|
رد: أعشق أنانيتك عندما تتمناني لك وحدك الكاتبة نوني الجنوب
ام اسامه صرخت بصوت عالي وهي مفزوعه من الي سمعته : يمه ولدي يمه قربت من اريج مين قالك وكيف اريج وهي تصيح : والله خويتي تقول قال لها أخوها ان المعرس تصوب ريوف وقفت بصدمه . .وانا اناظر لطيفه الي قامت تركض لأمها. . حسيت الدينا تدور فيني ..أكيد. .أخوي الي سواه...بس معقول تصل بسمير ..لكذا تذكرت مكالمة زوجة أبوها ..وقفت وهي تحاول تمسك نفسها ...وتدعي الله أن أخوها ماله يد في السالفة...ي حسرتي لو ضيع حاله ...وضيع الولد وهو مظلوم ..حسيت الدنيا حوسه صراخ وصياح .. ..العرس انقلب لمصيبه ي الله لطفك ... ام اسامه بسرعه وهي منهارة : دقوو على أسامه يجي يأخذني بسرعة بشوف ولدي حست الدنيا تلف فيها اغمى عليها الكل التم عليها وهو يصيح على حالها الي يحزن ويقطع القلب. . لطيفه وهي ماسكه في امها تصيح وتصرخ : يمه تكفين اصحي الحين ادق على أسامه ..ونتأكد من هالخبر .. يجي يأخذنا له يمه يمه تسمعيني ... ام اسامه وهي تحاول تقوي نفسها ماهي قادرة مصيبتها كبيرة ..قالت وهي يالله قادره تنطق: انا بخير ودوني عند ولدي بس ...الله يخليكم بسرعه دقووا ...على اي أحد ...يدويني له .. ام عصام قالت بشفقه وهي تحاول تشربها مويا : والله مابه شيء تطمني إصابته خفيفه ..والله اني صادقه طمني ابو عصام عليه وبسرعة ناظرت اريج بحقد: غبيه كذآ تفزعي خالتك اريج كان ودها تصرخ عليها بس مافيها آلحين الي تفكر به رائد ...والله تموت لو يصير به .شيء ...حسبي الله على بنتك وجهه الللبوم ... اسيل تحس حالها مصدومه من الي تشوفه ...قدامها ..وتسمعه قالت بهمس وهي تمسك يد أختها بخوف: مات ريتاج هزت رأسها وهي تحس بقلق الوضع أبد مايطمن ضمتها وهي تهدي عليها :بسم الله الولد مابه شيء بس الحريم تعرفينهم يحبن يكبرن السالفة أهدي حبيبتي لا تخافي .. اسيل بحزن: مين غدر فيه ليلة عرسه وصوبه بلعت ريقها بخوف لايكون عمي سواها وأرسل حد يسوي هالشيء..آكيد بينتقم والله لأنه مقهور وحده من بنات جاسم ماتكون لواحد من عياله ... ريتآج بشك من كلام أسيل مسكت يدها وبعدتها شوي وهي تناظر وجها : اوش انكتمي وش تقولي لحد يسمعك سحبت يدها ويالله أمشي معي انزلك وسكتت وهي تفكر في كلام اسيل يمه لايكون فعلاً سواها عمي....وصلوواالغرفه وبسرعه قربت من أختها وهي تسأعدها تفك فستانها وغيرته وهي ومصدومه من الي صار ولبستها العبايه وهي بعد لبست العبايه وجلست تنتظر ابوها يدق عليهم شافت أمها جايه تركض ..وتلبس العبايه وتقول إنها بتروح معاهم هزت رأسها ...وهي تناظر أختها الي ساكته والصدمه باينه عليها ....سحبت جوالها ...دقت على وليد.. بتعرف ايش صار ...بالضبط وبعد عندها شك... انه من طرفهم الي صوبه.. هزت رأسها وهي تتعوذ من ابليس الله يقلعك.. ي اسيل دخلتيها في رأسي بس... مارد عليها عضت شفتها وهي تتذكر .انه مسافر نزلت جوالها وهي تناظر أسيل .. قالت بحزن عليها : لا تخافي ان شاءالله مافيه شيء وعريسك هوو الي يزفك للاوتيل الليله اسيل هزت رأسها بحزن على حالها : اي اوتيل ... بنزف له ... وبقهر صرخت عمك ذا مافي حد يتهنئ معه وصاحت منهارة ..والله لا أخذ حقي وحقك منه الشيطان ... ريتاج قربت منها وهي تقفل فمها ومصدومه من إنهيارها المفاجئ : أسيل ي مجنونه اصحي للي تقوليه لا حد يسمعك ويفكتر صدق هالكلام ...وخلاص قلنا لك بخير ...ودقت على ابوها بسرعه تستعجله يجي وكلها دقايق وابوها دخل عليهم ....وهو حزين على بنته وزوجها قال بهمس وهو يقرب من اسيل الي تصيح ضمها على صدره بحنان : ماعليه ي قلبي لا تصيحي أسيل وهي تبكي : يبه مين له مصلحه يخرب ليلتي كذآ مين ابو عصام بحزن: تتعوض هالليله ان شاءالله بس الحين أدعي لرجلك يقوم منها سمع صوت صياحها يزيد ....قلبه تقطع على حالها ناظر ريتاج وقال بهمس : قولي لامك يالله ريتاج : امي راحت مع ام اسامه لأن مره وضعها صعب وقالت لي اخبرك .. ابو عصام هز رأسه :الله يجزاها الخير يالله أجل اطلعووا .. ،، ،، ريوف كنت واقفه وانا أشوف الكل يلبس العباية...ويطلع ..وانا مثل البلههه مدري وش اسوي..وكيف أروح صيته وهي تلبس العباية مستعجله: وشهوله واقفه كذآ أمشي معنا ... ريوف وهي تبلع ريقها من الخوف حاسه إن أخوها له يد في السالفة ماحست إلا بيد صيته تسحبها وتلبسها العباية وتهاوش إني اخرتهم حسيت بندم ليت رحت مع لطيفه.. آلحين هذي مع مدري مين بتركبني شفت الجمس إلي واقف قدام الباب .ركبت معاها ...السيارة .. وانا مدري مع مين رايحه ... قلبي قرصني من سؤال الجده .. الجده قالت وهي مفزوعه : شهاب لا يكون إصابته قويه شهاب بحزن على حالة رائد قال وهو يحاول يطمنها: ان شاءالله خير صيته بسرعة : والله قلبي ماهو مطمن قول ي الصقر مابي انفزع يوم اشوفه ... شهاب :طيب اوصلكم لبيت خالي منصور ..ماله داعي روحة المستشفى هذي .. صيته صرخت معترضه: وشهوو والله ماروح البيت إلا يوم أطمن عليه بنفسي ... آه ي حسرتي على شبابك يمه في يوم عرسك غدر فيك هالخايس حسبي الله عليه وقدمت حالها شوي....قول قول كيف صوبه قدامكم ليه مابه حد دافع عنه شهاب قال بجمود : كنت ماهو موجود وقتها احضر العشا وبعدين كل شيء جاا بسرعة والكل ماحد توقع ان بينهم خلاف يوصل للقتل .. ريوف حسيت قلبي وجعني وهي تدعي عضيت شفتي بخوف ورفعت يدي على فمي ...يوم قال بينهم خلاف ..آه والله انه سمير ..ي قلبي ..الموجوع من وين ألقاها يآرب ...صبرني .. صيته وهي تصرخ : خلاف وشهوو بينهم عشان يذبحه في لليلة عرسه الي مايخاف ربه الجدة قالت بحده: صيته قفلي فمتس ذا وادعي له آلحين وخلي الولد ينتبهه للطريق... ريوف دموعي تنزل ...بصمت ...قلبي يتقطع ..يآرب مايكون له يد فيها يآرب...أول ماوقفت السيارة حسيت قلبي وقف .. مابي أنزل وانصدم...ناظرت لطيفه وامها وخالتها يركضون ورا الرجآل الي نزل من سيارته .... صيته : يمه شهاب نزل ميمتك انا بلحق ام أسامه المره منجنه على ضناها آه مين يلومها . شهاب هز رأسه بجمود وهو يحس رأسه صدع من صياح عمته وكثرة كلامها نزل ميمته ووناظر الي راكبه وراء ..نزل جدته وهي لسى مانزلت. .قال بهمس لجدته: يمه الي جت معاكم خليها تنزل .. الجدة تقدمت وهي مطنشه الي يقوله ..ومسكت في يد ام فهد ..عشان توصلها .. شهاب توهق ..حس بخجل انه يقول لها تنزل. بس صد عنها و.قال بجمود: يالله انزلي ..وإذا ماتبي قطع كلامه يوم شافها تفتح الباب ونزلت .. ريوف حسيت بضياع ..ليه مانزلت مع عمته ولطيفه .. مديت يدي ..وفتحت الباب ونزلت من غير مارد عليه .. تخيلت أسامه لو يجي بس وهو يكلمني هالرجال ...والله ماغير اموت ...دخلت المستشفى ..وانا أركض .. وراء الجدة ..وام فهد بس ماحلصت أحد ..وقفت محتاره في مكاني .. ..وانا اتلفت..ادورهن ...حسيت بصوته الرجولي وراي : من هنا .. واشر لي بيده بلعت ريقي بخوف. .مشيت لوين أشر ..وحسيت فيه يمشي وراي بس بينا مسافة بعيدة ...وقفت بصدمه أول ماشفت الكل قدامي ويصيح .. |
رد: أعشق أنانيتك عندما تتمناني لك وحدك الكاتبة نوني الجنوب
.. وقف اول ماشاف امه مقبله عليهم هي وخالته وأهل ابوه ناظر ابوه الي يناظرهم قال بهمس:مين قالهم ذولا آلحين ام اسامه صرخت :ولدي وينه بسرعه قولولي وينه قرب من أمه وهو يضمها قال بهمس وهو يهديها : والله بخير ي الغاليه والحين في غرفة العمليات يطلعون الرصاصة وتشوفينه وتتطمني بنفسك .. صاحت بحزن وخوف وقلق وقالت بهمس : أخوك مين اللي تسبب له هالليله مين قولي .. همس لها بحزن: والله يمه حقه مايروح كذا وانا أخوه بس انتي الحين اهدي شوي الله يطول في عمرك ... وقرب من لطيفه وضمها وقال بحده شوي وهو يهمس لها: مفروض توقفي مع امي وتهدي عليها ماهو تخليها تجي هنا خلاص رائد بخير الحمدلله لطيفه ..هزت رأسها بقهر الحين ذا جالس يلومها قالت بقهر: ليه ماتحس كذا أنت انا مفزوعه أكثر منها وصاحت بقوه ذا رائد تعرف ايش رائد ذا زينة البيت الكل صاح مع كلامها ...قربت من أمها وضمتها وهي تصيح معاها ..... اسامه قرب منها وسحبها لحضنه ..وصاح غصب عنه ...والله غصب ..عنه مافيه يقدر يمسك حاله أكثر...ماحس إلا بصرخة أبوه.... صرخ بعتب: بدل ماتطمنهن جالس تصيح معاهم وش فيكم تتفاولو عليه الولد بخير .... أسامه رفع رأسه وهو يمسح دموعه أبوه صادق بدل مايهدي عليهم يقوم يصيح معاهم ..بس انصدم من الي واقفه بعيد وتناظرهم ..صغر عيونه ..قال بهمس ريوف . قرب منها وقال بهمس اي والله هي ..قال بحده: وش جايبك هنا كان خليتهم يوصلونك البيت .. ريوف مصدومه حيل يوم شفت أسامه يصيح معقول عنده قلب ويحس مثلنا...والله لو إني ماشفت بعيوني كان ماصدقت ..يوم قرب مني حسيت بخوف ... وانا اسمع كلامة ..خايفه لا يهاوشني قدامهم .بس آلحين مايهمني إلا بعرف ان سمير له يد أولا قلت وقلبي موجوع : سمير الي سواها أسامه بحده هز رأسه.. وبعد عنها ورجع لأمه الي منهارة وهي تصرخ بتعرف مين قال بحزن: يمه خلاص هدي الله يعطيك العافية والله مثل ماقلت لك حقه مايروح كذآ ابو أسامه بسرعة صرخ فهد : حرك بأهلك يالله وأنت ي شهاب فهد بسرعة سحب امه وام عصام واخته وطلعووا من المستشفى . ام أسامه وهي مطنشه كلام زوجها .. صرخت بقهر ليه مخبيين عليها ..مين الي صوبه .. : منصور قولي مين الي سواها. .فيه مين الي حرمه من هالليله ..ورجعت ناظرت اسامه أكيد عرفتوه صح عرفتوه وتذكرت كلام رائد عن أخو سمير وبعد نظرات أسامه ..خلتها تشك أكثر قالت :لا يكون أخو مرتك ..نفذ تهديده ... أسامه ناظر ريوف ..عض شفته بقهر ...من غير مايرد... بسرعة مسك في يده امه يوم شافها متجههه لريوف ..وهي تصرخ : أقسم بالله أخوك ال*** اموته بيدي ..والله دم رائد مايروح كذآ والله ..وقربت منها وهي تبي تضربها ... ريوف بعدت بخوف وهي تناظر الكل مصدومه منها كيف هجمت عليها بس ماحست إلا بيد أسامه تسحبها ...ويبعدها عن يد أمه وهو يصرخ:يمه ماهو كذآ ... ام أسامه صرخت وهي تصيح: بعدك ي أسامه تتدافع عنها والله إذا أنت سترت عليها ..على أخوها المجرم ماتقدر فاهم ماتقدر ودم أخوك مايروح كذآ. .. ابو أسامه قرب بعصبيه منهم وصرخ : البنت وش ذنبها ي مره كفي بلاك عنها والي يسمع كلامك يقول الولد مات ام أسامه بصرخة: بسم الله على ولدي ...وهذي وهي تأشر عليها دخلت علينا ودمرتنا وفرقت بينهم بس لا هالمرة طال شرهم وصلوها لدم ...هي وخالتها الخبيثه ... ريوف جسمي كله يرجف ناظرت اللي حولي وانا متفشله ....الحمدلله وأهل امه ..راحوو ..... تمسكت في أسامه بقوة وقربت منه زود ..وانا خايفه ..قلت بهمس وانا اصيح : تكفى ارحمني وطلعني من هنا الله يخليك.. اسامه قال بحده وهو يناظر شهاب : يالله ي شهاب خذهن للبيت كلهن. .. ام أسامه وهي تصرخ معترضه:بترسل أرسل زوجتك للبيت لان مالها مكان بينا وجودها يزيد علينا اما انا أقسم بالله ماتحرك من هنا لما اشوف ولدي بنفسي وأطمن عليه ..... ابو اسامه بعصبيه: أقول تعوذي من ابليس وامشي للبيت وبنفسي لما يطلع من غرفة العمليات بجيبك يالله خذهم ي شهاب وأنت ي فهد خذ أهلك ... شهاب قرب من جدته وهو يمسكها وقال بصوته الخشن: على أمرك يالله ي جماعة اسامه حزن على امه اللي تصيح وابوه معصب عليها ويصارخ ...قال : خلاص يبه خلي امي بس والكل يروح.. ابو اسامه بحده : وش تقول أنت اقول خلها تروح قلبت المستشفى بصياحها و ماقصرت فضحتنا ماغير تهاوش في هالضعيفه معك ... ام اسامه بعصبيه: والله لو تموت ماتحركت من هنا والي في رأسك سوه ذا ولدي ..فاهم وهذي ماهي ضعيفه هذي حيه ..فرقت أخوان عن بعض ..وناظرت أسامه ماراح اسامحك لو صار لرائد شيء ...يما قالك إنه مظلوم وقف معه ...بس أنت ولا همك ...وحالف يمين إنه ظالم لعبووها صح هي وخالتها ..وأنت اكلتها .. أسامه نزل رأسه متفشل ومقهور من الكلام الي يسمعه ..آلحين الي مايدري بيدري ..قال برجى : تكفين يمه لا تزيديها علي.. الكلام هذا كله ماهو بوقته ابو اسامه بعصبيه:لا لا أمك انجنت اليوم وجالسة تقول كلام ماينقال ..اقول ي مره روحي وفكينا من صدعتك ولدك أول مايطلع بنطمنك .. ام أسامه صرخت: قلت لك والله ماروح .. الجده بعصبيه من أول ساكته تناظرهن : والنهاية معك ومعاها فضحتونا خلاص خلها تتطمن على ولدها وفكنا .. صيته قربت من ريوف وهي حزينه عليها البنت ترجف ..واضح عليها الخوف ...وفهمت من كلام ام أسامه ..إن أخوها هو الي تسبب لرائد الله أعلم وش بينهم ... : خلاص ي أسامه مرتك بتجي معنا .... وربي يطمنا على رائد أسامه قال بهمس : آللهم امين وناول ريوف المفتاح وقال بهمس روحي الشقه طيب لا تروحي بيت أهلى ماظمن لك ايش يحصل ..ريوف هزت رأسها وجسمها كل يرجف ....بسرعة تحركت ومسكت في صيته .. أسامه شاف أمه جالسه على الكرسي وتصيح صياح يقطع القلب. . قرب منها وناظر أبوه خلاص يبه بنفسي اوصلها لوتطمنت على رائد يالله شهاب خذهن ... شهاب هز رأسه : ابشر يالله ي جماعه قبل المستشفى مايطردنا ... ابو أسامه ناظر ناحية لطيفه : يالله روحي معاهم انتي بعد لطيفه مصدومه تناظر امها يعني أخو ريوف هو المتسبب ماتدري وش تقول ..ولا هي فاهمه شيء ...حست بصرخة أبوها قالت بعناد: والله مااروح بجلس مع أمي. ..مستحيل اخليها وهي بهالحالة .. ابو اسامه بعصبيه: والنهايه يعني لطيفه بدون وعي : سوي اللي تبي والله من هنا مااااتحرك ابو اسامه عصب : وانا ولد ابوي بعد ذي تحلف علي صيته قربت من لطيفه وهي تهدي عليها وهمست: يالله حبيبتي ابوك بيعصب عليك أكثر من كذا لو عاندتي وارحمي هالبنت وخلينا نمشي امك شوي وبتأكلها .. لطيفه مسكت في امها وقالت بقهر: محد يلومها على الي بتسويه أخوها تسبب لاخوي ..وش تبينها تسوي تأخذها بالحضن .. ريوف ناظرت لطيفه بصدمه ..لا لا تكفين مافي حد غيرك أحبه في هالبيت ..ودايم معي ..آلحين انتي بعد معاهم ..ي وجع قلبي .. صيته قالت بهمس: حرام عليكم والله هي وش ذنبها ويالله أمشي ابوك ماسك حاله غصب ... لطيفه صرخت بقهر : ذنبها انه أخوها .وروحه ماراح .اروح ..مدام امي جالسه بجلس معاها. .. شهاب ناظر ناحيتها ...وهو مستغرب أشلون تقول كذا للبنت ..وبعد ماتحترم ..كلمة ابوها ..مهما كان خوفها على أخوها مايصر تكسر كذا كلام أبوها وتجلس تحلف عليه بعد ..هز رأسه بغيض من هالنسوان كلهن مثل بعض ...لسان طويل ...يبي له قص ...شاف امها تكلمها بصوت واطي مايدري وش قالت لها ..بس والله ماكسر قلبه غير مرة أسامه وهم يحذفون عليها كل كلمة أقوى من الثانية ...قرب من صيته وقال :إذا ماتبي تمشي معنا خليها على راحتها وخلينا نفعل خير بهالضعيفه وونبعدها عن هنا ....ومسك جدته وتقدمهن .. . ركب جدته السيارة وهو يشوف ..عمته وثنتين جاين وراها ..عرف إن ام العناد واللسان الطويل اقتنعت أخيراً وجت معاهم .حرك على طول أول ماركبوو ...وهو يسمع ..صوت صياحها ...عض شفته وده يقول لها خلاص اسكتي ...يرحم امك... صيته بحزن :خلاص يمه أخوك مابه شيء ان شاءالله لطيفه بقهر : ابوي ليه كذا يقهر ...ليه ماخلاني أجلس مع امي وجنب اخوي الحين وش اسوي اروح البيت اجلس بناري وقلقي عليه ...وبقهر الله لا يسامح أخوك ي ريوف مثل ماحرق قلوبنا ...الله يحرق قلبك عليه ... ريوف صاحت بهمس ..وهي ماتدري وش تقول ..ولا هي قادرة تتدافع ..عن أخوها وضعها صعب ...حيل .. شهاب .. فقد اعصابه وقال بحده يوم هبت على البنت تصارخ ومو محترمه أحد قدامها : احترمي ابوك ي بنت وجلوسك ماراح يقدم شيء غير زحمه على الفاضي والبنت مالها ذنب عشان تلوميها وأخوها مصيرة يأخذ جزاه ..على الي سواه ماله داعي هالكلام والصياح آلحين .... لطيفه انصدمت من الي نط فجاة عليها يصارخ ..بقهرناظرت عمتها وهمست :هذي علوم صقركم يتدخل بين النسوان اللي مو محرم عليهن... شهاب ..سمع همسها حس بقهر ..من ردها ..عض شفته وشد يده على الطاره وده يكسر فمها على هالكلام بس احترم حاله وفعلاً هو غلطان ..مفروض مايتكلم ويتدخل بينهم ... أول ماوقفت السيارة ..نزلت بسرعة وهي مقهورة .... صيته ناظرت ولد اختها وقالت بهمس: الله يهديك وش فيك اليوم على البنت هبيت عليها ... قال بضيق : عمه نزلي جدتي وخلاص خليني ارجع المستشفى . ريوف همست لصيته: تكفين وصلوني بيتي مستحيل أجلس هنا ... صيته بهمس: ابشري بس أنزل ميمتي ونوصلك .. الجدة بحده: أقول ي قليلة الخاتمه مفروض توقفي مع أهل رجلك ..ماهو تتخبي في بيتس ..ولا مالتس وجهه بعد سوات اخوتك .. شهاب قفل عيونه بصبر ..يالله ليه الكل عليها وده يعرف .. قال بضيق: ميمه الله يعطيك العافية امشي معي اوصلك للبيت واوصل البنت وارجع للمستشفى ..نزل الجدة من السيارة ورجع حرك فيهم ..على وصفها للشقه ..بسرعة وصلها .. ونزلت معاها عمته صيته ...قال وهو يفتح الدريشه ويناظر عمته الي ماسكه فيها: انتظرك ولا بتجلسي عندها صيته بضيق: ودي والله أجلس بس انت عارف ميمتك ماغير تحوسنا .لو جلست عندها شهاب عض شفته بندم إنه سألها ...يحس ردها يفشل بعد الله يهديهم ليه مايفكرون في مشاعرها ... ريوف بسرعة قالت : خلاص مشكورين الله يستر عليكم ومشت متجهه للعمارة . شهاب ناظرها يوم دخلت قال بضيق: الله يهديك ي عمه ليه كذآ قلتي قدامها وبعد ماجلستي معاها شوي مصيبتها كبيرة صيته عضت شفتها بضيق: اخخ يمه تدري فيني ماعرف امسك لساني ...مدري أشلون قلت كذآ بس والله إني صادقة ماغير ميمتك تهاوشني لو جلست عندها ... ريوف فتحت باب الشقه ودخلت قفلت الباب وقفت متسنده عليه وهي منهارة حست برجولها ثقيله عليها جلست وهي تصيح ...اليوم أخوها راح فيها آه ي سمير وش حالك آلحين. .وش صار فيك ..تذكرت كيف قلبوو عليهم وفشلوها قدام اللكل...بس والله مايهمها آلحين غير سمير ..حاولت تقوي حالها وقفت بتعب ودخلت الحمام الله يعز القارىء وهي تمسح المكياج .وأخذت دش وتوضت فرشت السجادة وصلت ...وجلست تدعي ربها ...إنه ينجي رائد وتسلم رقبة أخوها. .....بعدها وقفت وراحت للشنطه ..طلعت جوالها ناظرته كله مكالمات من مرة أبوها رجعت دقت رقمها وصرخت يوم سمعت صوتها : ارتحتي آلحين خلاص سمير ضاع بسبتك وش استفدتي منه قولي .. ليه هالحقد الي ضيعني وضيع اخوي بعدي .. ام سمير وهي منهارة : حسبي الله ونعم الوكيل عليك ماغير انتي الي ضيعتيه ....كم مرة دقيت ورسلت لك تسجيل واقولك ي بنت أخوك بيروح فيها وهذاني اعترف ..اني تبليت عليك بس وين مطشنه اتصالي . وصرخت وهي تناظر ولد أخوها الي جاي لها يوديها للمستشفى ...والله لو يصير به شيء ي ريوف ماغير أخذ عمرك بعده ..وقفلت في وجهاا .. ريوف مصدومه ماعطتها فرصه حتى تتكلم ..عضت شفتها بقهر ..آلحين اللوم كله عليها وأخوها ضاع بسبة إنها ماردت على مكالماتها ....صرخت بجنون : وش يعرفني إنه بيسوي كذا يآرب رحمتك فيني يآرب. . فعلاً تحس بندم يقطع قلبها يمكن لوردت كان يمكن تقدر تكف بلى .....تذكرت كلامها والتسجيل الي تحكي عنه ايه خالتها دايم ماتعرف تكتب تعرف ترسل تسجيل على الواتس علمها سمير على هالشيء. ..فتحت الواتس بسرعة وشافت أكثر من تسجيل لها فتحت الأول كان (( ردي عشان خاطر أخوك )) والثاني والثالث والرابع كلها تحاول فيها عشان ترد . جت للخامس اللي قلبها دق وهي تسمعه (( ردي الله يخليك ..مابي أدق على زوجك ويسجن أخوك قبل مايسوي شيء عشا خوفه على أخوه أكيد بيرمي سمير ويعفن بعد في السجن ..وحقك خذيه مني اناالي تبليت عليك ..وانا الي ظلمتك كله عشان ابعدك عن بيتي ...وبقهر كله من ابوك ...هو إلا خلى هالحقد كله بقلبي ...وفضل الغريبة على بنت عمه ..بس الحين ردي عشان أخوك لا يروح فيها ونعيش بدون عزوه وسند ....والله وعد بنفسي بقول لاخوك وزوجك..عن ظلمي لك ..بس فكي أخوك من دم اخو رجلك.)) كان تسمع وتسمع وهي مصدومه أخيراً برأئتها طلعت ....وبعد اعتراف منها .ناظرت الوقت كان امس العصر... رمت الجوال آلحين مايهمها غير أخوها بس ...إلا أسامه ومرة أبوها آخر شيء تفكر فيهم آلحين. ... ... ،، ،، ،، في شقة سامي ،، ،، ،، قالت بقهر وهي تسمعها تصيح : عاجبك كذآ حال بنتك سآمي بضيق : يمه تكفين فكينا شوي وبدريه تسكتها ام سامي بعصبيه: وش تسكت فيها البنت تبي امها وانا معاد فيني اتحمل صياح في الصبح والليل حرام ارحمني وارحمها .. وقف بقهر : يمه وش يعرفها الحين في أمها توها بزر ومو معقول متضايقه من وجودها ..في البيت بدريه طلعت على صوت امها العالي وهي تهز غرام:أشلون بتسكت واصواتكم عاليه كذآ حرام عليكم كل ماقلت بدت تهجد ترجع تصيح ...من اصواتكم ... ام سامي بحسرة وهي تناظر الطفله : والله ان محدن قاهرني إلا هالبنت ربي رزقهم فيها وهم مايستاهلوها ..ليتك تفكر شوي ي سامي وتكبر عقلك وتروح فيها لأمها ولا ترد امها...وتفكنا .... سآمي قاطعها بعصبيه :يمه هي كلمه وحده مابي اثنيها .. غلا مالها رجعه لي وبنتي بتعيش عندي .. ام سامي بعصبيه : عساك الحريقه أنت وهي ماهميتوني الأثنين غير هاالاثم اللي حلقها انذبح من كثر صياحها خاف ربك فيها وبقهر بس وين تروح ظالم مثل أبوك .. سامي قرب من بدريه وأخذ بنته وحاول يسكتها بس ماقدر قال بهمس وهو يناظرها : تبي امك والله ماتستاهل هالصياح عشانها .. بدريه سمعته وقالت بقهر : سامي كبر عقلك وش يفهمها ان امها أخلاقها شينه البنت تبي ترضع بس سامي رفع رأسه وناظرها وقال بقهر : طيب الحليب اللي مأخذه لها ليه ماترضعه ام سآمي بقهر :مافي شيء يعوض عن الحليب أمها والرضعه الي تأخذها ترجعه مدري ليه بعد ... سامي بخوف وقلق ناظرها : ترجع من متى ليه ماقلتوو لي امشي نروح فيها المستشفي ....يمكن يكتب الدكتور حليب يناسبها بدريه : طيب وإذا سالوا وين أمها .. سامي وقف وبضيق : قولي انتي امها وخلصيني بدريه فتحت عينها بصدمه:وشهووو سامي ناولها وبسرعة دخل غرفته يغير ملابسه ويأخذ مفتاحة.. ام سامي وهي تهز رأسه بعجز : روحي روحي مع هالمخبول وخليتس على خباله بس .. ونشوف لوين نوصل معه ... ،، ،، ،، في المستشفى .. يحس قلبه يتقطع وهو يسمع صياح امه قال بهمس: عشاني ي الغالية ام اسامه بحده : أسامه ابعد عني أقسم بالله فيني قهر منك أنت دخلتهم علينا أنت ... أسامه قال بضيق : آه يمه لا تحكمي وانتي ماهو عآرفة شيء ام أسامه بقهر : كل شيء عارفته أخوك قالي عنه وقالي عن ضربك له وقوفك ضده ولو تفكر بعقل شوي كان ماشكيت في أخوك لحظة ..رائد قالي شكل البنت وخالتها متفقين كان وخلوني اتدبس وادخل غرفتها ..و تصدق وش قال بعد ي حرام وكاد اظلم البنت وخالتها الي دبرتها وبحسافة هزت رأسها وهي متحسرة للي وصلوو له عيالها بسبة ريوف شوف كيف بس من طيب قلبه ونيته الصافية .مايبي يظلم مرتك بعد ...بس بالعقل تدخله عليها كذآ إلا أكيد ملعوب بينهن الثنتين ...حسافه خلت رجل غريب يدخل عليها عشان إتفاق خسيس وتنال الي في بالها منه ...بس لا جاهم الصيده الكبيرة أنت ي المحترم ي الضابط ..وكملت بقهر : ي الغبي لعبوها صح عليكم الإثنين.... ......وسكتت وهي تتمنى يطلع من هنا يرمي عليها الطلاق بعد الي قالته ودها يطلقها الحين تكرها وتكره أهلها كلهم الي جاهم ماهو قليل من هالعائله القذرة ...ضربت على كتفه :أشوف وش بتسوي آلحين أسامه وقف معاد له حيل عاد يسمع زيادة....ولا هو وقته هالكلام ..أبد بس عارف أمه من قهرها ودها تبرد خاطرها .... وفعلا غبي لو صدق الي قالته خالتها يوم دقت تبيه يفزع أكيد عشان ولدها ترمي حالها للنار بعد ومثل ماقالت امي ملعوب بينهن عض شفته بقهر بيخسر أخوه بسبب لعبه قذرة لعبوها هي وزوجة أبوها طيب ...ي ريوف أقسم برب البيت ماغير اطلع حقي وحق أخوي واحرق قلبك على أخوك .... رن جواله ..بسرعة رد : هاا مسكتونه .. : الولد قلب بالسيارة وحالته خطيرة والحين بننقله للمستشفى .. أسامه ركض بسرعة للطوارئ وهو يصرخ : خلى الإسعاف ينقله لهالمستشفى ... وناظر أبو عصام وهو جاي .. وقف وهو يحاول يمسك نفسه .. ابو عصام يوم شاف حالته قلبه قبض : عساه خير اسامه : الي صوبه صار عليه حادث وبينقلونه لهنا آلحين ... ابو عصام :الله أخذ حقه منه .. وكلها أقل من نص ساعة وشافهم وهم يدخلونه المستشفى ... حس بحقد الدنيا كله وده يذبحه على الي سواه ..بس ماقدر يسوي شيء وحالته كذآ ...على طول دخلوه ..شاف ام سمير وأهلها جاين يركضون وصراخ ام سمير شايل المستشفى بتشفي قال هذي حوبة رائد الي بيروح بسبة خطط قذرة منك ومن بنت زوجك ... رجع لأهله وهو يقولهم عن الي صار.....بس ماقال انه بنفس المستشفى عشان أمه ماتروح تتهاوش معاهم ... ... ،، ،، ،، بيت ابو عصام قالت بحزن على حال أختها الي ساكته من وقت مادخلو البيت : لك حول الساعتين ..ساكته .كذا . سكتت شوي وهي تشوفها حتى ماناظرتها .. كملت بشفقه خلاص ي قلبي ومثل ماقالك ابوي أول مايفيق بيوديك له أسيل بهمس وهي تمسح دموعها :خايفه ارمل مثلك وانا ماشفته وحتى ما سمعت صوته وي خوفي انرمي على ناصر مثل مانرميتي على وليد ... ريتآج ماتوقعت كذا ردها ...ليه أختها دايماً تذكرها وخايفه من حياتها لاتصير مثلها قالت وهي تبلع الغصه .: لا ان شاءالله مايصير فيك مثل الي صار لي ومعاد قدرت تمسك حالها يوم شافت أسيل رجعت انهارت تصيح .. صاحت غصب عنها ماتبي أختها مثلها الله لا يقولها ...ضمتها وهي تهمس يآرب حظك أحسن من حظي ي عمري ولا تخافي ربك كريم وجلست تقرأ على رأسها حتى حست بنفسها انتظم عرفت انها نامت مسحت دمعه على خدها ...ورفعت رأسها وهي تناظر امها اللي دخلت ..وقالت بهمس ربي جابك.... ام عصام بهمس : الحمدلله وهي نامت والله قلبي موجعني عليها وقربت منها وهي حزينه عليها ريتاج بهمس : كيفه يمه وبعد أهله اشلونهم ام عصام : الله يصبرهم مصيبتهم قويه وانا بسرعة مشيت مع ام فهد لان الوضع مره صعب وكان زحمه وابوهم جلس يهاوش ..على طول انسحبنا .. وبعدها السيارة خربت علينا في الطريق فجأة وجلس الولد يصلح فيها ساعة ودقيت على أبوك قالي انه قريب من المستشفى قلت له خلاص لعاد ترجع لنا ..والله يعين انتظر لما تصلح هالسيارة .... ريتاج : يالله على هالحظ ام أسامه وهي تمدد جنب أسيل : أقول يمه دقي على ابوك وشوفي ايش يقول عن رجل اختس . ريتآج : ان شاءالله يمه ...وطلعت من الغرفة ودقت رقم أبوها ..مارد يالله ...تحس براسها يوجعها سبحان الله هالليله تذكرها بليلة وفاة بندر ي خوفي التاريخ يعيد نفسه ....دخلت المطبخ ...وأخذت حبوب وشربتها ...وطلعت في الصالة تنتظر أبوها. ..يجي ويطمنها .. تذكرت كلام أسيل ان عمها له طرف في الموضوع. .. رجعت دقت على وليد ...بس نفس الحكايه مايرد قلبها قرصها معقول لهم يد ...غريبه دايم يرد على طول .. رمت الجوال جنبها وهي تضم الشال على كتوفها من قوة البروده الي تحس فيها .......سندت راسها على ظهر الكنبه وقفلت عيونها وهي تدعي لرائد إنه يقوم بالسلامة .....فتحت عيونها على صوت جوالها ..رفعته وشافت رقم وليد ..ردت بهمس :الو وليد بتعب :سلامات حصلت أكثر من مره لك إتصال. . ريتآج ماتدري وش تقول له حنا شاكين ان لكم طرف في الي صار ولا آيش. ..قالت بدون حس :رائد تصوب والزواج كله خرب والولد بين الحياة والموت وبتردد لايكون لكم يد فيه ..حرام عليكم والله..لو فعلاً حد من طرفكم سواها ... وليد صرخ بصدمه من الي يسمعه :وشهوو و بقهر من اللي قالته أكيد مجنونه أكيد إلا لو عاقلة مستحيل تقولي كذآ ريتآج بلعت ريقها ...يوم شافت ابوها دخل والله لو سمعها لا يكون اليوم آخر يوم في عمرها ..قفلت في وجه وليد وهي تناظر أبوها....بخوف وقلق جوالها رجع ..دق بسرعه قفلت في وجهه ابو عصام رد السلام بتعب وقال كيف أختك آلحين ريتاج تنهدت براحة الحمدلله ماسمع شيء : يالله نامت آلحين وبسرعة صمتت جوالها يوم ابوها أعطاها ظهره ابو عصام جلس على الكنبه :الحمدلله وان شاء الله تقوم على علم يطمن قلبها ريتآج : ان شاءالله بشرني عنه يبه ابو عصام : باقي في العمليات الرصاصه في بطنه ومكانه خطير مره بس خجلت اجلس أكثر أمه جالسة ومابي اضايقهم قلت لاسامه اول مايطلع بشرني وحسبي الله عليه هالمجرم الي قلب يومنا مدري وش اللي بينهم والله من وقت مادخل ماتطمنت له الخايس حتى ماخلى حد يقربه أو يسعفه بسرعه دمه كله راح ريتآج هزت رأسه وهي تسمع كلام أبوها قالت بتردد: طيب ماعرفتم مين الي تسبب في هالشيء ابو عصام بقهر : إلا ابوه يقول خويه وبعد اخو زوجة اسامه شوفي كيف الغدر خويه يسوي فيه كذآ بس ربي اخذ حقه وقع على حادث الحين وجنبه وبعد غيبوبه وانا طالع وهم مدخلينه لقسم العناية. ...بصدمه : أخو زوجة اسامه .وسكتت وهي تشوف شاشتها تنور باسم وليد عضت شفتها ... يالله وش الي هببتت الله يسامحك ي أسيل وقفت وهي متوتره : ان شاءالله خير أحضر لك لقمه تأكلها قبل أذان الفجر ابو عصام هز رأسه وهو مقفل عيونه بتعب وتمدد على الكنبه : لا سلامتك بس أول مايأذن صحيني أنا بريح هنا شوي ..... ريتآج :ان شاءالله مشت للحوش وهي تضم الشال على كتوفها يالله الجو برد .. بس مخنوقه ..ناظرت الجوال وشافت كمية رسايل وصلتها ...من وليد...ياربي مافيها ترد عليه وش تقول له لازم يهدا شوي ...فتحت الرساله ((ردي خليك قد اللي قلتيه )) الثانية ((عيب عليك عمك تتهمينه بهالشي وهذا وهو رافع رأسه بك ومايرضى عليك والكل في الكل عنده )) بسرعة كتبت له (( آسفه ولما تهدى أكلمك )) تنهدت براحه يوم وقف إتصال وبعد معاد أرسل... الله يهديك ي أسيل ظلمنا الرجآل.... .... ،، ،، ،، ،، في المستشفى صاحت وهي تسمك يده وتشد عليها :ماتحس انهم طولو وبزيادة اسامه قال وهو قلقان اكثر منها : لانك قلقانه تحسي انهم طولوا قالت بحقد : والله أخو مرتك ذا حتى لو يموت مانسامحه على الي سواه في أخوك ...... اسامه :صدقيني خذ جزاه واصابته أكثر من اصابة سمير دخل غيوبه والله أعلم متى يصحى منها .. رفعت يدها بحقد :ليته من ذا الحال واردى و عساه في جهنم ان شاءالله مثل ماقلب فرحنا لحزن ابو أسامه بحده : أدعي لولدك آلحين وخليك من الولد وصدقيني ماسوى هالشيء اللي بينهم شيء كايد وانتي مع عيالك عارفته هالشيء بس نطلع من هنا على خير ولي جلسه معاكم ... أسامه عض شفته ...آه يبه لو تدري وش الي بينهم وراح غدر بسببه زفر بضيق آه ..لهم أكثر من خمس ساعات هنا .. .ولا اي دكتور طلع من غرفة العمليات ..فتح عينه بسرعه يوم امه صرخت : الدكتور ..طلع يمه ... وقف بسرعه وتقرب من الدكتوروقال وهو خايف من رده :بشر الدكتور وهو يطمنهم : الحمدلله طلعنا الرصاصه .وربي كتب له عمر جديد ...بس آلحين صعب نطلعه لغرفة التنويم لازم يكون تحت المراقبه وبننقله حالياً للملاحظه .... ابو اسامه واسامه صرخوووهم يحمدون الله وسجدو سجود شكر مع بعض ... ... اسامه فز واقف وهو يتنهد براحه:آللهم لك الحمد وقرب من أمه الي تصيح وشهوله تصيحي الحين الحمدلله سمعتي الدكتور بنفسك طمنا ابو اسامه :مشكوري دكتور وربي يعطيك العافية .. الدكتور: هذ واجبنا وربي يشفيه ويبشرك بطلوعه من هنا الكل آللهم آمين ابواسامه ناظر اسامه وهو يهدي في أمه :يالله خذ امك ورجعها البيت الحمدلله الحين وطمنا عليه اسامه :يبه خذ أنت امي وانا بجلس معه ام أسامه مسحت دموعها وقالت بقهر : لا تجلسووا تتعازمون علي ماراح اروح مكان غير يوم اشوفه طلع لغرفة لللتنويم ابو اسامه بعصبيه: وين تجلسي كذا قدام الرجاجيل استحى ي مرة ام اسامه بعصبيه أكثر :ماعلي فيهم انا جالسة بطمن على ولدي بس ابو أسامه بحده : اسامه خذ أمك قبل مافقد أعصابي أكثر من كذآ اسامه وهو معترض :يبه بس ابو أسامه قاطعه بعصبيه :بدون نقاش بسرعه روح فيها وغير ملابسك ذي وارتاح شوي ...وانا هنا تطمن ماراح اتحرك من عنده أسامه هز رأسه ومسك يد امه وقال بهمس : يمه عشان خاطري ماتعاندي. ..أمشي معي ام أسامه وقفت بعجز...ومشت معه وصلها البيت واتجهه لشقته بيأخذ دش و يغير ملابسه ويرجع المستشفى .. أول مادخل شافها قدامه على الكنبه في الصالة ناظرها بحقد أكثر من أول.... فزت واقفه وهي تناظر ثوبه الي عليه دم عرفت ان أخوه بخير مدام رجع البيت ....قالت بحسرة : وينه سمير الحين قرب منها بقهر : بعد لك عين تسألي عن أخوك طيب وأخوي اللي مرمي في المشتشفى مايهم أمره صح... ريوف قالت بحزن : أخوك ان شاءالله يطلع منها بس أخوي آه ... أسامه قرب منها ومسكها من فكها : أقسم بالله العظيم ي ريوف لا اطلع حق أخوي من أهلك كلهم. .والله لا ادمركم مثل مادمرتينا و صراخ أمه وكلامها يوم دقت علي قبل مايسويها الخايس ...وتقول عنك بريئه عارف هالشيء كله خايفة على ولدها وعارف هالحركات كلها ..خطط منكم ... ريوف ..ابتسمت بألم خطط .منا هزت رأسها بأسف وهي تحاول تبعد يده من فكها أول مارخى يده قالت : يعني مرة ابوي دقت عليك وقالت لك اني بريئة ..بعد وانت باقي ماهو مصدق ...تصدق ندمانه ندم ليتني رديت عليها ..يوم تدق علي ...بس قد قلت لك من قبل ربي بينصفني ..والي صار خيره ان شاءالله وسمير بيطلع منها بإذن الله أخوك قلبه كبير ...وعندي أمل في الله ثم فيه ... اسامه إبتسم بسخرية : وتقوليها بعد بثقة ..انه بيسامحه والله ي ريوف هالشنب ماهو على رجآل لو ماخليته يعفن في السجن . واللعبه القذرة بتدفعوا ثمنها غالي . ريوف. هزت رأسها بألم من هالتهم تتوجهه لها منه ومن امه ... مدت يدها ..وأخذت الجوال وفتحت الواتس .. .وفتحت التسجيل . وقربت منه ..بجراءة .وهي تسمعه ..وتأشر على الوقت والتاريخ .... ...... ،، ،، ،، كتتتتتتتتتتتتت &نـــونـي بنت الجنوب & عارفة بتقوم حرب العالمية الثالثة عشان هاللقفلة ههههههه باي باي ي حبايبي ....لي لقاء بكم ان شاءالله قريب ... استودعتكم الله الذي لا تضيع ودائعه سبحان الله وبحمده سبحان الله العظيم " الوتر أحبتي " الله يرحمك يامن اوجعني فراقك |
رد: أعشق أنانيتك عندما تتمناني لك وحدك الكاتبة نوني الجنوب
السلام عليكم
نوووني فيس طلعت قرونه 👿👿👿 انا مدري وش فيهم الكاتبات على هالقفلات الشريره🤔🤔 ياخوفي ان اسامه مايصدقها وبيقول انتي متفقه مع خالتك.. تمنيت انه هو الي اكتشف هالشي بنفسه بس ماعليه املنا الوحيد ان نوني ترحم هالضعيفه وترحم قلوبنا الضعيفه الي ماعاد تتحمل ماندري نشوفها من ريوف والا من ليال.. فيس عايش الجو هههههههه تكفين نوني خلي سمير يموت لانه لو عاش بيموت قهر لو عرف الحقيقه وكل شي الا قهر الرجال روييد قطوو ابو سبعه اروااح هههههه بس زين انه مامات علشان اساامووه ماياخذ اسووله واتمنى ان الي صار له يصحي قلبه ويغدي رجاال سنع.. سامي جعل مامنه سامي ماتخف الله في هالبنيه ياحيااتي رحمتها وهي تبي صدر امها😭😭😭😭😭😭 نوووني ياقلبي والله مقدرين ظروفك وشاكرين لك رجوعك ووفاائك لمتابعينك.. الله يجعل من راح بالجنه ويجعلها اخر الاحزان ويسعدك ويوفقك وين مارحتي متى البارت الجاي ههههه امزح ابد ياقلبي متى ماكنتي مستعده للكتابه اسدحي لنا الجزء بس ترفقي على قلوبنا الضعيفه من هالقفلات.. بانتظاارك دووم |
رد: أعشق أنانيتك عندما تتمناني لك وحدك الكاتبة نوني الجنوب
