منتديات ليلاس

منتديات ليلاس (https://www.liilas.com/vb3/)
-   القصص المكتمله (https://www.liilas.com/vb3/f717/)
-   -   برد وجفا ونسمة هوى ، للكاتبة : وصيت قلبي عليك .. (https://www.liilas.com/vb3/t40061.html)

brune 24-05-07 10:19 PM



وبوم اذن المغرب جاو البنات واكتملت شلة ألنس..وراوين خذتها فرصه ووزعت الهدايا لهم..وصح أنها تضايقت من غلا بسبب سالفة امس..لكن مسرع مانستها لأنها أعتبرتها امر سخيف بالنسبه لأمورها الثانيه
وجمانه مانست سالفة السفر وشنت حمله على الكل عشان تطلع وتغير الجو..
وهالعدوه انتشرت للبنات كلهم..وصاروا صوت واحد..وكلهم مصرين انهم يسافرون أو يتمشون..
وطبعا محد من الحريم سمعهم..والرجال دوامات طبعا...
ومابقى غير الشباب وكل وحده قررت تقول لأخوها يمكن يرحمونهم شوي ويطلعونهم..!!
لكن عمتهم هند عرضت عليهم فكره...لكن جمانه كانت أول المعارضين..
جمانه\لاااااااااااااااااااااااااااااااااااااا..ماأ بي..ماأبي نروح راس تنوره..زهققق انا أبي أسفر مو أرجع البيت..
هند وطنشت بنتها الخبله\بنات تركوها..اذا جيتوا السكن هناك..بنطلع البحر..وبنشوي..وبنمشيكم كل مكان تبونها..وحتى السينما بنوديكم..
عجبهم البنات عرض عمتهم..وفرحوا..على ألقل شي..أحسن من لاشي..
لكن جمانه ماخلتهم وقرقرت براسهم..انه زهق..وحر..والسينما ماتعرض غير أفلام قديمه..
وشوي..شوي بدت تقنعهم..
هند\ها..وش رايكم بنات..
فجر\كيفكم..اللي تبونه سوووه..
ابتسام وتأثرت بكلام جمانه\لا بحر..حر اللحين..!!ماعندكم مكان ثاني..!!
هند عصبت..وعرفت انه بنتها أقنعت البنات.. وعشان كذا ماحبت تصر عليهم لأنه البنات شكلهم يبون يغيرون جو بره\على راحتكم..ومتى مابغيتوا..تجون بيتي حياكم الله..
ابتسام\ان شاء الله نجيكم مره ثانيه..!!بس عمتي تكفين أقنعيهم يسفرونا..وبضيق واضح...والله زهق..
هند واشرت بعيونها\من عيوني..بروح وبقنع الحريم..
ابتسام\تعيش عمتي..ياحضك ياحمانه فيها..
جمانه\أحم..طبعا..وهي طالعه علي ..أوووه قصديز.اانا طالعه عليها..!!
ابتسام وبسخريه\واضح..!!
غلا وأخيرا تكلمت وبدلع كالعاده\أنا عندي فكره..!!وياويله اللي يقول لا..!!
البنات وعلى طول نتفس صوت غلا المايع وهم حاطين أيدهم على وجههم\وش هي....!!

غلا ورمشت بعوينها\....البحـــــــــــريــــــــــن..!!
:::::::::::::

انتهى
اختكم\وصيت قلبي عليك



ذقت الغربه أيـــام..وحسيت بالمراره والألم وجرح الذات..!!
وذقت الفرحه ساعات..وحسيت أنه الكون بايدي..وان شاء الله تلقونها..!!

لكن الغربه مو غربة وطن فقط..!!

الغربه غربة اهل وامان وندم وأخوان..!!

الجزء الرابع عشر
===========


كانت ماسكه طرف أصبعها اللي يقطر دم وتحاول تظغط عليه بلفافه عشان يخف هالدم اللي ينزف..لكن تصدقون...!!ماكانت تحس فيه..لأن اللي في القلب جروح غطت على هالجرح..في القلب جروح العالم كله..
جاها ولد أخوها اللي كان حاضر الموقف..ومسك اصبعهاوخذ اللفافه ولفها بكل قوته وشد عليها..وهي تشوفه وماسكه نفسها...مأتبي تضعف قدامه..لكن..توها تحس بالألم..كان يضغط عليه من جهه وهي تصرخ الأهات من جهه ..لكن حتى الصرخه اللي كنت تصرخها مكتومه..محد يسمعها..
لكن دموعها هي اللي أستسلمت ..
مروان بحزن\عمتي..تمسكي شوي..شوي وبيخف الألم..!!..عمتي لاتصيحين....!!
ياسمين وحاولت تقاوم دموعها\حبيبي....أنا مافيني شي..بس الجرح حرقني شوي..!!
مروان\كل هذا ومافيك شي..عمتي أرجوك لاتكذبين علي..بعدين كيف رضيتي له..ليه ماوقفتي في وجهه..
ياسمين ولازلت تتألم لكن ماسكه نفسها وراصه على عيونها\لا يامروان..لاتقول كذا هذا ابوك.. وبعجز...واذا سمعك أكيد بيزعل..!!
مروان وصرخ\يخسي..يخسي يكون ابوي..!!هذا مجرم..مش أبـــــ....
ياسمين وسكرت فمه بايدها\لا..لا يامروان...لا تتعلم القسوه..أرجوك..!!
مراون\وبعدكل هذا وتدافعين عنه..عمتي كان بيذبحك..وصرخ..وانتي ساكته...!!
ياسمين وبقلة حيله\ماكان يقصد..هو قط السكينه وجات بــ اصبعي..!!..بس..
وبعيدن انا الغلطانه...كنت اشوفه معصب وهو جايني المطبخ .. ولا رديت عليه وهو طبعا اكيد بيثور من تجاهلي له..ومامسك نفسه وغط السكينه بدون مايقصد..بس هذه الحكايه..
مروان وماسك راسه\عمتي..كل هذا وتقولين بس...عمتي..لين متى..لين متى قولي لي..!!ونزلت دموعه وهو عاجز وماابيده شي..
ياسمين أحتارت ماعرفت كيف تسيطر على الموقف... وبعجز..وضعف حيله ضمته بأيدها اليسرى..والمشكله أنها عاجزه تهدي نفسها\امسح دموعك ياحبيبي...ماأبي أشوفهم...أمسح دموعك...والله الوحيد العالم بهالظلم اللي نعيشه..!!
مروان ضم عمته أكثر وهو يبي يحس بالأمان اللي مو بحاسه ونسى جرح عمته..ونسى أنه جاي يواسيها..وهي اللي واسته\عمتي..كفايه..انتي عانيتي كثير..واستحملتي مشاكلنا كلنا.....ليتني بس..ليتني بس أوقف بوجهه واقوله ..حرام عليك كفايه ظلم..!!
ياسمين ونزلت دموعها ثانيه بمراره\مين قال أحنا ماأبيدنا شي..!!أصبر يامروان.. .....ان الله مع الصابـــرين..!!
مروان أبتعد عن عمته شوي ..يبي يشوف أي شي من علامات الصبر ..لكن مالقى غير..الأسى اللي بعيونها\وانتي..بتصبرين..!!
ماردت عليه..لكن تمتمت بكلمة ايه..وأخنقتها العبره..وظلت ساكته..!
مسك مروان طرف اصبع عمته..وضاقت عيونه... لحد اللحين ينزف,,!!
مروان\عمتي..شكل النزف قوي..
ياسمين وهي تمسح على شعر مروان\قلت لك لاتخاف..شوي وبيوقف النزف..!!..
لكن لحد هاللحظه مروان مش مصدق عمته..هي تقول شي..واللي يشوفه من نزف شي ثاني..!!
ياسمين وحست فيه \ياربي على هالولد..مروان..
مروان وهو زعلان\نعم..
ياسمين وخلقت ألأبتسامه وطربت بصوتها\مافيني شي..مافيني شي..حبيبي لاااا..تقلق علي...!!
جرح..(وناظرته)..في طرف اصبعي..(واشرت على أصبعها)بيطيب ويمكن يختفي...جرح في طرف أصبعي بيطيب ويمكن يختفي..!!(ومسكت ايده وبعيونها نظره حنونه)...لما ايدك تلمس أيدي...لما ايدك تلمس أيدي..وسكتت وهو ابتسم..
وكملت بداخلها..
ظحكتنـــــــي..
لوتشوف جروح قلبي وش تقول..!؟
لو تشوف همومي وثقالي الحمول..!؟
لو تحس بضمى روحي لفرحى..!؟
كان صابك من مقاومتي ذهــول..
:::::::::
ياسمين\واللحين..ممكن تروح لغرفتك....!!
مروان واعترض \لا عمتي..بزهق لوحدي..
ياسمين \طيب ياعيون عمتك..بنجلس ربع ساعه زياده..!!وش رايك..!!
مروان بابتسامه\وأنا اقدر أقول شي...وغمز بعيونه بطفوله..سكتيني؟؟

مروان..عمره 12 سنه..
تقدرون تقولون أنه أسم لولد بندر في التبعيه لكن اللي ربته وعلمته وخلته رجال بعين الكل هي ياسمين..
وعشان كذا هو قريب لها بدرجه غير طبيعيه..

جرحــ فيـ طرفـــ أصبعيـــ بيطيبــ ويمكنـــ يختفيـــ
:::::::::::::::::::::




كنت بالسياره اللي توصلني للشقه..
ورجعت افكر باللي صار لي مع الدكتور سمير..!!وكانه جبل عالي وشامخ مكبوت بقلبي
صدمني بسؤاله..!!؟
مين أنا..!!عشان يعرض علي هالعرض اللي بيكلفه مبالغ باهضه..!!
أوكي.. قلنا أنه فاقد الوطن..والأهل...
قلنا انه وحيد..وكريم..وطيب..وغني وهذا حطوا عليها مليون خط...!! لكن ماتوصل لهدرجه..!!
وايش بيستفيد اذا ساعديني..!!
أكيد فيه مقابل..
أكيد..وخصوصا بهالزمن..!!وأنا ذايق هالشي..وكان المقابل أني خسرت 11 سنه من عمري..!!11 سنه..والله يعلم وش ورى هالخساره...موته..أو فرقى طول العمـــــر..!!
أنا لازم اعرف ..ماأبي أكون ساذج والأشخاص هم اللي يمشوني..والمؤمن ماينلذق من جحره مرتين..!!
ودي أفض كل شي معاه..وارتاح..لكن اعرف أنه الخسران الوحيد هو أنا..!!
سحبت نفس عميق بوهن وأنا ارثي على حالي وتشتت افكاري..
يارب..!!والله محتار..وش موقفي اذا واجهته..لازم أفكر عدل قبل ماأتخذ أي خطوه..!!
واحمد ربي ألف مره أنه يوم سألني طلع على طول لأنه جاه تليفون من الشغل حقه..والا كان أتهورت ورديت عليه برد أنا مش مستعد له..
والمشكله أني متأكد أنه بيسألني ثاني مره..وبيعرف أني فكرت بالموضوع..
يعني.!!
لازم أفكر..قبل مأاتواجه معاه..!!لازم..
ياربي..ساعدني..!!
أحس متعلق..متعلق بنهاية خيط ..وهالخيط بيجي يوم وبينقطع
مين الجأ له..ومين يسمعني..!!
(وبحزن طفر منه)الله يذكر ايام اول..كنت مرتاح البال..مكان عندي شي يشغلني..!
كنت بلاهموم..(وأبتسم على هالذكرى)
كنت مدلل..محبوب والكل بحسدوني على هالصفه..
لكن وش أستفدت من هذا كله..!!
ولاشي..!!
ولا شي استفدت..
الغربه هي اللي وصلتني لهالطريق..(وبصعوبه كمل)
وهي اليوم اللي خلتني وحيد..ماعندي أحد الجأ له..ولا أحد يفهمني..ولا احد أشتكي له..
ماعندي غير..ريشه افرغ فيها عواطفي..ولوحه أتامل فيها لمن يفيض عندي الحنين واشتاق..!وتذكر اللوحه بحنين..
وياعذاب هالشوق..اللي يقتلني حسافه وندم على اللي فات..!!
......
أنا ماأنكر وجود لؤي.والله الوحيد العالم وش حالتي بدونه..
لكن فاقد الأم..فاقد ألأبو..فاقد كل ماضي كنت اعيشه..!!
فاقـــدهــم..وربي فاقدهم..
:وبحسره..والم وضيع:داس على قلبه فيها..قال:
لو كان ابوي جنبي..موجود..كان ماأظطريت التجأ لأي احد..
ولو كانت أمي قريبه بحياتي..كان رميت نفسي بحضنهاوصحت..
وصحت لمن أحس أني مرتـــاح..
ويااااابعد هالراحـــــه..اللي أبيها..!!
/
\
/
وبعد فتره حسيتها طويله.. وصلت الشقه..
ورسخت في بالي أشياء كثيره..!!ولازم اغتنمها..!!
والا بتفوت محطه ثانيه من حياتي..."
==============




بعد مارمت غلا القنبله اللي سموها سحريه البنات..طاحوا عليها من وناستهم..وشوي وبيشقوقون روحهم من الفرحه..ومسكينه غلا ماقدرت تتنفس..وعصبت عليهم..لكن لاتخافون مو عشان أنها أختنقت..لا..!
عشان شعرها خرب ومالها خلق تظبطه..!!
غلا بنعومه ممزوجه بعصبيه\جمانوا..وخري عني..خربتي شعري..وخري..!!ليتني ماتكلمت..!!
جمانه بطنازه\شسوي ياقلبي من الفرحه والا أنا ماأواطنك..!!
غلا وحمر وجهها من الغيظ\يعني أنا اللي ميته عليك..!!
..done جمانه ومسكت كتوف غلا بدفاشه\أقول غلا خلينا نعقد فترة هدنه لحد مانروح البحرين وبعدين يصير خير
ياأخوك..اهم شي نطلع..!!done غلا بضحكتها الدلوعه\ههههه..حلوه هالكلمه..كثري منها..
فجر وتبي تغايضهم \وانتوا مصدقين نفسكم كثير يعني..!!أقول لاتحلمون كثيير..راس تنوره وكثير عليكم..!!
ابتسام بتوتر\ياربي..فجر..تكفين لاتحطمين مجاديفنا..خلينا نحاول ويصير خير ساعتها..!!
جمانه وولفت على فجر بتهديد\علمن يوصلك ويتعداك يافجر..والله ياويلك أني قلتي ماتبين تروحين.. ونعست عيونها وهي تتذكر شي قريب....موتسوين نفس ذيك المره طلعنا وجلستي بالبيت..!!
فجر بابتسامه\أفكر..!!
راوين وبان التعجب بعيونها\اي طلعه..واي روحه..متى صار ..!!
جمانه وتبي تقهر راوين\ويه فاتك..طلعنا..وطلعنا..وطلعنا..
راوين\وين طيب..!!
جمانه \أقولك لحظه..ورحنا..وشرينا واكلنا,,!!
راوين بقهر\حسبي الله على بليسك وين..!
جمانه وماسكه ظحكتها\صبري..وشرينا ملابس حق الكليه..وكلنا من كانتون..أممم و بعد أيش سوينا..!
ونجحت خطة جمانه في قهر راوين\خلاص..ماأبي أعرف شي..!!
ابتسام ورق قلبها لراوين\تركيها ياراوين..جمانه متخصصه في رفع ظغط الجميع..رحنا جيان..تمشينا شوي فيه ورجعنا البيت..
راوين وناظرت جمانه\ماااااااااااالت,,
جمانه وغمزت بعينها بكل جرأه\أمووت انا في اللي ينقهرون وويستسلمون بسرعه..أحبهم والله..
ابتسام بصراحه\والله ماينفع معك ياجمانه غير هالأسلوب..!!
غلا ورمشت بعيونها\المهم شفيكم تضيعون الوقت..يالله خلونا ننشر الخبر..مافي وقت..
فجر بثقه \ماله داعي ننشر الخبر..عندنا اكبر ثنتين حنانات بالعايله وهو بيتولون المهمه..
غلا+جمانه بفضول\منوا..!!
فجر وفيها الظحكه\...انتوا طبعا..!!
غلا+جمانه وبؤبؤ عيونهم شوي وبيطلع \أحنـــــا..!!
ابتسام\هههههههههههههههههههههههههه صدقتي يافجر..ماله داعي نتعب روحنا انتوا عن عشرين بنت..!!
غلا باعتراض\لالالالالا أحنا ماتفقنا على كذا..كل وحده فيكم بتكلم أخوها..والحريم عادي..بيرضون بالنهايه..!!
ابتسام وسكتت\طيب فكونا..يالله تفرقوا..كل وحده تدق على أخوها..
جمانه بدلع\وأنا طبعا بدق على خالي...حبيبي..سلطان..
فجر\ماله داعي تدقين ليه..أنا توني شايفته بالمجلس..
جمانه وقامت\والله زين..بروح اشوفه..
وبكذا اتفقوا البنات أنهم يستلمون المهمه الصعبه ويبدون باقناع اخوانهم..
وطبعا غلا أستلمت المهمه بدال فجر ودقت على هيثم..
وابتسام دقت على الوليد
وجمانه بتكلم سلطان
وبقى راوين اللي ظلت جامدة الملامح....!!
==========



كل وحده تكلم اخوها..والحريم عادي بيرضون بالنهايه..
كل وحده تكلم اخوها..والحريم عادي بيرضون بالنهايه..

هذه الجمله أنعادت ألف مره في بال راوين..!!
تحسها صعبه..صعبه كثير..
معقوله تقدر تكلم أخوها..!!
معقوله تقدر تحط عينها بعينه..!!
مستحيل طبعا..!!
أخوها..مو مثل أي أخو..!!
أخوها تركي..
تركي الصعب..
وبكذا أنقطع الأمل الوحيد عند راوين ..ومن البدايه استسلمت واعلنت أنهزامها..!!وبان الحزن بعيونها..
فجر مسكت ايد راوين وهمست بأذنها\راوين..!!
راوين بحزن وخيبة امل\همممم
فجر\شفيك حبيبتي..!!
راوين\ولاشي..!!
فجر ورصت على ايدها وبنفس نبرة الصوت\..متأكده..
راوين وغمضت عيونها\فجر..خلينا نطلع شوي احس أني مخنوقه..
فجر\أوكي..وقامت وظلت ماسكه ايدها..لمن طلعوا بعيد عن عيون البنات..
وجلسوا بالكراسي اللي بالحوش...
راوين ساكته والحزن واليأس باين بتقاسيم وجهها..
وفجر نفس الشي ساكته أحترام لصمت راوين..
راوين بضيق\..فجــر..أنا ماأقدر أروح معكم..!!
فجر بابتسامه \والسبب..!!
راوين وحست بصعوبه بالكلام\فجر..أظن أنتي أكثر وحده تعرفين ليش ماأقدر اروح معكم..!!
فجر وقربت منها وحسستها بالأمان بمسكة ايدها\أنتي قصدك أهلــــــ...
راوين وقاطعتها\أيه..
فجر وتناظر النحله اللي بالزرع وكيف تنتقل من ورده لورده\راوين..شوفي..الحياه صعبه..وفيها ممرات كثيره ..وكل ممر يختلف عن الممر الثاني..لكن الذكي اللي يقدر يتجاوز هالممر بسهوله...واكبر مثال ممكن تتصورينه.. (وبصعوبه كملت)....انـــا..
راوين باستغراب\كيف..!!

