رد: عكس الرحيل
 

متابعه لجميل ما تكتبين واصلي الابداع ماشاء الله
مالك اتوقع انك اول من يستسلم ويعترف ويصرح بمشاعرة الحقيقيه

رد: عكس الرحيل
 

السلام عليكم 💕💕
الفيورا كاتبتنا المبددددددعه اهنيك على السلاسه بالطرح والاسلوب اللطيف والمختلف حتى الأبطال لطيفين وخفيفين ومافيهم تعقيد وكبرياءءءء وتنشلع تسبودنا وهم مابعد طاح اللي بروسهم
لا فعلاً تميزتي بطرح مختلف 💜

أضيفي لكل هذا ميزة التنزيل اليومي لاعاد في ذي ماحد يسوي مثلك يعني بالكثير الكاتبات بارت بارتين بالأسبوع وأاكد لك راح تكسبين قلوب الكثير ومتابعتهم بهالشي 💕

بس عاد ان شاءالله تستمرين معنا ولايكون فيه انقطاعات لفترات طويله الين مانوصل بالروايه لخط النهايه بإذن الله ❤.



مالك وطيف طبعاً شخصيات لطيفه هاديه اشوف يامالك انك مصعبها على نفسك واجد مايحتاج خطط هي راضيه بس المشكله عندكم بالخطوه الاولى الاعتراف لان كل واحد مسوي ان الوضع عادي ولا يبي يبادر 😹!!

اتوقع بنشوف صراعات بين العائله وعلى رأسهم الجده ضد طيف بس طيف بتحارب ولابتترك مالك ب ذيك السهولة .

بس فيه نقطه اشوف ترك مالك لطيف طول هالسنين ماهو مبرر يعني خالتك غلطت ليش تعاقب هالمسكينه معك كان عندك مجال تاخذها معك بس يمكن طيف ماكان ممكن تترك ابوها !!!


الجد ش يخطط عليه وهو اللي سهل كل هالمصاعب لمالك وجابها له يفكر انه مالك يتخلى عن طيف بنفسه
ان اقول الله يستر لايلفقون لها تهمه تكره مالك فيها ولا شي من ذَا!!!!!!


العمه شيخه الصدر الحنون واللطيفه بين هالعائله واللي احتوت زياد وبعده طيف
اتوقع هالعمه طبعاً ماراح ترضى لو تشوف تعدي على طيف وخصوصا ً من بنات العائله اللي اظن نصهم حاطات عيونهم على مالك وخربت عليهم طيف 😹🙅🏼

ناصصصصر والثريا تكون قصة حب قديمه من طرف واحد 🏃🏽🙄
اكيد عن طريق صديقه زياد ابو مالك بتتوضح لنا القصه فالبارتات الجايه ان شاءالله


ويعطيك الف عافيه 💕
وبانتظارك

رد: عكس الرحيل
 

صباح السعادة .. صباح الجمال ..



رواية سلبت قلبي بتسلسل أحداثها و عفويتها الجاذبة ..
صدقًا .. مع إن فصولها قصيرة بس مشبعة .. عمق مشاعرهم
مذهل .. و أكثر شيء جذبني هو عدم مقاومتهم لمشاعرهم ..
تفهم طيف لمالك .. مع إني مستغربة للحين ليش كان يكلم ابوها
و خالته وهي لا ..! و ليش ماكان يبيها تعرف بهالمكالمات..؟

أما من ناحية شيخة فـهي تنعذر من ناحية نفسية بس أرجع
افكر بمنطق .. طيف مالها ذنب انها تشبه أمها .. و هي كانت
تقدر تقول لسلطان إن هالشيء يجرحها وماله داعي يذكر ام طيف كل شوي .. و مو شرط تقولها بهالصيغة بس ما اظنها كانت بتعجز
انها توضح له هالشيء بطريقتها .. وجهت احباطها لطفلة و اعدمت ثقة هالطفلة بنفسها .. بس سؤالي هل أولادها رح يظهرون او لا ..؟

غريب عزل زياد لزوجته و منعها من الزيارات ..! بس اظنها نوع من الأنانية .. ما بقول تملك لأن التملك ما يجي كذا .. هو أناني و الدليل انه قطع علاقته مع ابوه عشان ابوه طرده ..! كان يقدر يحاول مرة و ثنتين و عشر لين يرضى ..

بس الحين مالك ما يعرف ان عنده خال مو ؟ يعني شيخة عرفها من زياراتها بس مازن لا ..


الجد على فني عندي خبرة بالحياة اكثر و مالك رح يمل من البنت و ازوجه وحدة برضاي ..! ما درى إنه حقق لمالك شيء فقد الأمل منه..

الجدة .. نعم ايش عندها مع هالأسلوب ..! كرهتها من الحين🙄🌚


العم ناااصر .. ما اظنه يعرف شيخة معرفة شخصية .. و بالذات انو زياد انقطع عنهم كلهم فما اتوقع انه قابلها او سمع بطاريها من ناحية زياد ..


،


تسلم أناملش على هالرواية الممتعة .. شكلها بتصير إدمان ..
على فكرة .. اسمها جاذبني من نزولها اول مرة بس كنت مترددة
اقراها .. و امس كنت عالمنتدى من الجوال وهو الله يصلحه مخرف فدخلني على روايتش مع اني كنت ابي رواية ثانية .. قريت آخر بارت كنتِ تو منزلته اظن .. عجبتني الأحداث و بدأت فيها-> فيه روايات للحين اعرف نهايتها وما اعرف بدايتها 🙂 .. دايم كذا ابدا من الأخير و اذا جذبتني رحت للبداية 🙇🏻‍♀


..


دمتم بود 💜..


و فيتو و زارا و ميمي .. حبوا لأختكم المسلمة اللي تحبونه لأنفسكم .. مكيفين هنا وانا ذابحني الملل مالقيت شيء اقراه 🌚🔪



..

رد: عكس الرحيل
 

روايه رائعه ،، استمري عزيزتي

رد: عكس الرحيل