منتديات ليلاس - كنا فمتى نعود ؟

اقتباس:

السلام عليكم..
مرحبااا كريس.. اول شي احب اشكر دودي وبس على الدعوه لقراءه هالجمال.. وتراني رديت عليها وقلت اذا فضيت بقراها لكن دخلت على القصه ومادريت الا وانا بالصفحه الثامنه بالموقع..هخهخهخه

نورتي المتصفح والله .. الله يسعدتس فرحت كثير يوم شفت ردتس
والشكر موصول لحبيبتنا دودي ..

اقتباس:

ثاني شي .. القصه صراحه حلووه وتوسع الصدر.. وبقوولتس شكلي بصادر عواد اتوقع انه باخر الثلاثينات او باول الاربعينات . وشكله مو متزوج .. وبيكون من نصيبي..هع

عواد مدري ليش الكل متفائل فيه .. ههههههه .. قوو قلوبكم ترا أقول تسذا عشان أخفف عليكم

اقتباس:

ياليت عاد يااقلبي تكتبين الاعمار عشان نعرف راسنا من رجلينا بهالشباااب اللي هنا..

الأعمار أنا ماأذكرها بشكل عام .. لكن أترك لكل شخصيه تتحدث عن عمرها بشكل يوصل لكم .. بمعنى أعمار الشخصيات تدريجيا بتكون واضحة للجميع ..

اقتباس:

حمد اتووقع اتووقع انه ييكون من نصيب نووره. وخصووصاا عقب هذيك الطمره من سمع سالفة انهن يبيعن بالسوق . وبادي بيكون من نصيب وحده من البنات اللي بالجامعه..

ممكن ^ ^ .. مانبي نحرق أحداث ههههه

اقتباس:

وفيصل ثووور مقعد.. وبعدين هو ولد عمتهم المفروض يكونون عيال خواله ويقول خوالي مو عمامي... .؟؟؟

أيه من قريت ردتس طيران عدلت .. والسبب إني أغير كثير بالشخصيات وحوارهم
فعشان تسذا حصل هاللبس ..

اقتباس:

وثالث شي.. القصه تهبل واللهجه رووعه لكن احسها ثقيله شوووي .. يعني احس فيه كلامات ثقيله شوي مثل تسبييير .. تسيفي ..وزي كذا ..
والحين عاد نجي للابطال..

أيه تعمدت ماأبحر .. لأن لو سويت هالشي بتكون عباره عن طلاسم تحتاج مترجم .. خصوصا لهروج كبيرين العمر .. الثقل ممكن لأني وسعت دائرة اللهجه ووقفتها عند هالكلمات ..

اقتباس:

نوق .. الصدق ياكريس اسمها صدمني لدرجة اني جلست اطالع الكيبورد واقول اكيد ان الجرمه غلطانه تبي توق وحرف التاء وتضغط بالغلط على الننون ..ههههه
والا طلعت نوق وعز الله ان الاسم جاء مضبوط والا الحرمه كبر الناقه..>>>ناس ماعندها دم..هخهخهخه
لا بجد عاد اعجبني مرره مره ان نوق متينه يعني موووو منيكان ولا ان جسمها مقايسيه عالميه.. وخصووصااا انها مارجعت لجلوي بالوضع اللي هوخابرها فيه..

تمام

اقتباس:

اما جلوووي اتوقع سبب طلاقه لها انها ماتجيب عيال.. اولا كلامها يوم توصف نفسها بانها شجره مو مثمره والثاني انها ماجابت عيال عقب زواجها الثاني..ويمكن عقب اللي صار من ابوها يوم رفع على ابوه قضيه ويمكن طلقها تحت ضغط من امه النسره ..

هذا سبب من أسباب بتوضح لكم ..

اقتباس:

اما عاد جلوي ياااهووو فقع قلبي يوم يقول لها ماتبين تعرفين كم عندي من العيال من حريمي رووح ياااشيخ الله حسيبك مالت عليك وعلى السوالف اللي تجي من وراك..اجل هذا حوار يوسع الصدر الله لاااايردك انت وحريمك..

عاد قواة القلب مطلوبه هينا من الجاي هههههه

اقتباس:

اما نوير .. الصراحه انا متعااطفه معها جدااا جداااا بموقفها من جدها وعمانها.. حتى لو ابوها غلطان بس يبقى ابوها اقرب لها منهم واكيييد انها تذكر جدها وعمانها لانها ماكانت صغيره مرره يوم جدها يطرد ابوها يمكن كانت بالابتدائي...؟؟ يعني فوق العشر سنوات بتذكر كل حياتها معهم..

صحيح تتذكر كل شي بخلاف خواتها إلي ماأثر فيهم شي ..

اقتباس:

بادي اتوقع ان الجد بيطلب منه يتزوج من نوير.. بس انا ابيها لحمد اللي بغى يسوي حادث من صرختها على خواتها..ههههههههههه

هههههه .. فيه من يتوقع حمد لها .. وفيه من يبي بادي عاد هالشي بتعرفونه
زين بالأحداث ..<<< أحاول ماألمح :lol:

اقتباس:

عواد : احس عواد هذاااا ســــر .. مدري هو متزوج والا لأ؟؟ بس اتوقع لأ؟؟ واذا مو متزوج ليش وش السبب اللي خلاه ماتزوج؟؟؟ احسه بالثلاثينات مثل ماقلت قبل .. وحسسني بهالشي لبسه يوم يجي عندهم بياخذ البنات لجدهم..
وبعدين ياعواد ماعندكم سالفه يوم انكم زعلانين لان البنات يشتغلن بالعكس المفروض تفخرون فيهن انهن اشتغلن بالحلال وماراحن لدروب الحرام وخصووصاا انهم بديره مايعرفون احد فيها ولا يعرفون الناس هم من وين .؟؟

الوقفات عنده كثيره ..

اقتباس:

عمة البنات نووره هذي ماااحبيتها ابد ابد ابد.. واحس فيهااا شر مهوب بسيط.. وبعدين الحقيره كيف كانت تبيت اخذ البنات من ابوهن وامهن؟؟؟؟
الحرمه هذي وراها شي .. واتووقع انها اللي سممت اذن ابوها بالكلام عن اخوها عبدالله عشان يطرده.؟؟ ويقطعه كل هالسنين ويمكن هي بعد كانت توز اخوها عبدالله على ابوه..عشان كذا حلق على زوجته بالطلاق لو راحت لهم ومنع بناته من زياره جدانهم.. مع انه كان متواصل مع امه ولا قطعها الا بعد المرض..بس هو كان يزور الام والابو لأ.. يعني امه متواصله معه ومسامحته يا لانها عارفه ان ولدها مضحوك عليه والا انه تاب واناب...

دايم المشاكل يكون فيها من يسعى إنه يصب الزيت على النار ..
مهما كان من بيتضرر .. يجوز هالشي أو لأ .. يسعى فيه لمصالح شخصيه ..
أو إنتقام .. أو حتى رد أعتبار
ونوره هينا طرف

اقتباس:

كريس تسلم الايااادي وبانتظار البارت الجاي بكل الشوق لكن واللي يرحم امتس لا تقطعين بالقصه وكمليها .. ..

ويسلم أدياتس ع هالتعليق ..
وبإذن الله أنا معكم لين نوصل لهالروايه لبر النهايه ...

بارت جميل كريس سرد وحوار وتفاصيل مبدعه دوما .. شكرآ لك ولأناملك الجميلة ^_*

فيه نقطة ابي توضيح لها ( أنا .. أنا حمد ولد عبدالعزيز .. أرسلني عواد آخذكم مع عمي للــ .... ) ( عواد : والله ماادري وش تخربط فيه بس مر على أبوي ومنصور ولا تطمنت عليهم دق علي .. أنا أباخذ لي غرفه هينا
حمد تغير صوته : ليه أحد قايل لك أن أبوي أو جدي تعبان ... أنا على خبري العيال كلهم هناك .. ولو صار شي بيعطوني خبر أكيد ) في البداية قال أنا ولد عبد العزيز وبعدها قال أبوي من رد على عواد اتوقع سقط منك سهوا كريس يقصد في ابوي عمه منصور صح أو من باب التقدير قال أبوي .
(*مشعل يطالعه بصدمه : وش تبي في جوالها والله مايجوز ياجلوي ..؟ تلقاه طاح منها وهي ماتدري ) هنا مقطع من البارت الأول تو أركز عليه كيف جاء (جوال نوق) في سيارة جلوي وهي ما ركبت فيها*من الأساس ولا شافت جلوي الا بالشقه وحتى الزفه زفها عمها ويمكن من شافوهم في السوق جلوي وعواد اخذوهم معهم هذا التفسير الوحيد لوجود الجوال وحتى هي فاقدة جوالها بس يمكن عمها بدل السيارات وقت الزفه أعطى جلوي سيارته واخذه هو سيارة جلوي ومن زفها وخلص أخذ سيارته هذا تفسير ثاني لوجودة .
كثر ما ضحكت في موقف جلوي ولده من طاح عليهم فيصل وهم يرقصون هههههههههههههههههههههه موقف لا يحسد عليه .
( وش كان في بال أمه .. حتى تسوي معه هالحركة تقول له إن كل وحده من حريمه راحت لبيتها ... ووحده مقابلتها والثانيه بتزعل كم يوم وترجع ) وش قصدها في الحركة أمه ايش هدفها من قالت له يعني توقعت يترك زوجته نوق ويجيها عشان يتفاهم مع حريمه .
وعد مدبرة نفسها بنفسها أجل قلبها حاس أنها تبي تشوف عمها .. كثر ما ضحكت ع طريقه مشيتها من تناقز صراحه شفت ع الواقع اخوي صغير يمكن 5 سنوات يمشي وينقز ههههههههههه من ركزت في المشيه ذكرت علي وعد جلست اضحك .
العمه نورة ولدها فيصل ينطبق عليهم وفق شنن طبقه أهم شي عندهم القيل والقال الحمدلله الذي عافانا مما ابتلاهم به، والله القيل والقال أنها تجيب الهم ولا أحد يستفيد منها إلا مشاكل وجع رأس .وكلام نورة عن تربيه أم نوق صراحه مو مصدقتها يمكن تغار منها أو تشوف أنها أفضل منها وكذا ماتبيها ولا تحبها المهم أن أم نوق بعيد كل البعد عن ضنونها حرمه كافيه شرها ولو ماهي طيبه وفيها الخير كان ما زعلت من بنتها* ولا اهتمت في بادي*وربته من كان صغير واتوقع أنه كانت تنصح زوجها في زيارة أهله .*صدمني أبو نوق وفعلته في أبوه لكن وش قصده البيع والشراء مو إرث والا اقول يبي يارثه وهو حي وآخر شي طرده ولا استفاد شي .
ومن كلام الجد لنوق جلسنا ندفع*ثمن فضيحة أبوها وأخوها وانتي دفعتيها قبلنا اتوقع سبب طلاقها من جلوي كان احد من الاسباب الفضيحه وبعدين وش دخل أخوها في السالفه وكم كان عمره وقتها شيء يحير وكيف مات يعني حادث ويمكن هو وزوج أخته توفوا في حادث مع بعض*.. ومن تزوجت نوق أحد من قرايبهم أو كبير في السن* .. يلا مع الأحداث تبين الخوافي .
أما نوق وجلوي واتوقع واحد أسباب الطلاق يمكن ما حملت وطلقها لانها قالت انا ( الشجره إلي ماقدرت تثمر وش خلاك ياجلوي تستظل بظلها من جديد) ويمكن امه وراء السالفة بعد هي اجبرته واتوقع لها دور كبير في الطلاق ايش السبب مدري لكن هنا اقدر اقول أحد اتهمهوا في الباطل أو انظلموا ويمكن من أقرب الناس لهم مثلا عمتهم نورة أو أمه ( يرتب الأوراق المبعثره .. والظنون المدفونه فيه وفيها ) لكن نوق اقدر اقول انصدمت صدمة عمره من طلاقها بعد ما كان الحبيب والزوج كسرها وفوقها متوقع يرجع ويلقاها مثل ما كانت إلا انتزعتك من حياتها مثل ما نتزعتها أنت ويقولون البادي أظلم وانت ظلمت نفسك في الأول والأخير*وانت اللي بعت العشره .أما سالفته من قال ما عندك فضول تعرفيني حياتي وكم عيال عندي من زين سالفتك وهرجك ما أقول إلا مالت يا شيخة اعتذر لها وخلها ترجع النوق الأولى مو انسانه ثانيه فاقدة الثقة وخايفه* وش سر تحول شخصيتها الأكيد اللي عاشته وشافته ويمكن سمنتها أحد أسباب عدم ثقتها ولازم من رجعت في حياته جلوي وأهلها لازم ترجع النوق القويه اما في شخصيتها هذه تنوكل ما تأخذ حقها قسم مواجهة أم جلوي وحريمه وعمتها نورة يبي لها وحده قويه مو مهزوزة من الداخل كثر ما قهرني موقفها مع جلوي من رجعت من المستشفى من اعتذرت له هو المفروض يعتذر مو هي .عواد وما أدراك ما عواد ما ندري كيف حياته واللي فهمته انه شغله في الرياض وش مخبي لنا وانتي يا كريس قلتي راح يصدمنا انا من أول موقف له مع أم نوق وهو قاهرني وبعدين الموقف هذا (حس بشعور الفقد للمره الثانيه لكن هالمره كان كل شي في غير مكانه .. لا الأشياء عادت مثل ماكانت ولا تحققت مثل ماتمنى .. كانت متبعثره ..متناثره في الزوايا .. ضايعه وهو يواجه هالخساره في الفقد مع من يشاركه هالشعور ) فقد مين احس من هذا الموقف ويتضح لنا وش كثر انه غامض ولا ولا ندري وش وراء أحس انه كان متزوج وتوفت زوجته أو يقصد في الفقد وفاه أخوه راجح أو وفاه ولد عبدالله يمكن واجهة أم نوق وهي منكسره وضايعه من خير وفاه ضناها المهم راح تبين الخوافي مع البارتات الجاية .
أهم موضوع اتضح لي من الأحداث انه أبو نوق وبناته من صار اللي صار سكنوا الرياض واللي كان واضح من الأحداث انه من راحت نوق ونوير من ضمن الحريم اللي اشتركوا في البازار في عنيزة وهنا عواد وجلوي شافوهم وصار اللي صار بس كيف عرفوهم هنا السؤال أحد قايل لهم بنات عبدالله يشتغلن في السوق أو هم عرفوا اشكالهم أو يمكن كانت اسمائهم واضحه لهم أو حتى اصواتهن بس ما اتوقع كذا اعرفوهم .
موقف الجد والجدة من عرفوا في مرض ولدهم اوجعوا القلب وخاصه الجد انكسر وهو القوي يالله يارب تعافينا من جميع الأمراض وشفي مرضانا يارب* الموقف هذا ( تسانك تركته لربك تراه أرضاك بالحق إلي تملكه ياجدي .. وأنت تخبر زين أنك رفعت يدك عنا وعن مسؤليتنا وعيالك كل واحد لاهي في حياته .. جاي هالحين تلومنا ليش ) ايش قصده فيه تراه ارضاك بالحق ؟! واللي يقهر أن كل العايله تخلوا وانقطعوا عنهم يعني انجبروا البنات يشتغلون ولو موقف السوق كان محد سأل* لكن طريقة ارجاعهم للعائلة جدا مؤلمه لهم وخصوصا نوق زوجوها لللي باع عشرتها*والحين الجد يقول مابيهم يسكنون عندي عجيب أمره يعني خاف ما يقدر عليهم لكن لو ارجعوا لرياض أفضل لهن بس ما اتوقع يوافقون العيال راح يقنعون الجد وخصوصا بادي ويا زينه لو يتزوج نوير يناسب لها اتوقع صبور وراح يتحملها عكس حمد من أول لليله مطلقه عاد هي عليها لسان يأكل ديرة أتخيل لو قالوا خطبك بادي* تأكلوه ما أحس ماتبي ترتبط في هالعايله . انا متحمسه لمقابلة النوق مع الجد واعتذار نوير للجد انا بديت أتخيل المواجهه راح تدخل فيها بعد أم جلوي وجازي والعمه نورة واكيد نوير تأخذ حقها وحق خواتها وخصوصا لو أحد داس لنوق على طرف راح تطلع عيونهم متى الخميس يجي .
مكالمه جلوي لأمه من قال تركت لك الخيط والمخيط اذا تبين حريمي يرجعن وانت ولا همك في السالفه يا شيخ بس صراحه أعجبني من قال ترى حنا الطريقه ندلها اذا ما رجعن* المهم ايش قالت له أمه وخربت أخلاقه وش قالت عن النوق ؟! وهنا قصده في زواجها الثاني أو الأول أعطته الحل ؟! ( أن أمه عطته الحل لأصعب موقف كان بيواجهه بعد زواجه من النوق )
(ووجها حكاية من التعب ) هنا الجازي تهقون حامل وتعبانه من حملها ومن سوات جلوي ؟!
( كيف ياخذ النوق بهالشكل للمزرعه ) وهنا قصده ايش من سمنتها أو خايف من أمه وزوجته اذا واجهن نوق اكيد راح يسمعنها اللي يكدر الخاطر وكملتها العمه نورة موجوده يعني يا هلا بالعيد* . (جلوي وهو نوى من يبدى بالكلام .. مل من إنتظارها : نوق .. هو أنتي فعلا كنتي تبين ذياب ومتوقعه إنه بيتزوجتس ؟ ) شوفوا يا ناس قلت لكم من زين سوالفك قبلها ما تبين تعرفيتي عن حياتي وحريمي والحين ذياب قسم يجلط الواحد انا مدري كيف نوق متحمله وجالسه عنده وتسمعه من زين السوالف المهم من كلام جلوي هذا يدل على أن ذياب نيته شينه من البدايه يعني قاصد حركته وجت لجلوي على طبقه من ذهب زواجه منها ما كانت في الحسبان بس السؤال هنا وش مقصده من الحركه ذياب وش هدفه يعني مالقاء إلا في نوق يسوي هالحركه انتظر الجاي واشوف ايش يصير واعتذر من طول الرد كتبته بدون ما أرجع فيه ولا اختصر من شي

وسلامتك وانتظر الخميس ع خير *_*