رد: أغداً ألقاك ؟ / بقلمي
اقتباس:
آه هرمنا من أجل هذه اللحظة ، (فينك يا راجل يا طيب تشوف عملوا فينا اييه بعدما هرمنا ده احنا هرمنا و عجزنا و دفنونا بالحيا و الحمد لله اتولدنا من جديد) نرجع لتعليقك الي كالعاده كان طويل و جميل و ممتع و وافي و كافي عارفه أنا هعمل ايه بعد ما أخلص الروايه على خير إن شاء الله هضيف كل تعليقاتك في آخر الروايه عشان هي عامله زي نقاط لتوضيح الي ماعرفتش أوصله بوضوح انتي بتقولي الي نفسي فيه بالظبط ما أعرفش ازاي و تتوقعي دايما الخطوات الجايه بتاعتي:55: طب تيجي نعمل deal ما تكتبي انتي الفصلين الباقيين و تريحي أختك و أنا متأكده إن عندك كل الإمكانيات بعد كده نحاول نبيع الروايه و الأرباح فيفتي فيفتي:friends: عجبني تعليقك كله كلمه كلمه و حرف حرف بس أكتر حاجه عجبتني و يمكن أسرقها منك و أحطها في موضع ما هي الحته دي " و كاميليا صحيح انه احبها لكنه احبها بعقله بتوافقها مع شروطه التعجيزية و كمالها النسبي الذي كان يفتخر به لكن مع ليلى تختلف الحكاية كليا فيجد نفسه يقع في حب امراة لم يخترها و لا تلبي شروطه و متطلباته برايي كاميليا احبها وهو يريد ذلك بينما ليلى احبها رغما عنه و هذا سر جمال علاقتهم " الله الله على الجمال ، لا أنا أكيد هسرقها منك بعد إذنك طبعا و أخيرا ربنا يسعدك زي ما أسعدتيني |
رد: أغداً ألقاك ؟ / بقلمي
اقتباس:
متل ما لقيت من يوقف معي ، اول انضمامي ، فهيني بحاول ارد الدين لبيتي التاني ليلاس .. انا ما جاملتك والله لما قلت عنك مبدعة هادا اللي وصلني منك ونجحت في اظهاره .. تقبلي خالص ودي |
اقتباس:
بالنسبة للارباح هههه وانا موافقة بس اخاف اخسرك المشروع كله ههه ربي يحفظك اختي و تسلمي هذا اقل شي نسويه ابداعك يستحق التشجيع موفقة دائما ان شاء الله. |
رد: أغداً ألقاك ؟ / بقلمي
طير حمام وصلي سلام حلو ومستعجل خلاني طرت بس
ما جيت قوام طبعا ^_^ وجابني فضولي أشوف هالرواية الي خلت فيتوا تقطع أشغالها وتتابعها فأكيييد تووحفة وما خاب ضني أبدا رغم إني قرأت بس بدايتها ، يا بنت يا حلوة إنتي تسلمي على هالأسلوب في السرد والوصف خيال خيال خيال ... وصفك لموت كاميليا وشرحك لحياة ماهر كاااان ابداااع الصراحة أنا لازم أقلد غيري وأقرأها في يوم وأرمي روايتي على جنب ^_^ موفقة يا رب وتختميها على خير لأنها تستحق الوقوف والتصفيق لها وليك عند كلمة ( النهاية ) وشكرا لكلامك الرائع بحق رواياتي وخربشاتي المتواضعة لأني لما أقرأ ابداع مشابه لابداعك قسم بالله أحار كيف يقرؤا البنات في رواياتي والشكر موصول لحبيبتي فيتامين سي على حرصها واهتمامها |
رد: أغداً ألقاك ؟ / بقلمي
ياه ! اسم مين الي بشوفه ده يا جماعه:73::eek:
برد المشاعر ؟ لأ مش ممكن ، يمكن لما أغمض عيني و أفتحها تاني:3EO05175: ده طلع بجد ميشو ذات نفسها ردت علي لأ و كمان رد مطول لأ و كمان بعد مين ، بعد الأستاذه فيتو يعني انتو الاتنين يا حضرات في أسبوع واحد ؟ طب بالراحه علي أرجوكو استنو آخد نفس و أقرى تاني بسم الله حبيبتي انتي يا ميشو ، شكرا على ذوقك و كلامك الغالي في حق خربشاتي ( آه لحقت أسرقها : ) ) شكرا على تواضعك و ردك السلام لي بنفسك ، بس مش مستغربه لأن التواضع ده من شيم الناجحين و اسمحيلي أتكلم وياكي بتبسط أصل أنا متابعاكي من زمان من أيام منازل القمر اسمحيلي أقلك هي ايه ليبيا بالنسبه لي ، ليبيا أنا حسيت بيها من يوم ما تفرجت في فيلم "عمر المختار " الشيخ المجاهد ، ما تتصوريش قد ايه اتأثر بشخصيته ، بوطنيته ، بإيمانه ، بهيبته و لحد دلوقتي بعيط لما أفتكر آخر حتة من الفيلم لما يشنقوه الكفرة ولاد ال... و يروح الطفل الصغير و ياخد النظارة بتاعته. الله يرحمك يا مصطفى العقاد نرجع ليكي انتي يا ميشو ، انتي بقه بحس فيكي نفس الوطنية دي و ده يمكن الشيء الي خلى القوب تتعلق بيكي ، قد ايه انتي مشتاقه لوطنك حتى و انتي فيه ، قد ايه بتحني لأحلام تتمنيها ليه و الي ربطني بيكي شخصيا إنك حسستيني بالفخر عشان كان دايما حب الوطن تحسيه شعور ذكوري فجيتي انتي بينتي ان احنا كستات و بنات نقدر برضه نحب أوطاننا و نموت حبا فيها كمان حبيبتي أنا بحب جدا إبداعك ، و ما يهمنيش بصراحه بتكتبي ايه عن ايه عشا أنا أكتر حاجه بحبها فيكي أسلوبك و مشاعرك انتي عندك ملكة الوصف و دي مش أي حد يملكها ،يعني أنا مثلا لحد دلوقتي فاكره المشهد الجميل للطريق المليان أشجار لما كان مطر بياخد غسق للعمران أول مرة ، مشهد ياخد العقل و كما يعجبني تشبيهاتك المميزة ، أكتر تشبيه جاي على بالي هو لما قلتي " سمعته رنانة كقطعة نقدية فوق أرضية من الرخام" أو حاجه زي كده فدمت مميزه و دمت مبدعة و ما ننحرمش من قلمك الراقي الحِنَيِّن بالنسبه لروايتي المتواضعه فيشرفني طبعا انها تلاقي اهتمام منك و الحمد لله هي مش رواية تماما ، هي تقدري تعتبريها استراحة فأتمنى تديني رأيك فيها و بصراحه عشان أنا أحب أستفيد من أخطائي قبل مميزاتي و أخيرا ، دمت في حفظ الله و رعايته حبيبتي إنتي |
الساعة الآن 08:24 PM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية