|
أحلى نكت
صعيدى 1 : ولع الراديو
صعيدى 2 : ماعييش كبريت صعيدى 1 : ولا ولاعه؟؟؟؟؟؟ ================================= الميك****ي : الكاوتش ده ضرب ازاي ؟؟ هريدى : دست على ازازه الميك****ي : وما شوفتهاش ازاي وهي بتلمع في الشمس هريدى : ما هو الراجل الحمار كان حاطتها في جيبه ================================= زوجة هريدى بتخبط عليه في الحمام وبتقول له : ناولني فرشه البلاط من عندك هريدى: لسه هاغسل سناني ================================= هريدى وقف في ميدان التحرير وبيقلع هدومه العسكري بيسأله : بتقلع هدومك ليه؟؟ هريدى : كنت راكب اتوبيس والكمساري جاللي انزل غير في التحرير ================================= خمس صعايده داخلين امتحان فجالهم سوال ما هي عدد ارجل المعزه؟ كلهم قعدوا يسالوا الذكى بتاعهم مكنش بيرد عليهم بعد الامتحان بيسالوا انت مكنتش بترد ليه قالهم اصل المراقب كان جنبي معرفتش اطلع المعزة ================================ واحد صعيدي نزل محطة مصر لقى بتاع الأنابيب بيخبط عليها، قال له افتحلي واحدة ساقعة لو سمحت ================================ واحد صعيدي راح امريكا لقى كل الشباب لابسين تشيرت مكتوب علية كوكاكولا - بيبسى -سفن أب راح كتب على الجلابية عصير قصب =============================== دكتور عيون قاعد مع خطيبته في حديقه الاسماك معاه ورده قالها شايفه الورده دي يا حبيبتي قالت له ايوه فرجع ايده لورا شويه وقالها طب وكده =============================== مرة واحد متجوز عنده دولاب قافلة 20 سنة والمفتاح معاه هوه بس مراته هتجنن وفي يوم راح الشغل ونسي المفتاح. مراته فتحت الدولاب لقت 20 الف جنيه وبيضتين. لما رجع سالته ايه حكاية البيضتين قالها بصراحه كنت كل ماخونك أحط بيض في الدولاب الست قالت عشرين سنه جواز ومرتين بس مش مهم وسالته طب والعشرين الف جنيه قالها كنت كل ماجمع كرتونه ابيعها ============================== مره واحد تاجر كتاكيت ماشي بالعربيه وفيها كتاكيت وقفته لجنه تموين وقال له المفتش: الكتاكيت دي بتأكلهم ايه؟ رد عليه وقال له : درة يا بيه..... فقال له المفتش انتو ما بتفهموش حاجة الكتاكيت دي بتاكل علف........ وراح عمله غرامة 1000 جنيه.... راح مشي التاجر بالعربيه وهو في الطريق وقفته لجنه تموين تاني وقال له المفتش انت بتأكل الكتاكيت دي ايه قال له بأكلهم علف يا بيه فقال له المفتش انت ايه يا أخي انت ما بتفهمش دي بتاكل درة وعمل له غرامه 1000 جنيه وبعد شويه وهو ماشي وقفته لجنه تموين تاني وقال له المفتش انت بتأكل الكتاكيت دي ايه قال له يا بيه انا كل يوم الصبح ادي كل كتكوت جنيه وهو ياكل اللي هو عايزه =============================== واحد راح الصيدلية وقال للدكتور : عايز لبن اطفال ..... الدكتور: اسمه ايه ؟ الراجل : اسمه اشرف ============================== فرختين مشيين الاولى معلقة بيضة على رقبتها .. فالتانية بتسالها اية البيضة دى؟ قالت دى صورتى و انا صغيرة ============================= واحد صعيدى عينوه مدير ملجأ أيتام اخد اول قرار اجتماع لأولياء الامور ============================ واحد عنده كتكوت مفترس ، كل ما يدخله قفص الفراخ يروح الكتكوت واكلهم ، وفي قفص القرود ياكلهم ، وفي قفص القطط ياكلهم ، راح راميه في الصحرا . صعب عليه الكتكوت وراح يشوفه بعد تلات أيام ، لقى الكتكوت مرمي عالأرض والنسور بتحوم حواليه ، الراجل قاله : يا حبيبي إنت مت ؟ قام الكتكوت وقال له : يخرب بيتك بوظت الكمين =========================== واحد صعيدى سافر الكويت لقى الاسامى بوحمد و بو فهد و بو محمد و بو فيراس راح سمى نفسه بوكيمون ========================== كان في واحد شكله وحش قوي قوي قوي عايز يتجوزفراح واتقدم لواحده* فابيقول لأبوها :انا يا عمي بلا فخر عملت نفسي بنفسي قاله: ما انا برضه بقول استحاله تكون خلقه ربنا ========================= واحد جزمجى زعل...جت له جزمة نفسيه ========================= دكتور عظام ماشي فى الشارع * الكلاب جريت وراه ======================== واحد صعيدى كسب 60 مليون دولار إشترى رونالدو ======================== بلدياتنا مبيعرفشى يعوم وقع فى البحر مات محروق ======================== مرة واحد صعيدى وقع من الطيارة دخلت في رجله نخلة ======================= مرة بنت قالت لامها : هو السمك بياكل سردين؟ قالت ا يوة قالت لها : ازاي بيفتح العلبة؟؟ ====================== واحد صعيدى دخل فى رجلة مسمار معرفش يطلعة تناه ====================== مره مسئول كبير راح يفتتح حمام سباحه كبير في سوهاج فكان مدير الحمام بيشرحله مميزات الحمام فقال: ده يا فندم المنط العشرين متر اطلع يا محمدين نط فنط و ده يا فندم المنط الاربعين متر اطلع يا حسنين نط فنط فقال المسئول هايل هايل فقاله المدير ولسه كمان يا فندم لما نملاه ميه ======================= مرة واحد بلدياتنا نام بالمقلوب صحى رجله معمصة |
هههههههههههههههههه جميل هنودة
نكت جميلة اوى تسلم ايدك ياقمر |
يسلمو هند نكت حلوة عسل الف شكر
|
بيبو
هههههههههههههه
ههههههه هه ه شكرا هند |
اقتباس:
أنا لازم اروح سوهاج مشان اسبح فى هالحمام ههههههههههههههه يسلمو هند نكت حلووووة موفقة |
| الساعة الآن 12:28 PM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية