[خـيـانـه فـي خـيانـه]

قلبك يغـرّك وانـت فالحـب تحتـال
وشلون شايل بيـن الاضـلاع قلبـك
مدام مالك بالهـوى ( فـيّ ) وظـلال
مايختلف لو شفـت سلمـك وحربـك
كنت احسبك تعطي على كل الاحـوال
واثر العطـا مـا وافـق بيـوم دربـك
عشتك ( ألم ) كلك متاهـات وهبـال
معنى العذاب وجايـر الهـم .. قربـك
طبعك تجاوز للاسف طبع ( الانـذال )
ليتك تحـس بحـرّ ( نـارك ) وكربـك
في داخلي يبني لـك ( الكـره ) تمثـال
بين ( الحنايا ) لـو تصـورت .. يربـك
خنت العهود وجيتني ( حيل ) تختـال!!
الوجه شرق و ( نيتـك ) يـم غربـك
غدرك معك في داخلك ( حي ) مـا زال
ماهو غريب ان صار ( زادك ) وشربـك
لا تحسبن جروح .. مثلك علـى البـال
من صد ( جيشك ) قادر إيبيد ( سربك )
مات الشعور ولا بقى فيـه ( مثقـال )
تعبت اجامل .. وادفع ( اتعاب ) كذبك
خذها صريحة واصدق القول .. ينقـال
هجرك دواك وزايـد ( البُعـد ) طبـك
وش تنتظـر بالله .. يـا متعـب الحـال
إرحل ولملم .. مـع بقايـاك .. ذنبـك
ماعاد قلبي ينظـرك ( عـزّ ) واجـلال
لو ( مت ّ ) عنده ترتجي .. ما شعربـك
فرصه عطيتك وانتهى وقت ( الامهال )
اعلنت فيها ( للملأ ) مـوت .. حبـك


تحياااااتي
__________________