معاناة موظف الاستعلامات
كان الموظف مرهق ومزاجه مش ولابد وخصوصا والمايك معلق على رأسه وهو يستقبل مكالمات المشتركين: :
****المكالمه الاولى : شايب كبير السن الموظف : الو ..استعلامات الدليل خالد الــ......, مرحبا المواطن : الو .. ممكن لو سمحت تعطيني رقم عبدالله فهد سعد الموظف : وين ساكن اخوي لو سمحت المواطن : ساكن هنا قريب منا . الموظف : وين قريب منكم بالظبط . المواطن : ياخوي هنا جمبنا جارنا ماتعرفون رقمه . الموظف : ياعزيزي انا مادري انت وين بعد . المواطن : اقول والله ماعندك ماعند جدتي بس . طوط طوط انقطع الخط ****المكالمه الثانيه : صوت ناعم (بنية يعني) الموظف : الو ..استعلامات الدليل خالد الــ......, مرحبا الصوت الناعم : هلا اخوي ممكن تعطيني رقم بيتزا هت بس مابي فرع النسيم دايم تعطوني اياه الموظف : اي فرع تبغون رقمه . الصوت الناعم : تدري ايش فيه فرع النسيم بايخ لآن البيتزا حقتهم توصل بارده .. وبعدين شكلها خبز تميس . الموظف : بيموت من الضحك بس ساكت ... طيب خوذي فرع العليا اجل الصوت الناعم : ياخي ليه ماتضحك .. لايكون انت صاحب بيتزا هت ..مالت عليكم وعلى دمك . طوط طوط انقطع الخط ****المكالمه الثالثه : طفل يرفع الضغط الموظف : الو ..استعلامات الدليل خالد الــ......, مرحبا الطفل : الووووووو عطني رقم وشسمه ..هذا..وشسمه ياربي .. ايه ... حمود بادي فرج الموظف : طيب خذ رقمه الطفل : لحظه ابي رقم ثاني بعد . ابي رقم هذا وشسمه ... مانع فالح سامي الموظف : طيب خذ رقمه (ممنوع اكثر من اسم في مكالمه) الطفل : طيب ابي واحد ثاني هذا رقم ابو نادر عمي سعد . الموظف : اتصل مره ثانيه لانه ممنوع اكثر من رقم في اتصال واحد . الطفل : اقول وجع .. يوجع بطنك (الفاظ قبيحه).. ترى مالك فضل ... انا ماكلمك مجاني اكلم بريالي . الموظف : يخرج من طوره ( اقول اسمع ............. طوط طوط قفل الخط ****المكالمه الرابعه : كانت صوت ناعم الموظف : الو ..استعلامات الدليل خالد الــ......, مرحبا الصوت الناعم : عوافي اخوي . الموظف : الله يعافيكم يارب ........ ( اول مره احد يعطيه روح معنويه) الصوت الناعم : لا انا قصدي ابغى مطعم عوافي اللي في العليا . الموظف : طيب خوذي الرقم ****المكالمه الخامسه : كانت صوت ناعم اوي الموظف : الو ..استعلامات الدليل خالدالــ......, مرحبا الصوت الناعم : مرحبا اخوي ممكن تعطيني مستشفى العيون للولاده . الموظف : كيف .. الصوت الناعم : مستشفى العيون للولاده .. تسمع يا اصقه . الموظف : يبي يصرفها المكالمه مسجله طبعا ( هذا رقمه غير معلن ) . الصوت الناعم : طيب ظف وجهك . طوط طوط انقطع الخط . ****المكالمه السادسه : كان صوت ناعم.. بنت الموظف : الو ..استعلامات الدليل خالد الــ......, مرحبا الصوت الناعم : هلا اخوي ممكن تعطيني رقم صيدلية السقاف الموظف : تفضلي الرقم الصوت الناعم : لا لا لا هذا رقم صيدلية السقاف اللي في الروضه الموظف : طيب ايش فيها . الصوت الناعم : ماهي زينه ... مايبيعون الا فقس .. طوط طوط انقطع الخط . ****المكالمه السابعه : كانت فتاه ايضا الموظف : الو ..استعلامات الدليل خالدالــ......, مرحبا الفتاه : عيوني. الموظف : بلا هالكلام ايش تبغين ...............(عشان المكالمه مراقبه). الفتاه : لا انا ابي محل عيوني للعدسات والنظارات اللي في التحليه . الموظف : ايش اسمه عيوني. الفتاه : لا مو عيونك عيوني انا ياعيوني . الموظف : خوذي رقمه الفتاه : طيب شكرا لعيونك اللي كنها عيون بقره ...ه عندها بنات يضحكون . بعدها...........طلع الموظف من الدوام وهو مصاب بحالة من الهستره .... خخخخخخخخخخخخخخ........ :YkE04454: |
ههههه...... دوده متنحه ..... الله يعين موظف الاستعلامات ... بس انا اسمي خالد .... هههه الو.... طوط طوط انقطع الخط |
ههههههههههههههههههههه
حدا قاله يشتغل هيك شغلانه خاصه الناس مزاجيين جدا يعني بلا منها هالخدمه ويحطوا ارقام الناس بميدان عام |
ههههههههههه الله يرحمه كان طيب
مو اكيد مرارته انفقعت وجاله الضغط والسكر الله يرحمه |
مراحـــــــــــــــــــــــــــــــب خالد
لا لا لاتقطع الخط ايو ايوه تسمعني الحين خخخخخ الف شكر عالمرور الطيب |
الساعة الآن 09:15 PM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية