|
ده شعب فقرى.........احمد فؤاد نجم!
دا شعب فقرى نظرا لأن النعمة فاقت حدها ولأننا مش قدها ولأن فعلا انجازاتك .. فوق طاقتنا نعدها ولأننا غرقنا في جمايل .. مستحيل حنردها نستحلفك ....... نسترحمك نستعطفك ....... نستكرمك ترحمنا من طلعة جنابك حبتين عايزين نجرب خلقة تانية ولو يومين اسمع بقى إحنا زهقنا من النعيم ونفسنا في يومين شقا عايزين نجرب الاضطهاد ونعوم ونغرق في الفساد بيني وبينك حضرتك دا شعب فقرى مايستحقش جنتك أنا عارْفُهْ شعب ماينفعوش إلا شارون وبلير وبوش عايز يجرب الامتهان ويعيش عميل للأمريكان بيمد "غازه" لإسرائيل ويومين كمان ويمد نيل أهو يعنى نشرب ميه واحدة ندوب في بعض ماء وماء وماء ونفض سيرة الانتماء وبلاها نعرة وطنطنة تبقى البلاد "مستوطنة" (متسلطنة بالسرطنة) إيه اللي خدناه م الكرامة والإباء حبة خطب وكلام...كلام إحنا راهننا على النظام ورضينا بخيار السلام بخيار حنسد عين الشمس بيه علشان مايطلعش النهار ويطلع لمين؟ حبة معارضة مغرضين؟ وحسب بيان السلطة .. شلة مأجورين؟ ياعم فضك سيرة وارضى بقسمتك دا شعب مش فاهم أكيد يالا اطرده من رحمتك وإن كنت غاوي الحكم .. خليك مطرحك حاغطس واقب وأعود .. بشعب يريحك راضى وعمره مايجرحك أخْرَس ومايسمعش وأعميلك عينيه مش كل قرش يبص فيه مايقولش لأه، وفين، وليه يضرب ينفض في السليم وعلى الصراط المستقيم كل اللي يعرف ينطقه عاش الزعيم يحيا الزعيم |
كلماااااااات في الصميم..........هيك حال كل الشعوب العربية الراضخة للهوان والذل : أهو يعنى نشرب ميه واحدة ندوب في بعض ماء وماء وماء ونفض سيرة الانتماء الله يرحمو شي اسمو انتماء ....الوطن والارض والعرض كل شي انباع وبارخص ثمن........ يسلموووووووووووووووووووووووو على هذا الاختيار المتميز فعلاا متميز |
كلامك تمام يا شجن
|
اخاطب الماضي هيا عد
فتعود أشباحه؟!! كيف للماضي ان يعود بعد أن ذهبت أفراحه هذا حالنا منذ ان بعنا الكرامه ذل وهوان وعطش للخيانه لكن سيكون مات الملك هي النهايه مشكور اخي على هالكلمات المعبره |
اقتباس:
كلامك جميل يا رودى شكرا على مرورك |
| الساعة الآن 03:35 AM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية