|
رد: احبك ذاتي بقلمي / ارادة الحياة .
اقتباس:
واضم صوتي لصوتك واطالب كاتباتنا الرائعة بالعودة من جديد مسائج امل |
رد: احبك ذاتي بقلمي / ارادة الحياة .
اقتباس:
حيا الله الخاشعة انت من الجيل الطيب للقراء اسعدني وجودك من جديد بمتصفحي كل التفاصيل الي ذكرتيها سوف تاتيك تباعا وستنكشف الكثير من الامور بشكل تدريجي كوني بالقرب ياخطيرة:party0033: اسعدتني قرائتك للاحداث ويسعدني تواجدك الدائم بمتصفحي مسائك امل |
رد: احبك ذاتي بقلمي / ارادة الحياة .
[QUOTE=فيتامين سي;3608786]
أخيرا لحقت عليكم توني أنتهيت من قراءة البارت الرابع قرأت الثلاث البارتات الأخيره ورى بعض لي عودة بعد قراءة البارت الخامس أعذريني أبله ارادة على قلة ردودي بالذات هالأيام مشغوله ضيوف وأستعداد لزواج أختي يوم الخميس القادم لكن ماشاء الله عليك أسلوبك راااائع وأعجبني كثيرا ماقرأت الف مبروك لكم ام جمال زواج اختك ربي يسعدها ومعذورة عزيزتي ومتى ما كان لك مجال لا غنى لي عن رأيك انرتي المتصفح وننتظرك دائما مسائك راحة بال |
رد: احبك ذاتي بقلمي / ارادة الحياة .
السلام عليكم
مرحبااااااااااااااا ابلتنااا الحلوووه .. مرحبا بيج وبالبارت الرائع.. ولج خافي الله بيه هسا تريدين كاظم بيك من ممتلاكتي؟؟ والله ابيعه بالمزاد العلني وعيوني ماترمش عليه.. يقهررر حتى لو تعدل مع صبر يحرق الاعصاب.. الحين صبر انتي شمصبرتس على هالعديم احساس كاظم؟؟ لا احساس ولا الفاظ مثل الناس ومع هذا الحرمه قايمه بواجبها معه وتجهز له الشنطه ولا احلى من كذا زوجه؟؟ اكيد اللي مصبرها عليه انها تحبه ..بس بالله صبر هذا العديم احساس شحبيتي فيه يا المظروبه؟ والله يرفع الضغط ... على انه رمى عليتس فكرة الطلاق والله احس صعبه فعلا تتطلقين منه. يعني اولا مالتس مكان تروحين له ..صح بيت اخوتس موجود لكن اخوتس له زوجه ماتبي احد يشاركها مملكتها واكيد له عيال بعد ماراح يخلون عيال اخوتس يرتاحون في بيتهم وبتصير مشاكل بينهم.. وهالمشاكل ماراح توقف عند الصغار لابد يسحبون لها الكبار.. وضع صعب صراحه ولو كان فيه عندتس وظيفه كان بيكون عندتس مساحه اوووسع بالقرار.. يعني صراحه خيارين احلهما مر.. الله يكون بعونتس لكن يمكن لما يرجع للدوام ترتاحين من شيفته وتفتكين من خشته وتقدرين تقررين بشكل اريح.. لكن انا مستغربه من كاظم ليش جالس يخيرتس بالطلاق اولا؟؟ ليش مايقرر هو ويقول انتي طالق ؟؟ هل مايبي يكون له يد مباشره بهالموضوع ومايلحقه أي انتقاد من اهلهم؟؟ والا هو نفس وضعها عاارف ان مالها احد بيستقبلها لو طلقها وقال اصبر عليها؟؟ رحمة صبر مرره مررررره وهي تتودد لوداد على اساس لو تطلقت وجت سكنت عند اخوها.. عشان كذا انا اشجع المرأه على الوظيفه وانها تكون مستقله ماديا.. يمكن صبر تستغل وسائل التواصل الاجتماعي وتسوي لها تجاره عن طريقها ..؟؟ مجرد توقع او امنيه انها تستغلها. اصلا هو ليش تزوجها يوم عارف انه مو رجال.. صدق حمار كبير .. ادري ان كلامه عشان يقهرها بس فعلا يحرق الاعصاب.. او يمكن هو فعلا صار عاجز الحين يمكن صار له حادث وبسببه صار عاجز ولايبغى يبين لصبر هالشي؟؟؟ حتى علاقته مع اولاده بارده لحد الجليد.. هذا كيف عايش ؟؟ ليش هالبرود بعلاقته مع اولاده؟؟ كاظم هذا واحد غريب.ومريض أتوقع حتى لو تطلقت صبر من كاظم وهالشي أتوقع مستحيل يصير ماراح تتزوج سلام.. سلام هالسكير راعي النسوان أتوقع يكون من نصيب هوازن..أتوقع هالشخصيه بتكون غييير شكل . بتكون شخصيه ثريه بالاحداث والانفعالات النفسيه .. يمكن هو يحب صبر لكن يمكن اكثر شي مقهور منه انه ماتزوجها يمكن هو من النوع اللي يحب انه يمتلك أي شي يعجبه ولما تزوجت صبر كاظم انقهر عليها .. يعني ما اعتقد ان حبه لصبر خلاه سكير عربيد.. لكن هو راعي شراب من قبل خطبته لصبر وشكله مدمن بعد عليه.. وهو معروف بهالشي يعني ما استتر وصار يشرب ببيته بدون محد يدري عنه ..لأ هو مشهور بالشرب وهالشي مو هامه.. لكن هل فعلا لو كان متزوج صبر راح يتغير ؟؟؟ أتوقع لأ..لان حبه لصبر مو حب صاحي.. لكن هوازن هي اللي أتوقع تناسبه. مدري ليش لكن سلام بيكون له قصه قووويه بقصتنا وماراح يكون طريقه لصبر .. ام زهره .. تفقع القلب وقليلة ادب ليتها تنام وتصحى والا تعرف انها لقيطه>>فيس حاقد عليها.ههههههه تخيلت تقوم وتلقى اصلها مشقلب فوق تحت ام ياسمين والله اخلاق عاليه والانسان باخلاقه مو باصله..والله يتمم لمهند وياسمين على خير..هخهخه هديل . ياخوفي مهند يخطبها ويخلي ياسمين.. مهند : انت وش عليك الحين من هوازن رووح يابا واخطب ياسمين ..وخصوصا انت تعرف ابوها وكان مثل اخو لاخوك سعد ..اصلا يمكن هالعلاقه هي اللي تخليك تقرر انك تخطبها.. امممم ويمكن بعد تخطبها عشان تقهرر اخوانك وتحرق اعصابهم بهالنسب مع ابو ياسمين.. ويمكن أصلا علاقة اخوك أبو مؤيد مع أبو ياسمين سبب بتدهور علاقة اخوانك مع اخوك سعد.. مؤيد وخلود : الصدق يمكن هم يحبون بعض لكن يمكن الي اللي خلاهم فعلا للحين مستمرين مع بعض ان وضعهم هذا يعتبرونه تحدي .يعني يمكن لو ماكان بينهم هالعداوه كان حبهم عادي مو بهالقوه لكن هم يعتبرون هالحب تحدي لاهلهم .. ومع هذا اتوقع مايتم الزواج ويمكن مؤيد اخرته يتزوج هديل؟؟ ايه نسيت اعلق على مقطع الحفله اللي راحت لها سااره .. حسيت اني اشووفه بالتلفزيون وخصووصا استعراض الكررووش,ههههههههه ولما مرت اخوها ماتت حره وقهر .. احسن شي صار انها انقهرت.. ابلا الف شكر على هالجزء الحلو .. يمكن يكون لي عوده اذا الله احيانا ,, تسلم الانامل يااعسل.. |
رد: احبك ذاتي بقلمي / ارادة الحياة .
السلام عليكم ورحمة الله وبركاته، بارت رائع ودسم فعلا .. قصة مؤيد وخلود محزززنة كتير ليش قلبي محسسني انهم راح يفترقوا ؟!! مرور سريع سامحيني عندي انفلونزا وشوي تعبانة صار لي يومين ولكن تأكدي انه طير عقلي من روعته متشوقة للقادم كتير تقبلي مروري وخالص ودي ★☆★☆★☆★☆ بعد نهاية النقاش او الحديث مع أحد لاتنسوا دعاء كفارة المجلس: سُبْحَانَكَ اللهم وَبِحَمْدِكَ لاَ إِلَهَ إِلاَّ أنت أَسْتَغْفِرُكَ وأَتُوبُ إِلَيْكَ |
| الساعة الآن 12:08 PM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية