رد: رواية (بين الماضي والحاظر ) للكاتبة(شغف)
 

👏🏼👏🏼👏🏼👏🏼👏🏼👏🏼👏🏼👏🏼

رد: رواية (بين الماضي والحاظر ) للكاتبة(شغف)
 

روايه بين الماضي والحاظر..

للكاتبة (شغف)

-/البارت الرابع و التسعون/-

(ادعو لوالدي برحمه والمغفره )

في ظلام الليل والصمت المهيب…
ذكريات تزورنا ونشغل بالنا ..
تجعل الماضي من الحاظر قريب…
وتستعيد قلوبنا قصة لنا…
قصة عشناها نظن فيها نصيب…
والحقيقة مات فيها حلمنا..

يوم جديد..

جمانه ترتسم على ملامحها علامات الصدمه/كيف كذا يكون عندك دوام وانا اخر من يعلم؟..

كانا عزام جالس على السرير مرتدي لبس الكابتن ومنحي ليغلق سحاب الحذا..

هتف بحزم/نسيت اقولك وبعدين تراها رحلة ذهاب واياب يعني على الساعه العشره باليل اكون موجود..

جمانه زفرت بغضب/انا ما يهمني يكون ذهاب واياب ولا رحلة كامله الاهم يكون عندي خبر كوني زوجتك وعايشه معك بنفس البيت..

ثم كملت زفرتها بتقصد/ولا مفكر نظامنا نفس اول يوم كنا زواج بسر تطلع وترجع بشور راسك لا عندك مره ولا مسوليه؟..

عزام يوقف وهو يعدل التشيرت على عضلات صدره ويهتف بحزم بالغ/جمانه بلا قرقره فاضيه البسي يلا احطك بيت اهلك بطريقي..

جمانه زفرت بحده لا تخلو من عنادها/ماني رايحه معك بجلس هنيه ولو طفشت كلمت منصور يجي ياخذني..

عزام عطاها نظرة ثم امرها بصرامة/قلت لك قدامي سرعه مستحيل اروح وخليك بشقه بروحك..

جمانه تكتف يديها وترص على الكلمه/ليش ان شاءالله الشقه لايكون مشبوهه وانا مادري؟..

عزام بصرامه اعمق/لا رجعت من الرحلة بالسلامه علمتك اذا الشقه مشبوهه ولالا والان قدامي يلا البسي عباتك..

جمانه زفرت بغيظ/كنت تقول اذا طلعت رحلات اخذك معي والان حتى ما علمتني ان عندك دوام؟..

عزام اقترب لها قرص خدها بخفه/اي قولي كذا من اول زعلانه عشان تبين تروحين معي بالرحلة؟..

جمانه تنظر به بعيني عاتبه/لا مو هذا السبب الاساسي يعني بالعقل زوجتك ماتدري ان عندك دوام؟..

عزام قبل جبينها بحب/اول شي والله اني نيست لاقول ثاني شي انا اكثر منك لهفه تكونين معي بالرحلة قدام عيني وقريبه من قلبي لكن نسيتي انك حامل؟..

جمانه خفتت بغيظ/طيب مو مشكله بمشيها الان بس بعدين تقول للي قبل دوامك بكم يوم..

عزام خفت بذات الحب/من عيوني بعدين انتي لا تكبرينها تراي متعود على العزوبيه اداوم ورجع احيانا حتى امي ماتدري بذات لاكن ذهاب واياب..

جمانه تهتف برقه/طيب انتظرني ببدل واجي..

عزام اتجه الباب/انتظرك بصاله يلا..
————————————————————-
مليحه تبتسم بموده من رات عزام يدخل البيت/حي ذا الصباح اللي يشرق علينا بشوفتك..

عزام اقترب لها باسم/قلبي ما يطاوعني اطلع رحلة قبل ماحب راسك يا بعد كل راس..

مليحه تتسع ابتسامتها وهو ينحنى من طوله مقبل راسها/صباح الله بالخير..

مليحه بود حنون/صباح الله بنور والسرور جيت بوقتك تريق معي انا وابوك..

عزام هتف بتسال/ليش ابوي مابعد راح الشركه؟..

مليحه بذات الود/هذا هو يلبس يتريق ويروح الله يحفظه ويحفظك..

عزام بتقدير خالص/بطلع اسلم عليه مابي اتاخر على الدوام..

مليحه هتفت بامومة/ريوق جاهز تريق بعده تروح..

عزام يمسك كفها ويقبلها بتقدير/عليكم بالعافيه انا اتريق بالمطار..

مليحه سالت باهتمام/جمانه وينها لايكون بشقه لحالها؟..

عزام بحزم هادئ وهو يتجه الدرج/لا حطيتها عند امها..

عند فهد كان ينسف شماغه ويبخ من عطره سمع صوت طرق على الباب/تفضل..

عزام يدخل ببتسامه/صباحك الله بالخير يا وجه الخير..

فهد ابتسم بموده/صباحك الله بالنور..

عزام قبل راسه/شلونك يا الغالي؟..

فهد بموده اعمق/طيب طاب حالك انتي شلونك وشلون مرتك؟..

عزام مازال يبتسم بروقان/طيبين الحمدلله..

فهد ينظر ملابسه ويهتف بتسال/اجل مداوم اليوم؟..

عزام بهدو/ايه والله رحلة ذهاب واياب مامن دوام..

فهد يوصي بابوه خالصه/الله يحفظك وانتبه لصلاتك ولنفسك..

عزام اشر على انفه باحترام/على هالخشم لا توصي حريص..

ثم ردف باحترام اعمق/تبي شي قبل اروح؟..

فهد هتف بثقل/ابي بس اوصيك بنفسك وبنت الناس تراها طلعت من ذمة اهلها لذمتك خاف الله فيها..

عزام عاد وقبل راسه للمره الثانيه/لا توصي حريص ويلا مع السلامه..
————————————————————
ماليزيا..

رشا تفتح عينيها بخدر مازالت تشعر بصداع وخمول استدارت لجهة عساف راته نايم بسكون..

قطبت بغرابه وهي تميل له وتمسح على شعر عارضه بطرف اناملها/عساف قلبي اصحى ليش نايم للحين؟..

عساف افتح عينيه بنعاس/هلا رشا شلون صرتي؟..

رشا خفتت بعفويه/زينه الحمدلله بس انت ليكون تعبان مو بعادتك تنام لذا الحزه؟..

عساف ينظر بها من قرب/كنت طول اليل سهران معك حتى نزلت حرارتك ونمت..

رشا ترفرف اهدابها/انا كنت حراره متى وكيف؟..

عساف ابتسم من حركاتها البريئه/متى البارح الساعه ثلاث الفجر كيف عاد الله العالم..

رشا تقبل انفه بحب/ ياروحي انت تعبت معي؟..

عساف يخلخل انامله بشعرها البندقي الناعم/تعبك راحه بس عاد لازم تنتبهين لنفسك عشان ماترجع لك الحراره..

رشا تستدير وتنظر سرير فهود باسمه/معقولة فهود بعد للحين نايم؟..

فهد ابتسم بحنو/صحى لعب شوي عطيته لهايه ونام..

رشا تضحك بعذوبه/حرام عليك عساف وهو كل ما صاح حطيت ذي الهايه بفمه؟..

عساف اتسعت ابتسامته/والله الحرام عليك انتي اللي وقت الحراره ما وصيتي عليه كل همك ما اعرس بعدك..

رشا فتحت فمها بدهشه/ليش وش قلت لك؟..

عساف يحضن راسها على صدره ضاحك/يا كثر ماتجبين العيد وقت الحراره علومك تهبل..

رشا خفتت بحرج شديد وهي مندسه بصدره/وش قلت لك امانه؟..

عساف تنهد بعمق/الا قولي وش اللي ما قلته رشا تدرين حرارتك البارح اهون علي من حرارتك ليلة زواجنا..

رشا رفعت راسها ونظرت به بصدمه/ليش ليلة زواجنا كنت حراره؟..

عساف مركز عينيه بعينيها بهيام/ايه كنتي حراره و اعترفتي بحبك للي ياويل قلبي مادري كيف ماجتني سكته ومت من تحت راسك؟..

رشا شعرت بحزن غريب/اعترفت بحبي كيف مافهمت؟..

عساف يعتدل جالس وعينيه مازالت تنظر عينيها/قلتي للي انك تحبيني ومحتفظه بشيلتك اللي فيها ريحة عطري وقلتي كلام كثير لكنه لذيذ..

رشا صدمــــــته بما فعلت وهي تقفز من حدود السرير بقهر شديد/كنت تدري بحبي لك كل الشهور بالندن و مافكرت ترحمني وش ذا الانانيه اللي عندك عساف؟..

عساف اتسعت عينيه صدمه اعمق/انتي وش قاعده تقولين؟..

رشا بذات القهر الموجع/هان عليك تدوس على قلب قريب لك عشان قلب بعيد عنك؟..

عساف نفض الفراش وقف بغضب/الحين انتي شفيك بضبط زعلتي من غير سبب؟..

رشا اتجهت الحمام وهي تكتم بكاها/ناس حقيره ماتحب الا نفسها..

قبل ان توصل الحمام عساف قبض ذراعها بشده غاضبه وادارها له/من الحقيــــــر؟؟..
—————————————————————-
جمانه بضيق شديد/طيب ما جلستي معه يمكن يكون في شي مضايقه ولا يقدر يقول..

العنود بهم عميق/عجزت عنه بس ساكت حتى الاكل والله اني اجبره عليه جبيره..

جمانه تطمنها وهي ليست اقل منها هما/لا تحاتين انا اتكلم معه لاصحى وشوف وش مضايقه..

العنود خفتت باهتمام/اتركينا من سند الحين وقولي للي شلون عزام معك عسى ربي هداه..

جمانه ابتسمت رغماً عنها/وليش هو اول كافر عشان يهتدي؟..

العنود ابتسمت كذالك/والله مادري عنه حركاته مالها تفسير..

جمانه بنبرة رقيقه/تطمني امورنا زينه نختلف شوي ونرضى من ساعتنا..

العنود بحنو خالص/الحمدلله هذا اهم شي اموركم زينه والباقي مقدور عليه..

جمانه تثاوب وهي تضع كفها على شفتيها/يومه بطلع انام بغرفتي واذا صحى سند صحيني بس انتبهي تقولين له اني ابيه اخاف يشرد..

العنود بذات الحنو/ابشري يامك والحين روحي ارتاحي..

جمانه وقفت هتفت بتسال وهي ترتدي حذا خفيف/الا ابوي ماجاكم اليوم؟..

العنود بزفرة خافته/لا خابرته يبي يسافر لمصر..

جمانه تنظر بها بثبات/لا هون البارح مرني سلم علي وقلت له لا تسافر ماهو وقته وسند بذا الحاله..

العنود بصدمه/وهون انتي متاكده؟..

جمانه بثقه/اي والله حتى كان يبي يحط جوازه عندي بس تلقينه الحين مشغول مع مرته ويجي شوي..

العنود هزت كتفيها بغرابه/مادري عنه بس حاسه انه مادرى عنا على العموم لا تنصدمين اذا هو سافر..

جمانه تتجه الدرج/جتني من الصدمات ما كفتني مارح تظر ذي بشي..

من بعد ما غادرة جمانه لغرفتها بنص ساعه انفتح الباب ودخل رواف هتف بهدو/صباح الخير..

العنود تنظر له بصدمه اعمق/صباح النور..

رواف يجلس بتسال/شفيك مطيره عيونك فيني لايكون بس مشتاقه للي؟..

العنود بجديه/لا بالله مستغربه وش غير رايك وانت تقول بتسافر؟..

رواف بحزم هادئ/ بنتك اللي غيرت رايي..

العنود ابتسمت براحه/قالت للي بس ما صدقتها زين انك ماكسرت فيها يا رواف ذي المره؟..

رواف هتف بحزم اقرب للفخر/ماهان علي كسرها وهي من تخاطر بنفسها عشاني بنتك شيخه يا العنود وغالي ثمنها..

العنود لم تفهم شيء/ليش وش هي مسويه عسى خير يارب؟..

رواف بذات التفاخر/خذت ورقة الدين اللي بيني وبين عزام وحرقتها وقالت له اعتبرها مهر للي بالله ذي تقدر تسويها كل الحريم؟..

العنود انتفضت بشده/يويلي متى سوتها زين ماقطع راسها؟..

رواف يطمنها بثقه/تطمني هذا الكلام صار من شهور بس هي ما علمتني الا البارح..

العنود تنهد براحه/الحمدلله اهم شي ماهو امس وقفت قلبي..

رواف ابتسم بتلاعب/بسم الله على قلبك..

العنود خجلت وهي تغير الموضوع/تبي شاي اصب لك؟..

رواف مازال يبتسم/وش ابي بالشاي وانتي قدام عيني؟..

العنود انتفضت بخجل اشد/يارجال اعقل وش جاك يوم سافرت مرتك عودت علي؟..

رواف ينهض و يقترب ويجلس جوارها/مرتي انتي وام عيالي و تحملتيني كل ها السنين مالي غنى عنك يالعنود مردي لك..

العنود بحرج من قربه/بعد شوي العيال موجودين..

رواف قطب/جمانه هنيه؟..

العنود تبعد عنه قليلا/ايه جابها عزام قبل يداوم..

رواف يقترب لها همس بعمق/تدرين العنود اني طلقت زكيه..

العنود ناظرته بصدمه/افا ليش يا رواف حرام عليك!..

رواف زفر بحده/بدل ما تفرحين اني عودت لك تقولين حرام عليك؟..

العنود هتفت برحمه/لاوالله مافرح بشر المره وش ذنبها تطلقها؟..

رواف تنهد بضيق/اكلتني بس تطلب فلوس افقرتني الله يفقرها..

العنود صمتت بشعور سعاده تخفيها عن رواف الذي قبل راسها معتذراً باسلوب غريب ليسا اسلوبه الاول؟..
—————————————————————-
رشا قبل ان توصل الحمام عساف قبض ذراعها بشده غاضبه وادارها له/من الحــــــقير؟؟..

هي ارتعبت من وجهه المتفجر بالحمار معبره عن شدت غضبه وهو مازال قابض ذراعها بذات الشدة..

حينها زفرت بغضب حتى تفرغ فيه الرعب الذي شعرت به/لا تمطط عيونك فيني كذا على بالك بخاف؟..

عساف يرص على اسنانه بتماسك/تكلمي من الحقير؟..

رشا بلعت العافيه وهي تصد وجها عنه/اذا قلت انت تبي تضربني واذا قلت زلة لسان بتفك يدي اللي خلعتها؟..

عساف اتجهت عينيه لذراعها العاريه راء جلدها الشفاف محمر بالفعل من قو قبضته عليها؟..

افلتها بخفه وهو ينظرها باحتقار ويتجاوزها لحمام غسل وجهه فرش اسنانه غير لبسه وخرج من الشقه..

يريد يفرغ طاقة غضبه برا لانه متاكد لو تم معها وهو على هذا الحال سوفا يفعل بها جريمه حقاً..

لايعلم لماذا هي تفسر حديثه العفوي بطريقتها الخاطئه تريد ان تبعده عنها ام تريد تقتله وترتاح؟..

عساف قضى نهاره كامل خارج الشقه حتى اتى وقت المغرب عاد من بعد ما طلب لها وجبتها المفضله..

يعلم بانها جيعانه ولم تاكل وهي غاضبه حتى ولو كانت الثلاجه مليانه من انواع الكورسان والفواكه..

عساف فتح الباب ودخل رق قلبه من منظرها وهي تجلس على الاريكه بالطول ظهرها تريحه على المتكى

ثانيه ركبتيها مسند لراس فهود الذي ممد على بطنها وجهه لوجهها فاتح عينيه ينظر رشا تلاعبه بشقاوه..

عساف ضع الوجبه على الطاولة وهو يهتف بحزم/هذا لك كولي عشان تشربين الدواء..

رشا لم ترد عليه ولم تنظر له كانت ومازالت عينيها تنظر فهود الذي يلعب بصوت طفولي..

عساف اتجه الغرفه بشعور ضيق خلع جاكيته علقها دخل الحمام ارتدى بجامته عاد الغرفه وتمدد بسرير..

حاول ينام تقلب يمينا يسارا لكنه لم يستطع اعتاد عليها هي وفهود بقربه لذالك اعتدل جالس..

اركى ظهره بظهر السرير ندا بصوت عال/رشا جيبي فهود للي..

دقايق ودخل رشا تحمل فهود مدته له بصمت عساف حضن ابنه وهو يقبله خديه برفق شديد..

رشا اتجهت الباب وقفها صوت عساف الحازم/كولي وجبتك وخذي دواك ضروري..

رشا كانت موجهته ظهرها هتفت بجمود/ان شاءالله..

ثم خرجت عساف سحب له نفسا عميقا ثم زفر بضيق شديد لا متى هاذي التعقيدات والمشاكل بينهما؟..
————————————————————-
بثينه تبتسم بخبث خافت/تدرين جواهر حملي انا وانتي جا بوقت مناسب مع عرس عيال فضيله..

جواهر تنحرها بخفوت/عيب عليك لا تسمعك خالتي..

بثينه تمدد على الاريكه براحه/خالتي خابره مافي القلوب ليش اخفي عنها..

جواهر هتفت بجديه/والله فضيلة تغيرت من وفاة عمي زيد الله يرحمه لسانها اشوى من اول؟..

بثينه تنهد بعمق/مالومها اول عمي زيد واقف معها بخير ولا بشر الله يسامحه بس..

جواهر بحنين/والله انه كان حنون لكن لسانه مثل اخته متبري منه..

بثينه بحزن/ما تجوز على الميت الا الرحمه ولا هو اكثر واحد جرحني كان صاف مع ولده على الخطا؟..

جواهر بجديه خافته/شي طبيعي بثينه حتى ابوي الله يرحمه ترا كان صاف معك وهو من شجعك على الطب..

بثينه تنهد بصوت مسموع/لو كان حي ويشوفني تخليت عن حلمه وحلمي بذا السهوله وش توقعين ردة فعله؟..

جواهر عطتها نظره/تخليتي عنه بذا السهوله؟..

بثينه هزت راسها بثقه/طبعاً ليش انتي تشوفين الموضوع سهل؟..

جواهر بحزم هادئ/لا تظلمين حظك بثينه تراك ماتنازلتي الا بعد طلعت الروح شيبتي براس كايد تسع سنين..

بثينه تنهدت بوجع/والله لو ماكنت احب كايد صدق ما كان تخليت عن الطب حتى ولو حكم علي اعدام..

جواهر تبتسم بلطف/يا عيني على الاعتراف الجرئ؟..

بثينه ابتسمت بذات الطف/هذا تسمينه جرئ اجل لو شفتي رومانسيتي معه بالغرفه وش تسمينها!..

جواهر انفجرت ضحكه/ما قول الا الله يعينه على ما بلاه وحده خبله ما براسها عقل..

بثينه ترقص حاجبيها باسمه/اهم شي عاجبته هو انتي مو ضروري اعجبك عندك حمدون يكفيك..

جواهر اتسعت عينيها باندهاش/من حمدون؟..

بثينه بروقان/ما غيرة ابو زيد عسى عمره طويل..

جواهر انفجرت ضحك مجدداً/يا ويلي لو سمعك حامد قسم يغسل شراعك غسيل..

بثينه تضحك بخبث/انتي وصلي له الكلام خلي يغسل شراعك نيابه عني..
—————————————————————-
تحياتي(شغف)..

تسلم أناملك ياجميله على البارت اللطيف 🩷🩷🩷🩷

رد: رواية (بين الماضي والحاظر ) للكاتبة(شغف)
 

:ttf4555::ttf4555::ttf4555:

رد: رواية (بين الماضي والحاظر ) للكاتبة(شغف)
 

عاشششت عاشششت 💃🏻💃🏻👏🏼👏🏼👏🏼

رد: رواية (بين الماضي والحاظر ) للكاتبة(شغف)
 

يسعد مساكم جميعاً باقي بارتين ونختم بين الماضي والحاضر..وهاليومين بنزل لكم بارت من روايتي الثالثه وبشوف اذا عليها تصويت استمر فيها..عطوني رايكم فيها ضروي كلكم ..اذا نزلتها عطيتكم خبر❤..

روايه بين الماضي والحاظر..

للكاتبة (شغف)

-/البارت الخامس و التسعون/-

(ادعو لوالدي برحمه والمغفره )

في ظلام الليل والصمت المهيب…
ذكريات تزورنا ونشغل بالنا ..
تجعل الماضي من الحاظر قريب…
وتستعيد قلوبنا قصة لنا…
قصة عشناها نظن فيها نصيب…
والحقيقة مات فيها حلمنا..

جمانه تطرق باب غرفة سند بخفه طلت عليه/ممكن ادخل؟..

سند نظر بها ثم نزل راسه بسرعه محرجه/تعالي جمانه..

جمانه تغلق الباب وتقدم له جلست جواره على السرير هتفت بهدو/شلونك شلون اختباراتك؟..

سند مازال منزل راسه/طيب الحمدلله وانتي؟..

جمانه تمد يدها لحنكة وترفع راسه وهي تخفت بعتاب/الرجال ماينزل راسه مهما كان وانت ارفع راسك سند..

سند ينظر بها بندم عميق/جمانه انا اسف والله ماكنت اقصد اضرك بس عزام لعب علي اغراني بالفلوس وو..

جمانه بمقاطعه حازمه/لا تكمل لاني مابي اعرف شي انت صح اخطيت سند معي لكن خذ درس بالمستقبل انك ما تضر الناس و تظلمها عشان فلوس ماهي دايمه..

سند نزلت دموعه/قسم بالله قلبي يوجعني جمانه عليك ودي انتقم لك بس ماقدرت صارت الضربه لعساف وهو ما يستاهل لانه وقف معي وحماني من الجميع يوم درو اني السبب بخطفك وبعدين مابلغ الشرطه ستر علي..

جمانه تحذره بحزم/اياك يا سند تسوي شي يضرك ويضر عزام تذكر انه ابو لولدي ولو صار فيه شي يتيتم وانا مابي هذا الشي يصير لاني ماراح اسامحك وقتها..

سند قطب بصدمه/يعني انتي الحين رجعتي لعزام برضاك ماحد غصبك؟..

جمانه زفرت بثقه/طبعاً ومرتاحه معه اذا تحبني ادع للي بالتوفيق وانت كمل حياتك لا توقفها على شان احد..

سند تنهد براحه/كنت متوقع انك مجبورة وانا للي كم يوم افكر كيف احررك..

جمانه تنظر به برجا عميق/تكفى مانبي مشاكل خلاص اشتغل بدراستك وخلني اعيش مابقى من عمري مرتاحه..

يند نهض قليلا وقبل راسها بموده/انا اسف جمانه على كل شي وعد راح اتغير وفكر بمستقبلي..

جمانه تبتسم بذات الموده/هذا اهم شي ما تدري يمكن اللي صار لك خيره تعرف كيف تعامل مع الحياة والناس..

سند هز راسه بتاكيد/صادقه والله تو احس عرفت اشياء كنت اجهلها احسب الناس كلهم قلوبهم نظيفه مثلنا ما يخططون على احد؟..

جمانه تنهض واقف استعداد للمغادرة/كنت غلطان الدنيا فيها الزين والشين الصح والخطا..

سند بتسال/وين بتروحين؟..

جمانه هتفت برقه/بتجهز عزام على وصول..

سند نهض واقف امامها/ عزام خلاص نسى السالفة لو اطلع عنده عادي ما يسوي للي شي؟..

جمانه هتفت بثقه عميقه/اي سند خلاص نساها انت بعد انسى وعيش حياتك..

سند ابتسم براحه اعمق/الحمدلله تو ارتحت شكرا على كلامك..

جمانه تتجه الباب/ لا شكر على واجب المهم انتبه لنفسك..
—————————————————————
ماليزيا..

رشا من بعد ما اكلت وجبتها الذي جاب عساف وخذت الدواء نومت فهود ومن ثم ارتدت بجامتها..

توضت وصلت وترها خففت الاضائه ودخلت الغرفه رات عساف مغلق عينيه الواضح بانه نايم..

اقتربت لجهتها من السرير تمددت وهي تلويه ظهرها ودمعه من عينها تنزل حاره موجعه من اقصى روحها..

تمنت بانه لم يبوح ويوجع قلبها الصغير بانه كان يعلم بحبها له وهو يتجاهلها وهي من تذوب في كل ليله له

لرائحة عطره الرجولي ودفى صدره الذي يحضنها به وهمسه الحاني وكفه الذي تمسد ظهرها مرارا وتكرارا

كانت تحاول تكتم مشاعرها من اجل كرامتها وهو عنده علم بذاك المشاعر المتضاربه لقربه وبعده؟..

رشا كانت تفكر بعالم الماضي حتى شعرت عساف يقترب لها جداً حتى لزق ظهرها بوسط صدره..

وذراعه واحده يدخلها تحت كتفها ويضمها بحنو والاخرى تطوق خصرها ويجذبها اليه بذات الحنو..

عساف قبل اذنها وهمس فيها معتذر/اسف اذا زعلتك لو اني مادري والله وش اللي زعلك مني بضبط..

رشا تهمس بعتاب/زعلني منك اشيا كثيره ماهو شي واحد..

عساف بتسال هامس/ممكن اعرفها؟..

رشا انحدر صوتها/كنت تدري اني احبك وتجاهلني تبعدني وتقربني على كيفك اخذ مشاعري لعبه يا عساف؟..

عساف بسكون عميق/هذا عيبك الوحيد تفسرين على كيفك قبل لا تتاكدين وتستفسرين مني..

ثم ردف بهمس اعمق/والله واللي انمى حبك بكل وريد ينبض بقلبي كنت مبادلك نفس المشاعر اول ما اختلط ريقي بريقك لكني عاقبت نفسي وانا اقاوم قربك مابي اضرك رشا لاني فعلا احبك..

رشا من بين شهقاتها/طيب ليش ما ريحت نفسك و ريحتني من ذا الشقى كله؟..

عساف يشد احتضانها بحنان/طيب لا تبكين عشان اقدر اتكلم معك دموعك تتعب قلبي..

رشا تمسح انفها بظاهر كفها/كنت تنومني بحضنك وتقول اعتبريني اب لك وانا من داخل اموت الف مره عشان اكون لك اقرب من البنت..

عساف قبل خدها ويده تمسد صدرها/رشا انتي صح مزيونه لكن يشهد الله اني حبيت روحك اكثر من زينك ولو يرجع فيني الزمان وعرفك من قبل لا ختارك باول وتالي..

رشا صمتت قليلا وهي ليست غبيه فهمت ماذا يقصد ان لو كان يعرفها من قبل سوفا يختارها على جمانه..

وتكون هي حب المراهقه وحب شبابه وحبه لاخر عمر
وهذا ما تريده انه ينسى جمانه ويحلق بهوا رشا فقط..

عساف ادراها كامله له وهو يبحر بملامحها/رضيتي ولا باقي؟..

رشا بوزت بزعل/لا باقي كيف تمد يدك علي وبعدين تطلع وتخليني انت جايبنا ماليزيا عشان تمشى بروحك؟..

عساف ابتسم بجاذبيه/اول شي انا مستحيل امد يدي على مره كيف عاد انتي طفلتي الحلوه ثاني شي انا طلعت عشان اهدا وانتي تهدين ونتفاهم بهدو نفس كذا بضبط..

رشا اشرت على عضدها/وهذا وش تسميه؟..

عساف ناظر في يدها الذي مازالت حمرا انحنى وقبلها بدفى خالص ومن ثم مسدها بكفه بحنان صافي..

هتف لها بحب/ما توقعت تصير كذا والله..

رشا ابتسمت بغنج/خلاص رضيت عليك..

عساف ابتسم بحب اعمق/اكيد رضيتي ولا ازيد عيار الاعتذار والحب عليك؟..

رشا تقبل انفه/والله رضيت والله..
—————————————————————-
الساعه الحادي عشر ليلاً..

جمانه ركبت السيارة وهي تزفر بغيظ/ليش مانزلت تسلم على امي تسال عنك؟..

عزام حرك السيارة من بعد ما امسك كفها الناعم بكفه شد عليها بدفئ/البنت الذربه لا جا رجلها من رحلة تقول الحمدلله على السلامه ماهو تهب بوجهه على طول..

جمانه بذات الغيظ/طيب الحمدلله على السلامه لكن امي تسال عنك ليش مانزلت..

عزام ياشر على ملابسه بحزم/انزل كذا توي جاي من الدوام وميت من التعب خلي ارتاح ومر عليها بي وقت..

جمانه تنظر فيه بصمت وقت ما كانت تحادث مع سند لم تعطيه فرصه بان يحكي لها عن تحيل عزام..

لا تريد ان تكرهه من بعد ما احبته كسرت فضولها الذي كان يريد ان يعرف تفاصيل القصه من سند..

والان اختارت ان تكون صورة عزام بعينيها جميله كما جمال وجهه الذي يذيب كل ضلع من ضلوعها..

عزام رفع كفها وقبل باطنها وهو يستنشق رائحتها العطره/اشتقت لك والله بالحيل..

جمانه بثبات/تشتاق لك العافيه..

عزام قبل باطن كفها للمره الثانيه/على الاقل اكذبي علي قولي وانا بعد..

جمانه بذات الثبات/ما اعرف اكذب..

عزام ناظر بها بنصف عين/هذا انتي تكذبين الحين كيف ماتعرفين؟..

جمانه تنظره بعينيها الناعسه من تحت النقاب/وش كذبت فيه؟..

عزام بثقه باسمه/تقولين ماعرف اكذب وانتي كذابه مشتاقه للي بس ماتبين تقولين؟..

جمانه هزت كتفيها بهدؤ/سبق وقلت لك مشكله الثقه لا صارت عميا..

عزام تنهد بعمق ثم زفر مغير الموضوع/جيعان بمر اخذ لنا عشا وش تبين ناخذ؟..

جمانه هتفت برقه وهي تسحب كفها من كفه بخفه/انا اكلت عند امي..

عزام سال بهتمام/وش اكلتي؟..

جمانه ابتسمت/مرقوق..

عزام ابتسم كذالك/يحليل امك من جيل الطيبين والله لو داري قلت خذي للي من طبخها..

جمانه هتفت بذرابة/ابشر المره الجايه اقول لها تسوي لك مرقوق عاد طبخها لا يعلى عليه..

عزام بخبث باسم/هي جت على طبخها وبس حتى خلفتها تاخذ العقل..

جمانه تضحك بنعومه/احد قالك من قبل انك عبيط؟..

عزام اتسعت ابتسامته/امي بس..

جمانه مازالت تضحك/ماكذبت هي ادرى فيك..

عزام وقف امام المطعم/بجيب للي ولك تمام؟..

جمانه اشرت بنفي التام/والله ماقدر معدتي ماتحمل..

عزام فتح الباب و نزل جمانه تنظر سيارته وقعت عينيها على صورة طفل شديد الوسامة امام التحكم..

كانت مركزه نظرها به وكانه ليس غريب عليها جذبها بكل تفاصيله حتى انفتح الباب وركب عزام وبيده وجبه

ضع البيبسي بالمكان المخصص للمشروب ثم اغلق بابه وناظر فيها/جبت لك ايسكريم يبرد على معتدك..

جمانه اشرت على الصورة الذي خذت قلبها/صورتك هاذي؟..

عزام قطب وهو ينظر ماكان ماشرت عليه رد بحزم/لا هذا عساف اخوي..

جمانه تمنت بانها لم تسال لكنها اخفت ندمها خلف نبرتها الواثقه/نسخه منك توقعته انت؟..

عزام حرك السياره بنبرة غريبه/فينا شبه من بعض كثير اخذين من ملامح امي..

جمانه ابتسمت بعذوبه/فعلاً انت نسخه من مليحه حتى نظراتك و تعابير وجهك وقت ماتتكلم..

عزام عطاها نظره حارقه/بلاها مليحه حاف كذا من باب الاحترام تسمينها خاله عمه..

جمانه ناظرته بثبات/صح كلامك لكن مابعد تعودت لاني اعرفها من قديم ونادي لها باسمها..

عزام اشر على الكيس/في ايسكريم داخل لك كولي قبل يميع..

جمانه تظهر الايسكريم وهي تهتف بهدو/ابي صورتك وانت صغير بشوف وجه ولدي قبل يجي..

عزام ابتسم بتلاعب/يازينه كان طلع علي لكن يا شينه لو طلع عليك..

جمانه اتسعت عينيها صدمة/يا سلام ليش ان شاءالله؟..

عزام بذات التلاعب/ولد ومزيون مثلك ماهي زينه له..

جمانه خزته بنظراتها/على بالي؟..

عزام هتف باعجاب من غير لا يشعر/ويل قلبي كان طلع زي ولد عساف ماشاءالله عليه مامر علي ورع بجماله..

جمانه كان بودها تقول ما ينلام الاب جميل والام جميله اكيد الانتاج بيكون مابين الاثنين..

لكنها هتفت باسمه/ماشاءالله تقوله امي شافته بزواجنا خذ قلبها..

عزام عض شفتيه السفليه بتلذذ/ياربي ودي اكله الله يخليه لاهله ماهو ولد منصور تقولين فريقي لا ومسمينه علي والكوبه..

جمانه من شدت الضحك شرقت بالايسكريم/كح احم كح احم..

عزام يضرب ظهرها بخفه وهو يوقف سيارته امام الشقه/بسم الله عليك شفيك؟؟..

جمانه مازالت منفجره بضحك/كله منك حرام عليك وش تبي بمنصور ومزنه ماسك عليهم..

عزام ابتسم وهو يفتح باب السياره/يبطون الكبد بالخير والشر تلقينهم متواجدين..

جمانه عادت تضحك/ياربي والله يهبلون بس انت ماعليك شرهه..

عزام بحب عميق/يا حلو الضحكه وراعيتها انزلي انزلي..
—————————————————————
بعد مرور شهر..

عساف ورشا عادو من السفر قبل سبوعين كانت من اجمل الايام سفرتهما لماليزيا ومن ثم تايلندا..

حقق لها عساف كل ماتمناه وهو يغرقها بالهدايا والحب والغزل والحنان وكانها عروس بشهر العسل

لاحد حب رشا كثر حب عساف لها ولا احد يحتاجها اكثر من حاجته لها ولاحد ينقبض قلبه خوفاً عليها..

كما ينقبض قلبه فهو ديماً يريدها تكون بخير لانه يعلم بان لا يتحمل شيء يؤذيها مهما كان بسيط..

رشا احبت عساف حب اعظم من حبه لانه رجل يتميز عن كثير من الرجال بصفاته وخلاقه..

اذا حاورته وجدته حكيماً..
واذا غضب منها كان حليماً..
وذا ظفر برزق كان كريماً..
واذا واعد اوفى ولو كان وعده عظيماً..

الوقت الحالي..

انتهت مراسم زواج طلال وعبدالله على خير رشا تدخل مع والدتها البيت وهي تان وتذم من التعب..

انتصار تجلس على الاريكه بذات التعب/هذا وانتي بس ترقصين ماسويتي شي؟..

رشا تنظر بها بدهشه/ماسويت شي الله يسامحك يومه وتجهيزات اللي للي سبوع اركض فيها وين راحت؟..

انتصار تبتسم بامومة/امزح معك يا زعول بس والله اليوم كل العيون عليك عسى ربي يحميك..

رشا تجلس جوارها وهي تريح ظهرها بظهر الاريكه هتفت بهدؤ/حتى اهل العروس يهبلون ماشاءالله..

انتصار سالت بتركيز/قصدك اهل مرت طلال ولا عبدالله؟؟..

رشا تخلع حذاها وترد على سوال والدتها/لا اقصد بنات عم عبير يهبلون..

انتصار باعجاب واضح/اي تقصدين بثينه وجواهر هذول حريم عيال عمها ماشاءالله عليهم جميلات و ذربات..

رشا تنظر والدتها باهتمام/مرت عزام ما حظرت هذا وعبدالله صديق زوجها الروح بالروح؟..

انتصار بحزم هادئ/يمكن تعبانه من الحمل وامها جت شفتها مع مزنه..

رشا تنهدت بعمق/سبحان الله يومه كلهم خطبوني من قبل عبدالله وطلال وتزوجو بليله وحده وانا رقصت على عرسهم؟..

انتصار ابتسمت بلطف/كلن ياخذ نصيبه ولا يسمعك عساف يعلمك الرقص كيف يكون..

رشا تضحك برقه/عاد هو خلقه معصب اني تركت فهود مع الخدامه بالبيت..

انتصار بامر حاني/اطلعي شوفي ولدك قبل يجي عساف ويزعل صدق..

رشا توقف وهي تحمل حذاها بيدها/ايه قبل انسى ترا بكرا بيطلعون كلهم للمزرعه امي مليحه وصت عليك ضروري تجين معنا..

انتصار بموده/ايه قالت للي قبل شوي وعساف بعد اصر علي باذن الله اني معكم..

رشا زفرت بضيق/توقعين جمانه واهلها معنا يطلعون؟..

انتصار هتفت بتاكيد/اكيد يامك ترا المزرعه لمنصور زوج بنتهم واخو العنود..
————————————————————

بثينه دخلت الشهر الثالث مازالت العلاقه بينها وبين كايد من احسن ماتكون هادئه رومانسيه حب متبادل

الحب الحقيقي كان ومازال مستمر بينهما منذا الطفوله الا هذا اليوم لم تغيره قساوة الحياة..

حب كايد لبثينة ليسا مجرد لمسة رقيقه وليس قبله عميقه و اشتباك ايادي وليسا كلمات توخذ من الاغاني

حبه لها احساس بقلب يخاف عليها يمنحها الابتسامه عند ماتذكر هي الماضي القاسي ينظر بها بحنو خالص.

يسكنها في جنة فؤاده جعلها تعيش اجمل الحضات احبها بحساس انها هي اهم شخص له في حياته كلها.

بثينه احبت كايد منذا ابصرت الحياة ولم يزول حبها يوماً حتى ولو كان بالماضي قاسيا معها وقاسياً عليها..

فهذا اصدق الحب عندما تحب انسانا ولا تعرف لماذا احببته وهديته قلبك واصبحت اسيرا له..

فهي تريد كايد معها حتى بالجنه هاذي الحياة قصيرة ولن تشبعها منه ومن قربه وحبه..

بالوقت الحالي..

كايد ينزل شماغه ويعلقها ومن ثم الكبكات والقلم خلعهم و وضعهم في سحبة التواليت بترتيب..

كانت بثينه تراقبه وهي تخلع اكسسوراتها يجذبها بتالقه وترتيبه بطوله وهيبته بغموضه و رجولته..

كايد هتف لها بحزم ولم ينتبه لمراقبتها/ترا بكرا حاجزنا شاليه بنسوي عشا للعرسان..

بثينه قطبت بغرابه/كانه بدري لو خليتهم يرتاحون وحنا بعد نرتاح بعد العرس؟..

كايد يخلع ثوبه هتف بذات الحزم/وراهم سفر بعد يومين مايمدي الوقت بعدين مخلد هو اللي اصر يكون بكرا..

بثينه ابتسمت بشفافية/اذا مخلد اللي يبي بكرا تم وحنا نقدر على زعله؟..

كايد نظرها بنصف عين/وانا للي الله عادي ازعل لكن مخلد ماتقدرين على زعله؟..

بثينه بحنو خالص/لا تلومني ترا مخلد هو من شالني عن الارض يوم طحت هو من ضفني بجناحه يوم غاب جناح امي وابوي..

كايد بتاثير عميق/انتي اخته يا بثينه ولا له فضل عليك هذا اقل شي يسويه لك؟..

بثينه بنبرة عميقه اقرب للحزن/لا يا كايد في بعض الاخوان ظالمين لخواتهم هو كان يبديني حتى على مرته وعياله..

كايد اقترب لها وعينيه تراقب عينيها الامعه/كانت مرته قاسيه معك؟..

بثينه تنهدت بوجع/شوي ماهو كثير بس انا ماكنت اقول لمخلد مابي اهدم بيته لاني ادري انه مايرضى علي ابد..

كايد مال من عليانة و قبل جبينها برجولة حانيه/وافيه يا بنت وافي ومخلد يستاهل التقدير عزالله ماقصر لا معك ولا معي..

بثينه تبتسم بحنين/كان حافظ الرفقه بينكم حتى لا طلبته نسافر يرفض احترام لك..

كايد تنهد بعمق/اتركينا من الماضي وعد لاعوضك عن كل شي راح..

بثينه توقف امامه ارتفعت على قدميها كي توصل طولة ثم قبلة انفه/مانت مقصر يا كايد حتى راتبي مازلت تحوله للي من راتبك وانا اشوف ماله داعي كل ذا اقل شي عطني نصه..

كايد يطوق خصرها بذراعيه/كلمه قلتها ماتراجع عنها وانا الله منعم علي رواتبي اول مخزونه بالصرافة ماعندي احد اصرفه..

بثينه تضحك بدلع/بس انا صفرتك سفريات وماركات وطلبات..

كايد ابتسم بحب/ فدو لراسك الراتب وراعي الراتب..
——————————————————-
ولو سالنا عزام عن الحب لا حدثنا كيف يحول شخص واحد فقط بنظره وحده فقط بكلمه وحده فقط..

حياة شخص اخر من العدم الى الوجود كيف وجود جمانه تعيد له رئتيه وملامحه وضحكته..

كيف تعيد له شعورة بالرغبه بالحياة اكثر حبها شيء اقرب لنفخ الروح واعمق من دقات القلب..

احب جمانه عشراً حب ثمان لها و واحده لضحكتها واخرى لصوتها اما عينيها فعجز الكلام عن الكلام..

جمانه بالبدايه كانت لا تريد عزام يعشقها بعينيه ربما تجد عينيه اجمل منها تريده يعشقها بقلبه فالقلوب لا تشابه ابداً..

لكن من تصرفاته وعشرته ثقة ثقه تامه بان عزام يحبها باكملها جمالها وروحها وعقلها وكل شيء يخصها..

وهي كذالك احبت عزام بمشاعرها الغريبه باهتمامها الغريب الذي يكون من بعيد تخشى ان يكشفها يوماً..

احبته بخوفها الباطن الذي يجعلها تضم اسمه بدعاها في كل ليل ثم تستكن بالنوم في قربه و رائحة عطره..

الشقة حالياً..

عزام فتح الباب ودخل مازال متالق بثوب والغترة وريحة العود الثمين الذي تسبقه وبين انامله مسباح

جمانه كانت متمدده على الاريكه بقميص ميد من القماش القطن بالون الرمادي الفاتح عاري الاكمام..

عزام اقترب هتف بهدؤ/مساء الخير..

جمانه تعتدل جالسه بنعومه/مساء النور شفيك تاخرت الساعه داخله على 1 معقولة ما خلص عرسهم؟..

عزام جلس جوارها ثم قبل خدها باسم/لا خالص من الساعه 11 بس طلعت الزفه اول مع عبدالله بعده مع طلال..

جمانه لا تعلم لماذا شعرت بالغيرة/وليش ان شاءالله تزف معهم مالهم اهل يزفونهم؟..

عزام رفع حاجبه بنظرة حاده/وانتي وش عليك وبعدين ترا طول الوقت افكر فيك مو مرتاح تجلسين بشقه لو رحتي بيت اهلي ولا اهلك..

جمانه تافف بضيق/طيب خذ للي بيت قريب منهم بدل ذا الموال كل مره حتى لو بتطلع الاستراحه قلت قومي اوديك بيت اهلك؟..

عزام ريح ظهره على الاريكه بثقل/وصيت واحد يدور للي بيت بنفس الحي قريب من اهلي..

جمانه تنظر ملامحه الوسيمة وهو كاشخ خفتت بتوجس/والزفه فيها حريم ولا بس رجال؟..

عزام ابتسم بخبث/غيرتك واضحه لو حاولتي تخبينها..

جمانه نفذ صبرها/طيب اعتبرها غيرة وجاوبني على قد السوال شفت عبير؟..

عزام اتسعت عينيه صدمة/انتي صاحيه وش شفتها وين حنا عايشن يوم ادخل على محارم الناس؟..

جمانه ندمت على تسرعها لكنها كابرت/مادري عنك يمكن مفكر انها للحين مرتك؟..

عزام زفر بحزم شديد/لا تطمني ادري انها طلعت من ذمتي من تسع شهور قبل الحادث وقبل الغيبوبه والحين دخلت ذمة صديقي والله يوفقها..

جمانه بتوجس غريب/تو انتبه طلال صديقك كيف عرفهم ليكون انت؟..

عزام رد على سؤالها بثقه/ايه جمعت راسين بالحلال..

جمانه كاد قلبها يوقف بالسعاده هذا دليل بانه لايريد عبير وليسا نادم عليها ويتمنى لها التوفيق حقاً؟..

عزام فتح ذراعه طوق كتفيها ثم قربها لصدره همس بعمق/جمانه انا كم مره قلت لك ترا قلبي خالي من الحب ولا هزتني انثى لا عربيه ولا اجنبيه غيرك انتي؟..

جمانه تنظر ملامحه من قرب همست له بذهول/عزام انت للي وانا مستحيل اتنازل عنك بعد ماخذتني بالقوه انا ابيك با اقوى..

عزام نبض قلبه سريع ليسا مصدق بانها تجاوبت معه وعبرت لو جزء عن مافي داخلها حتى لو كانت تخفي اكثر؟..

همس برجا رجولي خالص/تكفين جمانه قوليها ريحيني وريحي نفسك؟..

جمانه خفتت بقلل/اخاف اندم عليها؟..

عزام بنبرة عاتبه/للحين عندك شك فيني جمانه انا والله مستحيل اتخلى عنك لاني ماقدر اعيش من دونك؟..

جمانه نهضت واقفه بتهرب/احم بروح اشرب مويا تبي اجيب لك معي؟..

عزام هز راسه بياس/مابي شي..

جمانه تبتعد وهي تضع يدها على قلبها(كنت بجيب العيد ياربي ما خذت درس منه هذا واحد ماله امان غدار لا تصرحين بحبك يا مهبوله يستغلك؟)..
—————————————————————
تحياتي (شغف)..

رد: رواية (بين الماضي والحاظر ) للكاتبة(شغف)
 

❤‍🔥❤‍🔥❤‍🔥❤‍🔥❤‍🔥❤‍🔥
الله يغفر ويرحم والدك وموتانا وموتى المسلمين

بانتظار إبداعك 👍👍👍👍👍👍👍👍👍💕

رد: رواية (بين الماضي والحاظر ) للكاتبة(شغف)
 

صباح الخير..كيفكم؟..انتظروني بكرا باول بارت من روايتي الثالثه (زئير النمر لا يقتل الفريسه)راح انزل لكم بارت طويل وشوف ردودكم؟؟..و دمتم بخير..

…
..
.

روايه بين الماضي والحاظر..

للكاتبة (شغف)

-/البارت السادس و التسعون/-

(ادعو لوالدي برحمه والمغفره )

في ظلام الليل والصمت المهيب…
ذكريات تزورنا ونشغل بالنا ..
تجعل الماضي من الحاظر قريب…
وتستعيد قلوبنا قصة لنا…
قصة عشناها نظن فيها نصيب…
والحقيقة مات فيها حلمنا..

يوم جديد..

بعد صلاة الظهر..

مليحه تهتف بحزم شديد على الخدم/اكيد كل شي قلته جهزتوه ترا المزرعه برد خذيتم فرش لنا؟..

الخادمه الاولى/يس مدام كل شي انتي قول جاهز..

الخادمه الثانيه/مدام مزنه كلام جوال جهزي عزبه قهوه شاي..

مليحه ابتسم بمود/طيب وهي ليش ما تجهز بيتها على العموم سوي اللي تقول عليه مزنه..

فهد يدخل البيت لتو يعود من المسجد قطب من راء اكياس المفارش مرتبه بصاله/مشاءالله وش ذا كله انتم مسافرين ولا رايحن المزرعه؟..

مليحه بحنان ودي/خذيت فرش للعيال عن البرد اعرفهم ينسون لاجينا هنا كلن يطلب..

فهد ابتسم بذات الحنو/العيال ماهو صغار كلن عنده مره تاخذ له فراش خليك منهم..

مليحه تنهد بامومة/ماقدر يا فهد قلبي مايطاوعني مادري عن حريمهم وحده ورع ومعها ورع وحده حامل وتعبانه من الوحام وكلن بلشان بنفسه..

فهد اتسعت ابتسامته وهو يتجه للجلسه/عساك على القوه اجل اجهزو بنصلي العصر بالمزرعه..

مليحه تتبعه بتسال/ومنصور والعيال وينهم؟..

فهد يجلس بثقل/منصور تو كلمني يقول بيمر اخته ويطلع للمزرعه وعساف كلمني يقول نايم بيته هو واهله بياخذ عمته ونمشي سوى وعزام اتصل عليه مايرد وكاد نايم..

مليحه تهتف بهم/هذي والله البلشه من عزام يقول بمركم نروح على سياره وحده؟..

فهد يضحك بياس/وانتي معتمده عليه انا جهزت سيارتي ونروح فيها انا وانتي والخدم..

الساعه الثالثه قبل صلاً العصر..

كان الجميع بطريقهما للمزرعه باستثنا عزام وجمانه الذي مازالو نايمين لم يشعرون بالوقت..

سيارة :منصور برفقته سند بالمرتبه المجاوره والعنود ومزنه بالمرتبه الخلفيه مع جميله وعزام الصغير..

سيارة:فهد برفقته مليحه بالمرتبه المجاوره والخدم بالمرتبه الخلفيه مع الشنط والفرش والعزبه..

سيارة:عساف برفقته انتصار بالمرتبه الاماميه و رشا والخادمه بالمرتبه الخلفيه و فهود الصغير..
—————————————————————-
بثينه امام المراه تضع الماسكرا على اهدابها ثم تضع روج على شفتيها بالون الاورنج ذات لون جلابيتها الميد

المرصوصه با كرستال فضي وحذا واطي بالون الفضي شعرها البني كان استريت ناعم ومن الاطراف تكسير..

كايد يخرج من غرفة الملابس وهو يغلق ازرار ثوبه وينظر بها بعجاب حقيقي لفتت انتباهه بتميزها..

لون الاورنج مع لون شعرها البني وطريقت تسريحتها الناعمه و الميكب الهادي اسطوره بالوسامة والاناقه..

اقترب لها قبل عنقها ومن ثم قبله تتبع قبله حتى وصل اذنها همس بها/وش ذا الزين كله تتلين القلوب تل..

بثينه تبتسم وهي تميل راسها بدلع/وش ابي بالقلوب وقلبك معي انت تكفيني عن العالم ومافيه..

كايد ينظر انعكاس صورتها بالمراءه عض شفتيه السفليه بعنى انه ذاب من كلامها ونظراتها..

بثينه تضحك وهي تبتعد منه/يلا ترا حنا دايم اخر من يوصل وعاد جواهر تستلمي طقطقه انك السبب بتاخير..

كايد يبتسم وهو يحمل شماغه من المعلاق/وهي صادقه ماكذبت كل ماشوفك اذوب مكاني ونسى اشغالي..

بثينه ابتسمت كذالك وهي ترتدي عباتها/بنزل لخالتي انتظرك تحت..

كايد يعدل نسفة شماغه/يلا عشان نمر عمتي وناخذها معنا..

بطريقهما الى الشاليه..

سيارة كايد برفقته خزنه وبثينه وفضيله سيارة حامد برفقته جواهر و زيود وسيارة مخلد هو وغدير وابنائهم

سيارة عبدالله برفقته مريم وسيارة طلال برفقته عبير وسيارة صالح برفقته ام غدير وتم الوصول للجميع..
————————————————————-
جمانه لتو تفيق لتقفز جالسه وهي تحمل هاتفها وترا الوقت العصر لتتسع عينيها صدمه استدارت للخلف

لترا عزام غارق بنوم هزت كتفه بخفه/عزام قوم حنا العصر شوف جوالك اكيد اهلك متصلين عليك..

عزام يفتح عينيه بنعاس/كم الساعه؟..

جمانه بخفوت عذب/الساعه اربعه..

عزام اعتدل جالس وهو عاقد حاجبيه/وليش توك تصحيني؟..

جمانه بذات العذوبه/انا معك نايمه بقوم اتوضى واصلي وتجهز يلا قوم انت بعد..

عزام ينظر بها وهي تنهض وتتجه الحمام ثم اخذ هاتفه الموضوعه على الطاولة المجاوره لسرير..

راء عدد من المكالمات من والده ومنصور وعساف تنهد بضيق عميق كيف يسلم من كلامهما العاتب؟..

جمانه تخرج من الحمام وهي تجفف وجها بالفوطه صغيرة هتفت با استعجال/بسرعه قوم عشان يمدي نروح لهم قبل المغرب..

عزام وقف وتجاوزها للحمام لم يرد عليها ولم ينظر بها لتفهم جمانه بانه مازال زعلان من حركتها البارح..

من بعد ماصلى و ارتدى ثوبه حمل شنطة الذي جهزتها جمانه لهما لتغير واتجه لسيارة وهي تتبعه..

طول الطريق كان صامت وهي كذالك لم تفتح حوار حتى رن هاتفه وكان والده يسال وبلغه بانه بطريق..

وقف سيارته امام المزرعه حمل هاتفه ورن على منصور المرحب/حي الله ابو فهد وينك يا رجال ننتظرك؟..

عزام بحزم هادئ/ابقاك الله انا برا خل العامل يفتح البايكه بدخل سيارتي..

منصور بموده/حاظر الحين ارسله لكم..

انفتحت البايكه دخل عزام سيارته سند كان واقف يتكلم مع العامل من راء سيارة عزام شرد لداخل..

جمانه شعرت بالم عميقاً لتعلم بانه مازال خايف من عزام بذات انه لم يصادفه من بعد المشكله؟..

تنحنحت وخفتت بتردد/عزام ممكن اطلب منك شي؟..

عزام زفر بحده من غير لا ينظر بها/وش تبين؟..

جمانه زفرت بضيق/طيب طالعني تكلم معي عدل عشان اقدر اتكلم..

عزام ناظر بها بذات الحده/خلصيني تو طرت عليك الطلبات يوم وقفنا بالمزرعه؟..

جمانه خفتت بغيظ/طرت علي يوم شفت سند شرد عزام احذرك تبتعد عنه وتنسى اللي صار..

عزام غضب بالفعل منها/وتحذرين بعد اقول جمانه انزلي احسن لك تراي ماني طايق ولا كلمه منك..

جمانه زفرت بعصبيه/مانت طايق كلامي هذا شي راجع لك بس انا اقول عاد اذا ماتبي حياتنا تنهدم ابعد عن سند..

عزام اشر على الباب بصرامه/انزلي مدام النفس عليك طيبه..

جمانه تحمل شنطتها اليدويه وتفتح باب السياره وهي تزفر بطنازه/ماشوف نفس طيبة الا نفسك براس خشمك من صحيت..

عزام يقبض كفه بشده يحاول مجرد محاوله بان يتماسك وهو يراقبها حتى دخلت قسم النساء..

ثم نزل هو وداخل قسم الرجال ومثل ماتوقع استلموه بالعتاب والتحقيق لماذا التاخر هذا الوقت كله؟..
———————————————————
بالشاليه..

جواهر تميل لبثينة وتخفت بشبه ابتسامه/مرت اخونا علامها تقل هي العروس ماخلت زري مالبسته؟..

بثينه ترشف من فنجالها باسمه وهي تنظر في غدير الذي كاشخه حقاً من شدت فرحتها بزواج شقيقتها..

ردت على جواهر بذات الخفوت/على راسك ولا على الارض خليها تلبس مثل ماتبي..

جواهر مازالت تخفت بطنازة/اختها العروس انعم منها ما بالغت بكشختها..

بثينه تكتم ضحكها/انا ما موتني ضحك الا فضيلة جايبه مطبخها كامل شوفي ترامس القهوه والشاي وش كثر صافات تقل طابور مدرسي..

جواهر رغماً عنها ضحكت بقوه حتى لفتت انتباه الجميع هتفت بحرج/حسبي الله على بليس بثينه تقول ما شبعنا رقص البارح تدور الرقص..

فضيله تبتسم بسعاده لا توصف/باذن الله بعد ما نصلي المغرب نبي نشغل السماعه ونرقص و ندندن..

بثينه اتسعت عينيها وهي تزفر بخفوت/حسبي الله على ابليسك انا ناقصه صداع عشان دندن على راسي؟..

جواهر كاد تنفجر بضحك لكنها تكتم/لا وبتحط لنا سماعه عزالله استانسنا…

خزنه تنظر عبير ومريم بموده/شلونكم يا عرايسنا؟..

عبير تبتسم واضح على ملامحها السعاده/الحمدلله انتي شلونك يا عمه؟..

مريم بنعومه/الحمدلله طيبه..

فضيله تنظر بهما باسمه/لا واضح وجهن تبشر بالخير ماهو مثلنا اول لا عرسنا يقفلون علينا تقولين مسوين جريمه لو بنفرح ما يعطونا مجال..

ام غدير تضحك/يويلي من قرادة الحظ والبرقع ماينزل عن وجهنا عشان ماحد يشوفنا؟..

خزنه هتفت بحنين/يوه يزين ذيك السنين ليتها تعود بخيرها وشرها..

غدير بتدخل باسم/والله ماعليها حسافه حياتكم اول وش تبين فيها يا ام حامد؟..

خزنه بحنين اعمق/ الله العالم ليش ابيها يامك..

بثينه تخفت لجواهر بحزن/يوجعني كلامها ادري تقصد امي..

جواهر بذات الحزن/يا قلبي عليها عمري ماشفت اخت حبت اختها كثر خالتي خزنه..

بثينه تنظر بها من تحت اهدابها/وانتي فسرتي على كيفك يمكن اكون احبك اكثر من حبها لامي؟..

جواهر تبتسم بلطف/انتي حبك اقشر ماهو مثل حبها..

بثينه تبتسم كذالك/اوريك يا جوجو القشاره لا ولدت الحين مافي حيل عليك..
————————————————————-
المزرعه..

جمانه منذا دخلت سلمت على الجميع وهي مازالت بعباتها ومن ثم اتجهت مع مزنه للغرفه كي تجهز..

مزنه تجلس على السرير ببتسامه/شفيك ما تكشختي عزام اعجلك اكيد خابرته عجول؟..

جمانه واقفه امام المراءه تعدل شعرها بالفراشاه هتفت باسمه/هالمره ظلمتيه انا اللي اعجلتة عشان ما نتاخر عليكم..

مزنه بهتمام عميق/طمنيني على اوضاعكم كيف عزام معك؟..

جمانه تضع اخر لمسه من الميكب وهي ترسم الروج الحمي على شفتيها الصغيرة الممتلئه..

هتفت بخفوت هادئ/تقدرين تقولين مستقرين وشبه متفاهمين لكنه اليوم زعلان بدون سبب..

مزنه تنهض واقفه خفتت بركادة/ماعليه تحمليه جمانه ترا هو بعض المرات يتقلب مزاجه..

جمانه تنظر بها بتسال/وين رايحه انتظري لين اخلص وننزل مع بعض..

مزنه تستعجلها/اخلصي يلا بنروح عند رشا لحالها مع الحريم..

جمانه تعدل فستانها الاسود من عند الصدر ماسك والفتحه دائريه ومن البطن كلوش قليل لانها حامل..

جذابه بالاسود مع شعرها الاسود وبياض بشرتها وطول نحرها الموزع بعلامات واضحه من اثر قبلات عزام..

مزنه تبتسم بتقصد/اخوي ما يرتاح لين يترك بصماته هذا وهو زعلان اجل لو كان راضي ياكلك؟..

جمانه تبتسم محاولة تغطي نحرها بشعرها/ياربي وانتي مايطوفك شي ماشاءالله عيونك تخز حتى البعيد..

مزنه تضحك وهي تتجه الباب/تعالي يلا..

جمانه تتبعها نزلت لصاله لفت انتباها رشا جالسه موضعه رجل على رجل وامامها فهود بعربته..

كانت قمه بالانوثه والجاذبيه مرتديه فستان ميد بالون العشبي مفصل على جسدها حتى وصل الركبه..

ثم يبدا كلوش خفيف ساقيها زبده بالنعومه والبياض وعليها كعب بالون الاخضر شعرها البندقي مفتوح..

جمانه تقترب ببتسامه قاصده/وين فهود بسلم عليه عزام ميت خالص على خدوده..

انتصار تبتسم مجامله/مندس هو وخدوده بالعربه عن البرد..

مليحه تبتسم وهي تهتف لانتصار برقه/امس عزام يسالني يقول عسى بيجي معنا بالمزرعة تكفين يومه ابيه..

انتصار اتسعت ابتسامتها/الله يرزقه بواحد يشبه له..

جمانه انحنت لعربة فهود حملته بين يديها وقفت كانت تنظر ملامحه مدهوشه حقاً وسيم الطفل جداً..

في شبه من ملامح عساف وعزام والاغلب من رشا فيس وجها كما فيس وجهه طفولي جميل لذيذ..

جمانه قبلته بتروي/ماشاءالله يجنن ياربي تحفظه..

مزنه تضحك بمرح وهي تجلس على الاريكه/ماهو احسن من ولدي بس انتم عميان ما تشوفون..

جمانه تجلس جوار مزنه وفهود مازال معها عجزت ان تعيده للعربة لم تستطع مقاومه لذاذته..

رشا كانت تراقبها بصمت كان بودها تمنعها ان تحمله وتقبله لكنها لم تستطع ذالك امام الجميع..

لو كان وحدها ممكن ان تفعلها فهي في بعض الاحيان متهوره والغيرة تسيطر على تحكمها..

العنود تضحك وترد على كلام مزنه بتقدير/اي والله بسم الله عليه ولد منصور الزين والحلا كله..

مليحه تبتسم بثقل/ عسى الله كلن يخليه لاهله..

مزنه بزعل مرح/كانك تقصدين شي يومه؟..

انتصار تضحك بلطف/انتي تنبشين لين تجي على راسك..

مزنه تضحك بذات الطف/اجل اسكت احسن خلي ولدي يسلم من المدح والعيون؟..
——————————-——————————-
تحياتي(شغف)..

رد: رواية (بين الماضي والحاظر ) للكاتبة(شغف)
 

حبايبي نزلت بارت من روايتي الثالثه ابي كل وحده شجعتني تعطيني رايها لاني فعلاً فعلاً تعبت عليها🥺..

آهلًا ياجميله انا من الناس المعجبه باسلوبك القصصي واتمنى تستمرين فالكتابه ومتحمسه كثير لروايتك الجديده واللي واضح من عنوانها انها روعه ورهيبه ✨، لكن عندي سؤال روايتك الحاليه( بين الماضي والحاظر ) متى بتكتمل لاني ما افضل قراءة روايه وانا ماكملت اللي بيدي 🥹

رد: رواية (بين الماضي والحاظر ) للكاتبة(شغف)
 

روايه بين الماضي والحاظر..

للكاتبة (شغف)

-/البارت السابع و التسعون والاخير/-

(ادعو لوالدي برحمه والمغفره )

في ظلام الليل والصمت المهيب…
ذكريات تزورنا ونشغل بالنا ..
تجعل الماضي من الحاظر قريب…
وتستعيد قلوبنا قصة لنا…
قصة عشناها نظن فيها نصيب…
والحقيقة مات فيها حلمنا..


الشاليه..

الساعه الثامنة ليلاً..

مازال الرقص مستمر الكل سعيد بهاذي اليله حتى بثينه دخلت جو مع الشيلات كان بودها تقوم ترقص..

جواهر تضحك من راتها تهز رجلها وتصفق/كانك تحمستي؟..

بثينه تخفت لها باسمة/اي والله لو ماني حامل لا دندن مع فضيله..

جواهر زاد صوت ضحكها/يا بنت الحلال هدي لا يطيح ولدك ما نسلم من شر كايد عاد هو معضل حتى حامد ما يحرز فيه..

بثينه تبتسم بخبث/يوه فديته هو وعضلاته اللي لا لمني فيهن حسيت بدفى..

جواهر اتسعت عينيها بدهشه/لعنبو ذا الجرائه اللي عندك انتي ماتعرفين الحيا يا العوبا؟..

بثينه بذات الخبث الباسم/وانا وش قلت تراه زوجي وبعدين ماحد عندي الا انتي عادي تعلمي مني الرومانسيه..

جواهر تنظر بها من تحت اهدابها/ليش ماني ماليه عينك انتي و الرومانسيه اللي ذبحتينا فيها من حملتي ماسك عليها؟..

بثينه تاشر لها تسكت بنسجام/اص اص جت شيلتي اللي احب خليني انطرب لا تعكرين مزاجي..

جواهر تهز راسها باسمه/الحمدلله والشكر على نعمة العقل..

عبير رن هاتفها اتجهت للغرفه كي تكلم براحتها من بعد دقايق لحقت بها فضيله..

سالت بهتمام/عبير ليش جالسه هنيه بروحك؟..

عبير تبتسم بخجل/كنت اكلم طلال..

فضيله تجلس جوارها على الاريكه باسمه/هو اللي متصل عليك؟..

عبير هزت راسها بذات الخجل/ايه..

فضيله بحنو/وش يبي؟..

عبير احمر خديها/يقول مشتاق لك..

فضيله قبلة جبينها بذات الحنو/اهم شي انك سعيده معه؟..

عبير تنظر والدتها بسعادة حقاً/الحمدلله يومه ماتوقعته كذا طيب وحنون ربي اختاره للي من سابع سما..

فضيله دمعت عينيها/الحمدلله يارب والله انه اسعد يوم عندي حتى عبدالله تو كلمته مبسوط على مريم يقول حلوه وناعمه وطيبه..

عبير تنهد براحه/صبرنا والله عوضنا وانتي الله يخليك لنا يومه..
—————————————————————
بهذا الوقت بالمزرعه كانت صواعق تضرب بكل مكان برقها و رعدها يشق السما السودا بغيمها وليلها..

الارض امتلئت بماء المطر الذي نزل مفاجى والهوا الشديده تهز اوراق النخل يمينا ويسارا..

فهد واقف على باب المجلس يتمتم بدعا/اللهم اعطنا خيرها وكفنا شرها اللهم اجعلها تمر ولا تضر..

عزام ينادي والده بتقدير/يوبه تعال ارتاح لا يلفحك الهواء برد برا..

فهد اقترب لهما وهو يهتف بحزم/والله المطر قوي عسى الله يستر على نياقك يا منصور لا تغرق..

منصور بحزم هادئ/لا باذن الله ماعليهن الا العافيه بعيدات عن الشعيب..

عساف يبتسم بثقل/حنا اللي عسانا ما نغرق ولا النياق كيف الله فيها..

عزام ابتسم كذالك بخبث/لو تشاور منصور يغرق هو ولا نياقه والله يختار كلنا نغرق ونياق تسلم..

منصور ضحك بخبث مشابه/على الاقل وراهن فايده ناكل من لحمهن نشرب من حليبهن نبيعهن منهن ولا انت وخوك ما وراكم فايده..

عزام اتسعت عينيه صدمة/لعنو ذا الحيه اي والله تشبهني انا وخوي بنياقك؟..

عساف يضحك برجولة/نياقه اغلا حتى من عياله يشوف فيهن شي حنا مانشوفه..

منصور ابتسم بهدو/انت يا عساف مجرب غلا العيال ترا نياق فعلا بغلا عيالي اما عزام باقي ماجرب خل لين يجي فهد ولده ويعرف غلاها..

فهد ابتسم بثقل/عزام ولده فاهد على ابوي الله يرحمه..

عزام ابتسم بتقدير/تم ان جاني ولد تراك سميته فاهد..

عساف مال وخفت له بمكر/انا اقول ابو رواف احسن..

عزام انتفض بقرف/مابقى اللي ذي تخيل وجهي ينادوني ابو رواف؟..

عساف يكتم ضحكه/ماتدري لو المره تبي اسم ابوها..

عزام لا يعلم لماذا شعر بضيق فعلاً تخيل جمانه تعند تريد اسم والدها بواحد من ابنائها سوفا ينحرها حقاً..

فهد بتسال حازم/سند مختفي شوفو وينه لا يضيع بالمطر..

منصور كان سوفا يوقف لكن عزام كان اسرع منه وهو ياشر له/اجلس انا بروح اشوفه..

اتجه المجلس الثاني راء سند جالس وينظر المطر مع الشباك كان منظره محزن يعلم بانه يتهرب من وجوده

سند من را عزام دخل وقف برعب/هلا تبي شي؟..

عزام يتقرب له بحزم حاني/مابي شي بس جيت اتطمن عليك ليش جالس بروحك هنيه؟..

سند بلع ريقه/كنت بجي بس مادري..

عزام طبطب على كتفه بخفه وهو يهتف بذات الحزم الحاني/سند لا تجلس بروحك وتفكر باللي مضى خلك رجال وجلس مع الرجاجيل تراي انا نسيت السالفه وانت بعد انساها..

سند بعدم تصديق/يعني انت الحين خلاص سامحتني؟..

عزام ابتسم بهدو/سامحتك وانت بعد سامحني دخلتك بامور ماهن بعمرك ولا مستواك..

سند ابتسم براحه/انا سامحتك من زمان جمانه قالت للي سامحه وانسى لانك ابو ولدها ماتبي لك المضره..

عزام تنهد بعمق/يلا تعال معي بالمجلس نتقهوا شاي..
————————————————————
قسم النساء تجلس انتصار والعنود و مليحه بصاله المفتوحه على الحوش عينيهما على رش المطر الغزير

والبنات بالمجلس الداخلي كانت مزنه مشغوله مع ابنها تغير لبسه كي تدفيه ورشا مشغوله بفهود ترضعه

جمانه متمدده على الاريكه تراقب رشا من غير لاتشعر ملاحظه بانها تجاهلها لا تشارك بحواراتها؟..

ولم توجه لها كلام مباشر كانت انسانه غامضه امام جمانه لا تكلم عن حياتها ولا عن شيء يخص عساف..

مليحه دخلت عليهم وهي تهتف بحرص/رشا تر عساف يوصي عليك يقول لا تطلع بالمطر عشان ماتمرض..

رشا قطبت برائه/وينه عساف هنيه ولا راح؟..

مليحه بحزم حاني/لا راح بس يسال عنك اذا طلعتي بالحوش قلت له لا ماطلعت ويقول انتبهي لنفسك من البرد والبسي شي ثقيل..

مزنه هتفت بمرح باسم/طيب انا وجمانه ماحد وصى علينا وين رجالنا عنا؟..

مليحه ابتسمت بشفافية/لا الوصيه بس لرشا..

مزنه بذات المرح/ تذكري يومه اعصري مخك يمكن سالو عنا؟؟..

جمانه تضحك بغنج/رجالنا انا وانتي ودهم اننا نطلع ونمرض بيفتكون منا..

مليحه تتجه الباب بضحك/رجالكم بالمشب مادرو عنكم..

مزنه قطبت بغيظ تمثيلي/ياختي منصور خابرته عياله اهم مني لكن عزام غريبه ماوصى عليك خابره خواني حنونين..

جمانه زفرت بتقصد باسم/يا بنت الحلال انا وانتي عجز وش يبون فينا اما رشا ما ينلام فيها بنت بعز شبابها تسخط العقل..

مزنه انفجرت ضاحكه/حسبي الله على عدوك ماتو اللي يقولون تسخط العقل؟..

رشا لا تعلم لماذا شعرت بنصر من كلام جمانه بانها اصغر منها سنا وثنائها على جمالها بعجاب واضح..

جمانه فعلت ذالك قصد من اجل تحسن العلاقه بينهما لانها راحمتها حقاً بسبب الغيرة الواضحه؟..

فهي سبق ومرت بذات الشعور مع عزام من راته يخرج هو وعبير كانت ستموت بالفعل من شدت الغيرة..

فكيف برشا وهي تعلم عشق عساف لها من قبل لابد ان تحاول تبين لها ان عساف لا يعني لها شيء ابداً..

مزنه تنظر رشا بتمثيل/عطينا درس عن الحياة الزوجيه وكاد اخوي ماهو خايف عليك الا لانه لاقي عندك الساعده..

جمانه انفجرت ضاحكة/ههههه..

رشا ابتسمت بعذوبه/روحي اساليه انا مثلك ماعرف شي..

مزنه تغمز بعينها بتهديد مرح/اقول قولي لنا الصدق لا طلعك بالحوش الحين اخلي المطر ينفضك ونقول هي ماتفهم الكلام طلعت..

جمانه تنظر ملامح رشا الذي تضحك بجاذبية/ماعليك منها لا تعطينها شي تراها تعرف بس تستضعفك..

رشا لاول مره توجه الكلام لها مباشر/ادري انها تعرف اكبر دليل حيلتها تبي ترميني بالحوش وتقول عطينا نصائح هي اللي نبيها تنصحنا..

جمانه ترقص حاجبيها لمزنه/بنشكي لخوانك منك يفكونا من شرك..

مزنه بزفرة باسمة/انتي والله خبيثه تسوينها لكن رشا ماتوقع منها..

رشا تضحك بخبث/الا توقعي مني كل شي يا عمة ولدي العزيزة..

مزنه اتسعت عينيها/هب اتفقتن علي؟..

جمانه ورشا بضحك واحد/هههههه..
————————————————————
بجناح كايد وبثينه..

كايد تمدد على السرير خفت باهتمام/عسى انبسطو؟..

بثينه تبتسم وهي تحرك يدها على بطنها/اي والله بس ولدك ماخلاني ارقص براسي رقصه..

كايد ضع يده على يدها الذي تمسد بطنها/تصبري لين تولدين ورقصي مثل ماتبين..

بثينه بدلع جريئ/لا ولدت بهز لك خصري تراي رقاصه..

كايد ابتسم رغماً عنه/بلاها رقاصه هاذي..

بثينه تحك خدها بظافيرها بحرج/ماتصلح صح؟..

كايد مال وقبل خدها باسم/ياقلبي بثينه ماتدرين وش كثر اكون سعيد اذا صرتي هاديه كذا..

بثينه خفتت بخبث/قصدك فكيتك من المشاكل تطمن برجع بكل قوه انتظر لين اولد بس..

كايد يضحك بثقل/اوه افهم انك ناويه علي يعني؟..

بثينه تمسح شعر عارضه باطن كفها/ناويه اجننك اخليك تندم على السنين اللي طافت بعيد عني..

كايد قبل كفها القريبه من شفتيه/وانا الان اعترف لك والله اني نادم ضيعت سنين من عمري بعيد عنك احبك بثينه باخر نفس احبك باخر قطرة دم..
————————————————————
بالمزرعه..

توزع الجميع غرف من اختيارهم عساف ورشا غرفة تحت ومنصور ومزنه غرفة فوق وعزام وجمانه فوق..

مليحه وفهد كذالك فوق وانتصار والعنود بمجلس الحريم سند نام بالمشب..

غرفة عساف ورشا..

تمدد على السرير وهو يفتح ذراعية بحنو/تعالي رشا برد عليك..

رشا تندعس بحضنه وهي تقبل صدره/امك قالتك انك توصي علي ماطلع بالمطر؟..

عساف قبل جبينها بذات الحنو/اي والله يدي على قلبي عشان اخاف تطلعين وتمرضين اتصل عليك الخط ما يمسك..

رشا تنظر عينيه الواسعه من قرب/عساف تحبني؟..

عساف قطب ثوان ثم شد احتضانها بهمس/مفروض وحده مثلك ماتسال اذا احبها ولالا وهي متاكده من حبي لها..

رشا تقبل ذقنه/والله اني ادري انك تحبني بس لاقلتها احس بمتعه..

عساف قبل شفتيها بقوه ثم رفع وهمس بذوبان/احبك احبك احبك اقتنعتي؟..

رشا تضحك بدلع/وانا احبك اكثر من ماتحبني؟..

عساف بثقه/لا والله اني اكثر منك بكثير..
————————————————————-
غرفة عزام و جمانه..

عزام يفتح غطا الفراش وهو يزفر بحده/كنت ابي الغرفه تحت لكن نام فيها عساف ومرته..

جمانه تمدد من بعد ما خلعت روبها وهي تسال بتقصد/وليش مصر على الغرفه اللي تحت؟..

عزام تمدد جوارها خفت بشجن/بعيد اجمل ذكرى صارت بينا..

جمانه زفرت بوجع/قصدك اجمل ذكرى بنسبه لك على العموم زين مانمنا فيها..

عزام قطب وعينيه تنظر بها/لهدرجه كانت سيئه لك؟..

جمانه هزت راسها بثقه/طبعاً اذا انت ناسي اذكرك؟..

عزام تافف بضيق/لا تذكريني ولا اذكرك والحين قربي للي ليش نايمه باخر السرير ليكون باكلك بس؟..

جمانه تقترب له بغيظ/حتى وانت زعلان ماتنازل عن شي؟..

عزام طوق خصرها بذراعيه ثم قبل خدها بتروي/زين انك ملاحظه زعلي توقعت قلبك مات من ناحيتي؟..

جمانه بذات الغيظ/بس انت زعلت من دون سبب..

عزام خفت بعتاب عميق/الا بسبب اشوف الحب بعيونك وشاحه على كلمه تراي غني عنها يا جمانه ماني ميت من دونها..

جمانه رفعت حاجبيها بتعجب/ودامك غني عنها ليش مصر تسمعها؟..

عزام همس بنبرة عميقه من اعماق روحه/لاطلعت من قلبك ومن بين شفايفك مثل الثلجه اللي تميع و تطفى نار قلبي..

جمانه صمتت وعزام لم يضغط عليها نثر قبلاته على نحرها بتروي وهو يشد احتضانها مع كل قبلة..

جمانه فجرت كيانه بما قالت/عزام والله احبك..

عزام رفع راسه وناظر بها بصدمه واضحه/وش قلتي؟..

جمانه تبحر بعينيه من قرب/قلت احبك بس تكفى لا تكسرني تراي صرت ماقوى الكسر..

عزام ضمها بقوه هامس لها بحب صادق/وخيراً قلتيها وخيراً جمانه وعد لاجبرك و اللي تجرا على كسرك لاكسره..
————————————————————-
مرت خمس سنين على ابطالنا..

كايد وبثينه صار عندهم بنت ولد ترفه وافي والان حامل بشهر الثاني كايد حاول بها لا تحمل من اجل ينظم ابنائهم لكنها لم تستجيب له تريد اطفال وكانت تقول له (انت متاثر بالجانب تبي بس ثنين ونوقف وانا احب الاطفال ابي اجيب لك عشرة)وهو بالاخير يستسلم لايريد يضغط عليها لانه يعلم بانها فقدت والديه وتشتت اسرتها عاشت من غير عائله وتريد تكمل النقص الذي كان بداخلها باطفالها وتكون اسره جديده..
"""""""""""""""""""""""""""""""""""""
عساف ورشا نقلو عند انتصار في فلة عساف حملت بعد ماصار عمر فهد سنه جابت بنتين توام دارين و درر وقفت عن الحمل لا تريد ان تحمل حتى تكبر بناتها وعساف كان ومازال حنون عليها شايلها هي وابنائها على راسه حتى ولو انها غيورة تكبر وغيرتها تكبر معها وهو يكبر وحبه لها يكبر معه..
"""""""""""""""""""""""""""""""""""""""""""
عزام وجمانه اشترو فله جديد قريب بيت اهلهما اتاهم ولد اسماه عزام فاهد على جده والان جمانه حامل بشهر الثامن تحسنت العلاقه بينهما صار فيه تفاهم تعمق الحب والعشق جمانه عرفت كيف تكسب مليحه بذكائها وحسن تعاملها واحترامها حتى تقبلتها وعزام حاول يبتعد عن رواف من اجل جمانه لا يريد يوجعها كفايه مامرت فيه من ظلم وخذلان وهي تذكره بكل مره تقول له(اللي ما ترضاه على والديك لا ترضاه على والديني)..
""""""""""""""""""""""""""""""""""""""""""""
مزنه ومنصور لم يكن عندهم غير عزام وجميله والان هي حامل حياتهم متفاهمه..

حامد و جواهر جابت اخت لزيود اسمتها يا سمين وقفت تريد تنظم ابنائها حياتهم جميله..

طلال و عبير بداية زوجها لم تنجب تعالجت وجابت بنت حياتهم هادئه..

عبدالله ومريم عندهم ولدين وحياتهم مستقره..

مخلد وغدير جابت ولد ثالث اخ لفادي و وافي حياتهم سعيده..
———————————————————-
الحمد لله حتى يبلغ الحمد منتهاه…

(تمت بفضل من الله سبحانه)..

(وفي الختام)..

اسأل الله أن تكون رواياتي وكتابة قلمي شاهدة لي لا علي..

لا تنسوني من دعائكم انا و والدي..

تحياتي(شغف)..

رد: رواية (بين الماضي والحاظر ) للكاتبة(شغف)
 

الله يعفي عنا وعن والدينا

شكرا بحجم السماااء لاكمالها💓💓
كما عهدناكِ واستمررري💓

رد: رواية (بين الماضي والحاظر ) للكاتبة(شغف)
 

:55::110:شكرا على الرواية و إن شاء الله مزيد من التأللق

رد: رواية (بين الماضي والحاظر ) للكاتبة(شغف)
 

معقولة بنات بالمنتدى بس وحده اللي علقت على روايتي الثالثه واتباد كثير علقو وعطوني رايهم وصوتو انتم وينكم🥹؟؟

رد: رواية (بين الماضي والحاظر ) للكاتبة(شغف)
 

أهلا روايتك الثالثة رائعة و مشوقة من البداية إن شاء الله مزيد من التوفيق و نحن فيانتظار الأحداث بكل شزق

رد: رواية (بين الماضي والحاظر ) للكاتبة(شغف)
 

:55:عذرا على الأخطاء الكتابية نحن في انتظار الأحداث بكل شوق

رد: رواية (بين الماضي والحاظر ) للكاتبة(شغف)
 

ان شاء الله الحين بقراها شكلها حلوه

رد: رواية (بين الماضي والحاظر ) للكاتبة(شغف)
 

روواااااية جميييييلة ب ما تعنيه الكلمه
شششششششكراً على لطافة النهاية ❤❤❤💔

ودي اقرا روايتج الثانيه بس ما اعرف انتظر لما تكملينها
ان شاء لله اذا خلصتيها اقراءها
وانا متاكده انها ستكووووون راااائعة لانج انتي اللي كاتبتها ❤❤❤❤

رد: رواية (بين الماضي والحاظر ) للكاتبة(شغف)