منتديات ليلاس - ~²؛؛²~ شروط التسجيل بأحد المنتديات ~²؛؛³~

السلام عليكم ورحمة الله وبركاته

هذى الشروط من احد المنتديات من المدير لأحد المواقع المشهورة فنيا" :YkE04454:
بعد ان جائته حالة من الطفش من كثر مشاكل الأعضاء والموقع وبحكم ميانتي علية اردت ان تشاركونى هذة البسمة :ekS05142: فقرؤا ماذا قال:::

لقد تغيرت شروط التسجيل في المنتدى ....وتم تغيير مسمى المنتديات لتواكب مرحلة ما بعد الحرب الباردة

اعرفوا الشروط زين....وافهموها....واللي ما يبي هالشروط جعل اصبيعاته اللي طقت على الكيبورد للكسر...ولو ما عليه كلافه يطق راسه بأقرب جدار....حنا ما نلعب....واللي يبينا حياه الله بيننا....فهمتوا ياالجحلط بما ان هذا الموقع موقعي لحالي لابارك الله فيكم وفي الساعة اللي فتحت لكم هالموقع....فاللي يبي يسجل معنا يوافق على الشروط من ورى خشمه ....والشروط هي...

1- اللي يسب اي واحد من الاعضاء نبي نجيه وبنربط حواجبه في صدامات الهايلكوس وبنروح ونطعس فيه بأقرب طعس...أنا قايلكم حنا ما نلعب

2- لما تكتب موضوع خل البقيه يجون ويتميلحون ويتهاوشون بس بحدود وخلهم يحشون براحتهم.....واللي بيقلبها سب...عز الله ان امه داعيه عليه...لاني ابحتريه وقت صلاة الفجر بالعجراء وابشخمط وجه وابخليه يغني اغنية...خروفي خروفي لابس بدله صوفي...له عينين واربع رجلين...من كثر ما امحطه بالعجراء.....وأنا قايلكم حنا ما نلعب

3- اللي بيخربط بالدين وإلا بالسياسه....هذا عذابه عذاب ابخليه يتخيل انه قرد ولا عمره ذاق موز....وابحجز له على اقرب رحله على طياره ترش الجراد وبطلع فيه على ارتفاع 50000 الف قدم وابجدعه على خوص نخله...علشان ما يتعودها وانا قايلكم حنا ما نلعب

4- انتم اعضاء لكم تكتبون بس....ولااحد فيكم يسوي لي فيه مراقب مانبي مراقبين.....فهمتوا وإلا افهمكم...

5- الساحه الرياضيه لكم ثنتين...واللي ماهو منتخباوى لايوطوط فيذاك ساحة ابو جدي وانا حر فيها ولا عندنا ديمقراطيه....ولا عمرنا سمعنا فيها وهي وشهي...هي الديمقراطيه حاجه تنوكل

6- ياويلك ويا سواد ليلك لو تعطي احد كلمة الضروس....الا عندي سؤال ليه سموها كلمة سر...ليه ما سموها كلمة خشم وإلا ضرس وإلا مصران احول قصدي اعور.....طبعا قايلكم ساحتنا وحنا حرين فيها

8- اللي بيسجل باسماء قبايل وعوايل...وإلا مخله بالادب....هذا بنوديه لأقرب شيخ وبنكويه...وبعدين بناخذه لأقرب قليب...وبنغطسه وبنطلعه...ونغطسه ونطلعه الين ماهي خلف الين مايقول....اشهد ان الددسن سياره...واشهد ان الاقلاع ما هو بالشطاره ولا بالمصاله.....الاقلاع فن يا هوووووه واشر لي بالمنديل يا هووووه قال انا ماشي....اقول لا تكثر بربستكم يا هوووه....وش هالمسكه الغلط.....انا قايلكم ما نلعب...

9- قريتوا الشروط........هاه عجبتكم....فهمتوها...طيب ما عندنا تسجيل هالايام....واللي يبي يسجل معنا يرسل لي ايميل على التليفون حقي اللي ماني ذاكره لكم...لان الدعوه عناد...واللي براسه حب ما انطحن....تراي ابطحنه له....واذا فيه خير يقابلني وين ما بغى عند الصمان وإلا ديراب وإلا بالشرقيه بحائل بالغزالة وإلا باي محل....

10- كلنا عيال قريه وكلن يعرف خيه...

11- مو قايلكم حنا ما نلعب

الان اسماء المنتديات بعد التعديل :-

* منتدى شخبط وخمبق ترى محد لمك.....المنتدى العام سابقا

* منتدى شاعر في المشمش......المنتدى الشعري سابقا

* منتدى مواضيع مهناش احد.....منتدى المواضيع الجاده سابقا

* منتدى معاهم معاهم عليهم عليهم....المنتدى الرياضي سابقا

* منتدى كن صديقي.....منتدى المواضيع المتميزه بالنسبه للبريد ان شاء الله في السنه الجايه زي هالحزه ما حنا حاطينه كخخخخخخخخخخخ....ماعندنا

بالنسبه للمحادثات....كان ودكم نسوي لنا طلعة بر على الطبيعه ازين... ملاحظه......

اللي بنكتشف انه رجال مشورب ويكتب بأسماء اناثي...وإلا اناثي تكتب باسماء رجاليه هذولي بنخلي خششهم كلمات متقاطعه يصعب حلها.....

موافق

غير موافق

وتقبلوا حبي وتقديري .. أختكم
نـــــانــــو