|
كل افكارها عن الوليد وحل الوليد..قلبها بيتقطع خوف عليه..حاولت الف مره تدق على تلفونه ومثل كل مره يطلع مقفل...مو عارفه ليش هاللحظه خافت انه تخسر الوليد..ليش هالفكره خطرة في بالها اللحين..! هي ناقصه خوف وعذاب.."يارب استر في عابدك..واحفظهــم.. لكن ليش مايرد..معقوله نايم هالكثر..والجامعه ليش ماراحها..اللحين فترة اختبارات..شلون مايروح.؟" ظلت تروح وتجي بدون هــدف..ماكان ودها تخوف ابوها وتخليه يحاتي..ابوها مو ناقص صدمات..يمكن هي مكبره الموضوع..والوليد اكيد مستانس وهي اللي مخوفتها ظنونها.. حلّ ليل ظالم وبارد..وابتسام على نفس وضعها..الخوف الحيره تمتلكها..وماعندها أي احد تشكي له اللي بداخلها..كثير اوقات كانت تحس بهألاحساس ..او يمكن كل ألأوقات كانت تحس بالفرااغ والوحده القاتله..لكنها تعودت..تعودت تظل وحيده تشكي حالها لنفسها.. عزيز بعد تعب ولعب طول اليوم نام بالصاله وابتسام بصعوبه شالته ونومته على سريره وكالعاده امه في بيت اهلها وماودت عزيز معها..لكن ربّ ضارة نافعه..عزيز مالي حياة ابتسام وماتتخيل تعيش لو لحظه بدون صوته.. ومو بس ابتسام اللي كانت تتحاتي الوليد..حتى ثامر كان يحاتيه..ومستغرب ليش قافل تلفونه..مايدري كيف ذاكر ..ولا يدري كيف اختبر ولا يدري كيف قضى اليوم بدون الوليد..كان يحاتيه كثير ومتحسف انه اختباره اليوم.. *******8 ابتسام\والله خايفه عليه..جمــون بجـنّ..قولي وش اسوي..! جمانه كانت خايفه كثر خوف ابتسام واكثـر..معقوله حصل له شي..لا ياربي..لايصير له مكروه..هو زعلان مني.. ابتسام\جمووون..وينك..وعمى..! جمانه\ها..هلا..اقولك..بدق عليك بعدين..! قفلت جمانه الخط بوجهه ابتسام..ودقت على تلفون الوليد..من يومها وهي مجنونه..وبتدق عليها واللي فيها فيها..! ------------- الشنط تجهزت..والأغراض تحملت...وعقرب الساعه هو الوقت اللي يفصل بين رحلة بندر وعياله ..لأرض ماهي ارضه..وبلاد ماهي بلاده.. بيهجر امه..بيهجر اخته..وبيرحـل. ..وبيرحل بدون رجعــه.. امه جالسه بالصاله وتبكــي..تبكي الم..تبكي قهر على بنـدر..كذب عليها بكلمتين وقال لها عندي بعثه تجلس شهر..وهو صدقــت..صدقت ومادرت انه بعثته بتجلس كل العمــر.. بندر بيهاجر مع عياله..وبينسى ايامه..واحبابه.. مراون هو الوحيد اللي كان معارض وبكل قوه..ماكان يدري انه بيهاجر صدق كذبة ابوه مثل البقيه.. واللحين هو جالس وحاظن جدته ويبكي ويوعدها انه بيرجع لها بااقرب وقت..ومستحيل يوافق على اللي يصير مروان\شوفيني ياجدتي..ليش ماتصدقيني..احنا بنرجع..والله بنرجع..!ياسمين قولي لها..بنرجع..! ياسمين كانت واقفه جنب الباب..وتبكي بهدـوء..وهي تفكر كيف بتقول لأمها عن البيت..وعن بندر اللي مو راجع... افكار كثير في بالها ..وتبي ترتبها..كيف امها بتتحمل بعد بندر وعياله..! واذا درت وش راح يصير لها..! كله منك يابندر...انت السببّ بتذبح امــي..بتذبحها قهـر.. الجده كانت تبكي وتنحب بشكل موجع\قولي لي يابنتي..بندر بيرجع..!ريحيني..قلبي ياكلني عليه..آآه عليك يابنـدر..آآه عليك وش بتسوي بأأمك اكثر..ماأقوى على بعادك ياولدي..ماأقدر.. قربت ياسمين لأمها وحضنتها وهي تهديها وتسمي عليها..خلاص الكل راح..وابتعد..هي اللي بقت لها بهالدنيا اللي ضاقت عليها.. --------------- بصعوبه قدرّ يهدي يوسف ويضمه لصدره.. ماتوقع انه توصل حالتها للأنهيـار..كان مثل المجنون يمشي ويصرخ بأسم تركـي.. ماعرف و ش يسوي ساعتها..!هو مايعرف وين مقرّ مسكن يوسف..!كان ييبي يوديه المستشفى من عظم خوفه عليه..لكن يوسف ماكان موافق يسوي أي شي..واللي قدر يقوله بعد هدوءه "ودني شقتي يالوليد" مشى الوليد مع يوسف بعد ماأجر تاكسي ووصلوا الشقه..وشافوا قبالهم لؤي...توه طالع منها.. لؤي من شاف يوسف مو قادر يحرك رجوله..ركض وهو ميت رعبّ عليه..وسنده على كتوفه.. الوليد كان متوتر ومتلخبط تبع لؤي وقلبه يرقع لؤي وهو يجلس يوسف على السرير\شفيه يوسـف...شصار فيه..! الوليد\مدري يالؤي..ماعرفت وش اسوي..بلحظه حسيته يصرخ مثل المجنون..خفت انه يضيع مني..خفت افارقه بعد مالقيتـ....ـوسكت والعبره خنقته.. لؤي انحرج من الوليد..مايدري ليش عصبّ عليه..!هو ماله ذنبّ..لكن موعارف ليش جا في باله انه الوليد مو أخوه..!استغفر ربه..وهدى صوته.. لؤي\اسف يالوليد..اعذريني ماكنت قاصد..لكن يوسف غالي علي كثييير..انت اللحين ارتاح..ويوسف باذن الله بينام ويرتاح..انت تدري صدمته فيك كانت قويه..وقلبه ماعاد يتحمل..وهو مو أول مره يتعرض لهالنوبات..لكن صدقني فتره وتزول.. الوليد بهمس\اوكـي.. جلس الوليد على السرير ومسك ايد يوسف بحنان وظل يمسح عليها.. لؤي\تشرب كوفي..يروقك شوي.. ابتسم الوليد ابتسامه ميته\والله كأنك حاس .. لؤي\من عيــوني احلى كوفي.. طلع لؤي..وظل الوليد يتأمل بيوسف..رجع خصلات شعره على ورى..وحس بالعرق حتى بشعره..كان جسمه حار كثير..فصخه جزمته..وبصعوبه رفع ظهره المعضل وفصخه جاكيته اللي لابسه وحطها على الكنب اللي قابله..وهو فصخ جاكتيه وحطهم جنبه..وتوه يتذكر تلفونه..فتحه وانصدم من المكالمات اللي جاته..والرسايل الغير منتهيه.. لكن في رقم تفاجأ منه..! جمـــانه..!؟؟ ----------- اعترافات يوسف.. وصدمة الوليد قرب رحيل بندر جنون جمانه وتركي سبب انهيار يوسف.. انتهى الجزء باذن الله القاكم بعد العيد بجزء مثييير..وماتدرون يمكن يرجع يوسف..لكن السؤال الصعب كيف يوسف بيقابل اهله..وكيف بيعترف لهم بعد ماضاقت دروبه.. .وتركي..وتركي ايش اللي بيحصل له..!.. همسه عطني المحبه..بقلم البدر..الشاعر ألأمير بدر بن عبدالمحسن اختكم وصيت قلبي عليك الجزء الأربعون امـــــواج ------------ عقله كان يلزمه انه يبعد مخيلتة عن جمانه..وقلبه كان يرغمه يسمع لدقاته..احتار وس يسوي بحاله..فكره كان مشغول بيوسف اللي لقاه..وابتسام اللي تنتظره وجمانه وثامر وابوه.... وبين هالأحاسيس المتلخبطه..فاز رباط الأخوه على الحب..وتناسى رقم جمانه من عظم لهفته بقربه من اخوه.. .ودق على رقم ابتسام وبشفاته ابتسامة رضى وسعـاده كان يبي يسبق الزمن بمكالمته.ويفتح الخط ويبشر اخته باأجمل خبر..كان يبي الكل يعيش سعادته وانتصار ولولا تعب يوسف كان كمل كل شي بعينه..لكن كل شي يهـون..ويتـم..ويكون.. مدام انتهى ألأنتظـار واجتمعت القلوب..ولقى اخـوه.. ردت عليه ابتسام وبصوتها لهفه وخوف..والوليد كان يناظر يوسف النايم وود يصحيه ويقول له هذه ابتسام اللي تنتظرك..هذه ابتسام اللي تحبـك.. ابتسام\الو..الوليييد. الوليد بصوت كله لهفه\ابتسام..ابتـسام.. ابتسام\ايوه الوليد..تسمعني..صوتك يقطع..انت وينك..خرعتني عليك..انت بخير...الو..الووووا..الوليد وينك الوليد\انا بخييير,,بس مااسمـ عك ياابتسام زييين..علــي صوتتتتك..سمعينــ وانقطع الخط.. لؤي\علامك.. التفت الوليد على لؤي وابتسم بااحراج.. الوليد\كنت اكلم اختي..وانقطع الخط.. لؤي جلس على الكرسي وحط الكوبين على طاوله صغيره\طيب دق عليها ثانيه.. الوليد رجع يدق بسرعه\وهذا اللي بيصير,, لكن كلها ثواني وحس بخيبة امل... الوليد\ شكل الشبكه معدومه عندكم.. لؤي\اوكي..انت ريح اللحين..وبعدين دق ثانيه. جلس الوليد قباله ومد له لؤي الكوفي وهو يدقق بملامحه... لؤي\تدري..اللي يدقق بملامح ويهك عدل يعرف انك تشبه يوسف.. ابتسم الوليد على ذكر اسم يوسف ورجع يناظريوسف بحنيـه\كلنا نتشابهه..بس اكثر واحد يشبه يوسف عزيز؟ استنكر لؤي هألأسم..مايتذكر انه يوسف جاب سيرة عزيز مره.. لؤي\عزيز...اخووك! الوليد بتلقائيه\ايه..وسكت وهو يتذكر انه اكيد يوسف مايعرف عن عزيز ولا عن زوجة ابوه..لكن وشلون يقول له..!اكيد بينصدم ..اكيد بيعرف عن امه..!امه اللي ماتت.. مأصعب هالكلمه..ماأصعبها على لساني..! تنهد الوليد بحزت عميق..وهو متأكد انه يوسف مرده بيعرف كل شي..وبينصدم كثر ماهو مصدووم.. وبذيك الحزه وش بيكون حاله..اكييد بيموت حزن وقهـر.. "آآه عليك ياخوي..مالحقت تتهنى بفرحتك" لكن وش بيسوي بلؤي..وكيف بيقول له..عن عزيز.. وليش مايقول له الحقيقه..اكيد بيساعده..! الوليد بهمس\عزيز..اخوي من ابوي..! لؤي تفاجأ\صـج..؟؟؟..يعني شلون..! ظغط الوليد على الكوب\مو عارف وش اقولك.. قام لؤي من كرسيه\تعال نتكلم بره..اخاف يوسف يصحى ويسمعنا.. الوليد ماكان وده يفارق يوسف ولا لحظه..ظل يناظر ياأخوه بحب وحنيه وبعيونه بقايا دموع..ولؤي حس فيه وابتسم....لكن الوليد عرف انه لؤي صحيح كلامه ممكن يوسف يصحى ويسمع..والجاي بيكون اعظم..واكبر صدمه ليوسف.. طلع الوليد ورى لؤي وجلسوا بالصاله..وبدى يحكي لـ لؤي عن كل شي..واستغرب من نفسه..كيف قدرّ يقول له سره ويرتاح له....وهو اللي ماتعرف عليه الا اليوم..لكن اللي الشي اللي ستنتجه الوليد..انه يوسف عرف يختار صديق غربته.! بهالليله الغريبه..وبهالظلام المؤلم..وبهالمكان البارد..وبعد ماسمع لؤي سرّ الوليد ..رحم حال يوسف..وماقدر يحبس دموعه اكثر..وعجز انه يقاومها ..وهو يفكر بصديقه اللي ماوحى له يفرح.. وش بتكون ردة فعله اذا درى عن امه واللي حصل لها..!وهو يعرف انه قلب صديقه رهيف ومايستحمل..ومتيقن انه متشبع اسى وهموم وعلى أي حاجه يتحسس ويتأثر واكبر دليل صدمته بأخوه وتركي..والنوبات اللي تتكررّ ومالها تفسير.. ..حزن على حاله وتألم بمراره..وظلت دموعه تنهمر وتحرقه وكأنه هو اللي فقد امه..مو يوسف..!.. لؤي\والحلّ الوليد\مو عارف..احس اني عاجز..يوسف ماشال اسم امي على لسانه..وكأنه حاس فيها..احس اني مجرم اذا قلت له...احس اني بقتله بأيدي... لؤي\شوف يالوليد..اذا تبي راي...لاتقول ليوسف..وهو اسبوع وبيرجع ..وبيتوضح كل شي..انا اعرف..يوسف ماارح يستحمل هالخبر..وتصرفك كان صحيح..ويكون احسن بعد انك ماتقول لأي احد من طرف اهلك انك لقيته.. الوليد\ليش.! لؤي\عشان تقطع الشك ياليقين وتمشي الأمور زي ماتبي..وتبعد الشكوك.. الوليد\واذا سألني عنهم ويبي يسمع صوتهم.. لؤي\اللي خلاه يصبر سنين بيخليه يصبر ايام.. سكت الوليد..وكان سكوته دلاله على شبه رضاه..وللأسف ماكان عنده غير هالحل حاليا..لكن هو كان وده يخبر ابتسام..بس يمكن لؤي صادق بكلامه..يمكن ابتسام يفلت لسانها وتتكلم عن امها من كثر تأثرها ووفرحتها بيوسف ليش لا..!كل شي جايز..! .. هو بيسكت عن هالموضوع هالليله...وجود يوسف بقربه نساه كل شي..ووقف عقله عن التفكير..وبكره بيحلها الباري..وااللي بينكتب بيكون.. ------------- صحى من نومه بعد ماحس باانفاس قريبه منه..واول مافتح عيونه ناظر الوليد وكان يظن انه يحلم..غمض عيونه ومرت في باله كل الأحداث اللي حصلت له..وفتح عيونه بسرعه وهويبتسـم لمن عرف انه الوليد جنبه..وماطلع حلم ولاتهيأت مثل كل مره.. قرب منه اكثر..وظل يتحسس عيونه ووجهه لمن وصل لذقنه..وبعينه دمعه..خانته ونزلت على خده البارد... كانت عواطفه كبييره..يحسها بتنفجر من كثر فرحته..ولهفته باأخوه وبكل شي يخص اهله..لكن لازال الألم مغروس بقلبه وهو يتذكر تركي وغبائه اللي ضيعه..كان سؤال كثير يدور في باله..ليش تركي ماخبرهمّّّ!! وايش اللي بيستفيده..!ليش ضيعه..!اكيد في سبب...لكن شلون بيعرف..! تضايق يوسف وماحب يخرب هاللحظه بشخص **** مثل تركي...واخوه بقربه.. ظل يتأمل فيه ويدقق بملامحه..وتمنى لو يضمه مثل ماكان يضمه وهو صغير..لكن ليش يتمنى.!. ليش اصلا يتردد..!هذا اخوه جنبه..ومافي شي مستحيل اللحين.. ضمه راسه بكل حنيه..وهو ملاحظ انه مافي فرق بالطول بينه وبين اخوه ويمكن الوليد اطول منه بشوي..ابتسم وهو يتذكر مقولته المعتاده..انا اخوكم الكبير..انا اطولكم واحترموني.. لكن هالمقوله ماعادت تتطبق بطول الوليد...خبى وجهه بشعر الوليد وهو يبكي على مشاعره و فرحته بلقياه..وحظنه اكثر..وهو يبي يفرغ عواطفه اللي يحسها..وكل سنين البعد اللي حالت بينه وبين اهله.. كان وده يصحيه...ويملي عينه بشوفته..ويرتوي من صدى صوته..لكن ماحب يخرب نومته..وظل ينتظره لمن يصحى براحته وبدون مللّ..وكيف يملّ وهو اللي تمنى لو مره يحظى بشوفة احد من اهله..وهذا الوليد.الوليد..اخوه اللي دورّ عليه...مو أي احد..! **** صحى الوليد على حركة يوسف..ويوم طاحت عينه بعين اخوه ابتـسم..وبتلقائيه نطق.. الوليد\اخـوي.. يوسف ابتسم بحنيه\ازعجتك.. الوليد كان صوته ثقيل من نومته\احلى ازعاج..من احلى اخو بالدنيا..لكن مو هذا اللي صحاني.. يوسف\اجل شنوا..!! الوليد وعبس وجهه\السرير كسر ظهري..مدري كيف مستحمل..! ظحك يوسف عليه..وظحك الوليد بعده..وظلوا يضحكون لمن ادمعت عينهم.. يوسف\تصدق..اول ماصحيت..غمضت عيوني وتوقعتك حلم..وماصدقت الا لمن لمست عيونك..بس تصدق..انا احسد نفسي ..مو مصدق يالوليد..! الوليد\صدق يايوسف..انا جنبك..وانا وعدت ابوي وابتسام..اني ادورك..وهذاني لقيتك..يافرحتها..يافرحتها اذا وصل الخبر لأبتسام.. بتطير من الوناسه.. يوسف تـاثر بكلام اخوه وحس انه مو قادر على الكلام وثقل صوته تدريجيا\ياااه يالوليد..مو متخيل اني راجع بلادي..بعد كل هالسنين ارجــع..اي نعمه انا فيهـا..اي نعمه..الوليد طلبتـك..لاتردني.. الوليد بسرعه رد عليها\انت آمرني بس.. ارتخت ملامح يوسف وقال \ودي اسمع صوت امي..وابوي..وابتسام.. : سكت الوليد فتره..وماتوقع هالطلب من يوسف..وش بيقول له اللحين..! يوسف\مرت علي ليالي سوده..حزنيه..كنت اتمنى اسمع فيها صوتها..او حتى همسها..ماكنت اطلب الكثير..كنت ابي احس بوجودها..كنت ابي ابكي وهي تسمعني..كنت ابي اعبر لها عن حزني..يالله يالوليد.. وارتجف صوته.. وش كثر حظـن الأم غالـي..! انفجع الوليد بيوسف..ولسانه تجمد عن الكلام..لكن يوسف كان يبي يعبر..ويتكلم..من حقه انه يشكي.. يوسف\انا ادري انها زعلانه مني اللحين..واكيد الكل زعلان حتى ابوي لأني ماحققت طلبهم ولارفعت راسهم..و بدال ماافرحهم كافأتهم بغربتي اللي دمرتني قبل ماتدمرهم......تتوقع بترضى عني..تتوقع بتصدقني..والا بتصدني ..مين اللي بيفهمني..!بعد هالسنين مين اللي بيفهمني يالوليد..!اكيد بيكذبوني وبيلوموني..انا مو قد هاللوم..والله مو قده..! الوليد\ليش تقول هالكلام..يوسف انسى كل شي..فكر بيومك..فكر باللي ينتظرونك..واحمدالله انه اجتمعنا..مين يتوقع اني بشوفك..محد كان متوقع..الكل ياس وملّ..لكني ماقدرت اظل مكتف ايديني مثلهم..ماقدرت اتحمل اشوفك غايب..ماكنا ندري هل انت حي والا ميت.ّكنت ادورك مثل المجنون اللي يبي يلقى دليل على براءته..وهذاني لقيتك ياأخوي..واللحين انا ماأبي اكثر كثر اللي خذته..انسى ياأخوي..انسى وعيش حياتك الباقيه معنا..وصدقني الجاي اجمل بعون اللهّ.. يوسف\ونعم بالله...لكن ارجوك ابي اسمع صوتهم حقق طلبي يالوليد..!ماأبي اكلمهم..بس ابي اسمع صوتهم.. الوليد استغرب\ليش ماتبي تكلمهم.. يوسف\مدري..مو عارف ليش..احس بخوف..او يمكن مو متهيأ اني اكلمهم صعب اني افهمك....مدري يالوليد..لا تسألني.. الوليد ارتاح من كلام يوسف ..لأنه حتى هو مايبي احد يعرف بوجود يوسف لمن يتحقق اللي في باله\خلاص ولايهمك..بتسمع صوتهم..بس كم الساعه اللحين ورفع ساعته وقال... تسع ونص..يعني كم عندهم..!يمكن الظهر.. يوسف انصدم\الساعه تسع ونص..مصيبــه.. الوليد\شفيك..! يوسف\المعرض..!وقام بسرعه..وخذ فوطته ودخل الحمام وطلع منه بسرعه ....وين لؤي! الوليد ظحك\انت تسألني..! دخل الحمام يوسف مره ثانيه وعلى صوته\اكيد في المطعم..! الوليد \اي مطعم..؟ يوسف بداخل الحمام كان يتكلم\انا اشتغل بمطعم..هو يدوام بالصبح..وانا هألأسبوع اجلته بالفتره الثانيه بالمساء عشان المعرض..! الوليد تفاجأ وقام بسرعه من السرير\انت..تشتغل بالمطعم,,!؟ ---------------- مثلّ كنا نقوله دايم..وطارت الطيور باارزاقها..ورحلت..ومابقى غير الذكرى.. رحل بندر اليوم الصبح.وتقطع قلب امه عليه..كانت تبكي من اول ماعرفت انها بيسافر وبيتركها..ولحد هالوقت وهي تبكي وتنحب بشكل مؤلم..حاولت راوين تهديها..لكن ماعاد القلب يتحملّ..وحتى دوامها ماقدرت تروحه وهي بهاالحاله.. كانت تشوف البيت مظلم ..موحش..مالها طعم ولاحياه..تشوف ظحكة مراون بكل زاويه..وتحس بصوته بمسامعها.. معقوله بتقدر على فرقاه..ويتظل مع امها وحيده..! ظلت تفكرّ لمن سمعت صوت التلفون.. قامت بسرعه وقلبها يرجف..معقوله اخوها يكون..يمكن غيرّ رايه..! يارب..يارب يكون هو..وتردّ روح امي بشوفته..يارب رفعت السماعه بسرعه وقلبها يرجف ياسمين\الو؟ وعليكم السلام..اي نعم..هذا بيته..شنــوا..متى.. بكــره..؟؟؟ ليش,..!11 الف ريال.. سكرت التلفون وهي تخس بالدوخه....من وين لها هالمبلغ..,من وين..؟ حسبي الله عليك يابندر..حسبي الله عليك..وكيف بتقول لأمها..,ووين بتروح..!مالهم اهل..هم مقطعوين من شجره..! ام بندر\منوا يابنتي..بندر.. ياسمين\لا ياام بندر..بندر راح..لكن مصايبه ماراحت..يمه ام بندر\شصاير قولي.. ياسمين\هذه شركة الكهرباء.. ام بندر\ايه كملــي.. ----------------- مو مصدق..اللي يحصل مو مصدقه..توه كان يحس انه اتعس انسان في الكون.. واللحين يحس انه الأسعد..مو بس اسعد انسان..يحس انه شخص محظوظ لأنه جده يوسف العالي.. طلال\احلـف..قول والله انه جدي قال بيزوجنا..! سلطان\ياحمـار..وانت مفكرني اكذب عليك..بزر عندك انـا..!؟ صرخ بسرعه\لالالا محشوووم ياعمي..يابعد حي وقلبي..ودنيتي..ياأجمل عم..واطيب عم..حبيبــي والله.. سلطان\ههههههههههههههه والله انك خبيث..مو لله ياحمار هالمحبه .. من كثر فرحة طلال حط على السبيكر وماقدر يمسك التلفون وظل يظحك مع سلطان وهو يروح ويجي بشوارع الرياض وموعارف وين دروبه! سلطان\هههههههههه حسبي الله على بليسك..ماصارت فرحه..اهجد ..خلّ فرحتك اذا واقفت عليك بنت اخوي.. طلال\مين قال انها ماارح توافق..بتوافق وانا طــلال.. سلطان\يالواثق انت..!اقول وينك فيه.. طلال\انا..مدري تصدق هههههههههه سلطان\من صجك انت..! طلال\احوس بالشوارع مو قادر ادخل بيت عمي ..اخاف ادخل وارتكب شي اندم عليه.. سلطان\ليه..ليكون مسوي اشياء من ورانا.. سكت طلال وهو يتذكر المسج..وتحسف انه رسله من ألأساس ..لكن وش يسوي..كان ضايق وكاره حياته.. طلال\لاحشى..ماسويت شي.. سلطان\والله ينخاف منك يادكتور طلال..لكن ماعليك شرهه.. طلال\ليه..شافيني خبلّ.. سلطان\خبلّ وبس..اقول بس لاتسرع بالطريق ومن كثر فرحتك تسوي حادث..! طلال\هههههههههه يمكن..طيب مدام انك عارف من زمان ليش ماقلت لي..؟ سلطان بقهر\تستاهل عشان تعرف مره ثانيه كيف تقفل تلفونك.. طلال\طيب سلطان..ماقالك جدي متى بيكلم عمي وابوي..! سلطان\اللي عرفته منه..انا بيكلم ماجد بالأول.. طلال\يارب ابوي يوافق..يارب.. سلطان\انت نازل هألاسبوع الشرقيه..! طلال\اكييييد..وهذه يبيلها كلام..ولو اقدر ينزل الثلاثاء لأنه ماعندي شي مهم الأربعاء؟ سلطان\الله يوفق الجميع..يالله ارجع البيت اللحين...اعرفك متهور..! طلال\ههههههههه لاتخاف علي..انا بطريق البيت..يالله سلم على هيثم.. سلطان\يبلغ.. طلال\ولاتنسى..اي اخبار جديده دق علي..ماأبي افكر اكثر.. سلطان\ان شاء الله فكنا عاد.. طلال\هههههههه طيب اخر سؤال.. سلطان\اسال بسرعه.. طلال وتغير صوته وهدى\بنت عمي تدري..! سلطان ابتسم وحب يذله\عن شنوا..! طلال\سلطااان لاتستهبلّ؟ سلطان\تستاااهل صدقني بذلك ذلّ.. طلال\يعني شلون..! سلطان\ماراح اقول..!! طلال عصب\سلطااااااااااااان.. سلطان\اقول استح على وجهك..ومالك شغل بشغل الكبار...واحمد ربك اني بشرتك بهالخبر..وزين مني بعد..وكفايه فضووول رجاءا.. طلال استغرب من تغير سلطان المفاجأ\اي فضول اللي تتكلم عنه..هالموضوع يخصني انا..!وانت تعرف وش كثر هي تهمني..! سلطان\لااا..احلف..صج ماتستحي على وجهك.. طلال ظحك وهدى من نفسه\ههههههه والله..والله احبهــا.. سلطان\اقووول..ولّ وقفل الخط.. وعلى طول طلال دق على سلطان وماقدرّ انه يثقلّ ويسكت..لازم يعرف..راوين تدري والا لا! لكن كره حياته يوم شاف انه التلفون مغلق..وعرف انه سلطان بيرد له حركته..! ضرب على السكان بعصبيه..وكلها ثواني ورجع يضحــك مثل المجنون..! مين قده ياعالم! جده بيتوسط له..وهو اللي بيزوجه من راوين.. راوين حبه.. طفولته..وعذابـه.. ********* بنفس هاللحظه راوين توها تعرف عن الموضوع كامل..ومو بس الموضوع ...عرفت كل شي عن طلال..عرفت عن حبه..وجنونه..ودفاعه عنها..وكيف انها وقف بوجه اهله..سلطان قال لها عن كل شي..كل شي يتعلق بطلال..وكانه حاس انه راوين كانت محتاجه هالأعترافات بهالوقت الحرج..كانت تبي شي يريحها طول العمر..كانت تبي كلمه تصبرها على ظلم اخوها وعدم مبالاة ابوها.. ارتاحت كثير..وتطمن قلبها..وقررت انها ماتعطي اخوها عن رأيها وبتحاول تتصدد على قد ماتقدر وحجتها بتكون التفكير....وبتنتظر جدها ..اكيد ماارح يخذلها..وهو اللي بينهي عذابها.... اشكرت طلال كثيير بسرها وعرفت بهاللحظه انه محظوظه لأنها يحبها...ماعمرها حست بالراحه كثر اليوم..فتحت ستاير غرفتها..وفتحت النوافذ..كانت تبي تشوف النور بعد الظلمه اللي سكنت فيها وعلى انه الجو كانصقيع لكنها مااهتمت.....طلعت من غرفتها وهي تركض..,فتحت كل ستاره تطيح عينها عليها..نزلت تحت بسرعه وتصادمت مع اخوها ياسر ..ولمن شافته ظحكت بجنون..ومسكت ايدينه ودارت معاه بشكل دائري.. ياسر كان يضحك على اخته..ومزاجها اللي انقلب.. ياسر\راوين..حرام عليك..راسي داااار..هههههههههه راوين\هههههههههه ياسر ..هههههههههههههه ابي اطييييييييييير,, ياسر حاول يفك ايدينه منها\طيب انا وش ذنبي...اتركيني راوين تمسكت فيه اكثر\ههههههههههههه ذنبك انك اخوي..ياربي انا فرحانه..فرحااااااااانه ياياسر.. --------------- زمن قدار..خوان..ماله رفيق ولا صاحب.. انقطعت الكهرباء في بيتهم امس بالليل..وماحست ياسمين فيها الا لمن صحت الصبح عشان تلحق على دوامها..وشافت ألأناره مقطوعه.. ماعرفت وش ممكن تسوي..كيف تتصرف..,كيف بتدبر 11 الف ريال..! من اربع شهور يابندر..من اربع شهور ماسددت فواتيرك..حسبي الله ونعم الوكيل على ظلمك..! لكن مثل مايقولون الدنيا لسه بخير..وعمر الوفا ماينقطع وصله.. ام بندر دقت على الجده أم محمد وقالت لها كل اللي حصل.. وكلها ساعات وصاروا عند اللي ماينصك باب بيتك..عند الكريم بو محمد.. الجده\حياكم الله البيت بيتكم..اذا ماشالتكم ألأرض بتشيلنا عيونكم.. ام بندر بحزن عميق\ماقصرتي ياام محمد..هذا من طيب اصلك ..قولي آميين يعل عيني ماتذوق حزنك.. الجده\أمين يارب ..وبعدين انا شرهانه عليك ياام بندر ..وحتى انتي ياياسمين..من امس والكهرباء منقطعه ولا خبروتني..ليش مو احنا أهل,,! ياسمين\والله ياخاله..ماحسينا فيها الا الصبح.. ومالقينا غير بيتك نطق بابه.. الجده\الله يقدم اللي فيه الخير..وشده وتزول.. ام بندر\روحي دوامك يابنتي..انا بجلس مع خالتك.. ياسمين\ان شاء الله بس يمه لاتجرعين البيت لمن اجي.. الجده \ومين قال اصلا اني بخليها..لاتحاتين ياياسمين.. دقت هاللحظه فجر على ياسمين عشان تطلع لها بالسياره ياسمين\السلام عليكم.. فجر\وعليكم السلام..لحظه كأني شفتط طالعه من بيت جدي.. ياسمين\ايه.. فجر استغربت اكثر\ليه..في شي..! ياسمين\اشياء مو شـي.. فجر\يالله صباح خييير..شو سوى بعد اخوك حتى وهو مسافر مصايبه لاحقتكم.. ياسمين\مو انا قلت لك انه الكهرباء بيقطعونها..وفعلا اقطعوها من امس وماحسيت فيها.. فجر\صحيح؟ ياسمين\وامي كلمة جدتك وقالت لها كل شي..وجدتك ماقصرت خذت امي لمن راجع من الدوام.. فجر\استغفر الله العظيم..طيب وبعدين..وش بتسوين بالليل..! ياسمين كانت ثابته لكن بكت فجأه\مدري يافجر..احس مشوشه..فجأه لقيت نفسي مسؤله عن بيت لوحدي..مو عارفه كيف اتصرف.. فجر\لا تخافين ياسمين..احنا معاك..والمبلغ بيتسدد باذن الله..ومافيها شي اذا جلستوا بيت جدي...احنا معتبرينكم اهل واكثر بعد..والجار للجار.. ياسمين\فجر انا فعلا مسيره..مو مخيره..ماعندي غير بيت جدك الله يحفظه ويخلي بيته عامرّ..انا مدري وش كان بيحصل لنا لو احنا مانعرفكم.. فجر\كل خير بيحصل..وثقي انه الله يمهل ولا يهملّ.. ياسمين تنهدت بحزن\ونعمّ بالله.. ---------------- هذا هو المعرض بحجمه..وبزواره اللي مالين المكان؟؟بلوحاته ورسماته......ماتغير شكله..لكن وش اللي تغير في مخيلتك يايوسف..وش اللي تبدلّّّ! تبدلت اشياء كثيره بحياتي.. صرت اشوف الدنيا اجمل بعيوني..صرت احس اني رجعت لأيامي الحلوه والوليد بقربي.. الوليد..هو دمي اللي احمله..وهذا هو اليوم رجع لي روحي اللي ضاعت مني.. هذه هي ألالواح اللي ارسمها قدامي..لكني توني اكتشف انها كانت باهته ومالها لون وانا ارسمها.. واللي بيدخل هالمعرض بيعرف انه كل هاللوح تتكلم عن يوسف حتى لو مالاحظ توقيعي.. يالله يادنيا..وشلون كنت انا عايش امس وقبله..! وشلون بعيش اليوم..وبكره.. بكــره..ايه بكره برجعتي لأهلي..واحبابي..! كيف قدرت استحمل هالحزن..!وشلون صبرت..ورضيت باللي الله كاتبه لي.. ماني عارف..ماني عارف..احس اني رجعت يوسف..يوسف اللي بين اهله.. يالله يادنيا وش بقى من اقدار حاجبتها عني..! الوليد\ياهوووووا..لا للسرحان..ولا للأحزان...شفت هالنظره..هالنظره هذه اللي اشوفها بعيونك..ارجوك امحيها..اقتلها..ماأبيها بجفونك..طول ماأنا حي.. يوسف\وانا أقدر..انا قدرّ ارفض طلب لأخوي الصغير..! الوليد حك راسه وابتسم\ليكون تقلدني.. يوسف\هههههههههه اقول بس متى راجع نيويورك.. الوليد من سمع كلمة نيويورك انقبض قلبه\حرام عليك..هو لازم تذكرني..!ليتني ماقلت لك.. يوسف\ايه لازم اذكرك..انت لازم تمشي من هنا العصر..ولا عجبتك باريس.. الوليد\وشلون ماتعجبني...هي اللي اجمعتني باأخوي حبيبي..لكن شوف عاد..اذا رجعنا السعوديه لا تفكر انك بتعتب هالمكان مره ثانيه.. يوسف تـاثر\الله لايقوله يالوليد,,الله لايقوله.. الوليد\يوسف..شفيك.. لمعت عيون يوسف\مافيني شي..اقولك..امش نطلع اللحين..ابي اوصلك المطار وارجع للمطعم..بس قبل كل هذا ابي اكلمهم يالوليد... الوليد من كل قلبه نطق\ان شاء الله..بس ماتنتظر شوي..بقى زوار ماطلعوا.. يوسف\وانت تتوقع اني قادر اكمل هالنهار وانا عارف اني بسمع صوتهـا.. الوليد غير الموضوع على طول\يوسف انت لازم تطلع تلفون.. يوسف\وهذا اللي بييصير اكيد..لازم عشان لؤي.. الوليد\ليه وشفيه لؤي..! يوسف\انا برجع ولؤي بيظل هنا..ولازم يكون بيني وبينه اتصال..! الوليد بتلقائيه\لهدرجه هو عزيز عليك..!! يوسف\يمكن عزيز كلمه قليله بحقه..لؤي اخو دنيا ياوليد.. الوليد\تصدق انا ماتاكدت من حبه لك الا امس يوم رجعت الشقه وانت تعبان..كان خايف عليك والخوف بعيونه..لدرجة انه كان مفكرني اني اذيتك بشي.. يوسف ظحك\هههههههه والله..فديتك يالؤي.. الوليد\ومن ذاك الموقف عرفت انك كل شي بحياة لؤي.. يوسف\عسى الله لايفرقنا.. الوليد\ان شاء الله.. يوسف\قولك مو كانك تبي تقيس مدى تحملي..! الوليد عقد حواجبه\ليش..! يوسف كان يحس برجفه مو طبيعيه\امش نطلع مو قادر استحمل اكثر..ابي اكلمهم..مشتاق يالوليد..تدري وش معنى كلمة مشتاق,,! الوليد\والمعرض.. يوسف لأول مره يقولها\طيب..ننتظـر..ماورانا غير ألأنتظار.. |
يعني شلون بطول وانا جالسه بهالمستشفى..!زهقت..مليت.. سميه بكل حقد العالم\واحد قالك حملي..انتي اللي جبتيه لنفسك..تحملي..! مريم\سميه..شالكلام هذا..بدال ماتريحين اختك..تزيدينها..!؟ سميه عصبت\وليش..!وش قلت انا..هي الي سألت..وانا جاوبت على سؤالها.. مريم\زين فكييينا..ماصدقتي اني رديت عليك وكلتيني بلسانك.. سميه تأثرت بكلام امها\انا عارفه انكم تبون الفكـه مني..لكن شسوي ..هذا نصيبي.. مريم\هذا انتي..من كلمناك ترجعين وتقولين لنا نصيبي مانصيبي..خلاص انسي وريحينا.. سميه\ان شاء الله يمه..بنسى..وبريحكم..ومره وحده بفكم مني.عشان تعيشون بسلام.. تضايقت سماح زود ماهي متضايقه..يكفي حملها..وتعبها ..وتجي امها واختها ويكملون الناقص.. سماح\بس الله يخليكم..كفايـه.. سميه التفت لأختها بقهر\كفايه شنوا..!وانت شعليك اصلا..زواج وتزوجتي..وحمل وحملتي..وش تبين بعد..؟حظك يكسر الصخـر..من وانتي صغيره...الكل يحبك ويخاف عليك..وانا..انـا تاركيني على الهامش..وحتى يوم تطلقت حطوا السبه فيني..ونسوني مع هالزمن اللي الأغبر..وكأنهم ماصدقوا اني اتطلق واعيش بذلّ..حسبي الله على من كان السبب..حسبي الله ونعم الوكيل.. حطت سماح ايدها على فمها وهي مفجوعه من كلام سميه..لهدرجه هي حاقده عليها.. ماتذكر انها سوت لها شي..بالعكس كانت تحبها..وتعتبرها امها الثانيه..ليش الكره بعيونها..انا وش سويت فيك ياسميه..!؟ سماح خنقتها العبره وحز في خاطرها كلام اختها\سميه..شكلك نسيتي اني كنت مريضه..مريضه من اونا صغيره..!شكلك نسيتي اني كنت اعاني ومحتاجه رعايه..! سميه\طيب حتى انا..حتى انا محتاجه رعايه..محتاجه كلمه طيبه..وتطيب للخاطر...انا انسانه ياسماح واحس.. مو ذنبي اني تزوجت ومحد فهمني..ولاذنبي انه اهل نسوني واهتموا فيك..مو ذنبي اني خضت تجربه قاسيه ولازم اتحمل غلطتها طول عمري..! مريم\سميه شفيك على اختك..ماتدرين انها مرضيه..ومو زين عليها العصبيه.. سميه صرخت\زهقتوني..كرهتوني حياتي..لاتزعلين سماح..لاتضايقينها..لاتبكينها..كل شي لسماح..الحب لها..والرعايه لها..والحظ لها..وانا وش لي..!ليش ..انا مو بنتكم..!؟مو منكم..!قولوا لي..صدقوني مااراح ازعل..!والا ليش تقولون..انا خلاااص...ماعاد لي اهل..!اهلي راحوا وضيعوني..!انتوا السببب..انتوا الســبب.. طلعت سميه من الغرفه...ومن المستشفى بكبرها..وتركت امها وسماح مصدومين.. سماح تعبت كثير..وامها ماعرفت وش تسوي لها..طلبت لها النيرس ودقت على احمد اللي جاء على طلعة الدكتور من الغرفه..وخبرّ احمد انها ارتفع عندها الظغط..وهذا الشي بيأثر على صحتها دخل احمد وقابل عمته اللي مستعجله تبي تلحق على سميه..ومافهم منها الا اجلس مع زوجتك.. سماح من شافت احمد بكت بشكل مفجع احمد\سموحه..شفيك حبيبتي.. سماح\اختي تكرهني ..ماتحبني.. احمد\انت وش قاعده تقولين..وليش تكرهك.. سماح\تكرهني وتغار مني..تغار مني لأني مريضه..ماتعرف انه مرضي بلوه.تحسدني على رعايتكم لي..تحسدني لأني متزوجه وحامل..ليش ياسميه ليش؟؟انا وش سويت لك.؟انا اختك موغريبه.. احمد\طيب انتي اهدي..يمكن هي متضايقه وماقصدت.. سماح مااستحملت.. كانت تحس انه كلام اختها يرن باذنها وشهقت وهي تتذكر صراخها\لا يأحمد..سميه قاصده..انت مو حاس باللي احس فيه..اختي..اختي الوحيده تكرهني..اختي ضاعت مني..تبرت مني..وماتبيني....مأأصعب هألأحساس ياأحمد..احس اني مخنوقه..مو هاين علي اللي يحصل لها..انا ابيها اخت وصديقه...ماأبيها تحقد علي..ابيها تحبني مثل ماأحبها.انا ماعندي غير وحده..وهالوحده خسرتها للأبد. --------------- مابقى شي على موعد طيارته ويرجع نيويورك . لكن قبل مايمشي.اتفق مع يوسف يمشون السعوديه باذن الله يوم الخميس ويأكد حجزه.. وبيتنهي كل شي..تتنهي سنين الغربه..تنتهي الأوجاع والليالي الظليمه..وبيرجع يوسف مع الوليد.. بيرجع وهو ماسك ايده..وبيعطي ابوه ألأمانه ..وبيحقق مطلبه.. آآه من يوم الخميس ياطوله عليك يايوسف..ويابعده....متى بينكتب وبيكون مقدرّ على يوسف..! الوليد\دقيت على تلفون ابتسام..لأنه تلفون البيت محد يرد عليه.. يوسف بتوتر\اوكي..كم بقى على موعد طيارتك.. الوليد\ثلث ساعه..خلاص يوسف لا تتوتر اللحين بتكلمهم.. التفت يوسف على اليمين وهو يسلي نفسه بجموع المغادرين اللي ينتظرون طيارتهم بصالة الأنتظار.. الوليد كان ماسك التلفون وينتظر ابتسام تردّ عليه..وهو ملاحظ انه يوسف زاد توتره وماقلّ.. الوليد\تتوقع صوتهم تغيرّ..بتعرف صوتهم.. يوسف ابتسم\ماأظن.. الوليد\طيب واشكالهم..!انت ماعرفتني...تتوقع بتعرفهم.. يوسف وانسجم بالكلام وهو يتذكر لقاءه المؤثر بالوليد\انا ماعرفتك لأنك كبرت وتغيرت بعد ماكنت صغير.. وامي وابوي مستحيل انساهم..اما ابتسام بعرفها من عصبيتها.. وتذكر شي..هي لحد اللحين تعصب..! الوليد\مو بس تعصب..مسويه نفسها مديرة المنزل.. يوسف ضحك وهو يتخيل شكلها\صــج..ههههههه الوليد\ردوا.. من قال الوليد ردوا انقبض قلب يوسف..وقام من مكانه..لكن الوليد مسكه من ايده..ووقف معاه.. الوليد\هلا والله..هلا باختي الخبله..وحط على السبيكر..وقرب التلفون من يوسف.. ابتسام\الوليد..ياحمــار..ياقليل الأدب..يالدبّ...وينــك..!!تعبت وانا ادق عليك..! يوسف من سمع صوت ابتـسام..تجمعت الدموع بعيونه وعلى طول غمضها قبل ماينهار..وماقدر غير انه يضغط على ايد الوليد بكل قوتها.. الوليد ناظر يوسف فتره طويله..وخنقته العبـره...لكنها ماسرع ماعدلّ صوته ورد على ابتسام.. الوليد\ولّ عليك مو لســان ..بالعه راديوا انتي..! ابتسام\وتطنز بعد..!؟الشرهه مو عليك..الشرهه على اللي جالسه و تحاتيك..مشكور ياأخوي العزيز.. الوليد\اووه من صجك انتي زعلتي..!بسوم عاد بلا مصاخه.. ابتسام\طيب قولي يااستاذ الوليد..ليش ماترد على مكالماتي..ليش تخيلين احاتي..حرام عليك قلبي ماعاد يستحمـلّ..يكفي انه احنا فاقدين واحد..ليش تبينا نفقد اثنين..ليش؟؟ سكت الوليد..وناظر يوسف..ولقاه مصدوم من كلام ابتسام.. مايدري هل يرثي حال ابتسام..والا حاله..والا يرثي حال يوسـف.. كلهم بدوامه وحده..وصارت ألأيام تخبط بهم من كل جانب..ضيعتهم..شتتهم ولارحمتهم وكافأتهم بموت اغلى الغاليين..امهم....وهذه اليوم تجمعهم..جمعت روحهم قبل اجسادهم..لكن بعد ايش..!..الكل يعاني من جهه..لكن ألأحساس واحد..والألم هم واحد..! الوليد بعد هدوء ساكن\ابتسـام.واذا قلت لك انه الحلم ممكن يتحقق..تصدقيني..!. ابتسام\وشلون ماأصدقك..انا اشوف الله..ثم اشوفك..ليت احاسيسنا يالوليد تكون صادقه بيوم..لكن خلينا نكون صادقين مع انفسنـا..احنا ضعنــا يالوليــ ..وبكت.. التفت الوليد ليوسف..ومالقاه..لف وراه بسرعه وشافه يمشي ببطء ومنزل راسه الوليد\ابتسام خلاص بكلمك باليل لاتنامين اوكي.. ابتسام\انتبه على نفسك.. سكر الوليد من ابتسام وراح ليوسف اللي كان منهار يوسف\انا ذبحت ابتسام..حملتها الهم من وهي صغيره..ليتني ماسمعت صوتها..ليتني.. الوليد\لا يايوسف..لاتقول كذا خلك قوي.. يوسف\وشلون تبيني اقوى..اذا ابتسام تقول كذا..شلون امي وابوي..وش بيقولون عني..انا تعبان يالوليد..تعبااان. ماعرف الوليد شو يقول بهالموقف...كان صعب كثير عليه.. الوليد\خلاص عاد يوسف..انسى ردة فعلها..وتذكر شلون بتفرح اذا شافتك...تذكر هاللحظه وبيفرجها ربك..ارجوك لاتخيلني اتندم لأني خليتك تسمع صوتها..خليني اروح وانا مطمئن..ارجوك.. يوسف\سألتها عن امي وابوي.. الوليد رد على طول\ايه ..قالت لي انهم بيت جدي..خلاص يايوسف..وين ابتسامتك..انا مسافر اللحين..مأأبي احاتيك..! يوسف ابتسم لمن تذكر كلام ابتسام\ذوق اللي ذاقته ابتسام..مو هي بس اللي تحاتيك. ظحك الوليد\سمعتها الخبله..مو قلت لك انه مسويه نفسه مديرة المنزل.. يوسف ابتسم على عصبيتها\فديت اخـتي..مـره.. الوليد\هههههههههه وعاجبها الدور بعد.. يوسف\اقولك مو صعب عليك تجي الخميس هنا..وتمشي معي.. الوليد اعترض\لا مو صعب.. يوسف\ودراستك.. الوليد\وش لي بدراستي اللحين مالي حاجه فيها.. استغرب يوسف\ليش..! الوليد مسك ايده\مدري شقولك..لكن قلبي مايطاوعني اني ارجع لدراستي وانا اعرف انك بالسعوديه.. يوسف\طيب انت بترجع بالأجازات..وين المشكله..! الوليد بهدوء\ولهان عليك يايوسف..ليش ماحسيت.!ولهان لبيتنا الصغير اللي كان يجمعنا..! سكت يوسف..والوليد ماخلاه يفكر اكثر..حضنه بشوق كبير..وعبس وجهه يوم سمع انه الطياره وصلت.. تفرقوا ألأخوان ..وكل واحد قلبه معا الثاني..وبعيونهم نظره انتظار وامل ليوم الخميس.. -------------- فاظين..وماعندهم حاجه تشغلهم..وكالعاده واجهتهم يا في كوفي..او في البيت الكبير.. سلطان\يقولون عندكم ضيوف..! الجده\ايه عندنا ضيوف..وانت شفت واحد منكم معتب غرفة الضيوف ياويله.. سلطان\حشى..جدتك ياهيثم بتسوي لنا احصار بالبيت ومنع التجولّ بتاتـاّ.. الجده\هذاني بلغتكم..اذا تبون عشاء دقوا على الخدامه وتجيبه لكم لهنا..حتى الصاله لاتدخلونها.. هيثم ظحك بسحريه\مااقول غير الله يعينك ياسلطان..اعرض عليك انك تنام في بيتنا..! سلطان صرخ\هزلت..انا في بيتكم وانا عندي بيت..! هيثم\احمد ربك اني اعرض عليك التحرر ليوم واحد.. سلطان طنش كلامه\اقول يمه..حلوه..! الجده\منوا,,! سلطان غمز بعينه\بعد مين بنت الجيران..! الجدخ\عصب مره\شوف ياسلطان خلك مره ثانيه تجيب طاريها بلسانك..ترى بقصه.. سلطان\لهدرجه هي حلوه..! الجده\سلطااااااااااان.. سلطان\خلااااص والله امزح شفيك يمه.. الجده قامت\مزحك ثقيل ..عيال اخر زمن.. هيثم\لا لا قويه جدتي..تعرف تردّ عليك..وعلى اشكالك.. اسفهتهم الجده وطلعت من المجلس..وهي تسمع ضحكاتهم.. سلطان\امي الصراحه شـي هههههههههه هيثم\اقولك انت من صجك تسأل عن بنت الجيران..!ليكون ناوي تخطبها..! سلطان بااستهبال\مدري.. تصدق..! هيثم\اقولك..سمعت انه جدي مسوي اجتماع يوم ألأربعاء لعمامي..! سلطان\وانت وش دراك..!ماأّذكر اني قلت لك.. هيثم\سمعت الوالد يقول لأحمد. سلطان\ايه..والله يستر.. هيثم\تتوقع عن ايش..! سلطان\مو عارف ياهيثم..بس احساسي يقول عن خطبة راوين.. هيثم\لالالا ماأظن..اتوقع الموضوع اكبر من كذا؟؟ سلطان\الصراحه جدك يخــوف.. هيثم\تفاؤل بالخير.. سلطان\ان شاء الله خير..لكن قلبي مو متطمن ابدا..! هيثم\طيب ليش الأربعاء بالذات.. سلطان\عشان الكل بيكون حاظر ذاك اليوم ----------------- شفيك ياحلوه..انا غلا ..والا نسيتي..! حطت جمانه السماعه على اذنها الثانيه وتنهدت غلا\ياربي..جمــون..بلا هالتنهد..عروتي قلبي كثر ماهو معورّ..تكلمي..! جمانه بهمس\غلا..ليش احنا مانقدرّ نتحكم بمشاعرنا..ليش دايم نجري ورى عواطفنـا..ليش يصيبنا الندم اذا سمعنا لقلبنا..ليش؟؟ غلا\آآآه جبتيها على الجرح ياجمون..لأننا بشر..لنا احساسيس ومشاعر.نجري وراها ومانتهتم بالعواقب..دايم نسمع لدقات قلبنا...نحلم ونتمنى..نعيش ونتخيل..وبعدها..ننصدم بالواقع المرّ..لأننا نحب ياجمون..لأننا نحبّ.. جمانه\ليش نحبّ..ليش ماندوس على هالقلب..ليش مانستفيد من تجاربنا..! غلا\جمــون..شفيك حبيبتي..؟ جمانه\غلا انا احب الوليد..تعرفين شلون احبـه.. غلا انصدمت من اعتراف جمانه الغير متوقع والصــريح.. ..كانت دوم تكابرّ وتبين العكس..هس تعرف انها تميل له..لكن تحبّ..ماتوقعتها..! ابتسمت على هالصغيرونه الخبله اللي تحب.. غلا\حبيبتي والله..اخيرا اعترفتي... جمانه\ليش احبه.ليش..ماأبي حبه..حبه يألمني..يتعبني.. غلا\جمانه انتي قلتيها اذا حبينا مانعرف شلون وليش.!الحب يدخل بدون مايطق بابه..وبعدين ليش هالعذاب..!ليش معيشه نفسك بهالعذاب...الوليد يحبك وهذا الشي واضح من مو اقفك معه..وغير كذا هو انسان طيب ويبي يخطبك وانتي اللي رافضه والا نسيتي..! جمانه\مو فاهمتني..انتي مو فاهمه.. غلا\ياربي..شنوا اللي مو فاهمته..الوليد حبه واضح زي الشمس..ومايبي غير ألأستقرار بقربك..لاتخلين ظنونك تلعب بك.. جمانه حكت لغلا كيف انها كلمته ومارد عليها وسفهها.. غلا\وقسم بالله انك سخيفه..طيب يمكن ماأنتبه لرقمك.. جمانه عصبت\غلوه..دقيت عليه مرتين..انا غبيه..غبيه لأني خايفه عليه..وغير كذا توه داقه علي بسوم وتقول انه بخير ومافيه شي..شفتي شلون انا مجنونه لأني دقيت عليه..!اكرهه حبي له..اكرهه.. غلا\لاتظلمينه جمون..يمكن انشغل..اووو جمانه طفشت من حالتها\لاتبررين ارجوك..خلينا من سالفتي انت شو اخبارك.. غلا هدى صوتها\انا..انا كل مالي واغرق بتركي اغرق بحبه وبكل شي فيه...لكن مدري ليش احس اني بندم بيوم..! كل شي يسويه وحتى لو ماكان قاصد اتأثر فيه..اتاثر بلسماته بنظراته بشكله بلبسه..ياربـي جموووون امووت فيه.. جمانه\حسبي الله على بليسك ياتركي جننت في بنت عمي.. غلا رمشت بحالميه\احلى جنـــه.. جمانه\تصدقين اشتقت لبيت جدي وجمعتنا..ولعبنا..وسهرتنا.. غلا\اي والله صادقه..انا انتظر ألأربعاء..ابي انزل الشرقيه..واشوفكم..بتجون انتوا..! جمانه\ان شاء الله..احنا ماصدقنا نخلص زفت امتحانات.. غلا بهمس\حلو..اقولك..بسكر جمانه بزمجره\ليش.. غلا\حبي اتى.. جمانه\ههههههههه ياعيني..اقول بس ترفقي بقلبك لايذوب.. غلا فعلا ذابت \بااااي.. --------------- جالسين بالقهوه..وكل واحد فكره مشغول وسرحان لبعيد.. تركي كان يفكر بصفقه بتربحه ذهب..لكن بتكون مجازفه وفيها خطوره..لكن هالصفقه تترتب عليها امور كبيره ولازم ينفذها..لكن كيف يقدر يتخذ هالخطوه..يحس انه وقته ضيق جدا وامور كثيره شاغله باله...والمصيبه انه لازم يقرر خلال هاليومين والا بتضيع الفرصه.. اما مبارك اللي كان قباله كان يفكر براوين وردها اللي تأخر..لكن ماعنده القدره انها يسال تركي عن سبب التأخير..! حاول كذا مره لكن يحس انه لسانه يخونه..ومو قادر ينطق وفجأه مبارك\اقول تركي.. تركي رفع عينه له.. مبارك\أحم... تركي تملل\تكلم..شعندك.. مبارك\مو عارف كيف افتح الموضوع معك..بس بجيبها من الآخر..مو كأنكم طولتوا الردّ تضايق تركي..هو وين..وتفكير مبارك وين..! صج انك تافهه.. تركي\ليش مستعجل.! مبارك تفشل\لا..بس انت تعرف اني ودي استقرّ من زمان.. كان ينقزه لأنه مبارك من زامن وهويعرض عليه انه يخطب اخته.. تركي\خير ان شاء الله..وسكت..وارغم مبارك على السكوت.. وبعد فتره تركي\اقولك..بكره بالصبح ابيك تجيني الشقه..قبل ماتمرّ المبنى..! مبارك حس بالأحباط. توقع يناقشه بالموضوع.لكن ماعنده حلّ ثاني..بيصبر وبيشوف اخرتها..مع تركي..واخته! --------------- مرت ألأيام سريعه على لؤي اللي يعد الليالي بفرقا يوسف..ومرت بطيئه على يوسف والوليد اللي يحترون يوم الخميس..ومرت قاسيه على ياسمين وامها اللي رجعوا بيتهم بعد ماجلسوا يومين في البيت الكبير ودفعوا المبلغ.. لمن انولد يوم جديد غريب بأاحكامه وقراراته.. يوم ألأربعاء اجتمعوا عايلة بو يوسف في البيت الكبير..والكل بعيونه الفضول لمعرفة سبب هالأجتماع سواء حريم والا بنات والا رجال..! البنات فرحانين بلمتهم ومشتاقين حق بعض .,ومن جهة كل وحده تحكي من جهه..وصارت ألأحاديت مختلطه بين الدراسه والأمتحانات والأجازه جمانه تعلي صوتها من جهه عشان تثبت وجودها والكل يسمعها..وغلا تسكتها بصوتها الناعم وتعيد سالفتها.. راوين كانت هي الوحيده اللي بينهم المستمعه لأنها كانت تحس بالخجل وهي تعرف انه الكل يدري بموضوعها وموضوع طلال..وفكرة انه اسمها يقترن بطلال يحرجها على ألأخير.. جمانه انتبهت لها وصرخت بدفاشه جمانه\لو سمحتي كوني عنصر فعال وشاركينا..كفايه سرحان.. خزتها راوين وماردت عليها.. ابتسام\يمه منك..خلي البنت في حالها.. جمانه\ليش اخليهالحالها..مو زين عليها التفكير.. غلا\لا..اقول اسكتي وكملت بأحراج..اخت زوجي ومأأرضى عليها.. جمانه\ومن متى حبيبتي..! غلا\ظحكت\من زمااان.. ابتسام\بنات تصدقون والا ماتصدقون..! فجر\لا ماارح نصدق.. ابتسام\فجــر..ليكون علمتك جمانه النذاله.. فجر\لا وربي امزززح.. ابتسام\ اشتقت لخبالنا.. جمانه\لو سمحتي انا مو خبله.. مسكت ابتسام المخده ورمتها عليها.. ابتسام\انطمـي.. غلا\اووووش..اوووش اقول. جمانه\لا انا اللي بقول..شوفوا اليوم كلكم بتنامون هنا..غصبن عنكم اوكي..! غلا\لا مو اوكي..مالي دخل لاتنامون.. جمانه\صج نذله..اذا انتي متزوجه احنا وش دخلنا..محد قالك تتزوجين.. فجر\لا انتوا سمعوني..بكره بنروح لسماح نزورها عشان نوسها شوي.. ابتسام\اي والله صادقه..خذيني معاك.. فجر\من عيونـي.. جمانه\ترى مولله تقولك خذيني معك..وعاد انتي فهميها..! ظحكت فجر ومسكت ظحكتها يوم مسعت ابتسام تصرخ.. ابتسام عصبت \انا كم مره اقولك ممكن تنطمين..! ------------- بجهه ثانيه كان هناك نقاش حاد بين الجد وعياله واولهم ماجد اللي مو راضي بزواج ولده سواء كانت راوين او غيرها.. وطبعا الجد يوسف ماذكر اسم راوين لكنه عصب بااصرار ماجد على كلمته..لكن ماجد كان عارف وش قصد ابوه.. واللي مو عارف عن الموضوع هو بو تركي اللي كان مستغرب من تصرفات اخوه ..وتركي اللي حظر الأجتماع وساكت.. طلال كان متوتر وماوده الأمور توصل لهالحد...ولا وده جده يعصب من ابوه..لكن الأمور زادت للأسوء بتعب الجد يوسف اللي انهار فجأه وطلبوا له ألأسعاف ودخلوه الغرفه الثانيه بسريره عشان يرتاح.. وماجد كالعاده مو معطي مرض ابوه أي اهميه وكلمته هي اللي بتتنفذ وهو يتوعد ولده بعيونه.. سلطان\ممكن افهم انت ليش مصرّ على رايك..ولا راضي احد يتناقش معك.. ماجد\وانت وش دخلك..لو سمحت اسكت..ولا احدي يتدخل رجاء وكان يقصد الكل.. سلطان\الشرهه مو عليك..على اللي يكلمك باحترام.. ماجد\والله وطلع لك لسان ياسلطان..تعال اكفخني بعدّ.. مسك طلال ايد سلطان يبي يهديه..وماجد لاحظ هالحركه.. ماجد\لا يادكتور ماشاء الله عليك..حب راسه بعدّ.. طلال\يبـه,, قاطعه ماجد\ولاكلمـه.. سلطان التفت الجهه الثانيه\استغفر الله.. ماجد\سلطان انت مو قدي..فأحسن لك تسكت.. عبدالرحمن\خلاص ياسلطان اقصر الشر..ماتشوف ابوك تعبان,, ماجد صـرخ\اي شر انت؟؟؟ّ..انا قلت لكم اكثر مره مالكم شغلي فيني ولابولدي..!ومو انت اللي تفهمني.. عبدالرحمن\انا مالي كلام معك اصلا. ماجد ورماه بكلمه قويه وهو يصرخ عليه\ولا انا اتشرف اني اتناقش معك.. ابتسم تركي على كلمه عمه..وهو يقول بنفسه"والله وماطلعت هين ياعمي" صراخ الرجال انسمع بوضوح عند الحريم اللي جالسين بالصاله..والجده ماقدرت وقامت وهي خايفه على عيالها وهند وراها وهي ماسكه ولدها اللي كانت ترضعه..ويوم شافت بومحمد طايح على سريره ووجهه ابيض وجنبه محمد..صرخـت بأعلى صوتها..والكل سمعها .. سلطان ركض لأبوه لمن الكل اجتمعوا بالغرفه وهم مرعوبين.. كلها لحظات وألأسعاف وصل ونقلوا بو محمد المستشفى على صراخات ام محمد وصياحها والحريم مذهولين من اللي يصير ومو عارفين وش الموضوع..! وللمره الثانيه ماجد يكون السبب في نقل ابوه للمستشفى.. ام محمد ركبت مع سلطان السياره وتركت الكل وهي خايفه ..وكل ماتتذكر شكله تصرخ ..اللي يشوفه يقول خلاص هو مفارق حياته وبيموت.. كانت تطلب من سلطان يزيد من سرعته وهي تشوف سيارة الأسعاف تتخاطهم وتدخل قسم الطوارىء. : : : : : من بديت قصتي وانا اقول انه الجد يوسف هو اللي جمع عايلة العالي..معقولة نهايته قربت وبيضيع كل شي حلو بعده..! ياسمين هل بتقدرّ تتحمل حياتهم الجديده! لؤي وقربت لحظة الرداع وراوين وطلال..وش راح يكون مصيرهم بعد اللي حصل.؟ والأهـــم.. رحله تحدد موعدها بيوم الخميس..نقطه على السطـر انتهــى الجزء اختكم وصيت قلبي عليك الجزء الواحد والأربعون قـــال الـــودااااع -------------- الا ليـت الفجر .. ما بااان .. سهرنا والهوى واحد .. وصرنا والفراق إثنين حبيبي قلبي اللي كان .. وفينا والزمن خوان صبرنا والسؤال سنين .. سقا الله روض خلاني .. رحلت وما رحلتوا بعين ولا روحٍ .. ولا وجدان .. نسيتوا بداركم إنسان .. نسيتوا وما نساني البين يبي رحمــه..يبي نــور..يبي راحه..يبي يحس باأمان ويبعد هألألــم اللي ينغز فؤاده.. يبي يرحم هالعيون اللي تدمع ..يبي يثبت هالروووح اللي بتضيع بيوم فراق يوسف.. وش بيكون حاله بكره..وهل هو اصلا بيقدر يعيش بكره..! هل بيقدر على بعده..! وبعد بكره ..وش بيكون حاله..! وبعده..وبعده..وبعــده!!!.آآآه يالؤي ياطول هالليالي وياقساوتها على قلبك يوســف وينه يوسف!!ابيك والله ابيك..ماأتحمل فرقاك ياخوي.. انا كذاااب..انا اكذبت على نفسي يوم قلت لك برجع..انا حكمت على روحي بالمووت يوم ظنيت اني بتحمل..!يوسف انت وينك..لاتخليني..ارجووك ابيك..! ابي قربك..ابي حبك..ابي صوتك وحنانك وعطفك..! ليش احس اني اشوفك آخر مره..ليش كنت أظن فرقاك علي سهله..! هذه أخر مره اكون وياك فيها مجتمعين وهمنا واحد..هذه نهايتنا يايوسف..هذه نهاية عشرتنا الحلوه.!شلون قولي شلون بتحمل حياتي بدونك..! صحاه يوسف من سرحانه بصوته الحنون..وكأنه عارف انه يناديه ويبيه قربه..! يوسف\هذا التلفون بيكون بيني وبينك واحد لي وواحد لك..!..بكلمك كل يوم..وحتى اذا بتنام بكلمك غصبن عنك.. لأني اعرفك بتسهر مع عبير وبتنسى نفسك..!..!واذا كلمتك لازم تقولي وش سويت..!تغديت تعشيت..مين اللي قابلت..ورحت شغلك او لا.!فهمت..! لؤي وبتقائيه قال\طيب نسيت شي..! يوسف \شنوا.! لؤي كان يعبرّ بدون مايحس بنفسه..كلماته كانت تطلع من عظم الحزن اللي بداخله..اخوه..اخو عمره بيفارقه..قاسيه يادنيا!\مين اللي بيغطيني وبيدفيني بهالبرد.!انت تعرف برد باريس مو مثل أي بررر... وظغط على شفايفه وهو يحاول يمنع نفسه من الكلام.. كلام لؤي خلى الدموع تتجمع بعيون يوسف وماقدر غير يضم لؤي\تدري انك حمار ودب بعد..!وابتعد شوي عنه..انا وعدتك ووعدت الوليد اني مااراح ابكي..!لأني اعرفك بتبكي معي.! وفعلا هذا اللي صار مع لؤي.. قرب يوسف منه وهالمره مسك كتفه وظل يمشي معاه قبال الجسر اللي يحبه لؤي وهو يناظر السماء المغيمه يوسف\.. ماارح اجي هنا مره ثانيه تدري ليش..لأني باذن الله بشوفك بالبحرين..!بشوفك ببلادك اللي تحبها وتعشقها..وبنتمشى مع بعض لكن مو بهالبحيره ولابهالجو البارد..لا لالا..بنمشي وبحر البحرين قبالنا..والنسيم الحار يهب علينا..وبحط ايدي على ايدك..وبنتذكر ايامنا الخوالي...واحنا ندوس على رملها..بالله عليك مااشتقت لرملها..! لؤي بنظره حالمه وبنفس الوقت مجروحه\رملها..انا اشتقت لرملها وارضها وسماها وهواها.. يوسف ابتسم وهو يلطف الجو\هه وحرها مافقدته..! لؤي\اقول عااد لاتغلط على حرها..من حلاة حركم عااد..!؟ والله انه مايسوى نسمه وحده من هواها..تجيك لفحة هواء وحده تنعشك وتخليك بو تسع سنين..! يوسف ظحك على لؤي\ههههههههههههه قويــه كل هذا بـ هوا البحرين..! لؤي\ههههههههه عيل شنوا!..هذه البحرين يبه اصحــى.. يوسف\والنعم والله.. ههههههههه.. وقف لؤي عن المشي ووقف معاه يوسف.. يوسف\علامك..تعبت..! لؤي ابتسم وهو يناظر النهر اللي تحته\يعنــي..تدري انه الدكتور سمير عرض علي اشتغل معاه.! يوسف\ايه دريت..بس مو كأنه جاء بوقت متأخر..! لؤي\ليش! يوسف\انت مو محتاج لشغل اللحين..لأنك بترجع يالؤي.. حس بغصه لؤي\صحيح كلامك لكن انا حتى لو رجعت ماارح ارجع لمن اثبت نفسي.وبالعكس شغلي مع الدكتور سمير جاء بوقت حلو..لأني مثل ماقلت لك من قبل مستحيل ارجع وانا على هالحال..! يوسف علا صوته\كلاام يالؤي كلاااام.. من تشوف الجواز بأيدك..وتحس انك حــر طليــقّ..بتحارب الدنيا كلها عشان ترجع لأهلك..وحتى لو خسرت كل شي بحياتك..!صدقني الوطن غالي..والأهل اغلـى واغلـــى..! سكت لؤي لأنه ماعنده شي يقوله ليوسف بهاللحظه.. مر الوقت..وكل واحد يحاول يلطف الجو الحار اللي بينهم.. يوسف يحاول يخلق البسمه بوجهه لؤي بذكرياتهم ولؤي يضحك والقلب يبكي ويرثي يوسف.. اتفقوا اتفاق انهم يقضون هالساعات بدون ذكرى الفراق وينسون احزانهم ويستغلون اخر لحظاتهم بهالمدينه بذكرى حلوه.. لكن وين النسيان ووين هاللحظات الحلوه!..ولحظة الفراق قربت..! |
الكل كان متوتر وعلى اعصابه سواء اللي بالمستشفى والا اللي في البيت الكبير,, الحريم بالبيت كانوا جالسين على نار لأنه مافي احد راضي يرد على تلفونه ويطمنهم.. لكن الوحيده اللي كانت تعرف بااساس الموضوع هي راوين وهذا الشي خلاها تخاف وتحس بنــدم كبير تجهله.. حاولت انها تلهي نفسها باي حاجه..لكنها ماقدرت وهي تشوف انه الكل ساكت وخايف ويترقب أي اتصال من العيال..وكل ماتشوف البنات يدقون على اخوانهم ومايردون ينقبض قلبها اكثر.. وتكره نفسها اكثر..وآخر شي رد هيثم على فجر وكلمته على طول والبنات واقفين حولها وينتظرون منها أي خبر وماخذت اقل من دقيقه الا وهو مسكر منها والصدمه باينه بملامح وجهها..! جمانه\فجر..قولي شفيه جدي..! فجر كانت تتكلم ببطء وبعدم استيعاب\لالالا..جدي.. جمانه\فجــر حرام عليك وقفتي قلوبنا.. ابتسام\فجـر تكفين..يكفي اللي فينــا.. فجر\جدي سكته قلبيــه..وكملت وهي تحس بالغصه...دخل العنايه المركزه.. بيسون له عمليه عنده انسداد شريان في القلب.. من سمعت راوين كلام فجر ظلت تناظرهم بنظره تايهه وصارت تمشي بخطوات سريعه بدون شعور للطابق الفوقي وهي تحاول تخفي الدموع اللي بعيونها ..وما في احد حس بحركتها غير البنات اللي كانوا جالسين بالصاله الداخليه..! دخلت غرفة البنات وطاحت على السرير وهي تبكي وقلبها يرجف.. والبنات على طول دخلوا بعدها ماعدا فجر اللي منهاره تحت... راوين\انا السبب..انا الســبب..وصارت تضرب نفسها بالمخده وهي تحاول تعاقب نفسها.. غلا من سمعتها حاولت تحظنها وهي خايفه عليها\لا ياراوين..ليش تقولين كذا.. راوين كانت ترتجف وهي تتكلم\جدي اكييــ ــد تعب بسببي..انا سمعتهــم وهم يتكلموووون عنــ جمانه\عن مييين.! راوين صرخت\لااا ياربــي لاااا جمانه حطت ايدها على قلبها\راوين لاتصرخين.. حراام عليك.. راوين\ليتني ماقلت لسلطان ..انا السبب غلا\هدي الله يخليك راوين..ليش تتوقعين الأسوء..صدقيني مو انتي السبب من زمان جدي مريض بالقلب وان شاء الله بيقوم بالسلامه.. راوين\هذه انتي نطقتيها بلسانك..القلــب..معاه القلب.ياويلي عليك ياجدي.. غلا\ادعيله ياراوين..هو محتاج دعواتنا.. راوين من كل قلبها نطقت\يااارب..يااارب..انا خايفه كثيييير.. اذا صار في جدي شي مااراح اسامح نفســي.. جمانه صاحت على كلام راوين\الله يحفظه يارب. ظلوا البنات شادين على اعصابهم وهم يشوفون راوين تبكي ولسانها ماوقف وهي تدعي لجدها..بعد فتره هدت راوين شوي وتكلمت.. راوين\كنت طالعه من غرفة الحريم بعد ماصليت العشاء وسمعت صراخ جدي..في البدايه ماميزت هو هو يصرخ او منفعل بصوته وفجأه انقطع صوته..وبعدها سمعت عمي ماجد يصرخ من جهه وسلطان يصرخ من جهه ثانيه.. جمانه\انتي تقصدين انهم كانوا يتكلمون عنك وعن طلال..! راوين بكل ندم\ايييه وغرقت الدموع بعيونها.. سلطان تخانق مع عمي ماجد لأنه رافض انه يزوج طلاااال..ويلومه لأنه جدي تعب بسببه..لو تسمعون كلام سلطان لعمي ماتصدقون انه هذيلا اخوان وقلبهم على بعض..انا ماكنت فاهمه شي ومو مستوعبه اللي يقولونه لأني ماعمري شفت عمامي يتخانقون وشوي ويتضاربون وبدى يختفي صوتها وهي تحس بالحسره....ماكان ودي اكون السبب في مرض جدي..ولا كان ودي اكون السبب في الهواش اللي صار بين عمامي..واذا صار في جدي شي مااراح اسامح نفسي ابدا.. غلا ماقدرت تتكلم حطت ايدها على فمها وهي مرعوبه من اللي بيحصل,اما جمانه تكلمت بكل خوف جمانه\هذا اللي سمعتيه بس.. راوين\ايــه.. ورجعت تصرخ بخوف.....ياويلي..ياويلــي..الكل بيلوموني.واولهم عمامي اذا دورا..حتى ابوي اذا درى وش بيسوي فيني..وتركـــي..تركي بيذبحنــي. اذا عرف..ليتني ماكلمت سلطان ولاقلت له..انا غبيــه..هذا حظي دووم كذا..شسوي قولوا لي..يارب ارحمنــــي..يااارب.. حظنتها غلا وبكت معها..وجمانه ماأستحملت وطلعت من الغرفه وهي تبكــي على حال جدها وحال راوين وطلاال اللي صاروا الضحيه.. ******** الساعات كانت تمر بطيئه على عايلة العالي...ولحد اللحين مافي اخبار جديده.. لطيفه خذت عزيز وقررت ترجع بيتها وصابها كرم مفاجأ وتبرعت بسواقها لأم طلال ولأم احمد اللي رجعوا البيت بعد الساعه 12..اما البنات هو اللي ظلوا بالبيت وبالتحديد قبال تلفون الصاله يترقبون أي اتصال من أي احد من الرجال...ويمكن اكثر ناس متاثره هم البنات لأنه كل وحده فيهم كانت لها ذكرى حلوه مع جدها وهالأوقات هذه حرجه وصعبه بالنسبه لهم..ونور مرت عمهم ماتركتهم وظلت جالسه معهم لأنها حتى هي خايفه ومتوتره ومو قادره تغفي عينها.. راوين وبسبب سؤال امها عنها قررت تنزل وتجلس معهم عشان ماتثير الشكوك...لكن عيونها كانت متورمه من كثر البكي اللي بكته على جدها.. وبعد نص ساعه دق تلفون غلا وارعب الموجودين بعد الهدوء اللي بينهم..وكــان غلا بصوت واطي\هلا تركي\انتظرك بالسياره..وسكر الخط استغربت غلا..وين تطلع هالوقت....وشافت العيون كلها حولها وحبت تطمنهم.. غلا \ تطمنوا..هذا تركي ..! راوين من سمعت اسم اخوها حست بالخــوف.. اما نور رف قلبها \تركي بره.. غلا بحنيه\ايه.. نور\ماراح تنامون هنا! غلا\ماأظــن.. نور بخيبة امل\الله يحفظكم قامت غلا وطلعت فوق تاخذ عباتها وشنطتها .سلمت على البنات وحبت راس نور نور\اذا وصلتوا طمنيني.. غلا\ان شاء الله.. وطلعت.. من اول ماركبت السياره والهدوء هو سيد الموقف..وماينسمع غير صوت التدفأه اللي مشغلها تركي..لكن هي خلاص تعودت على هالموضوع..تعودت الصمـت منه.. تعودت على تقلباته..ساعات يكون ساكت جامد..وساعه يعطيها ابتسامه جانبيه..واذا ظهر عواطفه يظهرها بكل قوتـها وينسيها حتى اسمها.. تركي مزيــج غريب بالنسبه لها..لازالت جاهله تصرفاته.. تركي\سرحــانه فيني! فاجأها بصوته..ومن غباءها قالت\كيف عرفـت.. تركي\من عيـونك.. صارت ترمش عيونها بسرعه.. وماعرفت وش ترد عليـه.!ذوبها تركي تركي\يالله نزلــي.. غلا\وين؟؟ تركي بأمر\نزلي وبـــس.. التفت للمكان..ونزلت بسرعه.. غلا بهمس\كوفــــي.. تركي\ايه وشفيك..!ماودك تروقين! غلا ابتسمت له وبداخلها مستغربه من برود اعصابه..جدهم بالمستشفى وهو نفسه بكوفي.! خذوا لهم طاوله وجلسوا فيها..وبعد ماطلبوا.. تركي\اكشفـي.. غلا هي تدري انه مافي احد..بس كانت منحرجه منه.. تركي لمن شاف وجهها ابتـسم..وهي اجهلت هألأبتسامه! "..معقوله مشتاق لي..مثل ماأنا مشتاقه له!! معقوله يحبنــي.!.." هذا اللي خطر في بالها اللحين! "ليتني اعرف..بس كيف..كيف ياغلا!" تركي وهو يضغط على راسه\ورجعت مره ثانيه تسرحين فيني..! غلا تفشلت\وليش هالثقه! تركي\قلت لك..وبنظره غريبه وهو يمسك ايدها برقه..عيونك تفضحك.. ابتسمت بخجل وقلبها يدق.. تركي ذكي..وعارفها..واكيد عارف انها تحبـه..ليتك تبدالني هالشعور ياتركي.. صدقني بنسى بحبك ظلمك واهاناتك وجرحــك. أحبــك..احبــك..واحبــك بس وين حبك وحبــي! غلا\ممكن طلب.! تركي\امري.. تركي\ليش ماتشيل هالنظاره اللي لابسها! ظحك تركي على طلبها السهل..وفصخ نظارته..وحطها على الطاوله..ولمن شافت غلا انه نظارته على الطاوله ماقدرت ترفع عيونها له..اما تركي رجع يمسك ايدها وهالمره مسك خاتمها اللي اهداها لها يوم زارها بأايام الملكه وظل يتحسسه بنعومه وبشفايفه ابتسامه حلوه.. تركي\دوم تلبسينه..!. غلا وغارقه بحبه\اهممم... رفعت راسها والتقت بعيونه..وبتلقائيه قالت \كذا احلى!..اقصد....عيونك.! ابتسم بهمس\عيونك الحلوه.! غلا\........ تركي وقدرّ خجلها\اوكي لاتردين.! سكت تركي..وسكتت غلا..وكل واحد فيهم عاجبه هالسكــون المريح...وهالمشاعر الحميمه اللي طاغيه على الجو.. تركي\على فكره بكره ماشين الرياض..! غلا ماوحى لها تفرح بهالجلسه..وتضايقت من كلامه\ ياربي ليش! وجدي.. تركي\جدك ماعليه شرّ..عندي شغـل ولازم اكون بكره العصر بالرياض. غلا\طيب ليش جينا...مدامك بنرجع بكره..! تركي حس بسخريه من كلامها\تصدقين ماأعرف مين اللي كان يبي يجي يشوف اهله.. غلا\ماجلست معهم..اللي صار اليوم اربكنـا.. تركي\مو مشكلــتي اوكي غلا..؟؟؟ ماردت عليه وحررت ايدها منها بسرعه.. تنرفز من حركتها..وهو خلقه كان مصدع..! تركي ورص على شفايفه ورجع يمسك ايدها بقوه\اوكي غلا؟؟؟ لمن شافت نظراته وايده القويه..خافت وردت على طول وهي حزينه وبعبره مخنوقه\اوكـي.. حرر ايدها ولف عنها..وهي مأاستحملت ودمعت.. ماكان وده يضايقها..لكن هي رفعت ظغطه.. تركي\غلا غلا\....... تركي\غلاااا غلا بهمس\نعـم.. تركي\لاتتضايقين.! غلا\انا..مو متضايقه.. تركي ابتسم وياكثر ماابتسم اليوم\خلااص آسفين.. ماردت عليه.. تركي\طيب ابتسمــي..عشاني طيب..! ابتسمت بحزن عمييق وهي كارهه روحها اللي تحبه..ليش تحس بالضعف بقربه..!هي ماكانت كذا..!غيرها تركي.غير شخصيتها وحياتها وكل شي فيها..!.وأسرّها بعذابه.. تركي\تدرين..انــا آآرتـاح ويأأك..وسكت وهو يشوفها مفتحه عيونها الكحيله على ألأخير وشكلها متفاجأه من رده.! تركي\قلت شي غلط! غلا\لا بســ..ورمشت بتوتر وبحركه سريعه..ماتوقعتــ تركي قاطعها\لاتوقعـي..غلا ناظريني.. غلا\همم تركي بصوت حنون\انتي شي كبييير...شي كبير بحياتي... ------------- باخر الليل رجعت هند البيت الكبير..واول مادخلت الصاله شافت نور قبالها وعيون الكل حولها..نور مااستحملت تشوف هند منهاره..ضمتها وهي تبكي واجتمعوا البنات حولهم..وهم متوترين.. جلست هند بعد محاولات نور الطويله وطلبت من جمانه كاس ماي لأمها.. هند بعد ماهدأت وشربت الماي\وين الباقي..! فجر تكلمت بسرعه وهي تبي عمتها تنطق\كلهم راحوا..واحنا بقينا..! هند وتناظر ساعتها\ليش كم الساعه.! راوين بصوت واطي\ثلاث الا ربع.! هند\تصدقون من عظم اللي صار ماحسيت بالوقت.. نور\بشري ياهند..شخبار عمـي! هند تنهدت بحزن\آآه يانور..شقول بس..االظاهر السكر لعب دوره عند ابوي..وسبب له سكته قلبيه.وهالمره ماندري اذا بيقوم منها او لا! نور\قالي بوتركي انها محتاج عمليه عشان يوسعون له شريان القلب.. هند ارتعبت من ذكر اسم العمليه \ايه..الله يستر..الله يســتر.الخوف انه تجيه جلطه قلبيه أثناء العملية... وحطت ايدها على فمها وهي تكمل....ادعوا له يابنات جدكم محتاج دعوااااتكمــ وغاب صوتها بالبكـي.... تأثروا البنات أكثر..وزاد همهم همين..! وبلحظه كرهوا عمهم ماجد اللي ماهمه غير كلمته ماتنزل الأرض.. بعد هدوء قاتل استمر دقايق. نور\طيب وأمي وينهـا! هند\امي مارضت تترك ابوي..لكن لزموا عليها اخواني..واظن بتجي مع سلطان..! نور\طيب قومي ياهند ارتاحي..الوقت متأخر.! هند\وين الراحه وابوي بالمستشفى.! نور\ذكري الله ياهند..والله يجيب اللي فيه الخيير.. هند\جمانه.! جمانه\هلا يمه.. هند\وين اخوك.! جمانه\نايم فوق مع الخدامه.. هند\وليش تركتيه لوحده.! ابتسام\لا عمتي حرام عليك توها مطلعته فوق.. فجر\عمتي كلام نور صح...روحي ارتاحي..انتي مره تعبانه.. هند\وانتوا ماراح تنامون.!أكيد تعبانين اليوم الأربعاء.. فجر ابتسمت بحنيه\الا اكيييد.. هند تذكرت شي فجأه وابتسمت\ياحليلكم يابنات..والله فيكم الخير..امهاتكم كل وحده راحت بيتها وانتوا ظليتوا..الله يخليكم لبعض ويرجع لنا اللي فتح لنا باب بيته. قولوا آميين. البنات بتلقائيه نطقوا\آميييييييين ظحت هند عليهم.. ابتسام\بنات خلينا نعيد آمييين مره ثانيه مدام عمتي بتضحك هالضحكه الحلوه.. ظحك الكل..وقامت هند لولدها..وبعدها قامت نور..وظلوا البنات .. -------------- وصلّ سلطان والعيال الجده البيت وعلى طول تحركوا وكل واحد فيهم يبي يبتعد عن هالجو الكئيب..وظلوا يتمشون بشوارع الخبر وكل واحد نفسيته تعبانه.. هيثم هو اللي ساق هالمره وخلى سلطان يركب مكانه..اما طلال كان ورى وساكت ورامي شماغه جنبه وعينه على الشوارع الفاضيه.. وقف هيثم السياره بواجهة الخبر..وطلال على طول نزل وخذ شماغه معه.. هيثم بهمس \و شالحل..المسأله تعقدت اكثـر.. سلطان كان يناظر طلال اللي وقف قبال البحر\هذا انت قلتها المسأله تعقدت اكثـر..واصلا انا عقلي مشوش..وماسك أعصابي..اللي سواه ماجد اليوم مو شويه..! هيثم\تدري انه طاح من عيني..توقعته بعد مايشوف جدي تعبان يسكت..يحس بالندم..لكن انصدمت يوم كمل اخناقته مع عمي محمد يوم لامه على اللي حصل..! سلطان\اصلا هو خسيس..والله لو صار في ابوي شي مااراح انساها له..انا مدري شلون يفكــر..قلبه صخــر..مايهمه إلا نفسه وكرامته.. هيثم\لا وبعد بكل قواة عين جاي المستشفى عشان يكمل خناقته..شكله ماصدق على الله انه عمي محمد يكلمه..! سلطان\لاتذكرني ياهيثم احس اني بمووت من القهــر...يمكن أنت تفكر انه حاقد عليه وودي اأدبه..لكن والله ياهيثم انه يعز علي اخوي ولد امي وابوي يسوي كذا..وين ماجد اللي اعرفه.!الدنيا قسته وسودت قلبه..وماصار يشوف غير الفلوس..! وصدقني احس انه بس كذا عناد مايبي يزوج طلال..يعني هو ماعنده سبب رئيسي..وطلال مابقى له شي ويخلص دراسته..لكن مايكون ماجد اذا ماعاند .. هيثم\تدري انا اتوقع عمي بوتركي مايدري انه طلال يبي بنته..انت ماتشوفه كان ساكت ومستغرب من تصرفات اخوه.. سلطان\إلا صحيح..شكله مايدري..لأنه ابوي مامداه يتكلم الا وماجد هبّ بوجهه... هيثم ابتسم بسخريه\أصلا لو يدري كان شفت تركي اول من يوقف مع عمي ماجد... سلطان\اي والله..صادق..تركي ياخذ كثير من ماجد.. هيثم\وانا اقول هالتركي طالع على مين..!انا مأأعرف شلون مستحملته أختي.. سلطان\ليش هي شكت لك.! هيثم\لا ماشكت..بس احسها متغيره..! سلطان\يمكن إحساسك غلط. هيثم تنهد وهو يفكر\يمكــن.. ظلوا الشباب يتناقشون بكل اللي حصل اليوم من احداث لمن اذن الفجـر..نادوا على طلال اللي كان لازال على وقفته..وراحوا يصلون...ورجعوا البيت بعد ماوصلوا هيثم بيته..اما طلال اعتـرض سلطان\تصدق كنت بقولك تعال نام معي..بس أنت سبقتني..! طلال\أنا مأبي أشوف ابوي بعد اللي صار..! سلطان\ريح بالك ياطلال.,ومهما صار بيظل ابوك..! طلال بضيق وهو يناظر الشفق الأحمر اللي بالسماء\انا مأبي اتناقش بهالموضوع اللحين..سكره رجاء.. سلطان\على راحتك.. وصلوا الشباب البيت..واول مادخلوا ماحصلوا احد بالصالة..طلعوا فوق بهدوء ولمن مروا غرفة البنات سمعوا اصوات كثيره.. سلطان\اكيد جمون وراوين مسوين هاللأزعاج بس لحظه كانه صوت فجر! طلال من سمع اسم راوين انقبض قلبه...وهو يتخيل لو راوين عرفت بالموضوع وش راح تكون درة فعلها..لكن اللي مايعرفها طلال انه راوين سمعت كل شي.. ولأن صوت البنات عالي..سمعوا جمانه وهي تكلم راوين.. جمانه\خلاص ياراوين اذكري الله..ماتعبتي وأنتي تبكين....صدقيني تركي محد بيقوله وخصوصا بهالوقت الحرج..دخول جدي المستشفى مو سهله علينا..ولا عليهم.. راوين بصوت حزين \والله مو عارفه من وين الاقيها والا من وين!..من اخوي ولاابوي..والا هالخطيب اللي اعترض حياتي..كرهت كل شي بسببهم..! : سلطان\شفيك واقف ..عجبك الكلام..! طلال بهت بمكانه..حس انه قلبه تفتت بصوت راوين الحزين.. وتأكد هاللحظه انها عرفت كل شي..مشى بسرعه لأنه مايبي يسمع اكثر..ودخل الغرفه.. سلطان كان واقف وهو محتار يدخل على البنات ويهديهم..والا يمشي.! ولأنه التعب اهلكه..تبع طلال بعد ماطفى الأنوار..وبكره اكيد بتفرج.. ------------- يحسد نفسه لأنه عنده صديق مثل ثامر.. يهتم فيه بشكل كبيير ومفرط..ومايحس انه في فرق بينه وبين ابتسام كلهم يهتمون فيه وخايفين عليه..لكن عيبهم شي واحد.. حنـــّه يموتون اذا ماحنوا وصدعوا الراس.. وصدق المثلّ اللي يقول"الزين مايكملّ" الوليد\خلاص ياثامر..والله عرفت..ماارح اسوي مثل ذيك المره بدق عليك..والله بدق عليكّّ ثامر\اقول اوووش..شايفيني مقصه عندك..وللمليون مره اقولها لك اذا وصلت طمنيّ الوليد قرب السماعه من فمه وقال بصوت عالي\من عيوووني..بس ارحمني بتطير الطياره وانت مو مصدقني.ّ ثامر\لا مصدقـك..خلاص.. الوليد\افرااج.. ثامر ابتسم\افراج,.. وبعصبيه قال..انقلع. الوليد ظحك من قلبه\هههههههههههههه اهون عليك..ّ ثامر\لاماتهون ياكابتن الوليد.. الوليد\ان شاء الله كابتن ثامر..يالله بقفل تلفوني اللحين..! ثامر\اقولك مو يحلى لك الجلسه بالسعوديه وتنسى دراستك.. الوليد\والله يمكن..توقع أي شي منــي.. ثامر انقهر\اعرفك..متهوورّ.. الوليد\الله يثبتني بس ويرجعنـي..ياخوفي اتعود على هالسفرات الزايده.. ثامر\لاتخاف بسحبك من ايدك الطويله.. الوليد\خلااااص بسكــر ..وصبح ألاثنين بتشوفني عندك.. ثامر\اوكي حبيبي.. سلم على الأهل..مع السلامة.. الوليد\ يبلغ ..الله يسلمك.. سكر الوليد من ثامر وظل يمشي بخطوات سريعه وقلبه طاير ليوسف.. اسبوع مااشافه وهألأسبوع يحسه سنه..فرح كثير لمن سمع صوته بتلفونه الجديد..وصاروا يكلمون بعض يوميا ..وكل اخبارهم ترتكز على شي معين..يوم الخميس واللقاء اللي بيتجددّ.. ^_^وصل المدرج..وركب الطياره وكل بافكاره تنحصر على اخوه..وتذكر ثامر يوم قاله بتحلى له الجلسه بالسعوديه..! تنهد بصوت مسموع .. "وشلون ماتحلى لي الجلسة وإنا أشوف يوسف رجع يلم شملنا..!يارب عونـك وصبـرك ---------------- كان ينـاظر فيه نظره طويله وهو يحضر الفطور معه ومو متخيل انه الودااع قـرب وهذه عقارب الساعه بدت عدها التنازلي..! وش هالدنيا بدون لؤي! وكيف اصلا هي الدنيا..! واذا كان لؤي يفكر كيف بتكون حياته بكره..فيوسف مو متخيل حياته كلها بدون صديق عمره.. صديق عمره اللي صادقه على الحلوه والمره..صديق عمره اللي انقذه من برد باريس وجفاها..صديق عمره اللي فتح له قلبه قبل مايفتح له باب بيته وهو مرمي بوسط المطر ويشكي مواجعه ومرضه.. صديق عمره اللي صدق حكايته وبكى لحاله. صديق عمره اللي مد ايده واطعمه بعد ماشافه ميت بين ايدينه...صديق عمره اللي كان السبب في نجاته وعيشته بعد الله سبحانه.. كيف بيجازيه..كيف بيجازي لؤي اللي كان الصاحب وألأخو وألأم والأبو بغربتـه الصعيبه.. كيف بيجازي اللي انقذ حياته وكان السبب في رجوعه لأهله.. كيف ممكن يقابل ولاء لؤي وحب لؤي وعطاءه.. الله عليك يالؤي..والله على ولاءك افـديك بعمـري يالـؤي..افديك بعمـري.. وهذاني اقولها لك وللمليون اقولها والله يسمعني وشاهد..مثل ماكنت سبب في رجعتي لأهلي..انا اللي برجعك بأيدي..ياعمري اللي حلا بوجودك.. لؤي\وين يالحبيب حرقت التوست علينـا! يوسف ابتسم له بحنيه\حلاته وهو محروووق.. لؤي بصوت هادي على غير المعتاد\قول والله..! يوسف\والله! قرب منه لؤي وابتسم له ابتسامه حزينه تعبر عن الف معنى ومعنى..لكن محد بيحس بمعنى هألألم..ولا أحد ممكن يتأثر به الا اللي عاش مرارة الحرمان والغربه..!..هاللحظات كانت جدا قصيره..قصيره جدا.. لكنها متعبـه ثاقبه ببال الأثنين..مرّ جنبه بسرعه وهو يحاول يتناسى المه العمييق اللي يحس انه يدمـره كل مايفكر فيه.. وجلس على الكرسي الخشبي وحط العصير .. وباسلوب مزوحي قال \يالله عاد جيب اكلك يوعااان حدي.. يوسف كان حاس بلوعة لؤي لأنهم هم الأثنين طريقهم واحد وضياعهم واحد لكن صحيح اذا قالوا العيون تحكي قبل اللسان وتعبرّ\ثواني بـس.. جلس يوسف قباله على الطاوله وابتسم بحــب كبييير لو توزع على هالبشر كان الدنيا كلها خيير\احلى توست بالبيض لأحلى لؤي بالدنيا.. لؤي ويحاول يتحاشى عيونه \أقولك مو كانك نسيت الجبنه.. يوسف\اووه..قام بسرعه وخذ الجبنه الفرنسيه من الثلاجة وحطها فوق التوست.. يوسف\اللحين صارت توست بالبيض بالجبنه الفرنسيه..وضحك ظحكه بارده؟؟ لؤي خذ له قطعه وهو يقوله\لاتحاول..مافي مثل طبخي..! يوسف\زين اكلّ الله يخليك..اصلا انت بتشتاق لهالطبخه بالذات..!وبتقول وين ايامك يايوســ ــف! سكت يوسف وعرف حجم الغلطه الي ارتكبها..هم متفقين انهم يحاولون ينسون الفراق بهاليوم..ويعيشون كل دقيقه وكل لحظه....لكن اللي يشوفه يوسف انه الفراق يدخل بكل مواضيعهم غصب..وحتى لو تناسوه وأبعدوه الفراق مكتـوب.. لؤي بسرعه رد وهو ياكل القطعه الثانيه..وبعكس اللي يحسه\ماأظن..اكلك دوم محروق....انت اللي بتشتاق لريحة طباخي.. يوسف وبتلقائيه وصوته كل ماله ويختفي \انا مو بس بشتاق لطباخك..انا..انـ ـا.. بشتاق للطباخ نفسـه.. بلع لؤي اللقمه اللي بحلقه بمراره..وسكت بعد هدوء يوسف..ونزل عيونه بالأرض بااستسلام.. ليش كل واحد يكذب على الثاني ويتظاهر بالفرح.. ليش هالمسرحيه اللي بدون جمهور..! اتضح لي اني انا ويوسف فاشلين بالتمثيل..لأنه احنا مانمثل لأحد..إحنا نمثل لأنفسنــا... احنا نكذب ونحاول نوقف هالزمن اللي عيا يوقف في يوم لصالحنـا..! واليوم وقف هالزمن وبدت هاللحظه.. بس انا ماابيهـا..خذيهــا يادنيــا وابعديهــا..ماأبي شي عقب يوسف..لأنها ماتسوى شي بعيوني. لؤي\جهزت اغراضك..وبمراره كمل..مانسيت شي.. يوسف بهدوء وهو ماوده ينفتح هالموضوع\ايه قام يوسف من كرسيه بسرعه لؤي رفع عينه\وين..! يوسف\بروح للدكتور سمير..نص ساعه وجاي..وابعد وجهه عن لؤي ومشى بخطوات سريعه للغرفه وكانه يبي يهرب من عيون لؤي المجروحه.. لؤي كان يتبع يوسف بكل حركه تصدر منه..لمن جاء بيطلع واستوقفه لؤي\يوســف.. يوسف \نعم لؤي\لاتتأخر علـي.. اشر على عيونه وابتسـم له واختفى من عيونه.. -------------- تقلبت في فراشها كثيير وهي تفكـر بجـدهـا وحاله..كانت تشوف عقارب الساعه تتحرك وهي لسه ماغمضت لها عين..ومن كثر ماكنت تفكـر وتعيد المواقف اللي حصلت اليوم نـامت بتعـب..وماصحت الا وهي مفجـوعـه من الحلم اللي شافتـه.. معقولــه..مستحيييل اللي شافته..! سنييين طووويله ماحلمت فيه ويمكن آخر حلم لها كان معاه قبل حوالي ست سنين..لكن الحلم يعيد نفسـه اليووم. كان نفس الحلم..هي وياه جالسين بنفس حديقة بيت جدهم.. فجر جالسه على الأرجوحه وتنتظـره كعادتهـا...ويوسف واقف بعيد ينـاظرها بعيونه الحزينه.. وماعرفت تفسـر ذيك النظـره..! كانت تبتسم له وتبيه يرد الأبتسـامه..وفجـــأه طلعت لها صورة جدهـا يوسف.وماعرفت هل اللي شافته جدها..والا يوسـف.! لكن اللي تأكدت منه..انه نظرة العيوون نفسها,,!والحزن اللي يكسيهم نفسـه..! قامت من السرير وهي مو عارفه هل تفرح لأنها شافت يوسف بنومها..والا تخاف من هالمنام الغريب اللي يجمع يوسف وجدها.!؟ غسلت وجهها بسرعه وقلبها يـدق ..ليش؟؟ ماكنت تدري!يمكن من الحلــم! او يمكن لأنها كانت تفكر بجدها وجاها بالنووم..بس يوسف..!يوسف ليش حلمت فيه اليوم بالذااات! : كان ودها لو تصحي البنات..لكن كسروا خاطرها وهي تشوف علامات التعب بملامحهم وخصوصا لأنهم ماناموا الا بعد ماصلوا الفجر..وحتى هي ماكنت احسن منهم..لكنها تعودت تصحى الصبـح حتى لو ماشبعت نوم.. نزلت تحت وهي تتمنى لو تقابل سلطان او جدتهـا عشان تروح المستشفى معهم وكأن الله استجاب لـ دعاءها.. فجر\صباح الخيير..وجلست على الكرسي سلطان\صباح النور..وش اللي مصحيك بدري.! فجر\عشان اشوفك!وافطر معك!! سلطان ابتسم لها\صدقتك.! فجر\كفيك اليوم.! سلطان تنهد بصوت مسموع\الحمدلله.. فجر\سلطان.. سلطان\سمي فجر\انت بتروح لجدي صح.! سلطان\انا مريته الصبح وخذت امي معي..وتوني جاي لكني برجع بعد مايمرني اخوك .. فجر\ممكن..توديني..معااك! سلطان\فجر انا عارف انك خايفه وتحاتين..لكن روحتك ماارح تفيدك لأنهم مستحيل يدخلونك..! فجر حاولت تقنعه\ادري..بس الله يخليك سلطان ابي اشوف جدي ..حتى لو من بعييد..تكفـى! سلطان\فجـر.. فجر\طلبتك ياسلطان..لاتردنـي.. سلطان ابتسم لها\ماعاش من يردك يافجر العالي.. فجر ظحكت بفرح\يعني مواافق.. سلطان\موافق..بس على شرط..! فجر\اطلب اللي تبي.! سلطان\انك ماتجرجرين البنات وياك..! فجر\ ههههههه اصلا هم نايمين..ولا راح يصحون..تو الناس عندهم.. سلطان\انتوا كلكم نايمين هنا.. فجر\ايه ابتسام وجمانه وراوين.. سلطان سكت شوي وكان ووضخ انه سرح..وبعدها تكلم\شخبار راوين.! فجر استغربت من سؤاله\الحمدلله..ليه فيها شي! سلطان\لا..ولاشي حرام اسأل عن بنت اخوي..؟؟ فجر\لا..مو حرام.. سلطان\وفي شرط ثاني بعد! فجر بدون اعتراض\موافقه قبل ماتقوله.. سلطان بكل جديه \فجر ماأبيك تنفعلين اذا شفتي ابوي.. الخوف بدى يتسلل قلب فجر وتذكرت على طول الحلم\ليش..!لهدرجه حالته خطيره! سلطان وهدى صوته\العلم عند الله.. ---------- ابتسـم تركي وهو يتذكر شكلها وهي متفاجأه من اعترافه.. ولأول مره يحس انه وده يقول اكثر من اللي قاله لها..ولو طولوا بالكوفي اكثر ومادق عليه مبارك كان اعترف لها بحبـه لها..لكن الأيـام بينهـم واكيد بينكتب يوم وبيعترف لها عن اللي بقلبه.. دخل المبنى بخطوات ثابتـه..والقى نظره على الدور التحتي وماعجبه الوضع ابدا..الزبائن قلوا بشكل ملحوظ ..وهذا الأمر لاحظه من اول مارجع من اسبانيا..لكن انشغاله بوظيفته بالبنك وزواجه الغير متوقع غيرّ نظام حساباته..وحس انه صار مهملّ ومو قادر يوفق بينهم ويمكن لو ماباع محلاته اللي قبل مبنى جنا كان صارت حياته اكثر فوضى .. طلع لمكتبه وهو ناوي اليوم انه على انظمـه جديده ممكن تعيد شوي من اللي خسره بهالمبنى ..دق على مبارك اللي ذبحه اتصالات من امس عشان يرجع الرياض.. واول مافتح باب مكتبه شاف مبارك بوجهه وهو مكشـر.. تركي\صباح الخير.. مبارك\اخير رجعت يالطيـب.. تخطاه تركي وحط شنطته على المكتب وجلس بهدوء\ارجوك مبارك انا اليوم رااايق على الأخيــر..بلاش تعكر مزاجي..! مبارك تضايق اكثر\الله ياتركـي..انا اللحين اللي اعكـر مزاجك..! تركي تنزفز وفعلا تعكر مزاجه\اللهم طولك ياروح..اجلس وقولي وش عندك..! مبارك سحب نفس \كنت ابي اقولك انا الحال ماينسكت عليه..ولازم نحد من هالفوضى اللي صايره..في اكثر من موظف استقال بسبب الرواتب اللي مانزلت..وهذا الشيء مو من صالحنا..لأنه بقية الموظفين صاروا يملون ..والشغل ماصار يمشي مثل اولّ تركي\اعرف..ماجبت شي جديد .واللي مايبي يشتغل يكتب استقالته ويستلم بقية مستحقاته...وبدال الموظف عشرين..! مبارك\بس لين متى ياتركي!احنا كذا بنخسر كثيير.. تركي بدون اكتراث وهو يفتح الاب توب\مايهمني..الخيير موجود.. مبارك\انت شكلك نسيت انك مقدم على صفقه جديده..هذا غير القرض اللي لسه مادفعته للبنك.. يوم جاب مبارك طاري القرض تذكر بو نايف اللي كان مأسس شركه ضخمه ومحتاج قرض ثاني من البنك وتركي هو اللي وقع استلام القرض باسمـه..ولحد الآن مارجع ولافلس....وتركي طبعا ماكان احسن من بو نايف..لأنه كان يسحب اموال من البنك خلسه ويأجل مواعيد تسديدها ويعطي لنفسه تسهيلات ماله حق فيها!وهذا كله بحكم رئاسته ورتبته العاليه في البنك.. لكن النتايج كل مالها وتتدهور...ومرد الكل يعرفون بيعرفون النهب وألأحتيال اللي يصدر منه..واذا هو كبير فأكيد في احد اكبر منه..! .لكن مع كل هذا..كان يستغرب منه نفسه كثيير..طول عمره كان يحقق انجازات الكل يحسده عليها..حتى مبارك صديقه.. ويمشي على خطط منتظمه وحاسب لها الف حساب..واللحين يوم كبرّت ممتلكاته بدت تضيع فلوسه بدون أسباب وأغلاط فادحه.. وفعلا اللي يقول مال الربـاّ ..مايدووم..ولا فيه بركـّه.. هذا غير الأسهم اللي يشتغل فيها..والرشاوي اللي بمبدأ خذ وهات.. كل هألأمور كانت اسباب بنجاح مستقبله.. بس اللي مايعرفه تركي..انه عمرّ مال الحرام ماكان سبب دائم في حياة أي شخص ..! لكن اكثر شي كان مخوفه القرض اللي انكتب بأسمه ولسه مادفعه بو نايف..! تأفف تركي وخذ زقاره وولعها\غيرّهّّ! مبارك\اظن هذا كفايه..وقام..أنا تحت.. سكر تركي جهازه بملل وابعده عن وجهه ولف كرسيه على النافذه اللي تكشف الدور الأرضي ..وقام بسرعه لأنه مابقى شي على موعده |
قـال الـوداع وتصافحنا وتوادعنا وكل واحد منننا قلبه على الثانـي سالت دموع الموادع من مدامعنا والكون كله امتلا تعبير واشجاني قال الوداع..قال الوداع انا وحبيبي بكينا من مواجعنا من يوم غادر حبيبي بقيت وحداني دون اللقا مانع الأيام مانعنا يانكبة جاتنا من صرف الأزماني سالت دموع الموادع من مدامعنا والكون كل امتلا تعبير واشجاني ماأحس بالوقت وألأيام تخدعنا ولنا تبيت شقا وهموم واحزاني الله قادر بعد الفراق يجمعنا ونذوق طعم اللقا من بعد حرماني قال الوداااع قااااال الوداااااع مررّ عيونه على الدكتور سمير والوليد وآخرهـم عذابـه.. "لـؤي".. كان ينـاظره ويبي يشبـع من شوفته اللي بينحرم منها.. كان وده يتكلم ويعبرّ عن الألم المرير اللي بصدره..لكن وش يقول.!ماعندي يحكي يقوله..ماعنده غير ذكرى حلوه بتهون عليه فراقه..ودعوه صادقه بترتفع لأخر سماء عشان تحفظه وتخليه له.. مايدري يفرح عشان اللحظات قربت وبيحين اللقاء مع اهله..والا يحزن ويبكي عشانه مفارق اغلى احبابه! اغلى احبابه لؤي..واسمى صداقه لؤي اخو دنيا لؤي..القلب الكبير لؤي حبيب عمـري لؤي..انا بدونك ولاشـي. قرب منه لؤي ومسك كتفه\يعني شلون.. لازم ننهيها بجي.!انساني شوي وفكرّ بأهلك اللي بتجابلهم.! تنهد يوسف من قلبه وهو متحسر على لؤي\آآآآآه يالؤي شكلك ماتدري بغلاك عندي..! لؤي كان يناظر عيون يوسف اللي تلمع\لا أدري..بس الله يخليك ابيك تقوى عشان انا اقوى..والا نسيت اني انا وانت وااحد.. يوسف كان يتكلم وهو خايف ان الوقت يمضي ومايقول اللي بخاطره\اوعدني انك راجع..اوعدني اني اشوفك بالبحرين..هذا اللي ابيك منك اللحين.. لؤي\مثل ماالله جمعنا بيوم وفرقنا..راح نلتقي مره ثانيه اذا الله كاتب! يوسف كان مصرّ على كلامه\ ريحيني يالؤي.ارجووك..وقولها..! لؤي قالها وهو منهـار ودموعه تسبق كلامه\اووعــدك..وانا لؤي اللي صادقك على الحلوه والمره..اوعدك وانا لؤي اخوك بهالغربه..اوعدك وانا لؤي اللي بوجودك صارت الدنيا حلوه.. يوسف ضاع صوته وهو يقول هالكلمه\بتتــ ـــذكرني.. لؤي ابتسم بين دموعه\بذكرك وانا رايح للبحيره وامشي فيها معاك ونقط همومنا للبحر اللي ملّ منا..بذكرك وانا داخل مرسمك وانت ترسم وانا اعصب عليك واقولك كفايه يايوسف ماتعبت!..بذكرك وانا اشتري كيكة التوت اللي احبها..حتى الجبنه الفرنسيه اللي تموت عليها وخليتني احبها غصب بذكرها ..بذكرك وانت نايم معي بسرير واحد وانا ايي واقط نفسي عليك واكسر هالسرير المغبرّ اللي يقول يالله الرحمـه. بذكرك اذا رحت شغلي وانت جنبي تخاويني..بذكرك وانا صاحي.وبحلم فيك وانا نايم...بذكر كل شي فيك. ابتسامتك وضحك وبجيك وصوتك وهدؤك.وسكت وهو يمسح دموعه ويبتسم.. .حتى شعرك الأبيض بذكره... وبردد اسمك بكل مكان وزمااان عشان اروي حنيني لك.. وبدورك بشوراع باريس لمن اسمع صدى صوتك فيها..! يوسف كان فكه يرجف من كلام لؤي\وبتتحمل هالألم.!؟ متـأكد يالؤي! لؤي\بتحمله لعيونك..وبذكره عشان اوقف على أطلالك..والا انت مستخسر فيني هالذكرى! هز راسه يوسف بالنفي وهو يبكي\لا ابد ..حشانـي..لؤي.. بفقدك..وش رايك ترجع معي.! لؤي\وانا اكثـر واكثروهم اكثــر..!بس خلني اهنيه..مستقبلي هنيه.. يوسف ضايقه كلام لؤي\لاتنسى تلفونك..دوم اشحنه اوكي..وخله جنبك..حتى وانت نايم..لأني بدق عليك أي لحظه.. لؤي\ان شاء الله.. يوسف\وصحيح اذا رجعت بتلقى ظرف ابيض بالمرسم..لاتنساه.. لؤي استغرب\ليه..وايش فيه هالظرف! يوسف\اذا فتحته بتعرف.. الوليد قرب منهم بعد ماكان بعيد لأنه محترم خصوصياتهم ولحظاتهم الأخيره مع بعض\ماخلصنا..وصلت الطياره..! يوسف مسح دموعه بمنديله وقلبه يدق\ماسمعتها.!؟ الوليد بحنيه\بس انا سمعتها!يالله يوسف بنتأخر..! يوسف\لحظه..دكتور سمير.. قرب الدكتور وهو يبتسم \ها يايوسف..مابقى شي.. يوسف\بقولك للمره ألألف..الله يجزيك كل خييير..وان شاء الله لك اللي فعلته لي بميزان حسناتك.. الدكتور بحنان كبير\انت بحسبة ولدي يايوسف..ومابين الولد وألأبو شكر..بس لاتقاطعنا.. يوسف\ماطلبت والله. الدكتور سمير سلم على يوسف بألأيادي..وبعدها يوسف ماقدر وضمه بكل حب لؤي كان يراقب الموقف..وجسمه كله يرجـف..خلاص يوسف..ماراح يشوفه!ليش يادنيا ليش! من لي بعدك يايوسف..بكون وحيد بعدك..الله يثبتني..الله يقويني يااربــ الوليد حس فيه وربت على كتفه وهو حاس بمشاعره والمه.!وشلون مايحس وهو اللي جرب مرارة الحرمان..سلم عليه وهو يحاول يواسيه بكلامه.. لكن مافي أي كلمه تعبرّ عن مدى الم لؤي وحزنه ووحدته.. يوسف قرب منهم ومسك ذراع لؤي..ولؤي شعر فيه وقابله.. وبدون صوت وهمس..وبدون تعبير وكلام ومواجع ..ضمـوا بعـــض وارواحهم ترجـف من لوعة الحرمان.. الا ليييت الفجر .. ما بااان .. ترى فرقى الأحبه شين سهرنا والهوى واحد .. وصرنا والفراق إثنين حبيبي قلبي اللي كان .. وفينا والزمن خوان صبرنا والسؤال سنين .. سقا الله روض خلاني .. رحلت وما رحلتوا بعين ولا روحٍ .. ولا وجدان .. نسيتوا بداركم إنسان .. نسيتوا وما نساني البين وفارقوا بعــض والعيون تبكـي وتشكـي وتنحب..فارقوا بعض ومو دارين متى تنكتب لحظة اللقاء..فارقوا بعض وكل واحد قلبه مع الثاني ..يوسف مشى وترك الكـل وراااه.مايبي يناظر عيون لؤي ..كفايه عذاب كفايه .في جيته عذاب..وفي روحته عذاب..يارب متى بيرتـــاااح..تعب جرووح..وتعب حرماان.. : لؤي يوم شاف يوسـف اختفـى من عيونه..وودعـه..صرخ صرخــه هزت المطــار كله..! لؤي\يووووووسف نــاظرنـي..اسمعنــــي...اوووعدك اني رااااجع..لاتنــساني ياأخــوي..لاتنســـاني..انا راجع رااااااجــع :: : ودع يوسف لؤي؟ سكته قلبيه للجد يوسف؟ بدايـة ضياع تركي؟ راوين وخوفها من المستقبل! فجر وحلمها الغريب! والظرف ألأبيض! يوسف كلها ساعات وبيرجع لأرضه..! اسئله كثيير محتاجه أجوبه..لكــن لكل سؤال جواب بالجزء الجاي أختكم\وصيت قلبي عليك الجزء الثاني والأربعون يمــــه...ابيــــك! --------------- ياكثر عندي غلاكم انتوا عندي بالوجود ..ياهــلي قلبي معاكم شوقي متعدي الحدود ياهلي انتوا ملاذي لـ قسى عندي الزمان وانتوا اغلى مابحياتي وانتوا لي معنى ألأمان وين أسافر عن هواكم دنيتي ضاقت علي والله اني من ســواكم مابقى لي أي شــي .. http://www.3wam.com/pafiledb.php?action=file&id=93&idP= الحلم أصبح حقيقة..والوطن قرب ميعاده الأماني أعلنت منالها..والحرمان انتهى وجوده والمحال أنمحى من حياته أعوام اندفنت من عمره فيها الصالح والطالح..اثبت صبـره وتوكله على الحي.. القيوم اللي عيونه ماتنام ولا تغفي كان يشكي اكيييد..كان يبكـي اكييد.. كان يحنّ ويشتاق...كان يتمنى الموت ولا يذوق الألم اللي سببه لنفسـه..ولايستشعر بالظلم اللي انكتب له.. لكن مانسى ربـه..وهذا هو اليوم..يلقى نهاية صبـره..! في ألف من يوسف..سواء كان ظالم ولا مظلوم...لكن مين اللي يقدرّ يوكل امر لربه قبل مايسلم روحه لباريها! : مسكه الوليد من كتفه وهو شاعر بسرحانه الغريب..! الوليد\مامليت وانت تفكر فيه!ّ؟ التفت له يوسف وبعيون تشع حب\عمـري لؤي..واذا مليت من عمري فأعرف إني انتهيت..! الوليد حاول يلطف الجو\أغار ترى!؟ رفع يوسف حاجبه باستغراب.. الوليد\امززح شفيك! اقولك.! رجع يوسف رأسه على ورى\قوول.. الوليد\كااشخ اليوم.!قصتك رهيبه..بس مو احلى من قصتي..وضحك بغرور.. يوسف ابتسم بحزن\ذكرتني بلؤي..كان دوم يقول لي لاتغتر علينا بهالجمال...وهو مايدري انه أجمل مني! الوليد\هههههههه لا..بس الأسود يناسبك ياخوي..! يوسف وبرضوا كان يذكر لؤي وهو يبتسم على هالذكرى الحلوه\حتى هو كان يقولي دوم البس اسود..تطلع كشيخ فيه.. الوليد كان يحاول يخفف من حزن يوسف..لكن يوسف روحه وعقله وكل تفكيره لؤي..حتى نسى رهبته وهو يركب الطيارة وتردده وخوفه بـ أنهم يكشفون جنسيته الحقيقه..لكن حالته ماسمحت له يفكر بهألأمور. وبعد فتره"يوسف بدى يتوتر ويفكرّ باللي راح يحصل بعد ساعات\الوليد..كم بقى عشان نوصل..! الوليد\ثلاث ساعات ونوصل..يعني المغرب أحنا بمطار الدمام..! سكت يوسف وهو مو متصور كيف بيمرّ هاليوم..!؟ كيف بيدخل بيتهم وبيشوف امه وابوه وابتســام..مو متخيل ابدا كيف بتكون هاللحظه..! كان وده الساعات تمرّ لأنه خلاص صبره نفذ....لكن وين يلقى الصـبر اللحين وهو عارف انه هالساعات هي اللي تفصله عن اهله.. كان يناظر السحـب اللي بدى يغيم لونها ووده لو يطير فيها ويوصل لمراده.. خلااااااص الحلم بدى..بــدى يايوسف..ومافي قـــوه على هالأرض بتبعدك عن وطنك واهلك واحبـــابكــ ..!وقف يوسف عن هالكلمــه..احبــابـ!..فجر كانت احبابــي..كانت حلمي ومرادي وحبي وطفولتي وجنوني.. ياترى بقابلها بعد هالعمـر! يمكن تزوجت..وبكذا بظل محرم عليها طول عمـري,! ليتني اقدر اسأل الوليد..بس وش اقوله..!وكيف اصلا اقول له!؟ اكيد البنت تزوجت وراحت في سبيلهـا..مستحيل تنتظرني ..و حبنا الصغير ضاع مع ظلم الزمن علينــا.. ماأقدر اقول غير الله يوفـــ ـقــ ــهـا مع غيري.. ياصعوبة هالكلمه وانا أنطقهــا.."الله يوفقها مع غيري!" خناجر..خناجر تطعن قلبي وتجرحـه.. "الله يوفقها مع غيري" بعد ماكنا نرسم حلمنا وآملنا واحد."الله يوفقها مع غيري" بعد ماضوينا الفرح بقلوبنا وكان طريقنا واحد.. يارب اطلبك انها تسامحني على كل لحظة الم سببته لهـا..والقلبّ يافجـر.. القلب ماراح يهوى غيـرك.. مكتووب يظل حبنـا ميت..وانا بعد هالسنين اقولك بكل جروووح وليالي ظليمه..راضـي..راضـي يافرحه عيت تشرق بزمـاني..! " " هو السبب!هو السبب في تدمير حلمـي..حطمتني ياولد عمـي..حطمت كل شي حلو في حياتي.. واذا انت قدرت تستغفلني وانا مراهق....ماراح تقدرّ تستغفلني اليـوم.. انا لك ياتركـي ..أنا لك..! ** يوسف\الوليد..كلمني عن تركي..هو مازال بالرياض..! الوليد\ايه..يوسف ايش بتسوي معاه.. يوسف\بعض المرات أفكر إني افضحه قدام الكل.لكني ابي اواجهه واعرف ليش سكت! الوليد\طيب وإذا سألوك عن سبب غيابك..وش بتقول لهـم..! يوسف كان هذا اللي يفكر فيه ومو لاقي له حلّ\ دست على الجرح يالوليد..مو عارف ..ماعندي ولا دليل عشان اثبت براءتي..واذا قلت لهم الحقيقة..يمكن مايصدقوني..! الوليد\انت خايف من الحقيقه..صح! يوسف\افهمني ياالوليد..صعب علي بعد هالسنين كلها اجازيهم بضياعي..صعب إني أقول لهم انه ولدكم كان مدمن وتسفرّ وهو مظوم.!تتوقع احد يصدقني..احد بيوقف معي!وحتى لو قلت لهم ولد عمي كان سبب في غربتي.كيف اثبت لهم!؟ الوليد\انت لازم تواجهه..لكن وش القوه اللي بتخليك تتحمل كلام الكلّ واسألتهم ! يوسف تنهد بصوت مسموع\ماأعرف.لاتسألني..بس اللي اعرفه اذا تأكدت من ظنوني..إني أبي ااذوقه كل سنين الغربه اللي عشتها..ماراح اخليه يتهنا ابد.. سرح يوسف وملامحه مشدودة بقسوه .. الوليد كان يتمنى لو يحطم تركي مثل ماحطم اخوه\لاتخاف ياخوي ..انا معك..ثق بهالشــي..وحتى لو كذبوك انا اللي بوقف بوجههم كلهم..وأولهم تركـي الخاين..! ---------------- طول الوقت وهي تبكي بالسيارة,,كل ماتتذكر شكل جدها يوم دخلت عليه يضيق صدرها..وتحس بوحشه كئيبـه مو عارفه لها جواب..هيثم طمنها وقال لها انه العمليه ماتشكل خطوره كبيره وجدهم مرده بيسويها لكنها مو مصدقه احد..لأنه اللي يشوف جدها كيف هو ذبلان وضعفان يقول خلاص قرب أجله..وهذه هي نهايته.. هيثم\وبعدين يعني تراك توتريني كذا..مو مخليتني أسوق زي الناس..! فجر\هيثم حرام عليك والله غصبن عنـي..ليش مو حاسين فيني..! هيثم التفت لها\حاسين فيك يابنت الناس..لكن وين فجر الصبورة! وبعدين انا مأبي اعيد وازيد..جدي ان شاء الله بتنجح عمليته..ومافي شر أبدا..! فجر\بس هم يقولون انه ممكن يرتفع او ينخفض عليه السكـر..وهذا الشي مو زين عليه..وخصوصا بالعملية.! هيثم\صحيح كلامك..بس انتي تفائلي بالخيير.. فجر كانت كلماتها تنبع من قلبها الطيب\الله يقوم سالم يارب..ويشفيه..ويخليه لنا.. هيثم\آمييين..المهم ترجعين البيت اللحين! فجر\لا شنوا ارجع..ابي اروح للبنات.. هيثم\كيف ألأجواء عندكم!؟ فجر\عـاديه.. هيثم كان بيقول شي لكنه سكت بالأخير.. فجر\يوووه تصدق انا كنت حاطه في بالي أنا نزور سماح اليوم.. هيثم\تبين تروحين لها اللحين.! فجر\ايه بس البنااات..يبون يروحون بعد.. هيثم\مو مشكله؟؟ماعندي شي اللحين فاضي..بس دقي عليهم وقولي لهم يجهزون. فجر\اوكي.. دقت فجر تلفون جمانه لأنها تعرف انه دوم معها..اما راوين وابتسام دووم رامينه.. وقالت لها يتجهزون .. ** بنااااااااااااااااات قوموا بسرررعه.. ابتسام\وعمي ان شاء الله فقعتي طبلة اذني.. جمانه\بسرعه البسوا..بنروح لسماح..فجر بالطريق.. ابتسام عصبت\لا والله..توها الآنسه فجر تتكرم وتجي..كان قعدت بعد في المستشفى! راوين\فاضيه انتي..بعدين عصبي عليها..قومي البسي.. ابتسام كانت معانده لأنه فجر ماودتهم معها..ظلت جالسه وهي منقهـره..اما راوين وجمانه طلعوا فوق يجيبون عبيهم.. نزلت جمانه وهي تلبس عباتها على الدرج وشافت ابتسام على وضعيتها لمن تخرطفت وطاحت. ظحكت عليها راوين ومسكت أيدها... راوين\قومي لحد يشوفك.. فشلتينا.. جمانه رفعت غرتها اللي طولت ومسكت ايد راوين بعصبيه\أصلا في احد عشان يشوفنا..الكل طالع..وإحنا نحرس لهم البيت. وكشت بأيدينها على وجهها...مااالت.. سمعوا هرنااات من بره وعرفوا انه سلطان جاء لأنه دوم يهرن قبل مايوصل..وهالحركه هذه متوارثه عند شباب العايله.. جمانه\هي انتي قومي..جوا..وانتي مالبستـي..! راوين\بسوم..عاد قومي..واجلي عصبيتك بعد مانرجع..! ابتسام كانت مطنشتهم..ورافعه وجهها وتناظرالسقف.. جمنه\عاجبك السقف حبي! راوين ظحكت على خفيف جمانه مسكت راوين\اتريكيها..صــج بزر! طلعوا البنات..وركبوا السياره وتفاجؤا بهيثم.. فجر\وين بسوووم..!! جمانه كانت مندفعه بالحكي\..جالسه تعد كم لمبه بالصاله..! فجر\شنوا! ابتسم هيثم غصبن عنه..أولا لذكر اسم ابتسام..وثانيا بسبب جملة جمانه.. فجر لفت عليه\من صجكم انتوا ..! راوين بصوت هامس\منقهره لأنك رحتي وماودتينا معك.! فجر\هههههه والله غصبن عنــي..خليني اكلمها هالمدلعه..! كلمتها فجر وردت عليها على طول وهي معصبــه وصتها حاد.. ابتسام\نعم! فجر\فديت الزعلانين انا..! ابتسام غصبن عنها ابتسمت..لكن مازالت متقهره فجر\افا ..ماعاش مين يزعلك حبيبتـي..بس والله مو بايدي.. ابتسام\انزين فجر\بسوووم يالله عاد.. ابتسام\طيب .بس مره ثانيه بذبحك.. فجر\ماتقدرييين.. ابتسام\باااااي.. هيثم\بنطول يعني.! علت صوتها جمانه\دلــــع.. فجر\شوفوا مين يتكلم..! ركبت ابتسام وهي معصبه ونفس الشي مأنتبهت انه هيثم وسكرت الباب باقوى ماعندها عناد لسلطان وفجر اللي غفروا فيها.. هيثم\كسرتي الباب الله يهديك..! ابتسام من سمعت صوت هيثم غمضت عيونها وتمنت ألأرض تنشق وتبلعها.. قرصتها جمانه\فشلتي نفسك عند زوج المستقبل! ماردت عليها ابتسام لأنها صوتها ماطلع من ألأحراج وصلوا البنات المستشفى..وهيثم انتظرهم بره ودق على طلال.. عند البنات.. سماح كانت بتقوم بتسلم عليهم بس ماقدرت حتى ترفع راسها وتالمت والبنات قربوا منها وحبوا خدها بخفه لأنهم خايفين عليها.. ابتسام\لاتتحركين بلييز..والله خايفين عليك.. سماح\اعذروني..والله حالتي حاله..بس وحشتونــــي يابنااات كثيييير..والله احلى مفاجأه.. جمانه\كل هذه افكار فجووور.. سماح\ياعمري يافجر كأنك عارفه اني متملله..قولوا لي..شخبار جدي.! من قالت سماح كلمة جدي..اعتفست وجيه البنات..وراوين وطت رأسها.. فجر\..بس العمليه احتمال كبيير تكون الساعه 12 بالليل.. جمانه\غريبه..في عمليات بهالوقت المتأخر.. ابتسام\اكييد فيه.. سماح حست بالضيقة\الله كريم.. جمانه\المهم انتي شخبارك.وشخبار البيبي متى بيطلع.. سماح\لاتذكريني جمون..والله احس إني بولد اليوم او بكره قبل مايسون لي العملية..الآم قويه ببطني..اللي يشوفني يقول حامل بتوأم.. ابتسام\هههههههه ماتدرين يمكن.. سماح تغير لونها\لا أخاف..حرام عليك..ماأتخيل.. ابتسام\امزززح شفيك..! وضحكوا البنات وظلوا يسولفون ماعدا راوين اللي كانت اغلب الوقت مستمعه.. كانت حاسة فيها سماح لأنه احمد قال لها كل شي عن اللي صار..ويوم شافتها كان ودها تقوم وتضمها وتواسيها..ماهان عليها تشوف بنت عمها بهالحال..ماتستاهل أبدا..ولا حتى أخوها يستاهل هالعذاب.. سماح\راوين..حبيبتي..ايش فيك ساكتة.. راوين ابتسمت من ورى خاطرها\ابد..أسمعكم.. سماح\متأكدة.. هزت رأسها راوين\ايـه.. ساعة ونص مرت وهم يسولفون....لمن سمعوا صوت احمد بره وهو يكلم هيثم..وحسوا على دمهم وطلعوا وهم منحرجين..ويوم ركبوا السيارة.. هيثم\ماشبعتوا حكي..طول الوقت وفمكم ماتسكر.. فجر\ليش كنت تسمعنــا!؟ هيثم\يعنــي.. فجر\اها.. هيثم\وين العزم اللحين! فجر\وش الكرم المفاجأ يااستاذ هيثم.. هيثم\كاسرين خاطري..والله.. فجر\ لا والله..ها بنات تبون تروحون مكان.. تكلمت راوين بصوت واطي\لا..نرجع البيت فجر.. ---------- مولود جديد..يحس انه مولود جديد توها عيونه تشوف النور وكان وده يصـرخ..يعبرّ ويقول انا ولد هألأرض افديها بعمري ..افديها بروحي..واتنفس هواها..وتحظني بخيرها امي وطنها ومحبوتي رمالها.. انا ولد هألأرض..وسمعوني يأاهلّها.. رجع لكم ولد هألأرض : اول مالمست رجله ارض المطـار ماقدرّ غير يسجد شكـر قداام الناس والعالم اجمع والسماء فوقه..والهواء حوله ودموعه تسبق سجدتـه وتتخطاها..وتشهد له مدى شـوقه وحنينـه لهـا.. اللي كان غريب وصـل..اللي كان مظلـوم رجـع....اللي كان مسافر حنّ وصبر..بهويه غير هويـته.. وبروح ثانيه جديده...مليانه اسى وجروح..وقلبه بكل ضعف حامله بكفينـه .. ماعنده شي يملكه غير هالقلـب النادم اللي يرتجي العفو والغفران.. الوليد كان جنب اخوه وحاله مثل أي حال متفرج يناظر سجدة يوسف والم يوسف وعذاب يوسف..ومو قادر يسوي أي شي..!وهو عارف انه اخوه يبي بيعبر بشوقه بهالطريقه.. كان شاعر باحاسيسه وشوقه....وقلبه يعطف عليه..ويحن له! لكن أي جرم بيرتكبونه لو عرف اخوه بموت امـه..امه اللي ماتت وانفطر قلبها حزن على ولدهـا..! كيف بيكون موقف يوسف..وكيف بيستحمل هالألم! ليش تسجد يايوسف..ليش تعذب قلبي اكثر! انتي ماتدري باللي ينتظرك من صدمات.. حرام عيك ياأخوي..قـوم..ذبحت روحــي ياأنكسارك..قوووم شوف مين اللي ينتظـرك! قرب منه الوليد وقام يوسف ودموعه تخالطت مع فرحته.. يوسف وصوته ممزوج بلهفه\رجعت ياولد أمي وأبوي..رجعت لأرضـي وانا اللي قطعت ألأمل بربـي! حظن الوليد يوسف وبكـى معـاه..ومشوا وايدهم تحاوط بعض..الوليد كان يخفف عن يوسف بقربه..ويوسف كان يبي الأمان من الوليد.. كملوا اجراءتهم..وخذوا الشنط..وركبوا اول تاكسي شافوه.. "كحل عينه يوسف بشوارع بلاده اخيييرا وبعد انتظـار طوييل دام أعوام عذاب وحرمان كان يناظر كل شي تطيح عينه فيه وكانه يبي يحفظ هالصوره اللي فارقها من سنين..ودموعه بردت بمحجر عيونه وابتسامته مافارقت شفاته..كان يتكلم مع اخوه وهو مستمتع بهالمناظر ..مره يعلق..ومره يضحك..ومرات سكوته الحزين هو التعبير بهالموقف.. ولمن وصل لحيهم وشارعهم بالذات بدت تتسارع دقات قلبـه..يحس انه كل مافي جسمه يرجف..حتى أيده اللي كانت تعلق من شوي بهالمناظر كانت بادره وترجـف..عكس الحرارة اللي بداخل جسمه كانت نيران تضوي.. حاوط جسمه بايدينه الثنتين..وهو خايف انه ينهــار..ومايستحمل هالمشاعر اللي تحتويه.. مايبي ينهار اليوم..مايبي عيونه ترمش او تغفي..يبي يعيش كل لحظه بلحظتها..يبي يكحل عيونه بشوفة أمه وابوه واغلي حبايبه..يبي يعبرّ ويصــرخ ويقول ياهلــي انه مشتــاق..مشتااااق.. وصلوا البيت ونزل الولييد..ويوسف نزلّ بعده وقف لحظه شبه طويله وهو يتذكرّ هالبيت اللي ولد وتربى فيه..وعاش فيه أحلى لحظات عمره.. ماتغير شي..ماتبدل ولاشي..! ..مشى كم خطوه بعد ابتسامه حنونه من الوليد اللي فتح الباب بالمفتاح..ودخلوا مع بعض.. لكن يوسف وقف لحظه بوسط الحديقة وتراجع..وبعينه تردد وخوف.. مو هذا اللي يبيه..مو هذا اللي يتمناه..ليش الخوف يايوسـف..اهلك ينتظرونك..احبابك مشتاقين لك..ادخل وطمـن قلبك..الولد بيظل غالـي ..غالي على القلب والرووح.. مشى يوسف بعد حوار بسيط مع نفسه..ودخل البيت مع الوليد..لكنهم تفاجأوا بتقفيل الباب الرئيسي الوليد\يوووه..ليكون مافي احد هنا!؟ يوسف بصعوبه طلعت الحروف من فمه\ماعندك مفتاح سبيرّ.. الوليد\للأسف لا....بس غريبه..وينهم! يوسف بخية امل\تسألنـي يالوليد؟ ابتسم الوليد له\تطمــن..ولاتعور قلبك..خلني ادق عليهم..واشوف وينهم قبلّ.. كان الوليد بيدق على ابتسام..بس خاف انه ينكشف..وهو يبيها تتفاجأ..فــ دق على سلطان بدون تفكيير.. اما يوسف فكانت عيونه تنتقل بالملعب اللي بالحديقه..وابتسم لمن تذكر انه أخوه يلعب كوره..والوليد كان يتبع نظراته... الوليد\شرايك فيه! يوسف\بكره نقلبها استاد ونتبارى.. الوليد\بهزمك يالحبيب..انا لاعب الأتفاق مو حيالله.. يوسف بنظرة اعجاب وفخر\تصدق ماتوقعت موهبتك تكبر وتلتحق بنادي.. ظحك الوليد بغرور\انا الوليد ولد محمد..جدي يوسف..واخوي يوسف..لازم أكون موهوب.. يوسف رسم ابتسامه على شفاته تخبي توتره\لا ياشيــخ.. الوليد\لحظــه..الو.. سلطان \ولييييد.. الوليد\هلا والله.. سلطان\اهليييين.. الوليد\سلطان وينكم انتوا..! سلطان\احنا في البيت الكبير مجتمعيين..ليش تسأل! الوليد\طيب تعال بيتنا.. سلطان\اي بيــت.انت بالسعوديه..! الوليد\هههههههههه وبالشرقية بعد.. سلطان ناظر الرقم لأنه رد بدون مايشوف مين المتصل وانصـــدم\احلـف..! الوليد\والله.!؟ سلطان\وليد..قول فيك شي! سمعت شي! الوليد\ليه..هو في شي! سلطان\لالالا..يالله سلام انا بجيك اللحين!وسكـر.. يوسف تذكر عمه الصغير اللي اشتاق له\سلطان.. الوليد\ايـه..اللحين بيجي..هناك هم مجتمعين في بيت جدي. يوسف\طيب ليش مانروح لهم.. الوليد\خلنا ننتظر سلطان..أبي اعرف مين اللي هناك..وغير كذا ماعندي سيارة..مفتاحي بالبيت.. تنهد يوسف..وتسند على الجداار..وهو يسرح بأفكاره.. ------------- دخل سلطان مع هيثم وطلال بيت بو بوسف وهو يظحكون على الوليد اللي مو قادر يستحمل جو نيويورك.. هيثم\لا..تشوفه... بردااان من ثلوجهم.. وقال ابي اتشمس..ههههه طلال ابتسم\ياخفة دمك..! سلطان\والله زين الأمير طلال ابتسم..ليت الوليد كل يوم يجي..! طلال\عاد ليش تذكرني..!خلني أنسى شـــــ ..ماكمل طلال جملته وهو يشوف الوليد..وجنبه شخص ثاني متسند على الجدار ويوم ناظرهم عدل وقفتــه وزادت ابتسامته..دقق في عيونـه بصمـت..وحس انه يعرف هالعيوون.. والتفت لسلطان وهيثم وشافهم متفاجأين مثلـه..والصدمة باينه بملامح وجهم.. وماوحى له يرمــش الا وسلطان وهيثم يركضون ناحية..ناحيــة..اخييييرا قالها طلال,, "يووووووووووســـــــف" الشباب ماوعوا من الصدمـه ولازالوا في حالة ذهول رهيبة...لكن ردة فعلهم كانت مثلهم مجنونـه..سلطان كان يصرخ فجأه وهو يقول لهم الليله عيـد..احلــى عيد..اما طلال كان حابس دموعـه لكن مايدري متى بيستلم ويبكـي على ولد عمه..اما هيثم كان يناظر الوليد بفخـر ويتذكر كلمته له يوم سأله ليش تبي تسافر وتنهي حلمك وطموحك..! واللحين عرف جواب هالسؤال..الوليد كان متيقن انه بيلقى أخوه..وهذا اليـوم الله حقق مطلبه ونهاية صبـره.. اما يوسف كان يناظرهـم بحـب وشـوق كبير وماوده انهم يسكتون ولادقيقه.. |
بجهه ثانيه كان بو يوسـف جالس على احد كراسـي الحديقــه وينتظر السواق عشان يروح المستشفى لأبوه كان حاط عصاته على ذقنه بكل قلّ حيله ومتسند عليها..وقلبــه كان يدعــي لأبوه انه يشفيــه ويقومــه سالــم كان ينـاظر هالسمــاء المغيمــه ويتمنـى لو ينزل مطـر يبرد على قلبـه التعبــان .. ومن كثـرّ ماكان يفكـر ماحس بالوليــد اللي دخل عليـه ووراه عيال اخـوه الا لمن رفع عيونه بويوسف(محمد)\الولييييد!؟! حب الوليد راس ابـوه بسرعـه..ومسح دموعه.. بوبوسف كان متفاجأ بجية الوليد\شفيـك يبــه..! الوليد\مافينـ ــي شـي..بســ..بس مشتاااق لك..بـــ ــس.. ابتسم بويوسف بحنيه\وانت كل مابتشتاق لنا بتجي!مايصير ياولدي.... قاطعه الوليد بسرعه\يبــه انــا.. بويوسف\شفيك ياوليــد..!ياعيال تكلمــوا فيــ سكت محمد وحس بشخص ثانـي واقف ورى عيال اخـوه..وبتلقائيه لف الجهه الثانيه عشان تتوضح الصوره عنده اكثر.. يوم شاف سلطان نظرات اخوه ومحاولته عشان يكشف هوية هالشخص ابتعد ومسك هيثم وطلال وابعدهم معاه.. يبه شلونك!قليبي وده يشفى بصوتك عساك طيب..عساك بخير ترى روحي بيعدك ذاقت الويل ويومي يمرّ كأنه دهور وعيني ماتشوف غير الضيم يبه آسف..انا غلطان كبر ذنبي..وزاد همي وتهت بعالم ظلم انسان يبه انطقهـا..وحررها ولاتكسرني كثر مأأنا مكسور يبه جيتك ورميت همـي بدنيا كلها اشواك يبـه قولها وريحنـي يبـه ارويني بعفوك وبحبــك.. وانا اجيك واهرول واقول مشتااااق التقت العيون بعد طـول الأنتظـار..التقت بعد ماضاقات الدنيا وسودت بعيون بويوسف..بعد ماطاح مريض بسبب غياب ولده المرير..بعد مالزم الصمـت ورضى بنصيبه..بعد مايأس وصار يقتنع بأنه الناس صادقه وولده مــات من اول مافارقـه..لكن قلبه ماكان يقتنع بكلام الناس..كان عارف انه ولده حـي..ومصيره بيـرجـع لبيتـه.. وهذا هو اليوم قدام عيـونه..مايحيل بينه وبينه الا خطوات معدوده.. كان يوسـف مثل الورقه اللي ترجـف بعز المطر وبتنقطع.. وصدره يعلو ويهبط..وانفاسـه متسارعه وشديده.. كان يشوف ابوه..ومو قادر يتحرك ولاخطــوه..كان يسمـع صوته ومو قادر يناديــه ويقول "يبــه" حتى الدموع انحبست وعيت تنهمـر من هول الموقـف.. كان يشوف ابوه يحاول ينطق ويحرك شفايفه لكن مايحس انه يسمع شي..كان يشوف الدنيا ضباب بعيونه ويحس بدوخــه ترخـي مفاصلــه..تعب من هالأحاسيس اللي صارت اكبر من انه يستجيب لها.. بويوسف توه بيتقدم خطوه لولده الا وطاح بكرسيه بكل قوتـه وماسمع غير صرخـة يوســف وهو يركـض له اخيرا ويصحى من غفلته يوسف\يبـــه.. جلس يوسف على ركبه وحبّ رجول ابـوه وهو ينطق ويقول بصوت عالي آسف..أســف..غلطاان وابي عفوك..غلطان وابي عطفــك..غلطان وابي حظنك..ابي أمانك وحبــك..أسف على كل لحظة الم سببتها لك..آسف على كل صرخه صرخها جوفك..آسف لأني عصيتــك وعذبتـك.. مسك بويوسف ولد من كتوفه ورفعه بكل قوته وناظر عيونه بويوسف\لاتوطـي راسك ياولدي..لاتوطـي راسك..انت عالـي..وبتظـل عالــي..بتظل عالي يايوســف.. حظن يوسف ابوه وبكى على صدره..بكى على كل السنين اللي تغرب فيها..بكى وهو يشهق ويرتجف..كان يحس انه طفل واذنب ورجع لأبوه يتأسف منه..كان يبي هالحظن من زمان..كان يبي هالكلمات عشان تريحه..كان يبي هألأمان اللي فقده...يافرحتك يايوسف..يافرحتك بأأبــوك.. ويافرحت أبوك بك.. الوليد ماأستحمل الموقف..وجلس على ركبــه بكل ضعـف وهو يناظر السماء اللي بدت تمطر وينطق بصوت يرجف الحمدلله..الحمدلله..اللهم لك الحمد..اللهم لك الحمد.. بجهه ثانيه الحريم سمعوا صراخ الرجال اللي بالحديقه..وخافوا انه بومحمد حصل له شي..ماقدروا يطلعون وظلوا يناظرون بنافذة الصالـه..ابتسام كانت تناظر ابوها..وتفاجأت بالوليد..وماتتت خوف..والسؤال اللي طرى على بالها اللحين"وش فيه الوليد؟؟" سمعوا الحريم سلطان وهو ينادي ابتسام وامه ويقول رجع يوسف ياأبتسام..رجع اخــوك..يمــه رجع ولد اخوك.رجــع يوسـف لكنهم مافهموا شي.. ابتسام مشت بسرعه و وقفت جنب الباب لأنه النافذه ماتبين كل شي..ويوم طاحت عينه على الشخص اللي حاظن ابوها صرخــت باأعلى صوتــها.. "يــــوســـــف" وركظت له..وماهتمت بطلال..ولا بهيثم اللي واقفين وحاظرين الموقف..لكنهم يوم سمعوا صرختها وخطواتها الحافيه على ألأرض..صدوا بسرعه.. ابتسام كانت تركـض لأخوها لمن طاحت بقوه بسبب المطـر اللي بدى يزيد.. مسحت دموعه وقامت من جديد بنفس السرعه ولا أهتمت للألم اللي برجلها عاندت المها..وبردها..تبي تصدق اللي تشوفه..حتى لو هذه لحظة موتها..تبي تشوف يوســف..تبي تصدف انه اللي تشوفه حقيقه....وكانت طول ماهي تركض تصرخ باسم أخوهــا..وماأرتاحت الا لمن مسكت وجه يوسف باايدينها الثنتين..ودموعها ملت وجهها.. ابتسام\يوسف انت رجعــت..يوســـف..رجعت ياأخــوي..رجعت لنا صــح....صح..!صحــ..لمست عيونه اللي غمضها وفتحها وصرخت بقوه..افتحهـا..خلني اشبع بشوفــك..لاتسكرها..ابد..ابــددددد..وغرقت بـ بكاء عالي وموجــع..وطاحت على كتفــه.. الكل تأثر بموقف أبتســام..اللي كانوا بالصاله طلعوا واولهم الجده اللي كانت بغرفتها..مسكها سلطان وقربها من يوســف..وهو يكرر جملته..رجع يوسف..رجع ولدكـم.. الجدة من شافت يوسف ضمـته والفرحة مو سايعتــها الجده\الحمدلله على سلامتك ياغالي..ياولد الغالـي..امـك ارتــاحت..اكيد ارتــاحت.. يوسف بصوت كله لهفه\جدتي..وين امــي..نادوهــا..ماتدري اني جيــت.. نادوهــا..قولوا لها ولدك رجــع.. سكــت الكل بعد كلام يوســف..ماعاد في كــلام ولاحكـي ممكن ينذكر.. يوسـف\شفيكــم..سلطان..ناد امـي..التفت لأبتسام وشافها حاطه ايدها على فمهــا وتبكي..مسك ايدها وهو يبتسم لها..لاتبكين يأبتسام..خلاص انا جيـت..لحد يبكــي..بس..وين امــي..!هي في البيت..انا رحت وماشفتهــا..الله يخليكـم..نادوهــا..قولوا لها ولدك رجع ويبيـك..والله اني مشتاق لهــا.. ..محد رضى يفتــح فمه..ويريح يوسـف..الكل صدّ عنــه..الوليد نزل راسه..وابتسام ناظرت ابوها اللي مسك طرف غترته يمسح فيها دموعه اللي حرقته..اما الجده قررت هي اللي تتكلم وتريـح قلب يوسـف... الجده\يوســف.. يوســف التفت لها على طول\سمي ياجــده.. الجده\يوســف.. الكل كان يناظر الجده..ابتســام كانت تشوف جدتها وتهز راسهــا بالنفـي..ماتبي تحرق قلب اخــوها..حرام تكسـر فرحتــه..حرااام تحطـمه.. الجده استجمعت قوتــها وتكلمت\امــك اليوم ارتاحت فــي..في قبــرها.. مــاااتت ياولــدي..مـــاتت.. يوسف سكت فجأه..بعده اطلق ظحكه عاليه من صدمــتــه ومو مستوعب اللي الحقيقه\لا ياجدتـــي..امي تنتظرنــي..امي ماماتت..الوليد قال انها تنتظرني..ومشتاقــه لي.. شفيك ياجدتي الله يهديك..ههههه وليد..شوف جدتـي وش تقول..قول لها انها امي حيــه..صح الوليــد..الوليد ناظـرني.. لاتصدّ عنـي..ناظرنـي الوليد..صح اللي تقوله جدتــي..جاوبنـي..ريحونـي..ليش تكذبــون علي..ليــش..ليــــــش..؟!قام يوسف وهز كتف الوليد بقوه.. يوسف\انطق..ليش ساكت! الوليد مسك كتف اخوه وقال بصوت حاد \من اول ماأختفيت..وامــي ماتت قهـر عليــك..جدتي صادقــه..اطلب لها الرحمــه.. سكـوت رهيـب..سكــوت موجــع وجارح بعد كلمة الوليد اللي مثل السهـم وطعنت قلب يوســف يوسف بصوت هادي ارعب الكل\بسهوله...بسهوله تقول اطلب لها الرحمــه..بسهوله تقول امــك..وبدأ يختفي صوته وهو ينطق اصعب كلمه سمعتها اذنه... مـــاتت...! ابعـد يوسف ايدين اخـوه اللي محاوطـته بكل قســوه وطــاح على الأرض وصــرخ صرخــه هزت قلوب الكل ..وهزت الكون معاه..صرخت كانت مظلومــه..ومحرومه...وهو ينــادي على اجمل كلمه و اسمى حـــب واغلى قلـب..."يمـــــه".. -------------- بمكــان ثانــي..بعيــد عن عيــون الجميــع..وبالطابق الفوقــي وبـ قبال النافذه.. كان في قلـب ينبض ويرجـف..يضحـك ..يبكــي ..يصــرخ ويعبرّ..لكن كل هألأمور كانت بداخل هالقلب,, من اول ماسمعت سلطان وهو ينطـق باسم يوسـف..حست انها جالسه تكمل حلمها اللي ماكملته الصبــاح.. ماتوقعــه حقيــقه ويوسـف رجـع..الا لمن دخلت الغرفه اللي فوق وركظت للنافذه,,وفتحتها ماكنت تشوف شـــي..لكنها قدرت تميزه بين الكل..وشلون ماتميزه وقلبها ماحب غيره..وشلون ماتميزه وروحها عاشت مخلصه له.. ماشافت غير ظهره وشعره اللي تبلل بالمــاي..وفجــاه..لف نص وجهه ناحية ابتــسام وهي بتلقائيه وبدون شعــور تحسست مكان قلبها....وظلت تبكــي بصــوت مسمـوع..وتشهـق بفرحــه.. كانت تبكي لحبهــا القديــم..كانت تبكي لأبتسام.والوليد ولعمها محمد ولجدتها..ولكل واحد يحب يوسف.. يوســف حلم الطفولــه..يوسف قلبها المخلـص اللي عمره مانطق بغيره..ولا نبض لغيره... يوســف..آآه يايوســف..مافي كلمـه ممكن تعبرّ عن مدى سعادة فجـر..ولافـرحــة فجر.. كان ودها تنزل له قدام الكل وتصــرخ وتقول انا لازالت انتظــرك..انا احبــك..وابيـك اليوم وباكر وبعــده.. ابيك بصـدك..ابيك برجعتـك..ابيك انت وحدك..ولا ابي اعاتـب ماضيــك.. رجعت مراهقــه..فجر تحس انها رجعت مراهقـه..غارقه بالحـب..وتايهه بعيون حبيبها.. لكن الحلم الجمييل انتهى بثوانـي بعد ماسمعت صـرخة يوسف اللي هزت البيت هــزّ.. كانت تشوف سلطان والوليد وهم يسندون يوسف ويركبونه السيـاره..وماعرفت وش تسوي ساعتها.. نزلت تحت بسرعــه..وشافت راوين ماسكه بأيدها عبايه راوين شافت عيون فجـر الحمراء.,,وقالت لها على طول.. راوين\بودي العبايه لأبتسام وارجع لك.. مسكتها فجر\ليش وش فيكم.. واعصابها انفلتت شصاير!. راوين\يوسف طاح عليهم..وبيودونه المستشفى..ومشت بسرعه تعطي ابتسام عباتها.. فجر ماعرفت وش تسوي..كانت مرتبكــه..وضايعــه...وتضغط على ايدينها الثنتين بكل قوه..جلست على اقرب كنبه..وانصدمت بصوت امها اللي ماحست بوجودها ام احمد\لاتخافين فجــر..ان شاء الله خيــر.. التفت فجر قدامها وشافت انه الكل يناظرهــا..نزلت عيونها بالأرض بأحراج وطلعت بره الصاله.. ------------- الخبـر انتشر برجوع يوسف مثل الهواء اللي يهب وينعش ألأبدان.. وبنفس المستشفى اللي نقل فيها الجد يوسف..كان فيها يوسف.. هند وماجد وبواحمد وبوتركي كانوا كلهم موجودين بالمستشفى عند ابوهم واحمد وعبدالرحمن كان معهم..ويوم سمعوا الخبر على طول توجهوا لغرفة يوسـف وشافوا الكل موجود..وحول يوسـف اللي نايم ومو حاس بالدنيـا,,ومحمد جالس جنب ولده وماسك ايده.. هند قربت منه اكثر وحبت راسه وشافت ابتسـام متغطيه وجالسه بزاوية الغرفه... ابتسام من شافت عمتها موجوده قامت لها وظلت تبكي بحظنها بدون توقـف.. ابتسام\عمتي انا خايفه على اخوي..خايفه نفقده بعد مارجع لنــا,, هند\لايابتسام.ذكري الله..يوسف بيصحى وبتملون من شوفتــه..وقولي عمتي ماقالت.. ابتسام تمتمت بصوت هامس\ان شاء الله..ان شاء الله.. مرت ساعتين والأوضاع هاديـه..والكل بغرفة يوسـف..الدكتور وضح لهم بكل صراحه انه يوسف تعرض لـ انهيار عصبـي كشفوا عليه..وسوا له تخطيط للقلب لأنه ضربات قلبه كانت قويــه وكل شـي كان سليـم..والحمدلله انهم لحقوا عليه وماتضاعفت حالته..كان يصحــى بين فـتـره وفتره ويصرخ وينادي بأمه..لكن لامجيــب..والشي اللي ممكن يسكت هالصرخات ألأبر المهدئه اللي تنعطــي له بدون فايده..لمن فقد الوعــي ونام بسبات عميــق..وعالم مظلم.. ماجد كان واقف معهم..وبالتحديد جنب محمد اخوه..كان يحس بضعفـه..وقلة حيلته..كان يشوف الألم بعيون اخوه..وايده اللي متمسكه بيوسف وكانه خايف انه يفقده بعد مالقاه.. كل هالأمور العابره.. اثرت بقلب ماجد القاسي..ومثل مايقولون ربّ ضارة نافعه...ماجد حس بذنب طفيف..خفيف..لكنه مؤلم على ولده...حس شكثر الولد غالـي..وهو ماعنده غير واحــد..واحـد يتمنى له اعلى المراتـب والحياه الناجحه..ماكان عنده غير طلال..طلال الحنون..طلال البار..طلال الغالي اللي قسـى عليــه..وهو مايستاهل هالقسوه هذه كلها.. ابعد ماجد هالفكره من باله لأنها تحسسه بتأنيب الضمير والضيــق..وطلع برا الغرفه وتوجه لأبوه بدون شعـور ----------- الحريم كانوا جالسين بالحديقه وينتظرون أي خبرّ عن يوسف..او جده.. اما فجر فكانت بحالة صمت غريــب..والكل يحاول يفتح حديث معها وهي تعطيهم اجابات مختصره حتى الجده ماتركتها..وخافت على بنت ولدهــا..لكن وين فجر..ووينهم..؟ فجر تحس انها عايشه بحلــم..ويوسف هو الوحيد القادر يصحيها من هالــحلم..! سمعوا تلفون الصاله يــدق..وراوين رفعت السماعه لأنها ألأقرب لباب الصاله.. وفجر كانت بتقوم ترد..بس جلست على آخر لحظه لأنها تحس انه الكل يراقب تصرفاتها.لكن مو فجــر اللي ينفذ صبرها..حتى لطيفه اللي كانت عارفه بموضوع فجر ويوسف كان تراقب تصرفات فجر وبشفايفها ابتسامه خبيثه..لكنها تـاثرت بشكل كبييير بيوسف وهي تشوفه طايح لاحول له ولاقوه وينادي بأمــه,, راوين\الو.هلا سلطان.. سلطان\راوين..زين رديتي..ربع ساعه وبجي اخذك للمستشفى راوين تفاجأت\ليش!؟ سلطان\ابوي يبيك..قبل مايدخل غرفة العمليــات.. راوين\جــدي.. سلطان\يالله تجهزي ولاتبينين لأحد..مع السلامه.. سكر الخط سلطان..وراوين لازالت ماسكه السماعه.. طلعت فوف عشان تاخذ عباتها وشنطتها..وراحت لهم الحديقه.. الجده\مين ياراوين.. راوين\سلطان.. الجده\وش يبي! راوين\ امم ولاشي بس يسأل.. مسكت جمانه اصابع راوين وجلستها\شفيــك..مو على بعضـك... راوين\سلطان بيجي ياخذني اللحين.. جمانه\ليش..! فجر كانت تناظر راوين وبعيونها لهفه\راوين.ماقالك سلطان شـي. راوين\يقول لي انه جدي يبيني..! جمانه\غريبــه ليش! راوين\مدري..جمانه..اللحين شلون بطلع..وهم جالسين بالحديقه.. جمانه\يصلح اروح معكـم.. راوين تنرفزت\انتي فاضيه.. جمانه\طلعي من الباب الخلفــي.. راوين\خايفه بناات.. جمانه\الصراحه الموضوع محيــرّ..ليش جدي يبيك انتي بالذات.. راوين\جمون لاتزيديني بلييز.. فجر حست بقلق راوين تكلمت اخيرا\راوين..لاتخافين..انا متفائله خيــر.. راوين\الله يسمع منك.. دق تلفون راوين..وكان سلطان.. راوين قامت\بنات اذا طلعت قولوا لأمي اني بالمستشفى..مقدر اقول لها اللحين.. جمانه ابتسمت بقهر\خلاص لاتحاتين..انتي روحي..والقلب داعي لك.. راوين همست بضيق\يابرود اعصابك..باي.. طلعت راوين..لسلطان بتخفي..وركبت السياره اخيييرا.. سلطان كان ساكت..وراوين موقادره تنطق بحــرف.. حاولت كذا مره تسأله والحروف على لسانها..لكنها التزمت السكوت اللي ذبحها.. لمن وصلوا المستشفى..ولمن قربوا من الغرفه راوين مااستحملت ومسكت ايد سلطان.. راوين برجاء\سلطان.. سلطان\لاتخافين راوين.. راوين\طيب..امم انت ماتعرف وش يبي جدي.! سلطان ابتسم ومسك أي راوين\اللحين بتعرفين.. وصلوا الغرفه وشافوا طلال واقف جنب الباب ومنزل عيونه وشكله متوتر.. رفع طلال عيونه يوم حس بحركه حوله..واتسـعت ابتســامته.. قرب سلطان.. اما راوين وقفت مكانها وميته احراج\خـيرّ ياولدي..وش اللي موقفك هنــا!مو المفروض تجلس مع ولد عمك! طلال\هــا.. سلطان\لا الولد استخف لكن شو عليك يالحبيب اللي تبيه بيصير!..مسكه من كم ثوبه..وابعده بخفه..وخرّ..لاتفشلنــا..سكر فمك! ابتعد طلال وهو منزل راســه..لمن مرت راوين بسرعه..ودخلت قبل سلطان من الأحراج وهي مو فاهمه شي.. ..دخل سلطان بعدها..واول ماشافت جدها نست طلال ونست خجلها. ونست كل شي. و دموعها تجمعت بمحاجرها على حالت جدها وضعفه..وجنبه ماجد عمها وابوها راوين\جــدي.. بومحمد\قربي يابنتــي..تعالــي.. قربت راوين..وحبت راســه..وايده.. بومحمد\سلمي على عمـك ماجد.. انتبهت راوين لعمها ماجد..وسلمت عليه وهي خجلانــه...وبخفــه حبت راســه..وجلست بهدوء بطرف السرير.. بومحمد بصوت تعبان\شلونك راوين..! راوين بنبره هامسه وقريبه للبكاء\الحمدلله..وانت طيـب! بومحمد\اكيد طيــب بشوفتك..الحمدلله على كل حال..بس ليش تبكين..بتزعليني منك..! راوين بااسلوب طفولي\لا لالالا الا زعلك..بس الله يهديك انت تعصـب وهذا مو زين على صحتــك.. ظحك الكل..وابتسم ماجد.. سلطان\ايه قولي له.ياراوين..مايسمع منا! بومحمد\انا وش كنت اقولك من قبل..!! راوين\مااذكر.. بومحمد بدى يتعب من الكلام \المرض نعمــه..مو نقمه..وانتي اكيد فاهمــه.. راوين ابتسمت بحنيه\فاهمـه.. بومحمد\بوطلال.. ماجد قام بسرعه\سمّ يبــه.. بومحمد\انا قبلّ ماأدخل غرفة العمليات..طلبتك بحاجه قبل مايجي اخوك..(وكان يقصد بو تركي) ..وهالمره ابي اطلبها لأبو تركي.. ماجد ملامحه كانت هاديه ومرتكزه على راوين اللي مو عارفه وش الموضوع نفس ابوها.. وبو تركي كان مستغرب \اللي تبيه يايبه بيتم..واكيد ماجد ماراح يردّ لك طلب.. بومحمد\ولا انت!؟ بوتركي ابتسم بحنيه لأبوه\ولا أنا. بومحمد مسك ايد راوين اللي حاظنتهم\ابي راوين..لولدي طلال..وش قلت يابو تركي! راوين من سمعة كلمة جدها..نزلت عيونها بألأرض..وخلاص بتــذوب بملابسها.. اما بوتركـــي..ماتوقع هالطلب من ابــوه..فاجأه كثيــر.. بومحمد\ها وش قلت يابو تركــي.. بوتركي\الرأي الأول وألأخير لـ راوين.. بومحمد\وانت ياماجد.. ماجد\مالي رأي بعدك يبــه..ومدام طلال يبيهــا..مارح يلقى احسن من بنت عمــه. الكل استغرب من موقــف ماجد ماعدا بومحمد لأنه كان عارف بجواب ماجد..لكن وش اللي غير ّافكـاره فجأه!؟؟ ------------- مرّ الوقت والكل على أعصابه..الكل يفكر بيوسف اللي رافض هالحيــاه بدون أمه ولازال في سبات عميــق من تـاثير الأبر المهدئه اللي اخذها.. ومن جهه ثانيه القلوب كانت تدعي للجد يوسف اللي دخل غرفة العمليات وهو مرتاح ومطمن نفسيا لأنه اللي يبيه راح يحصلّ....لكن لازال بومحمد مايدري عن يوسف لأنهم تكتموا عن الموضوع لمن يصحى يوسف وتهدا ألأوضاع.. رجوع يوسف بهاليوم.. وبهالوقت بالذات..حلتّ مشاكل كثيره..وقربت قلوب كانت مبتعده..واحيت راواح كانت ميتــه.. واولهم ماجد اللي تـاثر بمحمد أخــوه..وألأهم من كذا ماقدرّ يزعل ابوه وهو عارف انه بيدخل عمليــه خطــره..واذا حصل شي فمستحيل بيسامح نفســه..لأنه مهما كان وصار,..ابوه فوق كل شــي واهم من قناعته اللي حسها اليوم سخيفــه قدام رجوع يوســف اللي أثر على الكل.. \\ فجر كانت تبي ترجع البيت بأقصى سرعــه..تبي تختلي مع نفسها وماتشوف غير اوراقهــا اللي كان بطلها واميرها يوســف..امها مارفضت لها طلب..وحست فيها..ورجعوا البيت..وهي على طول وبدون ماتفصخ عباتها دخلت غرفتها..وفتحت الدرج اللي فيه اشعارها وخواطرها. وطلعت مذكرتها...وظلت تقرأ وكانها تبي ترجع لذكريات قديمه انخلقت مشاعرها مع يوسـف.. تذكٌر .. صوتك يناديني ... تذكر ... تذكر ... تذكر الحلم الصَغير ... وجدار من طين وحصير ... وقمَرا ورا الليل الضرير ... على الغَدير ... لاهَبٌت النسمَة تكسر ... جيتي من النسيان ... ومن كل الزمان ... اللي مَضَى ... واللي تغٌير ... صوتك يناديني تذكٌر ... ناديتي ... خانتني السنين ... اللي مَضت راحت ناديت ... ماكن السنين ... اللي مضت راحت كنا افترقنا البارحة ... البارحة .... صارت عمر ... ليله ... أَبَدْ عيٌت تمرٌ ... ياجمرة الشوق الخَفي ... نسيت أنا وجرحك وفي ... فتحت صفحه ثانيه..وقرأت ظماي انت .. ومن يعشق ضماه غيري جروحي انت .. ومن يكره دواه اسقني لو ما ارتويت .. داوني لو ما شكيت ماهقيت اني اعطش .. في حياتي لغيرك انت مادريت ان مابه أغلى منك ..الا انت ما تصور ان عيني مره تغفى وما اشوفك ما تصور لو يطول الصمت ما اسمع حروفك تدري احساسي بخوفي هو أماني لما تسأل عني ليله عن مكاني ما تصور كيف تحرقني الثواني شمعه في ليل انتظارك..! ياللي يسبقني زماني .. من عطش .. ليلي ونهاري عطني موعد .. وانسى موعد بس لا... تهجر وتبعد يا ظما قلبي لقلبي .. وغربة اعيوني عن عيوني وينك انت ياترى الليله في صدري لا .. في جفني لا .. في الشعور اللي خطفني اه ... لو تدري بشوقي آه ... .يا ظما الدنيا بعروقي طوت الصفحه وقالت\ظمــأي انت يايوسـف.. ------------- كان واقـف في السيب معهم ومكتف ايدينه وملّ من اللي يسمونـه انتظــار.. احداث كثيــره صارت اليوم وكانت فوق طاقتــه..وخلاص..الآن خارت كل قـوى الوليــد.. من شاف ذيك النظـره اللي التقت عيون ابوه بيوسف..وهو يحس انه ألأمانه وصلت..وألأرواح التقت.. خلاص انتهـت مهمتـه..وارتاح ضميــره..هدأت احاسيسه..وخمدت كل نار ثيرت بجوفــه.. اللحين ممكن يلتفت لدراسته وهو مرتـاح..اللحين ممكن يوصل لجمانه وهو مطمئن البال..ويجتهد عشان يلتحق بناديه.. يأأأه يالوليد..حملك كان كبيــر واليــوم قدرت توصـل له..وتقربّ قلـوب كانت مشتاقــه.. هيثم\شفيــك..! التفت له الوليد وهمس\تعبــان..وبنفس الوقت مرتاح.. هيثم ابتسم له\شلون تجــي هذه.. الوليد بظحكه هاديه\ههه معليـش..هذه الكلمه من آثار التعــب.. هيثم\الوليــد. الوليد\هلا هيثم بكل احساس صادق\الله يعزز مقدارك..ويوفقـك..ويسهل دربـك.. التف له الوليد وهو مصدوم من هيثم\وياك ان شاء الله..بس غريبـه دعوتك.. هيثم\لأنك سويت اللي ماسواه احد..وليد..انت ماجمعت يوسف بأبوك وبس..انت جمعت شملنا اليـوم..وصفيت النفــوس.. الوليد\كل هذا انا سويتــه.. هيثم\واكثـر بعــد وانت ماتدري..! الوليد\شكله في امور كثيره انا اجهلها.. هيثم\خلّنا نتطمن على جدي ويقوم بالسلامه هو مع يوسف..وبتعرف ليش انا قلت هالكلام.. الوليد تنهد بصوت مسموع\الله يسمع منـك.. هيثم\دريت عن اللي حصل لـ طلال..؟؟ الوليد ابتسم\وانت تتوقع طلال قدر يمسك نفســه..مابقى احد الا وقال له.. هيثم\يالله مين قده!حلمه وبيتحقق.. الوليد\الله يوفقــه.. ---------- ظـل يمـشي لوحده بـدون هـدف لحد نص الليـل وحس انه رجع لؤي قبل مايتعرف على يوسف..رجع وحيـد..وغريــب..ماله احـد.. راح لكل مكان يجمعه مع يوسف..النهـر..الجســر..الحديقه.. البحيــره..كل شـي شافه باهت بعد صديق عمـره..كل شي شافه موجع بعد يوسـف.. عبير حاولت تكلمه وتطلع معه..وهو رفـض بهدوء وكان يبي يختلي مع نفسـه...ماكان يبي يسمع احد..ولايتناقش مع احــد..ومافي كلمه بهاللحظه ممكن تهون عليه غربتـه .. لكن بعدّ يوسف اعطـى شي ايجابي لـ لؤي..لأنه ظل يفكـــر فتــره طويلـه بحياته وكيف ممكن يطور من نفسـه..!ويوصل لمطلبـه الحقيقـي.. هو كان في البدايـه تخطيطه انه يشتغل المساء بالمطعم..وبالصبح مع الدكتور سميــر.. لكن من هاللحظه راح يغيـر هالفكـره..لأنها ماراح تزيد دخلـه في السنوات القادمه يالطريقه اللي هو يبيها..! فاول خطـوه راخ يتخذها انه يترك المطعــم ويظل يشتغل مع الدكتور..ويكمل دراســته اللي تركها.. الشهــاده هي مطلـب كل انسان يبي يطور من حياته..ولؤي هذا اللي يتمناه.. والجواز بيكون بأيده وبيبدى من الصفـر وهذه اول خطـوه عشان يبنـي مستقبله صح ويرجع لأهله مرفوع الراس.. صحيح البــدايه صعبــه..والطـريق بيكون مليان عثرات...لكن الله معاه..والدكتور سمير ماراح يقصـر.. رجع الشقة وهو مطمئن نسبيا من الفكـره اللي ريحـته وزادت من حماسـه.. واول مافتـح الباب..غصبن عنــه امتلت عيونه بدمــوع حــاره.. مشى بسرعـته ودخل غرفتــه..وفصخ جاكيـته..وتذكر الظرف الأبيــض.. شلون هو نســاه! فتح على طول المرسم...بدون مايفتح ألأنـوار..مايبي يتألم اكثــر ويشوف بقايا يوسف..لأنه اثره بكل مكــان..بلوحـتـه..وبكرسيــه الخشبــي اللي دوم يقعــد عليــه..بالنافذه الصغيره اللي يطل منها على الشارع.. يــوسف غاب صحيح..لكن موجوده روحــه مع لؤي...موجوده ابتسامته..صوتــه يحس انه يسمعه ويناديــه.. ابعد هألأفكــار من راســـه.. ودخـل الغرفــه ولاحظ الظرف الأبيض فوق الكرسـي اخذها وطلع بعد ماسكـر الباب..فتحــه وانصــدم من اللي موجود.. كان اول الظــرف صــوره ليوسف معاه..وابتسم وهو يتــذكر يوم صورا بألأستديوا ويوسف طلب ياخذ وصره تجمعهم مع بعــض.. يوسف لأول مره كان يضحــك بالصــوره..وهو حاضن كتف لؤي..ولؤي مثله كان يضحــك ليوسف وحاضن كتفــه.. الصورة كانت روعــه..وابتسامتهم زادتها جمــال.. مسك الصورة بأيده اليسار وفتح الظـرف ولقى ورقه بيضاء ودخلها فلــوس.. فتــح الورقه وهو مستغــرب..وبدا يقرأ.. "ادري بتقول خطـي يفشــل...لكن اسمع هالكلمتين وحطهم في بالك عدلّ رجعــه وبترجــع غصبن عنــك..اعتبتره تهديد..امـر..مو مهم.. وهذا المبلغ من نص اللي أخذته من المعــرض..بتقول كثيــر..وبقولك مايغلى عليـك..! وهالصـوره عندي كوبي مثلها..عشان كل مااشتقت لك أشوفها فيك.. سلامــي ياأغلى من شافت عينـي.." أخوك\يوسف الكاتبه:"وصيت قلبي عليك" |
| الساعة الآن 06:19 PM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية