|
بقلمي :قصة شوق
السلام عليكم شحالكم اليوم كتبتلكم قصة حقيقية100%
السالفة بدت من 17 سنة شوق بنت حلوة عمرها 17 ومثل كل بنت تحلم تتزوج ريال يحبها ويحترمها وتكون معاه أسرة سعيدة ومستقرة المهم قصت عليها حرمة عيوز وقالتلها نصيحة مني يابنتي اذا بتتزوجين اختاري اخس واحد يتقدملج تكونين احسن منه فكل شي اذا تبينه يكون خاتم فصبعج وشوق المسكينة صدقتها وكل مايتقدملها واحد اذا كانت فيه ميزة ترفضه بعطيكم مثل الاول رفضته عشان مزيون والثاني رفضته عشان صغير فالسن والثالث عشان عنده فلوس والرابع ولد جبيلة معروفة وهكذا استمرت ترفض العرسان لين وضلوا 25 واحد الأخير دش رأسها لنه ماكانت فيه اي ميزة اولا اكبر منها ب12سنة ومطلق وعنده عيال خال وهي حرة من جبيلة معروفة المهم قالت هذا عز الطلب فالبداية ابوها رفض فالبداية وقالها هديتي عيال العرب الأحرار والاغنياء والحلوين و العزوبية والصغار وتبين هالخال وقالتله هذا الي بيدلعني وبيشلني فوق راْسه المهم ضحك ابوها وقاللها الخوال النذالة تمشي فدمهم اذا غلطتي فحقه مرة وحدة ينسى كل خيرج ويذكر زلتج المهم شوق ماصدقت ابوها وقالتله كيفك انا مقتنعة بهريال وإذا ماوافقت عليه بيلس على جبدك ولا بتزوج غيره المهم ابوها قالها سمعي انا مابمنعج بس بعدين لاتييني تتشكين منه هذا اختيارج وانتي تستحملين نتيجة اختيارج لا تطلبين مساعدتي لني حزتها بقولج مابتدخل لنج ماسمعتي كلامي وتحملي الي ييج منه وافقت شوق على شرط ابوها وتزوجت وسارت بلاد ريلها لنه ريلها خليجي بس ولد ديرتها وكان زواجهم فشهر 5سنة1999 وهني تبتدي رحلة معاناتها وكالعادة الريال فأول سنة مبسوط باللعبة اليديدة الي حصلها عشان جي كان طيب حنون ورومانسي ومن حملت شوق فبنتها الأولى بدأ العاشق الرومانسي يطلع على حقيقته فالبداية بدأ يهينها بأفضع الكلمات قالت ماشي زواج خالي من المشاكل وأول مايابت البنت بدأ يمد ايده عليها والمسكينة سكتت عشان خاطر بنتها وتذكرت كلام أبوها يوم قاللها اذا خذتيه لاتدخليني فمشاكلكم وعقب كم سنة زواج فكرت تكمل دراستها يوم بناتها كبرن شوية وصارت الصغيرة عمرها 4 سنين يعني سن الروضة فالبداية وافق أنها تكمل دراستها بس بعدين يلس قبل بداية الكورس يدور مشكلة عشان مايدفع حق دراستها وعقب 4 سنين من اللف والدوران تعبت منه وقالتله اذا ماعندك النية تخليني أكمل دراستي قولها بدون لف ودوران حرام تعلقني بأمل اني بكمل وانت ماعندك النية تخليني أدرس وبالفعل قالها مابدفعلج عشان تدرسين وهني أنكسرت الثقة بينهم وبدأت شوق تفقد حبها له نكتفي اليوم باجر اخلصلكم القصة |
رد: بقلمي :قصة شوق
السلام عليكم ورحمة الله وبركاته، هلا وغلا فيك رهف .. القصة مؤثرة فعلا وربنا يعينها على ما ابتلاها فيه ويعين كل وحدة بتعاني متلها. حبيبتي بحب اسأل هل هي فصول ولا قصة قصيرة ؟! تقبلي مروري وخالص ودي ★☆★☆★☆★☆ بعد نهاية النقاش او الحديث مع أحد لاتنسوا دعاء كفارة المجلس: سُبْحَانَكَ اللهم وَبِحَمْدِكَ لاَ إِلَهَ إِلاَّ أنت أَسْتَغْفِرُكَ وأَتُوبُ إِلَيْكَ |
رد: بقلمي :قصة شوق
هي قصة متوسطة الطول يعني لا هي رواية ولا هي قصة قصيرة
|
رد: بقلمي :قصة شوق
الجزء الثاني من قصة شوق
المهم عقب ماحرمها من الدراسة طاح من عينها والي زاد الطين بلة إنها أكتشفت إنه يخونها عاد كيف اكتشفت بخبركم كانت معزومة على عرس وريلها قالها إنه بيبات فالدوام وهي صدقته لنه أحيانا كان يمسك يومين 3 وهي سايرة العرس كانت أول مرة تحضر عرس فهلفندق وبركنت وين مدخل الفندق مب قاعة العرس وكالعادة غطت ويها عشان الميك آب الي حاطتنه ونزلت من سيارتها مشت شوية إلا وتشوف ريلها ويا وحدة يدش الفندق ماصدقت عيونها قالت يمكن يشبهه فسارت دورت سيارة ريلها ولقتها مارامت تدش العرس ورجعت البيت من قوة الصدمة ماعرفت شو تسوي رمست أمها وقالتلها لاتواجهينه لنه بينكر وصبري عشان بناتج ماكفاه إهانات وضرب وحرمان من الدراسة كملها بخيانة المهم من القهر دعت عليه أن الله يهده لنه أمها قالتلها ادعي ربج أن يهديه وهي من القهر قالت لاتقولين الله يهديه قولي الله يهده دعت عليه من ذي الصوب وفثاني يوم انجلبت عليه السيارة واستواله كسر ف الجمجمة ونزيف داخلي وانضرب عنده عصب العين فصار يشوف بعين وحدة وقاعدوه طبيا ومن تقاعد وشوق ندمانة عشان دعت عليه تعرفون دعاء المظلوم ربكم يستجيبه وهي دعت من القهر بدون قصد المهم عقب ما أكتشفت خيانته قامت تلوم نفسها عشان هو كان دايماً يقولها انا ماحب الحرمة المتينة فقررت تنزل وزنها جايز تحلو فعينه يوم تضعف ويودر عنه البنات الصايعات فالبداية نجحت فتنزيل وزنها بس كل مانفسيتها تعتفس ترد الي ضعفته وأكثر أحيانا لنها يوم تتضايج وتنفجر تطلع حرتها فالاكل وكل ماتنزل 8 أو 10 كيلو ترد تاكل وترجع إل10 وفوقهم جم كيلو أحيانا لين استوالها تشحم عالمبايض وفهلوقت كان ريلها داير على حل شعره لين وحدة لفت راسه وقرر يتزوجها على شوق وتحجج بحجة أن شوق ماتروم تحمل بسبة التشحم فكيف تصرفت شوق عقب قراره هذا يوم اكتشفت أن ريلها بيتزوج عليها واجهته وبكل وقاحة قالها أن هالكلام صحيح وأنه بيتزوج حزتها دقت على أبوها وقالت له طرشلي فلوس أبوي عشان اقصلي تذكرة سفر عشان تسير عند أهلها أبوها سألها ليش وقالت له خلاص أبا اتطلق من هريال وخلي الحيوانة الي بياخذها تربي بناته حاول أبوها يهديها بس يوم شافها مصممة كلم ريلها وقاله يرد بنته عنده بيت أبوها مفتوح لها ويخلي بناته عنده وكل واحد فطريجه ريلها رفض فطرشلها أبوها فلوس وقصت التذكرة ويوم طلعت فالتكسي متوجهة للمطار قالت حق ريلها انا سايرة عند اهلي الحين واباك تطرشلي ورقتي وخلي حرمتك تربي بناتك بنشوفها اذا بتستحملهم المهم يوم سارت عند أهلها البنات سارن عند يدهم يشتكون عنده على ابوهم وابوه انصحه يرد شوق وينسى موضوع الزوجة الثانية وهو رفض قال بتزعل يومين وبترد وتزوج وشوق طلبت منه يطلقها ورفض يطلقها وقال حق أبوها انا مابطلقها إذا هي تبا تتطلق خليها ترفع قضية فالمحكمة المهم شوق قالت برايك انا مابرفع عليك قضية بس مابرد لك بيلس فبيت أبوي ويوم خبرت بناتها هالكلام قالوا بنطفر بحرمته لين يطلقها ويرد أمي وعاد وحدة من بناتها أستاذة فالغياض يلست تطفر بحرمة أبوها سنة كاملة لين انفجرت وقالت خلاص طلقني مايسوى علي هالعيشة وفعلا طلقها عقب سنة من الزواج خلال هالسنة شو سوت شوق وهي فبيت أبوها بخبركم فالجزء الثالث من القصة |
رد: بقلمي :قصة شوق
السلام عليكم ورحمة الله وبركاته، فعلا معاناة فظيعة شو هالبني آدم .؟!!. نسأل الله السلامة والعافية من كل أثم. يا ترى رح ترجع شوق لبناتها ولا رح يصير شي تاني ؟!! يسلمو ايديك في إنتظار التكملة تقبلي مروري وخالص ودي ★☆★☆★☆★☆ بعد نهاية النقاش او الحديث مع أحد لاتنسوا دعاء كفارة المجلس: سُبْحَانَكَ اللهم وَبِحَمْدِكَ لاَ إِلَهَ إِلاَّ أنت أَسْتَغْفِرُكَ وأَتُوبُ إِلَيْكَ |
رد: بقلمي :قصة شوق
الجزء الثالث من شوق
المهم خلال هالسنة أول شهر كانت وايد حزينة وكله يالسة فالبيت حاولوا اخوانها وخواتها يطلعونها من جو الحزن الي هي فيه بس مارامو يطلعونها من مودها وعقب شهر خف حزنها وبدت تطلع ويا خواتها يسيرون يتمشون فالمولات أو الحدايق أو يسيرون السينما أو مطاعم المهم فيوم من الأيام تلاقت شوق وهي تتعشى ويا أختها فالمول ويا ربيعة أختها الي إسمها حنان وحنان كان اخوها وياها واسمه فيصل وبطبيعة الحال سلموا على بعض وتعارفوا وتعشوا ويا بعض ودفع فيصل الحساب وهم عالعشى فيصل أعجب بشوق وبطريقة كلامها واسلوبها واختها لاحظت هشي ويوم ردت البيت أختها يلست تمزح معاها وقالت لها صار عندج معجبين يا شوق من يوم مايلستي وفيصل ماشال عينه من عليج مالاحظتي هشي فردت شوق يالسة تتوهمين يا رهف ( أخت شوق) ناسية إني متزوجة عيب تقولين هالكلام فردت عليها رهف طلبي الطلاق هو تزوج ومب مفتكر فيج انتي بعد عيشي حياتج طلبي الطلاق وتزوجي غيره ليش ماتبيعين الي باعج فردت عليها شوق الي يسمعج يقول العرسان يتريوني عالباب فردت عليها رهف وايد مستهينة بنفسج ماشفتيه كيف فيصل مهتم فيج حتى أخته لاحظت وهو من توفت زوجته ما انعجب بأي بنت لنه كان وايد يحبها وهو مب راعي بنات ريال مستقيم من البيت للشغل ومن البيت للمسيد دايما أخته تتكلم عنه وعن اخلاصه وحبه لزوجته هي متوفية من سنتين وعمره ما انعجب ببنت عقب ماتوفت زوجته إلا إنتي فقالت شوق يابنت الحلال لاتيلسين تتخيلين أشياء مب حقيقية الي يسمعج يقول باجر بيي يخطبني فردت رهف عليها ما استبعد هشي وبذكرج بهشي فيوم من الأيام هالحزة فبيت فيصل واخته حنان كان يدور حوار بين الإخوان حنان كانت تسأل فيصل لاحظتك اليوم ماشلت عينك من على شوق ليكون انعجبت فيها إبتسم فيصل وقالها ليش ما انعجب فيها مالاحظتي طيبتها وأسلوبها الحلو فالكلام وفوق كل هذا هي جميلة صح دبدوبة شوية بس حبوبة وتدش القلب ابتسمت حنان وقالت أخيرا رجعت لعالم الأحياء كنت خايفة تم طول عمرك عايش على