بتلقطها .. عبدالله ـــ والله انك مب هين..أقول هكر ..متى بتتزوج؟؟ عبدالرحمن ـــ الشر بره وبعيد ..انت شفيك كله تخرعني؟؟ أنا عايش في كل هالعز ..واتزوج ؟؟ شقالوا لك بايع عمري ؟؟ عبدالله ـــ نشوف بكره لما الوالدة تخطب ..أقول .عمرك الحين كم؟؟ عبدالرحمن ـــ سبع وعشرين ..ما مداني توني ياهل واحبي ..عطيني لحظة .. اختفى ثوانني ورجع ..ــ اييه كنت اقول توني صغير احبي .. عبدالله ـــ تحبي؟؟ حلوة هذه ..أقول اخاف في مزمزيل ناطرتك على االنت . عبدالرحمن ـــ لا ..الحين انا ألعب ..ماسك اسم مزيونة دبي ..يعني تمساح .. عبدالله ـــ ؟؟؟؟؟؟؟؟؟؟؟؟ شالتمساح ؟ وليش حاط الهاء في نهاية الاسم ؟؟ عبدالرحمن ـــ تمساح يعني ولد متنكر انه بنت ..فهمت؟؟ عبدالله ــ وشلون يضبط معاك ؟؟ ما تخاف من كلامك يعرفونك ولد؟؟؟ عبدالرحمن ـــ أهم شي ..أنك ما تدخل على الخاص خلك على العام ..وانت تعرف الشباب يسوون مشاكل علشان البنات ..عاد ..شوف المهزلة ..وأنا ألعب بأعصابهم كلهم .. عبدالله ـــ يا أخي متى تعقل ؟؟ يله الحين اخليك ... عبدالرحمن ـــ باي انا عندي معركة دامية هنا ...ههه .. صكر من عبدالرحمن وهو مبتسم .. ودخل على قوقل . **************************** |
|
Allah yesallmik 7abiibti charrafti we nawwarti |
**************************** تأفف .. وعصب ... طلع على طول للصالة .. مشعل ـــ ها يبه ... بو مشعل ـــ شفيك معصب ؟؟ مشعل ـــ ليلوه زهقتني عيشتي ..ناطرها من الصبح علشان آخذها للخياطة وبالأخير تقول ما أبي .. بومشعل ـــ خلها ..انشاء الله عمرها ماتزوجت ..مصختها ما كأن حد بتزوج غيرها .. مشعل ـــ لايبه لاتقول جذي هي وحيدتك .. بو مشعل ـــ أنا قلت لك قبل لا تسافر تروح للمؤجر , الجيران اتصلوا فيني شاكين انه ساكن بروحه ..وأنا صراحة راقبته وعرف انه ساكن بروحه ابيك بكرة تاخذ العمال علشان يضبطون الفرش .. مشعل ـــ يبه انت تقول الريال آدمي..حرام ندخل بيته وهو مو موجود ..بعدين هو مايعرفني ولا آنه أعرفه .. بو مشعل ـــ انا دفعت للعمال من ثلاث أشهر .. أبيهم يخلصون فرش الغرف ..المؤجر قال لي بيخلص قريب ..وحنا نبي ننتهي من البيت بأسرع وقت قبل يرجع اخوك يوسف وأهله من السفر .. مشعل ـــ والله بلشة ..اخوي ليش ما يداري بيته بروحه ؟؟ ليش أنا مبتلش معاه؟؟ بو مشعل ـــ لانه مسافر وانت موجود بلا كلام بطال ..يله ..هذا المفتاح .. مشعل ـــ فوق انه اصغر مني يتصرف كانه الكبير .. و مشعل ــ لو انك مثله تشتغل شغلة سنعه كان طلعت لك بيت ..لكنك بطال من مكان لثاني .. مشعل ـــ يبه ..أنا رسام ..لازم تفتخر فيني أكثر من اخوي المهندس .. بو مشعل ـــ مشعل .. الله يخليك من اشترى لوحاتك الحين؟؟ انت كله تدفع وتدفع وتدفع .. ولا مرة خذيت ..ولا بعت .. مشعل ـــ يبه ..لوحاتي مثل بناتي ..سمعت عن واحد يبيع بناته؟؟ بومشعل ـــ لا بس سمعت عن ناس وايد تزوج بناتها ..ولا انت عاجبك هالراتب الكحيان اللي تاخذه من الجامعه .. مشعل ـــ يبه ..بنرد على هالموضوع؟؟ انا عاجبني شغلي .. بومشعل ـــ لكن شغلك ما يفتح بيت , أخوك تزوج وعنده بنتين وولد وانت للحين من دولة لدولة ومن معرض لمعرض ..اخوك اللي اصغر منك ...خذ المفتاح ..لو أمك حية ..كان لها راي ثاني .. مشعل ـــ لو أمي حية كان ساندتني .... مشى معصب يبي يطلع ـــ بتطرد المؤجر؟؟ بو مشعل ـــ أكيد شلون يقص علي ويقول انه مع اهله وهو عزابي؟؟ طلع مشعل معصب .. ******************************** هيفاء ـــ خذي ..كلي ..الدكتور يقول لازم تاكلين .. دلال ـــ عبدالله وين ؟؟؟ هيفاء ـــ على النت ..تلاقينه داخل شات ... دلال ـــ مالقيتي غير عبدالله يدخل شات .. هيفاء ـــ عبدالله مرت عليه فترة . مدمن نت ,,كان مخاوي واحد يعرف للنت ...وتعلم عليه كان أول ما يي من المكتب يدخل غرفتي ويطردني ..بس كن أشيك وراه ..كان كله مشترك في منتديات ..وبعدين ..مل ..وترك كل شي.. دلال ــ وين منى؟؟ ما شفتها اليوم ؟؟ هيفاء ـــ خذتها سهام لعند خالتي ماجدة .. دلال ــ وسهام ليش كله مطيحة هناك ؟؟؟ هيفاء ــ سهام تحب ولد خالتي اسمه سالم ..لاتقولين لحد ..خالتي طالبتها لكن امي اجلت الموضوع .. اندهشت دلال ـــ صج؟؟ محد قال لي ..وعمتي ليش رافضة؟؟ هيفاء ــ مأجلة الموضوع ..مب رافضة ..بس غريب ولد عمي طالبها بعد ..أمي شكلها بتعطيها غريب ..لانها ما تحب سالم ولد خالتي ماجده لانه شراني وكريهه وسمعته زفت .. دلال ـــ غريب اللي كان لابس دشداشة سوده يوم عرسي؟؟ دخل يرقص ؟ هيفاء ـــ هو بعينه .. دلال ـــ شكله غريب مثل اسمه .. هيفاء ـــ بس سبحان الله حبوب وايد وولد ناس سماه عمي هالاسم بعد ما حلم انه ينادييه بالغريب ..ما أدري ليش .. دلال ـــ سهام تحب سالم ..لكن عمتي بتزوجها لغريب .. هيفاء ـــ هذا المرجح ..مب الاكيد ..لاتقولين لعبدالله بعدين يمنع سهام من الروحة لبيت خالتي .. دلال ـــ ما بقول .. دخل عبدالله مضطرب للغرفة .. طلعت هيفاء على طول ..لانها تعرف اخوها .. دلال ـــ وين طالعة خلج هني كملي اكل.. هيفاء ـــ لا أنا شبعت بس انتي كلي .. عبدالله ـــ دلال أنا حجزت تذكرة للأمارات ..بسافر يوم واحد ..وأرجع .. دلال ببرود ـــ خذ راحتك .. دلال كانت تغلي نار ..كانت تبي تعرف السبب اللي طقها علشانه ..كانت تبي تسبه تطلع من بيته ..لكن بروده ذبحها ..والحين بيسافر ؟؟بيسافر ويخليها في حيرتها؟؟ أما عبدالله فكان كل شي مشوش بالنسبة له ..وبرود دلال يذبحه ..لو أنها وحدة غيرها كان افضحته ..لكن هانت ..بس يعرف الحقيقة ,بيتغير كل شي ..هو الحين ما رسى على بر ..ولاقادر يتخذ أي قرار ..سفره بيوضح له الامور .. ******************************* تقلب في قنوات التلفزيون بملل .. متى يي خالها؟؟ من الصبح وهي محبوسة في البيت , ..من أغنية لثانية من مسلسل لمسلسل ...احتارت ..قطت الريموت بعيد ..ولقت أوراق وقلم قدامها ..حست انها تبي تكتب خاطرة ..ما منعت نفسها ..حطت الاوراق على الطاولة اللي قدامها بدت تكتب.. (( ملل ... العادة كنت أفكر فيك .. وأطل من الشباك وأحتريك .. وأسأل نفسي.. متى تطل وتعطيني الامان .. متى تطل .يا أغرب انسان .. متى ؟؟ بالماضي ..وبأخوات كان .. لكن اليوم ..رغم بعد المسافة بيني وبينك .. رغم قلبي اللي اللي رفضته ودفنته بيدينك .. رغم نظرة الانتصار اللي في عينك .. اليوم ..بكل غباء أسأل نفسي ..وينك ...)) . سمعت صوت الباب ينفتح ..ابتسمت أخيرا جا خالها ..رفعت راسها تستقبله بابتسامه ..وأول ما طل .وحطت عينها في عينه ...جحظت عيونها واختفت الابتنسامة ..وصرخت .. لااراديا شالت الاوراق وغطت فيها ويهها .. ـــ من أنت اطلع بره .. مشعل من الصدمة تيبس في مكانه ..احتار ثواني بعدين طلع من البيت .. أما سعاد ..اللي صار هزها ..وشتمت نفسها ..على عجزها وعدم قدرها على الركض ولا التخبي ..سالت دموعها ..لان اليوم لاول مرة ..يشوفها واحد غريب ..يشوف شعرها ..ويشوف جسمها ..من غير لاشيلة ولاعباة ..الخوف امتلكها .من هذا؟؟ وشلون يدخل عليهم البيت ..بأي حق.؟؟ شاللي صار ما عاد للبيوت حرمه ؟؟ بس هو نفسه كان منصدم ..مستغرب ..يمكن سوء تفاهم ..لاقالت لخالها بيذبحها لانه بدوي حده ..استندت على عكازها ..وراحت غرفتها ..وطاحت على سريرها وهي تصيح .. مشعل كان متفشل حده . ..العمال كانوا واقفين ناطرين منه تعليمات .. مشعل ـــ روحوا ..اليوم مافي . العامل ـــ ليش؟ يا بيك؟؟ حنا حملنا الاثاث؟؟وقطعنا خط .. مشعل ـــ بعطيكم بدل تعب بس الحين روحوا .. ماكانوا يبون يتحركون مشعل لااراديا طلع خمسين دينار وأعطاها للصعيدي ..اللي استانس وايد وراح .. مشعل ركب سيارته ورجع البيت .. دخل معصب .. بو مشعل ـــ خير انشاءالله؟؟؟ مشعل ــ يبه مو قلت لك حرام ندخل بيت الريال؟؟ هذا أنا دخلت على أهله .. بومشعل ـــ لا ..لاتقول ..ليش ما رنيت الجرس يا خبل!! مشعل ـــ ماكان في سيارات توقعت محد في البيت ..دخلت والا وحدة تصرخ وتطردني بره .. تفشلت جدام العمال ..ومن الخرعة أعطيتهم خمسين دينار بس يفكون عني .. بو مشعل ـــ خمسين دينار للعمال؟؟ انت صاحي ؟؟ الناس تعطيهم ربع دينار وانت اعطيتهم خمسين؟؟؟صج خبل ..اعتذرت من اهله وشرحت لهم الموقف؟؟ مشعل ـــ لا ..وين أعتذر ..ما قدرت انحرجت وايد .. بومشعل ـــ ليلى..ليلى .. ليلى ـــ هلا يبه .. بو مشعل ـــ روحي مع أخوج هالخبل واعتذري من أهل مؤجر بيت أخوج .. ليلى ــ ليش؟؟ مشعل ـــ انت امشي ..وأنا أشرح لج كل شي في الطريق .. ليلى ــ عطني دقيقة ابدل ثيابي .. **************************** لبست شيلتها ونقابها واستندت على عكازها وطلعت تشوف من اللي يرن الجرس .. ليلى ـــ السلام عليكم .. سعادـــ وعليكم السلام ..تفضلي ..ليلى.. (سعاد عرفتها على طول واستغربت شلون ليلى عرفت وين ساكنة )دخلت ليلى وجلست في الصالة.. ليلى ـــ انت تعرفيني؟؟ سعاد ــ التقينا ..في المـ..المطار ..انا ..سعاد . ليلى ـــ اييه ..صح ..آنا آسفة .أنا أخت صاحب البيت ..ويت أعتذر عن سوء التفاهم اللي صار ,,أخوي من دون لايقصد ..دخل البيت.. سعاد ـــ هذ كان أخوش؟؟ مايعرف ان في البيت ناس؟؟اعذريني ..مهما صار لكل بيت حرمته .. ليلى ــ الله يسلمج ..الوالد على باله محد في البيت ..فصار سوء التفاهم من دون قصد ..وانا ييت أعتذر لج ..وسامحينا ..حنا غلطنا ..واللي تبينه منا بنسويه .. ادمعت عيون سعاد لكنها هزت راسها ـــ ماصار شي ..انا بنسى اللي صار ..تشربين شاي ولاقهوة؟؟ ليلى ـــ لا مشكورة ما أبي أثقل عليج ..بس . ما بتشيلين النقاب؟؟ صراحة ودي أتعرف عليج . شالت سعاد النقاب ..وابتسمت ..انبهرت ليلى بجمال سعاد ..وجهها القمري وبشرتها البيضا الصافية .. و عيونها الواسعة السودا ومحوطتها رموشها الكثيفة ..ليلى اذكرت الله بينها وبين نفسها ..سعاد قطت الشيلة .. وانسدل شعرها الطويل الناعم على كتفها .. ليلى ـــ أنت من وين؟؟ سعاد ـــ من قطر .. ليلى ـــ حياكم الله ..والنعم في قطر وأهلها .. سعاد ـــ تسلمين ..والكويت مب قاصره ..بكرم أهلها وطيبتهم ..اشوفش لابسة دبلة أنت متزوجة؟؟ ليلى ــ تقريبا ..عرسي بعد أسبوعين ..على جراح ولد عمتي. سعاد ــ الله يتمم عليكم بالخير .. ليلى ــ الله يسللمج أنا بشرح لج موقف أخوي مشعل الخبل ..هو صراحة مب خبل ..لكن متهور .. جدا دايما يتصرف بطريقة محرجة ..مثلا اليوم ..نسى يطق الباب عليكم قبل لايدخل .. سعاد ـــ وليش كان يبي يدخل البيت ؟؟ ليلى ـــ اخوي يوسف بيرجع من السفر قريب .والبيت هذا بيته ..وأبوي طلب من مشعل انه يكمل فرش البيت ..انت شايفة اثاث البيت نص ونص .. سعاد ـــ صحيح ..في كم غرفة مافيها اثاث. ليلى ـــ كان اخوي مشعل ياي مع العمال على بالهم محد في البيت علشان يكملون الفرش ويطلعون.... سعاد ـــ خلاص..ماله داعي تشرحين اكثر .انا فهمت ..خلينا الحين من هالموقف .ما قلتي لي كم عمرش؟ ليلى ـــ عمري اربع وعشرين سنة .. وبدت سعاد وليلى يتكلمون في مواضيع وايد ويتعرفون على بعض ..اما مشعل فكان ناطر بره ..وهو سرحان في الملاك اللي شافه ..ماجرب من قبل يرسمportrait من قبل ..لكن بيجرب اليوم .. بعد ساعة بالضبط طلعت ليلى من عند سعاد وهي مستانسة ..تعرفت على صديقة .. مشعل ـــ ها ..شصار؟؟ ليلى ـــ خلاص البنت سامحتك واعذرتك..يلا نرجع البيت انا تعبانه.. مشعل ـــ الظاهر راسها صلب هالبنت تميت ساعة كاملة تقنعين فيها؟؟ ليلىابتسمت وماقالت شي لاخوها..وخلته يتفلسف على كيفه ..وهي بس غمضت عيونها .. *********************************** فتحت عيونها تعباااانة ...الساعة عشر في الليل .. خلود ـــ شيماء ..ما أدري شقولس صباح الخير ولا مساء الخير ..؟؟؟ شيماء ــ ليش ما صحيتوني؟؟ وانت هنا من متى؟؟ خلود ـــ قالت لي الخدامة انس ما نمت الا الساعة أربع العصر ..وانا ييت الساعة ست ..تميت مع البنات لين ناموا .. شيماء ــ كنت ناطرة مكالمة محمد ,...والحمدلله وصل ..لكنهم في الطريق خربت عليهم السيارة ..شلون أبوي؟؟ خلود ــ يقولون بخير .. شيماء ـــ الله يهداس ..انتوا شلون تخلوني انام في الصالة؟؟ قامت شيماء ـــ خلود ..بتمين هنا؟؟ خلود ـــ محمد اتصل فيني وقال لي ابات عندس .. شيماء ـــ حلو ..عطيني عشر دقايق ..أسوي فريش اب.. خلود ــ وأنا ناطرتس ..عندي موضوع أبي أكلمس فيه . شيماء ـــ موضوع ايش؟؟ خلود ــ بعد شوي ..مب الحين تيسري .. راحت شيماء خذت دش سريع وصلت فرايضها ..بعدين لكت شعرها من دون ما تمشطه ونزلت تحت وين خلود كانت ناطرتها .. خلود ـــ تأخرتي .. شيماء ـــ والله شعري ما سرحته للحين ..ما مداني أصلي المغرب والعشا .وأيي ..تجين معاي المطبخ؟؟ خلود ـــ يله . شيماءــ شالموضوع؟؟ خلود ـــ خليه بعد ما ناكل .. شيماء فتحت الثلاجة وطلعت سنويشات كانت مغلفة على جنب وجبن وسلطة .. شيماء ـــ هذي سندوشات ايش؟؟ خلود ـــ في تونه وفي برجر وفي بيض ..الساعة ثمان أنا سويت السندويتشات مع الخدامة .. شيماء ـــ يعطيك العافية .. خلود ـــ الله يعافيس قالت لي الخدامة البنات ما ياكلون هالاشياء ..وصج ما كلوها ..... شيماء ــ البنات في الليل ما ياكلون وايد حدهم شوربه ولا شي خفيف .جبن وفاكهه ,أكثر شي ياكلونه هو الفاكهه والكافي والبسكويت .بعض الاحيان معكرونة ..أو رز بحليب ...ويشربون حليب وعصاير ..لكن برجر وتونه ..ثقيل عليهم .. حطت شيماء السندويتشات في المايكروييف ..وحطت عصير وبيسي في الصينية مع السلطة .. شيماء ـــ بتاكلين معاي .. خلود ــ أنا ما اكلت شي ..بموت من اليوع ..ترى في معكرونة بكرات اللحم سويتها لهم كلو منها ..لكن ظل لس حصة ..تلاقينها في الفريزر .. شيماء ـــ الله يعطيس العافية لي تعبتي عمرس؟؟ أنا اليوم قبل لاانام سويت له الغدا بطاطس مقلي وكبسة ..بس ما تغديت معاهم . ************************* شيماءـــ قولي لي شالموضوع اللي كنت تبيني فيه ؟؟خلصنا عشا من زمان .. خلود ــ اليوم كلمتني أمي وقالت لي أقولس ..أبوي يسأل ..متى بتحملين وتييبين الولد؟؟ اسكتت شيماء ..كملت خلود ـــ أنا قلت بدري ..الموضوع بدري عليه ..لكن ..تعرفين أبوي وعصبيته ..أمي قالت لي أقولس ..راجعي الطبيبة ..وشوفي سبب التأخر .. شيماء ـــ هم معصبين وايد؟؟ خلود ـــ هم كانوا يسألوني قبل وفاة صالحة ..لكني كنت اتجاهل وما أسئلس ..بعدين لما توفت صالحة ..سكتوا ..والحين كل يوم على راسي ..روحي سأليها روحي شوفيها .. شيماء ـــ حتى أمي ..كله تسألني.. شيماء فكرت في حل تطلع من هالورطة ..ومالقت غير انها تكذب ـــ انا ومحمد متفقين ما نييب عيال لين تكبر مها شوي ..بس انشاءالله قريب .. خلود ــ مها كبرت عمرها الحين سنة وأربعة أشهر ..ماله داعي تتحججين فيها .. شيماء ـــ عمرها سنة وثلاثة اشهر ..انا ما تحجج فيها لكن ابيهم يكبرون وبعدبن احمل .. خلود ما اقتنعت ـــ مافيها شي لو حملت الحين ..البنات انا بداريهم لين ما تقومين بالسلامة .. مشكورين على ردوكم الحلوة ... آسفة تأخرت عليكم وايد ..هذي التكملة ............................... خلود ما اقتنعت ـــ مافيها شي لو حملت الحين ..البنات انا بداريهم لين ما تقومين بالسلامة .. ارتبكت شيماء..آخر مرة تكلم فيها محمد عن اليهال كان قبل لاتموت صالحة ... شيماءـــ انشاءالله ..انشاءالله .. خلود مستغربة ـــ انشاء الله تروحين للدكتورة؟؟ شيماء ـــ انشاءالله بحمل قريب ..قلت لس اني مع محمد متفقين على هالشي.. خلود ـــ يعني انتي مافيس شي؟؟ شيماء ابتسمت ـــ لا ..اعتقد..ان ما فيني شي.. ******************************** دلال ــ قبل لاتروحين تنامين ..ييبي لي منى ..لو سمحت . هيفاءـــ انشاء الله ..مع أنها بتكون نايمة ..بعدين يدج مربطة ما تقدرين عليها .. دلال ـــ انت قلتي بتكون نايمة ..وبعدين يدي اليسرى هي المكسورة ..وانا ما اشتغل فيها وايد .. هيفاء اطلعت دقايق وارجعت شايلة منى ..حطتها في سرير دلال ... دلال ـــ مشكورة هيفاء..تعبتج معاي.. هيفاء ـــ لا ..الشكر لج شرحتي لي اللي مب فاهمته ..صج ساعدتيني..تصبحين على خير .. دلال ــ وانت من اهله... أول ما طلعت هيفاء ..دلال ما مسكت عمرها ..ونزلت دموعها اللي كانت كابحتها من سافر عبدالله من كم ساعة .. احضنت منى .وتمت تصيح ...ليش يبي يموتني في شكوكي؟؟ ..ليش ما شرح لي قبل لايروح؟؟ ليش راح؟؟لايكون بيسوي شي لغانم اللي ظلمه ؟؟ قاهرها انه عبدالله ما حرك ساكن يوم شافها ..انقهرت اكثر لما رفضت هي تسمع له ..لكنه جرحها في الصميم ..في شرفها ..ياترى ليش أخوها احمد يدافع عنه؟؟ شاللي بعد ما تعرفه بتعذر عبدالله على اللي سواه فيها؟؟ وتمت تصيح وشايله الهم كله فوق راسها ..وفجأة تذكرت شي ابتسمت له ..تذكرت كلام حمده ..ان امها خافت عليها وتمت تصيح ..وزعلت على اللي صار لها ..امها من زمان ما حسستها بهالخوف ..مافي ام ما تحب عيالها ..لكن ضروري كل ام تبين هالشي حق عيالها ..تذكرت دلال الفرحة اللي كانت فيها لما عرفت أنها حامل ..كانت بتعطي اللي في بطنها كل الحنان اللي انحرمت منه ..طالعت منى اللي كانت نايمة ببراءة ..حضنتها بقوة..وباستها ..وقالت في نفسها ..بكرة الايام توضح لها كل شي..لاتستعجل ...يمكن اللي صار فيه خير لها ولعبدالله ..الشي اللي كان مخليها مرتاحة موقف أخوها احمد ...رغم انه كان مخليها محتارة في نفس الوقت ..لكنها واثقة أن احمد مستحيل يرضى لها بشي يأذيها ..ويخاف عليها اكثر من نفسه ..ومايسوي شي الا لمصلحتها ..غمضت عيونها وقالت بعدما تنهدت .ـــ أحبج يا يمه .. ******************************** الحلقة السادسة والثلاثون .. ************************** دخلت الغرفة مبتسمة ..انصدمت الجازي .. ـــ دلال ؟؟ ليش داومت؟؟ يدج ..؟؟ دلال ـــ ريلي طابت ..اما يدي اليسرى ما أستخدمها وايد ..وأنا متأخرة في منهجي ..ليش ما أداوم؟؟ الجازي بعد ما سلمت عليها ـــ مب أمس كلمتج قلتي ما بتيين؟؟اييه نسيت أقول لج..هذي أبله صفاء ..منتدبة عن سعاد من مدرسة ثانية .. دلال سلمت على صفاء .. صفاء ــ كلمتني عنك الجازي أمس .. دلال ــ عسر بالخير اذكرتني .. صفاء ـــ بكل خير ..ازيهها ايدك؟؟ دلال ـــ كويسة مثل ما تقولون بالمصري .. جلست دلال ودار بينها وبين الجازي كلام عادي.. الحصة الثانية طلعت صفاء عندها حصة ... الجازي ـــ ماخفتي على ريلج ؟؟ قالج يوم وهو يومين مختفي؟؟ دلال ـــ والله قلبي مب مرتاح ..المشكلة يتصلون علي من المكتب ويسألون عنه ...وأنا ما أعرف شقول .. الجازي ـــ اتصلي على جواله .. دلال ــ تركته في البيت ماخذاه معاه ..والله يالجازي أنا مب مرتاحة .. الجازي ـــ كلمي أحمد أخوج.. دلال ـــ أحمد اليوم بيسافر مصر ..ما شفته من طلعت من المستشفى ..لانه عبدالله طلع من البيت والبيت كله بنات ما يقدر يدخل البيت ..مو حلوة.لكن .بيني وبينه تلفونات ..اليوم الساعة ست المغرب بيسافر .. الجازي ـــ انشاءالله مافيه إلا الخير ... دلال ـــ انشاء الله ..وانتي شخبار همتي دامتي؟؟ الجازي عقدت حواجبها ..ـــ همتي دامتي؟؟ دلال ــ المنتظرون يا هبله ..(واشرت على بطن الجازي ).. الجازي ــ ايه ..قصدج محمد وأحمد ودانة وفاطمه .. دلال هالمرة هي اللي عقدت حواجبها .. ـــ انتي قلتي لي حامل في اثنين مب أربع .. ضحكت الجازي ـــ اذا ولدين محمد واحمد واذا بنتين دانة وفاطمه .. دلال ـــ آآه الحين فهمت ..واذا ولد وبنت؟؟ الجازي ـــ فاطمه ومحمد ... دلال ـــ اهم شي ييون بصحة وسلامة ..وابوج شلونه معاج؟؟ الجازي ـــ أنا وأبوي كل ليله في مكان ..وجدتي تروح لاختي سميره لان عندها ام زوجها هاليومين .. دلال ـــ حلو ..تغيرين جو.. الجازي رن جوالها ..وردت على طول من غير ما تشوف الرقم .. الجازي ـــ آلو.. ـــ .................................... الجازي ـــ آلو .ألو ..الظاهر مافي ارسال ولايقطع .. دلال ـــ اطلعي للساحة .. الجازي ـــ الو..ألو.. وكانت واقفة تبي تطلع بره الغرفة .. فهد ـــ الجازي.... الجازي وقفت ..واخنقتها العبرة ..ما صدقت ..قلبها دق بسرعه هالصوت تعرفه ..ماقدرت توقف اجلست على أقرب كرسي. فهد ــ الجازي ..تسمعيني ؟؟آلو الجازي .. الجازي مب مصدقة ـــ فهد ؟؟ فهد..فهد ..فهد ..فهد..فهد .. كررت اسمه اكثر من مرة واضحكت وهي تمسح دموعها ..دلال اوقفت بقربها ومسكت يدها وهي حاطة يدها الثانية على شفايفها ..كاتمه ذهولها .. الجازي ـــ فهد ..فهد هذا انت؟؟؟؟ فهد على الطرف الثاني ماقدر يمسك دموعه ..حس أنه مشتاق لها موت ..ما يقدر ينطق كلمة .. الجازي ــ فهد .. فهد بهدوء ـــ لبيه ..يابعد عمري ... الجازي كلماته ..صوته ..رد للجازي شي كانت فاقدته .. الجازي ـــ عمري كله يفداك ..فهد شلونك؟؟ شلون صحتك؟؟ شحالك ..فهد ..انت صج فهد؟؟ يالله ....قالوا لي انك تموت ..قولي ان كلامهم غلط ..قولي ان كلامهم غلط ..أرجوك فهد .. فهد كان يبي يرد ..لكنه ماقدر يمسك دموعه طلع علي كم غرفته ..ارتبك فهد ماكان يبي علي يشوف دموعه ..فصكر التيلفون ... ...الجازي ــ فهد ..فهد ..(هلت دموعها) ليش ..سكوتك هذا يقول انه كلامهم صحيح .. صكرت جوالها ..طالعت الرقم ..كان خارجي ..ردت اتصلت ..يرن ويرن ..محد يرد ... علي ـــ بترد؟؟ فهد ـــ لا ..هذا واحد صار ساعه يدق بالغلط ..طنشه بعدين حنا من نعرف هنا علشان يكلمنا؟؟ صكرت جوالها ..وانهارت بنوبة بجي ..دلال احضنتها .وبجت معاها .. دلال رغم أنها تصيح على حال الجازي ــ خلاص ..الصياح مب زين لج .. الجازي ـــ اذا انتي تصيحين على حالي ..ليش ما أقدر أصيح على نفسي ..شلون اهون عليه؟؟ ليش ؟؟ ..بعد ما نسيت يذكرني؟؟ يالله ..يالله ..أحس قلبي نط من مكانه وراح مع صوته ..ليتني أقدر أروح له .ليتني اقدر اروح له ... دلال ـــ لكن يالجازي ..حرام تعذبين نفسج..اهدي ..اهدي .. ******************************* |
خلود ــ محمد ما اتصل ؟؟ شيماء ـــ بلى ..بيجون بكره انشاء الله ..خذي بالس من البنات ..انا ساعتين وأرد .. خلود ــ زين انتي مو قلتي لي انه كان بيرجع يوم الاحد؟؟ شاللي أخره؟؟ شيماءـــ يقول الشغلة الي راحوا لها ما خلصت . والسيارة اختربت عليهم ..انشاءالله اليوم يصلحونها وبكره الصبح يكونون هنا في الدوحة .. خلود ــ انشاءالله ..سلمي لي على عمي .. شيماء ــ انشاءالله يكون صاحي ..عن اذنس ..ناصر اخوي ناطرني بره .. خلود .ــ سلمي عليه .. شيماء ــ تراني أسويها.. خلود ـــ لا ..كنت أمزح .. ابتسمت شيماء واطلعت .. في السيارة ـــ البنات مع الخدامة؟؟ شيماء ـــ لا ..مع خلود . ناصر ـــ ترى ابوي تعبان وايد ..امي قالت لي أقولج تدارينه زين .. شيماء ـــ ليش الغالية والعنود مب معاه؟؟ شيماء ـــ لا ..الغالية اليوم يزورها ريلها يتغدى عندهم ..وأمها تساعدها ..وامي كانت عنده طول الليل .. شيماء ــ..زين .. طلعت جوالها واتصلت على خلود .. خلود ــ ألو ..اهلين شيماء شنسيتي؟؟ شيماء ـــ ما نسيت شي ..بس بتأخر ..مافي حد يداري أبوي طول فترة الظهر ..ما أبي أزعجس ..ماعليس أمر خذي البنات بيت يدتهم ام صالحة ..طلبتهم مني وأنا طولت عليها .. خلود ـــ بعد الغدا يعني آخذهم ...شوفي ماعندي مانع أتم معاهم طول اليوم لو تبين .. شيماء ـــ لا ما أبي أتعبس معاي ..هي فرصة يشوفون يدتهم . خلود ـــ اوكي .. شيماء ـــ يلا خاطرس ......ناصر يسلم عليس .. ارتبكت خلود وناصر التفت لشيماء مستغرب .. خلود ـــ......................................... شيماء ـــ مع السلامة .. شيماء في بالها متخيله ويه خلود ..فضحكت .. ناصر ـــ شيماء ..شالحركة البايخة؟؟ كان يمثل انه مزعوج .. شيماء ـــ يا أخي شسوي لك ..انت كتلة ثلج ..البنت محيرة لك ..تحرك خطوة ..عمرك صار سبع وعشرين سنة داخل على الثمان وعشرين ..متى تتحرك؟؟ ناصر ـــ لسه بدري على الزواج.. شيماء ــــ يلا ..انا حركت لك طوبه..خليت البنت تفكر فيك ..تعب عمرك الحين وكلم عمي ...البنت لاتضيع من يدك ..اذا تقدم لها واحد غيرك تعرف عمك ..اذا شهم و اصيل يعطي بدون مايسأل أحد .. ناصر ــ خلاص ..صكري على الموضوع ..كل السالفة اني ماكنت حاب آخذ من بنات عمي .. شيماء انصدمت ـــ ليش؟؟؟ ناصر ـــ جذيه ..كنت مقرر هالقرار بيني وبين نفسي .. شيماء ـــوالله البنت ممتازة .. ناصر ـــ ادري بخلود ..اعرفها من كنا صغار ..بس الغالية كانت مكلمتني عن اخت ريلها .. شيماء ـــ أي وحده فيهم؟؟ والغالية شدخلها فيك؟؟ يعني ما تعرف حضرتها انك لخلود وخلود لك؟؟ ناصر ـــ كانت مكلمتني عن سارة .. شيماء ـــ سارة بس هذي مريضة .. ناصر ـــ أدري فيها السكر ..بس أنا راضي .. شيماء ـــ ساره متكلم عليها ولد عمها ..جذي قالت لي اختها الكبيرة .. ناصر ـــ لا ..الغالية قالت لي ولد عمها كان يبي الكبيرة .. شيماء ـــ لا .مو صحيح ...اختها قالت لي ان بعد وفاة وحدة من أخواتها كانت مخطوبة تقريبا لولد عمها ..بيزوجون ساره له ..بس يا ناصر .. خلود .. ناصر ـــ شفيها خلود .. شيماء ــ تم بنت عمك ..وأولى بك من غيرها ..وحرام تصدمها .. ناصر ـــ بس حتى ولو ..ماكان لازم تعشمينها وتقولين لها ناصر يسلم.. شيماء ـــ أخوي البنت متعشمة فيك من يوم انولدت ..حرام انك تخيبها وتخيب اهلها .. ناصر ما تكلم .. ***************************** ناصر ــ أنا بروح على طول بس أوصلج الغرفة ... دخلت شيماء وناصر الغرفة وسمعت الدكتور يقول ـــ بلغوا اهله ... ناصر استغرب ..ــ دكتور حنا هله ..شفيه ابوي ؟؟ الدكتور ارتبك ..شيماء حطت يدها على قلبها .. الدكتور ـــ للأسف ماقدرنا نسوي له شي ..البقاء لله .. ناصر ـــ أبوي مات؟؟ هز الدكتور راسه ـــ مادايم إلاوجهه ..انا لله وانا إليه راجعون ..الله يصبركم في مصابكم ..عن اذنكم .. ناصر كان جامد ..وشيماء كانت مصدومة .. ناصر ـــ لاحول ولاقوة إلا بالله ..شيماء تعالي معاي ..بوديج بيت أبوي .. شيماء ــ ناصر ..أبوي مات؟؟ .. ناصر سند شيماء اللي ماقدرت تكتم دموعها وصاحت .. ناصر ــ شيماء اذكري الله .. شيماء ـــ لااله الا الله .. ناصر ــ ااهدي ..خلينا نطلع من هنا .. وسندها لين وصلت السيارة ..وتمت تصيح بينها وبين نفسها . ناصر اتصل في سلطان وقاله .. اول ما وصلوا البيت ..كانت امها حاسه ان في شي ..دخلتهم غريبه .. قال لها ناصر بهدوء ــ يمه .. ام سلطان ـــ خير يا ولدي ..عسى ما صار شي لابوك؟؟ ناصر نزل راسه ..وشيماء ما قدرت ..تخبي دموعها ..ام سلطان صاحت ..حضنتها شيماء ..وتموا يصيحون ..الغالية طلعت من غرفتها بعد ما سمعت صوت في الصالة ..انصدمت لما شافتهم يبجون وحاضنين بعض .. الغالية ــ ناصر ..شصار ..امي حمده وشيماء ليش تصيحون؟؟؟ شصار؟؟ لايكون صار شي لابوي .. ناصر ـــ الغالية ..اهدي ..هذا مقدر ومكتوب . ..الله يرحمه .. الغالية من اسمعت ناصر صارخت صرخه عوده ..واغمى عليها ..طلعت العنود منصدمه ..وشافت بنتها طايحه .. شيماء ركضت تهون على الغالية ..العنود من درت انهارت بالبجي .... رجع سلطان وناصر بعد صلاة العصر ..بعد ما ادفنوا ابوهم .. شيماء وامها وخلود و ام خلود وبنات عمها والغالية والعتود كلهم في الصالة لابسين عباياتهم وبراقعهم.. طلعت شيماء لاخوها اللي طق الباب .. طلعت ـــ سلطان .. سلطان ــ شيماء حضري الشاي والقهوة للديوانية بعد شوي ييون الناس ..انا بروح اتسبح واغير ملابسي .. هزت شيماء راسها ــ انزين .. شيماء راحت المطبخ وقالت للخدامات يسوون الشاي والقهوة ...وتمت في بيت أبوها الله يرحمه يستقبلون اناس اللي يايه تعزي لين الليل .. يات ام صالحه وبنتها الهنوف .. الهنوف ــ شيماء ..البنات بيتمون عندنا هالثلاثة ايام لين ما يخلص العزا.. شيماء ـــ اخاف يعذبونكم .. الهنوف ـــ شيماء ..هذول بنات اختي المرحومة ..شعذابه؟؟ بنحطهم في عيوننا .. شيماء ـــ انزين ...لايا محمد بسأله مع اني متأكده انه ما بيرفض .. الساعة 11.30في الليل .. الغالية ــ شيماء بتنامين هنا؟؟ شيماء ـــ ما أقدر ..محمد بيرجع البيت الصبح ..وبيلقى البيت فاضي بيخترع خصوصا ان راني هنا ..انا بروح مع الدريول .. الغالية ـــ خليني اقول لناصر يوصلس .. شيماء ـــ حرام ناصر الي فيه كافيه ..بروح مع الدريول والخدامة .. كان سلطان دخل في هاللحظة للصالة وسمعها .. ـــ بتروحين هالحزة مع الدريول ؟ انت صاحية..نامي هنا .. شيماء ـــ سلطان محمد بيرد الصبح ..والبيت فاضي بيخترع ..انا ما قلت له شي عن وفاة ابوي .. سلطان ـــ خلاص أنا أوصلج..قومي ..نادي خدامتج.. شيماء ـــ مشكور اخوي ..مع اني ما أبي أتعبك ,, سلطان ــ لاتعب ولاشي ..قومي .. ركبت مع سلطان ..ووصلها هي وراني لين بيتها ..ما نزل على طول راح .. دخلت البيت .. محمد ـــ شيماء ؟؟ وين كنتي؟؟ انصدمت شيماء ــ محمد ...راني روحي داخل .. دخلت راني لغرفتها .. شيماء ـــ متى وصلت؟؟ وليش قاعد بروحك في الظلمة ؟؟ محمد ـــ من يابج؟؟ شيماء ــ سلطان اخوي ... محمد ـــ ليش راجعه هالحزة؟؟ وين كنتي؟؟ شيماء ــ كنت في بيت أبوي ...الله يرحمه .. ما مسكت عمرها وبجت ..محمد انصدم .. محمد ـــ عمي توفى؟؟ متى؟؟ وليش ما قلتي لي؟؟ شيماء ـ توفى اليوم الصبح .. محمد يبي يهدي شيماء ..قال في نفسه صج اني غبي ..شلون اشك فيها؟؟ خذها في حضنه..شيماء تمت تصيح .. محمد ــ الله يرحمه ..الله يرحمه ..البقا في راسج..ليش ما قلتي لي؟؟ شيماء ـــ ما مداني..وبعدين خفت ترجع مسرع ..وانا ابيك توصل سالم لي ..كافيني خسارة وحده في هاليوم .. محمد ـــ حبيبتي ..كان لازم تقولين لي ..مسح على شعرها ..وين البنات؟؟ شيماء ـــ عند يدتهم ..بيتمون هالثلاثة ايام عندها .. محمد ــ زين ..تعالي نيلس .. جلسوا على الكنبة .. وشيماء كانت من التعب ماحست بنفسها ..فنامت في حضن محمد .. محمد نفسه كان تعبان من السفر مجرد ما غمض عيونه نام. *********************** دلال ـــ بتسافر بكره؟؟ احمد ــ لا ..بعد يومين بسافر ..شلونها الغالية زعلانة وايد؟؟ دلال ــ اكيد هذا ابوها ..منى نامت ..من يشيلها لي ... احمد ـــ اوديها غرفتج؟؟ دلال ــ لا ..برد البيت .. احمد ـــ وين تردين هالحزة؟؟ خلج نامي هنا ..بشيلها غرفتج ورد لج .. دلال ــ تشيلني غرفتي بعد؟؟ احمد ــ لو تبين ما عندي مانع .. دلال ـــ لا ,بيي معاكم .. شالت عباتها وشيلتها وطلعت لغرفتها في بيت ابوها . غطت منى عدل .. احمد ـــ عاد ليش خذيتها معاج للعزا حرام عليج.. دلال ــ ما خذيتها للعزا ..خليت يوسف ياخذها مدينة الالعاب وما مانع..تعرفه يحب اليهال .. احمد ــ ماتشوفينه خطب عليا.. ضحكت دلال ـــ وانت مب قاصر ..مابين عليا والغالية مب وايد .. احمد ـــ الغالية عاقل ..الله يخليها لي .. دلال ــ كنسلت تذكرتك ؟ احمد ــ خذت رحلة ثانية ..وانت ريلج ما بين؟؟ دلال ــ احمد الله يخليك انا مب قادرة انطر اكثر .قولي الي تعرفه ..والله احس الهموم كلها فوق راسي .. احمد ـــ ما اقدر الامر بيد عبدالله ..اذا قالج ..ولا لا ..الامر بيده انا ما بتدخل .. دلال ــ والله اني محتارة ..كله اكلم نفسي من الهم .. احمد ـــ وين الجازي عنج؟؟ مب كاتمة اسرارج؟؟ دلال ـــ مسكينة هالبنت ..ما أبي أثقل عليها ..همومها كافيتها ..انت لو تشوف اليوم لما اتصل فيها طليقها شصار لها .. احمد ـــ ليش معذبها هو؟؟ دلال ــ لا ..مساكين ..هو مريض بالخبيث ..وشكل العلاج مايفيد فيه ..طلقها علشان ماتم لاخر عمرها تفكر فيه اذا مات ..يبيها تعيش حياتها..مع انهم اثنينهم يموتون على بعض .. احمد ـــ يعني ..ضحى بهالحب علشانها .. دلال ــ مسكينة ... ما اقدر اقول لها شي .. احمد ــ لكن هذي مهمة الصديق .. دلال ــ احمد ..الجازي يوم درت بالحادث اللي صار كانت تبي تموت من الخوف علي ..اقول لها بهالمصيبة اللي في حياتي علشان تقعد تحاتي طول الوقت ..انت ما تعرف الجازي ...الجازي اختي ..اكثر منها صديقتي .. احمد ـــ ..ادري بهالشي ..عندي فكرة ..بخليج الحين واروح تصل في الغالية .. دلال ـــ يعني ما بتقول لي وترحم عذابي؟؟ احمد ــ دلال ..لاتحاولين معاي ..انا ما بتدخل ..انطري ريلج يرجع .. طلع احمد ..ودلال تمت في حيرتها .. *********************************** فاطمة ــ ندى انتي تغيرت ..ماعدت الاولية .. ندى ـــ كل هذا علشان ما كلمتج ؟؟؟ فاطمة ــ لا ..بس أحس من صوتج أنج شايلة هموم الدنيا على راسج.. ندى ــ لا صدقيني ..مافيني شي ..قولي لي شلون عبدالعزيز معاج؟ فاطمة ـــ تصدقين ..انسان عطوف جدا ..ما توقعته جذي ..اليوم في الليل بيزورنا .. ندى ـــ يعني ما ندمت انج رجعتي له؟ فاطمة ـــ صراحة لولا ناصر أنا ما رجعت له ..والحمدالله .. ندى ـــ ناصر؟؟ فاطمة ـــ اييه ..هو اللي ضغط علي ..أنا كنت مترددة بسبب اللي صار بس الحمدالله ..خابت ظنوني ..انتي قولي لي شلونج هناك ؟؟ وعبدالهادي شلونه معاج؟؟ ندى ــ رغم أن البيت صغير ..بس نادرا ما نلتقي ..كله يكون في شغله أو مع ربعه ..وأنا كله مع سمر .. فاطمة ــ ومنى؟؟ ندى ــ نهلة ومنى تغيروا ..ماعادوا مثل قبل الوحيدة اللي قريبة لي هي سمر..وكله أطلع معاها ومع صديقاتها .. فاطمة ـــ حلو يعني تتسلين ..متى بترجعين؟؟ ندى ــ الاسبوع اللي ياي .. فاطمة ـــ انشاء الله .. ندى ـــ مريم جنبج ؟؟ فاطمة ـــ لا في الغرفة الثانية بناديها لج .. ندى ـــ بسرعه .. مريم ــ هاي يالسبالة يالعيوز ..متى بترجعين؟؟ ندى ــ أنا أقول لي صار يومين مب على طبيعتي أكيد تدعين علي كل يوم صح؟؟ مريم ـــ اييه أكيد ,,شهر يالظالمة؟؟ حرام عليج بموت .. ندى ـــ لاتسمعج فاطمة ويكون على بالها أنج بتموتين على شوفتي .. مريم ــ فاطمة تمت عند ريم ..تعالي أنا بموت ..شهر ..متعودة كل يوم أشوفه ..وفجأة شهر ..ارجعي بسرعه يا ندى ..والله مشتاقة لعبيد .. ندى ــ أدري ..حاسة فيج ..اكيد الحين بتموتين من الوله .. مريم ــ خلينا مني ..قولي لي ..أنت شخبارج؟؟ ندى ـــ بخير الحمدالله ..مبروك لعبدالعزيز ..يستاهل فاطمة .. مريم ــ صراحة من ملجوا وأنا مطيحة كل يوم هنا بسبته ..يقول لي ارجعي مع ريم وأنا بيبج بعدين ..تعرفين حجة علشان يشوفها .. ندى ــ اكيد طالع عليج .. وكحت ندى .. مريم ـــ صحة ..عسى صحتج بخير .. ندى ــ تعرفين البرد هنا .. مريم ــ عاد تغطي عدل ؟؟أنت عصقول مافي عندج طاقة .. ندى ــ قصدج كتل من الشحم واللحم مثلج؟؟ لا والله ..ماعندي. مريم ــ حبيبتي محترة مني ..الكل يحبون جسمي لاني مليانه شوي ..ومخصرة .. ندى ــ حتى أنا نفسي يكون جسمي مثل جسمج ..بس شأسوي. مريم ــ أنت من وين تكلميني؟؟ ندى ـــ من الكافيه ... مريم ـــ خلاص صوتج تعبان ..روحي ارتاحي .. ندى ـــ اوكي ..سلام .. مريم ــ سلام .. طلعت ندى من كافيه النت ..ماقاومت رغبتها ومرت الفندق وين ناصر .. كان طالع من المصعد في اللحظة اللي ادخلت فيها الفندق .. ناصر ــ ندى ... ندى ــ أهلين ناصر .. ناصر ـــ تشربين شي ؟؟ ويهج ليه شاحب؟؟ ندى ـــ مافي شي ..اشرب شاي .. ناصر ـــ اوكي اييلسي على هذيك الطاولة بروح أطلب وأيي .. ...................................... ناصر ـــ شخبارج؟؟ ندى ــ ما أدري أحس يياتي للفندق شي غلط .. ناصر ـــ أنا ولد عمج ..وأنت ما تسوين شي غلط ..مثل الزيارات العادية .. ندى ــ عاد كلمت فاطمة اليوم ..تقول لي لولاك ..ما اقتنعت في عبدالعزيز .. ناصر ــ صحيح ..كان عندها فكرة غلط عنه .. ندى ـــ عاد شكله تعلق فيها وايد ..كل يوم يروح لها بحجة مريم .. ناصر ـــ زوجته ..محد يقدر يمنعه ..مريم في أي سنة الحين؟؟ ندى ـــ ما أدري ما سألت ..هي ما تتكلم عن الجامعه . ناصر ـــ أنا شفتها قبل لا أيي كندا ..كانت رادة مع الريم أختي .. ندى ـــ اييه ..قلت لك عبدالعزيز حاط حجة علشان يشوف فاطمة .. ناصر ــ صراحة مريم أعجبتني .. ندى عقدت حواجبها ـــ عجبتك؟؟ ناصر ـــ اييه ..توها صغيرة ..وحلوة ..وغنية ..وللحين ما تزوجت ..شي ..افكر أخطبها أول ما أرجع الدوحة .. حست ندى أن قلبها اتقبض ..قالت في نفسها لازم ما أبين له أن هالموضوع يأثر فيني .. ناصر ـــ ما قلتي لي شرايج؟؟ ندى ـــ البنت ما تحبك .. ناصر ـــ ليش ..حنا من متى نزوج البنات للي يحبونه؟؟ ندى ـــ ناصر شالكلام ..البنت لازم تكون راضية فيك ..وتحبك .. ناصر ـــ خليني أترجم اللي أسمعه ..بكره لاحبت لها واحد من بره أمريكي ولا باكستاني نزوجها له بحجة أنها راضية فيه وتحبه .. ندى باشمئزاز ــ شالتشبيه الخايس؟؟ الرسول قال استشيروهم ..والبنت ماراح ترضى فيك .. ناصر ــ وأنت ليش واثقة أنها ماراح ترضى فيني ؟؟ ندى ـــ عندي أسبابي .. ناصر ـــ ممكن تنورينا؟؟ ندى ـــ سمعتك كافية ... ناصر ـــ ...................سمعتي ؟؟ ممكن توضحين؟؟ ندى ـــ ناصر أنت معروف بالزير ناصر ..وما أكثر ما تسمع عنك مريم ..خصوصا بعد الفضيحة ... ناصر ـــ فضيحة؟؟ أي فضيحة؟؟ ندى ــ أي فضيحة يعني ؟؟ فضيحة الفستان الازرق؟؟أرجوك ناصر لاتستعبط .. ضحك ناصر ـــ قصدج مونيكا؟؟ ندى ـــ أييه ..مونيكا..قصدي ..بدرية .. ناصر ــ شدراج ببدرية ؟؟ ماكنت حاضرة ..لايكون قالت لج فطوم .. ندى ـــ قالتها لي أمك ..وكانت مريم موجودة ..أكيد ما بترضى على نفسها ..الــ..سكيند بليس .. ناصر ـــ العلاقة بيني وبين بدرية كانت تلفونات بس ..وهي عندها ذوق حبتني ..وأهلها قرروا يزوجونها بابن عمها ..حاولت تتصل فيني من زود حبها علشان أنقذها من هالزواج ..لكني تهربت .فراحت بيتنا ..على بالها أمي متحررة وتؤمن بالزواج عن حب ..مسكينة انطردت بالمكنسة .. ندى ــ ليش تضحك؟؟ شاللي يضحك في اللي تقوله لي .. ناصر ــ يضحكني غبائها ..أنا ولامرة قلت لها أحبج ..على أي أساس يايه تطالبني بالزواج .. ندى ـــ لكنك عشمتها فيه .. ناصر ـــ لا ..انا كنت ألعب عليها ..وقلت لج ..البنات مايستاهلون إلا العار .. ندى ــ شكل دياركم عامرة بالافراح .. طالعها مستغرب ..ــ شقصدج يا ندى ؟؟ ندى ــ قصدت أن سجلج عامر بالبنات ..أنك كل ما تحطم وحده تسوي لنفسك عرس ..انك انتصر على الجنس الناعم ..وأخيرا لما قررت تتزوج ..اخترت وحده ..ماعندها أي شعور تجاهك .. ناصر ــ قلبي كان فيه وحده ..وانتهت ..الحين أعده يستقبل الابدية ..مريم .. ندى حست بنار الغيرة في قلبها .. ناصر ـــ يمكن شي واحد اللي يخليني أغير قراري ..وهو حصول معجزة وتتزوج مريم قبل لاأوصل الدوحة .. ندى ـــ ماتدري ..يمكن ليش لا .. ناصر ـــ ندى ..ماقلتي لي رايج؟؟ ندى ـــ رايي أن الشاي اللي طلبته ما وصل ..وأنا تعبانه ..بروح البيت .. ناصر ـــ تدرين يا ندى شاللي يعجبني فيج؟؟ ندى ــ أكيد مب جمالي ..لاني عادية .. ناصر ــ ههههه ...لا.. يعجبني أنج تعتمدين على نفسج ..أنج ما تخافين من أي انسان ..ودايما تعرفين طريقج وين ..وأنت هنا في كندا تتصرفين كأنج في الدوحة .. ندى ـــ ناصر .الصراحة ..بقولك اللي يرضيك ...أنت تبي وحدة ضعيفة ..وحدة كلها حيا وخجل ..وحدة ينقص عليها بكلمتين غزل ..ومبروك ..لقيت هالشخص في مريم .. قامت من مكانها وطلعت وهي منقهرة وأول ما وصلت بيت خالتها طاحت .. منى ـــ ندى ...وات هابن تو يو .. ندى ــ تعبانة ..بردانة ..وصليني فراشي .. منى ـــ اوكي ..دونت سليب ..ويت اأسكند .. سندتها منى لين فراشها .. منى ـــ حرارتك مرتفعه جدا ..هلأبجيبب لك خافض حرارة .. ندى ــ بس أبي أنام .. منى ــ لاتنامي ..خلك صاحية ..قيف مي أمنت . ندى ـــ جسمي عظامي توجعني ..بردانه ..بردانه .. منى ـــ انت محمومة .. انطري شوي ..اشربي الدوا .. ************************ |
بوسند ـــ شفيها الجازي؟؟ ليده ـــ ما أدري ..اليوم ماراحت للدوام.. .وحابسة نفسها في حجرتها اسألها ما ترد.. بوسند ـــ حنا ما صدقنا البنت ارجعت لطبيعتها ..شفيها انتكست جذييه؟؟ اليده ــ علمي علمك ..مدري شبلاها .. بوسند ــ وين الخدامة تناديها تتغدى.. اليده ـــ ناديتها بس ما ردت علي .. بوسند ـــ بروح لها .. اليده ـــ لاتروح ..خلها بروحها .. بوسند ـــ انا مو بس خايف عليها يمه ..انا خايف على اللي في بطنها .. اليده ـــ خلها ..اذا ماصارت زينه العصر ..بنروح لها .. الجازي في هاللحظة كانت متمددة في فراشها مكتئبة.. ..مالها خلق تنطق كلمة وحده .التفت لجوال اللي كان يرن .. طالعت الرقم دلال ..ماردت عليها ..قفلت التلفون وحطته على جنب .. دلال كانت تبي تكلمها وهي متأكدة ان الجازي ردت لحالتها اللي ماصدقوا متى تطلع منها .. سارة ـــ في مين تتصلين ؟؟ دلال ـــ في الجازي .. سارة ـــ زيين خولة اخت ريلج..اتصلت تقولج بترجعين البيت اليوم ولا لا .. دلال ـــ ليش تسأل؟؟ مب من عادتها تسأل ارجع ولا لا ..اصلا هذي الوحيدة من اخوات ريلي اللي مب حيل معاي .. سارة ـــ ولا معانا ..انا مع هيفاء احسن وسهام نص ونص ..لكن خولة ..ما تزورنا ولاتطلع لنا يوم نزورهم ..اتصلي فيها .. دلال ـــ بتصل بهيفاء احسن ..منى تغدت معاج؟؟ سارة ـــ منى؟؟ سوت مجزرة تحت ..نص الاكل على الارض والسبة منى .. دلال ـــ قلت لج بتبهدلج.. ألو هيفاء شلونج؟ هيفاء ـــ بخير .. طلعت سارة من الغرفة .. دلال ـــ شخبار الكل .. هيفاء ـــ بخير .. انت شخبارج بتردين اليوم؟؟ دلال ـــ أي ليش السؤال؟؟ سمعتوا شي عن عبدالله ؟؟ هيفاء ــ اييه عبدالله رد اليوم الساعة تسع الصبح .. دلال ـــ ليش ما قلتي لي؟؟ هيفاء ـــ كنت في المدرسة .. دلال ـــ اييه ..نسيت .. هيفاء ـــ تستاهلين سلامته ..تردين اليوم؟ دلال ـــ كان ودي ارد البيت بس لازم اروح اليوم لبيت الغالية.. هيفاء ـــ بتروحين اليوم بعد؟؟ زين ومنى اكيد عبدالله اشتاق لها .. دلال ــ بمر البيت اليوم .. هيفاء ــ أكيد ..قلت ما تقدرين .. دلال ـــ عن المصاخه هيفاء .. هيفاء ـــ اييه ..مصاخة وينك يا حبيب القلب...نفسي اشوف ويهج هاللحظة ..أكيد مستوي طماطة.. دلال ـــ لا وحياتج .. .طالعت دلال المنظرة كان ويهها تعبان ولونه شاحب .. هيفاء ــ بنشوفج اليوم .. دلال ـــ انشاء الله ..سلمي على امج واخواتج.. هيفاء ـــ نسيتي عبادي .. ابتسم دلال ـــ مع السلامة .. احقرت نفسها لدقيقة لتمثيلها على حساب كرامتها ..الكل على باله ان العلاقة بينها وبين عبدالله مثل العسل ..لكن الحقيقة غير ...هي وعبدالله انقطع الامل بينهم ..وصعب جدا ان الامور ترجع إلى ما كانت عليه .. راحت غرفة أحمد .. وطقت الباب ـــ احمد .. احمد ـــ حياج.. كان يطالع في ملفات وأوراق .. دلال ـــ عبدالله رجع ... احمد ـــ متى ؟؟ دلال ـــ اليوم .... احمد ـــ تبيني اوصلج ؟؟ دلال ـــ انا محتارة ..اللي صار مخوفني ..ولاعارفة ايش شعوري بالضبط . احمد ـــ قولي ..شتفكرين فيه .. دلال ـــ ما أدري المفروض ازعل واسوي له فضيحة واكرهه ..مثل أي وحده يمكن يصير لها اللي صار لي .. احمد ـــ تذكري انج صابرة علشان شيين ..الشي الاول انج بريئة وما بتتركينه لين تثبتين هالشي ..الشي الثاني حالة امج وابوج الصحية ما تتحمل صدمات ..وهالصدمة بتكون عنيفة بالنسبة لهم ..لاتنسين ان عندج سارة ويوسف مريضين في السكري..ويتأثرون بالصدمات النفسية .. دلال ـــ لكن موقفي غلط .. احمد ـــ ادري انه غلط ..لكنه الأفضل ....لما تعرفين الحقيقة ..عندج الاختيار بين الانفصال عنه ..ولا بدء صفحة جديدة في حياتج .. دلال ـــ مستحيل ابدأ صفحة جديدة.. مستحيل هالشي ..عبدالله فوق انه سوى لي الالام جسدية والالام نفسية ..شك في اخلاقي ..وكرامتي .. احمد ــ لما بيشرح لج السبب ..صدقيني بتعذرينه .. دلال ــ و انت ليش واثق جدا اني بعذره؟؟ احمد ـــ دلال ..أنا اكبر عنج باربع دقايق ...وأفهم منج .. دلال ــ اييه ..ونسبتك في الثانوية خمس وتسعين .. احمد ــ لاتنسين الثمانية من عشرة ..هذي مهمة .. دلال ـــ اسطوانتك المعهودة .. احمد ـــ ما رديتي علي ..تبيني أوصلج؟؟ دلال ـــ ما بروح له ..بس بمر انزل منى واروح على طول بيت الغالية . احمد ــ تبينهم يشكون ؟؟ شلون ريلج يرد من السفر وما تسلمين عليه ..نزلي على الاقل دقايق ..وبعدين لكل حادث حديث .. دلال ــ أنا ليش اسمع كلامك؟؟ احمد ـــ لاني اكبر عنج باربع دقايق ونسبتي في الثانوية خمس وتسعين وثمان من عشرة ولاني جراح ولاني ذكر ..لاتحاولين تساويين بينا حتى في الشرع للذكر مثل حظ الانثيين ..يعني دبل ..يلا ..رد علي تبيني أوصلج؟؟ انا رايح رايح .. دلال ـــ على من حركاتك ..تبي تشوف الغالية عن طريقي .. ابتسم احمد .. دلال ــ ياخوي ماني غبية ..انا فاهمتك أكثر وحده في هالدنيا ..لاتاكل بعقلي حلاوة ماني سارة ولاحمدة .. ضحك احمد ـــ يمه منج ..حيه .. دلال ـــ خلينا نطلع الساعة اربع ونص العصر علشان نمر ببيت عبدالله ونتم هناك ربع ساعة على الاقل . عندي اشياء وايد لازم اسويها .. احمد ــ اييه ..جذي الاخت ولابلاش . دلال ـــ عن اذنك أشوف ابوي قبل لايروح للعزا . احمد ــ ابوي متأثر وايد بوفاة بو سلطان ..كان يعزه وايد .. دلال ـــ ادري ..ولاماوافق بو سلطان على زواجك من بنته لولا هالمعزه .. احمد ـــ الله يرحمه ..تيسري .. طلعت دلال وراحت غرفة ابوها وامها ..طقت الباب .. ابو احمد ــ ادخل .. دخلت دلال كان ابوها مسترخي على السرير وامها تطالع التلفزيون .. دلال جلست قرب ابوها .. ــ شلونك يبه ؟ عسى صحتك ممتازة .. ابو احمد ــ بخير يا بنتي ..انت شلونج؟؟ ما رد ريلج من السفر؟؟ دلال ــ رجع يبه ..اليوم الساعة تسع الصبح .. ابو احمد ـــ وانت ليش هني؟؟ لي ما رحتي له؟؟ دلال ــ بعد شوي .. ابو احمد ــ شاللي بعد شوي ؟؟ أنا اشوف انج تروحين له الحين ..وين يوسف وسعد .. دلال ـــ يبه هالحزة؟؟ الساعة ثلاث العصر .. ويوسف وسعد في جامعاتهم ..انا احمد وعدني انه ياخذني الساعة اربع ونص . ابو احمد ــ يبه دلال ..أنا ما أوصيج ..ألزم ما على المرة واجباتها ..وانت مب صغيرة ..وانت تعرفين دينج وواجباتج عدل ..انت مو عاجبتني اليومين اللي راحوا ..مب مثل قبل ..من صار لج هالحادث وانت متغيرة ..اذا شي صاير بينج وبين ريلج قولي لي .. دلال ــ فديتك يبه ..مافيني شي ..(انخنق صوتها ) كل السالفة اني متأثرة شوي من طاح الياهل ..بس .. المعت دمعه في عيونها شلون حس فيها ابوها رغم انه مفجوع في واحد من احسن اصدقائه .. ابو احمد ـــ دلال ..لاتخلين هالحادث يأثر على حياتج ..العمر قدامج .. ام احمد قامت من على الارض وين كانت جالسه وحطت يدها على راس بنتها .. ـــ يمه ..أنا فاهمه اللي تمرين فيه ..يا بنتي بكره ييونج عيال وينسونج ..يمه انا اشوفج مقصره مع ريلج واهله سواء كان بالسؤال ولا الاهتمام ..يا بنتي لاتضييعين عمرج .الله يعوضج انشاء الله .. دلال ما قدرت تمسك دموعها ..خصوصا ان الكلام اللي انقال مو من أي حد ..الكلام اللي انقال من امها ..ما مسكت نفسها واحضنتها وتمت تصيح ..وابوها يمسح على راسها يهديها ..دلال كانت في قمة زعلها ..وفي قمة فرحها ..ولدقيقة حست ان هالشي واحد . ان فرحها وحزنها وجهين لعملة وحدة ..وهي حياتها .. ****************************** الحلقة السابعة والثلاثون .. **************** انزلت من السيارة واحمد يطالعها يقول لها تشجعي بنظراته .. مشت بثقة ..ومنى تمشي بقربها ..شافتها الخدامة شالتها على طول .. دلال ـــ خذيها داخل .. خذت نفس .. كانت خولة عند مدخل البيت واقفة ... دلال ــ السلام عليكم .. خولة ــ وعليكم السلام.. دلال ما حبت تدخل معاها في مناقشات فدخلت البيت على طول كانت سهام وهيفاء وام عبدالله يطالعون التلفزيون .. دلال ـــ السلام عليكم .. قاموا لها حتى ام عبدالله وسلموا عليها . جلست معاهم دقايق بسيطة وهي حاطة في بالها ان احمد ينتظرها في السيارة..لازم ما تطول .. دلال ــ عن اذنكم اروح ابدل ملابسي واسلم على عبدالله .. طلعت دلال وهي مبتسمة من تعليفات هيفاء وسهام ـــ اييه سلام بس؟؟ ـــ اكيد اشتاقت له .. ـــ امم اكيد عبادي مشتاق ..ما تشوفينه من الصبح معتفس .. هني ام عبدالله تدخلت وطالعت سهام وهيفاء ـــ ما تستحن ؟ يوزن عن حرمة اخوكن ..ولا بالعصا الحين . ضحكت دلال وهي تسمع ام عبدالله تهاوش البنات .. دخلت وهي مضطربة ..كان عبدالله شايل منى .. ـــ السلام. عبدالله ــ وعليكم السلام .. ــــ حمدالله على السلا مة ـــ الله يسلمج.. بارد ..ولاكأنها دخلت .. دلال ـــ اخوي احمد تحت .. عبدالله ـــ بنزل له .. دلال ــ ناطرني علشان ياخذني عزا في بيت خطيبته .. عبدالله ــ على خير انشاءالله .. نزل منى الارض ..,وطلع ... دلال على طول طلعت عباة ثانية لها وشيلة ثانية ووبرقع ثاني ..خذت دش سريع ...والبست اسود في اسود ...البست عباتها ..وخذت منى نزلت تحت .. دلال ــ خذي بالج منها .. هيفاء ــ انتي طالعه؟؟ دلال ـــ بروح عزا في بيت الغالية .ما أقدر أعتذر عنه . هيفاء ـــ انزين ...مع السلامة .. دلال ـــ مع السلامة قولي لعمتي .. وطلعت كان احمد يتكلم مع عبدالله في السيارة .. ركبت السيارة .. أحمد ــ عن اذنك .. عبدالله ــ الله معاكم .. اول ما حرك مسافة بسيطه دلال ما مسكت نفسها .. ـــ احمد ..شقال لك عن ايش كنتوا تتكلمون؟؟ ااحمد ـــ كان يعزيني في عمي .. دلال ــ كل هالوقت يعزييك في عمك؟؟ أحمد ــ لا طبعا ..نزلت شربت القهوة وسولفنا شوي ..على ما خلصت من تبديل ملابسج يا جلالة الملكة .. دلال ــ أحمد كنت محتاجة لدش ..شسولفتووا فيه ؟؟ أحمد ـــ بيذبحج الفضول ؟؟ سولفنا في الشغل ..وبس .. دلال ــ انت تكذب علي .. احمد ــ الحين انا كذاب؟؟ دلال ـــ لا محشوم بس انت تقص علي ..ششغله؟؟ انت ما تبي تقولي شصاير .. احمد حس ان دلال تغلي .. احمد ــ صدقيني ما تكلمنا عنج ..سألني عن شغلي ومتى برد له ..وأنا سألته عن المكتب وشلون الحال ..بس .. دلال ـــ بس؟ تأفف احمد معصب ـــ بس ..ما كنت ادري انج تلحين جذييه .. دلال ــ انا مب لحوحه ..زين ذكرتني ..شلون فيصل؟؟ احمد ــ بدري ..توك تسألين؟؟ دلال ــ حماده ..ما يبت طارييه علشان محد يسمع بالغلط ..ويعرفون انه .. أحمد ــ وليش ,,حنا عايشين في بيت مخابرات؟؟ دلال ــ حماده اذا ما كلمتني عدل ..مااخلي الغالية تطلع لك.. احمد ــ تهدديني؟؟ دلال ــ ماعاش من هددك يا غالي .. احمد ــ اييه اطلعي فيها مثل نجوى كرم ..اخوج تقريبا قدر يتخلص من هالسم ..لان فترة تعاطيه ماكانت كبيرة ..كان مجرد شهرين عكس .. سكت احمد .. دلال ــ عكس مين .. أحمد ــ عكس أي واحد ثاني ..تعرفين اثار المخدرات ما تبين الا بعد مدة أكبر من جذييه ..والحمدلله ..اول مرة لقافة حمده تفيدنا في شي ..كشفنا حالة فيصل مبجر .. دلال ـــ ما أدري ليش الشباب يلجأون للمخدرات ..هي تسممهم أككثر انها تفيدهم ..تدمر أعضاءهم .وتلوث دمهم ومخهم ..حتى تمنعهم من الانجــ... اسكتت دلال ..قفط ويهها ..وتجمدت ملامحها .وكأنها اكتشفت شي . تذكرت كلام أحمد لما اكتشفوا ادمان فيصل ..ربطت الامور ببعض ..يمكن ليش لاء ..هذا الشي يفسر كل شي .. .احمد وقف على جانب الطريق ..عرف ان دلال فهمت شي .. التفت له ..وعيونها مذهولة ..وكأنها تسأله ..نزل راسه وماقدر يحط عينه في عينها ..مرت عليهم فترة صمت ..وكأنهم بيستوعبون الموضوع ..عبدالله التزم الصمت..وتموا حوالي ربع ساعه ساكتين ..دلال تفكر في اللي استنتجته ..وأخيرا انطقت.. ـــ معروف ان اللي يتعاطى مخدرات ما ييب عيال ..صح ؟؟ احمد ــ صحيح..جزئيا .. دلال ـــ احمد ..الي افكر فيه صحيح؟؟ احمد ـــ دلال .لاتعقدين الامور .. دلال ـــ احمد ..عبدالله كان يتعاطى المخدرات؟؟ احمد ــ اييه .. دلال ــ وانتوا تعرفون هالشي وزوجتوني له؟؟ احمد ـــ دلال .اهدي لا تتنرفزين .. دلال ــ ارجوك احمد ..رد علي .. احمد ــ اييه ..انا وامي بس كنا نعرف .. دلال ـــ قبل ولا بعد الزواج؟؟ احمد ـــ تقريبا ..اثناء الزواج.. دلال ما فهمت ادمعت عيونها ..وتكلمت بعصبية .. ــ ليش ما تكلمت؟؟ ليش ما منعت الزواج ؟؟ شلون هنت عليك؟؟ احمد ـــ دلال هالكلام من خمس سنوات تقريبا ..يوم كان متزوج زوجته الاولى ..وبعدين تاب ..وخير الخطاؤؤن التوابون .الريال الحين نظيف ..وانا واثق منه .. دلال ــ تزوجني يا احمد لواحد راعي مخدرات؟؟ احمد ــ دلال ..كان ..وانتهى .. دلال ــ على الاقل كان قلت لي ..عطيتني الخيار ..كان قلت لابوي ..وكان بيدك الفرصة تنقذني .. احمد ـــ دلال قلت لج كان ..كان وانتهى .. دلال ـــ أحمد ما يهمني كان ولا صار .. عبدالله هانت عليه حياته من قبل ..وهانت اليوم حياتي ..كان بيذبحني .. احمد ـــ لاتبجين ..حطي نفسج بموقعه الدكتور قال له امل ضعيف ..وفجأه يلاقي زوجته حامل ..في فتره كان نصها مسافر .وما يوثق في اخوه ..واللي صار له اجبره انه يشك فيج.. صرخت فيه دلال ـــ لا ..مستحيل ..مافي شي يبرر الي سواه ..احمد ..بعدين انت اخوي ..ليش تدافع عنه ؟؟ احمد ــ دلال ..انت الحين مو في وعيج ..ما بكلمج لين تهدين .. دلال ــ اهدى؟ بعد اللي قلته لي اهدى؟؟ ان انجنيت محد يلومني ..زوجي سوابق مخدرات واخوي باعني له ..وأمي باعتني له .. احمد عصب ــ دلال ..اسمعي نفسج..غير اللي صار بينج وبين عبدالله ..قد مرة اهانج ولاغلط عليج؟؟ قد مرة ما كان في وعييه؟؟ انتي مو كله تقولين لي انه محترم وايد معاج؟؟ فكري ..ما كان في وعييه يوم دفعج عن الدري ..كان الغضب والشيطان معمي عيونه .. دلال ما ردت على احمد ونزلت من السيارة .. أحمد ــ وين نازله في الشارع .. ركبت في السيت الوراني ولفت وجهها بعيد عنه ..احمد عض على شفايفه وتنهد ..رد لبيتهم نزلت دلال وهو طلع .. دلال على طول راحت غرفتها وقفلت الباب على نفسها و استسلمت لنوبة بجي .. ********************************* حطت الكمادات على جبينها وهي تقول ـــ ندى ..لاتزعلي مني ..انتي ما تقدرين تسافرين وأنت مريضة .. ندى ـــ سمر أنا ملتزمة ..وكان لازم أسافر بكره . سمر ـــ ندى خالتي قالت لي نفس الشي ..قالت أنها تعتمد عليج في السفر دايما .والرحلة بتكون طويلة ..ما بتقدرين عليها .. ندى ــ ما كان لازم ..تأجلين .. سمر ـــ ماقلتي لي شصار معك ومع ناصر .. ندى ــ يبي يتزوج مريم ..فهمتي ليش كان لازم أسافر ..علشان أقنع عبيد يخطب مريم .. سمر ــ انت صحيح بدك ناصر ؟؟ ومستعده تعملي هالشي مشانه؟؟ ندى ــ أنا مو علشان ناصر ..علشان مريم وعبيد ..هم يحبون بعض ..وأنت تعرفين لاتقدم ناصر لخطبتها مستحيل يردونه خصوصا بعد ارتباط فاطمة بعبدالعزيز ..بيكون مثل البدل ..بس بدل ضمان ..ان بنتهم عندنا نصونها فبنتنا عندهم يصونونها .. كحت ندى بشكل حاد ..لمده ثواني حاولت سمر تخفف عنها ..وتعطيها شي حار .. سمر ـــ تقنعيني أنه مو علشان ناصر؟؟ ندى ـــ بلى ..علشان ناصر ..أنا أحب ناصر ..وأحب مريم ..وشوفتهم مع بعض ..بتجيب لي الجلطة .بتذبحني .. سمر ـــ الحين شيلي من راسك ناصر ..وارتاحي ..ولكل حادث حديث أهم شي راحتك .. ندى ــ ما أرتاح إلا لما أسوي شي ..بخصوص هالقصة .. سمر ـــ صراحة أفضل تروحي لدكتور . ندى ـــ كلها نزلة برد . ليش أروح لدكتور ؟؟ سمر ــ ما شفت حد عنيد متلك .. ************************** احمد ـــ سارة دلال للحين في غرفتها؟؟ سارة ــ ليش دلال هنا؟؟ ما أدري أنها هنا .. احمد ــ روحي لها ..من العصر أنا رجعتها البيت كانت تعبانة .. سارة ـــ اوكي .. طقت الباب ..لكن ما ردت عليها دلال .. سارة ــ أحمد ماترد .. أحمد ـــ انا عندي مفتاح الغرفة .. سارة ــ اوكي ..عطني اياه .. احمد ـــ لا..أنا بدخل لها ..انتي روحي .. فتح الباب ..كانت جالسه على كرسي ..بملابسها نفسهم .. ويهها جامد .. أحمد ــ دلال .. دلال ما ردت عليه .. أحمد ـــ دلال..اتصل فيني عبدالله يسأل اذا بترجعين البيت ولا لا .. دلال ماردت.. أحمد ــ دلال ..قدري موقفي ..لا تزعلين مني ..انا كنت سامع اشاعه من جاسم ..وقلت في نفسي نذل أكيد غرضه يخرب عليج . ما صدقت لاني عرفت عبدالله طوال سنوات وهو الانسان اللي يعتمد عليه ..دلال اعطيه فرصة ثانية .. تمت ساكته ما ترد عليه .. أحمد ـــ اذا تبين تتطلقين أنا أساندج ...واذا تبين ترجعين له ..أنا أساندج بعد ..أنا مع قرارج .. طالعت له وعيونها مليانة دموع .. احمد ـــ بشرح لج موقفه ...كطبيب ..اللي يتعاطى المخدرات طوال وهو يتعاطاها فرص الانجاب معدومة ..لكن بعد فترة اذا توقف عن تعاطي المخدرات يرجع طبيعي ..وهو عامل بيئي ..عبدالله كانت زوجته عندها مشاكل في الرحم ..ولما طلب منه الدكتور انه يفحص ..جبن وما قال انه كان يتعاطى مخدرات في هذاك الوقت ..الدكتور على باله عيب خلقي فقاله ان مستحيل ينجب إلا بأطفال الانابيب ..لو قال للدكتور ان المشكلة هي المخدرات كان الدكتور شرح له ..على شان هالشي هو غلط في حقج ..ويبي يعتذر لج ..وسافر الامارات وتأكد من هالكلام . الحين هو ندمان ..ويبيج ترجعين لبيتج .. معززة مكرمة .. دلال ــ ....................................... أحمد ـــ عبدالله تحت ..في الديوانية ..ياي ياخذج ..بطلع الحين وأروح له ..فكري ..تبين تبدين صفحة جديدة في حياتج والا تطلقين ...اذا اتخذت قرارج الحين ..قولي .انا بكون تحت طلع أحمد من الغرفة وطلب من سارة ما تدخل لها ..ونزل تحت وين عبدالله كان ناطر . دلال فكرت في كلام احمد ..الشي اللي هي متأكدة منه أنها ما تبي تتطلق..ما تبي تنهي حياتها تعيسة ووحيدة ..مسكت شيلتها ولبستها وتغشت ..وطلعت .. أحمد ابتسم ـــ زين سويتي ..عبدالله في السيارة .. راحت السيارة واركبت جنب عبدالله ...اللي تم ساكت .. وصلوا لمطعم ..نزلت ...دون ما تسأل .. طلب عبدالله العشا ..وتمت ساكته .. عبدالله ـــ دلال انا آسف ..ممكن تسامحيني؟؟ طالعت له دلال ..كان صج ندمان وهو يقول هالكلام .. دلال ـــ عبدالله ..بنسى اللي صار ..واعترافك بغلطك ..بيساعدني شوي ..بس ممكن اطلب منك شيين؟؟ عبدالله ـــ اللي تامرينه ..انا جاهز .. دلال ـــ الشي الاول ..احتاج وقت يلا انسى اللي صار .. عبدالله ـــ أنا مستعد ابدا معاج صفحة جديدة بس تآمرين وفي الوقت اللي تبين .. دلال ــــ هني اوصل للشي الثاني ..ما ابيك تذكرني باللي صار.أنا بعتبر كأن ماشي صار ..ومحد يعرف بهالسالفة ..مهما كان ..بيكون الامر صعب علي ..بس انششاءالله تكون سحابة صيف وعدت على خير .. عبدالله ـــ دلال ..انت اميرة ..صراحه توقعتج تثورين وتفضحيني لو عرفت بالحقيقة..لكن أحمد قال لي انج تصرفت بهدوء ...والحمدالله اني ما خسرتج ..لانج صج كنت معطية لحياتي معنى ..أنا آسف ..أنا آسف ..وأوعدج ..بعد اليوم ..ما بتصرف جذيه . ما بمد يدي عليج ..بس انسي اللي صار .. دلال ـــ قلت لك أبي وقت ..ما أقدر أنسى بهالسرعة أنا ما أقدر .. عبدالله ــ خذي الوقت اللي تبين انشاءالله سنة .. بس سامحيني ..ولاتحقدين علي ..أنا غلطت بحقج ..وكل شي قاله لج احمد صحيح ..طيش شباب ..والشيطان أعمى عيوني ..أنا ما أتوقع منج أنج تسامحيني بهالسرعه ...خذي الوقت اللي تبينه ..وأنا شاريج . وما راح أتخلى عنج . ابتسمت دلال ..وهي تفكر اللي سوته صح ولا غلط ..لكن ..عطاها وقت .. بتكون علاقتهم ببعض رسمية ...ياليت الجرح اللي في قلبها يندمل .. ***************************** |
بعد يومين .. الغالية ـــ وين محمد ؟؟ شيماء ــ في البيت .. الغالية ــ شيماء ..صار لس ثلاثة أيام مارحتي بيت ريلس .. شيماء ــ أتصل فيه يقول لي ماله داعي تيين .البنات عند جدتهم .. الغالية ــ ليش ..هو متزوجس علشان البنات بس ؟؟ ارتبكت شيماء ..الغالية ما تدري أن مافي ارتباط بين شيماء ومحمد غير البنات .. شيماء ـــ لا ..يعني ما أشيل هم أكون بقربكم ..هاليومين.. الغالية ـــ هاليومين عدوا ..ردي لبيت ريلس .. شيماء ــ انا تميت هنا علشان أمي ..ما حبيت أنها تكون بروحها ..شفيس ؟؟ من سافر أحمد وانتي صايرة نمرة ..ما تحبين أحد يكون قربس ... الغالية ـــ لا ..بس هالاسبوع كان سيء جدا بالنسبة لي ..ما ارتحت فيه وما درست ..أحس ..أحس أني مخنوقة ..وشوفتس هنا ..ومحمد ما يسأل عنس ..غريبه .. شيماء ــ الغالية ..محمد بيني وبينه تلفونات ..بس أكلمه بروحنا ..ولاتبيني أكلمه قدام أخواني ؟؟ الغالية ــ روحي بيتكم ..وارتاحي ..أمي حمده في عيوني .. شيماء ــ تسلم عيونس .. اتصلت شيماء ف الدريول وطلبت منه أنه يجهز السيارة لانها بترجع البيت .. **************************** ليلى ـــ هاي .. بومشعل ــ اهلين ..من يوم ما تعرفتي على هالبنت وانتي كل يوم معاها .. ليلى ــ يبه انا مو كله اشتكي لك من وحدتي ؟؟ هالبنت ارتحت لها وايد ..والحمدالله بيتهم ما يبعد وايد عن بيتتنا ..وهي صراحة روعه .. بو مشعل ـــ زين ..تساعدج على جهازج اللي انتي محتارة فيه .. ليلى ــ تصدق يبه ..ذوقها حلو أنا عاجبتني ملابسها وايد . كلاسيك وروعه ..في ذوق في الالوان والتصاميم .. بومشعل ــ زيين ..اخوج وين؟ ليلى ــ من ...مشعل ؟؟ ما أدري ..انا من الصبح طلعت رحت لسعاد والحين يلا رجعت ..تصدق يبه أنا ما شفت مشعل من اول امس .. بو مشعل ـــ أنا مثلج انشغلت اليومين اللي راحوا بتكميل أثاث البيت بعد ما قص اخوج ويهي قدام الناس .. ليلى ـــ يبه ترى الاثاث اليديد روعه أحلى من أثاثنا .. بو مشعل ـــ علشان تعرفين ذوق أبوج ..روحي شوفي أخوج ..لايكون انتحر ..مالنا خلق له .. اضحكت ليلى ــ اسم الله عليه .. طقت الباب على أخوها .. ليلى ــ مشعل ..انت داخل ؟؟ مارد عليها افتحت الباب شوي شوي ..كان نايم على الكرسي وساند ريوله على المكتب ولابس بيجامته ومتكتف ..باين عليه ماحلق لحيته من يومين ..استغربت ليلى شاللي مغير حاله ...التفت حولها وبدت تتأمل .. شهقت ..كانت لوحة مسنوده على الحامل ..لوحه كامله والكمال لله ..بألوانها ودقتها ..طالعت أخوها وهي مب مصدقة ..طالعت اللوحة مرة ثانية ..تحركت وبالغلط طيحت علبة الالوان ..اللي صوتها دوى بالغرفة فاخترع مشعل وقام من نومه .. ــ من.. ليلى ــ أنا أختك ليلى .. ليلى تحركت وخذت اللوحه وطوتها .. مشعل ــــ هييه ..انتي شتسوين..خلي اللوحه .. ليلى ـــ مشعل أنت تعرف اللوحه هذي لمين؟؟ مشعل ـــ أكيد أعرف .لوحه لوحده من أجمل ما خلق ربي .. ليلى صرخت فيه ـــ هذي اللوحه لسعاد ..هذي اللي رسمتها هي سعاد المنقبة ام العكاز اللي شفناها في المطار ..حرام عليك .. طالعها منصدم ومسك اللوحه ـــ وين بتاخذينها ؟؟ ليلى ــ انتي سمعتني؟ مشعل ــ صار لي ثلاثة أيام مواصل ليلي بنهاري يلا رسمتها ..تاخذينها بهالبساطة؟؟ ليلى ــ مشعل انت رسمت بنت منقبة ..ماترضى حد يشوف وجهها ..شلون اذا رسمت شعرها وملامحها وجسمها ..أصلا وين شفتها ؟؟؟ مشعل ـــ أنا دخلت عليها البيت بالغلط ..وهي ما تحركت من مكانها ..كان على بالي انها ما تتحجب مثلج.. ليلى ـــ مشعل هد اللوحه .. مشعل ــ وانتي ليش مهتمة فيها وايد .. ليلى ـــ البنت ملتزمة ..حرام اللي تسوييه .. مشعل ــ انا ما سويت شي ..ومافي شي يثبت ان هالصورة لها هي .. ليلى ـــ مشعل ..خاف الله ...انت رسمت البنت كوبي ..حتى في طول شعرها بالضبط ..حرام عليك ..أي واحد من أهلها لو يشوف الصورة بيعرفها على طول .. مشعل ـــ ليلى ..ما أقدر أتخلى عن هاللوحة ..لأنها أول تجاربي في اللوحات الشخصية ..ومن الذاكره ..هذي اللوحه بالنسبة الي ..الموناليزا .. ليلى ــ كان لازم تسأل ..مالك حق ترسمها جذييه ..مالك حق هد اللوحه لانادي ابوي .. ماطاع مشعل يهد اللوحة .. ليلى ـــ انت تعرف ابوي ناطر عليك زلة ..وصدقني لاعرف بالموضوع ما بيصير خير ..خليني أنا أتكفل بهاللوحة .. مشعل ـــ شيبتسوين فيها ؟؟ ليلى ــ بحرقها .. ــــ لا ...لا تحرقينها .. ليلى ـــ مافي حل ثاني . مشعل ــ في ..قولي لها انج انتي اللي رسمتيها .. ليلى ـــ أكذب عليها؟؟ مشعل ــ أنت موهوبة بالرسم ..وأنا بموت لاصار شي للوحه ..على الاقل تعطينها صاحبتها ..وتوقعينها باسمج .. ليلى ـــ وأنا ايش يضمن لي انك ما بترسم مرة ثانية صورتها من الذاكرة؟؟ خصوصا انك رسمتها بيدك ..وأنت تعرف ذاكرة اليد . مشعل ـــ .................................................. ليلى وهي مرتبكة ـــ مشعل ..يالله ..مشعل ...حرام عليك ..هذا الي سويته يمكن يدمر البنت .. مشعل ـــ احرقيها لوتبين بس فكيني من محاضراتج .. ليلى ـــ أتمنى أنك تعتبر .. وأول ما تبي تطلع خذ منها اللوحة بسرعه وقال ـــ أبي أتزوج هالبنت .. انصدمت ليلى ..وطالعت له مو مصدقة .. ليلى ــ هذا الحل في نظرك علشان ما تحرق اللوحة ؟ مشعل ـــ ليلى ..أنا عاجبتني البنت ..عاجبني حشمتها و تحفظها .. ليلى ــ انا ما ادري ..بس كل مرة تطالع لهاللوحة ..صدقني انت ترتكب اثم .. مشعل ــ أرجوج . ..أنت آخر وحده تنصحين . ليلى ـــ شقصدك؟ مشعل ــ لما تحطين حجاب على راسج تعالي وكلميني عن لآثام .. دفعها بره وصكر الباب .. ***************************** دخلت البيت .. كان مظلم ..فتحت باب غرفة محمد ..كان نايم ..صكرت الباب بشويش علشان ما يحس عليها ..وطلعت لغرفتها فوق ... خذت دش سريع ....وأول ما طلعت من الحمام كان واقف عند الباب .اخترعت .. ـــ بسم الله الرحمن الرحيم .. محمد ..خرعتني .. محمد ــ سمعت صوت في البيت ..ما كان قصدي افاجأج .. شيماء ـــ اييه ..من قبل شوي رجعت مع الدريول والخدامة ..شفتك نايم ,,,مو من عادتك تنام هالحزة .. محمد ـــ كنت تعبان ..أنا قلت لج ..نامي في بيت أهلج البنات ما بيون اليوم .. شيماء ــ ليش ..انت متزوجني علشان البنات بس؟؟ محمد ـــ .......................... شيماء ـــ محمد أنت ليش ساكت؟؟ رد علي .. محمد ـــ تعرفين ليش تزوجتج ..تزوجتج قبل لايحتاجون البنات لج .. شيماء ـــ ما أعرف ..نسيت ذكرني .. محمد ـــ وليش طاري في بالج هالموضوع ؟ شيماء ــ لان هذي مو عيشة ..أنا هنا مربية بس ..واليوم اكتشفت هالشي .. محمد اقترب منها ـــ قلت لج تزوجتج قبل لايحتاجون البنات لج .. شيماء ــ محمد ....افهمني .. محمد ــ أنا فاهمج ..بس ..أنت فاهمة اللي تقولينه؟؟ شيماء ـــ أنا ..أنا خجولة منك ..وما أدري شلون بفسر .. محمد ـــ تبين الطلاق ؟؟ أنا جاهز.. انصدمت شيماء ..طالعت له والدموع في عيونها ..وهزت راسها بلا .. محمد ـــ خايفة تحملين لقب مطلقة؟ شيماء ـــ خايفة أعيش من دونك ... هالجملة اصدمت محمد ..طالع لها مستغرب .. محمد ـــ بس أنتي في الاول ما كنتي تبيني .. شيماء ـــ بس الحين ماعاد لي غيرك .. محمد ـــ مافهمت .....يعني للحين مجبورة علي؟ شيماء ـــ اعتقد كل شي واضح ..أبي حياتنا تتغير ..أنا مب سعيده ..وأنت مب سعيد .. محمد ـــ قلت لج ..ما بعتبرج زوجة لي ..لين ألقى رضى منج ..وأحس أنج تحبيني الحب اللي أحبج إياه ..وقلت ما بجبرج .. مسك شعرها المبلل ..كان بارد ..هز شوي وقال ـــ جففي شعرج لاتمرضين .. باس راسها ..وطلع عنها ..شيماء غرقت في دموعها ..أي رجل هذا اللي يقاوم غريزته ..علشان مبادئه ..اذا يحبني كل هالحب ..شلون يقدر يتحكم في تصرفاته قدامي ..هالشي مايقنعني ..وفي نفس الوقت ..محيرني ..يعني أنا ما أجذبه؟؟؟ ******************************* مشعل ـــ ليلى ..أنا آسف .. ليلى ـــ لا تعتذر ..كلامك صحيح امية في الامية .. مشعل ـــ يعني ما زعلتي؟؟ ليلى ـــ لا ..المفروض أزعل .بس ..كلامك صحيح ..وأنا قررت أتحجب .. مشعل ــ صحيح؟؟ ليلى ــ أييه ..وهالقرار كنت أفكر فيه من وقت ..سألت جراح وافق بدون تردد .وقال لي أحسن . مشعل ــ أنا فرحان لج وايد ..وهالشي لمصلحتج ..خذي .. ليلى ــ ايش هذي؟؟ مشعل ـــ لا تستعبطين ..هذي اللوحة ..سوي فيها اللي تبينه ..أنا أقول لو تخلينها عندج .. ليلى ـــ ليش؟؟ مشعل ـــ أنا قررت أتزوج ..عندي مبلغ محترم في البنك يمشي حالي .. ليلى ــ وتتزوج ...................؟؟ مشعل ـــ سعاد ..أنا أحب سعاد ..من اللحظة الي شفتها فيها وهي ما فارقت خيالي .. ليلى ــ تذكر في المطار شقلت؟؟ مشعل ـــ أذكر ..ان يمكن تحت هالنقاب شكل ثاني ..بس سبحان الله ..كأن اللي صار معاي يقول لي أن افكاري غلط ..ومبادئ كلها تافهه .. ليلى ـــ صراحة .أنا عاجبتني وايد ..أنا في اليومين اللي راحوا تعرفت عليها ..وأشوفها نعم الزوجة لك .ولايقة لك ..عندها موهبة حلوة في كتب الخواطر .. مشعل ـــ صحيح؟؟ يعني تشوفينها الانسانه اللي بسعد معاها ؟ ليلى ــ اعتقد ..بس اعاقتها .. مشعل ـــ اعاقتها ؟؟ هي معوقة من ولادتها؟؟ ليلى ــ لا ..صار لها حادث من مدة قصيرة .. مشعل ــ يعني ما في شي وراثي ..وبعدين ..فيها أشياء وايد تشفع لها .. ليلى ـــ بس هي مو من نواخذنا .. مشعل ـــ شلون يعني؟؟ ليلى ــ أهلها من قطر ..ومتحفظين وايد ..يمكن ما يرضون فينا لأنهم ما يزوجون الا من جماعتهم .. مشعل ـــ لاتخرعيني ..أنا البنت عاجبتني ..وما أبيها تطير من يدي ..أرجوج شوفي رايها ..اسأليها بكره .. ليلى ــ أنا أقول لك يمكن ..حط هالاحتمال في بالك .. مشعل ـــ بقول لابوي ..وأنت ما شايفه شي على أخلاقها ..ولامميزاتها ..صح ؟ ليلى ــ لاء ..ما شفت البنت ممتازة ..أحسن من وفاء .. مشعل ــ وفاء؟؟ لاتقولين ..أبوي للحين يبي يزوجني وفاء؟؟ ليلى ـــ لاتنسى بنت أخوه الوحيده .. مشعل ــ تعتقدين أبوي بيوافق على سعاد؟؟ ليلى ـــ أنت اللي بتتزوج سعاد مب هو ..إلا إذا.. مشعل ــ إذا ايش؟؟ ليلى ــ تدخل ..وأنت تعرف أبوي .يكبر الامور شلون .. مشعل ــ الحين خلي اللوحة عندج ..ولين بكره يصير خير .. ******************************** دخل البيت وهو مبتسم في وجهه جده .. تميم ــ السلام عليكم . بو سند ـــ وعليكم السلام ..أهلا بحفيدي ..شالزيارة الغريبة ؟ وين هلك؟ تميم ــ يدي أهلي سافروا البحرين .. يحضرون عرس عمتي .أنا ما أبي أسافر .. بوسند ــ اييه ..تذكرت ..قالت لي أمي بس نسيت .. تميم ـــ وين أمك؟؟ بوسند ـــ استح وشو أمك هذي؟ شايفني ياهل؟؟ وبعدين هذي يدة أمك ..نادها يدتي .. تميم ــ يدي السموحة منك ..أنا كنت أمزح معاك ..وين يدتي وخالتي الجازي .. بو سند ــ يدتك في بيت خالتك عايده ..وخالتك في غرفتها ..ما طلعت منها ..من ..روح لها ..حاول أنك ترفه عنها .. تميم ــ وأنت يا يدي ؟؟ بو سند ــ أنا بطلع أييب عشا .. تميم ـــ أنا بطلع لخالتي الجازي في غرفتها .. طق الباب ..دخل .. كانت الغرفة مظلمة ..فتح الليت وفتحت الجازي عيونها ــ بند الضو ..يعور عيوني .. تميم ــ خالتي ..شلونج .. الجازي ـــ تميم ؟ تميم ـــ خالتي أنت بخير ؟؟ ليش انتي جذييه؟؟ الجازي ــ تعبانة .. تميم ـــ قومي اليوم أنا بتم معاج .. الجازي ــ تميم خليني نايمة .. تميم ــ خالتي ان ما قمتي ترى أطلع وأفحط في الشوارع .. الجازي ــ بس أنت ما تسوق سيارة .. تميم ــ أسوق بس ما عندي رخصة ..اذا تبين تتحملين المسؤولية خلج نايمة .. الجازي صرخت فيه ـــ شفيك؟؟ شتبي مني خليني نايمة ..لاتغثني .. تميم ــ الحين أنا أغثج؟؟ زين خلج نايمة .. طلع من الغرفة معصب .. الجازي فكرت شوي شلون ياها قلب تصارخ على تميم جذي ؟؟ قامت من سريرها ..ونزلت تحت .. كان تميم جالس في الصالة يقلب في قنوات التلفزيون .. قربت منه .ــ تميم انت زعلت مني؟؟ تميم مارد عليها .. الجازي ـــ تميموه ..تزعل مني؟؟أنا خالتك أقرب وحدة لك ..تزعل مني؟؟ تميم طنش وتم يطالع التلفزيون .. الجازي ــ في هالحالة ..أنا اللي بسوق ..هالمرة مو عندي رخصة ..لا ..وبعد ما أعرف أسوق وأي شي يصير لي وللي في بطني بيكون مسؤوليتك .. ضحك تميم على خالته وطالع لها وهو مبتسم ـــ خالتي من متى ما مشطت شعرج؟؟ الجازي ــ من أمس ..ها ..طاح الحطب .. تميم ــ خالتي أنا ما أزعل منج ..بس كنت أبيج تطلعين من الجو اللي كنت فيه ..فطلعت من الغرفة وأنا واثق امية في الامية أنج بتلحقيني .. الجازي ــ ايه ..يعني قصيت علي .. تميم ــ اكزاكلي .. الجازي ـــ أنا بروح غرفتي .. مسك يد خالته ـــ لا ..لاتروحين ..يدي راح ييب عشا من بره ..خلينا ننطره .. الجازي ــ الحين أنت تطالع ايش في التلفزيون؟؟ تميم ـــ خالتي حسافة ما عندكم دش ..كان شفتي البنات الحلوات.. الجازي ضربت تميم على راسه ـــ بنات حلوات؟؟ ماراح تطالع إلا القناة الاولى بس .. تميم ـــ خالتي ..أنا شبعان من التلفزيون شرايج نلعب كوتشينه؟؟ الجازي ــ ماعندي كوتشينه .. تميم ـــ أجل شعندج؟؟ الجازي ــ لعبة؟؟ماعندي في البيت ألعاب ..بس تدري ..تذكرت , جابر كأنه نسى له شنطه هنا .. تميم ــ أي صح ..قال أنه نسى السوني ..خالتي خلج في مكانج بروح لغرفة أمي أكيد موجودة فيها .. الجازي ـــ تلاقيها في الكبت .. اختفى تميم دقايق ..ورجع .. هذي هي ..تعرفين تلعبينها ؟؟ الجازي ــ بتعلم .. تميم ــ في دسك فايتنغ وفي دسك كورة .. الجازي ـــ أيهم أسهل؟؟ تميم ــ الفايتنغ ..بتتعلمين بسرعه .. الجازي ـــ ركبها ..على ما أروح المطبخ أييب لنا شغلاتت نتسلى فيها .. تميم ـــ اوكي ناطرج .. ******************************** دخل أبو سند البيت وهو يسمع ضجة غريبة ..شاف الجازي وتميم قدام التلفزيون .. الجازي وقفت احتراما لابوها وتميم سوى نفس الشي.. طالع الجازي لابسه ثوب أبيض قطني مزين بورد وردي وشعرها رافعته لفوق..وشكلها مبهدل ..وأول مرة يشوف الجازي شكلها مبهدل ..طالع الصالة كانت اللعبة موقفة والشيبس والكوافي والعصاير في كل مكان .. ابو سند ــ لو أدري تميم يطلعج من حالتج ..كان يبته لج من زمان .. تميم ـــ يدي ماتصدق شسويت يلا اطلعت من الحالة اللي هي فيها ..تلعب معانا؟؟ بوسند ـــ قتال ؟؟ جاهز.. تميم ـــ عاد يا يدي تدري أني غلبت الجازي عشرين مرة ولامرة تبي تعترف بخسارتها .. بو سند ـــ عيل روح نزل العشا من السيارة على ما أغلب الجازي .. تميم ـــ يدي خليني أساعدك .. بوسند ـــ لا ..روح نزل العشا ..وأنا بغلبها لك .. تميم ـــ يدي ..أنا واثق فيك ..لا تنغلب وتدمر سجلي في الفوز .. الجازي ـــ اييه متشطر على مبتدئة ..بس الحين أراويك شسوي في سجلك .. تميم ـــ خالتي هذا أبوج ..ماتبين تغلبينه علشانه مبتدئ .. الجازي ـــ توكل ييب العشا .. بوسند ـــ انا مو مبتدئ ..عندي خبرة من اللعب مع جابر .. الجازي ـــ وأنا اللي استانست اني لقيت حد أغلبه . بو سند ـــ حطي لنا مرحلة جديدة .. وبدو يلعبون .. دخل تميم وهو شايل العشا بيده .. الجازي ـــ غلبني أبوي ..طلع أسرع مني .. تميم ــ خالتي قلت لج لاتطالعين اليد وأنت تقاتلين احفظي وين أماكن الازرار ..يدي . وهمس في أذن جده شي ..بوسند تجمدت ملامحه .. بوسند ـــ قلطته الديوانية؟؟ تميم ـــ أي .. الجازي ــ من؟؟ بوسند ـــ واحد ..ماتعرفينه .. الجازي ــ اذا ما أعرفه ليش ما قلتوا اسمه قدامي ؟؟.. بوسند ـــ تميم اقضي على خالتك ..بروح الديوانية ..خلي الصبي ييب الشاي والقهوة .. تميم ـــ أنا بجيبهم يا يبه .. بوسند ـــ لا ماله داعي ..خلي الصبي ..تلاقيه في الغرفة اللي بره .. الجازي ما كانت مرتاحة من هالضيف ؟؟ وليش أبوها متوتر .. تميم ـــ خالتي الحين أجي .. طلع بره . ورجع .. الجازي ـــ تميم ..من الضيف .. تميم ـــ واحد ..ماتعرفينه .. الجازي ـــ بذمتك واحد ما اعرفه؟؟ تميم ـــ ما ادري يمكن سامعه عنه .. الجازي ـــ من ؟؟ تميم ـــ خالتي دام يدي ما قالج أنا نا أقدرأقولج ..خلينا نلعب .. الجازي ـــ اوكي .. ***************************** *********************************** الجازي ـــ يبه ..من كان الضيف؟ بوسند ـــ كان واحد ..شوفي الجازي ..خليني اليوم أفكر ..وبكره بشرح لج كل شي .. الجازي ــ بكره اليمعه ..بتروح لخواتي .. بوسند ـــ معليش ..متى ما أروق بقولج .. الجازي ـــ انشاءالله خير ... بوسند ـــ الجازي ..روحي نامي ..الاسبوع أشك أنج كليتي عدل ولانمت عدل ..اذا مو علشانج ..علشان هالمساكين اللي طحتي في جبدهم .. الجازي ــــ أنا طحت في جبدهم؟؟ يبه يعني أنا طح في جبدك ؟؟ بوسند ــ صدقيني ..من عنادج ..ومو وارثة هالعناد من حد غريب ..مني ..روحي تيسري ..خليني أنام لا أشكيج لأمي .. ضحكت الجازي ـــ يبه ..يدتي نامت أول ما ارجعت .. بوسند ــ أصحيها من النوم أذا ما رحتي .. الجازي ــ تصبح على خير يبه .. بوسند ـــ وأنت من أهل الخير .. طلعت الجازي ..ابتسم بو سند ..الجازي ما يخيب احساسها ..لكن ..الله بيعوض عليها قريب ..قريب .. ************************************* سعاد انصدمت من كلام ليلى .. ـــ لكني عاجز . ليلى ـــ العجز بالتفكير .مب في الاعاقة الجسدية ... هالجملة سمعتها سعاد في مكان لكنها ما تتذكر وين بالضبط .. سعاد ــ أنا عاجزه في التفكير..عندي بعض الاحيان مشكله في الاستيعاب.. ليلى ــ بالعكس..ما شفت وحده في ذكائج ..لولا التأتأة البسيطة الي عندج واللي لاحظت أنها اختفت في هالايام .. سعاد ــ الفضل لج ..اندمجت معاج ..وتغلبت عليها..لكن..عندي عجز في المشي..وعجز في التفكير..بعض الاحيان لما أتعب,,يوقف عقلي عن استيعاب أي شي.. ليلى ـــ كلنا جذييه ..مافي حد يفكر صح وهو تعبان ..وانا خلال هالاسبوع ..استمتعت وايد برفقتج ..حتى جراح غار مني ..صرت ما اتكلم معاه وايد .. سعاد اضطربت ..الحين حست في موقف خلفان ..الحين ..حست أن كل شي غلط .. شلون مشعل الوسيم والصحيح جسميا يتزوجها ؟..هي مثل ما قال خالها وهو يمازحها ..سيارة معطوبة .. ليلى ــ أخلي أبوي يتقدم ويخطبج من خالج؟؟ صدقيني ..أنا أحب أنج تكونين معاي ..ومشعل ..صراحة يستاهلج .. سعاد ـــ لا ...مشعل يستاهل وحدة أفضل مني .. ليلى ـــ سعاد ..بلييز فكري ..بسألج رأيج يوم الخميس اللي ياي .. سعاد ـــ بيكون يوم عرسش ..شتفضين له ولا شتفضين .. ليلى ـــ فكري ..أرجوج ..أنا موجودة لين يوم الخميس بعدين بسافر ماليزيا مع جراح شهر عسل ..أنا أعطيتج أطول مدة ممكنه تفكرين فيها .. سعاد ـــ بفكر ,,لكن لا تتأملين وايد ...نسبة الرفض بتكون خمس وسبعين في المية بسبب الظروف والتقاليد .. ليلى ـــ أنا عندي أمل قي الخمس وعشرين في المية الباقية . سعاد ـــ الخمس وعشرين بتصير خمسه في المية لاسباب خاصة فيني .... ليلى ــ أنا متفائلة جدا في الخمسة بالمية .. سعاد ـــ عجزي قتطع من هالخمسة في المية أربع ..فالامل بيكون واحد في المية ,, ليلى ــ ياساتر ..في بعد ضرايب ما حسبتيها؟؟ سعاد ـــ فيه .. نص هالواحد الباقي ..أخصمه لصالح التفكير لازم أفكر .. ليلى ـــ حبيبتي ..أنا متفائلة جدا في هالنص ..وياليت ظني ما يخيب .. سعاد ـــ بقولش يوم الاربعاء ردي .. ليلى ــ وأنا ناطرة على أحر من الجمر ..الحين الساعة عشر لازم أرجع البيت .. سعاد ـــ ليلى ..فرحت لش وايد لانش تحجبتي ..وهالشي اسعدني بصورة ما تتخيلينها .. ليلى ــ صراحة ..لولاج في حياتي ..كان مافكرت في التحجب إلا لما أكبر ..لكن الحمدلله ..الله هداني على يدج ..ويد مشعل اللي.. حطاني في موقف ..كرهته .. سعاد ــ اعذريني ان تطفلت..أي موقف؟ ليلى ــ موقف ..لاوافقت على الزواج بمشعل ..بقوله لج ..لاتستعجلين على رزقج .. سعاد ـــ انتي من صدق متفائلة في هالخمسة من امية؟ ليلى ــ احساسي ما يخيبني ..وهي عندي مثل المية في المية .. ********************************** |
سمر ــ أنتي مصرة ؟؟ ندى ـــ لازم..أغير رأيه في هالجولة السياحية.. سمر ـــ بس صحتك .. ندى ـــ قلت لج أنا بخير ..لاتحاتين..بروح أقنعه دامي ماقدرت أسافر قبله .. سمر ـــ ناطرتك .. خذت نفس عميق ...وراحت له..كان يتكلم مع الويتر في البار .. ندى ـــ صباح الخير .. ناصر ـــ صباح الخير .. ندى ـــ أنت تشرب؟؟ ناصر ـــ لا حد الله بيني وبين الخمره ..بس كنت أسأل عن واحد .تركته أمس هنا ...انتي شتسوين هنا؟ ندى ـــ كسرت خاطري صراحه ..قلت بما انك ماتعرف شي في البلد ..أنا آخذك في تور ..أنا وبنت خالتي سمر .. ناصر ــ بس أمس رحت أماكن حلوة بروحي .وتقريبا دليت طريق الفندق . ويهج مب طبيعي انتي مريضة؟؟ ندى ـــ اليومين اللي راحوا كنت طايحه ..محمومة .. ناصر بنظرة كلها اهتمام ـــ علشان جذي ما شفتج لا امس ولا قبله؟؟ زين ليش قمتي من الفراش ؟؟شكلج تعبانه .. ندى ــ ماله داعي ..أنا بخير .. ناصر ــ لا ..عيونج محتقنه .. ولون ويهج مب طبيعي .. ندى ــ ناصر ..ما فيني شي ..يلا ..سمر بره ناطرتنا .. ناصر ـــ ندى ..أنا مب ياهل .. ندى ــ بكلامك هذا تقصد أني أنا الياهل .. ناصر ــ لا ..بس ما برضى أنج تكونين تعبانه وفي هالجو تطلعين .. ندى ــ أرجوك ..ناصر .مافيني شي .. ناصر ـــ لا .لا ..أنا مصر .. ندى ـــ كيفك ..ما كنت أبيك تبقى بروحك .. ناصر ـــ نسيت أقول لج .. أنا بسافر اليوم .. ندى انصدمت ..كانت متأملة تقضي هاليومين معاه .. ندى ـــ بوصلك المطار .. ناصر ـــ ماله داعي ..عندي واحد أعرفه بيوصلني ..شفته أول أمس صدفه هنا ..ما كنت بروحي مثل ما كنت فاكره .. ندى ـــ براحتك .. ناصر ـــ أوصلج لباب الفندق . طلعوا من القاعه اللي كانوا فيها ..وقبل لاتوصل الباب .فكرت ندى ..هي ماتبي الامور تتطور ..فما في غير هالحل ...تجرأت وقالت له .. ـــ ناصر .. ــــ نعم .. ـــ يمكن أنا كنت مخدوعه في سيف ..وكان الشخص اللي بتزوجه ..لكن ..هاليومين اللي راحوا ..اكتشفت ان حبيت شخص واحد في حياتي ..أدري أن هذا اللي أقوله لازم ما أقوله ..كبنت ومتحفظة وخليجية ..ناصر ,,أنت الشخص الوحيد اللي في قلبي .. طلعت بسرعه وتم في مكانه منصدم ..ابتسم ..خطته نجحت ..صده لندى خلاها تكتشف شعورها تجاهه ..ندى ما تدري أن ناصر طلب يدها من يوسف ..ويوسف قال ما عنده مانع ..بس ناصر حب يختبر ندى للمرة الاخيرة..ناصر متيم في ندى ..ومستحيل يخليها تتزوج غيره مستحيل .. ندى ارجعت لسمر . سمر ــ where ishim?? ندى ــ بيسافر اليوم .. سمر ـــ أحسن ..أنا قلت لج أن صحتك مش مناسبة لرحلة .. ندى ــــ سمر ..أنا سويت شي غبي .. سمر ـــ غبي؟؟ ندى انت لما توصفين شي بالغبي معناته ان في مصيبة ... ندى ـــ سمر .أنت أصغر مني صح؟؟ سمر ــ أييه .. ندى ــ ليش أنتي أعقل مني؟؟ ليش تعرفين كل شي ..وأنا هنا مثل ..المبتدئه .. سمر ـــ أنت سألت السؤال ..وأنتي جاوبتيه ..لأنك مبتدئه ..ما جربت تحبين من قبل واللي صار لج..غريب ..ما قلتي لي شالشي الغبي اللي سويتيه؟؟ ندى ــ قلت لناصر ..انت الشخص الوحيد في قلبي ...تخيلي؟؟ مسكت سمر بريك .. سمر ــ whaaaaaaaaaaaaaaaaaaaaaat?? ندى ــ أنا قلت له هالكلام وأنا مب نادمة ..لاتسأليني شقال ولا شصار ..لاني قلت له هالكلام ..وهربت بسرعه ..آه.تعبانه ... سمر ــ لازم تشوفي دكتور .. ندى ــ مافيني شي ..نزلة برد ..وبتروح .. سمر ـــ لأ..شوفي دكتور .. ندى ــ أبي أنام ..بس .أتمنى أنه يأخر ارتباطه بمريم لين أرجع البلاد ..قولي آميين . سمر ـــ آمين .. ************************* الجازي ــ شلونج يدتي؟؟ اليدة ــ بخير ..أبوج يبيج في غرفته .. الجازي ـــ بروح له الحين .. طقت الباب ودخلت .. بوسند ــ أهلين الجازي.. الجازي ــ ها يبه .. قالت لي يدتي أنك تبيني .. بو سند ـــ أيه ...ادخلي ..كنت بكلمج عن الضيف أمس .. الجازي ـــ يبه أنت مو قلت أني ما أعرفه؟ بوسند ــ تقريبا ..خلينا من اللي قلته الحين .. الجازي ـــ من كان الضيف يا يبه؟؟ بوسند ـــ كان فهد ... ******************************* سوري عالتأخير بس مو قصدي ظروف منعتني.... و هذا الجزء الأخير مثل ما وعدتكم و مرسييي أوي عالردود الجازي ـــ شفيه فهد؟؟ لايكون صار له شي.. بوسند ـــ الجازي ..أقولج الريال كان فهد .. الجازي مب مصدقة ـــ فهد ..زوجي؟؟ بو سند ــ اييه ..زوجك .. الجازي انصدمت ..مرت عليها لحطات ماقدرت تستوعب فيها اللي يقوله لها أبوها ..اللي كان يشرح لها شلون فهد تعافى ..وشلون صحته ..وشكان يبي أمس لما زاره .. بوسند ـــ الجازي ..فهمت ؟؟ الجازي انفرجت أساريرها ..وفرحت ..مب مصدقة اللي يقوله لها أبوها .. ـــ يبه ..اقرصني ..أنا أكيد .. في حلم .. بوسند ــ لا يالجازي ..هذا واقع ... حط يده على راسها ..لكن الجازي ضمته لها وهي تصيح .. بوسند ـــ الجازي ..شفيج يبه .. الجازي ـــ يبه ما أصدق ..ما أصدق .. بو سند ـــ لا ..صدقي .. فهد بيجي اليوم ويشوفج ..ماقلت له أنج حامل ..وما أعتقد أهله قالوا له لانه قال رغم ان العدة خلصت .. الجازي ـــ يالله ..الحمدلله أنه تعافى ..والله كنت ادعي له في كل صلواتي ..الحمدلله ..الحمدلله .. بوسند ـــ يعني أنت موافقة أنه يردج ؟؟ الجازي ـــ يبه ..طبعا أنا موافقة ..هذا كان حلم ..حلم ..وتحقق ..بروح أبشر يدتي .. بوسند ـــ مبروك يا بنتي ..روحي ليدتج .. الجازي طايرة من الفرح ..اركضت لجدتها وامسكت بيدينها واحضنتها بقوة .. اليدة ــ عسى ما شر ؟شفيج؟؟ اهدي ..مب زين للي في بطنج .. الجازي ــ اميمه ..باركي لي باركي لي ..أميمة أنا رجعت للحياة ..لا ..الحياة هي اللي ارجعت لي .. اليده ــ مبروك يا بنتي بس على ايش ؟؟ الجازي ـــ يمه ..يمه ..فهد خلاص ..رجع لصحته والمرض طلع من جسمه .. اليده ـــ صج يا بنتي؟؟ الله يبشرك بالخير ..الله يبشرك بالخير ... والله انه يستاهل .. الجازي ــ لا ..يمه بعد ..في بشارة ثانية .. اليده ــ بشريني يا بنتي فرحي قليبي.. الجازي وهي تصارخ .. ــ يمه ..فهد رجع وطلب يدي من أبوي ..رجع لي ..وبيجي الليلة ..بشوفه يا يمه ..بشوفه ..بشوفه ..بشوفه .. صاحت الجازي ودموعها اغسلت خدودها ولوت على يدتها وانهارت بالبجي في حضنها ... اليده ـــ الجازي .خلاص ..دموعج هذي غالية .. الجازي ـــ يمه هذي دموع الفرح ..دموع الشكر لله ..دموع الشوق والوله ..دموع القلب ..يمه ..أنا مو مصدقه ..ولاقادرة أصدق لين أشوفه بعيني .. اليده ـــ هانت ..صبرت كل هالوقت ..وماقادرة تصبرين هالكم ساعة ؟ الجازي ــ هالكم ساعة أصعب علي بوايد من كل هالوقت ..بروح أستعد .. اليده ـــ يا بنتي ..بدري من بيزورنا هالحزة ..انطري شوي ..وارتاحي .. الجازي ــ راحه؟؟ هزت راسها بلا ..وطلعت الدرج بشويش ..وانزوت في غرفتها .. ****************************** الحلقة الثامنة والثلاثون .. ************************** كانت مكتئبة ..في سريرها ..طالعت الساعة الساعة اربع العصر ..شتسوي هالحزة ..عبدالله أخذ منى وطلع .. البنات في بيت خالتهم مع عمتها ..هي في البيت بروحها مع الخدامة بس ..طالعت أوراق وملفات لطالبات فيها حلول التمارين وامتحانات سابقة ..مالقت غير أنها تقضي وقتها في تصحيح هالتمارين ..مرت عليها حوالي ساعتين وهي غارقة في التصحيح .. دخلت منى للغرفة ..ـــ ماما .. طالعت لها دلال مبتسمة وضمتها لها .. دلال ـــ ها حياتي ؟؟ وكانت شايلة بيدينها شيبس وحلويات وأعطت دلال منها .. دلال ـــ وين رحتي؟ منى ـــ الالعــ..اب .. دخل عبدالله ــ السلام عليكم .. دلال بهدوء ــ وعليكم السلام ..أذتك؟؟ عبدالله ــ يعني ..خذت وقت يلا اطلعت من لعبة الاحصنة .. دلال ـ منى ما قلت لج اسمعي كلام بابا؟؟ عبدالله ــ لا ..عادي ..هذي الغالية بنت الغالية.. انتبه عبدالله انه ذكر عبير بدون لايقصد وسماها بالغالية . ارتبك وسكت ..دلال حست بلوعه ..بيظل لآخر عمره يتذكرها ..لكن منى صار بنتها خلاص ..ومحد يقدر يقنع منى بعكس هالشي .. عبدالله ــ آسف ..زلة لسان .. دلال ـــ لايكون ياعبدالله كل مرة بتذكر عبير تعتذر وتقول زلة لسان ..أنا ماعندي مشكلة مع عبير ..الله يرحمها .. عبدالله ـــ دلال ..أنت معقول راضية بكل اللي صار ؟؟ معقول سكوتج وطيبتج هذي ؟؟ أنت محيرتني جدا جدا ..اللي يشوف عصبيتج و قوتج قبل مايقول أنجج أنتي نفسج دلال ..اللي .. دلال ــ عبدالله ..أنا طلبت منك أنك ماتذكرني ..لأني أحتاج أنسى .. عبدالله ــ الموضوع يا دلال أكبر من أنه ينسي ..أنا حتى ماشرحت لج شعوري .. دلال ــ عبدالله أرجوك.. عبدالله ـــ رفضج هذا يثبت لي شي واحد ..كنت أفكر فيه طول الوقت .. ماعلقت دلال .. أخذ عبدالله منى وطلعها بره وخلاها تحت رقابة الخدامة ورجع الغرفة وصكر الباب وراه .. دلال اسحبت نفس ..ناطرة اللي بيقوله عبدالله .. عبدالله ـــ قلت لج رفضج أكد لي شي واحد ..وسكوتج ..يزيد من صحة هالشي ..أنا ما أنكر أني لازم أحمدالله واشكره أنج رضيتي بهالسرعه وانج ماطالبت بأي ثمن لسكوتج ..والحمدلله ..لكني يا دلال أحبج ..وماني مستعد أخسرج .. دلال ــ لكنك ما خسرتني ها أنا رضيت ..ورجعت لك .. عبدالله ـــ أنا ما أخاف أخسرج بفراقي عنج ..أنا أخاف أخسرج باللي تكتمينه في قلبج ..ياليتنا تفارقنا أهون من الحالة هذي اللي أنت فيها .. دلال طالعت له مب فاهمة ..ودموعها غلبتها ـــ عبدالله ..شتقصد .. عبدالله ـــ دلال ..اكتشفت أنج جبانة ..هربتي من مواجهتي باللي سويته .ماتبيني أتكلم .وماتبين تصدقين ...لا ..أنا أرفض أني أعيش معاج طول عمري وبينا هالثغرة ..أنا غلطان أعترف ..لكن ..واجهيني ..اسأليني ..اصرخي علي ..طالبي بتعويض ..لكن لاتهربين كأن ما في شي صار ..هذا غلط .. دلال ـــ بس هذا اللي انت تبيه .. عبدالله ــ هذا اللي كنت أتمناه ..لكن ..ماعجبني الوضع ..أنا انسان أعترف بغلطي ..أحب أبري ذمتي ..وسكوتج بيدمرنا حنا الاثنين بيدمر زواجنا ..مثل الموت البطئ .. دلال ــ بالعكس .. عبدالله ــ لا ..لاتقولين بالعكس ..لاتعتقدين أنج أنقذت زواجج بهالطريقة ..أنت انسانة ..انهانت كرامتج . ولازم تردين اعتبارج ..حتى تتوازن الامور بيني وبينج .. دلال ـــ أنا اكتفيت بأسفك ..واعتذارك .. عبدالله ــ أسفي واعتذاري ..لا .مايكفي . بعطيج صورة عن الموضوع ..تخيلي أني جرحتج بسكين ..جرح عميق ..وهالجرح علشان أداويه لازم له عملية أخيطه فيها ..تدرين أسفي واعتذاري شسوا في جرحك؟ مثل لزقة الجروح اللي انحطت على هالجرح بدون عملية ..الجرح للحين مفتوح ..والجرح للحين ينزف ..واللزقة مجرد وسيلة افشلت في اغلاق هالجرح ..فهمتي أسفي واعتذاري شقيمتهم عندي وعندج؟؟ دلال اسكتت ..كلام عبدالله صحيح امية في المية ..هي للحين ماقدرت تنسى اللي صار ..للحينها ناقمة على كل شي .. دلال ـــ عبدالله ..أنت شتبي مني ؟؟ تراني ما أقدر أسوي شي ..وما أبي أسوي شي ..يغير اللي صار .. عبدالله ــ على الاقل اعترفي انج للحين مب راضية ..تكلمي ..ذليني ..أنا ماعندي أي مانع لأني غلطان ..وأستحق العقاب .اطلبي ثمن .. دلال ـــ عمرها ماهمتني الفلوس .. عبدالله ـــ مب شرط فلوس ..رحلة لباريس ..مجوهرات ..ملابس ..سيارة ..أي شي .أنا مستعد حتى أشتري لج بيت وأحطه باسمج ..بس أكفر عن غلطي اللي سويته في حقج .. سكتت ..طالعت عبدالله بنظرات تحسر .. عبدالله ــ اصرخي بأعلى صوتج أنج كرهتيني كل هالمدة ..أنج انخدعتي فيني . صدقيني كل هذا أرحم من سكوتج ..ونظراتج اللي تذبحني ..أحس أني مذنب ..دلال .حتى المذنب يطلقون سراحه بعد تنفيذ العقوبة ..لكنج ..بتدفنيني بالحيا لآخر عمري .. دلال مسكت يده وقالت ـــ اذا هذا اللي تبيه ..عبدالله ..انت حطمتني بدون ماتقصد ..حطمت ثقتي فيك ..خدعتني طول الوقت وما قلت لي شي عن ادمانك ..ليش ؟؟ أنا سكتت ..أو مثل ما تقول جبنت ..لانها الطريقة الافضل لي ..أني أسكت ..لمصلحة الكل .. عبدالله ــ عداج ..عدا مصلحتج فكرتي في الكل إلا نفسج ..ليش؟؟ .. دلال ــ حرام عليك ..أبوي وأمي واثنين من أخواني ما يتحملون اللي صار ..بيروحون فيها ..ولاتنسى أخوي فيصل ..لو دروا بادمانه بيحقرونك ويكرهونك ..أخوي أحمد وزن كل شي صح ..قراري كان بيأثر على الكل لو ...مادري شالكلمة المناسبة . عبدالله ــ خلينا نقول استنكرت الوضع ..كملي .. دلال ـــ سكوتي ..كان الوسيلة المثلى أني أطلع من المشكلة بأقل الخسائر ..عبدالله ..أبيك تفهم شي واحد ..أن توبتك ..وانقطاعك عن المخدرات ..وعدم معرفة أحد في الديرة لخضوعك لها التجربة ..سبب في أني أرجع لك .. عبدالله ــ دلال ..والسبب الثاني اللي ماخلاج تقنعين برجوعج لي .. دلال ـــ أنك شكيت فيني ..الياهل ..الله يعوضه ..لكن شك فيني ..ذبحني ..أكثر من ضربك واهانتك لي .. عبدالله ـــ تكلمي دلال ..طلعي اللي في قلبج .. دلال ادمعت عيونها وقالت له ـــ حسيت ان مافي حد لي في هالدنيا .ان كل شي ضدي ..حسيت اني ما انتمي لبيت ابوي ولا انتمي هالبيت ...مثل الضايعه ..والشي اللي كان قاهرني اكثر ان محتاجة اكلم حد ..وفي نفس الوقت الشي اللي في قلبي ما اتجرأ واحطه على لساني ..عبدالله ..أنا اكرهك..أكرهكم كلكم انت وامي واحمد ..لانكم عيشتوني في وهم .اكرهكم لانكم اذيتوني احقد عليك لان هانت عليك العشرة اللي بيني وبينك وكنت بتقتلني .. عبدالله ـــ بس انا ماكنت ابي اقتلج..كان خنقتج بيدي وانتهت القصة .. دلال ــ وهالشي اللي حيرني اكثر شي ..لو مت كان ارحم لي من اللي انا فيه.. عبدالله ــ ماهنتي علي ..ماقدرت اقتلج..دلال الشيطان عمى عيوني ..الغضب ..بس ماقدرت اقتلج..والله يعلم اني ما اتذكر شي اللي صار بالضبط بعد ماقلتي لي انج حامل ..دخلت في حالة غريبة . دلال انا اهنتج..وانا آسف ..آسف والله اني نادم ..واكرر وعدي لج اني مابمد يدي عليج ابد..وما بشك فيج مرة ثانية انا آسف .. وادمعت عيونه ..ونزلت دمعه من عيونه ..انصدمت دلال ..فتمت تصيح معاه ..وتعانقوا ..وحست دلال بندمه وصدق كلامه ..استندت على صدره تصيح ..وبعد فترة لما هدت .. ـــ عبدالله ..من متى انت تتفلسف ؟؟ عبدالله ــ ما احب اصدمج..بس انا اتفلسف وايد..الله يعينج علي .. دلال ـــ دلال الله يخليك لي .. عبدالله ـــ دلال ..ليش ما كنتي تبين اهلج يكرهوني؟؟ دلال ـــ لاني احبك.. عبدالله ـــ اخيرا قلتيها؟؟ دلال ــ رغم اني استحي اقول هالكلام.. احس انه محرج وسخيف ..لكني قررت اني اغير حياتي ..كل يوم بقول لك احبك ..كل يوم بقول لمنىهالكلمة .. عبدالله ـــ دلال ..خلصنا من الثغرة العاطفية بقى الكفارة .. دلال ـــ انا ما ابي شي .. عبدالله ـــ قلت لج ..لازم كفارة ..لو تبين مستعد كل يوم اييب لج باقة ورد..ولاشرايج نسافر؟؟ دلال ـــ وين؟ عبدالله ـــ نسافر مصر ..وباريس وسويسرا .. دلال ـــ لكن شغلي.. عبدالله ـــ في الاجازة .. دلال ـــ وشغلك؟ عبدالله ـــ انا محتاج لاجازة ..محتاج اغير جو..اييه تذكرت .. فتح الدرج وطلع ظرف.. ـــ هذي فلوسج الستين الف..يوم رحت الامارات خذتها من اخوي غانم.. دلال ـــ لكني ما احتاجها .. عبدالله ـــ فلوسج ..ومشكورة على المساعدة ..ما بنسى لج هالجميل ..قولي لي للحين تكرهيني؟؟ دلال ـــ شوي .. عبدالله باس راسها ـــ والحين؟؟ دلال ــ خلاص ..رضيت .. عبدالله ـــ حياتي دلال ..هذا أهم شي .. دلال اكتشفت أن عبدالله انسان حساس ..غلط في يوم من الايام .لكنه . تاب ..حست في عبدالله شي من ابوها .شخص مايخفي عاطفته ..وماينحرج منها ..واللي صار لها ..عبدالله متضرر منه بعد..لانه ابنه بعد ..ولانه بيظل لآخر عمره شايل هالذنب . دلال ــ ممكن أسالك سؤال.. عبدالله ــ اسألي.. دلال ـــ أنت تكلم وحده ؟؟ يعني ..حبيبة..؟ عبدالله ــ لا..مابيني وبين أي وحده أي شي ..شالي خلاج تقولين هالكلام .؟ دلال ـــ مرة سمعتك تقول ..لوحده على التلفون انك مابترجع ..وأن لها معزة عندك لكن ماتقدر تنفذ اللي تطلبه ..يعني كانت تطلب منك شي وانت ترفض.. عبدالله ـــ متى كان هالكلام؟ دلال ـــ من زمان ..في الوقت اللي سافر فيه احمد تقريبا علشان فيصل .. عبدالله ـــ آه تذكرت ..مرة كلمتني خالة منى ..وكانت تبي تربي منى ..اعتقد هي لانها قالت لي اذا كان لعبير معزة ..شغله جذيه ...يعني كنت شاكة فيني كل هالوقت ماتكلمت؟؟ليش؟؟ ماسألتيني في اللحظة نفسها .. دلال واخيرا حست ان ثقتها بعبدالله بدت ترجع مثل اول ــ ما ادري ..بس ماكنت ابي اسألك عنها .. ****************************** طق الباب و دخل وهو مبتسم ..الجازي قالت في نفسها هذي اللحظة الحاسمة .. طالعت نفسها في المنظرة ..ضبطت شعرها ..وميكياجها ..سحبت حزام المريول اللي لابسته ورجعت ربطته مرة ثانية .. تميم ـــ خالتي ..شفيج ..كأنج أول مرة تشوفينه .. الجازي ـــ لا ..هو اللي بيكون أول مرة يشوفني ..بهالحال .. تميم ــ خالتي ..ترا وصل وهو الحين تحت .. الجازي ـــ اييه . رشت عطر للمرة العاشرة ..طالعت نفسها في المنظرة .. ـــ لازم أغير المريول بلبس دراعه .. تميم ـــ خالتي هذي ثالث مرة أدخل هنا وتغيرين المريول بعدين تغيرين المكياج والشيلة والجوتي ..شالسالفة ؟؟ خايفة تشوفينه؟؟ الجازي ــ لقد أصبت كبد الحقيقة يا ابن أختي ...اييه ..أنا خايفة ..أخاف في اللحظة اللي أنزل أشوفه فيها يصحيني أحد من النوم ويقول لي اصحي ويكون كل هذا حلم .. جلست على الكرسي وماقدرت تتحكم بدمعتها .. قرب منه تميم وقرصها بقوة في يدها ..اصرخت .. ـــ تميم ..شفيك؟؟ تميم وهو يضحك ــ خالتي انتي مو في حلم ..فهد تحت ..روحي له بسرعه .. ابتسمت لابن اختها واحضنته بقوة وأخذت شيلتها وانزلت تحت ..كان جالس ومعطيها ظهره ..ما أقدرت تمسك دموعها ..بتشوفه أخيرا .. قلبها يدق بسرعه ..كأنها تركض بأقصى سرعتها رغم أنها تتحرك بأبطأ ما يكون ،حطت يدها على كتفه وأول ما التفت لها ..وقف ...شافها ..اندهش ..نظراته تنتقل ما بين أبو الجازي وجدتها ويطالع بطن الجازي ..وأخيرا تلتقي عيونه بعيونها ..اللي انترست دموع .كان في عيونهم كل الشوق والوله ..كل الحب .حست ان جزء منها رجع للحياة ...وهالجزء ماهو إلا قلبها ...رغم كل اللي صار حست أن روحها اخيرا فاقت من الموت اللي كانت فيه ..مشتاقة له وايد ..تأملته .. ..كان حواجبه شوي مبينات ..وله عارض خفيف ..عيونه رد لها شوية حياة .. زاد كم كيلو ..معدودين ..لكنها أعطت الحياة لوجهه ..ابتسم ..حست الجازي بفرحته .إلمستها ..وصلتها بطريقة ماتعرف شلون ..حست انه وده يضمها ..مدت يدها تسلم عليه .. فهد ـــ الجازي شلونج ؟؟ الجازي ودموعها تسيل على خدها ..ــ أنا اليوم بأحسن حال .. الجدة ــ يا بنتي انشاءالله دوم .. الجازي ـــ الله يسمع منج يمه .. ابو سند ـــ يلا يمه ..خليهم بروحهم ..نروح داخل لغرفنا . الجدة ــ يلا .. أول ما تأكدت الجازي أن أبوها ويدتها خلاص كل في غرفته ..قامت في نفس اللحظة الي قام فيها فهد وضمها بقوة ..كان محتاج لحضنها اللي ينسيه كل وجعه ..وصاحت الجازي وهي مب مصدقه ..حطت يدها على وجهه كأنها تتأكد ..فهد يطالع لها وعيونه ما انشالت عنها ..حط يده على بطنها وقال والدمعه في عيونه ـــ ليش ما قلتي لي؟؟ الجازي ـــ ليش ..أنت خليتني أقول شي؟؟ فهد ــ الجازي ..حبيبتي ..والله أني مو قادر أوصف فرحتي ...انت بين ايديني ..وحامل ..بابني ..شلون كنت غبي ..وفقدت الامل ..شلون يأست وأنتي في حياتي .. الجازي ــ مب ابن .. فهد ــ بنت ؟؟ أحلى وأحلى ..بسميها الجازي على اسم أغلى مخلوقة عندي في هالدنيا .. الجازي ـــ ولابنت .. فهد مافهم طالعها مستغرب .. الجازي ــ توأم ..وروحتي للدكتورة المرة الياية بتحدد اذا كانو ولدين أوبنتين ..ولابنت وولد .. الجازي ابتسمت وهي تشوف فهد يتقبل الخبر بذهول ..شلون عجز ينطق كلمة ..ضمها له مرة ثانية وهو في قمة فرحه .. طالع لها ..ــ الجازي هذا أحلى خبر سمعته في حياتي ..أحلى خبر ..الجازي أحبج يابعد عمري كله ..يابعد روحي ..أحبج . الجازي ــ فهد ..أنا بموت من الفرح ..الحمدالله ..الحمدالله كافي أنك رجعت لي ..كافي ما أبي شي من هالدنيا بعد .. جلس وهو ماسك بايدينها كأنه خايف تروح منه ..ومضت الساعة ونسوا كل اللي صار ..كأنهم انولدوا من جديد ..الجازي ما كانت تبي تغمض عيونها لحظة.. تبي تملا عيونها من شوفته.. *************************** صكرت التلفون وهي مبتسمة .. ــ من كنت تكلمين؟؟ سعاد ـــ امي ..تسلم عليك.. ــــ شخبارها؟؟ سعادـــ خالي ..اخبارنا هي نفسها ..مافي جديد..صراحة..أنا كنت بختنق هناك ..مافي شي يسليني غير المدرسة ..ولما صار الحادث اخذت اجازة ..صرت اروح العزبة .وبعدين مليت ... غازي ــ بنت أختي أدري أنش نص اليوم تكونين بروحش ..بس أوعدش أاني بفضى لش يوم الخميس .. سعاد ــ لا ياخالي ..والله اني هنا مرتاحة ..خصوصا بعد ما تصاحبت انا وبنت المؤجر .. غازي ـــ يعني تسليش؟؟ سعاد ـــ وايد ..أنا صراحة ارتحت لها ..وبعدين هي عرسها يوم الخميس ..خالي ياليت تخليني أحضره .. غازي ــ بس مانعرفهم .... سعاد ــ أرجوك خالي ..لاتردني ...البنت اعزمتني للعرس .. غازي ـــ بس ماتقولين لابوش اني خليتش تروحين العرس تعرفينه مايرضى اذا أمش مو معش .. سعاد ـــ الله يخليك لي يا خالي ..ما بنسى لك هالجميل .بقوم أسوي لك قهوة و وحلو مكافأة لك.. غازي ــ والله اني مشتاق لقهوتش .. سعاد ــ ما أخيبك .. الحين بسويها لك .. راحت سعاد للمطبخ ببطء ..تتذكر كلمات الهنوف اللي كلمتها مع صافية من دقايق قبل لاتكلم أمها ....ان خلفان سأل عنها ..ولما اسألتها عن خطيبة خلفان قالت انها ما تزورهم وايد وموعد الملكة تأجل .. سعاد مبتهجة ..يعني افتقدها .اشتاق لها ... ((يسعدني ياجلالة الملك أن تذكرني .. أقلها أعرف أن لي مساحة صغيرة في عقلك .. ويبهجني كثيرا سؤالك عني ... فأتأكد أن مازلت أتخذ حيزا صغيرا في قلبك .. رغم أن الحيرة والحزن تقتلني .. لانك رفضتني ..و حرمتني شرف حمل لقبك .. وهاهي الاشواق التي هجرتني .. تعود وبقوة قاتلة لتنضم بفخر إلى جنود سربك .. تلك التي تسببت بجنوني .. حيث كانت تعيد على مسامعي مرارا كلمة أحبك ..)) رن التلفون ..التفت له ..خالها كان بعيد عنه ..ارفعت السماعه ــ آلو .. ليلى ـــ ألو ..هاي سعاد .. سعاد ـــ أهلين .. ليلى ــ ماتصدقين ..فستاني خلاص ..وصل .. سعاد ـــ فستان العرس؟ ليلى ــ اييه ..أنا قلت لج أني طالبته من لبنان وتأخر ما وصل ..أبي أراويج أياه ..تراه ياخذ العقل .. سعاد ــ خالي اليوم الساعة خمس بيطلع ..تعالي خمس ونص . ليلى ــ اوكي ..باي . سعاد ــ باي .. *************************** |
شيماء كانت مب مرتاحة ..شي مخليها خايفة و مكتئبة ..محمد في غرفة صالحة ..البنات يلعبون قدامها .لكن ليش قلبها ناغزها بهالطريقة .؟؟ ـــ ماما ..تي.. طالعت راني اللي كانت شايلة صينية الشاي.. ـــ حطيها بعيد البنات يلعبون هنا .. ـــ أوكي ماما .. حست انها متضايقة بالمرة..ومافي سبب لضيقها ..مسكت التلفون تتصل في امها . ـــ آلو ..ناصر امي قريبة منك؟ ناصر ــ وعليكم السلام .. شيماء ـــ اييه ..السلام ..أمي قريبة منك؟ ناصر ــ أمي راحت لبيت خالي . شيماء ـــ متى ترجع؟ ناصر ـــ في الليل بييبها . شيماءــ ناصر ..ولا خلاص.. ناصر ــ قولي شتبين؟ شيماء ـــ ما ابي شي.. ناصر ـــ لازم تقولين شتبين .. شيماء ـــ لا .بس كنت ضايقة ..قلت تمرني نسولف شوي.. ناصر ـــ وين ريلج عنج؟؟ شيماء ـــ موجود ..بس..ضايقة ..ما ادري السبب ..تعال .. ناصر ـــ اوكي..نشوف شتعرفين تطبخين لاني ناوي اتعشى عندكم .. شيماء ــــ حياك . بعشيك أحلى عشا ..بس تعال .. ناصر ـــ اوكي ,,بيي ..مع السلامة .. شيماء ــ في حفظ الله .. وراحت المطبخ وفتحت الفريزر وطلعت يدام ....حطته في الماي يلا يحل وبعدين تسوي الكبسة اللي يحبها ناصر .. فتحت الثلاجة وشافت شناقص ..بعدين طرشت الدريول ييب لها اللبن ..وبعض الاشياء الناقصة .. **************************** في وسط انشغالها في الطبخ سمعت صوت ضجة في البيت ..طلعت من المطبخ وشافت ناصر داخل يلعب مع البنات .. شيماء ــ أهلين ..حياالله ناصر ..اللي ما يزور اخته الا بدعوه على العشاء . ناصر ـــ بديتي تمنين علي؟؟ لا تخليني أرجع من وين ماييت.. شيماء ــ وأهون عليك .؟ ناصر ــ لا ما تهونين ..خلاص سماح .. وين ريلج؟؟ شيماء كانت بتقول له في غرفة صالحة ..بس اسكتت .. ــ بناديه ..استريح شوي.. كانت تبي تطق الباب وبعدين ذكرت ان ناصر هنا ولازم تتصرف طبيعي..شيقول عنها اذا شافها تطق لباب على زوجها في غرفتهم؟ دخلت الغرفة وكان ماسك اوراق ويقرأ.. شيماء ــ محمد ..ناصر هنا .. حست ان قلبها منقبض..وهو يطالع لها ..لاول مرة من هذيك الليلة .. قام من على الارض.. ـــ لاتخلين اليهال يدخلون ..شغلي ما ابي يخربونه.. هزت راسها وبدت تجمع الاوراق من على الارض..طالع لها ــ شيماء شتسوين؟؟ شيماء ــ أشيل الورق علشان اضمن ان اليهال ما يوصلون له . محمد ــ ما طلبت منج انج تشيلينه طلبت منج انج تقفلين الغرفة علشان اليهال ما يدخلون .. لهجته كان فيها استخفاف ..لكنها اسكتت ..طلع من الغرفة وراح وين ناصر ناطره ..معقول هذا محمد اللي وجهه لها الكلام؟؟ ليش؟ والله الليلة ما بتنام في الغرفة هذي ..اعذريني ياصالحة ..لكن محمد مصخها ..شالت اوراقه وثيابه وكل شي له في الغرفة .. بسرعه وحطتها في كيسة واطلعت الطابق الثاني ورجعت قفلت باب غرفة صالحة ..للأبد ..وخذت المفاتيح ..وسبير المفاتيح وخشتهم .. طلعت للممر اللي بين الصالة والغرف ..وسمعت محمد يقول ـــ يا اخي اختك دايما جذييه .. ناصر ـــ شلون دايما جذييه؟؟ محمد ــ منعزلة ..البيت مايدخله غير اختي خلود ..حتى امي ماقد مرة شيماء اعزمتها على عشا ولاغدا ..ولاخذت لها شي من تزوجنا .. ناصر ـــ وانت ليش ما تقول لها ؟؟ محمد ـــ انت تعرف شيماء معتزة بنفسها شلون ..لادخلت معاها بنقاش لازم تاخذ الموضوع بحساسية ..انا صراحة ماقصرت على امي وامس اخذت لها خاتم وقلت لها مني ومن شيماء وشيماء طبعا ما تدري .. شيماء من اسمعت هالكلام عصبت ..محمد ..على أي اساس تقول هالكلام؟ اذا انت ما تتغدى في البيت أصلا ؟؟امك ما اكثر ماعزمتها وكرمتها . والخاتم ادري عنه بس ماجات مناسبة اقولك فيها اصلا انت متى تجلس معاي؟؟البيت ماتدخله الا علشان تنام وتاكل ..كأنك في فندق .. ردت قربت تسمع سوالفهم .. محمد ـــ الله يرحمها صالحة كانت مضيافة من الدرجة الاولى ..بحياتها ما قصرت في حق احد تذكر يا ناصر العزومات اللي حضرتها ؟؟ ناصر كان جالس وهو منحرج من اخته ..شلون ياشيماء تقصرين في حق ريلج؟ اما شيماء ماقدرت تسمع أي شي زيادة فكرت في نفسها ..محمد ..شالكلام ..مرت من قدامهم وراحت المطبخ .. محمد ارتبك ..ماحس فيها ..كانت في غرفة صالحة لايكون اسمعته ؟؟ خلصت العشا .. وحطت السفرة ..اللي كانت عامرة بكل شي .. شيماء ـــ راني . شيلي الاكل اذا خلصوا .. راني ـــ يس .. ادخلت الصالة وكان ناصر ومحمد يسولفون ..تحاشت نظرات محمد ..لها .. شيماء ـــ انا بطلع فوق .. ناصر ـــ ماقلتي لي انج متضايقة وتبين تسولفين معاي؟ ؟ شيماء ـــ ناصر انا مصدعه شوي ..وانا متأكده ان محمد ما يقصر .. طلعت الطابق الثاني وصكرت الباب على نفسها ..وانهارت تصيح .. محمد ـــ تهقى انها اسمعت؟ ناصر ـــ لا ما أعتقد .هي لما اتصلت فيني قالت لي انها متضايقة ..وياليت لو اسمعتك ..تعتبر وتتسنع وتصير مرة سنعة .. محمد ـــ بس اخاف تزعل ..انا ما اقدر على زعلها .. ناصر ـــ الله الله.ماعرفنا لك ...كل هذي معزه؟؟ محمد ابتسم وفي قلبه يقول يارب ما اسمعت .. دخلت الخدامة ـــ بابا عشا. محمد ـــ تفضل يا ناصر .. ******************************** ـــ أعتقد مافي نصيب .. ليلى ــ ليش؟؟ما وصل يوم الاربعاء للحين .. سعاد ــ ليلى ..في حياتي شخص ثاني .. ليلى ــ أنت مخطوبة؟؟ سعاد ــ لا ..لكني احب شخص ثاني .. ليلى ــ لايكون ابن عمج؟ سعاد ـــ لا ..ابن الجيران ..واهله يصيرون لابوي من بعيد ..تدرين ..تقريبا ابن عمي .. جدي وجده عيال عم .. ليلى ــ ليش ما خطبج ؟ سعاد ـــ لانه خطب وحدة ثانية .. ليلى ــ يعني حب من طرف واحد ؟؟ سعاد ــ لا ..بالعكس ..أ..ما ادري شلون أشرح لش.. ليلى ــ قولي لي كل شي .. سعاد والمعت الدمعه في عيونها ـــ كنت الكبيرة بين أخواني وأخواتي ..كنت أحلى وحدة وأشطر وحدة ..الدلال كله كان لي ..شي طبيعي أكون مغرورة . كنت أشوف أنه من حقي أني أكون مغرورة ..كان هو .ابن الجيران ..كنا دايما نلتقي الصبح ..أنا أروح للمدرسة ..وهو يروح للمعهد اللي يدرس فيه ..طبيعي ..كل يوم ..في يوم ..كنت في ثاني ثانوي وعمري 17 سنة ..كان آخر يوم في المدرسة ..اقترب مني وسألني ..ان كان عندي مانع انه يتقدم ويخطبني ..مسكين أكيد كان هذاك اليوم أسوأ يوم مر عليه .. ليلى ـــ ليش؟؟ أنت شقلتي له ... سعاد ــ اللي ما قلته لش أنه كان مقعد ... ليلى ــ مقعد؟؟ معاق ..على كرسي .. سعاد ــ اييه .. ليلى ــ وشكان ردج؟ سعاد ــ قلت له لاتطالع فوق وأذا تبي تتزوج ..دور لك وحدة في نفس مستوى نظرك .. انصدمت ليلى ـــ حرام ...هذا الكلام .. سعاد ــ أدري ..قاسي بمعنى الكلمة ..اختفى خلفان من حياتي ..انزوى بعيد عن الناس ..وفجأة ..حن قلبي له ..ماندمت على جملتي له قبل لكن اليوم الندم بياكلني ..اشتقت اشوفه كنت كل يوم اشوفه . وأحس مثل السجين يطعن قلبي .. ومع الوقت اكتشفت اني حبيته ..والكلام اللي قلته ماكان الا غرور ..وصرت مجنونة فيه ..لكنه انجرح وانهان مني ..انا ذليته و عيرته باعاقته .. ليلى ـــ يمكن ضميرج انبج ومحبتج هذي ماهي الا شفقة؟ سعاد ـــ لا ..كافي اني احس ان روحي انتزعت من مكانها كل ما اشوفه ..كافي اني كل يوم لما اصحى الصبح اركض للشباك ..على امل اني اشوفه ..ولما صار لي الحادث قالت لي اخته انه يا في الليل ..وتطمن علي ..رغم اني فقدت الذاكرة مؤقتا ..وما مر وقت طويل ..اعلنوا خطبته ..اعلنوا خبر وفاتي ..مب خطبته ..رقصت في الخطبة ..رغم جروحي ..وموت روحي ..ماحبيت انهزم ..وهذا تصرف منعت فيه كلام الناس وذبحت روحي فيه .. ليلى ـــ يعني انتهى من حياتج. سعاد ـــ لا ..ما انتهى ..شوفي ما اقدر اتزوج اخوش ..وقلبي ملك لغيره ..اليوم أنا في موقف خلفان لما طلب الزواج مني ..أخوج اللي بصحته وعافيته ...يتزوجني أنا ؟؟ ليلى ـــ لا ..لاتقولين هالكلام ...انت زينة المزايين .. سعاد ـــ لا ..انا ناقصة ..هذا غير أن قلبي وروحي ومشاعري ملك للانسان اللي احبه ..أهديتها له ..وتركتها عنده ..ذكرى .. ليلى ـــ يعني ما في أمل ؟؟ سعاد هزت راسه وصبت شوي من القهوة لليلى .. ـــ مشعل انسان حساس ..راقي بفنه ..أنا ما أستحقه ..سجلي ما يسمح لي أني ألوث حياته ..شخص واحد دمرته ..وأنتهى بي الحال اني نذرت نفسي له ..مهما صار .. ليلى ــ حسافة ..كنت ابيج تتزوجين مشعل.. سعاد ــ مشعل بيلاقي في يوم البنت اللي يحبها ومايستبدلها باي شي في هالدنيا .. ليلى ـــ لكن خلفان تركج..مو لازم تنسينه؟ سعاد ـــ لا ..حتى لو ما تزوجت لاخر عمري ..قلبي فيه انسان واحد ما ببدله باي شي في هالدنيا .. مرت بينهم فترة صمتت ..بعدين طلعت ليلى فستانها وراوته لسعاد اللي انجنت على تصميمه ..كان راقي جدا ..وكلاسيك وهالشي هو ذوق سعاد كلاسيك .. ********************************* الحلقة التاسعة والثلاثون .. *************************** ـــ شيماء افتحي الباب .. شيماء ــ ما أبي .. ـــ شيماء وين مفتاح غرفة صالحة .. شيماء ــ صالحة الله يرحمها .. محمد بنفاذ صبر .. ــ وينه ؟؟ شيماء ـــ مو موجود ..قطيته .. .. محمد ــ شالكلام ؟؟ واغراضي؟؟ واوراق شغلي؟ شيماء ــ تلاقيها في الغرفة الثانية ..اذا ما تدل أدليك طالع يمين الباب الاول على ايسار ,, محمد ـــ يعني انت متعمدة تخبين مفتاح الغرفة .. شيماء ــ صالحة الله يرحمها ..وخلاص ..مب عدل تنام في غرفتها لآخر عمرك حابس نفسك بذنب أنك ظلمتها . محمد ـــ والفرق اللي سويتيه انج خليتيني أنام في غرفة فاضية مافيها إلا سرير واحد ؟؟ على الاقل غرفة صالحة فيها ذكرى صالحة ..فيها ريحتها ..هاتي المفتاح .. شيماء ـــ لا ..غرفة صالحة تمنعك عنا ..غرفة صالحة استأثرت فيك لنفسها ..خلتك ماتعرف شي حولك ..ماتحس فينا مثل قبل ..حرام عليك ..البيت صاير كـأنه فندق ..أنت في صوب وحنا في ناحية بعيدة عنك .. محمد بلهجة تهديد وهو يطق الباب بقوة ـــ افتحي الباب لا أكسره .. و شيماء استسلمت وفتحت له الباب ..جلست على السرير .. محمد ــ انت انانية ..ومايهمج إلانفسج . شيماء ــ أنت الاناني ..بخلت بنفسك عني وعن بناتك ..غبت عن البيت وآخرتها صرت تشكيني لأخوي .. وماقدرت تمسك دموعها.. محمد ــ أنت سمعتي؟؟ شيماء ــ اييه سمعت .. لعلمك ..أنا أعزم عمتي هنا كل ثلاثة أيام تتغدى معانا .. وحتى عمي يي معاها ..وأكون مسوية سمك ..لانهم يحبونه وايد ..أمي أعزمها وأخواتي ..أما أخوي ناصر فكنت ما ألاقيه علشان كذا استغرب عزومتي له , أنت دايما مو موجود ..دايما عند ربعك والانايم في غرفة صالحة ..وتتغدى دايما في الشغل ولاتهتم للغدا اللي أتعب كل يوم وأسويه ..كنت بنفجر قدام ناصر .لكن لاني أحبك ماقلت شي ..بس علشان ما تتفشل ..والا الكل يشهد لي أني مراعية البيت والبنات بضمير .حرام عليك ..والله أني تعبت تعبت ..حرام عليك ارحمني ..أنا انسانة ولي مشاعر ..كلنا زعلنا على صالحة ..وأنا أكثر وحده لأني السبب في عذابها ..حرام عليك يامحمد..حرام عليك والله انك تعذبني .. شيماء تمت تصيح ..شيماء مانتبهت انها قالت لمحمد الكلمة اللي ينتظرها من زمان ...وانتبه لها هو ..شيماء كان على بالها انه قالت هالكلمة في نفسها ..لكن قهرها وحزنها خلاها تنطقها ..دون ما تحس .. صكر الباب محمد وطالع لها وهو مبتسم ... ــ وأخيرا ؟؟ شيماء طالعت له ودموعها على خدها مب فاهمه شي .. ــ وأخيرا ياشيماء اعترفتي انج تحبيني .. جحظت عيون شيماء ..وحطت يدها على شفايفها مب مصدقة ..شلون انطقت ها .. محمد ـــ أظن أني مابحتاج مفاتيح غرفة صالحة الله يرحمها . شيماء ـــ مــ..اا..ليـ..؟؟؟؟؟؟؟؟؟؟ ضحك محمد وهو يشوف ارتباكها ..قلبه كان ملك لها من اللحظة اللي شافها فيها ..انسانة لها جاذبيتها ..وتقدر تطلعه من قمة غضبه لاهدأ مايكون ..أو العكس ..مسك يدينها ..ونزلت راسها مستحية منه ..رفع راسها وابتسم ..وهي قالت في قلبها فديت هالابتسامة ..وابتسمت له .. وكانت هذي الليلة ..هي ليلة العمر بالنسبة لشيماء ومحمد ..اللي أجلوها وقت طويل ..الوقت اللي احتاجوه بالضبط علشان يعترفون بمشاعرهم لبعض .. ******************************** مر الاسبوع بسرعه..مثل العمر..غمضة عين ..سعاد احضرت عرس ليلى ..وانتبهت لنظرات مشعل .. وليلى بعد ماعرفت برد سعاد احرقت اللوحة واخذت عهد من مشعل أنه ما يرسمها مرة ثانية . وكان درس قاسي لسعاد ...الجازي ارجعت لفهد ..ارجعت وهي في قمة سعادتها وشاركتها سعادتها دلال لما عرفت باللي صار لها ..ندى للحين تعاني من التعب ونزلة البرد ..صدرها كان يذبحها لكنها تكابر ..والسعال اشتد عليها ..وهي مطنشة ..كل فكرها مع ناصر .. ورافضة تشوف دكتور وحالتها النفسية ساءت ..وصارت طريحة الفراش ..ماتتحرك منه ..أما محمد وشيماء ..عاشوا أحلى أسبوع من تزوجوا لليوم ... دلال ــ شخبار فهد معاج ؟؟ الجازي ـــ الله يسلمج بدت صحته ترجع مثل أول ..اليوم بستأذن مبجر ..لاني خليته في البيت بروحه .. دلال ـــ ياهل حشى مب ريال قارب عمره السبع وثلاثين .. الجازي ـــ هذا فهد ..حبيبي وماي بيبي وماي لايف .. ومثل ماقال عبدالحليم ..افرح واملى الدنيا أماني لا أنا ولا أنت هنعشق ثاني .. دلال ــ ايوا ..الجوز اليوم مستطربة ..انشاءالله دوم .. الجازي ــ أنا ما أصدق أننا قربنا من الاجازة ..أحس أني مقيده في المدرسة .. دلال ــ عاد خلصت المنهج؟ الجازي ــ تقريبا ..بقى كم درس من الفصل الاخيير .. دلال ـــ انا بختمه اليوم .. الجازي ـــ صج؟؟ ياحيج .. دلال ـــ بعطيج نص حصصي ..علشان تلحقين تراجعين للبنات .. الجازي ـــ مرسيه ..صراحة محتاجتهم ..والموجهه تبي تحضر لي درس .. دلال ــ أنا حضرت لي مرتين هالفصل .. الجازي ــ أنا في مصيبة .. البنات عندهم مشكلة في فصل من الفصول ..أخاف تسألهم فيه ..شكلي بدرسهم فيه بحصة من حصصج ..وحصصي الاساسية اكمل المنهج . سهر الليالي 25-06-2004, 16:30 دلال ــ لاتوترين أعصابج ..انشاءالله يمديج انج تسوين كل شي . الجازي ـــ ندى متى ترجع؟؟ دلال ــ ما ادري .المفروض انها تكون ارجعت هالاسبوع لكنها تأخرت .. الجازي ــ وسعاد ..ماسمعت عنها شي من الحادث ..وأدق على تلفونها ماترد .. دلال ـــ سعاد في الكويت ..رحلة استجمام ..اتصلت فيني .. الجازي ـــ وشيماء ؟؟ دلال ــ شيماء آخر مرة شفتها في عزا ابوها ..هي نفسها .ماتغيرت .. الجازي ـــ الغرفة فاضية ..تذكرين لما كنا جمعه ونسولف في كل شي .. دلال ــ الجوز ..كنا بنات ..ماشايلين هم شي ..نهذر في فلانة وعلانة ..لكن اليوم ..أنا تزوجت وانتي تزوجتي و شيماء تزوجت ..كل وحدة صار لها حياتها ..صار لها مسؤولياتها الخاصة ..يا سبحان الله ..شوفي في سنة تغيرت ظروفنا شلون ..شوفي الزمن شلون التف فينا ..حتى ندى وسعاد ما اسلموا من هالتغيرات ..وطرت في حياتهم اشياء ماكانت على البال ولا على الخاطر .. الجازي ــ صج ..ندى المرحة فجأة صارت مهمومة ..وسعاد الحادث غير لها حياتها ..شيماء صارت ام لثلاث بنات في اسبوع أنتي تزوجت شخص مثل مايقولون طلع من العدم ..وعندج بنت ..وأنا ..بصير ام بعد كم شهر ..فجأة حياة البنات والاغاني ماصار لها معنى ..بالأحرى ماعندنا لها وقت .والزمن دار فينا وحيرنا ..وقصتنا تنفع رواية باسم ..الزمن .. دلال ــ لا .هي قصتنا ..لازم نسميها بشي يرمز لنا ...خليها نساء في هذا الزمن .. الجازي ــ وانت دايما سارقة أفكاري ؟؟ دلال ـــ وأنت دومج تتناحسين معاي ؟؟ .. عاد ماشفت بيتج انتي وفهد .. الجازي ــ بسيط ..أجرناه بثلاثة آلاف ريال ..شعبي من طابق واحد ..وأربع غرف ..ما أدري شسوي في هالاربع غرف .أنا غرفة ويالله وايد علي .. دلال ــ والخدامة ؟؟ عندج خدامه؟؟لانج تحتاجينها .. الجازي ـــ للحين ماوصلت ..بتوصل بعد اسبوعين ..حاليا الخدامة تيي العصرية من بيت ام فهد ..ترتب البيت ..لكن الطباخ أنا أطبخ ..لكن فهد في الاسبوع اللي راح جرب حظة ..فمنعته من انه يدخل المطبخ بعد اليوم ..فديته .. دلال ــ مسكين يالس في البيت لاشغلة ولا شي ..ماقلتي لي متى بيشتغل ؟؟ الجازي ــ قريب ..بس يستعيد عافيته يبدأ في وظيقة مدير العلاقات العامة في وزارة من الوزارات ..هذاشغله الاصلي ..وعنده خبره واسعه في هالمجال ..بس لازم علشان صحته .. يسوي فحص دوري وياخذ كيماوي بين فترة وفترة علشان يتجنب رجوع المرض ..حبيبي ..الله يحفظه من هالشر .. دلال ــ الله يوفقكم ..ويبعد عنكم الشر .. الجازي ــ من الصبح وأنا أهذر عن فهد ..وانتي ماقلتي لي عن عبدالله ..شخبارج معاه ؟؟ دلال ــ مجرد ما تبدأ عطلتي بنسافر .. الجازي ـــ وين ؟؟ دلال ـــ ما أدري ...باريس أو دبي أو سوريا ..ما حددنا . الجازي ــ على خير انشاءالله . مرت صفاء قدام الباب طالعت من داخل ولا سلمت ..طلعت على طول . الجازي ــ .هذي صفاء ..شفيها شايفة عمرها تدخل كأن محد غيرها في الغرفة .. دلال ـــ يمكن علشان عيونها خضر؟ الجازي ــ هذي ندى عيونها خضر ..ماكانت شايفه عمرها علينا . دلال ـــ ندى ..تقارنين ندى بهاي ؟؟ندى متواضعه ..ندى ماكانت شايفة نفسها علينا .. الجازي ــ صج والله ..هي خالتها متزوجة لبناني؟؟ دلال ــ اييه..بس ماخذ الجنسية الكندية .. الجازي ـــ قالت لي مرة ان عيونها لجدتها اللبنانية ..أم أمها . دلال ـــ ايه ..وقالت لي ان أخوانها بناتهم عيونهم خضر مثلها بالضبط . الجازي ــ ياه ....والله اشتقنا لها .. طقت الباب بنت وأعطت دفترها لدلال .. طلعت البنت ..دلال ــ هذي البنت من اشطر الطالبات عندي في الرياضيات .. الجازي ــ هناء علي؟؟ مب شاطره في الفيزيا ..المفروض اللي شاطر في الرياضيات يكون شاطر في الفيزيا .. دلال ــ عاد ..يمكن تكره المادة .. الجازي ـــ لا ..مب معقول ..ما اكثر ما تقول انها تحب حصص الفيزيا ..بس مافي درجات ولامشاركات تقنع انها شاطره في الفيزيا . دلال ــ جربيها في سؤال ذكاء ..أنا اكتشفت ذكائها بهالطريقة ..هي مهملة ما تدرس ..لكن لما اعطيتها اهتمام خاص ..وشجعتها ..اكتشفت انها ممتازة . الجازي ــ ببدأ معاها بهالطريقة .رغم اننا في الوقت الضايع ..بما اني بخلص المنهج معاهم في هالاسبوع .. **************************** ندى ــ لازم أسافر .. سمر ــ والله ما بتسافري ..صار لك أسبوعين مريضة ارحمي حالك ..ارتاحي .. ندى ــ سمر ..تعبت من الراحة! ضحكت سمر ـــ في حد يتعب من الراحة؟ كافي انك مابدك تروح لطبيب ..وكله عم تاخذي هالمسكنات .. ندى ــ تعبانة نفسيا ..تعبي النفسي أقسى علي من تعب جسمي ..ما أتحمل أبقى هنا يوم زيادة .. سمر ــ هلأ بجيب لك الخليوي تبع عبدالهادي ..وكلمي فيه أخوك عبيد وقول له .. ندى ــ شلون ما فكرت جذييه ؟؟ بليز ..هاتيه .. ــ آلو عبيد ..شخبارك؟ عبيد ــ أهلين ندى .أنا بخير انتي شلونج ؟.شفيه صوتج تعبان ؟؟ من طول الغيبات ياب الغنايم ليه تأخرتوا .. ندى ـــ شوي شوي علي ..خليني آخذ نفس . عبيد ــ تعالي ..في مفاجأة تنطرج .. ندى قالت مترددة ــ عن ناصر ؟؟ عبيد ــ أيا الساحرة من قالج ؟؟ ندى ــ سمعت .. عبيد ـــ وها العروس شرايها .. ندى ـــ علشان جذييه اتصلت ..أكيد مريم بترفض . عبيد ــ وشدخل مريم في الموضوع؟؟ ندى ــ عبيد ..مريم مب العروس ؟؟ ضحك عبيد ضحكة بطت أذن ندى .. ـــ يالخبلة أنتي العروس !! ندى من الصدمة ما قدرت تفهم ــ لا ..مريم خطبها ناصر . عبيد ــ لا ..خطبج أنتي ..وحنا كلنا موافقين وأولنا يدتي فطيم ..ناصر يستاهلج ..يلا عجلي .. ندى ماقدرت تتكلم ..حست بخجل شديد من اخوها .. ــــ مافهمت متى وشلون؟ عبيد ـــ خطبج من ثلاث أسابيع ..وحنا قلنا ما بنرد عليك إلا اذا يات ندى ..لكن يدتي تدخلت وقالت ناصر لندى وندى لناصر .. بدت الامور تتوضح في مخ ندى ..يعني كان يلعب عليها ؟؟ كان خاطبها وياي يحرق لها أعصابها ؟؟ ندى ــ محد قال لي .. عبيد ــ زين شالكلام اللي قلتيه عن مريم وناصر .. ندى ــ عرفت ..عرفت أن عبدالعزيز ملج على فاطمة فتوقعت ناصر يملج على مريم .. عبيد ــ لا ..ما عليج ..مريم لي أنا وحدي ..والكل يعرف هالشي . ندى ــ ليش خطبتها .؟ عبيد ـــ نهيي(بلغة الهنود يعني لا ) ...بس الكل يعرف هاالشي .. ندى ــ شخبار سعد وخالد ويوسف والله مشتاقة لكم وايد .. عبيد ــ ناطرينج ترجعين يالعروس ..وأخييرا بشوفج عروس ..أكيد بتفصلين دشداشة للعرس .. ضحك عبيد وندى ماتت في غيظها ــ اييه وانت بتفصل الفستان .مع السلامة ..سلم عليهم كلهم .(بخبث )أولهم مريم . عبيد ـــ تتطنزين؟؟؟ وين أشوفها مريم؟؟ ندى ــ في الأحلام ..هاهاها .. وسعلت ندى بقوة خوفت عبيد .. عبيد ــ انت مريضة؟؟ ندى ــ مافيني شي ..بس غبار .. عبيد ــ غبار ؟؟متأكدة؟ ندى ــ أكيد ..أنا ما أكذب عليك ..طولت على الجوال يلا باي . كانت ندى تتهرب من من عبيد .... سمر ــ ها قلتي لعبيد ؟؟ ندى تذكرت ألسالفة ..وصرخت صرخة عوده .. سمر ــ what happened ? ندى ـــ ناصر .. سمر ــ ناصر؟؟..........كملي ناصر شفيه؟؟ ندى ــ ناصر خطبني قبل لايجي كندا وأهلي وافقوا عليه .. انصدمت سمر ..وفتحت حلجها متفاجأة .. ــ خطــ..بك؟ ندى ــ أييه ..كان يلعب بأعصابي.. سمر ـــ ومريم؟ ندى ــ كان يحاول يخليني أغار منها .. وصرخوا مع بعض مذهولات ومستغربات .. منى ـــ لي تصرخون ؟ صوتكن واصل تو ماي رووم .. سمر ــ ناصر خطب ندى .. منى ــ حقيقي؟؟ ناصر خطبك؟ ندى هزت براسها باي وهي مب مصدقة ..فجأة نست مرضها ونست وجعها ..ليش ياناصر عذبتني ؟؟ ندى ـــ لازم أسافر .. سمر ــ لكنك لهلأ ما شفيت .. ندى ــ مافيني شي .. قامت من السرير ..واسندت عمرها لين اوصلت لشنطتها وطلعت شنطة صغيرة .. ندى ــ أعطيه عبدالهادي يحجز لنا بكره .. سمر ــ لا ..ياندى مابتسافرين هالأسبوع .. ندى ــ لاتخلوني أروح المطار وأحجز نفسي ... سمر ــ لا ..لاتروحي ..اوكي ..بس بعد بكره .. الي يشوف حيوية ندى ..مايصدق وجهها الشاحب والهالات السود حول عيونها .. ********************************* شيماءــ محمد ..لا .. محمد يمسكها من يدينها ويجرها للصالة .. شيماء ــ اوكي .. محمد ــ شيوم ..يلا ..تغدي.. شيماء ـــ قلت لك مسوية ريجيم .. محمد ــ ليش ؟؟ انت شفيج علشان تسوين ريجيم .. شيماء ــ محمد . ..لازم؟ محمد ــ اييه ..شوفي دندونة وسارة ماكلوا من سويتي هالريجيم .. شيماء ـــ محمد ..اليوم انا بديت ريجيمي..مامداني .. محمد ــ والبنات ماكلو من الصبح .كلي . طالعت له شيماء ..ــ اوكي .. وبدت تعطي البنات أكلهم .. شيماء ــ شوف من يا ... غنديزر .. وكانت مها يايه مسرعه وطاحت على السفره قرب شيماء .. ــ الحلوة من بدت تمشي ..مالاحقة على شي ..كله تراكض . شيماء ــ هذي المها .. دانة ــ مها ما تاكل مها بس توسخ . سارة ــ انت خايسه .انت توسخين.. دانة ــ أنا قلت مها ..ماقلت سارة . ضحكت شيماء ومحمد على البنات اللي بدوا في معركه شرسه بالصياح والاكل ..مها خافت فركضت لحضن شيماء ..وباستها .. ضحكت شيماء ــ أول مرة تبوسني ..بالعادة أنا كله ابوسها ولاتعبرني.. محمد ــ مها ..بوسي بابا .. شيماءــ شفيك غرت مني؟ محمد ــ ماغرت ..أبي بنتي تبوسني ..مها تعالي بابا .. مها طنشت أبوها وإلزقت في حضن شيماء ..محمد ضحك عليها ..والتفت لسارة ودانة . ـــ تعالوا بوسوا بابا . وقامت دانة وسارة تسابقوا وكل وحدة باست ابوها على خده . محمد ــ حبيباتي ..الله يخليكم لي .. رجعت دانة وسارة ياكلون على السفرة ..ومحمد وهو ياكل ..تفاجأ بحد يبوسه ..التفت كانت مها .. شالها وباسها بقوة وهي تضحك ..وتقول ــ أما ..أما .. شيماء ـ حياتي . محمد ــ عاد من حياتج حددي .. شيماء ــ أثنينكم أغلى من حياتي .. محمد ــ الله شفتي ماما شتقول ...ماما تتغزل في بابا .. مها ـــ أما .. شيماء ــ هاتها ..تبي تخرب البنت علينا .. دانة ــ ابي عصير . شيماء ــ لا ..بعد الغدا ..كلوا الحين .. دانة ــ حار ..أبي عصير . شيماء ـ راني راااااااااني ..هاتي اعصير من الثلاجة .. شيماء ــ محمد ..شرايك أرجع شغلي ؟؟ محمد ــ ليش ؟ قاصرج شي؟ شيماء ــ لا ..بس ..قلت البنات أقدر أخليهم عند جدتهم ..وأنا صراحة ..أحب أني أكون ضامنه شي ..للمستقبل .. محمد ــ أنا ما منعتج ..شغلج انتي حره فيه ..مع أني أفضل أنج تكونين في البيت . شيماء ـــ أبي رايك .. محمد ــ كيفج .لكن المدرسة وجع راس و طلاب وتلاميذ وحصص.. شيماء ــ أنا مابشتغل هالسنة ولا السنة اللي جايه ..بشتغل السنة الي بعدها البنات يكونون اكبروا .. محمد ــ على خير انشاء الله .. ****************************** ملل ملل ملل ..من تزوجت ليلى ورجعت سعاد لوحدتها ..ملل فظيع ..خالها يي في الليل يتعشى وينام ..وهي ماغير مقابلة هالتلفزيون وملانه .. دخل خالها الصالة . غازي ــ شرايش نطلع نتمشى ؟ سعاد ــ ياريت يا خالي والله الملل بيذبحني .. غازي ــ البسي عباتش والحقيني انا في السيارة .. سعاد ــ بس ياخالي عادتك تيي في الليل ..اليوم ياي مبجر.. غازي ـــ حرام اطلع واخذ اجازة؟ سعاد ــ لا مب حرام ..انطرني دقيقة .. غازي ـــ اول شي في جمعية في المنطقة هذي ..بنمرها لان عندي شغل بسيط ماياخذ خمس دقايق . استندت ليد خالها اللي ساعدها تيلس على كرسي من الكراسي المصفوفة .. غازي ـــ خمس دقايق ..مابتأخر .. ..سرحت بخيالها ..تفكر في كل شي ..وتطالع الناس اللي رايحه ويايه ..ولمحت شخص ..عرفته .. بكل جرأة جلس على الكرسي اللي مقابلها ..ولا اهتم لارتباكها ورفضها .. مشعل ــ سعاد .. سعاد انصدمت انه يعرف اسمها ..واللي صدمها اكثر أنه تعرف عليها رغم نقابها .. مشعل كأنه حس بذهولها . ــ عرفتج من عيونج ..اللي ما بنساهم طول عمري ..(وفي قلبه اللي رسمتهم بيديني ) سعاد وقف دقات قلبها ..من الخوف .. مشعل ــ أنا شاريج ..أبي أخطبج من خالج .. سعاد ما تكلمت .. مشعل ــ سعاد أنا أحبج ..وصورتج ماتفارق خيالي ..والله اني احلم فيج ..وأنا راضي باعاقتج .. سعاد وتحاشت انها تطل في عيونه .. ـــ أنت شتعرف عن الحب ؟؟ على أي أساس حبيتني؟؟ تعرفني؟؟ تعرف صفاتي ؟؟ وتمت تتلفت خايفة خالها يي .. مشعل ــ أنا من شفتج قلبي نطق قال انت حلم حياتي ..واحس اني اعرف كل شي عنج .. سعاد ــ انت ما تعرفني ..ماتعرف شخصيتي ماتعرف صفاتي ...ماتعرف عيوبي .. مشعل ــ بعرفها بعدين مب مهم .. سعاد ــ لا مهم .. لانها الاشياء اللي لاتزوجتني بتعيش معاها لآخر عمرك ..المظهر والجمال مب لازم ..لاني بكبر وبيذبل كل شي ..أهم شي أنك تحبني لنفسي ..وأنا ما أعرفك ..وما أقدر أحبك ..لأني ما أعرفك ..ما أعرف أخلاقك ..وأنت الشي نفسه ..أنا أتكلم من تجربة صارت معاي ..وأقولك أن في حياتي شخص ..لاتيي وتقولي احبج .وانت ماشفتني الا مرة وحده ...لان هالاسلوب الوقح مايعجبني ..وأنا لولا معزتي لليلى أختك ..كان ناديت على السكيورتي بسرعه ..وقلت انك تتحرش فيني .. مشعل ـــ لكن يا سعاد .. سعاد ــ لو سمحت ..أنا انسانه أحافظ على سمعتي وثقة أهلي فيني ..لو سمحت..لاتناديني ولا تكلمني لان مالك حق وياريت تنسى اسمي .. مشعل قام من مكانه بعد ما حس أن مافي أمل انها تسمعه ..قام وهو مكتئب كلامها ازعجه ..مع انه صحيح امية في المية .لكن شلون يتزوج وحده في شخص في حياتها .. طالعت سعاد مشعل وهو ينسحب ..وطالعت الناحية الثانية ناطره خالها يي ..ماكانت بترد على مشعل ..لكنها ماتقدر تهرب منه لانه بطيئة ..كان لازم توقفه عند حده ..لكنها للحظة حست أن كلامها كان مب مفهوم ..مشعل انسان حساس ..وكلامها كان غريب ..طبيعي مشعل يحب الاشياء الجميلة لانه فنان بطبعه ..لكن . ماتحس جهته باي شعور . يمكن في يوم من الايام يتطور لحب ..لانه طوال سنوات انفطمت على حب خلفان اللي تعرفه مثل ما تعرف نفسها ..واللي حبها رغم كل عيوبها .. ************************************* |
رن تلفون دلال كان مكتوب عليه (حماده ) ترددت ترد عليه ..لكنها ردت ــ آلو .. احمد ــ الو أهلين دلال ..كم قلت بكره يحن ألقاه يزيد في جفاه . دلال ـــ أحمد ..أهلين .. أحمد بلهجة الصعايده ــ النفوس راضية عليا النهار دا؟؟ دلال ـــ يعني .. أحمد ـ واذا قلت لج أن عندي لج مفاجأة؟؟ دلال ــ it depends..على نوع المفاجأة . أحمد ــ واذا قلت لج ..ان أخوج فيصل بيسافر الدوحة اليوم خالي من الشوائب .. افرحت دلال ــ صج حماده؟؟ صج ؟؟ أحمد ــ مادام قلتي لي حماده ..يعني ..رضيتي عني .. دلال ـ إحمد الله ان واسطتك فيصل ..هو بقربك؟؟ خليني أكلمه .. أحمد ــالحمدالله .. لا ..هو في الشقة أنا في الشارع ..برجع معاه في نفس الطيارة .تعالي ..شلون الغالية ؟ مشتاق لها موت . دلال ــ أمك ما اشتقت لها هالكثر . أحمد ــ مشتاق لامي ..بس في قلبي .قولي اخبارها .وشخبارج مع ريلج؟؟ دلال ــ الحمدالله . كلنا بخير ...اصطلح حالنا .. أحمد ــ يعني تراضيتوا ؟؟ دلال ــ الحمدالله .. أحمد ــ والثمن .. دلال ــ رحلة سفر .. أحمد ــ والله انكم يالحريم أكبر مستفيدين من أزواجكم .. دلال ــ انا احترم حرية الراي والراي الآخر ..وهالكلام بيوصل الغالية ..بنشوف الحرية شلون بتخليها تتصرف .. احمد ــ إياني وإياج ..أنا الحين بوقف تاكسي ..يلا ..خلي سعد ينطرنا في المطار . دلال ــ الساعة كم توصــ... لكن أحمد صكر التلفون بسرعه ... عبدالله ــ من دق عليج.. دلال ــ احمد ,,يقولي انه بيرجع مع فيصل من السفر .. عبدالله ــ حمدالله على سلامتهم ..( وكان وجهه شحب لونه )..أنا بروح لواحد من ربعي .. وطلع بعد ما بدل ثيابه ...حست دلال انه منحرج ..أكيد يعرف شي عن فيصل ..لكن بالنسبة لها الماضي خلاص ..انتهى لازم انها ماتذكر عبدالله .. ******************************* الكل اجتمع حول أحمد وفيصل اللي ارجعوا من السفر ..بتاكسي .. أحمد ــ أنا أراوي دلال ..قلت لها خلي سعد ينتظرنا في المطار .. ابراهيم ــ دلال الحين وين وانت وين .. دخلت دلال من الباب .. ـــ الغلط عليك أخوي ..كان لازم ما تقفل جوالك ..قبل لاتعطيني موعد رحلتكم ومتى توصل .. أحمد ــ يعني أنا ماقلت لج ؟؟ وسلمت عليه في هاللحظة .. دلال ـ صكيت التلفون في ويهي قبل لاأسألك ..فيصل ,,حمدالله على السلامة .. وسلمت عليه وخذها في حضنه .. (الكل استغرب ما عدا احمد اللي كان يعرف هو وحمده ) بو أحمد ــ شفيج كأن فيصل أول مرة يسافر .. دلال وهي تمسح دمعه ــ أي يبه ..بالنسبة لي اول مرة من زواجي .. بو أحمد ــ وين ريلج؟؟ دلال ــ وصلني سعد . أحمد ــ أقول لها خلي سعد يوصلنا تروح هي وتركب معاه .. سعد ــ أخواني الأعزاء من قص عليكم وقال لكم أنا دريول هنا ؟؟ أحمد ــ السموحة أخوي ..بس أختك ... دلال ــ حماده .. أحمد ــ قلت لج لاتناديني حماده ..ماني في مصر .. دلال ــ لاتخليني أوصلها للرأي الآخر .. عض أحمد على شفايفه ..وسكت ..محد فهم شقصدها .. وكان الكل مجتمع ..ابراهيم وزوجته وابنهم الصغير ..سعد ويوسف وفيصل ودلال واحمد وحمده وساره وابوهم ..وأمهم اللي شافت جمعتهم وقالت .. (( الله لايحرمكم من بعض ،انشاءالله جمعتكم على خير دايما .قولوا آميين ..)) الكل =آميين ... وتموا كلهم في الصالة يستعرضون ذكريات الفريج لما كانوا صغار ..والبيت كان يضج بصوتهم .وتعشوا ...وماكانوا يبون يقومون فتمت سهرتهم للساعة وحده في الليل ... * *************************** صكرت آخر دفتر ..وقامت وهي حاطة يدها على ظهرها ..كان فهد نام ..مثل الملاك .. الجازي ــ حبيبي ..حبيبي .أنت نايم؟ طبعا الجازي كانت تغلس عليه .. ـــ حبيبي ..حبيبي ..حبيبي .. صحى فهد من النوم وعيونه ناعسه ــ ها ..شفيه .. الجازي ــ أسألك حبيبي ..أنت نايم ؟؟ طالع لها فهد ورافع حواجبه مندهش ..لف راسه وكان يبي ينام ..بعدين استوعب اللي صار ..قام .. ــ شقلتي يالجازي ؟ الجازي ـــ أسألك أنت نايم ... ــ لا ..أنا مب نايم .. ضحكت الجازي وغطته ــارجع نام حبيبي .. طبعا بكره ما بيتذكر اللي صار كالعادة ..حطت راسها على كتفه ونامت ..مثل كل ليلة ..وهي في قمة سعاتها .. ***************************** ندى ــ سمر ..مرسييه ..كانت أفضل أيام العمر..كلها مغامرات ...وأشياء جديدة ..يارب تتوفقين انتي والمعمي على قلبه ... سمر ــــ اش..لايسمعوك ..انتي حتى ماتقدري تسندي نفسك ..خلي عبدالهادي يوصلك للطيارة .. ندى ــ ( وهي تكابر ) مافيني شي ...مثل الغزال .. سلمت على منى ونهلة وخالتها زينب وصافحت عبدالهادي .. وخطت تدفع شنطها هي وأمها اللي قالت ــ هاتي يا بنتي .أنا أدفعها .. ندى ــ لا يمه ...أنا استند عليها وأدفعها .. سمر مارضت تتحرك إلا لما تتأكد أنهم اركبوا الطيارة . بعد خمس دقايق بالضبط ..انتبهت سمر لكركبة في المطار ..تجاهلت مناداة عبدالهادي لها واركضت ..ولما اقتربت ..كانت ندى طايحه ..اغلبتها دموعها ..وكان قلبها حاس . سمر ـــ ندى ..ندى .. ندى ماترد ..وأم ندى مذهولة .. ـ ندى بنتي شفيج؟؟ شفيج ؟؟ لكن ندى ماردت عليهم .... ********************************* الحلقة الأربعون ...............والأخيرة ... ************************* طالع الساعة ..صار لهم أربع ساعات في المستشفى ..والدكتور للحين ما طلع لهم ..عبدالهادي ــ أنا بروح أشوف الدكتور . سمر ــ بروح معاك . عبدالهادي ــ ماله داعي .. سمر ــ مابقدر ..لازم أروح معاك .. طلعوا من غرفة الانتظار ..وراحوا لوين الدكتور ..كان توه طالع من الغرفة ..ودخل غرفته ..فاستأذنوا ودخلوا علشان يسألونه عن حالة ندى . Pneumonia)) .. Why you didn’t bring her before? ..we couldn’t do anything for her .. I am sorry ..she was yong She was very weak..she couldn’t survive unfortunately )) ((ذات الرئة ..لم لم تحضروها من قبل؟..لم نستطع فعل شي لها , آنا آسف ..كانت صغيرة كانت ضعيفة جدا..ولم تستطيع ان تنجو )) أول مانطق الدكتور الكلمة لسمر وعبدالهادي ..انتابتهم موجة من الذهول .. طلعت سمر . ودموعها على خدها ..وهي تصيح بقوة... ام ندى ــ ها ..شلون ندى ..شفيها بنتي عسى زكام خفيف .. سمر ما قدرت تتكلم ..طالعت خالتها اللي في غرفة الانتظار .اللي قلبها على نار ..ناطره تبي تعرف أخبار عن بنتها ..الوحيده ...... ام ندى ــ عبدالهادي ..أرجوك يمه .. منى ــ سمر ...شو صار احكي كيفها ندى .. عبدالهادي ــ.. Pneumonia منى ــ what? عبدالهادي ـــ خالتي .. ام ندى ــ شالكلمة اللي قلتوها ..وليش منى اخترعت جذييه ..شفيها ندى؟؟ زينب اسمعت الكلمة انصدمت هي الثانية .. ـــ أختي .. عبدالهادي ــ خالتي ..ندى كان عندها التهاب رئوي حاد..والدكتور ..ماقدر يسوي لها شي ... أم ندى ــ شتقول؟؟؟؟؟؟؟؟...زين وينها بنتي .. عبدالهادي ــ ............................................... سمر كانت غارقة في دموعها ...ومنى وزينب ناطرين رد عبدالهادي .. زينب ـــ تكلم ..وين ندى .. عبدالهادي طالع امه وقال ــ she's gone …. سمر صرخت بدموعها ــ خالتي ..ندى ..ماتت.......................... ام ندى كأن روحها انقبضت صرخت صرخة المفجوع ندى .......... ماتت ......................ندى **************************** اهتزت يد سعد وهو يسمع عبدالهادي يتكلم ..وجهه اصفر وعيونه اجحظت .. ــ أنت شتقول ؟؟؟؟؟؟؟ لا ..ما أصدق ..ما أصدق ..لايكون هذي مزحة من مزحاتها السخيفة .. عبيد انتبه هو ويوسف وناصر على صراخ سعد ..صكر سعد التلفون ..واستند على الطاولة ..مسك بطرف غترته يمسح الدمعه اللي انزلت من عيونه .. عبيد ـــ شفيك؟؟ عسى ما شر .. سعد تماسك ..ووقف على طوله .. ــ هذا كان عبدالهادي .. عبيد انتبه لدموع سعد اللي ماقدر يوقفها .. وقف ..هو وناصر ويوسف .. ـــ تكلم ..عسى أمي مافيها شي .. سعد ــ أمك ؟؟..أمك الحين الله يعلم بحالها .. سعد كان محتاج وقت يستوعب اللي انقال له ..فطول الخبر شوي .. عبيد ــ تكلم ..شصاير ..وليش دموعك ؟؟ سعد ــ ....................... ندى ..ندى اختك .. ناصر التفت له .. يوسف ـــ شفيها أختك ندى ؟؟ سعد ــ خلوا ايمانكم بالله قوي .. يوسف ــ تكلم انطق ..شفيها اختك؟ سعد ــ ماتت.. صرخ عبيد ــ انت شتقووول؟؟ شلون ؟؟ سعد ــ ماتت من التهاب رئوي حاد ... ناصر من سمع الخبر كأن حد صب عليه سطل ماي بارد ..ارتجف ..وماقدر يوقف على حيله خانته ريوله ..وطاح .. أما يوسف وجهه صار أحمر ..وطاح هو الثاني ..عبيد ماصدق ..التفت ليوسف وسعد التفت لناصر ..... ******************************* حل سكون غريب على البيت ..من ارجعت امهم ...وهم محتارين ..امهم ما تطلع من غرفتها ابد ..وغرفة ندى ..الغرفة الوحيدة اللي محد قدر يفتح بابها ..كان موتها أقسى عليهم من أي شي ثاني ..كانت الوحيدة والمحبوبة ..سعد يطالع عبيد اللي كان سرحان ..خالد في غرفته ماقدر يصدق اللي صار ..مر أسبوع وهم على هالحال ..يوسف مسكين ..ياته نوبة قلبية ..رغم أن عمره صغير ..لكن الله ستر ..فاطمة انهيار عصبي شديد ..ومريم صارت تكلم نفسها مب مصدقه اللي صار ..أما ناصر ..تذكر سعد لما قال لناصر الخبر ..ماتوقعه يهتز بهالطريقه ..طاح من طوله ..وبدى يرجف ..ومامسك دموعه ..مثله مثلهم كلهم ..وكان يمسك بقوة بيد سعد ..يبي يوقف لكنه ماقدر ..فطاح سعد معاه ..وهلت دموعهم ..مثل اليهال الصغار ..أيام العزا ..كانت أسوأ أيام مرت عليهم ..كانت لها معزة بين أخوانها ..وعمامها ..ندى ماتت ..محد يقدر يصدق ..ومحد يبي يصدق ..سعد طالع عبيد اللي دمعته هلت غصبن عليه ..الظاهر كان يفكر مثله ...حط يده على كتفه ..ماقدر يمسك دموعه .. ــ أدري يا اخوي ..أدري .. عبيد ــ ما ..ما .. سعد ــ ولا انا ..ماني مصدق انها ما بتنزل من فوق في هاللحظة ..ما أقدر أصدق .. عبيد ـــ بروح غرفتي ..ولا ..بطلع بره ..ماأقدر أحس أني بختنق .. ناصر كان في غرفته لليوم الرابع ..ماطلع منها ..وقافل الباب على نفسه ..كان في حالة ..ما ينحسد عليها ..دمووعه غلبته ..وهو يتذكر آخر مرة شافها فيها ..والجملة اللي علقت في راسه وتتردد ...أنت الوحيد اللي في قلبي ..طيف ندى ساكن في جفونه ..كلما غمض عيونه برز له ...في اللحظة اللي تأكد أنها له ..راحت ..وأكدت له أنها ماكانت له في يوم من الأيام .. الخبر كان قاسي على دلال والجازي ..اللي احزنوا وايد على ندى ..والبسوا الاسود لمدة ثلاثة أيام رغم أن عبدالله رفض وفهد رفض ..لكن اقتنعوا في الأخيير .. شيماء لما درت ..البست الاسود لمدة يوم واحد لان محمد مارضى ..وسعاد . اغرقت في الدموع ..وحست أنها فقدت أنسانة غالية ..ساعدتها في أزماتها دايما ..وماقدرت ترد لها الجميل ...اللي ظل دين في رقبتها .. غابت ندى ..ولها عند الكل مواقف لاتنسى ..غابت ..وهي الوحيدة اللي كانت ربطة الوصل بينهم ..ماتت ..وحيدة ..في بلد غريب ..ماتت وسببت الحزن لكل من عرفها ... ********************************** ودارت عجلة الزمن ..الي محد يعرف على ايش بترسي ..و شهر ثاني مر..والجازي بطنها كبر ..ودلال ..اكتشفت انها حامل ..وعبدالله فرح لها الشي وشالها على كفوف الراحة... شيماء حملت ..والبيت كله كان فرحان بهالحمل .. لكن محمد علق انه ماهتم اذا ياته بنت رابعه ..المهم الام تقوم بالسلامة . واحتفلوا بخطوبة خلود لناصر ... وسعاد اغرقت في السعادة ...واليوم هو خلاصها لانها بترجع الدوحة أخييرا ..اشترت للكل هدايا حست انها مشتاقة للكل ..لين رن التلفون ..وكانت الهنوف البداية سلام وشخبارش وشعلومش ..بعدين فاجأت سعاد . الهنوف ــ سعاد .خلفان أخوي كنسل خطبته بأمل .. سعاد افرحت في قلبها وابتسمت وكانت خانقة الفرحة ــ ليش حرام أمل حلوة و.. الهنوف ــ سعود ..مو علي ..الصراحة أمل ما كانت سعيدة ..ووصل كلام لامي انها رافضة خلفان ..انها ماتبي تبتلي فيه على حد قولها .. سعاد ــ تخسي مابقى إلا هي تتكلم عن خلفان جذييه ..صراحة خلفان هو المسكين اللي كان بييتلي فيها .. الهنوف ـــ خليها تولي..المهم ..أناقلت لخلفان انج بتردين اليوم ..تدرين شقال؟؟ سعاد ــ شقال؟؟..(كانت تبي تتظاهر انها مب مهتمة لكنها ماقدرت )قولي .. الهنوف ــ قال انا قلت لامي اني بخطب بنت جيراننا ..قالت لي على خير ..وقال لي قولي لها مشكورة على الهدية ..كانت أغلى هدية على قلبه .. استحت سعاد ..لايكون قال للهنوف عن الهدية .. الهنوف ــ سعاد ..وين اختفيت ؟؟ ..سعاد .. سعاد ــ ها ؟؟ الهنوف ــ ها ؟ لا ..انت في عالم ثاني اللي ماخذ عقلش يتهنى به ..الحين قولي لي ..شكانت الهدية ؟؟ سعاد ــ ليش ماقالش خلفان؟ الهنوف ــ لا ..مارضى يقولي .. سعاد ــ وأنت متوقعه اذا هو مارضى يقول لش أقولش أنا ؟؟ الهنوف ــ سعاد .. قولي لي شعورش الحين .. سعاد ــ انا ماصدقت اللي صار ..ولاقادر قلبي انه يفرح .. مثل اللي بينكوي بنار ..مع انه يعرف انه دوا الجرح . لاتسأليني عن الافكار .. و لاتحطين فوق الجرح ملح .. الهنوف ــ ليش ؟ ليش ؟؟..هذا مب حلمكم؟؟ انتي وخلفان ..انتوا مب تحبون بعض ؟؟ لازم تفرحين انه خلاص . سعاد ــ هنوف ..أنا مب متأكدة أن خلفان يحبني ..أخاف أنه يكرهني ..الحب اللي في قلبه انقلب كرهه .. هاللحظة ..حست بربكة عند الهنوف ..مرت ثواني .. سعاد ــ الهنوف ..انت مشغولة ؟؟ ـــ سعاد .. سالت دمعه من عيون سعاد لما سمعت صوته .لايكون سمعها .طالعت الباب خالها ما يا ... ـــ لبيه .. خلفان ــ سعاد ..كل هذي المشاعر خنقتيها في الدفاتر .. سعاد ـــ .......... خلفان ـــ لاتتوقعين أني كرهتج في لحظة من اللحظات ..أنا مستحيل أكرهج .. سعاد ــ لكن .. خلفان ـــ الدفاتر كأنها نستني كل اللي صار ..دموعج اللي خليتها على مخدتي ..كانت كافيه اني انسى كل شي .. انحرجت سعاد ..فكمل خلفان وهو يحس يحرجها .. ــ اليوم لارجعت من السفر ..بروح أطلبج من أبوج ..سعاد كلمة وحده وبصكر التلفون ..أنا أحبج .. سعاد ــ خلفان ..لاتصكر ..أنا أعزك وايد ..أنا أحبك .. وصكرت التلفون وهي تتخيل ملامح خلفان شلون ..و كلمته احبج شلون تتردد في راسها مثل الصدى ..ولقت نفسها تردد اللي قي بالها من فرح سعادة .. ((فرحة اليوم تسوى عندي كل الأيام.. اليوم القلب بيرجع لصاحبه مع كل الأحلام .. اليوم .أنا عروس الدوحة برفع كل الاعلام .. وأعلن وصولي بقلب غارق بالشوق والغرام . .. اليوم ..أنا برجع ومعاي كل القصايد والهيام .. اليوم أخيرا بترجع لروحي روح المحبة والسلام ..)) ************************** |
طالع الطريق الطويل قدامه ..وزود السرعه ..اووصلت اميه واربعين .. كأنه يستعجل الوقت ..الوقت اللي مر عليه أبطأ ما يكون .. بالنسبة له ماعاد للحياة طعم ..بالنسبة له ندى كانت هي الحياة ..شلون ماتت ؟؟بهالسرعه ؟؟والايام شلون مرت بهالبطء؟؟ مب عادتها ..ندى طول عمرج تفاجأيني ..طول عمري وانا منتظر هاللحظة ..بأي حق ..تحرميني منها وتروحين ....انت كنت الندى اللي يرويني ..أنا ..شجر الصحرا الظميان ... وحط الشريط . في المسجل ..وشغله على اغنية وحيده ..تكرر نفسها ...ويغني الجسمي ... والله مايسوى ..أعيش الدنيا دونك .. لا ولا تسوى حياتي بهالوجود ..دامك أنت اللي رحلت وكيف بصبر ..على البعاد وكيف ...بنثر هالورود .. ماوعدت انك تقاسمني المحبة ..وتبقى لي حب ولدروبي دليل ..بس حسافة الموت كان أقرب وأرحم ..حسبي الله وحده ونعم الوكيل .. روح أنا راضي بغيابك يا حياتي ..هذي قسمة لي وهذا لي نصيب .. كنت شمعه تضوي وتشرق حياتي ..انطفيت ورحت في وقت المغيب .... انتهت . اهداء : إلى أغلى الغاليين .. دلال بنت الخالة العزيزة ..وإلى أختي الوحيدة .فاطمة ..وإلى إيمان ومريم وشيوخ وأميرة ...أحبكم وايد .. كلمتي .... لم اتعمق في التفاصيل ..لكي لاتمتد بنا الصفحات إلى ما لانهاية ويصبح مسلسلا مكسيكيا طويلا........ القصة عن خمسة نساء..خمسة تجمعهم غرفة واحدة في المدرسة..وتفصل بينهم العديد من الكيلومترات خارج المدرسة.... بالرغم من انهم مدرسات ...لكنهم في الاصل ..نساء..لكل منهم معاناتها الخاصة ,,التي تكتمها بين جدران منزلها .. دلال : العصبية المعطية ..,, الجازي : كانت المحبوبة ..القنوعه .. ندى : المتواضعه ..المرحة . سعاد : المنعزلة..المغرورة شيماء : الهادئة ..الحنونة .. وانتهت قصتي ...وابتدأت قصتهن .. |
Tammat bi7amd Allah incha'Allah ta2jebkom Astanna rodoudkom 3aaad :YkE04454: |
شكرا على مجهودك ..... سأقرأها ثم ابدي رأي و ان كنت من المتحمسات للكاتبه سهر الليالي 84
|
اقتباس:
El3afw we incha'Allah mech bach tendami ba3d ma ta9riiha li2annha 7lowwa barcha' :YkE04454: |
يسلمووووو والله يعطيك العافية ويعطي سهر الليالي العافية راح أبدا قراءة الرواية بعد الانتهاء من الرواية التي بيدي |
اقتباس:
Allah y3aafiik 7abiibti charrafti we 2aanesti Nawwarti mawdhou3i bi-talltik el7ilwa :flowers2::YkE04454::flowers2: Astannak incha'Allah |
لله يعطيك العافية ........... وتسلمو على الاختيار الموفق
|
اقتباس:
:flowers2::flowers2::flowers2: machkoora 3ala almoroor:Thanx: |
رد: نساء من هذا الزمان ، للكاتبة : سهر الليالي84 ..
تسلم ايدك حبيبتي روايه رائعه جدا
وقمة التميز ووفقك الله |
رد: نساء من هذا الزمان ، للكاتبة : سهر الليالي84 ..
روايتك رائعة جدا وحزنت على وفاة ندى
|
| الساعة الآن 12:08 AM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية