منتديات ليلاس - خريف الحب / للكاتبة خياله،،والخيل عشقي

(جوري)
خرجت من الحمام (أكرمكم الله)لابسة الروب ولافة شعرها بمنشفة جلست قدام التسريحة تنشف شعرها على خصلة خصلة..دق الباب وراحت تفتح لقت خالد في وجهها،أرتبكت لما إبتسم لها وبعدت عن الباب علشان يدخل وقفل الباب بالمفتاح،جلست بتوتر ورجعت تنشف شعرها،وبهدوء/تبغى شيئ!!
عقد حواجبه وبإستغراب/لازم أبغى شيئ علشان أجيكي الغرفة..
جوري بإبتسامة/بلا إستهبال،قصدي محتاج شيئ ،تبا أسويلك شيئ.
ضحك/أنتي تبي تخربي جسمي الرشيق، مافي غير أكل وحلا طول اليوم..
جوري/عليك بالعافية،بعدين أنت بتتعب دوامين في الشركة غير السوبر ماركت اللي لازم تشيك عليه.
أتنهد وبهدوء/عاد السوبر ماركت من ريحة الغالي لازم أنتبه له،ولاتنسي ذي أمانة ولازم أحافظ عليه..وكويس فكرتيني علشان أحول لمازن نصيبه..
أعطاها جوالها/معاذ أتصل وأنتي تتروشي.
حطته عالتسريحة ورجعت تنشف شعرها بإهتمام.
مسك خصلة في يده،وبإستغراب/أنا مو عارف ليه متعبة نفسك وسايبته يطول كذا..مو مضايقك طوله..ما يتعبك لما تتروشي وتمشطيه..ليه ماترجعي تقصيه زي زمان.
سحبت شعرها من يده بشويش وشافت إنعكاسه في المرايه وبصدق/أنا حابته كذا، كنت قبل الزواج أمشطه أكثر من عشر مرات في اليوم بس كذا حتى لوكان مرتب.. وماكنت متخيلة في يوم أني هقصه،بس قصيته علشانك، بس ذحين عندك ندى شعرها قصير زي ما تحب.. خليني أطول شعري زي ما أنا أحب.
خالد بنظرة/قصدك خلاص.. منتي ملزومة تسوي الشيئ اللي أحبه علشان ندى بتسويه ولا علشان أنا أخترتها فخلاص أنتي برا الحسبة،مو فاهم .
غمضت عيونها للحظه/لا مو قصدي كذا..بس مدام ندى قاصه شعرها،خلاص ليه لازم أقص كمان..كذا يصير فيه تنوع علشان ماتمل.. يصير عندك الطويلة والقصيرة الشقراء والسمراء.. زي كذا.
ما أقتنع وكان بيرد بس قاطعه رنة جوالها اللي مسكته على طول بإمتنان/السلام عليكم..هلا بعزوتي وتاج رأسي..هلا معاذ.
معاذ/وعليكم السلام ورحمة الله وبركاته.. هلا بش يا أميرتنا..كيفش ياقلبي وحشتيني.
ألتفتت للباب لما سمعة صوت ولقت خالد خرج وقفله،راحت قفلت بالمفتاح.
وبضحكة/الحمد لله من الله منيحه وموناقصني غير شوفة الغاليين.. ومالك كافش في الشين..
معاذ/والله كنت مع موكل جاي من القرية وتعرفي كلامهم..كويس جات عالشين بس.
جوري بحماس/وإن شاء الله تقدر تساعده يامتر..
معاذ/الله يقدرني وأساعده..المهم أخبارك والعيال..
جوري/كلنا بخير ياقلبي لاتشيل هم ،أتطمن وطمن أمي معاك..أنتوا سايبين سبع بعون الله.
معاذ بضيق/والله مو كاسرني غير كلامك الفاضي ذا..تحسبي إنك بتضحكي علينا بذي الكلمتين..لكن ما بيدنا شيئ مادام ذا قرارك وأختيارك..وما أقول غير الله يصلح حالك ويعينك..لكن اتأكدي إنك في اللحظة اللي تقرير تنهي كل شيئ هتلقينا كلنا معاكي، يعني لاتخافي أنتي مش لوحدك فاهمة ياشيخة الجابر وأميرتهم .
ضحكت بغصة وهيا تسمع شيخة الجوري زي ماكان أبوها يناديها،أخذت نفس عميق وحبست دموعها،وبصوت هادي/الله يديمكم على رأسي ولا يحرمني منكم..أنتوا بس أرتاحوا وأطمنوا أنا بخير وموناقصني غير وجودكم.
معاذ بتصريف/الله يريح بالك ويطمنا عليكي،عالعموم أنا أرسلت لك نصيبك من إيراد المزرعة..وسامحينا عالتقصير.
جوري بزعل/حبيبي ليه أرسلت،قلت لك مو محتاجة ،كان خليته وأستفدت بيه في تجديد المزرعة،أنا عارفة إن الشغل فيها ماصار زي قبل،وأنت لازلت بترسل نفس المبلغ.. يعني بتزود من حسابك الخاص ،صح.
معاذ بحدة/حسابي الخاص ولا العام ،أعتقد إنك لسا مسؤلة مني، وزيك زي باقي أخواتك ولا عندك كلام ثاني..
إبتسمت وبضحكة/أووووووه..مسرع ماقلبت،دوبك كنت يالزيز يارايق..تخوف والله.
معاذ بتهديد/يصير خير لما نتقابل،ساعتها أطلع اللزازه والروقان من خشمك يامغبره..أنا مستغرب منك كيف متذكرة الحاجات ذي ياجدتي.
جوري بصدق/أي شيئ يتعلق بيكم مستحيل أنساه،وإن شاء الله ما أنساه أبداً..يلا حبيبي طولت عليك..سلم على حبيبتك..وعلى صلوحي قلبي وباقي كتاكيتك.
معاذ/يوصل حبيبتي، أنتبهي لنفسك وبوسي عيالك.والله يجمعنا على خير ،السلام عليكم.
جوري/آمييييين ياقلبي..أستودعتك الله..وعليكم السلام وال----،قفلت الجوال ماقدرت تكمل رمت نفسها عالسرير وسمحت أخيرا لدموعها بالنزول بحرية..بكت بحرقة وهي تلوم نفسها"للدرجة ذي أنا مكشوفة،معقولة محد مصدقني منهم..يعني مهما سويت بيظلوا خايفين وقلقانين عليا،لا أرتاحوا وأنا معاهم ولا أرتاحوا وأنا بعيدة عنهم..ماجاهم مني غير الهم"طلعت ألبوم صور وقلبت فيه وهي تمرر أصابعها بشوق على وجوه اللي فيها كإنها بحركتها ذي بتحس إنهم معاها وبتلمسهم.. طلعت صورة بتجمعها مع أبوها وكانت في الحرم،باست صورته بقوة وبهمس/سامحني يبه،أنا السبب،سامحني.
أتذكرت كيف بعد زواج خالد وندى بسنة مرض أبوها بالسكر.. وكان واضح للكل إنه بسبب خوفه وقلقه الدائم عليها،لإنه ماعاد أستئمن خالد عليها ولا حاب حياتها معاه بعد اللي صار.. كثرت إتصالاته بيهاوكان كل مرة يكلمها يحاول يقنعها بالرجوع بدون فايدة.
وفي يوم من الأيام ناداها خالد وقلها تجي المجلس، دخلت واتفاجأت بأبوها قدامها، رمشت بعدم أستيعاب وهي متخيلته سراب أتشكل لها من كثر شوقها وتفكيرها فيه..ماصدقت وجودة غير لما ضمها لصدرة حست بدفاه..شمت ريحته اللي ماتبدلها بأي ريحة في الكون يومها بكت وبكت اللي في البيت معاها،فقدت القدرة على كبح دموعها اللي أتمردوا عليها وعصوها لأول مرة،يومها نامت في حضن أبوها براحة أنحرمت منها لوقت طويل..وبعدها فاجأها برحلة معاه ومع ياسمين وقصي،ورفض عرض خالد في إنه يوصلهم... هما بس ولأسبوعين جلسوا في مكة خمس أيام ،أعتمروا وصلوا ولفوا الأسواق القريبة من الحرم،وبعدها طلعوا الطايف أتمشوا وإنبسطوا وماتركوا زاوية ماتصوروا فيها..و بعدها راحوا المدينة لفوها شبر شبر.. زاروا الروضة الشريفة.. جبل أحد وجبل الرماة ومسجد قباء ومقبرة البقيع.. عاشت معاه أجمل أسبوعين وحسن إنها رجعت جوري القديمة أم ظفيرة ،رجعت لعادتها الفجرية لشرب القهوة معاه،بس كالمعتاد الأوقات الحلوة تنتهي دائماً بسرعة..خلصت الأسبوعين ورجعوا لجدة وبعدها بيومين ودعها بس ذي المرة كان هو اللي ذرف الدموع وبحرقة،وبدون ماتحس لقيت نفسها بتضمة في صالة المطار غير مبالية بنظرات الناس اللي أستغربوا منظر أبوها الباكي،سحبهم خالد وجلسهم على كراسي الإنتظار، ضمته بقلبها قبل أيديها وبرجاء/ياجعلني فداك ياتاج رأسي ،ليه البكاء بس..يبه والله دموعك تذبحني.
مسح أبو معاذ دموعه/هفقدك يابنتي وهفقد عيالك،الظاهر إني كبرت وخرفت وصرت مثل أمك دموعي جاهزة تصب.
جوري بضيق/أنا فداكم يبه ،خلاص أجلس معايا وبخلي خالد يحجز لي وبسافر معاك..خلاص مالي قعدة هنا وأنت بذي الحالة.
إبتسم لها وباس رأسها/خليكي عند زوجك وعيالك هم أحق بك منا.
باست يده ورأسه وضمته/محد له حق غيرك،خالد معاه زوجتة مو صاير له شيئ، وعيالي بأخذهم معايا مو تاركتهم،مو مهم مدرسة ياسمين توقف ذي السنة.
بعدها من حضنه ومسك أيديها بقوة/خلاص ياشيخة الجوري والجابر كلهم رجعتي للدلع ..شفتك وأطمنت عليكي وعلى عيالك.أيش باقي ..وإن كان لنا نصيب ،الله بيجمعنا على خير..
جوري ببكاء/باقي أطمن عليك،أنتا تعبان أنا حاسه فيك،مارح تضحك عليا.
نادى خالد اللي واقف بعيد عنهم علشان يأخذوا راحتهم،وبحزم/جوري أمانتك وبسألك وأخاصمك فيها يوم القيامة، لاتضيعها يابن محمد.
أتبادل مع خالد كم كلمة ماأستوعبتها وهي مشغولة بإبرة الإنسولين اللي أعطتها ليه، وودعها وضمها للمرة الأخيرة قبل مايسافر ويأخذ قلبها معاه.
بعد شهر اتفاجأت بخالد اللي رجع من دوامة المسائي بدري على غير العادة..ومؤيد ولبنى، حتى أم ندى وأبوها كانوا عندهم،وسارة وفاطمة وحنان..الكل كان موجود بشكل أستغربته وبتريقه/يوم الأحباب العالمي ..خير اللهم أجعله خير.
بس اللي رعبها كان خالد اللي دخلها غرفتها مع أمة اللي تبكي،وبخوف/يمه ليه تبكي،حبيبتي أنتي تعبانه.
صدمتها لما ضمتها بدون كلام،ولما سحبها خالد لحضنه وهو يردد"إنا لله وإنا إليه راجعون" دفته بقوة وطالعت فيه بتردد، أنصدمت من نظرتة اللي أول مرة تشوفها.. نظرة خوفتها لإنها مافهمت معناها..حاول يضمها لصدره مرة تانية بس منعته بأصرار وبرجفة/أهل..أهلي فيهم. شيئ..ليه.. ساكت قول..أمي؟..أبويا؟
إنهارت عالأرض لما شافت وجهه اللي أتغير لما قالت أسم أبوها،حاولت تتماسك وطلع صوتها بارد ومافيه حياة/في المستشفى..
هز خالد رأسه بنفي وقرب منها وجلس جنبها ،حاول يمسك يدها بس هي لما أيديها في حضنها وسندت ظهرها عالدولاب،وببرود/ مين كان معاه.
طالع خالد فيها وفي أمه بإرتباك/أخوانك كانوا معاه..صلوا العشاء في المسجد وبعدها قلهم تعبان بيرتاح..ولما.. دخلوا يصحوه للعشاء.
هزت رأسها بهدوء/الحمد لله صلى العشاء.
وقفت وفتحت دولابها،طلعت جوازها وأعطته لخالد ونزلت شنطة من فوق الدولاب ورمتها عالسرير وصارت تحط فيها ملابسها بدون كلام.
مسكها خالد بقوة/حبيبتي أنتي بخير..تبي المستشفى.
هزت رأسها بنفي وبأمر/أحجز لي ذحين، بشوفه قبل مايروح.
ضمتها أم خالد/عظم الله أجرك يا بنتي، لاحول ولاقوة إلا بالله.
ماردت عليها،حست لسانها أتربط،ظلت تردد داخلها إنا لله وإنا إليه راجعون..
إنا لله وإنا إليه راجعون..
ماحست بالبنات اللي أخذوها في أحضانهم وعزوها بخوف من حالتها..كان وجهها شاحب ونظراتها زايغة وتطالع في الفراغ..وماردت على أحد منهم.. أكتفت بهز رأسها والدعاء لأبوها في داخلها بدون صوت ظلت يومين عالحال ذا،ما ترد على أحد حتى إتصالات أخوانها اللي بيطمنوا عليها ماردت عليها،سمعت صوت عبدالرحمن بعد أصراره على خالد يحط الجوال عالإسبيكر وأول ماسمعت صوته مسكت الجوال ورمته عالجدار بعنف وصار مائة قطعة..كانت تقوم تسوي مهامها اليومية بصمت وترجع تصلي وتقرأ قرأن، الكل كان خايف عليها،والبنات فكروا يعرضوها على دكتور نفسي، بس خالد قال أنها هتتحسن لما تروح لأهلها،وبعد يومين لقي لها خالد حجز وسافروا.. بس للأسف أستمرت على نفس الحال ،ورغم حالة الحزن الجديدة اللي كانت محاصرة بيتهم واللي فيه إلا إنه مانزلت دمعة وحده منها.. جاب معاذ الدكتورة بشرى اللي برضه ما عرفت تطلعها من حالتها،والكل أستنتج إنها في حالة صدمة وخرس زي اللي جاتها قبل..ماكان أحد يدري عن خروجها للحوش وجريها فيه بعد نص الليل لحد ما ينقطع نفسها،ولايدري عن بكاها ولومها لنفسها ،كانت محمله نفسها اللوم على مرض أبوها بالسكر ،كيف لا وهو مرض من كثر ما زعل عليها وشال همها،كان إبليس يوسوس لها إنها السبب في موته وإنها لو رجعت معاه ماكات صار له شيئ..كانت تستعيذ بالله وترجع تستغفر وتصلي وتدعي له،بس لما تشوفهم لسانها ينربط ودموعها تجف ويتهيأ لها إن الكل بيلومها ويتهمها ..خالد أعتذر وأضطر يرجع بعد أسبوع لجدة وهي ظلت لمدة شهر عند أهلها عالحال ذا،رغم محاولات الكل علشان يطلعوها من حالتها بدون فايدة،حتى أحلام وعبدالرحمن فشلوا في ذا الشيئ وماسمعوا صوتها غير قبل سفرها بيوم علشان تطمنهم عليها.

رجعها من الماضي صوت الباب اللي يندق بهدوء،مسحت دموعها ودخلت غسلت وجهها من أثار البكاء ،عدلت شعرها ورشت عطر علشان تهدأ وغمضت عينها للحظات قبل تضرب وجهها بكفوفها بخفه وتفتح الباب بإبتسامة/الواحد مايقدر يرتاح شوية إلا والكل فوق رأسه.
ندى بملل/طيب أيش أسوي،نونو طفشني ومو راضي يذاكر يقول يبغى ماما جوري.
جوري/ألبس وجاية وراكي.
رجعت أخذت دش ولبست برمودا أبيض لتحت الركبة وتيشيرت أصفر بكم طويل وماسك عالجسم،صلت ركعتين وطلعت للصالة اللي كلها كتب ودفاتر وأقلام.. أم خالد جالسة عالكنب وتقرأ كتاب (لاتحزن)وياسمين وقصي ونادر عالأرض ويذاكروا. طالعت في الأرض وبهدوء/ذي أغراض مين؟
رفعوا عيونهم عن اللي في يدهم والثلاثة رفعوا يدعم بشويش وهم مبتسمين بشقاوة.
طالعت فيهم بنظرة فهموها وقام كل واحد يلم اللي يخصه ويحطه جنبه،.عضت ندى أصابعها بغيض/دحين أنا من أول أقول لكم لموا أغراضكم لاتجي نادين وتقطعها ومحد أهتم..وفي ثانية أختفت كذا..
نقلت جوري نظراتها بينها وبين الأولاد وبزعل/يعني كلمتيهم وطنشوا؟
هزت ندى رأسها بأيوة وهي عاقده أيديها على صدرها، وتطالع في الأولاد بإببتسامة.
جلست جوري عالأرض جنب نادر وأخذت كتاب الرياضيات، وبهدوء/مرة ثانية خذي كتبهم وأرميها برا عند الباب من غير كلام..
صاحت ياسمين وقصي بإعتراض وسكتتهم بنظرة/أنتوا أيش تذاكروا؟
ياسمين بهمس/إنجليزي.
قصي/علوم.
هزت رأسها بتفكير وهي تردد/إنجليزي وعلوم.. ومطلعين اللي في الشنطة كلها ليه.. مو قلنا قبل كذا الكتب تطلع حسب المادة اللي نذاكرها ولما نخلص نرجع الكتاب ونطلع اللي بعده؟ ولا نرمي الكتب في الأرض و نجلس كإنا في زريبة..وبعدها نبكي لما تجي أختكم تشخمطها وتقطعها..
ياسمين بتبرير/نادر هوا اللي بدأ،أنا جيت وكتبه ف-------
سكتتها جوري بأشارة من يدها،وبحده/لا ياشيخة،ذحين صرتي تتعلمي من أخوكي الصغير بدل ما يصير العكس..ليه ما خليتيه يلم كتبه بدل ماترمي كتبك زيه..ولما كلمتكم ماما ندى ليه طنشتوها..هاا؟
سكتوا وعيونهم عالأرض،تابعت بهدوء/طيب خلصوا مذاكرتكم وبعدها يصير خير.
التفتت لنادر بإبتسامة/هاا حبيبي،أيش اللي مو فاهمه.
أشر لها على مسألة/ذي مرة صعبة.
ضحكت وطلعت ريالات من جيبها وصارت تشرح له/ذحين معاك عشرين ريال ورحت البقالة،أشتريت ليك ولكل واحد من أخوانك بريالين، بكم أشتريت،وكم يبقى معك؟
أخذ العشرين وصار يحسب بسرعة/6 لاا 7..
مسكت يده تهديه/لحظه لحظه..أحسب بشويش ليه مستعجل.
نادر بعصبية/هوا يحاسب بسرعة كذا.
طالعت فيه بإستغراب/مين هوا!
نادر بضيق/موني صاحب البقالة.
فلتت منها ضحكه/ههههههههههه،طيب أنت ذحين في البيت خلي موني في حاله ، أحسب بشويش، والريال اللي تعده تحطه على جنب يعني قول 1وحط الريال من يدك،2وحط الثاني وكذا..فهمت..على مهلك.
هز رأسه وعمل زي ما قاله له،وبإبتسامة/10
طالعت فيه /كيف 10.
عد لها الفلوس/ريالين ،وريالين، وريالين، وريالين ،وريالين.
فلتت من ياسمين ضحكة وعصب منها نادر/ياسين أسكتي.
ياسمين بحدة/ياسين في عينك..
طالعت فيها جوري/وبعدين معاكي ،مو وقتك.
رجعت لنادر بهدوء/كيف طلعت 10..مو قلت أشتري لك أنت وأخوانك.
نادر /أيووه ،أشتريت .
جوري بإبتسامة/شاطر حبيبي..طيب كم أشتريت وكم بقي من العشرين.
نادر/ أشتريت بعشرة وباقي عشرة.
جوري/ليه عشرة ،عد الباقي مزبوط وبشويش.
نادر بتأكيد/عشرة.
مسكت ندى الفلوس اللي موزعها وبعصبية/ نادر ،قصي، ياسمين،نادين..8ريال مو 10،ذي الريالين ليه ماعديتها.
أخذها منها وحطها في جيبه وبملل/ذي حق عمو مؤيد..يعني باقي عشرة.. التفت لجوري /صح ماما.
طالعت فيه وضغطت جبينها وهي ماسكة ضحكتها/ذحين أيش دخل مؤيد ،أنا قلت أنت وأخوانك ؟
نادر ببرائة/هوا لما يشوفني في البقالة يقول أشتري لي معاك أنا أخوك.
ضربت كف بكف وهي تضحك/حسبي الله على إبليسك يامؤيد.. يمه ولدك قاعد ينصب عالولد بأسم الأخوة، ولخبط شجرة العيلة ودماغ الولد.
ضحكوا على نادر اللي زعل وبالعافية رجع يذاكر..
رن جوالها وطالعت في ندى الواقفة/ ندو بالله جيبي الجوال من الشاحن..رح أبوس المتصل اللي أنقذني من الصداع ذي.
ضحكت ورمت لها الجوال وبتريقة/واوووووو،هتبوسي عمو مساعد..العجوز راح فيها..
مسكت الجوال وبحلقت فيها بخجل/قليلة أدب.

أنتهى البارت

في إنتظاركم، ودمتم بخير

(لا إله إلا الله وحده لا شريك له..له الملك وله الحمد يحيي ويميت وهو حيً لا يموت..بيده الخير كله،وهو على كل شيئً قدير)