ذكرى مريم (زوجة فيصل المتوفية) بس تراني ماعرف عن شوق إلا معلومات بسيطة بس إذا مب جاد لاتتقرب منها الي فهمته من رهف انه ريلها تزوج عليها وهي طلبت الطلاق وعندها بنتين منه فقال لها تعرفين انا ماعندي خرابيط الشباب ماعرف اتلاعب على مشاعر الناس بس لازم أتعرف عليها لول أشوف طباعها وكل شي عنها وهي بعد لازم تعرفني جايز ما اعجبها ممكن تطلبين من رهف رقم شوق عشان أتعرف عليها بس لاتقولين لها إني بتزوجها جايز يوم تتقرب مني ما اعجبها هشي بيني وبينج وفعلا كلمت رهف وقالت لها أن فيصل يبا يتعرف على شوق ويبا رقمها تتوقعون شو كان ردة فعل شوق سارت رهف حق شوق وقالت لها شفتي قلتلج فيصل معجب فيج اكوه كلم حنان عشان اكلمج يبا يتعرف عليج وأنا اقولج هو إذا طلب يتعرف عليج معناته إن نيته شريفة لنج أول بنت يطلب يكلمها من توفت زوجته ردت شوق عليها وقالت لها إنتي ناسية إني متزوجة مايوز أكلم ريال ثاني وأنا بعدني على ذمته ردت عليها رهف الي يسمعج يقول إن ريلج مفتكر فيج رغم انج على ذمته عندي لج راي كلميه وعرفيه زين إذا شفتيه شاريج واقتنعتي فيه صارحيه انج متزوجة وبتطلبين الطلاق لنه ريلج رفض يطلقج إذا يبا يخطبج وإذا ماعيبج كل واحد فطريج ويا دار مادخلج شر ردت شوق بفكر وبرد عليج وعقب تردد بسيط وتفكير عميق وافقت عالفكرة وبدت تتكلم معاه وتتواصل وياه على وسائل التواصل الاجتماعي وبدأ يدش قلبها واستمرت علاقتهم 10 شهور وفمرة من المرات قرر فيصل يصارح شوق بمشاعره ويبين لها نواياه عقب ماحس أنها بدت تحبه وتوده فشو كان ردت فعل شوق فهشي بشوقكم وبخبركم شو صار باجر انشالله |
رد: بقلمي :قصة شوق
السلام عليكم ورحمة الله وبركاته
هل ممكن تتجاوز ماضيها وتبدا صفحة جديدة مع فيصل ؟ بتوقع انه رجوع الخايب زوجها وتأثير الحنين لبناتها يكون له راي تاني وتضطر ترجع له وتنسى فيصل. يسلمو ايديك ومتشوقة للقادم «اللهم أغفر لي هزلي وجدي، وخطئي وعمدي، وكل ذلك عندي» |
رد: بقلمي :قصة شوق
الجزء الرابع من قصة شوق
المهم خلال هالعشر شهور شوق خبرت فيصل عن حياتها الزوجية كيف كانت وليش طلبت الطلاق وردت بيت أبوها بس ماخبرته إن ريلها رفض يطلقها فيصل كان يتحراها تطلقت عشان جي يوم قرر يصارحها بمشاعره ونواياه دار بينهم هالحوار فيصل:شوق الحين مرت على علاقتنا 10 شهور وسمحيلي من البداية ماصارحتج بنيتي بس الحين يوم قربت منج تأكدت 100% من انج الإنسانة الي كنت أدور عليها عشان أكمل حياتي وياها انا من شفتج دشيتي قلبي بس خفت انا ماعجبج عشان جي قلت اعرفج بنفسي جايز ادش قلبج مثل مادشيتي قلبي وفالفترة الأخيرة حسيتج بديتي تحبيني عشان جي تجرأت وقررت اصارحج بحبي وأتمنى تقبليني زوج لج انا ماعرف طبيعة مشاعرج هل هو حب أو إعجاب أو ارتياح أي شي من ذيلا يكفيني إذا بتتزوجيني لنه عقب الزواج انا متأكد اني بقدر اخليج تحبيني ماطلب ردج الحين خذي راحتج فالتفكير بتريا قرارج على أحر من الجمر شوق:آسفة فيصل انا غلطت فحقك يوم ماخبرتك الحقيقة بصراحة أنا بعدني متزوجة ريلي رفض يطلقني قالي اذا تبين الطلاق طلبيه فالمحكمة وانا ماسرت المحكمة لنه ماكنت مهتمة بالزواج مرة ثانيه بس يوم عرفتك زين وايد ارتحتلك بس كنت خايفة اصارحك واخسرك بس دامك خطبتني لازم كنت اصارحك انا بطلب الطلاق إذا بتترياني بس إذا تبا تنهي كل شي بينا عاذرتنك لني علقتك فيني وانا بعدني فذمة ريال ثاني ومابلومك لني انا الغلطانه عارفة أنها صدمة لك ومهما كان قرارك انا راضية به وبتقبله بدون زعل تتوقعون شو كان رد فيصل فيصل انصدم بس لنه تعلق فيها وايد وحبها قال لها بفكر وبرد عليج وعقب تردد بسيط وتفكير عميق قرر يترياها لين تتطلق من ريلها وقال بخبرها الحين ودقلها وخبرها فقالت له الحين مرت سنة على هالوضع بتكلم ريلها وديا جايز يطلقها بدون محاكم عقب ما تأكد أنها مستحيل ترد له فقال لها فيصل أوكي لنه المحاكم تطول وخير البر عاجله اذا رفض يطلقها ماجدامها إلا المحكمة ويوم دقت على ريلها كانت تترياها مفاجأة فاجأها ريلها بخبر طلاقه من حرمته ويباها ترد له فقالت له تتحرى رجوعي لك بالساهل لا عندي شروط اذا وافقت عليها والتزمت بها بكمل وياك بس اذا وافقت وما التزمت تطلقني وكل واحد فطريجه الشروط كانت مايهينها ولا يضربهم إطلاقا مايخونها ولا يتزوج عليها مايحرمها من الإنجاب ييبلها بشكارة يعطيها الجنسية يخليها تكمل دراستها وعنده 3 شهور عشان ينفذ اذا مانفذ يطلقها تتوقعون شو كان رده عليها كعادة ريلها راعي كلام يقول بسوي ومايسوي قالها موافق عشان ترجعله وعطته مهلة 3 شهور عشان ينفذها اذا مانفذ يطلقها أما فيصل المسكين انصدم يوم قالتله برجع حق ريلي عقب ماطلق حرمته قالتله برجعله عشان بناتي ولا هو مايستاهل وعنده فرصة 3 شهور عشان يثبت حسن نيته اذا مانفذ شروطي يطلقني وأتمنى نفترق واحنا أصدقاء ماباك تكرهني لنك عزيز وغالي على قلبي ورجعت شوق حق ريلها فهل حس بغلطته ونفذ شروطها أو رفض ينفذ وتطلقت منه الجواب فالجزء الأخير من القصة |
رد: بقلمي :قصة شوق
الجزء الأخير من شوق ومرت 3 شهور بدون ماينفذ شروطها طبعا ماكان واضح وصريح كعادته يدور حجج واعذار عشان ماينفذ وفنهاية ال3 شهور قالتله شوق انا تحريتك تغيرت لكن اثبتلي إنك مثل ماكنت راعي كلام لول كنت مستعدة استحملك عشان بناتي بس عقب ماتزوجت علي ماشي يشفعلك عندي الإتفاق إنتهى انا راجعة بيت أبوي طرشلي ورقتي وفعلا رجعت بيت أبوها وطلقها ويوم تطلقت شو أول شي سوته اول شي سوته دقت على فيصل وخبرته أنها تطلقت وارتاحت وقالتله إنها خلال ال3 شهور كانت تتمنى انه مايلتزم بالشروط لنها حست إنها مابتقدر ترجع مثل لول خاصة أن فقلبها دش شخص ثاني الي هو فيصل ويوم ما التزم فرحت وارتاحت عشان ريحت ضميرها من ناحيته وبترد بيت أبوها وهي مرتاحة الضمير واذا قبل فيصل يرجعلها بتكتمل فرحتها أما إذا مارجع فبتعذره لنها ماتمسكت فيه يوم خطبها ورجعت لريلها بدل ماتتزوج فيصل المهم فيصل فهل 3 شهور وايد كان مكتئب عشان فراقه لشوق كان وايد يحبها لدرجة قرر يسامحها عقب ماتطلقت وكلمته عقب الطلاق وعقب ماخلصت عدتها تزوجها فيصل وعاشوا أيام حلوة بس فالبداية قرروا ماييبون عيال عشان يستمتعون بحياتهم قبل ماييبون عيال واستمروا سنة ويا بعض ماكان يعكر سعادتهم غير أم فيصل كانت دوم تتحرش بشوق وتعايرها يوم تركت فيصل وردت حق طليقها وعطاها بومبة يوم ردتله فاضطرت ترد حق فيصل عقب ماشاتها طليقها وكانت شوق تستحمل اهاناتها عشان خاطر فيصل إلي ماحبت تزعجه بتحرشات أمه لين استوى موقف أنهى كل شي بينهم الي صار أن أم فيصل طولت لسانها على شوق جدام فيصل فردت شوق عليها بوقاحة خلت فيصل يضربها جدام أمه فلبست شوق عبايتها وسارت بيت أبوها وحاول فيصل يراضيها ووافقت بشرط مايسكنها فبيت أمه يعني يطلعون فشقة أو بيت بروحهم فالبداية وافق فيصل بس بعدين بدت أمه تشيشه على شوق لين طلقها زعلت شوق وحست إنها غلطت للمرة الثانية في اختيارها لشريك حياتها وعشمت نفسها إنها المرة الياية بتختار بعقلها مب بقلبها وعقب طلاقها ب3 شهور تقدم لها ولد عم فيصل كان أرمل وعنده ولد وبنت وعصب فيصل يوم قاله فهد ولد عمه انه بيخطب شوق وقاله فيصل أن قليل أدب كنت حاط عينك عليها وهي حرمتي وتزاعلوا الإخوان بسبة هشي حزتها شوق رفضت فهد عشان ماتزيد الطين بلة وعقب 6 أو 7 شهور هدت النفوس وتصالحوا الإخوان وفيصل وفهد وبهدوء كلم فهد فيصل فموضوع شوق حزتها فيصل نسى شوق وما أعترض على زواج فهد منها وتزوجت فهد وعقب زواجهم اكتشفت انه شراة ريلها الأول فتطلقت منه عقب سنتين زواج مايابت منه عيال وماتادبت من طلاقها 3 مرات عقب ماخلصت عدتها تزوجت ربيع اخوها كان مطلق مرتين ويوم تزوجته أكتشفت إنه مريض بالشك يفتش تليفوناتها مايخليها تطلع بمكياج يدق عليها كل شوية يسالها وين انتي ومع منو لين ملت من كثرة شكه وطلبت الطلاق بس رفض يطلقها فسارت المحكمة تطلب الطلاق ولين الحين المحكمة ماطلقتها العبرة من القصة أن كل الرياييل انانيين مايفكرون إلا فنفسهم لاتعورين قلبج عشانهم لنج مهما تسوين لهم مايبان فعيونهم وامشي عالمثل الي يقول خليك على مينونك لييك الاين منه |
رد: بقلمي :قصة شوق
حلوة النهاية وفيها عبرة فعلا رغم بؤسها...
بس هذا حال الدنيا مو دار هناء وراحة .. يسلمو ايديك يا قمر *تم التثبيت* لك خالص ودي «اللهم أغفر لي هزلي وجدي، وخطئي وعمدي، وكل ذلك عندي» |
رد: بقلمي :قصة شوق
يااااااااااااحرام رحمت شوق كثير
كثير تعذبت مرره صدق شي من الرجال مامنهم امان لكن الله كريم حلم الحياه⛅ |
رد: بقلمي :قصة شوق
شكرا على مروركم الرائع
|
رد: بقلمي :قصة شوق
رواية رائعة جدا
|
رد: بقلمي :قصة شوق
شكرا على المرورررررررررررررررررررررر
|
رد: بقلمي :قصة شوق
الروايه كلمه رووووووووووعه قليله بحقها
|
رد: بقلمي :قصة شوق
شكرا على المروررررررررررررر
|
رد: بقلمي :قصة شوق
السلام عليكم جميعا
|
| الساعة الآن 11:47 PM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية