|
حالة حب
بسم الله الرحمن الرحيم السلام عليكم ورحمة الله وبركاته أنا الريم لقيطة من دار أيتام حبيت انزل قصصي في منتداكم اللي سمعت عنه من احد متابعاتي ونصحتني فيه وحبيت ان شاء الله اقدر اضيف شي لكم ولو القليل طبعا الروايات فيه ثلاثة مكتملة ح انزلها ان شاء الله والرابعة جاري الكتابة ببدأ الحين بروايتي الاولى حالة حب وان شاء الله تنال الاعجاب :55: وهذه اول مرة انزل بمنتدى روايات نبدأ. . . البارت الاول لشخصيات :: البنات/ سارة عمرها 22 سنة حلوة طويلة مغرورة ومحد يملي عينها ابوها مدلعها اخر دلع وهي بنته الوحيدة فيها غمازات .. ميهاف عمرها 22 سنة صديقة سارة ابوها غني وتاجر معروف وأمها إيطالية تطلقت وسافرت بلدهم ميهاف ورثة منها العيون الملونة والجمال وعندها اخو من ابوها اسمه خالد وطيب معها واخت اسمها نوف ويكرهون بعض ونوف تغار من ميهاف ومرت ابوها قشرة حيل بس ميهاف شخصية قوية وماخذه حقها .. هديل عمرها 22 سنة صديقتهم حلوة كثير تحب الحب ماتعرف تعيش بلا حب بنت غنية وعندها اخ واحد اسمه نواف ..البندري عمرها 22 سنة صديقتهم وحلوة حيل ابوها موظف عند ابو سارة وضعهم المادي جيد بس مو مثل البنات طبعا .. عندها اخ اسمه بندر اصغر منها عمره 19 سنة وأخوات توأم حلا ولما أعمارهم 12 سنة .. العيال/ عبدالعزيز عمره 28 سنة ولد عم سارة ابوه متوفي وهو يدير حلال ابوه بعد وفاته شخصية قوية وماعنده لف ودوران عنده اخت وحدة اسمها هند .. خالد عمره 25 سنة اخو ميهاف يدرس طب دمه خفيف ومايحب يعصب كثير ويحب اخته ميهاف كثير .. نواف عمره 25 سنة يدرس هندسة وصوته حلو لما يغني ويحب أصحابه كثير ليل نهار معهم .. سلطان عمره 25 سنة ولد عم سارة وعبدالعزيز صايع مايهمه شي الا البنات والفلوس ويغار من عبدالعزيز كثير . . في بيت سارة المنبه يدق وسارة ماصحيت للحين الغرفة باردة زي الثلج وظلام وجوال سارة ع الهزاز هديل تتصل عليها شوي سارة فتحت الخط سارة : هممممم هديل : لا والله للحين نايمة قومي طال عمرك جالسين ننتظرك بالجامعة تشرفين سارة بنرفزة : بسم الله الرحمن الرحيم انتي اهلك وش مفطرينك من صبح ربي لوك لوك لوك بالعة راديو قولي يا صباح اعوذ بالله 😐 هديل : مو حضرتك نايمة واحنا بالخياس بالجامعة وننتظرك ماراح نحضر الا لما تجين 😒 ملاحظة :: البنات كلهم قسم واحد تخصص ادارة اعمال. سارة : أمكم لا أمكم حشا وش ذا ولا تصارخين بقوم أخذ شاور واجهز هديل : سارة أعرفك مو ترجعين تنامين سارة : عووع عووع بقوم خلاص اكلتيني 😷 وقفلت منها وقايمة تتجهز عند البنات بالجامعة ميهاف : ها سارة متى جاية هديل : تقول تاخذ شاور وتجهز وتشرف البرنسيسة البندري : اجل خل نشرب كوفي ونروق ع بال ماتجي سارة البنات : يلا عند ابو سارة بالشركة جالس ومعه ابو البندري ابو سارة : ها يا ابو بندر حليت موضوع الصفقة الجاية ولا لا ابو بندر : ايه طال عمرك كل امورنا تمام بس في مشكلة صغيرة ابو سارة : اللي هي ؟! ابو بندر : طال عمرك لو دخلنا هالمناقصة الميزانية تكفي لها اكيد بس لحد مانسترجع ربحنا بيكون عندنا نقص في السيولة ولا تنسى طال عمرك عندنا مشروع المدينة الطبية اللي بالدمام واحنا نحتاج السيولة ابو سارة : فهمت فهمت بس شلون نحل الموضوع المناقصة مانقدر ننسحب منها لان عائد الربح بيكون ضعف اللي بندفعه والمشروع مافينا نأجله واحنا بدينا فيه وعندنا عقد لازم نلتزم فيه ابو بندر : طال عمرك انا عندي الحل ابو سارة : اللي هو ؟؟ ابو بندر : طال عمرك ليش ما يدخل عبدالعزيز ولد اخوك شريك معنا بكذا الميزانية ماتتاثر ونستفيد من عقل عبدالعزيز لان عبدالعزيز مو هين بالسوق ابو سارة : صحيح عبدالعزيز رغم صغر عمره الا انه حكيم وهالشي وارثه عن ابوه الله يرحمه يارب ودراسته بأمريكا فادته صحيح اللي خلف مامات اجل ع بركة الله أعزمه اليوم ع العشا ونشوف وش يقول ابو بندر : على بركة الله في جامعة البنات سارة توها توصل سارة : هاااي هديل : بدري لا بدري توك تشرفين البرنسيسة ميهاف : لا اله الا الله هديل خل تاخذ نفسها البنت سارة : ايه يا ميهاف مدري ايش فيها علي من صبح ربي اكلت قلبي البندري تضحك : هديل اصلا ماترتاح الا لما تناقر الكل هديل : لا والله الحين كلكم مع سارة صرتم وتوكم تقولون سارة تأخرت ميهاف : اقول يلا عن البربرة الزايدة وخل ندخل المحاضرة عند العيال بالجامعة نواف : شباب وش رايكم نسحب ع ام المحاضرة ونرجع الاستراحة وشيشة وبالوت محمد خويه : يا ولد اركد توك مامداك توصل للجامعة وتقول يا هادي قلت الاستراحة وش انت نواف ترا والله بيجيك حرمان من كثر ماتسحب فيصل : محمد خف علينا يا الخوارزمي ترا كله عذر تزوره وتعطيه الدكتور وش يعني وكل سنة نفس النظام وش استجد هالسنة ؟؟ نواف : الله يا حكيم يا فيصل كم احبك يا رجل محمد : ايه كلام الشياطين تحبه سبحانك ربي فيصل ونواف يضحكون عند البنات بالمحاضرة سارة جنب ميهاف سارة : ميهاف احس فيك شي من جيت شكلك مو عاجبني ميهاف : سارة خلنا بالمحاضرة سارة : تكفين بتفوتنا الذرة الحين ، قوليلي وش فيك لا تتهربين الدكتورة : سارة عندك كلام عايزة تقولي تفضلي بره سارة : لا دكتورة كنت ابي قلم بس الدكتورة : دايما عزركم القلم ح اجيب معايا درزن اقلام المرة الجاية انتبهوا للشرح سارة : مصيبة ان شاء الله المهم ميهاف مو تاركتك بعد الجامعة ي تجيني ي اجيك ميهاف : مقدر اطلع سارة : خلاص انا عندك اليوم الدكتورة : سارة وبعدين سارة : خلاص والله اخر مرة . . بعد الجامعة البنات رجعوا بيوتهم وسارة استأذنت من ابوها وراحت بيت ميهاف تغدوا وطلعوا ع غرفة ميهاف .. سارة : ميهاف حبيبتي قوليلي شنو فيك لا تخبين علي انا مثل اختك ميهاف : بعد عمري والله ادري بس تدرين مابي اضايقكم بمشاكلي ابوي مسافر له اسبوع وزوجته من سافر ع الدخلة والطلعة ترمي كلام علي تعبت منها والله مليت من هالعيشة ابوي طلق امي من سنين وتعتبرني انا شريكتها مو امي زين انا شدخلني وانا اصلا ما اتذكر حتى صورتها ولا ادري هي حية ولا ميتة .. سارة : حبيبتي ميهاف تقولك كلمة ردي عليها 10 وبعدين خالد اخوك وينه ميهاف : خالد اغلب وقته بره يرجع من الجامعة متأخر وينام ويصحى يطلع يطبق بمستشفى مو فاضي أبد سارة : زين وش رايك تتصلين ع ابوك وتقولين له انك بتنامين عندي لين يرجع وبكذا تكوني كسرتي الشر وافتكيتي منها ميهاف : صدق زين اهلك مايقولون شي سارة : اقول كولي تبن واتصلي على ابوك تعرفين اهلي مايتضايقون منكم ويحبونكم حيل .. ميهاف بابتسامة : اوكي بيت سلطان ابو سلطان : وينه هالصايع اللي الناس تشتغل تداوم وهو خامد بسريره وان صحى راح لربعه الخمه اللي مثله ام سلطان : شدعوة يا ابو سلطان وش مسوي ولدي ابو سلطان : اسكتي انتي كله منك من دلعك له خرب الولد شوفي عبدالعزيز ولد اخوي رجع بشهادة من أمريكا والحين داير حلال ابوه مو ذا لا دراسة ولا شغل ملاحظة وضع ابو سلطان مو مثل اخوانه ابو سارة وأبو عبدالعزيز لانه اشتغل بالبورصة وخسر كل ثروته وفاتح له شركة عقار صغيرة .. سلطان صحى : خير شنو فيه ماتخلون احد ينام بهالبيت ابو سلطان : اسفين طال عمرك اسفين ازعجناك قوم قابل دراستك شوف نفسك ماتشوف ولد عمك شلون سلطان : يبه لو سمحت لا تقارنني بولد اخوك من زينه عاد وش يعني دارس بره يشوف نفسه ع العالم انا لو ابي كنت جبت اعلى من شهادته بس مابي ابو سلطان : زين ورني شطارتك وجيب اعلى من شهاداته مو نوم وكسل وصياعه ببيت سارة رجعت سارة ومعها ميهاف دخلت ع امها سارة : مساء الورد ع احلى ام بالدنيا ام سارة : هلا هلا ببنيتي سارة وبنيتي ميهاف زارتنا البركة ماما ميهاف سارة : ماما ميهاف بتنام عندنا اسبوع ام سارة : حياها الرحمن العين أوسع لها من الدار ميهاف : مشكورة خالتي |
رد: حالة حب
البارت الثاني خالد صحى من النوم ونزل لامه بالصالة خالد : مساء الخير ام خالد : مساء النور خالد : لحالك اشوف وين الباقين ام خالد : نوف بغرفتها خالد : وميهاف ؟ ام خالد : البازع اختك راحت مع صديقتها سارة وبتنام عندها اسبوع استأذنت من ابوك والله اعلم وش قايلة له عننا الحين عاد ابوك مايصدق خبر بيحط اللوم ويقول مسوية شي لحبيبة قلبه خالد : يمه ابي افهم ليش تكرهين ميهاف لهالدرجة ام خالد : انا ما اكرهها بس كل ما اشوفها تذكرني بأمها وأحس ابوك يحبها ومفضلها عشان الإيطالية امها مالت عليها وع امها خالد : الله لهالدرجة تغارين على ابوي 😂 ام خالد : بس بس اسكت انت ببيت ابو سارة بمجلس الرجال ابو سارة وعبدالعزيز ابو سارة : وهذا يا ولدي يا عبدالعزيز موضوع المناقصة والمشروع وانت اختار بشنو تشاركنا او لا القرار عندك .. عبدالعزيز : والله يا عمي مو لانك عمي وحسبة ابوي بس شهادتي مجروحة مشاركة رجل اعمال بوزنك مكسب كبير لنا اكيد بس انا محتاج ادرس المشروعين ابو سارة : اكيد من حقك وانا ع العموم جهزت لك الاوراق كلها وبجيبهم لك من المكتب انتظرني وانا ابوك والبيت بيتك راح ابو سارة للمكتب وجاه اتصال ورد عليه وبهالوقت سارة نزلت تحت ولابسة نفس اللي بالصورة وتبي ابوها وسألت الخدم قالولها جالس بالمجلس بس ما قالولها انه فيه احد وراحت هناك ودخلت ع طول وعينها ع الجوال وتتكلم سارة : بابا حبيبي انا وعمري انا ابي منك.... عبدالعزيز ماسك ضحكته ويناظر فيها وهي طلعت ركض للغرفة وقلبها يدق بسرعة .. ميهاف: بسم الله عليك وش فيك سارة : ..... ميهاف : هيه بنت وضربتها بعلبة الفاين سارة : هاه مافي شي بس تعثرت بالدرج وهي تفكر مين اللي تحت كان ملامحه مو غريبة .. ملاحظة :: عبدالعزيز بعيد عن العيلة شوي كان يدرس في أمريكا وآخر مرة شاف سارة وهي بالثنوي وكانت صغيرة وتلبس نظارات وشعرها قصير عند عبدالعزيز : معقولة هذه سارة بنت عمي يالله الدنيا شلون تتغير وشكثر كبرت هالبنت وتغيرت ابو سارة : وهذه الاوراق يا عبدالعزيز وانا ابيك تدرسه وتقوللي رايك فيها لان انا بكرة عندي سفرة لدبي وبجلس هناك يومين ثلاثة وبعدها انتظر ردك .. عبدالعزيز : أبشر يا عمي انا استأذن الحين ويمشي ابو سارة : حياك الله r.m.15طلب من الخدم يجهزون اغراضه للسفر طبعا ابو سارة كذب مو مسافر دبي مسافر لندن وبتعرفون عقب ليه .. صباح اليوم الثاني سارة تدور ابوها قالوا لها سافر وانقهرت تبي تعرف مين اللي كان عند ابوها تحت وامها نايمة وماحبت تزعجها طلعت هي وميهاف للجامعة وتتصل هديل عليهم .. هديل : سارة وينكم ؟ سارة : رايحين انا وميهاف الجامعة ليش ؟ هديل : سارة تكفون انا بورطة أبيكم تجون الحين البيت وكلموا البندري سارة خافت : هديل ايش فيك تكلمي ؟؟؟ هديل : بعدين تعالوا لي بسرعة باي ميهاف : خير سارة وش فيه ؟؟ سارة ؛ مدري الله يستر امين ( السواق ) بسرعة روح بيت هديل وانتي ميهاف اتصلي ع البندري وقوليلها .. عند هديل : يارب وش اسوي بهالبلوة ومنهارة بكى طبعا البيت مافي الا الخدم امها طلعت دوامها لانها دكتورة بالجامعة وأبوها بالشركة ونواف بالجامعة .. وصلوا البنات والبندري وصلت بعد .. هديل تبكي : بنات انا بمصيبة البنات : ايش فيك خبصتي قلوبنا هديل : بنات تذكرون راكان اللي قلتلكم عنه سارة : ايه السالفة كذا وش هبب خانك ولا طلع متزوج هديل تبكي : لاااااا البندري : اجل وش فيه طيحتي قلوبنا هديل : العطلة اللي فاتت لما كنت بدبي هو كان هناك وعزمني ع مطعم وطلب لي ارقيلة وعسلت معه البنات : كملي هديل : عقب جلس جنبي وقرب مني وقال خل نتصور سيلفي للذكرى ميهاف : وانتي الحمارة تصورتي معه هديل : ايه سارة : وويعيه ان شاء الله كملي وبعدين هديل : تصورت معه اكثر من صورة والحين جالس يهددني ويقوللي بتوصل الصور لنواف اخوك لو ماجبتي لي 20 الف بنات انا الفلوس ماتهمني بس خايفة يطلب شي اكبر من الفلوس سارة : اكيد بيطلب اكبر من الفلوس حسبي الله عليك وع خبالك لمتى كذا انتي لمتى دبشة تثقين باي ولد وتأمنين له ميهاف : هالكلام ماعاد يفيد الحين وش بنسوي بهالمصيبة البندري : من جد وش الحل الحين ميهاف : الحل نبلغ الهيئة هديل : لا لا وش هيئته بننفضح البندري : وش ننفضح انا سمعت عن بنات كثير تعرضوا للابتزاز والهيئة ساعدتهم هديل : لا اخاف يمسكونه ويطلع وينتقم مني هذا خالص بايعها سارة : هديل معها حق لازم نشوف حل اسمعي اعطيني رقمه لقيت حل هديل : وش بتسويين سارة : انتي هاتي الرقم بس عند راكان جالس بالقهوة مع العيال ويقول لهم راكان : عيال طحت لكم ع كنز وبنشبع منه وليد : هههههههه راكان لا يكون النظام القديم تخرفن لك متزوجات ولا دكتورات راكان : لا يا حبيبي هالمرة غير بنت عز وخير ترمي الألف كأنها رمت ريال وليد : يلا اللي يجيك من ورآها لا تنسى أحبابك يرن جوال راكان رقم غريب سارة : الو راكان : هلا والله سارة : راكان ال .. راكان : وصلتي سارة : طيب ممكن أخذ من وقتك دقايق راكان : خذي العمر كله يا حياتي سارة لاعت كبدها : زين ممكن نلتقي بمكان ونتكلم راكان مستغرب : انزين ممكن اعرف مين حضرتك سارة : لما نلتقي تعرف راكان : لا اعرف مين انتي قبل سارة قفلت معها : طيب انا سارة ال .. صاحبة هديل راكان مصدوم لان عيلة سارة معروفة : والمطلوب سارة : نتقابل وتعرف المطلوب راكان : اوكي ننقابل ليش لا وقفل البنات مصدومين ميهاف : على ايش ناوية انتي سارة : تعرفون بعدين والحين بقابله زفت الطين هديل : سارة انا خايفة سارة : لازم تخافي طبعا نفسي اصفقك كف محترم عند عبدالعزيز بالشركة راشد ( مدير مكتبه ) : طال عمرك عندك موعد بعد ساعة بالمطعم ... عشان عقد الشركة في دبي عبدالعزيز : طيب يا راشد جهزت اوراق العقود راشد : كل شي جاهز مثل ما امرت عبدالعزيز : اجل يلا مشينا بنفس المطعم سارة التقت براكان راكان : ها يابنت الشيوخ جاية بالضبط ليش سارة : اسمعني يا راكان زين انا لو ابي انهيك انهيك بثانية راكان : بلاش اسلو سارة : اخرس واسمع اللي بقوله للاخر انا مو هديل ولا اي بنت عادية تعرف زين انا بنت مين ومين وراي وبظهري واللعب مع الكبار مثل اللعب بالنار يا راكان الصور اللي عندك تنمسح فورا ولو فكرت تضر هديل والله والبيت اللي بناه الله لا انهي مستقبلك بكلمة مني .. بهالوقت دخل عبدالعزيز ولمح سارة لان سارة تتحجب بس مع راكان وانصدم وشلون بمكان عام وكذا راشد : أستاذ عبدالعزيز الجماعة منتظريننا ع الطاولة عبدالعزيز : وعينه ع سارة ماشي راكان : انا ما اتهدد يا سارة سارة : انا قلت اللي عندي وانت عقلك برأسك وقامت مشت البنات قلقانين بالسيارة وسارة كانت فاتحة لهم الجوال وسمعوا كل الكلام اللي بينهم وجت سارة وركبت السيارة البندري : ماعرفتها المهايطية سارة : اوش اوش بس امين تحررررررك بسرعة عند عبدالعزيز مو مركز معهم ويفكر بسارة ومين ذا وشاف راكان قايم وقام لحقه عبدالعزيز وشافه ركب السيارة وسجل رقم اللوحة ورجع لضيوفه ولما خلص طلب من راشد يشوف رقم اللوحة ويجيب له برنت كامل عن صاحب اللوحة البنات راحوا بيت سارة هديل : يمه يمه يا سارة من وين هالقوة ميهاف : ماعرفتك ماعرفتك والله سارة : كلمتين من أفلام العربي ومشي الحال😄 هديل : طيب لو ماخاف سارة : لازم يخاف وبيخاف صح انا هددت كلام بس اسم عيلتي مو شوي واصلا شفت الخوف بعيونه البندري : طبعا مو انتي بنت ال ( ... ) اكيد بيخاف عند سلطان وابوه سلطان : يبه وش رايك أخطب سارة ابو سلطان : ايه يلا نروح .. انت صاحي يا ولد سارة توافق عليك ع شنو سلطان : ولد عمها ابو سلطان : وعبدالعزيز ولد عمها بالله انت ولا عبدالعزيز سلطان : ياليل عبدالعزيز وسنينه الحين وش جاب طاريه ابو سلطان : مو عمك لو يبي عريس لبنته الوحيدة اكيد ماراح يفكر الا بعبدالعزيز سلطان : ماراح أخليه ياخذها هي لي هي وحلالها ابو سلطان : خير ان شاء الله عند عبدالعزيز جاه راشد ومعه برنت عن راكان راشد : تفضل طال عمرك هذا برنت عن صاحب اللوحة اسمه راكان ال واحد كحيان عايش ع قفا الحريم وله محاضر كثير بالهيئة عبدالعزيز : حطه وروح عبدالعزيز يقرا البرنت والدم يغلي بعروقه شلون سارة تنزل لمستوى هالأشكال شلون بنت عمه تطلع مع هالأشكال ولا تعرف هالأشكال لازم اقول لعمي عن كل شي .. عند خالد .. خالد بالمستشفى عنده تطبيق كالعادة ومعه صاحبه تركي خالد : تركي وش عندنا اليوم بالجدول تركي : عندنا عملية قلب مفتوح اليوم نحضرها خالد : كويس كويس هند : سلام خالد وتركي : وعليكم السلام هند : وين ألقى الدكتور عبدالرحمن انا جديدة في التطبيق خالد : تلقينه في الدور الثالث اسألي الرسبشن هناك ويدلونك اختي هند : اوكي مشكور بس انت دكتور هنا خالد : لا انا طالب تطبيق اسمي تركي ال هند : تشرفنا وانا بعد تطبيق اسمي هند ال خالد : ونعم بس فهد ال وش يصير لك هند : عمي ليش تعرفه ؟ خالد : صديق الوالد وبنته صاحبة اختي هند : ايه اسمك مو غريب ميهاف اختك خالد : بالضبط هند : تشرفنا خالد : وانا بعد حياك طبعا هند اخت عبدالعزيز وبنت عم سارة تدرس طب وبدأت تطبيق بالمستشفى |
رد: حالة حب
البارت الثالث بعد يومين رجع ابو سارة من سفرته ومن المطار على شركة عبدالعزيز وعند عبدالعزيز بالمكتب .. عبدالعزيز : الحمدالله على السلامة يا عمي حياك ونورت عبدالعزيز بنفسه يقول ( دامه وصل لعندي اقوله عن سارة ) ابو سارة : الله يسلمك يا عبدالعزيز يا ولدي انا جايك من المطار يا ولدي عليك ابيك بموضوع مهم عبدالعزيز : آمر يا عمي وش صاير ابو سارة : انا يا عبدالعزيز ماكنت بدبي انا كنت بلندن عبدالعزيز انا صار لي سنة اجري فحوصات وتحاليل وطلع عندي سرطان في الدم وما باقي بالعمر شي عبدالعزيز مصدوم : عمي وش هالكلام وش قاعد تقول ابو سارة : اسمعني يا عبدالعزيز انا بحملك أمانة كبيرة بتكون قدها ولا لا ؟ عبدالعزيز : انت تؤمر يا عمي عند هديل بالبيت نواف جالس يغني شوق وهديل متسلطنة وفجأة سكت وقالها هديل هديل : خير نواف : شاخبار ميهاف ؟؟ هديل : نعم وانت وش دخلك فيها نواف : اعوذ بالله محد يسألك عن شي انتي سالت عادي هديل : ايه عادي لو سألت عن الكل بس ميهاف بالتحديد فيها ان نواف : بس بس يا مرت كونان بطلت اسال مابي اعرف شي بس انا اذكر انك قلتي لي انه مرت ابوها غاثتها ومشاكل مع اختها هديل : ايه يا عيني على الحنون طيبة ماعليها نواف : دوم يارب هديل : حبيبي الحنون انا بشركة عبدالعزيز ومصدوم من كلام عمه : عمي هالطلب كبير وامانة كبيرة ابو سارة : وانا لو ما ادري انك قدها ماكنت جيت وطلبتك هالطلب عبدالعزيز : بس عمي ابو سلطان ماراح يسكت عن هالشي ابو سارة : عشان نسكته انا ابيك تتزوج سارة عبدالعزيز بينه وبين نفسه ما اقدر اقوله عن سارة ولو تزوجتها بقدر أحميها من الغلط غصبا عنها : انا موافق يا عمي انت حدد وانا جاهز ابو سارة : الله يبارك فيك يا ولدي بعد ماطلع عمه من عنده عبدالعزيز أخذ البودي قارديه وراحوا لعنوان راكان .. r.m.15راح عبدالعزيز للمزرعة وأمر الرجال يروحون لعنوان راكان ويجيبونه ودقوا جرس الباب وطلع لهم راكان وقالوا له انت راكان ال راكان : ايه الرجال كتفوا واخذوا بالجيب للمزرعة اللي فيها عبدالعزيز عند ابو سارة ابو سارة : سارة بابا ابي افاتحك بموضوع سارة : خير بابا ابو سارة : قبل ما اسافر جاني ولد عمك عبدالعزيز البيت سارة بنفسها طلع عبدالعزيز ولد عمي اجل : طيب وايش يبي ابو سارة : يبي يخطبك سارة : ايش ؟؟ وجهها قلب ألوان ابو سارة : وانا أعطيته كلمه يا ابوي سارة : بس بابا انت كيف تعطي كلمة وانت ما سألتني ابو سارة : سارة انا ابي اتطمن عليك قبل لا اموت سارة : بسم الله عليك يا بابا ابو سارة : سارة اسمعيني زين انا ما اثق بأحد بهالدنيا الا بعبدالعزيز محد بيحميك الا عبدالعزيز وبعد عيني مابيك تثقين بأحد الا بعبدالعزيز سارة : ليش عبدالعزيز بابا ليش مو عمي ابو سلطان وولده سلطان ابو سارة : عمك وولده يا بنتي ما اقول فيهم شي بس عبدالعزيز غير يا بنتي سارة بكت وحضنت ابوها : بابا كلامك خوفني حسسني انه مالي ظهر بعدك ابو سارة : أمانك بالله ثم عبدالعزيز يا بنتي بمزرعة عبدالعزيز كتفوا الرجال وضربوه وطلع عبدالعزيز وجلس ع كرسي رجل ع رجل وأمر الرجال يفضون المكان عبدالعزيز : راكان اللعب ببنات الناس مو سهل ولا هين راكان يتنافض : انا انا مو فاهم عبدالعزيز قام من مكانه وعطاه كف : لا فاهم يا راكان وبنات العوايل تبعد عنهم وماتقرب منهم ولا اقسم بالله امحيك .. عبدالعزيز يقصد بكلامه سارة وراكان فهم انه هديل المقصودة وخاف ووعد عبدالعزيز انه ماعاد يقرب منهم .. بعد ما طلع راكان اتصل على هديل .. هديل : خير وش تبي راكان : انا اتصلت عشان اقولك انه مسحت كل صورك ومابي اي شي منك هديل مستغربة : نعم راكان : اللي سمعتيه وانا الحين بمسح رقمك ومع السلامة هديل قفلت ومستغربة وتقول بنفسها والله يا سارة طلعتي مو هينة وتهديدك خوفه .. هديل اتصلت مكالمة جماعية ع البنات هديل : بنات تخيلوا راكان اتصل وقال انه مسح الصور وبيمسح رقمي بنات مو مصدقة افتكيت منه سارة : عشان تعرفين بس قوتي ميهاف : والله شي غريب دام كلمتين من هالافلام نحفظها ونخرع العيال فيها اجل ماتعبوا البنات البندري : بس برضك انتبهي هديل وخوفه غريب سارة : اكيد تنتبه ولا عاد تثقين بأحد لان ماراح أساعدك بشي المرة الجاية هديل : ان شاء الله سارة : المهم بنات عندي خبر لكم البنات : ايش سارة : عزوز ولد عمي خطبني البنات : احلفي / كذابة / قولي والله سارة : لا مقلب ايه جد خطبني وأبوي وافق ميهاف : وانتي سارة : مدري بس اللي اعرفه عبدالعزيز يشبه ابوي مو بالشكل بعقله وانا طول عمري اقول ابي واحد نفس ابوي بهيبته وبقوته وبشخصيته هديل : يا حبيبتي يا سارة الله يتمم لك يارب البندري : ببكي والله وناسة وحدة مننا عروس ميهاف : من جد ومتى الملكة والعرس نبي نجهز من الحين سارة : بسم الله مدري عن شي لسا ابو سارة اتصل على ابو سلطان وعزمه هو وسلطان وعزم عبدالعزيز عشان يعلن عن خطوبة عبدالعزيز وسارة خالد دق الباب على ميهاف خالد : ميهاف فاضية ميهاف : ايه لحظة بنات خالد يبيني أكلمكم بعدين باي خالد : ما شاء الله خط جماعي بعد ماتملون من بعض انتم ميهاف : قل اعوذ برب الفلق اذكر الله خالد خالد : هههههه الف من ذكره وبعدين انتم غير قابلين للحسد من سنين وأنتم كذا الله لا يغير عليكم ميهاف : امين .. ها وش عندك ؟ خالد : بسألك عن بنت عم سارة صاحبتك هند ميهاف : وايش دراك عنها انت خالد : لا بس اليوم جت تطبق عندنا بالمستشفى وشفتها ميهاف : ايه يا حليلها هند تدرس طب طيبة وحيل متواضعة خالد : اها حليلها والله ايه باين عليها محترمة واخلاق ميهاف : ايه تدري انه اخوها عبدالعزيز خطب سارة خالد : ماشاء الله تستاهل سارة كل خير وعقبالك حبيبتي ميهاف : وعقبالك حبيبي ببيت ابو سارة سارة جالسة بالحديقة و كانت تغني / صوت سارة حلو ومبحوح لما تغني نكمل جا عبدالعزيز ولمحها وقرب منها وسمع صوتها وهي تغني وفهى بس قال في نفسه خسارة هالجمال ضيعته بالغلط الله يعينني عليها سارة حست في حد ولفت لمحت عبدالعزيز استحت ووجها قلب وركضت ع جوه عبدالعزيز بنفسه يقول مسويه تستحي |
رد: حالة حب
البارت الرابع دخل عبدالعزيز المجلس عند عمه وسلم عليه ابو سارة : عبدالعزيز بعد ما أكلم عمامك نبي نستعجل بالملكة عبدالعزيز : عمي ليش العجلة في وقت ابو سارة : لا يا عبدالعزيز مافي وقت عبدالعزيز : اللي تشوفه يا عمي بنفسه عبدالعزيز يقول الله يعينني على هالامانة وبهالوقت دخل عمه ابو سلطان وسلطان وسلموا وجلسوا .. عند بيت أهل ميهاف .. ام خالد عندها اختها وجالسين اختها عندها ولد اسمه عبدالله عمره 24 سنة تافه ماعنده سالفة وفاشل بدراسته وعايش ع حساب امه وابوه وأمه عندها بيوتي سنتر كبير .. ام عبدالله : ام خالد ابيك تكلمين ابو خالد وتخطبين ميهاف ام خالد : مدري وش تبين بميهاف لا حلا ولا قبلة ام عبدالله : ميهاف لا صارت تحت عيننا وبيدنا تضمنين حلال عيالك ماراح يدخل عليه غريب بعد عمر طويل لأبو خالد ام خالد : أكلمه واشوف ميهاف سمعت كل شي وطلعت تبكي واتصلت على سارة ماترد واتصلت على البندري وقالت لها والبندري كانت عندها هديل هديل : حسبي الله عليهم يبون يدبسونها بهالفاشل لان محد عندها البندري : ايه بس خالد ماراح يخليها تتورط هالورطة هديل : ان شاء الله يلا انا سواقي بره بروح البندري : ماشي عند ابو سارة :: ابو سارة : حي الله اخوي وولده ابو سلطان : الله يحييك يا الغالي سلطان : الله يسلمك يا عمي ابو سلطان : وانت يا ولدي عبدالعزيز شلونك وشلون الاهل عبدالعزيز : الحمدالله بخير الله يسلمك وانت علومك يا عمي ابو سلطان : الحمدالله سلطان يناظر عبدالعزيز بحقد ابو سارة : انا يا ابو سلطان عزمتكم الليلة عشان اقولكم عن خبر ابو سلطان : خير ان شاء الله ابو سارة : عبدالعزيز ولد اخوي محمد خطب سارة بنتي وانت أعطيته ابو سلطان وسلطان مصدومين وسلطان بينجن وعصب وقال بنفسه حتى سارة اخذتها يا عزيز .. ابو سلطان : الف مبروك يا ولدي يا عبدالعزيز منك المال ومنها العيال ونعم ما اخترت عبدالعزيز : الله يبارك فيك يا عمي وعقبال سلطان ان شاء الله ابو سلطان : اجل احنا نستأذن وان شاء الله لم تحددوا موعد الملكة بنكون موجودين ابو سارة : على بركة الله تحددت ملكة سارة وعبدالعزيز وسلطان قلبه محترق غيره سلطان : يبه شلون عزيز ياخذ سارة شلون ابو سلطان : مو مهم المهم انه سارة بتكون زوجته الحين سلطان : والله ماراح أخليه يتهنى فيها البنات كلهم بالمول ويدورون فساتين للملكة هديل : اوف اوف ياربي انتي وتوقيتك الغلط سارة : وانا ايش دخلني ابوي مستعجل ع وش مدري ميهاف : بنات تعبت خل نجلس بكوفي نشرب لنا عصير شي تعبت البندري : ايه والله انا تعبت من الفرة وهم ماشيين قابلوا هند وسلمت على سارة هند : سارة كيفك يا عروس سارة استحت : تمام الحمدالله انتي شلونك هند : والله كنت بخير بس مع الملكة المفاجئة انحست اخر حوسة ههههه ميهاف : ههههه ايه والله حاستنا الا كيف التطبيق معك تركي اخوي معك بنفس المستشفى هند : ايه شفته والله التطبيق متعب الله يعيننا بعد التخرج هديل : هند لقيتي لك فستان ولا لسا حنا عجزنا مالقينا هند : والله ولا انا اخرها بكلم اي مصمم يجهز لي سارة : صح شلون راحت عن بالي هالفكرة نشوف لنا مصمم بدال اللف ذا صار لنا يومين ميهاف : اجل خلاص يبيلنا كذا سارة : اجل انا بطلب فستاني وفستان البندري لان انا حلفت ان صديقة عمري من الطفولة راح يكون فستانها بملكتي وعرسي علي .. سارة تعرف ظروف البندري وماحبت تحرجها .. البندري بصدمة : سارة حبيبتي مابي أكلف عليك مشكورة انا سارة : انا قلت حلفت يا بندري وماراح ترديني البندري : حبيبتي انتي وتجهزوا البنات وجهزت فساتينهم وجا يوم الملكة وملكت سارة ع عبدالعزيز ويوم الملكة طبعا كانت بقاعة فخمة وسارة طلعت مثل الأميرات لبست فستان ذهبي بدون اكمام وفكت شعرها ودخل عبدالعزيز وأبو سارة القاعة ولبس عبدالعزيز الشبكة لسارة وكان منبهر بجمالها بس بداخلها كارهها ومو قادر يحبها والبنات دمعت عينهم لسارة وهند بكت ملاحظة :: ام عبدالعزيز تطلقت من ابوهم من سنين وتزوجت وهم مقاطعينها مايكلمونها .. وبعدين عبدالعزيز أخذ سارة وطلعوا لان ابو سارة كان مجهز لهم جلسة فوق وعشا وعشان يعرفون بعض اكثر .. سارة كانت تتأمل بعبدالعزيز وهي منبهره بهيبته ورجولته وتقول بنفسها هذا هو اللي أتمنى يكون زوج لي بس عبدالعزيز قاطع افكارها وصدمها بسؤال : اقول سارة شاخبار حبيبك ؟؟ سارة : نعم !!!!! عبدالعزيز : حبيبك راكان ال سارة مصدومة : انت عن ايش تتكلم عبدالعزيز يبتسم : اللي كنتي معاه بالمطعم وشفتك معه وكنتي جالسة بكل ثقة ومحد هامك سارة : هذه قصة قديمة وانتهت ومالك فيها .. سارة ماحبت تفضح هديل عبدالعزيز ينفجر ضحك : انتهت ومين اللي أنهاها انا اللي انهيتها يا حبيبتي ولا ماقالك حبيبك انا وش سويت فيه بالمزرعة سارة فهمت ان راكان ماترك هديل عشان تهديدها : انا ما اعرف وش صار بينكم بس هذا موضوع قديم وانتهى عبدالعزيز يصرخ ويضرب ع الطاولة : وانتي ع بالك بنسى لم تقولين كذا ولا بسامح بنت عمي اللي خانت الثقة سارة وعيونها دموع : اجل ليش خطبتني عبدالعزيز : بتعرفين بعدين ليش بس ابيك تعرفين انه زواجنا صورة قدام الكل ولو فتحتي فمك بحرف راح ادمرك يا سارة فهمتي سارة خافت وعيونها امتلت دموع وعبدالعزيز ماقدر يشوف دموعها وطلع سارة انهارت لحالها وبعد ساعة رجع عبدالعزيز رجعها البيت طلعت الغرفة خذت شور ونامت وهي خايفة من بكرة وماتقدر تقول لهديل ولا تقدر تفضحها نامت وهي تبكي ... اليوم الثاني جتها ميهاف البيت وأول ماشافتها |
رد: حالة حب
البارت الخامس نواف : بدخل بالموضوع ع طول انا ابي اختك ميهاف على سنة الله ورسوله لان سمعت من هديل انه عبدالله ولد خالتك بيخطب خالد : خير شلون وانا مدري وعبدالله مايصلح لميهاف نواف : خالد انا ابيك تكلم ابوك ومن بكرة واحنا عندكم خالد : على بركة الله ونعم فيك يا نواف بس انا ابي أسالك سؤال ماراح اساله لميهاف انت في شي بين نواف يقاطعه : عيب يا خالد لو ابي أكلم اخر وحده أفكر اكلمها ميهاف حنا نعرف الأصول ومثل ما اخاف على هديل انا اخاف على اختك وعشان كذا انا جاي بالأصول خالد ابتسم : ونعم فيك يا نواف وانا بكلم الوالد اليوم وان شاء الله خير نواف : ان شاء الله ببيت عبدالعزيز كان جالس سرحان وجته هند هند : ها بدينا نسرح صراحة حقك تسرح عروستك امس مثل البدر ماشاء الله عبدالعزيز : مثل البدر ايه .. ماتدرين يا هند هالبدر وش ورآه هند : ومتى العرس ؟؟ عبدالعزيز : لسا ماتحدد بس هند باخذ رايك انتي وجدتي .. طبعا جدتهم ام ابوهم بالرضاعة يعني مو ام عمامه الباقيين بس ابوه رضع منها المهم هذه الجدة ماعندها عيال ومن حياة ابوهم وهي عايشة عندهم كبيرة وطيبة كثير وهي اللي ربتهم بعد طلاق امهم .. هند : بايش ؟ عبدالعزيز : اذا صار العرس انا وسارة بعد موافقتكم بنعيش هنا هند : طبعا واصلا انا وجدتي متوقعين هالشي لان هذا الطبيعي وهذا بيتك يا اخوي عبدالعزيز : على بركة الله هند : وع فكرة انا بخليهم يجهزون جناح الوالد الله يرحمه عبدالعزيز : ان شاء الله خير بيت ابو خالد خالد عند ابوه بالمجلس خالد : يبه ابي اكلمك بموضوع يخص ميهاف ابو خالد : خير يا خالد في شي خالد : لا خير ان شاء الله بس نواف ال كلمني ويبون يخطبون ميهاف وبيجون بكرا ان شاء الله ابو خالد : ايه ونعم فيهم بس انت تعرف الولد خالد : ايه يبه الولد رجال ونعم فيه بس يبه بعد إذنك لين الخطبة بكرا مابي احد من البيت يعرف عنها لين تتم وبكرا اقولك ليش ابو خالد : ولو أني مو فاهم شي بس خير ان شاء الله سارة جالسة ومهمومه وتفكر باللي بيصير لها وشنو نهايتها مع عبدالعزيز وماحست الا ببوكيه ورد جايها ولفت وكان عبدالعزيز وانصدمت وضحك عبدالعزيز وقال : لا تفرحين هذا شو قدام اهلك بس ولا الورد ماتستاهلينه سارة : ودام ما استاهله ليش كل هالافلام خل ننهيها عبدالعزيز : انهيها عشان تروحين تصاحبين راكان والله اعلم من فيه غير راكان رفعت يدها تبي تضربه كف مسكها وقربها منه وصارت قريبه حيل منه وعيونهم بعيون بعض عبدالعزيز حس بضعف قدام عيونها بحياته ماحسه وهي دقات قلبها تنسمع من بعيد وظلوا يناظرون ببعض 10 دقايق وبعدها حس ع نفسه وبعد عنها وطلع بعد ما مر شهر تمت خطبة ميهاف ونواف والملكة بعد ايام وطبعا مرت ابوها سوت مشكلة بس ابو خالد وافق على الملكة وحالة أبو سارة كل مالها تسوء ومو مبين لاهله وطلب من عبدالعزيز انه العرس يتم بأقرب وقت يبي يشوف سارة عروس .. عبدالعزيز : يا عمي انا اقول لا نستعجل بالعرس المهم انه ملكنا والحمدالله ابو سارة : لا تحسسني يا عبدالعزيز أني جابرك على هالزواج عبدالعزيز : افا يا عمي انا لو ما كنت ابي بنتك سارة ماكنت وافقت وكان بإمكاني أنفذ حل ثاني لموضوعنا ابو سارة : اجل تكلم سارة واتفقوا على موعد العرس عبدالعزيز : على خير ان شاء الله بالجامعة عند البنات هديل : ياربي بس الملكة بعد كم يوم وأحس ناقص أشياء كثير ميهاف مستحية وتضحك هديل : هلا هلا وقمنا نستحي اقول هيه انتي انا مو اخت زوج لسا هديل صاحبتك والله البندري : يمه يمه يا ميهاف الله يعينك عليها هديل تعطيها نظرة ميهاف : سارة ليش مو معنا انتي سارة وجهها ذبلان ونحفانة : لا ولا شي انا بروح البيت تعبانة شوي باي هديل : اموت واعرف سارة وش فيها وش قلبها كذا متغيرة وذبلانه وحالتها حالة البندري : من جد احس في شي مخبيته عننا ميهاف تدري بس محلفتها محد يدري وقلبها معورها على سارة .. سارة وصلت البيت ولقت عبدالعزيز بالبيت وكان واضح عليها التعب .. عبدالعزيز : مساء الخير سارة مالها خلق : عن إذنك بطلع انام عبدالعزيز سحبها من يدها : لما اكلمك ماتمشين توقفين وتسمعين الكلام سارة بلحظة ماحست بشي وطاحت على الارض وعبدالعزيز مصدوم وطلع ابوها وشافها وخاف وقال لعبدالعزيز : شيلها يا عبدالعزيز مو قادر أوقف على رجولي وش فيها بنتي عبدالعزيز : عمي اهدى انا باخذها المستشفى وانت خليك وبطمنك شالها ووداها المستشفى عبدالعزيز كان خايف عليها ويحس انه هو السبب وانه ضايقها وصل المستشفى وسوولها تحاليل وفحوصات وطلع الدكتور وقاله : انت قريبها عبدالعزيز : زوجها الدكتور : زوجتك عندها فقر دم حاد وسوء تغذية وحالتها النفسية واضح سيئة عبدالعزيز : طيب دكتور بتتنوم اليوم الدكتور : انا كتبت لها فيتامينات وادوية وبتطلع اليوم بس النفسية مهمه والغذاء عبدالعزيز: ان شاء الله دكتور دخل عبدالعزيز ولقاها صاحية لفت وجهها ماتبي تشوفه ولا تبيه يشوف ضعفها قالت له : اكيد مبسوط بحالتي كذا عبدالعزيز خاف انه يضعف اكثر وطلع من الغرفة وهو بنفسه يقول الامانه كل مالها تثقل الله يسامحك يا عمي |
رد: حالة حب
البارت السادس طلعت سارة من المستشفى ورجعت للبيت وجاها ابوها بالغرفة ابو سارة : سارة يا بنتي قوليلي انتي مرتاحة مع ولد عمك سارة بغصة : ايه بابا ابو سارة : اجل وش فيه يا ابوي ؟؟ سارة : ولا شي بابا بس انا تعبانة شوي من الجامعة وكنت اسوي ريجيم ابو سارة : يا بنيتي انتي مو محتاجة ريجيم سارة : ان شاء الله بابا ابو سارة : ترا العرس حددناه بعد شهر سارة : ان شاء الله بابا ولم طلع من عندها ابوها انهارت بكى وكرهت نفسها مرت ايام وجت ملكة ميهاف ونواف ميهاف طلعت تهبل كيوت وبرزت جمالها وجمال عيونها والبنات بعد طلعوا مثل القمر فستانها كان ملكي بيج وماسك ع الجسم الملكة كانت حلوة بس الفرحة ماكملت وميهاف بالزفة ونص الزفّة اختها نوف من غيرتها من ميهاف قفلت الكهرباء وخربت الملكة وما عرفوا شلون طفت الكهرباء وميهاف ظلت واقفة بالنص منحرجة والأنظار كلها حولها وجت نوف جنبها وقالت لها : يا حرام المنحوس يتم طول عمره منحوس وضحكت وميهاف طلعت بسرعة من الغرفة وكانت منهارة بكى بعدين البنات عرفوا انه نوف قفلتها وراحت هديل كلمت نواف وقالت له ونواف قال لتركي قال تركي : بنت اللذين نوف انا اعلمها نواف ممكن تنادي ميهاف انا اصلا مجهز لها مفاجئة ومن الأساس هذه كلها شكليات مالها معنى وتركي طلع ميهاف وركبت مع نواف وهي منحرجة وطلع عازمها بفندق ولم دخلت شافت المكان كله شموع وورد وحضنها من ورى وباس كتفها وقال لها : الحزن مايليق للي مثلك اللي مثلك مايليق لها الا الضحك والفرح ميهاف من الصدمة نزلت دموعها ولفت وعيونها بعيون نواف ونواف مسح دموعها وضمها وقالها : من اليوم يا ميهاف وعد مني ماراح تحتاجين احد واللي يفكر انه يجرحك ورأسك الغالي لا ادفنه ميهاف تسمعه وبقلبها تقول الله لا يحرمني منك سارة رجعت البيت بعد الملكة وشافت سيارة عبدالعزيز بره وقالت خير هالغثيث وش يبي الله يعينني عليه .. دخلت سارة البيت وطلعت غرفتها ع طول وفصخت عباتها وسمعت الباب يطق وقالت ادخل ع بالها الخدامة ولفت وطلع عبدالعزيز قالت : خير وش عندك طالع الغرفة انت ماتستحي عبدالعزيز : اولا غرفة زوجتي ثانيا جبت المهر واستأذنت من عمي اطلع لك سارة : زين ممكن تطلع بره عبدالعزيز : على فكرة اول وأخر مرة تلبسين هاللبس ويأشر بأصبعه من فوق لتحت سارة : نعم نعم هيه انت حيل ماخذ موقف بنفسك انت قلت زواجنا صورة ع الورق يعني مالك شغل فيني عبدالعزيز قرب منها وسحبها عنده :صورة مو صورة انتي زوجتي وما ارضى تطلعين بهالمنظر سارة ارتبكت : ترا عند حريم عبدالعزيز :حتى لو الشي اللي يخصني مايطلع لغيري سارة فتحت عيونها وبعدت عنه: انا اخصك حيل واثق والله عبدالعزيز بضحكة وهو طالع :الغرور اللي فيك بكسره يا سارة ، سارة بنفسها انت كسرت كل شي فيني يا عبدالعزيز .. ببيت ابو خالد ام خالد : اقول خالد البنت تأخرت ومو حلوة خالد : يمه مملكين يعني زوجها خل ياخذون راحتهم نوف : ماما صادقة مسخوها خالد : انتي اوص ولا كلمة ع بالك ما اعرف انه انتي اللي فصلتي الكهربا انتي ماتستحين هذه اختك شلون تسويين كذا نوف : من زينها هالشهبا عاد مصدقة انها إيطالية وععع وبعدين وش دخلني بالكهرباء والله ودخلت ميهاف مبسوطة خالد : هلا هلا بالزين هلا بالعروس ميهاف تبتسم بخجل : هلا فيك خالد خالد : لا لا اكيد نواف راضاك بعد الكهربا يا سندريلا ميهاف تضحك : خالد شدعوة عاد سندريلا وبعدين لو طفت الكهرباء عادي ما همني المهم انه عشت احلى يوم بحياتي .. تتكلم وتناظر نوف وأمها اللي انجلطوا .. ببيت ابو نواف نواف بالغرفة منسدح ومبسوط انه ميهاف صارت زوجته وله وان راح يعوضها عن كل شي ودخلت عليه هديل : نواف يا السرحان انت نواف : ليل المزعجة وش تبين هديل : تحبها ؟ نواف ضحك : اموت فيها هديل : يااااارب ارزقني بواحد مثله ياااارب نواف ضربها بعلبة الفاين : استحي يا البازع انا اخوك عيب هالكلام قدامي وبعدين خلاص انا مافي مني اثنين هديل : وع بس ترا جاملتك مالت عليه الإسباني لم ينمدح ينفخ ريشة كأنه طاووس ومرت الأيام وهديل تعرفت على واحد اسمه عبدالرحمن ..وميهاف تعلقت بنواف وبحنانه وحبته كثيير وسارة قررت ما تعطي عبدالعزيز فرصة وتضعف قدّامه وقررت تثبت انها قوية وماعليها فيه وقررت تستفزة بأي شي وكل ماتشوفه تستفزه ببرودها..ويوم ابوها مسافر ونسى اوراقه بالمكتب ودخلت المكتب وشافت الاوراق وقرت اسم مستشفى ابو سارة نسي اوراق المستشفى وتذكر بالمطار اتصل على عبدالعزيز يجيبها وراح عبدالعزيز البيت يجيب الاوراق بهالوقت سارة دخلت المكتب وعينها على الاوراق واسم المستشفى .. رفعت الاوراق وكانت تقرى ودخل عبدالعزيز سحبهم من يدها سارة : هيه انت وش دخلك عبدالعزيز : هذه اوراق شغل ابوك سارة : وأبوي وش دخله بشغل مستشفيات عبدالعزيز : انتي ناسية انه ابوك شغله بمجمع طبي بالدمام وهو راسل مستشفى بره عشان معدات وكذا سارة : اها زين عبدالعزيز بنفسه الحمدالله لحقت وطلع ودى الاوراق لعمه وسافر عمه لبريطانيا .. وكان باقي على عرس عبدالعزيز وسارة اسبوع .. ميهاف تكلم نواف بالجوال : نواف حبيبي ان شاء الله اذا تخرجت من الجامعة بتشتغل بشركة الوالد نواف : ايه ان شاء الله انا اصلا اطقطق ع كم مشروع من مشاريعه من وقت لوقت يعني الشغل مو جديد علي ميهاف : الله يوفقك يارب نواف : برسلك شي على الواتس شوفي بسرعة ميهاف : طيب وأرسلها صورة تصميم فلة ميهاف : شنو مافهمت نواف : هذا التصميم الأولي لبيتنا انا صممته ميهاف : بهالسرعة نواف نواف : لا انا مصممه من زمان ميهاف انا احبك وكاتم هالحب من سنين بقلبي من اول مرة شفتك فيها تذكرين كنتي في ثاني ثنوي جايتنا البيت ولابسة وردي انسحرت بالعيون الخضر من اول يوم ميهاف تضحك : يعني لو عيوني سودة ماحبيتني نواف : افا البسي عدسات سودة وشوفي كيف احبك ميهاف تضحك على نواف وتموت فيه وبحبه لها عند البندري وجا ابوها وقالها ان في واحد اسمه يوسف تقدم لها وانه موظف معهم بالشركة ووظيفته زينه وراتبه حلو وابن ناس والبندري ساكتة ووجها احمر عند هديل جالسة تكلم عبدالرحمن : ياخي انت غريب عبدالرحمن : ليش هديل : يعني انت ابوك دكتور وعنده مستشفى اشتغلت عند جدك ليش عبدالرحمن : اولا انا ما أحب الطب ولا مجاله وأحسه مسؤولية كبيرة ثانيا انا احب الشغل الاداري الاستثمار وافهم فيه وليش عند جدي بالعكس انا مبسوط عنده وجدي احبه يمكن اكثر من ابوي و 24 ساعة معه هديل : الله يخليكم لبعض يارب عبدالرحمن : امين *عبدالرحمن عمره 25 سنة غني ابوه دكتور كبير ويملكون مستشفى وهو متخرج ادارة ويشتغل مع جده بالشركة إنسان ذكي ودمه خفيف ووقت الجد يكون جاد وحازم وبيغير احداث كثير بالرواية عند سلطان كان جالس بالقهوة ويأرقل ويفكر شلون ياخذ كل شي من عبدالعزيز ويكسب سارة وعمه وينعم بالفلوس والخير اللي عندهم وفجأة جت بباله فكرة وفتح جواله وصار يسوي بحث في النت .. وبعد ايام رجع ابو سارة وحان موعد العرس سارة ادعت القوة لكن ماقدرت تتصنع اكثر وبان عليها الوجع والهم وانه شلون تعيش مع واحد ما يطيقها ومآخذ عنها فكرة غلط |
رد: حالة حب
البارت السابع وجا يوم عرس سارة وكان واضح عليها انه مو مبسوطة والبنات حولها هديل : سارة تكلمي وش فيك انتي مغصوبة على العرس البندري : حبيبتي سارة تكلمي قوليلنا حنا مثل خواتك سارة ماترد وهديل انتبهت لميهاف انها ما سالت وطلعت ميهاف وعيونها فيها دموع ولحقتها : ميهاف وش فيه وش مخبيين علينا ميهاف : ما اقدر اقول ولا أتكلم لأنني محلفة هديل : شوفي عاد لو ماقلتي وش فيه والله لا اروح لعبدالعزيز الحين ميهاف : الموضوع تذكرين راكان هديل : راكان ؟ اي راكان راكان ال ميهاف : ايه لما راحت سارة تكلمه وتهدده هديل : ايه .. وقالت لها ميهاف كل شي صار هديل : حسبي الله وأنتم ساكتين من وقتها يا حبيبتي يا سارة عشان ماتفضحني تحملت شك وكلام ولد عمها انا لازم أتصرف ميهاف : وش بتسويين هديل : مو شغلك بتصرف .. وراحت هديل وأخذت جوال سارة واخذت رقم عبدالعزيز ولبست عباتها وكلمته يطّلع لها ضروري قسم النساء عبدالعزيز : خير اختي ايش فيه هديل : انا هديل صديقة سارة وابي اكلمك بشي مهم خبته عنك سارة عبدالعزيز : خير هديل قالت له كل شي من اول السالفة لآخرها عبدالعزيز مصدوم : وانا شلون اعرف انه هالكلام مو كذب هديل طلعت محادثات راكان وقراها وقرى التهديدات كلها عبدالعزيز بينه وبين نفسه انا شسويت انا دمرت سارة وجت الزفّة وانزفت سارة وقلبها يرجف خوف ماتعرف وش بيصير لها وهديل مقهورة على سارة شلون كل هالوقت كانت متحمله الشك بسببها وانتهى العرس وسارة طلعت مع عبدالعزيز الفندق وكانت رايحة تبدل بس عبدالعزيز : سارة سارة : نعم عبدالعزيز : احبك سارة مصدومة : شنو لعبة جديدة عبدالعزيز : والله احبك انا عرفت الحقيقة هديل قالت لي كل شي يا سارة ولم مسك يدها بعدته وقالت : ع بالك كل هالشهور مو قادرة اقولك الحقيقة ع بالك كاتمة ليش ؟؟ مو عشان صديقتي لا سكت لانه ولد عمي المحترم شكك بتربيتي وتربية ابوي اللي هو عمه وما سأل كان متأكد كان المفروض يا محترم تجي تسألني مو تحاسبني لان انا سارة بنت فهد يا عبدالعزيز عبدالعزيز : سارة انا ف سارة : وفر كلامك ماعاد ينفع اللي بيننا ع الورق ويتم ع الورق وبعد سنة غصبا عنك بتطلقني سمعت ودخلت وقفلت ع نفسها وانهارت بكى وعبدالعزيز مصدوم من كلامها ويقول لنفسه انا استاهل خسرتها للأبد خسرتها وقاطعه الجوال وقالوا له ان عمه بالمستشفى تعب عليهم ودق الباب ع سارة وقالها وراحوا المستشفى.. بالمستشفى الدكتور طلع وقالهم البقاء لله سارة : لا كذب عبدالعزيز قولهم انه كذب عبدالعزيز مصدوم ومسك سارة وسارة تصرخ : لاااااااااا ابوي ما مات لااااااااا بابا ما مات اليوم اليوم عرسي شلون يمممممموت لاااااااا وتبكي وعبدالعزيز منهار اكثر منها ومو عارف وش يسوي وأخذها وصلها بيت ابوها وتذكر هديل اتصلت عليه وكلمته وقالها وجت هديل وميهاف والبندري وأبو خالد وأبو نواف وأبو بندر واتصل عبدالعزيز على عمه ابو سلطان وجا هو وسلطان .. سارة منهارة من جهه وامها من جهه سارة : ابوي ابوي رااااااااااح ميهاف تبكي : بس يا سارة يا عمري مايصير اذكري ربك ام سارة : يا حبيبي يا فهد أمن على بنته وراح وأم بندر تهديها : مو زين لبنتك يا ام سارة انتي لازم تكونين أقوى سارة : اااااااااخ الغالي راح مابقى احد مابقى احد ابوي راح يمه ابوووووي رااااااااح يعني ماعاد اشوفه ماعاد اسمع صوته ماعاد أشم ريحة ابوي هديل تصيح : سارة تكفين بس قطعتي قلوبنا الله يرحمه يارب ويغفر له هو راح للي احسن مننا راح لرب العالمين سارة : بس انا ابي ابوي احتاجه جنبي عند الرجال الكل يترحم عليه ابو بندر يبكي : راح رفيق العمر راح الغالي الله يرحمك يا ابو سارة عشرت 40 سنة الله يغفر لك ويرحمك يارب عبدالعزيز : الله يرحمه يارب ويغفر له ابو سلطان : رحمة الله عليك يا فهد من 4 سنين خسرنا محمد ابوك يا عبدالعزيز واليوم فهد انا لله وانا اليه راجعون سلطان بينه وبين نفسه الحين عمي مات وماله ورثة الا سارة وزوجته وأبوي وعيال عمي محمد يعني ضممنا كم مليون من ملايينه حس ع نفسه وقام يدعي الحزن : الله يرحمك يا عمي ويغفر لك يارب وعدت ايام العزا وسارة ذبلانة ورفضت تقابل عبدالعزيز طول العزا ولم خلص العزا جاها عمها ابو سلطان ونزلت تسلم عليه ابو سلطان : شلونك يا بنتي يا سارة سارة : شلون بنكون عقب الغالي .. الحمدالله على كل حال ابو سلطان : شوفي يا بنتي الحي أبقى من الميت وانا عمك وانا كلمت المحامي بخصوص توزيع الورث عشان نخلص وما نعابل فيها سنين سارة قامت : عمي ابوي مانشفت تربته اخوك توه ماكمل نص شهر جاي تتكلم في ورث ابو سلطان : سارة يا بنتي الحق ماينزعل منه سارة : عمي اذا لك حق بتاخذه لا تخاف الدنيا مو طايرة ابو سلطان : انا قلت اقولك وابلغك كلها كم يوم ونحل الموضوع سارة مصدومة من كلام عمها ياربي وش اسوي بهالمصيبة اتصلت على عبدالعزيز وفرح باتصالها وجاها وسلم عليها وهي عاملته ببرود سارة : انا طلبتك تجي لان صار شي اليوم عبدالعزيز : خير سارة قالت له عن كل شي صار مع عمها وسألها عبدالعزيز : ليش اتصلتي فيني سارة ؟ سارة : لانه ابوي قاللي شي مهم قاللي لا تثقين بأحد الا بعبدالعزيز يعني حتى مع خلافنا اللي كان ابوي يثق فيه انا اثق فيه عبدالعزيز : طيب اتصلي على عمك ابو سلطان خليه يجي هو والمحامي بكرة وانا بكون هنا سارة : عبدالعزيز من جدك أنت ؟ عبدالعزيز : سوي اللي قلت لك عليه وبتعرفين كل شي بكرة سارة : اوكي واليوم الثاني الكل موجود محامي ابو سارة الله يرحمه ومحامي ابو سلطان وأبو سلطان وسلطان وأبو بندر وعبدالعزيز ابو سلطان : زين انك عقلت زوجتك يا عبدالعزيز عبدالعزيز : زوجتي عاقلة من زمان يا عمي ابو سلطان : ماعلينا اوراق ممتلكات فهد جبتوها ابو بندر : احنا جبناها على سي دي وبنشغله لكم ابو سلطان : انا ابيها مطبوعة ابو بندر : انت شوف السي دي وبعدين نتفاهم عبدالعزيز مبتسم شغلوا السي دي لما اشتغل طلع تسجيل فيديو صوت وصورة لأبو سارة وسارة كانت ورا الباب بكت لما شافت صورة ابوها وسمعت صوته .. ابو سلطان مصدوم .. المقطع / انا فهد بن عبدالعزيز ال وبكامل قواي العقلية والجسدية أؤكد أني بعت كل ما املك من شركات وأملاك واراضي وعقارات لابن اخي عبدالعزيز بن محمد ال والسبب في ذلك انني تعرضت للإفلاس بالآونة الاخيرة ووقف المقطع وصراخ ابو سلطان شال البيت كله : وش هالكلام وش هالخرابيط شلون يبيعك كل شي سلطان : هذا اكيد نصب واحتيال عبدالعزيز : كل شي موثق صوت وصورة واوراق موثقه بالمحكمة ابو سلطان : انت على بالك بسكت يا عبدالعزيز لا ماراح اسكت راح ارفع قضية طعن وتزوير عبدالعزيز : الله يقويك يا عمي سلطان : هين يا عبدالعزيز لا تظن انك كسبت وطلعوا من البيت وسارة مصدومة من ابوها متى افلس وشلون ولم الكل طلع ام سارة وسارة جو عند عبدالعزيز سارة : احنا سمعنا كل شي ابوي متى افلس ام سارة : شلون يفلس ومايقوللي عبدالعزيز : هدوا شوي عمي مافلس عمي كان عارف انه بيموت لانه .. كان عندها سرطان في الدم وكان يدري وعشان كذا من شهور جاني وقاللي انا ابي أأمن على بنتي وأمها لان عارف طمع عمي وولده وقاللي انه لو سجل الاملاك باسم سارة راح يكون الطعن سهل لكن لو بيع وشرى لي محد يقدر يسوي شي واصلا كان المفروض ادخل شراكه معه بصفقه عشان السيولة عنده ودخل الصفقة لحاله وفعلا صار عنده نقص بالسيولة يعني أوراقنا بالسليم سارة مصدومة وتبكي : حبيبي يا بابا كان مخطط لكل شي عشان كذا زوجنا بعد عبدالعزيز : لا يا سارة زواجنا ماكان فرض كان ممكن املك كل شي وبدون زواج انا لو ماكنت ابيك زوجة ماكنت رضيت وتذكرت سارة كلامه لما قالها بتزوجك عشان ماتلعبين وقالت له يعطيك العافية عبدالعزيز ماقصرت قاطعتهم امها : سارة متى ترجعين بيت زوجك سارة طالعت بأمها: ليش ؟؟ ام سارة : لان زوجك ينتظرك امي انتي لازم تكونين معه مو حلوة وفرحي ابوك بقبره انك ببيت زوجك معززة مكرمة سارة موجوعة وحست انها مجبورة ترجع مع عبدالعزيز وقالت طيب بروح معه .. |
رد: حالة حب
الـسـلام عـليكـم ورحمة الله وبركاته,
هلا ومية مرحبا فيك معنا ... نورت بإنضمامك النا .. حابة اسأل هل الرواية من كتابتك Mwk ولا انتي مجرد ناقلة الها من كاتبة اخرى ؟! ﻷنه لو كانت كتابتك فمكانها بقسم قصص من وحي قلم الاعضاء. تقبلي مروري مع خالص ودي MaYa بعد نهاية النقاش او الحديث مع أحد لاتنسوا دعاء كفارة المجلس: سُبْحَانَكَ اللهم وَبِحَمْدِكَ لاَ إِلَهَ إِلاَّ أنت أَسْتَغْفِرُكَ وأَتُوبُ إِلَيْكَ |
رد: حالة حب
البارت الثامن في بيت ابو سلطان رجع من المحكمة : سواها عبدالعزيز النذل وكوش على كل شي سلطان : شفت يا يبه قلت لك عبدالعزيز نذل من يومه وكذاب وواطي ابو سلطان : خلاص بشنو يفيد الكلام الحلال وطار اخر فرصة لنا ضاعت سلطان : ماعليك يا يبه كل شي ينحل ماعليك في بيت عبدالعزيز هند : وأخيرا جيتي ونورتي بيتك يا سارة سارة : حبيبتي النور نورك هند : جناحكم جاهز وأي شي تبينه الخدم هنا كلهم تحت امرك حبيبتي الجدة : سارة يا بنتي تعالي خل اسلم عليك سارة : حبيبتي والله وباست رأسها الجدة : يا بنتي رحمة الله على من رباك كان رجال المجالس تشهد له سارة دمعت عيونها : امين عبدالعزيز لمح دموعها : يمه من غير دراما سارة حبيبتي تبين عشا سارة : لا مشكور عبدالعزيز حس ان سارة مو طايقته : تبين تطلعين الجناح سارة : ايه وعند ابو نواف نواف : يبه بنأجل العرس كم شهر ابو نواف : احسن يا ولدي انه يتأجل العرس ابو سارة كان حسبت اخ لنا وعشرة عمر عند سارة وعبدالعزيز كانت جالسة على الكرسي سرحانة وجلس عبدالعزيز عند ركبتها ومسك يدها وبعدت عنه كأنها مقروصة عبدالعزيز : سارة وش فيك سارة : انت شنو على بالك انه نسيت اللي سويته فيني ولا بسامحك لانه ابوي سجل الحلال كله باسمك عبدالعزيز عصب : سااااارة وبعديييييين معك خلاص اعتذرت بدال المرة الف مرة لمتى يعني سارة : انا كلامي ماتتغير قلت لك سنة هالزواج يتم ع الورق وبعدها كل واحد بطريقه ونفضها سيرة ولين تعدي هالسنة لا تفكر تقرب مني عشان ما أدوس ع القرابة اللي بيننا واطلب الطلاق قبل السنة ماتتم عبدالعزيز : طيب يا سارة مثل ماتبي بس تذكري انتي اخترتي هالشي سارة : وطول هالسنة انا راح انام ع الكنبة عبدالعزيز : لا يا بنت عمي السرير لك وطلع خبط الباب بقوة سارة : ووجع ان شاء الله طلع عبدالعزيز متضايق واتصل على صاحبه وواعده بالكوفي وقاله كل شي صار بينه وبين سارة عبدالعزيز : قولي وش الحل يا عبدالرحمن ؟؟ عبدالرحمن : يا صاحب تبي الصدق معاها حق البنت تزعل يعني لو شفت بنت عمي مع واحد افهم بالاول ماراح احمق على طول او اظلمها عبدالعزيز : عاد وقتها مافهمت شفت الشي بعيني وصدقت على طول عبدالرحمن : اسمعني يا صاحب عندي لك فكرة عبدالعزيز : وش الفكرة يا صاحب سارة طلعت راحت لبيت ميهاف والكل مجتمع هناك ميهاف : سارة حبيبتي شلونك انتي والحب سارة : عوع مين الحب هديل : نعم مين الحب عزوز سارة : ايه تعالي تو فضيت لكم انتم الثنتين ليش تكلمتم وقلتوا له هديل : اجل تبين اشوفك مظلومة بسالفة تخصني وانا السبب فيها واسكت لا والله ما اسكت البندري : اللي سوته هديل يا سارة هو الصح سارة : اووه فكوني من سيرته مو طايقته ولا ابي اسمع سيرته ميهاف : سارة مايصير عبدالعزيز زوجك الحين وولد عمك ومالك بعد رب العالمين غيره سارة : انتم هيه شنو مالي غيره هديل : سارة فكري بعقل لو سويتي اللي برأسك وبعد سنة انفصلتي عن عبدالعزيز ولا قدر الله صار لامك شي بعد عمر طويل تظنين عمك ابو سلطان ماراح يجي وينشب لك ويقول بنت اخوي ماتنترك لحالها سارة : مافكرت كذا البندري : لازم تفكرين قبل كل شي اصلا ابوي يقوللي انه عمك كان يسوي مشاكل كثير لأبوك في الشركة وياما ابوك الله يرحمه طرده من الشركة سارة : ايه بس مستحيل أتنازل لعبدالعزيز هديل: لا تتنازلي خليه يعتذر مرة مرتين وبعدين ليني بالنهاية يا سارة عبدالعزيز كويس وألف بنت تتمناه سارة جلست تفكر بكلام البنات وخافت من كلامهم انه بعد الطلاق عمها وش بيسوي فيها ووصية ابوها انه لا تثق بأحد الا بعبدالعزيز بس هي مو قادرة تسامحه .. رجع عبدالعزيز البيت وسأل عن سارة : وين سارة يا هند للحين نايمة.. هند : اممم سارة طلعت عبدالعزيز ماسك أعصابه : راحت لامها ؟ هند : لا ببيت ميهاف عبدالعزيز عصب : شلون تطلع وما تستأذن هذه هند : حبيبي انت هي نفسيتها تعبانة واكيد عبدالعزيز : بلا نفسية بلا هم تطلع تستأذن ماراح احرمها من الطلعة واتصل على سارة .. سارة : اتصل الحب قطع ميهاف : ردي سارة : الو وبعدت السماعة من صراخه عبدالعزيز : وين بيت ميهاف بسرعة سارة : وانت شدخلك برجع مع السواق عبدالعزيز ضام آسنانه : سارة العنوان ارسلي واتس بسرعة سارة خافت : زين البندري : سارة عبدالعزيز مايدري انك طالعة سارة هزت رأسها لا وخبطتها هديل : انتي خبلة انتي شلون تطلعين بلا إذن سارة : اووووه وهو وش دخله والله وصل عبدالعزيز ودق قالها اطلعي وماتكلم ولا كلمة بالسيارة وهي خايفة من سكوته .. عند البنات : هديل : اوف سارة بتضيع نفسها بعنادها ميهاف : صادقة والله بس هي من يومها عنيدة البندري : عاد ابوي يمدح بعبدالعزيز ويقول انه رجال والنعم فيه واكبر دليل ثقة عمي فهد الله يرحمه وانه كتب كل شي باسمه لو ماكان قد هالثقة ماكان كتب له شي ميهاف : الله يهدي النفوس هديل دق جوالها : بنات السواق تحت انا بطلع ميهاف : بدري هديل : وين بدري الله يهداك المهم البندري أوصلك معي البندري : ياليت اذا مافيها تعب هديل : يلا مافي تعب ولا شي ميهاف : اجل خل انزل أودعكم مالت عليكم مابيكم تروحوا البندري : وش ننام عندك عند سارة وعبدالعزيز عبدالعزيز كان يتكلم بهدوء وسارة متوترة : سارة انا وافقت انه زواجنا يتم سنة وينتهي بس لين تنتهي السنة اقل شي يكون بيني وبينك احترام قدام جدتي وأختي مابيهم يحسون بشي سارة انصدمت من كلامه : يعني وافقت على الطلاق بعد سنة ؟ عبدالعزيز : ايه وافقت يا سارة ماراح أجبرك تعيشين معي بس نعيش اخوان واصحاب ونحترم بعض يعني لم تطلعين اتصلي وقولي لي انك طالعة سارة عيونها دمعت وحست انها خسرته بس كبريائها صعب تتنازل وقالت: طيب تمام كذا عبدالعزيز : وشي ثاني انا قررت اخلي ابو بندر مدير عام الشركة لانه الأقدم واللي يعرف اسرار الشركة كلها سارة : ابوي الله يرحمه كان يثق فيه وعمي نايف قد الثقة عبدالعزيز : بعد الطلاق راح ارجع كل شي لوضعه الطبيعي لك ولأمك ان شاء الله سارة : تبي شي بنام عبدالعزيز : تصبحي على خير سارة انقهرت منه ومن بروده وليش تغير معها معقولة زودتها معه ياربي شسوي .. هديل نزلت البندري ودق جوالها وكان عبدالرحمن عبدالرحمن : الو سلام هديل : هلا وعليكم السلام عبدالرحمن : كيفك يا حلوة هديل : وش عرفك انه انا حلوة وانت ماعمرك شفتني ولا حتى طلبت الصورة عبدالرحمن يضحك : مو لازم اشوفك او اعرف شكلك يكفي انه انا حاس بهالشي وبعدين عمري ماراح اطلب هالطلب منك انه اشوف صورتك الا اذا ضفتيني بالسناب وشفتها بالصدفة هديل تضحك : ياخي انت نصاب كبير عبدالرحمن : تاجر ولازم أكون نصاب كبير بالليل الساعة 3 الفجر يرن جوال عبدالعزيز وسمعت سارة صوت الجوال وسمعت صراخ عبدالعزيز : انت وش قاعد تقول شلون المستودعات احترقت راشد : طال عمرك حريق بكل مكان عبدالعزيز : انا جايك سارة : عبدالعزيز وش صاير عبدالعزيز : حبيبتي أسف صحيتك مافي شي ارجعي نامي وبدل وطلع وسارة قلقانة وش صار وليش انحرق المستودع وتدعي انه مايصير شي لعبدالعزيز . . ومر كم شهر وعبدالعزيز عوض خسارة المخازن وشغل عمه ماشي تمام وهو وسارة وضعهم ماتتغير بس صاروا اصحاب حيل ويحترمون بعض وخالد خطب هند وتخرجهم هالسنة وبيسافرون أمريكا وعرسهم مع نواف وميهاف والبنات حايسين عندهم عروستين وبيوم العرس سارة كانت لابسة فستان اسود شفاف شوي من فوق وحاطة روج خمري وشعرها كيرلي ع الجنب تبي تطلع شافها عبدالعزيز قالها : سارة بتروحين كذا ؟؟ سارة : وش فيه ؟ عبدالعزيز : سارة الفستان مو كأنه شفاف سارة : عبدالعزيز انا رايحة عند حريم وهذا اصلا استر فستان عندي عبدالعزيز : بعد استرهم يصير خير هذا اخر عرس تحضرينه كذا ولو ماكان عرس اختي ماكنت بخليك تروحين سارة تتخصر وقربت منه : لا والله وبأمر مين بتمنعني عبدالعزيز مامسك نفسه بهاللحظة وسحبها وباسها وسارة حاولت تبعد بس ماقدرت واستسلمت له وبعدين بعد عنها وقالها أسف بس ما قدرت أمسك نفسي وسارة وجهها ألوان : لا تعيدها ومشيت بسرعه وقلبها يدق وعبدالعزيز يضحك عليها .. كانت زفة خالد وهند اول شي وهديل راحت عند ميهاف تبي تجهزها وهي ماشية الكعب انزلق وطاحت وكانت قريبة من الباب اللي يطّلع العرسان وجاها واحد : سلامات صار لك شي هديل رفعت رأسها وانصدمت : عبدالرحمن عبدالرحمن : تعرفيني هديل فهت لان اول مرة تشوفه من قريب : انا انا هديل عبدالرحمن مو مصدق عيونه : هديل وش تسويين هنا هديل : هذا عرس اخوي نواف انت وش تسوي هنا عبدالرحمن ضحك : وهذا عرس اختي هند هديل : بس هند ماعندها الا عبدالرحمن : هند اختي بالرضاعة وانا اللي بوصلهم للفندق هديل مو مصدقة وقومها عبدالرحمن وهو مو مصدق الجمال اللي يشوفه هديل : طيب روح قبل احد يشوفك عبدالرحمن ضحك : طيب هديل دخلت عند ميهاف وقلبها يدق ووجهها ألوان ميهاف : هديل تعالي ساعديني تكفين هديل متنحة لسا ميهاف : اوف هدييييييل وجع هديل : ها ها ها لا تصارخين وش فيك وتم العرس وزفة العروسين احلى ماتكون وراحو .. هديل بقلبها ياربي عبدالرحمن طلع اخو عبدالعزيز بالرضاعة يعني لو فكر انه يخطبني اكيد عبدالعزيز بيقوله الحقيقة ماراح يسكت وعبدالرحمن يفكر شلون الصدفة جمعته بهديل وشاف هديل وسارة تفكر معقولة باسني بس لحظة مو لانه يحبني شاف وحدة قدامه ولابسة فستان وقدامه واستغل الفرصة وباسها وهو اصلا بارد معي عبدالعزيز يفكر احبها والله احبها بس خايف ارجع اعتذر تصدني لم بستها حاولت تبعد عني .. |
رد: حالة حب
اقتباس:
|
رد: حالة حب
اقتباس:
اي حبيبتي رح انقلها للوحي وبعد تكملي تنزيلها بنقلها عالمكتملة . لانه هذا القسم للمنقول فقط. حياك بينا واقامة طيبة بتمناها لك معنا. |
رد: حالة حب
البارت التاسع بالفندق عند ميهاف ونواف وغيروا ملابسهم نواف : وأخيرا الله جمعنا بمكان واحد ميهاف مستحية نواف رفع راسها وباس جبينها وضمها لصدره وحس بخوفها وقرب باس رقبتها وقرب من إذنها: لا تخافي حبيبة عمري معنا عمر وماراح يصير الا اللي يرضيك ميهاف ارتاحت : احبك نواف شالها ونومها بحضنه .. عند خالد وهند هند : خالد ملابسي مو موجودة مو موجود الا لبس واحد خالد : البسي وخل نطلع هند مو فاهمه : وين بنروح خالد : انتي البسي بالاول وبعدين تفهمين وغيرت وطلعوا وراحوا طريق المطار هند : بس خالد سفرتنا لامريكا بعد أسبوعين مو الحين خالد : انتي مو كانت أمنيتك تسافرين شهر عسل لفينسيا و تحلمين تروحين لها مع حبيبك وتطلعين معه ع القارب هند : شلون عرفت خالد : اي شي يخصك اعرفه هند فرحت : وانا توقعت انه بنروح بس أمريكا ويكون شهر عسلنا هناك خالد : مستحيل ما أنفذ لك حلمك يا روحي وباس يدها ونزلوا المطار واستعدوا للسفر عند هديل اتصل عليها عبدالرحمن وماردت ماتبي تعطيه امل كبير لان مو ضامنة عبدالعزيز : اكيد عبدالعزيز مابيسكت وما راح يرضى ان اخوه يتزوجني وهو عارف كل شي عني وبكت هديل لين نامت وعبدالرحمن منجن ليش ماترد عليه .. عند عبدالعزيز وسارة سارة دخلت الغرفة على طول وسكرت الباب وعبدالعزيز بالصالة وحس انها خايفة منه وماتبيه وسارة خايفة انه عبدالعزيز مايحبها وبس اللي صار ضعف لحظة .. اليوم الثاني ميهاف صحيت من النوم ولقت السرير كله مغطى ورد وضحكت ولمت الورد وشمت ريحته وقالت : مجنون نواف دخل : ايه مجنون فيك وشلون ما انجن فيك ميهاف استحت وجا نواف وباسها وأعطاها علبة : المفروض اعطيك ياها امس بس نسيت أسف ميهاف فتحت العلبة ولقت طقم الماس : حبيبي انت ليش كل ذا نواف : انا كلي لك فدا ميهاف باست خده وهو ضحك عند خالد وهند صحي خالد من النوم ولقى هند ع البلكونة وجا حضنها من ورا : بونجورنو سنيورينا ضحكت هند : حبيبي اللي لقط اللغة خالد : ترا مو حافظ غيرها اوش هند ضحكت : زين انك صحيت نلحق ع القوارب الحين ونأخذ جولة خالد : بالاول في شي هند : وش ؟ خالد : باسها عند عبدالعزيز وسارة عبدالعزيز جاه إيميل مهم وطلع من مكتب لندن وانه لازم يروح لندن فورا وصحيت سارة وقالها سارة : ومتى رايح عبدالعزيز : احتمال بكرة سارة بغصة : الله معك عبدالعزيز : ماراح أتأخر بالكثير اسبوع ونص سارة : عادي خذ راحتك عبدالرحمن اتصل على عبدالعزيز وقاله يبيه ضروري وراح يقابله عند عبدالعزيز وعبدالرحمن بالكوفي عبدالرحمن : عزوز انا ابيك بموضوع مهم وانت اخوي وصديقي عبدالعزيز : خير ياصاحب وش فيك عسا ما شر عبدالرحمن : انا بصراحة شفت وحدة بعرس هند وأبيها عبدالعزيز : وين شفتها عبدالرحمن : طلعت اخت نواف العريس الثاني عبدالعزيز : هديل ؟ عبدالرحمن : انت تعرفها عبدالعزيز : هذه صديقة سارة زوجتي عبدالرحمن : طيب انا ابيها وابي اخطبها على سنة الله ورسوله ودام اخوها متزوج اخت نسيبك ابيك تضبط الموضوع انت وانا أكلم الوالد عبدالعزيز : انا بكرة مسافر لندن وبعد ما ارجع نتفاهم ان شاء الله عبدالرحمن : ان شاء الله عبدالعزيز يفكر بهديل شلون أوافق على زواجهم وانا اعرف عن هديل كل شي والشي اللي اعرفه عنها كان سبب مشاكلي انا وسارة .. عند هديل كانت جالسة وهموم الدنيا فوق راسها وعبدالرحمن يتصل باستمرار وهي ماترد وشوي رن الجوال وطلع عبدالعزيز وخافت اكثر بس تشجعت وردت : الو عبدالعزيز : السلام عليكم كيفك هديل هديل : الحمدالله عبدالعزيز حس فيها شي : هديل فيك شي هديل بغصة : لا بس خير في شي عبدالعزيز : عبدالرحمن قاللي انه شافك امس ويبيك زوجة هديل : عبدالعزيز دامك اتصلت بقولك كل شي عبدالعزيز : وش هديل قالت له كل شي بينها وبين عبدالرحمن عبدالعزيز : اها عبدالرحمن ماقاللي كل ذا بس يا هديل انا مابي اللي صار بيني وبين سارة يتكرر عشان كذا ابيك توعديني انك مستحيل تخونين ثقة عبدالرحمن فيك لان لو خنتيه حسابك معي مو معه هديل : انا اصلا حبيت عبدالرحمن يا عبدالعزيز مو مثل قبل انا عن جد تغيرت ولم عرفت انه اخوك ما رديت عليه لان توقعت انك عبدالعزيز : انا مستحيل افضح سرك يا هديل ممكن اقوله اي شي الا انه اقوله الحقيقة وإذا كلمك عبدالرحمن وقالك ع الخطوبة قوليله لا يكلمك الا بعد الخطوبة الرسمي هديل فرحت : يعني انت موافق عبدالعزيز : موافق موافق هديل قفلت والدنيا ماوسعتها من الفرح وانه عبدالعزيز بيكتم سرها عند عبدالعزيز بالشركة جلس يجهز الاوراق عشان السفرة وطلب من المحامي يجي وسوا توكيل عام لسارة بكل شي لين يرجع من السفر وراح البيت وعند سارة : سارة انا سويت لك توكيل عام بالشركة سارة : انا ؟ عبدالعزيز : ايه مو انتي تخصصك ادارة اعمال اكيد تفهمين بالشغل سارة : اوكي اليوم الثاني سافر عبدالعزيز لندن وحضر اجتماعه وسارة جاها راشد مدير مكتب عبدالعزيز بالشركة عشان توقع على اوراق تمشي الشغل وكانت سارة مبسوطة ان عبدالعزيز وثق فيها وسوالها التوكيل عند هديل اتصل عبدالرحمن عليها وقالها انه بيخطبها وهي سوت نفسها ماتدري وقالت له اجل لا تكلمني لين تجي تخطب عبدالرحمن : ليش ؟؟ هديل : كذا عبدالرحمن : هبلا والله هديل : ادري عند ميهاف ونواف سافروا لباريس والوقت عندهم مسا وكانوا يتمشون بالشانزليه نواف : بيبي ميهاف : عيونها نواف : احبك ميهاف : اموت فيك نواف : وش رايك نروح بكرا ديزني لاند ميهاف : مجنون بس اوكي نواف : احبها يا ناس ميهاف تضحك عليه عند خالد وهند جالسين بالمطعم خالد : هند هند : قلبها خالد: فديت قلبها اتصلوا علي الملحقية وقالوا لي لازم نجي أمريكا قبل الوقت اللي كننا متفقين عليه عشان في إجراءات هند : عادي حبيبي اهم شي انك حققت لي حلمي باليومين اللي فاتت خالد : يعني مو متضايقة هند : حبيبي كل أيامنا بتكون عسل ان شاء الله خالد : احبك هند: وانا عند عبدالعزيز بلندن كان يتمشى لحاله بالشارع وبالصدفة شاف شخص قديم ووقف !!!! . . . عبدالعزيز : ليلى ؟ ليلى : عبدالعزيز شنو تسوي هنا ليلى عمرها 26 سنة كويتية كانت تدرس مع عبدالعزيز بامريكا وكانت تحب عبدالعزيز بس عبدالعزيز يعاملها مثل اخته عبدالعزيز : انا بشغل هنا ليلى : وانا اكمل ماجستير عبدالعزيز عزم ليلى بكوفي وجلسوا يسولفوا عن حياتهم والجديد ليلى : يعني تزوجت يا عبدالعزيز عبدالعزيز : ايه تزوجت اخيرا ليلى : تزوجت حبيبة قلبك سارة ولا مين عبدالعزيز : ايه سارة ليلى : وليش تقولها وانت مهموم عبدالعزيز قالها عن عمه وشلون مات بس ماقالها عن مشكلته مع سارة ليلى : ومات عمك بيوم عرسكم والله شي وايد صعب ونفسية زوجتك شلون؟ عبدالعزيز : يعني احسن من قبل وانتي تزوجتي ولا لسا ليلى : لا شدعوة اتزوج لسا بدري باخذ ماستر ودكتوراه عبدالعزيز ضحك : اجل على ال 40 ضحكت ليلى وعبدالعزيز استأذن بيمشي وقالت له ليلى : معك سيارة؟ عبدالعزيز : لا بس برجع بتاكسي ليلى : لا انا برجعك وطلعوا مع بعض بالسيارة عند سارة جالسة عند جدة عبدالعزيز الجدة : يمه سارة كلمتي عبدالعزيز سارة : لا يمه ماكلمته الجدة : شلون يا بنتي مايصير كلميه ترا الرجال مايحب الاهمال ولا بيلف على وحدة ثانية وبتخسريه سارة بنفسها وانا متى كسبته : ان شاء الله يمه سارة اتصلت على عبدالعزيز مغلق كان طافي شحن : يمه مغلق جواله عند سلطان وأبو سلطان سلطان : يبه عبدالعزيز بلندن ابو سلطان : وانت وش عرفك سلطان : اخباره كلها عندي ابو سلطان : طبعا بلندن يبي يتنعم بالخير اللي تركه عمك حسبي الله ونعم الوكيل اسعاف وشرطة وسيارة مقلوبة ودم بكل مكان !!!!!! عند سارة كانت نايمة وفجأة فزت من كابوس وصرخت وصارت فجأة تبكي وقامت توضت وصلت ركعتين .. باب غرفتها دق وفتحت الخدامة وقالت لها : مستر عبدالرحمن تحت سارة : خير اللهم اجعله خير لبست عباتها ونزلت سارة : هلا عبدالرحمن خير عبدالرحمن يبكي : سارة اتصلوا فيني من لندن وقالوا لي ان عبدالعزيز صار له حادث ووضعه سيء سارة : .... عبدالرحمن : سارة لازم نسافر له عطيني جوازك عشان اخلص الاوراق اعرف واحد بالسفارة بيستعجل بالفيز سارة أغمى عليها وعبدالرحمن شالها ووداها المستشفى واتصل على هديل وجت هديل بسرعة مع ابوها ابو نواف : خير يا عبدالرحمن عبدالرحمن : والله مدري يا عمي اتصلوا علي وقالوا لي حادث هديل : سارة وين عبدالرحمن : جوا دخلت هديل وشافت سارة ماتتكلم وتناظر بالسقف هديل تهزها : سارة سارة حبيبتي ايش فيك سارة ماترد واليوم الثاني خلصت الإجراءات وسافرت سارة وعبدالرحمن للندن .. ووصلوا المستشفى وسارة ركضت للغرفة عبدالعزيز وعبدالرحمن بقي يخلص اوراق عزوز ويكملها وصلت الغرفة ولقت ليلى ماسكة يد عبدالعزيز وتبكي عنده وتقوله : عبدالعزيز حبيبي تكفى قوم والله آسفة ما انتبهت ودعمت بالسيارة انا احبك والله احبك سارة ماتحملت وماكملت طلعت مصدومة مين هذه ومن متى مع عبدالعزيز عشان كذا وافق على طلاقنا لان في وحدة بحياته وصارت تبكي بالممر .. ليلى كملت كلامها اللي ماسمعته سارة : انا احبك يا عبدالعزيز وادري انك مستحيل تفكر فيني لانك تحب سارة وتعشقها من سنين فقدت آلامل فيك ولم شفتك تسببت بحادثك .. عبدالعزيز قوم عشان سارة تنتظرك قوم الله يخليك .. عبدالرحمن وصل الغرفة ومالقى سارة ودخل شاف ليلى عبدالرحمن : ليلى ؟ ليلى : عبدالرحمن وسلمت عليه وقالت له عن الحادث عبدالرحمن استوعب وقال سارة سارة وين طلعت قبلي ليلى : سارة هنا اكيد سمعت كلامي له وفهمت غلط عبدالرحمن : ليش ليلى انتي وش قلتي ليلى : مو مهم وش قلت المهم لاقي سارة سارة اكيد فهمت غلط عبدالرحمن قام يدور سارة ومالقاها سارة رجعت المطار وحجزت على اول طيارة للرياض .. بهالوقت صحي عبدالعزيز وشاف عبدالرحمن وليلى وصار ينادي بسارة سارة وين .. عبدالرحمن ارتبك : الحمدالله ع السلامة يا صاحب عبدالعزيز : الله يسلمك سارة وين ماجت عبدالرحمن : الا جت بس طلعت شوي وترجع ليلى : الحمدالله ع السلامة سارة طلعت بالطيارة ورجعت السعودية وراحت بيت امها ودخلت الغرفة تبكي ونامت .. اليوم الثاني عبدالعزيز عرف انهم مو لاقيين سارة وليلى قالت له انها شاكة انها سمعتها لم قالت عن حبها له عبد العزيز انجن عبدالرحمن اتصل على هديل عبدالرحمن بصدمة : ها عبدالعزيز : اتصل بسرعة واتصل عبدالرحمن على هديل وكلمها عبدالعزيز وقالها تتأكد اذا سارة رجعت ولا لا .. واتصلت هديل على سارة وعرفت انها ببيت امها وراحت لها وقالت لعبدالعزيز .. عبدالعزيز ارتاح شوي وهدى وتطمن عليها هديل عند سارة : هديل وش فيك رحتي لزوجك ورجعتي قبل تشوفيه سارة : شفتهم يا هديل كانوا مع بعض بالحادث كان معاها هديل مصدومة : مين هي ؟؟ وقالت لها سارة كل شي هديل بصدمة : ومين هذه حسبي الله عليها وعبدالعزيز شلون مابين عليه سارة تبكي : حبيته يا هديل ووثقت فيه وهو كذااااااااب هديل مصدومة ومو عارفة وش تقول !! واتصلت على عبدالرحمن : شلون كذا عبدالعزيز طلع عايش قصص حب من ورآنا عبدالرحمن : هديل اهدي شوي هديل : مابي اهدى كلكم كذابين عبدالرحمن اول مرة يصرخ على هديل : اسمعي بالاول وافهمي وأعطيني سارة اكلمها هديل : ليش عبدالرحمن : هاتيها بسرعة هديل دخلت عند سارة وأعطتها الجوال بدون ماتتكلم عبدالرحمن : سارة اسمعيني زين وفكري بكل كلامي لا تغلطي غلط عبدالعزيز وتفهمينه غلط ( يقصد موضوع راكان ) أعطيه فرصة واسمعيه سارة : انا ما شفت يا عبدالرحمن انا سمعت عبدالرحمن : ماسمعتي عبدالعزيز سارة تصرخ : ولا ابي اسمعه وقوله انه ابي اتطلق فورا وقفلت الخط |
رد: حالة حب
البارت العاشر عبدالرحمن قال كل شي لعبدالعزيز عبدالعزيز قال : احجزلي بسرعة يا عبدالرحمن لازم ارجع اليوم عبدالرحمن : انت تعبان عبدالعزيز : سارة نامت ليالي كثير ببكى بسببي مابيها تنام ليلة بعد زعلانة عبدالرحمن : اللي تشوفه بس لازم تروح المستشفى على طول وبكلم ابوي نحول له ملفك الطبي عبدالعزيز : طيب عند سارة سارة جالسة وتبكي منهارة وتقول لنفسها انا الحمارة صدقته كنت اتصل جواله مغلق ومايرد شلون مافهمت انه في بحياته غيري هو اصلا أنجبر يتزوجني عشان ابوي غبية شلون حبيته شلوووووون عند هديل جالسة تفكر بسارة وشنو بتسوي الحين ولو تطلقت من عبدالعزيز عمها وش يسوي فيها يارب عدي هالأيام على خير ورجع عبدالعزيز على المغرب الرياض وعلى طول راح بيت عمه وكانت يده مكسورة وحاطين له حق الرقبة ورفضت سارة تطلع له وطلع لها دق الباب ماردت وطلع للمستشفى وهو موجوع يبيها تسامحه .. ومر شهر على الحادث وسارة للحين ببيت اَهلها ومصرة ع الطلاق ابو سلطان درى ان سارة ببيت اَهلها زعلانة وراح لها ابو سلطان : سارة يا بنتي انا سمعت اللي صار بينك وبين عبدالعزيز وانا يا بنتي أوقف مع الحق وانتي الحق معك وسبحان الله يمكن الحادث صار عشان تعرفينه على حقيقته سارة : ... ابو سلطان : سارة يا بنتي اذا تبين أكلم لك عبدالعزيز وتتفاهمون ماعندي مانع ولو انه مابي انزل من نفسي وأكلمه بعد اللي صار وانا ادري انه نذل وحر سارة : عمي لو سمحت عبدالعزيز لسا زوجي ومهما صار بيني وبينه ما اسمح لأي احد بأنها يغلط عليه قدامي ابو سلطان ماعجبه ردها : ع العموم يا بنتي لو بغيتي مساعدة بلغيني انا عمك وحسبت ابوك وابيك تعرفين شي انه سلطان ولدي شاريك لو عبدالعزيز بايع .. طلع وسلطان كان ينتظره : ها يبه بشر تبي تتطلق منه ابو سلطان : والله ما ادري بس باين عليها انها تعبانة وزعلها كبير سلطان : يارب تتطلق واخذها انا واكسر خشم عبدالعزيز الكلب امها سمعت كل الكلام اللي دار بينهم ام سارة : سارة عمك صاحي يخطبك لسلطان وانتي على ذمة عبدالعزيز سارة : يمه عادي عمي يبي جنازة يشبع فيها لطم هذا عمي ماتعرفينه ام سارة ماعجبها الكلام واتصلت بعبدالعزيز وقالت له كل شي عبدالعزيز أنجن وراح بيت عمه ابو سلطان مثل المجنون ابو سلطان طلع له الحوش : خير وش فيك عبدالعزيز : وش فيني اجل يا عمي رايح تخطب زوجتي لولدك هذه الأصول وطلع سلطان من جوا : والاصول انك تعيش حياتك بلندن ولولا الحادث محد درى عنك مسكه عبدالعزيز من رقبته ودفه ع الجدار : والاصول تقول احرق مخازن عمي يا سلطان الكلب سلطان مصدوم عبدالعزيز : انا لو واطي كنت سجنتك بس قلت ولد عمي عيب من لحمي ودمي لكن ورب البيت المعبود لا ادفنك يا سلطان لو قربت من زوجتي خطوة وحدة سلطان مارد بحرف واحد ابو سلطان : انت وش سويت بالمخازن عبدالعزيز : اسال ولدك وطلع عبدالعزيز راح بيت عمه وقال لام سارة لا تتدخل بشي وراح غرفة سارة : قومي معاي سارة : اطلع بره مابي اشوفك عبدالعزيز : سارة امشي معي لا تعصبيني سارة : قلتلك ما - وما انتظرها شالها وقامت تصرخ وامها تضحك وركبها السيارة وقفل الباب ومشي . . عند خالد وهند بامريكا بدؤا دراسه وكل واحد يجتهد خالد تخصص أورام وهند جراحة قلب وشادين حيلهم بالدراسة وحبهم يكبر يوم بعد يوم .. البندري جالسة وسرحانة وتفكر باللي صار لها من ايام .. كانت البندري طالعة مع هديل السوق يشترون أغراض وبالصدفة هديل شافت ولد خالتها سطام وسلم عليها وما شال عينه من على البندري والبندري استحت منه وبعدها سطام سأل هديل عنها وقالت له كل شي عنها وأضافها على الانستقرام وكلمها خاص .. سطام : كيف البندري ان شاء الله ما أزعجتك البندري ؛ تمام الحمدالله لا بس مستغربة سطام : لا تستغربي ولا شي انا صريح وبقولها لك من شفتك بالمول وانتي ببالي وصراحة سألت هديل عنك وماقالت عنك الا كل خير وانه اهلك ناس طيبين وابي اخطبك اذا مو مرتبطة البندري مصدومة : هالكلام سطام مع ابوي مو معي سطام : يعني موافقة البندري : سطام استأذن بشوف امي سطام ضحك: الله معك وراح سطام لامه وقال لها انه يبي البندري الصدمة امه قالت : انا ما اقول البنت فيها عيب بس مو مستوانا سطام : يمه ابوها مدير عام بشركة ام سطام : بس مو شركته يا ولدي البنت مو مناسبة لك سطام : بس البنت ابيها يمه ام سطام : اوووه عاد شوف ابوك ان رضى اصلا والله بالمزرعة عند سارة وعبدالعزيز عبدالعزيز مل من عناد سارة وكبريائها: سارة افتحي الباب سارة : مابي عبدالعزيز : افتحي خل نتفاهم سارة : مافي شي نتفاهم عليه روح لحبيبة القلب تفاهم معها عبدالعزيز جلس على الارض وظهره ع الباب : حبيبة قلبي انتي سارة : كذاب عبدالعزيز : طيب انا كذاب بس في أشياء عنك محد يعرفها غيري سارة : ايش يا كذاب عبدالعزيز : ساعتك تلبسينها باليمين ماتحبين تلبسينها يسار لما كان عمرك 9 سنين طحتي من الدرج بمزرعة جدي الله يرحمه وجلستي تبكين وجيت عندك ومسحت الدم لك ولم كان عمرك 15 بعيد الفطر كنتي لابسة فستان وردي قصير وحاطة ربطة بشعرك وكانت اول مرة اشوفك تلبسين فستان اخذتي قلبي من ذاك الوقت ولم سافرت ادرس كنتي ببالي ومرة جيتي زيارة لامريكا انتي وأمك وانتي ماكنتي تعرفين انه كنت وراك بكل مكان حتى بدليل انه في واحد سعودي جا كلمك كنت بخنقه بس قلتي له ويقلد صوتها " انت ماتستحي على وجهك انت وانقلع عن وجهي ولا تخلينا ننشر غسيلنا هنا " وقتها موتيني ضحك .. سارة تسمعه وعيونها مليانة دموع .. عزوز يكمل ومرة كنتي جالسة ببيتنا عند هند وكنتي جالسة تغنين وعرفتك من بحتك على طول قاطعته سارة :واللي بلندن مين ؟؟ عبدالعزيز : ليلى كويتية كانت تدرس معنا ليلى تعرف انه انا احبك لان كنت اقول للكل انه اللي بقلبي سارة وبس سارة فتحت الباب وعبدالعزيز كان بيطيح لان ظهره ع الباب سارة ضحكت وعيونها دموع ونزلت عنده : اهبل عبدالعزيز : والله من حبيتك ايه صرت اهبل سارة : شسوي فيك عبدالعزيز : حبيني سارة وأول مرة تتجرأ قربت منه وباسته وشالها عبدالعزيز |
رد: حالة حب
البارت الحادي عشر اليوم الثاني صحيت سارة وعبدالعزيز جنبها ابتسمت وباسته ونزلت تحت تجهز الفطور .. عند هديل وميهاف عندها هديل : يعني بصير عمة وناسة ميهاف : ايه شفتي ههههه هديل : اكيد لو بنت بتسموها هديل ميهاف : بسم الله على بنتي والله هديل : لا والله وضربتها بالفاين دخل نواف : هيه هيه بشويش على الحب هديل : لا ي شيخ احلف تراها صديقتي من عمر قبل تكون الحب وتقلد صوته نواف : عاد الحين زوجتي وحبيبتي وقريبا ام عيالي هديل : ياربي نواف وبيصير عنده ولد وش يفكنا منه ميهاف تضحك على هبالتهم عند ابو سطام .. سطام : يبه انا ابي اتزوج ابو سطام : ومن بنته سطام : بنت نايف ال ابو سطام : مو ذَا ابو بندر اللي كان يشتغل مع فهد ال سطام : ايه يبه وهو الحين المدير العام لشركة فهد ال ابو سطام : ايه ماشاء الله هو ونعم ياولدي بس المشكلة عمامك بيتكلموا وبيقولوا مو مننا سطام : يبه انا اللي بتزوج ولا عمامي ابو سطام : حتى ولو هذول عمامك اهلك وعزوتك سطام : يبه انا ابي البنت ابو سطام : تتحدانا يا سطام سطام : حشا يا يبه بس انا شاري البنت وابيها ابو سطام : اذا عمامك رفضوا ماراح تاخذها يا سطام سطام طلع وعرف انه مستحيل ياخذ البندري فقرر انه يروح لأبو بندر يكلمه عند عبدالعزيز صحي وكان يدور سارة ونزل لقاها ترفع رجولها تبي الصحن جا من ورآها وعطاها الصحن وباسها وهي لفت عليه : صباح الخير حبيبي عبدالعزيز : الله كنت محروم من هالكلمة سارة استحت : خلاص عزووووز عبدالعزيز : احبك احبك احبك وضمها لصدره عند سلطان كان جالس يخطط مع الشخص اللي تعرف عليه شلون يستدرجون عبدالعزيز وخطرت فكرة ببالهم ونفذوها فورا سلطان كان عنده شخص جوا الشركة حقت عبدالعزيز يجيب له الأخبار كلها وكان يعرف انه في شحنة جاية لعبدالعزيز بعد يومين عن طريق البر وراح واتفق مع سواق الشاحنة ودفع له مبلغ وقاله اول ماتوصل الشحنة تبلغنا .. عند عبدالعزيز وسارة بعد ماخلصوا الفطور طلعوا بره المزرعة يتمشوا سارة : عزوز حبيبي تكفى ابي اطلع الخيل عبدالعزيز : ماتخافين سارة ناظرت بعيونه : عمري ما اخاف وانت معي الأمان اللي احسه معك نفس أمان الاب أمان الأخ ولو قلت لك شي ثاني غير هالكلام عمرك لا تصدق لو قلت لك اي شي ثاني بيكون لحظة غضب اي شي المهم لا تصدق عبدالعزيز باسها على شفتها : عمري ماراح أخيب هالثقة سارة : يلا طيب عبدالعزيز راح طلع الخيل وشالها وركب الخيل وصار يتمشى فيها بالخيل.. وسارة متمسكة بيده وراسها على صدره : تدري كنت احلم وانا صغيرة بهالشي لم كننا نجي المزرعة واحنا صغار كنت اقول لم نكبر ماراح يطلعني ع الخيل الا عبدالعزيز عبدالعزيز باس راسها : اصلا هالحلم ماراح يتحقق الا معاي واحلامك كلها محد بيحققها غيري بعد يومين رجعوا عبدالعزيز وسارة للبيت ورجع عبدالعزيز الدوام وحس بشي غريب وجاه احساس فجاة ونادى راشد !!! عبدالعزيز : راشد أبيكم تلغون توكيل سارة راشد : ان شاء الله طال عمرك تؤمر شي ثاني عبدالعزيز : الشحنة متى توصل راشد : بكرة ان شاء الله عبدالعزيز : زين عند سلطان .. سلطان : راكان انت متأكد من خطتك راكان : مضمونة وماعليك بتشوف نهاية عبدالعزيز بنفسك والله حق الكف اللي اعطانياه ما أضيعه سلطان : اهم شي مانبي اي أغلاط ولا بنضيع كلنا راكان : ماعليك كل شي يتم صح عند عبدالرحمن عزم هديل على مطعم هديل : وش مناسبة العزومة هذه اول مرة تطلب تقابلني بره عبدالرحمن : لان في شي ابي اعطيك ياه هديل : وش عبدالرحمن مد لها العلبة وفتحتها وكان خاتم الماس محفور عليه هديل وعبدالرحمن .. هديل : حبيبي مشكور جد عبدالرحمن : احبك وهذا اقل شي أقدمه بس قلت دام زواجنا مطول وأبوك شرط الملكة قبل العرس قلت أقلها هالخاتم تلبسينه هديل : حبيبي انت سارة ارسلت مسج لعبدالعزيز : أحبك يا اجمل عطايا الرحمن عبدالعزيز وصلته الرسالة وابتسم بس قلبه مقبوض مو مرتاح حاس ان في شي بيصير .. عند سطام وأبو بندر سطام : ابو بندر انا ابي أخطب بنتك على سنة الله ورسوله ابو بندر : ونعم فيك يا ولدي يا سطام بس ليش انت جاي الأصول ابوك هو يجي سطام : بيجي ابوي بس انا ابي الموافقة المبدئية منك وتشوف البنت وعقب تجي الجاهه اللي تستحقها ابو بندر : ان شاء الله اعطيني كم يوم يا ولدي أشاور البنت واردلك بالليل كان عبدالعزيز جالس مع سارة وحاضنها : سارة أحبك سارة : وانا أعشقك عبدالعزيز : سارة توعديني وعد سارة : اكيد عبدالعزيز : ايش ماصار مابيك تضعفين بوجودي وعدمه سارة : بسم الله عليك حبيبي الله يخليك جنبي طول العمر جت الخدامة دقت باب الجناح وفتح عبدالعزيز وقالت له الشرطة تحت ونزل لهم واخذوه معهم من غير كلام سارة انجنت وصارت تصرخ : عبدالعزيز وش فيه لبست عباتها ونزلت لهم عبدالعزيز : سارة ارجعي جوا سارة : عبدالعزيز ليش ماخذينك ؟ عبدالعزيز : اكيد في سوء تفاهم حبيبتي اذا تحبيني ادخلي سارة منهارة دخلت اتصلت على عبدالرحمن وقالت له كل شي وعبدالرحمن راح واتصل على راشد والمحامي وكلهم بالمركز الضابط : اخ عبدالعزيز رقم الشاحنة (....) تابع لشركتك عبدالعزيز : ايه الضابط : وش فيها ؟؟ عبدالعزيز : إسمنت وهي بالطريق وبتوصل بكرة الضابط : الشحنة حجزنا عليها لان لم فتشناها لقينا فيها 50 صندوق وال 50 صندوق فيها اكياس كوكايين عبدالعزيز مصدوم : انت بايش تتهمني الضابط : الواضح عندي تجارة مخدرات عبدالعزيز : لو سمحت انا رجل اعمال لي اسمي ووزني بالسوق شلون تتهمني هالاتهام الضابط : والله في تجار كبار كثير نص ثروتهم شبهه عبدالعزيز : وانا فوق الشبهات وصل عبدالرحمن وراشد والمحامي ورفضوا يدخلون غير المحامي وسارة فجرت جوال عبدالرحمن اتصال وطلع المحامي وقالهم انها قضية مخدرات عبدالرحمن ماصدق : وش تقول انت ؟؟ هذا عبدالعزيز مايتورط بهالقذارة راشد : اكيد في غلط مستحيييييل عبدالعزيز طلع والحديد بيده عبدالرحمن شافه والدم صار يغلي بعروقه اخوه وصديق عمره بهالمنظر : يا صاحب والله لا أطلعك وأحاسب اللي كان السبب عهد علي عبدالعزيز :..... ومشى معهم عبدالرحمن راح لسارة وقلها الخبر سارة انهارت : ابي اشوفه عبدالرحمن : ماينفع يا سارة سارة صارت تترجاه : عبدالرحمن الله يخليك سوي اي شي بس اشوفه عبدالرحمن اتصل مدير الشرطة لان يعرفه وشرح له الوضع ورضي ان سارة تشوف عبدالعزيز بس نص ساعة وأخذها للمركز وعزوز لما شافها : سارة وش جابك هنا سارة : حبيبي انا معك لو كنت وين وتطمن مو مصدقة ولا شي عبدالعزيز : ااااخ يا سارة لو يطيح بيدي الكلب اللي سواها والله اذبحه وطلعت سارة وهي مو عارفة وش مصير عبدالعزيز وعبدرالرحمن جالس يفكر بشي الشرطة جت بيت عبدالعزيز وصارت تفتش فيه ويدورون ومالقوا شي وسارة انهارت اكثر وأكثر ومو عارفة الحل وش .. التهمة لابسة عبدالعزيز وسواق الشاحنة اختفى واللي مسكوه مايعرف اي شي غير ان السواق قاله أطلع بدالي واعطاه 500 ريال والحل كله انه يمسكون السواق الأساسي .. خالد وهند رجعوا فورا وعبدالرحمن صار له يومين يدور سلطان وسلطان مختفي لان هو ورا كل شي ووصى رجال يدورون عليه وعلى السواق عند سارة جاها اتصال سارة : الو .. : انتي سارة ال سارة : مين معاي .. : اذا تبين عبدالعزيز يطع تجين المكان اللي بنقولك عليه بدون ماتبلغي الشرطة سارة : وانا شلون أتأكد انه هذا مو كمين لي .. : اذا تبين عبدالعزيز يطلع تجين وقفل وأرسلها مكان وطلع مكان عام سارة تطمنت شوي وقالت : خل اروح اشوف مين ذول ووش يبون واتصلت على هديل وقالت لها عشان لو صار شي .. هديل : سارة انتي مجنونة لا تروحين سارة : لازم اروح وبعدين هذا مكان عام هديل : قلبي مو متطمن سارة : بعد ساعتين لو ماكلمتك قولي لعبدالرحمن بس قبل لا تقولين لأي احد شي تكفين هديل هديل : طيب الله يستر وراحت سارة ووقفت تنتظر وفجأة جت سيارة سودة مظلله فتحوا الباب وركبوا سارة ع طول وغمضوا عيونها ومشيوا فيها لمكان بعيد ولم فتحت عيونها شافت ... سارة : سلطان ؟؟ سلطان : هلا ببنت عمي ومسك شعرها وهي بعدت عنه : سلطان بعد عني وش قاعد تسوي سلطان : سارة انا احبك سارة : انت مجنون بعد عني سلطان : ماراح ابعد عنك سارة : وش تبي مني سلطان : تتطلقي من عبدالعزيز وانا أطلعه دليل برائته عندي سارة انجنت : انت ورا كل شي يا حقير يا زبالة سلطان : لا لا لا يا بنت عمي مو كذا الألفاظ نزعل من بعض وقرب منها وتفلت بوجهه سلطان صفعها كف : اسمعيني تبين عبدالعزيز يطّلع حبيب القلب تتطلقين منه وتخلص العدة وأملك عليك وبعدين أطلعه لك سارة تبكي شلون تتطلق من عبدالعزيز وشلون عبدالعزيز ينحبس ورجعها سلطان محل ما أخذوها واتصلت على هديل وقابلتها بعدين وصارت سارة ترجف وقالت لها كل شي هديل : الله لا يوفقك يا سلطان الكلب سارة : شسوي يا هديل هديل : بلغي عنه سارة : ماعندنا اي دليل يا هديل ضده هديل : اجل وش الحل ؟؟ سارة: بروح لعبدالعزيز اليوم وأكلمه هديل : وش بتقولين له ؟؟ سارة راحت لعبدالعزيز السجن عبدالعزيز : سارة حبيبتي وجهك ذبلان لا تسويين بنفسك كذا سارة :.... عبدالعزيز : حبيبتي انا راح اطلع لا تخافين بطلع من هنا وكل شي يتعوض بإذن الله عند عبدالرحمن وراشد عبدالرحمن : انا متأكد ان سلطان ورى الموضوع راشد : قلبنا الدنيا عليه ومو لاقيينه عبدالرحمن : تعرف شخص ثاني له مصلحة راشد : لا ... لحظة لحظة تذكرت في واحد من كم شهر عبدالعزيز طلب عنه برنت وأذكره انه اخذه المزرعة وعطاه علقة بس مو متذكر اسمه عبدالرحمن : قصدك راكان راشد : ايه عندي معلوماته اتوقع عبدالرحمن: جيبها بسرعة عند عبدالعزيز عبدالعزيز : سارة مافهمت عيدي وش قلتي سارة بدموع : طلقني عبدالعزيز : سارة انتي شاكة فيني سارة تبكي : كل شي ضدك يا عبدالعزيز عبدالعزيز : اخر شخص توقعته يشك فيني انتي سارة تبكي : وانا اخر شخص توقعته يكون كذاب انت عبدالعزيز محروق دمه : سارة روحي وورقتك توصلك روحي سارة طلعت وهي حاسة انها بتموت ورجعت البيت منهارة وجا عبدالرحمن يشوف عبدالعزيز وقاله عن كل شي صار مع سارة عبدالرحمن : لا تطلقها عبدالعزيز : هي طلبت يا عبدالرحمن سارة تشك فيني عبدالرحمن : يا صاحب تثق فيني ولا لا ؟ عبدالعزيز : اكيد يا صاحب عبدالرحمن : لا تطلقها انا بمشي الحين ولا تسوي اي شي انت بتطلع برائه وراح عبدالرحمن واتصل على هديل عبدالرحمن : هديل بدون آي لف ودوران مين مهدد سارة هديل خافت : ها مدري عبدالرحمن : هديل بلا هبل سارة مستحيل تطلب الطلاق من عبدالعزيز الا في شي هديل قالت له عن كل شي صار وراح لسارة وشافها منهارة عبدالرحمن : اجل تبين الطلاق سارة : ايه اصلا كل شي واضح عبدالرحمن : سارة انا عرفت كل شي وأنك مهددة سارة مصدومة عبدالرحمن : انا ابي منك ورن جواله عبدالرحمن : الو هلا راشد وش قلت مسكتوا السواق انزين السواق كتفوه وسلموا الشرطة وانت خلك ورا راكان اكيد بيوصلنا لسلطان دامه يعرف السواق سارة : وش فيه عبدالرحمن : بعدين بعدين وطلع وسارة لحقته وشافت هديل وركبت معها هديل الحقوا عبدالرحمن بسرعة وهديل خلت السواق يمشي ومايدرون على وين وفجأة وصلوا طريق بعيد سارة : الظاهر هنا سلطان هديل : سارة انا بديت اخاف سارة : اهدي شوي شافوا عبدالرحمن وهو نازل وقابل راشد وكان معهم سلاح هديل : يمه قلبي عبدالرحمن معه سلاح سارة : اوش اوش اهدي هديل وسارة قلوبهم صارت ترجف وبالسجن عند عبدالعزيز سلطان ارسله واحد عشان يخوف سارة وهو بالحمامات تكرموا جا وطعنه من ورى .. وبنفس الوقت جت رسالة لسارة من سلطان انه عبدالعزيز انطعن سارة صرخت .. هديل : وش فيك سارة : الكلب سلطان ارسلي انهم طعنوا عزوز هديل : يمه وشوي التفتوا لقوا عبدالرحمن وراشد دخلوا المستودع وشوي سمعوا إطلاق نار وهديل نزلت من السيارة وسارة لحقتها : هديييييييييل وقفي |
رد: حالة حب
البارت الثاني عشر هدوء كبير وصوت شيخ يقرى القرآن وناس تبكي وتترحم على الميت وقلبها يحترق موجوعة من جوا مو مصدقه انه مااااات مو مستوعبه موته شلون ماااااااااااااات وتركككككها !!!! شلوووون !!!! تبي تصرخ في العالمييييين وتقولهم كككككككككذب مامااااااات بس صوتها خانها جمدت بمكانها ماقدرت تتكلم 💔💔💔 . . . . . . . يوم إطلاق النار :: وبالسجن عند عبدالعزيز وهو بالحمامات تكرموا جا واحد وطعنه من ورى .. وبنفس الوقت جت رسالة لسارة من سلطان انه عبدالعزيز انطعن سارة صرخت .. هديل : وش فيك سارة : الكلب سلطان ارسلي انهم طعنوا عزوز هديل : يمه وشوي التفتوا لقوا عبدالرحمن وراشد دخلوا المستودع وشوي سمعوا إطلاق نار وهديل نزلت من السيارة وسارة لحقتها : هديييييييييل وقفي سارة لحقت هديل ودخلوا المستودع راكان غرقان بدمه وراشد منصاب بالزاوية وعبدالرحمن طايح على الارض هديل قربت بشويش منه هديل : عبدالرحمن قوم عبدالرحمن انت مامت صح عبدالرحمن لا تستهبل قووووووم صارت تصرخ تصرخ وتهزه ولا تحرك سارة بقيت بمكانها مو قادرة تنطق بولا كلمة .. والشرطة وصلت للمكان .. وهديل تبكي وتقول يا ناس عبدالرحمن حي ما مات مامات والله العظيم يستهبل يبي يبي يخوفني عليه والله مامات .. الشرطة وصلت والإسعاف اخذوا راشد بالإسعاف الاول وعبدالرحمن غطوا وجهه هو وراكان وهديل صارت تصرخ : لاااااااااا عبدالرحمن لاااا ماراح تحطونه مع هالكلب بنفس السيارة لااااااا عبدالرحمن أمير وشيخ وذاك كلب وواطي لااااا عبدالرحمن طول عمره عزيز ويموت عزيز ماينحط معه بمكاااان واحد سارة تحاول تهديها وهديل انهارت خلااااص هديل : سارة قوليلهم مايحطوهم مع بعض اااااخ يا عبدالرحمن موتك كان بسببي موتك كان بسببي سارة : هديل اذكري ربك يا هديل بس هديل طاحت ع الارض منهارة وودوها المستشفى وجاها انهيار حاد وسارة بلغوها ان عبدالعزيز انقلوه المستشفى وراحت له وهي منهارة مابين هديل وعبدالعزيز وعبدالرحمن ماتدري شلون بتواسيه بموت اخوه راحت له لقته بين الأجهزة لان الطعنة جت ع الكلى .. سارة انفجرت بكى على زوجها وصاحبتها وع اللي ضحى بحياته عشان برائة اخوه .. ثاني يوم كانت الصدمة ان هديل صارت ماتتكلم من الصدمة فقدت صوتها من الصدمة وقال لهم الدكتور انه هالشي نفسي ومع الوقت بيرجع وعبدالعزيز للحين ماصحى بس تبرأ من تهمة المخدرات .. وسلطان اختفى ومحد قادر يوصل له . . بعد مرور ايام .. هديل للحين على حالها ماتتكلم وكل يوم تصحى من النوم مفزوعة بس ماتقدر تصرخ تبكي بوجع من غير صوت .. ميهاف مع الحمل تعبانة كثير وخاصة نفسيتها تعبت مع هديل وسارة واللي صار لهم .. البندري وسطام ينتظرون الأيام تعدي وبنفس الوقت زعلانين على اللي صار للبنات وعبدالرحمن وعبدالعزيز .. سارة تنتظر للحين ان عبدالعزيز يفتح عيونه .. لانه دخل بغيبوبة كأنه حاس انه لو صحى بيصحى على خبر سيء .. بالمستشفى الدكتور : عبدالعزيز عنده فشل بالكلى ويحتاج لأحد يتبرع له بالكلى سارة : انا دكتور بنت عمه وزوجته ممكن تتطابق الكلى هند : وانا اتبرع له بروحي يا دكتور هذا اخوي الدكتور : نسوي التحاليل ونشوف اي تطابق ونبدأ سووا العملية وللاسف لا سارة ولا هند تتطابق تحاليلهم مع عبدالعزيز وانهارت سارة بكى.. وخالد سوى التحليل ونواف ولا واحد تطابق معه سارة : والحل ؟؟ نتركه كذا هند منهارة : ما ادري يا سارة انا بمووووووت وبعد ايام جاهم الدكتور وقال لهم انه لقى متبرع بس المتبرع طلب خصوصية الاسم سارة : مايهمني اعرف مين المهم عزوز يصحى وراحت عنده بالغرفة ومسكت يده : حبيبي هانت كلها ايام وتخف حبيبي ابيك تصحى ادري انه في وجع راح يكون باللي جاي بس كل شي راح يعدي وكل شي يمضي ونبقى انا وانت لسا قدامنا عمر نعيشه مع بعض قدامنا حياة نعيشها مع بعض وبتكون ابو عيالي وبنتهاوش على اساميهم وأي مدرسة ندرسهم ونكبر مع بعض ونشيب مع بعض يد بيد .. عزوز حبيبي راح تعيش وباست راسه وطلعت .. . . . هديل جالسة وتناظر بالخاتم اللي أهداها ياه عبدالرحمن وتبكي وتقول لنفسها : انا السبب لو ماعرفت راكان ولو ما هدده عبدالعزيز ما كان صار شي وصارت تبكي اكثر ودخلت ميهاف عندها ميهاف : هديل آدري تسمعيني بس لمتى وانتي بهالحزن هديل ماترد ميهاف : حبيبتي تكفين روقي واهدي هديل تبكي وكتبت لها بالورقة : قولي لنواف يكلم ابوي مابي اجلس هنا ابي اسافر هنا موجوعة ميهاف : طيب حبيبتي ولو أني مابيك تفارقينا بس بقولهم ماتبين تجين معي المستشفى نشوف عبدالعزيز اليوم عمليته كتبت هديل : مالي وجه اروح احس انا السبب مالي وجه اشوف هند ميهاف : حبيبي مالك شغل انتي اللي صار مقدر ومكتوب انه يصير هديل دمعت وطلعت ميهاف من عندها ... ودخل عبدالعزيز غرفة العمليات وسارة تروح وتجي وهند ماسكة يد خالد وتبكي وخالد يهديها .. وميهاف ونواف وصلوا وميهاف ضمت سارة سارة : خايفة يا ميهاف خايفة ميهاف : حبيبتي ان شاء الله مو صاير شي اهدي سارة : شلون هديل ميهاف : على حالها وقالت تبي تسافر سارة : يمكن احسن لها عشان تتغير نفسيتها العملية استمرت 5 ساعات وطلع الدكتور وقال r.m.15طلع الدكتور من العمليات وبشرهم انه العملية نجحت سارة فرحت وبكت من الفرحة والكل انبسط بهالخبر .. سارة اتصلت على هديل : ادري سامعتني عبدالعزيز عمليته نجحت ياهديل هديل : تبكي ومو قادرة ترد بس فرحت كثير ان عبدالعزيز نجحت عمليته بعد ماقفلت هديل من سارة فتحت الايباد على صورة عبدالرحمن وتقول بينها وبين نفسها اخوك راح يعيش يا حبيبي اخوك بيعيش الحمدالله . . . بعد ايام صحى عبدالعزيز وشاف سارة قدامه وابتسم سارة : حبيبي بعد عمري انا الحمدالله على سلامتك وباسته وصارت تبكي عبدالعزيز : حبيبتي شصار سارة : انت طلعت من القضية الحمدالله عبدالعزيز : وسلطان سارة : هرب عبدالعزيز : عبدالرحمن وينه سارة غصت : مسافر عنده شغلة مهمة وبعدين حبيبي بعدين نتكلم ارتاح الحين طلعت سارة ماتدري تفرح لقومته ولا تبكي منهاااااارة مو عارفة شلون تقوله عن عبدالرحمن هديل وافق ابوها تسافر كم شهر لبريطانيا وتجلس هناك عشان نفسيتها وجهز لها كل شي هناك وخلى معها مرافقة تساعدها هناك .. . . بعد ايام هديل سافرت بريطانيا وعبدالعزيز طلع من المستشفى ووصل البيت ودخل على جدته الجدة : الحمدالله على السلامة يا يمه عبدالعزيز : الله يسلمك يا يمه الجدة : الحمدالله سلم واحد وأخذ أمانة واحد كذا الدنيا عبدالعزيز مافهم : أمانة مين ؟! سارة : عبدالعزيز حبيبي خالد : عبدالعزيز اهدى انت توك طالع والانفعال مو زين عشانك عبدالعزيز وقف وهو تعبان : وش فيه فهموني هند تبكي وقربت منه : حبيبي اسمعني ابوي الله يرحمه مات وعمي فهد مات والموت قريب منه وانت نفسك قربت منه والله لطف فينا ورجعك لنا بس بس عبدالعزيز : بس ايش سارة : حبيبي عبدالرحمن عبدالعزيز : اوش اوش لحد يكمل مو عبدالرحمن صح وجوههم كلها جاوبته وصرخ صرخة هزت البيت كلللللللله ليش ليش اخوي عبدالرحمن لم قلتولي سافر ماصدقت حسيت في شي بس ماتخيلت انه ماااااااااات خالد خذني لقبره تكفى خالد : عزوز انت مافيك شده خلها بكرة عبدالعزيز : الحين يا خالد تكفى وداه خالد المقبرة وبالطريق قاله كل شي وشلون مات وش صار على هديل ودخل عبدالعزيز المقبرة وبعد عنه خالد عبدالعزيز : ياصاحب رحت وخليتني شلون واحنا سرنا واحد .. شلون أكون انا سبب موتك ومين ولد عمي يقتلك لكن والله ما أكون رجال من ظهر رجال اذا ما أخذت بثارك يا عبدالرحمن وصار يبكي مثل الطفل وجاه خالد : عبدالعزيز لا تسوي بنفسك كذا الله يرضى عليك ادعيله بالرحمة .. عبدالعزيز: الله يرحمه يارب ويغفر له r.m.15رجع عبدالعزيز البيت وطلع الغرفة وكان يبكي جت سارة عنده عبدالعزيز : راح يا سارة والسبب ولد عمنا راح وهو بعده ماتهنى بحياته سارة : عبدالعزيز يومه ومكتوب له لا تسوي بنفسك كذا تكفى عبدالعزيز : شلون اكل وأنام واعيش واللي ذبح اخوي حر طليق سارة : الشرطة جالسة تدور والكل يدور عليه بس انت اهدى وحضنته وصار يبكي بحضنها مثل الطفل وسارة تبكي بصمت معه تدري ان الأيام الجاية بتكون صعبة حييييييل عليهم .. اليوم الثاني صحيت سارة ومالقت عبدالعزيز قامت خايفة وصارت تدوره بالبيت ونزلت لقت هند تحت : هند عزوز وينه هند : حاولت امنعه بس قال عنده مشوار ضروري سارة : شلون خليتوه يطلع سلطان بعده حر اخاف يلقاه اخاف عزوز يتهور ولا واحد منهم يقتل الثاني هند : طلع غصب عني سارة : ياربي استر بس ببريطانيا هديل طلعت الهايد بارك وكانت جالسة وسرحانة وتتأمل الطبيعة والمكان وماتحتك بأحد وكانت تشوف الأطفال وهم يلعبون وكانت تتذكر عبدالرحمن شكثر كان يحب الأطفال .. عبدالرحمن : هديل تدرين ابي نجيب 11 طفل هديل : ليش حبيبي نادي كورة عبدالرحمن : ايه عادي ابي عيال كثير انا هديل : يا سلام مو ع كيفك عبدالرحمن : لا على كيفي انا مو على كيفك انتي هديل تذكرت ودمعت عيونها ولبست النظارة وقامت تمشي عند سارة رجع عبدالعزيز سارة : حبيبي وين كنت ؟ عبدالعزيز : كان عندي شغل انا بجلس لحالي بالمكتب عن اذنكم سارة انصدمت بتغيير عبدالعزيز صارت ماتشوف الا النار بعيونه حست انها راح تخسره قريب ... هند : سارة حبيبتي قدري نفسيته شوي هو خسر رفيق عمره بأبشع طريقه ماينلام سارة : ايه صح معك حق ... سارة حست انه عبدالعزيز جرحها وطلعت الغرفة .. سطام راح مع نواف وأبو نواف وخطبوا البندري رسمي واهله قاطعوه عشان هالشي وهو ماهمه المهم عنده البندري وأبو بندر بالبداية رفض لان مو ناقصهم شي عشان يرفضون أهل سطام بس تدخل ابو نواف وكان وسيط بهالزواج ورضي وتمت خطوبة البندري وسطام ... عبدالعزيز ماطلع الغرفة الا الساعة 2 بالليل وسارة لم حست انه دخل سوت نفسها نايمة وهو جلس ع الكنبة ونام وهي مصدومة من تصرفاته وصحيت اليوم الثاني نفس الشي طلع عبدالعزيز بدري وماقال اي شي وظل على هالحال اسبوع وسارة نفذ صبرها خاصة ان هند وخالد سافروا ورجعوا لدراستهم بأمريكا .. هديل كل يوم تجلس في الهايد بارك وتتأمل وهذا حالها كل يوم وفي يوم جاها واحد : اتوقع انك عربية او من أصول عربية هديل : ماترد ..: are you Arabic هديل قامت بدون ماترد والولد حس انه فيها شي وفيها حزن مو طبيعي لانه يراقبها كل يوم واستغرب هدوئها .. التكملة بالكومنت 👇 عبدالعزيز رجع متأخر مثل كل يوم وسارة كانت صاحية : عزوز عبدالعزيز : هلا سارة : ابي نتكلم عبدالعزيز : ابي انام سارة عصبت : مو حالة كل يوم طالع من الصبح وترجع نص الليل لا اكلمك ولا اجلس معك فهمت حزنك على اخوك بس انا وين وبكت انا صار لي اكثر من شهر ما اعرف انام كنت بالغيبوبة وانا جنبك ماكنت أتحرك انتظرك تقوم تصحى ولم صحيت صرت واحد ثاني انا ما اعرفه ما اشوف بوجهك الا الموت الموت وبس عزوز تكفى خل نرجع مثل قبل الله يخليك عبدالعزيز : سارة انا بنام سارة انصدمت انه ما اثر فيه ولا شي ايقنت انه عبدالعزيز مات وهذا واحد ثاني |
رد: حالة حب
البارت الثالث عشر r.m.15اليوم الثاني صحى عزوز مالقى سارة وما دور قال اكيد عند امها ولا ميهاف .. سارة طلعت بالليل راحت بيت اَهلها .. عبدالعزيز طلع مثل كل يوم راح المقبرة عند عبدالرحمن وبعدين طلع للشركة عبدالعزيز كلّف فريق بحث كامل عشان يلقون سلطان وكل يوم عنده امل يلقاه أهمل شغله وصار عقله كله مع سلطان .. ببريطانيا هديل كانت جالسة بمطعم ومعها المرافقة وكان فيزشخص يعزف على البيانو هديل كانت تسمعه ومثل كل مرة عقلها مع عبدالرحمن وماتفكر بشي ثاني وانتهت المعزوفة وجاها العازف ..: انتي هنا انا للان متأكد انك عربية هديل ماترد ..: زين قوليلي اسمك انا اسمي فيصل ال وأعزف بيانو من وقت لوقت وارسم ومصور وادرس هندسة ههههه 7 صنايع والبخت ضايع زي مايقولوا المرافقة : ماتتكلم فيصل : انتي من زمان خرسا هديل هزت راسها بلاء فيصل : مو مشكلة وطلع ورقة وقلم وصاروا يسولفون وهديل تضحك عليه لان فيصل دمه خفيف ميهاف تتصل على سارة ماترد واتصلت ع البيت قالوا لها بره : اوف وين اختفت هالبنت عبدالعزيز بالمكتب يفكر بعبدالرحمن وطلب من راشد يدور ارض عشان بيبني عليها مسجد له .. هديل استأذنت من فيصل تبي تروح فيصل : ماشي راح أخليك تروحين بس مو قبل أخذ رقمك ونتواصل واتس هديل كتبت له : خليها للصدفة ومشيت فيصل ابتسم وحس انه سوا إنجاز عبدالعزيز رجع البيت ولقى التلفون يدق : ألو ميهاف : هلا عبدالعزيز شلونك عبدالعزيز : الحمدالله وانتي ميهاف : تمام جالسة أكلم سارة ماترد عبدالعزيز : يمكن ببيت امها ميهاف : اتصلت هناك ماكانت موجودة واصلا امها بالدمام عبدالعزيز قلق : طيب طيب انا بشوف وارد لك طلع عبدالعزيز الغرفة وانصدم لما شاف . . . دخل عبدالعزيز ولقى فستان عرس سارة ومقصوص بالمقص ورسالة مكتوب فيها : زوجتك صارت عندي وبحضني عبدالعزيز صررررررررررخ سااااااااااارررررة . . . . قبلها بيوم سارة كانت طالعة للبيت ووصلها السواق وأول مادخلت بيتهم سلطان جاها من ورا وكتم فمها بشاش عليه مادة مخدرة وخطفها .. واخذها لمكان بعيد وربطها بحبل وفصخها ملابسها ولبسها قميص نوم شبه عريان .. . . . عبدالعزيز انجن وبلغ الشرطة وقالهم انه اكيد سلطان ورى القصة عبدالعزيز يدور بالبيت مثل المجنون ويلوم نفسه : انا شلون نسيت سارة لهيت بالانتقام وأهملت سارة وخبط يده بالمراية ونزفت دم يده وجاه راشد : طال عمرك أهدى وكل شي ينحل تعال استريح ولف يده بشاش وشوي جواله يولع من الواتس وفتح وصرخ لا يالواطي يا ابن الق..... راشد : خير طال عمرك عبدالعزيز : والله لا اذبحه ابن الكلب ابن الحرام سلطان ارسله صور سارة بالقميص وبوضعيات مستفزة وواضح ان سارة فاقدة الوعي .. عبدالعزيز : لازم نلاقيه لااااااازم وبلغ الشرطة عن الرقم واتبعوه لقيو مقفل الجوال عند سلطان سارة صحيت ولقت سلطان قدامها سلطان : اشتقتي لي صح سارة : بعد عني ولا تلمسني يا حقير سلطان : لا لا بزعل كذا سارة : قلت لك بعد عني مابي اشوف وجهك سلطان شد شعرها : اسمعيني وعن كثر الهرج انا جيتك بالحسنى وقلت لك اطلبي الطلاق منه مارضيتي تبينه يممموووووووت سارة : والله لو قربت منه يا سلطان الكلب لا أقتلك والله سلطان يضحك بشكل هستيري وسارة خافت منه حياه مو طبيعي .. راح عبدالعزيز لبيت عمه ابو سلطان وشاف عمه على كرسي متحرك : عمي وش صار لك ؟ عمه : انا اللي تبرعت بالكلى لك يا عبدالعزيز عبدالعزيز مصدوم : انت يا عمي عمه : شفت اللي سواه ولدي فيك وفي اخوك عبدالرحمن وماتحملت عبدالعزيز : وسارة يا عمي عمه : وش فيها بنت اخوي وقاله عبدالعزيز عن كل شي وعمه : وانا وش بيدي يا ولدي انا ما اعرف له طريق عبدالعزيز : تذكر ياعمي اي شي عمه : ما اذكر يا عبدالعزيز عبدالعزيز فقد الأمل وكان بيقوم بس عمه : لحظة تذكرت شي عبدالعزيز : قول يا عمي عمه : في بيت لجدته ام امه بعيد عن الرياض ب 150 كيلو يمكن تلقاه هناك عبدالعزيز : اعطيني الوصف بالضبط يا عمي سلطان جاب اكل لسارة : كلي يلا سارة : مابي شي سلطان : بكيفك عبدالعزيز طلع على طول وجمع الرجال كلهم وأخذ سلاح معه وراحوا للمكان ووصلوا كان البيت أشبه بالمهجور وقف السيارات بعيد وصاروا يمشون مشي ويقربون من البيت ... r.m.15سارة تبكي وخايفة : سلطان تكفى تكفى خليني اروح سلطان : سارة انا احبك انتي لي ماتفهمين سارة : سلطان الله يخليك اذا تحبني خليني اروح الله يخليك سلطان : لاااااا أخليك تروحين عشان عبدالعزيز يا كلبة وضربها كف وصرخت وسمعها عبدالعزيز عبدالعزيز : بس بس هنا هم هنا راشد : عبدالعزيز الشرطة جاية خليك ننتظر شوي عبدالعزيز : راشد انا سمعت صراخها بعد عني قرب عبدالعزيز شوي شوي من الباب ومعه مسدس ولف من ورى ولقى شباك مفتوح دخل وصار يمشي ويسمع صوت سارة وهي تبكي دخل لقاها لحالها : سارة حبيبتي انا هنا اهدي سارة : عزوز روح بيذبحك هو هنا تكفى روح عبدالعزيز : بطلعك من هنا بطلعك لا تخافين عبدالعزيز ماحس الا سلطان هجم عليه وتضاربوا ولف عبدالعزيز وضربه وسارة صارت تصرخ وعبدالعزيز تمكن من سلطان وصار ضاغط على رقبة سلطان وطلع المسدس وحطه في راسه : عبدالرحمن اللي مات وهديل اللي انخرست وزوجتي اللي تجرأت ولمستها كل ذا والله والله سارة : عزوز حبيبي تكفى لا تغلط لا تكون مجرم مثله تكفى عبدالعزيز تكككككفى خليه لا تضيع مستقبلك عبدالعزيز مو مركز : لازم يموت لازم سارة صرخت : عزووووووووووووز اصحى وتذكر وصية ابوي سلطان : اذبحني يالله اذا انت رجال اذبحني يالله سارة : عبدالعزيز تكفى عبدالعزيز بيضغط الزناد خلاص وسارة تبكي وفجأة .. . . . . . اختفت الأصوات كلها وسمع بس صوت عبدالرحمن عبدالرحمن : لا يا عبدالعزيز انت مو مجرم وقف يا عبدالعزيز لسا قدامك عمر تبي تعيشه انت وسارة عبدالعزيز لسا عندك احلام تبيها تتحقق لا تنهي مستقبلك عشان كلب مثل ذا .. رفع عبدالعزيز يده عن سلطان والشرطة وصلت المكان وفك سارة وغطاها وطلعوا وسلطان مسكته الشرطة وراح عزوز وسارة للمستشفى عشان الكدمات اللي بجسمها .. سارة كانت ترجف من اللي صار وماسكة عبدالعزيز خايفة يبعد عنها وعبدالعزيز ساكت خانه الكلام .. . . . بعد ايام المحكمة حكمت على سلطان بالإعدام وسارة ماكانت تنام بالليل زين بسبب الكوابيس وقرر عبدالعزيز ياخذها ويسافرون باجازة عشان تتحسن نفسيتها وسافروا لباريس .. ميهاف ونواف مبسوطين بالحمل كثير ونواف كل يوم يزيد حبه لميهاف بس الحب لازم له منغصات وتعرفون بعدين ليش >>تطمنوا مو موت 😂😂 عند هديل فيصل طلعها من الحزن اللي هي فيه وصار كل يوم يعيشها بمغامرة بس للان ماتكلمت |
رد: حالة حب
البارت الرابع عشر وسافروا سارة وعبدالعزيز لمدينة الحب فرنسا وهناك قرر عبدالعزيز يسويلها مفاجأة وبعد ماوصلوا فرنسا وداها ديزني لاند وصارت تضحك واستانست وعبدالعزيز مبسوط انها غير مودها وبعدين اخذها إيطاليا.. . . . هديل جالسة مع فيصل بالمطعم وتقول لنفسها : معقولة الله عوضني بعد عبدالرحمن بفيصل طيب انا للحين أحب عبدالرحمن ما حبيت فيصل بس مرتاحة له مو حب فيصل قاطع افكارها : حبيبتي ابي رايك بشي هديل اشرت بيدها انه ايش فيصل : ابي اخطبك هديل انصدمت من كلامه وخافت وقامت طلعت بسرعة وفيصل مستغرب ليش راحت كذا وطلعت .. بإيطاليا : سارة : حبيبي عبدالعزيز : عيونه سارة : تتوقع بننسى الأيام اللي فاتت ونرجع مثل قبل عبدالعزيز تنهد : اللي مات مايرجع بس الحياة تمشي وتستمر وانا وانتي بنكمل حياتنا وبنجيب نونوات كثيييييييييييييير ونعبي البيت نونوات وانتي تربينهم وانا اشتغل سارة : يا سلام عبدالعزيز : ايه سارة : طيب يا عبدالعزيز عبدالعزيز : وش بتسويين يعني سارة : مسكت علبة الفاين ورمتها عليه وهربت عبدالعزيز صار يلحقها وهي تضحك وهو ورآها لين صادها ورماها على الكنبة وصارت تضحك ويبوس فيها : ع بالك هربتي مني سارة تضحك : خلاص والله خلاص استسلمت لف وجهها له وباسها على شفايفها لين داخت سارة 😴 . . . هديل رجعت البيت وكانت خايفة ماتدري وش تسوي حست انها خانت عبدالرحمن وصارت تبكي منهارة وفيصل يرسلها على الواتس ويتصل عليها ماترد ومر اليوم وهي ماترد وبعدين جاها البيت على الساعة 10 بالليل ودق الباب ودخل عند هديل فيصل : هديل انا مابي شي منك انا حبيتك صدق ومابي شي الا انك تكونين ام عيالي .. ماطلبت منك تنسين عبدالرحمن وادري صعب تنسيه بس انا حبيتك بصدق وراح اعطيك كل الوقت انك تحبيني وانا أوعدك وعد انه راح أكون سبب سعادتك هديل ساكتة ماتتكلم .. فيصل : بكرة ابيك تفضين نفسك ابي أطلعك مشوار هديل تأشر انه وين فيصل : بكرا تعرفين موافقة هديل هزت راسها بايه . . . اليوم الثاني فيصل جا أخذ هديل واخذت هديل معها المرافقة ووداها المزرعة : هديل انا جهزت لك غرفة انتي والمرافقة هديل كتبت بالورقة : ليش بننام هنا فيصل : لا بس عشان اذا تبين تبدلين ملابسك او تريحين هديل ابتسمت ووصلوا للمزرعة وكانت جميلة والجو بااااااااارد وجلسوا هناك وكانت تضحك هديل طول الوقت وفجأة نزل المطر بشكل غزير والطرق تقفلت فيصل : شكلنا مانقدر نطلع الجو يخوف هديل كتبت : يعني بنجلس هنا فيصل : لا تخافي مني يا هديل انا مو نذل ولا راح اضرك بشي هديل ابتسمت بقلق .. . التكملة بالكومنت 👇👇 r.m.15عبدالعزيز عزم سارة على مطعم بإيطاليا وجالسين يتعشون عبدالعزيز : تدرين يا سارة سارة : شنو عبدالعزيز : اكثر شي اخاف منه انه يجي يوم وتبعدي عنه لم طلبتي نتطلق كنت بنجن بس عبدالرحمن الله يرحمه عرف انه في شي غلط انا مافكرت وقتها تخيلت انك شكيتي فيني سارة دمعت : حبيبي كنت مجبورة سلطان قاللي انه بيطلعك بس الشرط طلاقنا وانا ماكنت ابيك تنام ليلة بالسجن بسببي عبدالعزيز : سارة لو على موتنا عمرك ماتفكري بالطلاق اللي بيننا ماينهي الا الموت سارة : احبك عبدالعزيز : أعشقك r.m.15بالمزرعة فيصل : وش رايك نتابع فيلم هديل بابتسامة هزت راسها ايه فيصل جاب السيديهات وقالها تختار واختارت فيلم رعب وجهز فيصل الجلسة وجاب البيبسي والفوشار وجلسوا يتابعون الفيلم .. . . . . عند ميهاف ونواف نواف : ميهاف حبيبتي جيبي لي منشفتي ميهاف : طيب حبيبي واعطته المنشفة ومشيت وجت رسالة على جوال نواف وشافتها ميهاف وكانت : نواف الله يخليك لا تسوي فيني كذا رد علي ميهاف مصدومة مين هذه اللي تترجاه يرد ومسجلها ميم .. . . . هديل وفيصل يتابعون الفيلم بحماس فيصل : هديل بردانة هديل هزت راسها ايه فيصل : خلك هنا بروح اجيب حطب من المخزن هديل هزت راسها طيب . . . نواف طلع من الحمام ورايق وميهاف جالسة ماتتكلم نواف قرب من ميهاف يبي يبوسها وقامت بعدت عنه نواف : ميهاف وش فيك ميهاف : مافيني شي بس الوحام تعبني نواف : طيب حبيبتي براحتك ميهاف تفكر مين البنت وشلون بعرف مين تكون وشلون ومتى خانها نواف ؟؟؟ . . عند هديل بالمزرعة كانت جالسة تتابع الفيلم وفجأة سمعت صرخة فيصل وطلق نار خاااااااااف هديل ماتت رعب وصرخت : فيصصصصصصصصصل وطلعت وشافت فيصل واقف هديل : فيصل انت بخير فيصل : ايه بس لمحت ذيب ، هديل انتي تكلمتي هديل استوعبت ان صوتها رجع : انا انا رجعت أتكلم انا رجعت أتكلم وصارت تصرخ وتضم فيصل وفيصل يضحك ومستانس انها رجعت تتكلم راحت هديل اتصلت على ابوها : يبه انا رجعت أتكلم وتبكي آبو نواف : لا اله الله اللهم لك الحمد والشكر يا الله اخيرا نطقتي يا ابوي نواف : يبه هديل تكلمت ابو نواف : ايه طلع نواف لميهاف : ميهاااااف هديل تكلمت هديل نطقت ميهاف صرخت : من جدك انت الحمدالله الحمدالله يارب واتصلت على سارة بإيطاليا وكانت سارة جنب عبدالعزيز سارة : الو هلا ميهاف حبيبتي اييييييش ونقزت وعبدالعزيز كان بيده عصير انكب عليه عبدالعزيز : يامصرقعه وش فيك سارة تناقز : عزوز هديل نطقت هديل تكلمت عبدالعزيز : منجدك انتي الحمدالله يارب r.m.15سارة وعبدالعزيز رجعوا السعودية ومبسوطين ومستانسين هديل علاقتها بفيصل قويت وحست انه قريب منها وقدر يعوض مكان عبدالرحمن .. ميهاف الشك كل يوم يذبحها ومو قادرة تواجه نواف .. البندري وسطام عرسهم تحدد وبيكون بعد شهرين وأهل سطام للحين مقاطعينه .. . . . هديل : فيصل اهلي يبوني ارجع السعودية فيصل : طيب حبيبتي ارجعي وانا بجي وأتقدم لك هديل متخوفة : بس فيصل انا فيصل : هديل قلت لك من قبل مابيك تنسين اي شي من الماضي انتظرك العمر كله بس تكونين جنبي وتعطيني الفرصة أكون قريب منك ومعك هديل : انت ليش تسوي كل هالشي فيصل : لان حبيتك بشكل ماتخيلت انه ممكن احب احد كذا هديل : طيب فيصل : طيب ايش ؟؟ نجي نخطب هديل ابتسمت ووجها تلون وماتكلمت فيصل باس يدها : احبك هديل ابتسمت بس ماقدرت تنطق احبك ورجعت هديل للسعودية بعد يومين وصارت لها حفلة كبيرة وتجمعوا البنات بالحديقة هديل : شكثر تغيرنا هالسنة البندري : جد والله كثير احداث كثير أشياء كثير صارت سارة : انا عن نفسي كبرت 30 سنة ميهاف مهمومة هديل : ميهاف وش فيك حبيبتي ميهاف : مافي شي بس الحمل متعبني شوي البندري : بعد عمري والله . . . بعد كم يوم فيصل جا خطب هديل والكل فرح .. هديل اتصلت على عبدالعزيز تبكي : عزوز مو قادرة أوافق مو قادرة افرح مثلهم عبدالعزيز مخنوق مو عارف وش يقول : هديل حبيبتي هذه الحياة لازم تستمر مافيك تضيعين شبابك هديل تبكي : عزوز مو قادرة أنسى عبدالرحمن والله مو قادرة عبدالعزيز : تقدرين صدقيني تقدرين وحبي فيصل مثل عبدالرحمن يا هديل وصدقيني عبدالرحمن بيكون مبسوط ومايهون عليه انك تضيعين عمرك هديل ارتاحت شوي لكلام عبدالعزيز وحست انه خفف عليها شوي .. ميهاف على أعصابها صارت عصبية ومو متحملة كلمة من نواف .. نواف : ميهاف صار لك فترة متغيرة ومو على بعض وش صاير ميهاف : مو صاير شي مو صاير شي يا نواف ولو سمحت اتركني بحالي نواف : ميهاف حبيبتي قرب منها ودفته بعيد عنها ميهاف تصرخ : نواف بعد عني مو طايقتك نواف عصب وعشان مايغلط طلع بره البيت |
رد: حالة حب
البارت الخامس عشر مرت شهرين بسرعة وجا يوم عرس البندري وطلعت بندري مثل القمر والبنات بعد وعبدالعزيز عشان يرتاح هو اشترى لسارة الفستان عشان مايكون شفاف ولا عريان 😂 وبطن ميهاف بدت تبان وتكبر .. وهديل بدت ترتاح لفيصل اكثر .. أهل سطام مارضيو يجون العرس والبندري كانت متضايقة من هالشي هديل: بندري حبيبتي لا تفكرين بشي خالتي اعرفها زين مصيرها ترضى هي ماتستغني عن سطام مصيرها ترضى سارة : ياربي يحصل لهم وحدة مثل البندري تكون مرت ولدهم ميهاف : اوف الكعب تعبني وظهري بدا يعورني سارة : هانت كم شهر وتولدين هديل : سارة شصار معك سارة : ربك كريم للحين مافي حمل ميهاف : لازم تروحين تحللين وتتأكدين سارة : ان شاء الله سارة خايفة يكون عندها مشكلة وتحرم عبدالعزيز من حلم انه يكون اب . . . انزفت البندري وكانت مثل البدر وسطام كان مبسوط ومو مصدق ان العرس تم على خير وعبدالعزيز وعد سطام انه يوظفه معه بالشركة عشان خاطر ابو بندر لين يأسس لنفسه شغل .. . . هديل : فيصل شلون تبي تشوفني مجنون انت فيصل : هديل تكفين لمحة بس هديل : لا يعني لا فيصل : هين يا هدول وقفل هديل تضحك : مجنون لم خلص العرس دق فيصل : هديل اطلعي بوصلك البيت هديل : نعم فيصل : أخذت إذن ابوك هديل : والله بدون ما تقولي فيصل يضحك : اطلعي عاد توني مترجي الاب الحين البنت هديل تضحك : والله انت جايبة لنفسك العرس بعد كم اسبوع فيصل : هدييييل تكفيييييين هديل : طيب طيب بطلع . . سارة رجعت البيت : اوف تعبت تعبت وانا أرقص عبدالعزيز : مو منك من الكعب اللي 10 متر ابفهم شلون تمشون فيه المشكلة انتي لو قصيرة اقول عادي بس طويلة بسم الله عليك مو محتاجه كعب سارة : ياربي وش فيك علي وبعدين الكعب زينة البنات عبدالعزيز جا شالها : وانتي مو محتاجه زينة البنات كلها سارة : والله زين نزلني ابي أبدل عبدالعزيز : ايه خير ان شاء الله . . . هديل : فيصل لا تطول الطريق خل نروح البيت فيصل : ياخي بتلحقين ماشبعت من عيونك لسا هديل تناظر فيه وتضحك .. . . . ميهاف ونواف نواف : ميهاف حالك لمتى بيظل كذا ميهاف : تصبح على خير بنام نواف للحين مو فاهم تغييرها وحط العذر الحمل . . اليوم الثاني ببيت ابو نواف ام نواف : هديل وش هالخبال وش ماتبين فستان عرس ابيض هديل : يعني مابي فستان ابيض ومدري شنو ام نواف : هديل انتي حتى لا ارملة ولا مطلقة انتي والمرحوم حتى ملكة مو مملكين هديل تبكي : يمه حسي فيني شوي انا وافقت أخذ فيصل بس مو معناه انه مبسوطة ما اقدر البس الفستان الأبيض لغير عبدالرحمن اقل شي احترموا رغبتي بهالشي تكفون ام نواف : لا حول ولا قوة الا بالله وش اسوي فيها هالبنت . هديل راحت عند سارة وقالت لها على الفستان وأنها ماتبي تلبس سارة : حبيبتي هديل اذا حاسة ان راحتك كذا تمام لا تلبسي فستان ابيض هديل تبكي : للحين أتذكره مو رايح من بالي وكارهه نفسي عشان وافقت على فيصل سارة : هديل الحياة لازم تستمر وفيصل يحبك وهذا المهم هديل : لم اشوف حبه لي انوجع اكثر احس انه جالسة اخدعه سارة : يمكن لم تكونون ببيت واحد مشاعرك تتغير مع العشرة هديل : تتوقعين سارة : اكيد حبيبتي انتي لا تفكرين بشي . . . فيصل جالس بغرفته ويطالع صورة وحدة بس وعيونه تدمع وشال الصورة وحطها بصندوق ورفعها فوق ... . . سطام والبندري سافروا شهر العسل وراحوا كوريا لان البندري تحب الكوريين وطلبت كوريا وسطام زاد حبه لها اكثر من قبل بس ناقصه امه وابوه .. . . . بعد يومين سارة حللت الدكتورة : مدام سارة انتي عندك مشكلة بالرحم ولازم لك علاج سارة : يعني ايش ماراح احمل الدكتورة : الحمل بيد رب العالمين لكن اذا مشيتي على العلاجات احتمال كبير تحملي سارة : كم مدة العلاج الدكتورة : يمكن سنة ويمكن سنتين سارة انوجعت شلون تحرم عبدالعزيز من أبوته وإذا ماحملت شلون سارة حست بوجع وأنها في احتمال تخسر عبدالعزيز .. . . ومرت الأسابيع وتم عرس هديل وكان عائلي جدا هديل ماكانت تبي عرس كبير واحترم فيصل رغبتها وسافروا شهر العسل لبريطانيا للمكان اللي التقوا فيه .. فيصل قرب لهديل وحضنها من ورا : بشنو حبيبي سرحان هديل بعدت عنه شوي : لا ولا شي فيصل حس انه كل ماقرب من هديل تهربت منه فيصل : تبين نطلع هديل : ايه خل نطلع . . ميهاف زادت المشاكل بينها وبين نواف خاصة انه قرر يسافر مع اصحابه ميهاف : تبي تسافر مايهمني روح نواف : انا ابي افهم بس وش مغيرك علي ميهاف : لا تستعجل بتعرف كل شي بس مو الحين نواف مصدوم من تغييرها الكبير وسافر مع أصحابه .. . . ببريطانيا هديل : فيصل فيصل : نبضه هديل : متى نرجع السعودية فيصل : تونا ما كملنا اسبوع هديل : ماعليه بس نفسي نرجع فيصل حس انه هديل بتنفجر لو بقي الوضع كذا : طيب نرجع بعد يومين حبيبتي هديل ابتسمت وارتاحت ... . . سارة وعبدالعزيز سارة : عبدالعزيز عبدالعزيز : لبيه سارة : انا رحت اليوم وحللت وقالت له كل شي عبدالعزيز حس بخوف سارة وقرب منها وباس يدها : اذا الله كتب لي أكون اب بكون اسعد إنسان اذا انتي ام عيالي وإذا الله ما كتب انا مابي عيال من غيرك سارة بكت : بس الحين هالكلام بعد كم سنة لو ماصار حمل بتتضايق ويمكن تبي تتزو قاطعها عبدالعزيز وباسها وحضنها ونساها كل الكلام اللي تبي تقوله.. . . . بعد يومين رجعوا هديل وفيصل السعودية وراحوا بيتهم وطلع فيصل يجيب أغراض للبيت وهديل بدت تتعرف على البيت ودخلت غرفة فيصل وفتحت الدولاب وجلست ترتب اغراضهم ورفعت يدها فوق عشان تحط أغراض وطاح الصندوق وطاحت الصور وجلست تلمهم وشافت صورة ونزلت دموعها وحست الدم غلي بعروقها ..، . . فيصل : هديل وش فيك هديل : شلون فكرت تقرب من حبيبة صاحبك فيصل : مو فاهم ورته صورته هو عبدالرحمن وانصدم انها لقت الصورة وماجاوب صارت هديل تصرخ فيه كنت تعرف انه انا خطيبة صاحبك ليش جييييييت ليش تقربت مننننني لييييييش ؟؟؟؟؟ شنو غايتك ؟؟؟ صدفة ولا كنت عارف كل شي من الاول رد جججججاوب ؟؟؟ فيصل لا رد هديل لبست عباتها تبي تطلع ومسكها .. . . . سارة مثل المجنونة صارت تبي تعرف عبدالعزيز شلون عنده ولد شلووووووون ؟؟؟؟ ولم وصل عبدالعزيز جا وقرى الايميل وطلع قال لسارة انه لازم يسافر بريطانيا سارة ع طول جا ببالها انه ليلى ام الولد قالت له طيب روح ... . . . ميهاف توقعت نواف بيتصل ولا اتصل ولا اهتم ومن العصبية جاها نزيف حاد ونقلوها المستشفى ... . فيصل : هديل اسمعي القصة من الاول هديل : شنو اسمع فيصل : انا وعبدالرحمن وعبدالعزيز عشرة عمر درسنا بنفس المدرسة وكبرنا مع بعض .. عبدالرحمن باليوم اللي مات فيه جا عندي عبدالرحمن : يا صاحب ابيك بخدمة فيصل : عيوني لك امر عبدالرحمن : انا رايح لسلطان فيصل : مجنون انت انا جاي معك عبدالرحمن : لا انا ابيك الاصعب فيصل : وش عبدالرحمن : هديل يا فيصل فيصل : وش فيها هديل ؟؟ عبدالرحمن : لو صار لي شي ومت،، فيصل : وش تقول انت عبدالرحمن : اسمعني لو صار شي هديل أمانة برقبتك ابيك تخليها تنساني وتحطها بعيونك وتكون حولها فيصل : صعب يا عبدالرحمن صعب عبدالرحمن : حاول يا فيصل عشاني ابي اروح وانا متطمن .... فيصل : راح عبدالرحمن لسلطان وانقتل وعرفت انه انتي صرتي خرسا ورحت لعبدالعزيز بعد ماصحى أخذ رأيه قاللي انت حر بس هذه وصية الغالي .. وقررت أنفذها وعرفت انك رحتي لندن ولحقتك وصرت قريب منك وسألت الدكاترة وقالوا لي انه الشي اللي خوفك وخلاك خرسا هو اللي بيخليك تتكلمي وسويت فيلم الذيب بالمزرعة وفعلا الفكرة نجحت .. هديل يمكن ماراح تصدقين لكن اقسم بالله العظيم حبيتك ونسيت الوصية من شهر رحت القبر وبكيت عند عبدالرحمن وقلتله انا حبيتها يا عبدالرحمن مدري هالشي يرضيك او يزعلك لكن حبيتها وانا الحين تزوجتك يا هديل مو عشان وصية عشان انا ابيك وأحبك وشاريك هديل مصدومة وتبكي : عبدالرحمن وصاك علي اااااخ يا عبدالرحمن موتني مرتين مرتين... وجاها اتصال ان ميهاف ولدت وطلعت ع طول هي وفيصل وعبدالعزيز وسارة هناك بعد .. الكل بره خايفين على ميهاف وخايفين من بكره وش مخبي لهم ؟؟ بعد 4 ساعات ولدت ميهاف وجابت ولد ووضعها لسا حرج اليوم اللي بعده سافر عبدالعزيز لندن وسارة ماقدرت تمنعه ولا تكلمت وجا نواف وطار ع المستشفى وصار يبكي عند ميهاف .. نواف : ميهاف حبيبتي ميهاف : ماتبي تكلمه وعيونها مليانة دموع نواف : ميهاف حرف الميم اللي قريتي اسمها هذه وحدة ايه بس والله العظيم مالي علاقة فيها كانت تترجاني أرد عليها ميهاف : بس تعرف اسمك يا نواف نواف : ميهاف الله يخليك افهميني ميهاف : مين هي يا نواف نواف ساكت ميهاف : يا تقول مين هي يا تطلقني نواف : نوف ميهاف : نوف مين ؟؟ مو نوف اختي صح نواف : نوف اختك تكلمني لها فترة وتحاول تتقرب مني بس وربك ما اعطيتها وجه يا ميهاف ميهاف انصدمت ان كره اختها وصل انها تاخذ نواف مننها .. . . بعد اسبوع طلعت ميهاف من المستشفى وراحت بيتها وسموا الولد خالد . . هديل : مو عارفة يا فيصل اذا بقدر أسامح ولا لا ؟؟ فيصل : أبوس يدك تسامحيني يا هديل بس لا تشكين ان انا ما احبك هديل ناظرت فيه بعيون مليانة دموع ...... . . رجع عبدالعزيز من السفر ومالقى سارة بالبيت وراح يدورها وقالت له جدتها انها أخذت أغراضها وراحت بيت اَهلها وراح بيت اَهلها عبدالعزيز : سارة حبيبي وش فيك سارة : طلقني عبدالعزيز : نعم سارة : اللي سمعته عبدالعزيز : ليش وش تغير وش فيك سارة : اللي تغير انه عرفت حقيقتك وانه عندك ولد .... هديل ناظرت فيه بعيون مليانة دموع : احبك فيصل : يالله اخيرا قلتيها وشالها وصار يدور فيها بالبيت ... ميهاف جت مرت ابوها ونوف زاروها ونوف تناظرها بحقد نوف : ميهاف وين زوجك نواف ميهاف : ليش تبين تذلين نفسك اكثر له نوف بعصبية : وش تقولين انتي ميهاف : انا عرفت كل شي ونواف قاللي عن كل شي وانه انتي تلاحقي من مكان لمكان وهو معطيك طاف يا نوف انا اختك عيب اللي تسويه بس وش اقول تربية امك ام خالد : استحي على وجهك هذا وحنا في بيتك بس صحيح بنت إيطالية ماتعرفين الأصول ميهاف : لا اعرفها زين يا مرت ابوي بس بقولك شي لو توقفين على الموت لا انتي ولا بنتك محللين ليوم الدين واطلعوا بره بيتي الحين بررررررره .. عبدالعزيز يضححححححك : سارة اي ولد سارة عصبت : لا تستهبل انا قريت الايميل واعرف ليش سافرت عبدالعزيز : سارة اهدي الايميل اللي قريته واللي مكتوب فيه صح عندي ولد بس مو من صلبي هالولد وما قلتلك لان هالشي اعتبره سر بيني وبين ربي .. هالولد شفته في بريطانيا بمستشفى الأورام وكان يتيم وماعنده احد ولا احد يدفع تكاليف علاجه الا المتبرعين من وقت لوقت يعني جلسات الكيماوي ماياخذها بانتظام فقررت اتبناه وتكفلت بمصاريف علاجه كلها ومن وقتها وهم معتبرينه ولدي ويرسلون لي الايميل على هالاساس وإذا مو مصدقتني عادي تقدرين تتاكدين سارة : يعني مو ولدك ومو متزوج علي عبدالعزيز يضححححححك: يا مجنونة كفاية علي انتي تغنيني عن العالم كلللللله باللي فيه سارة : احبببببببببك .. . . . حالات الحب كثيرة ومتعددة وتحتمل كل النهايات وفيها انواع الغيرة مثل غيرة ميهاف والحب والعشق الصادق مثل عبدالرحمن والجنون بعد مثل سلطان وحالات العشق النادرة مثل عبدالعزيز وسارة .. ..... بعد 4 سنين سلطان تنفذ فيه حكم القصاص ميهاف ونواف صار عندهم خالد وتالا هديل وفيصل صار عندهم عبدالرحمن الصغير وهديل مانسيت عبدالرحمن بس حبت فيصل وصار قلبها مقسوم بين الماضي والحاضر.. البندري وسطام جابوا ولد وسموه يوسف وأبو سطام سامحه ورجعت المياه لمجاريها .. خالد وهند تخرجوا ورجعوا للسعودية خالد دكتور اعصاب كبير وهند دكتورة جراحة قلب وجابوا بنت مثل القمر سموها ميهاف .. عبدالعزيز وسارة ابطال حكايتي اللي عاشوا كل القصص من حب وغيرة وشك وخوف وفقد عاشوا حياتهم مثل مايبونها صار عندهم توأم عبدالرحمن وفهد وسارة صارت تدير شركة ابوها .. النهااااية . . لبطل حكايتي الاخر بلسم الرواية عبدالرحمن كان البلسم الحقيقي في روايتي واللي مثله اكيد راح يكون مضحي ووفي |
رد: حالة حب
تسلمي عزيزتي لروايتك الجميلة، في انتظار جديدك يا قمر
|
| الساعة الآن 07:25 PM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية