منتديات ليلاس

منتديات ليلاس (https://www.liilas.com/vb3/)
-   القصص المهجورة والغير مكتملة (https://www.liilas.com/vb3/f837/)
-   -   خريف الحب / للكاتبة خياله،،والخيل عشقي (https://www.liilas.com/vb3/t201458.html)

فيتامين سي 11-05-16 11:00 PM

رد: خريف الحب / للكاتبة خياله،،والخيل عشقي
 

بنت


التفتت بصدمه اول ماسمعت نبرته البارده وهي تدعي أنه مايكون سمع كلامها عن أبوه, وبارتباك\الحمدلله عالسلامه, شلونك سند؟
مارد عليها وراح لبتول اللي رمت نفسها في حضنه أول لمسها وببكى\ بابا شذى كسرت جوالي وغلطت على دينا وعلى خالت--
قاطعها بهدوء\ سمعت اللي قالته.
بعدها عنه ومسح دموعها وبأمر\ دموعك غاليه ومابيها تنزل لأي سبب وعلشان أي أحد, فهمتي؟
ردت بقهر\ بس هي موبأول مره تكلمني بهالطريقه ودوم تذكرني بأني عمياء ومامني فايده.
حاوط وجهها بكفوفه بحنان\ هذي بتكون أخر مره تغلط معك هالغلط, والحين اتركينا شوي علشان اتفاهم معها.
التفت لدينا بهدوء\ دينا خذيها لجناحها وخلك معها لين أجي.
ابتسمت بامتنان وأخذت بتول وراحت.
فكرت شذى أنه أخيرا بتقعد معاه وتكلمه, عدلت شعرها بابتسامة اغراء \ أنا جيت يوم دريت أنك رديت من السفر,اشتقت لك ياسند.
أعطاه ظهره وببرود\ أنتي بأي حق تحكين مع بتول بهالأسلوب, ومن سمح لك أساسا تحكين معها.
بلعت ريقها بارتباك\ أنا أبي مصلحتها, بعدين بتول مثل بنتي و---
قاطعها ببرود\ بتول بنتي وبنت سمر الله يرحمها ومومحتاجه لأم ثانيه, وأكيد مومحتاجهب لك أنتي بالذات علشان تتهتمين بمصلحتها.
ردت بعصبيه\ شقصدك أنا بالذات.. وليه صاد عني وماتبي تشوفني.
رد بنفس بروده اللي ذابحها\ ترى حركاتك هذي فاهمها يابنت العم وعيب اللي تسوينه, وقصدي واضح..
اسمعي زين اللي بقوله لأني موبعايده مره ثانيه, بتول مالك علاقه فيها لامن بعيد ولامن قريب, وسالفة المزرعه أنتهينا منها وأعتقد ديما بلغتك برسالتي.

ردت بحده\ أنا ظنيت أنها تكذب علي لأن جوري رفيقتها وماتبي تقطع علاقتها معها.
رد بثقه\ أنتي تدرين أن محد يتجرأ يتكلم بلساني بشي مو صحيح, ومع ذلك خذي الحكي مني هالمره .. سالفة المكالمه تنسيها لأنه كان سوء تفاهم وانحل وبنت الناس ماتجيبين طاريها على لسانك لا بخير ولا بشر.
قربت منه ومسكت ذراعه بوقاحه\ انزين خلنا نتفاهم وأنا مستعده---
نفض يدها ببرود\ لاتتجاوزي حدودك وتخليني اتعامل معك بطريقه مارح تعجبك, لأخر مره أحذرك أن سمعت أنك تحكين عنها عند أحد ولو حتى بتلميح موبزين حسابك بيكون معاي ياشذى.
عقدت أيدها على صدرها وبرجفه واضحه\ أنتوا شفيكم تدافعون عنها وكأنها ملاك, ذي حيه من تحت تبن والله العالم وش مخططه عليه.
سند\ خلك في حالك وناظري نفسك بالأول بدل ماتحكين على بنت الناس, واذا عندها خطط فموباأنتي اللي بتكشفيها فرتاحي ,وهذا أخر تحذير لك وبعدها لاتلومين غير حالك.
مشي وتركها تغلي من الحقد وبكره\ أنا قلت من أول مره شفتها أنها موبهينه بس موبشذى اللي تستسلم بسهوله, وأنت لي ساسند طال الوقت أو قصر.





وين رحتي يالغبيه


رجعت من ذكرياتها للي يكلمها وبحده\ معاك وين بكون يعني بس كنت افكر في اللي قلته لي.. مابي أتورط وتطيح السالفه برأسي.

ضجك بشماته\ انزين خلي وحده مثل ذي تتم تتمسخر عليكي وأنتي موبقادره تتحركي وتوقفيها عند حدها.
ردت بكره\ تخسي هي وأهلها كلهم , أنا شذى المنذر ومو بوحده حقيره مثلها تكلمني بهالطريقه وأسكت لها.
كفو والله, أيه ذي شذى أختي اللي أعرفها ماتسكت عن حقها.
همست بقلق\ سلطان أنت متأكد أن خطتك بتجيب رأسها القاع.
سلطان بثقه\ أفااا شذوي أخوك ذيب.. أنتي بس خذي لها كم صوره حلوه وخلي الباقي علي وبتشوفين شلون أجيبها لك راكعه وتترجاكي بعد.
ابتسمت بشر\ انزين ياسلطان بشوف وش تقدر تسوي يابن أبوي.

قفلت بهدوء وعقلها يرتب تفاصيل خطتها الدنيئه.

,
,
,


استغلت غياب جوري وسحبت صوفي من جنب البنات بحجة انها بتسألها عن شيئ , في بالها أسئله معينه ولازم تلقى لها جواب ومافي أحسن من صوفي لذي المهمه, وبتساؤل\ أخبريني صوفي هل تعملين مع الدكتور فهد؟
أتوسعت عيونها باستغراب\ هل تعرفين دكتور فهد!!
ابتسمت ثريا بانتصار.. شكها كان في محله وذكائها ماخذلها وبثقه\ عائلاتنا مقربتان ونحن على علاقه وثيقه منذ أمد بعيد, الم تخبركي جوري عندما كانت في رعايتك في المستشفى.
طالعت فيها بصدمه\ كيف علمتي بهذا لقد طلبت مني عدم ذكر الحادث الذي تعرضت له منذ عدة أشهر لكي لاثتير قلق الجميع.
كورت أيديها بغضب وحاولت تحافظ على هدوئها قدام صوفي علشان تفهم كل السالفه وبابتسامه\ لا أحد يعلم سواي لذلك أخبريني عن ذلك الحادث فجوري أكتفت بالعناوين الرئيسيه.
اتنهدت باحباط\ هل ستخبريني عنها, لم أقابل فتاه بعنادها وغرابة أطوارها, لقد أصيب والدكي بصدمه عندما رأى حالتها في المستشفى للمره الأولى.
عقدت حواجبها بتركيز" أبوي كان يدري" رجعت بذاكرتها لذيك الفتره واتذكرت حالة القلق والعصبيه اللي مر فيها أبوها لما انقطعت أخبار جوري فجأه وكيف بعدها سافر لجده بحجة الشغل وبعدها اتغيرت حالته, وبهدوء\ والدي ونحن نحبها كثيرا وهي بمثابة أبنه له وشقيقه لنا, لذلك أخبريني مالذي جرى لها.
أتنهدت صوفي وبدأت تحكي لها كل اللي صار من أول ماستلمت حالتها لحد ماخرجت من المستشفى.



,
,
,



اتعالت أصوات الشباب مابين صراخ حماسي وعصبيه والكره طايره مابينهم وكل فريق يحاول يسجل هدف في مرمى الثاني قبل نهاية الشوط الأول, وجاء هدف مؤيد عالوقت بالتمام وبسرعه بدأ في حركاته المستفزه اللي خلت مشعل يعصب منه\ ترى هدف حظ لا أكثر.
مؤيد بثقه\ حظ مين يابو حظ, ذا هدف عن سبق إصرار وترصد , خلي روحك رياضيه واعترف بهزيمتك.
بدر\ حنا وين والهزيمه وين مابعد لعبنا الشوط الثاني.
كل واحد رمى نفسه عالأرض بتعب ورد مؤيد بضحكه\ لاتستعجل على قضاكم مهزومين ان شاء الله.. أنتا بتلعب مع محترفين ياحبيبي مو حي الله.
ناصر بابتسامه\ أم الثقه ياشيخ, ترى كنا نسخن من شويه وبتشوف اللعب المزبوط في الشوط الثاني ولا لا ياسند.

أكتفى سند بابتسامه وهو يتأمل وجه بدر المبتسم وهو يتكلم بحماس مع العيال اللي مدحوا تحسنه في اللعب بشكل ملحوظ, اتنهد بعمق وهو يفكر في حالته المتغيره ..اللي يشوف بدر مايصدق أنه من كم شهر خلى كان مايعرف يمارس أي نشاط رياضي مثل باقي اللي في سنه واليوم صار يركب الخيل بطريقه شبه محترفه بعد ماواضب على دروس ركوب الخيل بجد, غير تحسنه في السباحه والكره والسواقه اللي أصر يتعلمها, نفسيته أتغيرت للأفضل وثقته بنفسه زادت بشكل ملحوظ وذا أثر على سلوكه العام وخلاه مرح ومنفتح عاللي حوله بصوره أكبر, وذا الشيئ اللي خلى سند يشارك معاهم في اللعب كنوع من التشجيع لبدر وله في نفس الوقت.

رجع من تأملاته على صوت بدروهو يكلم مؤيد بنغزه\ اللي يسمعك يقول محترف من صغرك, خلني ساكت بس.
شهق مؤيد بتمثيل\ قصي ياحيوان أنت أيش قلت عني لبدور.
قصي بابتسامه\ مدربك اللي فضحك مو أنا.
فهم عليهم وشد على اسنانه بغيض\ لا تصدقهم يابدرترى أنا لاعب من زمان, بس كنت محتاج شوية ملاحظات, الأهبل صدق أنه علمني.
مشعل بشماته\ دلوني على هالمدرب تكفون بسمع كل فضايحك واتشمت فيك.
وقف عبدالرحمن فجأه وطالع في قصي ومؤيد بنظره حاده\ خلوا الرجال في حاله وبسكم كلام فاضي.
انكتمت ضحكت بدر وقصي واتغيرت ملامح مؤيد للاحراج\ هااا طيب,أنا بروح أشرب.
ناصربابتسامه\ دحوم شفيك عليهم ماقالوا شي.
رد بغضب\ بتكملوا لعب ولا أدخل اتقهوى أحسن.
تركهم ومشي بغضب ولحقه قصب وبدر بصمت, والبقيه طالعوا في بعض باستغراب من ملامحه وأسلوبه االي اتغير فجأه.



,
,
,



بعد المغرب


جريت جوري وثريا على البنات الي اتعالت أصواتهم فجأه, ثريا باستغراب\ شصاير؟ أصواتكم ليه عاليه.

طالعوا فيها وأشروا على صوفي وشذى بارتباك, طالعت جوري في صوفي وانتبهت لرجفتها وبقلق\ ماذا هناك صوفي لما أنتي شاحبه هكذا.
ردت شذى بحده\ لانها حراميه؟
طالعت فيها جوري بصدمه\ نعم!!
شذى بوقاحه\ اللي سمعتيه رفيقتك حراميه, طبيت عليها وهي تتسحب وجوالي معها, بس مقيوله الطيور على أشكالها تقع و....
تركت جملتها معلقه باستهزاء وماحتاجوا البنات لذكاء علشان يفهموا قصدها الواضح, ثريا بعصبيه\ أنتي وبعدين معاكي ياشذى, وش قلة الذوق اللي أنتي فيها.
ردت جوري \ ثريا اذا سمحتي خليكي على جنب ولاتتدخلي.
والتفتت لشذى ببرود\ وأنتي أحترمي نفسك ياشذى, اذا اتساهلت معاكي وعديت قلة أدبك قبل كذا فذا بمزاجي ولأني محترمه وجودك كضيفه عندي لا أكثر, لكن أنك تتطاولي على ضيوفي فذا شي ثاني ومارح أسمح لك بيه.
ضحكت بوقاحه\ أيه لازم تدافعين عنها دامها رفيقتك, مو بعيد متفقه معها ع---
قاطعتها ثريا بغضب\ كلمه زياده ياشذى والسالفه بتكون عند أبوي صقر.
لفت وجهها بعدم أهتمام وهي تبتسم بسخريه, طالعت فيهم صوفي برجاء\ أنا لست لصه ولم أسرق شيئ , هلا صدقتني جوري؟
حاوطت جوري وجه صوفي الشاحب بكفوفها وبهدوء\ بالطبع أصدقك ياعزيزتي, أنا أعرفكي جيدا وأعرف أنكي لم تفعلي.
صفقت شذى بيدها بسخريه\ لااا, بصراحه ممثله انزين أذا هي ماسرقته أجل وش كان يسوي جوالي معاها وأنا مطلعته من جيب بنطلونها.
طالعت فيها جوري بتهديد\ انطمي ولا أسمع صوتك لا أسكتك بطريقتي.
مسكت يد صوفي بحنان\ لاتخافي ياعزيزتي وأخبريني هل فعلتي ذلك؟
طالعوا فيها البنات باستغراب لما هزت رأسها بنفي وايجاب في نفس الوقت, ديما بارتباك\ وش يعني خذته ولا لا؟
جوري بأمر\ ممكن تسكتوا وتسيبوها تدافع عن نفسها, لا تعبئي بهن صوفي واخبريني ماالذي حدث ؟

أخذت نفس عميق وبهدوء\ لقد قمت بأخذ هاتفها حقا ولكن ليس بدافع السرقه, لقد أردت أحضاره لكي فقط.
صاحت شذى بانتصار\ ماقلت لكم متفقين ع---
سكتت فجأه لما رمتها جوري بنظره جمدتها مكانها بارتباك, وبهدوء\ لماذا أردتي أعطائي أياه فهو ليس لي؟
طالعت في شذى بعصبيه\ لقد رأيتها وهي تلتقط لكي بعض الصور بهاتفها بدون أن يلاحظ أحد.
شهقت شذى بقوه وبحده\ كذابه أنا ماصورت أحد, ايتها الكاذبه اللعينه.
ردت بقوه\ أنا لست كاذبه ايتها الوقحه, لقد رأيتك بأم عيني.
التفتت لجوري بثقه\ تستطيعي التأكد مما قلت, أنظري لهاتفها وسترين أني لا أكذب.. لقد أردت أعلامك بالأمر لأني أعلم بأنكي ضد التقاط الصور الشخصيه بالهاتف.
طالعت ثريا في شذى بعدم تصديق\ وش تبين بصورها ياشذى , ليه صورتيها.
انفجرت فيهم بعصبيه\ اقلكم كذابه, ذول متفقين علي ويبون يشوهون صورتي قدامكم.
رؤى بسخريه\ أبشرك تراها مشوهه وخالصه.
طالعت فيها جوري بأمر\ أعطيني جوالك بسرعه.
كتفت شذى أيديها على صدرها وبغضب\ أذا ظنيتي أني بجاريكي في لعبتكم السخيفه فانتي غلطانه, وجوالي مارح أعطيكي ياه لو وش يصير, فهمتي.
هزت رأسها بتفهم\ من حقك ومأقدرأجبرك تعطيني ياه, لكن--

قربت منها ومسكت ذراعها وثنته وراء ظهرها بقوه وسط شهقات البنات المتفاجئه, وتابعت ببرود\ من حقي أني أخذه بالقوه واتأكد من كلام صوفي بنفسي.
صرخت شذى باألم\ بتكسري يدي يامجنونه, أتركيني.
مدت جوري يدها وسحبت الجوال من جيبها ودفتها وبتهديد\ أدعي أن كلام صوفي يطلع غلط والا رح تشوفي جناني على أصوله ياشذى وساعتها محد بيفكك مني.
هجمت عليها شذى وحاولت تأخذ جوالها ودفتها جوري من جديد وهي تسب وتشتم فيها بكلام خلى البنات يصرخوا فيها باستنكار وهم يحاولوا يسكتوها, فكت جوري الجوال ولقته مقفول برقم سري, طالعت فيها بأمر\ خلصيني أيش كلمة السر.
صرخت فيها\ تحلمين أقوله, وهاللي سويتيه الحين بتندمين عليه ياحيوانه ورح تدفعين ثمنه غالي.
ثريا بغضب\ شذى فكي الجوال بالطيب وخل نشوف وش فيه, مدام أنتي واثقه من نفسك ليه خايفه تفكيه؟
خرجت أم سند وأم وضاح على صياحهم وبقلق\ شفيكم أصواتكم طالعه, ليه هالصراخ ؟
مسكت مها يد أختها بقوه وطالعت فيها بتهديد, ثريا بهدوء\ مافي شي البنات يتهاوشون علشان خسروا في اللعب.
أم سند بشك\ كل هالصراخ علشان لعب!!
جوري بابتسامه بارده \ يمه أنتي عارفتني لما أتحمس صوتي يعلى وشكلي عديت البنات, خلاص روحوا وماعد تسمعوا لنا صوت.
طالعوا فيهم بتردد قبل مايدخلوا بصمت, التفتت ثريا لشذى بحده\ قصري صوتك ولا والله العظيم ماغير تلقين الكل هنا وداري بسواتك.
شحب وجهها فجأه وبمكابره\ قلت لكم ماسويت شي.
مها برجاء\ أجل فكي الجوال وخل نتأكد من صدقك وننهي السالفه.
هزت رأسها برفض وطالعت في جوري وصوفي بنظراتها كلها حقد\ وانا مو بفاكته ووريني شلون بتفكينه.
طالعت فيها جوري للحظات قبل ماتضحك في وجهها باستفزاز\ على بالك اذا ماقلتي خلاص بيتنهي الهرجه وتخلص على كذا, فعلا وحده غبيه.
طلعت جوالها من جيبها ودقت رقم وابتسمت \ السلام عليكم, أقول عبادي وحده من البنات نسيت رمز القفل حق جوالها ومو عارفه تفتحه ممكن تتعطف علينا وتفكه ليها..... يلا جايتك حبيبي.
طالعت في شذى اللي ترجف بوضوح وببرود\ جاك الموت ياتارك الصلاه. ثريا ومها لو سمحتوا تعالوا معايا جنب الباب علشان يكون في شهود.
وقفت شذى قدامها بعصبيه\ لأخر مره أحذرك عطيني جوالي ولاتنسين نفسك, أنتي موبقدي.
زاحتها عن طريقها وبهدوء\ ترى ماهزيتي فيا شعره, ونصيحتي تغيري طريقتك وتبدأي من ذحين تدوري على عذر كويس تبرري بيه موففك قبل ماأرجع.

تركتها للبنات اللي هجموا عليها بالكلام وراحت مع ثريا ومها, أعطت الجوال لعبدالرحمن اللي فكه وهو واقف ورجعه لها, وقفته قبل مايروح\ عبادي معليش جيب لابك وخليك هنا شويه لأني هحتاجك ضروري.
طالع فيها باستغراب\ ايش عندك مو على بعضك.
أخذت نفس عميق وهي تحاول تتمالك نفسها قدامه لأنه يعرف اللي فيها بدون كلام وبابتسامه\ في تحدي بيني وبين وحده من البنات ومايرضيك أخسر.
اتاملها بصمت وهز راسه بموافقه\ بروح دقيقه وجاي.

التفتت لمها وثريا وبهدوء\ ذحين نشوف.
قربت منهم وفكت معرض الصور وفي ثواني هرب الدم من وجه مها وثريا وشهقاتهم المستنكره قطعت الشك باليقين وهم يطالعوا صور جوري في كذا وضعيه, همست مها باحراج\ جوري موبعارفه وش أقول بس والله ماكنت أدري أنها بتسوي كذا.
مسحت جوري صورها وبرجفه\ أنتي مالك دخل, كان لازم أشك من وقت ماشفت ابتسامتها ونظراتها الكريهه من وقت ماجات بس قلت سبحان الله يمكن ربي هداها, بس طلعت غبيه كالمعتاد.
ثريا بحده\ أنتي موبغبيه لأنك أحسنتي الظن فيها, لكن حنا الغبيات لأنا نعرفها زين ونعرف أنها لايمكن تتغير بهالسهوله.
مها بقهر\ انزين وش كانت تبي تسوي بصورك!!
ضغطت جوري على جبينها بقوه وبضيق\ أنتي أدرى بخيال أختك وأدرى بطبعها ووين يمكن يوديها, بس ماأظن أنها كانت تبغاها للذكرى أو حبا فيني.



بنت



التفتت لما سمعت عبدالرحمن ينادي وأشرت للبنات يسبقوها وراحت له وداخلها بركان وعلى وشك الانفجار

,
,
,

انتهى البارت


اللهم أرحم أخواننا المستضعفين في سوريا, اللهم ارحم ضعفهم واجبر كسر قلوبهم وأغفر لموتاهم وأشف مرضاهم وأمنهم في أنفسهم وبلدهم.. اللهم أنا أستودعناك إياهم يامن لاتضيع عنده الودائع ولا تكلهم لأنفسهم أوغيرهم طرفة عين يا أرحم الراحمين.


فيتامين سي 11-05-16 11:06 PM

رد: خريف الحب / للكاتبة خياله،،والخيل عشقي
 

تررررررررررررررررررررررررررررررررررررررا


مفاجئئئئئئئئئئئئئئئئئئئئئئئئئئئئئئئئئئئئئئئئئئئئئئ ئه

ههههههههههههههههههه

أولا


السلام عليكم ورحمة الله وبركاته


مساء الخير والورد والفل والياسمين على أحلى متابعيييييييييييييييييييييييييييييييييييييييين


وحشتوووووووووووووووووووووووووووووووووووووني


يارب الكل يكون بخير وصحه وعافيه ومن يعز عليكم.. الخ..الخ


ماعلينا المهم عن جد وحشتوووووني وكنتوا على بالي طول الفتره اللي فاتت وبصراحه ماقدرت على بعدكم,

فصرت أكتب جزء صغنون كل مافضيت وحبيت أنزلكم ياه تصبيره لين نتقابل باذن المولى عزوجل


اعزائي دعواتكم لي بان ربي يسهل أموري ويشرح صدري ويعدي الأيام ذي على خير, دعوة المؤمن لأخوه المؤمن في ظهر الغيب مستجابه باذن الله

يارب يعجبكم البارت وحتى نلتقي دمتم لاحبتك بخير


أختكم \ خياله


bluemay 12-05-16 09:59 PM

رد: خريف الحب / للكاتبة خياله،،والخيل عشقي
 

السلام عليكم ورحمة الله وبركاته،

بارت ابداااااااع
حماسه مشعلل..

يا ترى كيف رح تتصرف جوري مع شذى ؟!
يبعتلها حمى اللي ما بتستحي ..

شهيتينا الأكلة اليمينة هاي وبتمنى ادوقها إن شاء الله.

يسلمو ايديك خيالة
وشكرا يا فيتو عالنقل
مع خالص ودي



★☆★☆★☆★☆
بعد نهاية النقاش او الحديث مع أحد
لاتنسوا دعاء كفارة المجلس:

سُبْحَانَكَ اللهم وَبِحَمْدِكَ لاَ إِلَهَ إِلاَّ أنت أَسْتَغْفِرُكَ وأَتُوبُ إِلَيْكَ


الاميرة البيضاء 13-05-16 03:26 PM

رد: خريف الحب / للكاتبة خياله،،والخيل عشقي
 
احلى مفاجأة خيالة تسلم ايديكى يا عسل
بارت جميل
شذى يخربيتها الغبية بس الحمد لله كشفتها صوفى
متحمسة لموقف جورى معاها
ان شاء الله تعلمها الادب
فى انتظارك خيالة
الشكر موصول للغالية فيتو:liilas:

خياله والخيل عشقي 25-05-16 05:03 PM

رد: خريف الحب / للكاتبة خياله،،والخيل عشقي
 
السلام عليكم ورحمة الله وبركاته

كيفكم ياأحلى متابعين، يارب تكونوا بخير وعافيه

أعزائي وأنتوا كمان وحشتوووووووني وربي يسعدكم زي ماأسعدتوني بحبكم ودعمكم وصادق دعاكم.. ربي يرزقكم اللي تتمنوه ويسهل موركم جميعاً زي ماسهل أمري.. أدري أني طولت عليكم بس السموحه منكم أختبارات وقروشه والحمدلله عدت على خير، ومع ذلك مانسيتكم وكنت بكتب أجزاء متفرقه من وقت للثاني وبما إنكم تبغوا البارت طويل ودسم فياريت تتحملوا شوي لين يطلع بالشكل اللي يرضيني ويرضيكم ويشبع فضولكم وشوقكم واوعدكم بأوراق جميله كجمال أرواحكم
وبنزلها يوم السبت بإذن الله وحتى نلتقي أستودعكم في رعاية الله يحفظه

دمتم لإحبتكم بخير

أختكم/ خياله


الساعة الآن 01:34 PM.

Powered by vBulletin® Version 3.8.11
Copyright ©2000 - 2022, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية