|
رواية غرامك يالخفوق ذبحني هآت حضنك يحتويني
بسم الله الرحمن الرحيم السلام عليكم ورحمة الله وبركاته ، "ربِّ ادخلني مدخل صدق وأخرجني مخرج صدق وإجعل لي من لَدُنك سُلطانًا نصيرا " ، أقدم بين أيديكم روايتي "الثالثة" رواية غرامك يالخفوق ذبحني هآت حضنك يحتويني/بقلمي . "البــارت الأول " إنت حلمي واللي ذلتني الليالي لأجل أطوله وإنت يومي واللي دوخ عمري من لحظة وصوله من فراغ الدنيا أهرب وأنزل لنارك وأجيك وأنسى جنة فرحي وأجري للعنا مابين إيديك *نشوى جرار . * * بأحد افخم قصور مدينة الرياض ،بسيارتها البنتلي الفارهة لون أسود ،داخليتها بيج ، داخله مع بوابة القصر ،اللي مأخذه فيها فرّه* عالسريع بشوارع الرياض بعد ماخصلت كلاس في النادي... وقفت قدام المدخل الرئيسي ونزلت من السيارة ، بطولها الشامخ ونزلت عبايتها اعطتها العاملة ، وبانت تفاصيل جسمها الممشوق ومرسوم ،واضح اهتمامها بنفسها ،كانت لابسه لِبس رياضي من اديداس بلون بابيض بجزمة "انتم بكرامه بلنسياقا ،ونزلت نظارتها الشمسيه الطبّيه ، كآنت عيونها جذابه وساع وكحيله ماهي حاطه ولا نقطة ميك اب ماعدًا قلوس على خفيف على شفايفها المرسومة والمملؤه وواقي شمس وشعرها ناعم رافعته ذيل حصان طويل اطرافه لون كستنائي غامق .. راسمه على وجهها إبتسامة رضىٰ وهي تتأمل سيارتها اللي وصلت من اسبوع وما شبعت منها تاخذ كم لقطه بجوالها للذكرى وبرضى واضح عليها : كنتِ حلم لي وصرتي حقيقة الحمد لله ،هذا كله بفضل الله عسى الله يعطيني خيرك ويكفيني شرك يا بنتي المزيونه .. امها جايه كانت قِمة بالجمال نسخة بنتها اللي يشوفها يقول هذي اختها مو امها ، رغم عمرها بالأربعين لكن إهتمامها بنفس معطي نتيجة كانت ،شعرها قصير* لحد اكتافها وروج أحمر داكن ، كانت لابسه بلوزة* سوداء بأكمام طويله ناعمه وماسكه عالخصر بحزام من قوتشي على خصرها وتنوره من ڤيززاتشي* تكسير لنص الساق بكعب عالي* من* ڤالنتينو : حيَ الله بنتي شموخ شموخ كانت مركزه عالتصوير وناظرت بأمها: هلا فيك ماما ام شموخ : ماشاء الله ماشبعتي تصوير منها شموخ : لا يمه بنتي واحبها ولا ماكان انتظرتها هالسنين بعد تعبي الدراسي بكامبريدج ، ما استاهل الا الزين اللي يليق بتعبي وشقاي... ام شموخ : تزوجي وجيبي لنا بنت صدقيه موب ذي اللي مقابلتها 24 ساعة ، الى متى وانتِ سنقل ؟ شموخ ضاق صدرها من هالطاري : ماما حبيبتي وش قلنا عن الزواج ، قلت لكم ماراح اتزوج الا لما اخلص الدكتوراه .. ام شموخ حطت يدها على يدها الثانيه مصدومه : خييير ان شاء الله بعد بتقعدين سنقل عشان الدكتوراه ! لا بالله اعطيناك وجهه خلاص تزوجي وكملي مع زوجك شموخ بعناد : ومن قال لك بتزوج واكمل ماراح اتزوج الا لما اخلص وهذا شرطي وانتم عارفينه وش اللي غيركم علي* كنتم داعمين لي وهالحين صرتم ضدي عشان كلام الناس اللي لا يودي ولا يجيب ! جاها صوت من وراها التفتت عليه وهذا ابوها واضح عليه متغير وجهه من يوم ماطلعوا الرجال من عنده،* قال بحده وعيونه على شموخ : كلام امك يمشي ماراح تدرسين الا لما تتزوجين والعريس جاهز ودراستك جاهزه تبينها بلندن بامريكا بجهنّم اللي ودك فيه شموخ رمشت بعيونها : خيير بابا وش اللي غيرك علي ولا كلام الرجال أثّر فيك بعد ، بابا هذول كلهم حاسدين عشاني ماخذه اعلى المراتب بأرقى الجامعات وهذي ماهيب اول مره يسوونها بليز بابا لا تضغط علي ! ابو شموخ : ما اثر فيني ولا شي ، خلاص انتِ طول عمرك دراسه ماتجين الرياض الا قليل وهالحين تخرجتي من الماستر وقاعده تدوجين بالرياض بسيارتك اللي شاريها تروحين تعصين كلامي،وترفضين الزواج هذا جزاي ..! شموخ عضّت على شفايفها السفليه بهدواه : بابا حبيبي اسمعني زين ،كلامك لي على العين والراس بس مو وقته خل اخلص دراستي ، بلييز بابا افهمني.. ابو شموخ بتهديد : كلامي يمشي يا شموخ انتِ اللي افهمي وحطي كلامي براسك ، انا سكت عنك ورديت خطاطيب وشيوخ وامراء عشان دراستك الحين خلاص عمرك راح بالدراسه تقدرين تكملين بعد ما تتزوجين .. شموخ* بترجي: بابا واللي يعافيك وقفت على دراستي! ومن ذا العريس اللي جاي يتقدم حضرته ابو شموخ : ولد الشيخ مبارك ، جاي يتقدم لك* رجال والنعم فيه شموخ توسعت عيونها : بابا مالقيت غير ذا تزوجني اياه على كذا ما ابيه ،اقعد بالبيت احسن لي ولا اخذ هالأشكال ابو شموخ يتوعد فيها : اقعدي عارف انك بتخيسين في البيت وهاتي مفتاح سيارتك احلمي تدوجين فيها شموخ توسعت عيونها : بابا الا سيارتي ما اسمح لك تاخذها هذي بنتي خذ كل شي الا سيارتي ،ماما شوفي بابا قولي شي !! ام شموخ واقفه بصف ابوها : كلام ابوك يمشي* يا ماما تبين سيارتك ودراستك تزوجي ولد الشيخ مبارك .. ابوها يطالع فيها بإنتصار ، شموخ انقهرت وتجمعت دموعها بعيونها الآسره : هذا رايك يا ماما ، هيّن يصير خير ابو شموخ : هاتي المفتاح وروحي غرفتك شموخ تتأمل بسيارتها ومقهوره ماتهنت فيها ، صحيح عند ابوها سيارات بس هذي غيير سيارة احلامها ، ماتهنت فيها بسبب اصرار ابوها على الزواج ابوها .. حطت المفتاح بيد ابوها : الله يسامحك يا بابا .. ومشت ، ام شموخ حضنت ابو شموخ وحطت راسها على صدره وقالت : ادري حبيبي مايرضيك بس شوي شوي عليها موب كذا تصير قاسي توها راده من بريطانيا خل ننبسط فيها وتوسع صدرها هنا ... ابو شموخ* يمسح على راس زوجته : يا منور لو تعرفين وش يصير برا ماكان تقولين هالكلام ، الرجال اكلوني بنتك وبنتك ذبحوني بالسؤال عنها ، انا بنتي واعرف تربيتي لها لكن وش يفك بنتي من كلام الناس الا الزواج وهذا ولد الشيخ مبارك جاي يتقدم هي تزعل الحين وكلها كم يوم بتوافق عليه ان شاء الله ام شموخ بضيق : لاحول ولا قوة الا بالله متى هالناس تسد حلوقها عن بنتي ، ابيها تتزوج برضاها وتكون مبسوطه مو تغصبها ابو شموخ : والله ان تقدم لها احد غير هذ يا منور وكانت تبيه هي بنفسها والله لا ازوجها ، مير بنتك راسها يابس ماهمها الا الدراسه والشهادات ... ام شموخ ابتسمت : بعد روحي بنيتي اللي رافعه روسنا والله يا بو شموخ* الشهادة عز وشوف شموخ وين وصلت بسم الله عليها ماتبيها تكمّل ؟ ابو شموخ : انا ابيها تكمل بس تتزوج هذا اللي ابيه يا منور ام شموخ بتنهيده : الله ييسرها يا حبيبي ويهدي الشموخ ابو شموخ : آميين تعالي نجلس داخل راسي مصدع وابي ارتاح .. * * شموخ بغرفتها الكبيره تصميمها مُختلف جدًا ، تصميم قصرهم ، تعودت على تصاميم الغرب ، وغيرتها غرفتها بالكامل مثلهم لون ابيض ساده وحزام فوم عريض بالجدار، وشبابيك غرفتها طويله تفتح على بابين وستاره لون بُني غامق ساده ممتده من السقف الين الأرضيه، الأرضيه بباركيه بني غامق على شكل عظم السمكة (Chevron) وسريرها حق نفرين يتوسط الغرفة بلحاف لون ابيض من بجانبها مكتبة كُتب خاصه فيها ، ومكتبها طاوله رُخاميه مُستطيله وكرسي وإضاءة وكمبيوتر ، وجدار مكتبها معلقه كل شهاداتها وإنجازاتها فيها حتى الدورات والمؤتمرات الدوليه اللي حضرتها كل انجاز تنجزه على طول تعلقه بجدار .. داخلها غرفتها وبراسها شي لازم تسويه* : هذي نهايتها* اجل تبيني اتزوج ابشر من عيوووني يا بابا بجيب لك اطلّق عريس واسكت حلوق الناس عني* وبيعرفون شموخ حرم مييين ! عضّت على شفايفها السفليه وابتسمت : الحين وقت تنفيذ الخطة* " ب " والبادي اظلم .. طلعت من ورى مكتبة الكُتب ، ڤيجن بورد "لوحة الرؤية او الاهداف"* حاطه عنوان اعلى اللوحة "انا ذات حظّ عظيم " تعبتره كنزها الثمين ، كانت* مجمعة عِدتْ صور لأهدافها منها* شهادة الدكتوراه* غيرت مكانها وحطت بدالها صورة رجل وسيم* جدًا لابس شماغ وبشت، كاتبه تحت صورته " زوجي حبيبي" قبّلتها شموخ بكل حب : وه فديتك يا حبيبي وتتذكر اتصال صديقتها : الوو غيد غيد دوبها صاحيه من النوم وسألتها باختصار لانهت عارفه صديقتها تغير رايها عل آخر لحظه : هلا شموخي بتروحين للملكة ولا لا ؟! شموخ بابتسامه وبثقه : ايه بروح ولا مو عاجبك ! غيد صحصت : صدق والله حمااس وش اللي غيّر رايك ؟! شموخ برطمت : بابا رفض ادرس غير اتزوج وجاي عريس بيتقدم لي .. غيد توسعت عيونها وبحماس : يعني بتسوين اللي براسك ! منجدك صاحيه موب تقولين بعد ماتخلصين دراسه! ضحكت شموخ : ههههههههه غبيه انتِ اقولك بابا يبي زوجني وتقولين دراسه* ههههههه غيد بتافف : اوف منك عاد انتِ وخططك المهم متى تبين تروحين شموخ بثقه: اذا ودك الحين .. غيد قامت من سريرها : الحيين صاحيه انتِ مره بدري ؟! شموخ بثقه : اييه الحين موب تقولين امه بتحضر المِلْكه ثم تمشي لازم نروح بدري وعلى فكره مريني ابوي ساحب بنتي مقدر اروح .. غيد بإعجاب : عشتي والله شموخ تروح بدري هههههه ماعليك بمرك ، بس اسمعي شموخ : هلا وش عندك اخصلي بروح اتحمم واتجهز غيد : البسي شي ساتر ترى امه ماتحب التفصخ شموخ ضربت راسها على خفيف : ايه شلون نسيت ، يلا بااي قفلت جوالها مسرعه رايحه لغرفة الملابس تنقي لها فستان ،ومالقت غير فستان طويل اسود بأكمام طويله وعاري الظهر وفتحت درج المجوهرات واخذت بروش شانيل لؤلؤي وجهزتهم على المانيكان ، واخذت روب الحمام ودخلت وبعد ماخلصت اكتفت بتجفيف شعرها الطويله وخلصت الميك اب كان عباره عن آيشادو لون بيج مايل للغامق بلمعه خفيفه ، آيلاينر خفيف وماسكارابارزه كثافة رموشها الطبيعيه، بلاشر خفيف جدًا* وروج احمر غامق وحلق دائري متوسط* ،ابتسمت على لوكها النهائي برضىٰ مناكير لون اسود. ولبست فستانها الأسود ماسك على جسمها بشكل أنثوي جذاب وحذاء كعب عالي من مانولو بلانيك لون أحمر اخذت شنطة ديور يد ميني لون اسود ..وتبخرت من العود لبست عبايتها المزخرفه وطرحتها وتتبخر من العُود وغيد تتصل فيها ، ردت شموخ : جايتك نزلت بهدوء ، بعد ماحطت ستيكر على كومدينة امها مكتوب فيها " عن اذنك يمه رايحه للملكة صديقتي " وركبت سيارة غيد الرنج روفر : هاااااي غدوي غيد بإنبهار من شكلها : يممه ماشاء الله وش هالجماال اللي اشوفه بسم الله عليك ،وربي انك تستاهلينه ياغيد بس الله يعينك اذا ... قاطعتها شموخ بغرور: ماعلييك ما اكون انا شموخ اذا مو قد كلمتي يا غيد.. غيد تصير بنت عمها وبنفي الوقت صديقتها فيها شبه كبير من شموخ لكن شموخ ملامحها اوسم من غيد غيد تدعس عالبنزين* طلعت صوت السيارة: يلا مشيينا للحُب شموخ* تصفق بحماس : احلى من يكفخ والله قداااام بالطريق ماشيين لين دخلوا الحي ، هذا مو اي احد يدخله الا الهوامير ، وصلت لأحد القصور عند البوابه وقفها احد حراس القصر الملكي : عطيني اثباتك شموخ وغيد نفذوا اللي يبي ، وسجل أسمائهم ثم سلّمهم بطايقهم ، وسمح لهم بالدخول ، شموخ وغيد تنفسوا براحه ، غيد بحماس : مستعده شموخي شموخ مغصها بطنها ودها ترجع لكن هذا حلمها ولازم تحققه شموخ ترجع ثقتها بنفسها : ايه مستعده .. * الى هنا نتوقف "نهاية البارت الأول" لا تبخلوا بردودكم وتشجيعكم ، هذي فقط البدايه وحابه انوّه كل الاحداث والشخصيات الخ من وحي الخيال ولا تمت بالواقع بأي صله كانت ولكن أكيد ماراح نبعد عن واقعنا قِراءة مُمتعة |
رد: رواية غرامك يالخفوق ذبحني هآت حضنك يحتويني
مبروك روايتج الثالثه وباذن الله توصل لبر الامان
بدايه موفقه حبيبتي واضح شموخ وعنادها وشو مخططه له ابوها خيرها تتزوج ولا تقعد بالبيت بس ماظنتي شموخ بتقعد بالبيت وشو ناويه عليه هالشموخ ومنو هالرجل اللي حاطته براسها نشوف شو يستوي معها حبييت سردج ووصف بهاي البارت نتريااج اختي |
رد: رواية غرامك يالخفوق ذبحني هآت حضنك يحتويني
اقتباس:
ان شاء الله بيوضح البارت الجاي من هالعريس نورتيني وشرفتيني والله وعساني ما انحرم من هالطلّه |
رد: رواية غرامك يالخفوق ذبحني هآت حضنك يحتويني
السلام عليكم صباح / مساء الخير البارت الثاني إحتمال كبير راح ينزل بكرا بمشيئة الله تعالىٰ فكونوا بالقرب واتمنى الاقي التفاعل والتشجيع منكم واللي يدخل يكتب لو تعليق بسيط انا حريصه على قراءة كل رد في الروايه وشرفوتوني ونورتوني فكونوا بالقُرب |
رد: رواية غرامك يالخفوق ذبحني هآت حضنك يحتويني
بسم الله الرحمن الرحيم ، "ربِّ ادخلني مدخل صدق وأخرجني مخرج صدق وإجعل لي من لَدُنك سُلطانًا نصيرا" ، السلام عليكم ورحمة الله وبركاته أشكر كل من علّق ومن قرأ كذلك اسعدني تفاعلكم اللطيف وبإذن الله مستمرين معي واللي ماعلّق يشرفني فانا حريصه على كل حرف تكتبونه لو كلمة شُكر هذي بحد ذاتها تسعدني * "البـارت الثاني " رواية غرامك يالخفوق ذبحني هآت حضنك يحتويني/بقلمي . * ، لعينيكِ الجَمالُ يَذُوب وجداً ويشدُو الحُّب في أقْداسِ قُدسي كأنّ الصّمتَ لم يَشهد ذُهولي سِوى أطراقها وشجيّي هَمسِي *أحمد شَوقي. ، غيد تناظر شموخ بحماس : مستعده شموخي شموخ مغصها بطنها ودها ترجع لكن هذا جُزء من حلمها ولازم تحققه شموخ ترجع ثقتها بنفسها اخذت نفس قالت : ايه مستعده قبل لا تنزل حصّنت نفسها وحصّنت غِيْد معها ، فتح العامل لها باب السياره نزلت اول خطوه على الأرض وعيونها على القصر كبير أكبر من قصرهم ، وبالجهة الثانيه غِيْد نزلت وفاتحه فمها بذهول من المكان : ماشاء الله وش هالفخامه الملكيه تبارك الله .. قطع ذهولها ودهشتها العامل : لو سمحتِ طال عمرك ممكن مفتاح سيارتك .. غِيْد مدت له المفتاح وعيونها تقيم المكان: تتفضل .. شموخ سحبتها برفق وهمست بأذنها : بنت امشي بسرعه غِيْد مشت معها : طيب جايه .. دخلت القصر كان اشبهه بالخيال دخلت قصور كثير لكن مثل هذا ماقد شافت مثله ، عند قسم العبايات نزلوا عباياتهم وطلّعت شموخ من شطنتها عطر عطر شانيل كورومانديل بتركيبة البخور والبلسمينة والبتشول مع درجات الكهرمان اللاذعه والمُثيره ، وبخه سريعه على معصمها عند منطقة النبض غِيْد استخدمت عِطر لابانتير من زهرة القاردينيا مع المِسكْ الخالص ممزوج برائحة الفواكه ،استنشقت الريحه حست بإنتعاش وحيويه : امووت بهالعطر يجنن يسلم يد اللي سوّاه شموخ ناظرت فيها بخبث: تبين اعطيك من عطري ! غِيْد بعدت عنها : لا واللي يرحم والديك حقك شوي مركز لا تخربين علي .. شموخ بضحكه : هههههه امزح معك يلا مشينا عند تسريحة المدخل القت نظره اخيره لشكلها وابتسمت برضىٰ ومشت بخطوات واثقه لمكان الحفله ...كانت صالة استقبال كبيره ،وجابوا أشهر مُصممين قاعات الزفاف وحوّلوها لقاعه مُصغره كانت خيال وناعمه جدًا لأن الملكه فقط للأهل والأصدقاء استقبلوهم بحراره وباركوا لها على حصولها درجة الماجستير شموخ تسلم عليهم من اميرات وسيدات أعمال البعض متشوق يشوفها في الطبيعه ، لأن انجازاتها برا وصلت لهم كإمرأة ناجحه وطموحه لأبعد حد .. وحده من الحاضرات تمدح شموخ قالت : جميله ماشاء الله كامله والكامل لله، قمر بسم الله عليك يا بخت من ياخذك لفت عليها شموخ وبإبتسامه بانت فيها غمّازتها : الجميله عيونك حبيبتي .. انبسطت لما ردت عليها وقررت تعزمها على طاولتهم : حياكِ اجلسي عندنا نبي نتونس معك حنا من معجبينك شموخ تأشر على عيونها : شرف لي والله من عيوني يا قلبي عن اذنك بسلم وارجع لك ابتسمت وهزت راسها بالإيجاب : حياكِ اذنك معك ومشت خطوات جاذبيه بطولها الشامخ وحضورها الطاغي وبجانبها غِيْد* في الممر اللي يتوسط القاعة متجه لشخص مهم بالنسبه لها ، غِيْد تهمس بأذنها :شموخ فكري هي وين وانتِ وين شموخ عيونها تطل قدام وبثقه : انا قدّها يا غِيْد غِيْد حست بتوتر اخفته : بكيفك نبّهتك عاد عطر شموخ وصل قبلها ،مدت يدها تصافح سيدة وصاحبة هالمكان وراسمه على وجهها ابتسامه عذبه: السلام عليكم سمو الأميره معاكِ شموخ بنت ناصر الـ... سمو الأميره نجد مدت يدها تصافحها بإنبهار من جمالها وتتفصح شكلها* ولبسها الساتر وكبرت بشموخ بعينها ،وتهلّي فيها بحراره: هلا وعليكم السلام ..هلابك والله* شرفتينا ، هلا باللي رافعه روسنا ... شموخ استحت منها : هلابك زود وشرف كبيرلي والله طال عمرك .. الأميره نجد التفت تصافح غِيْد : وهلا فيك مين الكريمه ؟ غِيْد بإبتسامه تصافحها : معك غِيْد بنت عبد الله الـ.. الاميره نجد : هلا والله فيكِ والنعم ،شرفتينا يا بنت عبد الله غِيْد: ماعليك زود ، طال عمرك .. الأميره نجد ابتسمت بإعجاب واضح على ملامحها : بعدي والله انتم نورتونا انتم صديقات حفيدتي غِيْد : ايه طال عمرك ،عسى ربي يوفقها ويتمم لها على خير الأميره نجد عيونها على شموخ : الله يبارك فيكم ، والعقبى لكم ان شاء الله شموخ مافاتتها نظرتها ،وغِيْد : آميين .. الأميره نجد عيونها على شموخ : سمعت انك تخرجتي يا بنتي الف مبرووك وعقبال الأعلى ، بعدي والله ارفعي راسنا فيك شموخ ابتسمت بفخر: ايه تخرجت ، الله يبارك فيك وبإذن الله اكون عند* حسن ظنكم طال عمرك .. الأميره نجد : انتِ قدها وقدودها عاد كان خاطري اقابلك وجيتي عندي وشرفتينا والله شموخ : شرف كبير لي طال عمرك .. الأميره نجد تأشر لها تجلس : حياك تفضلي انتِ بنتنا ومنا انحرجت شموخ وعيونها على البنات اللي ينتظرونها غمزت لهم وعذروها و: يبارك فيك ،طال عمرك .. وجلست بجنبها وضيافهرخاصه لها وسوالف عن الدراسه وتجاربها وسفراتها ، وإنجازاتها الأميره نجد تستمع لها بإهتمام وإعجاب كبير لإنسانه الناجحه الكامله والكامل الله .. شموخ* طول وقتها مبتسمه والتفتت بشكل سريع عيونها تدور على حرمه، لكن ماتقدر تميزها بسبب انها في المقاعد الاولى من القاعه ، شموخ قامت واستأذنت منها : عن اذنك طال عمرك بروح اعدل الميك اب واجي الأميره اذنت لها وعيونها ما شالتها من شموخ الين غادرت القاعه وطاحت عينها على الحرمه وتغير وجهها... ، طلعت شموخ من القاعة ومعها غِيْد، شموخ بتأفف: عرفتيها ولا لاعجزت اشوفها من مكاني غِيْد تغمز لها : اقولك اتركي الحرمه عنك ، ماشفتي امه شلون تناظر فيك بإعجاب خلاص ضامنتك لولدها.. شموخ تدور بعيونها : ادري يا غِيْد لكن ضروري هالحرمه لازم اشوفها او تشوفني غِيْد بإقناع: حبيبتي امه تكفي مايحتاج تشوفك الخطابه حقته امه الحين وضمنتيها بتزوجك ولدها اكيد شموخ بتأفف : ادري يا غيد ماتفهمين انتِ ! لكن ابيها تشوفني غِيْد وعينها على ركن التصوير، خطرت ببالها فكره وسحبت شموخ لركن التصوير : تعاالي شموخ خل اصورك هناك شموخ بإستغراب : ليش هو فيه ركن تصوير هنا ؟! غِيْد تأشر على المكان: ايه تعالي اكيد هي بتكون هناك وبتصور ولا بتخلي احد العاملات يصورون عنها ، عاد انتِ تعرفين حركاتهم يلا تعالي اصورك بجوالي وانتِ خبيره مايحتاج اقول سوي شموخ أعجبتها الفِكره : والله موب هينه يا بنت الخاله يابختي فييك صدق من قال عنك داااههييه راحوا لركن التصوير وشموخ بخطواتها الواثقه ،بعض البنات كانوا ملتمين على منصة ركن التصوير ، استأذنت منهم دقايق تصور وماراح تطول ، رحبوا فيها ونظرات الإعجاب تلاحقها وقفت بالنص، وغِيْد تلقط لها كم صوره ، شموخ عندها خِبره بوضعيات التصوير ،كشخص يحضر مؤتمرات ولقاءات تعودت على هالشي ، ولمحت وحده من العاملات تصورها بالخفاء ثبتت عيونها الواسعه على العدسه وبنظره ساحره لقطت العامله الصوره ، ومنبره من جمالها قالت : ذي مودل ولا ايش* يممه تجنن!! من وين طلعت !! شموخ تغير وضعيتها واعطت غيد نصف ظهرها المكشوف ولمت نصف شعرها والنصف الثاني مغطي ظهرها وبنظره آسره ،وغِيْد تصورها والعامله مانزلت الكاميرا تلقط كل تحركاتها شموخ عدلت نفسها وبإبتسامه تأشر لغِيْد : يلا خلصنا جلسة تصوير وريني* اشوف غِيْد : موووت تهبلييين بسم الله عليك يممه كأنك مودل بالله صيري مودل واتركي عنك الدراسه شموخ بغرور : الا الدراسه ،لكن ماعندي مانع* اكون مودل بس مايستهويني كلش، انا ابي شي فووق فووق يا غِيْد ومايليق الا فيني ... غِيْد تناظر فيها : وان كان هالشي بيأذيك ؟!! شموخ اعطتها نظره ثم تطالع بالسماء بإستحقاق عالي لنفسها ثم ناظرت لغِيْد بثقه : واذا بيأذيني بحزن وقتها وبكون* احسن حال* ،لكن بتكون فرصتي اكبر يا غِيْد للي بوصله غِيْد بتنهيده :يعني مصره وعارفه العواقب وعارفه مصيرك مثل غيرك* يرضيك تكونين مثلهم وهم عارفين انه بيتركهم شوفي هذي سِهام جمال يمشي عالأرض آخرتها تركها ، وواضح قلبها مكسور تبين هالشي لنفسك يا شموخ ؟! شموخ أخفت ضيقها وتتصنع القوة: ايييه يرضيني يا غِيْد ولا حياتي اللي قضيتها بالدراسه ماراحت هباء منثور الا لما اخطي هالخطوه .. غِيْد التفتت لها: وهالخطوة وش بتكسبين من وراها ماغير السمعه وتجين مكسورة مثلهم،اصحي يا شموخ وشيليه من راسك لاتفتحين على نفسك باب صعب تقفلينه.. شموخ صدت وجهها عن غِيْد : مالك شغل ورجاءًا قفلي عن هالموضوع انا خالصه منه لك سنين تزنين علي وهذا قراري وانا راضيه فيه واتحمله غِيْد "والله راسك يابس " بإستسلام: براحتك انا نبّهتك وانتِ لك الحق تاخذين بكلامي او تتركينه مثل ماهو .. شموخ ضاق خلقها وتأففت : تعالي خلينا نروح نرقص احس اني انتفخت افف غِيْد تناظرها بنص عين : ليش ما عجبتك الحقيقة ! شموخ تجاهلتها ومشت قدامها ثم التفت : تعالي رقصي معي غِيْد دخلت جوالها بالشنطه ثم الحقتها .. ، * وصلت الفنّانه تحيّ الحفله بصوتها العَذب والفنان خلف الستار ،وانواع الترحيب والتصفيق لهم، شموخ تصفق بحرارة للفنان شكثر تحبّ تسمع له : ياااربي على هالصووت طررب غِيْد معها : شفتي شلون حظك حلو يا شموخي شموخ بدلع : لا شدعوه عاد انتِ اللي قلتِ لي احضر و زين اللي صار اليوم خلاني احضر غصبن عني ههههههه غِيْد : ههههههههه يمه منك ماينعرف لك والله وابتدت الأغنيه دويتو مع الفنان والفنانه ، كانت الاغنية شموخ وغِيْد يحبونها، قامت غِيْد بحماس : يلا تعالي اردحي .. شموخ بحياء : غِيْد والله استحي خلي غيري يرقص معك غِيْد بإصرار : قومي خلّي عنّك الدلع يلاا شموخ بعد اصرار غِيْد قامت ورقصت على أنغام اصواتهم العذبه وكيف لايقين مع بعض حتى احساسهم واحد .. شموخ تتمايل وترقص بنعومه مع غِيْد وتسحر بخيالها ولمحت عيون الأميره نجد اللي تناظرها بإعجاب ،ابتسمت شموخ لها ووطلبتها تجي ترقص : طال عمرك تعالي ارقصي معانا .. الاميره نجد انحرجت : لا حبيبتي كملي انتِ رقصي شموخ بنظره شفقه : طلبتك لا ترديني انتِ بسم الله عليك شباب وماتبين ترقصين ؟ ! الاميره نجد ماحبت تردها وقامت : لعيونك والله ولا انا ما ارقص بس دام بنت ناصر طلبتي تستاهل نلبي طلبها شموخ تشقتت من الوناسه وباست جبينها : تسلم عيونك والله ورقصت عالخفيف معها والاميره نجد تصفق لها ، ووحده من الحضور كانت قِمّة من الجمال عيونها مانزلتها من شموخ وتضحك بسخريه : هههههه مسكيينه والله ،واضح ناويه على ولدها شوفي مادرت انه ياخذها ويتركها مثلي مثل غيري خل تعيش وتاكلها اللي بجنبها تضحك معها ثم التفتت على شموخ : يووه يا سهام ماشفتيها قبل شوي وش سوت فاتك نص عمرك .. التفت سهام : وش سوت يا شهد ؟! شهد ارخت صوتها وعيونها على غِيْد : صديقتها اللي معها قعدت تاخذ لها كم صوره ، ووحده من عاملات الخطابه تصورها والبنت ماخذها راحتها بوضعيات التصوير هههههههه سهام حطت يدها على فمها : هههههههه حرام اجل ناوين على الصيده الجديده ، صدقيني ما اكون سهام ان ما طلّقها شهد : وانتِ الصادقه ، خل تعيش وتاكل غيرها ههههههههه لوتكمل دارستها ابرك لها من هاللي ناويه عليه سهام بشفقه : يكون الله في عوونها ههههههه ، بعد مارقصت شموخ وغِيْد ،اثنت عليهم ومدحتهم الاميره نجد واعجابهم برقصهم ، قربت لعندها الاميره نجد : حبيبتي شموخ شموخ نزلت كوب الماء على الطاوله وعيونها بعيون الاميره نجد بإهتمام : سمّي طال عمرك الاميره نجد مدت جوالها لشموخ : سمّ الله عدوك حبيبتي ، اذا تسمحين ممكن رقم امك .. شموخ بكل إبتسامه ،اخذت الجوال بيدها* : ابشري من عيوني ماطلبتي شي طال عمرك الاميره نجد : يبشرك بالخير وتسلم عيونك حبيبتي .. شموخ مدت لها الجوال : تسلم عيونك هذا هو رقم ماما نورة الاميره نجد : الله بحفظها لك شموخ : آمين .. قامت الآميره نجد وودعت شموخ وغِيْد واتجهت لحفيدتها تودعها قبل لا تسافر ومشت بدري ،ولا تحضر الزّفه ، حان وقت زفّة حفيدة الآميره نجد كانت حفلة مِلْكه وبنفس الوقت زواج ،بناء على طلب الأميره نجد بسبب اجتماعاتها ملكة وزواج الآميره هنوف على رجل الآعمال فهد الـ... تقدمت الآميره هنوف وبجانبها خالها "عُمر"شخص حضوره طاغي على المكان وهيبته ووسامته وطوله وعليه بشت أسود ماسك يد بنت اخته ويمشي على أنغام الزفه يوصلها للمنصه، شموخ حاطه اللثمه عيونها مانزلتها من عيونه اللي تعلقت فيها كانت عيونه كحيله* ونظراته حادّه وحواجبه كثيفه ومرسومه وشفايفه محدده وتقاسيم وجهه جذّابه ، معروف عنه وسيم العائله خالها عُمر ولد الآميره نجد من زوجها الثاني برّا عايلتها، ولا يُلقب بأمير كون انه تابع لأبوه ،وابوه توّفىٰ بمرض بسبب كبر سنّه ..وماعندها ولد غير عُمر وحيدها* أما بنتها توّفت مع ابوها زوجها الأولي بحادث سياره في لندن ... سهام كانت نظراتها كرهه كبير له ،مجروحه منه شكثر حبّته لكن هو طلّقها كسابقاتها ، تمّنت انها ما اخذته اغراها العِز والمال والسمعه لكن صارت مثل غيرها يتركها بلا سبب يذكر قامت من مكانها : الله يسامحك يا عُمر وطلعتْ مكسورهـ .. غِيْد المحت سِهام وهمست بإذن شموخ : شوفيها طلعت شموخ : ادري وش علي فيها لا تقارنيني فيها انا غير وهي غيير ... غِيْد بتنهيده : بعدك معنده وراسك يابس .. شُموخ سرحانه بعُمر اللي يمشي مع بنت اخته الأميره هنوف ،وهو يمر قريب قدامها** وقالت من* دون ماتحس* على نفسها ان صوتها مسموع : نفسك ماتغيرت .. غِيْد قرصتها ، شموخ استوعبت انها قاعده تكلم تفسها لكن عُمرْ شافها نظره خاطفه ثم سحب نظرته ، شموخ على طول غطّت عيونها وقالت بنفسها " يمممه شلون سمعني ، لييتني سكتت" مشى من قدامها .. نزلت الغطاء عن عينها وهمست لغِيْد : ياوييلي سمعني والله انه سمعني غِيْد تدقها : غبيّه انتِ كان بلعتي السانك وسكتي شموخ بلعت ريقها : غِيْد خلينا نطلع .. غِيْد برفض : اصبري بشوف العرّيس يقولون ياخذ العقل موب ذا الشايب حقك شموخ بغيض : اقول احترمي نفسك عن الغلط .. غِيْد طنشتها : وانا صادقه ومانيب رايحه لين اشوفه شموخ انقهرت منها ، شافت الكاميرا تقدمت للمنصه والممر صار مظلم ،وقفت بسرعه ،حست بخوف والعيون عليها والتفتت لغِيْد: يصير خيير بلعت ريقها ومشت بخطوات سريع على الممر المظلم .. الين طلعت برا القاعه ، وصدمت بشخص ماكانت تتوقع انها تصدم فييه ...! * ، إلى هنا نتوقف #تنبيه الروايه من وحي الخيال. ، توقعاتكم ردودكم رايكم ؟ ولا زلنا في البدايات *قِراءة مُمتعة. |
رد: رواية غرامك يالخفوق ذبحني هآت حضنك يحتويني
السلام عليكم الشموخ ماحبيتها مغروره ومستهتره كيف تشوف العامله تصورها وعادي وبالعكس تاخذ أوضاع واضح هدفها توصل الصور لعمر أو لأمه والظاهر عن طريق صديقتها تعرف عمر ومعجبه به من كلام صديقتها أو من خلال الصور اللي شافتها له ومن زمان ترسم عليه من قبل العريس اللي ناوي أبوها يجبرها عليه لكن الواضح إن عمر ماهو سهل وأكيد كشف تلهفها عليه ومحاولتها جذب لإنتباه أمه وإنتباهه وراح يعوم على عمومها بما إنه مزواج وهو اللي راح يكسر غرورها وثقتها بنفسها لكن هل راح يحتفظ بها أو تلحق غيرها ننتظر باقي الأحداث ونشوف وأتوقع اللي صدمت فيه شموخ هو عمر تسلم يمينك منتظرين باقي الأحداث |
رد: رواية غرامك يالخفوق ذبحني هآت حضنك يحتويني
اقتباس:
بخصوص شمُوخ وتعمدّها للتصويرمن قبل احدى عاملات الخطابه هذا جُزء من خطتها ،، حبيييت تحليلك بطل برافو عليك فيتامين الباقي بيوضح وعُمر ما وضحت شخصيته اكثر لكن البارت الجاي بيكشف لنا وبخصوص توقعك احتمال وارد جدًا الله يسمك عزيزتي نورتيني وشرّفتيني ، بإذن الله على خير وما انحرم من هالطلّه |
رد: رواية غرامك يالخفوق ذبحني هآت حضنك يحتويني
صباح الخير جميعًا
اليوم موعدنا بإذن الله مع البارت الثالث فكونوا بالقُرب |
رد: رواية غرامك يالخفوق ذبحني هآت حضنك يحتويني
بسم الله الرحمن الرحيم ، "ربِّ ادخلني مدخل صدق وأخرجني مخرج صدق وإجعل لي من لَدُنك سُلطانًا نصيرا" ، السلام عليكم ورحمة الله وبركاته للي يسألون عن موعد البارتز الى الآن مافيه وقت مُحدد لكن بحاول انزل بأقرب وقت واتمنى القى التفاعل منكم اكثر واكثر للنهاية * "البـارت الثاني " رواية غرامك يالخفوق ذبحني هآت حضنك يحتويني/بقلمي . ،* لَمْ أُخَطِّطْ أَبداً* .. كي أدخلَ العِشْقَ ، فتاريخي النِسائيُّ .. قَضَاءٌ وَقَدَرْ . كم تَفَاجأتُ بحُبِّ امرأةٍ جَعَلَتْني وردةً .. بعدما كنتُ حَجَرْ . *نزار قبّاني. ، مشت بخطوات سريعة على الممر المظلم .. وطلعت برا القاعة ، صدمت بشخص ماكانت تتوقع انها تصدم فييه ، رمشت بعينها : آسفه ما شفتك! سِهام تناظر فيها من فوق لتحت : لا عادي حبيبتي حصل خير شموخ ابتسمت عدلت وقفتها وعينها تتفحص عيون سِهام اللي تحاول تخفي دمعتها ،تذكرت كلام غِيْد عنها "مجروحه ومكسورة اكيد من عُمر"مدت يدها : معك شموخ بنت ناصر الـ.. سِهام بإبتسامه ساحره : حيّ الله شموخ المعروف لا يُعرف تشرفت فيك معك سِهام الـ.. شموخ بإبتسامه: لي الشرف والله ،كيفك سِهام ؟ سِهام تدخل خِصله خلف اذنها : بخير الحمد لله انتِ كيفك بعد الدراسه سمعت انكِ تخرجتي وبتقدمين عالدكتوراه شموخ عوّرها قلبها من طاري الدكتوراه،لكن اخفت مشاعرها وبثقه: ايه الحمد لله تخرجت ، ان شاء الله قريب ابدا احضر سِهام "ياحليلك هذا وجهي ان ابوك رضى "بإبتسامه على وجهها : الله يوفقك ومنها للاعلى يارب ، سمعت انك انخطبتي شموخ : ايه كثيير انخطبت لكن شايله فِكرة الزواج من راسي عشان دراستي .. سِهام "ههه بكرا القاك عروس" : اي والله صح اهم شي دراستك الزواج لاحقه عليه .. شموخ ماحبت تسألها عن الزواج لأن سِهام تمر بمرحلة الإنفصال العاطفي لِسه مشاعرها مجروحه : وانتِ ما كمّلتي دراستك ؟! سِهام بلعت ريقها : لا وقفت ، باقي كم ترم وبكمّلهم ان شاء الله شموخ : الله يوفقك يارب .. سِهام تناظر ساعتها ثم صافت يد شموخ: يلا عن انذك وفرصه سعيده اني صادفك شموخ بإبتسامه : اذنك معك وانا اسعد حبيبتي شموخ عيونها على سِهام الين اختفت ، راحت اخذت لها مشروب بارد وجلست بأحد الجلسات بالحديقة حطت رجل على رجل ، وفتحت جوالها تتأمل صورها ،كل صوره تقول الزين عندي،ابتسمت برضىٰ على نفسها ، ولمحت غِيْد ،ما طوّلت داخل مجرد مادخل العريس وجلس طلعت ، غِيْد : يووه فانك نص عمرك يجنن تبارك الله احلى من الشايب حقك .. تأففت شموخ بضجر : غِيْد حبيبتي عن الغلط ثاني مره اقولك غِيْد اخذت كوب الماء تشرب : والله اني صادقه ،كبير قرب يصك الأربعين وانتِ ناشبه فيه ، وشوفي على كثر الحريم اللي اخذهم ولا وحدة جاب منها ولد ،لو اني منك ماراح اخذه لو اخر حبه ... شموخ بضيق قامت: عن اذنك انا انتظرك بالسياره خلصي اللي بيدك وتعالي.. غِيْد فتحت فمها : خيير على طول تزعلين ترى امزح معك اقول اجلسي واقضبي ارضك.. شموخ تاخذ نفس : غِيْد اقولك قوومي راح يطوّلون للصبح وانا قايله لأمي حفله وطلع زواج ، قومي لا نتأخر.. تركتها شموخ متجهه لقسم العبايات تاخذ عبايتها غِيْد بتأفف : اوووف منك يا شموخ الله يعين اللي بياخذك عزّ بتطلّعين عيونه .. قامت غِيْد واخذت شنطتها و لحقت شموخ* ** ، بعد ما زّف بنت اخته الاميره هنوف وودعها كان مستلقي على كرسي الإسترخاء بيده كوب قهوة امريكي ، بمكتبه الخاص كان المكتب كبير وشرح يتميز بأرضية رُخاميه ومكتب بكراسي خامتها جلد طبيعي فاخر بلون بُني فاتح* وطاوله مُستطيله لون أسود عليها اوراق ومستندات عمله ، وضع كوب القهوة على جنب وقف بطوله الشامح وعضلاته المسترخية عند* الشباك الزجاجي الكبيرالمُطل على واجهة القصر ،، ،وباله مشغول ،يتذكر عيونها غيير عن باقي الحريم ،ودّه يعرفها من تكون ،وبنفس الوقت على اعصابه يتمنى ان الخطابة التابعه له اختارتها بعنايه ، بعد ما طلّق سِهام بعد فترة زواج طويله ،تعتبراطول فترة قضاها مع سِهام غير عن باقي زوجاته ، قرر يدور على زوجة جديدة بعد مضي شهور من طلاقه ، سمع صوت طق الباب التفت لجهة الباب ،دخل السكرتير : السلام عليكم طال عمرك الخطابة ام مطلق حضرت،تسمح لها بالدخول ؟ عُمر مشى بهدوء لمكتبه وعيونه على الباب: وعليكم السلام قولها تتفضل .. دخلت ام مطلق بعد ما سلمت وجلست وبيدها الجهاز سلمته لعُمر : طال عمرك هذي السيرة الذاتيه والمعلومات عن وحدة اسمها شموخ بنت ناصر الـ عُمر اخذ الجهاز من يدها وبدأ يقرأ بصمت وعنايه تامه اول مره يشوف سيرة ذاتيه وصلته هالطول وبأكثر من صفحه عن اسمها وعمرها ومستواها الدراسي والإجتماعي والأسري ،وانجازاتها سفراتها و المؤتمرات اللي حضرتها رفع حاجبه بإعجاب كبير، لهالمرأة الناجحه ،ساند ظهره على الكرسي ثم عدّل جلسته : فيه صور عنها ولا لا ؟! ام مطلق اعطته الكاميرا : ايه طال عمرك هذي الصور صورتها وحدة من عاملاتي .. عمر اخذ الكاميرا من يدها وبفضول : عطيني اشوف توسعت عيونه بدهشه أخفاها قدام أم مطلق، يتأمل تفاصيلها ورفع حاجبه مستغرب: متأكده ان هذي شموخ ! ولا مودل ثانيه ام مطلق : الا شموخ ومعروفه توها جايه من ابريطانيا ماخذه الماجستير وبتكمل دكتوراه بعد ، حتى طويلة العمر ضيّفتها عندها عمر عيونه على الكاميرا : اها وقف على احد الصور وقرّب الزوم على عيونها بتدقيق انصدم وقال بنفسه "نفس العيون اللي شفتها ! " وابتسم ابتسامه غريبه ثم ناظر ام مطلق وسكت لفتره.. ام مطلق بفضول تنتظر جوابه : هاه عساها عجبتك يا طويل العمر عُمر فتح درجه واخذ شيك وكتب الرقم واعطاه ام مطلق : تفضلي هذا حقك واتركي الأجهزة عندي ام مطلق اخذت الشيك بسرعه وتوسعت عيونها مو قادره تنطق من الصدمه : ملييون ريياااال !! عُمر رفع عيونه الآسره : تستاهلين أكثر ام مطلق ام مطلق بلعت ريقها مصدومه : والله هذا كثيير علي يا طويل العمر مكشوور وماتقصر عُمر اشر على جوالها : شوفي وصلت لك الحواله ثانيه تستاهلين اكثر يا ام مطلق.. ام مطلق فتح جوالها بصدمه : والله يا طويل العمر مدري وش اقول لك ميير الله يطول بعمرك ويحفظك* وو.. عُمر اشر لها تسكت : آميين يا ام مطلق خلاص وصلت رسالتك تقدرين تتفضلين ام مطلق قامت : الله يسعدك ماتقصر والله* عن اذنك .. طلعت ام مطلق ،الفرحه ماهي سايعتها عُمر يتأمل بصور شُموخ بإستغراب واضح عليه ، نزلت شموخ من السيارة ،ودعت غِيْد ودخلت داخل استقبلتها مشرفة الخدم ، عطتها العباية : ماما وينها ؟ المشرفة : الوالدة بغرفتها شموخ : وبابا موجود ؟ المشرفة : نعم موجود ونايم .. تنفست براحه شموخ : الحمد لله مشت للمصعد وفتحت الباب وصادفت امها : اهلين ماما ام شموخ "نورة" حاطه يدها على خصرها : ليش تروحين من دون اذني ولا تحسبين نفسك بلندن داخله طالعه على كيفك شموخ بهدوء : ماما والله مو قصدي اروح بدون اذنك بس انا بلّغتك بورقه ومشيت لأن وقتها متضايقه على موضوع الزواج ام شموخ : ادري يا حبيبتي هالمره بسامحك المره الثانيه لأ وسالفة الزواج بتصير غصبن عليك شموخ ماسكه أعصابها : ماما حبيبتي ممكن بكرا نتفاهم على هالموضوع لأني مصدعه وبنام.... ام شموخ باستغراب : غريبه وراك مازعلتي ؟ شموخ ماسكه راسها : ماما واللي يعافيك راسي بينفجر بخلي الزعل بعدين .. فتحت باب المصعد ،ام شموخ : اوكي يصير خير بشوف وش نهايتها معك يا شموخ شموخ طلعت والتفتت على امها : ايه صح نسيت يا ماما تسلم عليك الأميرة نجد .. ام شموخ : الله يسلمها وش موديك لها ! شموخ وقفت لفت جسمها كله وبإبتسامة : حفيدتها تصير صديقة غِيْد واعزمتني وقلت خليني اروح ماعندي شي فاضيه .. ام شموخ : ااه من هالغِيْد ،ثاني مره شاوريني بعدها روحي فامهه يا بنتي .. شموخ تأشر على عيونها : من عيوني يالغالية تصبحين على خير ام شموخ كتمت ضحكتها على مزاجية شموخ مره ترضى مره تزعل : وانتِ من اهله حبيبتي .. دخلت غرفتها بالبصمة وقفلت الباب وراها ،نزلت حذاها"انتم بكرامه " ولبست سليبر إيرمز : آاه يازين الراحه بس راحت لغرفة الملابس لمت شعرها كله ذيل حصان،وقفت قدام التسريحه نزلت الحلق ومجوهراتها ،مسحت الميك اب ومناكيرها، نزلت الفستان ،ولبست روب ثم دخلت االجاكوزي وانواع الروايح العطريه مجهز بماء ساخن مع ماء ورد وصابون عطري طبيعي استخرت فيه بعد تعب شاق هاليوم بعد ما خلصت شربت كوب مويه بقطع الليمون والنعاع والخيار ديتكوس عالسريع ،وتمددت على كرسي المساج حست جسمها تخدر تنفست براحه ،وبالها مشغول بعُمر ابتسمت برضى على اللي سوته : بكرا اكبر سبرايز لأهلي الحلوين.. قامت ولبست بجامتها وجففت شعرها وعطرته بعطر ميس ديور، ومسحت على مناطق النبض بمسكْ ، ولبست جلال الصلاة صلّت الوتر ،ثم حطت راسها عالمخدة وجاتها رسالة على جوالها من رقم غريب لبست نظارتها الطبيه كان مكتوب فيها " بتندميين يا شموخ "* ضحكت بسخريه : ههههه اكيد ذي من زوجاته ،وشكلها سِهام جايه تخوفني ، توّكم ماعرفتوني زين .. قفلت جوالها متجاهله كل شي وقرأت وردها ونامت ، في صباح يوم جديد ملتمين على طاولة الطعام يفطرون بهدوء وعيون ام شموخ على ناصر ابو شموخ ،تأشر بعيونها له يفتح الموضوع ،ابو شموخ اشرلها بعدين تفهمت رغبته ام شموخ ، يبيهم يفطرون على رواق بدون هواش شموخ كانت تفطر بهدوء كالعادة وقربت تخلص فطورها ،جات احدى العاملات : مدام جهزت الجسلة و القهوة في الحديقة اشرت لها ام شموخ : يعطيك العافيه خلاص روحي .. شموخ مسحت فمها بالمنديل بهدوء .. ام شموخ تناظر صحنها ا : حبيبتي وين رايحه تعالي كملي اكلك شموخ : الحمد لله شبعت بروح اجلس هناك اشم شوية هواء ام شموخ تنفست براحه : اوكي اجل انتظرينا نخلص لين نجيك شموخ بإبتسامة : اوكي عليكم بالعافيه ابو شموخ : يعافيك يا بنتي .. ام شموخ تأشر له : يلا قوم خلص فطورك ابو شموخ يشرب كوب شاي: يا بنت الحلال خليني افطر على رواق لاحقين عليها موب هاربه وش فيك انتِ.. ام شموخ بتأفف : الا هذا وقته نكلمها نقنعها والله شايله هم بنتي ابو شموخ قام ،،بتنهيده: لا حول ولا قوة الا بالله يلا عشان خاطرك بقوم لا يطق فيك عرق ام شموخ ابتسمت ومسكت يد زوجها : بعد قلبي انت يلا حبيبي مشينا .. شموخ كانت تقطف لها وردة جوري تستنشقها والهواء يداعب شعرها ، بعدت خصلات شعرها عن عينها لمحت امها وابوها جايين ابتسمت : هلا بالحلوين رد ابوها وجلس على الكرسي : هلا فيك ماشاء الله اشوفك رايقه عساك وافقتي يا بنتي؟ ام شموخ تاخذ لها رشفة قهوة وعينها على زوجها : اكيد بنتي كبيره وواعيه بسم الله عليها شموخ بابتسامه لأبوها : ايه بابا موافقه على الزواج بس لي شروطي .. ابو شموخ بإهتمام : وش هي شروطك يا بنتي وانا موافق عليها شموخ نزلت الكوب بهدوء على الطاولة : شروطي يا بابا انا راح اختار الزوج موب انتم اللي تختارونه لي ابو شموخ يعارض كلامها : وش فيه ولد الشيخ مبارك ماتبينه رجال ونعم فيه؟! شموخ بثقه وبإقناع لأمها وابوها : اكيد رجال وماعليه خلاف، يا بابا انا صراحه ما ابيه يكون زوج لي لانه مو مناسب لي تعرف عايلتهم كثيره ماشاء الله وراعين عزايم وحفلات واجتماعات وانا انسانة وراي دراسه ماراح اكون فاضيه لحفلاتهم شلون بكمل دراستي وانا ماخذته ! ام شموخ اقتنعت بكلام بنتها : ايه صحيح كلامها يابو شموخ شلون مافكرت كذا بعدين يزعلون على بنتي ان ماحضرت حفلاتهم وبنتي اهم ما عندها دراستها ابو شموخ بغضب: تحطين شروطك اللي تبينها يا بنتي وينفذها غصبن عليه شموخ بهدوء تمتص غضب ابوها ًمسحت على كتفه ثم مسكت يده : يا بابا ياحبيبي الرجال مو مثلك تهمهم دراسة المرأة وتحقيق طموحاتها* بعض الرجال مايبيها تكون اعلى منه ،وانتَ عارف شهادة ولد الشيخ مبارك دبلوم اكيد ماراح يخليني اكمل دكتوراة بحكم اني اعلى من مستواه الدراسي ! ام شموخ : ماظنتي ولد الشيخ مبارك يفكر كذا ؟ شموخ : ماما يا حبيبتي انا اعرفه زين ولد الشيخ مبارك وخطبته هذي موب عشانكم ولا عشاني مثل ماتفكرون ابو شموخ: عشان وش يا بنتي جايين له ؟! سامعه شي شموخ بإبتسامة ثقه : ايه سامعه يا بابا ووصلني الكلام ام شموخ بقلق : وش سامعه يا بنتي ؟ ! شموخ قربت عند ابوها اكثر، عيونها بعيون امها وابوها قالت : يا بابا ولد الشيخ مبارك متحديه اخوه ياخذني ولا هو مايبيني عشاني اعلى من مستواه الدراسي وعارف انك بتوافق عشان كلام الناس عني ،وبعدها يتزوجني ويمنعني من دراستي بحكم انه يقول انا ماراح اقصر معك بشي واوفر لك اللي تبين ولا يزور شهادة ويسكتني فيها! ابو شموخ وقف : شلون ولد الشيخ مبارك يسوي هالسواة شموخ مسكت يد ابوها : بابا تقدر تصرفه ابو شموخ : المشكلة معطيه كلمة يا بنتي وشلون اتراجع عن كلمتي قدام الناس !! شموخ بنبرة ضعف وترجي: بابا اذا بنتك اهم كلام الناس لا توافق عليه قول له بنتي تقدم لها واحد ابو شموخ : من ذا اللي بيتقدم لك فيه احد ! شموخ بلعت ريقها : عادي بابا مو شرط يكون احد! صرفه بلييز بابا مو تبيني اتزوج فخليني اختار بقناعتي اخذ اللي ابيه ويكون مناسب لي مو واحد يكون عثره بطريقي بدل مايكون عون وسند لي بعد الله ... ام شموخ مسكت يدها بلطف: اي والله يا ناصر وبعدين هذي بنتنا وسعادتها من سعادتنا صرّف ولد الشيخ مبارك دام بنتنا قررت تتزوج.. ابو شموخ كتم غضبه مقهوور من ولد الشيخ مبارك معقوله يسوي كذا ويشوف الزواج لعبة وتحدي !! ابو شموخ : يصيير خير يا نورة ،واشوف كلامك صح يا شموخ وان كذبتي ولا والله ثم والله تتزوجينه غصبن عليك رضيتي ولا مارضيتي.. شموخ بحده : بابا مستحييل اكذب عليك وهذا الصدق واذا بتسأل اسأل عاادي يحق لك تتأكد.. ابو شموخ شاف الصدق بعيونها وشدّ على قبضته : نشوف يصير خير يا ولد مبارك .. مشى ابو شموخ والغضب مالي عينه ومقهورمن اللي سمعه ام شموخ التفتت لبنتها وبهمس : انتِ صادقه بكلامك ولا تحطين سوالف عشان ما تتزوجين ! شموخ بثقه : ليه احط سوالف يا ماما وهذا الصدق مو اروح ارمي نفسي على شخص وانا ما اعرف عنه شي !! ام شموخ اقتنعت بكلامها : والله انتِ الصادقه يا بنتي عاد ابوك الله يهديه انضغط منهم ويبي يرتاح ويسد حلوق الناس عنك مايرضى يسمع عنك شي يا بنتي شموخ بإبتسامه وضمّت امها : بعد عمرري بابا الله لايحرمني منه وبإذن الله تشوف بنتك رافعه راسك بين الناس ام شموخ مسحت على راسها : آميين وعسى ربي يرزقك الزوج الصالح اللي يعزّك ويحبك ومايشوف من الدنيا غيرك شموخ ابتسمت : آميين كثري من هالدعوات الحلوه يا ماما ام شموخ ضحكت :ههههه طيحتي اللي براسك ورضيتي بالزواج ... شموخ : وش اسوي مسكتوني بيدي اللي توجعني وانا مستحيل اترك دراستي يا ماما بس ابي شخص يكون داعم لي مو هادم لي ولطموحاتي .. ام شموخ : زيين انه تقدم لك ولد الشيخ مبارك عشان ترضين بالزواج ههههههه شموخ ضحكت وبالها بعيد : ههههه لزوم اتنازل يا ماما واضحي كرمال دراستي .. ام شموخ : عسى ربي يوفقك يا بنتي ويكتب لك اللي فيه خير شموخ بعدت عن امها وباستها: آميين يارب ام شموخ ردت البوسه : بعد عمري انتِ ... قامت شموخ : يلا يمه عن اذنك برتاح شوي ام شموخ تنفست براحه : اذنك معك حبيبتي .. ، راحت شموخ لغرفتها ترتاح بعد السيناريو اللي صار وشعور الإنتصار اللي تتلذ فيه : الحمد لله والشكر له وحده راحت اشعلت لها شمعات عطريه مستخلصه من العود تطيب ريحة الغرفة ،تتجهز بيزورنها غِيْد وأمها ، لبست فستان قصير لتحت الركبه من دولتشي اند قابانا بنقشة زُهور الزئبقسرحت شعرها ستريت ،ولبست حلق ماجيك ألامبرا ثلاث قطع من فان كليف مع الخاتم ، اكتفت بكريم وقايه لبشرتها وقلوس ناعم على شفايفها ، ولبست حذاء "انتم بكرامه" صندل لون لحمي من جيمي تشو ، ابتسمت برضى على شكلها وطفت الشموع ونزلت تحت لعند امها ، لكن وقفها رن جوال امها وقالت بثقه : اكييد الاميره نجد عند ام شموخ كانت تشيك على الضيافه والترتيبات عشان اختها أن غِيْد بتتغداء عندها ،سمعت صوت الجوال يرن كان رقم غريب ومُميز،ردت : الو من معي ؟ ... : السلام عليكم الأخت نورة ؟ ام شموخ : وعليكم السلام ايه حياك من معي ؟ .... : بارك الله فيك، معك الاميرة نجد ... ، الى هنا نتوقف "نهاية البارت " ردودكم توقعاتكم ولنا لقاء قريب مع البارت الجاي بإذن الله.. |
رد: رواية غرامك يالخفوق ذبحني هآت حضنك يحتويني
صبحج الله بالخير اختي كلارينت
اعتذر منج ما علقت عالبارت اللي طاف شمووخ وثقتها وغرورها وين بتوديها هاي البنت احسها داهيه عمر راعي مزواج وحرييم ما اتوقع بيكون مصيرها مثل غيرها دام هي مخططه فبتكسب قللبه والاميره نجد اكيد بتخطب حق ولدها يعطيج العافييه ونتيارج |
رد: رواية غرامك يالخفوق ذبحني هآت حضنك يحتويني
اقتباس:
عادي حبيبتي معذوره وكلن له ظرفه .. نشوف وش نهاية شموخ هل بتنتصر ولا تُغلب ..! الله يعافيك حبيتي وما انحرم من هالطلّه |
رد: رواية غرامك يالخفوق ذبحني هآت حضنك يحتويني
السلام عليكم
مساء الخير للجميع بإذن الله الليلة او غدًا راح ينزل البارت الرابع بحول والله وقوته فكونوا بالقُرب |
رد: رواية غرامك يالخفوق ذبحني هآت حضنك يحتويني
بسم الله الرحمن الرحيم ، "ربِّ ادخلني مدخل صدق وأخرجني مخرج صدق وإجعل لي من لَدُنك سُلطانًا نصيرا" ، السلام عليكم ورحمة الله وبركاته نزلت البارت بدري لعيون اللي طالبوا ببارت بأسرع وقت تستاهلون والله * "البـارت الرابع " رواية غرامك يالخفوق ذبحني هآت حضنك يحتويني/بقلمي . ، لا تعجبي إنْ قلتُ أنّي قد رأيتكِ قبل أنْ تأتي الحياهْ وبأنني يوماً عشقتكِ في ضمير الغيب سراً .. لا أراهْ كم تاه عقلي في دروب الحب وانتحرت خطاهْ كم عاش ينبش في بقايا اليأس يسأل عن هواهْ لكنّ قلبي كان يصمتُ كان يدرك منتهاهْ فلقد أحبّكِ قبل أنْ تأتي الحياهْ! *فاروق جُويدهـ. ، * سمعت صوت الجوال يرن كان رقم غريب ومُميز،ردت : الو من معي ؟ ... : السلام عليكم الأخت نورة ؟ ام شموخ : وعليكم السلام ايه حياك من معي ؟ .... : بارك الله فيك، معك الاميرة نجد ام شموخ : هلا والله فيكِ الاميره نجد رن جوالها الثاني : بعد اذنك ام شموخ جاني اتصال مهم بعدين اكلمك هذا رقمي الخاص ياليت تضيفيني فيه ام شموخ* بإستغراب : اذنك معك حبيبتي معذووره خذي راحتك ان شاء الله تآمرين امر يالغالية .. ، الاميره نجد قفلت الخط ، وفتحت جوالها الثاني : الوو وبعدين معك وش تبي متصل ؟! عُمر مدد رجوله على المكتب : ابد بس اشوفك متصله بنورة خير يمه وش عندك تخخططين من وراي ! الاميره نجد : مالك شغل باللي اسويه لو سمحت لا تتدخل فيني يا عُمر فشلتني عند الناس الى متى تعقل عُمر بخبث : اذا تزوجت شموخ الاميره نجد بعصبيه: تخسي تاخذها ،ماياخذها غيير اخوي عمر بضحكه خبيثه : هههههه يمه انتِ عارفتني اللي براسي اسويه رجاءً لا تتدخلين بشغلي ،واخوك ذا خليه يتزوج وحده غيرها الا شموخ لا تحطين عينك عليها ولا والله ثم والله يا يمه بيصير شي مايعجبك الاميره نجد بقهر : تهددني وانا امك يا قليل الادب ، شموخ ماهي لعبة بين يدك متى ما خلصت منها طلّقتها استتح على وجهك* يا عُمر ،شموخ بتصير زوجة اخوي غصبن علييك رضيت ولا مارضيت ، وانت ما تستاهل خصله من شعرها عُمر بتهديد :اوكي يصييير خير يا يمه بتشوفين اللي مابيرضيك شاف امه قفلت بوجهه ، وابتسم بخبث ،وبجواله الثاني يتفرج على الصور لشموخ : وطحتي بيدي ومحد سمّى عليك عُمر اشر للسكرتير: شوف شغلك الحين ، قفلت الجوال بوجهه عُمر : حسبي الله عليك يا ام مطلق سويتي اللي يبيه ولدي ثم سكَتها بكم ريال، ومحى وجودها على الارض، عارف اني ماراح اتركها الله حسييبك يا ام مطلق الله حسيييبك.. " تتذكرها لما لمحتها امس بالحفلة كانت جالسة بالأخير شافتها وقامت الاميره نجد تلحقها ، لكن ام مطلق اختفت عن الأنظار: حسبي الله عليك يا ام مطلق وش جايبك بحفلة هنوف ،وانا مانعه دخولها اكيد عُمر مدخلك بواسطة عضت على شفتها السفليه بحقد : لكن هين بكرا على طول اخطبها لأخوي قبل عمر يخطبها اللي اصلا ماراح يزوجونه لكن ولدي مجنون واعرفه .. ام مطلق تخبت وارسلت وحدة من عاملاتها تراقب شموخ وتصورها كم صورة واعتطها مبلغ كبير واخذت الكاميرا وبإبتسامة : هذي والله اللي تجيب راسك يا عُمر " انقهرت من ولدها ماتبيه ياخذ وحده مثل شموخ اللي اعجبتها وتستاهل واحد يعزها ويكرمها موب لا خلص منها طلّقها ، الله يخلف علي بس... بياخذها غصبن عن الكل: الله يستر وش بيسوي جاها تنبيه رسالة من ولدها عُمر توسعت عيونها بصدمه حطت يدها على راسها : ياويلي سويتها يالحقييير حسبي الله عليك من ولد اللي ماتخاف ربك .. ثم وصلتها رسالة منه مكتوب فيها " شرايك يمه على فِكره بكرا بتكون زووجتي غصبن عن اللي يرضى واللي مايرضى" رمت الجوال على الارض ،مقهوورة من سواة ولدها اللي فضح البنت ولا خاف من ربه ، ام شموخ حطت جوالها على الطاولة شموخ بفضول : يمه مين متصل ؟ ام شموخ : هذي الاميره نجد كانت تكلمني بعدين جاها اتصال واعتذرت ... شموخ"توقعتها تخطب ،يلا باقي العصفور الثاني ":شلونها ام شموخ : ماعليها طيبه بس استغربت كانت متحمسه بعدين كنها انزعجت الله يعينها شموخ بهدوء : الله يعينها بروح اجلس بالصالة عبال خالتي تجي ام شموخ دخلت المصعد .. شموخ لمحت خالتها وغِيْد داخلين راحت تستقبلهم .. تسلم على خالتها وتحضنها : هلا والله بالخالة بعد روحي انتِ ام غِيْد : هلا بك ياقلبي هلا بوحيدة اوخيتي هلا باللي رافعه روسنا شموخ بإبتسامة : بعد قلبي خالتي الوحيدة عسى الله لا يخليني ام غِيْد : آميين ولا يخليني منك ومن امك شموخ التفتت لغِيْد: آميين ، شلونك غِيْد صح النوم ورى عيونك متورمه شكلك تسهرين غِيْد بكسل واضح عليها مانامت : ببخير دامني شفتك ، ماشبعت نوم وامك عازمتنا ،كان خلته عشاء موب غداء ام شموخ جايه تسلم : السلام عليكم حياكم الله ام غِيْد : وعليكم السلام، الله يحيّك ويبقبك يا بعدي ام شموخ تأشر لهم على المجلس يتفضلون ، ثم جات الصبابه او المضيفه تضيّفهم بالعصير والقهوة وتقديم المالح والحلو وبعد ماتغدوا ودعتهم ام شموخ وغِيْد راحت تنام بغرفة شموخ شموخ مشت للمصعد بس وقفها صوت ابوها العالي: شمووخ يااا شموووخ تعالي تعاللي شموخ خافت من نبرة ابوها اخذت نفس عميق ثم التفتت : سم بابا آمر وش بغيت ؟ ابو شمووخ رمى الجوال بحضنها : شوووفي سواد وجههك فضحتيييني بييين النااس حسبي الله عليك شمووخ اخذت الجوال تشوف الصور ،رمشت عينها بصدمه من الصور اللي تشوفها " كانت بملهى من ملاهي لندن وبيدها كوب خمر وجمبها رجل " وبرجفه : مُستحيييل مُستحييل شلووون* والله يا بابا ماسويت شي ابوها سحب شعره : تحلفييين لا تحلفيين ماراح اصدقك طحتي من عييني يا شموخ وانا احسبك عاقله ولا تطلع لك هالسوالف الشرهه موب عليك علي انا ،اللي معطيك الثقة تروحين تدرسيبن واخرتها تسودين وجهي شموخ تبكي من الصدمه وبترجي : باابا والله ظلم انا ماسويت شي ورب البييت ما سويت شي اكييد انه ولد الشيخ مبارك مسوي كذا عشاني رفضته ابوها اعطها كف جامد طيّرها : ولد الشيخ مبارك اشرف منكً مير الله فكه منك ومن سواد وجهك هالحين ميين بياخذك قولي!!! ماراح ياخذك غير شايب عايب تقعدين بكبده.. ام شموخ جايه ركض من سمعت بصراخ زوجها وشالت شموخ من الارض: وش فيك يا ناصر علامك على شموخ انجنييت انت !!؟؟ تمد يدك على بنتي ابو شموخ رمى عليها الجوال : شوووفي بنتك سواد الوجهه وش مسويه شوفي صورتها منتشره حسبي الله عليها من بنت ام شموخ عيونها على عيون شموخ اللي تبكي ويدها على خدها من قوة الكف اللي جاها من ابوها: وش مسويه انتِ فتحت الجوال وانصدمت : مممعقولة هذذي انتِ يا شمووخ !! هذي اخرتها معك ... ياويلي ويلاه مستحيل بنتي تسوي هالسواة مستحييل شموخ تترجى امها وتتمسك برجلها: ماما والله ماسويت شي غلط صدقيني مااامااا لا تصدقيين كلام الناس الله ياخذهم امها دفتها برجلها : ابعددي عني ابعدي انقلعي من وجهي ولا والله لا اذبحك هنا قووومي انقلعي شموخ بانكسار ماعمرها ذاقته ،وتتذكر الرسالة البارح انقهرت اكثر وقالت بنفسها "اكييد الحقيير ولد الشيخ مبارك" قامت لملمت شتات نفسها ،شافت ابوها طلع من البيت وامها تتحسر على اللي وصلها وتبكي شموخ شدّت على قبضة يدها بقهر ودخلت المصعد اتجهت لغرفتها وفتحت الباب اصرخت اقوى ماعندها لدرجة صحت غِيْد مفجووعة : يمممه بسم الله وش صاااير وتتلفت يمين يسار شافت شموخ اول مره تشوفها بهالشكل مكسورة قامت بسرعه من السرير : بسم الله شمووخي حبيبتي وش فيك شموخ ماتبي تبين ضعفها لكن الكف اللي بوجهها فاضحها وبغصه: مافييني شي اطللعي بررا يا غِيْد غِيْد حطت يدها برفق على خدها : بسم الله مين ضاربك جعل يده للكسر شموخ بحده : استغفرري لا تدعييين غِيْد تناظر بعيونها : استغفر الله ،لايكون ابوك ! شموخ صدت عنها ، راحت لسريرها وغطت نفسها باللحاف غِيْد الحقتها : شموووخ قولي وش صاير لايكون بسبب عُمر !! شموخ : يالييت هو كاان اهون يا غِيْد.. غِيْد : لا تكووون سِهااام ! شموخ بقهر وبنبرة عالية ارعبت غِيْد: الحقيييير ولد الشيخ مبارك غِيْد بعدت منها خافت : بسم الله وش فيك هدي يمكن مو هو لا تظلميين احد شموخ بحقد : الا اكييد هو مافييه غيره حاقد علي هالكثر وجاي يتبلاااني انا حسبي الله عليه غِيْد تهدي فيها : خلاص حبيبتي اهدي مايصير الا خير شموخ : اي خيرر تتكلمين عنه ! اللي خططت له راااح تبخر صااار سررراب يا غِيْد ..اكيد ام عمر ماراح تزوجني عقب اللي سمعته... انا سمعتها تصرف امي شكلها كانت ناااويه تخطبني لولدها وصلتها الصور وطحت من عينهاا اااه يا غِيٌد شلوووون شلووون صار هذا !!! غِيْد ضمّتها لصدرها : انا نبهتك يا شموخ* قلت راح تنكسرين بس ما سمعتي كلامي.. شمووخ سدت اذونها ماتبي تسمع : خلااص خلاااص اسكتي مااا ابي اسمع شي..مااابي ماحست على نفسها الا غفت بحضن غِيْد اللي عدلتها وغطتها زين وقفلت الستاير وتركت الأبجورة مولعه وطلعت بهدوء من الغرفة ، وفتحت جوالها تشوف الفضيحه اللي انتشرت وبصدمه : معقوولة شموخ تسوين كذا !!! ياربي الناس مارحموا بالسب حسبي الله عليهم .. جلست تبكي زعلانه على اللي صار لشموخ ما تهنت بجيتها الا طلعت لها الفضيحه اللي ماتدري من وين طلعت غِيْد : مستحيل يكون ولد الشيخ مبارك ماظنتي هو تقبل انها ماوافقت علهي الزواج قِسمه ونصيب شلوون يصيير كذا !! اكييد فيه شي ، بس شمووخ نايمه انتظرها تصحى بعدها يصير خير... * ، * في مكتبه مبسووط عالآخر باللي سواه وتحدى أمه واعطى لنفسه تحية تصفيق : برااافو يا عُمر ابتسم براحه ، يتأمل صور شموخ اللي ماقد شاف جمال وحدة مثلها وضحك : ياحليلك بتكملين الدكتوراه يصير خير يا بنت ناصر .. حاس بالنصر ،وعارف ان اهل شموخ لو يتقدم لهم راح يرفضونه لأنه معروف انه يطلّق الحريم ، ومايبون شموخ يكون مصيرها نفس باقي حريمه ، شاف جواله يرن كانت امه مارد عليها ، قرأ رسايلها تترجاه يبعد عنها وتوعده تخطب له وحده احسن منها ضحك بسخريه: مافيه يا يمه حاليًا هذي اللي داخله مزاااجي ..! ترك الجوال على الطاولة وقام من مكتبه طالع لغرفته أخذ له شاور عالسريع وجفف نفسه ثم ليس ثوب وغتره وفتح درج الساعات ،واخذ ساعة اوديمار بيجايه مع كبك ساده ، ورشة عِطر من مانسيرا عود لاين وجات العامله معها مبخرة بأجود واغلى انواع العُود تبخر فيها وبخر غتره ، ولبس البشت ابتسم برضى على أناقته وشكله وجاذبيته اللي تسحر، نزلت تحت تنتظره سيارة الرولز رويسبخامتها وأناقتها والمصممه حسب مواصفاته اللي يبيها فتح له الحارس الباب : تفضل طال عمرك جلس بهيبته المُعتادة وسكر باب السيارة تلقائي واشر لسايق يمشي للمكان المحدد في gps بعد 10 دقايق وصل بحكم انهم بنفس الحيَ لكن في الجهة الثانية فتح العامل بوابة قصر ابو شموخ لسيارة عُمـر،ووراه سيارتين مرسيدس لون أسود فيها رجاله،وحراسه نزل قدام البوابة الرئيسية واستقبله ابو شموخ بحرارة واشر لهم يتفضلون داخل مجلسه الكبير، واستقبله بضيافة أجود ماتكون ، بعد ما تقهوى ،نزل عُمر الفنجان على الطاولة وتكلم بصوت فخم : تعرف يا ناصر اني جاي اخطب بنتك شموخ ابو شموخ بارد وجهه عقب اللي صار لشموخ : شرف كبير لنا يا استاذ عُمر ننسابك بس .. عُمر ابتسم بخبث وعرف قصده : داري يا ناصر وانا ماجيت الا اني استر على بنتك شموخ ب ابو شموخ منزل راسه منحرج : والله يا استاذ عمُر والله يا استاذ عمر قليل من امثالك بهالزمن والله ييييض وجهك مثل ما انت تبي تستر على بنتي شموخ ولو تبيها بدون مهر خذها بس استرنا من الفضيحه عُمر : عمي انت قدرك كبير ومحد فينا مايغلط انا مسامحها ووببدا معاها حياه جديده والله يكتب لنا الخير ولي الشرف اني اناسبك ابوشموخ بضعف : الله يجزاك خير يا استاذ عُمر وشموخ تراها حلالك من هاللحظة وانا مابي الا انك تسترني بين الجماعه مابي فضايح الله يسود وجهها عُمر يبتسم بإنتصار واخفى ابتسامته : ماعليك يا ناصر اذا عن الفضيحه كلها كم ساعة وتختفي صورها قبل لا تنتشر ابو شموخ جاء يبوس راسه : الله يجزاك خير يا ولدي الله يجزاك خير لكن عُمر رفض : لا ياعمي انت بمقام ابوي الله يرحمه واللي سويته لوجه الله عشان استرها .. ابو شموخ بكى بإنكسار : الله يجزاك خير ياولدي هالحين اجيبها عندك .. * ، الى هنا نتوقف "نهاية البارت" ولا تبخلوا بردودكم وتوقعاتكم وبالذات اللي يقرون خلف الكواليس اتمتى تفاعلكم معي هنا ، فهو سبب في نجاح الروايه بعد الله قِراءة مُمتعة للجميع |
رد: رواية غرامك يالخفوق ذبحني هآت حضنك يحتويني
الله آكبر الله آكبر الله آكبر لاإله الا الله الله اكبر كبيرآ والحمدلله كثيرآ وسبحان الله بكرةً واصيلآ . يا مساء الخير للجميع. بإذن الله موعدنا مع البارت الخامس الليلة او غدًا بمشيئة الله تعالى فكونوا بالقُرب والله الله بالتفاعل الحُلو . |
رد: رواية غرامك يالخفوق ذبحني هآت حضنك يحتويني
ثواني وينزل البارت
|
رد: رواية غرامك يالخفوق ذبحني هآت حضنك يحتويني
بسم الله الرحمن الرحيم ، "ربِّ ادخلني مدخل صدق وأخرجني مخرج صدق وإجعل لي من لَدُنك سُلطانًا نصيرا" ، السلام عليكم ورحمة الله وبركاته اشكركم على تفاعلكم الحُلو الصراحه اسعدني وبإذن كل ما تفاعلتم* اكثر راح انزل البارت بدري "البـارت الخامس " رواية غرامك يالخفوق ذبحني هآت حضنك يحتويني/بقلمي . ، إفهميني .. أتمنى مخلصاً أن تفهميني ربما .. أخطأت في شرح ظنوني ربما سرت إلى حبك معصوب العيون و نسفت الجسر ما بين اتزاني و جنوني أنا لا يمكن أن أعشق إلا بجنوني فاقبليني هكذا .. أو فارفضيني .. *نزار قبّاني. ، غِيْد قفلت جوالها من كثر إتصالات الناس عقب الفضيحه اللي انتشرت ، وبتأفف: اوووف من هالعالم خلاص فكونا مب ناقصيين لكم انتم بعد لاحول ولا قوة الا بالله.. تناظر بشموخ بعد ما صحت وتحممت لبست بنطلون جينز هاي ويست ماسك من زارا ،وتي شيرت بشعار قوتشي أبيض ،ولامه شعرها كوكينا ولابسه حلق ماجيك ألامبرا لون أسود من فان كليف... جالسة على سريرها وبيدها الجهاز تقرأ بصمت تعليقات الناس* وسبهم لها ما اعطت اي ردة فعل اكتفت بالبرود،خافت غِيْد وقالت بنفسها " ياربي هذي وراها ساكته لايكون هدوء ما قبل العاصفه الله يستر منك يا شموخ" غِيْد بفضول : شموخي وش تفكرين* فيه؟! شموخ رفعت عينها وبتنهيده : ما افكر بشي بس قاعده اقرا كمية السذاجه والجهل بردود الناس ماصدقوا يجي اسمي بفضيحه وهاتك سب وكلام يسم البدن حسبي الله والنعم الوكيل.. غِيْد جلست بجانبها : شموخ انتِ انسانه قويه لا يأثر فيك الكلام* وطببيعي بيكون لك اعداء ، اكبر دليل شوفي الفضيحه كلن قعد يقط كلام من عنده ،و راح ياخذ عقابه اللي مسويها حسبي الله عليه شموخ بضيق : المشكلة بابا على طول صدق كلام الناس وانا كذبني يا غِيْد بابا العاقل الفاهم وش قلبه علي كذا غِيْد : ياحبيبتي طبيعي بتكون ردة فعل ابوك كذا هو مايرضى عليك، وابوك مكانته الإجتماعيه كبيره شوفي جوالاته ماوفقت اتصالات عقب اللي صار لا جوالي ولا انتِ ولا حتى امك كلن متصل ويسأل عنك شموخ بحقد : اكييد ولد الشيخ مبارك والله ماراح يسلم مني وباخذ حقي منه غِيْد بتأفف : اووف وبعدين معك رجعنا لسيرة ولد الشيخ مبارك ياحبيبتي صدقيني مو هو ، واضح اللي مسوي هالسواة واحد يعرفك زين ، الحين بسألك عندك مشاكل مع احد ؟ فيه اعداء لك ،حاولي تتذكرينهم ؟ شموخ ماجاء هالشي عن بالها ابدًا هي كانت متفوقه عالكل والأولىٰ على دفعتها لكن ماتذكر احد اساءة له عشان يسيء لها شموخ بضيق : لا والله يا غِيْد انا علاقتي مع الكل سطحيه لأبعد حد ولا عمري اذيت احد ولا احد اشتكى مني بالعكس انا معهم حتى ببحوثهم وتجاربهم انا اصصح لهم البحث برحابة صدر وما اخذ ولا ريال منهم كله اسويه لوجهه الله ما اعتقد احد يضرني هالكثر مُستحيل ، انا شاااكه ولد الشيخ مبارك اكييد انه هو غِيْد قامت بضجر: وبعديييين مع ولد الشيخ بارك تراك غثتيني فيه يا شمووخ الباب انفتح بقوة ،خافت شموخ من قوة الصوت رفعت عيونها وطلع ابوها جاي لناحيتها ووجهه مايبشر بالخير سحبها من يدها : تعاااالي تعاالي امشي معي شموخ مصدومه: بابا وش فييك والله ما سويت شي يا بايا كل هذا تحت راس ولد الشيخ مبارك ابو شموخ ثاير غضب اعطها كف : لاتطرين اسم ولد الشيخ مبارك على السانك ولا والله اقصه لك قص شموخ عورها الكف اللي جاها : بابا الله يسامحك لييش تظلمنني بابا اسمعنني تكففى تكففى غِيٌد وراهم تترجاه : تكفى يا عم والله ماسوت شي بنتك حراام تظلمها ابوشموخ* بعد يد غِيْد وطاحت على الأرض : شيلي يدك عني لا اكسرها لك مالك دخل ببنتي ،ويلا انقعلي من بيتي لاعاد اشوفك هنا انقلععي من وجههي غِيْد طاحت على الأرض وتبكي تترجاه : تكففى والله بنتك بريئه ماسوت شي حراام عليك ام شموخ جايه على صراخ بنتها : خييير يا ناصر وش فيك تسحب البنت مهبول انت وخر يدك عن بنتي شموخ : ماما تكفييين فكييني منه ام شموخ تحاول تبعد يده عن شموخ وبحده : شييل يدك عن بنتي ويين موديييها يا ناااصر ابو شموخ والنيران بعيونه : بروح استرها عقب فضيحتها اللي سودت وجيهنا الله يسود بوجهها ام شمووخ : ومن هذا اللي بترمي بنتي علييه ! ابو شموخ : الاستااذ عُمر بن عبد العزيز الـ ... جاي يتسر على بنتك عقب اللي سوته شموخ توسعت عيونها وكتمت شهقتها من طاري الأسم ام شموخ بصدمه : عُمر اللي يطلق الحرييم يخسسي اعطييه بنتي وبكرا يروح يطلّقها والله ما ياخذها ياناصر ابو شموخ سحب بنته بقوة من يدين نورة : ماهوب على كيفك ترفضيين ، انا ولي امرها وكلمتي هي اللي تمشي يا نورة عن اذننك ام شموخ تترجاه ودفها على الأرض: تكفى يا ناااصر لا ترمي بنتي بالنار تكففى لا ترمييها* على هالشايب اللي مايخاف الله ببنات الناس تكفى يا نااصر طاالبتك طاحت مقهورة على بنتها وبحسسرة: ااااه يا ناصر مالقيت غير هالشايب راااعي الحريم تزوجها وبترجع لي مطلّقه حسبي الله والنعم الوكيل .. غِيْد تبكي على حال شموخ " ماراح يرحمك ياشموخ بيطلقك والله ترجعين مكسسورة " .. ، دخلها بمجلس مغلق مافيه غير عُمر واقف بطوله وهيبته وعيونه تتفحص شموخ من فوق لتحت بإعجاب مخفي ابو شموخ رمى بنته قدااامه : هذي هي يا استاذ عُمر شموخ داخت من ريحة عطره هي تحب العُود لكن هذي الريحه غيير تغلغل مشاعرها ، زدات دقات قلبها اكثر حست انفاسها تضيق اكثر ،لكن شدّت قبضة يدها واخذت نفس طويل ورفعت عيونها الغارقه بعيون عُمر وقالت بجرئه تبي تري نفسها قدام عُمر وبصوت مبحوح :انا برييئه والله اني* بريئه واعرف اللي ورى هذا من يكون .. ابو شموخ قاطعها وسحبها من يدها* : يا قليلة الأدب تتهمين الرجال.. عُمر يناظرعيونها الواثقه الآسره ووقف ابو شموخ ونزل يده بهدوء : عمي اتركها تتكلم يحق لها تبرر لنفسها ، قولي من اللي عرفتيه يا استاذة شموخ شموخ عيونها بعيون عُمر اللي ذبحته جرائتها وبثقه :اللي يتبلاني ولد الشييخ مبارك ابو شموخ انصدم : وش تقولين يا بنت .. قاطعه عُمر بهدوء قاتل : اهدى يا عمي ،انا اعرف اللي يتبلى على بنتك ماهو ولد الشيخ مبارك مثل ما تقول شموخ شموخ مصدومه : اييش مستحيل انا متأكده انه ولد الشيخ مبارك مافييه غيره ممكن يأذيني ابو شموخ التفت عليه بذهول : وش تقووول انتً اجل من هو؟!! عُمر بيده الجوال اتصل وبصوت فخم تراقص في مسامع شموخ اللي تراجعت خلف ابوها : دخلوه للمجلس بسرعه ثم قفل : اللي يتبلى على بنتك مسكناه موجود هنا تقدر تشوفه ياعمي ابو شموخ توسعت عيونه ومشى للمجلس بصدمه رفع عينه للرجال اللي حولينه حرّاس عُمر واحد من العكسر قال : طال عمرك هذا المجرمتم القبض عليه من قبل مكافحة الجرائم المعلوماتيه ابو شموخ رمش بعينه بعدم تصديق : هذا أنت يا طاارق ، عند عُمر اقترب من شموخ اللي داخ من ريحة عِطرها قرب منها اكثر صار خلف ظهرها ،شموخ حابسه انفاسها حاسه بقربه" ياربي هذا وش بيسوي فيني" ارتعبت يوم شافته لبسها البشت حقه وهمس بإذنها : غطي نفسك عن الرجال برا ، اذا تبين تشوفين المجرم شموخ ماقدرت تلتفت عليه لأنه قريب منها، حطت البشت عليها مثل عباية الراس وقفلت بيد وحده* ، ومسك يدها الثانيه اللي* ترتجف ،شموخ طالعت بيده الحنطيه اللي بارزه عروقه ثم طالعت بعيونه وكأنها تقول "انتِ معي بأمان " نزلت شموخ عينها بسرعه لما طالع فيها، ابتسم ثم مشى ومشت وراه طلعوا من المجلس وشموخ رفعت راسها وشافت حرّاس عُمر ملتمين وثلاث من العسكر، واحد منهم مكبلش طارق انتبه شموخ عليه انصدمت : طططارق هذا انت يالحقييير تشوهه سمعتي هذاا جزاااتي حسبي الله عليك؟!! "نرجع للذاكر" طارق كان طالب مع شموخ في دراسة الماجستير بجامعة كامبريدج حُلم كل طالب دخولها والدراسة فيها صعبة جدًا طارق طلب من شموخ تساعده بالحث لأنه قربت مناقشته، لكن شموخ انمرضت وماقدرت تساعده وهو بأمّس الحاجه لها قال اجيك للبيت لكن رفضته واعتذرت منه وصرفته طارق نقص كثيير بسبب البحث ،وحقد عليها من بعدها اختفى وبأحد* المرات اضطرت شموخ تروح لوحده من صديقاتها في الملهى تاخذ اوراق الإستبيان ، ودخلت ووقتها طارق كان سكران وموجود ، شاف شموخ داخله وابتسم بخيث وحقد ولقطكم صورة لها : هيّن يا شموخ الطالبة المتفوقه هاه حسنة السيرة والسلوك يصيير خيير راح لشفته وصمم عليها كم صوره ونشرها بصفحته المُستعاره في المواقع الاجنبيه ومحد ربع له وترك الصفحه ونسى الباسوودر حقها .. لكن عُمر خلال بحثه العميق عن شموخ شاف هالصفحه واستغلها لصالحه ونشرها عند العرب* " طارق بترجي : تكفييين يا شموخ* سامحيني كنت ناوي احذفها والله بس نسيت الباسوورد تكفييين سامحيني ابو شموخ انقهر : تخسي يالخسييس تسامحك حسبي الله عليك شوهت سمعة بنتي الله لايوفقك يالخبييث شموخ بإنفعال ونظرات حاقده : كنت ناويه اني اساعدك يالحقيير لكن جا مرضي نعمه عشان يدي ماتتوسخ بناس مثلك السجن انخلق لاشكالك ولا عاد توريني وجهك طول ما انا حيه... عُمر ضمّها لصدره يحاول يهديها : خلاص اسكتي خوفتي العالم بصوتك شموخ بغضب وحقد عيونها بعيون طارق اللي سحبته الشرطة ودفت عُمر : قههرني اذااني الحقير شلوون تبيني اسكت ! عُمر بعناد سحبها لصدره وسكت فمها بيده وبهمس : قلت لك اسكتي امشي داخل لين اخلص اموري شموخ عيونها بعيون عُمر تحاول تتكلم "ياربي انت وش جابك لعندي " دخلها المجلس المغلق واشر لها تنتظر لين يجي .. ، أبو شموخ مشغول مع العسكري وما انتبه لحركة عُمر لشموخ عُمر وعلامة الإنتصار الكبير بوجهه : الحمد لله يا عمي تم القبض على هالخسيس اللي مايخاف ربه ببنات الناس ابو شموخ منحرج من عُمر : والله ماتقصر يا استاذ عُمر عُمر قاطعته : بدون رسميات يا عم قول يا عُمر ولا يا ولدي مو احنا اهل ؟! ابو شموخ صافحه : عز الله انك كفو يا ولدي وقفت معي وقفة رجال ماراح انساها لك عُمر بثقه: ماسويت الا الواجب يا عم .. ابو شموخ بإنكسار وضعف ،ندم انه تسرع وظلمها ووافق على عُمر بسرعة ، لكن عُمر كبر بعينه عقب ما طلّع براءة بنته وكشف طارق اللي تبلى عليها ، ابو شموخ يناظر بعيون عُمر اللي ينتظر شموخ عشان ياخذها : ولدي عُمر تقدر تاخذ حححرمتك وتتوكل على الله بس تراها امانه برقبتك يا عُمر... عُمر ياشر على عيونه : من عيوني يا عمي لا توصي حريص ابو شموخ راح للمجلس ، فتح الباب يمشي وبارد وجهه قامت شموخ وحضنت ابوها : شفت يا بابا اني بريئة بس ما صدقت بنتك ابو شموخ نزلت من عينه دمعه : سامحيني يا بنتي انا ظلمتك وضربتك جعل يدي للكسر تكفيين سامحييني شموخ مسحت دمعته : استغفر الله بابا لاتدعي على نفسك والله مسامحتك يا بابا شلون ازعل منك وانت تاج راسي ابو شموخ نزل راسه وسكت وناظر بعُمر ثم ببنته : شموخ بنتي عُِمر تقدم لك وانا وافقت عليه ويبيك هالحين تروحيين معه .. شموخ بصدمه تناظر ابوها : شلووون ؟!! ، * الى هنا نتوقف * " لاتنسون الردووود الحلوه ابي توقعاتكم للبارت عشان انزل التكمملة اليوم" * " نهاية البارت " |
رد: رواية غرامك يالخفوق ذبحني هآت حضنك يحتويني
يعطيج العافيه اختي تسلم يمناج
والله بارت روعة وغير متوقع كما عهدناج دايم تصدمينا عمر هذا مدري شقول بصراحه مخطط من الدرجة الاولى اللي عيبني انه طلع برائتها لان ماحبيت يكون ظالمها عشان هالسالفة بس طلع في جانب يشفع له هاي وجهة نظري بس حييل روعة الرواية احداث واكشن ولعب اعصاب اهنييج وتنرياج بالبارت الياي |
رد: رواية غرامك يالخفوق ذبحني هآت حضنك يحتويني
اقتباس:
الله يعافيك ويسلمك حبيبتي انتِ .. الأروع وجودك ،ايه لِسهْ الصدمات بالطريق الله يعينكم ايه لاني حبيت هالشي صراحه ماابيه يمسكها بشي ويهينها فيه يا عمري الله يسعدك على كلامك الحُلو، وبإذن الله تكون عند حسن ظنك باذن الله على خير وما انحرم من هالطلّه |
رد: رواية غرامك يالخفوق ذبحني هآت حضنك يحتويني
إيّاك أن يَعبُر رَبيع العَشر قَلبك ثمّ لا يُزهر كبّر ، هلّل ، استغفر ، صُم ،اسْجد واقترب. مسيّهم بالخير بإذن الله مثل ما قلت لكم موعدنا مع البارت السادس الليلة والله الله بتفاعلكم الحُلو وبالذات اللي يقرون خلف الكواليس تعالوا شاركونا التفاعل واذا متعيجزين انا موجود بالواتباد https://my.w.tt/SiIsS9jnUY وكونوا بالقُرب واللي صايمين لاينسونا من دعواتهم. |
رد: رواية غرامك يالخفوق ذبحني هآت حضنك يحتويني
بسم الله الرحمن الرحيم ، "ربِّ ادخلني مدخل صدق وأخرجني مخرج صدق وإجعل لي من لَدُنك سُلطانًا نصيرا" ، السلام عليكم ورحمة الله وبركاته البارت ونزززل كرمال تفاعلكم الحُلوو "البـارت السادس " رواية غرامك يالخفوق ذبحني هآت حضنك يحتويني/بقلمي . ، أريدها وحدي .. فلا يدّعي غيري هواها .. تلك أطواري أريدُ أن أطوي عليها يدي من ريبتي .. من فرط إيثاري أحبها وحدي .. وما ضرني أن تنقل النجومُ أخباري فيشربُ الصباحُ أنوارها ويشربُ الغروبُ أنواري *نزار قبّاني . ، * ابو شموخ نزل راسه وسكت وناظر بعُمر ثم ببنته : شموخ بنتي عُِمر تقدم لك وانا وافقت عليه ويبيك هالحين تروحيين معه .. شموخ بصدمه تناظر ابوها : شلووون ؟ دخلت عليهم ام شموخ بعد ما وصلها براءة بنتها ، جايه تنقذ بنتها من عُمر راعي الحريم وحاطه الطرحه على راسها وتناظر عُمر من فوق لتحت وتسحب شموخ عندهاوقالت بنبرة حادة: يخسسي* والله ماراح* ياخذها يا ناصر بنتي مستحيل شموخ توافق علييه ابو شموخ انصدم من دخولها المفاجأ ، جاء بيتكلم عُمر اشر بحركة سريعة محد انتبه لها لأحد رجاله يسجل الحوار بينهم عشان يكون لصالحه ومحد له كلمه عليه او يستخدم ضِده ان شموخ براضها بتوافق عليه .. قاطعه عُمر بهدوء وبخبث يناظر بأم شموخ ثم بشموخ: معك حق يا خاله انا ما اخذ البنت الا بموافقتها وراضها هي .. ثم ناظر شموخ المصدومه منه قال : شموخ هل تبقليني انا عُمر بن عبد العزيز الـ .... كزوج لك ، برضاك دون ضغط من الاهلاو اي ظروف كانت وانتِ بكامل قواك العقليه والجسديه؟! ابو شموخ صدمه عُمر اكثر "هذا وش بلاه "وشافها فرصه كبيره له وابتسم "شموخ اكييد بترفضه وماراح تتزوجه " التفت لشموخ ينتظر ردها بثقه : هاه يا بنتي سمعتي الرجل وش يقول هل تقبلين فيه كزوج لك واحد مثل عُمر ؟ عُمر ما اعجبه كلام ابو شموخ وواضح عليه مايبي شموخ توافق ومتوقع رد بنته الرفض ،عُمر بثقه يناظر بشموخ ام شموخ : وش تقووول انت يا ناصر انهببلت شموخ اكييد ماهي مواافقه بنتي واعرفها مستحيل تقبل بهالرجل مايحتاج ناخذ رايها احنا ادرى بمصلحتها ابو شموخ كأنه يطمن زوجته بنظرة ،هي فهمت عليه وطمنها اكثر .. شموخ بلحظة صمت وكلهم ينتظرون ردها وتتذكر كلام امها وابوها وكانت تترجاهم يصدقونها لكن كلهم كذبوها وهالشي قهرها وخذلها وكسرها ، ثم جاء عُمراللي تشوفه فارس احلامها انقذها وطلّع براءتها* قدام اهلها اللي ماصدقوا بنتهم عُمر جاي يستر عليها عقب الفضيحه ويلتقى الرفض من الأم ،شموخ شافتها فرصه* كبيره لها ،انها توافق عليه وتعاند اهلها* بعد ظلمهم لها وبنفس الوقت لو جاء عُمر خطبها مثل ماخططت قبل راح يلاقي* الرفض والطرد من البيت لأن ابوها مستحيل يقبل واحد مثله لكن تشوفها فرصه ان ابوها منحرج من عُمر ومايقدر يرد له طلب ،شموخ نزلت يد أمها بهدوء ،راحت لعُمر ومسكت يده وبجراءه منها قالت : انا موافقه عليه برضاي انا شموخ بنت ناصر الـ ،وبكامل قواي العقليه والجسديه ومن دون ضغط داخلي او خارجي ام شموخ حطت يدها على فمها بصدمه : انتِ صاحييه يا بنتي تعرفين وش هالرجل يكون ؟! شموخ بحده : ايه اعرفه ياماما جاي يسترني عقب اللي سواه طارق النذل ،وطلع برائتي بعد ما ظلمتوني انتم وانا راضيه فيه كزوج لي .. ام شموخ انصدمت من كلام بنتها : ياويلي بنتي انجننت ماهيب صاااحيه يا بنتي هذا بكرا يـ... قاطعتها شموخ : ماااما خلاص انا راااضييه عُمر ساكت يشوف المسرحيه اللي خطط لها وصار مثل مايبي بالذات عناد شموخ لأهلها "والله مانتي هينه يا بنت ناصر" ابو شموخ انقههر من بنته ، شاف عُمر مبسوط اللي قدر يكسب شموخ لصفه ضِد امها* وحس نفسه انحشر اكثر وخيبت ظنّه شموخ بردها الصادم وحس نفسه مجبور يهني النقاش وتذكر كلام بنته انها تختار اللي تبيه: خلااص يا ام شموخ هذي رغبة البنت مالك حق ترفضين ام شموخ تبكي وتترجاه : انت ابوها تقدر ترفض يا نااصر اررفض ابو شموخ بعدها عنه : خلاص هذا نصيبها يا نورة رضت فيه وانت يا عُمر خذ حرمتك وتوكل عُمر اخفى ابتسامة وبثقه قهرت ام شموخ : راح احطها بعيوني يا خالتي لا تشيلين هم بنتك بالحفظ والصون ام شموخ انهارت تبكي ،عارفه مصير بنتها بترجع لها بس مطلّقه ومكسوره وذليله :حسبي الله والنعم الوكيل.. ابو شموخ اخذ بنته برا المجلس وترك ام شموخ وغِيْد اللي دخلت بعد ما طلعوا حرّاس عُمر : لييش مارفضتي والله يا خالني راح يطلقها شمووخ غبيه راحت النار برجولها ام شموخ : اااه ياخسارة تعبي على بنتي حسبي الله عليك يا ابو شموخ وحسبي الله عليك يا عُمر على كثر الحريم مالقييت تحط عيينك على بنتي ...!! غِيْد تمسح دمعتها : استهدي بالله يا خالتي الحمد لله ان بنتك بريئة وان اخذت عُمر فهو راح يسترها ويسكت حلوق الناس عنها مو تبينها تتزوج ام شموخ : وش قاعده تقولييين انتِ ، تتزوج عمرراللي* بيطلقها وش تستفيد من زواجتهم غير الطلااق ام شموخ انهارت : يااحسرتي على بنتي بسس حسبي الله عليك يا عُمر ... غِيٌد حست انها زادت الطين بلّه وفضلت السكوت ومواساة خالتها * ، * عند بوابة القصر قسم الرجال* عُمر : بإذن الله ياعمي بكرا الصباح راح يجي المأذون الشرعي يملك لنا ،وان تبي الشموخ حفلة انا تحت امرها ابو شموخ : ان شاء الله عسى الله يوفقكم والحفلة ياليت تكون عائلية في بيتك ولا بيتنا اللي يريحكم عُمر ابتسم بإنتصار : آميين ، كل شي بوقته ياعمي مافيه عجله بالحفلة ،يلا عن اذنك يا عمي في امان الله... ابو شموخ : في آمان الله ... شموخ واقفه بجنب عُمر وملبسها بشته وقلبها ينبض بقوة وهي بقربه* غمّضت عيونها تحس روحها بحلم .. ثم ودعت ابوها ،ماقدرت تمسك نفسها وبكت: مع السلامة بابا* راح اشتاااق لك ابو شموخ ضمّها وودعها مسح دمعتها : في حفظ الله يا بنتي وانتِ قريبه* منا متى ما بغيتي حياكِ بأي وقت يا بنتي عسى الله يسعدك ويوفقك شموخ تمسح دمعتها وبثقه : آميين يا بابا مع السلامة ووصل سلامي لماما وغِيْد ولا تشيل همي انا اكيد بكون بخير مع عُمر عُمر رفع حاجبه بإعجاب من ثقتها فيه ..! ابو شموخ ودعها بقلب مقهور على بنته لكن هذا نصيبها وبنفس الوقت ،كانت همّ بالنسبة له ،يبي يزوجها بأسرع وقت لكن ماتوقع ان الأمور راح تسوء اكثر وجاء من يتبلى عليها والناس ماصدقت تتكلم بعرض بنته ووصل له كلام* عنها يشيّب الراس من بعض الزملاء* والأقارب وماتوقع عُمر الغريب بالنسبة له، هو من ساعده ووقف معه بعكس اقاربه ماصدقوا بنته تطيح سمعتها ، حس بالخذلان منهماطلق تنهيده طويله : الحمد لله على كل حاال ثم دخل لقصره متجاهل ام شموخ اللي تترجاه يرجعها دخل المصعد وقفل بوجهها رايح لغرفة الضيوف ينام فيها ماله خلق يقابل صراخ نورة وتشكيها ، * عُمر ركب شموخ بسيارته الرولز رويس وقفل الباب تلقائي ، شموخ بحكم دراستها بالخارج وإختلاطها مع العالم شخصيتها جَريئه شوي لكن بحدود كانت شموخ سرحانه تحس بنفسها بحلم ماهي مستوعبة الاحداث اللي صارت لها هاليومين امس كانت بالحفلة شافته واليوم جاء فارس احلامها ينقذها من الفضيحه والتهمه اللي سواها طارق وشوهه سمعتها بشكل ما توقعته ابدًا ولا خططت له ،كانت تبي امه او وحدة من خطاباته تخطبها ، ماتوقعت ردة فعل اهلها الرفض لعُمر بالذات امها شلون انجننت لما تقدم لبنتها شموخ استغلت الفُرصه منها عناد لأمها وابوها ومنه تتزوج عُمر اللي فاق كل توقعاتها بلقاءه والزواج منه بهالطريقة ابتسمت لا إرادي بزواجها من عُمر تحقق بشكل غير متوقع شموخ عيونها تتأمل اشكال وتصاميم القصور بالحيّ الراقي اللي هي فيه.. قطع حبل افكارها عُمر لما فتح الثلاجة وسكب كاس ماء بارد قدّمه لشموخ وعيونه على ابتسامتها الساحرة ،ومستغرب شلون وحده مثل شموخ ترضى فيه !* قال بنفسه "اكيد عناد لأهلك بعد ما ظلموك وافقتي علي ،مثل ماخططت له وتوقعته صار "بإبتسامه وبنبرة هاديه مد لها الكاس : سمي اكيد انك عطشانه شموخ انتبهت له ثم ناظرت يده ومدت يدها ترتجف حاولت تتماسك بس ماهي قادره وانكب الماء على التي شيرت* قمطت* من مكانها وبعصبيه: وجع شوف شلون سويت ببللتني عُمر ضحك وبخبث : ههههههه بسم الله عليك موب انا هذي يدك اللي ترتجف كان قلتيلي اشربك بيدي شموخ بغيض : ماتشوف يدي والمفروض تعطيني علبة مويه موب كوب جايبه لي اشرب وانا بذا الحالة... عُمر اخذ المناديل ومد لها تسمح التي شيرت: خذي امسحي لا يجيك برد وابلش فيك عاد شموخ سحبته من يده ،تجفف التي شيرت وبتأفف : اووف ما اخذت ملابسي شلون بنام كذا ؟!! عُمر مانزل عيونه ومبتسم على حلطمتها : اغراضك بتوصل بكرا وصيت المشرفة تجيبها ، اذا تبينها الحين عادي ماعندي مشكلة اعطيهم خبر شموخ تناظر الساعة وبرحمه : لا حرام هذا وقت نومهم خل ينامون مابي ازعجهم عُمر سند نفسه وبخبث : اوكي براحتك فيه ملابس* نسائيه عندي بأحد الغُرف* اذا تبين تلبسينهم ماعندي مشكلة شموخ ناظرت فيه بحقد : تبيني البس من ملابس حريمك لا حبيبي انام بلبسي ابرك لي من صدقاتك على حريمك عُمر كتم ضحكته وبنبره هاديه: بكييفك نامي* بلبسك خذي راحتك حبيبتي هذا قرارك شموخ مغصها بطنها من هالكلمه "وجع مايستحي ايه متعود متعود راعي الحريم على هالكلمة" صدت عنه واكتفت بالسكوت ، وصلت سيارتهم لبوابة القصر الملكية وفتح لهم أحد الحرّاس البوابة الخارجية، شموخ قد شافت القصر لكن مو بالكامل كان كبير وشرح ووصلت لبوابة رئيسية داخلبه غير عن البوابة اللي دخلتها بحفلة بنت اخت عُمر الاميره هنوف .. فتحت باب السيارة تِلقائي ونزل ونزلت شموخ وراه وعيونها تتأمل بالمكان أعجبها اشبهه بقصور أوروبا الملكيه لكن هذا شبابيك طويله جدًا ،اعجبها التصميم لأن نور الشمس ياخذ مساحه اكبر وذكرها بتصميم غُرفتها عُمر التفتت لها وبأمر: شموخ امشي شموخ انتبهت على نفسها : جاايه شموخ دخلت تحس برهبه في المكان والخدم صافين على اليمين والطباخين يسار " وش هالعالم " حست روحها ملكة وهي تشمي بينهم وعليها البشت حق عُمر عُمر اشر لهم يرون لطاولة الطعام الكبيره اللي تضم18 كُرسي وقف عُمر بالنص وعلى يمينه شموخ اللي تتأمل المكان قصر ملكي من الآخر ، اخذت نفس عميق تخفف من توترها عُمر بهيبته المُعتادة : السلام عليكم ورحمة الله وبركاته الكل رد :* وعليكم السلام ورحمة الله وبركاته عُمر وزع نظره على الجميع يتأكد ان الكل مُنصت له ثم أشر على شموخ : اعرفكم على سيدة هذا القصر زوجتي السيدة شموخ .. شموخ والأنظار عليها حست بإحراج وبهمس : حسستني اميرة .. عُمر سمعها وتجاهلها ثم اكمل : هي صاحبة هالمكان واحترامكم لها يعني احترامكم لي ، كلمتها هي اللي تمشي محد له كلمة عليها واللي يعصي كلامي يعرف عقابه زين الكل : ان شاء الله طويل العمر .. عُمرنادى على المشرفة ، ثم اشر للباقي ينصرفون: روحي لمكتبي* وانتظريني هناك.. شموخ تتأمل بعُمر "والله هيبته تذببح " شافت عُمر لف نزلت عيونها ، عُمر قرب لعندها ورفع ذقنها : فتحي عيونك شموخ مغمّضه : ماراح افتحها عُمر رفع حاجبه : ليش ؟! شموخ بحياء : تعورني عُمر : الله اكبر لهالدرجة شوفتك لي تعورني شموخ انحرجت وبعدت يده : لا تعورني عشاني مانمت بدري عُمر يناظر بالساعة : ماشاء الله نومك نوم دجاج شموخ : ايه الحمد لله نومي نوم دجاج ، وبنام الحين عُمر ابتسم وبقصد: زين وحده نومها طبيعي موب مثل غيرك شموخ فهمت عليه وتجاهلة رده ومشت قدامه : وين غرفتي بنام عُمر ابتسمت ثم مسك يدها : تعالي اوريك غرفتك شموخ مشت وراه وتتأمل طوله وعضلاته ويدها النتفه بيده الكبيره اللي بارزه عروقه ، صدت عيونها عنه ماتبيه يحس انها تتأمل فيه، دخل المصعد وهي قدامه ، حاسه نفسها يضيق وتناظر رقم الأدوار تنتظر متى يوقف ، عُمر قرب عندها اكثر شموخ مغصها بطنها توترت اكثر عمّضت عيونها لما حست انه نزل البشت على كتفها .. * ، الى هنا نتوقف اذا شفت ردوودكم كثييره*تفاعل كبير راح انزل البارت بأسرع وقت* * "نهاية البارت" |
رد: رواية غرامك يالخفوق ذبحني هآت حضنك يحتويني
ايالله صبّحهم بالخير
اعتذر عن التأخير ، انشغلت والله بس الحمد لله نزلته لكم مابخلت عليكم بتزيل البارتات بدري لذلك لا تبخلون علي بتعليقاتكم لأنها تهممني كثييير اذا شفت تفاعل قوي راح انزل البارت بدرري وقِراءة ممتعة للجميع. |
رد: رواية غرامك يالخفوق ذبحني هآت حضنك يحتويني
كبِّر وكُن لله مطواعًا ؛ فالله أكبر فوقَ كُلِ كبير .
يالله تمسيّهم بالخير.. غدًا بإذن الله لقاؤنا مع بالبارت السابع حيكون المساء واحتمال كبير العصر او الظهر عاد الله الله بالتفاعل الحُلو هنا اذا شفت كثير راح اطوّل بالبارت وكونوا بالقُرب |
رد: رواية غرامك يالخفوق ذبحني هآت حضنك يحتويني
يعطيج العافيه بارت يجنن تسلم يمناج
شو بلاه ابو شموخ ببنته جذيه اكو اب يعطي منه بهالطريقه وغير جذيه يبي الفكه منها شكيت ان وراه سالفة هالابو ام شموخ كسرت خاطري من زوجها شموخ اكيد بتندم ويتاخذ جزاتها اذا زوج شرير مثل عمر تسلمين حبيبيتي نترياج |
رد: رواية غرامك يالخفوق ذبحني هآت حضنك يحتويني
اقتباس:
نشوف بالبارت الجاي باذن الله بيوضح لكم اكثر يسلمك ربي ونورتي وشرفتيني |
رد: رواية غرامك يالخفوق ذبحني هآت حضنك يحتويني
مساء الخيرات
حبايبي اعتذر منكم راح يتأخر البارت بسبب ظرف لي لذلك موعدنا الليله ، وبإذن الله حيكون طويل كونوا بالقُرب |
رد: رواية غرامك يالخفوق ذبحني هآت حضنك يحتويني
بسم الله الرحمن الرحيم ، "ربِّ ادخلني مدخل صدق وأخرجني مخرج صدق وإجعل لي من لَدُنك سُلطانًا نصيرا" ، السلام عليكم ورحمة الله وبركاته البارت طوّلته لعيون اللي طلبوا والله الله بالتفاعل الحُلو .. "البـارت السابع" رواية غرامك يالخفوق ذبحني هآت حضنك يحتويني/بقلمي . ، * أنا ألـف أحبك.. فابتعدي عني.. عن نـاري ودخاني فأنا لا أمـلك في الدنيـا إلا عينيـك... وأحـزاني *نزار قبّاني. ، دخل المصعد وهي قدامه ، حاسه نفسها يضيق وتناظر رقم الأدوار تنتظر متى يوقف ، عُمر قرب عندها اكثر شموخ مغصها بطنها توترت اكثر عمّضت عيونها لما حست انه نزل البشت على كتفها ..سمعت جرس المصعد فتح الباب طلعت بسرعه تنفست براحه ،عُمر عض على شفته السفليه "ايه اهربي بس تكونين زوجتي على سنة الله ورسوله* مالك مفر مني" عُمر طلع من المصعد بطابق تصميم غير عن الطوابق الثانيه هالطابق خاص بُعمر محد يدخل غيره فيه مكتبه الخاص لكن له بوابة ثانيه اما هذا الطابق محد يدخله غير هو فقط وبإذن منه ، اما زوجاته السابقات ممنوع يدخلونه ، مشى بهدوء وشموخ وراه تتأمل بالمكان اعجبها حيل ابتسمت بإعجاب ..عُمر لمح سرحانها وابتسامتها ثم وقف بقصد ، صدمت فيه شموخ عُمر ابتسم بخبث ورفع حاجبه: ماتشوفين انتِ ؟ شموخ ترقع : اااسفه ماشتفك ،عيوني تعورني ابي انام عُمر فتح باب غُرفته الخاصة بالبصمه: خلاص وصلنا تفضلي شموخ بإنبهار من الغرفة كبيره تتميز بشبابيك طويله بستاير دانتيل لون أبيض ويتوسطها سرير كبير بمفرش قطني لون ابيض وكنبه طويله عند المدفئه* وباب غرفة ملابس داخليه له شموخ بإستغراب من الاثاث قليل ، شافت عُمر بيده جهاز يقفل الشبابيك من برا ،شموخ : لا اتركها انا احب ضوء الشمس عُمر استجاب لطلبها : اوكي عموما هذا سريرك تنامين عليه الليله ان احتجي شي اتصلي على هذي الارقام المشرفه الخدم كل شي موجود عندك .. شموخ بتساؤل : طيب وان احتجتك انت ؟ عُمر استغرب من سؤالها وابتسم* اخذ الجهاز وسجل رقمه بأسم* "زوجي العزيز عُمر " : خلاص سجلت رقمي فيه اوامر ثانيه سيدة شموخ ؟ شموخ : لا مشكوور .. عُمر طلع عند الباب: العفو تصبحين على خير ولا تنسين بكرا ملكتنا ،ولا تشيلي هم كل شي راح يكون جاهز شموخ انحرجت منه نزلت راسها : وانت من اهله ،اان شاء الله تنفست براحه لما طلع ، نزلت البشت على الكنبه شافت باب غرفة الملابس مفتوح دخلته كانت غرفه كبييره مقسمه لبدل رسميه وثياب وبشوت ، واشمغه وملابس طلعات ودولاب كامل كله جزم "انتم بكرامه" اخذت لها بجامه حرير من بجايم عُمر ولبستها كانت كبيره عليها لما شافت نفسها بالمرايا : يلا شي احسن من لا شيء حطت ملابسها على الكرسي ، وطلعت راحت لدورة المياة غسلت وجهها وجففته طلعت وارتمت على السرير وتركت شعرها مفتوح وناامت ... ، في احد الغرف اللي نام فيها بعيدًا عن بكاء زوجته نورة ورفضها لعُمر يكون زوج لبنتها، كان يشوف كابوس من سنين يجيه بين فتره وفتره يراوده هالحلم ، جسمه عرقان ونفسه يضيق اكثر يتنفس بصعوبه ،اخذ من الثلاجة علبة مويه يشرب وباله مشغول بهالكابوس يلاحقه و يشوفه يتردد عليه كثير شريط حادث قديم صار قبل 9 سنوات في الليل كان واقف عند الأشاره مافيه سيارات كثير لكن ينتظرها تصير خضراء، تأفف شاف العداد قرّب يصير اخضر حرّك بسرعه ما انتبه للسيارة تاكسي مسرعه ناصر شافها وسحب بريك* يوقف ، االتاكسي لف عن سيارة ناصر وصدم بجزء بسيط من سيارة ناصر ، ثم صدم التاكسي بعامود الإشاره صدمه قويه بسبب سرعته وشاف حرمه طارت من السياره وطاحت على الأرض ناصر نزل من السياره مصدوم من اللي صار قدامه معرف وش يسوي شاف الحرمه تسنتجد فيه : تكفى ساااعدني سااااعدني ... لكن ناصر تركها وهرب بسرعه بسيارته لأن نسبة كبيره الخطأ عليه ، لكن مانسى صوتها الى الآن يرن في اذنه .. غمّض عيونه : استغفر الله واتوب اليه هذي حيّه ولا ميته مسح وجهه وتعوذ من ابليس .. شاف الساعة 4:00 قام من سريره يروح يصلي في المسجد وجلس فيه يستغفر ويقرا ، بالله مشغول فيها وده يعرف هالحركه ميته ولا حيّه ماحس بالوقت الا الساعة 7 قام ركب سيارته واتجه لإدارة المرور يستفسر عن الحادث وش صار عليه..! * ، جالس في مكتبه ينتظرها ، انفتح الباب عرف انها امه وملامح وجهها ماتبشر بالخير ، قام عُمر يستقبل امه : هلا بالغالية جايه تباركين لي فديتك والله االاميره نجد : جايه ابارك لسواد وجهك اعنبو ابليسك ماتستحي على وجهك ماتخاف ربك انت جايب البنت عندي هنا عُمر : اولاً انا اخاف ربي ، ثانيًا البنت براضها ورضى ابوها جت عندي الاميره نجد : تخسسي ما جات برضها الا انك غاصبها يالنذل هي وابوها حسبي الله عليك من ولد عُمر بيده جهاز التسجيل اعطاه لأمه : لا تتحسبين علي يا يمه قبل ماتسمعين هالصوت عشان يكون اثبات ودليل اني ما اجبر اي حرمه بالزواج مني.. الاميره نجد سحبته منه : هات اشوف سواد وجهك سمعت الحديث اللي دار بينهم البارح ، انصدمت على موافقة شموخ لعُمر : معقولة هذي انبهلت شلون تاخذ واحد مثلك ؟! عُمر ابتسم بثقه : اسألي نفسك عندك الجواب يا يمه الاميره نجد نظرات حقد : اكيد ماوافقت عليك الا عناد بأهلها اللي ماصدقوا بنتهم ،ورموها عليك حسبي الله عليهم من اهل وانت مخطط هالشي من ورى راسك ،عشان تتزوجها عُمر ضحك* ثم بنبرة حقد : ههههههههه لا يا بمه مو عشان زواج ، معقوله نسيتي قبل 9 سنين ولا اذكرك ؟!! الاميره نجد بإستغراب : وش اللي تذكرني فيه ! عُمر : حادث زوجتي الاولىٰ نسيتيه معقوله* ؟! انا مُستحيل انساه كل يوم يمر ببالي يايمه انتظر الفرصه عشان انتقم من هالحقير الاميره نجد بصدمه : المتسبب لا يكوون نااصر !!! حطت يدها على فمه ،رمشت بعينها معقوله ابو شموخ هو السبب عُمر والحقد بقلبه : ايه ناااصر الخسييس الاميره نجد : لييه ما قاضيته طول هالسنيين لييه تاركه عايش ! عُمر مشى ووقف عند الشباك ويشوف العمّال يزينون الحديقه شد على قبّة يده : تركته يعيش حياته مع اهله وقفلت ملف القضيه دام الغلط على الاثنين لكن ناصر الحقير هو المتسبب بموتها وجاء الوقت* اللي انتقم منه ببنته شمووخ.. الاميره نجد جلست على الكرسي ماقدرت تشيل نفسها اكثر من هول اللي تسمعه : حراام عليك يا عمر خربت سمعة البنت مالها ذنب اذا ابوها هو السبب .. كان اخذت حقك من ابوها موب من بنته شلوون طاوعك قلبك تسوي هالسواة !! عُمر : بنته غالية على قلبه ،مثل ما زوجتي غاليية على قلبي .. الاميره نجد : ياويلي لا يكون بتذبح بنته ؟!! عُمر ضحك : ههههههههه ما اوسخ يديني يا يمه مثل ناصر .. الاميره نجد خافت : اجل وش بتسوي ؟! عُمرالتفتت لأمه بإبتسامة خبث ومكر : ما راح اقول وش بسوي فيها لكن بعينك بتشوفيين يا يمه .. تركها عُمر بصدمتها وطلع متجهه لغرفته .. الاميره نجد : ياويلي من هالولد وش يبي ببنت الناس ! خذ حقك من ابوها موب من بنته المسكينه حسبي الله والنعم الوكيل ، رجع من بيته بتاكسي عقب ما استفسر من ادارة المرور ماقدر يسوق من هول الخبر اللي سمعه ماهو مصدق يمشي مصدوم يالله يشيل نفسه ، شافته ام شموخ : بسم الله ناصر وش فيه وجهك قالب؟!! ابو شموخ يتصبب عرق : ياااويلي يا نورة انا وش سويييت ام شموخ بخوف : نااصر قلي وش فيك ؟!! ابو شموخ يشرب كاس الماء : اااه ليتني مت بذاك الحادث ام شموخ ماتت خوف : بسم الله عليك اي حادث ؟! ابو شموخ التفت لها : تذكريين حادث التاكسي والحرمه اللي صار؟ ام شموخ توسعت عيونها : ايه وش فييه ؟ لايكون اكشفوك ؟! ابو شموخ بحسرة : لييييتهم كاشفييني يا نوورة ولا وديت بنتي للنار ام شموخ تضربه بصدره: وش تقصد يا ناااصر فهمممني بنتي وش فيها لايكون سوى لها شي النذل عُمر ؟!! ابو شموخ : عُمر يطلع زوج الحرمه اللي صدمتها.. ام شموه بصدمه حطت يديها على فمها : وش قللت شلون عرفت؟!! ابو شموخ : قبل شوي رحت استفسر عن الحادث وش صار عليه طلعت الحرمه توفت بالحادث ،والحرمه تطلع هذي زوجته ام شموخ حطت يدها على وجها : ياويلي ويلاه بنتي راحت فيها حسبي الله عليك .. ابو شموخ سكتها : لا محد يدري من المتسبب وملف القضيه تقفل من سنيين عُمر بنفسه مايدري لو يدري كان قضى علي تمطني يا نورة ام شموخ ماهي قادره تستوعب : يعني عُمر مايدري انك المتسبب في حادث زوجته ؟ ابو شموخ : لا مايدري ولا احد يدري ان مافتحتي فمك ام شموخ تمسح وجهها : حسبي الله عليك يا ناصر ليتك ما وافقت عليييه الحين وش يضمن انه مايدري عنك ؟!! ابو شموخ :عُمر ماجاء يستر على بنتنا الا عشان نوافق عليه لأن طبيعي ماراح نوافق على رجل يتزوج ويطلّق عقب فضيحتها وبرء بنتنا من الفضيحه ، تطمني يا نورة عُمر بياخذها شوي ويطلّقها مثلها مثل غيرها وترجع لنا بنتنا ام شموخ تبكي بحسره : ااه ياحسرتي على بنتي، تجيني مطلّقه* والله راضيه اهم شي بنتي ترجع لي ... ابو شموخ يشوف الساعة : قومي يا نورة خلينا نتجهز نحضر الملكه اللي كلها كم شهر وترجع لك بنتك مثل غيرها .... ام شموخ بكت اكثر : الله يساامحك يا نااصر وديت بنتي للنار الله يسامحك .. ابو شموخ بضيق : خلاص يا نورة اللي فيني مكفيني قومي لا نتأخر .. تركها وصعد فوق لغرفته يتجهز ، شلون دارت الدنيا بناصر عُمر صار زوج لبنته عقب ما تسبب بوفاة زوجته الأولىٰ.. ، كان جالس يتأملها نايمه ولابسه من بجايمه ابتسم ،كان عارف انها ماراح ترتاح بلبسها وترك باب غرفة الملابس مفتوح عُمر همس بأذنها : شمووخ حبيبتي يلا قومي كفايه نوم شموخ بعدت وجهه : بابا خلاص روح ابي انام .. مسك يدها بلُطف : شموخ انا عُمر قومي بلا دلع شموخ تحاول تستوعب فتحت عينها الصوت غريب عليها شافت عُمر قدام وجهها قامت مفجوعه : بسسم الله وش جابك هنا..!! تتأمل بالمكان واشعة الشمس عورت عيونها عُمر طبطب عليها : بسم الله عليك صحصحي يلا العاملات ينتظرونك تحت... شموخ استوعبت وتناظر لبسها وتفشلت غطت نفسها بإحراج : طيب جايه ممكن تطلع ؟! عُمر اخفى ضحكته : لا تطولين عجلي ، وملابسك عندك والفتسان موجود داخل بغرفة ملابسي شموخ : اوكي مشكور .. طلع عُمر ، ونزلت الغطى من وجهها خدودها حمراء متفشله من الموقف ، قامت من السرير راحت فتحت شنتطها كل اغراضها مجهزه ، اخذت اللي تحتاجه وراحت لدورة المياه "انتم بكرامه"* تحممت وجففت شعرها ، ولبست بجامة حرير من فكتوريا سكيرت،ورفعت شعرها كله فوق طلعت من غرفة عُمر، نزلت وسلمت على الاميره نجد كانت جاهزه وخالصهه تحاول تمسك أعصابها عند شموخ وماتبي تبين* المصيبه اللي ناويها عُمر لشموخ .. ثم دلّتها لأحد الغرف عُمر مهجز كل شي من الى مخطط كل شي عشان انتقامه من ناصر .... شموخ دخلت وشافت اشهر ميك اب ارتست جايه وهير ستايل موجودين ، سلمت عليهم وعبرت عن مدى اعجابها لشغلهم ، وجات المصوره بعدتها وعاملاتها ،يصورون شموخ من كل الإتجاهات استحت شموخ بالبدايه ثم تأقلمت مع الوضع الميك اب ارتست بدت بشموخ طلبت منها يكون مكياجها خفييف ونفذّت مثل ماتبي والهير ستايل سرحت شعرها ويفي خفيف وتاج ناعم فيه ورود ، جابت العامله الفستان على المانيكان من جيفنشي بتصميم كيب لون ابيض بصدر سبعة مفتوح ومزين بأحجار كريمه من الزمرد عند منطقة الصدر وماسك عالجسم .. اعجب شموخ تحب الناعم ووصل طقم الماس فاخر ودبلة خطوبة الماس من بوشرون جات ام شموخ* بعد ماسلمت على الاميره نجد كانت باكامل زينتها لكن عيونها حمراء من البكاء شافتها شموخ وسلّمت عليها : هلا والله بالغالية ماتوقعت تجين؟ ام شموخ كاتمه حزنها : افا عليك يوم مهم لبنتي وماتبيني احضر شموخ تتفحص عيون امها : ماما ليش تبكين ؟ ام شموخ ترقع : ابكي من الفرحه ياعمري عسى الله يوفقك شموخ بنبرة حزن: ماما لا يكون زعلانه مني ؟ ام شموخ تمسح على وجهها : افا فيه احد يزعل من شموخي اذا عن البارح انسيه كنت وقتها معصبه ولا تاخذين كلامي على محمل الجد وانا جايه افرح فيك شموخ ابتسمت: بعد قلبيي ماما خفت تكونين زعلانه عشاني وافقت على عُمر ام شموخ تحاول ماتبين* : لا والله عُمر رجال والنعم فيه جاء يستر عليك وكشف الحقيقة وشلون ما نرضى برجل مثل انا صحيح البارح كنت معصبه بس ابوك طمني انه رجل طيب وزين وما عليه خلاف عسى الله يوفقكم يارب شموخ حست براحه : آميين يارب ماما وين غِيْد ام شموخ : جايه بالطريق .. احد العاملات جايه : سيدة شموخ السيد عُمر ينتظرك برا شموخ : اوكي انا جايه القت نظرة لشكلها النهائي كآنت جميله ابتسمت برضىٰ على شكلها نزلت تحت معها امها طالعه للحديقة كانت الحفلة بالعريشة "المظلة الخاصة بالحدايق" كبيره مصنوعه من خشب الخيزران مكشوف بستاير دانتيل ومُزين بالورد الأصفر وممر* ابيض أطرافه ورد أبييض واصفر منثور المدخل باب بستارتين* على جنب وكرستالات لؤلؤيه نازله .. الكوشة كنبه طويله لون سُكري وخلفها ستاره وعلى جنب شموع عطرية برائحة الكرز وكيكة كبيرة ... موسيقى هادئه تطرب المكان، شموخ تحس روحها بحلم تحقق بين يوم ليلة ،عيونها تدورعُمر ماحصلته، جلست على الكوشة ، لمحت غِيْد جايه لابسه فستان طويل بأكمام طويله مطرز بالورد من تصميم ماركيزا نوتي عاري الظهر بشكل دائري مسرحة شعرها ستريت وتاركته مفتوح وميك أب خفيف بروج لون ترابي بدرجة اغمق من ماك قاامت ضمّتها : يا حيياتي واخيرًا جيتي مابغيتي والله غِيْد نزلت دمعتها : شلوون ما احضر وحبيبة قلبي اليوم ملكتها على شايبها اللي جلطني شموخ ضحكت : هههههه غِيْد لا تخيلني ازعل عليك الناس تبارك وانتِ لا غِيْد : بعد عمري الف الف مبروك والله مو قصدي يا قلبي بس احس اني بحلم شلون قبل امس شايفته اليوم ياخذك شموخ : والله موب بس انتِ انا بنفسي ماني مستوعبه يممه شوفي شلون صار كل هذا غِيْد ماحبت تنكد عليها فرحتها من تحذيرها لعُمر لأن هالقرار راجع لشموخ وغمزت لها : ياعمري انتِ عسى ربي يوفقك وان شاء الله تكونين قد التحدي وتكسبينه شموخ مغصها بطنها من هالكلمة، عُمر بالنسبة لها كان حُلم انها تتزوجه ،،على كثر الحريم اللي اخذهم ماجلست عنده ولا حرمه زاد فضولها اكثر تبي تعرف السبب وش الشي اللي مخبيه ، قررت تجرب حظها معه دام مصيرها الطلاق مثل غيرها ،لكن هل راح تكون الزوجة الأخيره مثل ماتبي !! حذرتها غِيْد من هالخطوة لكن شموخ ما سمعت لها كانت دايم تردد " انا اكيد بكون غير عن زوجاته وبحاول اكسبه لصفي " غِيْد تنبهها الزواج مو لعبه تجربين حظك ، الزواج مسؤوليه كبيره ، لكن شموخ طنّشت كلام غِيْد وحطت راسها براس عُمر..! وماتدري عُمر وش نااوي عليها...! شموخ بتوتر: ان شاء الله تكفين دعواتك يا غِيْد والله بديت اتوتر.. غِيْد : عادي كل العرايس طبيعي يتوترون انتِ خففي التوتر وتوكلي على الله .. شموخ ماسكه يدين غِيْد : ان شاء الله ياروحي انتِ وعقبالك.. غِيْد : لا وين مانيب مستعجله على الزواج مثلك توي بعيش حياتي .. شموخ ضحكت : ايه عيشي حياتك بكرا القاك عروس ههههه غِيْد : لا تطممني ريحي راسك مانيب مثلك .. قاطعت حديثهم وحدة من الخدم : السلام عليكم السيد ناصر بيدخل غِيْد باستها وجلست بالكراسي عند امها وخالتها اللي تغطت وعند الاميره نجد اللي مو عاجبها الوضع ، حضر ابو شموخ بارد وجهه وبيده الكتاب شاد عليه وده يقطعه ويحرقه وياخذ بنته ويختفي عقب* ما عرف ان عُمر زوج اللي ماتت بسببه ..! حاول يتصنع الفرح وابتسم لبنته واعطاها الكتاب توقع وتبصم باس راسها وبارك لها ثم طلع ، ركضت غِيْد تبارك لها: الففف مبروك يا قلبي منه المال ومنك العياال شموخ مسحت دمعتها : الله يبارك فييك وعقبالك ام شموخ انفجرت بكااء مقهور وقلبها متقطع على بنتها* وضمّتها بقوة لدرجة استغربت حست بالإختناق منها شموخ : ماما شوي شوي مانيب قادره اتنفس كل هذا فرحانه فيني.. ام شموخ بكت اكثر وبغصة : الف مبروك يا بنتي اعسى الله يوفقك ويحفظك ويحميك يابنتي شموخ : الله يبارك فيك آميين ام غِيْد وراها : الف الف مبروك عسى الله يوفقك يا اجمل عروسه شموخ وعينها على غِيْد : امين وعقبال غِيْد ام غِيْد تناظر بنتها: امييين عسى الله يهديها وتتزوج مثلك غِيْد من وراهم بعصبيه : ماما وش قلنا خلاص شموخ تكفي انا شيلوني من بالكم ماراح اتزوج الكل ضحك على عصبيتها: هههههههه جت الاميره نجد بالها مشغول بالكلام اللي قاله عُمر "معقوله ناصر هو السبب في وفاة زوجته* حسبي الله عليك يا ناصر عقدت ولدي من الحريم الله ينتقم منك " تحاول تتصنع الابتسامة وببرود : الف مبروك يا شموخ عسى ربي يوفقكم ويسعدكم يارب شموخ استحت : الله يبارك فيك يا خالتي آمين بعدها جابت العامله طقم الألماس والدبله ،وابتدت موسيقى رومانسيه على حظور عُمر وهو يمشي بالممر شموخ شافته حست بتوتر* كل ماتلمح زوله يقرب ، نزلت راسها بحياء ، وصل عُمر وعينه على ناصر وكمية الحقد اللي بقلبه له ابتسم بإنتصار انه كسب شموخ وبنفس الوقت ناصر يحسبه مايدري عن جريمته !! عُمر يبتسم للكاميرا تصوره ، وعيونه بعيون شموخ كانت آيه من الجمال بفستانها الابيض اجمل بكثير من الأسود ماتوقعها تحضر حفل بنت اخته، حس بشعور الإنتصار لما يشوف برود ابو شموخ اللي ما تجرأ بحط عينه بعين عُمر ، ناصر يتصنع الفرحه لبنته وقلبه محروق على بنته... وعُمر طبعًا وصل له خبر من إدارة المرور ان ناصر جاء يستفسر عن زوجته المتوفيه ، انقهر منه بعد كل هالسنين توّه يصحى ضميره ! يروح يشوفها هي حيّه ولا ميته "هيّن يا ناصر توك ماشفت شي " * ، الى هنا نتوقف * لقاؤنا بالبارت الجاي بإذن الله تعليقاتكم تفاعلكم يهمني " نهاية البارت" قِراءة ممتعه للجميع |
رد: رواية غرامك يالخفوق ذبحني هآت حضنك يحتويني
الله أكبر الله أكبر، لا إله إلاَّ الله، الله أكبر الله أكبر ولله الحمد، الله أكبر كبيرا، والحمدلله كثيرا وسُبحان الله بُكرةً وأصيلا .. صباح الخير للجميع وحشتوني والله ،كيفكم عساكم طيّبين ماراحا اطوّل عليكم حاابه اشكر كل من تفاعل معي من باب ..(لا يَشْكُرُ اللَّهَ مَنْ لا يَشْكُرُ النَّاسَ) الروايه ماشاء الله لِسه ماصار لها اسبوع او اكثر لاحظت التفاعل يزيد لكن حقيقي سعيده من كل قلبي ،وبإذن الله بدعمكم وتشجيعكم وردوودكم المُستمره لي بعد كل بارت راح نستمر للنهايه ،واللي خلف الكواليس اسعدوني بتفااعلكم لو كلمة شكر بعد كل بارت. هذي تسعدني الله لايخيليني منكم اولاً حابه اشكر الأخت والصديقه غَدير .. اعز واغلى انسانه على قلبي متابعه ومسانده ومساعده لي من خلف الكواليس اقول لها شُكرًا من الأعمااق ، وما انحرم منك يالغالية عسى ربي يحفظك ويسعدك ويديمك لي عُمْر .. ثانيًا اشكركم كل من تفاعل معي في منتداي الأولي ( سوهان ،ابتسام ، فيتامين سي ،ام محمد وديمه نبّيت ،من فهمني ملكني ،الربيع القلب ، امل الثنيان Gucci502 ،nooni3 , Roya Omr,بنت آل تميم وميرا كساسبه) وفي المُنتدى المجاور ( jody34) ومُنتدى ليلاس ( اام حمودي ). اشكركم من اعماق قلبي على هالتفاعل الحُلو شكثر اسعدني وايضًا اشكر المتفاعلين دايم معي في الواتباد https://my.w.tt/SU5TJY70ZY واعتذر ان سقط اسم احد منكم ماذكرته ياليت يقولي عشان ارجع اضيفه ( زووزي ، رؤى ،ميلاد مون ، ن الراجحي ، سورا 2017 الهاسبيه ، سمر ،انجل ،امتنان عيسى ،سارونه نهالين ، seoarsy،بعثرة مشاعر ،الأميره الملكيه 12647108z،معزوفة حنين ،ام حسن ، سلوى، eunhyuk4496، زهرات، 01118911814A عازفة لحن الفرح ،نجرسية اليديل ، nana أكتفي بذاتي ، حنين صالح ،دلال ،ايه موني، جود، نانا كيوت meemexii ،ودكتورة دلال ، maee,sarha8 مملوحهـ ) اشكركم من كل أعمااااااق قلبي وطبعا فيه كل فترة شكر خاص للمستمرين معي ربي يسعدك مثل ما اسعدتوني بتفاعلكم الحُلو اللي بعد الله سبب فيه نجاح الروايه واستمرارها وراح ارجع اكرر هالأسماء في البارت الجاي بإذن الله وبإذن الله بس افضى راح ارجع ارد عليكم واحد واحد بعد قلبي انتم ربي لايحرمني منكم |
رد: رواية غرامك يالخفوق ذبحني هآت حضنك يحتويني
' شَمّر يَا صاح هَا هي عَرفة أقبَلت نَهارُها مُبارك وصومُها مُبارك تكفّر سنةً قَادمة وسَنة مَضت! قُم تَجهزّ وأعد عُدّتك، تَقرّب وادنُ منهُ سبُحانَه! صباح الخير للجميع هاقد أقبل يوم عظيم جهزوا امنايتكم شدّوا الهمّه فيه أسأل الله ان يتقبل مني ومنكم صالح الأعمال ويستجيب لي ولكم يارب .. الكثير يسأل موعد البارت القادم ، والله حاليًا مشغوله ولكن بإذن الله راح يكون بأيام العيد ينزل عسى الله يسهل لي ولكم ولا تنسوني من دعواتكم في هذا اليوم الفضيل دمتم بخير وبود |
رد: رواية غرامك يالخفوق ذبحني هآت حضنك يحتويني
صبّحكم الله بالخير
كيفكم عساكم طيّبين ؟! كيف كان عيدكم ، ان شاء الله حُلو ولطيف عليكم بإذن الله اليوم راح ينزل البارت 8 عيّدية منّي لكم كنت ناويه انزله ثالثه عيد لكن شفت حماسكم هوّنت وقلت لازم ينّزل اليوم بإذن الله تعالىٰ لذلك كُونوا بالقُرب |
رد: رواية غرامك يالخفوق ذبحني هآت حضنك يحتويني
دقايق وينزل البارت
|
رد: رواية غرامك يالخفوق ذبحني هآت حضنك يحتويني
بسم الله الرحمن الرحيم ، "ربِّ ادخلني مدخل صدق وأخرجني مخرج صدق وإجعل لي من لَدُنك سُلطانًا نصيرا" ، السلام عليكم ورحمة الله وبركاته كل عام وانتم بخير تقبل الله منا ومنكم وعيد أضحى مُبارك ،وهذي عيّديتكم مني عاد اتحفوني بالردوود الحلوه مثلكم واللي ماعلّق يعلق قبل الحين لأن تعليقاتكم تحمسني اكمل الروايه "البـارت الثامن" رواية غرامك يالخفوق ذبحني هآت حضنك يحتويني/بقلمي . ، تعاودني ذكراك كل عشية ويورق فكر حين فيك أفكر.. وتأبى جراحي أن تضم شفاهها كأن جراح الحب لا تتخثر أحبك . لا تفسير عندي لصبوتي أفسر ماذا ؟ والهوى لا يفسر *نزار قبّاني. ، ابتدت موسيقى رومانسيه على حظور عُمر يمشي بالممر شموخ شافته حست بتوتر* كل ماتلمح زوله يقرب ، نزلت راسها بحياء ، وصل عُمر وعينه على ناصر وكمية الحقد اللي بقلبه له ابتسم بإنتصار انه كسب شموخ وبنفس الوقت* ناصر يحسبه مايدري عن جريمته !! عُمر يبتسم للكاميرا تصوره ، وعيونه بعيون شموخ كانت آيه من الجمال بفستانها الابيض اجمل بكثير من الأسود ماتوقعها تحضر حفل بنت اخته، حس بشعور الإنتصار لما يشوف برود* ابو شموخ اللي ما تجرأ بحط عينه بعين عُمر ، ناصر يتصنع الفرحه* لبنته* وقلبه محروق على بنته... وعُمر طبعًا وصل له خبر من إدارة المرور ان ناصر* جاء يستفسر عن زوجته المتوفيه ، انقهر منه بعد كل هالسنين توّه يصحى ضميره !* يروح يشوفها هي حيّه ولا ميته "هيّن يا ناصر توك ماشفت شي " عُمر يكتم الحقد بداخله ، يتصنّع الإبتسامه للحُضور ثم تقدم لشموخ ثابته بمكانها ، حسّت بقربه وريحة عطره باس جبينها ، وقال : الف مبروك حبيبتي .. شموخ غمّضت عيونها بحياء وببحه عَذْبه : يبارك فيك عُمر بعد عنها ، عيونه تتفحصها بالكامل ، ثم ناظر بيديها ومسكْ يدها اليسار* ولبّسها دبله ألماس ،حس بتوترها ورجفتها باس يدها لعلّه يخفف من توترها وضغط عليها شوي : لا تتوترين حبيبتي شموخ حمّرت خدودها من جرائته ، ثم نزّل يدها برفق المصورة طلبت منهم كذا وضعيه جريئه للتصوير ، شموخ كانت متجاوبه معها ، أذلهت المصورة بكل صورة احلى من الثانيه ووفرت وقت كثير عليها .. عُمر نفس الشي ما نزل عينه عن شُموخ ،وكان عارف ان عندها مصورة* في لندن ،كانت تجيها بين فتره وفتره تلقط لها صور خاصه فيها عُمر مستمتع بنظرات العاشق ،لكن الحقيقة نظرات إنتقام* ثم أنهت التصوير بقُبله خافطه من عُمر، صدت وجهها عنه للجهة الثانيه بسرعه ، عُمر لف وجهها لوجه عيونه بعيونها اللي منزلتها قال بهمس: ليش تصدين ؟! شموخ ناظرت بعيونه ثم صرفت نظرها وقالت: استحي عُمر فهم عليها ابتسم بخبث : تستحين منّي ؟! شموخ عضّت على شفتها السفليه : من اهلي .. عُمر : أوكي نأجلها بعدين دام تستحين من اهلك شموخ قلبت ألوان حسّت بإحراج منه ، شافت الكيكه وصلت بدأت فقرة تقطيع الكيكه مسك عُمر يد شُموخ قعطوها الأثنين كل واحد اكل الثاني قطعه عُمر شاف السعادة بعيون شُموخ ، اكتفى بالإبتسامه الُمصطنعه جات الأميره نجد تتلبس قِناع السعادة لكن الحقيقة تغيرت نظرتها لشُموخ لكُره لها ولأهلها وباركت للأثنين : الف مبرووك منك المال ومنها العيال وعسى الله يوفقكم عُمر : الله يبارك فيكِ يالغالية ، آمين جات ام شموخ بعيون حزن ،تحاول تخفيه بإبتسامتها الباهته اللي ماغابت عن عين عُمر، قالت: الف مبروك يا عُمر عسى ربي يبارك لكم ويجعل بينكم المودة والرحمه والسكن الأثنين : الله يبارك فيك ، آميين .. بعد مرور ساعة من الحفلة ، شموخ تودع أهلها وخالتها وغِيْذ ودّعتْ أمها مسحت دمعتها: ماما حبيبتي خلاص لا تبكين وانا كلها كم يوم وازوركم ام شموخ بكت أكثر وغمضّت عيونها بحسرة ودها تاخذ بنتها وتهرب لكن مجبورة تتقبل الوضع غصبًا عنها قالت : ان شاء الله يا بنتي اكيد،استودعتك الله يا روحي شموخ بإبتسامة باست يدين امها: حبيبتي والله ثم ضمّت ابوها ، وودعته ، وودع عُمر ببرود مخفي ثم قال بنظرة مصطنعه وقلبه محروق على بنته : بنتي غالية* أمانه* عندك يا عُمر حطها بعينك عُمر بإبتسامه مُزيفه : ان شاء الله ياعمي لا توصي حريص ودعهم* ناصر ومشى مع زوجته ، عُمر مليون فكره تدور براسه شموخ ودعت صديقة عُمرها غيْد بحرارة وواضح من نظراتها كُره كبير لعُمر ، ومشت مع امها ابو شموخ ركب سيارته وبحسره : اااه ياحسرتي عليك يا بنتي وديتك لواحد والله مايرحمك لو يدري اني سبب وفاة زوجته ام شموخ : استغفر الله بعيد الشر عن بنتي يا ناصر قول كلام زين ولا اسكت اللي فيني مكفييني يا ناااااصر ابو شموخ بأسى : هذا الصدق* يا نورة وش تبين اقول غيره مير امسكي السانك دام محد يدري ولا تجيبي هالطاري مره ثانيه ام شموخ بحسرة : الله يسامحك يا ناصر اعطيتها لرجل مايستاهل مدري وين كان عقلك يوم وافقت على هالرجل ابو شموخ بضيق : خلاص يا بنت الحلال اسكتي ماهيب قاعده عنده كلها كم شهر ويطلّقها لا تشيلين هم عُمر واعرفه زين راعي حريم ويطلّق ام شموخ سندت راسها على الشباك ، الكلام الحين ماعاد يفيد دام شموه راحت من يديهم :* خلاص بسكت وامري لله الله يسامحك بس يا ناااصر .. ابو شموخ* فك أزارير ثوبه حاس بضيق من هالمصيبه اللي طلعت له،حرّك سيارته* ومشى* للبيت .. ، ** بعد إنتهاء حفلة المِلكة وراحوا اهل شموخ* شُموخ كانت جالسه بجنب عُمر كانت بتتكلم لكن عُمر رن جواله وسكتت ، وقف رد على الأتصال: الو نعم ... اوكي انا جاي لا لا مو هنا مكتبي اللي هناك ... اي خلاص انا بالطريق .. قفل جواله ناظر شموخ وحط يده على كتفها بلُطف : حبيبتي عن اذنك عندي شغل مُهم لازم اروح شموخ بلحظة صمت من اللي قاعده تسمعه " هذا من جده هالحين مملك علي وبيروح لشغله لهالدرجة ماني هامته ! " كتمت غيضها قالت : اذنك معك عُمر شافت ملامح وجهها تغيرت ، راح باس جبينها : مع السلامه ومشى برا عنده شغل مهم بحكم أن عندهاملاك بأسمه ورثها من ابوه والأخرىٰ من جهده ويملك نسب عالية في بعض الشركات والفنادق العالمية الكُبرىٰ الشغل أهم شي عنده وبأي ظرف كان ...! شموخ استحت " ياويل قلبي هذا شلون غيّر مودي كذا " رفعت عينها تشوفه ماشي مستعجل " ياربي حتى مشيته هيبه يا ناس تبارك الله " قامت من مكانها بعد ماجبر بخاطرها بقُبله عالجبين جتها الاميره نجد تناظر فيها بإحتقار: ما أخبر الزوج يترك حرمته بعز فرحتها عشان شغله الا اذا انها ماتهمه! شموخ مسكت نفسها من كلامها اللي صدمها " ذي وش قالبها علي ! موب معقوله* نفس الحرمه اللي قابلتها بالحفله ! كانت غير ، الحين طلع لك وجهه ثاني ،اذا بدايتها كذا اجل وش بتكون نهاينها، الله يصبرني على امك يا عُمر اثاري المظاهر خدّاعه" شموخ تبتسم مًجاملة ماتبي تتمشكل معها :عذره معه يا خالتي اكيد عنده شي مهم مايتأجل الاميره نجد : لا تنادييني بخالة تخلخلت عظامك ، قولي يا طويلة العُمر كلمة خالتي ذي لا اسمعها من السانك شموخ تحاول تسايرها : سامحيني يا طويلة العُمر .. الأميره نجد تناظر فيها من فوق لتحت : وش لك واقفه تنتظرين روحي لغرفتك انتهت المِلكة، خلّي العمّال يشوفون شغلهم شموخ : ان شاء الله عن اذنك يا طويلة العُمر مشت شموخ حاسه بغبنه ودها ترد عليها بكلمة تسكتها لكن احترام لكًبر سنها ومكانتها والأهم انها والدة عُمر .. الاميره نجد حست انها قست عليها هي مالها ذنب ! لكن كل ما تتذكر ابوها ناصر تزيد كره لشموخ اكثر لأنه سببت عقده لعُمر : حسبي الله* والنعم الوكيل عليك يا ناااصر.. شموخ دخلت غُرفة عُمر اول وحدة من حريمه تدخلها* بعد مرور 9 سنوات على وفاة زوجته الأولىٰ من بعدها محد يدخلها غيره او بأذنه هو ونادت وحده من العاملات تساعدها ، وبالها مشغول بالأميره نجد " وش اللي غيّرها علي بسم الله كذا فجأة ! الله يستر منها ويكفيني شرها بس " ، بمكتب عُمر وافق عند الشبّاك بضجر : يمه واللي يرحم والديك انا بكيفي احطها وين ما ابي رجاءً لا تتدخلين الاميره نجد : وش اللي على كيفك ! ضاقت الأماكن تحطها بغرفتك ليش ! صاحي انت ولا نسيت انها بنت ناصر ؟! عُمر يحاول يمسك اعصابه : مانسيت يا يمه مانسيت وش فرقت لو حطيتها بغرفتي !! الاميره نجد : يفرق يا عُمر،ولا نسيت انها غرفتك زوجتك الأولى رحمة الله عليها ومانع حريمك من دخولها وش معنى بنت ناصر المفروض تنام بغرفة غير غرفتك مثلها مثل حريمك .. عُمر بنفاذ صبر : خلااااااص يا يمه خلاااص لا تتدخلين اتركيني بحالي ولا تخليني اندم اني قلت لك مالك شغل بشموخ ان شاء الله لو تاخذ القصر كلّه حلال عليها الاميره نجد بيأس عارفه ان الكلام مع ولدها ماله فايده دام اللي براسه يسويه غصب عن الكل قالت بإستسلام : والله مدري وش ناوي عليه يا عُمر عسى الله يخلف بس طلعت ومقهورة من ولدها " شلون يخليها تنام بغرفة المرحومه شلون قلبه طاوعه ، شكلها لحست مخه بنت ناصر حسبي الله عليك يا ناصر .. عُمر ماكان ناوي اصلاً يدخلها* الغرفة ،لكن عنّاد بأمه رفع السماعة على رقم المشرفة : جهزي غرفتي للسيدة شموخ ،وقولي لها تتجهز الساعة 12 للعشاء قفل السماعة بقوة : انتِ تتحديني يا يمه اقولك لا تتدخلين تحشرين نفسك بشغلي ،عنّاد فيك بحطها بالغرفة مسح وجهه ،يتذكر طيفها يتذكر أخر لقاء بنيه وبينها بعدها راحت ولا رجعت له كل مايتذكر قلبّه يعوره ويزيد حقد اكثر على ناصر : يصير خير با بنت ناصر اعلمك من يكون عُمر ...! فك ازاير بلوزته وبانت عضلاته فيه جرح قديم يسار صدره ، جلس على كرسي المساج وسند ظهره غمّض عيونه هروب من الواقع ، صحت من النوم بعد العشاء .. كانت لابسه بجامه لون ابيض حرير شورت اخذت روبها قامت من السرير ،مسكت راسها حاسه بصداع فضيع صكها راحت للثلاجة فتحها وأخذت لها حبتين بنادول وشربت كاس مويه بارده ،سمعت صوت طق الباب .. كانت المشرفة ومعها العاملات : السلام عليكم استغربت منهم شموخ : هلا وعليكم السلام نعم وش بغيتي ؟ المشرفة : سيدة شموخ اغراضك وصلت وبأمر من السيد عُمر نرتبها لك .. شموخ سمحت لها بالدخول : اتفضلي دخلت المشرفة فتحت باب مخفي بالجدار ، كانت غُرفة ملابس فاضية ودخلت شنط شموخ ،شموخ مستغربه : بسم الله هالباب من وين طلع ! المشرفة:* سيدة شموخ اعتذر عن الرد ،المكان يخص السيد عُمر تقدرين تسألينه طال عمرك.. شموخ تفهمت عليها : اوكي تمام ابدوا شغلكم.. شموخ رفعت حاجبها : غريب والله هالباب ! اخرتها غرفة ملابس هههه وش هالمصمم المتخلف حاط غرفتين وحدة بابا مخفي والثانيه لا كان حطيتهم الاثنين مع بعض اصرف لك .. قبل لا تطلع شموخ من الغُرفه : يالييت تستعجلون المشرفة : ان شاء الله سيدة شموخ تحت امرك .. راحت لآلة القهوة شافتها ،احد العاملات جايه لنحايتها قالت العاملة : سيدة شموخ انا تحت امرك ايش حابه تشربين؟ شموخ بإبتسامة : مايمر عليك عدو يا قلبي ،لو سمحتِ ابي لاتيه.. العاملة : حابه اقدم لك معه حلا واي حلا تبين طال عمرك؟ شموخ جلست على الكنبة وحطت رجل على رجل : لا بدون حلا حبيبتي .. العاملة : تمام تحت امرك .. شموخ بجنبها مكتبة كُتب كلها عند الإداره المالية وفيه منها تطوير الذات رفعت حاجبها بإعجاب : واااو والله طلعت مُثقف يا سيد عُمر حركات تطوير الذات ... القت نظره شامله للكتب تتصفحها عالسريع عبال ماتجهز القهوة جابتها العاملة بصينه بجنبها وردة جوري حمراء كوب مويه بارده ،وسمّت بالله تحتسي قهوتها على رواق ،تفكر بالملكة شلون* مر الوقت بسرعه الى الآن كأنها بحلم سندت نفسها على الكتبه وقالت بنفسها " ياربي ماني مصدقه اني اخذت عُمر معقوله من ذيك المُقابله وقلبي تعلّق فيه صحيح عنده حريم كثير ، لكن مدري ليه احس اني غيير عنهم وبكسب قلبه وماراح يطلّقني مثلهم ولا انا بس اوهم نفسي واخرتها اتطلق واقعد مسكوره مثل ما قالت غِيْد! " غمَضتّ عيونها من هالطاري استعاذت من الشيطان واستغفرت ربها .. قامت بملل بعد خلصت قهوتها ، راحت للغرفة تشوف العاملات خلصوا ترتيب ولا باقي شموخ : السلام عليكم هاه خلّصتم ؟! الكل رد السلام : وعليكم السلام المشرفة: ايه طال عمرك خلصنا فيه اوامر ثانيه شموخ دخلت غرفة الملابس كانت معطره ومبخره ماتت عالريحه الحُلوه وبإبتسامة : وش هالزين والله تعرفون ذوقي يالبيه تستاهلون راحه يوم مكافأة على هالترتيب والريحه الحُلوه.. المشرفة انبسطت : جزاك الله خير سيدة شموخ هذا واجبنا شموخ بإمتنان : مشكورين وتستاهلون* .. المشرفة وقفت نست شي مهم : العفو احنا تحت أمرك اي نسيت لا اقولك السيد عُمر ينتظرك بغُرفة الطعام هنا الساعة 12 شموخ من طاريه مغصها بطنها بلعت ريقها :تمام.. المشرفة : حابه انادي الميك اب ارتست والهير ستايل تجهزك ؟ شموخ : لا ما احتاجهم وقولي لهم ان احتجت راح ابلّغك انتِ ، وهالكلام يشمل كل الأيام لا يحد يجيني* ... المشرفة : بس سيد عُمر هالشي ضروري عنده* يبي زوجته كل يوم عنايه وترتيب من* تصحى الين تنام شموخ قاطعها وبثقه : يا حبيبتي انا غير عن زوجاته السابقات ان احتجت لشيء أبلّغك اكيد وهالكلام وصليه للسيد عُمر، ولا اقولك انا بقوله نفسي لا تشيلين هم المشرفة : براحتك طال عمرك وياليت ان رد عليك بلغيني شموخ تاشر على عيونها : من عيوني ، تقدرون تتفضلون طلعوا العاملات ، شموخ دخلت غرفة الملابس اخذت فوطه وشنطة العناية الخاصه فيها ثم راحت للحمام "انتم بكرامه" تحممت عالسريع فرشت اسنانها وجففت شعرها وتركته مفتوح يغطي الظهر غسلت بشرتها بغسول جففتها ورطبتها سوت ميك أب خفيف وآيلاينر وماسكارا روج لون كشميري بدرجة غامقة من ماك ، ثم رشت* مثبت فيكس بلس راحت لقسم الفساتين ، تدور على فستان مالقيت غير فستان من جسميكو ماقد لبسته : يلا صرت من نصيب السيد عُمر لون أحمر ماسك عالجسم عاريي الظهر وبفتحه جانبيه نص الفخذ احتارت تلبسه ولا لا شموخ بحيره : ياربي عااري مره بس ماعليه بلبسه دامني ماراح امشي و جالسه لبست الفستان كان مبين تفاصيل جسمها أكثر ولبست حذاء صندل عالي الكعب* "انتم بكرامة " من قوتشي لون اسود استحت على لبسها مره جريء ، لكن قالت بنفسها "البداية صعبه تشجعي يا شموخ انتِ بإذن الله قدها في كسب هالشايب على قولة غِيْد " رشت من عطرها المُعتاد شانيل كورومانديل بتركيبة البخور والبلسمينة والبتشول مع درجات الكهرمان اللاذعه والمُثيره ، جابت العامله لها البخور بخرّت نفسها وشعرها ، القت نظره أخيره لشكلها برضى تام ،ابتسمت بثقه ، ثم طلعت من الغرفه متجهه لغُرفة الطعام ، قربت من الغرفة سمعت عزف موسيقى هي تعرفها مو غريبه عليها تعرفها تحاول تتذكر : هذي موسيقى رقصة الحُب ! عضّت على شفتها وقالت بنفسها " شلون عرف اني احب هالرقصه ! " التانغو رقصة ارجنتينيه قديمه واشتهرت بفيلم بأسم رقصة الحُب .. حست دقات قلبها تزيد اكثر كل ما تقرب من الباب عُمر ينتظرها خلف هذا الباب لحظة اللقاء بينهم شدت على قبضة يدها اكثر تحاول تخفي توترها فتحت الباب ، رفعت عينها كان عُمر واقف لابس بدله رسميه سوداء كلها كان شكله غيير عن الثوب جذاب جدًا ، شموخ نزلت عينها استحت تشوفه* " ياربي نفسه ماتغير حتى بالبدله آااه ياقلبي " تسرق النظر بنظرات إعجاب لعُمر اللي فهم تفسير نظرة عيونها ، عُمر بإبتسامة جذابه آسرت قلب شموخ* ،مد يده لها يدعوها لرقصة الحُب : حياك زوجتي العزيزة شموخ مدت له يدها : اهلاً بزوجي العزيز شموخ ترددت لكن ماقوت على هالرقصه نقطة ضعفها تحبها كثير ، قررت تترك الحياء على جنب وتستمتع بالرقصه ، سحبها لحضنه شموخ اقصر من عُمر بسنتمرات* توصل لرقبته شموخ حطت عينها بعين عُمر بجراءة منها تحس عيونها تقتلها كل ما تشوفها ، نظرته مالها تفسير عجزت تفسرها ، عُمر مسك يدها اليسار وحطها* على كتفه ومسك يدها اليمين بيده اليسار ، ويده اليمنى مسك* خصرها وقربه لعنده اكثر ، صارت أنفاسهم مُتقاربه ، إبتدت الموسيقى ، شموخ تمشي بخطوات خفيفة وسريعه عُمر يتأمل عيونها هي نفس العيون اللي شافها واعجب فيها لكن لما طلعت عيون شموخ بنت ناصر تحوّلت مشاعر الإعجاب لحقد وكُره وإنتقام شد على خصرها بقوة ..... * ، * إلى هنا نتوقف روايتي على الواتباد https://www.wattpad.com/story/195410...-يحتويني-بقلمي حسابي على الإنستقرام https://www.instagram.com/clarinet.7/ " الله الله بتعليقاتكم ياللي تقرون من خلف الكواليس لا تبخلوا علي عشان انزل البارتات بدري " * "نهاية البارت" قِراءة مُمتعة للجميع. |
رد: رواية غرامك يالخفوق ذبحني هآت حضنك يحتويني
كل عام وانتي بخير حبيبتي وينعاد عليج بالخير والسعادة
يعطيج العافيه بارت رائع كالعادة شو مستوي لام عمر شو ذنب شموخ اذا معاملتك لها جذيه اكيد بتسود لها عيشتها عمر لهالحين غموض وياه نفسي اعرف شو بيسوي مع شموخ تسلم يمناج ونترياج |
رد: رواية غرامك يالخفوق ذبحني هآت حضنك يحتويني
اقتباس:
يعافيك يالغَالية ، الأروع وجودك وتفاعلك عزيزتي شُموخ صحيح مالها ذنب ، لكن أم عُمر تعيش بين القسوة والرحمه يا تُرى اين سَتختار بينهم ! عُمر راح يوضح أكثر البارت الجاي يسلمك ربي ، بإذن الله على خير |
رد: رواية غرامك يالخفوق ذبحني هآت حضنك يحتويني
مساكم الله بالخير
موعدنا الليلة مع البارت التاسع الساعة 1 بتوقيت السعودية فكونوا بالقُرب |
رد: رواية غرامك يالخفوق ذبحني هآت حضنك يحتويني
بسم الله الرحمن الرحيم ، "ربِّ ادخلني مدخل صدق وأخرجني مخرج صدق وإجعل لي من لَدُنك سُلطانًا نصيرا" ، السلام عليكم ورحمة الله وبركاته كيفكم يا حُلوين وحيّ الله الغَالين الجدد اللي انضموا معانا شرّفتوني ونوّرتوني والله حياكم وخذوا راحتكم واسعدوني بتواجدكم وتعليقاتكم كونوا دايم معي وبقُربي ... حبايب قلبي متابعيني خلف الكواليس ما استاهل تشجيع منكم حياكم معانا انضموافأنتم مُرحبين من كل اعماق قلبي لا تبخلوا علي بردوودكم الطويله الحُلوه شكثر افرح لما اقراهم مره اثنين ثلاثه ما اشبع منها وبإذن الله ماراح ابخل عليكم في تنزيل البارت بأقرب وقت ونقطة ضعفي الحمااس لا تخلوني انطفي ولا الروايه شبه كامله عندي <فتطمنوا اعتذر عن الإطاله حبايبي ، "البـارت التاسع" رواية غرامك يالخفوق ذبحني هآت حضنك يحتويني/بقلمي . ، مالي أحدق في المرآة ..أسألها.. بأي ثوب من الأثواب..ألقاه أأدعي أني أصبحت أكرهه ؟ وكيف أكره من في الجفن سكناه؟! وكيف أهرب منه ؟ إنه قدري هل يملك النهر تغييراً لمجراه؟ *نزار قبّاني . * ، إبتدت الموسيقى ، شموخ تمشي بخطوات خفيفة وسريعه عُمر يتأمل عيونها هي نفس العيون اللي شافها واعجب فيها لكن لما طلعت شموخ بنت ناصر تحوّلت مشاعر الإعجاب لحقد وكُره وإنتقام شد على خصرها بقوة غرز اظفره بدون لا يحس على نفسه شُموخ تحلمت شوي ،يمكن خايف علي اطيح* لكن الوضع زاد عن حده حست خصرها شوي ويتكسر، وتألمت اكثر لما غرز اظافر يده على خصرهاالعاري وقالت بألم وشالت يده* : آااااه عورتني عُمر نزل يده بسرعه استوعب اللي قاعد يسويه : آااسف ما انتبهت حبيبتي ، فيك شي وريني اشوف .. عُمر جثى على الأرض بركبته وشُموح كانت واقفه تحاول تناظر الخدش اللي سببه عُمرقالت بنفسها" وش حدني على هالفستان ليتني ما لبسته ولا غرز اظافره " بعتب: الله يسامحك موب كذا الواحد يرقص .. عُمر رفع راسها يناظر عيونها حابسه دمعتها : حبيبتي مو قصدي أأذيك ،وانا رجل لايُمكن أأذي اي انثى تكون زُوجتي شموخ بلعت ريقها من الكلام اللي سمعته حست الجو كتمه ولا يتهيأ لها او هو اعتذار ولا غزل من نوع آخر ! ، انربط السانها وسكتت ... حست على يد عُمر لما مرر أصابعه على خصرها يتفحصه* كان نزف بسيط مسحه بطرف اصبعه الإبهام برفق عشان ما تتألم ،ثم باس مكان الجُرح قُبلة مُطوله ... زدات دقات قلب شموخ* حست بحرارة بالجو وأحراج من حركته الجريئه ، سحبت نفسها منه عُمر قرر يعيد رقصة التانغو أو تُسمى برقصة الإغواء ،كانت الرقصة مشهورة من قبل الرجال لإغواء النساء لهم ، فعُمر ما رقص هالرقصه الا بداية تمهيديه لدخول شموخ عالم عُمر..! عُمر سحب شُموخ بحضنه قبل ما تبعد عنه صارت مُحاوطه بين يديه ،مُلاصقه لصدره، يناظر بعيونها وبثقه زلزت مشاعر شُموخ .. عُمر: تعالي يا حُلوه ما خصلنا* رقص ولا ماتبين نكمّل ! شُموخ نزلت عينها بخجل واكتفت بالصمت "نقطة ضعفي الرقص شلون تبيني ارفض وانا ارقص مع واحد مثلك " ، عُمر ابتسم عرف انها موافقه "اكيد ماراح تقولين لأ يا ست شموخ دام السكوت علامة الرضى" شموخ حست بقرب انفاسه وغمّضتْ عييونها لما قرّب باس جبينها ،فتحت عيونها ظنّت انه يقبّلها لكم خاب ظنها ثم وعضت على شفتها السفليه بأسى ، عُمر اخفى ضحكته لما شافها "انسي " .. ابتعد خُطوه للخلف وكرر نفس الحَركة اللي قبل، اشر لهم مقطع موسيقى رقصها قصير وسريع .. ،شموخ رفعت راسها : ليش اخترت وحده سريعه ابي وحده هاديه .. عُمر رفع حاجبه : ليش ماتعرفين للسريع وهذا وانتِ شاطره برقص التانغو ؟ شموخ رفعت عينها بثقه : الا اعرف بس انا احب المُوسيقى الهاديه لكن دام طلبت سريعه ليش لأ .. وبدوا الرقصة بسُرعة متوسطه ، كانت شمُوخ متقنه اكثر من عُمر ،كانوا يتقاربون بالرقصه ثم يتباعدون اشر عُمر بحركة سريعه للعاملة تحولها لمُوسيقى هاديه جدًا... شموخ بستاؤل : ليش غيرت كانت حماس وانت ماشاء الله عليك بدّعت بالرقص عُمر بغرور : حبيت اغير ، انا مُبدع طول عمري مايحتاج تمدحيني شموخ بغيض من غروره : اي ماشاء الله عليك واضح عُمر حب يغير السالفة: من متى صرتي تعرفين رقص التانغو شُموخ* : من لما كنت في لندن ادرس ماستر اروح اخذ كورسات رقص بوقت البريك عُمر رفع حاجبه بإعجاب وبخبث : حلو تستغلين وقت فراغك مين كان مدربك وقتها ؟ شموخ فهمت قصده ورفعة نبرة صوتها شوي بدلع : كانت مدربتي الخصوصيه ديانا ساكنه قريبه من بيتي ، اخذ كورساتي عندها عُمر بنظرة شك : حلوه الخصوصيه هذي، اللي اعرفه رجال هم اللي يدربون الحريم ومركز مختلط ..! شموخ ماعجبها كلامه وكأنه يلمح لشي وحطت عينها بعينه وبثقه : صحيح كلامك ان اغلب المدربين رجال ، لكن مدربتي ديانا هذي خالة صديقتي وعرّفتني عليها وبعدها بديت الكورس معها في بيتها وكانت من اشهر الراقصات في زمانها واعتزلت وصارتتعطي دروس خصوصيه ، فأنا محظوظة جدًا اني من احد تلاميذها .. عُمر شاف الثقه بعينها وبإبتسامة إعجاب :والله طلّعتِ اشطر تلميذه برافو عليها هالديانا خرّجت وحده فنّانة بالتانغو شموخ بإبتسامة واثقه وبدلع : مشكور على المدحه ، وانت كيف عرفت رقصة التانغو؟! عُمر اعجبه توجيه السؤال له : حلو دامك سألتي بجاوبك شموخ : اسمعك تفضل عُمرابتسم بخبث وقال : كنت في مسافر سياحة مع احدى زوجاتي السابقات للأرجنتين طبعًا مايحتاج اقولك عنها كثير دام الأرجنتين اصل رقصة التانغو عرض علي واحد اني ارقص التانغو مع زوجتي وقلت اسمحلي ما اعرف قالي مب مشكلة احنا نعلمك طلعت سهله لكن يبي لها تركيز ،بوقت قصير اتقنت الرقصة والى يومك هذا ما نسيتها شموخ حست بنار الغيرة من طاري زوجته ، صحيح طلّقهن بس مو حلوة بحقها وبليلة دخلتها يجيب طاريهم عشان يقهرها ، ليتها سكتت ولا سألته هالسؤال ،عشان تلقى اجابه مافكر فيها انها مُمكن تجرح مشاعر شُموخ أخفت قهرتها وتصنعت الإعجاب : وااو حلو انك تتعلم شي جديد بسفراتك زوجي عُمر.. عُمر حط اصبعه على شفتها وضغط عليها وقرّب وجهه لوجها اكثر وناظر عيونها قال وبتحذير: حبيبتي مابي اسمع كلمة زوجي عُمر من السانك ،قولي* سَيْد عُمر لما نكون مع بعض مفهوم وهذا قانون عندي كل حريمي يلتزمون فيه وباقي القوانين راح تعرفيها شوي .. شموخ حست بصدمه من كلامه لكن اخفت صدمتها وتذكرت كلام امه لها ،قهرتها اكثر ،ارخت عينها ونزلت يده بهدوء وكتمت غضبها .. شُموخ : لبيه سَيْد* عُمر* تآمر امر من عيوني عُمر ابتسم انها مو راضيه عن كلامه من عينها لما ارختها وضحت له ردة فعلها ، بعد عنها خطوتين لما انتهت الموسيقى ومد يده لذقنها ورفع راسها وبأمر: تسلم عيونك حبيبتي بس طالعيني لما اكلمك ،هذا من قوانين السَيّد عُمر لزوم الزوجة تلتزم فيه.. شُموخ رفعت عينها بعينه كاتمه غضبها وصدمتها حقدها قهرها ، هذي بدايتها وتذكرت كلام غِيْد لكن تشجعت البدايه صعبه تحتاج صبر قررت تتلبس قِناع القوة وبإبتسامة مُصطنعه: ان شاء الله سَيْد عُمر أوامر ثانيه طال عمرك ؟ عُمر مشى واعطاها طهره وأشر لها تجي وراه : ايه في اوامر ثانيه تعالي .. متجهه الى الطاولة المُزينه بالورد الأحمر والشموع العطريه استغربت شموخ لما شافت قلم على الطاولة عُمر سحب لها الكرسي بهدوء ، شموخ تعمّدت تمر بقربه وعيونها بعيونه وكأنها تتوعد فيه طغت ريحة عطرها على عُمر واقف ينتظرها تجلس وشموخ ظلّت واقفه وببحة : مشكور سَيْد عُمر عُمر ابتسم وبتحذير : العفو يا زوجة السَيْد عُمر وحركتك* ذي لا اشوفك تعودينها مفهوم .. شموخ انقهرت منه "وجع مايهزك شي على كثر الحريم ولا وحدة حرّكت فيك شعره " قالتها بدون نفس وبهدوء تحاول تسلك له : ان شاء الله طال عمرك أشر للعاملة تجيب الملف ، وحطته عند شموخ اللي ماكانت مستغربه يوم شافت القلم عرفت ان الموضوع فيه إنّ واخواتها ، شموخ ناظرت بعُمر تنتظره يتكلم عُمر حط رجل على رجل واشر لها تفتح الملف: افتحي هذا الملف فيه ورقة عَقد او اتفاق اللي تسمينها بيني وبين زوجاتي لازم تمر هالورقة عليهم ، اقري القوانين عندك فكري فيها زين مره مرتين ثلاث ان قررتي اضغطي الجرس ، راح اتركك وراجع لك مفهوم.. شموخ بلعت ريقها : ايه مفهوم .. عُمر بإبتسامة مكر : خذي راحتك بالتفكير ،لأن اخر الصفحه فيه خيارين تختاري الموافقه والبقاء هنا ولا الباب يوسع جمل مع كامل السكن والنفقة لك ...لك ساعة وحدة تفكرين فيها ،وياليت يكون اختيارصحيح .. شموخ هزت زاسها بالإيجاب بمعنى نعم قام عُمر وطلع من الغرفة وتركها على راحتها ... شموخ فتحت الملف كانت اول صفحه مُلخص سيرته الذاتيه الأسم :عُمر بن عبد العزيز آل ... العُمر: 37سنة الوريث الوحيد لرجل الأعمال الشهير عبد العزيز رحمه الله.. الأم : سمو الأميرة نجد بنت مساعد آلـ.... الأخوة : سمو الاميرة نوف بنت ماجد آلـ.. متوفاة اثر حادث مرور في لندن مع زوجها الأمير محمد.. ولديها وحيدة :سمو الأميرة هنوف بنت محمد ال.. متزوجه من رجل الأعمال فهد ال... غير الأملاك التي يرثها من والدة فهو صاحب فنادق العُمر بجميع فروعها* في انحاء العالم وعضو في مجلس الوزراء .. ظهر بمجلة Forbsرالشهيرة ،يعد من أكبر المستثمرين بسن صغير تحت الثلاثين من العمر حاصل على* درجة البكالوريوس والماجستير في إدارة الأعمال من جامعة كالفورنيا و حاصل على دكتوراة فخرية من جامعة هارفارد تقديرًا لمجهوداته ومساهمته في بناء مدارس لتعليم الأطفال في جنوب افريقيا ودعمه المُستمر لهم .. صدع راسها وهي تقرا انجازاته واوقافه الخيريه ، قلبت للصفحة الثانية توسعت عيونها وهي تقرا : هذي سيرتي الذاتيه وش جابها هنا! شموخ مصدومه وانتبهت على نفسها وسكتت قالت بنفسها "والله ينخاف من هالخطابة حقته كل شي جابته له عني يمه منه مايضيع عنه شي الله يستر منك يا عُمر ومن قوانينك" قرت سيرتها على السريع .. الأسم : شموخ بنت ناصر الـ.. العمر : 26 سنة الأب : ناصر بن سلمان الـ... الأم : نورة بنت عبد الله الـ.. حاصلة على شهادة البكالوريوس وماجستير من جامعة كامبريدج بتقدير مُمتاز والأولىٰ على دفعتها .. حاصلة على عدة شهادات شكر وتقدير لمجهوداتها ومُشاركاتها التطوعية ..الخ قلبت للصفحة اللي بعدها ، استغربت لما قرأت القوانين من ضمنها : -على الزوجة الإلتزام بمُناداة الزوج بالسَيّد عُمر -عند التحدث* مع السيد يجب على الزوجة التواصل البصري -يُسمح للزوجة زيارة الأهل مرتين فقط في الشهر بالإضافة الى اخذ اذن الزوج قبل ذهابها والأمر كذلك يشمل صديقات الزوجة* .. " بس هذي اللي ذلّيتني عليه صدق مريض !" قرت الباقي عالسريع ، لكن وقفها قانون صدمها ابدًا ماكانت متوقعه هالشي يكون موجود وخابت ظنونها.. -على الزوجة الإلتزام بأخذ حبوب منع الحمل طول فترة الزواج ويجب عليها أن لا تُخالف ذلك لأنه سيتم الكشف عليها كل اسبوع إن وُجد حمل سيتم أخذ الإجراءات اللازمه.. وقفت مصدوومه من اللي تقراه عينها :ياربي هذا مجنووون ولا مريض عقلي استغفر الله ، يمنع هالشي مو من حقه والله مو من حقه* !! ياويله من ربي ،الناس تتمنى الضنا وهذا يحرم نفسه من الضنا ياربي لا تسلط علينا من لا يرحمنا معقوله حريمه كلهم موافقين على هالشي شلوووون..! جلست على الكرسي تحاول تستوعب قوانين عُمر البعض منها صدمه ،اخذت كوب المويه وشربت حست ريقها نشف: الحمد لله على نعمة العقل ياربي عجزت استوعب موب معقوله هالإنساان مريييض شلووون يحط قوانين ، وشلون مايبي عيال على هالكبر من مايبي عيال الكل يبي الا هالمريض..!! سكرت الملف من هول الصدمه ويدها ترتجف وقالت بنفسها " ياربيليش جنيت على حااالي مع زوج كذا استغفر الله شايف نفسه* ليتني ما حبيته ولا تعلّقت فيه ليت ماراحت ذاك اليوم اللي اشوفه مشؤوم..! الحين وش السواة صعبه ارجع لأهلي بعد قرااري الغبي صحيح انك راعي حريم لكن شلون رضوا بقوانينك شلوون معقوله مغريتهم فلوووسك ياربي وش هالحريم!! قامت تشيل نفسها تمشي وترجع بتكفير صدع راسها زياده حاسه نفسها بين نارين نار انها ترجع لأهلها ويشكون فيها لأن مستحيل وحدة ترجع بليلة دخلتها لأهلها الا ان فيها شي !! وغير كذا هي موافقه عليه ماخذته وخذلتهم ،مالها وجه ان رجعت لأهلها ! ونار عُمر وقوانينه والإلتزام فيها كأني شغالة عنده ! وغير كذا امه اللي ماتوقعت معاملتها كذا شلون قلبت عليها شموخ بفحيح حاقد ومقهور : وش هالعااييله اللي شايفني بزر يعلموني شلون اناديهم ، مثل أمه تبيني اناديها بطويلة العُمر وولدها بالسيد خيير شافيني شغالة عندك تملي علي قوانينك السخفيه !!ولا كأني زوجتك وين ياللي ما تأذي الأنثى هذا انت أذييتني بقوانيينك* ! قاعده تعيش صراع وكأنها بلجنة اختبار تختار الإجابه الأصح من بين الأجوبة . جلست عالكرسي شاده شعرها ، تناظر الفستان كرهته من كل اعماق قلبها ، لو داريه ما لبست هالفستان .. غمّضت عيونها ودها تهرب عن الواقع اللي هي فيه لكن تذكرت تحديها لكسب عُمر ، بس تتذكرحريمه حست بيأس : شلون بكسبه وهذي قوانيينه الغبيّه! ولا وحدة من حريمه ظلّت معه مو معقوله هالرجل وش يحس فيه حست بصراع نفسي وقلق ماهي عارفه توافق او ترفض ! ، جلست تفرك اصابعها على نفس الحالة رايحه راجعه ! ، سمعت صوت الباب عرفت انه جاء طالعت بالساعة فعلاً ماحست بالوقت مرّ بسرعة وجاء بعد ساعة* بالتمام .. يمشي بخطوات واثقه اطرقت مسامع شموخ المرتكبه يقدر يحشرها بين نارين وعرف يلُعبها صح ! عُمر داخل مبتسم بخبث ومَكر* وملاحظ توترها وقلقها والأهم من هذا كلّه صدمتها كانت واضحه على ملامحها اللي تحاول تخفيها .. جلس بهدوء على الطاولة حط رجل على رجل ناظر بالملف كانت مقفلته "اكيد من الصدمه قفلتيه يا شموخ يا بنت نااااصر" * * ، * إلى هنا نتوقف * حسابي عالإنستقرام https://www.instagram.com/clarinet.7/ حسابي في الواتباد https://www.wattpad.com/story/195410...-يحتويني-بقلمي "الله الله* بتعليقاتكم لا تبخلوا علي حبايبي واللي خلف الكواليس شرفوني* ، لقاؤنا البارت القادم عمّا قريب" "نهاية البارت" قِراءة مُمتعة للجميع. |
رد: رواية غرامك يالخفوق ذبحني هآت حضنك يحتويني
السلام عليكم ورحمة الله وبركاته عمر لو هذا العقد خاص بشموخ فقط فهو لأنه حاقد على أبوها وبينتقم منه لكن لو فعلا مع كل زوجاته فهو مريض نفسي هو لعبها صح وأختار التوقيت الصح لتفجير قنبلته في وجه شموخ فأغلب الظن شموخ راح توافق على شروطه لأن ماقدامها غير هالحل أولا لأنها هي اللي عارضت أمها وتزوجته رغم علمها بعدم موافقت أهلها وثانيا رجوعها لأهلها بعد أول يوم لها عند عمر فيه تشويه لسمعتها والناس ماترحم وأكيد سوء الظن راح يغلب هذا مع أي وحده غيرها فما بالك وهي سبق وتشوهة سمعتها من قبل فرجوعها لأاهلها تأكيد لسوء الظن فيها إذا أتوقع راح توافق عمر بحكم عمله مفاوض شاطر وعرف كيف يمسكها من أيدها اللي توجعها واختار توقيت مناسب لعرض شروطه هو لو عرض شروطه عليها وهي عند أهلها ماكان يحلم توافق عليها أرجع وأقول شموخ ماتعاطفت معها واللي من إيده الله يزيده تسلم الأيادي حبيبتي ومنتظرين باقي الأحداث |
رد: رواية غرامك يالخفوق ذبحني هآت حضنك يحتويني
اقتباس:
هلا بالحُلوه فيتامين الحُب ،ما انحرم من هالطلّه الحُلوه برافو برافو على هالتحليل المنطقي ، ياحظي فيكِ قارئه مُتميزه اشكرك حقًا صحيح كلامك عُمر قدر يلعبها صح ولوى ذارعها فأكيد مالها الا توافق وبخصوص العقد راح يُوضح لكم لاحقًا ، واما شُموخ من حقك هي اللي راحت للنار على رجولها على قُولة أمها ، لكن هل راح تكسبه وتغير فيه ! ولا راح ترجع مكسورة على قُولة غِيْد ! يسلمك ربي واشكرك على تعليقك رائع اهنيك والله بإذن الله على خير، كوني بالقُرب يا غَالية |
رد: رواية غرامك يالخفوق ذبحني هآت حضنك يحتويني
صبّحكم الله بالخير مُتابعيني
لكثرة الاستفسارات لموعد البارت الجاي بإذن الله راح احاول انزله غدًا وإن ماقدرت راح يكون موعدنا يوم الثلاثاء ليلة الإربعاء لأن حاليًا مشغولة جدًا جدًا لكن بحاول لعيوكم حبايبي كُونوا بالقرب وبخير |
رد: رواية غرامك يالخفوق ذبحني هآت حضنك يحتويني
بسم الله الرحمن الرحيم ، "ربِّ ادخلني مدخل صدق وأخرجني مخرج صدق وإجعل لي من لَدُنك سُلطانًا نصيرا" ، السلام عليكم ورحمة الله وبركاته كيفكم يا حُلوين وحيّ الله الحُلوه الجديدة ليال شرّفتيني والغَالين الجدد اللي انضموا معانا شرّفتوني ونوّرتون حياكم خذوا راحتكم واسعدوني بتواجدكم وتعليقاتكم كونوا دايم معي وبقُربي ... حبايب قلبي متابعيني خلف الكواليس ما استاهل تشجيع منكم حياكم معانا انضموا فأنتم مُرحبين من كل اعماق قلبي . بالنسبة اللي زعلانين ان البارت قصير .. يا حبايبي البارت السابق كان تمهيد فقط لإنتقام عُمر لذلك انا أشوف التوقف لهالنقطة مُناسب ، وعشان حماسكم الحُلو البارت اليوم طويل وبإذن الله يرضيكم والله الله بردود تبرد القلب ، البارت إهداء للجميع وبإذن الله يرضيكم "البـارت العاشر" رواية غرامك يالخفوق ذبحني هآت حضنك يحتويني/بقلمي . ، * إني لا أؤمنُ في حبٍّ.. لا يحملُ نزقَ الثوارِ.. لا يكسرُ كلَّ الأسوارِ لا يضربُ مثلَ الإعصارِ.. آهٍ.. لو حبُّكِ يبلعُني يقلعُني.. مثلَ الإعصارِ.. إنّي خيرتك.. فاختاري ما بينَ الموتِ على صدري أو فوقَ دفاترِ أشعاري لا توجدُ منطقةٌ وسطى ما بينَ الجنّةِ والنّارِ.. *نزار قبّاني. * ، جلس بهدوء على الطاولة حط رجل على رجل ناظر بالملف كانت مقفلته "اكيد من الصدمه قفلتيه يا شموخ يا بنت نااااصر" سند ظهره عالكرسي بأريحيه عيونه مركزه على شُموخ واضح توترها أعطته ظهرها وكانت لامه شعرها كله ،التفكير بالمُوافقه ذبحها وماتت قلق ، عُمر يشوفها خصرها المكشوف والى الآن مورد واثار غرزته فيه ، إبتسم بخبث ثم عدّل جلسته وشبك يدينه وتكى على الطاولة، قال بثقه : الى متى وانتِ تدورين صدّعتي راسي اعتقد الوقت المحدد لك كافي عشان تفكرين وتتخذين قرار الموافقه او الرّفض مع كامل السكن والنفقه يا سِتْ شُمووخ .. شموخ وقفت بمكانها ،عقب ما سمعته نبرته الواثقه ذبتحها وكأنه عارف وش بيكون قرارها ،لكن تحسّ بالإهانه و يستحقرها ! ،أي ليلة عُمر هذي تحولت لصدمة عمر "آاه منك ".. حست دمها يغلي اكثر ودها تنفجر قدامه وتكسر كل شي حولها ، لكن كبّرت عقلها ماتبي تخرّب على نفسها وتخرب ليلتها يمكن هذا اختبار لها هل تجتازه او لا ! حسّت بيأس للحظه لكن كل ما* تتذكر تحديها تشجعت اكثر " يمكن اكسبه واغيّر كل هالقوانين يمكن انجح وافوز بقلبه آااه منك يا خفوقي وش سويت فيني " لكن عارفه لو رفضته راح تكون الخسرانه وترجع ذليله ومكسوره مالها وجهه قدام اهلها ولا حتى صديقتها غِيْد ولا قدام الناس عقبْ الفضيحه الملفقه عليها واللي بتثبت عكس ماقِيل عن تبرئتها ! حسّت بالقهر والحقد عليه ،* اخذت نفس عميق عدت من 10الى 1 تهدّي من أعصابها التالفه بسبب قوانين عُمر المُهينه لها ..! قالت بنفسها "ااه يا عُمر وش هالقوانين ذبحتني فيها خيّبت كل ظنوني كسرت مجاديفي ماتركت لي حتى اختاار حطيتني بين نارين ، نار اهلي ونارك الله يسامحك" غمّضت عيونها الصداع بدا يزيد ... عُمر قعد يدق الطاولة بالقلم ماسكه بيده اليمين بشكل استفزازي لشموخ ، اللي انزعجت من الصوت وطنّشت لأنها حركه مَقصوده منه .. عُمر يمّثل العّصبيه : ترااااك طوّلتيها وهي قصيره ،اخلصي علي يا ستْ شُموخ زفرت بضجر مالها الا هالقرار" نار زوجي ولا جنة اهلي" رفعت راسها بكبرياء مكسور،اخذت شهيق زفير رسمتْ* ابتسامه ثقه مصطنعه على وجهها وداخلها يغلي التفتت عليه ، مشت لناحيته بخطوات واثقه بطولها الشامخ كالمُعتاد ، عُمر مانزل عينه من عيونها الذابحه الآسره شُموخ سحبتْ الكرسي بهدوء ظاهري تخفي براكينها المتفجرة وقهرها وحقدها عليه جلست بكل أنوثه رفعت عينها بنظرة واثقه بعين عُمر قالت بنفسها " هيّن يا عُمر ما اكون انا شُموخ إن ما ورّيتك وش بسوي فيك " مدت يدها تاخذ منه القلم تعمّدت تلمس يده بشكل مطول تكلمت ببحة ناعمه : لو سمحت سَيْد عُمر ممكن تعطيني القلم عُمر فهم حركتها المقصودة وتعمدها للمسه سحب يده وبنبرة عصبية مُصطنعه: تفضلي يا بنت نااااصر اخلصي علي تراك طوّلتيها وهي قصيره .. شُموخ اخذت القلم وبنظرة ثقه مع إبتسامه خفيفه: ابشر طَال عمرك .. تعلقت عينها بعين عُمر للحظه عيونه سوداء مثل سواد الليل ،كحيله رموش كثيفه شبه ناعسه نظرته جذاب فيها قساوة ماقد شافتها "واااه من هالنظره الذابحه" شدّت على القلم بيدها بحقد وقهر " ودي اطعنك بهالقلم اللي معي وابرّد حرتي فيك انتْ وامك طويلة العمر " صدت عيونها عنه بكبرياء مجروح من الداخل .. شدّت على القلم اكثر تبي تخفف من رجفت يدها اللي فضحتها طالعت بعُمر للحظه تشوفه يراقبها ولا لا كان صَاد عنها حستْ براحه " الحمد لله ماشافني " عُمر طبعًا ماغابت عن عينه لكنْ رجفتها فضحتها، شفقة منه صرف عيونه عنها عشان تاخذ راحتها أكثر .. شُموخ زاد توترها اكثر كل ما تتذكر القوانين تهدي نفسها " انا قدها وقدودها وراح اكسبك يا عُمر" قلبلها بدق بقوة لما وّقعت بالمُوافقه ، غمَضت عيونها بقوة " يااااارب حلم واصحى منه ياااااارب حلم واصحى منه " شُموخ ماحست على حركة عُمر ،واقف وراها الا لما شمّت ريحة عطره ، حاسه بقربه منها ، انفاسه قريبه من رقبتها عُمر سند يدينه على تكاية الكرسي وكأنه محاوطها عُمر باس رقبتها ، شُموخ تقشعر جسمها منه وتخدرت عُمر همس بأذنها وعلى نفس وضعيته ،حط يده على كتفها الأيمن حست شموخ* ببرودة يده على كتفها .. بنبره هاديه اطرقت مسامع شُموخ :أهلاً بك في عَالم السَيْد عُمر زوجتَي العَزيزة شموخ بلعتْ ريقها حاسه الجو حَار ولا هو من غضبها ولا من عُمر وقربه منها جراءته وكأنه يشوف اللي سواه عادي ! صحيح عادي عنده ،لكن عند شُموخ مو عادي ابدًا ... تقززت منه قامت بسرعه من مكانها ودها تبكي الى الآن ماسكه نفسها لا تتفجر قدامه ويحس بضعفها وإنكسارها ، قالت بنبرة حادة : لو سمحتْ سَيْد عُمر ممكن أطلع عُمر بعد عنها رفع حاجبه بإعجاب من نبرتها : تقدرين تطلعين .. شُموخ حطّت القلم على الطاولة* ومشت بخطوات سريعه مرّت قدام عُمر لكن عُمر سحبها من يدها لحضنه* وضربت بصدره شُموخ انصدمت من حركته طالعت فيه بحقد: أمر سَيْد عُمر عُمر يناظر عيونها حابسه دمعتها كاتمه غضبها وحقدها عليه فهم حالتها من عيونها : ماخلصت كلامي سَيدة شُموخ شُموخ اخذت نفس طويل تحاول تهدي من نفسها وتحبس دمعتها لا تطيح ، نزلت عيونها: وش بغيت طال عمرك عُمربإستغراب ، رفع ذقنها : شكلك نسيتي القوانين يا سِتْ شُموخ شُموخ شدّة على قبضة يدها " من صدمتي فيها نسيتها* " رفعت عيونها : لا مانسيت .. عُمر : حلو تداركتي الوضع والتزمتي بالقانون شُموخ ودها تعطيه كف يصحيه : لو سمحت ممكن اعرف وش تبي طال عُمرك عُمر اشر للعاملة تجيب الصندوق ابيض واشر له : خذي هذا معك فيه حبوب منع حمل اكليها ، وان لقيتك يا شُموخ مخالفة القانون والله ثم والله لا اوريك شي ماراح يخطر على بالك فكرة احمل منك عشان ما تطلقني هذي شيليها من راسك انا حذّرتك وانتِ افهمي الكلام ، زين يا بنت نااصر شُموخ ناظرت فيه بإستحقااار وحقد : اللي تآمر عليه طال عُمرك ممكن تسمح لي اروح ؟ عُمر نزل يدينه وبعد عنها : تفضلي وعلى غرفتك على طول شُموخ هزت راسها بالإيجاب : إن شاء الله اخذت الصندوق من العاملة شاده عليه بقوة تمشي بخطوات غاضبه ، عُمر بإبتسامه خبيثه : شوي شوي لا تكسرين الأرض .. شُموخ حقرته ومشت طلعت من الغرفه ، عُمر اطلق ضحكته الساخره : ههههههههههههه والله طحتي ومحد سمّى عليك يا بنت ناااااصر ، توّك ما شفتي شي هذي مُجرد تمهيد لحياتك الجديدة .. عدّل لبسه اخذ الملف على الطاولة : خليت بنتك توافق غصب عنها وبإرادتها يا ناصر النذل ،جاء الوقت اللي أنفذّ فيه انتقامي منك يا نااصر .. نظرة عيونه حقد وشر وإنتقاام ، شد على الملف بيده وطلع من المكان متجهه لمكتبه المُعتاد ... ، * كانت تمشي بخطوات ثقيله، المكان هادئ ما ينسمع غير صدى صوت كعبها يضرب بالأرض ، صدرها يرتفع وينزل تنفسها سريع ، دقات قلبها سريعه جسمها حاار ماسكه دمعتها لا تطيح ماتبي احد يشوفها حتى الخدم ماتبيهم يشوفونها ، وصلت الغرفة فتحتها بالباسوورد ثم دخلت ، حطت الصندوق على الطاولة نزلت كعبها ورمته على الأرض نزلت الفستان اللي لابسته بقرف و مشاعرها السيئة اتجاه هالفستان كلها كرهه وحقد وبغض رمته بالزباله" اكرمكم الله " اتجهت لغرفة الملابس اخذت لها روب حمام ثم دخلت الحمام " انتم بكرامة "فتحت الماء عالبارد دخلت تحت الدش كانت اعصابها بُركان كاد ان يثوراطفئته بالمويه البارده تتنفس سريع ، ماقدرت تمسك دموعها تعبت من تمثيل القوة والكبرياء قدام حقارة وإهانة عُمر لها ، بكت بضعف وإنكسار لدرجة جلست على الأرض ، لمت نفسها دافنه راسها بين رجولها ، حستْ بندم على قرارها السريع لو الزمنْ يرجع كان رفضته ، لو ماخذلت اهلها بقرار الموافقه بعُمر كان خير لها ولا تعيش هالليلة التعيسه بكت اكثر واكثر كل ما تتذكر الحوارات اللي دارت بينهم والملف كان بودها تمسكه وتحرقه ولا تضرب فيه عُمر لين يخلص ، لكن ماقدرتْ رضت فيه بالبدايه غصب عنها بترضى بقوانينه .. طلعت بعد ماجفتت شعرها ،وحست نفسها افضل جلست على كرسي المساج، كان مجهز لها عصير ليمون ونعناع بارد طلبته قبل لا تدخل ، اخذت رشفه منه وغمّضت عيونها وبدا الكرسي بتمسيج جسمها ظلت تفكر وش ممكن تسوي ! حقدت عليه وعلى اسلوبه معها فتحت عينها قالت بنبرة غاضبه : هيّن* يا ولد نجدوه .. طاحت عينها على الفستان ، قامت من مكانها وطلعته من السله : انت المفروض لازم احرقك وابرد قلبي كرهت الأحمر بسببك تذكرت كلام عُمر طنّشته : اكيد نايم عقب سواته مستحيل يجي الغرفة.. راحت تسوي اللي براسها.. دخلت غرفة الملابس راحت لقسم البجايم شافت نفسها بالمرايه تشوف اثار عُمر : حسبي الله على ابليسك مالقيت الا تغرز اظافرك هنا يا حقييير .. زفرت بتنهيده ،واختارتبجامه قطنيه شورت لون اييض من اويشو وروب حرير اسود طويل وسليبر إيرمز لون اسود لفت شعرها ذيل حصان ماحطت شي على وجهها اكتفت بالترطيب وعطر شعر من ديور ، ومسك ابيض لمناطق النبض .. وعطر جسم بريحة الكرز من باث اخذت الفتسان ، فتحت الباب بهدوء ، تتلفت يمين يسار تشوف زول عُمر ، مافيه احد حست براحه طاحت عينها على الساعة كانت ثلاثة : حلو الوقت متأخر سكرتْ الباب بهدوء ، مشت بخطوات خفيفة عشان ماتطلع صوت ، وصلت للمصعد ودخلت وقفلته ضغطت على زر الدور الأرضي ، اول لا فتح الباب ناظرت يمين يسار مافيه احد تنفست براحه تدور على المطبخ مالقته ، المكان متشابهه حست نفسها ضايعه ، مالها الا المدخل الرئيسي تطلع منه وتدور على باب المطبخ الخارجي كانت تمشي وقلبها يدق طبول حاسه بالخوف من عُمر يقفطها وتروح فيها ، مشت الين اخر القصر الجهه اليمين مالقت المطبخ حست بيأس ناظرت للفستان: شكل مانت مفارقي يهالفستان .. لا حول ولا قوة الا بالله ياربي وش هالقصر حسيتني بمتاهه وانا احوس ادور الباب .. رجعت من حيث اتت ،لقيت يسار تناظر لقت المشب ابتسمت : حلو هذا اهون من المطبخ على الأقل اخذ راحتي وانا احرق هالقستان المقرف راحت لجهته ، ماحستْ بالعيون اللي تراقبها فوق كان عُمر واقف بمكتبه طاحت عينه على شموخ مستغرب : وش موديك لهناك يا شُموخ ! ، * دخلت المشب فتحت نور الثريا كان نورها هادئ شافت الدولاب واتجهته له: اكيد فيه قاز هنا وولاعه فتحته وابستمت يوم لقته ، رمت الفستان على المنقل واخذت القاز وكبّته كله على الفستان وولعت عود الكبريت ورمته من بعيد ، وقبّت النار بسرعه راحت شعله كبيره ، خافت منها : بسم الله ، الله يجيرني منك بعدت عنها خطوتين للخلف ، بلعت ريقها : غبيه ليش كبيت القاز هالكثر ، بغيت احرق المكان بس الحمد لله ربي ستر شُموخ خافت اكثر ، طاح قلبها ،لما صدمت بصدر عُمر وصرخ بأعلى صوته : شموووووخ وش قاعده تسوي شُموخ ترتجف خوف منه ومن صرخته اللي فجرت اذونها وسدت اذانيها وبعصبيه : بسم الله خووفتتني الناس تدخل بهدوء موب كذا صريخ !!! كانت بتبعد عنه بس مسك عضدها : لا والله تعلمين شلون ادخل بعد ، ومن سمح لك تجين هنا* وانا قايل لك روحي لغرفتك وجايه هنا تعصين كلامي يا سِتْ شُموخ ؟!!! شموخ بلعت ريقها دقات قلبها مسموعه : سسيد عُمر والله ماكان قصدي اني اعصيك بس اضطريت اححرق عُمر سحبها وصدت صدره : تحرقيين وش يا شُموخ شُموخ تناظر بعيونها للنار : الففستان عُمر رفع حاجبه : وليش تحرقينه ؟! شُموخ ودها تصرخ بوجهه وتقول" يذكرني بإهانتك لي يا حقييير بليلة زواجي المفروض احرقك بدال هالفستان مب انت " شموخ ناظرت فيه بحقد : ما احبه عُمر بإستفزاز : وليه ما تحبينه ! يا سِتْ شموخ تراه جماد مايدري عن حبك له عشان تحرقينه شُموخ ارتفع ضغطها منه : ماحببه وحرقته .. عُمر انسبط انه قدر يرفع ضغطها ،وبخبث: عطيني سبب مُقنع عشان اشوف بستاهل الحرق ولا لا ! شُموخ غمّضت عيونها للحظه " ياربي هذا يستفزني وما كأنه يعرف السبب ! " ناظرت فيه بكره : لأنه يذكرني .. يذكرني إنربط السانها تبي تقول " يذكرني فيك وبقوانينك السخيفه وبغرز اظافرك وبكل شي اكرهه فيك " غمّضت عيونها ماقدرت تكمل .. عُمر : يذكرك بوش يا سِتْ شُموخ جاوبي ابي سبب مُقنع ! شُموخ حستْ بورطه مقصوده منه ، دام انه عارف انه هو بس حب يسمع منها وبنفس الوقت يستفزها شُموخ جت بتتطق ، لكن قاطعها صوت المشرفة جايه داخله مسرعه وتلقط انفاسها : بسم الله وش صاااير فييكم شي ؟ عُمر عض شفته السفليه ، جيتها غلط ، شاف شُموخ استانست " الحمد لله انقذتني " بعدت عنه لكن عُمر سحبها ومسك خصرها* شُموخ انقهرت حاولت تبعده لكن هو ثبتها واعطها نظرة تحذير هجدتها والتفت للمشرفة عُمر بأمر: مافيه الا كل خير ، تعالي طفي النار وشوفي شغلك الباقي ، وقفلي المكان،هالمره بسامحك عشان زوجتي شُموخ ، ثاني مره لا تتزكينه مفتوح .. المشرفة : آسفه يا طويل العمر وحدة من الخدم كانت تنظفه امس ونست ،تقفيله وجيت مسرعه خفت انه محترق، ان شاء الله اللي تآمر فيه ومشكورة سَيْدة شُموخ شُموخ ناظرت بعُمر بإستغراب " هذا وش يحس فيه ، من متى صار لي شأن عندك ياحقير عقب قوانينك السخيفه " شُموخ خطرت ببالها فكرة ،تستغل الموقف لصالحها لصقت اكثر فيه، مدت يدها ومسكت خصره والثانيه على صدره بجراءة ،وقفت بأطراف اصابعها وباست خده عالسريع، تبتسم مجاملة لها : العفو حبيبتي ماسويت شي كل* الشكر لحبيبي عُمر .. المشرفة متعوده على حركات عُمر مع حريمه السابقات لكن دايم منزله عيونها للارض : شكرا لك يا طويل العمر وان شاء الله نتفادى هالشي مرة ثانيه.. عُمر ماتوقع حركتها الجريئه ، لكن ابتسم بخبث عُمر : حصل خير لكن اتمنى هالشي ما يتكرر .. المشرفة : ان شاء الله .. راحت المشرفة تخمد النار اللي اشغلتها شُموخ والفستان انقلب رماد .. عُمر ناظر بشُموخ* بإستغراب من حركتها مانساها لها شافها منزله راسها بإحراج وتفرك بأصابعها عُمر بحركه سريعه شالها بين يديه شُموخ صرخت : خييير وش قاعد تسوي عُمر ابتسم بخبث وغمز لها: وش بسوي يعني برد الحركه لك اللي سويتيها من شوي يا سِتْ شُموخ شُموخ بترجي : سيد عمرر نزلنيي عُمر : هاااه وش قلتي ، ما اسمعك ؟ شُموخ عضت على شفتها السفليه ،ونست وجود المشرفة : عُممر نزللني حبييبي لو سمحت نزلني عُمر : ماراح انزلك هذا عقاب لك شُموخ استغلت الموقف وضربت ظهره بقوة تبرد حرتها فيه : حياتي نزللني والله اخاف اطيح عُمر متجاهل ضربها له ،ابتسم بخبث: دام حياتك عُمر تطمني ما راح تطيحين يا زوجتي العزيزة ثم همس بأذنها : اهجدي لا اوريك شغلك عاد هالمره بسكت ثاني مره لا والف لا ماراح امشيها لك.. شُموخ انقهرت منه وسكتت ، صدّت وجهها عنه عُمر مشاها لها ، ثم اتجهه للقصر ، دخل مكتبه على نفس وضعيته شايل شُموخ نزلها برفق ، بعدتْ شُموخ عنه ، لكن كالعادة سحبها لعنده عُمر : على وين يالطيبه تعالي ماخصلت شغلي معك شُموخ تتحلطم " وبعدين مع اشغالك واوامرك اللي ماتخلص طفشت منك عيوني اوجعتني بروح انام " ناظرت فيه : آمر سَيْد عُمر وش المطلوب مني ؟ عُمر أشر لها تجلس على الكرسي : اجلسي هناك شُموخ جلست وحطت رجل على رجل ، مكشوفه رجولها طالع نص فخذها ما انتهبت لنفسها .. رفعت راسها له : آمر طال عمرك عُمر جلس على الكرسي شبك يدينه وتكى على الطاولة عيونه بعيون شُموخ : بكرا ابيك جاهزه شُموخ بتساؤل : لوين ؟ عُمر : مو شغلك وين لكن جهزي نفسك بكرا المساء شُموخ بضجر " ابعرف وين عشان اقدر اجهز نفسي وايش اخذ وش ما اخذ استغفر الله بس " : طيب المكان اللي بروح له حار ولا بارد عشان اخذ احتياطي من ناحية الملابس ممكن تقولي ؟ عُمر سند نفسه على الكرسي : لا ما راح اقول لك واللي يجهز الشنط المشرفة هي اللي راح تجهز انتِ ماتلمسين شي مفهوم يا سِتْ شُموخ شُموخ رمشت عينها بصدمه من كلامه "هذا منجده قاعده يتكلم ويقرر على كيفه، حتى يتدخل بنوعية الملابس اللي اختارها وش تحس فيه يا مريض !" شُموخ حستْ بنعسان لكن قاومته وجاوبته بإستسلام : إن شاء الله طآل عُمرك اللي تآمر عليه يصير بإذن الله عُمر طالع فيها من فوق لتحت شاف جلستها ثم طالع فيها بأمر : عدلي جلستك ولا اشوفك جالسه كذا عندي شُموخ "استغفر الله حتى بجلستي ماسلمت منك يارب صبر ايوب بس " عدلت جلستها وما انتبهت على رجولها المكشوفه غطتها على طول وبلعت ريقها : ان شاء الله عُمر ما غابت حركتها عن عينه ، دقق على جفونها مورده من آثار السهر : اوه سهّرتك ونسيت انك تنامين مع الدجاج ، اقصد بدري يا سِتْ شُموخ ماعليه المره الجايه احاول ما اخليك تسهرين .. شُموخ " دجاج بعيينك يا حقيير ، اصلا شلون بنام عقب اللي سويته فيني يا النذل " وقفت بمكانها تستأذن بدون نفس منه : تسمح لي اروح انام سَيْد عُمر عُمر أشر لها بالذهاب : تفضلي ، ونوم العافية سَيْدة شُموخ شُموخ بحقد" الله لايعافيك " : الله يعافيك سَيْد عُمر تصبح على خير .. اتجهت للباب تحس حرارة بجفونها* ماذاقت النوم لها ثلاث ايام نومها متقطع ، بتنيده " اخيراً مابغى يعتقني اروح انام اهم شي اني حرقت الفستان وبردت حرّتي فيك لما ضربتك كان بودي احرقك بس ما اوسخ يديني فيك يا حقير " مسكت مبقض الباب بتطلع ، لكن وقفها صوته ارعبها عُمر بصوت عَالي : شُموووخ التفت عليه بخوف : بسم الله وش فيك؟؟ ، إلى هنا نتوقف * شرّفوني عالواتباد / https://www.wattpad.com/story/195410...-يحتويني-بقلمي " لاتنسون الفوت والفوولو الله الله* بتعليقاتكم الطويله رايكم تحليلاتكم انا مابخلت عليكم ، فلا تبخلوا علي حبايبي ودعواااتكم لي " "نهاية البارت" قِراءة مُمتعة للجميع |
رد: رواية غرامك يالخفوق ذبحني هآت حضنك يحتويني
يعطيج العافيه وتسلم يمناج اختي
بارت وايد حلوو كالعادة عمر هالادمي رافع ضغطي شلون يفكر جذيه اكو ريال يعامله حرمته مثله صدج قهرني يعين الله شموخ بتصيبها مرارة بسبته نفسي اعرف شنو يبا فيها البنت ماصدقت تفتك منك تيي تناديها بعد تحمست بصراحه عاد الله يستر منه شو بيستوي معهم نترياج بفارغ الصبر |
رد: رواية غرامك يالخفوق ذبحني هآت حضنك يحتويني
بسم الله الرحمن الرحيم ، "ربِّ ادخلني مدخل صدق وأخرجني مخرج صدق وإجعل لي من لَدُنك سُلطانًا نصيرا" ، السلام عليكم ورحمة الله وبركاته كيفكم يا غَالين اخباركم وحشتوني عموما اشكركم من كل اعماق قلبي على تفاعلكم الحُلو واعتذر على تأخري لكن عوضتكم ببارت طويل وبإذن الله يرضيكم .. * ، كل الشُكر والتقدير لعزيزة قلبي دائما (غَدير) ولا تنسوها من طيب دعواتكم هذا البارت إهداء خَاص للجَميله : أمل الثنيان لتوقعها الصحيح في عُمر ليش نادى شُموخ وللحُلوه* مُتابعتي خلف الكواليس بيلسان مُحمد ولجميع مُتابعيني الغَالين و دايم معي "البـارت الحَادي عَشرْ" رواية غرامك يالخفوق ذبحني هآت حضنك يحتويني/بقلمي . ، وما بين حبّ وحبٍّ .. أحبكِ أنتِ .. وما بين واحدةٍ ودعتني .. وواحدةٍ سوف تأتي .. أفتشُ عنكِ هنا .. وهناكْ .. آأنَّ الزمانَ الوحيدَ زمانكِ أنتِ .. آأنَّ جميعَ الوعود تصبُّ بعينيكِ أنتِ .. فكيفَ أفسّرُ هذا الشعورَ الذي يعتريني صباحَ مساءْ .. وآيف تمرينَ بالبالِ ، مثلَ الحمامةِ .. حينَ أكونُ بحضرة أحلى النساءْ ؟ *نزار قبّاني. * ، اتجهت للباب تحس حرارة بجفونها* ماذاقت طعم النوم لها ثلاث ايام نومها متقطع ، بتنهيده " اخيراً مابغى يعتقني اروح انام اهم شي اني حرقت الفستان وبردت حرّتي فيك لما ضربتككان بودي احرقك بس ما اوسخ يديني فيك يا حقير "مسكت مبقض الباب بتطلع لكن وقفها صوته ارعبها عُمر بصوت عَالي : شُموووخ التفتت عليه ناظرته بخوف : بسم الله وش فيك؟؟ عُمر يمشي لناحيتها : ليش ماتنفذين الأمر اللي قلّته لك قبل ماتطلعين من الغرفة ؟! شُموخ تناظر فيه بإستغراب : طال عمرك اي أمر تقصد على ما اعتقد ، كل اوامر قبلت فيها ونفذّتها .. عُمر رافع حاجبه بإعجاب : لا والله على ما تعتقدين بعد ! شُموخ شافت قريب منها ،حست انه ناوي شر،خافت منه وتراجعت خطوتين للخلف الين الصقت بالباب ماقدرت تناظر بعيونه* صدت وجهها عنه، قرّب عندها اكثر حاصرها بين يدين مالها مفر منه .. شُموخ بنبرة خوف : ايه هذا اللي اعتقده سَيْد عُمر واسفه ان نسيت شي ما نفذًته عُمر رفع يده عليها ، شُموخ خافت يضربها وغطت وجهها بيدنها* عُمر ضرب بقبضة يده الباب بقوة ، ارعبت شُموخ خافت وشهقت : تكفى لااااااا ضلّت مغمّضه عيونها ماتبي تشوفه خير شر .. عُمر نزل يدينها من وجهها وسحب راسها* لوجهه يناظر بعيونها ، نظرتها خوف توتر قلق رُعب، تكلم بنبرة هاديه يطمّنها : تطمّني انا رجل مُستحيل يمد يده عالحريم وحتى وان كانت الحرمه متمردة ، اقدر اعاقبها لكن الا الضرب والعُنْف ،فأنا ضِدْ هالشي يا ستْ شُموخ وحطيه براسك مفهوم ؟ شُموخ ترتجف من داخلها قلبها يدق طبول ، عُمر يسمعها ويحس بخوفها، قالت بنفسها " اذا ماتضرب فإلسانك وقوانينك لحالها تكفي عن الف ضربه يا سَيْد عُمر " سكتت ماردت عليه ، نزلت عيونها ثم قالت : لو سمحتْ ممكن تقول لي وش امرك اللي ما نفّذته ؟ عُمر ناظر فيها منزله عيونها: ماراح اقول لين تناظريني شُموخ اخذت نفس "يالله صبر ايوب " رفعت عينها " تبيني اناظر سواد عيونك بعد ابشر " بنظره تعمّدتها هي نظرة حُب ، عشق، ترجي ،خوف ! عّجز يفسرها عُمر ، ارتكب واخفى إرتباكه نظرة شُموخ كانت* غير نظره آسره ،مارمشت عينها للحظه تعلقت عيونها بعيون عُمر متعمّدتها وكأنها قدرت تأثر عليه فرحت من قلبها اخيرًا قدرت تحرك ذرّه وحده منه ، تنتظره يتكلم ، لكن كان الصمتْ سَيد الموقف عُمر بعد عنها خطوة، شدّ على قبضة يده طلّع من جيبه شريطة حُبوب وسحب يد شُموخ بهدوء حطها وقفل عليها : هذي آخر مرّه انبّهك يا سِتْ شُموخ شُموخ بلعتْ ريقها "يوّه وشلون نسيتها ،وهالبعير ماينسى " شُموخ اخذتها بهدوء وسحبت يدها منه : إن شاء الله سَيْد عُمر وماراح يتكرر هالشي أكيد .. عُمر برفعة حَاجب : نتمنى ذلك يا يا سِتْ شموخ ، تقدرين تروحين لغرفتك شُموخ هزت راسها بالإيجاب " اخيرًا مابغيت اروح كل شوي مطلع لي شي " ولفت وراها بتطلع مع الباب الرئيسي لكن حسبها عُمر لحضنه ، شُموخ توسعت عيونها " هذا وش فييه انجن " رفعتْ راسها تناظره بإستغراب تنظره يتكلم .. عُمر سحبها : تعالي وراي .. شُموخ : وين موديني الباب من هنا سَيْد عُمر! عُمر طنّشها* فتح الباب ببصمّه ثم دخل غُرفة الإجتماعات مصغره شُموخ توسعتْ عيونها بخوف : ووش بتسوي لايكون بتخليني انام هنا ؟ عُمر كتم ضحكته "مجنون اخليك تنامين بغُرفة مُهمّة لي" وصل لمكتبة الكُتب ، دور من بين الكتب،وراها باسوورد دخله ثم تحرّكت المكتبه ، شُموخ كانت تتأمل المكان واضح انه مُهم* وفيه اوراق وملفات مهمة بدولاب كبير إلكتروني كل باب له* باسوورد مُعين ، "واضحه هالغرفه مهمه من حرصه حتى الدولايب* بدون المفتاح صارت بباسوورد مو هيّن هالعُمر شكثر حريص" سمعت صوت شي يتحرك والتفتت خافت شافت المكتبه تتحرك لناحيتهم وكأنها بتطيح ، شُموخ بحركه سويعه دفت عُمر وصرخت : عممممر انتبببه عُمر ارتعب من صراخها وماحس على نفسه الا صفق بالجدار وشُموخ طاحت بحضنه ، عُمر : وش فييك ؟ مغمّضه عيونها ومخبيه نفسها بصدره تنتظر صوت طحية المكتبه وبخوف: المكتبه والله بتطييح انتببهه عُمر ابتسم بخبث وبنبره هاديه وواثقه : ليش خايفه على السَيْد عُمر يموت ؟!! شُموخ قَالت* بنفسها" ايه خايفه عليك وشلون ماتبيني اخاف" شُموخ سكتت للحظه، ثم قالتْ بتصريفه: ماطاحتْ صحْ عُمر فهمْ عليها " اكيد خايفه عليّ لو ماتخافين ماكان دفيتيني " عُمر نَاظر بالمكتبه فتحتْ باب الغُرفه واطلق ضكحه ساخره : هههههههههههه هههههههههههههههههه مجنوونه انتِ هذي إلكترونيه ماراح تطيح ، انا مصممها تصميم خَاص محد يعرفه غيري انا شُموخ فتحتْ عيونها تناظر فيه بتعجب ، ثمْ بالمكتبه ثم بعُمر ،وحمدتْ ربها وتنفستْ براحه : الحمد لله خفتْ انها بتطيح ليش وش وراها ؟ عُمر ناظر فيها يبيها تقوم عنه : شلون بوريك وانتِ تعيقين الحركه علي يا سِتْ ؟ شُموخ انتهبت لنفسها بعدت عنه وقامت ، حستُ بإحراج عُمر ينتظرها تمد يدها تساعده بالنهوض وبخبث: ساعديني اقوم مدت شُموخ يدها تساعده يقوم ، لكن هو سحبها مره ثانيه لحضنه ، شُموخ عصبتْ : خييير سَيْد عُمر ؟ عُمر رافع حاجبه : الخير بوجهك يا سِتْ شُموخ المفروض تقوميني من دون لا اطلب منك صح ولا انا غلطان شُموخ زفرت بغضب " ياربي رحمتك ، صبّرني على هالشايب" قامت من جديد ومدت يدها له : انت صح وانا غلطانه سَيْد عُمر واعتذر عن هالتصرف .. عُمر ابتسم وقام من نفسه كسحها وتجاهل مساعدة شُموخ شُموخ حقدت عليه ،تناظر يدها مدتها للهواء " حقير والله استفزازي غثيييث اخر زمن يتدلع هالشايب اكرهك " طالعت فيه من فوق لتحت ثم صدتْ عنه " شايب مغرور" عُمر كان قدامها معطيها ظهره عُمر : تعالي هنا شُموخ مكتفه يدينها ، وصلت لعنده توسعتْ عيونها وفتحت فمها قالت بدهشه : هذي غُرفتي عُمر ناظر فيها بنص عين ، من كلمتها الأخيره ثُم تقدم وتجاهلها ، كان المدخل من غُرفة الملابس الخَاصة بعُمر ، شُموخ مندهشه : وش هالباب السرّي الخَطير عُمر وقف التفت لنحايتها وقال بحذر : هالباب محد يدري فيه غيري انا ووانتِ وياليت هالشي يكون بيننا سِتْ شُموخ مفهوم؟ شُموخ اول مره تسمعه بنبرة غير ، لكن حَستْ من كلامه إنه اعطاها سر وبنفس الوقت الثقه لتحافظ عليه ابتسمتْ بحُب: إن شاء الله سَيْد عُمر عُمر تجاهلها وطلع من الغرفه وقفل الباب ورجعهْ لمكانه ولا كأنه صَار شيء ، شُموخ التفتْ على آخر ثانيه ولمحته كان معطيها ظهره ، واختفى ورجع المكان مثل ماكان اطلقت تنهيده : اخيرًا افتكيت منه وين الفراش بس عيوني ما تشوف الدرب .. نزلت الروب ورمته عالكنبه ، راحت للثلاجة واخذت علبة مويه وحبة من القصر اللي اعطاها* عُمر سمَت واكلت الحبه ،ثم حطته بالثلاجة .. راحت للتسريحه سرحت شعرها وتركته مفتوح وارتمت على السرير ، هاربه من الواقع تدعي لعل النوم يجيها وتنام بكرا وراها يوم طويل وغير سفرة عُمر المُفاجأة شُموخ بتفكير : معقوله بيسفرني لشهر العَسلْ ،بس ماظنتي يسفرني عقب قوانينه السخيفه * ، عند عُمر حاس بالضيق مسح على وجهه بتعب هذي أول مره يفتح الباب السرّي بعد مرور 9 سَنوات من وفاة زُوجته الأولىٰ ، غمّض عيونه يحَاول يشتت أفكارهـ ، حس بحُزنْ عميق اجتاحه وكأنه طيفها مر يعاتبه يحس بُوجودها قربه ، صارت الفتره الأخيره تجي كثير بباله وبأحلامه قطعْ حبلْ افكاره* صوتْ المؤذن ينادي للصلاة وقَام من مكانه وتعوذ من الشيطان وتحرم عليها راح للمسجدْصلى الفجر ثم جلس الين شُروق الشمسْ وطلع رجعْ لمكتبه فتح احد الدروج واخذ مفتاح سيارتها شد عليه بقوة بيده ،يتذكرها مشتاق لها حيل كل مايتذكر اخر حدث دار بينهم يحس بندم كبير ليت الزمنْ يرجع ويعيد كل شي من البدايه لكن قضاء وقدر ،راضي فيه لكن شايل بقلبه كل ما يطري عليه ناصر المتسبب بالحادث يكرهه اشد الكره " حسبي الله عليك يا ناصر حسبي الله عليك " يزيد شعور الحقد والغضب والإنتقام كل يوم بقلب عُمر ، صبرْ طُول هالسنين ثم سددّ رميته المُلتهبة اللي خططها ونفذّها بحذافيرها وصارت مثل مايبي بالضبطْ ، انبسط على اللي سواه لكن الى الآن شايل على قلبهْ حَاقد على نَاصر .. قال بنبرة غاضبّه وإنتقاميه: هيّن يا ناصر تحسبني بطلّق بنتك مثل حريمي تخسي وتعقبْ يا ناصر، بنتك تحلم ترجع لك طلاق ماراح اطلّق بتكون على ذمتني لين اموت .. ضرب بيده الطاوله بقوة يبرد حرقة قلبه ،زفر بعضب قفل الدرج بقوة وطلع ركب سيارته واتجهه للمقبرة يزورها ويسلّم عليها مشتاقه روحه لها الى الآن حيّه بقلبه، دخل المقبره مشى بخطوات ثقيله الين وصل قبرها وسلّم عليها ودعى لها ، اخذ من ترابها بقبضة يده شدّ عليها بقوة ،غمَض عينه نزلتْ اول دمعه ماقدر يتحملْ اكثر ، طول هالسنين حابس دمعته وكاتم بقلبه من يوم ما وصل خبر مؤكد ان ناصر سبب هالحادث ..! * قبل 9 سنوات * بعد العزاء كان عُمر جالس بمكتبه* مخيّم عليه الحزن ويعيش بحالة صدمه ،الى الآن ماهو مستوعب اللي صار ماهو متقبل فكرة رحيلها عن حياته وفقدان وجودها قُربه دايم حط يده على راسه وشد على شعره بقوة ، يتمناه حلم ويصحىٰ منه يتمنى هالشي ماصار ، بنبرة حُزن وإنكسار : يارب موتك حلم واصحى منه يارب حلم واصحى منه .. عُمر اللي طول عمره معروف بهيبته وقوته عند الناس لكن بعد وفاتها حاس بإنكسار كبيير حتى المُقربين له مستغربين منه معقوله عُمر يوصل لهالحاله بسبب وفاة زوجته اللي صار قضاء وقدر وكلن له يومه .. لكن عُمر الى الآن مصدوم مافكر بيوم من الايام انه راح يفقدها .! لكن بعد رحيلها فقد جُزء كبير من حياته ، صارت بلا طعم من بعدها ، وجودها كان بالنسبة له حياة ، لكن الآن يحس نفسه جسد بلا رُوح ... اعتزل عن العَالم وتقوقع على نفسه ،امه الأميره نجد تطق الباب تترجاه يفتح ، لكن هو مطنّشها متجاهل الكل راح لغُرفته مع الباب السرّي ، صممّه خصيصًا لزوجته ابتسم بحزن مكسور يتذكرها لما تجي عنده بعزّ شغله وضيق وقته ، جيّتها كانت مثل البلسم تخفف عبء شغله ، يتذكر صوت ضحكتها براءتها ريحة عطرها ، غمّض عينه نزلت منها دمعه أليمه مسحها على طول يكرهه الضعف اللي هو فيه لهالدرجة فراقها صعب ! وقاسي اصعب من فراق أبوي ، جلس على الكرسي سمع رنه رسالة نصيه ، اخذ جواله بيطفيه : مالي خلق احد اللي فيني كافيني يا ناااس افهموا ... ضغط رز القفل ، لكن طاحت عينه على الرساله شال اصبعه على طول ، كانت من حارسه الشخصي توسعتْ عيونه بصدمه من اللي يقراه والصور اللي وصلت له ، ثم وصلت له رسالة فيها مقطع فيديو ومكتوب فيها (طويل العمر هذي كاميرا مراقبه لمحل جديد ماهو مفتوح لقينها مصوره جُزء من الحادث اللي صار للمرحومه )،فتحه على طول كان حادث زوجته المتوفيه ثم وصلت له صورة ناصر وسيارته، عُمر توسعتْ عيونه قرّب صورة وجهه اكثر يدقق فيه انصدمْ : ناصر هذا ماغيره ! ناصر كان عميل سابق لرجل الأعمال عبد العزيز ، ابو عُمر لكن ناصر قدم استقاله بعد ما كون نفسه وصار له شغل خاص فيه عُمركان* قليل يصادفه بحكم انشغاله بدراسته يحاول يستوعب اللي يشوفه ، وقف بذهول : معقوووووله انت يا ناصر انت السبب شلون طاوعك قلبك تهرب وتنحاش تسافر برا على اللي سويته ما تخاف من ربك يالحقيييييير يالمجرررم !! شدّ عالجوال بقوة شوي ويتكسر،مقهور من اللي يشوفه ثم نزل تحت شاف صور سفرته كانت في دبي مع زوجته وبنته شُموخ وقتها كانت* صغيره بعمر 17 سنة كانوا جَالسين يتغدون بمطعم ، عُمر قرّب الزوم اكثر على شُموخ تفحصها زين وقال بنبرة حاقده : اضحك واستانس يا نَاصر لكن هيّن ما اكون انا عُمر ان ماقطعت قلبك على بنتك مثل ما قطعت قلبي على زووجتي يالحقييييير رمى الجوااال على الأرض وتكسر الى اشلاء وتناثر بكل مكان على الأرض ، صرخ صرخة غضبْ ، حقد ، كره إنتقااام ، قهر ، وعيد : والله لا اوورييييك يا ناااااصر والسنين بيننا ، الحين بتركك تعيش حياتك لكن حسابي معك عسيييير يا الخبييييث.. جنّ جنون عُمر انقلب من حالة الحزن والإكتئاب اللي يمر فيها الى حالة الغضب والإنتقام .. ومن بعدها ترك نَاصر يعيش حياته سالم وهانئ ،وعُمر يخطط من وراه لأجل ينتقم منه لكن بطريقه غير ما تخطرْ عالبَال .. لدرجة طلب اغلاق ملف القضية تبع زوجته الأولىٰ.. بعد وفاة زوجته ظهر شخص ثاني* غير عن عُمر اللي قبل حط كل حرّته بشغله واجتهد اكثر وحقق انجازات وثروات كبيره لا يُعلى عليها حتى اصبحوا منافسيه من الخارج اكثر من الداخل ، والبعض من اقربائه حاسدينه على ماله وحلاله ودايم يرددون كلمة " ماهو حلاله هذا كله من حلال ابوه " رغم ان عُمر أسس اعمال وشركات اخرى هو مالكها بنفسه وحققت ارباح اكثر من والده .. يتجاهلهم عُمر ويطبق مقولة " القافلة تسير والكلاب تنبح " بعد ثلاث سنوات من وفاة زوجته، صار يتزوج الحريم لفتره محدده بينهم تكون الزوجه على درايه انها راح تنفصل عنه* لكن مع كامل النفقه والسكنْ لها.. واغلبية اللي يوافقون عليه* عشان فلوسه فقط لا اكثر ، وفيه منهم* مطلقات وارامل ، ومايجيب طاري زوجته الاولى نهائيًا عند زوجاته وقليل جدًا اللي يعرف عنها .. *الآن * مر شريط الذكريات قدامه عوّره قلبه اكثر نزلت دمعته مسحها على طول ، يكره حالة الضعف اللي هو فيها يكره يشوف نفسه ضعيف ومكسور، قام يلملم شتات نفسه من جديد ، لايمكن ان يسمح بتكرار هذي الحالة مرة اخرى استغفر ربه وتعوذ من الشيطان .. ودعها وطلع من المقبره، ركب سيارته وصلته رساله قراها وتغيرت ملامح وجهه للعبوس ، زفّر بضيق وحرّك سيارته ... ، الظهر الساعة 11ونص الأميره نجد واقفه بكامل زينتها وكشختها لابسه فستان اسود طويل بأكمام طويله من الدانتيل بطانه لحمي ومطرز تطريز بارز لون اسود من تصميم المُصمم الشَهير زُهير مُراد شعرها قصير لحد رقبتها وولابسه حلق الماس وميك اب خفيف بروح تُرابي بدرجة اغمق ،وخاتم النمر ذهب ابيض وساعة روكلس فل الماس .. تطق باب الغرفة بضجر : وجع ان شاء الله لهالحين نايمه نومة اهل الكهف ان شاء الله .. قووومي يا بنت شُموخ صحت على صوتْ طق الباب بكسل ، الغرفة ظلام والمكيف بارد ، استغربت : الساعة كمم مدت يدها لساعة الكومدينه : الحمد لله تونا اول النهار عبالي ليل .. كانت الشباك الخارجي مقفل ، زفرت بضيق : ليش مقفلينه ماحب اشوفه مقفل ابي اصحى واشوف الدنيا نهار .. قامت فتحت الشباك الخارجي ، ضوء الشمس تسلل للغرفه وزاد انشراحه للمكان ،راحت عالسريع لغرفة الملابس واخذت روب الانجري ابيض حرير،ورسمت ابتسامه على وجهها " لازم البسه حتى لو ماجاني عُمر " طلعت من الغرفة وفتحت الباب ومثلت بخجل وتعمّدت تطلع جز من لبسها عشان تحرّ امه ،بنبرة حياء: هلا خخا... هلا بطويلة العمر الاميرة نجد تناظر فيها من فوق لتحت، صدت عيونها باستغراب " لايكون لعبت بعقل ولدي بنت ناصر الخبيث" ثم قالت بدون نفس : جهزي نفسك لحفل استقبالك شوي شُموخ " خير ماقالي شي عُمر وهذي وش فيها مستعجله .. لايكون عشان سفرتنا المساء !" : تآمرين امر يا طويلة العمر بغيتي شي ثاني طال عمرك ؟ الأميره نجد بنبرة تحذير بصوت هامس تحسب عُمر داخل قالت : الموظفات اللي عندي مالك اي حق تعطينهم اجازات من وراي سواءً انا كنت موجودة او غير موجودة يا بنت ناصر مفهوم هذا اخر تحذير لك شُموخ ضاق صدرها من اللي سمعته ودها ترد عليها هالرد " مو ولدك يقول اني سيدة البيت الظاهر كان كلامه خرطي مالت عليك وعليه بس " بلعت ريقها : اللي تشوفينه طويلة العمر والسموحه منك عاللي صار .. الأميره نجد تجاهلتها وطلعت من المكان ، رايحه تتفقد التجهيزات والضيافة بصالة الإستقبال كبييره المُضيفات "الصبابات" مطقمين مع بعض بفستان سُكري حرير بأكمام طويل وتسريحة شعرهم ظفيره ملمومه وحزام ذهبي عالخَصر ، والضيافه لبس رسمي بنطلون اسود وبلوزه بيضاء بسديريه سوداء ، يبخرون المكان ويجهزون طاولات الخدمة القهوة والشاي الاميره نجد مكشره " والله ما تستاهلين يا بنت ناصر لكن سمعتي من سمعة ولدي لازم اقوم بالواجب " ثم زفرت بضيق : الله يرحمك يالغَالية وحسبي الله على من كان السبب.. ، * * شُموخ بعد ما اخذت شاور وجففت شعرها راحت لغرفة الملابس جلست عالتسريحه حطت ميك اب ناعم عالسريع كونسيلر وفاونديشن وآي شادو لون تُرابي واكتفت بآيلاينر بطرف العين ، وماسكارا ورتبت حواجها ، لمست بلاشر لون مشمشي على خدودها* وإضاءة خفيف واختمت انقاطتها روج مات لون احمر هادي .. ابتسمت برضىٰ على شكلها ، قامت فتحت دولاب الفساتين اغلبهم قصار ، مالها غير الأسود اللي لبستها بحفلة الأميره هنوف ومو عاجبها ، دورت مره ثانيه حصلت فستان من قالفان ميدي لتحت الركبه قماش بوليستر بربقة مفتوحه عند الصدر شكل رقم 7 ماسك عالخصر ثم وسيع من تحت لون سكري على ذهبي ، كان معطيها شكل جذاب... زفرت بضيق : ياربي مايصلح* بهالمناسبة كوني عروس مالي الا بنت العم تفزع لي... اخذت جوالها واتصلت على غِيْد : الو حبيبتي غييد الحقيني ... اوووه بعدين بعديين اقولك الحين مستعجله ماعندي وقت .... ابيك ضروري الحييين تجيبين لي فستان طويل ماعندي غير فساتين قصيره وذاك الأسود ، ومو حلوه البس قصير* وانا توي عروس ... الله يسعدك مشكورة حبيبتي الله لا يخليني منك .. قفلت جوالها وحستْ براحه : الله لايحرمني منك يابنت العم قامتْ من مكانها رايحه لغُرفة الملابس الخَاصة بعُمر عند قسم الثياب تختار له ثوب ،وبحيره : والله كلهم نفس الشي خل اختار اي واحد .. اخذت واحد منهم وغتره بيضاء جهزتهم و بخرت الثوب وعطرته ،سمعت صوت باب الغرفة انفحت ، عضّت على شفتها السفليه* " يووه الحين بعد يهاوشني على ملابسه* ويطلع لي مشكلة من تحت* الأرض" بسرعه طلعت من غرفة الملابس تدوره ماهو موجود شُموخ تنفستْ براحه ، لما راح ياخذ شاور وقفت عند المرايه تشيك على طلّتها كانت فتنه بغايه الجَمال وقرأت اذكارها وحصنّت نفسها .. سمعت صوت باب الحمام انفتح توترت اكثر ، كانت معطيته ظهرها ، حستْ بقربه لناحيتها كان لاف نفسه بالفوطه وشعره مبلول .. شُموخ تفرك اصابعها بتوتر ، عُمر مسك اكتافها ولف جسمها كله لجهته ، التقت عيونه بعيون شُموخ تأمل فيعا للحظه ، حس بإرتباكها .. شُموخ بنبرة حياء : صصباح الخير سَيْد عُمر عُمر يتفحص وجهها ومسك ذقنها وحط اصبعه الإبهام على شفتها وضغط عليه بقوة : امسحي هالروج لا اشوفك تحطينه .. شُموخ بنظرة استغراب : ليش ! عُمر : من دون ليش امسحيه وغيري لبسك والبسي الفتسان المعلقهناك .. شُموخ التفتت وناظرت محل ما يأشر عليه ، شافت الفستان كانت جلابيه وسيعه لون ابيض ناعمه بتطريز خفيف لون أسود وبأكمام طويله ،ثم ناظرت فيه : هذا تسميه فستاان وش هالجلابيه* ذي ؟ عُمر رفع حاجبه بتعجب :لاتسألين مالك شغل باللي أأمرك عليه والبسي اللي قلت لك عليه الحين وقدامي بعد .. شُموخ بلعت ريقها وحستْ بإحراج كبير من طلبه " ليتني ماسألته وجع ويبيني البس قدامه خيير ان شاء الله استغفر الله هو زوجي صحيح بس استحي والله " شُموخ : اللي تآمر عليه بس ممكن البس بالغرفه طال عمرك ؟ عُمر بعناد : لا غير ممكن ،البسي هنا وانتِ ساكته.. شُموخ : ططيب لا تناظر عُمر : لا والله بعد تتشرطين علي ، لا تنسين انك زوجتي وحلالي والآن قومي بدلي ملابسك يا سِتْ شُموخ بلا دلع ..!؟ شُموخ انقهرت منه " اوريك تحرجني حتى انا احرجك " اعطته ظهرها بحركه سريعه ،كانت تاركه شعرها ماسرّحته قالت ببحه خجل : سَيْد عُمر ممكن تفك لي السحاب عُمر دوخته ريحة عطرها ، أخفى ارتباكه .. رفع شعرها ولمه كله على جنب ، مسك السحاب ونزله بهدوء ، لكن نصه وقف نشبت فيه غصلة من شعر شموخ صرخت بقوة : آاااي عورتني عُمر قمز من صرختها ، وبسرعه تدارك الوضع وبنبره حاده : خلاااص اهجدي بس خصله ناشبه لا تصيحين فجرتي اذوني شُموخ حابسه دمعتها : والله يعور انت ما حسيت فيني شُموخ مسكت يد عُمر بقوة وبترجي: بليييز لا تعورني فكه بشويييش.. عُمر بعد يدها : شيلي يدك طيب عشان اشوف شغلي شُموخ رجعت يدها ومسكت يده وقالت ، بدلع طفولي : لا والله ما اشيلها اخاف تعورني ... عُمر بخبث : يعني لهالدرجة مو واثقه فيني ! شُموخ : مو قصدي ماني واثقه فيك، لكن يهون كل شي الا شعري لا مستحيل مقدر والله مقدر عُمر شال يدها بقوة : تشيلينها بالغصب مب تمشين على كيفك يا سِتْ شُموخ .. شُموخ زعلت ، وبعدت عنه : خلاص لا تفكه انا اسويه عُمر سحبها وثبتها قدامه : تعالي ما اسمح لك تعصين كلام يا شُموخ خليك عاقله عشان اشوف شغلي ،عارف انك زعلانه ماهو شي جديد.. شُموخ انقهرت منه ، وسكتت ،عُمر فك العقده ثم نزل السحاب للأخير : خلاص خلصت شغلي ببساطه من دون لا تعيقين شغلي ... روحي للغرفة بدلي لبسك شُموخ طرطعت اكثر " حقييير والله حقيير كان قلت لي من اول مب كذا تحرجني " اخذت الفستان ثم مشت بعصبيه للغرفة عُمر كاتم ضحكته : مافيه كلمة شُكر للسَيْد عُمر .! وقفلت الباب بقوة ..وتجاهلت كلامه ضحك على حالتها وعصبيتها : هههه احسن حركات الإغراء هذي ماتمشي علي يا سِتْ شُموخ مثل مالبتسيه اكيد تعرفين تنزلينه... راح لغرفة الملابس الخاصة فيه ،لقى ثوبه جاهز وغتره ومبخر ومعطر .. شاف طاولة البخور لِسه المبخره فيها جمر رفع حاجبه بإستغراب: هذي انتِ ،يصير خير يا شُموخ.. راح بدل ملابسه ولبس ثوب غير عن اللي مهجزته له * * ، شُموخ داخله معصبه من تصرفات عُمر مسكتْ الجلابيه ورمتها عالأرض ، اخذت جوالها وارسلت لغِيْد " حبيبتي خلاص لا تجيبين الفستان حبيبي عُمر جايب لي فستان ، واسفه تعبتك معي " وحطت الجوال عالتسريحه ، تعوذت من الشيطان واخذت نفس عميق : اصبري يا شُموخ هو يحب يستفزك فانتِ امسكي نفسك ولا تنفعلين بزياده .. ناظرت نفسها بالمرايه ابتسمت للحظه عشان تهدا اعصابهاا شوي ، ثم لبست الجلابيه اللي جابها عُمر وطلعت من الغُرفه ما شيكت على نفسها وصادفت عُمر طالع من غرفته .. عُمر طاحت عينه عليها صارت اجمل بكثير في الجلابيه عُمر " زين تسترتي " عُمر قرّب عندها شُموخ منزله راسها واضح الزعل بعيونها ماناظرت فيه ، عُمر رفع راسها تأمل بعيونها: ملابسي ما اسمح لك تتدخلين فيهم سِتْ شُموخ مفهوم ولا اعيد كلامي شُموخ انقهرت : على اساسا انت ما تتدخل بملابس السفر يا سَيْد عُمر ! عُمر رفع حاجبه بخبث : ملابس السفر غير وملابسي غير ولاتحسبيني ساكت عنك بخصوص منسقة الملابس اللي رفضتيها ، هذي مشيتها لك لكن ملابس السفره لا والف لا شُموخ " بعيييير مايسنى مايضيع عنه شي كريه " طنّشته وصدت عنه .. عُمر مسح على شعرها ثم قال بنبرة تحذير:شعرك ما ابيك تسرحينه كذا ، يلا لميه من قدامي اشوف .. توسعت عيونها بدهشه "خيير ان شاء الله وش دخلك بشعري بعد !! " شموخ بعناد : ماني لامته.. عُمر رفع حاجبه بإعجاب : بدينا حركات العناد يا شُموخ ! اقول عطيني شعرك ،* المه لك انا ،دامك ماراح تلمينه شُموخ انقهرت قالت بنفسها" تخسي تلمس شعري" ناظرت فيه بحقد ثم صدتْ عنه ...ولمت شعرها كلّه عُمر ابتسم بخبث : ايه كذا حلوين ..يلا انزلي ولا تنسين اللي اتفقنا عليه البارح .. شُموخ تجاهلته وفتحت الباب عُمر وراها شاف المشرفة ، قرّب عند شُموخ ومسك خصرها شُموخ جت بتسحب يده ، لكن عُمر سحبها تحت يده وثبتها ، ابتسم للمشرفة ، ودخل للمصعد شُموخ شالت يده بقرف .. وصدت وجهها عنه عُمر كان مبسوط للآخر ، ثم فتح باب المصعد للدور الأرضي ، شُموخ شافت الأميرة نجد وتذكرت حركتها قبل شوي ، راحت مسكت خصر عُمر وراسمه على وجهها ابتسامه مُصطنعه اللي استغرب من حركتها ، لكن انشغل عنها بأتصال جاه : الو هلا .. من سمح له يدخل !! عُمر ناظر بأمه رص على اسنانه : اوكي يصير خير .. شُموخ حست ان عُمر متضايق ومعصب ، لكن ماحبت تسأله سمعتْ صوت الأميره نجد عند المدخل الرئيسي تهلّي وتزغرط : هلا والله بأخوووي الغالي هلا بسندي هلا فييك نورت الرياااض يا حبيبي وش هالمفاجأة الحلوه كان قلت لي اجهز لك استقبال افخم من كذا ضمّته بحرارة : هلا فيك يالغالية منورة باهلها ، ليش الكلافه يا اوخيتي الغالية ،وا انا جاي اسلم وابارك لولدك عُمر على عروسته الجديده اللي سبقني عليها عُمر إنقهر من كلمته الأخيرة حقد عليه اكثر " طول عمرك نذل ما راح تتغير" * ، إلى هنا نتوقف تابعوني عالواتباد : https://www.wattpad.com/story/195410...-يحتويني-بقلمي " الله الله بتعليقاتكم الطويله والحُلوه وابي رايكم وتحليلاتكم* للبارت" * "نهاية البارت" قِراءة مُمتعة للجميع |
رد: رواية غرامك يالخفوق ذبحني هآت حضنك يحتويني
بسم الله الرحمن الرحيم ، "ربِّ ادخلني مدخل صدق وأخرجني مخرج صدق وإجعل لي من لَدُنك سُلطانًا نصيرا" ، السلام عليكم ورحمة الله وبركاته اشكررركم من كل اعمااق قلبي على ردوودكم الحُلوه ولحبايب قلبي الجدد اللي انضموا معانا والغَالين خلف الكواليس حياكم شرّفوني بردوودكم الحُلوه ووجودكم بين صفحات الرواية لآرائكم وتشجيعكم ودمعكم لاستمرار الروايه ، هذا البارت إهداء للمتميزات دايم في تعليقاتهم وتحليلهم على الواتباد* : زوزي ، رؤى، ن. الراجحي سارونه ،سمر ،افنان ، ،الهاسبيه ، eunhyuk مملوحه ، معزوفةً حنين، سورا الأميره الملكيه : حبَيت تحليلك الأخير بطلّه بطلّه ايوّه هذا اللي ابيه منكم تحلّلون الماضي والحَاضر فالأميرة الملكية جابت طرف الخيط اهنيّك* بصراحه وكذلك الأخت الي انضمت معنا جديد ريمو الحُلوه اذهلتيني ، وللبقيه اكيد لهم نصيب لاحقًا فالله الله بردودكم واراكم وتحليلاتكم ترى بكم بارت فيه الغاز بين السُطور طلّعوا كونان اللي بداخلكم وفككوها وايضًا اهداااء للقراء الغَالين خلف الكواليس * ، كل الشُكر والتقدير لعزيزة قلبي دائما (غَدير) ولا تنسوها من طيب دعواتكم "البـارت الثَاني عَشرْ" رواية غرامك يالخفوق ذبحني هآت حضنك يحتويني/بقلمي . ، فنظل نعشق.. ثم نحزن.. ثم ننسى ما مضى و نعود نعشق مثلما كنا ليسحقنا.. الجوى لكن حبك ظل في قلبي كيانا.. لا يرى قد ظل في الأعماق يسري في دمي وأحس نبض عروقه في أعظمي *فاروق جويدة. ، سمعتْ صوت الأميره نجد عند المدخل الرئيسي تهلّي وتزغرط : هلا والله بأخوووي الغالي هلا بسندي هلا فييك نورت يالرياااض يا حبيبي وش هالمفاجأة الحلوه كان قلت لي اجهز لك استقبال افخم من كذا ضمّته بحرارة : هلا فيك يالغالية منورة باهلها ، ليش الكلافه يا اوخيتي الغالية ،وا انا جاي اسلم وابارك لولدك عُمر على عروسته الجديده اللي سبقني عليها عُمر إنقهر من كلمته الأخيرة"ايا النذل طول عمرك ما راح تتغير" عُمر شاد على يد شُموخ بقوة شوّي وتتكسر اصابعها تألمت بسببه، لكن نظرة عُمر لخاله ارعبتها* وانستها الم يدها يناظره بكره وحقد وبغض واضح ، شُموخ ناظرت بخاله ثم نزلت عينها بسرعه، لما التقت عيونها بعيون خاله عُمر ما انتبهت لنظرته ، سحب شُموخ خلفه يخبيها عن خاله شُموخ وحمدت ربها انه ماشاف خاله "واضح ان فيه شي بينهم كبير " توّها تستوعب تصرفه لما اجبرها تلبس هاللبس عشان مايبين مفاتنها عند خاله* اللي وضح لها عيونه زايغه ظلّت تفكر بآخر كلمهقالها " يعني الحين امك متغيره علي عشانها كانت بتخطبني لأخوها* مو لك ! وحتى لو خطبتني لأنوها ماراح اوافق على هالوقح" عُمر همس بأذن شُموخ وبتهديد* : روحي ادخلي للصالة ولا اشوفك تفرفرين خليك منثبره هناك بمكانك إن تحركتي احش رجولك حش فاهمه..؟ شُموخ تجاهلت اسلوبه الجاف معها وحست بغيرته انبسطت من كل قلبها " حبيبي اللي يغار حسبتك جلف طلعت غيوور وه فدييتك " ابتسمت من قلبها ، عُمر يغار عليها من خاله ، صحيح طبيعة الرجل الغيرة على مرته ، لكن شُموخ تشوف هالشي غيير عقب تصرفاته الجلفه معها لكن طلع جانب عُمر الغيور اللي تشوفه بدايه مُبشره شُموخ ابتسمت بدلعْ وهمستْ بأذنه اليَسار: تغار علي ؟ عُمر تعجب من ردها وشاف ابتسامتها العذبه وبانت غمّازتها رغم البركاين الغضب فيه ، إلا إن ابتسامتها هزتْ مشاعره عُمر تعمّد إغاضتها قال بهمس وبتهديد : طبيعتي كرَجُل اغار على حريمي ويلا انقلعي من وجهي ولا عاجبتك الوقفه هنا ..! شُموخ* ضايقها كلامه من طاري حريمه " مالتْ عليك انت وحريمك ،يا حقير انا توّي عروس متعمد تطريهم عندي لييش لييش ابفهم !مالي شان عندك !! ماتحرك مشاعري كإنسانه على الاقل ماهو زوجه آااه ياقلبي ليتك ما تعلقتْ فيه " تغلغل قلبها اكثر وتعمّدت تقول بصوتْ شبّه مسموع عشان تغيض الاميره نجد قالت بدلعْ: اوكِ حبيبي بااي راح اشتاق لك عُمر وده يسحبها ليأدبها على حركتها لكن عيونها فضحت زعلها من طاري حريمه" احسنْ تستاهلين " ، لكن شاف وجود المشرفة والخدم وخاله وامه فيهلذلك من خطته انه يمثل الحُب والزواج والإستقرار قدام عيونهم لأنه دارس الوضعْ في القصر وعارف سوالف الحريم والقيل والقال لأنه تحت انظارهم .. عُمر قال بنفسه " اعلّمك شلون الشوق يكون ، يا سِتْ شُموخ " راح لخاله بعد ما اتأكد ان شموخ دخلت الصالة عُمر بنبرة حاده : وش جابك هنا ومين سمحْ لك تدخل القصر يا بندر أكيد انها امي ! الاميره نجد بدفاع : ايه انا اللي مدخلته وكف شرّك عن اخوي يا عُمر والزم حدّك .. الأمير بندر : اتركيه لي يا نجد انا اتفاهم معه ... تقدم لعنده صار مقابله ناظر فيه من فوق لتحت بإشمئزاز وإبتسامه ساخره: والله مب على كيفك تدخلني وتطلعني يا عُمر اقصد سَيْد عُمر !! عُمر ماسك اعصابه لا يستفرد فيه ويذبحه مانسى نظرته المُقززه لشُموخ وقال بفحيح: اسمع يا بندر هذي أخر مره تدخل فيها القصر لا تقولي ما حذّرتك الأمير بندر بضحكة ساخره : هههههه ومن زين قصرك عشان تهددني ادخل ولا ما ادخل هذا الشي راجع لي عُمر كاتم غضبه وبوعيد: قول اللي تقوله لكن انا حذّرتك ،وانت عارف وش بسوي فيكِ ولا نسيت سواتك ترى كل شي عندي ضِدك يا بندر بس ارفع السمّاعة تختفي من الوجود ... الأميره نجد خافت : بندر وش قااعد يقووول عُمر ؟؟ الامير بندر انقهر من تهديد وشدّ على قبضة يده : تهددني بعد يالكللب تهدد خالك يا قليل الادب ..ولدك هذا شكلك ما ربتيه زين يا نجد يبي له تربيه جديدة عشان يحترم خَاله.. ورفع يده على عُمر بيعطيه لكمة ، لكن عُمر مسكه ولوى ذراعه بقوة : انا اللي أربيك وما تمشي غير كذا يا بندر انت مايفيد معك غير التهديد ... وهمسْ بإذنه لا تسمعه أمه :ولا نسيت قبل 10 سنين وش سويت ورجعت الحين وماتبت من غسيل الأموال !! الامير بندر بضحكة سَاخره : ههههههه ومن قالك إنّي رجعتْ ! عُمر رفع حَاجبه بإعجاب : مايغيب عنّي شيء يا بندر وانصحك لا تحط راسك براسي بتندم أكثر .. الامير بندر أبتسم بمكر: ارتاح ماراح احط راسي براس واحد حُثالة مثلك مايهمّه غير نفسه ! عُمر ضحك بثقه : هههه لهالحين شايل بقلبك علي لهالحين تفكر بالعقد اللي رفضته ههههههههه مسكين والله ايه ما افكر غير* بنفسي* وبمصلحتي فقط و ما اتشرف انّي أتعامل مع واحد مثل اشكالك .. الامير بندر بسُخريه: والله مالمسكين غير انت يا سَيْد عُمر الأميره نجد قاطعتهم وفرّقت بينهم :اقووول عاد اهجدوا وبلااش هواش شيّاب وش كبركم وتتهاوشون عندي هوّ ماصارت والله ...!! الأميره نجد تحاول تكون وسط بينهم التفتت لعُمر : وانتْ يا عُمر الزم حدودك واحترم خالك اللي فات مات الى متى وانتم متعادين !! ، قبل عَشرْ سنوات ، الامير بندر كان يبي يوّقعْ عقد شراكه مع عُمر وقتها بندر يطمع بالكثير، وعلاقته بعُمر نوعًا ما سيئة عُمر يكرهه خَاله من لما كان صغير ، كانت يتنمرْ عليه كون أنه من أب آخر خارج العَائلة الى ان وصل مرحلة الثانويه واضطر والد عُمر اخذه معه لأمريكا يكملْ دراسته هناك عُمر ما يواطن خَاله ، تأذى منه كثير وحتى وهو كبير لكن قدر يلقنه درس ما ينساه ... الامير بندر مملوح فيه نسبة شبهه بسيطه من عُمر العُيون فقط كحيله.. عمره 39سَنة أكبر من عُمر بسَنة الى الآن أعزبْ ويبحث عن شريكة حياته ، يمتلك شركة وعدة مؤسسات الغَالب منها غَسيلْ أموال سبقْوانسجن قبل عَشرْ سنوات بسبب غَسيل أموال لمُدة 6 شهور وطلع بواسطة .. بعد ما طلعْ واعلن توبته ،ساعدته اخته الاميره نجد بمبلغ وقدره يأسس فيها نفسه من جديد ،وأسس شركته الخَاص وطلب من عُمر انه يتعاقد معه بشركته القابضة ، لكن عُمر رفضه مايبيه خيرْ شر بأعماله ... إنقهر منه وحَاول* بندر يشوّه سمعة عُمر ويكيد له لكن محاولاته بائت بالفَشلْ ، بحكم إن عُمر رجل حذر جدًا في تعاملاته ...ومابينهم غِير السلام فقطْ . ، الامير بندر: والله انا عن نفسي* مُسالم وقابل بالصلح بيننا لكن ولدك الله يهديه بس يحب العدواه .. عُمر عدّل غترته وعينه على خاله وضحك بُسخريه :تطلب الصلح بعد ! هههههههه حلم ابليس بالجنة .. الأميره نجد ناظرت السياره اللي وقفت شافت الساعة : جايين بدري* والحضور الساعة 2 ؟! ثم ناظرت سيارة غِيْد الرنج نازله منها ... الأمير نجد تصفق بيدها : بس خلاااص كلن يروح يشوف شغله ،الضيوف وصلوا ولاتفضحوني هنا.. عُمر مشى للمجلس الرجال من دون لا ينطقْ بحرف ،اكتفى بالصمتْ .. اما الامير بندر شاف غِيْد نازله من سَيارتها والعَامل اخذ سيارتها يوقفها بالباركينج .. قبل لا تنزل لمحتهم وحطت اللثمه ماشيه بثقه عليها نظراتها الشمسيه وبيدها كيس الفستان لشُموخ جايبته معها ...رغم ان شُموخ كلمتها لكن قد ركبتْ سيارتها ومالها خلق تطق مشوار ترجعه .. طاحتْ عينها بعين الامير بندر كشت منه " هذا اخوها سبحان الله العيون عيون عُمر الباقي غير ،وش فيه كذا يقز عمت عينه ان شاء الله" الاميره نجد سحبتْ اخوها بسرعه : امش قدامي فضحتني لمتى تتزوج وتعقل .. الامير بندر بسُخريه: راحت الزوجه بسبب ولدك سرقها منّي الاميره نجد ترددت تقوله له السَالفه : فكك الله منها يا بندر وناس وش تبي فهم ماراهم الا المصايب بندر رفع حاجبه: ليش وش مسوين !!كنتي تمدحينها لي والحين تسبينها هههههههه ماهيب عاجبتك يا نجد والله اشوفها صاروخ مير ولدك اخذها .. الاميره نجد تورطت خافت من بندر يسوي شي لو قالت له سالفة ناصر "لا خلاص كَافي اكيد بيعاديه اكثر احسن لي اسكتْ وما اعلمه" الاميره نجد وبتصريفه: ماهيب عاجبتني عقب فضيحتها ابغضتها مير ولدي مهبول راح اخذها ثم قال الامير بندر بإستغراب وبمكر : يا نجد اشك ان فيه شي بتقولينه قوليه عادي انا اخوك مانيب غريب* ؟ الاميره نجد بتصريفه : مافيه شي وانت عارفني انا ما اخبي عليك شي يا بندر ووقفت معك كثير ضد ولدي ... الامير بندر : اي والله ما انساها لك يانجد وقفتي معي وقفة رجال مب مثل ولدك اللي عطاني ظهره الاميره نجد : ماعليه ولد وقتها صغير ومايفهم الامير بندر قال بنفسه "مايفهم علّمته شلون يفهم ومافاد معه " ثم قال : ماعليه بيفهم مع الوقت ، يلا عن اذنك بمشي الاميره نجد : على وين اجلس تغذا واذا زعلك كلام عُمر ماعليك منه. ماله كلمه عليك دام راسي يشمْ الهواء.. الامير بندر " انا جاي اصلا اشوف وجهه هو وبنت ناصر مب عشانك انتِ يا نجد " : لا والله عندي اشغال ما اقدر ااجلها لوقت ثاني ان شاء الله نلتقي بوقت ثاني .. الاميره نجد تودعه : على خير في امان الله وحفظه ودعها ومشى ..* الامير بندر ركب سيارته وراسم على وجهه ابتسامه " والله مانت هيّن يا عُمر قدرت تاخذها اشهد انك داهيه " واطلق ضحكه غريبه : صدق داهيه لكن ماتجي مثل خَالك يا عُمر هههههههههههه... ، * * شُموخ بعد ما سلمتْ على غِيْد كانت لابسه فستان ماسك لون أحمر طويل بأكمام طويله يتوسطه حزام شنايل اللؤلؤي ورافعه شعرها ذيل حصان ... وحلق الماس وخاتم ميكياجها كان ناعم جدًا عباره عن ماسكارا وآيلاينر رسمة كات وبلاش برونزي وروج درجة تُرابيه .. غِيْد بشووق : هاه كيف شموخي الحُلوه اليوم ؟ شُموخ أخفت حزنها* وبإبتسامه : بخيير يا حُلوة.. وين امك وماما؟ غِيْد : جايين مع الطريق .. وامك لو تشوفيها شكثر فاقدتك مسويه مناحه هههههه ليت بالله اهجدتْ شُموخ " يا حياتي ماما اكيد احساس الأم حاسه فييني شكثر تعذبت نفسيًا من عُمر" : ياحياتي لهالدرجة وكيف بابا ؟ غِيْد بتنهيده : والله نفس الحال لكن اهون من امك ،قالبين البيت حزن .. شُموخ بإستغراب : شلون مو المفروض يفرح ؟وهذا يبيني اتزوج* والحين حزين بدل ماهو مبسوط.. غِيْد : يمكن عشانك الوحيده فطبيعي بيحزنون عاد ماعلينا بيجون وبتسلمين عليهم .. الا ماقلتيلي سمعتْانك بتسافرين ماشاء الله على وين ؟ شُموخ تتصنع الخجل : والله مدري عن حبيبي قالي مُفاجأة غِيْد تغمز لها : حركات والله صرنا نقول حبيبي ههههههه شُموخ ضربتها بخفيف : اقول عاد لا تتريقين علي غِيْد قربتْ عندها اكثر وبجديه : شُموخ* فيكِ شي انا اعرفك قولي وش مخبيه وبعدين وش هالجلابيه اللي لابستها ! شُموخ بتنهيده تتلفت يمين ويسار تطمنتْ ان مافيه احد قالت بنبرة ضُعف ، ماقدرت تخبّي اكثر عقبْ اللي عاشته البارح كانت راسمته حلم جميل، لكن تحوَل لكابوس حاولتْ تمّثل القوة ، لكن جُرحها عَميق اللي سببه لها عُمر اول مره تشوفها غِيْد بهالحاله ، طول عمرها تشوف شُموخ المرأة القويه لكنْ هالمره انسانه غير قالت بإستسلام : وش اقول يا غيد ، انصدمتْ فييه غِيْد توسعت عيونها ومسكتْ يد شُموخ : بسم الله عليك وش فيه صوتك ... سوى لك شي ؟! شُموخ حستْ بغصّه : ماني قادره اقول احسنّي بموت .. غِيْد : بسم الله عليكِ تعالي نروح مكان ثاني .. قامت بعجز شُموخ تبي تفضفض قلبها شوّي وينفجر صعدوا المصعد وجلستْ* بالصالة* العُلويه مافيها احد... شُموخ إنفجرت بكاء : صدمننني يا غِيييد صدمننني ما توقعته كذا كان وش زينه بالبدايه لكن طلع وجهه الحقيقي ... ااااه يا قلببي بمووووت غِيْد بخوف: بسم الله عليك من الموت ..حبيبتي قولي وش فيكِ سوى لك شي قولي فضفضي انا اسمعك ؟ شُموخ قالت لها على اللي صَار لها من الى .. شُموخ دموعها ماليه وجهها كحلها ساح وخرب الميك اب كلّه غِيْد مصدومه وبإنفعال : لييش وااااافقتي* غبـييه انتِ كان طلعتي بكرامتك ولا عشتي هالإهانه بهالشكل .. لا تقوليين احبه وما احبه لا حبيبتي اصحي من الوهم اللي معيّشه نفسك فيه وين شُموخ القويه اللي اشوفها الحين ماهي شُموخ اللي اعرفها* !! شُموخ بنبرة إنكسار: انحشششرت غصب عني ارضى بقوانينه ! والحقيير خيَرني* بالموافقه او بالإنفصال عنه غِيْد انقهرت اكثر على حالها وإنكسارها :كان انفصلللتي يا خبلله من اول نبهتك بس ما سمعتي كلامي هالحين الغرور ماعاد ينفعك ..ثقتك ذييك شوفي شلون ودتك فيييه !! ليييه ما اتفصلتي ليييه شُموخ بشهقه : صعب انفصل والله صعععب يا غِيْد لو انتِ بمكاني راح تحسين اللي احس فيه غِيْد تمالكت نفسها تكرهه تشوف شخص عزيز على قلبها ضعيف لهالدرجة : شموووخ* صاحيه انتِ وش اللي صعب تراني شوي واعطيك كف يصحيك زياده قوولي وش الصعب شُموخ بقهر :* ايه صعب علي الرّفض* و انتِ بعينك شفتي ردة فعل بابا عقب الفضيحة اللي انتشرت شفتي وش سوى جبرني اتزوج غصب غنّي وبعدها طلع الحقيير طارق ، بابا ماتعرفينه تهمه السمعة اكثر مني ملييًن مرره ، شلون تبيني انفصل وارجع بنفس ليلتي هاااه قولي شلووووون انجبرت والله انجبرت و خفت من بايا يذبحني ولا يصير فيه شي بسببي ، وغير كذا انا اتحمل مسؤوليتي وعنادي لأهلي اني تزوجته .. خلاااص لاتضغطين علي يا غِيْد .. غِيْد ماهي مصدقه تحاول تستوعب اللي قالته ، عُمر الرجل المثالي شلون يطلع كذا على حقيقته معقوله كل حريمه يعاملهم كذا ! غِيْد قالتها من القهر : حسبي الله علييك من رجل ماتخاف ربك شُموخ قاطعتها : لا تتحسبين عليه غِيْد مصدومه : وش اللي ما اتحسب عليه هالحقير انتِ صاحيه ولا مجنونه هذا مريض نفسي شلون تقبلين فيه شُموخ : كلهم الاثنين الا التحسب ما اسمح لك تدعين عليه هذا زووجي .. غِيْد ضحكت بسُخريه : زوجك ههههه هذا الحقير راضيه باللي يعيشك قيه انفذي بجلدك الحين احسن لك يا شُموخ لا تصيرين ذليله تحت يده وانتِ عشتي طول عُمرك معززه ومكرمه ..! شُموخ* بضُعف : ما اقدر يا شُموخ قلبي متعلق فيه.. غِيْد انقهرت اكثرر وسحبتْ ياقتها : تحبيينه مجنونه انتِ شلووون ترضين فييه شلوون تعلق قلبك فيه ابفهم لا تجنني زيادة يا شُموخ يعنني اللي سعيتي له راااح هباء منثوور !!! شُموخ : وش اسوي يا غِيْد ، كل اللي مخططه عليه رااح حتى الحمل بعد هددني فيه وكل زوجاته نفس الشي غِيْد مسكتْ راسها : ياربي لا تسخطنا وش هالمريض الشايب اللي كبر ومايبي ذريه !! استغفر الله واتوب اليه شُموخ ارتمت بحضنها : لا تلومييني من كثر صدمتي فيه احسني تبلدتْ ماني عارفه وش اسوي احسني ضاااايعه.. غير اقول سم وطال عُمرك حتى امه زعلانه مني عشان ولدها اخذني وما اخذني اخوها قااعده اعيش بصراع بين يوم وليلة ...قلبت حياتيانخدعتْ فيها وانخدعتْ بولدهااا ... اآاااه ياربي صبّرني غِيْد رحمتها ماتبي تقسى عليها اكثر خصوصًا انها بفترة حسّاسه ، اللي فيها كافيها كانت متوقعه هالشي من عُمر ولا مو معقوله كل شوي متزوج له* حرمه* ومطلّق ! لكن ماتوصل للحقاره والإهانه " معقوله ماخذينه عشان فلوسه اعوذ بالله من هالأشكال " ... غِيْد بتفكير ،ما تبي تهدم بيتها وهي توّها عَروس لكن اسلوب عُمر استفزّها كثير ،فالحل اللي شتوفه هو المُحاوله بتغيير عُمر وكسبه ... وغير كذا حُب شُموخ له " معقوله حَبيتيه ومتمسكه بحبّك له طول هالسنين ! وش هالحُب اللي اضعفك يا شُموخ وخلاك مكسوره نبّهتك عُمر مايصلح لك لكن التهور والتحدي والثقه الزايده أعمتك ماخلتك تشوفين الصح والخطأ ، هذا جزاك وتحمّليه" غِيْد بتنهيده : والله طحتي ومحد سمّى عليك يا شموخ ... شُموخ ظلت تبكي بحضنها ،شُموخ اللي كانتْ قويه فجأة اصحبتْ ضعيفه ومكسورة.. طاحت بيد شخص إنتقامي مارحمها ولا رحم مشاعرها كُونها عَروس على الأقل نفذّ شروطه بوقت ثاني وعدا الليله على خير لكن تحوّلت لكابوس بالنسبة لشُموخ ... قالت غِيْد بنفسها وبحسره " الله يعينك ويعيني عليكِ يا شُموخ" ، تحتْ عند الأميره نجد تستقبل الضيوف ومن ضمنهم كانت أم شُموخ متوتره وخايفه علو بنتها تدور بعيونها على بنتها : حبيبتي ام عُمر وين شُموخ ما اشوفها ؟ الاميره نجد تتصنع الإبتسامه : ارسلتْ لها الخدم قالوا تجهز وراح تجي اجلسي حياكِ استريحي.. ام شُموخ شافت المشرفه "اكيد انها حصّه "حصه سمعتها من الحريم انها تعطي اخبار القصر بمُقابل وبتصريفه : ان شاء الله وين دورة المياه؟ الأميره نجد : ثواني بس ياقلبي الاميره نجد التفتت واشرت للمشرفة تجي لعندها : يا حصه وصليها لدورة المياه .. المشرفة حصه : سمّي طال عمرك ام شُموخ : عن اذنك .. الاميره نجد : اذنك معك .. وصلت المشرفه حصه ،ام شُموخ لدورة المياه " اكرمكم الله " لكن ام شُموخ سحبتها : تعالي ابيك ضروري المشرفة حصه بإستغراب من حركتها : بسم الله وش فيكِ ام شُموخ طلّعتْ مبلغ من شنطتها ، المشرفه حصه طاحت عينها عليه وابتسمتْ : آمري طال عمرك... ام شُموخ بإبتسامه : مايمر عليك عدو .. وبصوت واطي : ابي اخبار عُمرمع بنتي عن كل شي شفيته ؟ المشرفة حصه استانستْ اخذتْ الفلوس : ابشري ام شُموخ سحبتْ المبلغ منها : اول قولي ثم خذي حقك المشرفة حصه شدّت على يدها وانقهرت : اوكي... قالتْ لها عن كل شي صار بينهم في المشب وطلعتهم من الغرفه تنفست براحه ام شُموخ : الحمد لله والشكر المشرفة حصه باستغراب :ليش تسألين تظنين ان عُمر يعذّب الحريم مثل مايقولون الناس لا حبيبتي* تطمّني عُمر على كثر زوجاته مايمد يده على حريمه ابدًا ودايم مدلعهم ويعاملهم احسنْ معامله ومو قاصر عليهن شي واذا على بنتك تطمّني فهو يعاملها احسن معامله... ام شُموخ ارتاحت " الحمد لله يعني مايعرف عن ناصر شي لو يعرف كان عذّب بنتي لكن اللي اشوفه غير " ام شُموخ* سلّمت لها الفلوس : طمنتي الله يطمّنك ومشكوره وهالشي خليّه بيننا تمام محد يدري فيه .. المشرفة حصه ابتسمتْ اخذت المبلغ وخبته بصدريتها : عُمر واعرفه زين فلا تخافين على بنتك .. ام شُموخ " ااه بس متى يطلّقها وارتاح ماني مرتاحه لهالزواج الله يسامحك يا شُموخ ليتك ما خيّبتي ظننا فيك " : ان شاء الله عن اذنك .. مشتْ ام شُموخ للصالة ، بعد ما تطمنت من المشرفة ان بنتها بخير ... استانستْ المشرفه حصه على الفلوس وطلّعتها من صدريتها تعدهم :زين اعطتني نص راتبي هههههه بدل اللي خصمته نجد بسبب غيابي وخلّتني هالعجوز غصبْ اداوم ، وش هالعايله اللي فيهم انفصام بالشخصيه ولدها يقول كلمت زوجته شُموخ مرفوعه تجي امه تثنيها زين انّي نمتْ نمومه طويله بدل قومة الصبح .. ليت هالعجوز تسافر ويخف الشغل وافكت من عزايمها اللي تكسر الظهر ..الله يعيني بس راحت تشرف على العَاملات وتراقب شغلهم وثلاث عاملات شُموخ اعطتهم اجازه لما رتبوا غرفة الملابس الخاصه فيها ماداموا اليوم ،خصمتْ من راتبهم الاميره نجدْ .. واما المشرفه حصّه نصف الراتب لأن المفروض تبلّغها بقرار شُموخ توافق ولا ترفضه وطبيعي الاميره نجد ما راح توافق ....! طبعًا عُمرمخطط ومتفق بالشروط مع شُموخ انهم يظهرون للخدم وللناس انهم عَصافير الحُب واحلى اثنين شُموخ طبيعتها تمثّل القوة عشان تفرض احترامها وايضًا عشان تتمسكْ بعُمر .. عُمر حرّص هالشي قدام المشرفه حصّه لأنه يعرفها انها نقّالة الكلام، وبنفسْ الوقت مستفيد منها لأهل شُموخ لأنهم خايفين على بنتهم وبيسألون الخدم مثل ما سوتْ ام شُموخ .. ، يُتبع |
رد: رواية غرامك يالخفوق ذبحني هآت حضنك يحتويني
، بعد مرور نصفْ من الوقت جاتهم وحدة من الخدم : الأميرة نجد تنتظرك تحت طال عُمرك غِيْد بتصريفه : اوكِ جايين خلاص روحي .. حستْ شُموخ براحه لما فضفضت لغِيْد كانت محتاجه لهالشي.. شُموخ بعدتْ عن حضنْ غِيْد اللي امتلى دُموع وكحل اعدم الفستان ، شُموخ ببحة : آسفه عدمت فستانك غِيْد بإبتسامة مدت يدها تمسحْ دموع شُموخ : فدوه يا روحي وسامحيني إن جرحتك بكلامي بس والله ماهوب قصدي مير قهرني عُمر وانتِ بعد الله يهداكِ شُموخ بإبتسامه : عَادي حبيبتي من حقك تعصبين وتنفعلين واللي صار ماهو شي هيّن غِيْد ضمّتها : يا حياتي انتِ ، ماعليه لا تخاذين بخاطرك وسامحيني زعلتك شُموخ : افا بنت عمّي وصديقة عُمري تزعلني لا والله ماصارت بالعكسْ ارتحت معك كنت محتاجه اتكلم مع انه ماهوب بعادتي لكن الشي زاد عن حدّه وانتِ جييت بالوقت المناسب غِيْد : اهم شي لا تكتمين بقلبك واللي راح راح الحين ابيك تكونين قويه يا شُموخ لا تضعفين ولا تسمحين لأحد يقلل من قيمتك .. ولا تبينين إنكسارك لأحد مهما كان حتى امك افضل انها ما تدري وقولي انكم عايشين بسعادة الا اذا الوضع زاد عن حده لا تستكين .. شُموخ : إن شاء الله .. غِيْد بجديه : شمُوخ ابيك تطالعيني وتنتبهين معي الآن شُموخ ناظرت فيها بإنصات : اسمعك كلي لك اذان صاغيه غِيْد رفعت فستانها وتربعت : اسمعي عُمر هذا اكيد وراه شيء حاولي تكتشفينه تفككين مفاتحيه مب لكل رجل مفتاح حَاولي تعرفين عنه اكثر .. وقالت بصوت هامسْ : سمعتْ انه كان له زوجه يحبها بعدين ماتت بحادث .. شُموخ شهقت بصدمه : وش قاعده تقولين !؟ غِيْد انصدمت منها : ماتدرين عنها !! شُموخ بتعجب: لا والله توّي دريت منك غِيْد بحذر : ارخي صوتك واسمعيني بدون لا تقاطعيني ترى قليل اللي يدري عنها وانا حسبتك تدرين المفروض تكونين داريه يا قلبي ، بس ماعليه زين انك دريتي الحين .. المهم انه كان يحبها وسمعتْ انه صارت بينهم مشكله معرف وش هي ،لكن زعلتْ زوجته حتى اسمها ما اعرفه وهربتْ بتاكسي وصار لها حادث وماتت الله يرحمت .. ومر عُمر بحالة إكتئاب ثم تشفى منها رجع شخص ثاني وحطّ حرّته بالشغل كلّه .. وماشاء الله طلع بلقاء بمجلة فوربس ترشح كرجل اعمال تحتْ سن الثلاثين واخذ شهادات شكر وتوسع بشغله وصل للعَالميه اقولك هالرجل داهيه دااااهييه لذلك خليك ادهى منه واكسبيه بشتى الطرق ... شُموخ انصدمت وبنفس الوقت انكسر خَاطرها على عُمر قلبه رقيق اتجاه عُمر : ياحيياتي الله يرحمها ويصبر عُمر من متى صارت هالسالفة ؟؟ غِيْد بصوتْ واطي : قبل تسعْ سنوات هالسالفه ترى قليل يعرفها لأنه تزوج بعدين الحريم ويطلّق عاد انتِ خليك اذكى من حربمه ولا تخليه يطلّقك.. شُموخ تحس بمشاعر ملخبطه بين الشفقه وعدم الشفقه وبنفس الوقتْ مصدومه ! من عُمر اوّل مره تعرفه عن قُرب ومين هذي الزوجه اللي تغير عُمر بسببها !! وش سوت وايش كان بينهم ، جاها فضول تعرف عنها اكثر سرحت بتفكيير فيه وبزوجته اللي توّها تدري عنها لكن الغريب ان مالها اي اثر في البيتْ ماجاء ببالها غير غرفة الملابس وبابها المخفي ! وبشهقه : يعني الغرفه ذيك حقتها !! غِيْد : وش غرفته ؟ شُموخ حطتْ يدها على فمها : غرفة ملابس مخفية موجودة بغُرفة عُمر طلعت غرفته زوجته الأوليه ..!! غِيْد بحماس: اجل امشي خل نروح نشوفها يمكن فيها شي مبخى نعرف عن زوجته اكثر شُموخ سحبتها : اجلسي بس مافيها شي دخلتها فاضيه غِيْد بإستغراب : معقوله !! طب خلينا نروح وش فيها يمكن نلقى شي منيه مناك .. شُموخ : مافيها شي والله لا تحاولين الخدم نظفوها زين اكيد شايلهم ولا مخبيهم بمكان ثاني ..وبعدين عُمر مايسمح لأي شخص غيري يدخل بيته حتى الخدم مو كلهم يدخلون فقط اشخاص مُعينين .. غِيْد : والله هالرجل ماينمزح معه ، طيب حريمه الباقين ؟ شُموخ : سمعتْ ان لهم غُرفه خاصه فيهم ..بس اللي مستغربه منه عُمر مدخلني غرفته !! غِيْد : غريبه وش فرقك عن حريمه ليش ما خلاك مثلهم ؟ شُموخ بتنهيده :مدري يمكن وقتها موب فاضي ودخلني وخلاني فيها ... تصدقيين مافكرت اصلاً ... انا مايهمني حريمه المهم هو وسالفة الغرفه لاجيت من السفر افتشها بعدين ... غِيْد بتكفير :امممم والله الغرفه حقت الملابس صراحه مشكوك بوضعها بس دام بتفتشينها بعد السفر ننتظر ونشوف وش فيها .. شُموخ ناظرت الساعة : يوّه تأخرنا على الناس غِيْد تناظر بفستانها : روحي انتِ انا بغير فستاني شُموخ :اجيب لك فستان ؟ غِيْد : لا جايبه معي فستان كنت بعطيه لك لكن سَيْد عُمر جاب لك الجلابيه .. شُموخ ضحكت : ههههههههههه الجلابيه عشان خاله ابو عيون زايغه تصدقيين ما ارتحت له غِيْد : ييياع شفته حسيته كريييه وواضح بينه وبين سَيْدعُمر عداوه.. شُموخ بضحكه : هههههه من كثر ما تشمتي فيني صرتي تقولين سَيْد عُمر لا إرادتي ههههههه غِيْد انتبهت لنفسها وبتريقه : ياااع مايشرفني اقوله والله حيوان مسوي نفسه امير زمانه " سَيْد عُمر " شُموخ ضربتها على كتفها : اقول عن الغلط غِيْد انصدمت منها واطلقتْ ضحكه سَاخره : ههههههههههههه ههههههههههههه لهالحين تدافعين عن هالشايب شُموخ ماقدرت كتمت ضحكتها :هههههههه وش اسوي مشيّبن قلبي منه، مدري وش كنتْ احس فيه يوم حبيته لو مارحت للتطوع ذاك اليوم كان احسنْ لي وقعدت بالكرفان ولا صادفته غِيْد ارتاحت لما شافت ضحكتها ، ماتبيها تتضايق اكثر وتضعف وتستسلم : ايه اضحكي وعيشي حياتك وذا الشايب جيبي راسه ...خليه يحبك ويصير مجنونك شُموخ حستْ روحها رجعت ضمّت غِيْد بحُب: الله لا يحرمني منك لولا الله ثم انتِ مادري وش اسوي لكن الله جابك لي غِيْد حابسه دمعتها : لا تخليني ابكي واخرب الميك اب بخلي دموعي للمطار ..ولا منك يا رووحي انتِ شُموخ ابتسمتْ : خليها بالمطار الله يعيني على فراقك رااح توحشني كثييير غِيْد : وانتِ بعد لا تخليني اسافر وراكم واخرّب عليكم شُموخ : ههههههه يجوز اتوقع منك كل شي انتِ راعية مُفاجأت غِيْد : هههههههه مانسيتي مُفاجأة لندن شُموخ : لا والله مانسيتها كذبتي علي وتقولين ماراح اجي وزعلت وقتها وفجأتيني بحفلة التخرج تصدقين فرحت فيك اكثر من السيارة اللي جابها لي بابا .. غُِيْد : يوووه يالكذب والله فرحتي بالسياره اكثر مني شُموخ ضحكت : هههههههه كلكم الاثنين غَالين على قلبي وفرحت فيكم ، السياره فرحتها راحت لكن انتِ موجودة بقلبي غِيْد : ياعييني والله يابختي فيك والله .. يلا روحي عدلّي مكياجك وبروح ابدل فستاني ، ترى طوّلنا ومصخناها صراحه شُموخ : يلا ابروح اجهز نفسي القاك تحت اوكِ غِيْد : اوكِ .. راحت شُموخ لبيتها ، وغِيْد بدلتْ فستانها لون سُكري عليه كرستالات فضيّه من الأكتاف ..بأكمام طويله وطوله مُناسب وظهره مكشوف تركت شعرها مفتوح يغطي شعرها .. والقتْ نظره أخيره لشكلها ثم نزلت تحت .. ، نزلتْ شُموخ بطلّتها وهيبتها المُعتاده وراسمه على وجهها إبتسامه بانتْ غمّازتها .. شافتها أمها قامتْ سلمتْ عليها وتهلّي فيها ، عيون الحريم كلها على شُموخ ، اللي يسمي ويذكر الله واللي يحشْ فيها ، شُموخ سمعتْ وحده فيهن تتكلم قالت : يوّه مسكينه صغيره الله يعينها عسى بس مايطلقها مثل بنت عمه سِهام .. شُموخ طنّشتْ كلامها وعرفتْ سِهام هذي منْ تكون لعُمر لكن استغربتْ انها ماهي من الحُضور ، اغلبهم حريم كبار وسيدات اعمالوأميرات ،عرّفتهم الاميره نجد بشُموخ وسلمتْ عليهم وجلستْ بجنب امها ، اللي ماصدقت تشوفها وتتطمنْ عليها وبهمسْ : حبيبتي شُموخ شلونك يا قلبي عساكِ بخير شُموخ بإبتسامه : بخير يا ماما دامك بخير واليوم سفرتي ام شُموخ حزنت : ايه قالي عُمر وبياخذك من بيتنا شُموخ استغربت " شلون ماقالي اني ازور اهلي" بترقيعه : ايه صح نسيت ارسلي وما انتبهت يلا زين بشبع منكم قبل لا اسافر ام شُموخ مسحت على كتفها بحنيه : ياحبيبتي انتِ وين بتسافرين يا قلبي ؟ شُموخ " والله مدري وين موديني يا ماما ولا الود ودي اقعد عندكم وما اروح معه "تتصنع الخجل : مسويها لي مُفاجأة ام شُموخ ابتسمت : فديت اللي يستحون عسى الله يسهل عليكم وترجعون لنا بالسلامه ... شُموخ : آمين .. جات المُشرفة تحيّيهم على الغداء ،والكل قام ما عدا شُموخ تعذرتْ منهم شُموخ : اشوى اني تأخرت علبهم وعلى جيّتي الغداء جهزْ مالي خلق اكل .. صراحه شُموخ تعمّدت انها تتأخر عارفه كلام الحريم وغثاهم لكن جلستها مع غِيْد فادتها كثيير .. قامتْ صعدت فوق لغُرفتها ترتاح وتجهزْ نفسها عشان تروح لبيت اهلها ... ، عُمر واقف برا بسيارته الرولزرايوس ينتظر اللي تأخرتْ شُموخ تشرّف ، ودعتْ اهلها نزل عُمر من سيارته وسلّم على ابو شُموخ و وأم شُموخ يوصونه على بنتهم ، عُمر بإبتسامه مُزيفه : ان شاء الله بحطها بعيوني .. ابو شُموخ : تسلم عيونك ترى بنتي امانه حافظ عليها يا عُمر عُمر يطمّنهم : ان شاء الله لا توصي حريص يا عمّي ويلا توكلنا على الله يا شُموخ .. شُموخ ودعت امها وابوها بحرارة ماقدرتْ تمسك نفسها وإنفجرت بكاء : راح اشتاااق لكم كثيير ابو شُموخ يبكي ، حاس بشعور سيء ، لكنْ كلام ام شُموخ عن بنته طمنه شوي : وانا بعد يا بنيتي سامحيني اخطيت بحقك وظلمتك شُموخ ضمّتْ ابوها : مسامحتك يا بابا واللي فات ماتً ومافيه احد مايغلط وخير الخطائين التوّابين .. ابو شُموخ حسْ بكلامها كأنه رسالة له عنْ اللي سواه بزوجة عُمر ، سحبْ نفسه بهدوء من شُموخ ومنزل عيونه عُمر ماغاب عن عينه " هيّن يا نَاصر والله ما اسامحكْ على اللي سوّيته ، اذا انت ناسي طول هالسنين فأنا مُستحيل انسى ،وراح أذّكرك " كتم غضبه عُمر وقلبه مقهور وده يرمي ناصر وينهي حياته ، لكن انتظر هاللحظه عشان ينتقم منه . ام شُموخ اخذت بنتها لحضنها : اااه يا روح بنتك عسى ربي يحفظكم وترجعون لنا بالسلامة .. ودعتهم وركبتْ السياره ، وانفجرتْ بُكاء بعد ما طلعوا من حيهم وسلكوا الطريق الرئيسي .. عُمر ماسك نفسه : خلاص حبيبتي اهدي شُموخ بكتْ اكثر ،ما ينسمعْ غير انينها .. حاسه بشُعور سيء لكن تتجاهله وتفكر بإيجابيه .. عُمر امر السايق يشغل قرآن ، عشان تهدى نفسيه شُموخ تركها لين تهدى من نفسها ، حتى ماكلّف عُمره يعطيها المنديل جلس على جَهازه يطقطق فيه .. شُموخ اخذتْ المنديل مسحتْ دمعتها وهدتْ نفسيتها اخذت نفسْ عَميق الين وصلوا للمطار لقسم الـ vip نزل ودخل بالبطاقة الخَاصة وبيده شنطته ، اشر لشُموخ تجلس : انتظريني هناك واشر لحارسه الشخصي : خلك عندها لكن لا تبين وُجودك الحارس : سم طَال عُمرك .. شُموخ اكتفتْ بالصمتْ، مالها خلقْ تتكلم مُرهقه جاب لها الحَارس قهوة ، تركتها على الطاولة مثل ماهي .. شُموخ تراسل غِيْد كانت مواعدتها بالمطار لكنْ ماترد ضاق خلقها : شكلك نمتي تمنيت اودعك لكن مالله كتب عساها خِيره ... حطتْ جوالها على الطاولة وبتأفف: وين راح ذا تأخر ... لمحتْ وحدة جايه كاشخه للأخر وفُل ميك اب وبيدها شنطة إيرمز الكبيره سوداء وريحة عِطرها المركزه واصله الين عندها وخطوات كعبها تضرب بالأرض شُموخ تناظرها من فوق لتحت وبينها وبين نفسها : خير وش تحس فيه تراه مطار مب مطعم عشان تكشخين فين الناس تلبس شي مُريح مب كعب .. شُموخ سكتت لما لاحظتها ماشيه لجهتها وعيونها بعيون شُموخ واضحه ناويه شر .. من نظرتها الثاقبه لها ، شُموخ ما ارتاحت لها " ياربي لايكون الشعور السيء اللي حسيته وانا جايه الله يكفيني شرّها !" مدت يدها وقالت بدلع مَاصخ : هاااي سِتْ شُموخ شُموخ ناظرت فيها بإحتقار، ثم مدت يدها : الناس تسلم جلستْ لعندها وحطتْ شنطتها على الطاولة : السلام عليكم شُموخ : وعليكم السلام مين الأخت.. حطتْ يدها على فمها تتصنع الصدمه : هوّ ماعرفيتني !! ، إلى هنا نتوقف حياكم عالواتباد : https://www.wattpad.com/story/195410...-يحتويني-بقلمي "الله الله بتعليقاتكم الطويله والحُلوه وابي رايكم وتحليلاتكم للأحداث في الروايه حبايبي.. "نهاية البارت" قِراءة مُمتعة للجميع |
رد: رواية غرامك يالخفوق ذبحني هآت حضنك يحتويني
بسم الله الرحمن الرحيم ، "ربِّ ادخلني مدخل صدق وأخرجني مخرج صدق وإجعل لي من لَدُنك سُلطانًا نصيرا" ، السلام عليكم ورحمة الله وبركاته ودخلنا سنة 1441هـ* اللهم إجعله عَام خير علينا يارب وكل عَام وانتم بخير وبصَحه وسلامه هالبارت نزلته اليوم بمُناسة العودة للمدارس أسال الله لكم التوفيق والنجاح وشدّوا الهمّة للوصول للقمّة ولأجل الغَالية على قلبي المُتابعة suhan اشكروها فهي توسطت لكم هههه ولا كنتْ ناويه انزله الاثنين لكن تستاهل وتستاهلون انتم معها ، * ، كل الشُكر والتقدير لعزيزة قلبي دائما (غَدير) ولا تنسوها من طيب دعواتكم البارت إهداء خاص للغَالية ( العبير 89) ولحبايب قلبي دائمًا المتابعين والحُلوين خلف الكواليس "البـارت الثَالث عَشرْ" رواية غرامك يالخفوق ذبحني هآت حضنك يحتويني/بقلمي . ، من كثر ما أحب وأكره عنك وآصونك أصبحت دفتر مشاعر , وانت مضموني ان غبت عني شعرت بلذة طعونك وان شفت زولك شعرت بقيمة عيوني *فهد المساعد. ، لمحتْ وحدة جايه كاشخه للأخر وفُل ميك اب وبيدها شنطة إيرمز الكبيره سوداء وريحة عِطرها المركزه واصله الين عندها وخطوات كعبها تضرب بالأرض شُموخ تناظرها من فوق لتحت وبينها وبين نفسها : خير وش تحس فيه تراه مطار مب مطعم عشان تكشخين فين الناس تلبس شي مُريح مب كعب .. شُموخ سكتت لما لاحظتها ماشيه لجهتها وعيونها بعيون شُموخ واضحه ناويه شر .. من نظرتها الثاقبه لها ، شُموخ ما ارتاحت لها " ياربي لايكون الشعور السيء اللي حسيته وانا جايه الله يكفيني شرّها !" مدت يدها* وقالت بدلع مَاصخ : هاااي سِتْ شُموخ شُموخ ناظرت فيها بإحتقار، ثم مدت يدها : الناس تسلم جلستْ لعندها وحطتْ شنطتها على الطاولة : السلام عليكم شُموخ : وعليكم السلام مين الأخت.. حطتْ يدها على فمها تتصنع الصدمه : هوّ ماعرفتيني !! شُموخ : لا* والله ما عرفتك ولا تهمني معرفتك بعد.. حطتْ رجل على رجل وبإبتسامه عريضه : اوكِ مو مُهم تعرفيني من اكون ، المهم جَايه أوصل لك رِسَاله مُهمة لازم تعرفينها.. شُموخ مغصها بطنها راح فكرها لبعيد " الله يستر لايكون هذي زوجته الحَقير متزوج علي!!* مُستحيل عُمر يسويها لو يسويها كان كل زوجاته* كذا ! " ذبحها الفضول ودها تعرفْ لكن مابيّنتْ لها وطالعتْ فيها برفعة حَاجب* : اخلصي وش عندك الحَارس ينتظر على فِكره لا يشوتك انتِ ورسالتك طبعًا تعرفين زوجي عُمر خايف علي .. الحرمه تناظر الحَارس ملتهي ،وناظرت بساعتها وعضّتْ على شفتها السفليه ثم قالتْ بغنج : يخاف عليييك تطمني ما اكل انا حيييل مُسالمه على العموم ما راح اطول عليك لإني إنسانه مشغوله .. شُمر صدت عنها وقالت بنفسها " ما اكل ترى عيونك تكفي شوي وتاكلني وجع " مدتْ لها ظَرفْ صغير تحت المنديل ، عشان الحَارس ماينتبه لها ، شُموخ لمحتها ولفت وناظرتْ فيها بإستغراب وتساؤل وبهمسْ : وش هذا اللي جايبته ؟! الحرمه ناظرت للحَارس اللي انشغل بجواله وقالت بثقه : اذا يهمك تعرفين عنْ* عُمر أكثر* اخذيه ...اذا لا قطيه بالزبالة.. ثم وقفت الحُرمه ولوحتْ بيدها بدلعْ : بااااي سِتْ شُموخ.. راحت الحرمه وعينها على شُموخ ..تشوف تاخذ الظرف ولا لا شُموخ قالتْ بنفسها " ست شموخ بعينك " انقهرت لأن هالكلمه مايناديها غِير عُمر ، شُموخ ترددت تاخذ الظرف تلفتت يمين يسار شافت الحارس مشغول بجواله ، بخفة يد سحبته ودخلته شنطتها .. والتهت بجوالها تَحاول تخفي توترها لما جاء لناحيتها الحَارس .. وبالها مشغول بالرسالة " وش مخبّي بعد يا سَيْد عُمر ، تكفي قوانينك والله تكفي لا تزيدني هم فوق اللي انا فيه ... آااه الله يستر منك ويصبرني عليك" حستْ الجو حار، من خوفها من عُمر لايدري عن هالظرف لكن تطمنتْ اكثر إن الحارس كانْ ملتهي* قامتْ من مكانها رايحه للبوفيه قسم المشروبات تاخذ لها عَصير فرش تبرد على قلبها* ،وجلستْ على جوالها تتسلى بدون نفسْ وتراسل غِيْد لعل وعسى تلقاها لكن ما ترد ! وعُمر تأخر عليها ما وصل الى الآن .. ، في الجهة الأخرىٰ* من المَطار، طلعتْ من البوابه بخُطواتْ سَريعهْ أشرتْ بيدها على تآكسي ،وركبتْ السيارة بسرعه على طول حتى من دونْ لا تشوف الراكبْ فيها ، تنفستْ براحه على طول رن جوالها ، بلعتْ ريقها بتوتر اخذتْ نفس ثم ردت : الوو .. الطرف الآخر : هاه سويتي اللي طلبته منكْ يا حَنان ؟ حنان بلعتْ ريقها بخوف واخفت توترها بنبرة دلع : ايه سويتْ اللي قلت لي عليه .. الطرف الآخر : حلو تأكدتِ انها اخذتْ الظرف ؟ حَنان : إيه شفتها دخلته بشنطتها .. الطرف الآخر ضحكْ بخبث: ههههههه زين سويتي وراح يوصل لك تحويل* الآن .. وقال بنبرة تهديد : لا اعرفك ولا تعرفيني تمام يا استاذة* حَنان ؟ وإن عُمر درى والله ثم والله بيكون مصيرك مثل غيرك .. وقفل السمّاعة بوجهها ، قالت* :وجع فيه يهددني رنْ جوالها وصلها تحويل مبلغ 5لآف ريال .. حَنان اعتفس وجهها وماعجبها المبلغ : هذا اللي قدرتْ عليه على كثر فلوسك ماحولت غير هالخمسه !!مالتْ عليك بسس رمتِ الجوال على جنبْ وكتفت يدينها مقهوره : بخييل مثله ماعمري شفت على الأقل عشرة عشرين ياخي.. شهقتْ بخوف لما شافت اليد اللي مدتْ لها الجَوال : بسم الله الرحمن الرحيم ميين انتِ ؟!! مسكتْ يدها تطمًنها : اهدي انا سِهام ، من طرف العامله اللي تنظفْ بدورة المياة اللي اخذتْ* منك الظرف .. واعطتك ظرفي وشنطة عساها اعجبتك بس.. حنان قلبها يدق من الخوف وتلقط انفاسها : بسم الله خووفتييني الله يسامحك .. ايه عرفتها حنان تناظر بالشنطه إيرمز بيركن بإعجاب " يوه هذي لو ابيعها تجيب لي قيمة مهر " : اايه اعجبتني .. سِهام ابتسمتْ بخبث : دام اعجبتك فهي حلال عليكِ لو تبيعيها براحتك راح توصل لك اغراضها .. حنان مسكت يد سِهام : صدق مشكوورة والله انك احسن من غيرك سِهام " هههه اكيد ماراح اسكتْ وعُمر ذا لازم يطلع على حقيقته والدليل يكفي اللي بالظرف " : ولو يا قلبي هذا حقك ومدت لها ظرف فيه فلوس : وهذا4 اضعاف المبلغ لك هديه مني ونصحيتي لك تختفين عن الانظار لأن بندر مايرحم .. حنان بلعتْ ريقها خافتْ ، لكن همها الفلوس شكثر محتاجتهم اخذت الظرف وحطته بالشنطة : اان شاء الله سِهام نزلتْ من السياره : شكرا حنان على تعاونك وديري بالك لو تختفين الحين يكون احسنْ لك قبل بندر لا يدري عنك حنان زادت الخوف ، لأنها عارفه بندر وقد سمعتْ بنات قبلها راحو وطي .. تمالكتْ نفسها* : ان شاء الله مع السلامه حرّكتْ سيارة التاكسي ، وسِهام راسمة على الإنتصار على وجهها راحت لسيارتها وركبتْ وقالت : شُموخ لازم تعرفين حقيقة عُمر بعدها لك الخيار في الطلاق منه او تبقين معه ، ماظنتي راح تقعدين معه ..! ، عند الطرف الآخر ، كان جَالس في الحديقة وبيده سيجاره يدخنْ ومد الجوال بيده ، واشر على واحد من رجاله وقال* : تخلص من هالجوال .. اخذه الرجل من يده وقال : ان شاء الله طال عمرك .. الأمير بندر اطلق ضِكحه سَاخره : هههههههه والله مانيب هيّن اوريك يا عُمر من يكون بندرعشان تعرف تهددني.. قام من على الكرسي يعدل لبسه ومسح على شعره بغرور ، وراح لمكتبه يسوي لنفسه كوب قهوة إسبريسو ورنْ جواله اخذه يناظر في المتصل كان احد رجاله رفع حاجبه باستغراب .. ورد على الإتصال قَال : الوو .. شلونْ !!!وكيف مالقيتوها ....! حَناان دوبها مكلمتني انها سلمتْ الظرف لبنتْ نَاصر شلون تبدل هالظرف هاااه قلي شلوون؟؟؟ الطرف الآخر : هي سلمته صحيح لكن شكينا بوضع العامله اللي طلعتْ من دورة المياه وبجيبها الظرف وهددناها على جنب الين اعترفت وقالت ان سِهام ورى اللي صار الأمير بندر رص على اسنانه بقهر : والله إني حَاس ان ورى هالتخريب الكلبه سِهام .. ثم قال بنبرة توتر : الظرررررف ويينه لايكون مع الزفتْ سِهام !! الطرف الآخر : طال عمرك الظرف معي اخذته قبل يوصل لسِهام الامير بندر تنفس براحه : الحمد لله زين زين اسمعْ وصل للعامله تقول هالكلام* للكلبه سِهام ، هالمره بمشيها لك عشان حركات الحريم، لكن إن تدخلتي بشي مايخصك والله ثم والله ماراح تشوفين اللي يسرك .. الطرف الآخر : إن شاء الله طَال عمرك .. قفل الجوال* ورماه على الكنبه ، انقهرمن سِهام خرّبتْ عليه مسح على وجهه بقوة وبتنهيده قال: الحمد لله ان الظرف ما وصل لك ولا كان مصيرك غيير يا سِهام وهالكلبه حنان ان لقيتها والله ماتعيش سالمه .. حس ريقه نشف من كثر الصراخ راح للثلاجة واخذ علبة مويه بارده يشربها ...واعصابه تالفه : يصيير خير ، * * عند مواقف السيارات ، تحديدًا عند سيارة غِيْد واقف عندها عُمر فاتح باب السياره الأمامي ومعه رجَاله اثنين وراه، وبيده يناظر جوال غِيْد ورسايل من شُموخ تسألها وين راحت وتنتظرها ، آخر رسالة وصلتْ " اوك شكلك نايمه تمنيت اودعك قبل ما اروح لكن شكله ما اسفعك الوقت عذرك معك حبيبتي .. استوعتك الله اختك شُموخ " عُمر ضحك بسخريه : ههههههه ياحليلك جايه تودعينها ولا تعلمينها* عن زوجتي ...هالحركات ماتمشي علي غِيْد تناظر فيه بحقد : والله كنت شاكه إن وراك بلى.. لكن الحين أكدتْ لي هالشي..! عُمر بثقه يناظر فيها بإستحقار من فوق لتحتْ : شكي فيني وحطي فيني اللي تبين لكن تتخطين حدودك معي وتتكلمين عن زوجتي ما اسمحْ لك يا غِيْد ولا اسمح لوحده مثل اشكالك .. غِيْد عضتْ على شفتها السفليه بقهر ثم قالت : اوكِ تخطيت حدودك لكنْ شُموخ من حقها تعرف طالما هي كزوجه لك .. عُمر اطلق ضحكه ساخره : ههههههههههه تعلميني حقوق الزوجه بعد ، لا مو من حقها تعرف واذا تعرف راح يجي وقت وتعرف وماله داعي تحشرين نفسك يا سِتْ غِيْد.. غِيْد* قالت بنفسها " يااع كريييه شلون صابره عليه يا شُموخ " ثم قالت بدفاع : ماحشرتْ نفسي انت اللي حاشر نفسك تحط خدمكجواسيس يتنصتون على ضيوفك صدق ما تستحي على وجهك .. عُمر بإستفزاز واشر على نفسه : بكيفي بيتي وحر فيه اي شي يخص زوجتي الأولىٰ ماراح اسكتْ عنه يا غِيْد لكن عشانك بنت عمها بمشيها لك وتحذير اخير لا تتخطين حدودك معي والزمي حدك عشان ماتضرييين غيرك مفهووووم ؟ غِيْد إنقهرت منه وقالت : مفهوووم يا سَيْد عُمر ممكن تبعد عني طريقي .. عُمر واقف بمكانه لكن كلمتها الخاصة بشُموخ ماراحتْ عن باله " سَيْد عُمر بعد هيّن يا شُموخ واضح انك معلمتها كل شي صار بيننا يصير خير ": على وين رايحه ! غِيْد بحده : بسلم على بنتْ عمي عندك مانع ، ولا بعد من حدودك ما اقدر اتخاطها !! عُمر بإبتسامة خبث* : انا اوصل سلامك لها مايحتاج تروحين وإن رحتي بحش رجولك حشْ غِيْد انقهرتْ اكثر واحمّر وجهها ورفعتْ صوتها : مب على كيفك تمنعني خيير وين عايشين احنا !!! عُمر سد فمها بيده وشد عليها : اووش لا ترفعين صوتك علي لا اقص السانك قصص عشان تتكلمين زين معي غِيْد بعدت يده بقوة من وجهها بقرف ومسحت وجهها : وجع ان شاء الله* جعل يدك للكسر عُمر نفض يدينه متقرف منها : انا حذرتك وروحه ماراح تطبين المطار الين نقلع وان سببتي مشكله ما تلومين الا نفسكْ غِيْد تجمعتْ الدموع بعيونها : الله ياخذك يالحقييير هآت جوالي وانقلع الله لايردك عُمر ببرود قَاتل : آمين وياخذك قبلي ادعي لين تموتين ماتهميني والجوال انسيييه انسييه ماراح ارجعه شاف الساعة : اووف تأخرتْ المهم خل عينك عليها ومشىٰ مستعجل وتركها مصدومه منه وأشر لواحد من رجال يقعد عندها الين تقلع طيارتهم .. غِيْد من القهر ماقدرت تشيل نفسها واضطرت تجلس بالسياره تلقط انفاسها جلستْ تبكي : وربي حقيييير طلع وجهه الحقيقي حسبي الله عليه الكلب الله ياخذك .. وبحسرة على شُموخ : عظم الله اجرك عليه يا شُموخ شلون متحملته وربي لو زوجي كان ذبحته ، حتى لو احبه الا الاهانه لا والف لاااا غِيْد قفلت باب السيارة لكن المفتاح كان مع رجل عُمر بس ينتظر الإتصال* يعطي غِيْد مفتاحها غِيْد بشك : وااضح ان فيه شي وراك يا عُمر مثل ماكشفت زوجتك اللي ماتت بسببك، اكيد بكشف حقيقتك يالنذل ، * شُموخ ركبتْ الطياره بعد ملل الإنتظار وتأخر عُمر اللي اقلقها ، القتْ نظره اخيره تشوف زوله لكنْ للاسف ماجاء ،لكنْ عندها إحساس انه راح يلحقها.. وصلتْ لقسم* درجة* الأولىٰ من الطائره .. اعطتها المضيفه فوطة "منشفه" حارة ، ومسحتْ يدها فيها ، وصلتها لكبيه كبيره خاصه لشخصين ، ثم ضيّفتها المُضيفه كانتْ بغاية الجَمال العصيرلكن شُموخ شكرتها وردتْ بلباقه : شكرًا لا أريد عَزيزتي.. إبتسمتْ المضيفه إبتسامه سَاحره : العفو سيدتي ..هل تُريدين شيءً آخر ؟ شُموخ هالمضيفه عالّه قلبها* " ابيك تنقعلين من خشتي ولا اشوفك تحومين عندي"صحيح جميله لكن شُموخ تفوقها جَمال وجاذبييه .. شُموخ بأبتسامه عذبه بيّنت غمّازتها* : لا عَزيزتي شُكراً .. هزتْ المُضيفه راسها بالإيجاب : حسنًا ،اتمنى لكِ رحله مُمتعه شُموخ اكتفتْ برد الإبتسامه لها، وقلبها يغلي من الغيرة ثم قالت : استغفر الله وش فيني تنزفزت منها .. اخذتْ نفس عميق ،وعيونها تدور على عُمر : هذا وين اختفى ..؟! ثم دعتْ بنفسها "اللهم اجعله قرّة عيني لي واجعلني قرة عينٍ له" حستْ براحه بعد ماقالت هالدعاء .. جلستْ تقلب بالشاشة تدور على افلام لكنْ حاسه بنعاس شديد تقاومه الين يوصل عًمر .. لمحتْ طفل صغير بعُمر السنتين جاي لعندها ودخل ،كانت كبينتها مفتوحه.. ارفعته شُموخ وباستْ خدها وإبتسمتْ : بسم الله ماشاء الله مين هالحُلو الولد يضحك ويقول كلام مو مفهوم ، جلسته شُموخ بحضنها وتلاعبه ويقعد يسحب حجابها ، بعدتْ يديه عنها بلُطف واعطته كيكه ياكلها واكلها قالت : ياعُمري الجوعان.. ثم مسحتْ فمه بالمنديل وقالت : حبيبي وين ماما ؟ الطفل يردد كلمة بابا : بباببا ببباببا وجلس يصيح ينادي : بباااااا بببااااا .. وقفت شُموخ تحاول تسكته وعلى صراخه.. هذي جيّت عُمر : هاتيه حبيبتي .. شُموخ التفتت عليه بلهفه وبإبتسامه سَاحره : اخييرا جييت عُمر سحب الولد منها بهدوء ومارد عليها : خلاص يا حبيبي اهدى ... الولد سكت وقعد يضحك لما شاف عُمر .. شُموخ تحولت لهفتها وفرحتها لصدمه توسعتْ عيونها، هي تفرح بجيّته ولا* تستوعب دخوله المُفاجأة عليها والولد اللي مدري من وين طلع ! ماتذكر ان عنده ولده! ماهي مصدقه اللي تشوفه غمّضتْ عينها تتمناه حلم وتصحى منه " يااارب احلم ياارب اكون بحلم " وقالت بغصصه : هذااا ولدك ؟!! * ، * إلىٰ هُنا نتوقف * الله الله بتعليقاتكم ، وابي توقعكم لوجهة شُموخ وعُمر اين هي ؟ وشكراً لدعمكم حبايبي ربي يسعدكم، ولا تحرموني من تعليقاتكم وردوودكم الحُلوه "نهاية البارت" قِراءة مُمتعة للجميع. |
رد: رواية غرامك يالخفوق ذبحني هآت حضنك يحتويني
#مُلاحظة الولد عمره سنتين ماهو معقول يكون ولد الزوجة الأولى ! اللي توفّت من 9 سنين لو ولدها كان عُمر الولد 9 سَنوات لذلك الرجاء التركيز حبيباتي إن شاء وصلتْ لكنْ الفِكره وقِراءة مُمتعة لكنْ |
رد: رواية غرامك يالخفوق ذبحني هآت حضنك يحتويني
السلام عليكم ورحمة الله وبركاته مساء الخير على كلارينت ومتابعينها الحلوين هالحين كلارينت كل ماقلنا زانت جد علم جديد والظاهر إن في جعبتك الكثير من المفاجآت والصدمات لنا معقوله هالولد يكون ولد عمر كيف ومتى وهو يشرط على حريمه ياخذن الحبوب لأن في نيته يطلقهن ومايبغى يربطه بهن شيء إلا إذا كانت هالشروط خاصه بشموخ وحدها وهو يكذب عليها لكن أتوقع إن هذا نظامه مع كل حريمه والسبب معروف مثل ماقلت هالولد لو كان ولده الظاهر إنه قبل يطبق أنظمته على حريمه ويجبرهن ياخذن مانع أو إن وحده منهن تمردت علي قوانينه وما أخذت الحبوب يعني كذبت عليه وخدعته على أمل لما تحمل يسلم بالأمر الواقع وتبقى معه طيب لو هو فعلا ولده ماهو مصير أمه طلقها والا قتلها والا وش سوى بها ممكن أتوقع من عمر النفسيه أي شيء الصراحه عمر وخاله كل واحد أردى من الثاني وكلاواحد فاهم الثاني ومراقبه وآخذ حذره منه هل ممكن يكون سبب الكره اللي بينهم زوجة عمر الأولى والإثنين كانو يحبونها وحقد بندر على عمر لأنه آخذها منه أو السبب شيء ثاني ويضل السؤال ماهو الشيء اللي كان في الظرف وفين راح الظرف أتوقع شموخ بتروح مع عمر لمنفاها وماعاد راح يرجعها لأهلها والله العالم وش راح يسوي فيها بعد من مصايب حنان لو ماعملت بنصيحة سهام راحت فيها وخلي طمعها ينفعها تسلم يمينك بارت رااائع منتظرين باقي الأحداث لا خلا ولا عدم منك يارب |
رد: رواية غرامك يالخفوق ذبحني هآت حضنك يحتويني
اقتباس:
يا هلا والله نوّرتي الحتّه يا حُلوه.. ومسائك جَميل كجَمال رُوحك ههههههههه الله يسعدكْ ضَحكتيني ، شوفي هُو كل شي مُتعلقْ بالمَاضي لذلك بدينا نفكك الرموز شوي شوي ،عشان تُوضح لكم الرؤيه ، وفيه أكثر واكبر الله يعينكى بخصوص هالولد اللي اثار الجدل والحمَاس لمُتابعاتي الغَاليات واكيد القُراء لكنْ تحليلك منطقي جدًا جدًا، اهنيك بصراحه ، ماراح احرق عليك وعليكم ولكن البارتْ الجَاي راح يتضح لكمْ اكثر ... وانا متعمّده هالقفله النّاريه بخصوص بندر انا سُبق وضحت عداوتهم تخص الشغل ورفض عُمر التعاقد معه بمعنىٰ بندر حاط عينه على حلال ولد اخته بالإضافه لتنمر بندر لعُمر لما كان صغير بحكم انه مو من العائله .. ومُحاولة بندر لتشويه سُمعة عُمر ، قبل 10 سنين .. مثل ماقلتي الكل متعادي ويراقبْ الثاني .. راح يُكشف بقية الستار ولكن احتمال وارد اللي ذكرتيه ليشْ لأ ! الظرف ايضًا قريب ينكشف .. وما تحتويه رِسالة سِهام ! بخصوص السفره راح تُكون مُفاجأة وشي جديد بإذن الله ، وتلميحه السفره تخص لقائهم < غششتك عاد حنان اكيد راح تختفي كونها عارفه عن بندر .. طبيعي بتنفذ بجلدها وُجودك الأروع وتفاعلك وتعليقك اشكرك لوقتك يا غَاليه بإذن الله على خير |
رد: رواية غرامك يالخفوق ذبحني هآت حضنك يحتويني
بسم الله الرحمن الرحيم * ، "ربِّ ادخلني مدخل صدق وأخرجني مخرج صدق وإجعل لي من لَدُنك سُلطانًا نصيرا" ، السلام عليكم ورحمة الله وبركاته ماتوقعتْ البارت السَابق يولع هالكثر ابد نزلته عَادي لأن وقتها مُرهقه جدًا ،لكن تعليقاتكم نستني تعبي ربي يسعدكم لكن بعض الحُلوات اللي اخذهم الحماس وشطحوا شوي هههههه حابه اوضح لكن شيء مهم بخصوص #الولد عُمره سّنتين ؟ هاه قلنا كم ؟ : سنتين .. حُلو .. بعض الحُلوات قالو ولد الزوجة الأولىٰ اللي توفتْ قبل 9 سَنوات مو معقوله يكون ولدها ! ،لو ولدها كان قلنا عمره تسعْ سَنوات اذًا مالها علاقه فيه وليس ولدها .. #وصلتْ_المعلومة ؟ وبالنسبة لكمية الغُموض بالبارت السَابق جُزئية غِيْد ذكرت ان غِيْد عرفت سبب وفاة زوجته ، وليسَ السبب المُتعارف عليه اللي هو ابو شُموخ نَاصر .. ماهو السبب ؟ : راح يُذكر بوقته المُناسب.. واخيرًا اشكر تحليلاتكم الرّهيبه صراحه طلّعتوا كونان اللي داخلكم والبعض طلّع توقو موري هههههه بس صراحه رائعين اهنيكم وسعيده جدًا بمُتابعات بهالرُقي والذوق والذكاء هذا اللي أبيه .. وحدة تسألني متى تنتهي الروايه ؟ إذا انفكت العُقد الآن بدينا بجُزء بسيط منها .. وبإذن الله ماراح اطول وامطط فيها ، لأن وراي كتاب لازم اشتغل عليه .. لذلك ابيكم تكونون معي وتحمسوني وتدعموني عشان بإذن الله تنتهي على خَير ، كل الشُكر والتقدير لعزيزة قلبي دائما (غَدير) ولا تنسوها من طيب دعواتكم البارت إهداء لمُتابعاتي الحُلواات اللي اذهلوني بتحليلهم أهنييكم من كل أعماق قلبي .. وبالأخص المُتابعة : ام محمدوديمه جابت توقع صحيح ، من بين توقعاتها برافو عليك . "البـارت الرَابع عَشرْ" رواية غرامك يالخفوق ذبحني هآت حضنك يحتويني/بقلمي . ، أخبرتك بأن كبريائي قاسٍ جداً أخبرتك بأن شموخي لعين جداً ! فلا ترمقني بذهول كلما لمحتني أبتسم لك وخنجر خذلانك مصلوب على خاصرتي * نجلاء حَسن. ، * شُموخ التفتت عليه بلهفه وبإبتسامه سَاحره قالت : اخييرا جييت عُمر سحب الولد منها بهدوء ومارد عليها يسكت الولد : خلاص يا حبيبي اهدى ... الولد سكت وقعد يضحك لما شاف عُمر .. شُموخ تحولت لهفتها وفرحتها لصدمه توسعتْ عيونها، هي تفرح بجيّته ولا* تستوعب دخوله المُفاجأ عليها والولد اللي مدري من وين طلع ! ماتذكر ان عنده ولده! ماهي مصدقه اللي تشوفه غمّضتْ عيونها تتمناه حلم وتصحى منه " يااارب احلم ياارب اكون بحلم " وقالت بغصصه : هذااا ولدك ؟!! عُمر ناظر فيها مذهوله ،مصدومه إنربط السانها من هول اللي تشوفه ! شاف دموعها المتحجره وعيونها على الولد ،تحاول تكذب اللي تشوفه ثم ناظرتْ فيه تنتظر جوابه ، تجاهل سؤالها مع إبتسامه مُستفزّه لها ، شدّتْ على يدها وقالتْ بنبرة غاضبه : تكلّم لا تحرق اعصابي اللي فيني مكفيني عُمر يداعب الولد ويضحك معه ، ثم ناظر فيها مبسوط انه قدر يستفزّها ، قال : وش اللي مكفيك يمكن نقاصك شي ؟ شُموخ وجهها صار احمّر من استفزازه لها تحاول تمسك دمعتها لا تطيح ، تحاول بنبرة صُوتها ما تتغير ويحس بضعفها ، قالت : اهلي باااابا وماااااما وغِيْد اللي ماودعتها حتى فبلييز قولي الصدق لا تجلطني سَيْد عُمر ..؟ عُمر غمّض عيونه من طاري ابوها ، يكرهه اشد* الكُره اخذ له نفس عميق يهدي من نفسه لا يفجّر غضبه عليها ويطلّع كل اللي بقلبه ، ثم ناظر فيها* بخبث قاصد يغيضها اكثر فقال : طبيعي راح تشتاقين لأهلك وهالشي ماهو جديد علي حتى زوجاتي السابقات مرّوا بهالمرحله فلا تسوين مناحه عندي يا سِتْ شُموخ .. ثم إقترب منها اكثر قال : وبالنسبة لبنتْ عمّك غِيْد صادفتها* وتبلغك سلامها وتقولك جوالها* طاح وانكسر ماقدرت ترد عليك ..وصلتْ ؟! شُموخ عيونها على الولد، ثم ناظرت بعيون عُمر انقهرتْ اكثر يوم جاب طاري زوجاته ماقدرتْ تسيطر على نفسها و تكتم اللي بقلبها اكثر من كذا بإنفعال وتناست أمر غِيْد قالت : ما تستحي انتْ على وجههك ! ماتحس فيني ما تقدرررني كزوجة لك شلووووووون تجييب* طاريهن عندي وانا توّي عرووس * ابي افهم لييش* ليييش تقهررني وش سويت لكْ انا...!!! عُمر سكتها بيده ،وبيده الثانيه ماسك فيها الولد قال بتهديد: ابلعي السانك احسنْ لك يا شُموخ واحمدي ربك ان الطياره هذي مافيها احد غيرنا ولا والله لا اسووي* شيء مايرضييييك.. ناظر فيها من فوق لتحت فقال : اذا تبين تعرفين سبب مُعاملتي لك كذا، هي سواليفك عن حياتنا الزوجيه مع بنت عمّك هذا بالله وش تسمينه !! يناظر فيها بحقد مانقطت ولا حرّف ثم كمل : هذي قلّة ادب اسميها وعدم إحترامك لي* .... فأنا ماراح احترمك كونك عَروس جديدة وتحمّلي اللي يجيك منّي يا سِتْ شُموخ ... شُموخ تناظر فيه بكُره وحقدْ ، بعدت يده عنها بقرف قالت بسُخريه : هههه اي حياة زوجية تتكلم عنها يا سَيْد عُمر !؟ بالله عليك* هذي تسميها حياة زوجييية !! فأنا ما اشوفها الا إهانه وذل بقوانينك السخيفه واذا انقلها بكفيي مايخصك .. عُمر بحدّه قال : لا يخصني وغصبن عليك يا شُموخ وهذا عِقاب لك عشان ثاني مره ما تفتحين فمّك عند غيري شُموخ انقهرت : تحط جواسييس من وراي يا قليل الادب ! وتتنصت علي بعد على كيفك بعد ؟! عُمر ابتسم يستفزّها واشر على راسه : ايه على كيفي زوجتي وحر فيك وبيتي وحُر فيه عندك مانع ؟! شُموخ انقهرت اكثر : والله احقر منك ماعمري شفتْ .. بحياااتي ماعمري شفتت.... عُمر ابستم بخبث " توّك ماشفتي شيء يا شُموخ " متفهم حالتها لذلك تركها ومارد خلاها على راحتها تطلع اللي بقلبها لا تفقع مرارتها وتمرض ويبلش فيها ... شُموخ " حقييير انا المريضه اللي حبيتك انا اللي استاهل " ناظرت الولد اللي ماله ذنب لكنها محترّه من عُمر ثم ناظرت بعُمر* قالت حطت يدها على خصرها : اشوف عندك ولد ، وين راحشرطك على حريمك ولا بس شارط علي انا ما اجيب عيااال !! واللي بين يديك وش تسميه ابفهم* انتْ شلوون تكفر كذا؟؟؟ شلوون انت مريييض نفسي !!! عُمر ببرود قاتل* فاهم قصدها لكنْ يعلب بأعصابها شوي كَعِقاب لها... اطلق ضِحكه سَاخره متعمّد يستفزّها : ههههههههههه ههههههههههههههه ههههههه ثم قال: ضحكتيييني مريض نفسي والله مالمريض غيرك انتِ مسويه كل هالإزعاج عشان هالبيبي المسكين اللي اكلتيه بقشوره ... سكت للحظه ،ثم تحولت ملامح وجهه للغضب مسك كتفها* وشدْ عليه والتصق صدره بصدرها وهمسْ بإذنها* بنبرة تهديد قال : إحلمي بس احلمي مُجرد حلم يا شُموخ إنْ فكرتِتجيبين عيال ، ماراح يصير لك طيّب وانا حذرّتكْ وانتِ لك الخيار بالقبول أو تتحملين اللي يجيكِ منّي ولا تنسين الإتفاق اللي بيننا..! شُموخ هدّت يده بقرف وبعدتْ عنه مسافه بسيطه ونزلتْ دمعه من عينها ومسحتها بقهر واضح بنبرة صوتها المبحوح قالت بتعجب : وش معنى انا ما اجيب عيااال هاه ؟؟؟ جاوببني سَيْد عُمر ؟؟* ولا بس حرمتك ذي ام الولد تجيبب وانا لااا* ؟!!! الناس تتمنى الضنى وانت ماتبييه وين العدل بيننا اللي تقول عليه يا سَيْد عُمر اللي اشوفه ظلم عيني عينك ؟!! عُمرابتسم ببرود ، نزل الولد وباس راسه وأعطاه المُربيه اللي كانتْ واقفه وراه تنتظره ..واشر لها تروح تقدم خطوة لشُموخ ، ومسح دمعتها بطرف اصبعه وريحة عطره تغلغلت مشاعر شُموخ ، اللي مانزلتْ عينها ظلتْ ثابته بمكانها تكتم انفاسها عشان ماتشم ريحته.. وقال بثقه : اولاً برد عليك من باب العدل عشان ما اكون ظالم مثل ما ذكرتي ثانيًا يا حبيبتي هالولد ماهوب ولدي ولد صَاحبي موجود بالقسم الثَاني من الطياره .. إرتحتي يا سِتْ شُموخ .. قّرب وجهه لوجهها ناظر بعيونها وجفونها الورديه وانفها المحمّر من كثر البكي، كأنها طفلة تبكي لأجل لعبة ! لكن شُموخ* بكتْ لأجل صدمتها بطفل تظن انه ولده رمشتْ اكثر من مره ،لما سمعت الحَقيقة صنّمت بمكانها ، هي تفرح ولا تبكي ولا تصرخ مشاعرها متضاربه ، ماهي مصدقه شُموخ ناظرت فيه بعدم تصديق : كذّاب انتْ هذا ولدك لا تحسبّني غبّيه تمشيها علي ، ولا شلون الولد نادى عليك ولا نادى على اممه اللي راميه ولدها على الشغالة! هههههههههه** تبي تقنعني بكلامك؟!! وبنبرة عاليه قالت : تسكتني هااه عشان ما افضحك واقووول إن السَيْد عُمر راعي الحَريم طلع عنده ولد فجأة مخبّيه طول هالمدة !! تبينيي انااا شُمووخ بنتْ ناصر اصدقكك ماراح اصدقق لين تثبتْ لي صدقك.... عُمر ثارتْ براكينه لما سمع اسم ناصر ، يكرهه هالأسم شد على قبضة يده بقوة ، شوي وعروقه تتمزع انفاسه تزيد ، وضرب يده بباب الكبينه ارعب شُموخ قزمت من مكانها ..ورص على اسنانه قال بنبرة غاضبه : تكذبيييني بعد يا بنت ناااااااااااااااصر ! وتبين اثبت لك ؟؟!! شُموخ خافت منه اول مره تشوف عصبيته لدرجة وجهه صار أحمر وعرق جبينه بارز اكثر شُموخ ارتعبت منه " ياويلي انا وش سوييت " قاعده تفكر شلون تهديه ، لكن حاسه بضياع وخوف وتشتت نبرته ارهبتها ، جات بتنطق كلمة ،لكن سحبها من ذراعها بقوة تجري وراه قال : راااح اثبتْ لك لكن تحمّلي اللي يجيك مني... بخطوات ثقيله وعُمر يسحبها بالقوة شُموخ تحاول تسحب يدها منه : سسيد عُمر وين موديني !!!؟؟؟ عُمر متجاهلها وشد على يدها اكثر الين وصل عند الشخص المقصود وسحبها قدامه وبنبرة غضب قال : هذا الاثبات شوفة عينك شُموخ تناظر فيه بإستغراب ، ثم ناظرت بعُمر :مين هذا ؟؟ وقف الشخص منزل عيونه للأرض وشايل الولد قال : هلاً بزوجة صاحبي الغَالي انا مشعل وتشرفت في معرفتك ..انا والد الطفل واعتذر اشد الاعتذار عن الإزعاج الي صار لكم شُموخ توسعتْ عيونها مصدومه تدور بعيونها على ام الولد تبي تتأكد اكثر ,قالت بعدم تصديق : وييين امه ويين ؟؟؟ عُمر قبل لا يسحبها استأذن من صاحبه: مشعل تقدر تتفضل طلبت منهم يأخرون الرِحله ،عارف الوضع انتْ .. مشعل تفهم عليه ،واشر للمُربيه تشيل اغراضها وغمز له : اوك عن اذنك واشوفك على خير اخ عُمر وسامحني نعوضها السفرة الجايه... عُمر ودعه وتعذر منه* .. فتحوا له الباب وطلع من الطيارة، الطياره شببه فاضيه لأن وجهة السفر دايكرت للمكان نادر السفر له... عُمر سحبها ودخلها الكبينه ، وقفت شُموخ مكتفه يدينها عُمر قال بنبرة عاليه* :عااااجبك اللي سويتيه ارتحتي الحيين طلع الرجل بسبتك ؟!!! شُموخ بالها متعلق بالطفل،* ناظرت فيه الى الان ماهي مصدقته فالت بحده : يعني بهالحركه تسكتني اووه ماهو ولدي !! وين امه وينها هذي اللي ماتخاف الله* تاركه ولدها مع الشغااالة !!!؟؟؟ عُمر اخذ نفس عميق يحاول يضبط اعصابه ثم قال : الى متى راح تفهميين ؟؟؟ الى متى ؟؟ شُموخ بعناد : اذا قلت الصدق راح افهم .. عُمر قالها وراص على اسنانه وانفاسه تتسارع، يحس بالغصّه لما يقولها يمر طيفه زوجته الاولىٰ المتوفيه كانت زوجة صَاحبه محمد صديقتها قالها وقلبه يتعصر بقوة : الولد امه متوفييه امه مـييته* يتيييم الأم ،مايعرف اسم ماما ماتت امممه وهي توللد فييييه ... عُمر ماقدر يتمالك نفسه مايبي كبريائه وهيبته تنكسر قدام شُموخ، قرر يتركها مصدومه وراح لقوقعة الحُزن يختفي عن الأنظار مُجددًا .. ترك شموخ وراه، مذهوله ، شهقت وحطت يدها على فمها تجمعت الدموع بعيونها ،طاحت بثقل على الكرسي تحاول تستوعب اللي قاله ، لكن نبرة عُمر كانت غير غيير لما قالها ! علقتْ براسها ، هل هو مكسور او غاضب والولد اللي ظلمته ، غمّضتْ عيونها ، اطلقت العنان لدُموعها فقالت بنبرة بُكاء : ياربي انا وش سوييت ياااربي ساامحني سااامحننني ...ياعمري هالمسكييين ماعنده امه اكييد ابوه زعلان منني ، وسَيْد عُمر بعد انا غبييييه شلووون حكمت عليه واستعجلت شلوون مافهمت وين كاان عقلي ، ويييين تتذكر استفزاز عُمر لها : هو السببب اللي خلااني كذا احسسن* محد قال له يستفزني ويعلب باعصابي قالتها من ورى قلبها بس تبي تبرد حرّتها : احسسسن يستااهل اللي صاار له ... اااهئ ظلتْ تبكي ودفنت وجهها بالمخدة عشان ماينسمع صوتها حاسه بضيااااع افكارها مشتته ، تتمنى هالوقت يممر لكن طوّل على مايمر .. ماحستْ شُموخ على روحها الا استسلمت للنوم وغفت .... ، أردتني أن أخفض لك جناح الذل ! وتساقطت حينها كل أدمع خذلاني الساخطة منك ، وخبأتها عن ملامح طيشك العابثة .. وأدرت ظهري لغطرستك الشرقية مرددة : إلا الذل لا يحني أنثى الشموخ ، أنثى كرامتها عصية مهما بلغت في هذيانها وعشقها لرجل يا أنت !! *نجلاء حسنْ. ، * في المطار طلع مشعل ومعه ولده شايلته المُربيه جلس في صَالة الإنتظار مهموم : ماتوقعتْ الأمر يوصل كذا ...وينفعل عُمر معقوله الى الآن تحبها الى الآن تعزّها حتى زوجتي المرحومه تعزّها كونها صديقة سَاره زوجتك آااه ياعُمر .. كل هالحُب والوفاء لها ولصديقتها محافظ عليه طول هالسنين .. تنهد وقام : الله يغفر لهن ويرحمهن برحمته الواسعه... ويجمعنا فيهن بجناته التفت للُمربيه قال : يلا مشينا السايق وصل.. قامت المُربيه ودفت العربيه ومشتْ ورى مشعل طلعوا من صالات vip وصلت سيارة مشعل مرسيدس مايباخ ، نزل السواق وبيفتح له الباب لكن أشر له مشعل انه يجلس ، وركب السيارة القى السلام : السلام عليكم السواق : هلا والله بطويل العُمر وعليكم السلام ماشاء الله طول عمرك متواضع ابتسم مشعل : من تواضع لله رفعه وماهو زين الكبر وهذي مليون مره اقولك ارتاح ولا تنزل تفتح لي الباب السواق : والله قدرك كبير وغالي علي يا ابو عُمر ابتسم مشعل : ايه هذا اللي ابيه منك يا ابراهيم نادني بأبو عُمر يلا توكلنا على الله والامير عُمر الصغير نايم عسى الله يحفظه تعبته اليوم معي .. السواق ابراهيم : الله يحفظه هاه عسى ماشر ؟ مشعل بتنهيده : والله يا ابراهيم هالعُمر مدري ليش معذب نفسه المفروض يرفق عليها شوي مب يعاقبها كذا يلعب بأعصابها لو اني دراي والله ماجبت ولدي ابراهيم ضحك : ههههههه والله يا ابو عُمر خل يعاقبها ولا انه يمد يده ، هالحين الرجال كله مطاقق بحريمهم الا مارحم ربي.. مشعل : اي والله صدقت العقاب اهون من مد اليد على الضعيفات اللي مايخافون الله يتمرجلون عليهن بالضرب.. وشوف المسكينات وش كثرهم بالمحكمة لو تسمع قصصهن والله تشيّب الراس .. ابراهيم : الحمد لله اللي عافنا مما ابتلاهم فيه وفضلنا على كثير من خلقه .. الا انت متى ناوي تتزوج ولا عاجبتك العزوبيه يا ابو عُمر ؟ مشعل ضحك : ههههههههههه انت كل مافتحت موضوع الحياة الزوجيه تروح تختمه بهالسؤال اللي غثيتني فيه ماني مستعجل عالعرس .. ابراهيم : ابي افرح فييك ولا مالقيت لك عروسه ، خلني ادور لك على عروسه مزيونه مشعل ابتسم : لا والله ماني مستعد يا ابراهيم ولا كان بلّغتك تدور لي على عروسه مزيونه .. ابراهيم تنهد : اجل نصبر متى تستعد حضرتك .. مشعل سند راسه وغمض عيونه : ابراهيم باخذ لي غفوة شوي لين نوصل البيت على خير .. ابراهيم : سم طال عمرك يا ابو عُمر ارتاح .. مشعل قبل لايغمّض عينه انتبهه للجيب اللي لف عليهم صرخ على ابراهييم ومسك الديركسون : لففف يساااار بسرررعه ابراهيم ما انتبهت للسياره ارتبكك من صراخ مشعل الجيب على آخر لحظه لفف عنهم يسار وفكهم الله مشعل وقف السيارة ونزل منها بسرعه اتجهه لراعي الجيب ويطق شبّاك السياره ويصارخ : مجنووون انت ماتعرف تسوووق ولا سكراان افتتتح الباب احسن لك؟؟!!! الباب مقفل حاول يفكه مشعل بتهديد : افتتح الباب احسسن لك ولا والله. لا اكسر لك هالرنج واخليه عجيين افتتح بالهداوه خلك رجال نتفاهم ... كانت غِيْد بالسيارة خايفه ، وتبكي ..تسمع صراخه بررا وترتجف اكثثر صرخت غِيْد : خلاااااص اسسسكت ماراح افتح لوو تموووت لو تجييب الشرطة ماراح افتتح انقلللع من وجههي انقلللع... مشعل يستوعب الصوت : هذي حرمه مب رجل !! مسح على وجهه وتنهد :* استغفر الله ولاحول ولا قوة الله بالله اخذ له نفس عميق وبعد عن الباب : يا بنت الحلال احسبك رجل اعذرييني ، لكن اذا تسمحين ممكن نتفاهم على جنب؟ غِيْد : اي تفاااهم انت واشكاالك هالحركات ماتمشي علي مشعل بصبر : اذا تحسبيني من النوع المغازلي فتطمني ماني منهم غِيْد : لا والله تبيني اتطمن بعد ، مييين انت عشان تتفاهم معي ميين حضرتك امير ولا وزيير اقول عااد اذلف عن وجهي مشعل كتم ضحكته ثم قال بثقه : واذا قلت لك اميير وش بتقولين ؟! غِيْد ضحكت بسُخريه : هههههه ضحكتني والله تبي تعرف وش بقول هاه ؟! مشعل : ايه فيني فضول اذا سمحتي غِيْد لمحتْ سيارة الشرطة بالمرايه الأمامية وابتسمت مسحت دموعها بالمنديل ، كانتْ تبكي مقهوره وزعلانه من عُمر ماسمح لها تودع شُموخ وغير كذا سحب جوالها اخذت نفس عمييق تجدد نفسيتها ونزلت من السيارة بهدوء قالت بثقه: اوك تبي تعرف دام فيك فضول اسأل الشرطة احسن تعلمك وش الفضول.. جاي الشرطي لناحيتهم ، غِيْد واقفه بثقه الشرطي مد يده يصافح مشعل بإبتسامه : هلا والله بالأمير مشعل هل بابو عُمر .. غِيْد توسعت عيونها " هالاسم ماهو غريب علي " التفتت لمشعل تناظر فيه مصدومه ، نظرة غِيْد ماغابت عن عين مشعل : هلا فيك ومسهلا الشرطي : شلونك ياطويل العمر مشعل بإبتسامه : بخير دامك بخير الشرطي : دوم يارب آمر عسى ماشر ؟ مشعل التفتت لغِيْد مالها حِسْ ، ثم شاف كمية المناديل اللي بسيارتها ،عرف انها كانت تبكي ومقهوره رحمها ،وكسرت خاطره ، مشعل طبطب على كتف الشرطي وقال بإبتسامه: مافيه الا كل خير بس حصل سوء فهم ومافيه خلاف ،مشكور وماتقصر الشرطي : ابد هذا واجبنا ودام مافيه خلاف فاستأذنك مشعل : اذنك معك وعسى الله يقويكم ودعه الشرطي وركب سيارته .. مشعل رجع لغِيْد ، اللي تحس بالذنب على تصرفها معه ومتفشله منه ،الغلط عليها هي ومع هذا سامحها غِيْد منزله راسها ،منحرجه منه .. مشعل قال بنصح: يا اختي انا مادري وش عندك من ظرف لكن اكيد انك مو قاصده تلفين السيارة ،لكن اذا تحسين نفسك متضايقه لا تسوقين وقفي على جنب الين تهدى نفسيك ولا تسببين حوادث تروح بسببها ارواح ناس انتبهي الله يعافيكِ ،لكن اتمنى هالشي مايتكرر لو واحد غيري كان سلّمك للشرطي ولا يهمه امرك ولا حتى نفسيتك .. فالعذر والسموحه ان ضايقتك عن اذنك وانتبهي للطريق .. غِيْد تفاجأت من رده ، وتفشلت* ولامت نفسها على الحكم عليه كانت تظنه مثل حركات بعض الشباب لكن هالإنسان غير .. قالت بتأسف : جزاك الله خير وانا اللي اعتذر عن اللي حصل وان شاء الله مايتكرر اذنك معك .. مشعل بابتسامه : ان شاء الله انتبهي لنفسك .. مشى لسيارته ، وناظرت فيه لين وصل تعجبت منه لما رفض ان السواق يقوم يفتح له الباب وركب من نفسه وحركتْ سيارته غِيْد بإعجاب : ماشاء الله تبارك الله وش هالإنسان المتواضع! مب مثل بعض الناس .. تنهدت براحه : الله يجزاه خير .ويكثر من امثاله تغير مُود غِيْد وضحكت على دفتشتها معه كانت محتّره من عُمر وحطت حرّتها بصاحبه مشعل.. راحت لسيارتها، شافت المناديل مبعثره داخل عضّت على شفتها السفليه : لاااا اثاريه شايف المناديل وعرف اني ابكي وفشيلتاااه يا غييد ومسويه نفسي اللي موهامني..!! لمتهم بسرعه بكيس ، وحطتهم على المرتبه ترميهم لا وصلت البيت .. ركبت سيارتها وسمت بإسم بالله وهي تتذكر نصيحته ابتسمت : ياربي ماشاء الله عليه جمال وذوق وادب عسى الله يحفظه لولده .. غِيْد تتذكر شكله طويل اكتافه عريضه وجسم رِياضي وبشرته مايله للبياض ،عيونه وساع لَوزيه وشبهه ناعسه وعَسليه* ولحيته وسط مرتبه ، كآن وسيم جدًا فيه عِرق فرنسي من جدته الفرنسيه.. اخذ قلبْ غِيْد ، تعامله معها كان لبقْ جدًا هالشي جذبها قالت : واخيييرا شفته عالطبيعة غيير عن الصور ماشاء الله ، لازم اسوي سيرش عنه ..لكن الحقير عُمر سحب جوالي قليل الأدب ..زين ان عندي جوال ثاني.. دعستْ عالبنزين تحمستْ توصل للبيت بدري عشان تكتشف شخصية مشعل عن كثب .. -يُتبع.. |
رد: رواية غرامك يالخفوق ذبحني هآت حضنك يحتويني
-تابع. * * -الطياره وسط السماء - في قوقعة الحُزن الخَاصة بعُمر جالس لحاله المكان هادئ ما عدا مشاعره المُتأججه داخل قلبه من يوم مادخلت شُموخ حياته اصبح إنسان مشغول البَال بعد هدوء وتخطيط دام سنواتْ عديدة ، دخول شُموخ غيّر كل شي حتى جدول أعماله هالسنة تغيّر، ومواعيد رحلاته تغيرت إجتماعاته كذلك .. انتظر هاللحظه وحان وقت تنفيذها ! طيف زوجته الأولى " ساره " تمر على باله كثير وكأنها تحمل رِساله* لعُمر لكنْ مافهم مغزاها* زمان كان يتشوق لشوفتها في المنام لكنْ الفتره الأخيره اصبحت تزعجه كثيير ، تنهد وشتت افكاره، قام من مكانه حس نفسيته هدت شوي راح يتوضأ ويصلّي ركعتين الوتر.. ثم طلع من قوقعته اخيرًا وراح للكبينه الخاصة فيهم ، شافها نايمه ،يتذكر هوشتهم قبل ساعات مع شُموخ اللي انفجرت غضب من نيران الغِيره اللي اشتعلت بقلبها ابتسم لا إراديًا ، كانت إبتسامه سّاحره جدًا لو تشوفها شُموخ نستها اللي صار .. يتذكر إنفاعلاتها ،غضبها ،غيرتها ،صدمتها بكل حالاتها ما انكر انها كانت جميله ، الأجمل عيونها اللي سحرته من ذيك الليلة زفاف الاميرة هنوف الى الآن عَالقه بمخه شافها نايمه على نفس وضعيتها .. رحمها واشفق عليها لإن رحلتهم طويله ترانزيت قرب لعندها وعدل المخده لمسها كانت مليانه دموع قال بهمس : اكيد دموع ندم غلى تسّرعك زين اعتبريها قرصه لك يا سِتْ شُموخ .. اخذ مخدته وحطها تحت راس شُموخ ، نزّل حجابها بهدوء .. قعدت يتأمل تفاصيل وجهها* الجذابه للحظه تناسى إنتقامه ،* دفن وجهه بشعرها* الكثيف ريحة عطرها* االخاصة نفسها ماتغيرت حسْ بحركتها ، ابتعد بهدوء غطاها زين وسحب نفسه.. وطفى الأبجورة .. راح لكبينة ثانيه ونام فيها او بالأصح يحاول ينام * ، * * اديس ابابا -* عاصمة دولة اثيوبيا * وقت الفجر** وبعد مرور 3 سَاعات من إقلاعهم من مطار الرياض هبطتْ الطيارة* في مطار شُموخ كانت نايمه من التعب والبكاء.. ماهي حاسه بالدنيا عُمر جاء يصحيها بهدوء: شُموخ قومي وصلنا قومي الطيارة الثانيه تنتظرنا .. شُموخ صحصت بكسل تفتح عين وتغمض عين شعرها مبعثر ، ناسيه اللي صار امس مالها خلق تفتح الموضوع دام نفسية عُمر هاديه اليوم.. تحاول تستوعب : بسم الله احنا وين فيه؟! عُمر كتم ضحكته على شكلها الطفولي : احنا بأديس بابا عاصمة دولة اثيوبيا قومي عجلي شُموخ بتعجب : ايييش ؟!! وين شهر العسل اللي تقول عليه ؟! عُمر ببرود : مافيه شهر عسل وهذا عقاب لك الغيته وحجزت لدولة ثانيه فيها شغلي شُموخ غمّضتْ عينها " ياربي هالبعير ماينسى !انا نسيت انت شلون ما تنسى !؟؟" تأففت بضيق مالها خلق تجادله قالت: وين القبلة بس ابي* اصلي الفجر.. عُمر اشر لإتجاه القِبله : من هالإتجاه بسرعه اخصلي لا تتأخرين ورانا سفر طوييل قامت شُموخ ناسيه حجابها رايحه لدورة المياة حجابها كان معلّق ،اخذه عُمر رماه على مقعدها عشان ماتشك و سحبها من يدها : على وين رايحه يالطيبه البسي حجابك شُموخ تتفقد راسها : حجابي وين اذكر كنت نايمه فيه !؟ عُمر اشر على حجابها** : هذا هو يلا البسيه واستري نفسك شُموخ بإستغراب : ياربي شلون طلعته يمكن بوقت نومي طلّعته وكان مضايقني .. عُمر رافع حاجبه : يمكن اخلصي علي بس.. لمتْ شعرها ولبستْ حجابها ، راحت تتوضأ وتصلي الفجر عُمر كنسل الفطور ، بسبب تأخير شُموخ وصلوا للصالة الإنتظار ينتظرون رحلتهم الثانية شُموخ تناظر في العالم وابتسمتْ لا إراديًا عُمر : خير على* وش تبتسمين ؟ شُموخ صدتْ عنه : مالك شغل عُمر : اوه وش قلنا يا شُموخ ولا عشان قليتي ادبك البارح خلاص ابنسى لا حبيبتي انا ما انسى تمتمت بصوت واطي : بعيير طبيعي ماراح تنسى عُمر : نعم قلتي شي ما اسمعك ؟ ! شُموخ طالعت فيه بدون نفس : سلامتك سَيْد عُمر كنتْ اكلم نفسي عُمر ضحك بسُخريه : ههههههه مجنونه انتِ شُموخ بإبتسامه باردة : إي انا مجنونة .. عُمر يناظر بالوقتْ : يلا قربتْ رحلتنا امشي شُموخ قامت وميتّه من الجُوع : سَيْد عُمر والله جوعانه واحسني دايخه مافيني طاقه عُمر : احسن عشان ثاني مره ما تتأخيرين شُموخ انقهرت : اي تأخير تقول عنه ترى قعدنا ربع ساعة زيادة وما تأخرنا.. عُمر : صومي امسكي نفسك ..خليكِ مثل هالناس مو شرط تاكلين كل الوجبات الرئيسيه ترى العيشه هنا غيير شُموخ ماسكه بطنها : ادري انها غيير لكن انا ماتعيشت امس ولا تغديت حرامك عليك اللي تسويه فيني عُمر : ماهو حرام محد قالك جوعي نفسك شُموخ :ماجوعت نفسي ، نفسي انسدت بسببك عُمر ضحك بخبث: ههههههههه احسن خليها تنسد الحين شُموخ حاسه بدوخه ورؤيا مشوشه وسواد ومشيتها غير متوازنه ،عُمر كان يمشي قدامها وهي وراه ، عُمر استغرب منها ماردت : اشوف مالك حس ولا السانك اكلتيه من الجوع .. وقف* يتفقدتها* : وش فيكِ ماترديــ ... والتفتت الا شُموخ طاحتْ بحضنه ،ولحق يمسكها وشالها بين يدينه* عُمر : بسم الله عليكِ* شُموخ صحصحي شُموخ دايخه .. عُمر سارع بخطوته اكثر يلحق على الطيارة كانتْ صغيرة ركبها* جات تسأله المضيفه* : هل هي بخير ؟ عُمر هز براسه بالإيجاب : نعم بخير ، ولكن احضري عصير البرتقال هيا سريعًا شُموخ حاسه بخمول تناظر بعُمر ، اللي جلسها بهدوء وتشوف حرصه عليها ، ابتسمتْ بدون شعور قالت: ياحبيبي اللي خايف علي هالكثر تحبني هالكثر انا غاليه عندك ؟! عُمر انصدم من كلامها له ، شاف عيونها على طول هنا تأكد له انها تحبه وهالشي راح يساعده اكثر في تنفيذ انتقامه ، ابتسم بخبث : ايه هالكثر احبك واخاف عليك عشان كذا بطلّت اجوع حبيييبتي شُموخ نفس حالتها مسكت خده بدلع: وهـ فديت حبييييبي وفديت خوفه علي عسى الله لايحرمني منك .. عُمر رخى صوته وبمكر: ولا منك يا بنت ناااااصر الخبيث شُموخ ما سمعته .. شافت المضيفه جايبه كًوب العصير اخذه عُمر وجلس جنب شُموخ وشرّبها العصير .. حستْ روحها ارتوت* سألت المضيفه قالت : اريد فطور لو سمحتِ وقالت باللغة العربية : فسَيْدي بخيل لم يطعمني عُمر ابتسم ورد على شُموخ :انا ماني بخيل انتِ البخيله على نفسك ، ونسيتي ان نفسك لها حق عليك ! فالمفروض ما تجوعينها وتدوخين علي يا سِتْ شُموخ شُموخ سكتتْ ماردت عليه ، لكن مازالتْ تصارع الجوع تناظر بشبّاك الطياره : وين موديني انتْ ؟ عُمر يلقي نظرة أخيره لأراضي مدينة اديس ابابا وبإبتسامه قال : المفروض اوديك شهر عَسلْ لجزيرة موريشيوس ،من باب العدل لزوجاتي السَابقات والحالية لكن عِقابْ لك كنسلتْ الرِحله ورايح لمكان عندي شغل مُهم واذا خلصته نرجع الرياض .. شُموخ تفكر بالرجعه وتجاهلت طاري حريمه التفتت عليه بتساؤل قالت : يعني راح نطول ؟ عُمر ناظر فيها ثم صد : ماراح ارد دام كلامي واضح.. شُموخ طنشته وتنظتر المُضيفه اللي تأخرت سندت نفسها على الكرسي ، وماحست على روحها الا نامت على كتف عُمر ، كان يقرأ كتاب تركها تنام وعدل نفسه قرب منها اكثر يسرق النظر لملامح وجهها واضح التعب والإرهاق ابتسم بخبث : حياة الترف والثراء اللي عشتيها راح تطلع من عيونك .. * * ** * ، * * * -مدينة الرياض جَالس على الكرسي المصنوع من الجلد الفَاخر وماد رجوله على طاولة مكتبه الكبير الضخم وييده يدخن سيجارة ، راسم على وجهه ابتسامة خبث وبيده الظرف اللي المفروض يوصل لشُموخ لكنْ سِهام خربت الخطة : آااه منك يا سِهام الحين لازم نحوّل الخطة ب.. عاد الله يعين راح تسبب خساير كبيره فتح الظرف ، وكان عبارة عن صور من ضمن الصور ، صورة عُمر وهو ماسك طارق الطالب اللي كان يدرس مع شُموخ ماجستير وطلب مُساعدة من شُموخ تخص بحثه لكن اعتذرت منه بسبب ظرفها الصحي وانقهر منها وراح ينتقم بتلفيق فضيحه يشوهه سمعتها كونها طالبة مُسلمة حسنة السيرة والسلوك وسمعتها كويسه بالجامعة ،وشافها داخله الملهى ولقط لها كم صورة وفربكها ونشرها الامير بندر : ههههههههه والله حقيير يا عُمر عرفتْ شلون تطلع نفسك مثل الشعره في العجين.. ثم ضحك بصوت عالي : مسوي نفسك جااي تسترها ههههههه ههههههههههههههههههه لو تعرف حقيقتك بس انك ماخذها انتقام والله ثم والله لا تتفل بوجهك وتدوس عليك بنت ناصر وتتركك ورى ظهرها مثل ما سوى ابوها قبل بمرتك ههههههههه مسكيين كسرت خاطري يا سَيْد عُمر ثم قام وجمع الصور شال الظرف بالخزانه تحت المكتب وقفل عليه .. رفع السماعة : الوو .. خل ناصر يتفضل السكرتير : ابشر طال عمرك .. السكرتير قفل السماعه : تفضل حياك ناصر والتوتر واضح عليه " الله يستر من خاله وش يبي بعد" دخل ومنزل راسه للأرض القى السلام : السلام عليكم قام الأمير بندر وشاق ابتسامه عريضه على وجهه ومد يده يصافحه بحرارة: هلا والله وعليكم السلام هلا بابو شموخ الغَالية زوجة الغَالي ..حياك تفضل ناصر بدون نفس : هلا فيك الله يبارك فيك الامير بندر تكى على الطاولة وشبك اصابعه : وش حاب تشرب استاذ ناصر شاي قهوة عصير ، اللي تبيه كله موجود ناصر : تسلم اكتفي بالمويه ابتسم الامير بندر " تبي مويه اجيب لك كرتون مويه عشان ريقك ماينشف " : ابشر .. رفع السامعة : جيب اثنين مويه وواحد عصير .. قفلها ثم التفتت لناصر : اخبارك يا استاذ ناصر واخبار العرسان وين وصلوا ناصر : الحمد لله كلهم بخير ورايحين لموريشيوس يقضون شهر عسلهم هناك .. الامير بندر " والله مانت داري وين الله حاطهم " : الله يهينهم ويسعدهم عاد زين موريشيوس اختيار موفق ،وعُمر خبير بشهر العسل مايحتاج .. ناصر شد على قبّضة يده ،انقهر منه واكتفى : الله يوفقهم ويردهم سالمين .. الأمير بندر : آميين .. ما اطول عليك يا استاذ بندر طلع ملف عقد شراكة بنسبة عاليه من شركة ناصر وحط العقد قدام ناصروبثقه* : تفضل استاذ ناصر ويشرفني اني اتعاقد مع شركة مثل شركتك الضخمة في الشرق الأوسط ماشاء الله .. ناصر توسعت عيونه ، ثم ناظر فيه : والله شرف كبير لي طال عمرك لكن نسبتك عاليه ياليت تراجعها الامير بندر حط رجل على رجل : بالعكس اشوفها مناسب لي كوني شخص ولي سمعتي ومكانتي ناصر فهم قصده وانقهر : والنعم فيك طال عمرك لكن من العدل تكون النسبة مثل باقي الشركات لكن النسبة اللي انت طالبها عاليه ..كذا بظلم غيرك الامير بندر : يعني افهم من كلامك ان ترفض التعاقد معي !! عادي خلك صرييح تراني ماحب اللف والدوارن ناصر توترت اكثر : لا بالعكس شرف كبير لي* اتعاقد معك لكن اتمنى تراجع النسبة .. الامير بندر قام من كرسيه : والله يا استاذ ناصر مراجعه ماراح اتراجع عن النسبة ، وانتْ لك حق الموافقه ولا استخدم معك اسلوب ثاني .. ناصر ارتكب : وش قصدك* بأسلوب ثاني !! لايكون تهددني بعد ، اسمع يا بندر انا موافق اني اتعاقد معك بشرط النسبة تكون مثل غيرك ، لكن تبيها عاليه فأنا اقول لك من الآن ارفض التعاقد معك الامير بندر ضحك ويلمح له* : هههههههه انا اقولك لي سمعتي ومكانتني يا ناااصر وش قلت سمعة ومكانه الامير بندر وقف قدام الشبّاك وكمّل : تخيل واحد له سمعته الطيبه ومكانته في المجتمع وبين الأمراء والوزراء والسفراء والناس تحبه وتحب فعل الخير ومبادراته الخيريه داخل وخارج وبلحظه وحده كل هذا يرووح بسبب شيء تافهه دمر نفسه ودمر اهله معه ناصر ارتكب وتوتر من كلامه مافهم قصده شد على قبضة يده بقوة : وش تقصد يا بندر من كلامك هذا قول اللي افهم منك تهديد !! الامير بندر التفتت عليه وصفق له تحيه : برافو عليك يا نااصر برافوو .. * ، * الرياض جالسه في الصاله تتصفح جهازها وتشرب قهوتها تبحث عنه لكن قليل مايطلع على الأضواء الا بالإحتفالات الرسميه .. شافت بأحد الصور سفرته لأمريكا شافت بجنب رجل ماهو غريب عليها، قرب الصوره بشكل اوضح ،شهقت حطت يدها على فمها : اوووف اوووف يمممه يمممه طلع صاحبه الحقيير عُمر !! غِيْد ماهي مصدقه نزلت تشوف باقي الصور انصدمت اكثر لما شافته يلاعب ولد مشعل : يوه ذا مب صاحبه الا بحسبة اخوه .. تتذكر الشرطي لما ناداه بابو عُمر : اي والله صح عشان كذااا مسمي ولده على اسم صاحبه !! كشرتْ بضيق : ياربي وش ذا صاحبه غيير عنه فرق السماء عن الارض وعُمر احقر منه ماعمري شفت .. راحتْ تبحث اكثر عنه .. وشافتْ بأحد المواقع الأخباريه خبر .. انصدمت : لااا ياربي لاااا والله حرااام ..!!!! * * ، * * مطار نيروبي - دولة كينيا شُموخ افطرت وبعدها نامتْ بحضن عُمر اللي صحاها عُمر يطبطب على وجهها : قومي وصلنا ماشبعتي نوم شُموخ فتحت عينها بكسل تناظر بوجهه عُمر ثم قامت بثقل حاسه بصداع براسها : اخير وصلنا الحمد لله على السلامه عُمر : الله يسلمك شُموخ ماسكه راسها : سَيْد عُمر احس راسي بينفجر ابي مويه باكل حبة بنادول عُمر اشر للمُضيفه تجيب مويه ، شُموخ فتحت شنطتها الشنايل وقفلتها بإرتباك نستْ الظرف انه معها دخلت يدها* بالشنطه بدون لا تفتحها وتسرق النظر لعُمر تتأكد انه ماشافها كان على جواله واخذت لها حبه وبلعتها بسرعه وشربتْ المويه تنفست براحه انه ما انتبه لها .. هالظرف لازم تخبيه ومايشوفه عُمر .. " الله يستر من هالظرف خايفه منه لدرجة ماودي افتحه ، اخاف وحده من حريمه ناويه تخرب علاقتنا ببعض او شي ثاني مدري ماراح استعجل وافتحه الا بعدين " .. قفلت الشنطه وصلت الطيارة ونزلوا منها لبستْ نظارتها الشمسيه من فندي .. وقفت للحظه تشوف المطار وشهقت : الله نيرووبي وحشتني ووحشتني امينه عُمر : امشي وقفتي الطريق كانت شُموخ قدام عُمر تمشي كادت تطيح لكن عُمر مسك خصرها بقوة اللي جرحها فيه تآلمتْ من المسكه : آاي عورتني عُمر كان قاصد الحركه وسوى نفسه ما انتبه : بسم الله عليك حبيبتي وش فيك ؟ شُموخ عقدت حواجبها : نسيت وش فيني* هاه جرحك لي ذيك الليله اللي كانت كابوس بالنسة لي عُمر ضحك : هههههه احسن تستاهلين هذي ذنوبك عشان ماتزعلين زوجك ثاني مره شُموخ : زوجي حلال فيه الزعل عقب سواياه فيني عُمر بجديه : خلاص ابلعي السانك اشوفه صار طويل عقب ماطلعنا من الرياض ، اول كنتِ عاقله الحين وش غيرك ؟! شُموخ ضحكت بسخريه :ههههههه تسألني وش غيرك والله ماغيرني الا انت .. عُمر شاف سيارتهم واقفه* تنتظرهم وقاطع كلامها سحبها بيدها : تعالي بسرعه لا نتأخر شُموخ : اووف شوي شوي علي ايدي توجعني من كثر ماتسحبني وراك.. عُمر اشر للسواق : السلام عليكم محمد السواق محمد : وعليكم السلام اهلا استاذ عُمر السواق محمد اسلم على يد عُمر وغير اسمه الى محمد ومن اهل المنطقة ... عُمر فتح يدينه وضمّه بحرارة : لقد اشتقت اليك كثيرا السواق محمد : وانا اكثر لقد سعدنا باللقاء وفاجأتنا بزيارتك اليوم اليست بعد خمسة أيام ؟ عُمر ناظر شُموخ جالسه بالسياره تهف على نفسها من الحر وخدودها حمّرت شافت عُمر يناظر فيها صدتْ عنه ثم ناظر لمحمد و بضحكه فقال : ههههههه لا تغيرت الخطة لكن من الجيد انك استقبلتنا اخ محمد جزاك الله خير محمد فهم قصده وهمس له : اتقصد ان زوجتك هي السبب عُمر ابتسم ببرود : نعم وتستحق ذلك محمد غمز له : هههههه يبدوا انك لم تتغير في طريقة تروضيك للنساء... عُمر : لم اتغير ولن اتغير يا مُحمد فأنا عُمر كما عهدتني هيا بنا يا محمد فأني متشاق جدًا لها.. محمد بإبتسامه: امازلت تُحبها ؟ عُمر أشر على قلبه : محفورة في قلبي فكيف لي أن انساها ! * * * ، * * * الى هُنا نتوقف * * "ان شاء الله يرضيكم البارت ، واعتذر عن التأخير طلعت معلوماتي الحمد لله صح* وطوّلت البارت لعيونكم .. عاد الله الله بتعليقاتكم وتوقعاتكم والله اتعب فقدروا تعبي* وابي اشوف اراكم تحليلاتكم لو حتى غلط عادي شكثر* انسبط لما اقراها لا تستحون اكتبوا عبّروا مافي داخلكم .. * * " نهاية البارت " * قِراءة مُمتعة للجميع ، وبإنتظار تعليقاتكم . |
رد: رواية غرامك يالخفوق ذبحني هآت حضنك يحتويني
يعطيج العافيه وقواتج ربي نترياج اختي طولتي عسى ماشر
وسامحيني مارديت على الي طافوا بس متابعتج واتمنى تكوني بخير |
رد: رواية غرامك يالخفوق ذبحني هآت حضنك يحتويني
عسى المانع خير ياخيه
|
رد: رواية غرامك يالخفوق ذبحني هآت حضنك يحتويني
مساء الورد والفل والياسمين
شكرا وبارك الله فيك لكي مني أجمل تحية |
| الساعة الآن 11:49 AM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية