منتديات ليلاس - ممكن طلب صلصة الفريدو

اهلا بيكى رهومه
لالالا عيب عليكى تكونى من العبيريات وتكونى خايبه فى الطبيخ
(look who's talking)
بصى يا حبيبتى انا بخلاصه تجاربى فى المطبخ (اللى حوالى 99.9% منها فشلت فشل ذريع)
وعصاره خبرتى (اللى هى اصلا ماما )
ان صلصه الفريدو بتتكون من
المقادير:
كريمه خفق
فلفل اسود
ملح
فلفل رومى الوان(اخضر واحمر واصفر لو فيه فوشيا مفيش اى مانع)
جبنه بارامازان (او برومازان او بروماسان واياكى تقوليلى ايه دى اللى قالتهولى ماما كتبته ابقى اسألى البياع)
الطريقه:
توضع الكريمه على النار وهى بطبيعه الحال خفيفه وتقلب حتى تتقل ويضاف اليها الفلفل الاسود والملح والفلفل الرومى المقطع الى مكعبات صغيره للغايه وتوضع عليها جبنه البارامازان
وتوضع بعدها على المكرونه او الدجاج او اللحم
وبالهنا والشفا
يارب ما يكون شرحى ممل زياده عن اللازم
اختك
Camilena
(نيمو سابقا)