|
رد: خريف الحب / للكاتبة خياله،،والخيل عشقي
السلام عليكم
أنا جديدة في المنتدى وسجلت خصيصا عشان روايتك أختي... قرأت الرواية خلال أسبوع وانصدمت لما لقيتها مو مكتملة .. لأني ما أحب أقرأ رواية مو مكتملة عشان ما تضيع مني الأحداث وثانيا ما عندي صبر .. رغم إن شخصيات أبطال روايتك مستفزة جدا وخاصة جوري أحسها تتصرف بسذاجة لا متناهية وإخوانها ما وضعوا حد فاصل لتصرفاتها اللا مبالية خاصة وإنهم من عائلة محافظة على الدين والتقاليد وهي خرقت العادات والتقاليد وما اهتمت للدين في كثير من تصرفاتها وما عملت حساب لرجال عائلتها .. أنا شخصيا تستفزني مثل هذه الشخصيات لو كانت ع الواقع .. وأيضا استفزني وضعها مع عائلة العم مساعد ومناداتهم بأمي وأبي وجدي وجدتي وأحسها ماخذة معهم راحتها ع الآخر .. بغض النظر عن إنها عائلة بعيدة عنها كل البعد فلفظ الأم والأب ألفاظ مقدسة لا يستحقها غير الأم والأب الحقيقيين.. ولو ألتقي بجوري ع أرض الواقع ممكن أضربها ع راسها لعلها تصحى لتصرفاتها واستفزازها لمن حولها وما ألوم عبدالرحمن لما ضربها كف وتمنيت لو معاذ كمان ضربها وبرد قلبي هع هع أنا مو شريرة بس وربي هالجوري رافعة ضغطي وما قاهرني غير هالعلي اللي مافكر يعاقبها ع أخطاءها المتكررة بنفس الطريقة .. لا تاخذي على خاطرك مني أنا كتبت رأيي وانطباعي لكن الرواية رائعة جدا ومشوقة وأسلوبك أكثر من رائع .. ياريت تنزلي باقي الأجزاء في أسرع وقت أختي العزيزة عشان ما تضيع منا الأحداث السابقة .. وعسى غيابك خير يارب.. تحياتي لك |
رد: خريف الحب / للكاتبة خياله،،والخيل عشقي
لعل في الامر خير. اين انتِ ياخياله
|
رد: خريف الحب / للكاتبة خياله،،والخيل عشقي
الله يعطيك الصحة و العافية عزيزتى خيالة أينما كنتى وكل عام و أنت بخيرو عيد أضحى مبارك عليك و على الامة الاسلامية
مر عامان على أخر لقاء لنا معك و كان فى نفس هذه الايام المباركة عساك فى أحسن حال و عائلتك و وطنك الغالى و فى أنتظارعودتك يا غالية دمتى بكل خير |
رد: خريف الحب / للكاتبة خياله،،والخيل عشقي
السلام عليكم ورحمة الله وبركاته..
متابعيني العزيزين أسعد الله مساكم بكل خير وبركة وسعادة يارب… في البداية أحب اعتذر لكم من كل قلبي بشكل كبييييييييير وكثيييييييييير عن اختفائي المفاجئ المريب والغريب والشنيع والطويييييييييييييل، واللي أكيد أكيد أكيد كان لظروف جدا صعبه مريت بيها أثرت عليا ومنعتني من مواصلة الرواية كل الفترة اللي فاتت، لكن الحمد الذي لا يحمد على مكروه سواه كل شيء مر وأنتهى وعدا سلامات والأن رجعت لكم من جديد… طبعاً ياسكاكري الجميلة مايحتاج اقلكم انكم وحشتوني وحشتوني وحشتووووووووووووووني اكثر شي في الحياة.. وحشتني مشاعركم الجميله وتعليقاتكم وتشجيعكم ودعمكم اللا متناهي وذا خلاني أرجع لكم بحب وحماس لإستكمال الرواية اللي وقفت في نقطه حساسه وخطيره وقابله للأشتعال … لذلك وبناء عليه بعلن عن عودة الرواية رسمياً للساحه وهنتظر تعليقاتكم وطماطمكم وبيضكم وأي شيء تقرروا تحذفوني بيه مو مشكله ^*😅 المهم إن شاء الله هنزلكم مقتطفات صغيره من آخر بارت للتذكير بالأحداث اللي أغلبكم نسيها وكمان هنزل إقتباس صغنون من البارت القادم في أقرب فرصه.. جميلاتي وحبيبات قلبي شكراً بحجم السماء لكل مشاعركم الصادقه ودعواتكم الطيبه لي في غيابي، وشكراً لتقديركم وصبركم اللطيف على تأخيري، لذلك ربي يسعدكم وين ماكنتم ويرزقكم أضعاف ماتتمنوه والقاكم على خير بإذن الله .. وفي الأخير دمتم لي ولأحبتكم بخير.. أختكم/ خياله |
رد: خريف الحب / للكاتبة خياله،،والخيل عشقي
إقتباس صغنون من...
(الورقة الثامنة والستون ) في شيئ غلط في المشهد اللي صاير ! | ذا الشيئ الوحيد اللي ظل يردده بينه وبين نفسه في ظل تبلده المفاجئ ومع كل حركه وحرف صدرت عن الثنائي اللى قدامه ! أكيد في شيئ غلط ... هاللي قاعد يشوفه لايمكن يكون حقيقي .. يمكن حلم !! | کابوس !! أكيد كابوس.. أصلا ذا التفسير الوحيد للي قاعد يشوفه ... لأن طفلته لايمكن تتصرف بهالشكل في الواقع .. مهما حبت اللي أسمه على كأخ إلاإنها لايمكن تتجاوز حدود الله وتغضبه بتعاملها معه بذا الشكل السافر.. طفلته مارح تسمح لأي أحد يدنس طهرها ويلمسها بدون وجه حق… ،،،،،،،،،،،،،،،، لامت نفسها على تهورها اللي خلاها تحت رحمة علي واللي كانت متأكده انه مارح يتركها إلا بعد مايسمع رد مقنع على سؤاله لذلك قررت تصارحه بجزء من الحقيقة فأخذت نفس عميق وردت بهدوء/ ببساطه كنت بشوف ردة فعله على طبيعة علاقتنا وإذا كان من جماعة هوا مش أخوها حقيقي بس من الرضاعه وإلى آخر الكلام الغبي اللي سبق وسمعته قبل كذا، يعني تقدر تسميه إستباق للإحداث أو أختبار.. اللي يعجبك. هز رأسه بتفهم وسألها بجديه/وأيش اللي طلع معش.. كيف شفتيه ! زفرت بضيق/ماأدري ماأدري ..تفكيري مشوش ومحتاره بشكل غريب لدرجة إني ماعدت عارفه نفسي، يااخي الرجال ذا مرات بحس اني بكرهه ومرات -- تركت جملتها معلقه وصارت تدور بعصبيه وعلي بيراقب كيف بتفتح فمها وتقفله لكذا مره بدون ماتتكلم وكإنها بتحاول تلقى كلمه مناسبه تعبر بيها عن اللي حاسته ! مسك يدها ورد بخبث / بس بيقولوا إن الكره هو الوجه الثاني للحب و - - - - - قاطعته بحده/ حبك برص منك ليه، الظاهر أنك مسخن وبتهلوس .. نفضت يده بعنف وأعطته ظهرها ومشيت بينما تابع بإستفزاز/ يجوز اني مسخن وبهلوس ويجوز انش معجبه به ومش قادره تعترفي لنفسش بهذي الحقيقه. ،،،،،،،،،،،،، رد بعصبيه/يعني ماكفاك انك جبرتني اسافر وافلتها! وذحين بتمنعني اكلمها! رد ببساطه/والله اذا كلامك بيشجعها ع الجنان اللي في رأسها فأكيد همنعك، اختك مجنونه جاهزه مش بحاجة دعمك ياتوامها.. رد بعدم تصديق /مجنونه علشان تشتي تختار حياتها بنفسها! ضرب سطح المكتب بقوه وبحزم/ وهذي هي حياتها اللي اختارتها بنفسها ومحد غضبها عليها ولانسيت؟ رد عبدالرحمن بسرعه/ صح محد غصبها، لكن هي ماكانت في وعيها وقتها والدليل انها أتراجع عن قرارها بمجرد ما استوعبت ال--- قاطعه بغضب/ ماكانت في وعيها كيف واستوعبت ايش بالضبط ! اليوم موافقه وغدوه اشتي اطلق؟؟ معاك خبر انت واختك ساع الناس ولا هو لعب جهال وضحك عالدقون ! مسح عبدالرحمن وجهه واخذ نفس عميق وحاول يتكلم بهدوء / يامعاذ اهدى وحاول تفهم،، انت ماشفت شكلها كيف كان وقتها؟ ماشفتها كيف كانت ببتصرف بغير حس! زي ماتكون في صدمه او حالة عدم إستيعاب، اكيد سند قلها شي خلاها ت--- قاطعه معاذ بإستنكار غاضب/ ايش هيكون قلها يعني؟ هددها بالقتل لو ما وافقت! او يمكن بالخطف! اقلك.. اكيد هو اللي خطفها هاذك المره واعترف لها ذحين بذا الشي، فقالت أوافق اسلم؟ ايش رايك مش ذا الفلم ارتب واضبط من حقك؟؟؟؟؟ ،،،،،،،،،،،،،،،،، جده كان طول الوقت يدري بحقيقة مشاعره ناحيتها وبيختبره ! علشان كذا كان دوم يطريها ويقرنها بعلي بإصرار ! كان بيتعمد يستفزه ! وبيضغط عليه بإستمرار وبطرق غير مباشره وبعدها بيحلل كل تصرفاته ! جده كان أشبه بصياد رمي طعم في البحر وإتظاهر بنسيانه بينما هو كان منتظر سمكته بكل صبر وتأني لين تلتقط الطعم وتوقع في قبضته ! ومع الأسف .. هو كان هالسمكه اللي بلعت الطعم بكل سذاجه .. ،،،،،،،،،،،،،،،،، أتزوجتي من ورايا ياخاينه . بعدت الجوال عن اذنها لثواني وهي بتضغط عليه قبل ماترد بضيق/خرمت أذني وطبلتي مالها قطع غيار ياغبي . رد بقهر/جوري بلا سواقه ترى موناقص سماجه روحي واصله لخشمي م-- قاطعته بسخريه/أجل أنتبه تعطس ياخفيف . مؤيد بعدم تصديق/يابرودك يا شيخه ذا اللي ربنا قدرك عليه! موكفايه ثلاث أيام أتصل وحضرتك عامله فيها عبده مشغول وماتردي ردت بتنهيده/ كنت محتاجه أجلس لوحدي بعدين أيش تبغاني أقولك ، ياسبدي خلاص اللي صار صار وأختك إتدبست و-- قاطعها بعدم إستيعاب/إتدبستي ! يعني أنتي موموافقه ! أجل إتزوجتيه كيف ! لاتقولي محد أخذ رأيك وصحيتي لقيتي نفسك على ذمته زي لما إتزوجتي خالد ولا كيف يعني ! حست بضيق من سيل الأسئله اللي إنهمر عليها بدون إنقطاع وذا موغريب على مؤيد اللي كانت متأكده إنه زعل لإنها ماقالت له على ملكتها وعرف من أمها وفاطمه زوجته و-- قاطع أفكارها بصراخه/أنتي ناويه تجلطيني ردي ليه ساكته ! فكرت بمراره ساخره "لا موغصباً عني .. كنت عارفه وموافقه.. أنا حتى وقعت على عقد الزواج بنفسي ،،،،،،،،،،،،،. |
| الساعة الآن 02:24 PM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية