منتديات ليلاس - فلترة و تحويل رسائل البريد الالكتروني

السلام عليكم و رحمة الله و بركاته
اخواني اخواتي ف الله
ارجو ان اوفق ف عمل هذا الموضوع فهو من اجتهادي الشخصي و ارجو ان تستفيدو منه
الا و هو تحويل مسار بعض الرسائل ف البريد الالكتروني سواء مرغوب فيها كرسائل شركات الطيران او البنوك او رسائل من بريد الشركة التي تعمل بها
و ايضا الرسائل المزعجة التي تاتي من جروبات مشترك بها و لا تريد ان تأتي علي الوارد ولكن علي مجلد اخر داخل بريدك الالكتروني او حذفها وقت وصولها ايا كان الغرض
فهو لتغيير و فلتره الرسائل و فهرستها وقت وصولها
المثال التالي علي بريد الياهوو و كل صناديق البريد تستخدم نفس المفهوم او علي الاقل مفهوم قريب منه الي حد بعيد
الخطوات كالتالي عشان متزهقوش مني :

1 ـ بعد فتح البريد الالكتروني ستجد ف اقصي اليمين لنك للخيارات

Options كما هو موضح بالصورة التالية

http://img155.imageshack.us/img155/2122/97242260rx3.jpg

2 ـ بعد كدة تأكد انه ف الجهة اليسري هناك سهم صغير علي خيار Mail و من وسط الشاشة اختار لنك Filters كما هو موضح بالصورة

http://img155.imageshack.us/img155/6357/31148365ml3.jpg

3 ـ بعد كدة من زرار Add ادخل بقي عشان تضيف فلتر جديد للرسايل بتاعتك

http://img101.imageshack.us/img101/5583/56916934bb6.jpg

4 ـ جينا بقي للخطوة المهمة و الطويلة شوية
ف خانة Filter Name ضيف اسم الفلتر اللي انت تحبه مثلا رسايل اخويا مرسي
بعد كدة ف الجزء السفلي فيه اكتر من خيار ( خلي بالك كل واحد فيهم قائم بذاته يعني لو اخترت اكتر من حاجة معني كدة كلهم لازم يتحققوا مع بعض عشان الرسالة تتوجه زي منتا عايز )
تاني اختيار واحد يعتبر كافي و اكتر من واحد بيزيد التعقيد لأن كلهم لازم يتحققوا ساعتها
تيجي بقي لمعني اللي ف الشاشة :

1ـ من

From

2 ـ الي/نسخة مماثلة الي

To/Cc

3 ـ الموضوع

Subject

4 ـ محتوي الرسالة

Body

بعد كدة الشروط بقي اللي بيدور بيها علي الكلمة المفتاحية هي :

1 ـ يحتوي علي

Contains

2 ـ لا يحتوي علي

Doesn't contain

3 ـ يبدأ بـ

Begins with

4 ـ ينتهي بـ

Ends with

بعد كدة تكتب الكلمة اللي المفروض يقارن بيها

و بص علي المثال كويس و حاول تعمل زيه

http://img171.imageshack.us/img171/130/98810785sr5.jpg

5 ـ بعد كدة حدد المكان اللي هتتوجه ليه الرسالة لو تحقق الشرط اللي ف الفلتر زي الصورة دي

http://img101.imageshack.us/img101/3026/53148722uq1.jpg

6 ـ بعد كدة اعمل حفظ للفلتر و ارجع للقائمة الرئيسية
و اقف علي اسمه و اتأكد من كل الكلام اللي موجود علي يمينه من اسم الفلتر و الكلمة المفتاحية و طريقة المقارنة و المكان اللي هتروح ليه الرسالة

http://img482.imageshack.us/img482/8493/64538027mk4.jpg

7 ـ متنساش بقي تجرب الفلتر يعني مثلا جرب بتاع محتوي الرسالة يحتوي كلمة Dog مثلا و ابعت لنفسك رسالة فيها الكلمه دي و شوف الرسالة هتروح المكان اللي حدده ولا لأ .

و كمان موجود ف المرفقات للتحميل

ارجو للجميع الاستفادة

و برجاء دعوة ليا بظهر الغيب و بنيه خالصة ( ليا مش عليا ماشي )

و خلي بالكو كلمة تشجيع لن تكلفك أي شئ

شكرا

اخوكم الغلبان

مهندز / هاني