منتديات ليلاس

منتديات ليلاس (https://www.liilas.com/vb3/)
-   مغامرات ليلاسية من وحي خيال الأعضاء (https://www.liilas.com/vb3/f736/)
-   -   خاطره شتويه💕 (https://www.liilas.com/vb3/t207942.html)

سلمي جمعة 20-02-21 07:50 PM

خاطره شتويه💕
 

+حبيبي طمّني عامل إيه ؟ أنا متدفيه اوي لابسه الروب الفرو بتاعي وعامله فنجان قهوه وطلعت علبة الإكلير من درج المطبخ اخدت كام واحده ، طبعا انت أكيد لسا في الشغل
-ايوا يا حبيبتي لسا في الشغل ادعيلي ويارب السنه الجايه تكوني مدفياني معاكي بالروب الفرو ده وبشرب قهوه من إيديكي الحلوين
+طيب معاك جاكيت ولا لا الجو برد أوي
-ايوا يا حبيبتي معايا الجاكيت الزيتي الانتي بتحبيه مدفّي نفسي بيه لحد م اشوفك وادفي نفسي في عيونك ♥️
ابتسمت وسكت ومعرفتش ارد بس كان قلبي واجعني عليه اوي ازاي برّه ومستحمل كل البرد ده
-حبيبتي لنا هقفل وهكلمك تاني لما اروح
+ماشي يا حبيبي مستنياك♥️
الوحيد الكلامه احب إليا من اي اغنيه لفيروز او ام كلثوم ، مزاجي اوي اشرب القهوه بالاكلير واشغل حاجه اسمعها ، بس كلامه دايما بيبقي احسن بالنسبه ليا من 100 اغنيه ! بسأل نفسي كتير اوي ازاي بيبقي قادر يحتويني كده !
شغلت البلاي ليست بتاعت الاغاني ومددت رجلي علي الكنبه والروب الفرو ملفوف حواليا ومدفيني وفي ايدي فنجان القهوه وطبق الكوكيز قدامي مالي البيت كله ريحه مخبوزات ودي الريحه القريبه من قلبي بعد ريحته طبعا !
اول اغنيه اشتغلت في البلاي ليست كانت لام كلثوم كانت بتقول جمله من اعظم الجمل القالتها في كل الاغاني ( اهرب من قلبي اروح علي فين ليالينا الحلوه في كل مكان ، مليناها حب إحنا الاتنين وملينا الدنيا امل ) ، بحب الاغنيه دي اوي وبحب الجمله دي بالذات بتفكرني بيه وبتخلي كل اوقاتنا الجميله تعدي من جديد قدام عنيه كده ♥️
خلصت الاغنيه وانا خلاص خلصت فنجان القهوه بعدها اخدت واحده كوكيز كان طعمها حلو اوي ,دابت في بوقي بنفس السرعه اللي دوبت بيها في عيونك العسلي .
اشتغلت الاغنيه التانيه وكانت واحده من اغانيا المفضله ، كل يوم الصبح بيحب يغنيهالي ، صوته مش حلو بس الكلمات بتطلع منه تدخل في قلبي !!!:)
كل يوم اصحي من النوم علي رنه موبايلي ارد الاقي نفس الجمله ( تدوم الضحكه دي ويدوم وجودك كل اول يوم لان الشمس مش بتقوم يا سلمي غير ما بتقومي ) ♥️
مين بعد الكام كلمه اللطيفه دول يقدر يزعل او يشيل هم حاجه ؟
التليفون بيرن
+الو ايوا يا حبيبي ايه خلصت ؟
- ايوا ومروح اهو وحشتينييي اوي
+عارف كنت بسمع ايه دلوقتي
-عارف
+ايه بقا
- ام كلثوم اكيد
+ ايوا فعلا وبعدها اشتغلت الاغنيه البتغنيهالي كل يوم الصبح
-تحبي اغنيهالك دلوقتي ؟
+ياريت💘
غني واول م خلص لقاني بعيط !
-ايه يا حبيبتي بتعيطي ليه !!!
+انت احسن حد في الدنيا
-صدقيني مفيش احسن منك ، انتي الدنيا كلها 💕
ضحكت ومسحت دموعي
+هجيبلك بكره اكلير معايا انا عارفه انك بتحبه
-وبحبك اكتر💕


الساعة الآن 11:58 AM.

Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية