منتديات ليلاس - العشق انفى للعشق

مساء الخير 💜😻

رواية جميلة جدا 😍
يعطيك العافية شعلا 🤗

نبدأ من ثلاب شخصية جميلة لكن جدا غامضة وما أحلى الغموض ومثل م نلاحظ سلطانه تعبت من غموض وهي م تدري انه تو يعيش معها الحب يعني 14 سنة أبد مو بسيطة صعب يتغير في يوم ولليلة لكن الأيام تغيره

سلطانة انسانة صبرت ونالت ربي عوضها عن اللي فات

طبعا متحمسة جدا لسفرتهم لحائل بعد حيي بشوف تلتقي في أم جسار وأهلها أو مثل م قال ثلاب مالها دخل أحس حماس هالسفرة يعني اول مره يجتمعون عيال ثلاث مع زوجه ابوهم سفر وبعده جلسه في المحمية مع بعض واو متحمسة حيل لجمعتهم

جسار لو تفتك من علومك جدتك كان انت بخير والحمدلله بدأ يحس بتصرفاتها وإن شاء الله يتعدل حاله شخصيته حلوة بس نفتك من حقده وعلوم جدته فهو بخير .. طبعا سلطانه سوت له الخير من أعلنت زواجه من جاهدة وحتى سوت خير لثلاب فعلا لو سوت الجدة اللي برأسها كيف راح يكون موقفهم .. طبعا راح يأخذ مكانه في الشيخة أخيرا طاح اللي برأسه ورجع لأهله

جاهدة يا عمري عليها تحزن وربي يعني هي من وين تلقاها من غربتها عن أهلها والا من عدم فهمها والا من جسار وجدته ارحمها وربي ليت جسار يرحمها لأن مالها ذنب

معتاد وعياد وطالب حبيت شخصياتهم وراح نكتشف أكثر عنهم في البارت الجاي يإذن الله*

الجدة صح فقدتي عيالك لكن الحي أبقى من الميت وانتي غذيتي جسار بالحقد لحد م انتقم لك ليتك ترحمين هاالبنت لكن انتي الحين ع سلطانة وجاهدة بعد كان الله بعونهم***

أبو كايد وطلع له حسب ونسب وسبب طرده بس عشان أمه يالله راحت سنين وسنين وآخر شي تطلع الحقيقة على أنها مفرحه لكن تبقى مؤلمة لكايد عاش سنين وسنوات وهو منبوذ كيف راح يستوعب الحقيقة أنه ولد عائلة كبيرة

عذبى انا مدري ليش اخذك فياض يعني انا اعرف انه عشان كايد وأنه يحفظ الامانه له لكن ليش خطبها ليش ما كايد خطبها مو ولد عمتها م اتوقع أبوها يرفضه والا .. المهم ضااااااعت سنين عمركم وانتم على حطه يدي انتم مستوعبين السنين اللي راحت ما هذا الوفاء يا فياض مو عرفت انه ميت ليش م طلقتها أو كملت حياتك مع غيرها والا هذا يخل في الوفاء عندك والله جد م فجعني كثر فياض شوف عمرك كم صراحة تفكيره عجيب والا عذبى كيف رضت في الحياة كذا ليش م استفسرت منه ليه كذا حياتنا .. وآخر شي طلع كايد عايش كيف يبي يستقبل كل شخص منهم الحقيقة فعلا شي صعب لثلاثتهم انتظر مشاعل ايش مخبيه لنا من أحداث وتشويق

كايد انت انسان مكافح من انت صغير تغلبت ع العقبات وبعدها تغلبت ع السرطان ربي يحفظنا ويحمينا ويشفي جميع مرضى السرطان ويخفف عنهم يارب

تاضي اسم عجيب غريب مدري ايش معناه لكن تضحيتها لأهلها أبد أبد م اعجبتني انا م اقول لا تساعدينهم لكن لا تنسين نفسك انتي م نسيتيها وبس انتي طمستيها تدرين شعلا من طلبت أختها تسوي لها تاضي كيكه من الحره اللي فيني اقول ليه ما تسوين انتي ما تشوفين البنت تعبانه هههههه والا الثانية تصحيها عشان ريموت خير إن شاء الله ..* بس إن شاء الله تاضي تفوق على نفسها لأن حياتها كذا مو حياة ونشوف اذا حضرت مع أهلها الزواج متحمسه طبعا راح يتضح لنا شوي من الغموض ونشوف من تأخذ هذا أهم شي هههه عاد ربطتها مع عساف متزوج ثنتين لكن حياته ماش مدري المشكلة منه والا من حريمه وبعدين الزواج من الأقارب أكثر عرضه في التشوهات ع قولهم فكذا بشتغل خطابه وازوجه تاضي اللي مدري كيف ابي اجمعهم مع بعض يمكن فيه صله قرابة من بعيد تحاول ترقع الموضوع ههههه

عساف طلعت ازين من أبوك وعمك رجع الحق لأصحابه وشوف حياتك بعد لازم ازوجك هههه وتاضي مناسبه لك عمرها 33 وانت 44 يعني بينكم 12 سنة مناسبين

كادي ربي عوضك ع سنين تعبك راح تمشين وتعيشين حياتك بس نزوجك مين من عيال ثلاب والا فياض م اتوقع تطلع من بينهم عاد نشوف .. عاد الله أعلم كيف يجتمعون عذبى وكايد أو م يجتمعون العلم عند مشاعل

اتوقع اني ذكرتهم كلهم يعطيك العافية شعلا ربي يسر لك أمورك ويبارك لك في وقتك ويسعدك ويحقق لك م تتمنين يا كريم

ومتحمسسسسسسسة للبارت الجاي على خير 💜