فجر وعينه ثابته لقدامها\أنا..طفوله صعبه..ومراهقه مجنونه..طفولتي كانت حلوه..لكن بنفس الوقت مره..ومراهقتي كانت مجنونه..راوين..الكل يعرف بقصتي..وماأظن..أنه احد يقدر يمسح الماضي.لكن اللي أبي أقولك اياه..على كل اللي مريت فيه..قدرت اتجاوز الممرات..وقدرت أكسر كل حاجز..ممكن يقتلني.انا ماأنكر أني أمر بلحظات ضعف كثيره..لكن قدرت..وصدقيني..كل أزمه تمر علي..خلتني أصير اقوى واقوى..
راوين وصابتها العدوه وظلت تتأمل بالورد\بســ...!!
فجر وتجاهلت كلمتها\راوين ابيك تكونين قويه..ابيك ماتستسلمين بسهوله..فكري..قاومي..حتى لوطحتي...قومي..وشدي الهمه..وثابري. لمن توصلين للي تبينه..!!لاتكونين مهزوزه من اول موقف يمر عليك.خليك اقوى..وأثبتي لمن توصلين للي تبينه..!!...............واللحين فهمتي,,!!
راوين بعيون تلمع\فجــــر..تدرين..!!.وخانها التعبير.........انتي صج فجــــر...!!
فجر وفهمت عليها لكن حبت تتغيبى شوي\طيب انا أدري أني فجر..!!
راوين وعصبت\يوووووه فجر..!!
فجر\ههههههه طيب..خلاص..ياربي صج اذا قالت جمانه..تعصبين بسرعه وتردين احلى وأحلى..
راوين وابتسمت وهالأبتسامه خلت وجهها أحلى\شسوي بعد..انا كذا..أستحملوني شوي..
فجر بابتسامه\واحلى استحمال..
راوين\ههههه طيب أمش نروح لهم..اكيد قلبوا البيت علينا اللحين..
فجر ووقفت\يالله..وزي ماقلت لك..حاولي..ولاترجعين ورى من أول محاوله..!!
راوين \...ياأحن روح..واطيب قلب... أوعدك.!!ومسكت ايدها وابتسمت..يالله ندخل..
================



وبعدين..!!
ابتسام وصابها قهر من برود أخوها\الولييييييد..وعمى..أنا اختك الكبيره وغصبن عنك بتوافق على اللي أبيه..!!
الوليد وضحك على عصبية اخته\هههههههه بسوم..شفيك..أنا ماقلت شي..حرام اقول بعدين..!!
ابتسام وودها تشوف الوليد عشان تذبحه\لا مو حرام لكن اسلوبك ينرفز ياأخي..ذكرتني بجمانوا..!!المهم..أنت وينك اللحين..!!
الوليد وفرح بهالأقتران اللي بينه وبين جمانه حتى لو كان سخيف لكن مابين\انا كنت بالنادي..وجاي لعندكم..
ابتسام\طيب الوليد..وبترجي الله خليك..الله يخليك..كلم الشباب باسلوبك السحري..وبصوت بدوي...تكفى..!!
الوليد ويقلدها\تكفى..!!
ابتسام وفيها الظحكه لكن مسكت نفسها\أيه تكفى..........وماقدرت...وظحكت...هههههههه وليد أنا أختك الوحيده..ياحبيبي يالوليد..
الوليد وسكتها\طيب بس بس..لايجيني شي غير تكفى وحبيبي..!!
ابتسام\هههههه يقطع بليسك..يالله تعال,,,
الوليد ويمثل العصبيه\زين...زين....صمختي أذني..أررررررف..والله مصخره..ودلع بنات..وقفل السماعه بوجهها..
مسكت ابتسام تلفونها بكل قوتها..ومابقى سبه الا سبة فيه اخوها..
ولعنت نفسها ألف مره على هالترجي والخطبه الطويله اللي ماتودي ولاتجيب..
واتجهت للبنات وهي ميته قهر وأي وحده بتشوفها بوجهها بتحط حرتها فيها..
والمصيبه..
انها مالقت ..جويلتا..
عرفتوا منهي..!!
هذه الله يسلمكم..اللي تتناجر كل يوم..وكل ليله مع الجده..
مديـــرة المنزل..
ابتسام وتضرب على رجلها بقوه\وخري عني..أقولك وخري عني..ترى النفسيه واصله.(.ورفعت ايدها لخشمها)...لحد هنا..!!
جوليتا وتمسح راحة ايدها بملابسها\طيب ماما أنا أيش يسوي ادا انتا زعلان..!!(وبطريقه تضحك رفعت رجولها عشان تشوف عيون ابتسام اللي تطلق شرار)تبي ماي..!!
ابتسام\لااااا
جوليتا\تبي عصير
ابتسام\لااا
جوليتا\تبي شاي
ابتسام\لاااااااااااا
جوليتا ومصدقه نفسهاكثير\تبي ثلج..هدا حلو ثلج..عشان يخفف حراره مال أنتا..!!
ابتسام ووصلت خلاص عندها\جوليتاااااا
جوليتا\نعم..
ابتسام ورفعت ايدها بشكل فوضوي وغمضت عيونها وصرخت\أنقلعـي من وجــهـي...!!ومشت عنهــا..
جليتا\أيش فيه هدا ماما ابتسام..مافي عقل..كلوا نفر مجنون في هذا بيت..ودخلت المطبخ وهي تتحرطم على كل نفر في هالبيت من كبيرهم لصغيرهم..
=============




دقت غلا على هيثم وقالت له ينطره بره جنب ممر الصاله..وطلع لها وهو مستغرب منها طلب منها تبدى بالموضوع لكنها لحد الآ ساكته..والمشكله أنه هيثم طفش منها..ومن اسلوبها المايع.وهيثم من النوع اللي مايحب أحد يدلع عليه...لكن غلا أخته..ومايقدر على أخته..!!
أحد يقدر على غلا..!!
ويوم حس أنه راسه دار من كثر ماهي تروح وتجي بنفس الأتجاه مسك اعصابه وكلمها برقه مثل ماهي تتكلم..!
هيثم\أيوه غلا...!!شنوا تبين..!!
غلا وقربت منه بدلع ومسكت ايده ورمشت بعيونها ومطت أسمه\هيثــوم..!!
هيثم فتح عيونها على الأخير بطريقه مسرحيه\هيثوم..ومسكة ايد!!..لالالا السالفه فيها أنا..غلا..شنوا تبين..!!ولأنه عملي زهق منها و ضاف على كلامه...خلصينـــي..!؟
غلا تركت ايده وشبكت اصابيعها بتوتر\هيثم..انت تدري اني أخر العنقود..صح..!!
وتدري انه مابقى شي على الدومات..صح..!!
وتدري أنه أحنا ماسافرنا..صح..!!
وتدري اني زهقانه وملانه ومتقرفه وطفشانه..هيثـــوم..احنا البنات قررنا نرووووووح..البحريــــن...وأنتوا بتودونا..!وصرخت بوجهه وهو اخترع المسكين...شرايك بفكرتــــــي الجهنميـــه..!!
ورجعت لصوتها المعتاد وهي تتمايل)... حلوه موا..!!
ظل هيثم يناظر اخته فتره طويله تذكر أنه صحيح هم ماسافروا هالصيف والدوامات بتبدى وحتى هو محتاج يغير جو..وعجبته الفكره كثير..فمبدئيا هو موافق..وبيحاول في الشباب لمن يوافقون..
هيثم\وأنا قادر أرفض طلب أختي...!!أكيد موافـــق..!!
وماوعى الا غلا بكبرها طاحت عليه وحضنته..!!
غلا\ياربي عليك ياهيثم..والله محد يسوااااااك..!!
هيثم وميت ضحك على غلا وبنفس الوقت منحرج\طيب غلا وخري عني زنطتيني..!!
غلا وابتعدت شوي عنه شوي\شسوي بعد..يلوموني ليه احبك..!!يالله شاو بروح أبشر البنات..!!وطارت زي العصفوره باتجاه الصاله وهي تتكركر..لكن بعدين احترمت نفسها لأن شافت قدامها نور مرت عمها..
أستحت منها ونزلت عيونها بــ الأرض..وقالت سوري...ومشت ..وهالمره بهدوء ووقار...
=========


طلع مع لؤي يتمشى في بارك أندريه ستروئن وخصوصا لأنه محتاج يشم هواء نقي وهالمكان يقدر فيه يعيد حساباته من جديد..وحس أنه الوقت المناسب عشان يقول لــ لؤي كل شي صار بينه وبين الدكتور سمير..
وبدى يعرض له الأحداث اللي صارت امس واليوم..

وأستغرب وبشده من ردة فعل لؤي وموافقته المباشره على عرض الدكتور سمير..توقعه يتفاجأ مثله ويسال ليه كل هالعروض المغريه...ّّوأيش الغرض منها..!! لكن كانت ردة فعله موأيده ميه بالميه وبدون تراجع للتفكير..
..وماينكر يوسف انه شجعه وخصوصا أنه بيسهل له أشياء كثيره هو في غنى عنها..!!
لؤي\ولك عين بعد تفكر..!!يوسف لين متى الأنتظار..!!الفرصه جاتك لعندك..!!
انت ماعليك غير تمارس هوايتك اللي تحبها بكل أتقان وسرعه..!!السالفه جدا سيمبل..!!اوتوكل على الله وانا اخوك..!!

يوسف مسح على حاجبه الأيمن بضيق\بس لؤي..انت ليه مافكرت بالمقابل..!!صحيح انه الدكتور سمير كريم لكن مو لهدرجهـــ......
لؤي وبتسرع ماكان متوقعه\لأني أعرف ليه هو يسوي كذا..!!
يوسف ووقف مشي وهو يحس بشي غريب يجهله\شقصدك..!!
لؤي ولعن نفسه على زلة لسانه\...أوهوووواااا مو قصدي شي...وبعدين ليه تحط هالعثرات بطريقك:.!!يايوسف ياحبيبي فكر..فكر عدل..وبصوت واطي..الطريق قــــرب..شوفه قدامك..!!

(وناظر يوسف قدامه بعيون تايهه وضايعه تنتظر لو شمعه وحده عشان تضوي حياته ومالقى غير سراب..سراب بعيد..وبنفس الوقت قريب.. وفجأه شاف صورة أبوه تمر حذاله..وبعدها أمه وهي تضحك له..وتزاحمت الصور وشاف ابتسام والوليد وجده وجدته..وغمض عيونه وهو متشتت واول ماغمض شاف فجر وبعيونها نفس النظره اللي بعيونه..وكأنه مرايه تعكس ملامحه وجهه واحساسه..فتح عيونه على طول لأنه ماقدر يستحمل هالنظره الغريبه..وماشاف شي من اللي تخيله..حتى الناس اللي كانوا يمشون والضجه اللي يسببونها ماحس فيها..يحس أنه يمشي بدون اتجاه وضايع بين الطرق ومافي أحد يشوفه ولا يشوف أحد..مافي غير طريق وقباله سراااااب يختفي ويطلع فجأه..
يوسف وألف أحساس يعيشه هاللحظه\بس يالؤي..كفـــايه..!
لؤي بصرامه أول مره يعهدها\لا..مو كفايه.!!...يوسف..حرام عليك..!!لين متى بتظل تعطي بدون مقابل..ليت متى بتظل حابس هالألم الي بعيونك..حتى لو كنت غلطان..حتى لو كنت خايف من المواجهه..حتى لوكنت خايف من ردة فعل أهلك اذا دروا..لاتسكتت..أقنعهم..ناقشهم..أظن 11 سنه كفيل أنه ينسيهم الماضي وينسيك أنت أغلاطك..أنت غلطت والقدر غلط معك..ولازم..لازم تصحح غلطتك..!!لاتعاقب نفسك هالعقاب اللي أول نتايجه غربتك..!!يوسف لاتنسى أنه في ناس كثير عايشين لك..لاتنسى امك وأبوك اللي محترقين لشوفك..او حتى يكتفون بسماع صوتك..أو حتى لو يضمنون وجودك بهالدنيا..لاتكون أناني يايوسف..
فكر عدل واحسب حساب لكل شي..ولاتضيع هالفرصه..(واضاف بحذر)...ترى الفرصه ماتجي الا مره وحده بالعمر..!

يوسف ومش حاس بنفسه\وأنا اقولك نفس الكلام...(وبتحدي يجهله)...احنا اثنينا في مركب واحد ونهايتنا شبه معروفه والسؤال يطرح نفسه اللحين..!!..!!اظن انك تتمنى ترجع لديارك..!!
لؤي وداس على جرحه وقالها باللم وضياع وأنكسار وحالميه\أتمنـــى..!!....
أظن اتمنى قليله....وبالم فضيع...قول أحلــــــم..ورص على أيده....احلم بشوفوتهم...
انا ادري انه مافي أحد بينتظرني..وأنا ادري اني بسبب لهم العار القديم من اول مايشوفوني..!!
لكن لحد يلوموني على اللي سويته..!!كنت صغير..ماافهم شي..
كنت فقير..أو بمعنى اصح...كنت محتاج
كنت ابي أي شي عشان أسد جوعي فيه..واسد جوع أهلي اللي كانوا برقبتي..!!
لكن خذت الطريق الخطأ وسببت لأهلي العار والذل..
وجلس على الكراسي اللي جنب البارك بهدوء وهو يناظر كيف الجو بدى يغيم والليل يعلن بدايته....وبدى يتذكر قصته القديمه..
كنت صغير..مأفهم شي..وعيال الحرام استغلوا حاجتي وضعفي..
وبدوا يلعبون فيني..لمن صرت صيده سهله لهم..

وأستغلوني وانا راضي كل الرضا على اللي أسويه..
كانت حالتي زي الموت البطيء..وكنت اعرف أني ميت ميت..!!
لكن غصبن عني اللي سويته..!!
ماكن عندي غير هالحل..!!
وهم كانوا يعرفون اني محتاج لهم..عشان كذا خططوا ببراعه وانتصروا وانا اللي طحت فيها وتغربت..
...ونزلوا دموعه حسره والم وندم... مدري كيف طاوعني قلبي ورضيت..!!
(وتذكر أخر عمليه وصلته لهالحال..!!)
كنا خمسه...ثنين بالسياره..وثلاثه مستلمين المهم الصعبه وكنت انا ثالثهم واصغرهم..!!ولبسنا كان اسود في أسود ومغطين روسنا بلفافه سوده..وقبل مانتفرق عادوا كلمتهم المعروفه وكلنا كنا حافظينها عن غيب..
يوسف\شنهي..!!
لؤي\كانوا يقول زعيمنا: اذا أندق الجرس محد يعرف أحد..!!وكانوا قصدهم اذا أنكشف امرنا كل واحد يتبرى عن الثاني ومراح احد يساعده..المهم طلعنا فوق السور احنا الثلاثه..ووصلنا اخيرا لمزرعة البيت..وكان البيت يبعد عن المزرعه حوالي ستين قدم..مشينا بهروله وبدون صوت ماعدا نفسنا هو اللي ينسمع..ودخلنا البيت اللي كان مظلم وماكان أحد موجود..وسرقنا كل شي ثمين يخطر على بالك..التحف.....والذهب والألماس..وخزنة الفلوس كلها..وطبعا ماكان هذا غرضنا الحقيقي..هذه كانت مجرد اكسسوارات نمشي فيها حالنا..
غرضنا كان سرقة الملفات المهمه اللي تهز امور الحكومه والدوله..ونعطيها مليون خليجي يتمنى هالملفات تكون بأيده..
يوسف\طيب صديقكم هذا اللي مشترك معاكم اللي كان ماخذ منصب كبيرفي دائرة الحكومه.....ماكان يعرف أنه بيجي يوم وبتسرقونه..!!
لؤي\سالم يعرف أنا أحنا اكبر زعيمة عصابات في الدوله وهو اللي ٍأسسنا..وحتى يوم طلبني معاهم كان قاصد أنه ياخذ شخص صغير في السن ومن احياء فقيره لأنه بعض العمليات تتطلب بواحد مثلي يكون فيها....لكن ماتوقع هاليوم بينقلب عليه الحال ونسرقه..!!
وخصوصا وأنه كان معطينا اكثر من مهمه نسويها في اليوم الواحد..وكلها مهمات صعبه وتهز السوق هز..
لكن انكتب لنا ذاك اليوم ندخل بيته ونسرقه..
وهو بسهوله كشفنا لكن بوقت متأخر..وطبعا لأنهم اذكياء اللي معي كانوا مخططين أنهم يهاجرون في بلاد ولايرجعون مره ثانيه والله يعلم وين هي بقعتهم هالوقت.. طبعا بعد ماعطوني مبلغ محترم اسد فيه فمي..لكني كنت ذيك اللحظه غبي وساذج..وطحت بالصيده ..وطاح علي كل شي وانكشفنا عند سالم.... ولأنه مايقدر انه يشتكي علي وخصوصا لأني بفضحه بسبب مؤمراته وبوقاته اللي خلته مليونير سفرني زي الكلب باول طياره في ألمانيا..ومن المانيا لباريس..ومسح دموعه اللي عيت تجف بطرف كمه وتمتم بصعوبه
بس هذه قصتي...وتقريبا نفس نهاية قصتك..!!
يوسف وكل مافيه يرتجف\........على ألأقل قصتك كانت شريفه بالنسبه لقصتي اللي كل يوم واحسها تكون أكثر دنائه..
لؤي ومسك أيد صديقه وحس ببرودتها\يوسف..على الأقل انت كنت مش واعي..مش حاس في نفسك..وتحملت غلطة غيرك..ومو ذنبك اذا كنت يوم من الأيام مدمن ...
وصدقني أنه في لبس بالموضع..!!مستحيل اصدق أنهم يسفرونك بدون سبب..
لأنك مو اول واحد ولأا اخر واحد يتعاطى..!!
(وسكت لؤي وظل يناظر بيوسف وماشاف غير دموع تنهمر وقلب محروق بسبب هالكلمه.وماقدر غير أنه يكمل كلامه حتى لو كان قاسي...)
انا ادري انه كلامي مو جايب فايده اللحين..لكن فكر مين اللي طيحك هالطيحه القويه..
يوسف وعلا صوته..وقام من مكانه زي الطير المذبوح\بـــــس...أرجوك لاتتكلم.. ارجوك...!!لاتذكرني بأي شي..(وغمض عيونه)..والله لو تشوف هالقلب كيف مذبوح واشر على قلبه...كان بكيت على صديقك مثل ألأم اذا بكت على مرض ولدها... والله لو تحس بهالجبال اللي على صدري كيف أتحملها..كان متتتت وأنت راضي ولا أنك تعيش لحظه مره..أرجوك يالؤي أرجوك..لاتذكرني بالعمر اللي ضيعته..ترى حتى الذكرى تفتتني قطعه قطعه لمن اصير زي الرملا اللي تهب من ارض لأرض ومالها لا مكان ولاوطن ولاعزوه..!!
==================




رجعت الصاله بعد ماكلمت ابوي وفرحت كثير أنه وافق .. لكن اللي صار وماكنت اتوقعه انه أبوي ملزم يروح تركي معنا وخصوصا لأنه بيكون محرم لي..وأنا أعرف أنه تركي مستحيل يوافق على طلب أبوي حتى لو ابوي بنفسه طلب من تركي..!!
صابني الحزن واسرني من كل جهه..لكن خطر في بالي كلام فجر.وكأنه عسل صافي يمتع الطعم والنظر..
وتراجعت لقسمنا وأنا أتذكر أني ولامره طلبت من تركي شي..وأكيد بيحن قلبه هالمره مدام أنه فيها طلعه ومتعه له
وبكذا مسكت تلفوني على طول ودقت عليه قبل ماأتراجع وأغير راي ..وكرهة نفسي اني متحمسه أكثر من اولز.اخاف يرفض منه..لكن أبعدت عني هالأفكار السوده وتوكلت على الله..وضربت رقمه اللي نادر مااستخدمه..
لكنه مارد ....سحبت نفس عميق.... وقويت قلبي ودقيت عليه ثانيه وثالثه..و مارد..والمره الربعه دقيت ورد اخيرا..وابتسمت بعفويه..
وقالت له السالفه باختصار لأنه هو يحب انه يدخل بالموضع على طول وحاولت يكون صوتي فيه حنيه أكثر من أنه يكون فيه طلب مفروض عليه..... وكنت أتخيل أني اذا قلت أن الشباب كلهم بيروحون بيوافق لكني نسيت من فرحتي انه ولا واحد من الشباب يحب تركي وهو بالمثل مايطيق يسمع أسمهم..والود وده يتبرى من هالعايله بكبرها..
وحتى أحنا يتمنى يتبرة منا..ويفتك من واجباته كاخ..هذا اذا عرف وش معنى الواجبات..!!
وماانتظر رد مني او كلمه عشان يبرر موقفه..سكر السماعه بوجهي على طول............!
رميت نفسي على الجدار..وظليت أخنق واخنق في نفسي العبره..
لمن ماقاومت..وبكييييت.. وانا عاجزه كل مافي الكلمه من معنى..!!
أي تفاؤل..!!وأي أمل..!!وأي أخوه اللي أنتوا تسمونها..!!
كنت اكذب على نفسي..!.كنت أحط ألف عذر عشان أتفائل وأكلمه بطبيعه مثل أي أخت تكلم أخوها..!!
كنت أتوهم أني اخته ..وانه أنسان ومخلوق مثلنا..
ماكنت ادري انه حجر..قاسي..!!ظالم..!!جبار..
لا... كنت ادري أنه حجر..لكن توهمت بداخل نفسي أنه بيحن قلبه علي..
بيرق شوي..ويسألني.. وين بتروحون!!
أو مثلا أسباب هالطلعه..!!
أو اقلها..لا ..علامة الرفض..
لكنه ماسال,,واكتفى باسهل الحلول..
تسكير السماعه..



الكاتبه:"وصيت قلبي عليك"

brune 24-05-07 10:21 PM



خلااااص قرروتوا..!!
جمانه وتحاول تنسق كلماتها وماتطينها\أي قررنا..وأحم الكل وافق بعد حضرة جنابي..!!
هند وتمسك بطنها بتعب\وياحضرة جنابك قلتي لأبوك..!!
جمانه ضربت راسها بقوه لأنها توها تتذكر أبوها\هـــا..لا..أيه.. وخذت نفس...بكلمه.!!
الجده وتحاول تلقى أي شي عشان تتخانق\هذا اللي ناقص بعد..تروحين بدون شور أبوك..!!
فجر وأنقذتها\لا اصلا جمانه بتكلم أبوها لكن جلسنا نخطط وش بنسوي..!!وضاع علينا الوقت..
هند وتتفحص بنتها وشافت الكذب بعيونها\أكيييد..!!
جمانه وهي ترص على اسنانها\وانا اقدر اصلا..!لازم بابي اقوله..!!وبصوت عالي..هذا اللي ناقص بعد اروح بدون شور ابوي..أذبح نفسي ولا أسويها.. واضافت وهي فرحانه لأنها قدرت تنقذ نفسها...أصلا لازم يعطيني الجواز..يعني يامامي أكيد بقوله..!!
هند\فكرت بعد..ماتقولين له..!!
جمانه وهي تنفي كلام أمها\افا والله.كيف ماأقوله..!!لازم اقوله..!!
هند بتعب\طيب فكينا من هذرتك وسكتي تراك صدعتي راسي وتعبتيني..يكفي أني خلقه تعبانه..!!
الجده وخافت على بنتها اللي صارت وحيده بدون أخت\بسم الله عليك يابنيتي..وناظرت جمانه بعصبيه ..جمانوا وهيد..قومي تعبتي أمك من حنتك يالخبله..!!
جمانه بصوت رجالي وهي معصبه لأنه كل شي بيلومونها فيه\يمـــــه..ياربي..ماسويت شي..ليه انتي معصبه علي..!!
هند وتشد على كل كلمه تقولها\لأنك زي ماقالت جدتك..خبله..!!أقول بلا هذره قومي جيبيلي الدواء مع ماي,,,!!
جمانه واشرت بعيونها الثنتين عشان تمتص غضب أمها\من عيوني..يالغاليه..!!
لطيفه أم عزيز\أقول هند..أنتي أي شهر اللحين..!!
هند وتمسح على وجهها بتعب\في نهاية السادس..!!
لطيفه وبعيون حسوده\مايبين عليك..!!
هند\انه كذا بحملي بجمانه بين..لكن حمالي بناصر مابين..!!
لطيفه\أجل بيجينا ولد..!!
هند بحسره وامل بنفس الوقت\اللي الله كاتبه لي..راضيه فيه..!!
============



ياأخي مايصير لنا أكثر من ساعه جالسين مع بعض وانت كله تسرح..والتلفون اللي جاك خلاك تسرح اكثر..!!أمووت واعرف مين اللي كلمك..!!
تركي بنظره غير مباليه\أختي..وظغط على الكاس من جهه ثانيه ....بارد كثير..عطني منديل..!
مبارك وجاته العدوه من تركي وسرح من أول ماجاء طاري راوين وهو يتذكر اخر موقف بينهم..وابتسم على هالذكرى..
تركي بسخريه\ياحبيبي..اللحين أنت اللي سرحت...مبـــارك..!!
مبارك وانتبه\هــا..!
تركي\ٌأقولك عطني المنديل اللي جنبك..أيدي تجمدت من البروده..!!
مبارك\حلاتــه بارد..وينعش القلب...ويار على راسه.. ويخليك تصحصح..
تركي ويصغر عيونه\دعايه على غفله..
مبارك\لالالا هـ الأمور مايجبون لها دعايات..!!ورمى عليه المنديل بخفه.....تفضل..!!الا أقولك..بكره بتروح الرياض..
تركي وبثقه\أكيييد..زين مني جالس يومين..!!
مبارك بعفويه\والأهل...اوه قصدي يعني بيجلسون هنا مين بعيدن بيجيبهم..!!
تركي\أنت نسيت أنه الوالد موجود..!!
مبارك وتوه متذكر\أيوه..نسيت انك قلت لي..!
تركي ويلتفت حوالينه ويناظر اللي رايح وجاي\غريبه ماأشوف زحمه اليوم..
مبارك\تلقاهم لسه ماأرجعوا من السفر..!!
تركي وتنهد وفكره في مكان ثاني\أيــــه..
مبارك ومستغر بمن تركي\والله انه فيك شي..
تركي ويشرب شوي\مافيـني شي..متملل..هذه السالفه ومافيها..
مبارك مافهم عليه..وسكت عنه...وظلوا أثنينهم يشربون..وماهم أي احد..أهم شي يرضون روحهم المتعطشه لها الأمور..
مبارك ويناظر قدامه \شوف مين جاي...!!
تركي ومش مهتم ولا هو ملتفت \..منوا..!!
مبارك\جاسم وربعه..من زمان عنهم..!!
تركي بضيق\خله يولي زين..مش فاضي لتفاهتهم..
مبارك\فشله تركي قوم نسلم عليهم..!!
تركي وعلا صوته شوي\ياخي ماتفهم..ماتستوعب..قلت لك ماأبي..!!
مبارك طنش تركي وقام يسلم عليهم..
أما تركي..نسى سالفة اخته ولا اهتم فيها أصلا..مجرد تلفون أزعجه..ونساه بكاس واحد..
لكن الموضع اللي يفكر فيه اللحين..البنت اللي شافها بيت عمه..
يتمنى يعرفها ..ومايدري ليش هالفضول اللي فيه..
يمكن شكلها ابهره..
أو يمكن كانت من النوع اللي يعجبه..
وهو بأقل من دقيقه حفظ شكلها..ولبسها ..وحركاتها..وشعرها..وأهم شي شعرها لأن أثر فيه بقوه..
وغير كذا جرأتها..جراتها في الكلام وكيف أنها تقبلت الموضوع وحتى في مشيتها كانت جريئه..
مو جريئه..يعني أيزي..
لا كانت جريئه في الوثوق..وهذا اهم شي عند تركي..
الجرأه في الوثوق في النفس..
نقدر نقول أعجبته..أو المعنى الأصح..أبهرته شكليا وشخصيا..
تذكؤ كيف طاحت عليه..!!وكيف علق شعرها بزر ثوبه الفضي..حس أنه نفسه أختف ذيك اللحظه,,ومابقى غير ريحة العطريه الجريئه..
كان الموضوع فعلا يضحك..
لكن ماعمره سمع سبه من احد..وتجي هي بسهوله وتسبه..!!وماحط في باله ذاك الوقت لأنه في موقف لايحسد عليه..وعرف أنها مش حاسه بنفسها أصلا وهي تتكلم..ويوم شافها تصيح..توه يحس بالموقف..وعلى طول أبعد شعرها من ثوبه بخفه..وحس أنه ألمها لكن ماكان همه في ذاك الوقت غير أنه يطلع شعرها وتبتعد عشان يستوعب الللي صاير..

وعلى طول ربط سالفته بالطلعه اللي قالت عنها اخته..وخصوصا لأنها قالت البنات والشباب هم اللي بيرحون..
وهو متأكد أنها بتكون معاهم..لأنها اكيد هي يابنت عمه أو بنت عمته..
وجات في باله فكره أنه يوافق على طلب أخته..
لكن مااسرع ماطرد هالفكره السخيفه من باله..
لأنه مادخلت عقله..!!
أوكي هو يتمنى يعرف من هي البنت..لكن ماتوصل لدرجة انه يوافق على طلب أخته عشان بنت لاراحت ولاجات..
وبكذا نسى سالفة غلا..وحس أنه غبي لأنه يفكر فيها..
وهو مو أي شي يفكر فيه..
لازم تفكيره ينحصر بمستواه او اكثر..
اما الأشياء السخيفه..فبتكون لغيره...مش له...!؟؟
================


بعد مشاوارت طويله بين الشباب ...وبعد تعبهم في أقناع الوليد اللي مش راضي بهالمصخره على قولته...
قرروا انهم يروحون بكره الظهر..يعني العصر بالكثير بيكونون بالبحرين..
وعزيز شم ريحة خيانه ويوم درى بسفرة البحرين تعلق بالوليد وظل يحن ويزن عليه ومابقى شي ماسواه..لكن الوليد طنشه ومارضى يروح معهم وخصوصا انه محد بعمره بيروح...وحاول في ابتسام لكن ابتسام حاولت تراضيه بانها بتجيب له حلاو وبدلات من اللي يحبهم قلبه ..لكن مارضى..وفي النهايه تعلق فيها وماييبي يرجع البيت لكن امه عطته ضربه في ظهره وسكت والدموع متجمعه في عيونه..وابتسام عصبت لكن ماقدرت تتكلم لأنه لطيفه امه بعض ألأحيان تفرض سيطرتها على عزيز وماترضى ابدا احد يناقشها بالموضوع حتى لو ذبحته قدام الكل..
==========
أما عند البنات اتفقوا أنهم يباتون في البيت الكبير
عشان تكون الطلعه جماعيه.... وابتسام كان عندها لبس في البيت والجواز عند الوليد..لكن دقت على ابوها قبل كل شي عشان تحطه بالصوره..أما فجر وغلا راحوا البيت عشان يجيبون أغراضهم وبالمره ياخذون الأذن من ابوهم..ورجعوا على طول لأنهم متحمسين كثير وهيثم ظحك على خبالهم وخصوصا غلا اللي بتقطع روحها من الوناسه..ودقت الساعه 12 أعلان ليوم جديد..ولحد اللحين البنات صاحيين
يخططون وش راح يصر اذا وصولوا البحرين..وكل وحده حاطه مخطط في بالها وتبي تسويه..
ماعندا راوين اللي ساكته وجالسه تقرى مجله وتلهي ررحها وقلبها يحترق من الحزن اللي أسرها..
ومحد حس فيها..وحاولت فجر أكثر من مره أنها تكلمها لكن راوين رفضت انها تتكلم وأكتفت بتوزيع ألأبتسامات بين فتره وفتره..
والبنات مايدرون شسالفه وفكروا أنها بتروح معهم حالها حالهم..

ابتسام واصلبت جسمها وبان طولها وبيجامتها اللي مستعيرتها من جمانه\شوفوا أول شي على طول نروح السيف نشوف الفلام لمن نقول بس..وبعدها نتعشى..وماله داعي نتغدى لأني أسوي ريجيم ,انتوا بعد اشوفكم زايدين هأليام سوا مثلي..
جمانه وققامت وعلت صوتها بخشونه\شوفي عاد..مو يعني لأني عطيت بيجامتي تستقوين علينا..ولاتفكرين روحك كبيره..تراني أطول منك..!!والمخطط حقك فاشل..فاشـــل..فاشــل..!!والتفت لغلا..!!غلا..!!
غلا وتبر اظافرها اللي زايد طولها\هلا..
جمانه واشرت لها\تعالي ياحظي أحنا اللي مخططين..ولازم اللي نقوله يصير..(وابتسام تسمعهم لكن مطنشه جمانه ودزتها بعيد)
ابتسام\مااالت عليك..مخططي أنا اللي بيصر غصبن عنك..!!وعنها..!!
فجر بعيون صارمه\أقول..بلا خبال انتي وياها..سمعوي أقتراحي أنا..!!
جمانه وجلست جنب فجر بسرور\اذا تكلمت فجر...الصراحه وعذرا يعني مأاقدر أردها..أمري يافجر العالي..وش مخطط..!!
فجر بصلابه\أول شي..نتغدى بالسيف هذا البوفيه اللي جنب السينما..وبعدها ندخل نشوف فيلمين..واحد مصري عشان نراضي فئه..وواحد أجنبي عشان نراضي فئه ثانيه..وبكذا ارضينا الكل..وبعدها نطلع نتسوق شوي..ونتعشى باي مطلعم تبونه..!!عجبكم ألأقتراح..!!
جمانه وحاطه ايدها على خدها وتتأمل فجر\عسسسسل..كل شي من فمك الصغيرون عسل..لكن عندي سؤال.!!
فجر وبنفس الصلابه\تفضلي..!!
جمانه بغباء وهدوء\ليه دائما أشوفك رافعه شعرك..ماعمري شفته مفتوح..دايما ترفعينه..!!
الكل ناظر جمانه حتى راوين اللي متضايقه ناظرتها وبعيونها الف سؤال وسؤال..وفجأه الكل ضحك بدون توقف..وزاد ضحكهم يوم شافوا أنه جمانه تطالع فيهم ولا كانها مسويه شي..
جمانه وبانت على ملامحها التعجب \شفيكم..انا من جد اسأل..!!
غلا هنا ماقدرت وجهها حمر وماقدرت وطاحت على الكنب وهي تكمل ضحكتها..
راوين وتكلمت اخيرا بعد ماتعبت من الضحك\من صجك أنتي..هذا سؤال..!!
جمانه وفتحت عيونها\أيه..فيها شي اذا سألت هالسؤال..
ابتسام ومسكت قلبها اللي المها من كثر الظحك\شوفي جمانه هههههه السؤال مافيه شي..لكنه دخل عرض..أحنا وييييييييييين وانتي وين..!!
جمانه وتوها تفهم عقلية بنات خالها\سخفيييين..
فجر وماتبي تحرج بنت عمتها وجاوبت على سؤالها\سمعي جمانه..أنا ماأحب أفتح شعري لأني تعودت على رفعه..يعني المساله عاديه..واللي ماتعودت عليه ماأحب أسويه..!!
ابتسام بسخريه\ها..طاحت الدوده..!!
جمانه بقهر\أيه...طاحت..ومسكت مخده قريبه منها ورمتها على غلا اللي مازلت تضحك...يعل أٍسنانك الكسر قولي آميييين..!!
غلا ووقفت الضحك وهي خايفه من هالدعوه\ ياربي..بسم الله علي...وضحكت عشان تقهر جمانه..هههههههههههههههه في أعدائي ان شاء الله..!
ابتسام ودخلت في موضوع ثاني\..ياربي تصدقون نسيت عزيز أكيد اللحين فاقدني..!!
جمانه وحزنت عليه لأنها تمووت فيه\الصراحه اللي سوته أمه غلط..والله بغيت أفعصها لكن مسكت نفسي..
فجر\المشكله أنه مانقدر نقول لهاشي لأنها هي متعصبه في هالأمور ..
ابتسام\أنتوا ماشفتوا شي..في البيت تسوي بلاوي وانا اللي أطيح فيها..والمصيبه أنه مر وقفت في وجهها وصرخت علي وعطتني كلام يسم البدن..والي يضحك بالموضوع أنه طول الوقت عندي لكن واذا شافت أي غلطه منه تحطه فيني لأنها عارفه محد رباه غيري وهي مطنشه حضرتها..
فجروبحزن\ياعمري ياعزيز يوم شفت الدموع بعيونه ماقدرت... ودي ضميته ذيك اللحظه..
جمانه بطنازه\أنتي تضمينه من هنا وهي تخنقك من جهه ثانيه..!!
ابتسام بضيق\ودي أشوفه..ياربي أكيد لحد اللحين يصيح..!!
غلا باستنكار\وش يصيح ..!!أكيد تلقينه نايم اللحين شوفي الساعه كم..!!
ابتسام وناظرت ساعتها\ول...الساعه 3 ..!!مر الوقت بسرعه..!!مافي الا بكره أكلمه
فجر بتعب\بنات أمشوا ننام بكره ورنا قعده من الصبح..!!
غلا وبرقه\لا ياعيوني ..ولو سمحتم لحد يقومني الا اذا جهزتوا نفسكم وركبتوا السياره..!!
جمانه\لا ياحبيبتي..انتي نسيتي جدتي بتقومك من الضحى..
غلا بدلع\عادي بسوي روحي نايمه..
جمانه وتضحك\أهي والعصا فوق ظهرك..!!
راوين وقامت\أقول أنا بروح انام..تصبحون على خييير..
فجر\حتى انا بعد..!!تعبانه مره..وقامت فجر ورى راوين وكانت حطه في بالها أنها تكلمها اللحين لكن فضلت أنها تعطيها مجال لبكره وخصوصا أنه الوقت مايسمح للنقاش..
وناموا البنات وكل وحده تفكر في بكره ..وايش راح يصير من مغامرات في البحرين..
====================


لفيت الجهه الثانيه بضيق..هي تسمع صوت من بعيد وهذا اللي مزعجها..وماقاومت اكثر وفتحت عيونها بطء وكسل شديد..
ناظرت الساعه ولقتها 12..صرخت باعلى صوتها
..بنااااااااااااااات...
مكست جوالها ولقت 13 مكالمه من هيثم..و6 مكالمات من سلطان..
رفعت شعرها بحركه سريعه وقامت وأصلبت روحها..وراحت للحمام عشان تصلي صلاة الفجر اللي فاتتها قضاء والظهر..
وبعد ماطلعت صلت وهي تستغفر ربها اكثر من مره وتفكر كيف أخذها النوم ونساها حتى الصلاه اللي مستحيل تقدر تفوتها..ولمن خلصت صلاه فتحت الستاير عشان تدخل الشمس وتصحي هالميتين ومش حاسين بروحهم..
فجر بصوت عالي\بنااااااااااااات قوموا يالله مافي وقت..
ويوم حست فجر انه مافي فايده مسكت كل وحده وفعت المفرش عنه بكل قوتها..وقربت عند غلا اللي ولا قنبله تصحيها..
فجر\غلا..غلا..غلا..غلااااا..قومي يالله..
غلا حركت عيونها وهي منزعجه\أووووف الواحد مايقدر يرتاح في هالبيت..!!ياربــــي
فجر ومالها خلق تضحك\قومي يالخبله..قومي..وراحت لجمانه\جمانه..جمانه..ومسكت غرتها اللي دوم طايحه على وجهها..جماااااااااااانه؟؟
جمانه عطتها رفسه معتبره من كثر ماهي رجولها طويله وصرخت بصوت خشن وفيه النوم\وخررررري..
فجر وطفشت منهم ووقفت في وسط الغرفه الكبيره\بناااااااات قوموا والله زهقتـوني قوموا..
راوين أستجابت لنداء فجر وصحت لأنه نومها خفيف ورفعت شعرها اللي متناثر\فجرز.كم الساعه..!!
فجر\12 ونص ..راوين قوميهم الله يخليك بنزل تحت وبدق على الأولاد..
راوين وقامت بكسل\أوكي..روحي بصحيهم لك..
ابتسام وصحت من ضجة البنات والنور اللي بالغرفه وهي مخترعه\ياحسره ..تأخرنــــــا..
فجر وهي طالعه\بدر عليكم من زمان متأخرين..!!
راوين\اللحين شيقوم هذيلا ..!!جمانه...غلاااا..
ابتسام وقامت من فراشها\صبري اللحين بيقومون..ومشت ابتسام جنبهم وداست على رجولهم..
وماسمعوا غير صرخه هزت البيت هز..
صرخة جمانه اللي غطت على صرخة غلا الناعمه..
=======


اتصلت فجر بهيثم وعرفت انه كلهم مجتمعين في بيت جدهم ماعدا الوليد اللي لسه ماجاء من النادي وقالها في ظرف ربع ساعه تتجهزون لأنه مافي وقت..
وتذكرت فجر راوين وطلعت فوق عشان تسالها لكن ماشافت غير غلا واقفه جنب باب الحمام وتصرخ على ابتسام اللي طولت بالسبوح..أما جمانه أنحاشت قسمهم عشان تخلص بسرعه..


فجر \وين راوين..!!
غلا بتأفف\راحت هي وجمانه لقسمهم..!!
فجر وتوسعت عيونها\يعني راوين بتروح..!!
غلا وانزعجت من فجر\أكيد بتروح.!!كيف ماتروح..!!
فجر وتوها تحس أنه غلا ماتدري بالموضوع\يووه نسيت أنك ماتدرين..!!
غلا وضاقت عيونها\شنوا..!!
فجر وحست انه مافي مفر من السكوت\راوين يمكن ماتروح..!!ومشت مسرعه..بروح اكلمها.!!
غلا وعلت وصتها عشان تسمعها فجر اللي طلعت\تعالي...كيف مش رايحــــــه....!!؟؟أوووف..ياربي من صجكم..!!مايصير لازم راوين تروح وضربت بأيدها على الباب ومسكينه ابتسام اخترعت..!!وقالت كلمتها المعتاده...يـــاربـــــي..!!
=============


حاظنه أمها وهي تصيح عشان تفرغ كل اللي بداخلها ..هي من امس حابسه دمعتها عند البنات وماتبي تضايقهم لكن من شافت أمها صاحت وهي عارفه أنه أمها حاسه بمعاناتها..
راوين بصوت يذبح\يمه شسوي..أكيد اللحين بيرحون..كيف اقول لهم أني مش رايحه..!!
نور وتطبطب على بنتها بحنان\حبيبتي راوين..أبوك راضي وانا أمس قلت له..وماعليك من اخوك هو اصلا بيروح الرياض بعد شوي..!!
راوين وتضايقت أكثر وبان هالشي من صوتها\بس يمه لازم يروح تركي..مايصير أروح لوحدي..!!
فجر وتوها داخله وفاجأتهم\ليه مايصير,,والا نسيتي سلطان..!!
راوين والتفت لفجر\فجر..!!
فجر وجلست جنببهم على الأرض عشان تكون بستواهم\أيه فجر..!!وانا اللي مفكره انك بتردين علي..طنشتينا وجيتي هنا.!!
نور بابتسامه حلوه وهي تمسح دموع بنتها\شفتي..خلاص أنحلت المشكله أنا بقول لأبوك أنا سلطان بدال تركي..!!شرايك..!!
راوين وتناظر فجر مره..وأمها مرات\لايمه لاتقولين له ماله داعي..وناظرت فجر..خلاص فجر,..!! أنا مش رايحه..!!
فجر بحزن\ليـــه..!!
راوين واصلبت طولها\بس خلاص ....
أنا قرررررت..!!
ومستحيل أتراجع عن قراري..ومشت وهي حزينه لبعد وظلم اخوها..أكثر من حزنها من عدم روحتها..


حلقة الغموض انفتح جزء منها وبانت بأبشع صوره ممكن يتصورها الأنسان..لؤي اللي كان حرامي وتاب...ويوســـف المدمن..!!
هل من مزيد من غموض في باقي القصه..!!


وغربة ياسمين وعدم شعورها بالأمان..!!بتغير في مجرى القصه..!!

تركي المحظوظ الجبار..بتضحك له الدنيا كل مره وبيمارس تعذيب احبابه..!!
قرار راوين بيأثر على طلعتهم البحرين..!!
وطلال وش موقفه من هذا كله..!!

تابعوني في الجزء الجاي..يمكن تلقون اجابه لبعض الأسئله..!!

الجزء الخامس عشر
==============



صرخ زي الريح الهايجه.. والصدى الظل الصاحب لهالصرخه..
حقد عليه اكثر من اول..وتمنى له الهم والذل مثل ماهو ذله في حب راوين البريء..
لكن مين يسمع..!!
ومين يفهم..!!
سلطان اللي ماتعدى اطار الحب..والا هيثم اللي حياته تقتصر عاطفة الأب والأخوان....
محد حاس بهمه وصرخته..وحتى لو حسوا..صعب يعيشون اللحظات الحلوه اللي مخططها من اول مادرى أنه بيلتقى معها في مكان واحد..!!
اشتاق لها..!!
أيه اشتاق لها..
وكل خليه مزروعه بداخله تشهد على هالحب الكبير..
وكل نبضة قلب تعذبت من هالنبض المأسور لها..
ماهمه وش يحكون الناس عنه..
ولاهمه وش يفهمون..!!
حتى لوقالوا عنه مجنون.
ليه مايفهمون..!!ليش مايستوعبون..!!
ليش يبعدونها عنه..!!
ليش مش حاسين فيه..!!
يحبها..يعشقها..يموت في هواها..!!
فيها شي..!!
:::::::
أنولدنا وقلبنا زي بياض الثلج
صغار على الحب كنا..لكن أرواحنا مدفونه فيه
يلومونـــا..!!
أحد يلوم الحب..!!
الحب مو حرام..!!
الحب كلمه حلوه..
لكن الكل يفسرها على هواه

همسه:هذه الكلمات أنا اللي ألفتها واحب دايم ارددها لكن لايروح فكركم لبعيد..


طلال جلس على الكرسي وحط ايدينه على راسه عشان يهدي أعصابه واحساسه اللي بيخليه يتهور ويزل لسانه على الموجودين..
سلطان ووده يضحك عليه لكن احترم مشاعره\وقسم بالله انك سخيف..يأخي قلت لك فجر والبنات يحاولون يقنوعونها وان شاء الله بترضى وبتقتنع..!!
هيثم وجلس جنب العاشق الولهان\طلال..خلاص فكنا لاتكشر أحنا نبي نستانس..لاتضيق خلقنا زياده..يكفي أنا أحنا متأخرين عشان بنت العم توافق..!!
هيثم وحزن على ولد عمه وكره هالحب اللي يذل العالي \طلول..أرفع راسك..ليت هالحب مااعرفته..!!
سلطان رمى نظره تقتل لهيثم وكانه يقوله هو ناقص عشان تشعللها وتذكره بالذل..وعشان يخفف التوترقال\ طيب اترك هيثوم على جنب منقهر لأنه ماجرب الحب..ناظرني عاد..
لكن طلال ماكان يحس لا بسلطان ولابهيثم..كان يحس بنبضات قلبه اللي تخونه وتنطق باسمها..
سلطان يحاول ينطق طلال \وهذا وأنا عمك وماترد علي..أفا والله أفا..!!طلول يالجراح..!!
طلال واخيرا نزل أيه و نطق لكن الضيق باين بملامحه\يوووه عليكم..ماتخلون الواحد يختلي بنفسه شوي...!!
هيثم وقرب منه أكثر\لا..ممنوع الخلوه..تبي تختلي روح بيتكم..!!
طلال وماله نفس أبدا\خير..!!رجال وحرمه على غفله..!!
سلطان وظحك على كلمة طلال حتى وهو متضايق\هههههههه..أيه هذا طلول..يقط الكلمه وماهمه احد..مو مساعه..ونعس عيونه..تلوع الكبد..!!
طلال وصلب طوله وقام\تدرون عاد..!!
هيثم+سلطان\شنوا..!!
طلال وبصعوبه طلع هالكلمتين وهو حاس بالجبل اللي بصدره\الواحد مايقول لكم شي...تجلسون بالبلعوم..ماتخلوني أتنفس..!!
هيثم وكانه من عباقرة الزمان\هذا حال أي واحد يقع في الحب..فحذاري من هالسم القاتل,,!!
سلطان ويدخل معه في الجو\..ياويلتاه..انه الحب..الذي..وكمل بالعاميه..مايخليك تعرف روحك من قفاك..!!
هيثم\ههههههههههه حلـوه..بس لاتعيدها..!!
سلطان\أقول..خلوني أشوف شصار عليهم..جلسوا البيت بيتكم..!!
هيثم وبثقه\غصبن عنك..!!
رمى سلطان نظرة أستحقار لهيثم ومشى للصاله..وهو ناوي يكلم راوين ويقنعها غصبن عنها..


وأول مادخل الصاله مالقى احد وسمع صوت امه ونور وهندبالمطبخ..وعرف أنه البنات فوق..وطلع بخطوات سريعه وهو يتذكر سماح وكيف اقنعها أنه تتزوج احمد..وشكله اللحين بيستعمل هالأسلوب مع رواين عشان توافق ألأميره..
وضحك على نفسه بغباء لأنه صاير مراسل الحب للعايله كلها.. لمن وصل غرفة البنات..وشاف فجر حاضنه راوين..
وغلا وجمانه واقفين بزاويه..وابتسام جالسه على السرير وماسكه ايدها بتوتر..
أشرلهم عشان يطلعون..وتوها فجر بتتكلم لكن منعها..واحترمت فجر رغبته وطلعت اخر وحده وسكرت الباب وراها بهدوء..
ابتسام وجلست على الكنب اللي قدام التلفزيون\يعني أصدق اللحين أنه سلطان بيقنعها..!!مستحيل...!!
فجر وهي متاثره مره\ليته يقنعها..!!لكن كيف..!!
جمانه وتناظر ساعتها\ياربي تصدقون الوقت تأخر. وبضيق أضافت...شكلنا كذا مش رايحين..!
غلا وارتاعت وهي تتخيل فكرة انه كل شي يتكنسل\لا أن شاء الله بنروح..وراوين معنا...!!
فجر وتدعي بداخله أنه الله يبرد على راوين وينسيها همها\أن شاء الله..
============



دخل غرفة الوليد زي الحرامي اللي ينتظر أعدام.. وهو مصمم انه يسرق أي شي عشان يبرد فؤاده اللي محترق..
وأول شي سواه فتح دولابه وشاف كذا تيشرت لأخوه يتمنى في يوم أنه يكون عنده كثرهم..وبدى يشد على الثياب وهو مش قادر يوصل لهم..وصارت زي المصارعه..
هو بشد كل اللي طاحت عينه فيه وياصابت أو خابت..
لمن جمع له اكثر تيشرت وبثغره أحلى ابتسامه اجراميه..
قط التيشرتات على السرير بيفوضويه وقرب جنب التسريحه ومسك مشط الوليد ومشط شعره الطويل فيه وكل مايرفع خصل تطيح خصل اكثر عند عيونه....وطاحت عينه على عطوره..وبدى يتعطر باكثر من قرشه لمن امتلث الغرفه بريحة العطور المركزه..
وكان بيطلع بعد مابرد حرته..لكن حس انه هالفوضى اللي سواها مو كفايه..
ورجع لورى لمن جلس على السرير وهو يفكر بشي ثاني يتحمس فيه..
وظل مده وهو يفكر..لمن جات على باله فكره وهالمره ابتسم أبتسامه كبيره وبانت تقاسيم وجهه الطفوليه والمجرمه بنفس الوقت..
وقام من السرير وراح للمكان اللي صدق بيحرق قلب الوليد فيه..
لمن مسك البرواز اللي فيه أحلى صوره للوليد وخشه ورى ظهره وطلع لغرفته..
وفتح الباب بسرعه وخش الصوره في دولابه وحط عليها ملابسه عشان يخفي جريمته..
وطلع من غرفته ونزل للدور التحتي وهو لازال يبتسم على أفكاره الجهنميه اللي بتوديه بخبر كان..
============



بغرفتي..هذا مكاني اللي يشهد لحظات عذابي..
بكيت هنا..وأنجرحت هنا..
بكيت ألم..وأنجرحت قهر.. حتى الجدران ملت مني..
ملت من صوتي اللي زي الجمر..
يازمن جرحك كبير..
وش اليوم الأحد..!!
وبكره الأثنين..
العمر يمضي..ويمضي..وانا ماتغيرت..
الكل تخلى عني..حتى أقرب الناس لي تخلوا عني..
أمي.أبوي..طلال..سماح..
وينكم..!!
انا ماأشوفكم..!!
ليه كرهتوني..!!أناشسويت لكم..!!
موذنبي..موذنبي أني ماأبين حبي لكم..
انا محتاجه لكم..
ليه خلتنوني وحيده..!!
ليه حسستوني بالغربه وانا بينكم..!!
ليه ماتسمعوني وانا أناديكم..!!
سمعوني..انا أصرخ..سمعوني..
بنتكم تتعذب سمعوها..
بنتكم ماتت وانتوا اللي دفنتوها..!!
انا ماأنكر أني كونت لي عالم خاص..لكن ماسألتوا نفسكم وش السبب..!!
ماسألتوا ليه أنا أنطوائيه وحقوده وانانيه..!!
السبب أنتوا..والقدر اللي كتب لي أنا اشقى طول عمري..
وش هالدنيا هذه..!!
لا أهل يحسسونك بالأمان..ولاخليل ممكن تكمل معه بقية حياتك..
ولاطفل تعيش لاجله العمر كله..
خساره يازمن..
خساره
=========



>>وافقـــت<<
هذه الكلمه الوحيده اللي قالها سلطان..وطلع تحت يبشر العاشق الولهان..وياخذ البشاره...

البنات كلهم قاموا وكلهم يركظون لمكان معين..
لـ ـراوين..
يبون يعرفون سبب الموافقه المفاجئه..!!؟
غلا جلست جنب راوين بكل قوتها اللي استمدتها من جسمها والفضول ينبع من عيونها نبع\امووووت وأعرف..امووووووت واعرف..وش قالك سلطان..!!
جمانه ودزت غلا بدفاشه عشان تسوي لها مكان وعلا صوتها اللي فيه خشونه\لالالالالا..محد راح تقوله راوين غيري أنا.وضربت ايدها على صدرها بقوه..تكلمي ياعمري..غردي..وصوصي..بلبلي..(حشى) . واظحكت على هالمصطلحات....ههههاي وش قالك سلطان..!!
أبتسام جلست على ألأرض وربعت رجولها وهي متلهفه تسمع ولو القليل من صوت راوين\راوين..عمري..فديت هالقلب الطيب والله قولي بسرعه..!!
كل هالمسرحيه اللي تصير وراوين ساكته ومنزله عيونها بالأرض والحيا والحموره محتله كل أجزاء جسمها..هذا غير الأرتباك والتوتر اللي باين زي الشمس في وسط المغيب..
فجر هي الوحيده اللي واقفه ومكتفه ايدينها..وحست أنه الموضوع يزيد غرابه..
فمسكت راوين من ايدها ووقفتها والبنات معترضين ومعصبين والفضول زاد عندهم اكثر من قبل..
فجر ورفعت اصبعها وهي تحاول تسكتهم\أووووش..مالكم خص فيها..واهم شي أنها وافقت..!!صح راوين..
راوين حست بالشكر الكبير لــ فجر..وماعرفت كيف تجازيها على وقفتها اللي استمرت لأخر لحظه..وماقدر غير تضمها وتبكي..!!
لكن البكا هالمره ..كان بكاء فرح وراحه وسرور يغمرها وينسيها همومها اللي أجتازت كيانها من الأزل..
جمانه وهي كارهه الغموض وودها تقطع فجر وراوين لأنها زي الحيطه اللي مش عارفه وش الموضوع\بعد..!!وتبوني أسكت ها...!!وقسم بالله أنه فيكم شي..ومو أي شي..!!شي كبير..واللحين اللحين لازم نعرفه..!!
غلا وقفت مع بنت عمتها الخبله وهي تايدها\أيه.لازم نعرفه..!!
ابتسام وهي لازالت بوضعيتها ووجهت كلامها لغلا وجمانه\أقول..أستحوا على وجهكم..البنت ماتبي تعلمكم..ومالكم شغل زين..!!وخزتهم..
غلا بضيق ودلع\أوكي..أهم شي انك وافقت ياراوين..!!
جمانه ومش من قلبها هالكلام لكن أظغطت على نفسها الفضوليه\أيه..مو مهم..!!
راوين بعد ماأرتاحت ابتعدت عن فجر شوي وابتسمت وهي تمسح دموعها \مو انتوا تبوني أروح..!
جمانه+غلا+ابتسام\أيـــه..
راوين وعلا صوتها من كثر فرحتها\يالله..بلا حزن بلا هم..!!
وقطع أصواتهم صوت تلفون فجر وكان سلطان يقول لهم انهم بيطلعون اللحين لأن الوليد وصل..
============


هند\هالله هالله بالثقل والعقل..وياويلك أن مشيتي لوحدك..!!
جمانه واقفه وأبدا مو عاجبه كلام أمها وهالشي واضح من ملامح وجهها المنزعجه..ورجلها اللي كل مره تضرب بالأرض عشان تكتم غيظها..
الجده كانت جالسه على ألأرض ومشغوله بالريحان (المشموم) والورد اللي تصلحه لحريم عيالها وبنتها..لكن بنفس الوقت منقهره من طلعة البنات والود ودها انها تمنعهم لكن الموضوع طلع من ايدها..
الجده وتجمع الورد وتغرزه بالخيط الأبيض\وهي صادقه عمتكم..ياويلكم أن سرحتوا أي بقعه لوحدكم..!!والا والله بالعصا بتجيكم للبحرين؟؟!!
غلا وترتب غطاها المشكوك بالفص ألأسود الناعم\..هههههه هالعصا بتلحقنا للبحرين..!! الله حاله...!!
ابتسام وتبي تهدي الوضع اللي مش من صالحهم أبدا\ياجدتي..ياعمتي..الله يهداكم..يعني وين رايحين أحنا..!!كلها كم ساعه وجايينكم..والتفت على البنات اللي واقفين زي طابور الصباح بنظامهم وهدوءهم....صح بنااات..!!
فجر بابتسامه ريحت الجده والعمه\صح..يالله ياحلوين تأخرنا الشباب ينتظرونا..!!
جمانه وتمتمت بداخلها وهي تطلع زفره الكل سمعها\وأخيييرا...ولبست نقابها بحركه سريعه ..وسلمت على أمها وجدتها..وطلعت أول وحده وهي ميته وناسه..
والبنات بالمثل سلموا على الموجودين وطلعوا وكل وحده تفكر بشي مختلف ..

اجتمع الكل جنب السيارات..وقرراوا ياخذون سيارتين..وينقسمون فيها..
البنات ركبوا في سيارة سلطان الفورد ..وطلب سلطان من الوليد يركب معه وبعد أقناع طوييل رضى الوليد ..
وهيثم ركب بسيارة طلال الكدلك..
ومسكوا خط البحرين..
==============



ياحظــــــه..
هذه الكلمه اللي رددها طلال كذا مره..كان يغبط الوليد بشكل جنوني..تمنى لو يكون مكانه..
لكن ظبط نفسه وارتاح باله شوي..
أهم شي تكون موجوده..وهذا كثير عليه..
صحيح هو لحد اللحين ماشافها..لكن هالساعات هذه بتكون من نصيبه..وبيستلقها..
شد على السكان باقوى ماعنده..وزاد السرعه..
يبي يوصل البحرين بأسرع وقت.مايبي يضيع ولا لحظه,,,
هيثم تفاجأ من سرعة طلال \شعندك مسرع..مو من عوايدك..!!
طلال وهو يشد على السكان أكثر وبتوتر\لا..مافيني شي..ومسح على وجهه بايده اللي ترتجف ولف على هيثم....وهمس... عــادي..!!
هيثم وابتسم بمكر وهو يناظر السيارات اللي قدامه\..واضـــح..!!
طلال وتنهد من قلبه\آآآآه..بس..
هيثم ولف على طلال\شفيك..!!ياأخي والله أنك غريب الأطوار..شتبي أكثر..كل اللي طلبته اليوم مجاب...صار عندك الفانوس..ماعليك غير أنك تنفخ فيه ويتحقق مطلبك..!!
طلال وابتسم أخيرا\منت حاس فيني..ياخي ماأقدر.. وأسترخى شوي على ورى وهو يحس بالتعب..احس أني مرتبك..مش حاس بنفسي..
هيثم طبطب على كتف طلال بعطف\لاتخاف ياطلال..ان شاءالله كل اللي في بالك يتحقق وترتاح..وأبتسم..وتريحنا معاك..!!
طلال حس أنه كلام هيثم زي البلسم اللي يبرد فؤاده وماقدر غير يدعيله دعوة أخو صادقه بظهر الغيب..
هيثم وظحك وهو يتذكرالوليد\تصدق ماوافق الوليد على طلب سلطان الا علشان ينام..!!والا هو مستحيل يركب مع البنات,,!!
طلال وتوه يتعاطف للوليد ونسى غيرته اللي ماستمرت غير ثواني \والله مسكين الوليد..شفت شكله..!!اللي يشوفه يقول مانام له شهر..!!
هيثم\ههههههههه والله محد قاله يلتحق بالنادي هو يعرف انه ماوراه غير التعب والأرهاق..لكن ماشا ءالله عليه قدر يثبت نفسه بوقت قصير..وكل ماله يتقدم اكثر وأكثر..مين يصدق أنه ذاك الوليد الصغير الطايش..!!صار مشهور وصيته على كل لسان..
طلال\أي والله دوام الحال من المحال..الله يوفقه..وبحزن لا أرادي ..ويعوض عمي خير..
هيثم وتذكر وجه عمه المريض\آميييين..
==========


الجو عند البنات ربشــه في ربشه..الكل يضحك من جهه..ويسولف من جهه ثانيه..وسلطان مستمتع ودخل معهم بالجو..أما الوليد..ياقلبي على الوليد..يصرخ عليهم من جهه ويسكتون شوي..وكلها كم دقيقه ويسولفون مره ثانيه..
الوليد ويمسك راسه بتعب وخلاص وصلت عنده\بسسسسسسسسسس..ذبحتوني..زهقوتني..والعثره تعثركم.. تونا ماخذنا نص ساعه وانتوا تهذرون سكتوا شوي..حرام عليكم..!!والله راسي مصدع..!!
جمانه وبدت بالهجوم الأسطوري\أقول أخ الوليد والله ماضربناك على أيك وقلنا لك تعال معنا..بالعربي..آسفيين جدا..سوالف بنسولف ومو أنت اللي بتتحكم فينا..!!
الوليد وماصدق أنها تكلمت اخيرا\جمانه
جمانه وبعجله\نعم..
الوليد واخذ نفس\جببببببب
سلطان وماقدر يستحمل وضحك\هههههههههه كوكوكو..ويك ويك ويك..فشلوها..أحرجوها.. قفطوها...ههههههههههههههههاي
وبدون شعور الكل ضحك على ضحكة سلطان العجيبه وجمانه محترقه ومشتعله ومابقى غير يعدون لثلاثه عشان تنطلق زي الصاروخ اللي في الجو..
ابتسام ولازالت تضحك\هههههــ أقول جمانه..لقطي وجهك اللــ اللي طايح..ههههههههه
سلطان وسكت اخيرا\لالالالا الا جمونه بنت أختي ياويلكم أن زعلتوها,,ترى ها..ياويلكم..!!
غلا ومؤيده لسلطان\أيه والله الا جمانه..صج كل مره نتخانق لكن ماأرضى أحد يزعلها غيري..!!
لكن جمانه ماردت على أي واحد منهم..وحقرتهم..وظلت ساكته والقهر يتعالى من كل خليه ينبض فيها شريان ووريد..
والوليد استغرب من سكوتها وعرف أنها زعلت..وتمتم بداخله وهو دايخ و تعبان\ياكثر زعلاتها اللي ماتخلص..!ورجع راسه لورى وغمض عيونه وهو يحاول انه ياخذ قيلوله ولو نص ساعه..
مرت ربع ساعه ووصلوا الشباب جمرك السعوديه ومن حظهم السيء انه كان زحمه فظيعه والشمس تصقع من حرارتها..والكل يتلاحق بسيارته عشان يتقدم ويطلع من هالجموع الكبيره..
ونزلوا البنات هاللحظه عشانمطبقة الجوازات..
وكلها خمس دقايق ورجعوا وركبوا السياره..
أما سيارة طلال سبقتهم وصارت في المقدمه..وسلطان بعده بثلاث سيارات..
============


في شركة العالي للعطور العربيه..
في قسم الأداره العامه..
كان عبد الرحمن منهمك بشغله بين أوراقه اللي محتاجه مراجعه وبعض توقيعاته..وبين الملفات اللي لازم تنعرض على الجد يوسف اليوم..
وكالعاده مارجع وقت بريك البيت عشان يتغدى وفضل أنه يشرب قهوته المميزه عشان يصحح أكثر..ويدقق على كل رقم موجود بالفاتوره اللي كل مره تزيد أرتفاع يوم عن يوم..
أرتفع صوت السبيكر وكان السكرتير عمير يصرح بدخول ماجد هالوقت..
تنهد عبد الرحمن بضيق وشرب أخر قطره موجود بفنجانه وقال للسكرتير خله يتفضل..
دخل ماجد وبأيده اليسرى شنطته الدبلوماسيه وجلس على الكرسي المقابل لعبد الرحمن..وبعد ماأستقر في جلسته سلم أخيرا وهو يخبي ابتسامة قهر ويبدلها بابتسامة امتنان وراحه..
عبد الرحمن وتنهد للمره الثانيه\حيا الله من يانا..!!
ماجد بنفس الأبتسامه والنظره\الله يحيك..!!
عبدالرحمن وبادله ألأبتسامه\ها..وش تشرب,,!!
ماجد\مشكور وماقصرت..بس لقيت نفسي قريب من القسم فقلت خلني أسلم وأسأل عنك..من زمان ماشفتك..
عبد الرحمن وفيه خاطره يقول\أي من زمان ماشفتني..أمس كنا في البيت الكبير..!!
عبد الرحمن\تشوفك العافيه يارب..لحظه شوي..وظغط على السبيكر..عمير ثنين قهوه اذا ماعليك أمر..
عمير بصوته الرجولي\حاظر أستاذ..
ماجد وبدى في هجومه المعتاد\ها شخبار بو عبد الله..يقولون الشباب توه موصي على طلبيه ضخمه..!!
عبد الرحمن وأنقهر على تدخل ماجد في خصوصياته وتوه يعرف وش سبب هالزياره اللي مو لله\..صحيح كلامك..توه موصي..وكنت توني بمر المصنع عشان اشوف وصلت والا لا..تدري بعد هذ بو عبد الله..صاحبنا من زمان...
ماجد بضيق وهو يحرك ايدينه اللي مش ثابته\ماله داعي تروح..واللي بالمصنع بيكفون ويوفون..
عبد الرحمن وقام من كرسيه الجلدي وجلس قبال كرسي ماجد وهو يحاول يوتره أكثر\لالالا..مايصير هذه بو عبد الله..ولازم نقوم بالواجب عدل..
وتوه بيرد ماجد على كلام عبد الرحمن اللي رفع ظغطه لكن عمير دخل وبايده القهوه اللي طلبها عبد الرحمن..
وكانت هذه هدنه لثواني معدوده..وراحة اعصاب للطرفين..
عبد الرحمن ويشرب قهوته وعلى وجهه أبتسامة أنتصر\تفضل..أشرب قهوتك..لاتبرد..
ماجد وحس بالسخريه بلهجة عبد الرحمن..وكان رد فعله أنه قام من كرسيه وخذ شنطته ...وطلع بدون مايسلم..
لكن ماحرك ساكن في عبد الرحمن..وتعود على تصرفه المراهق..
وشرب رشفه ثانيه ودوعيونه على الباب اللي طلع منه ماجد
\أناني.وتملكي.ومتهور...وأضاف بضيق..لايحتمــــــل..
.وقام من الكرسي وتوجه للملفات اللي تنتظر عرضها للجد يوسف..
جمعها كلها وخذ سويج السياره ودخل كل الأوراق المهمه وقفل عليها..صار مايستبعد أي شي من ماجد..ولازم ياخذ الحذر منه حتى في أصغر الأمور..

الكاتبه:"وصيت قلبي عليك"

brune 24-05-07 10:23 PM



تونا طالعين من المسجد بعد ماصلينا العصر..
وشكلنا اللحين وعلى مااظن بنتجه للسيف..
فرحتي كبيره اليوم..
اليوم اكتشفت شي خطير ..شي ماتوقعت اني أسمعه ..
شي حلمت فيه من سنين..
شي كنت جاهلته وكاتمته بصدري..
شي حلو..لا مو حلو..
شي ممتع..قلب حياتي بعد ماكنت اشوفها بمنظار أسود..
تبون تعرفون وش هالشي اللي قلبني..!!
لا ماأقدر أقوله..
خلوني أستمتع أكثر بتخيلاتي..
خلوني أبني أحلامي ألأسطوريه..
خلوني أفكر من جديد..
خلوني أفرح بطريقتي..
احس أني من زمان مافرحت بقدر اليوم..
من اول ماجيت من الهند وانا ناسيه شي اسمه فرحه وسعاده..
الله يادنيا..
الله ياقدر..
ساعات تحسسك بالأسى والخوف من المستقبل..وساعات تحسسك أنك تملك الكون كله بقبضة ايديك..
ومن كثرة تاملاتي بهالموضوع اللي شاغل بالي..
وصلنا السيف وماحسيت الا بالبنات يصرخون بسبب سرحاني الغريب..
وهم صادقين من اول ماسمعت الخبر وأنا مسافره لبعيد..مع أحلامي الورديه..
نزلنا من السياره وأنا كل عضو في جسمي يرتجف..
اللحين بشوفه.
بتسمتع بشوفته..
أنحرجت على افكاري اللي تحولت 150 درجه..
صرتي قوية عين ياراوين..!!
تبين تشوفنيه..!!
صج ماتستحين..!!
وظحكت على نفسي وأنا أكابد الفرحه المكتومه..
مسكوني ياعالم أخاف أطير في السماء عالي..وأطيح ولحد بيسمي علي..
سمعت سلطان يقول لنا نمشي ومشينا وراه ولحد اللحين ماشفته..
ياربى وينه..!!
شكلهم فوق..سبقونا..!!
طلعنا فوق بالدرج المتحرك وعلى طول دخلنا قاعة السينما عشان نحجز تذاكر..
ووقفنا كلنا وشفت هيثم يرقب منا وشكله يبي يكلم خواته.
بعدت شوي عنهم وظليت اطالع في البوسترات اللي تعرض فيها افلام اليوم
واخييرا..لمحته..
ولمحت من بعيد يكلم سلطان ويضحك ويطلع شي من ثوبه شي ويوم دققت اكثر شفته يطلع تلفونه ويبتعد عنهم ويظحك..
جاتني جمانه وهي تسرع خطواتها وبايدها مجله صغيره
جمانه \تعالي راوين ..شوفي أي واحد تبين..!!
صج أنك ياجمانه لزقه..مابقيتي تجين الا اللحين..
رديت عليها بدون أهتمام \أي واحد مو مهم..
جمانه وعيونها على المجله\شنوا أي واحد..قولي من اللحين..!!
راوين وعيني على طلال\مدري..اللي تبين..أنتوا شو ريستوا عليه..!!
جمانه تتصفح المجله\شوفي الصراحه مافي شي حلو كلهم أحس انهم بايخين..ومافي مصري غير بوحه القديم.والسفاره في العماره..وواحد جديد أسمه معليش احنا بنتبهدل..يعني كلهم ماصخين..وشكلهم كذا بيدخلون السفاره في العماره..!!
راوين\خلاص ندخله..مو مشكله..ورفعت عيني وشفت طلال يناظرني من بعيد ولحد اللحين السماعه باذنه..
معقوله عرفني..
مستحيل..
لا..
والمصيبه انه جمانه رفعت عينها هي الثانيه وشكلها كشفتنا..
ياويلي جمانوا سوسه مايتغبي عليها شي..
جمانه وكاتمه ظحكتها\أهـــا..وأنا أقول شسالفه..!!
تظارهت بالغباء وأنا عيني على جمانه مره وعلى طلال مرات اللي جالس يناظرنا وكانه حس باللي أحس فيه\أي سالفه..!!
دزتني جمانه بكتفي وبغيت اطيح لولا أنها مسكتني بايدها بقوه..وهي تسمي علي
\شفيك..ثبتي حالك..!!لاتسيحين اكثر...ومشت عني..وراحت للبنات..
غمضت عيني باحراج..وانا أحاول أهدي نفسي ..
واول مافتحتها ماشفته..شكله أنحرج هو الثاني..
أوريها السخيفه فشلتني قدام طلال..ناقصه احراج أنا..
وانا وش موقفني هنا...
صج غبيه..
فضحت نفسي بنفسي..
وقربت من البنات وانا أسب روحي على سذاجتي ..
ناظرت جمانه اللي قتلتني بناظراتها الناريه ..وتجاهلتها..
راوين\وش أتفقتوا عليه..
رديت علي فجر\خلاص قررنا نشوف السفاره بالعماره الساعه 9
والساعه أربع بنشوف اجنبي وٍاسمه
narnia
وشكله حلو..
راوين\أها...أوكي..واللحين وش بنسوي..
غلا\أظن بنتطلع نتغدى..وبعدين بنتسوق..
وقرب منا سلطان والوليد اللي شكله ناوي حرب كلاميه مع جمانه وهيثم وطلال وراهم..وأنا لارأدايا رجعت ورى فجر ولصقت فيها..
سلطان\أي مطعم تبون..!!
غلا وترمش بعيونها\مشتهيه أيطالي..
ابتسام ومو عاجبها الكلام\أي أيطالي الله يخليك..شاورما وتخب عليك..!!
غلا وكتفت ايدينها بدلع\الشاورما ماتكلينها الا أنتي...
ابتسام وتتكلم بكلمة غلا المشهوره و بميوعه عشان تقهر ها\ياربي,,
غلا وتضايقت\يوووه قلت ألف مره لاتطنزون على كلامي..!!وبعدين..!!
جمانه\وشفيها اذ تكلمنا مثلك..بالعكس حمدي ربك أنه احنا نقلدك..في كثير يتمنون أنا نقلدهم يالخبله..!!
غلا\أقول قص على هندي..مو علي انا..
جمانه وتوجه الكلام لسلطان\على طاري الهنود.. سطان تكفى ابي أِشوف فلم هندي.!!
الوليد وتدخل فجاه\مايعرضون بالسيف أفلام هنديه الا نادر جدا..
جمانه وتناظره من فوق لتحت\وانت احد طلب رأيك..!!
الوليد ووده يشوتها بجزمته لأنها دايم تناقضه\لا..بس كيفي بقول اللي أقوله..ومو أنتي اللي بتمنعيني..!!
توها بترد جمانه عليه لكنها سكتت لأنها تذكرت أنها واعده نفسها انها بتجطله وبتحقره..وهذا افضل وسيله عشان تقهره فيها..
هيثم وعلا صوته لأنه بعيد عنهم شوي \أقول وأنتوا بتظلون تتناقشون للصبح..يالله مافي وقت..!!
وبكذا سكتت جمانه..وسكت الوليد ..وكل واحد يحمل على الثاني حقد عميق..
=========


قرروا الشباب يروحون بيتزاهات لأنه الوقت ضيق جدا ومن حسن حظهم أنه كان قريب لطريقهم..
جمانه وبينط منها عرق\ماأقدر.ماأقدر..أحس أني شوي وبذبحه..!!لا ولابس لي الناظره الشمسيه يخاف أحد يعرفه ويتفشل..اللي يشوفه يوقل مره مشهور..لاعب لاراح ولاجاء..مو مثل نواف..بسم الله عليه..
ابتسام ومو عاجبها الكلام أبدا\أقول أشوفك نسيتي أني أخته..!!
غلا وتبي تقهر جمانه\والمصيبه انها تدري انه بيكون من نصيبها يوم من ألأيام..
جمانه وانحرجت وووجها صار بلون الدم وماقدرت غير أنها تخز غلا,,
وغلا خذتها فرصه أكثر وأحرجتها\سكتي ها..!!لأنك تعرفين أني أقول الحقيقه..
ابتسام وميته ضحك\ياويلي على مرت أخوي..تستحي..ماأصدق جمانه تستحي..
جمانه وخلاص وصلت عندها وتركت البيتزا اللي ماكلت غير نصها\ليه أيش شايفتني ..ميت عندي الحياء..!!
فجر ولأول تكون جريئه عند جمانه\أصلا ياجمانه منتي لاقيه مثله..أخلاق..
واضافت راوين\وشهره
وكملت غلا\وجمــال..شي ولد عمي كشيخ..
ابتسام بلهجه مازحه\خلاص...خلاص جيبوا الملاك..البنت ساكته..والسكوت علامة الرضا..
كل هذا وجمانه ساكته وودها تذبحهم وتقطعهم قطعه قطعه..
تحس باحراج فظيع ..وحراره بكل جسمها..
ليه تنكر..!!
هي تدري أنه يعني لها الكثير..
وماترضى عليه ابدا أبدا..
وتدري بعد أنها بيوم من الأيام بتكون زوجه له..!!
لكن متى..!!
تذكرت أنها مصختها معه اليوم..واجرحته كثير..لكن هذا مو شي جديد عليها..هي كل ماتشوفه لازم تدور أي شي عشان تقهره..وهو بعد مايقصر يعطيها حامي..
فجر بلهجه حنونه\شوفي جمونه..وخذيها نصيحه مني..أنتي اذا شفتيها سكتي...حتى لو هو كلمك حقريه..وللعلم أنك أنتي اللي تبتدين..وصدقيني هذا من صالحك..!!
جمانه ومستنكره كلام فجر\أي صالح اللي تتكلمين عنه..!!
غلا وتتطنز وهي وتشيل الزيتون اللي بالبيتزا \ولد الجيران..هههههه
جمانه وعصبت عليها\سخيفه..
فجر وتكمل كلامه\غلا كملي اكلك..والتفت على جمانه..جمانه أنا قصدي لصالحك بعدين..وغمزت لها..فهميها عاد..!!
انحرجت جمانه للمره الثانيه..وعرفت شنو قصد فجر..
ابتسام\كلللللللللللللوليش..يالله وهذه وجمانه وبنزوجها..بقى راوين..والتفت الكل على راوين.!!
وراوين على طول غصت بالأكل وظلت فتره طويله تكح بصوت مخنوق..لمن شربت ماي وخفت الكحه شوي..
فجر بابتسامه وهي حاسه بشي غريب \صحه
راوين وتمسح الدموع من عيونها من كثر الغصه\صحه على قلبك..
جملنه وبدت بالهجوم وهي ناويه تفضح راوين\أقول..!!
راوين ومسكت ايدها وتكح\لااااااا
غلا بفضول\لالالالا تقولون..بسرعــه..شسالفه..!!
جمانه وكملت\راوين..وووو
راوين وعلى طول سكرت فم جمانه وبعينه نظرة توسل\ارجوك..
ابتسام وقربت منهم اكثر وهي مستمتعه بخوف راوين\شنوا..شنوا..لالا مأاصدق ..راوين تحب..مستحيل..
جمانه وشالت ايد راوين\حب من طرفين..
راوين وعلا صوتها\لااااا
جمانه\بس خلاص ماأقدر اقول شي ثاني..
وبدت ابتسام وغلا يفكرون مين اللي في بال راوين..
ولأن شباب العايله قليل..حطوا في بالهم اسمين..لكن استبعدوا ألأول ورجحوا الثاني وخصوصا لأنه قريب منهم ويسكن معاهم..
غلا+ابتسام بصوت عالي ومجنون\طلاااااااااااااال..
جمانه وظحكت بفرحه\هههههههههه شدراكم..!!والله أنكم ملاعين..
ابتسام وفرحت لراوين\واضحه زي الشمس..هو يسكن معاهم له اكثر من 3 سنين وأكيد طاح في حبها..وغمزت لراوين الي كانت مو حايه بروحها وصارت تشرب بكاس الماي لمن خلصته....بنت عمي مو سهله تنحب..!!
غلا جات في بالها فكره غريبه لكن قالتها\وانا اقول شسالفه..وشلي خلا راوين تواقف..أكيد سلطان قال شي يتعلق بطلال...صح..!!
وكانت ردة فعل راوين انها نزلت عيونها للأرض والكل عرف أنه كلام غلا صحيح وهي اللي خذته بسبيل المزحه..
ابتسام\ياربي ماني مصدقه..طلال راوين..راوين طلال...واااي تهبلون..وبعدين بتجيبون عيال وبصيرون دكاتره مثلكم..
فجر\خلاص عاد احرجتوا البنت..!!
جمانه وقررت تنتقم لراوين\وأنتي ياأبتسام بنعطيك هيثم..!!
ابتسام وظحكت بعدين أسكتت وهي تفكر\من صجكم انتوا..أنا اكبر منه بسنه..!!
فجر وظحكت\عادي
غلا وحلت لها الفكره\واااااااااااي شحلاته ..الحب مايعرف لاصغير ولاكبير..تصلحون لبعض..ثنائي خيالي..
ابتسام واستنكرت كلام غلا\لا ان شاء الله..تبين نقلب البيت حريقه...هو عصبي وانا عصبيه..خلينا عيال عم احسن..
جمانه وقررت\لالالا خلاص انا قرررت ابتسام لهيثم..وبيكون حبكم اسطوره..وبعدين أنتي بتكبرين وبتصيرن عجوز وهو يعايرك لأنك أكبر منه بسنه..!!
راوين وتبي تنتقم\أيه صج..تستاهلين أنتي اللي بديتي..
ابتسام بضيق\لاياعمري انا عادي اخطط لمستقبلكم..لكن أنتوا لا..!!
غلا برقه ونعومه\ليه حلال علينا وحرام عليك..!!
ابتسام وباصرار\أيه..
ودق تليفون فجر وكان هيثم يسألهم اذا خلصوا والا لا..!!
وقالت له فجر انهم ماذاقوا شي أساسا..وعصب هيثم على دلعهم.. وسكر السماعه..
فجر\حسبي الله على بليسكم..قمتوا تسولفون ونسينا ناكل..بسرعه هم خلصوا ..واحنا تونا..
جمانه وتبتسم بمكر وتاكل بنفس الوقت\أقول فجر..مين اللي دق عليك..!!
فجر وبدت تاكل وردت بعفويه\هيثم..ليش..!!
جمانه وتناظر ابتسام\لا بس أسأل..!!
ابتسام وانقهرت موت..لكن ماردت عليها الا بكلمتين..
ابتسام\سكتي يامرت أخوي.
وعلى طول أرتفع ظغط جمانه وقلبها زادت نبضاتها..
لكن تظاهرت بالبرود وردت\وانتي بعد..يامرت هيثوم..!!
ماقدرت ابتسام وكان جنبها كومة مناديل خذتهم كلهم وقطتهم على جمانه..
وجمانه تضحك لأن كل المناديل طاحت بالطاوله..
=========

قررت أكلم ام لسان طويل..
لاتسألوني ليش..!!
بس كذا أبي أشوف ليه هالحرب الكلاميه اللي لازم تصير كل ماأشوفها.
بس كيف..!!هذا اللي أفكر فيه حاليا..أبي أغتنم الفرصه اليوم..واكيد بلقى اللي أبيه..
قررنا نرجع للسيف مره ثانيه لأن الأميرات يبون يتسوقون قبل مايدخلون السينما..
وعشانهم هم اللي طالبين هالطلعه رضينا..ولو علينا ماطبينا سوق معاهم مره ثانيه..لكن للضرورى احكام..
ولأن الوقت تأخر مامرينا الا محلين وطلعنا على طول لفوق لأن الفلم دقايق ويبدى..
دخلنا القاعه و أنه احنا بالصفوف اللي ورى..وكنا ماخذين صف كامل..ماشاء الله علينا..
وكانوا البنات داخل بالاخير وأحنا في البدايه..وسلطان يتوسطنا..
وطبعا لأني شفت هالفلم من قبل قررت انام لأني تعبان ومنهد حيلي..وأجلت سالفة المواجهه بعدين..لأنه اللحين نو واي أقدر أكلمها..وأنا اصلا مش قادر أسيطر على نفسي وافكار براسي كثيره…أولها النادي..والبعثه وابوي..وغير جمانه اللي متعبتني معاها..مدري شسوي فيها عشان تفهم..
وبكذا غمضت وهيهات انام معا هالأزعاج..وحاولت أريح ورفعت رجلي شوي لفوق ولفيت الشماغ من الجهتين.ماني ناقص الصراحه فضايح..
الوليد بالسينما ونايم..وش بيقولون الناس عني..
يكفي اللي صار لي ذاك الشهر يوم رحت البحرين حسيت بألأحراج والناس تطالع فيني وأسمعهم يهمسون أني الوليد لاعب الأتفاق..وكنت ولاهمي أضحك وانكت مع الشباب واعلق مع الفيلم..وأنا احس أني صغير ورجعت لأيام الثانويه..ويم حسيت انهم مصخوها وهو يدققون على أقل حركه أسويها..
تبت بعدها..وصرت هادي وثقيل واذا ابي اخورها اتلثم والبس نظاراه ومحد بيعرفني...
ومع تداخل ألأمور براسي غفيت شوي..
وماحسيت الا بهيثم يكفخني بخفه على خدي..
ولأني مالي خلق. فتحت عيوني شوي ورديت غمضتها بقلة حيله
رديت عليه بضيق عشان اعاتبه على ازعاجي
الوليد\شتبي..أووف..
هيثم وفيه الظحكه\وخر رجولك هالطويله..البنت تبي تمر..!!
فتحت عيوني شوي وانا اناظر السواد اللي قدامي..ولأنه النوار مسكره ماحسيت بالموقف الا بصعوبه..وعلى طول نزلت رجلي وأنا متفشل حدي..وهي مرت بسرعه
والمصيبه انها كانت جمانه..عرفتها من عيونها اللي شوي وبتذبحني فيها..
شكلي أحرجتها..الله يعنيني عليها..أوووف ناقصين أحنا..
هيثم وميت ظحك\يالهرم..فشلت البنت..وفشلت نفسك..
عدلت قعدتي اكثر وفتحت الشماغ..\وانا شدراني وانتي ياأخي ماقلت لي..
هيثم وعينه على الفيلم \وش ماقلت لك..لي ساعه وانا أناديك..الوليد..الوليد ويوم زهقت ضربتك على وجهك..وقسم بالله أنك نكته..
قمت من الكرسي وانا ناوي أروح دورة المياه واغسل وجههي واصحصح..
ومسكني هيثم من ايدي\وين بتروح..!!
لبست نظارتي وقلت بعجله\دورة المياه..
طلعت بسرعه وغسلت وجهي مرتين لازم أصحح الكل مستانس وأنا ابي أنام..الله حاله..
ظبطت غترتي ورفعتها على فوق حركتي المفضله.. عالسريع ولبست النظاره..وخذت نفس وطلعت,,
ولأن دورة مياه الرجال ملاصقة لدورة مياه الحريم..جات في بالي فكره وأبتسمت بجنون..مافي أحلى من هالفرصه..!!
ووقفت أنتظر بعيد شوي عن الشبهه..
وبالفعل مرت نص دقيقه وطلعت..وعلى طول ناديتها..
الوليد\جمـانه,,لحظه..
قربت مني شوي وحسيتها خايفه من مشيتها وحركة ايدها..وانا قربت شوي و انه مافي أحد...تقريبا كل القاعات مليانه تعرض افلام هالوقت..
تحنحنت وأنا ناوي أني أتكلم وكل كلمه كنت مجهزها لها ضاعت..
حسبي الله على بليسك ياجمانه نستيني كل شي..
وتذكرت شي.. وقلته عالسريعه ولو أنه غبي بس قلته\شخبارك..!!
جمانه ومستحيه لأنها تذكرت الكلام اللي صار بالمطعم\..........
شفيها..لالالا..ليكون غلطت..شكلها مو جمانه..!!
طيب لو أنها مو جمانه كان ماردت علي..شالورطه..!!
جمانه وتلتفت حوالينها بكل توتر\الوليد تبي شي..شكلنا غلط كذا..!!
فصخت نظاراتي ومسكتها بأيدي\الحمدلله..فكرت أني خربطت وأنتي مو جمانه.
جمانه وماأستوعبت كلامه ونعست عيونها\أنت شتقول..!!
الوليد\ماأقول شي..وصوتي رق لأراديا بسبب هدؤها..جمانه..أنت شفيك علي..!!قصدي ماتلاحظين انه كل مانتواجه لازم نتخانق..!!
سكتت جمانه..وحسيت كأني رميت قنبله عليها..ونزلت عيونها..!!
لالا..أصدق انها بنت عمتي ام لسان طويل..
والا يمكن الكلام اللي قلته ماتوقعته مني..
الوليد بهمس\جمانه..طالعيني..
جمانه وعلى نفس الوضعيه\الوليد ماأقدر بروح اللحين...
الوليد وتهورت شوي\لااا لحظه شوي..خليني أقولك اللي أبيه وبعدين روحي..أرجوك..
جمانه وخذت نفس\مايصلح الوليد..
الوليد وضاق حاله\ليه مايصلح..
جمانه وتعبت منه\ياربي شفيك انت ماتفهم..
الوليد ويأس منها\شنوا اللي تبين أفهمه..
جمانه وبصعوبه قالتها\أفهم..احنا.. أثنينا..مع..بعض..يعنيـــ .......وغمضت عيونها باحراج..خلاص مااقدر أكمل..
حسيت باللي تبي تقوله وعرفت أنها منحرجه فما حبيت ازيد عليها..لكن..ماقدرت لازم افهمها اللي ابيه\طيب.طيب..جمانه بخليك تروحين اللحين لكن بطلب منك شي..ولازم توافقين عليه ..
جمانه بعجله\اللي هو..
الوليد وهديت أعصابي\اول شي قولي موافقه..
جمانه وبحيره تطفر منها\ماأدري..
الوليد وأصريت عليها\لا قولي موافقه..
جمانه ونفذ صبرها\خلاص موافقه قول بسرعه..
الوليد وبسرعه قلتها وبجرأه كبيره\اليوم..بكلمك..على تلفونك..ضروري..!!

جمانه وعلا صوتها\نعــم..!!
Cut>>وحشتني هالكلمه..

أنتهى الجزء..
ردة فعل جمانه..معقوله بتوافق على طلب الوليد..!!
وطلال وش ناوي على راوين..!!
وابتسام والفكره الجديده اللي رسخوها البنات في بالها..!!
وعبد الرحمن ومشاكله مع ماجد..!!
وسميه واخيرا انكشفت صورتها الحزينه المجروحه.. وغربتها الفضيعه بين اهلها..وش مصيرها..!!
ويوسف اللي مختفي من على الساحه..!!


الجزء السابع عشر
الفصل الأول
===============


1995 april 23
جــوع على حـدود باريـس.


أنا غريب
هذا اخر شي توصلت له..
كل شي يدل على الغربه بعيوني..
الأرض غريبه..ماعدت أحس أنها أرض..احس اني متعلق بالهواء..والهواء هو اللي يسرح فيني على كيفه..مره شمال..ومره يمين..
والسماء مغيمه وبدت تظلم و كئيبه تمطر بغزاره..وماعدت أفرق بين دمعتي وماي المطر..
احساس الضياع والتشتت ذبحني بالصميم..والذكرى قتلتني وماخلت فيني شي حي
مسكت زجاج نافذة المطار بايدي أبي أتحسس أنا هذا حلم مو حقيقه..
أبي أًصدق أني متغرب..أبي أحس..
أبي أحس قبل ماأصير مجنون..
ولقيت كذا طياره تحلق بالجو وصوتها صم اذني..غمضت عيوني على طول ودموعي تنهمر بدون توقف..والكلمه تترد باذني..
أنا غريب
أنا غريب.
مسحت دموعي اللي عيت تتوقف..
حاولت اكلم أي أحد..
أبي أحد يسمعني أو يشرح لي الموقف..
وشفت اللي كانوا معي بالطياره جالسين بارض المطار .. البعض منهم مش مستوعبين اللي صاير..أما الباقي راضين بالقدر..!!
حاولت أكلمهم..لكن لامجيب..وكانهم صنم متجمدين بدون روح..
حاولت أشر لهم عشان ينتبهون لي..لكن جمودهم وصمتهم ذبحني..
وطلعت صرخه مكبوته بداخلي وانا عاجز..عاجز عن كل شي..
ضاعت كل قوتي هاللحظه وطحت زي الغرقان في بحر كله أمواج..
وبديت اصيح
واصيح على كل شي صار لي..
صحت بصوت مسموع وأنا أبي حل..حل لكل سؤال في بالي..!!
ومحد عبرني
ولاحد كلمني
ولا أحد اهتم فيني
ولا مسح هالدموع اللي تبكيني
سمعت من البقيه أنه في باص ينتظرنا بره المطار..
وقمت..والله العالم كيف قمت..لكن عرفت من نبضات قلبي أني أهرول و أبي أبتعد من الحقيقه اللي كل مالها وتتوضح صورتها قدامي..
وشكلها رحلة الغربه بدت
+++++++



ركبنا الباص ومشينا ..وبعد 25 كيلوا وصلنا باريس..
وجانا صوت بشع غليظ وهو يصرخ من الغيظ وكان سايق الباص
ولجهلنا اللغه الفرنسيه مافهمنا له..
لكن باب الباص أنفتح اتوماتيكي..وعرفنا وش قصده أخيرا..
وبلاشعور طلعنا ورى بعض بكل أنصات وانصياع والخوف مسيطر علينا
ومشى الباص بعد مارمى جمله بصوته الجشع وهو يبصق بنافذة الباص علينا
والشي الوحيد اللي فهمته منا..كلمة (عرب)..واكيد كانت سبه أو لعنه لنا..
عيوني كانت متعلقه بالباص زي اللي متمسك بألأمل الوحيد أني ممكن ارجع مره ثانيه...لكن ماشفت غير الغبار اللي طلع من الباص وأختفى..
وكانه روحي راحت معاه ولاراح ترجع مره ثانيه..
لفيت عيني كذا اتجاه وانا ابي اركز على أي شخص كان معي لكن ماشفت ولا احد وكان الأرض أنشقت وبلعتهم؟؟
واستسلمت للقدر ومشيت..وين..!!ماعندي خبر..المهم أني أمشي..
والله العالم وين بتودي بي دروبي..!!
توني أحس بالبروده وبالسماء اللي تمطر لكن خف الماي ومابقى الا رذاذا خفيف
شبكت ايديني حولي جسمي لا أراداي وأنا احاول واجاهد أني أستمد ولو دفا بسيط من حرارة جسمي الداخليه..لكن بدون فايده..
البرد أكلني وقلص عظامي..
نزلت عيوني لملابسي وشفت اني لابس جينز عادي وتيشرت عادي لكن أكمامه طويله..
حسيت بالجوع..وتذكرت أني ماكلت شي من ليلة امس
مسكت راسي وبالتحديد مكان الضربه اللي خذتها من عيال الحرام
وحسيت بالألم يزول شوي..
لكن معدتي فاضيه وبدت اصواتها تظهر..
وين اروح اللحين..!!
ومين أشتكي له..!!
ناس غريبين عني..والمشكله ماعرف شي بالفرنسي..
رفعت شعري اللي غرق بالمطر بضيق..وانا عيوني تدور على أي مكان ألجأ له ..
لكن لقيت نفسي امشي قريب من نهر جنب شارع عام...وشكله مكان للمشي...
يعني الطريق طويل..طويل كثير..


شفت الناس تطالعني كأني شي منبوذ وصخ..وسمعت ظحكاتهم اللي كانت بسبب لبسي وكيف هو غرق بالمطر..وشفتهم يأشرون علي بالجنون والغباء..
لكن ماعطيتهم أي أهميه..وظليت أفكر بالمصيبه اللي طحت فيها..
وطلعت من تنهيده من قلبي اللي يرتجف بروده وجفا,,
حسبي الله ونعم والوكيل..حسبي الله ونعم الوكيل..
ال**** مالقى غير فرنسا..يغطني فيها..
ياربي..ياربي..عطني قوه..قوه توقفني ..
والا طلبتك ياربي.. طلبتـــــك..وبياس وضياع وانهيار
أنك تومتني وارتاح من هالعذاب اللي عايشه..
وعلى طول..
جات في بالي فكره وابتسمت بدون شعور وتهلللت الفرحه بعيوني
وصرخت...لقيتها..
تركي
هو اللي بيطلعني من اللي انا فيه..
وبكذا نسيت الجوع وألألم والأهات وبديت ادور على كبينة تلفونات..
لكن من وين أجيب الفلوس..!!
ماعندي شي..تحسست جيوبي وأنا كلي امل أني القى أي شي..أقدر أبيعه..ومالقيت شي..
صفعت ايديني الثنتين بقهر وتسندت على جسر النهر بتعب ..
ولا اردايا تحسست الساعه اللي لابسها ورجع لي الأمل مره ثانيه
تذكرت أني انه أبوي شراها لي هديه يوم دخلت الجامعه..وماعندي غيرها .زكلن صعب علي أفرط فيها ..والله صعب..ظليت أفكر وأتعمق بالتفكير..ومالقيت غير هالحل..واكيد بلقى اللي بيشتيرها مني..

جلست أردد هالكلمه وانا أهرول بجنون عشان القى أي محل مفتوح
تجاوزت الشارع الرئيسي بسرعه وسمعت اصوات السيارات وهي تهرن وكان بيصر لي حادث بسبب جنوني..لكن ماهتميت ووظليت اتجاوز سياره ورى سياره و,انا اركض واركض بدون ماأحس في نفسي..
حسيت بروحي تطلع من كثر ماأركض وماقدرت غير أني أنتفس باقوى ماعندي وأنا اركض..وأدور على أي محل ممكن أبيع فيه ساعتي.
وبالأخير وبعد حسيت اني مشيت عدة اميال لقيت محل وكان يبيع اثاث للبيت واكسسورات..
ظبطت نفسي ومسحت على شعري وخذت نفس ودخلت على طول للكاشير وكان كبيرفي السن تقريبا مابين الأربعين سنه والخمسين..
وهنا ماعرفت كيف أكلمه لكني حاولت معه بالأنجليزي والمشكله مافهم شي..
حررت ساعتي من ايدي وأنا أناظر فيها أخر نظره وبعيني حزن فظييييع..
وأعطيتها راعي المحل.. وفهم علي أخيراوظل يقلب فيها فتره طويله..وبعدين جاب زي العدسه وحطها بعيونه..وظل يتأمل بالألماس اللي كانوا حوالين الساعه,,
وبعدها ابتسم لكن ماعرفت ورى هالأبتسامه ولا بغيت أعرف اساسا..أهم شي اني أحصل على فلوس..هذا اهم شي..
وشفته يطلع لي من الدرج اللي كان جنبه.. عمله غريبه..
وكانت كذا عمله حديده اللي مكتوب فيهم عشره فرنك وفي بعضهم خمس فرانك.
فرحت على طول وماجادلته لكن أحساس الضياع غمرني واسرني وأنا اشوف الساعه وهو يحطها بالدرج ويقفل عليها وكانها شي ثمين واملكه....
تناسيت هالأحساس هالوقت لأني لو فكرت فيه بتوه..
طلعت من محله على طول ..وبديت في البحث على كابينه تليفون..
واخيرا لقيت وحده بزاوية شارع وعلى طول هرولت لها وشفت واحد يكلم فيها وعرفت أنه عربي من ملامحه..
وبعد ماخلص ظل يناظرني باستغراب لكن مااهتميت فيه وعلى طول دخلت عمله ودقيت الرقم اللي حفظته عن غيب..
وظليت ماسك بالسماعه باقوى ماعندي وأنا متلهف أنه يرد علي تركي..
ظليت أعد الثواني وانا اتمتم بداخلي رد..رد علي ياتركي..
وسمعت صوت من بعيد يجيني من السماعه..وعرفت أنه تركي
ظحكت بجنون وانا اصرخ\تركــي..تركـــي..أنا يوسف..
ظل فتره طويله ساكت..ورجعت اتكلم واناديه\تركي..ماتسمعني أنا يوسف..
واخيرا رد\يوسف..وينك أنت..!!
علا صوتي أكثر وانا اكابد الدموع اللي تنزل من عيوني\تركي أنا بفرنسا..قطوني بفرنسا ياتركي..قطني ال**** محمود..الله يلعنه الله يلعنه..وكملت بصعوبه وأنا احاول أسيطر على نفسي..تركي شف لي حل ياتركي...أنا بمووت خلاص بمووت..
تركي\يوسف انا عرفت من الشباب أنك بفرنسا وعرفت انه سحبوا جوازاتكم..لكن لاتخاف بحاول أجيك اذا قدرت..لكن مش اللحين..وبغيت اقولك عن أهلكــ...

وانقطع الخط..وعلى طول حطيت عمله ثانيه وأنا اظغط على نفس الرقم واصبع ترتجف وانا اترك اهلي,,,شفيهم اهلي..!!..
وعلى طول رد علي تركي..\ايوه تركي وش كنت تقول شفيهم اهلي..تكلم..
تركي رمى القنبله اللي ذبحت يوسف\يوسف......أهلك دروا انك مدمن..وابوك منوم بالمستشفى جاته جلطه ..وبقولك شي ثاني أنا بسافر هالفتره.وأبي اهرب من محمود وأتعالج من ألأدمان لأنهم عرفوا أني مثلك...مدمــــــن..مع السلامه يايوسف..مع السلامه..
وسكر تركي..
وتسكرت حياتي من بعده..
اهلي دروا..
أهلي دروا اني مدمن
ابوي
ابوي مقطوط بالمستشفى
وتركي بيسافر ويخيليني
بيتعالج وبيخليني..!!
وأنا مين لي..!
مين لي..!!
ولا احد
ولا احد
لااااااااااااااااااااا
---------



22 april 1994
(اليوم الثاني)


الم فظيع في ظهري..آآه يمه...الم فظيع
فتحت عيوني بصعوبه وحصلت نفسي مركون ......بزاوية الرصيف..
جفت دموعي..
مابقى محجر لهالدموع..
تذكرت أني طحت أمس بالشارع من المصيبه اللي حلت علي..
وشكلهم ماتعبوا روحهم وقطوني باقرب مكان جنبهم
ظحكت على نفسي..
أيه ظحكت على نفسي..أشمئزاز وكره..
وسندت طولي وانا ماسك ظهري بتعب..
جـــوع
حسيت بالجوع مره ثانيه..
ومشيت ادور لي على أقرب مطعم ممكن أني أسد جوعي فيه..
و كان في مطعم قريب من الشارع
دخلته على طول وطلبت لي 2 كروسان وشاي وقرشة ماي..
وماجلست على الكرسي..
ظليت أنتظر طلبي جنب راعي المطعم..ماني أقدر أستحمل..بطني يأن من الجوع..
لمحت راعي المحل يبتسم بسخريه..لكن مااهتميت فيه..اهم شي اني أكل واسد هالمعده اللي فاضيه من يومين..
وكلها دقايق وجاء الطلب..محطوط بصينيه..وعلى طول أمديت ايدي للكروسان قبل ماأمد يدي للصينيه وحطيتها بفمي وانا اكلها بكل شراهيه..
وبأيدي الثانيه مسكت الصينيه وجلست على اقرب كرسي وانا اكل الكروسان واشرب الماي لمن فضيت القرشه كلها لدرجة انه نزل بعض الماي من فمي ومليت نفسي..
تركت القرشه على جنب وأكلت الكروسان وبديت اشرب الشاي الساخن..وعجبتني حرارته وظليت ماسكه بايدي وانا استمد حرارته اللي بعثت الدفء في نفسي.
وكلها دقايق وخلصت ألأكل..وارتحت وتسندت شوي في الكرسي.. لكني فزيت على طول لأني تذكرت اني نسيت شي اسمه صلاه..
وظليت اردد هالكلمه في بالي..
صلاه
صلاه
صلاه يايوسف
من متى ماصليت ياويوسف..
كم شهر ماصليت..
وكم مره أصلا صليت..
يمكن بس أيام الجمعه..وبعض المرات اذا كنت رايق فيها..
يوسف
الأدمان نساك الصلاه يايوسف
نساك الصلاه..
وحتى يوم تركت المخدرات مارجعت تصلي يايوسف
مارجعت تصلي..
متى بتصلي يايوسف..متى..!!
أسئله كثيره دارت في بالي لكن لأني ماأبي أجاوب عليها..تناسيتها..
وطلعت من المطعم بعد ماحاسبته ومابقى عندي غير عمله وحده..
عمله وحده بتعيشني كيف..!!
ماأعرف..
مشيت في شوارع باريس..تايه ..ضايع..بدون هدف..
أمس لقيت لي مأوى أنام فيه..
وكان شارع يضمني مع احزاني.
واليوم لقيت لي لقمه تسد جوعي فيها
لكن بكره كيف بنام..وكيف باكل..
وكيف بعيش..!!
لازم القى حل لازم..
فكر يايوسف..فكر..وش الحل..!!
لازم تعيش..لازم تعيش..
لازم تصحى..أصحى يايوسف اصحى..
أنت في غربه..أنت غريب يايوسف..
غريــــــب
غريب
غريب
:
:
:
هالكلمه اصبحت صدى في أرجاء قصر الدكتور سمير..
حس فيها الدكتور..حس كيف غربه..
أثاري الغربه مو غربة وطن..!!
الغربه اللي يعييشها يوسف غربة روح..واهل..وارض وندم..

جاء صوت الدكتور سمير وهو يطلب من يوسف يكمل بقية قصته
ويوسف ابدا ماأعترض..وكمل القصه وهو في حالة استرجاع الماضي المؤلم
يوسف\خلصت فلوسي..وقضيت على اخر فرنك عندي..وبديت ابحث عن شغل..!!يعيشني..
انصدم الدكتور سمير..شغل في باريس..وش هالشغله اللي بتعيش يوسف..!!
الدكتور سمير بحيره\وأيش أشتغلت..!!
تالم يوسف على هالذكرى لكن قالها وهو يدوس على جرحه\أشتغلت شغله بسيطه لكنها وكلتني عيش..
ورجع يوسف يتذكر أول شغله اشتغلها..
:
:
:
:
:

بعد تفكير يوم متواصل قررت اني أغسل أي سياره اشوفها بوجهي
وبالفعل فصخت التيشرت حقي وكنت لابس فانيله بيضاء داخله..
فصخت الفانيله البيضاء ولبست التيرشت ورحت لاقرب صنبور ماي وبللت الفانيله بالماي..ورفعت اكمامي وبديت اقرب جنب السيارات واغسلهم وحده ورى الثانيه
والبعض عطاني بطيبه..
والبعض ولافكرحتى يفتح نافذة سيارته عشان يقولي مايبي..
وظليت طول النهار و,انا بغسيل السيارات المهم اني أجمع مبلغ يوكلني والا بينحكم علي بالموت وبكون أنا الوجبه السهله للكلاب المنتشره ..

هبط الليل على على المدينه وأنا على وقفتي من الصبح ..ويوم حسيت بأني خلاص مافيني ولاذرة حيل..جلست بكل قوتي على المكان اللي كنت دايم اجلس فيه ذا تعبت..
وكانت حديقه شبه مهجوره في الحي..نادر أحد يجيها..وكنت أنام طول الليل فيها وذا جاء الصبح أقوم وماأرجع لها الا بالليل..
اسبوعي في باريس ماذقت فيها طعم الراحه..
اشتري الخبز اذا كان عندي فلوس كفايه.
اما اذا ماعندي اظل طول الليل وانا أأن من الجوع القاتل..
كنت اتمنى اشتري لي جاكيت يدفيني لكن كنت اعرف اني مستحيل راح ألقى جاكيت يسعر رخيص..وخصوصا في باريس العاصمه..




الكاتبه:"وصيت قلبي عليك"

brune 24-05-07 10:26 PM



لمن جاء ذاك اليوم اللي ماكان عندي فيه ولاقرش..وكنت طول اليومين صايم..
ظليت أتكسح في الشوارع وانا رافض أني أطلب من أحد شي..
وقفت عند محل خباز..وظليت أتامل الخبز وهو بالتور..وأشم ريحته ممكن ِاشبع بهالطريقه..لكن زادت عندي الشهوه ولعابي زاد في فمي وانا متعطش أحط أي لقمه بحلجي..ظليت فتره طويله وانا أناظر الخبز وايدي ماسكه زجاج المحل..
ولا أردايا نزلت دمعه مني..وحسيت باحاسيس الذل والمهانه..مسكت بطني بقوه وانا اجاهد وأجاهد الألم والوجع..معدتي فاضيه والأصوات زادت وأنا مرهق..
وعشان ماأعذب نفسي اكثر رجعت لمكاني ألأصلي..للحديقه وبالموت وصلت لها..
وزادت علي حرارة جسمي وخصوصا بأنه الجو بارد ويمطر..وانا على لبسي اسبوع مر وأنا لابس نفس اللبس..ينزل عليه المطر ويتبلل..ويجف بعدها بساعات..وانا بكل الحالات اتألم..

حسيت باعراض الفلونزا..وأرتجاف قوي بجسمي كله..
مسكت جسمي بقوه وانا ابي أخفف الأرتجاف اللي صاحبني..لكن بدون فايده..
وبلعومي كان جاف ومتشقق..حسيت أني محتاج أي شي حلو اكله..
احس بدوخه ودوره قويه..
وتسندت على كرسي الحديقه وانا امسح العرق اللي على وجهي..وكل ماأمسح يزيد العرق واتعب..
وارخيت كل جسمي على الكرسي..وظليت أكح بصوت مسموع..
وحسيت بالموت يجيني..
واستسلمت
بانه روحي بتنقبض اليوم..
وغمضت عيوني بعجز فظيع وقل حيله..
وتشهدت..وأنا غير راضي على نفسي..
بمووت وانا وحيد
بموت واهلي مش راضين عني
بموت وانا ماأصلي
بموت وانا كنت يوم من الأيام مدمــن..
وبسبب هالجروح اللي احس فيها...زاد علي المرض أكثر وظليت اكح واكح بصوت عالي ومسموع.
وماوعيت الا بأحد يمسكني من ايدي..
فتحت عيوني على طول وشفت شاب طويل وعريض..ماقدرت أدقق بملامحه اكثر..
لأنه اغمى علي ساعتها.


30 april 1995

كنت اتمشى بالحديقه اللي جنب الشقه وسمعت أحد يكح ..قربت من الصوت أكثر وشفت شاب...نايم على كرسي قربت منه أكثر..وعرفت أنه هو اللي طلع منه الصوت لأنه كح مره ثانيه..
ومدري ليش جاني شعور أني أبي اشوفه..
لكن طنشت ومشيت عشان ارجع الشقه..
الواحد بهالدوله نفسي..نفسي..
لكن سمعت صوته وهو يكح بشكل مستمر وماطاوعني قلبي وغيرت مساري ورحت له..
واول ماقربت منه..مسكت ايده..وغمض عينه..وكنت احسبه مات..خصوصا لأنه وجهه قلب أزرق وشفايفه بيض..
ماعرفت شسوي ساعتها..!!أرتبكت كثير..
قربت من صدره عشان اتحسس نبضات قلبه..
ولقيت في نبض..
يعني حي..
حملته بكتفي و انه الشقه تبعد خطوتين عن الحديقه..
ومشيت بصعوبه ووصلت أخيرا بعد ماأنهد حيلي..
سندته على اقرب كنبه وركظت للمطبخ وخذت لي مناديل ثقيله وبللتعم بالماي وحطيتهم بطاسه ..
ورحت له زي البرق..
تحسست خده وجبهته ولقيتهم نار..وحطيت اول منديل على جبهته.
فصخت جوتيه وكانت اطرافه بارد زي الثلج..
وتيشرته بعد فصخته وكان كله ماااي وكانه مصبوب صب..
وجبت له فراشي وغطيته..
ياربي كيف استحمل..!!
كان بيموت ولا احد داري عنه..!!
الله بعثني له..
الله بعثني له..
فصخت جاكيتي الجلدي..وقربت كرسي وجلست جنبه طول الليل وانا أغير الكمادات بين فتره وفتره..وحسيت بانزاعجه وخصوصا لأنه كل مره تتغير ملامح وجهه..
ويتحرك بقعدته..لكنه مش حاس بنفسه ابدا..
وكأنه جسد بدون روح..
ظليت أتامل فيه..
لمن داهمني النوم ونمت وأنا مش حاس بروحي..
+++++++


اليوم الثاني
أنا وينـــــ..!!
لؤي\أنت بدارك..!!
قمت بصعوبه وانا مستوحش المكان..لكن جاني بسرعه وجلسني ..
لؤي\علامك ياخوي..علامك خايف..!!
وقلت بعجله\انا وش جابني هنا..!
رد علي بهدوء \امس أنا شفتك بالحديقه..وكنت بين الحيا والموت..وماقدرت أخليك وامشي..بكون نذل..ومو من طبع العرب النذاله..وبعدين لا تستهم المكان مكانك..أنت ارتاح بس.
حسيت بالأمان من نظرته الحنون وكلامه اللي ريحني..
وكنت اول مره أحس بانه في أحد معاي في غربتي..
وارتحت مع الوقت..وعرفني عن نفسه وعن وحدته في هالبلده..
وكان هو اللي يتكلم وأنا أرد عليه بكلمه او كلمتين..
ماعندي شي اقوله
ولا عندي ماضي يشرفني عشان اناقشه..
+++++

اشياء كثيره اتضحت بهالجزء..
يوسف كان مدمن وتاب..!!
تركي أيضا مدمن وبيسافر يتعالج..!!
مين محمود..!!
وش العلاقه بينهم..!!
يوسف وبداية التعارف مع لؤي..
فكروا بهالجمل عدل...وأنتظروني مع تكملة الجزء
---------



الفصل الثاني
=========

7june 1995
أهي خطوط الحقيقه..أم الربيع أتى...!!


مرت الأيام ببردها وجفاها..مره تكون لي شمس تسطع في وسط المغيب..ومره تكون لي غيمه تهطل مطر..
وفي كل الحالتين أنا عايش..
برحمته..
اللي عيونه ماتنام..
ظليت عايش مع لؤي ..صديق الغربه..وأحرجني بكرمه وطيبته..وماكان في فرق بيني وبينه في العمر..
عمري عشرين..وهو واحد عشرين سنه..
لكن اللي يشوفه يعطيه أكبر من سنه..
عرض علي أني أِشتغل بنفس المطعم اللي يشتغل فيه.وماترددت ابدا ومن أول يوم اشتغلت معه..وبدت تتغير اشياء كثيره من حياتي..وقبضت اول راتب لي في المطعم اللي كنت اشتغل فيه نادل..
واول شي سويته شريت لي بدل ثقيله وجاكيت جلدي يحميني من البرد..لأني بصراحه متفشل من لؤي ..حتى ملابسه أستعرتها منه..وهو ماعارض أبدا..
وكنا نقسم بيننا اجار الشقه وهذا الشي كان من صالحنا احنا ألأثنين..
واخيرا استقريت ولقيت لي مأوى خاص فيني بدال نوم الشارع اللي ذبح ظهري وأرهقني..
أخيرا قدرت اكل لقمه تدفيني من جوعي القاتل
لكن في شي كنت ناوي عليه ومعزم..لكن ماعندي الهمه القويه..
وكنت متضايق من هالموضع لكن مش عارف كيف أوجه نفسي..!؟
الصــــلاه..
كنت اشوف سجادة الصلاه اللي يصلي فيها لؤي كل يوم..وكنت امنع نفسي عن رؤيتها..لكن زي الخنجر..زي الخنجر بصدري اذا كانت قدامي..
وكنت بحيره وقلق..
ودي أصلي..لكني أحس بالخمول والعجز..مش عارف كيف أواجه نفسي.وكيف ابدأ..
كانت صعبه..البدايه كانت صعبه جدا..
لكن جاء اليوم
وقررت اصلي بعد ضياع خمس شهور بين الأبر والحشيش..
نستني نفسي..نستني روحي..نستني صلاتي..
ويوم أمتنعت عنها أمتناع كلي..ماعرفت كيف ارجع لصلاتي وخصوصا لأني مبتعد عنها خمس شهور بين الم وحيره وضياع,..
آآآه يانفس..يانفس ياطماعه..ياهاويه
أحساسا الندم يحتويني من كل جهه..
وبلا شعور
وبلا مقومات
وبلا حواجز
قمت من مكاني ورحت اتوضأ وانا أبكي...أبكي نـــدم وحسافه..
توضيت بسرعه وكأني زي المحروم وابي أكفر عن ذنوبي..
ذنوبي اللي غربتني ..
ووقفت قدام للقبله وأنا خاشع كل الخشوع ..
وراضي كل الرضا عن نفسي..
وبديت اكبر
الله أكبـــــــر
وعلى طول بديت اصلي ..وكأني توني مخلص فرض وبصلي السنه..حسيتها خفيفه على النفس والروح..حسيت أني ضيعت شي كبير وأسترديته من هاللحظه..
حسيت أني نظيف..ومجرد من أي ذنب كان فيني..
حسيت بالتوبه وبالنيه الصادقه تغمرني..وتدفي قلبي..
وحمدت ربي..وشكرته..
أخيرا
أخيرا رجعت يايوسف..
قمت من مكاني وجلست على الكرسي وأنا انتظر لؤي..
اول مره أحس أني أبي أتكلم أبي الكل يسمعني ومايسكتني..
أبي أقول اسباب غربتي وضياعي..
أبي أحد يفهمني..
خلاص يالؤي
خلا ص يايمه
خلاص يايبه
أنا طهرت
طهـــــرت
\
\
وكأنه الله نادى لؤي وجابه لعندي..والفرحه مرسومه رسم بمعالم وجهي..
ناديت لؤي يجي لعندي\لؤي قرب..
قرب لؤي وهو يسلم علي\سلام يالحبيب ..شعندك مارحت الدوام اليوم..
تجاهلت سؤاله وكملت\لؤي ماعلينا..اسمعني..مو أنت تبي تعرف سبب غربتي..!!
وعلى طول رد لؤي\أكييد


جاوبته بالسؤال اللي محيره من اول مانزلت ضيف عنده\بلحظة ضعف..وبعد اقتاع من تركي ولد عمي..خذت اول حبه..وحبه تجر حبه..وصرت مدمن عليها..
شفت التقطيبه على وجهه لؤي..لكني كملت\كنت مراهق..مراهق ويبي أي شي يغير مجرى حياته..كل شي كان عندي..
الفلوس.. وكملت بصعوبه..الوظيفه اللي كانت بتزوجني بنت عمي بدون شهاده جامعيه..
وقاطعني لؤي\طيب كيف تتزوج بنت عمك وانت بهالعمر..!!
رديت على سؤاله غصبن عني\انا وبنت عمي نحب بعض من زمان ..والكل عارف هالشي..وكنت حاجزها من وانا عمري 11 سنه تخيل الوضع..وقررت اني اول ماادخل جامعه اتزوج واتوظف بشركة جدي..
ماعجبه لؤي كلامي\طيب كيف البنت راضيه تتزوج واحد بعمرك..
ابتسمت بدون شعور ونطقت باسمها بتهور\فجر كانت تحبني..!!عشان كذا رضت فيني..وكملت باحراج..ياأخي مو كل شي بفصلك اياه افهم انت على طول..
ابتسم لؤي بخبث\اسمها فجر هــا..!!
عصبت شوي وكملت له\الله يقطع بليسك خليتني أنطق باسمها قدامك..
ظحك علي بجنون\كمل..كمل سالفتك..يالعاشق..
يوسف\وطبعا قبل ماأوهق عمري .. قطعت الحبوب لأني كنت عارف انها بتضيعني لكن حسيت بصعوبه كبيره..لكن ماأستعملت الأبر اللي كان تركي ياخذها..
وظليت خمس شهور أعاني..واخذ حبه أو حبتين بألأسبوع.لمن حسيت أني بديت أتركها..والحمدلله أني ماتعودت عليها كثير..هي كانت لحظة ضعف وندمت عليها..والحبات اللي أخذتها تنعد بالأصابع..وكانها مرحلة مراهقهه وولت..
وحاولت امنع تركي عنها لكنه خلاص دخل في القوي...وماقدر يمنع نفسه وخوصا لأنها تأصلت في دمه...
تحمس لؤي وشفته بياكلني من عيونه أكل ..وكانه يقولي كمل ..لاتوقف..\المهم بعدها وقبل ملكتي بيوم واحد..جاني أتصال من تلفون غريب.. وكان تهديد أنه في أحد بيفضحني يعرف عني كل شي.انا هنا خفت..وخصوصا أنه كل الشباب يعرفون عني والكل طايح بهالسم الملعون وكان في واحد معنا اسمه محمود وكان ولد كباريه ولد وزير تعرفنا عليه بسفرتنا لأمريكا انا مع تركي وهو اللي خلة تركي يتعاطى وكان يجيب لنا الحبات ببلاش لأنه ولد جخ وماهمه الفلوس أبدا وكل مايجي من امريكا يجيب لنا حبات غريبه..وأنت بس أخذ ونعنش..يعني تركي ومحمود كانوا اكثر ناس قريبين للموت..المهم جات فتره ابتعدت عنهم هالأثنين وعرفت كيف أرجع نفسي الأماره بالسوء .. وكان صديقي محمد هو الوحيد اللي يعرف بسري هذا كان أخو دنيا بالنسبه لي..كان حريص لي أشد الحرص..وماتخلى عني بيوم واحد ودايما ينصحني...وماأكذب عليك هو من ألأسباب اللي خلتني أمتنع عن الحبوب..وياما حجزني بشقته يوم كنت اعاني واحتاج حبه تهدنيني وتريح بالي..كنت تايه..تايه ومحمد الله يذكره بالخير رجعني لطريق الخير..وسكت وانا اتذكر ألأحداث
خذ نفس لؤي ووده يذبحني\كمل واللي يرحم والديك..!!كمــل
يوسف\وجاء يوم ملكتي على بنت عمي..وكان ذاك اليوم ماأنساه ابدا..كنت بشقة محمد صديقي..وجاني أتصال غريب وكان صوت رجال اول مره اسمع صوته..وطلب مني أقابله بمكان معين..وقال أنه محمود بين الحيا والموت وطلب مني أني أجي لعنده....
لؤي بهجوم\وانت رحت طبعا..!!
يوسف\أكيد رحت..وليتني مارحت..بعد ماوصف لي المكان لقيت نفسي في بر بعيد على الطريق اللي يودي الرياض..شفت سياره مركونه بالشارع..وعرفت انها سيارة محمود..وعلى طول نزلت من سيارتي..ومشيت للسياره..وأول ماقربت من عندها سمعت طلق نار..وأنا هنا أرتعبت.وتجمدت..لأني شفت محمود طايح بالأرض.
ومين اقتله..!!
أخوه سلمان اللي اكبر منه..
واكيد بتسال اللحين ليش قتله..
أّكر قبل اذا دخلنا بالجو كل واحد فينا يقول قصة حياته همومه..ومره وأنا جالس مع تر كي ومحمود في شقته أحاول أقنعهم أنهم يتركون هالحبوب..سمعت محمود يهذي أنه سلمان يكرهه ويتمنى موته عشان يورث أبوه وهو السبب في ضياعه وتشتته..

وسكت وأنا مش مستحمل أني أكمل رفعت عني لــ لؤي..وشفت الحيره والغموض في وجهه..
ظغطت على نفسي وحاولت أني أكمل\ المهم أنا يوم شفت جثة محمود طايحه بألأرض ركظت لسيارتي وبدون سابق أنذار وأنا أبي أهرب...ابي أبتعد قبل مايشوفني سلمان..لكن لعدم وجود أحد بهالمكان وبسبب الفوضىوالحركه اللي صردت مني لمحني سلمان وهو بالمثل ركب سيارته ولحقني..دعست على البنزين كله..وانا حاس بالموت..وقرب مني لمن ماصار بيني وبينه الا مسافه بسيطه...لكني زودت السرعه.. لمن وصلت شقة محمد..وتوني بنزل من السياره الا شفت محمد بالشارع وأبي أقوله شي ماقدرت ..ولأني خايف عليه مانزلت من السياره لأني شفت سلمان وصل وماقدرت غير أهرب وانا أقوله بصوت عـــالــــي
خل بالك على ألأهل.
.وصرت امشي بالسياره بجنون وابي أتوه سلمان لكنه كان يطاردني ومامل أبدا..ودخلنا عند بيوت قديمه ومهجوره و كنت امشي بدون ماعرف وين اروح..وماحسيت الا بانفجار كفرات السياره واحد ورى الثاني...واثاريه الخبيث فجر الكفرات بالرصاص..
وبعدها ماحسيت بشي لن فقدت سيطرتي على السياره,,,واغمى علي..
وشفت نفسي بااسطبل خيول لمزرعتهم اللي كنا نسهر فيها مع محمود...وثاني يوم على طول ركبوني سياره للمطار.. وأول طياره على باريس..
بس..
. هذه قصتي..
أنا مأنكر أني كنت أتعاطى فتره...لكن دفعت الثمن غالي.. ودمعت عيني...وانا مظلـــوم..
فتره طويله لؤي ساكت وانا بالمثل استرجع الذكريات المؤلمه اللي تدور في بالي..
لؤي\يوســـف..شالعيشه اللي عشتها يايوسف..!!
كيف قدرت..
وخانه صوته..كيف قدرت..تستحمـــ ــــل..!!
رديت عليه بحيره\خلها على الله يالؤي..خلها على الله..
لؤي أحتار من امر صديقه\طيب اسمع..ماتحس أنه الموضوع غريب شوي..
يعني مثلا..مين اللي كلمك وخلاك تجي لمحمود..!!وليه سلمان ماقتلك وفك نفسه,,,!!
يوسف\أنت مجنون تبيه يقتلني..وبعدين يروح اعدام..!!ليته قتلني ولا غربني.!!لكن هو اختار الحل السهل واللي بيطلعه من التهم..ولأنه من الكباره سفرني بسهوله..
أما اللي كلمني لحد اللحين مااعرف مين..!!ولا اعرف ليش كلمني بألأساس..!
لؤي\طيب وتركي ..وش صار عليه..!!
يوسف\هو الوحيد اللي كلمته..وقالي انه اهلي دورا أني مدمن ..وقال انه بيسافر..عشان يتعالج من الأدمان..وكلمته مره ثانيه لكن كان الخط مقطوع...!!
لؤي\تصدق أحس انه ولد عمك ورى هالمشكله اللي أنت طحت فيها..!!
عارضته على طول\لا مستحيل..ولد عمي يسوي كذا..!!
لؤي وظحك بسخريه\وليه مستحيل ياحبيبي..مو هو اللي اعطاك الحبوب..!!
يوسف ومنعته يكمل\مستحيل ماتوصل لهدرجه يالؤي..!!وبعدين أنا كنت بكامل وعي ..يعني هو ماغصبني...!!
لؤي\طيب وهذه البدايه ياحلو..يعني تتوقع أنه يغصبك من االبدايه..!
يوسف\شوف انا عرف تركي أكثر منك..صحيح هو أناني وتملكي بعض الأحيان لكن هو يدري أني أمتنعت عن الحبوب وماسألني ليه..بالعكس تمنى انه يقدر يمتنع مثلي لكن ماقدر..!!
لؤي وتضايق من موقف يوسف\أوكي يوسف..صدق اللي تبي تصدقه..لكن أحساسي مايخيب تركي له علاقه بالموضوع..صدقني..
\
\
\
\
\
\
\
\
\
\
\
\
\
\
\
\
وماصدقته..!!
يوسف\لا طبعا..
الدكتور سمير\وانا مع لؤي..ولد عمك أكيد له علاقه بالموضوع..لكن هذا مو المهم..المهم اللحين أنك ترجع بلادك..!!
يوسف بحالميه فظيعه\على ايدك يادكتور..!!
مسك الدكتور سمير ايد يوسف وربت عليها بحنان\أسمعي ياولدي..!!الله يعلم قد أيش انا أعتبرك بغلا عيالي..وخذ وعهد مني أني أساعدك بكل اللي أقدر عليه..والله معانا لأنه يدري أنك مظلوم..
يوسف بامتنان طاغي\ماتتخيل..كيف أرتحت يوم قلتك يادكتور..ماأدري كيف أجازيك..لأني لاحول ولاقوه..
الدكتور سمير بهدوء\تبي تجازيني..كمل صالة الموسيقى..ووافق على المعرض..
يوسف بعجله\طيب انا موافق..!!
الدكتور سمير بحنيه وعاطفه ابويه\من قلبك..!!
يوسف بامتنان وابتسامه\من قلبي....وبعد فترة سكون...طيب ممكن أسألك سؤال..!!
الدكتور\تفضل..
يوسف\كيف عرفتني..!!وليش تبي تساعدني ..!!
الدكتور وهو يفكر لبعيد\كيف عرفتك..الصراحه الفضل الكبير يعود لــ لؤي صديقك..لكن هو ماحب أنك تعرف لأنه على قولته بترفض أني أساعدك..اما ليش أساعدك مراح أجاوبك على هالسؤال لأنك لسه ماتعرف قد أيش أنا اعزك .اعتبرك واحد من عيالي اللي تركوني وحيد بهالغربه..!!
يوسف بهدوء وطمانينه نابعه من قلبه\خلاص ماأبي أعرف..يكفي أنك تعتبرني واحد من عيالك.. وهمس بكل محبه..لي الشرف..
حس الدكتور سمير براحه تامه خيمت على الجو ورجعت ذاكرته لعياله اللي مسحوا ألأبتسامه من بعدهم واليوم رجعت برجوع يوسف\خلاص يايوسف..يالله ابيك اللحين تكمل هالصاله اللي تنتظرك..!! وظحك بزهو..والا شرايك انت..!!
قام على طول يوسف وكانه اشتاق لهالصاله اللي شهدت لحظات قلقه وتورتره واليوم بتشهد راحته اللي بعثها الدكتور سمير في روحه وقلبه..

وظحكي يادنيا..ظحكي بوجه يوسف..
=================

فرحـــــــــــانه..
أيه ليش يافجر...!!
مدري...(وهمست وانا مغمضه ومش عارفه ليش أحس بهالأحاسيس).. فرحانه وبس..!!
طيب شرايك تكتبين خاطره تفرح..مازهقتي من الخواطر الحزينه..!!
أيه والله زهقت..فتحت شعري اللي نادر ماأفتحه وتذكرت كلمة جمانه وظحكت من قلب عليها..ياربي هالبنت أشتقت لها موت..!!متى بيجون الظهران..!!حطيت ايدي على خدي..ومسكت الدفتر..دفتر ذكرياتي..
وبديت اكتب
..
وهالفرحه أنكتبت بكل حرف خطيته.
في ذلك الأفق البعيد
حبست انفاسي
وقبضت قلبي الراجف
ثم تنفست الصعداء
ولمست بعض أوراقي
فشممت تلك الرائحه
رائحة عطر الياسمين
التي تتبخر ثم تعود
لتفوح من جديد
فنظرت الى تلك الحروف
التي تتراقص فرحا
وتغني بأجمل أنواع الطرب
فلمعت عيناي شوقا
فعاد الي الحنين من جديد
وتذكرت الماضي
والحلم الساطع
كنجمه تبرق في سماء دنياي
المفعم بقطرات الندى والأمل
المحلى بأحلى كلمات المد والغزل
وبعدها
وبعد ذلك...
لملت أوراقي الورديه
واحتفظت بها
الى مدى (ن) قريب
أكتفيت بهالكلمات..وطويت الصفحه..وكتبت تحتها..
بين اوراقيــ..فترة حب\\
++++++++++


كنت في الملعب..لوحدي ومافي أحد معاي
الليل غطى على الساحه..وانا جالس في أماكن المقاعد..
واناظر هالنجوم اللي تبرق في ليله قمريه..
أكيد بتقولون ياه مجنون..او مخبول..!!
لكن قولوا الأثنين..ماصرت تفرق عندي..
حيـــره أعيش بحيره..!!
كل ماأتذكرها أحتار..واحس أني جبان..!!
لكن شسوي..الظروف أقوى مني..
الظروف حكمت علي أنا نبتعد..!!
غمضت عيوني وخذت نفس بعمق وانا أكابد
اللهفه والشوق لسماع صوتها..
آآه ياجمانه
وحشتيني..
تسمعينها..!!
أكيد اللحين ماخذه موقفي مني..لكن صدقيني غصبن عني..
انحطيت بموقف بايخ قدام ابوي..تمنيت أنه الأرض تنشق وتبلعني..لكن جمانه معقوله بنتفهميني..بتحسين فيني..!!
ياربي محتار أكملها واقول لها..والا اسكت وأكتم في نفسي..
ودي أكملها...لكن خايف..خايف تردني...أو انها ماتسمعني..!!
اعرفها..يمكن تسكر السماعه بوجهي ..!!
وظحكت بخفه.. تسويها وهي بنت ابوها..!!
ياربي عليها.. ليتها تفهم بس..
أحبهــــــــــا..
تررددت هالكلمه في الملعب كله وتشكل صدى قوي..
أحبهـــــا..
أحبهــــــا..
وضحكت بجنون..وعدت الكلمه ثانيه وثاله ورابعه لمن مليييت..وماأظن أني أمل
وقرر بألأخير وبلحظة جنون أني أكملها الليله.. للسف ماأقدر استحمل..أسبوع كفايه وهي خاربه خاربه..!!
++++++++



اقول وش تلبسين بكره..!!
رديت عليها بضيق وضجر\يعني وش بلبس بكره..!! باكيني.شرايك..!!
اظحكت غلا بكل رقه وانوثه وهي تتخيل جمانه كيف انها معصبه اللحين\..وقسم بالله انك ياجمانه تحفه من التحف النادره بالوجود..يالسبال هذا جزاني اني داقه عليك ومخسره نفسي عشان اشوفك وش بتلبسين بكره..!!
رفعت جمانه غرتها اللي كل مالها تنزل بضيق وقررت أنها تقصها اليوم بعد ماتسكر من غلا\والله محد قالك دقي علي..وسبال ماغيرك يالقمله..!!
رمشت غلا بعيونها وهي متخيله أنها قمله\أنا قمله..يالسبال..يبيلك ضرب..ياحمــــاره...!!
تنرفزت جمانه وردت بهدوء وهي بداخلها ضيقه غريبه وكلها بسبب الوليد\حماره بعد..يعني ماكفتك سبال يالقمله..خليني أِشوفك بالجامعه بكره والله لوريك..!!
ظحكت غلا للمره الثانيه\ههههههه نشوف بكره مين بيلحق الثانيه يالسبال..
وجاء خط لجمانه وعلى طول صرفت غلا\أقول يالقمله عندي خط أشوفك بكره..!!
عصبت غلا وحست بخدش بكبريائها\وبعد..!!وتعرفين تصرفين.أ.وريك بااااي وقفلت على طول..
ردت جمانه على الخط الثاني بدون ماتشوف الرقم\الو
بلهفه وحب واشتياق رد الوليد وهو مغمض ومش مصدق انها ردت عليه يعني مازعلت مثل ماهو متصور\جمــــــــانـــه..!!
++++++++++



ردي الزيـــاره..
ردي الزيــاره علينا ياحلو الأطباع
ماعدت أقوى فراقك أكثر من اسبوع
أكثر من اسبوع..

هذ حال راوين..تعيد وتزيد في هألأغنيه..وهي مش حاسه بروحها..
تعيش أحلى حلم وردي..وماتبي تصحى ابدا ابدا..
راوين كانت جميله..جمالها هندي..أخذت من امها كل شي..عيونه وساع وجايه عرضيه..وشفايفها صغيره وبارزه..وانفها طويل وفيه أنعواج بوسطه..وبشرته سمره..لكن سماره يجذب ويخرق ألأنفاس..
وماتحب الشعر الطويل وتظحك على بنات خالتها اذا شافت شعرهم يمس الأرض....تحبه وسط..ودايما تقصه مدرج..

ظحكت على افكارها المجنونه..
وهمست لنفسها..
متى بيجيــــ...!!

مين اللي بيجــي...!!
جاها صوت غليظ من بعيد وقطع جملتها.. رفعت راسها اللي وشافت تركي بغرفتها..
أرتعبت ..وحست بموتها قرب..
وحمرت..وهي تحمر في حالة الخجل والخوف..
عاد عليها السؤال مره ثانيه\مين اللي..بيجي..!!
أرتعبت وردت بتوتر\محـــد...كنت اقصد ..ونزلت عيونها..متى ياس بيجي ..طلبت منه يشتري لي أيس كريم..وماجاء..وبالفعل راوين طلبت ايسكريم من باسكن روبنز لأنها تموت فيه وخصوصا الميلك تشيك اللي بنكهة الفراوله..

قرب منها تركي لمن صار قبالها..وجلس على كرسي مكتبتها..وسكت..حست أنه يبي يقول شي..وتـاملت أيده اللي كل مره يحركها ويعدل فيها نظاراته..واستغربت منه..مو من عوايد تركي التوتر..دايم صريح ويقط الكلمه بعمليه ويطلع..
واخيرا تكلم وحست بالتررد في كل كلمه يقولها\أقول راوين..
وعلى طول جاوبت\نعم
خذ نفس تركي..ورفع ايده ومسح على وجهه بضيق ..وقام من الكرسي وطلع بدون كلمه..

تفاجأت راوين..شفيه تركي..غريب..حاله غريـــب..!!
وطاحت على السرير بقوه ومسكت قلبها..تذكرت أنها كانت بتنفضح لكن الأيس كريم انقذها..
وعلى طاري ألأيس كريم...مسكت التلفون تدق على ياسر تتطمن عليه..
+++++++++


يوسف..أخيرا أكتملت الحلقه الغامضه..ومابقى الا القليل وييتوضح كل حدث..!!
الوليد..وش سبب تأخر مكالمته لــ جمانه..!!
راوين وزيارة ألأسبوع الجاي..وش راح توصل له..!!
وتركي وتررده..!؟
تابعوني بالجزء يمكن تلقون ايجابات لــ هالأسئله..!

الجزء الثامن عشر
++++++++++++



يوسف\ســـــلام..
رمى يوسف جاكيته على جنب..وفصخ جوتيه وغط كل واحد على صوب..وراح المطبخ التحضيري وهو يحس بالعطش يبي يشرب شي..ومالقى غير قرشة ماي بـ باب الثلاجه....خذها..وشرب منها..
بدى لؤي بالكلام..ويتمنى يعرف وش صار بين يوسف والدكتور سمير..\أقول يوسف..ماقلت لي وش سويت مع الدكتور سمير..!!
حب يوسف يلعب باعصاب لؤي..ناظره بنظره غريبه وظل ساكت..ويوم حس باظطرابه..تكلم وهو يتقدم صوبه له\مافي شي يستحق الذكر....!!انت شفيك مانمت..مو من عوايدك..!!
ابتسم لؤي ابتسامه مو من خاطره\كنت انتظرك..
جلس يوسف جنبه ومسك ايده وتكلم بهدوء \ليش..!!تبي تعرف شي معين..!!
أستغرب لؤي علامه يوسف..مو هذا أسلوبه..معقوله قاله شي الدكتور سمير..!!عزة الله رحت فيها يالؤي شكوك يالؤي؟؟
لؤي\يوسف..يوسف..يوسف..اذا عندك حجي قوله..لاترفع أعصابي..
ضرب يوسف لؤي بالمخده اللي جنبه وهو لازال ماسك ايده..يحس بالأمتنان له..لكن مش قادر يعبر..يحس كل قواميس العربيه أنمسحت..
مايعرف كيف يشكر لؤي..
وده يضمه...يضمه هاللحظه ومايفكه ابدا..لكن أكيد بيسال ..وبيشك..!!وهو مايبيه يعرف..تنهد يوسف بعمق براحه وعيونه كلها حب وهوى لــ لؤي
ظحك لؤي على تنهيدة يوسف الطويله وعرف انه وراه شي.وفضوله المثير بيقتله\يوســـــف علامك..قول الزبده..شعندك..
يوسف بكل هدوء\..أحبـــك يالؤي..أحبـــك ياأخـــــوي..!هذا اللي عندي .. وهمس..فهمت اللحين..!!
كل الشكوك اللي في بال لؤي كانت صحيحه..يعني يوسف درى وماكبر الموضوع..يعني راضي....
أرتاح لؤي..وماقدر يقول شي.ولأنه متوتر ومش عارف كيف يتصرف..قام من مكانه على طول...لكن أيد يوسف مسكته مره ثانيه ووقف قباله.. وظل فتره طويله يناظر لؤي وكانه يشكره على كل شي فعله له يشكره على المأوى..والمسكن..والطمانينه والراحه..والحب..وألأخوه....وضمه على طول بدون أي كلمه..
ولؤي هنا ماقدر يستسلم وفتح ايده وضمه اكثر واكثر..
لكن ليش يحس بفراق يوسف..!!
ليش...!!
خانته دمعته وهو يتخيل فكرة انه يوسف يبتعد ويرحل عنه...
.وعلى طول مسحها وهو يدعي ربه أنه مايفرق بينهم الا المــوت
++++++++++++


الوليـــــــــــــد...!
طاحت قوى جمانه على الجدار اللي قبالها والسماعه لازالت باذنها....وهي تبي تتنفس..تحس بصعوبه في التنفس....
ماتدري تفرح..ولا تحزن..
ماتدري تبكي راحــه..ولا تبكي قهر..!
الوليــد كلمها..
الوليد ماجطلها..مانساها..ماطنشهـــا..
الوليـد وفى بوعده..
أكرهك يالوليد أكرهــــك..
الوليد متلهف على صوتها..وحتى على خنقاتها تلهف عليها.. وحب يسمع أي شي منها..وبيكتفي بالقليل..حتى لو همس منها\جمـانه.. تسمعيني..!
ماردت جمانه..وعرف الوليد أنها زعلانه..لكن أحساسه خطأ..
جمانه مش قادره تتنفس يالوليد..
خذ على خاطره وتضايق لأنها فهمت اللي تبيه وهو لسه مابرر موقفه ولاحكى..\طيب جمانه لاتتكلمين سمعيني بس..!!بتسمعيني صح..!!
واخيرا ردت لأنها فعلا تبي تسمعه..وجلست على السرير وهي تجاهد الهدوء\..اسمعك..
فرح شوي لأنها مابدت بالهجوم..ونزل من المدرج اللي بالملعب بخفه ووقف شوي عشان ياخذ نفس.. وكمل\أنتي أكيد تبين تعرفين ليش أنا كنت ابي أكلمك..وأكيد ابين تعرفين ليش ماوفيت بوعدي....
ظلت جمانه ساكته وكان هذا مو من صالح الوليد لأنه حتى هو منحرج ومش عارف كيف يبدى معاها..قوى نفسه وخذ نفس وتكلم عن كل شي\..أممم شوفي جمانه أنا بكون صريح معاك..لكن ارجوك لاتفكرين أني جريء لهدرجه..ورق صوته..صدقيني ياجمانه أنا مرغم أني اكلمك بهالموضوع..يعني بلييز لاتفهميني غلط..
وبدون شعور نطقت جمانه \تكلم الوليد..اسمعك..!!
وبهالكلمتين السحرتين الوليد عرف كيف يتكلم وكأنه منتظر الأجابه من جمانه\..أنا ماأدري أذا أنتي تدرين ببعثتي والا لا..!!ويمكن تدرين..!!لكن اللي أبي اقولك اياه..أني أمس جاني الخبر أنهم قبلوني في الجامعه اللي مختارها..وكنت حاط في بالي أني أدرس هالسيمستر هنا والثاني بامريكا و أتفاجأت أنهم قبلوني بهالسرعه..كنت متوقع المسأله تطول أكثر.و طبعا شي طبيعي أني بطول بالدراسه.. يعني بجلس تقريبا 4 سنين..4 سنين بهاجر عنكم..والله يعلم وش بيصير بــ ألأربع سنين..
جمانه حست انه قلبها اللي يتكلم هالمره\لازم..!!لازم تســافر..!!
ابتسم الوليد..وارتاح..يعني جمانه تحاتيني..!!متقبلتني..قوليها ياجمانه وريحيني..\أيه لازم اسافر...واذا تبين تعرفين ليش..أسألي ابتسام هي بتقولك..هذا مو صدد حديثنا اللي أبيك تعرفينه أنــــ....وسكت ثواني..وتكلم بصعوبه..والله مش عارف اشرحلك..
أنــا..وانتي..أممم..آآآه.. أنتي..وووأنـــــا..وغمض عيونه وقالها بسرعه..جمانه أنا أبي أخطبك رسمي..!!
\
\
\
شنوا..في هواء..لا مااظن..انه في هواء بالغرفة..جمانه سحبت الهواء كله..
خبت وجهها بالمخده ورمت التلفون بعيد عنها..
وظلت تتمتم في داخلها..لحقوا علي.
الوليد يبي يخطبني..
يــــــاويـــلـــــــــــــي..
والوليد بالجهه الثاينه يتكلم ويناديها كذا مره.وهي مو بوعيها..واستدركت الموضوع..الوليد لسه على السماعه.. ورفعت وجهها عن المخده وهي ترفع غرتها اللي دوم تشتكي منها....وومسكت التلفون باقوى ماعندها..
الوليد\جمانه..جمانه..جمـــانه..وينك..!!
بهدوء ردت لكن وقلبها كأنها معركة خيل من سرعة نبضاته\انا موجوده الوليد..!
ارتاح الوليد..خاف انها تسكر السماعه بوجهه..ركب سيارته بعد ماطلع من الملعب وشغل المكيف كله ورجع ظهره لورى\طيب ليش ماتردين..!!(سؤال غبي)
كرهته هاللحظه\..يعني شتبين اقول..!!
ظحك الوليد وكمل براحه\لاتقولين شي..يكفيني سكوتك..!!
ماتت جمانه..وماعرفت ترد اللحين..
صاير قوي وقليل أدب وماخذ راحته حيل..
وعشان تهرب من الموقف بتقوله انها بتسكر ..صحيح هي لحد اللحين ماعرفت ليش تأخر بمكالمته لكن مش قادره تكمل معاه..الموقف صار كبير عليها..والوقت تاخر\الوليد أنا مظطره اسكر اللحين..
رفع الوليد ظهره وبدى يحس أنه الوقت ضاع عليه\ليش..انا ماخلصت كلامي..
احتارت جمانه ودها تكمله.وودها تسكر...واسكتت..مش عارفه كيف تتصرف
وكمل الوليد\جمانه..ارجوك سمعيني للأخير..وصدقيني بتكون هذه أخر مكالمه وصدقيني ماراح اظغط عليك اكثر ..لكن عطيني دقيقتين أقول اللي عندي واسكر...اتفقنا..!!
جمانه واستسلمت لكلام الوليد وهي تتمنى تسكر قبل ماتنفضح بصوتها اللي كان هايم عكس طبيعتها\طيب..
بدى الوليد يسترجع الأحداث\أنا بعد ماجيت من البحرين كلمت ابوي عن الموضوع..موضوع بعثتي لأني كنت مرغم خصوصا انه ماعندي الوقت الكثير......وموضوعنا.. وابتسم وهو يعرف أن جمانه اللحين بتنحرج وكمل على طول ..لكنه صدمني لأنه رفض..رفض أني أخطبك واسافر..لأنه..لأنه خايف تنعاد الكره مره ثانيه..ويصير فيني اللي صار بأخوي...
انا ادري أنا موضوعي مختلف..لكن أبوي جرحه ماطاب..ولاراح يطيب الا اذا شاف ولده بحضنه..وسكت دقايق..وهو يحاول يرش الملح على جرحه وجرح ابوه..
المهم
أنا ماأبي ردك اللحين..أبيك بس تنحطين بالصوره..ومسألة أبوي بحلها باذن الله.
والسفره بسافرها..لكن اتمنى انه الوقت اللي ٍاسافر فيه فترة تفكير لك وتردين علي بأقرب فرصه..واذا علي أبوي لاتخافين بقنعه وان شاء الله يوافق..
واللحين ماأطول عليك..بكره وراك جامعه.. وابتسم من ورى خاطره...مبروك ادري أنها متأخره..لكن أعذريني. كنت ضايع ومحتار طول هالأسبوع..وماأرتحت الا لمن قلت لك كل اللي عندي..وسكت فتره..
واللحين اخليك.. تصبحين على خير..مع السلامه....جمانه..وقفل السماعه..وماأنتظر ردها..يمكن يبي يهرب..وهذا المتوقع..مايبي لايسمع رد..ولاتعليق على الموضوع..

استيعاب جمانه قل هاللحظه....
تبي تفهم اللي قاله الوليد وماقدرت..
تبي تركب هالجمل اللي رماها عليها,,وحست بصعوبه شديده..ماتدري هل صعوبه بألأستيعاب...أم صعوبه في عدم التصديق..
تركت الجانب الحلو بالموضوع.وظلت تفكر في الجانب السيء..
او نقدر نقول الحزن اللي بالموضوع طغى على الخبر المفرح اللي بشرها لها الوليد..
عمها مو راضي يزوج الوليد عشان يوسف..
عمها لسه ينتظر يوسف اللي مايدرون هو يمت والا حي..
عمها يخاف يتعرض الوليد مثل اللي تعرض له يوسف..
آآآه ياعمي..يعني جرحك ماطاب..مامسحته السنين..ماانهته الأيام..!؟
ظلت تفكر وتفكر وتفكر وحزنها عشان عمها نساها كل أحلى خبر..
خبر كل بنت تفرح فيه من زمان
وكيف اذا صار بحبها اللي فجرته الطفوله..
حب الوليد..
مانامت جمانه..ولاذاقت طعم الراحه..!!
كيف تنام..كيف يغمض لها جفن وهي تدري بصعوبة موقف الوليد..وهي تدري أنه بين نارين..
وهل عيونها بتنام اذا درت انه في شخص عيونها ماتنام..أعترفت بين وبين نفسها أنا عمها اكيد ماينام..واذا نام ينام عشان ينسى ويرتاح
ياما تمنت تفسر النظره الحزينه اللي بعيون عمها و ابتسام والوليد..واثاري هالنظرة نظرة الم وفراق..
وتأكدت وايقنت..انه همومها بسيطه تافه...سخيفه...قدام هموم عمها اللي ينتظر خبر يوسف..!!
وتذكرت الوليد..
الوليد..حسته يبي يتكلم.يبي يفضفض اللي فيه.. يبي يفرغ ..لكن جمودها والخبر الصعب اللي تعرضت له..خلتها صامته وما قّدرت موقفه...ولا قدّرت ألمه..
وزاد همها همين..هم الوليد وعذابه..وهم عمها المريض..أيه مريض..أيقنت انه مريض..ومراح يشفى الا بوجود نظر عينه..يوســف..!



الكاتبه:"وصيت قلبي عليك"

Cheer 25-05-07 01:12 AM

يسلموووو عزيزتي
الرواية رووعة ومستنيين التكملة

دمتي سالمة


الساعة الآن 06:32 AM.

Powered by vBulletin® Version 3.8.11
Copyright ©2000 - 2021, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية