كتب هذه القصيدة من فراش الموت
 

كتب هذه القصيدة من فراش الموت
يستعطف بها صديقه المخلص ليأخذ
بيد حبيبته من بعده خوفا عليها من الضياع
هكذا تكون التضحية والوفاء يامن شوهتم أسم الحب
وصاتي لك من بعـدي تمـوت فيهـا عشانـي
ابيها تعيش و تحيا بك واظـل بالذاكـره مفقـود
وصاتي لك تنسيها ملامـح وجهـي و تنسانـي
وتعزفها قصيدة حب على عكس اللي عزفته بعود
وصاتي لك تبعدهـا عـن اشعـاري وقيفانـي
تراها مغرمة بالحيل ويشهد لـي عـدد الـردود
وصاتي لك تسايرها تـرى فيهـا مـن احزانـي
طلبتك لايضيق بالك طلبتـك والطلـب مـردود
وصاتي لك تناديهـا حياتـي عمـري ازمانـي
انـا عودتهـا دايـم ادلعهـا وانــا مـوجـود
وصاتي لك تعاملهـا بطيبـه قلـب و احسانـي
تراها تـذرف الدمعـه ودمعتهـا بليٌـا حـدود
وصاتي لـك تحفظهـا سـور وآيـات قرآنـي
وتخبرها عـن الميـت رحـل لايمكنـه بيعـود
وصاتي لـك ترسمهـا علـى قبـري وأكفانـي
ابيها لوحة تبقى علـى طـول الزمـن محـدود
وصاتي لك تمازحها وتشوف الضحكة بأسنانـي
سعيتك ياضحك هالكون طلبتك لاتصير جلمـود
وصاتي لـك تقهويهـا مـن دلالـي و فنجالـي
تراها تعشق السمـرا ويكفيهـا دخـون العـود
وصاتي لك تركبها على خيلي و على حصانـي
وربي فارسة من قلـب شهـادة ماهـي لشهـود
وصاتي لـك تسفرهـا بـلاد الشـام و لبنانـي
ترى يحلالها تقطف ورده وردة من بلد الـورود
وصاتي لك تراقصهـا علـى الحـان رحبانـي
ترى فيها عرق خالة وفيها مـن جنـون السـود
وصاتـي لـك تحببهـا فأبونـورة بعـد هانـي
وتنسيها ندم غلطة انـا فيهـا تـرى المقصـود
وصاتي لك تكرهها فـي تاريخـي و عنوانـي
أبيها تلعن اللحظةوتلعـن كـل فـرح موعـود
وصاتي لك تكلمها عن المجنـي وعـن الجانـي
وتخليني انا الظالم وانـا مـن حـرق الاخـدود
وصاتـي لـك تشبهنـي بـدم أحمـر قـانـي
وانا هالقاتل السفاح مجرم مـن عصـر نمـرود
وصاتـي لـك تحلفهـا تتـوب تحبنـي ثانـي
ترى يكفيها ماعانـت ويكفـي حيلهـا مهـدود
وصاتـي لـك تنسيهـا وصيـة قالهـا لسانـي
أنا اخبرك رجل موقـف وانـت قدهـا وقـدود
صديقي مالقيت غيرك يعرف وشلـون تنسانـي
أمانه ضمها بقلبك ترى خالـد رحـل مايعـود
وبسلامتكم
اتمنى انها تعجبكم :7_5_131:

وااااو كلمات في منتهى الروعه و الحساسيه
من جد تبكيي
يا ليت يكون في الواقع شي مثل كذا او حتى قريب منو

شكرا سارو الله يعطيك العافيه يا رب

مشكورين
رياحين،و ميشو
والله يعطيكم العافية
ومن جد ليت فيه حب من هذا النوع في الواقع او على الاقل نصه
مشكورين على طلتكم الحلوة

مشكوره اختي على هذه القصيده الموثرة