|
موسوعه ابوذيااااات
أأمرني ولبيلك عسلبيك وعساهن بيه يلتمن عس البيك حنظل لو ضكت خدي عسل بيك وضحكتك للنحل وصفه شهيه ::::::::******:::::: كم مره يزعل مني واراضي ويدلل على گليبي واراضي مابقت عندي املاك واراضي بعت حتى هدومي العـليـه حبيبي الدهر بجفاكم بلانه قدر مـكتـوب من الله بلانـه شـلون تنام يالغالي بلانه؟ وماتحن لصدري وضـمة ايديـه دنياك ياصاحبي منه سهم صابني ولا من صديقي شفت يوم الدهر صابني لاواني غصبا علي تحت الصخر صبني كلهاذ ومايكتفي ولفني بحبل وكتاف مثل حر بشبك طاح وكع بكتاف مكرود رجل الذي مالو سند وكتاف يزلك زلكات الذي تحت الجدم صابني حسافه احبابي ظالم علي ولات حكمني بحكم عاد وهبل ولات الدنيا دار البخل والمال ولات ولا دار الفناهه من اجت هيه طبعك مو شجي و گتلك شجاني اشجنيت وياك شو گلي شجاني امس چنت انحضن ونشم شجاني گنفذ والحضن حسره عليه روحي من الصبر ملت وعدهه على ظهورك يبو صالح وعدهه ليالي الشوك احسبهه وعدهه بليهب الشوك نتجوه سويه يدهري ثبت احكامك عليدين ازحفلك لو تناديلي عليدين تعبك هذا وياية عليدين يظل برگبتي حد المنية اظن انتة محبتي ماتملها بعدك روحي صدك ماتملها عزى انصب لروحي ماتملها صدك لو رحت من بين ادية وكعت وصحت انة الك اخ اخ تأذيت وبجيت هواي اخ اخ حسافة تعوفني يا خوي اخ اخ اذا بأول مصية نكتت بية احبك واليحب روحة نحلهة العكدة ننظربحلهة ونحلهة اذامشكلة حبنة مانحلهة ولك خلص صبري ودشوف صار بية __________________ |
وفي گلبي وغير صادق مايصادق وصدق وعده ويه كل صادق مايه صادق نخيت اندب صادق ما يصادق صديق الصدگ دايم يظل ليه عسل وبحلگي وكتي مرجعلكم ومرجعكم الگلبي ومرجعلكم چنت أية بهواكم مرجعلكم خذيتو منين فتوة وخنتو بية تدري أشكد الك كلبي ولع ضام أزغار أجروحي يهونك والعظام أموتن وأندفن وأعتك والعظام تحضرلك زحف لو صحت بية نفسك دوم حاسبهه ولمه تره من ايدك مسرتهه والمهه **** الي حرص عالدنيه والمهه وغني الينفع برزق بلا شجيه حديقة بعلم رب الكون ظليت.... وعلى درب العلم ياناس ظليت... شجرة وبس على العاوين ظليت... وصرت سايق مخدة وجودلية.... عليهم عليهم احبه واشتهي شوفة ووصله كطعة من الجبد صاير ووصله اريد بيوم اشوفنه ووصلة الباب الدار واخذله تحية صديقك لو غلط وياك عتباه وجدمك لا يدوس لباب عتباه اذا مرة زعل وياك عتباه لان زعل الاخو موهين علية حسافه العمر دونك يا هوانه يا عشكنه يا حجينه يا هوانه دخيل الله انته كلي ياهوانه وهويتك ليش وشجابك عليه :::::::::::::::::::: الك حن الگلب يسمر والك مال وذاب الگلب من هجرك والك مال ولاني ناجح بحبك ولااكمال ولاراسب واگلك حيل بيه :::::::::::::::::::: كافي جفة يحبابي بس عـــــــــــاد ودعي من رب العرش ايامكم بسعاد عهدآ عليه اذا الغالي بس عــــــــاد احني جفوفي ودوس المنيــــــــه ::::::::::::::::::: اريد اسير نهار بصيف خيال وعلى ام ظهر الوسيع وشعر خيال يجم مهره تبات بغير خيال ويجم خيال راكبله رديه __________________ |
أظل ابرى لعد طوله ملاله __________________ومن مثلي بكؤوس الحب ملاله الصدگ ياناس ماني تركت ولفي ملاله جنه ذنبه ووجب تركه عليه منسل تعال انظر شعر خلي منسل ودمع عيني فلابطل من السيل شكوشصعب مرض يسمر من السل سرى بعضاي من فرگك اليه تبسومبرخص ثمن ساموني تبسوم وأرى ثغرك على حالي تبسوم اجروحك ما كفن كلهن نبسم يمزق مهجتي بيهن منيه ولاون حادي البل حدب البل ولاون حداهم مادريت المن ولاوين احه مااكول من جرحي ولاون لان دواي عند شمات اليه ولو لاك انا معرفت تاليك ولو لاك وعس لاسلطك ربك ولا ولاك يظالم اوجرت بي ولو لاك ضعف الحال مابين عليه ياصاح گلبي انفطر بيها اسكنت ارضه من يوم شال الولف ماتنعرف ارضه ياترف بس عود الي ازعل علي وارضه ترى بجفاك الجفت صعبه يصاحب ارق انت تظل بعيني اجمل واحسن وارق وانت النبض للگلب مو بس كتابه ورق والله مابدلك بكنوز السما وارضه اريد احف الجدم خلف الضعن ساري على الي احبهم بوسط الگلب ساري بجاه النبي الذي بسابع سما ساري لادار له تعمر والحزن عدهم دوم اني الگضيت العمر اركض وراهم دوم لاترجي من البنات عشره تراهي دوم تره ماجن وسط الخله ريمه اتركت ساري طيرين بسما الحب حلكناو--طرنه موكل يوم نطريك؟ فد يوم --طرنه كسمنا الشوك من بعدك و --طرنه كافي من البعد ارجع اليه ولمساك وحك رمضان وصيامه ولمساك ابد ما املن صباحك ولمساك يسويه الوكت خايب ولمساك وتصير الجنه خايب بين اديه بنينا ابيوت للخطار يومن ماندري عشانا ادخار يومن ترى الشده على الطيبين يومين تنگضي وال*** مشتوم ابيه وحك نرجس و ابنها الراح مارد سهم ضيم الوكت بحشاري مارد غير ابن الحسن خيال مارد لان بس بيده مفتاح القضيه حبيبي بسك امن العتب واللوم زعلت وأذه زعلك گلبي واللم تعال وخل نجمع حبنه واللم تره افراگك بده ايطول عليه على دهري چنت آمر واگوده ولناره اصبحت هسه وگوده چنت بيدي الزم الجاهل واگوده وهسه ايگودني الجاهل بديه حبيبي بس الك هالگلب وايميل وعالفرگه ايتموج دمعي وايميل ماطالب رسالة ادزلي وايميل فرد مسكول لاتبخل عليه سبحانه الخلق حسنه ورقته وكلامه العذب داواني ورقته تمنيت بكتابه اصبخ ورقته وكل ساعة يحط عينه عليه شوصفه بياشعر يرهم وگصه علي من فات گلبي بموس گصه شنو التسريحه لبشعره وگصه تهد الحيل ابد مو طبيعيه أضل اكتب شعر للزين ونشد واضل اسأل على الزينين ونشد وأصير احزام وكت الضيج ونشد وتزيد اهمومي من تبعد عليه مهلة انطيني وصبرلي لعلماك اخاف اتكول مايدري لعلماك آنة السارية الواكف لعلماك من اطيح اطيح خركة على الوطية |
تحياتي الك ياعلي ومشكور على مرورك المميز
|
العراقية هههههههه ابتعرفي
لك كل فكري ابو ذيات اسم شاعر والله قاعدة بسال مين هوي هالشاعر الا هيي كلمة عراقية تسلم اديكي عزيزتي بانتظار المزيد ،،، |
| الساعة الآن 12:14 PM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية