طرفة الببغاء
السلام عليكم ورحمة الله وبركاته
هذه طرفة اعجبتني وانقلها لكم تمنياتي لكم بالاستمتاع ********* كان فيه واحد " على نياته " .. جرّب يستثمر أمواله ! وكان عنده ببغاء يتكلم .. لكن مشكلة الببغاء .. إنه كل ما شاف راعيه قال : ياغبي .. يا غبي .. يا غبي ! .. راعيه ضاق صدره ... وقرر ياخذ الببغاء لمدرب الطيور علشان يعدّله ... : يا مدرب الطيور .. شف لك صرفة مع هذا الببغاء .. كل ما شافني فشلني عند الناس " غبي ، غبي " ! أبيك تدربه زين وتعدّل كلامه .. علشان يغيّر هالكلمات الي يرددها كل ما شافني قال المدرب : ما عليك .. خلّه عندي كم يوم .. ولما راح راعيه .. جاب المدرب " سطل " مويه حاااارة .. وحطه قدامه .. وسأل الببغاء .. : أنا مين ؟! قال الببغاء : أنت صديق الغبي ! .. وينزله المدرب في المويه الحاااره ثم يطلّعه .. ويسأله ... : أنا مين ؟ قال : أنت صديق الغبي .. وينزله في الموية مرة ثانية .. ثم يطلعه .. : أنا مين ؟ .. وعلى هالحال .. حتى تربى الببغاء وتسنّع .. أخيرا ... قال له المدرب .. : أنا مين ؟! قال الببغاء : أنت صديق أذكى واحد في العالم .. ويوم جا راعي الببغاء .. قال المدرب : تفضل اسأله ... قال راعي الببغاء .. : أنا مين ؟! قال الببغاء : أنت مين ؟! وهذا سؤال !! .. أنت الذكي .. إلا أنت أذكى واحد عرفته في حياتي ! قال له راعيه : .. طيّب .. وإذا لعبت بفلوسي على كيفي ؟! قال الببغاء : .. هذي فلوسك .. من عرق جبينك .. تسوي فيها اللي تبي .. قال : طيّب .. إذا دخّلت فلوسي عند " هابتكو " ؟! قال الببغاء : ممتاز .. حركة استثمارية في غاية الذكاء .. ومن أذكى واحد في العالم .. : طيّب .. وإذا دخلت فلوسي عند " الجمعة " ؟ .. : طبيعي .. تنويع استثماري .. من أذكى واحد في العالم ! : طيّب .. وإذا دخلت فلوسي عند " ابن حسن " ؟.. : ذكاء خارق .. وماشي مع الحكمة اللي تقول " لا تحط البيض في سلة واحدة " .. فعلا أذكى واحد في العالم ! : طيّب .. وإذا دخلت فلوسي عند " العيد " ؟ .. : عادي .. وزي ما يقولون " حشر مع الناس عيد " .. صحيح إنك أذكى واحد في العالم .. : .. طيّب .. وإذا دخلت فلوسي في الأسهم ؟! قال الببغاء : يا عمي هاااات الموية ! .. قايلّك هذا أغبى وأثور وأدبش واحد في العالم !! |
هههههههههههههههههههههههههههههه البغبغان طهق
|
هههههههههههههههههههههههههه
بصراحه البغبغان عنده حق |
ههههههههههه
الببغاء أذكى من صاحبه ههههههههههه |
ههههههههههههههههههه من جد حتى الحيوانات عارفه بالوضع والناس عادي مكملين الطريق للأسهم .. يسلمووو خيتوو
|
هههههههههههههههههههههههههههههههه
الله يعطيك العافية |
ههههههههههه
معاه حق الببغان يطفش الرجال باين غبي |
الساعة الآن 06:24 PM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية