البارت الاول
تشرق الشمس فترسل اشعتها الذهبيه لكى تدخل من نافذه غرفه بطلتنا
......:نونو اصحي يا حبيبتى يلا
....:صباح الفل يا ست الكل عامله ايه النهارده يا سوسو
سعاد:انا الحمد لله يلا يا نورا يا حبيبتى ميعاد الشغل
نورا:انا خلاص صحيت يا ماما حضرت اللواء صحا ولا لسه
سعاد:اه يا حبيبتى ومستنيكى على الفطار
نورا:حاضر يا حبيبتى انا داخله الحمام
بعد خروجها من الحمام واداء فريضه الصلاه تتجه الى دولابها لترتدى ذيها الرسمى وتمشط شعرها كزيل حصان ليصل لمنتصف ظهرها
Stop
نورا فتاه فالرابعه والعشرين من عمرها بيضاء البشره عينيها خضراء شعرها بنى طويل جسدها ممشوق تعمل كضابظ فى العمليات الخاصه متفوقه فى عملها
Back
نورا:صباح الفل يا سيادة اللواء رفعت الزايدى
رفعت:صباح الخير يا حضرت الضابظ اخبارك ايه
نورا:الحمد لله يا باشا
سعاد:انا نفسى تتكلموا ذى الناس الطبيعيين
نورا:مالنا يعنى يا ماما
سعاد:انتى بتكلمى ابوكى كأنكم فى الشغل وهو كأنه بيكلم ابنه مش بنته
رفعت:ما نورا هى الابن الراجل اللى ربنا ما رزقنيش بيه
سعاد:كفا الله الشر يا خويا راجل دا انا بنتى ست البنات
نورا:كمحاوله لتغيير محور الحديث:امال عبير فين
سعاد:لسه نايمه معندهاش كليه النهارده
نورا:طاب انا همشى رايحه الشغل سلام
رفعت:سلام يا حضرت الضابط
سعاد:انت مشهتبطل طريقتك دى
رفعت: انا عملت ايه يعنى
سعاد: بنتك اللى من كتر ما بتعاملها ذى الرجاله نست انها بنت كل ما أكلمها على عريس تقولى انا مش عايزه اتجوز
رفعت: عندها حق كل العرسان اللى انتى جبتيهم ليها هى ارجل منهم
سعاد: حرام عليك دا بدل ما تقف فى صفى تقول كده
رفعت: بنتك مش صغيره دى بيتهز لها شنبات فى الاداره
سعاد:انا عارفهانى مش هعرف أخد منك لا حق ولا باطل اقوم انا ابص عليها من البلكونه
Stop
رفعت الزايدى لواء فى العمليات الخاصه رجل شديد فى التعامل يعتبر نورا ابنه وليس بنته ويتعامل معها على هذا النحو ولكنه فى نفس الوقت يحب زوجته وبناته
سعاد ربه منزل تحب زوجها وبناتها. وكل همها انها تزوجهم لمن يستحقهم
Back
خرجت سعاد الى الشرفه فوجدت نورا تركب سيارتها وكانت السياره جيب فلم تفتح الباب ولكن قفزت بداخلها وأنطلقت بسرعه
سعاد: حتى وانتى بتركبي العربيه بتبقى ذى الشباب ربنا يهديكى يا بنتى وينور طريقك
..................................
امام المبنى الخاص بالعمليات الخاصه
...:بذمتك فى بنت بتنزل كده من العربيه
وكانت قد قفزت خارج السياره بدون ان تفتح الباب
نورا:فين البنت دى انا مش شايفه بنات سيبك انت عاملايه يا محمد باشا
محمد:انا الحمد لله انتى عامله ايه
نورا:انا الحمد لله ما انا كنت معاك فى الشغل امبارح ايه الجديد
محمد:ابدا بطمن عليكى يعنى
نورا:اه انا الحمد لله واللى بتسأل عليها ذى القرده فى البيت
محمد:بس متقوليش قرده هى نزلت الكليه النهارده
نورا:لا النهارده عندها اجازه يا عم الحبيب على اساس انك مكلمتهاش النهارده
محمد::ابدا والله انا عارف انها مش بتصحى بدرى
نورا: خلاص يا عم روح كلم خطبتك وحل عن سمايا
محمد:ماشى يا باشا سلام
Stop
محمد زميل نورا فى الاداره ضابط كفء طويل وسيم ويكون خطيب عبير اخت نورا ويحبها بجنون ويعامل نورا كأخته الصغيره
Back
وتركته نورا ودخلت الى الاداره واتجهت الى مكتبها وقبل ان تجلس رن هاتف المكتب
نورا:الو
.....:مكتب الضابط نورا الزايدى
نورا:ايوهيا فندم مين معايا
....:معاكى سكرتيره مكتب مدير الاداره هو طالب حضرتك عنده حالا
نورا:حاضر مسافه السكه
واغلقت المكالمه واتجهت الى مكتب مدير الاداره
... ...............................................

]البارت الثاني
عيناكِ.. كلُّها تحدّي


ولقد قبلتُ أنا التحدّي!!


يا أجبنَ الجبناء.. إقتربي


فرقُكِ دون رعدِ


هاتي سلاحَكِ.. واضربي


سَتَريْنَ كيف يكون ردّي..


إنْ كان حقدُكِ قطرةً


فالحقدُ كالطوفان عندي
نزار قبانى
سمحت سكرتيره مدير الاداره لنورا بالدخول
نورا:صباح الخير يا فندم حضرتك طلبتنى
وجيه:اتفضلى اقعدى تشربةى ايه
نورا:قهوه مظبوطه لو سمحت
وجيه:بعدما طلب القهوه من السكرتيره:انا حبيت ابلغك ان انا اخترتك لمهمه جديديده
نورا:انا تحت امر حضرتك وياترا هيكون معايا حد اعرفه من الاداره
وجيه :لا شريكك فى المهمه دى هيكون من اداره تانيه لانها مهمه صعبه شويه
نورا:ان شاء الله مفيش حاجه صعبه بس أقدر اعرف ايه هيه المهمه
وجيه:طبعل انتى هيكون مطلوب منك تأمين هدف مشهور فى الدوله الهدف ده المافيا بتهدده
نورا:ممكن اعرف اسم الهدف يا أفندم
وجيه:انا ان شاء الله بعد ساعه هجتمع معاكى انتى والعضو الجديد علشان اعرفكم كل حاجه عن المهمه انا بس حبيت اعرفك الاساسيات علشان مش تتفجأى من الاجتماع
نورا:وهى تقف وتؤدى التحيه:تحت امرك يا فندم بعد اذن حضرتك
....... ..................
يزن الهاتف فى غرفه مظلمه
محمد:الو ايوه يا قلبى صباح الخير
عبير؛وهى مازالت نائمه:حرام عليك يا حبيبى لسه بدرى
محمد: بدرى من عمرك يا قلبى قومى يلا
عبير: انا معنديش محاضرات النهارده اقوم اعمل ايه
محمد: تقومى تجهزى انا كمان شويه هعدى عليكى علشان أخرجك
عبير: ايه ده انت معندكشى شغل النهارده ولا ايه
محمد:لا كان عندى كتابه شويه تقارير وخلصتها فقولت اما افسحك شويه
عبير:ملشى يا حبيبى ساعه وهكون جاهزه مستنياك
محمد: ماشى يا حبيبتى يلا سلام
عبير:سلام يا حمو يا حبيبى
Stop
عبير اخت نورا وأصغر منها تشترك مع نورا فى لون البشره والعينان ولكن شعرها اسود قصير كيرلى فتاه دلوعه تحب خطيبها وتعيش سنها وتحب نورا وترا فيها أمان الاخ وحنان الاخت
Back
...........................
فى مكتب مدير الاداره
وجيه:ادخل .....اهلا وسهلا ادهم باشا
ادهم:اهلا حضرتك انا جيت حسب الميعاد
وجيه: ،فعلا مواعيدك مظبوطه بالثانيه تشرب أيه
ادهم :ابدا لسه شارب حضرتك كنت طالبنى علشان مهمه
وجيه:ايوه انت وعميلرمن عندنا ومعاكوا قوه مكلفين بحمايه هدف للمافيا وعندنا اجتماع بعد عشر دقايق هتفهم فيه كل حاجه
ادهم:تحت امر حضرتك ممكن اعرف اسم شريكى فى العمليه دى حضرتك عارف ان حبيبى كتير فى الاداره دى يمكن يكون حد اعرفه
وجيه :بأبتسامه:هيكون ليك شريكه مش شريك
ادهم:شريكه يعنى بنت لا انا عايز راجل هما البنات ينفعوا فى شغلنا بردوا
وجيه:بجديه:لا نورا دى بميت راجل وكل الاداره تشهد ان رغم صغر سنها الا انها حازت على تقدير كل رؤسائها وحبهم وهى اكتر حد مناسب للمهمه دى
ادهم:بحنق:يعنى خلاص مفيش رجاله عندهم كفاءه هشتغل مع بنت
وجيه:انت هتشوفها وهتتعامل معاخا صدقنى هتبهرك
ادهم:ربنا يستر
وجيه:يلا بينا على اوضه الاجتماعات هتلاقيها مستنيه اصلها مواعدها ذيك مظبوطه بالثانيه
Stop
ادهم محمود النجار شاب فى الثلاثين من عمره وسيم بعيون رصاصى وشعر اسود ناعم مسرح للخلف بجسد عضلى رياضى طويل يعتبر البنات كائنات متطفله لا تنفع غير فى المطبخ وتربية الاولاد ولديه اخت واحده متزوجه من زميل له
Back
..................................
نورا؛ايوه يا سياده اللواء انا دلوقتى فى اوضه الاجتماعات مستنيه وجيه باشا
رفعت:ايوه هو قالى على المهمه الجديده
نورا:ايوه انا مستنيه اتعرف على شريكى فى المهمه دى
رفعت: ماشى ابقى بلغنى بالجديد ماشى يا حضرت الضابط
نورا:حاضر سلام
رفعت:سلام
...............................
وجيه:اتفضل يا ادهم نورا فعلا مستنيه
نورا:وهى تمد يدها:نورا رفعت الذايدى شركتك الجديده
ادهم:ببرود وهو يمد يديه:اه اهلا
وجيه :دا ادهم محمود النجار شريكك الجديد ....اتفضلوا اقعدوا علشان اعرفكم بالمهمه
وبالفعل جلسوا فى مقابل بعضهم
وجيه:الهدف المطلوب تأمينه هو عبد الله السيوفى وده رجل اعمال عنده اكبر مصانع لانتاج الادويه تعرض من فتره لعده محاولات اغتيال من المافيا بسبب انه شاهد رئيسى على ان اكبر اعضاء المافيا متورط فى اعمال ارهابيه مهمتنا اننا نأمنه لحد ميعاد المحكمه لانهم اكيد هيحاولوا يقتلوه فيه اي استفسار
نورا:لا يا فندم بس هنبدأ امتى
وجيه:انا هسيبك انتى وادهم تتفقوا على كيفيه سير الشغل وهتبدأوا بكره ان شاء الله
ادهم:حاضر يا فندم
وبعد خروج وجيه نظر ادهم لنورا بأستخفاف وقال
ادهم:انتى بقى شريكى الجديد ايه المسخره دى
نورا:بصدمه:مسخرة ايه اتكلم عدل يا بنى ادم انت
ادهم:انا اتكلم براحتى مش حتت بت ذيك هتعلمنى اتكلم ازاى
نورا:لا انت فعلا انسان مستفز انت عايز ايه
ادهم:عايزك ذى الشاطره كده تروحى لوجيه باشا وتعتذرى عن المهمه دى وتروحى بيتك تشوفيلك حاجه تطبخيها
نورا:انا مش هرد عليك علشان منزلشى لمستواك على العموم انا مش هعتذر عن المهمه انت مش عاجبك اعتذر انت وروح بيتكم
وتركته وخرجت من الغرفه
ادهم:اه يا بت ال...... انا تقوليلى كده انا مبقاش ادهم النجار لو مخلتكيش تبكى بدل الدموع دم
وخرج مسرعا ليذهب للقاعه المخصصه للرياضه ليفرغ شحنه غضبه فى الملاكمه
.......................
سعاد:انتى رايحه فين يا عبير
عبير:ابدا يا ماما خارجه اتفسح مع محمد
سعاد:ربنا يهنيكم يا حبيبتى وقولى لمحمد انه هيتغدا معانا النهارده
عبير:ربنا يخليكى يا ماما احنا هناكل بره
سعاد:خلاص خليها عشا
عبير:حاضر بس الاصرار ده اكيد وراه حاجه
سعاد:الصراحه اه عايزاه يحاول يلين دماغ نورا تبطل شغل الرجاله ده وتتعامل بأنوثه شويه وانتى عارفه هى بتعتبره أخوها الكبير
عبير:معتقدشى يا ماما انا من وانا صغيره وبابا بيعامل نورا كراجل مش ممكن تتغير في يوم وليله
سعاد:روحى بس انتى ومتقفليهاش فى وشى روحى يلا ربنا يسهلك طريقك
عبير :وهى تقبلها:ربنا يخليكى ليا يا ماما
...........................
فى القاعه الرياضيه
دخل ادهم فتفاجأ بأنه وجد نورا تتدرب فى نفس القاعه
مراد:هنشوف مين فينا اللى هيعتذر عن المهمه يا بنت ال...........
واتجه الى .......
.................................
يا ترى ايه اللى هيحصل بين ادهم ونورا ومن منهم سيكون الفائز فى هذا التحدى