|
كنت أقرأ سلسلة المغامرين الخمسة، حين وجدت قصة وحش المحيط من سلسلة ملف المستقبل و أثارني غلافها فأخدتها، بعد ذلك أتبعتها بقصة قلب العاصفة لرجل المستحيل، و من يومها قرأت كل سلاسل روايات مصرية للجيب، لدرجة أني كنت أخبأ القصة وسط كتاب الدراسة متظاهرا أني أدرس، لكني فعليا كنت أمارس هوايتي في قراءة السلاسل المصرية، و انقطعت في الأعوام الأخيرة لعدم توافر الأعداد الجديدة في مدينتي طنجة بالمغرب، لكني منذ أشهر قليلة اكتشفت الروابات من جديد على النت، و آخر رواية قرأتها اليوم هي رواية تجربة مخيفة من سلسلة سلة الروايات، و كانت قصة مميزة جدا.
ما أحلى الذكريات فرغم أن إدماني على القراءة تسبب لي في الرسوب بالمدرسة :EWx04511: إلا أن أجمل ذكرياتي كانت و لا زالت مع روايات مصرية للجيب. |
السلام عليكم ورحمة الله
بجد شكرا اوى على الموضوع الجميل ده بالنسبه ليا ان بامانه مش فاكر اى عدد قراته الاول لانى قرات السلسله اكتر من مرة بس اللى فاكرة انى قراتها من سن خمس سنوات ومتستغربوش لانى كان خالى بيعلمنى القراءه من سن 3 سنوات وبصراحه كنت بكره الكتب بتاعه الاطفال اللى كان بيجيبهالى وفى يوم لقيت اخويا الكبير بيقرا القصه اللى شدنى الغلاف طبعا لانى ماعرفش حاجه عن القصص دى فخدتها بعد ماخلصا وقعدت يومين على ماخلصتها وفجاه اصبحت مدمن رجل المستحيل بقيت احوش من مصروفى واجيب واقرا لدرجه انى فى الاعدادى والثانوى كانوا بيخبوهم منى ايام الامتحانات كنت اشترى العدد الجديد واخبيه وسط الكتب اقراه وبعدين كده واحد زميلى هو اللى عرفنى على ملف المستقبل وبرده قراتها اكتر من مره وده لانى عشقت ادب المخابرات من رجل المستحيل اللى هيفضل عندى ن-1 بمعنى نمرة واحد وشكرا مره تانية على الذكريات الجميلة والسلام عليكم ورحمة الله وبركاته |
السلام عليكم الموضوع فعلا جميل انا بدأت مع روايات مصرية للجيب من حوالى سنتين او ثلاثة البداية كانت من خالى كان مدمن سلاسل روايات مصرية للجيب انا بحب القراءة جدا هية هوايتى فقلت اجرب و بدأت بسلسلة ملف المستقبل و رجل المستحيل بس عجبتنى أكتر ملف المستقبل عشان انا بطبعى بحب الخيال العلمى و من ساعتها انتقلت عدوى الادمان من خالى لى و من سنة او اكثر شوية عرفت ما وراء الطبيعة و حبيتها اوى و قرأت حوالى 95 % من روايات ملف المستقبل وما وراء الطبيعةو امتدت قراءتى لمعظم سلاسل روايات مصرية للجيب
|
بجد مش عارف أشكرك إزاى على الموضوع الجميل ده إنت فكرت الواحد بأيام جميلة كنت قربت أنساها تقريبا مع إندماجى الشديد فى قراءة الروايات كانت بدايتى مع روايات مصرية للجيب مختلفة نوعا ما عن كل ما قالوه إخوتنا عن نفسهم فقد كنت أساسا مدمن للقراءة منذ أن كان عندى10 سنوات ولكنى كنت أقرأ أغرب و أبعد نوع من الكتب لأحد أن يتصوره فى هذه السن فكنت أقرأ فى الأدب الروسى لتولستوى وتشيكوف وأقرأ لنجيب محفوظ ويوسف السباعى وغيرهم لأن والدى يملك مكتبة بها العديد من الكتب وخاصة فى الأدب الإنجليزى والروسى بالإضافة لبعض كتاب العرب.... وفى يوم وأنا فى الصف الثالث الإعدادى كنت أتحدث مع زميل لى حول الكتب والروايات وأخذ يقص على رواية فى سلسلة ما وراء الطبيعة فأعجبتنى وأتذكر أنها الجاثوم...وسألته عن أماكن بيعها فقال لى لا أعرف لأن قريب له هو الذى يشتريها .وبعد ذلك نسيتها تماما.. وفى نفس العام زرت معرض الكتاب الدولى وذهبت لصالة عرض المؤسسة العربية الحديثة وعندها تذكرت هذه الروايات وجذبتنى أغلفتها وأشتريت عددان هما لعنة الفرعون والشاحبين ولما قرأتهما أعجبت بهما وأنتظرت العام التالى لأذهب لمعرض الكتاب وأشترى روايات أكثر ثم أدمنتها وبعد ذلك تعرفت على سلسلة ملف المستقبل وسمهت عن شهرة رجل المستحيل التى غطت الآفاق ولكنى لم أكن حينها مقبل على قصص البوليسية والمخابرات...... ولم أكن أعرف حينها مدى الإقبال الشديد من الشباب فى مثل عمرى على هذه الروايات الرائعة حتى قابلت من سبقنى فى قرآتها من زملائى وتبادلنا القصص وعرفت عالم رجل المستحيل و أغرمت به .... وبعد ذلك تعرفت على باقى السلاسل وأحببت معظمها .... ولكن حتى الآن وقد مرت حوالى 6 سنوات على قراءة الروايات يظل المفضل لدى سلسلة ما وراء الطبيعة ورجل المستحيل وفانتازيا وملف المستقبل.. وشكرا لك مرة أخرى على هذا الموضوع الشيق |
أحكي لكم قصتي انا كمان بدأت أقرأ من و أنا عندي 7 سنين و البداية مع مجلدات ميكي كنا راجعين من رحلة لمصر و اشترينا قصص من كل الاشكال و بعد ما خلصت المجلدات كلها و زهقت منها بدأت أقرأ قصص المكتبة الخضراء لحد ما بقى عمري 9 او 10 سنين بعدها بدأت أقرأ قصص بوليسية للأولاد و طبعا كمان سنة خلصت الاعداد اللي عندي هههههههه و مافضلش غير رجل المستحيل اللي لسه ما مسكتش و لا عدد منها و كان والدي بيتابع الاعداد من اول ما تنزل و يشتريها طبعا جالي فضول اني أقرأها بقيت اول ما يشتري العدد آخده و آقراه حتى ساعات نتخانق مين اللي يقرأ العدد الاول ههههههه و بعدها بدأت أقرأ كوكتيل2000 و أحيانا سافاري و سلسلة س و ماوراء الطبيعة و كمان روايات عالمية للجيب |
| الساعة الآن 09:52 AM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية