منتديات ليلاس - كان ياما كان ........

حواديتى كان ياما كان عن أحلام عصفور صغير
نفسه يفرد جناحه فى الفضاء الواسع ويطير
ويبنى احلى عش فى شجرة خضراء مع قلب صغير

*************
حواديتى كان ياما كان نفسها تكون شجرة أمل وحنان
تنزرع فى كل قلب نفسه يعيش ويحس بالامان
وبكل رقة تجمع مابين القلوب بكل حنان

*************
حواديتى كان ياما كان عن عمر عدى وكان
عن ايام الصبا وحكايات الشباب وضحك الخلان
عن ليالى جمعتنا بذكريات مليانه أفراح وأمان

*************
حواديتى كان ياما كان عن ليالى زمان
ليالى لسه ما أنجرح فيها قلبى ولا لف ودار ولا اتخان
وعرف أن وراء كل وش ألف وش وحكايات فيها الفرح والاحزان

*************
حواديتى كان ياما كان عن جدتى وحودايتها الجميلة
واللمة الحلوة وقت الشتاء والببان متقفلة
وحكايتها لينا عن ليالى ألف ليلة وليلة

*************
حواديتى كان ياما كان عن كل قصة ورواية
ولكل قصة نهاية
وتوته توته خلصت الحدوتة