آللهم إني استغفرك وأتوب أليك سبحانك اللهم إني كنت من الظالمين آللهم صل وسلم على نبينا محمد صلو عليه " الروآيه لا تليهكم عن الصلاة اللهم بلغت اللهم فاشهد " ♢ ♢ ♢ البآرت التاسع والخمسون ♢ ♢ ♢ ♢ ♢ ♢ ♢ ♢ ناظر الثقه في عيونها ..وهي تأشر له عن الوقت ..واليوم .. حس حاله مشتت وهو يسمع كلام..خالتها في التسجيل ... بس رمى الجوال بقهر: ريوف مايهمني هالبراءة الي بتثبتيها .لي ..وبعد مسهل هالحركه على ألاعيبكم القذرة انتي وخالتك ...وبسخريه واثقه الأخت بعد ...اني بصدق ...وعقد حواجبه وشهوله تبي تثبتي برائتك لي ..مالك قعده معي ي ريوف أفقدي الأمل إني بخلي وحده على ذمتي مثلك وبعد الي صار لأخوي كمل الناقص ...وبقساوه حتى أهلي ضدك ورفع كتفه يعني خلاص مالك أي امل لا تتعبي حالك ريوف ابتعدت وهي تناظر جوالها المرمي بصدمه يعني حتى بعد الي سمعه ماهو مصدق بسرعة نزلت أخذ ت جوالها من الأرض وتقلبه بخوف .... أسامه ناظرها كيف خايفه على الجوال وتقلب فيه ومطنشه الكلام الي قاله رجع كركر كلامه : ي بنت الناس انا وانتي صعب عيشتنا مع بعض ...فلاتتعبي حالك وتجلسي تثبتي لي أشياء مستحيل اصدقها ....يوم شافها مطنشه صرخ بقهر : ريوف أكلمك ردي علي ريوف ناظرته ببرود ظاهري وهي ترجف عضت شفتها وبهمس : وش تبيني أقولك انك ماتبي تصدق عشان تثبت لحالك أنك ماظلمتني...ونزلت رأسها ماقدرت تناظره تحس نظراته كلها كره لها... ... ..وليت بعد فيها القوة الي تخليها تصرخ عليه وترد عليه وتقوله ماهو بس انت ماتبيني حتى انا مابيك آه ي حسرة افتكرت يصدق يوم يسمع التسجيل واقولها وانا رافعه رأسي وديني بيت أبوي ولا أبي أجلس دقيقه على ذمتك ...بس آه وين ارجع لبيت أبوي ومافي غير خالتي ..لأن مصير سمير معروف ..مدري كم سنه يأخذ ...على الي سواه .مشروع قتل شيء مو هين....رفعت عيوني شفته يناظرني بسخريه ..رجعت نزلت راسي مابي انهار قدامه أكثر ... هذا قلبه حجر مايحس ... اسامه شافها متمسكه في جوالها وتناظر فيه قال بسخريه وهو يأشر على الجوال :على هونك ماصار فيه شي شوي وتموتي عشانه ريوف رفعت راسي له و قلت بغيض ابيه يبعد عن المكان كله : الحمدلله وماصار شيء له لأني واثقه يوم اسمع سمير بالمقطع بيعرف إني مظلومه ... وبيأمن لي سكن حتى وهو في السجن الي بينرمي له حياتي ي خوي رحنا ضحيه .... أسامه بعصبيه من ثقتها الزيادة من نفسها وتمدحها في أخوها بعد الي سواه .. : هيي اصحي ولا تمثلي دور الضحيه وبعد صدقيني أخوك ماهو غبي ...عشان يصدق هالمهزله... وان شاءالله ينرمي رمية كلاب بعد .. ريوف هزت رأسه بأمل وهي ضامه الجوال : لا لا أخوي قلبه كبير ماهو مثلك وبتردد من سؤالها وهي تبلع الغصه باقي مامسكتونه .. أسامه بقساوه: مسكناه بس نتظر يشفى من الي هو فيه وبعدها اقسم برب البيت أخليه يتمنى انه مات في الحادث الي صار له ريوف بصدمه وهي تسمع كلامه طيحت الجوال من يدها وصرخت بخوف: حادث وقربت منه وهي مفزوعه صار له شيء قول لي الله يخليك. ..سمير ايش صار له تكفى تكفى طمني .. أسامه بدون رحمه : ليته مات.. في الحادث ولا يشوف اللي بيشوفه مني...غدر فينا حسبي الله عليه ريوف انصدمت من قساوة هالرجال قالت وهي تسمع كلامه مسحت دموعها وقال بقهر : حسبي الله عليك انت وبعدين مالك سلطه عليه هو صح غلط وبيأخذ جزاه وان شاء الله رائد يطلع فيه خير أحسن منك ويعفي عنه ...وكملت وهي منهارة . وهي تصرخ :صدقني مافي فوق قدرة ربي وربي قادر يفكني ويفكه من يد واحد قاسي حاقد مثلك أعوذ بالله ماشفت مثلك أحد أسامه هز رأسه بسخريه : اوك بتصيحي كثير ي ريوف ... واعطاها ظهره واتجهه لغرفة النوم ...بسرعة أخذ دش ..وغير ملابسه ..وطلع انصدم من الي يشوفه قدامه لابسه العبايه واقفه عند الباب بثقه .. صرخ بعصبيه:على وين ان شاءالله ريوف وهي تصيح : تكفى بشوفه اسامه بحده: أقول انثبري مكانك.....عاد إلا هي اوديك لقاتل أخوي ريوف قالت وهي تصيح :اخوك مامات عشان تقول كذا والله يطول في عمره وصدقني أخوي مظلوم أكثر مني ومن اخوك تكفى لا تحرمني شوفته تكفى .. أسامه بقهر صرخ : ترجع تقول مظلومين طيب مين اللي مرمي في المستشفى بسبب اخوك ريوف بغصه: عيبه انه صدق وظلم حاله وتهور وأقدم على هالشيء وبصرخه لو أنت مكانه سويت هالشيء وأكثر مافي رجآل يرضى ينلعب بشرفه أسامه بقهر : محد ظلمه غيرك وغير أمه ليه مافكرتوا قبل ماتلعبو لعبتكم ... ريوف قربت منه وقالت برجى وهي تقاطعه :قول الي تبي تقوله ولا تصدق كله ذا مايهمني الحين غير اني اشوفه واطمن عليه وبرجى تكفى ارحمني ودني اشوفه الله يخليك ...والله مانساها لك وبدعي لأخوك ان ربي يقومه بالسلامة ونزلت عند رجوله تترجاه أسامه دفها عنه و وطلع وقفل الباب بقوة ......وهو معصب .. ركب سيارته وهو يتذكراعتراف خالتها وبعد اعترافها في الجوال ...بس يحسه ماهو دليل قوي ..عشان فعلاً يعرف إنها مظلومه حاس هالشيء صار عشان خوفهم على سمير واتفقوا مع بعض ... ،، ،، ،، ،، في المستشفى ،، ،، قال بهدوء: خلاص الحمدلله كتبو له خروج منيرة بفرحة : آللهم لك الحمد وناظرت ولدها اليوم بتطلع من هنا ي بطل ..والله مو مصدقه افتكرت بنطول هنا ناصر: آللهم لك الحمد سلطان :اروح عند ريماس ناصر قرب منه:ايه حبيبي بتروح لنتفه ريماس اتاريك تحبها حيل أجل أشلون بس تطقها سلطان ببراءه: هي تطقني منيرة بسخريه : صدق طالع على أبوك يوجع ويحملها غيره ناصر ناظرها ببرود وقال : جهزي بس الأغراض وخليك من الهروج الي مابه سنع .. ورجع ناظر ولده : يالله ي بطل نروح البيت أخذت لك السيارة اللي تبيها وبعد آيباد غير الي تكسر عليك منيره بسرعه أخذت جوالها ورسلت لاخوها عشان يجي لها ..وكلها ثواني وصل رده انه جاي لها ناظرت سلطان وقالت وهي تبيه يفهم انه مستحيل تخيله يروح معاه وهو بهالحال : يالله ي ماما نتجهز خالوو جاي ناصر بجمود : روحي انتي معاهم ولدي بأخذه معي وبعد قولي لهن يطلعوا لي ريماس بمر أخذها .. منيره بقهر : وش تقول أنت ناصر بحده:عيالي مالهم قعده عندك إذا هالمرة ربي سلم المره الثانية مدري وش يحصل ومو مستعد اخسر واحد فيهم بسبب زعلك التافهه .. منيره بقهر : ايه امسكها علي الحين ولدك ربي كاتب عليه هالشيء وشهوله هالأعتراض .. ناصر : آللهم لا أعتراض على حكمه بس انا رجآل خايف على عيالي ومن اليوم ورايح انا الي بنتبه لهن بتجي معنا حياك الله ماتبي القلب داعي لك وهذا الي عندي. . منيره صرخت بعصبيه: ناصرر لا توجعني في عيالي ناصر وهو صاك على سنونه : ارخي صوتك لا تفضحينا منيره بعصبيه :مدام ماتبي أفضحك خلي عيالي عندي وفكنا شرك ناصر بعناد : زيدي بعد في صياحك ..مايهمني وعيالك والله ماتشوفيهن غير يوم في الأسبوع ..وقرب من ولده وحمله وقال بسخريه وهو يشوف الأعتراض في وجهاا : انتظري أهلك أخوك ..اوك منيره عرفت أنه هالمره ماله .. رجعه في كلمته وراكب رأسه ...قالت بعجز وهي مقهورة :انتظرني بروح معك ... ناصر رفع حاجب وهو مستغرب أشلون كذا طخت بسرعة ليته شد عليها من زمان هز رأسه من غير مايرد عليها ... منيره بقهر أخذت اغراضها وهي معصبه : حديتني على شيء مابيه بس عشان عيالي بسوي المستحيل ناصر بسخريه : اقول بسرعة ي نبع الحنان لا تأخرينا منيره بقهر : ليه فيه شك في حناني عليهم ... ناصر : أبد حاشاك بس الواحد يتكسر يموت من قوة الحنان اللي تعطيه لهن .. منيره هزت راسها بصبر: الله المستعان بس والله يصبرني ناصر ابتسم على جنب وهو مبسوط ..... أول ماركبوا السيارة دقت على أخوها وقالت خلاص لعاد يجي ... . قفلت وبقهر : مر لريماس وبعد بقول لأمي اني برجع البيت عش... ناصر كمل عنها وهو متنرفز :عشان عيالي خلاص يرحم أمك فهمنا ...إنك مو جايه عشاني وجايه عشانهم .... منيره رفعت حاجب وهي مبسوطه انها نرفزته : خير متنرفز ..بعد هذا الصدق عشانهن إلا والله ماتشوف رقعة وجهي وانت قايل تبي تأخذ بنت عمك علي ... ناصر بحده : لاهو متنرفز ولا شيء بس مية مره سمعتيني فيها اليوم وبنت عمي خليها في حالها وانسي هالسالفة وفكينا وبعدين ادعي لرجلها امس تصوب في عرسه والحين في المستشفى وحالته خطيرة الله يشفيه ... منيره بصدمه يوم قال حالته خطيرة يوم تزوجت كان ودها ترقص عشان إنها ضمنت ماتأخذ ناصر والحين يقول لها زوجها تصوب وحالته بعد خطيرة ..قالت بدون حس: يمه انا يالله انفكيت منها يوم تزوجت الحين يمكن ترمل والله انك مأخذها أجل....ي فرحة ماتمت ... ناصر هز رأسه بقهر :استغفرالله ..مستحيل تتغيرين منيره صرخت بقهر: من حقي أخاف على حياتي ولا ناسي حضرتك كنت بتحطها على رأسي ناصر بطفش من هالسالفة الي بتذله فيها طول عمره: تطمني مافي حد جاي على رأسك .. منيره بقهر :ايه ي كثر ماكان تقولي كذا وتوعد مافي حد بيأخذ مكانتي عندك وفجأة كذا بدون أسباب ..طقت براسك وجاي تقول بتزوج ومين بنت عمي عمى يعميك انت وهي وان شاء الله رجلها يقوم منها ويفكنا منها ... ناصر بعصبيه : منيره والنهايه شوفي ولدك كيف خايف ...... وبعدين مو انا ماهمك صرت ولا تفكتري فيني وراجعه الحين عشان عيالك خلاص رويقنا وأسكتي .. منيره طنشته ..وقلبها يغلي .. ..ناظرت الدريشة ..و..عضت شفتها بقهر وخوف ...آكيد هالمره لو يصير في رجلها شيء غير تنرمي على رأسها وبذات مع قوة عمها أكيد بيقول بنت أخوه ماتجلس كذا .أرمله ....آه ي حظي الشين ...يآرب انك تقوم زوجها بالسلامة وتفكني من هالاسيل ..ودي اعيش مع زوجي وعيالي بدون خوف انه بيتزوج علي .. أول ماوصلوو بيت أهلها ...نزلت جابت بنتها .... وبسرعة طلعت...والله هالمرة ماغير تغلق عليه صدق ...وي هي ولا عمها ذا الي يأيد عياله على الزواج ....ولا خله مره من حريم عياله مرتاحه ... أول ماوصلو البيت نزل هو وعياله وهي نزلت وراهم ..أول ماشافت الدرج تذكرت طيحتها...تعوذت من إبليس من هالافكار الي توجعها أول مادخلت الصالة فتحت عينها بصدمه ..وهي تشوف الدنيا عفيسه ..قالت بقهر ....وهي تشوفه ..كيف فرحان بعياله..ويرحب فيهن ...وهي ماعبرها : يآربي حتى شركة نظافة استخسرتها ماتجيبها ...ينظفن هالحوسه الي مسويها ..تقدمت شوي وهي تشوف صالة الجلوس الثانية بعد حوسه رجعت لهم و قالت بقهر ...لحالك ومسوي كذآ رفع بنته على كتوفه وقال بأبتسامه : الخير فيك يالله ورينا السناعه منيره رفعت حاجب وبقهر : تقولها صادق توني طالعه من المستشفى وتبيني أكرف.. ناصر وهو ناوي ينرفزها أكثر : لا يكون تفتكري حالك المريضه يالله يالله الركاده ماهي زينه لك ..شوفي كيف وزنك زاد يالله ي مينره وين الكشخه ولا كان تجلسي تصيحي لو زاد نص كيلوو والحين ...ماشاءالله اتوقع عشرة كيلوو وزود بعد منيره عضت يدها من قهرها ..وده تذبحه ..بس طنشته ..ودخلت تشوف باقي البيت. ... دخلت المطبخ وقالت بقهر لا لا والله انه قاصد بهالعفسة طلعت... وهي معصبه وقالت بقهر : أكيد قاصد مستحيل يصير كذا في البيت في هالمدة القصيرة ناصر ضحك بستهزاء: قصيره متأكده انها قصيره خافي ربك ناطله رجلك ..وبيتك من كم شهر وجايه الحين تتذمري منيره ..راحت غرفتها وهي معصبه .....أول مادخلت تذكرت. .المكان اللي جرحها فيه...آه ي هي ليلة موجعه جايه مسويه ليله لهم وتبشره بحملها ..صدمها برده ..والمفاجأة الي حرقت قلبها . ...رجعت بهدوء وقفلت الباب ...واتجهت لغرفة عيالها.الي كانت جالسة فيها قبل ..فتحت الدولاب.. وسحبت لها بجامه ...وأخذت شور وبعدها لبست ورفعت شعرها لفوق ...ونزلت وهي ناوي تبدأ بالمطبخ أول شيء ..شافته باقي يلعب مع عياله .وضحكهم معبي البيت أول مره تشوفهم يضحكون كذا ومبسوطين من وقت ماطلعت من البيت ...وراحت بيت أهلها بدون شعور ابتسمت ...ودخلت المطبخ ...بدت فيه وهي تفكر...أشلون. ..رضت كذآ بسرعة ترجع له...بس هذا اللي مفروض يصير ...لأنه في ييت أهلها.... عيالها أبد مارتاحوو ...وهي لازم تصبر عشانهم ...وحلفت ..معاد تقصر معاهم في شيء ...وعدت حالها يوم شافت سلطان بين الحياة والموت معاد تحرمه من شيء يحبه ... وهي عارفة حبه لأبوه ...وكم مره جلس يصيح عشان بس نرجع البيت .....حتى هي تحس براحه وهي عنده ..بس آه مجروحه منه حيل. .... ،، ،، ،، ،، |
رد: أعشق أنانيتك عندما تتمناني لك وحدك الكاتبة نوني الجنوب
في بيت ابو عصام فتحت عينها وهي تحس رأسها يوجعها. ..ناظرت امها جنبها نايمه ...تذكرت ليلة أمس .. وايش صار فيها..آه ليته حلم الي عاشته ...دفت المفرش وجلست وهي ترفع شعرها ... : صحيتي يمه ناظرت امها وهزت رأسها من غير ماتتكلم ام عصام جلست بسرعه وقالت وهي تبشرها: ابوك قالي انه الحمدلله عمليته نجحت وطلعوا الرصاصه منه والحين بخير أسيل حست بفرحه في قلبها غريبه ..ياناس ماتعرف غير اسمه وقلبها بغى يوقف عليه ...ايه أكيد من باب الإنسانية... بتزعل عليه وبتفرح له وبعد زوجها الي ماشافته...همست وهي تناظر امها بفرحه: الحمدلله ماما وابتسمت على جنب ولا كان بكون وجبه دسمه لصديقاتك .. ام عصام صغرت عيونها : افاا ذي علومس عن صديقاتي والله انهن يحبن لك الخير ..بس شكل ريتاج أثرت عليس أسيل ابتسمت لها وبعدها اتجهت لدولاب وأخذت لها بجامه ..وناظرت امها بحزن: ماتوقعت اليوم بذات البس هالبجامه ام عصام تذكرت تجهيزها قالت بغصه: خيره يمه هزت راسها ..ودخلت أخذت شور ..صاحت من فرحتها ... يالله أمس كان صعب حيل ...غصب تحملته ..... ♢ ♢ ♢ ♢ ♢ في المستشفى ناظراخوه اللي لسى مافتح عينه من وقت مانقوله هالغرفة ناظر أبوه الي جالس على الكرسي والتعب باين عليه قال بهدوء : يبه روح ارتاح خلاص شفته الحين وتطمنت عليه وصدقني أول مايصحى والله أدق عليك على طول ابو اسامه قال بحزن على حال ولده وهو يناظره : استغفر الله على كثر شوقه لهالزواج والمشاكل اللي صارت قاطعه اسامه : يبه كله مقدر ومكتوب وماعلينا غير نحمد الله على كل شيء والحين الحمدلله رائد بخير والدكتور بنفسه طمنا ان حالتة مستقرة .. ابو اسامه بحزن : الحمدلله على كل حال اسامه : يبه خلني اوصلك ولا ادق على شهاب يجي لك آلحين ابو اسامه بحده : لا والله ماخليت أخوك لحاله وانا مافيني شيء وخلي شهاب يرتاح توه رايح من هنا ماغير تمشور فيه أسامه عارف ان ابوه تعبان ويكابر قال برجى :تكفى يبه روح ريح شوي ابواسامه وقف وقال : طيب بروح بس لا اوصيك انتبه لاخوك ولو فيه شيء كذا ولا كذا خبرني أول بأول .. أسامه : لا توصي يبه ان شاءالله مابه إلا الخير ربك كريم ابو أسامه : والنعم بالله وان شاءالله ...حق ساعه كذا ..ونجي انا وامك ورجع ناظر رائد بشفقه ..... حسبي الله على الي تسبب لك وطلع ... أسامه جلس على الكرسي جنب أخوه وهو حزين عليه ..حيل عليه ..قرب منه وسلم فوق رأسه وهمس وهو ندمان : آسف ...ي روح أخوك .. . ♢ ♢ ♢ ♢ ♢ أول ماطلع من المطار. . ركب سيارته وفتح جواله ..ودق رقم لطيفه...ماردت قفل عيونه وهو يستغفرالله وش بلاها ذي بعد ...يالله لما متى أجلس ..على هالحال الي انا فيه دق على ... اسامه وطمنه على رائد..وقال له وقت الزيارة بيروح ان شاءالله يشوفه ... وبعدها ..اتجهه لبيت أهل لطيفه ....حصل ابوها توه واصل ..نزل وسلم عليه ... ابواسامه : هلا وليد وليد : هلا فيك وسلامة رائد عساه الحين أحسن دقيت على اسامه الحين وطمني عنه والله ودي اشوفه بس اسامه يقول باقي ماصحي .. ابو وليد : الحمدلله ايه والله للحين ماصحي بس الدكتور طمنا وقال من البنج ويبي له وقت عشان يسترجع وعيه ..... وليد بحزن عليه : الله يشفيه وان شاء الله العصريكون احسن ونقدر نزوره ..ولو ماعليك أمر ي عمي قول للطيفه انتظرها برا ابو اسامه : ابشر يبه آلحين أقولها... رجع سيارته وجلس ينتظر ...شوي ويشوف رقم جوالها رد : هلا لطيفه وصوتها مختوق من كثر الصياح : ايوه وليد بحزن عليها :كيفك حبيبتي والحمدلله على سلامة أخوك أدق من أول ماسمعت بالخبر بس مارديتي ... لطيفه بجمود: الله يسلمك وليد : يالله تعالي معي انتظرك في السيارة . لطيفه : مقدر ارجع معك وأهلي كذا حالهم ..وبعد مابي ارجع معك ...على طول وليد بصدمه من كلامه الأخير قال بحده : مقدر انك ماتخلي أهلك في هالظروف وعلى رأسي بعد تجلسي معاهن لما يطيب خاطرك .. بس كلمتك الأخيرة أبد ماحبيتها ولاراح ارضى فيها لطيفه بحده: وليد كفاية كذب ..خلني في حالي وتكفى لا تزيدها علي وخلاص قلت لك أنسى ان معك وحده اسمها لطيفه طلعني من حياتك ي خي خلاص يكفي الي صار وبيصير وليد مستغرب ... من حكيها ومن هجومها عليه وبعد في هالظروف الي تمربها قال وهو يحاول يمسك نفسه : وش دخلني في الي صار انا آلحين عشان هالهجوم .. لطيفه قفلت عيونها بصبر: وليد والله والله مابي شيء منك خلاص انت ماقدرت تعوف بنت عمك بس انا عفتك خلاص وبطلع من حياتك بكرامتي وخلني آلحين في حالي والي ابيه أطمن على أخوي وأعيش بيت أهلي بس هذا الي ابيه ...وعيشه معك مابيها ... ورقمي لا تدقه عاد ومن الحين أقولك بغيره خلاص أفهم عاد اني مابيك ...... وليد لسى مصدوم ..توقع تهديدها الأخير مع هالظروف ..تنساه قال بقهر :ماراح الومك وضعك حالياً صعب لنا كلام ثاني ... لطيفه بعصبيه: لا ثاني ولا ثالث .. والله ي وليد آخر مره أرد عليك ..وهذني حلفت وبطلقني وغصب عنك ولا أخلي أخوي رائد يطلع ويعرف كيف يجننك وتعرف تصرفاته عدل ... وليد حس انها ماهي في وعيها أبد ...قال بضيق وزعل : اوك والحمد لله على سلامة أخوك .مره ثانيه ..ومع السلامة .. لطيفه بجمود: في الي مايحفظك ..ولو عندك كرامه هالرقم لا تدقه أبد. .. وقفلت ورمته . حست ان الكلام الي قالته أبد ماهو وقته الحين بالها مشغول مع رائد بس الحمدلله تطمنت عليه ..وبعد لمتى تأجل ....ايه لازم تسوي كذا من زمان بعد.. وخلي ريتاج تنفعك ..هي وقعت نفسها في معركه خسرانه ...تطلع الحين بأقل الخساير ولا تطلع وراها اثنين او ثلاثه ...تحمد الله مليون مره وهي فكرت في المانع عندها احساس كان ان وليد مستحيل يطنش جمال ريتاج وبينجذب لها ......تعرفه خفيف مرة. .. ،، ،، حرك سيارته وهو لسى مصدوم ..آخر شيء توقعه تقول له هالكلام في هالوقت ..ندم انه كلامها ...رآح لبيت أهله وهو تعبان حده ...وبعد فيه قهر من ريتآج ..الجبانه الي لعاد دقت عليه ولعاد رسلت ...كيف تتخيل انا وابوي ...مجرمين ... ونسوي هالشيء ..حسابها عسير ..مستحيل يطنش ..... ♢ ♢ ♢ ♢ في بيت ابو عصام ؛؛ ؛؛ ناظرتها بحزن: خلاص حبيبتي الحمدلله تطمنتي عليه وشهوله ساكته كذآ اسيل بتردد وهي تمسح دموعها : خايفه لو حياته كلها كذا مغامرات ومشاكل وقتل انا مقدر اتحمل هالشيء ي ريتآج...مين بيطلق عليه في يوم عرسه إلا دليل على انه راعي مشاكل وهوشات كبيرة بعد .. ريتآج ابتسمت لها وهي تقربها منها : فديتها الخايفه حبيبتي والله هذا كله وسواس لا تخليه يسيطر عليك وسكتت وهي تسمع جوالها يرن قلبها وجعها ..خايفه لا يكون وليد ..مدت يدها وسبحته شافت رقم شوق حست براحه ردت وهي ترحب فيها: هلا والله شوق : هلا فيك كيفكم وكيف اسيل آلحين ان شاءالله أحسن ريتآج وهي تناظر أسيل : الحمدلله أحسن من أول بكثير وجالسة تنتظر عريسها يطلع بالسلامة ... شوق بعتذار: اعذريني ريتاج بجي عندكم واشوفها بنفسي بس امي مرة تعبانه حيل والحين والله خايفة عليها لو ترجع الحاله الي جتها بعد موت بندر نفس الأعراض والخوف .. ريتآج بحزن:سلامتها والله والله ماعندي خبر بتعبها شوق : من وقت ماولد ناصر دخل المستشفى وخافت عليه وانتكست بس ان شاءالله انها خفيفه هالمره والحين ناصر جاب لها ولده بس أبد ماتكلمت ماغير تناظرة ساكته ..وكملت وهي تصيح خايفه عليها حيل .... ريتآج بحزن على خالتها :حياتي ربي يشفيها وان شاء الله الحين جايه اشوفها ... شوق وهي تمسح دموعها : تكفين تعالي والله محتاجتك حيل ريتاج ريتآج : ي قلبي الحين جايه ..وقفلت من عندها وهي تناظر أسيل...:بروح اشوف خالتي شوي بس وراجعه طيب أسيل هزت رأسها من غير ماترد .. ريتاج بسرعة راحت غيرت ملابسها ولبست العبايه وطلعت مرت غرفة امها وقالت لها ام عصام :يالله من متى تعبانه وحنا ماندري ريتاج بحزن :تقول انتكست فجأة عليهم المهم تجي آلحين ..معي ام عصام : لا صعبه أخلي أسيل لحالها شوفيها كيف ساكته اعتذري لي منها ويوم انتي ترجعي البيت وتجسلي مع أسيل اروح انا لها ريتاج :ان شاءالله وطلعت بسرعة ...وهي تشوف أبوها ينتظرها في السيارة وصولوا البيت ...وعلى طول نزلت ..شافت عمها في وجهاا سلمت عليه وقالت له عن أبوها ..انه برا ...ودخلت بسرعة تشوف خالتها ..أنصدمت من وجود..وليد نايم جنبها على الكنبه وحسام نايم بعد على السرير ..قربت من خالتها وشافتها ..بعد نايمه .. لفت بسرعة على صوت شوق وهي داخله : هلا حبيبتي جيتي هزيت راسي وقربت منها وسلمت عليها وقلت بهمس:كيفها الحين شوق بحزن:آلحين وليد أعطاها منوم عشان تنام لها حول ثلاث أيام مانامت زين ماغير تصيح تبي بندر ريتآج بهمس:تبي بندر تنهدت بحزن الله يرحمه وبستفسار :طيب وش الي نكس حالتها كذا شوق : مثل ماقلت لك عشان ولد ناصر خافت عليه وإذا خافت يصير فيها كذآ ريتاج :طيب ولد ناصر بخير والحمدلله شوق :ايه الحمدلله بس هي كذا تخاف وتلجس توسوس ... والحين ناصر جابه لها وطمنها عليه ..بس بدون فايدة .. ريتآج ناظرت وليد وهو نايم على الكنبه ..مره شكله تعبان و ماهو مرتاح..في النومه بعد..فزيت على صرخة حسام :يعني الحين مازانت لكم السوالف انتي والست شوك غير هنا عضيت شفتي بقهر:فجعتني حسبي الله على عدوك وليد فز بعصبيه وهو يناظر امه قال وهو صاك على سنونه : الحين اقوم اكوفنك انقلع برا ماصدقت وهي تنام وناظر ريتآج مستغرب متى جت ... شوق بعصبيه :صدق قليل حيا وبقهر وش مجلسك هنا حسام ناظر ريتاج بنظره حزن: شوفي كيف يحرموني من أمي هذولا الظالمين ومن وقت مارحتي انتي بيت أهلك وهم كذا يعاملوني تقول ولد السواق ماهو أخوهم آخر العنقود مفروض دلع خاص بس حسبي الله عليهم حطيت في يهود ... ريتآج طنشته ..عشان وليد مايعصب أكثر عليه لأنه شكله ناوي عليه وليد بعصييه: يهود ي ال*** انقلع يالله فارق ..مسوي ازعاج في الغرفة ...وحنا مصدقنا وهي تنام .. حسام بقهر وقف : آلحين انا الي مسوي ازعاج ...وهذولا من أول يقرقرون على رأسها مافتحت فمك عليهم ريتآج وعاذرك تخاف منها بس شوك ليه ماتهاوشها ... وليد وهو صاك على سنونه بقهر وقال وهو يناظر أمه ..ومخفض صوته : شوق خذيه وخليه ينلقع عن وجهي قبل ماقوم له شوق قربت منه وسحبته ببلوزته وهو ينافخ ... ريتآج قهرني هالحسام ..صدق بعض مرات عليه تصرفات ماهي صاحيه ...ناظرت وليد الي يناظرني ساكت جلست على الكنبه وقلت بهمس وهي خجلان على اللي قالته في الجوال: سلامتها ماتشوف شر ان شاءالله وليد ناظرها بزعل :الله يسلمك .. قطع عليهم دخول شوق وهي تركض : وليد الحق.. عمي أبوي يتهاوشون . ريتاج وقفنا بصدمه ..و.طلعنا كلنا .. بسرعة أنصدمت من كلمة عمي : ايوه فضلت الغريب على ولدي والحين شوفه وين حوبة ناصر.. ابو عصام بقهر : لا تتشمت ناظرت وليد ابيه يتدخل ... وليد قرب منهم وهو يهدي الوضع :استهدوا بالله ابو عصام بعصبيه ناظره:فهم أبوك الي ماهو راضي يفهم ان كل شيء نصيب .. ابو وليد بحده:الله والنصيب اللي جبته لبنتك ابو وعصام بعجز:الله يهديك ي خوي الحين جاي عشان اتحمد لكم بالسلامه ابو وليد قاطعه :الله يسلمك وماقلت غير الشي الي أشوفه كان مصلحه فيه للكل بس أنت دخلت الغريب بينا وشوف كيف الناس بدل ماتفرح روحت مفزوعه وتسأل ليه صار كذا وي ترا مظلوم ولا ظالم وليد عض شفته من غير مايرد ..يآرب وش يسكت أبوه الحين فرصه وحصلها ... ابو عصام بقهر : تحصل كثير والحمدلله على كل شيء وبإذن يطلع ونفرح فيه واللكل بينبسط ابو وليد بسخريه :ليه حد بيجي بعدين لكم الكل خاف على عمرة ..ودي أعرف وش ذا العريس الي يتصوب في يوم عرسه وش البلى الي مسويه عشان حد ينتقم منه بهالطريقه غلطت كثير ي خوي يوم قربت حد ماتعرف عنه شيء ودخلته في العائله .. ابو عصام طلع مقهور من غير مايرد ..عليه ريتاج بتلحقه بس وليد مسكها وهمس لها: تكفين لا تزيدنها بروحتك معه ابوي بيكبرها أكثر وبنفسي برجعك ... ناظر ابوه وحده ضايق من الي صار: ادعى له الحين ربي يشفيه يبه والتشمت ماهوزين ابو وليد بعصبيه : انكتم أنت ..وناظر ريتاج ..أبوك كل مره يسمع شوري إلا هالمرة وشوفي ايش حصل ريتآج حست بقهر من شماتت عمها قالت بقهر : صدقني أبوي ماختار غير الي يشوفه مناسب لاسيل والولد مافيه اي عيب يستاهل من يختارة لبنته ... وليد انصدم من رد ريتاج...ندم انه خلاها تجلس ليته خلاها تروح خاف عليه من عصبية أبوه قرب منه زود خايف من رد فعل أبوه ابو وليد بحده: ناصر وش فيه ناقص ريتاح .. خلاص طفشت ودها تصرخ في وجهه تقول له يكفي بس احترمت حالها وقدرت الوضع الي هم فيه الحين :ناصر رجال والنعم به ورجل أختى الله يشفيه ويطلعه لها بالسلامة يسعدهم مع بعض ...وهمست لوليد :يالله وصلني وليد مسك يدها ودخلوو غرفة امه وقال وهو يناظر أمه ... الي باقي نايمه رجع ناظر ريتاج وبحده : على ماظن الجوو مايساعد أبد صح ..شوي أبوي يهدى واوصلك .. ريتآج ناظرته وانا ندمانه إني جيت هزيت رأسي وانا اهمس::ان شاءالله جلست على الكنبه وانا متوتره حدي ...ناظرته يوم جلس جنبي قلت بقهر : ليه عمي دايم يحب يقهر ابوي الحين جاي وهو يبي يطمن عليكم كذا يقهره وليد ناظرها وقال بضيق : ريتآج خلاص يكفي ردك على أبوي وبعد تهمك له ولي ..بس هذي لها حساب ثاني ..و فكينا لا ندخل بينهم خليهم وهم يتصافوا مع بعض ريتآج كنت ندمانه يوم اتهمته ظلم بس آلحين والله ودي اصرخ في وجهه واقوله والله أنه يستاهل الي قلته عنه بس احترمت حالي وأحترمت هالمريضة نايمه ... |
رد: أعشق أنانيتك عندما تتمناني لك وحدك الكاتبة نوني الجنوب
،، ،، ،، ،، صحي وهو يناظر الغرفة شاف أسامه...نايم... على الكنبه يحس بحلقه جاف وعطشان .. قال بتعب وبصوت يالله ينسمع :أسامه اسامه بسرعة فز واقف وقرب منه وهو ماهو مصدق انه يناديها قال بفرحه : حيا الله هالصوت ...صحيت يآرب لك الحمد رائد هز رأسه من غير مايتكلم وقال بثقل :ابي ماي اسامه بفرحه : ابشر شربه وقال بأبتسامه الحمدلله على السلامة ي خوي رائد يحس بتعب ..وهو يتذكر وش صار عليه قال بألم : خلهم يعطوني مسكن احس بألم وأشر على بطنه .. اسامه بقلق : آبشر وبسرعة ضغط الجرس وبسرعه جت ممرضه وأعطته مسكن ورجع نام ... اسامه تطمن يوم صحي ..أخيراً فتح غيونه وتكلم ..يآرب لك الحمد...دق على أهله يطمنهم ..... ♢ ♢ ♢ ♢ بيت ابو غلا ناظرت أبوها بقهر من وقت ماوصل له ثلاث أيام ... وهو ماهو صاحي أبد واليومين الي راحت كانت تعبانه حدها بس الحين تحس حالها أحسن من أول بكثير . بتقدر تتكلم معه عشان يشوف لها حل .قالت وهي تتمنى انه يساعدها.بس هزت رأسها بعجز وهي تشوف يترنح ..قالت بقهر : ودي أعرف متى بتصحى من هالزفت وبتسمعني ابو غلا وهو سكران حده : انتي بس هواش أعوذ بالله منك.. تكفين ..لا تطيري الي شربته الحين يكفي طيرتي الحرمه من بيتها ... غلا فتحت عينها بصدمه : الحين الفقمه هذيك انا طردتها ابو غلا رماها بالقاروره :لا تقولي عنها فقمه هذيك هي زينه البيت علا عضت شفتها بقهر : يبه الله يسعدك معاها مايهمني للحين غير بنتي .. ابو غلا وهو دايخ: اي بنت الله يهديك بس غلا هزت رأسها بعجز أبوها أبد ماهو معاها قالت بقهر :الله يهديك أنت من الي فيه وبقهر قربت منه وسحبت القاروه الثانيه الي جنبه ..ورمتها في الجدار وبسرعه شردت .. ابو غلا عصب وقال بصرخه : ي الزفته ذا نوع جديد وغالي تسوي فيه كذا غلا دخلت لغرفتا وقفلت على نفسها بالمفتاح ...رمت حالها على السرير وصاحت بقهر ...يآربي فرحت بجيته كان عندي أمل ..انه يخلي هالبلى يبلعه ...من زمان عنه اللحين رجع له...أخذت جوالها ...ودقت على بدريه ..عضت شفتها يوم ردت عليها قالت بغصه : كيفها غرام اللحين بدريه ناظرت سآمي...الي جالس يناظرها بحده : بخير وينه أبوك ماجاا لي ... غلا افف ذي وين وانا وين قالت بقهر : ابوي الله يخلف عليك ماهو معنا أبد بدريه بقهر : لا تقولي مهبب من السم غلا : ومكثر بعد هالمره المهم تكفين ..طمنيي على بنتي أول بأول...والله ماراح أنسى لك هالمعروف ... بدريه بهمس وهي تناظر سامي خايفه لا يعصب عليها: ان شاءالله سامي صرخ وهو ناوي يقهرها ويبيها تعرف انه موجود :يمه جيبي حبيبة أبوها بدريه صغرت عيونها بقهر وهي عارفة حركاته المستفزه قالت بحده : نايمه لا تصحيها آلحين غلا بلعت ريقها بخوف : سامي عندك لاتقولي له أني انا الي أكلمك والله ماغير يمنعك تردي علي وتطمنيني ..عليها تكفين . سآمي سحب الجوال بفضول بيعرف وش تقول سمع كلامها الاخيرحس بشفقه لأول مرة عليها قال بجمود: لو تقدري خلي ابوك يوصلك تجي تشوفيها .. غلا نطت من مكانها بفرحة: قول والله بس بحسرة ابوي ماراح يوصلني ..سكتت صعب تقول له ابوها سكران امم تكفى وصلها أنت عندي ....بس اشوفها وخذها .... سامي بحده: تبيها خلي ابوك يوصلك شوفيها شوي بس والله يستر عليك ...غيره مافيه ولا تفكري بعد تجي مع أحد غير أبوك ...والله ماغير ترجعي بحسرتك ... غلا بضيق : اوك خلاص ان شاءالله أقنعه يوديني بس آه مدري متى يكون ...وسكتت مابتي تكمل .. سامي إبتسم بخبث وهو ناوي يجننها : خلاص انا اجي لك الحين وتشوفيها غلا ابتسمت بفرحه أخيراً حن عليها : شكراً سامي والله مانساها لك .. سامي قفل وناول بدريه الجوال شافها تناظره مستغربه رفع حاجب وقال : خير . بدريه بصدمه : بتخليها تشوف بنتها وبعد بتروح لها أنت سآمي إبتسم على جنب : خايف على بنتي امي تقول لزوم امها ترضعها وبعدين حرام تروح بسبة عناد بدريه بسخريه : يعني وشهوو بتجيبها كل يوم ساعه ولا ساعتين ولاثلاث كم مرة ناوي حضرتك تقرر وقت رضاعة بنتك سامي بقهر :هع هع بايخه مثل وجهك انقلعي ارجعي لزوجك وفكينا قال كذا يبي يطمن يوم ترجع بدريه ماتكون لحالها غلا ويقدر يأخذ أخبارها من غير حركات النذاله ... بدريه بقهر : مدري وش فيه هالمرة له أكثرمن يومين راجع ولا طريت على باله ...ماغير جالسه مربيه لبنتك حسبي الله عليك انت وامها الي حملتوني مسؤوليه وانا في غنىعنها ... سامي : يحصلك انتي تربي بنت الكنق وأعطاها ظهره وأخذ مفتاحه وطلع ركب السيارة واتجهه للحارة وهو يفكرفي اللي بيسويه ..امم اخليها تنتظر كذا ويرفع ضغطها ..ولا امم اسوي في مقلب اقوى . ..لف بسرعه يبي بيرجع ..بس جواله رن ..شاف رقمها ...فتح الخط وجاها صوتها وهي تصارخ : ساعة انتظرك افف حرام عليك والله عض شفته . بقهر :بعد تصارخي .. غلا عضت شفتها بقهر ودها تعرف ليه ماتمسك لسانها..قالت وهي ودها تذبحه: آسفه بس والله من شوقي لها ...قلبها قبضها من سكوته حست انه ناوي على شيء تعرفه ماله أمان قالت بخوف : تكفى ماتقهرني هالمرة سآمي قال بحده: اطلعي انا برا غلا صرخت من فرحتها : طياره سامي ابتسم بسخريه طياره اوك .. وقفل الجوال وهو ناوي عليها ...وده يعرف متى تتأدب وتكلمه زين....شافها جايه وبسرعة ركبت السيارة ردت السلام رد عليها بجمود ومد يده وفك شيله بصوت قوي(( هب البراد وزانت النفسيه )) غلا قالت براحه: ايه والله زانت نفسيتي بشوفة بنتي .. سامي قال بنذاله: لسى ماشفتيها خليك مستعده لا اي مفاجأة تجي مني وكمل بعرجبه وهو يميل شماغه ويلفه لفوق بس بالله وش رأيك يجي مني أولا غلا بخوف ناظرته ماهي مرتاحه له رجعت ناظرت الطريق إلا يوديهم لشقته وهي ودها توصل بسرعة ...وأحسن شيء تسكت وماترد عليه ماتبي تضيع عليها هالفرصه وعرفت جالس يرمي حكي يبي يستفزها سآمي فكها ضحك : معقول ذا غلا والله غرام عرفت تربيك كفوو بنت أبوها ... غلا ناظرته بصدمه: سمتيها غرام مثل ماطلبت سآمي مايبي يفضح حاله قال بمكابره: ماهو مثل ماطلبتي بس حبيته بس احتمال اقلبه على اسم أمي خدوج غلا بدون احساس صرخت: لا تكفى سامي ناظرها وصغر عيونه: ايشش ماسمعت غلا عضت شفتها بقهر ودها تصرخ وتعترض زود بس لا يبيها من الله هوو قالت بقهر: سلامتك ماقلت شيء سامي بستفزاز : ها افتكرت ماهو عاجبك ..ولا فيه إعتراض غلا اخخ ياناس الذبح فيه حلال قالت بقهر: لا طال عمرك لا إعتراض ولا شيء وش فيه اسم خدوج ي زينه زيناه ...وسكتت وهي تشوفه ..يوقف عند مطعم حاولت تصبر حالها ..وهي تشوفه ينزل ..جلست تستغفر حتى شافته ..رجع .... سامي وهو ناوي يطلعها من طورها اليوم . : افف زحمه الله يعين بنتظر كثير بس عادي وش ورانا ولا عندك راي ثاني ام غرام ... غلا عضت شفتها عمى في عينك وش ورانا آه يالخايس شابع منها ماغير انا بحسرتي حسبي الله عليك قالت بصبروهي ودها تخنقه ..: لا خذ راحتك ماورانا شيء. .وسكت وهي تستغفر الله تبي الوقت يمر بسرعة بس ماغير ذا جالس في السيارة ويغير في الشيلات قالت بدون صبر : انزل شوف يمكن جا رقمك سامي ناظرها وقال ببرود:لا باقي ..ولا تخافي العامل صاحبي يجيبه لما السيارة يوم يجي رقمي غلا بقهر : مدام انه صاحبك كان خليته يقدمك سآمي ابتسم بستفزاز: لا حرام أخذ رقم غيري ماحب هالحركات غلا عضت شفتها بقهر.. بعد حرام ..وماتحب هالحركات أذكرك تضارب بعد عشان تأخذ حق غيرك طنشته ولفيت لدريشه .. تحس بذل ...ماعندها حد ...يوقف معاها كان عندها أمل أبوها يوم يرجع بس انصدمت منه يوم رجع وبعد الشله الخايسه الي لها يومين تتردد عليهم ...تذكرت كيف قضت ليلة امس طول الوقت مقفله على نفسها ... تنهدت براحه يوم نزل ...الحمدلله هانت ...وشوي ورجع وحرك السيارة بس الي الحين قاهرهاجالس يمشي على بيض حضرته ..دايم طاير فيها الاهالمرة ..يآرب صبرني .. بس مافيها عاد تقدر تصبر قالت برجى: تكفى أسرع سآمي فتح عينه بصدمه : آيش اسرع ليه أرواحنا واروح الغير عندك لعبه غلا بقهر ضربت فخذها لا ناوي عليها الحين هو يفكر في اروح الخليقه طيب يوم يدخل الحاره وهو ماشي متين وصوته تفحيطه واصل للحاره الثانيه ..تنهدت بقهر ...والله عرق النذاله شغال بقوة تعوذت من إبليس وانا معه في الي يقوله : صادق والله ..تصل متأخر أفضل ان ماتصل أبد .. سآمي بضحكه : حكم ..والله ... غلا احس إني اغلي ..ودي ابرد خاطري فيه بكم كلمه ..بس لا لا غلا هدي حالك ...وكلها دقايق ..وشفت مدخل الحي الي هم ساكين فيه وكلها دقايق وقف السياره جنب العمارة تنهدت براحه وانا افتح باب السياره : الحمدلله وأخيراً سامي بنذاله:هيي هي وقفي بجيبها هنا تشوفيها وبسرعة عشان ارجعك ماعندي وقت ...وراي طلعه .. غلا حست بذل حيل قالت بغصه : اوك انتظرك سآمي نزل وقرب من الباب الي وراء وفتحه وأخذ العشا ودخل العمارة وصل الأكل ورجع بسرعة ...وقرب من السيارة وفتح البا ب وركب غلا فتحت عينها بصدمه يوم رجع بدونها قالت بخوف: وينها سامي عض شفته بتمثيل : امم خساره نايمه مقدر اطلعها حرام أكيد ماترضيها عليها .. يالله اوصلك البيت . غلا حست بغيض ..وقهر من الي يقوله ..قالت بغصه :حرقت قلبي وزود هالمرة سآمي إبتسم على جنب : لا ليه الظلم بس البنت نايمه ومابي ازعجها اوعدك هالمره لو صارت فرصه خليتك تشوفيها عادي الدينا مراح تطير .... غلا تحس حالها كرهته أكثر من أول هالمره قالت وهي تصيح بقهر :خلاص سآمي اسكت تكفى.. سامي وهو يأشر على خشمه :ابشري من على هالخشم وبعدها بدقايق وقف. السيارة وقال وهو يشوف السيارات الي واقفه جنب بيتهم : من ذولا وسكت وهو يشوفهم ينزلون ودخلوا للحوش .. غلا نزلت من غير ماترد عليه ... سامي لحقها بسرعة مارتاح ..أبد غلا ناظرته مستغربه يوم لحقها ..: ايش فيه سامي :امشي اوصلك ...ساكته غلا وصلت باب الصاله ودخلت شافته باقي واقف قالت وهي مكسورة ..ماتبيه يتشمت أكثر فيها .. :خلاص مشكور الله يستر عليك سامي بقلق رجع ناظر جهة مجلس الرجال ورجع ناظرها :أقول أمشي معي غلا بقهرصرخت : سامي خلاص لا تلعب علي أكثر من كذآ سامي هز رأسه وهو مقهور من نفسه : لا لا والله هالمره صادق بس أمشي معي ماهو مرتاح أبد لهالشله ... غللا بضيق : لا تخاف اعرف انتبه لحالي وأعطته ظهرها ودخلت الغرفة وقفلت على نفسها سامي مشى وهو متردد ...عض شفته بحيرة ..وش يسوي ..ندم انه سوى حركات النذاله فيها ... رجع ناظر الغرفه. .الي دخلت فيها ..بسرعة تقدم منها ودق الباب : غلا يالله معي...تكفين .. غلا صرخت وهي تصيح: روح سامي خلاص كافي تعبت منك ومن ابوي ومن كل شيء. سامي بعصبيه: افتحي الحين وبعدها قولي الي تبي غلا بصرخة: مابي خلاص روح سامي ناظر الباب حديد وقديم هزه أكثر من مره ..صعب فتحه ..حس براحه شوي بس رجع قال بقلق : غلا ماهو وقت عنادك أمشي معي وعد أخليك مع بنتك على طول غلا صرخت: كذاب تبي تذلني زود سآمي قال بصدق : والله العظيم ماكذب عليك غلا وهي تصيح صرخت:خلاص روح سآمي ماراح اطلع معك مره ثانيه. .. سآمي ناظر الصاله...بحيرة ...يروح ولا يجلس يعرف عنادها مارح تصدقه وتروح معه ... طلع الحوش وشاف أبوها.وهو يقفل الباب حق الشارع وهو يترنح قرب منه وقال بعصبيه : غبي أنت ولا ايش تحس فيه اشلون تدخل ذولا في بيتك .....وبعد بنتك موجوده فيه وبعد وينك فيه مخليهم لحالهم ..وأنت تسربت برا ... راجح ناظرها وهو يتأكد انه سامي ..قال بتلكك: روح زين ي ابو المشاكل ي الصايع .. والي في المجلس جاين يشترن وراحو الحين يالله فارق يالله ...من بيتي .. سآمي الحين تأكد انه يبيع ...قال بعصبيه: حسبي الله عليك وبعد تبيع في بيتك وبصرخه والله لا أبلغ عنك ولا ماكون ولد أبوي ... غلا سمعت أصواتهم من الدريشه اللي في الغرفه فتحتها وهي تسمع تهديد سامي حست بخوف..وقالت بقهر منه : بعد بتحرمني من أبوي .... سامي ناظرها وهو مصدوم قال بقهر : غبيه اشلون تفتحي الدريشه كذآ يعني ماشفتي الرجآل يوم دخلتي غلا وهي مطنشه كلامه: ابوي خلك منه وانا بعد خلاص مابي منك شيء ..وبنتي ربي يحفظها ...و فكنا من شرك وإذا فيه بلاغ بلغ عن أبوك أول .... راجح بقهر وهو يترنح : ايوه صادقه بنت ابوها بلغ عن أبوك الخايس اللي نصب عليه...وأخذ فلوسي ... سآمي ناظرها بصدمه :يعني عاجبك حال أبوك كذآ وبعد تدافعي عنه ..... غلا بسرعة فتحت الباب وطلعت الحوش ومسكت كتف أبوها وقالت وهي حزينه على الحال الي وصل له بسبب ابو سامي :ايوه أفتخر فيه بعد حتى لو كان كذا أبوي وعاجبني في كل أحواله وبعد ماشوفك تكلمت ولا أعترضت يوم ابوك يسوي أكثر من هالبلاوي .... سآمي بقهر : تتنهي فيه وانت والله أطلق اختي منك وارميك في السجن ولا ماكون سآمي وطلع وضرب بالباب بعصبيه ابو غلا قال وهو رايح فيها من البلى الي شربه: .أطلق مين غلا مشته معاه . بقهر ...: لا تطلق أحد امش امش يكفي فضايح.. ♢ ♢ ♢ ♢ اول ما وصل ابوه .. تطمن على أخوه ...طلع يروح يغير ملابسه ويرجع عشان الضيوف الي جاين .طلع من الغرفة وراح قسم العنايه اللي منوم فيها سمير..شاف شرطي واقف على الباب تطمن وطلع .رجع البيت ..وهو تعبان ... مانام من امس ..اول مافتح الباب شافها في نفس المكان الي جالسه فيه امس بس نايمه هالمرة. .ناظرها وهو محتار..جلس على لارض على ركبه وناظر ملامح وجهاا التعبان نزل نظره لبطنها البارز شوي ..قال بهمس أبد مابينا حياة .. ..وقف بس يده.ضربت في الريموت الي على طرف الطاوله .. طاح على الأرض وطلع صوت ...ناظره بصدمه .... ورجع ناظرها شافها مفزوعه تناظره رفع يده وقال : معليش مانتبهت له ...كملي نومك .... ريوف هزت رأسها وهي بالها مشغول ..على أخوها قالت بغصه :كيفه تكفى طمني عنه ولا بعد بتحرمني السؤال عنه اسامه قال بجمود : الحمدلله حالته أحسن ريوف جلست بفرحة : صدق تكفى روح فيني خلني اشوفه تكفى ماتردني وماقدرت تكمل رفعت يدها وغطت على وجها وصاحت والله بموت عشان اشوفه .... أسامه جلس على الكنبه وقلبه وجعه عليها غصب عنه قال بحسره : والله أخوك ماهو كفوو لأنه نقض الوعد الي بينا وتسبب لاخوي بس بصير كفوو أحسن منه ..وبروح فيك تتطمني عليه .... ريوف بعدت يدها عن وجهاا وقالت بفرحه وهي تناظره ماهي مصدقه الي قاله : صدق بتوديني له الله يسعدك ي شيخ والله مانساها لك والله أقسم بالله انك رجآل أسامه ابتسم غصب عنه يوم شاف فرحتها وهي تدعي له وقف و.قال وهو يأشر لساعة : بسرعة تجهزي على بال أخذ دش وابدل بس كلها دقايق وترجعي البيت.. عشان فيه ضيوف جاين ....لابوي ريوف وقفت بسرعة : ان شاءالله ثانيه أهم شيء اشوفه و بسرعة راحت أخذت شور سريع ولبست ...وصلت العصر ..ولبست العبايه وجلست تنتظره ...في الصالة وبعدها بدقايق ..طلعوو ..واتجهوا للمستشفى...وأول ماوقف السيارة حست بخوف ...من الي بتشوفه قالت بتوتروهي تفرك يدينها في بعض .. : متأكد انه بخير أسامه بهدوء: يالله انزلي وتأكدي بنفسك ريوف أول مانزلت ...مشت معه وهي متوتره ....أول مادخلو المستشفى شافوو ...أهل اسامه .داخلين القسم الي مرقد فيه رائد .. .حست بخوف منهم وش بيقولون لها آلحين ام اسامه اول ماشافتها تمشي جنب ولدها قالت بقهر :ولك عين جايه بعد الي صار من أخوك ريوف ناظرت أسامه بخوف وقالت:جايه لأخوي ام اسامه بعصبيه وهي تناظر اسامه :بعد توديها له ..هالمجرم . ليه ماتحس أنت ليه ..دايم مفضلها على الكل ..متى بتصحى من الي أنت فيه بعد مانروح كلنا بسبة هالعائله... أسامه بفشله وهو يناظر في الناس الي موجودين قال وهو صاك على سنونه : يمه الله يهديك جايه تشوف أخوها وناظر لطيفه خذي أمي وانا الحين جاي وسحب يد ريوف ومشى ناحية العناية المركزة. ..ريوف أول شافت القسم الي دخلها في قالت بصدمه:في العنايه وتقول بخير أسامه وهو يطمنها: بس عشان يطمنوو عليه لاتخافي مابه شيء. ريوف مشيت معه ودموعي على خدي ي حسرتي عليك ي خوي مسكت في يده اسامه بدون إحساس يوم شفتهم يركضون بالكرسي و أخوات خالتي واقفين يصرخون ..عند الغرفة ... حسيت رجولي ثقيله حاولت اتمسك في اسامه بس ماقدرت جلست على الأرض بدون احساس وانا اصرخ :أخوي مات ،، ،، ،، ،، كتتتتتتتتتتتتت & نـــونـي بنت الجنوب & استودعتكم الله الذي لا تضيع ودائعه سبحان الله وبحمده سبحان الله العظيم " الوتر أحبتي " الله يرحمك يامن اوجعني فراقك |
رد: أعشق أنانيتك عندما تتمناني لك وحدك الكاتبة نوني الجنوب
آللهم إني استغفرك وأتوب أليك سبحانك اللهم إني كنت من الظالمين لا إله إلا الله وحده لا شريك له له الملك وله الحمد وهو على كل شيء قدير آللهم صل وسلم على نبينا محمد " صلو عليه " الروآيه لا تليهكم عن الصلاة والعبادة اللهم بلغت اللهم فاشهد & & & ا@ البآرت الخمسون @ @ @ @ ،، ،، ،، ،، عـضيدي اللي مالـه اشباه وامثال يالله عـساني ماأحـس بغـيـابـه منقول ،، ،، مسكت في يده اسامه يوم شفتهم يركضون.. بالكرسي و أخت خالتي واقفه عند الغرفة وتصارخ .. قلت بصدمه وانا اتهاوى للأرض منهارة : ماتتتت سمير مات اسامه بسرعة نزل جسمه وهو يرفعها .. وهو مصدوم.. توه الدكتور طمنه عليه ..وقال حالته مستقرة ..وش الي صار فجأة قال بتوتر من الموقف: استهدي بالله وامشي خلني ارجعك السيارة وأشوف ايش فيه ريوف ناظرته وهي منهارة وتصيح بصوت عالي : وش نشوف آه ي حسرتي ... عليك ي خوي ..والله ماتحرك من هنا غير اشوفه وبرجى وهي تمسك في يده ..دخلني عنده تكفى ... اسامه ناظر الناس حوله يتفرجون قال بهمس : عسى خير ريوف أول ما قفت حركت رجولي وانا اركض بسرعة وامسك في يد أخت زوجة أبوي وانا جسمي كله يرجف من ردها الي متوقعته من الي حولي وأنا أتمنى ماتأكد لي الخبر :أخوي مات ي خاله وصرخت .بفزع..و ناظرت اسامه مات وهومصدق فيني .... أسامه قفل عيونه بعجز مايدري وش يسوي ..قرب منها وهو خجلان من المره الي جنبها بس ارتاح يوم تكلمت ... وهي تمسح دموعها من تحت النقاب : خالتك ي ريوف طاحت علينا وبحزن ي حبة عيني ..ماتحملت تشوفه ولدها يآرب الطف فيها يآرب وقومها بالسلامة.... ريوف ناظرت اسامه .....ورجعت ناظرت الغرفة الي دخلوها فيها هزيت رأسي. .وقلت بغصه وبدون اي مشاعر حزن عليها ...:ودني لاخوي أسامه اسامه مسك يدها وراحوا لغرفة سمير أول ماشافته ناظرت اسامه مثل الي تقوله هذا الي حالته مستقرة وهذا الي جالس تتوعد فيه ..انهارت تصيح ..خاف ربك ي مسلم .. الأسلاك موصله في كل جسمه.... وجهه خالي من اي حياة عيونه .. نصها مفتوحه ...وفمه بعد مفتوح ...وخشمه موصلين فيه جهاز تنفس ..يالله لطفك ... ناظرت اسامه وهي منهارة :هذا الي بخير حرام عليك وبقهر وتهدد في بعد تسجنه يآرب لا تقسي قلوبنا ... أسامه قال ببرود وهو يخفي اي مشاعر شفقه : حسي الي حسيته عشان اخوي . ريوف هزت راسها بعجز من الآدمي ...وقالت بحسرة : ي ويالي على حالي وحاله ..وقربت منه وهي تمسك يده وتحسسها بحب وعطف ورجى إنه يقوم همست وهي ترفع يده وتبوسها وترجع تبوس رأسه بخفه تخاف تأذيه أو تعوره همست ودموعها على خدها : سلامتك يروح اختك وبهمس أكثر تكفى لا تخليني مالي بعد ربي غيرك ي خوي .... اسامه قلبه وجعه ... على منظرها وهي ماسكه يده وتهمس له ..قال بمكابرة : يالله أمشي الوقت محدد لزيارة مايتحمل الوضع الي هو فيه .. ..و.تطمني. ..والله بخير والحين هم الي مخدرينه عشان الدم مايتحرك ويطلع للمخ إلا هو صحي من أول بس خايفين يتحرك حتى لو حركه بسيطه ..وهذا مو في صالحه . ريوف كان تسمعه يتكلم بس ماتدري وش يقول ..ولا تبي تسمعه ..ودها تجلس هنا ماتروح معه ..تحس بقوتها وبشموخها وهو حاضر جسد بس ..إلا هو ماهو معاها أبد ...مثل النايم بس الله أعلم يصحى من هالنومه أولا ...هوت رأسها تبعد اي فكره مكروه يصير له قالت برجى يآرب ي حبيبي أنت اعلم بحاله وأكرم منا عليه يآرب أنك تقومه بالسلامة .... حست بتعب ..والدنيا تدور فيها ..تسندت على السرير ...وهي تناظره بشفقه وحزت ..ماتبي تروح من عنده ...آه ي خوي ...تكفى ماتخليني تكفى ..لاتروح ...والله بدونك ماسوى شيء.... اسامه يوم شافها ...ماهي قارده تتحرك ..عرف ان فيها شي ..قرب منها ..وقال بجمود : يالله مد يده ومسك يدها حسها بارده في يده عقد حواجبه وناظرها يهدي عليها :استهدي بالله ماهو كذا ليت ماجبتك .. ريوف والدنيا تلف فيها : اخوي بيروح وهو حتى ماعرف انه امه ظلمتني أخوي بيروح وهو يفتكر إني .... اسامه بسرعة قفل فمها وهو ندمان انه جابها : اسكتي فضحتينا ويالله أمشي قدامي ..مشت معه وهي ماهي حاسة بحالها... منظر اخوها صدمها حيل .... رجعت ناظرت اخوها .. تكفى ..لاتروح ...والله بدونك ماسوى شيء....تكفى سمير .. اسامه :استهدي بالله وامشي خلاص ريوف مشيت معه ..وانا اتخيل منظر سمير الي مايطمن ...خايفه يصير فيه شيء بس لا لا الدنيا سودة في وجهي أكثر من أول ...قلت بهمس :أسامه .... اسامه ناظرها وهو عاقد حواجبه : ايش فيه ريوف بصبر ومكابرة : لا لا مافيه شيء خلاص طلعوو من المستشفى وهي تحس روحها بتطلع ماتبي تخليه وتروح ودها تجلس قالت أول ماحرك السيارة :ليت ترافو بحاله ... أسامه بقهر من صراخها :بتسكتي ولا أشلون .. ولا هذا جزاي خليتك تزوريه .. ريوف سكتت وانا مدري وش أقول ..بعد يمنن على أنه خلاني ازور اخوي والله وضعي ماينحسد أبد....جلست استغفر الله عشان ارتاح وسبحان حسيت بسكينه في قلبي وراحه وأمل ان أخوي بيقوم .ربي كريم ...قفلت عيوني وطول الطريق أدعي ...لأخوي ...يآرب يفرحني بقومته ... أول ماوقف السيارة جيت أنزل الدوخه رجعت لي بس هالمرة أقوى من قبل ...بس حاولت اقوي حالي قلت بهمس:أسامه اسامه بحده : وش فيك ماغير اسامه اسامه بس ماشاف اي رد غير جسمها يتهاوى للأرض بسرعة قرب منها ....... ،، ،، ناظره وقال بمكابره: آش الي تغير ..وتخلي السالفة. تصل للقتل عبد الرحمن :الله أعلم آيش بينهم بس مثل ماقلت لك آخر مرة ركبت مع سمير وكان يهدد ويتوعد في رائد سامي بجمود عكس مايخفيه يوم قال رائد تصوب بغى ينبهل ويومها مارتاح حتى عرف انه بخير بس قال بدون حس..: غبي ليه ماحذرته طيب ..وبسرعة غير كلامه وقال يالله حيلهم بينهم عمار بعتب: افاا ي سآمي حنا الحين نقولك عشان تقول كذآ ماهو العشم ...لا تنسى وش كان بينكم سامي وقف بضيق: قلتها ايش بينا عمار بحده: أقصد اخوتكم ماقصد المشكله الأخيرة سآمي ناظره وقال :ترا أحترمك حيل بس لا تغصبني على شيء مابيه عمار بزعل :ماغصبتك على شيء بتروح معنا وتزاور الرجآل لك الأجر ماتبي حرمة نفسك من زيارة مريض وهالمريض كان خويك لتذكير وهو يناظر عبد الرحمن بتجي معي أنت .. عبدالرحمن ناظر سامي محتار مايبي يروح يخاف سآمي ...يزعل منه ..وبعد وده يروح ..ويطمن عليه .. سآمي بقهر من نظرات عبدالرحمن :خير تناظر كذآ عبدالرحمن عارف انه في قمة عصبيته قال بستهبال ي يفك من عصبيته ي تزيد ويروح فيها هوو : والله بأخذ الأذن منك وخايف تهاوشني بابا .. سآمي بسرعة قرب منه ومسكه وهو يسحب الشال الي على رقبته ويخنقه ..فيه وهو يسمع صراخه قال بقهروهو معصب :جبتها نفسك عبدالرحمن وهو مخنوق ناظر عمار الي يناظرهم بستهتار مثل الي يقول لهم بسرعة اخلصوا عليه قال وهو مخنوق من جد: فككك الله يأخذك وانت بعد فكني منه ..عمارررر.. سآمي خفف شده على الشال وجلس على صدره وهو ثاني ركبته .: قول توبت من استفزازك ي سامي .. .. عبدالرحمن بكتمه : قوم وجع ...موتني وراي مستقبل قوم ...الله يأخذك أنت ورائد جميع ....... سآمي وقف وهو يتحلف فيه باقي : تستاهل ي ****** عبد الرحمن وقف وهو يتنفس بقوة ويضبط بلوزته والشال قال بقهر:يآرب الزيارة الثانية لك ي العربجي ..وبقهر ناظر عمار الله يأخذك أنت بعد ماتفزع مفهي تناظر وشهوو ...ودي أعرف عمار بحده : خلاص انتهت سخافتكم امش قدامي ساكت ... عبدالرحمن بقهر: روحي بتطلع كان منه هالمجرم وتقول سخافة وناظر سامي وهو يسحب بكت الدخان من على الطاولة قال بنذاله:فاضي أخذته كله وهو يشرد لبرا المجلس ..وقف عند الباب لاي ردة فعل من سآمي ..... سامي فعلاً فتحه وكان فاضي قال بقهر وهو مصغر عيونه : الله يقلعك أشلون فضي كذآ توي مأخذه ...كيف بلعته ... عبد الرحمن وهو مبسوط : أعطيت اللي صلح التكيف .من تو . سامي رماه بالبكت : من حر مالك تتبرع ..ي الطعس عبدالرحمن بسخريه: الله والتبرع وبقهر صرخ بتمشي ولا كيف اخرتنا على الفاضي .. ..سامي وقف وهو عاض على شفته ...وبسرعة رفع ثوبه وركض بسرعه وهو يشوفه يركض قدامه للشارع ....ويصارخ عمار يشوفهم وهو مقهور....أشلون متحملهم مايدري ...رأسه أفتر ..وهم كذا يركضون وراء بعض لا عبدالرحمن راضي يوقف ولا سآمي بعد ....قال بصرخه وهو يشوف....عيال جيرانهم ..ناس راقيه ...مع هذولا الهمج ...والله لو يدري أبوه لا يشحطه من البيت معاهم ... قال بفشله .. : والنهايه يعني لمتى بتجلسون كذا عز الله الرجآل طلع وحنا مارحنا ... عبدالرحمن بصوت عالي :قول له يوقف وانا أوقف .... عمار بعصبيه وهو متفشل بقوه وخايف بعد أبوه يوصل وهبلهم ماوقف ...صرخ بعصبيه : لعب بزران هوو ....وقال وهو متأمل ان سامي بيسمعه ..اما عبدالرحمن ..عارف عقله قاضي من مبطي : سآمي عشان خاطري أدخل انتظرنا بالمجلس لما نزور خويك قالها كذآ متعمد ونرجع لك ... سآمي وقف ...بقهر وهو يتحلف في عبدالرحمن وقال بقهر: والله عشان خاطر هالغالي إلا انت ي الكريم مسوي على حسابي شغلك عندي اوريك ي الشحط ... عبدالرحمن وهو يجلس على ركبه ويتنفس بقوة من كثر الركض : آه هلكتني الله يقلعك ... سآمي بدون مايبرر لهم او يقول شيء ركب قدام وقفل الباب تحت أنظار عبدالرحمن وعمار .... عمار ركب السيارة من غير ..مايسأل أو يتكلم بس كان مبسوط حيل ...عارف سآمي قلبه طيب بس عيبه متهور ...بس قفل عيونه بقهر يوم عبد الرحمن فتح الباب ....وبدأ يغلس.. عبد الرحمن وهو ناوي يغيضه فتح باب السيارة :على وين ي الأخ شافه ماكلمه قال وهو يستفزه ...طيب أنزل هذا مكاني سآمي مارد عليه طنشه ..وجوابه قفل باب السيارة وقفلها من داخل وناظر عمار وقال : امش .... عمار ابتسم وهو يناظر عبدالرحمن يسوي علامه بيده عشان يفتح ويطق الباب بقوه ..: والله انه يستاهل على حركاته بس عشاني ....هالمره كبر عقلك وصير أحسن منه ..تعبت وانا افزع مر لك ومره به ... سآمي ناظر عبدالرحمن وفتح الدريشه وقال بتحكم : تأخذ لي كرز كامل دخان ... عبدالرحمن قال بسرعة: آه ي الظالم كرز مره وحده ليه شايفني عمار على غفله فلوس تقوطر مني وبعد حرام أخذ لك .. سامي بسخريه : اولا قول ماشاءالله لا تنظل الرجآل ...وثانياً من متى الأخ مايدخن عبدالرحمن : لا ادخن بس أضر نفسي ايوه بس أضر الآخرين لا والف لا ...والله يتوب علي ....ان شاءالله منه قريب سآمي :من متى أذكرك أول وأحد في المصايب .... عبدالرحمن : اوه من مبطي وبستهبال : لايكون بالله ماتدري افااا ي سامي افاا سامي مشى معه :والله مدري ليه ماقلت لي من أول ي الخاين صدق مالك صاحب عبدالرحمن وهو يسند يده على الدريشه ويقرب وجهه : خشمك خشمك ي الكنق ..والله اني غلطان. ... سامي قرب منه : سم بس فزوو الأثنين من صرخة عمار صرخ بعصييه :بسرعه كلكم تنقلعوو من سيارتي ويالله فارقوا لعاد اشوفكم عاد في الحي بعد ...وبصرخه يالله انزلوا سآمي فتح الأمان واشر لعبدالرحمن .... وعبدالرحمن بسرعه ركب وراء وهو يصرخ:والله آسفين...وضرب سامي على رأسه بقوه أعتذر ي الكنق الشيخ معصب ... سآمي لف جسمه بخفه ومسك يده ولفها له بقهر : كم مره أقولك لا تمد يدك كم مره ... عمار حرك السياره من غير مايفتح فمه ...وهو يهز رأسه بعجز منهم ....بس تعب وصرخ بعصبيه :تكفون خلوني انتبه للطريق ... ودف سامي وهو يبعده يبيه يرجع يجلس مكانه .وبقهر انثبر هنا ،، ،، في المستشفى يناظر أهله ..وهو زعلان ..كان وده يشوفها ..معاهم. .قال لابوه الي اليوم هو مرافقه وأسامه من بدري طالع ....:يبه ضايق خلاص مافيني شيء ابو اسامه بحده : والمطلوب رائد :بطلع واوعدك أجلس في غرفتي ولا أجلس في المقلط وجيب لي ممرض ... ابو أسامه : وش تطلع والله ادري افيك بتصير مصيبه أكبر من المصيبه الي صارت عارف شلة السوء ماراح يخلونك تنثبر ترتاح بيطلعونك .... وجرحك باقي ماطاب وهاتي ي فزعات من جديد ..وبقهر إذا ماتهمك صحتك كذآ شوف حال أمك كيف ..فكر فيها وفينا شوي أعوذ بالله..منك .ليه ماتبي تسمع كلام الدكتور قال كلها أسبوع ويرخصك .. صيته بضحكه: لا تشرهه عليه العروسه تنتظر عريسها الي ماشافته ام أسامه تمتمت حسبي الله في الي كان السبب ...ونقص عليه فرحته حبيب امه .... ابو أسامه طلع وكلم ابو عصام وقال له يجيب ..أسيل وكاد يهجد شوي يوم تجي تزوره ...واتفقووا يسوون له مفاجأة عشان نفسيته تزين ...بس ناظر من بعيد شلته الي يسميهم شلة ((الفساد)) دايم كان يهاوش ..رائد عشانهم يبه يبعد عنهم بذات الأسمر الطويل أبد مايرتاح له .. بس فيه واحد بينهم غريب.. ومختلف. .حتى عنهم تمام في طريقة اللبس وفي كل شيء ..قال بقهر بيخربونه مثل رائد خرب ...... : السلام عليكم رد بضيق :هلا عليكم السلام والحمدلله على سلامة ولدك عمار :كيفك ي عم بالله لو تسمح لنا حنا جاين نشوف رائد ابو أسامه : الله يسلمك الشر مايجيك .. عبدالرحمن وهو يأشرعلى نفسه وعليهم : اخوياه ابو اسامه هذا بلى ابوك ي عقاب قال بضيق : عارف ...تفضلوو انتظروا دقايق بس اطلع الأهل عمار بسرعه وهو خجلان : لايكون فيه إزعاج ابو أسامه والله قلت انه محترم حرام يمشي مع هالشله ناظر ناحية الاسمرالطويل الي يناظر المكان بطفش وكنه ماهو عاجبه أحد ..قال بمجامله : لا لا مافي إزعاج حياكم الله ..ثواني بس ..أعطاهم ظهر ودخل الغرفة ... عبدالرحمن بهمس : الشايب عليه نظرات مو صاحيه سامي بعربجه: اي والله شفته ..سلامات وش حنا مسوين فيه والله كف اخليه نايم جنب ولده عمار تتافف بقهر وهو يناظر عبدالرحمن :انت بس كذا شغلتك الفتن ورجع ناظر سآمي بحده وأنت ماتفرق كبير صغير تمشي وتصفق بس ..هذي شغلتك وبحده أكثر ليه مافي كنترول .. سآمي نزل نظره للأرض ....الكل يرد عليه إلا عمار مايقدر يفتح فمه عليه ...والله لو يهاوشه لبكرا ...... عبدالرحمن بسخريه : اخسس سامي تهزئ وبقهر ليه هذا دايم يقصفك ..قصف بالكلام ماتقدر ترد عليه وانا الضعيف بس تكفخ فيني بس يالله الفلوس ..الي في جيب هالبطران تهجد بلد بعد سامي بقهر عض شفته فشله قدام عمار الحين وش يقول عنه انه طماع ويبي فلوسه .: ليت المكان مناسب كان عرفت ارد عليك غبي ...مثلك ماشفت .. عبدالرحمن : أقول سامي وش رأيك نروح نسرق مثل أول تذكر سامي ابتسم : اخخ وناسه .. عمار فتح عينه بصدمه ويشوفهم كيف مبسوطين قال بصدمه :تسرقون عبدالرحمن : هييي لا تنهبل كلها شاش ومعقم عشان العربجي ذا قدامك كل يوم هوشه وحنا راحين به الطوارئ فكرنا انا ورائد نريح اعمارنا نسرق ضماد ونبقى نعلاجه في البيت وصرخ بقهر آه على أيامك ي رائد ام الفله صح بقهر ضرب سامي على صدره كله منك مسوي كرامه الله يقلعك ..وشرد خايف عشان مايصله سامي .... سامي بقهر بيرد عليه قاطعه عمار وهو مقهور : ولا كلمه انت وهو ومن هنا أطلع ماعرفكم اوك... سآمي ابتسم : ماتقدر ... عمار جحده بنظرة ... في الغرفة ابو أسامه قال بسخريه: جوو حبايبك يالله اطلعو للاستراحة انتظروا هناك رائد رفع نفسه شوي وهو يتألم : مين ابو أسامه بحده: خليها مفاجأة لك ....وبقهر والله ماضيعوك إلا هم ... رائد سكت وهو متعود على هالاسطونه من أهله. ..لو ينخدش خدش بسيط يقولو اخوياه ...بعد ماشاف الغرفة فضت من أهله ..كلها دقايق وشاف الي دخلوا عليه ردو السلام .. فتح عينه بصدمه لا لا مو مصدق ..سآمي...جاي بنفسه ..ناظر عمار وعبدالرحمن الي فاتح الخشه ...وسامي يناظر الأرض والضيق باين على وجهه شكله جاي مغصوب ... عمار أول واحد قرب منه و سلم عليه: الحمدلله على السلامة كيفك اليوم عساك أحسن ان شاءالله رائد : الله يسلمك الحمدلله احسن بواجد من اليومين الي مرت عبدالرحمن بضحكه:اقسم بالله ي رائد يوم قالوا لي فكيتها ضحك قلت اخس المسكت ماراح الفندق ..ونزل نفسه وهو يسلم عليه وبهمس اروح البيت اشوف رصيدي زايد أرقامه اوك عشان الكنق جبته بنفسي لك ...وهذا غالي صح رائد بهمس وهو يضحك: أبشربعزك ..والله غالي والمسكت ان شاءالله يتعوض ..بالفندق ي الخايس .... وناظر سامي بعتب يبيه يتكلم ماغير واقف ...يناظر الأرض عمار دق سامي عشان يسلم عليه .. سامي ناظر عمار ورجع ناظر رائد قرب منه وهو ...موجوع باقي منه ..ماهو قادر...ينسى ..قال بضيق وهو يمد يده بتردد: الحمدلله على السلامة رائد مد يده وقال بأبتسامه وهو يشد عليها : الله يسلمك وكمل وهو يذكره وش كان يناديه كيفك ي مغناطيس المشاكل ...سآمي ابتسم على جنب بثقل وهو يتذكر هاللقب بعد كل هوشه يقولها له : من كل صوب تتحذف علي عبدالرحمن بلقافه: والله السبب أكيد فيك أعوذ والله انك صادق ي رائد مغناطيس مشاكل توه مكفخ عمار لما عض الأرض عمار ناظره بنقمه : مكفخني انا سآمي ناظر رائد وقال : ودك في حد يخاويك على ها لسرير جنبك رائد ناظر عبدالرحمن وبضحكه: اي والله اعطه المقسوم عبدالرحمن أبتعد لنهايه الغرفة وهو يرفع المغذي ..قال بتهديد:أقسم بالله بذي وانت ي الخاين بتحول المبلع لو انا ميت فاهم خلي ابوي يورث بعدي وكاد بدل مايدعي علي كل يوم وانا حي يدعي لي وانا ميت الله يهديه هالشايب ماغير يدعي .... عمار بقهر :متفاخر بعد بدعوة ابوك عارف وش عقابها ابو اسامه دخل ناظر عبدالرحمن وهو حاملها في يده ..ناظره بقهر صدق همج ...ناظر رائد بعتب ..هذولا هم الي دايم تفضلهم على أهلك. . عبدالرحمن بسرعة نزلها ..وهو متفشل. .. وقرب من سآمي عمار تفشل حده ..قال : يالله ي رائد ان شاءالله هالمره نزورك في البيت وماتشوف شر ي الغالي ... عبدالرحمن قرب منه وسلم .وقال بهمس: أبوك يحبنا مره رائد بسخريه : يموت فيكم .. سآمي قال ببرود: يالله ماتشوف شر رائد مسك يده وقال بهمس وهو يقربه منه :ماراح أنساها أبد وماتدري قد ايش فرحان بجيتك ي الغالي عارف إنك ماهو طايقني ..وسكت يوم شاف أبوه يناظره ...يخاف يسمعه ... سآمي هز رأسه من غير مايرد ..وطلعووا بعدها ... ،، ... |
رد: أعشق أنانيتك عندما تتمناني لك وحدك الكاتبة نوني الجنوب
فتحت عيونها ..وهي تناظر ..الغرفة...بغرابه ...هي وين آخر مره كان في السيارة وبعدها نزلت....قفلت عيونها ماتبي ..تتذكر...ايه جت شافت اخوها آه على منظره وبعدها تعبت ...لفت وجهاا شافت أسامه مريح على الكنبه ..قالت ببحه : الساعة كم وهي تناظر الشباك ..بس مافي أي اجابه..رجعت قفلت عيونها وهي تتمنى ترجع تنام وتنسى الواقع ....المر الي عايشته ... بس تمتمت وهي تحمد الله وتستغفره ...أستغفر الله .. بس عيا يجيها نوم ..ودها تروح الحمام الله يكرم القارئ. .. بس خايفه من الدوخه لأنها ي دوب رفعت رأسها حست بدوار ..بس حاولت ..رفعت نفسها ..جلست بصعوبه ..وش فيها ليه كذا حالها أول مره تحس بهالاعراض .. نزلت نظرها لبطنها وهي تتأكد ..بس شافت بروزه حطت يدها عليه وقالت بهمس :حاب الدنيا يمه ...... : أشلونك الحين فزت بخوف ...من صوته المرعب ..يالله أسامه وهو يدلك رقبته بتعب وجعته هالكنبه قال بثقل في صوته: ان شاءالله أحسن ريوف مدري ليه هزيت رأسي بلا أسامه وقف وجلس على السرير مقابلها وسأل بأهتمام :وش تحسي فيه بالضبط . ريوف ناظرته بخوف وتوتر أول مره تشوف القلق في عيونه نزلت نظرها ..: امم بس إذا جيت بقوم احس الدنيا تلف فيني اسامه عقد حواجبه وهو يناظر ملامحها التعبانه : شيء طبيعي الدكتوره .. نقول ماتتغذي زين وصغر عيونه بحده متى آخر مره كلتي .. ريوف قلت بهمس:مدري أسامه وقف وقال بحده شوي : إذا حابه حياتك كلي ولا تفكري في أحد فكري في حالك بس ..وناظر بطنها الدكتورة قالت بتسوي إشاعة بتشوف وضع الجنين ..بس رفضت قلت ماله داعي ريوف هزيت رأسي موافقة .. بس انصدمت يوم كمل كلامه رفعت رأسي وانا مابيه يكمل يرحمني لو آلحين توني أقول أول مره اشوف القلق في صوته تكون الخاتمه كذآ ليتك رفضت وماقلت لي ليتك ي اسامه مازدت على جروحك جرح يذبح ...... .. ريوف قلت بغصه :أكيد بترفض ماله مكان عندك مثل أمه الله ياوجع قلبي عليه مرفوض وهو لسى ماشاف هالدنيا .... أسامه وقف وقال بقساوة:مدام هذا ردك تراك بخير جهزي حالك وانا بشوف حساب المستشفى المتبقي وارجع ...... ريوف قلت وانا ودي اجرحه مثل ماجرحني توو وعارفه جرحي ولا شيء قدام جرحه بس كذا وكاد قلبي يبرد شوي .. :امم قلت لي حساب يعني مستشفى خاص عشان كذا ماتبي تدفع حرام تخسرفي إشاعة تطمن فيها على ولدك .... أسامه إبتسم على جنب بسخريه : لو أفكر في الفلوس ماجبتك هنا ..على ان مستواك مستوصف الحي ويخب عليك بعد بس وش نسوي دايم تفعل خير وتمد يدك تنعض في هالزمن ..ونزل نفسه شوي وبهمس مافكرت في الفلوس بس شيء منك مابي ..حتى أعرف ايش وضعه ..شاف دموعها عالقة في عيونها ..نزل نظره لبطنها مايدري ليه حس بشيء وجعه يوم قال كذآ ...تراجع عن كلمته وهو يقول بمكابره: بتسوي إشاعة موافق والحين بعد ...بستدعي الدكتورة .. ريوف هزت رأسها برفض :بروح البيت .... أسامه أعطاها ظهره من غير مايرد عليها. .... ريوف ناظرته وهو معطيني ظهره قاسي قاسي حيل ي أسامه حتى ماتبي تتطمن على ضناك يآرب ...وش ذا القلب الي عنده وقفت وحاولت أسند على الجدار ...دخلت الحمام وغسلت وجهي ..وانا مدري الساعة كم ...مدري كم فرض راح عليه ..بسأله حنا متى واصلي ..ايه آخر صلاة صليتها صلاة العصر قبل ماازور أخوي .....توضيت وطلعت ادور جوالي بشوف الساعة كم وبعرف ...كم فرض فاتني ....دورت في الشنطه ماحصلته ...يالله وينه ذا بعد ...رفعت رأسي للدريشه مره ثانيه أبي اتأكد بس الجو مايساعد فجأة نزل مطر ومادري اي وقت من الغيوم والمطر ... جلست انتظره شوي وشفته داخل عليه يمشي بخطوات .. كلها غرور وثقه من حاله. ..اما النظرات الي يوجهها لي أحس فيها اني حشرة قدامه ..... قال بصوته المرعب: يالله ..وراي روحه لرائد امس ماشفته انشغلت معك .. ريوف حسيت الضيق في كلامه قلت بغصه : أسفه عطلتك عن أخوك أسامه ناظرها وقال بدقه: هو بس اخوي الي عطلتني عنه ماهو حياتي كلها تعطلت ....بسبتك ..وكمل وهو يناظر الدريشه مطر غزير ....مدري كيف تقدري تطلعي ...وهو يناظر العبايه .. ريوف بلعت الغصه وانا اللوم حالي ..استاهل الرجآل ماهو طايقك أبد تحكي معه ليه ..شفته انحنى وأخذ الشنطه ومسك يدي ...وطلعنا ..وانا مستغربه هالحنان الي نزل فجأة..بس هزيت رأسي لا .توبه عاد استغرب شيء ..منه لأنه أكيد بعدها يذبحني بكم كلمه يخليني اعتصر مكاني من قوتها ......عضيت شفتي يوم همس أسامه بهمس : اخاف تتطيحي واتفشل كان ودي اقوله ي شيخ ماله داعي تبرر أول ماطلعنا ..برا المستشفى صراحه الجو مايساعد أبد احس البرد دخل عظامي ..وبعد المطر ...رفعت رأسي لسماء وانا احسها تشاركني دموعي الي نزلت ...غصب عني .. ركبت السيارة بمساعده أسامه الي تبلل أكثر مني... سندت رأسي على الدريشه ...وانا أدعي الله يشفي أخوي ..ويصدقني أملي فيه ...لو ماصدق صدق بدمر وقتها ... أسامه أول ماوقف السيارة ...نزل وفتح لها الباب وهو يساعدها ريوف سحبت يدي وقلت بعزة: مافي حد تتفشل منه هنا والشقه أرضي ..بقدر أمشي لحالي. .. أسامه عض شفته بقهر وهمس وهو صاك على سنونه :ماهو قلت انك قليلة إحسان .. أول مادخلو الشقه ...على طول أخذ شور...وطلع شافها .. تصلي انتظرها تكمل قال بجمود : لاتشربي أدويتك على بطن فاضي اصبري لما أجيب لك أكل .....طلع أخذ لها أكل...ورجع حصلها نايمه دور جوالها ماحصله قريب منها ...رفع الخداديات الي على الكنبه الثانيه حصله مرمي تحتها دايم يشوفه مرمي وماتهتم فيه .....أخذه وتأكد من شحنه ..و.قرب الأكل منها وبعد..حط الجوال على الطاولة .. عشان تنتبه له لو دق يطمن .. ...وبعد يذكرها بمواعيد الدواء ... ..... ،، ،، ،، ،، بيت ابووليد * * نزلت من غرفتها ...وهي تحس بضيق ..بس لازم تشوف خالتها شافت وليد طالع من غرفته ...رفعت حاجب بقهر من النظره الي ناظرها بس ابتسمت بغيض وهي تتحرش فيه : السلام لله ي مسلم .. وليد طنشها ..ونزل بخطوت سريعه على الدرج .. ريتآج هزت رأسها وهي تضحك الله المستعان الزعل له الحين...نزلت بعده وهي تشوف عمها مسنتر على التلفزيون وحسام عنده بعد جالس ..يهايط عليه .. ..كان ودها تدخل عند خالتها بس يوم شافت وليد دخل غيرت طريقها للمطبخ شافت شوق فيه : كيفك ي حلوه وكيف خاله شوق :والله ي ريتاج مبسوطه حدي امي اليوم صحت وفطرت والحين جالسه أحضر لها الغداء .. ريتاج فرحت من قلبي وقلت بهدوء وانا اسحب منها الصحن : الحمدلله على السلامه روحي بغداها وانا بكمل عنك ..توزيع السلطه ... شوق : اوك وبسرعة حضرت لامها غداها وطلعت .. ..ناظرت ميري وقلت لها : انتي خذي هذي وزعيها على السفرة على بال ما اغرف الرز ...وسوكيا بسرعة خذي العصير معاها .. ولفيت وجهي مطنشه .. يوم شفت حسام دخل ... حسام ناظرها أبد معاد تعطيه وجهه صغر عيونه بقهر : أقول انا زعلان منك ولا انتي زعلانه مني ريتاج قفلت عيونها بصبر بدأ استهباله:والله مو فاهمه شيء وياليت تطلع مو فايقه لك أبد ... حسام بقهر : الحين عرفت الي زعلان طلعت انا زعلان ومأخذ في خاطري بعد .. أجل ي ريتاج آخر عمري تتطرديني وانا في بيت أبوي وبنبرة حزن ليه ليه ي ريتاج متغيرة علي وانا مخليك الأم الثانيه لي في هالبيت الي الكل في يكرهني ...حتى ميري وسوكيا دايم يطردوني يقولون وهو يقلد صوتهم يالله اطلع مطبخ .....ياربي وش سويت عشان ذا كله ... ريتآج بسخريه : تمثيلك فاشل ووبعد آخر عمري من فين سمعت هالكلمه وجيت تتطبقها عندي حسام بنذاله : سمعت ابوي يقول لوليد آخر عمري اشوف عيالي ينقادون وراء حريمهم ... خلفت خرفان ...اخخ ي هي قويه الكاتبن خروف ..... ريتاج رفعت حاجب :اقول ي الفتان ي نقال الحكي اقلب وجهك حسام بقهر سحب صحن سلطه من الي باقي موجوده وأكل بيده وقال :ليه ماهو طول عمرك تسمعي حكيي وش صار وتغير اليوم وبقهر شاف سوكيا وهي داخله قام يقلدها يالله اطلع من مطبخ يالله بلع لقمه ثانيه يوم شافها جحدته بنظره قال بقهر وانا ولد أبوي مستقويه اصبري بكره اخوي وليد عنده رحله إندونيسيا والله ماغير اشحطك في الطيارة معه واخليه يوصلك سوكيا بقهر: انا مو إندونيسيا فلبين حسام رجع أكل سلطه وقال : يقال بعيده الحين عادي وش فيها يعني يوصلك على طريقة... ريتآج قاطعته بقرف: حسام الله يقرفك في شيء اسمه ذوق في الأكل حسام والأكل في فمه : لا لا كان زمان تقولي بالعافيه والحين جالسه تهاوشي فيني من وقت مادخلت المطبخ ... صدق النفسيه رجلك غيرك عليه ادري فيه يغار مني من يومه بلع اللقمه وطلع صوت عشان يستفزها ...وصرخ ياربي معي سادس أجل لو دخلت المتوسط وأخذت الثانوي ودخلت الجامعه وبعد اصير مثله طيار وش يسوي بس والله ياني متحلف فيه كذا بطير جنب طيارته واضرب فيه واطيح طيارته وافحط من عنده واقوله دبر عمرك .. وافشله من ركابه واخلي تاريخه أسود ومحد يرضى عاد يركب والسواق وليد ... ريتاج مطنشه كل هذرته بس كلامه الأخير ماقدرت امسك نفسي ضحكت غصب عني : هههههههه ي مجنون معاد به فشله ذاك الوقت يكون خلاص مات ...والي معاه بعد الله يرحمهم حسام نط فرح يوم ضحكت أخيراً اعطته وجهه : اخخ ماعليك خليه يموت وعد مني اتزوجك وسكت وهو يشوف وليد واقف ويناظره بعصبيه حسام همس: وكاد سوكيا حرشته علي .... وليد طلع من عند امه يوم تطمن وهو يشوفها تأكل سمع صوت حسام في المطبخ وضحك ريتاج دخل على آخر كلامه قالها ..قرب منه بعصبيه وقال :وش قلت حسام ناظر المكان مايمديه يشرد ولو جلس كذا أكيد بيتصفق اليوم ...بسرعة نزل حاله ودخل تحت الطاولة وي دوب وليد نزل يبي يمسكه بسرعه شرد من الجههه الثانية ....وهو يصيح باسم ابوه عشان ينقذه ..يبه الحقني وليد وقف وهو مصدوم كيف قدر يفلت من يده : حشا ماهو ادمي فار ...وناظر ريتآج بعصبيه: بدل ماهو جالسه تهذري معاه في قلة سنع كان طليتي على امي ريتاج ببرود: لا تخلي منقود علي الحين بس قلت ابيك تأخذ راحتك معاها وبعد ..اشوفها وليد بقهر :لا ي شيخه بصدق الحين قولي ماتبي تدخلي وانا موجود ريتاج رفعت كتوفها ببرود يقتل: كيفك صدق الي يتصوره عقلك وليد بعصبيه : أقسم بالله ي ريتآج لو عاد اسمعك تحكي معه أخذ عمرك فاهمه ريتآج : قد قلت مية مره يوم اشوفه كبر بتغطى منه وبعدين كبر عقلك حسام بزر وأنت حاط دوبك من دوبه ... وليد بقهر ضرب الطاوله بيده : مجنونه تسمعي حكيه كيف ولسى تقول بزر .. ريتاج مصدومه من عصبيته الي مالها داعي في نظرها قالت بقهر: وليد شايف المكان مناسب عشان تطلع حرتك وليد بقهر قرب منها ورفع يده لرأسها : هذا بكسره اوك لو شفتك عاد معطيه حسام وجهههه ....ودف رأسها بطريقه وقحه..ريتآج حست بقهر ..طيب اليوم تروح بيت أهلها وترتاح خالتها وخلاص قامت بخير وش مجلسها أجل وأهلها بتدور لهم عذر وبعد زعل أبوها من عمها في مصلحتها .....طلعت بباقي الأكل وهي مقهورة ومعصبه حدها. ..ناظرت عمها وليد وحسام جالسين في الصالة الثانيه قربت منهم : يالله حياكم الأكل جاهز ..ودخلت المطبخ ...مالها نفس تأكل معاهم جلست على الطاولة ..وهي تناظر ميري وسوكيا يأكلون ..فكرت تروح غرفتها عشان يأخذون راحتهم .شافت وليد واقف في وجهها..عند باب المطبخ وقال بحده : الحين بالله حركه حلوه منك تخلينا نأكل وماتجي تجلسي معنا على الأقل ي شيخه جاملي عشان ابوي ريتاج بزعل منه : مالي نفس .... وناظرت الخدم تذكره بوجودهم .. وليد اشر لهم يطلعون...بعد مافضي المطبخ قال وهو زعلان : يعني لازم اللكل يدري انا زعلانين من بعض ريتاج انا كبرت عقلي حيل عليك يكفي كلامك السم الي متهمتنا فيه وقلت ماعليه طشن وقت فزعه وخوف على اختها وماتدري وش تقول .. ريتآج اوف طفشت من كثرة كلامه وعارفة بيجلس لها لما تقوم :كثر الله خيرك وأنت كبرت عقلك ..وامش نتغدا... وليد جحدها بنظره سكتت بعدها وهي تمشي وراه ... جلست وهي تناظر حسام اللي يسوي لها حركات مجنونه بوجهه..طنشت ماهي ناقصه مشكله مع النفسيه ذا بجنبها ... يالله مالها نفس تأكل .. حتى الأكل في هالبيت بالغصب حسام انقهر ماعطته وجهه ابد ناظر وليد وحالف اليوم يقهره و يعاند مثل ماهو كل وقت يهاوشه ويفشله قدام ريتاج وبعدين أبوه موجود مارح يسوي شيء ....حده نظره من نظراته هذي المرعبه ..بس مايقدر يفتح فمه عليه ...ولا يمد يده رفع صحنه وناظر ريتاج وقال : اغرفي لي ي ريتاج ريتاج بأبتسامه عارفه حركاته .. : ابشر وليد بقهر : ليه مكسر الأخ حسام بنذاله:بسم الله علي لا تتفاول بس ابيها تعرف قدري في الأكل من اليوم ..عشان تتعود يوم وسكت مقدر يكمل خاف ماهو قد وليد أبد آلحين ابوه جالس بس مصيره يستفرد فيه وليد بعصبيه : يوم ايش حسام بخوف وهو يناظر أبوه يبيه يفكه بس ابوه بعد معصب ويأكل ساكت قال وهو يبي يصرفه عشان ينفك منه قال بغباء: يوم أكبر .... وليد بعصبيه: وش دخلها فيك يوم تكبر ... حسام اممم الورطه الحين ووش قلت عشان يعصب كذا أجل لو قلت يوم اتزوجها يوم تموت ...قال وهو يرجف : طيب يوم اممم جالس يفكر وليد عصب من جد: بعد تفكر ماتدري وش تقول حسام وقف بقهر : افف حتى ماتخلي الواحد. يفكر اروح الحاره العب احسن من مقابلة وجهك .....انت وسوكيا وليد فتح فمه بصدمه: وش دخل سوكيا آلحين حسام : مافي غيركم يكرهني في هالبيت وناظر ريتآج التحدي باقي انا قده اوك اي وقت تكوني فاضيه تشوفيني قدامك في الصاله ... ريتاج ريتآج . والله صدق ينخاف منه هالحسام بس ناظرته بسخريه وهو يرجف ومو عارف يصرف عمره يستاهل خليه يأدبه ... لا لا لا هذا صدق مسخها اي تحدي الحين ...صدق خبيث ماعمري شفت مثله بزر ... بس فزيت على صرخة عمي : : والنهايه معك أنت وهوو وبقهر ناظر حسام انثبر كمل غداك انت بعد والشارع في هالحر أحلم تشوفه.... وليد بقهر وهو يناظر حسام ...: معليش يبه بس ينرفز الوحد يبي له تربيه والله ابو وليد قال بحده : خلك من هالبزر متى ناوي ترجع مرتك الثانيه وليد بضيق : طالبه الطلاق هالمرة بس والله لو تموت ماتحصله .. حسام بهمس احسن والله ... ريتاج حذرته بعيوني ابيه يسكت عشان مايقوم له ... ابو وليد بحده وهو يناظر حسام يحسه زودها ..: طلقها لو ماتبي ترجع وفكنا من هالعايله الي ماتجي منها غير الغثى أعوذ بالله منهم وليد بضيق نزل رأسه من غير مايرد .. حسام بلقافه : اي والله انك صادق يبه دايم لطوف تمر من عندي حتى ماتسلم ماهو مثل بنت عمي ريتآج ماشاءالله عليها أخلاق ودايم تحب تجلس معي وتسمع سواليفي الي تونس الصدر على قول امي ... وليد بقهر من ابوه ليه مدلع حسام كذا ومايهاوشه إذا غلط قال وهو ناوي عليه اليوم وحالف لا يمردغه ..: كلمه زيادة حست عليك هالطاوله ... ابو وليد مد يده وأخذ كوب المويا وناظرهم وقال بحده: أقول خلك من المهايط على هالبرز وحط حيلك على حريمك الي ماهو فالح مع حد منهن ...وهالحال ماهو عاجبني أبد ..وبعد ماهو فاضين للطوف كل مره وحنا في مجلس أبوها عشان خشتها من آلحين أقولك لا تسحبني وراك عشان تطيب خاطرها..وعساها تخلعك عشان تعرف كيف وقتها ... وليد بضيق :يبه الحين مين قالك روح لمجلس ابوها ا ابو وليد قاطعه بحده: ليه هذي ماهي عوايدك وبعصبيه وهو يناظر ريتاج ويرجع يناظر وليد ..متى ناوين تجيبو بندر..ان شاء الله شوي وتكمل السنه وانا لا شفت بندر ولا شيء .... ريتآج الي صابرة و متحمله ودها تقوم من هالسفرة الي ندمت جلست عليها ..بس اخر كلمه قالها عمها خلتها تغص باللقمه الي غصبت نفسها عليها من وقت م فتح سيرة لطيفه وهي عارفة بتجيها كم كلمه .... وناظرت وليد اللي فاك الخشه وبسرعة تغير مزاجه من العصبيه للأبتسامه الي مالها داعي ومبسوط من حكي أبوه ..وقهرها يوم ضرب رجلها من تحت الطاول وقال بهمس : ايوه كذا .. صغرت عينها بقهر ..منه ومن حركته افف.. رجعت ضربت رجله بقوة ...عشان يعرف انها مقهورة ويقول كلمه لعمي عشان يهجد عنهم .. وليد ناظرها وهو يتألم اخخ ضربتها قويه كان وبحقد ضربته ..عكس ضربته لها ...بس ابتسم وقال بنذاله : والله ودي في حفيد لك يبه بس مابليد حيله بنت أخوك تقول ماتبي تحمل آلحين كل مرة تأجل مدري ليه .. ريتاج فتحت عينها بصدمه صدق قليل ذوق ...آه كل مره تنصدم في أخلاق هالوليد ...آلحين لها ساعه تترجاه بعيونها ينهي هالمهزله يقوم يزيدها .... ابو وليد بقهر : والله ماحصلت الرجآل الي كلمته كلمه حصلت خيخه .... وليد بقهر اخخ رجعت علي بس عادي اتحمل وهو يناظر كيف تبتسم بنتصار ..بس هين الحين ابعد هالابتسامه قال بنذاله أكثر من أول :وش اسوي يبه ..اخاف اغصبها على شيء هي ماتبيه تقوم تزعل مني اعرف معزتك لها حسام :اي والله تزعلها احوسك ... وليد جحده بنظرة وهو يتحلف فيه ... ابو وليد ناظرها بعتب : صادق في اللي يقوله ي ريتاج ... ريتاج وقفت بقهر :ربك كريم وقت مايكتب بيصير طلعت الغرفة وهي مقهورة من وليد ومن تدخل عمها اللي كل مره يزيد عن الي قبله ...هذي أشياء خصوصيه مفروض ما يتدخل فيها أعوذ بالله مقد شفت مثله ومثل تسلطه . . في الصالة وليد بوناسه : فديتك يبه كثر من هالحكي الله يطول في عمرك ابو وليد بحده : وش تقول أنت وليد وقف وسلم فوق رأسه بفرحه : سلامتك يالغالي ولحقها لفوق اتجهه لغرفتها ودخل وقال بضحكه يوم ناظرته بقهر وحقد .:هونك هونك جاي اقولك ماعليك في ابوي هو دايم كذآ وبندر ماهو مستعجل عليه ماجا هالسنه يجي السنه الي جايه ان شاءالله وش ورانا ريتاج ودها تقوم تذبحه :السنه الجايه ايه كثر من هالاحلام وليد بستفزاز : ان شاءالله تحملي قبل ماتكمل هالسنه ولا يهمك .. ريتاج عرفت انه جالس يستفزها قالت بقهر : ماهو من اليوم زعلان ومطنقر وش الي تغير وليد تذكر سبب زعله قال بقهر : ريتاج لاتذكريني ماهو في صالحك .. ريتآج طنشته ...وسحبت جوالها ..عشان يفهم مالها مزاج تشوفه الحين ..ويفهم ويطلع من حاله لانها عارفته ثقيل دم لو تطرده من اليوم لبكرة مارح يطلع وليد سحب الجوال من يدها .وقال.:ممكن تخليك من هذا وتفضي لضيف الي عندك ريتآج ناظرته بقهر :ضيف وليد هز رأسه :ايه عازم حالي اليوم عندك عندك ريتآج بضيق : حياك البيت بيتك وليد قال بهمس:ابوي هالمرة صامل ي ريتآج ورفع كتوفه بعجز..مدري وش الدبره .. ريتاج بقهر :تذكر الي بينا وليد وش اتفقنا عليه آخر مره وليد بضيق: والله متذكرة ولسى عند كلمتي ..أول مايتم زواج عصام وشوق أعطيك حريتك .. بس ابوي وش يفهمه ي ريتاج ريتآج وهي تغير لسالفة ماتبي تزيد وتعيد في شيء خلاص ملت منه :كيف لطيفه آليوم الله يكون بعونها ..مصيبتهم كبيرة وليد ناظر الارض وبضيق: ماعطتتي فرصه اكلمها...ورفع رأسه وناظرها .. طالبة الطلاق وهالمره راكبه رأسها الف سيف هالمره كلكم نفس بعض مدري العيب فيني ولا فيكم ريتآج بسخريه :حاشاك ماهو فيك العيب أكيد فينا وليد رفع حاجب وقال بقهر : اكيد منكم إلا انا وش فيني رجآل وفيني افتح بيتين بس وش نقول ناقصات عقل ودين ريتاج بخوف :المهم لطيفه مجنونه وكاد تستفزك وتطلقها وليد بصدق : لا مستحيل أطلقها هذي وسكت مايبي يكمل يخاف تزعل وماهو في صالحه لو تتضايق آلحين ريتاج ميلت فمها مبتسمه بسخريه :ايش فيك القطه أكلت لسانك فجأة ..وليد وليد وقف وهو يتهرب : المهم انا رايح ازور رائد.. وأعطاها ظهره يالله يمدي مافي وقت على الزيارة ... ريتاج بشموخ وعزة نفس :لا تتفكتر اموت لو كملت عارفة وش هي بالنسبه لك ..وبعد لا تسوي تخاف على مشاعري اذكر كان زمان ترمي كم كلمه ي كبرها ولا يهمك وقفت وقابلته وبصدق تراه مايهمني أبد وش تكون لك ولا قد آيش تحبها يشهد الله عليه مابي خراب بينكم ودي الحين ترجع لك .وأنا اطلع من حياتكم وليد رجع ناظرها وقال بقهر منها حتى بعد ماعرفت كل شيء لسى ماله مكانه عندها : مين قالك افكر في مشاعرك عشان اخاف عليها وعادي ماكنت بقول شيء ولا تشوفي حالك لو فيه طلاق بيكون لك ماهو لها ....وقال بحقارة وهو يذكرها مثل ماكان صار معك لو تزوجتي بندر كان آلحين غلا الي لها مكانه عنده ولو فيه طلاق بعد بيكون لك ...يعني خسرانه ريتاج في كل الحالتين .. ريتآج ابتسمت بسخريه على كلامه : امم بندر الله يرحمه وغلا الحين متزوجه وبعد مخلفه ...ماشاءالله وكلامك كله والله ماله داعي ولا يأثر فيني أبد وسكتت هي تسمع جوالها يرن شافت رقم أختها ..ردت وهي مطشنه وجوده .. ريتاج الحقي علي ابوي يبي يوديني عند رائد ريتاج قلت وانا اتظاهر قدامه ان كلامه مأثر فيني : وش فيها حبيتي روحي وشوفيه وتحمدي له بالسلامة اسيل بخوف وتوتر: اممم روحتي له صعبه احس خجلانه حيل ريتاج بحده: بلاغباء وش صعبه فيه ذا زوجك خلاص آسيل شوي وتصيح : عارفه بس ريتآج بقلة صبر : بس ايش أسيل : خجلانه ليه مو فاهمه عليه ريتآج ابتسمت وهي تطمنها :البداية كذا تحسي بس من أول كلمه بينكم خلاص تحسي هالخجل كله راح والله يجعل قلوبكم على بعض .. ويالله قفلي روحي تجهزي الله يسعدك .. وقفلت وهي تشوفه مسند ظهره على الباب ويناظرها بسخريه ... وليد ابتسم على جنب بسخريه :الحين يقال تعطيها نصايح انصحي حالك أول ريتآج بدقه له : معاك حق بس اممم ماذكر ان رائد رفض وجودها في حياته بس انت اتذكر انك رفضت وجودي في حياتك ليه أتعب حالي وليد طلع وهو يقفل الباب بقوه ...... ريتآج ضرخت بقهر :كفوو من يومك ودخلت تأخذ شور ..بتروح بيت أهلها ...أفضل من الضغط الي عايشته. هنا ....تحس بقلبها مجروح يوم ذكرها ..ان حتى مالها مكانه عند بندر لو ربي تمم بينهم ....حسبي الله عليك مثل ماتحرق قلبي ....كل مره تصدمني بشيء ....والله تحس بكره لهم كلهم .... ،، ،، ،، وقفت بتعب مسخته وحالتي حالة ..دخلت المطبخ سويت لي كوب حليب بزنجبيل .ابيه يخفف لي الم حلقي طلعت دورت بعيوني لابوي ماله أثر. ..رجعت الغرفة و. سحبت جوالي .. بطمن عليه ..بس كان فيه رسالة فتحتها كانت من سآمي ((انا موافق تعيشي مع بنتك بس بشروطي تبي تعرفيها دقي عليه )) خفت لايكون دقه فيني مثل آخر مره وبعد تهديده ومشكلته قبل يومين مع أبوي...حسيت بتردد أدق أولا ...بس قلبي حكم هالمره وبسرعة دقيت رقمه ...بس مارد ... رميت الجوال بقهر ..ماهو قلت إنه وقح وحقير ..بس يبي يذلني ..جميع الشتايم والسب ...حذفتها عليه بس سكت يوم جوالي رن وكان اسمه ((الصايع))فكيت الخط وانا أحاول أمسك اعصابي ... : افتكرت تكسري جوالي من كثر من تدقي ..على العرض اللي اعطتك هوو رديت بطولة بال : موافقه على كل شروطك سآمي ضحك بوقاحه:اخس غلاي صايرة مطيعه مره ...بس ماظنتي بعد ماتسمعي شروطي توافقي ...والعقل المستعار الحين يطلع على حقيقته غلا قفلت عيوني بصبر ماهو قلت لكم حقير ويعرف يستفز : يالله سامي قلتها لك قبل مستعده أموت عشان بنتي .. سامي إبتسم على جنب : صراحه مدري أشلون مره مستعده عشان تتخلصي من حياة كان معي والحين مستعده تموتي عشان ترجعي يالله غلا قاطعته بحده: عشان بنتي بس ...وبسرعة اخلص علي أعطني شروطك سآمي شاف خويه دخل عنده المكتب قال بجديه :أكلمك بعدين آلحين مشغول وقفل بسرعة ... غلا رمت الجوال بعصبيه ...جالس يلعب عليها والله ..كذاب ماعنده ولا شرط ..وبيذلها زود ...كلها دقايق ورجع دق بس طنشت ماردت عليه..رجع دق مره ثانيه.قفلت في وجههه وهي معصبه معاد عندها القدرة على استفزازه لها ...بسرعة ارسلت له((لا تفتكر الي تسويه رجآله)) جاها الرد بسرعة ((اوك غلا انتي الخسرانه )) ..... |
رد: أعشق أنانيتك عندما تتمناني لك وحدك الكاتبة نوني الجنوب
وليد طلع معصب وده يذبحها ..كل مره تذكره انه صدها طيب هو عارف انه غلطان بس الحين مستعد يبدأ من جديد معاها ليه ماتعطيه فرصه .. وصل المستشفىعشان يزور رائد ..حصل أهله كلهم هناك سلم عليهم ..وقرب من لطيفه يوم شافها صاده .. وهمس لها : ممكن تطلعي معي بتكلم معك شوي لطيفه وهي معصبه من وقت ما دخل ..بش مافيها تبعد أهلها موجودين كلهم ....حست بكره أكثر يوم تذكرت الخاتم ..هي تمنته لها و كذب عليها وخذه لريتاج .. قالت بحده : مابيني وبينك كلام ويالله فارق من هنا لا افشلك الحين قدام أهلي ترا والله ماسكه حالي بالقوه ... وليد عصب ناظر أهلها وقال بقهر : ي الله ماتشوف شر ي رائد يالله لطيفه معي ...... لطيفه حست بقهر يوم شاقت جدتها وابوها يناظرونها : ان شاءالله طلعت وهي تشوف شهاب واسامه واقفين برا ودها تكلم أخوها يفكها من وليد بس ...صعب قدام شهاب مشت معه وهي معصبه وكاره وجوده بالمره أول ماركبت السيارة قالت بقهر : يالله هاا اشوف ايش عندك بسرعة خلصني والله مو طايقه أجلس دقيقه وحده معك .. وليد حرك السياره من غير مايرد عليها ... لطيفه سكتت بتشوف نهايته معه. ..أول ماصولوا البيت قالت بسخريه :كويس كنت هامه كيف أجيب اغراضي من بيتك وليد بحده: انزلي وانتي ساكته لطيفه نزلت ..وشافت اللكل متجمع على القهوة حلوو ..قالت بصرخه وهي ناويه تفشله ويطلقها قبل ماابوها يدري ويتدخل ..ويغصبها او يحاول انه ترجع له لا لو جته مطلقه والله لو ايش معاد حد يقدر يرجعها وايه لازم تقول شيء يستفز الكل...قربت من ابوه وهي رافعه راسها ناظرت ناحية ريتاج ورجعت ناظرت ابو وليد ..: شوف ي ابو وليد لا أنت تحبني ومع احترامي لك نفس الشعور متبادل ... والحين جاك الي تمنيته ابي ولدك يطلقني ويفكني منه لأني عفت العيشه معه وفي هالبيت كله اللكل انصدم من الكلام للي تقوله وليد بصرخه: لطيفه احترمي حالك لفت وناظرته وبكل برود: لو سمحت صوتك لا يعلى علي والحين انا موجهه الكلام لراس الكبير ..قالتها بسخريه ... ابو وليد بحده : كبير وغصب عنك. .. لطيفه ابتسمت ايه كذا ودها تنتقم منه خرب حياتها كلها قالت بتشفي: اوك كبير ماقلنا شيء حنا ...الله يهديك روق الي ابيه طلقني من ولدك بس وانا نخيتك إلا عارفه كلمتك عليه وناظرت وليد بتصغير ... ام وليد الي توها خفت واليوم يدوب طلعت من غرفتها . قالت وهي تهدي فيها: استهدي بالله يمه وخذي رجلك وتفاهمي مع بينك وبينه لاتزدينها علي لطيفه هزت رأسها وهي تناظرها ..يعلم الله انها تغليها لأنها ماعمرها زعلتها ولا سمعتها كلمه تغثها مثل ابو وليد قالت بصدق . : ي خاله انا ولدك خلاص مابينا تفاهم وقربت من ريتاج تتهني في حبيبتي ... ومدت يدها ورفعت يدها وقالت بغصه وهي تشوفه باقي في يدها ذا والله كان لي وفجاة صار لك لا تفرحي فيه كثير تراه كذوب ومن يومه لعاب ... مصيرك اخس من مصيري معه الحقي حالك ي الي ينقال أنك صديقتي والله آلحين يوم اقولك كذا ماهو كره ولا غيره عليه مثل قبل لا والله مابيك تدمري أكثر .... وليد من أول محترمها وبعد خايف على امه بس ذي ...زودتها ...قرب منها وهو ناوي يأدبها على الكلام الي تقوله .. بس ابوه وقف في طريقه وقال بعصبيه: ابعد عنها اقول وناظرها بقهر ي بنت الناس من وقت مادخلتي وانتي تهذري بحكي ماهو سنع و مافتحت فمي عليك بس تقربي وتملي رأس البنت على رجلها لا بوقف في وجهك وبعرف كيف ارد عليك ...ريتاج غصب عنك ومن فوق خشمك زوجة لوليد جايه بشرك خلاص ليه .. مدام تبي الطلاق كان انثبرتي بيت أبوك ورقتك تصلك ومن فوق خشمه بعد ماله داعي هالحفله تسويها وناظر وليد الي معصب ويبي يقرب منها ماسك بقوه وقال فيه وقال بحده .. أهدى ..خلنا نتفاهم باالعقل عشان امك بس .....لاتنسى تعبها لطيفه ناظرت وليد بسخريه :فكه اشوف خليه يحط يده والله ماغير يكسرونه له الرجآل وهو يعرفهم وخابرهم ..وانا ماجيت بخاطري ولدك غصبني على الجيه إلا انا ماودي فيها الي ودي فيه الطلاق وبس واقولها قدام أهلك عفتك ي وليد وعيشه معك والله لو اموت مكملت معك وبصرخه اعلي عفتك عفتك وخلي كذبك ينفعك ي ابووجهين .... وليد بعصبيه: تذكري انتي الي رفضتي العيشه معي ي لطيفه وماظلمتك في شيء. ... ريتآج صرخت بقهر وهي تقرب من وليد : لا لا وليد تكفى ماتقولها .. لطيفه قالت بشموخ وهي تناظر ريتاج كيف تترجاه : ابعدي ريتاج وخليه ينطقها ..واحمدالله وأشكره ابتليت فيك وانفكيت بأقل الخساير.. ابو وليد ناظروليد يحذره مايرد عليها وقال بحده : خلاص ي بنت الناس الحين روحي خذي اغراضك وبوصلك بنفسي انتظرك في السيارة ومسك يدها يالله بسرعة لطيفه راحت غرفتها وهي تسمع خالتها تصيح... ام وليد وهي تصيح : ليه يمه وصلت بينكم لكذا وليد قرب منها وهو خايف عليها : ماعليه يمه تهدا بس وانا اقدر ارجعها لا تأخذي هم وناظر لطيفه وهي ترقى الدرج ..حتى مافكرت في تعب امه ي دوب قامت من فراشها تقوم على هالمشاكل ... رجع ناظر ريتاج صرخ بعصييه : ليه تصيحي الحين انتي بعد ولا تبي تحسسي ..الكل ان ضميرك صاحي ..عشان خاطر صديقتك ام وليد بزعل: وليد وش تقول ريتاج بعصبيه قربت منه : خليه ي خاله هذا دايم مايعرف يحكي وليد بعصبيه: انقلعي من وجهي آلحين ريتآج شوق بقهر : وليد فكر في أمي شوف كيف حالتها بسبتك أنت وحريمك وحنا ي دوب فرحانين فيها ريتاج بقهر ناظرت شوق هي وش دخلها الحين عشان تجمع ... وليد ضم امه لصدره وقال بحزن عليها:لا تزعلي يمه وتكدري خاطرك ماعليك مالك الي يرضيك واي زوجين تحصل بينهم هالمشاكل وسلم فوق راسها وقال مالك إلا طيبة الخاطر بس تكفين لا تفكري وترجعي تتعبي علينا. ...وحريمي متبطرين على النعمه إلا هم فيها بدلهم ألف بس خاطرك لا يضيق ي الغاليه ... ريتآج بسرعة طلعت الغرفة وهي مقهورة ..ليتها راحت بيت أهلها ولا جلست تتقهوى مع خالتها وشوق..بس فرحت يوم شافت خالتها بخير جلست معاها شوي .. اخخ ليتها ماجلست معاهم ولا صار هالموقف قدامها ناظرت الخاتم في يدها غبيه يوم لبسته ..ضروري كان تلبسه في زواج أختها ماهو مرمي من زمان ... رفعت يدها وسحبت الخاتم ورمته بقوة وهي تصيح كل مره تنصدم بشيء فيه ..لمتى بتتحمل حسدت لطيفه وقوتها ليتها مثلها ..تقدر تتكلم كذا في وجهه عمها ..وتقول مابي ولدك ...وعيشه معه مستحيله ..سحبت جوالها تبي تدق على امها ترسل لها أبوها يجي لها ....بس ي دوب ترفع جوالها وصلتها رسالة فتحتها كانت من وليد (ياويلك تروحي بيت أهلك فاهمه ) ارسلت له بسرعة ( بروح الله لا يعوق بشر) في ثواني رد عليها (لو تخافي من عقاب ربي لا تروحي لأني بغضب عليك وعارفة وش عقابه ) ريتاج رمت الجوال بقهر ليه ليه كذا آلحين ....حسبي الله عليك . ،، ،، ،، لها ساعتين من وقت ماقفلت من عند ريتآج وهي محتاره تسمع كلامها أو لا ... هزت رأسها وهي ماهي متخيله تروح له...صعب تحس حالها خجلانه حيل...بتدور عذر عشان ماتدخل عنده .ويوم يطلع يجي هو لها البيت يكون أفضل. ....ايه والله صعبه ...غبيه لو وافقت على شوفته الملكه يمكن يكون أهون شوي .بس كذآ صعب . طلعت من غرفتها ونزلت الصاله جلست .جنب امها وناظرت ابوها بتوتر ...وهو يتقهوى .. قالت بهمس : يمه فزعتك تكفين طلعي عذر من تحت الأرض ام عصام بهمس وهي خايفه زوجها يسمع: ي بنت ابوك بيعصب عليه وبتصير هوشة مالها أول وتالي..... أسيل بعجز عضت شفتها ...وبرجي :طيب تعالي معي . ام عصام بهمس: بلى دلع كل مره تحطي عذر ملكه ورفضتي والحين رجلك تعبان وماتبي تشوفيه بعد ..وقالت بحزم يالله ي ابو عصام أسيل جاهزة. .. أسيل ناظرت امها وهي ودها تصيح ...ليه كذا قاسيه عليها اليوم مشت مع أبوها مجبره ركبت السياره وطول الطريق وابوها يتريق عليها ويضحك على خوفها أول ماوقف السيارة ..قالت بخجل : يبه والله مو قادرة ابو عصام بحنان : انزلي حبيبتي الرجآل ينتظرك ..وعدته اجيبك لا تفشليني .... أسيل. عضت شفتها ...ماتقدر تسوي شيء سمت بالله ونزلت ومشيت مع ابوي وانا اقدم خطوه وآخر خطوه يالله ي هي صعبه احسها ..شفت رجآل كبيرفي السن شوي واقف عند الباب ... رحب فينا بفرحه .. حسيت بخجل من ترحيبه : حيا الله عروستنا تفضلي تفضلي عريسك ينتظرك ناظر ابوها اقسم بالله اقلقنا كل شوي يقول بطلع .. ناظرت ابوي وانا متفشله شفت ابوي يأشر لي أدخل وقال : هذا عمك ابو رجلك هزيت رأسي له بدون صوت مافيني أحكي ابو عصام : يوم يطلعوو أهله كلميني أجي اسلم عليه طيب .. قلت بهمس ان شاءالله وحدي متوتره وخايفه بعد...وبذات ابوه الي ماسكت وترني زود يوم قال :وانا عمك عريسك منجن يبي يطلع ..وكاد الحين يشوفك ويركد شوي.والله جننا انا وأخوه ...وفتح الباب وهو يرحب : تفضلي تفضلي .ي العروس .يالله ي رائد وش رايك في بالمفاجأة ..تقدمت شوي وانا اشوف اللكل يناظرني بلعت ريقي وحسيت بقهر من ابوي ليه مادخل هو معي ...وخلاني كذا مثل البلهه ..وبعد قالي انه عنده خبر اشلون ابوه يقول له مفاجأة ..يعني حتى هو ماعنده علم بجيتي ...حطيت باقة الورد على الطاولة الي جنبي ...وانا متوتره حدي ام اسامه وقفت بسرعه وهي ترحب: هلا هلا والله حياك تفضلي اسيل وهي خجلانه ومنزله رأسها قالت بهمس: هلا فيك رائد ناظرها..حس بتوتر هو بعد ..عض شتفه بقهر أول ماتشوفه يكون كذاحالته ..ناظر ابوه وهو باقي مصدوم من هالمفاجأة ...وفي نفس الوقت حس بفرحه ..بجيتها ..أول مره يسمع صوتها بعد ..قال بهمس فدوه لها لصوت ...الله يقلعك ي لطيفه الغيرة وماتسوي ...على الجراءة الي فيه وفي شخصيته .. بس الحين يحس لسانه انربط ..مايدري وش فيه ..يحس بخجل غير طبيعي.والفرحة ماهي سايعته أمس سامي ..واليوم آسيل آه اي هنا انا فيه ... .. الجده قالت بهدوء يوم قربب منها اسيل تسلم عليها: حياك الله يمه صيته شافت البنت خجلانه وبعد رائد شكله خجلان قالت وهي تسحب يد اسيل يوم قربت تسلم عليها : هلا والله بالعروس تفضلي تفضلي وسحبتها لعند رائد هذا هو رجلك وناظرت رائد قول شيء ي حظي ماغير تناظر مفهي ..وهي مبسوطه ماسكت عليه شيء دايم يضحك عليه ويجنننها ...وقالت بتريقه وهي تناظر باقة الورد ابد ماهو لايق عليك هالورد... رائد حس بحقد على عمته صدق ملقوفه قال وهو يتنحنح: اطلعوا وانا اقول الي أبي صيته بصدمه وهي تضرب على صدرها : هوو يعني الحين يوم نطقت طردتنا ليه لايكون حنا ماسكين لسانك رائد إبتسم على جنب .....وهو منحرج ... قال بهمس : مو وقتك انتقامك عمه تكفين وهو يترجاها بعيونه ... صيته ضحكت بصوت عالي..... ابو أسامه شافهم منحرجين منهم قال : يالله ي جماعه اوديكم البيت وخلوو العرسان يجلسوو مع بعض... رائد ناظر ابوه وقال بأبتسامه : قرب خشمك فديتك ي ابو الذوق والله دايماً يظلمونك الي يحكون عنك ... ابو اسامه بضحكه :مين الي يحكي عني رائد ناظر عمته صيته : مين غير عمتي صيته ويالله برا .. أسيل رفعت رأسها بصدمه من كلمته ناظرت الكل برجى ماتبيهم يطلعون صيته : والله لو اني ماهو مقدرة وضعك كان جلست لك كذا غصه في بلعومك واشوف وش تسوي ودي انتقم منك هذي فرصتي بس وش اسوي عشان الحلوه هذي بطلع ... وقربت من الباقة وهي تأخذ ورده وبضحكه :بعطي أبو عيالي ... رائد عض شفته بقهر مايبي يماديها تسويها عمته هالمخبوله وتجلس بس انقهر يوم سحبت ورده قال :. والله حرام هالورده في رجلك أبد ماهي لايقه عليه صيته وهي ترفرر بالورده بستفزاز:بتليق عليه مدام لاقت عليك ي العربجي وهي تغمز له بيض وجيهنا تكفى لاتفشلنا مثل العادة... رائد عض شفته بقهر ..هين ي عمه ... تنهد براحه يوم الكل طلع ناظرها ...لسى واقفه من يوم جت قال بترحيب وهو يشوف باقي النقاب عليها :هلا والله في الي جايه تزور رجلها ... أسيل ناظرته بتوتر وخوف ...وبعد خجلانه .توها تشوفه زين من وقت مادخلت ... .بعيد بعيد عن تخيلاته حيل .....وعن الصوره الي أعطته .... رائد باتسامه : تعالي اجلسي ... عضت شفتها ماهي قادرة ترد عليه ... رائد قال بهدوء:عارف والله أنك خجلانه بس لاتخليها في خاطري تعالي اجلسي هنا ... أسيل قالت بهمس: هنا مرتاحه رائد هز رأسه وهو مقدر وضعها :اوك على راحتك شافها ساكته قال : طيب مافي الحمدلله على سلامتك اسيل بهمس وهي منزله رأسها : الحمدلله على السلامة رائد بأبتسامه : الله يسلمك طيب ارفعي النقاب عن وجهك خليني أشوفك ... أسيل رفعت رأسها بصدمه من طلبه :بابا تأخر صح رائد فكها ضحك :ههههههه بابا ياويله اليوم لو يجي ويأخذك قبل ماشوفك أسيل بلعت ريقها...بخوف من رده ..ومن ضحكته. .. رائد وهو متشوق يشوف وجهاا قال برجى وهو يناظر الساعه باقي نص ساعه بس وتنتهي الزيارة ورفع يده بقهر حسبي الله عليك ي سمير حرمتني من أحلى ليلة في حياتي :يالله أسيل آلحين تنتهي الزيارة وانا ماشفتك ...ترضيها بالله علي ... أسيل ناظرته وهي تحس شخصيته بعيده عنها كل البعد ...تحس في كلامه رجه زيادة ومدري كيف ..ماهي فاهمه وبعد خجلانه ...منه ومن طلبه بس مصيره يشوفها ..رفعت يدها وسحبت النقاب وهي ترجف ... رائد ناظرها صفر هو منبهر : ي بعد حيي هالوجه ..بس حس بألم في بطنه ....من تصفيره أكيد أسيل ابتسمت غصب عنها وهي تلفتت :اشش فضحتنا رائد عض شفته بألم :اففف ي الحساد ماخلونا من بعض في ليلة العمر ..بس يالله اهم شيء سلامتي صح ...اسوله .. أسيل هزت رأسها وهي ودها ابوها يجي بسرعة .. الله يخارجني من عند هالمجنون اليوم .. رائد ناظر وجهاا كيف أحمر قال يبي يحرجها زود : اقول اسوله وش رأيك اليوم تكوني المرافقه بدل أسامه أعوذ بالله من وقت مايجي يجلس ساكت ويناظرني مدري وش يحس فيه هالادمي على ثقالة دمه ..الله وكيلك مصعب الحياة عليه وعلى الي حوله .. أسيل قالت بسرعة وهي مصدومه من كلامه ومن طريقة حشه في أخوه .. :لا صعبه وش تقول أنت وان شاء الله كلها يومين وتطلع .. رائد : اخخخ ليه انتي كذا ظالمة حرمتيني من شوفتك يوم الملكه والحين بعد ترفضي عزيمتي شكلي بزعل هالمره ي أسيل وبعد دقيت عليك أمس مارديتي وانا وقت مافقت قلت على طول وين عروستي افتكرت أول وحدة اشوفها انتي ...وعقد حواجبه كله ذا تغلي علي ...ولا وش القصه أسيل يآربي هذا كذا على طول طيح الميانه وبعد مخليني ظالمة سكتت مافيها ترد عليه ولا تناظره وبعد يقول دق عليها أمس يعني الرقم الغريب رقمه ... جلست تدعي أبوها يجي بسرعة فرحت يوم دق جوالها ردت بسرعه وقالت له يجي رائد بزعل:مسرع رايحه ليه ماقلتي له بتجلسي شوي أسيل بلعت ريقها :بابا يقول اللحين تنتهي الزيارة رائد هز رأسه بدون مايتكلم ... كلها دقايق وجاا ابوها وسلم عليه وطلعوا من عنده ...آه حست براحه يوم طلعت ...مره مصدومه في شخصيته وفي شكله بعد.. توقعته رزين هذا شوي وينط من السرير صدق ابوه يوم يقول مجلسينه غصب .... ،، ،، ،، لها ساعة وهي تناظر في الغرفة.. ماهي مصدقه انه خلاص ..وليد معاد له وجود في حياتها ...مسحت دموعها وهي توعد حالها آخر دمعه تنزل عليه...ورفعت رأسها وقالت بكبرياء مجروح : عيشه معه ماعليها حسوفه ..ناظرت الجناح وقفت..وبسرعة أخذت اغراضها والي يخصها فيه .... وطلعت وفعلاً كان ابو زوجها ينتظرها .ابتسمت على جنب بسخريه جته على طبق من ذهب ..ركبت السيارة وهي تحاول تمحي اي ذكرة لها في هالبيت ..وكلها دقايق وصلت . .. نزلت ودخلت البيت ..جلست على أول كنبه ..وهي.. تحس بغصه على هالشهور الي ضيعتها معاه . آخر شيء توقعت انه طول عيشتها معاه وهو يكذب عليها كل مره تنصدم من شيء. .... شافت امها دخله لحالها ...... ام اسامه وهي تناظر اغراضها قدامها قالت بصدمه : وش ذا .قالت بجمود : خلاص انفكيت منه ام اسامه بصدمه صرخت: ايشششش لطيفه وققت وهي تنادي على الشغاله :بسرعة تعالي ودي هالاغراض غرفتي وناظرت امها اقولك وليد ماهو في حياتي هم وان شاء قريب اتخلص منه للأبد. .. ام أسامه بسرعه: يوم سمعت صوت أهل زوجها داخلين خلاص انكتمي الجين جدتك وعمتك جاين وراي ... ولي كلام ثاني معك لطيفه لفت وهي تناظر أهل ابوها قالت بحرقه :عادي خليهم يدرون اني مابي الخايس الي اخذته افتكرته رجآل صيته فتحت عينها بصدمه وقالت بصرخه : هوو وش تقولي ي بنت ام اسامه عرفت ان بنتها ماهي في وعييها قالت بحده:خلاص انكتمي يوم يجي ابوك لناكلام ثاني وناظرت صيته :معليك فيها تعرفي بنات اليوم بس رجلها يسوي لها شي تقول له طلقني شوية دلع بس .... لطيفه صرخت وهي منهارة:اقولك مابيه هالمره من جد يمه ليه رافضه تصدقي ام اسامه بقهر اعطتها كف : انكمتي قلت لك صيته قربت من لطيفه وهي معصبه على ام اسامه: وش فيك على البنت تضرييها تسذا يمكنه ارخمه الي خذته وانفكت منه آلحين الجده بعد عصبت : وشهوله عايفه الرجال مافيه منه علامك تسعي لخراب بيتك يمه لطيفه بعدت عن حضن عمتها وصرخت: كلكم مخدوعين فيه مثل ماانا انخدعت به حسبي الله عليه دمر حياتي عيشني في كذب كل مره يطلعني من كذبه ودخلني في كذبه جاب لي وسواس رجآل مثله مابي .. ام أسامه ماتدري وش تسوي كل مصيبه تنحذف عليهم حست ضغطعا مرتفع جلست على الكنبه وهي تسمع صياح وصراخ لطيفه مافيها عاد تتكلم فتحت جوالها ودقت على زوجها ويوم سمعت صوته قالت بتعب:تعال شوف بنتك بسرعه وقفلت الجدة بعصبيه: خلاص اسكتي ماغير ابوك الحين يجي ويطقك على هالحكي والصياح لطيفه وهي تصيح:خليه يذبحني بعد وارتاح ابو اسامه جاا مفزوع من صوتها : اللهم اجعله خير علامك كذا تصيحي لطيفه قربت من أبوها وضمته: يبه تكفى لا تحر قلبي زود وقف معي على الأقل أنت ام أسامه بعصبيه وقفت : يوقف معك على خراب بيتك ي الغبيه ليه من أول وافقتي عليه ..كم مره نصحتك وقلت لك ماهو قد الضره ي لطيفه قلتي وليد يحبني يموت فيني الحين اشوف الي يحبك عايفته وتبي الطلاق وبقساوه وش ابي فيك ترجعي لي مطلقه ابو أسامه بصدمه : وش تقولي ي مره ونزل رأسه وناظر بنته وهي على صدرة تبكي وقال بحده امك اللي تقوله صدق وبصرخه انطفقي .. لطيفه رفعت رأسها من على صدره وقالت :ايه وانا للي بطالب بالطلاق مابيه وبينا المحاكم لو رفض ولو تذبحني مارجعت له والله لا اخلعه ... ابو أسامه بعصييه دفها بقوه على الكنبه وقرب منها يبي يأدبها وبصرخه : صاحيه انتي .... لطيفه بسرعة يوم شافت أبوها عصب وامها بعد تزيد فيه بسرعة ركضت ورا الجدة وقالت : تكفين يمه في وجهك انا ابو اسامه بصرخه:انطقي وش الي صار ..بسرعة تكلمي ولا ذبحتك الجده بسرعة وقفت في وجهه : خلاص اهدى والبنت في وجهي الحين ي منصور ولو تموت ماتقدر تطول شعره منها ..ولا هذاك الوقت لا انا امك ولا اعرفك وتعرف كلمتي ابو اسامه بقهر :عرفتي كيف ي لطيفه هالمره تكسري ظهري بأمي وبصرخه ناظر زوجته والله الجلسه في البر افضل من هالبيت الي كله مشاكل ..ومصايب الله لايبارك فيك ولا في عيالك ... .. الجدة بحده :اسمع مني بس وخلك من هالحكي .. ولدك وتطمنا عليه الحمد لله ..الحين برجع ديرتي وبأخذ معي لطيفه يوم تهدى ترجع ويمكن تقولك رجعني يبه لزوجي بنفسها بعد لطيفه صرخت معترضه : والله لو اموت مارجعت له .... ابو أسامه بقهر : طيب ابي أعرف وش بينكم لطيفه : كذا يبه عفته كذوب ومالي في وجع الضراير .... ابو أسامه بحده: هالدلع كله مايمشي علي إذا هذا عذرك بس لو سوى لك حاجه ولا مد يده ابشري بعزك والله ماغير أخذ حقك منه بس غيرة حريم بينكم هذي هو يحلها معاكم انتي وضرتك لطيفه صرخت مابتي تسمع زيادة: يبه والله معاد ارجع خلاص افهم علي ... الجدة مسكت يدها وناظرت ولدها : وش من تو قايله البنت في وجهي ي منصور ... لطيفه على كرها للديرة بس الحين والله تمنت تطير لها ماتبي هنا ..كرهت كل شيء .... : : : اسامه أول ما دخل ..المستشفى شاف ابو عصام قدامه ومعه بنته ...وهم طالعين ...سلم عليه من بعيد ..و دخل الغرفة حق رائد وهو يرد السلام بضيق ..ليته تأخر شوي ...ولا قابلهم .. جلس وقال ببرود : كيفك الحين رائد : الحمدلله احسن بواجد ... أسامه ابتسم : الحمدلله رائد ناظر أسامه وقال بصدق: والله ي خوي عقلي صغير يوم تحديتك وأخذتها والله كان تحدي في البدايه بس بعدين مدري حس بعجز ماقدر يكمل مدري وش يقول الحين مرته ..ومستحيل تكون لغيرة لو على موته اسامه قاطعه بحده::خلاص رائد انسى هالشيء والله يسعدك معاها والحين خلاص هي زوجتك وحنا مابينا نصيب من البدايه ..واقطع هالسيرة أبد رائد بهمس:ان شاءالله وبتردد إلا بسألك وش صار على زوجتك يوم عرفت بأخوها وش سوى أسامه حس بضيق يوم سأل عنها : الله يكون بعونها ماهمها كان أخوها وماتبي له المضره ...ومثل ما أنت عارف ..حالته الحين بعد ... رائد قال بحقد : عساه من هالحال واردى حسبي الله عليه حرمني من ليلة عمري بسبب شيء مظلوم فيه ...ليت مادخلت بيت هالعايله ...الخايسه ... اسامه بضيق : تتعوض ان شاءالله ومصيره يأخذ جزاه مثل ماوعدتك رائد بقهر: ودي اعرف وش صاربعقله ينتقم كذآ وفي هاليوم بالضبط ماهو قدامه طول الشهور والأيام اللي فاتت يعني ماسوى فيها رجآل غير هاليوم ... أسامه قال وهو يغير السالفه :الدكتور طمني ويقول ان شاءالله كلها اسبوع ويكتب لك خروج رائد بقهر: أسبوع ليه طويل مره .... أسامه ابتسم على جنب: بالعكس مفروض أكثر تجلس الأسبوع قليل بطمن عليك رائد صغر عيونه بقهر: نذل أسامه ببرود :ممكن تسكت بنام من امس مانمت زين رائد بقهر بهمس يلوموني يوم أقول مابيه يرافقني ...قال بقهر:أسامه سؤال ممكن أسامه رفع حاجب: تفضل رائد : بالله وش ذي الشخصيه عليك ي خي ثقيل بزيادة والصدق ماصار ثقل غير انك كئيب أسامه قاطعه ببرود :بنام رائد سحب جواله .....وجلس يتسلى عليه .... ،، ،، ،، ،، ،، ،، ناظر جدته وهي معصبه قال بجمود: اي بيت فيه مشاكل ... الجدة بعصبية : عساه البلى ان شاءالله قهر البنت وهي توها ماكملت السنه معاه شهاب : ان شاءالله تزين الأمور بينهم لا تشيلي هم الجدة : حسبي الله عليه من رجآل وانت يالله قوم حرك موترك خلينا نسري الحين عمتك و لطيفه يجيون شهاب وقف وقال وحكي جدته مو جايز له : وين تأخذي البنت يمه خليها تجلس هنا وكاد رجلها يجي يتفاهم معاها في بيت ابوها الله يهديك بس وبعدين لاهي بتأحذ راحتها ولا انا بعد .. لابسة العباية ونزلت مع صيته وقفت عند بيت الشعر الي مسوينه في الحوش ...سمعت كلامه ناظرت صيته وقالت وهي مقهورة : ودي اعرف ذا وش به علي سلامات رايحه بيته وانا مدري قولي له يأخذ راحته على الآخر معاد برايحه ..رجعت وهي معصبة ... صيته بسرعه: لطيفه عضت شفتها وهي تناظر شهاب الي واقف عند الباب قالت وهي عتبانه عليه : يمه البنت سمعتك وضاقت من كلامك وش فيك عليها شهاب بجمود: ماقلت شيء غلط زعلانه الحق تجلس في بيت ابوها ..... صيته بقهر : اقولك البنت ماتبيه بتخلعه شهاب ببرود: أجل تخلعه و تقضي عدتها في بيت أبوها .. وأعطاهم ظهره وهو يقول : احتريكم في السيارة ،، ،، في شقة سامي جالس يسوي لها حركات استهبال قال بعجز وهو يناظر أخته : وش فيها ماتضحك جالس لي ساعة أحاول فيها وهي رافضه ماغير قالبه الخشه ... بدريه بسخريه: هييي ي العربجي وش تضحك البنت ماكملت الشهر الله يعطيك عقل بس ..وبخوف سامي بشويش عليها ولا اقولك أعطني هي حاسه انها بتطيح من يدك ....... ناظر بنته بحب وقال :والله طالعه لأمها الابتسامه كان اشوفها بالحسرة ..... وبهمس قرب وجها منه والله إني مشتاق لها حيل ام لسان . غبيه اليوم عصبت على الفاضي ..ورفضت ترد ..والله ماكان له نيه يتمنذل فيها بس فعلا خويه دخل يبيه يعطيه ملف وطلع بسرعة بس والله مافيه يخليها عند أبوها وهو كذآ . ناظر بدريه وقال بقلق : أقول ي الأخت وينه عنك الشايب ماله حس بدربه بقهر :آه ذبحني والله يقول ماراح يرجعني غير يوم ترد غلا تخيل يقول مافيه على المناقر وبغيض أكثر ي خي ردها وخلني ارجع لشايب حقي وأعيش حياتي سامي ناظرها بسخريه :تعيشي حياتك أقول ي الغبيه والله ان وراه بلى قال ايش مايبي مناقر غبيه يبي الجوو يفضى له وقف أمشي اوديك له ...قال كذا وهو ماوده يروح فيها بس يبيها عذر عشان يطمن على غلا وإذا كان اخته موجودة ....معاها ...في نفس البيت ..بيكون باله مرتاح شوي .. بدريه بقهر :لا حبيبي ماراح اروح له خليه هو يجي لي سامي بحده :أقول بلى هياط وقدامي بيت رجلك ولا عاجبك دور الداده اللي عايشته بدريه فتحت عينها بصدمه: داده الحين هذا جزاي آه صدق ما فيك جماله ي الصايع سامي قال وهو منهي الكلام : أمشي اوديك بس وبسرعة حمل بنته ودخلها غرفة امه وطلع وقال: انتظرك في السيارة بدريه بقهر وقفت: ..طيب سآمي على هالحركات كله تبيني اجيب لك اخبار ام لسان سامي بصرخه: أمشي ساكته ...وبهمس ام لسان دواها عندي على التقفيله في الوجهه زفرت بضيق ....افف وش يفهمه آلحين ذا ...بسرعة أخذت اغراضها ولبست العباية وحملت الشنطه وقربت من امها وسلمت عليها وسلمت على غرام بحب وبهمس: بتوحشيني ي النتفه ام سامي ناظرتها:ربي يرزقك يمه بدريه بهمس رجعت بوستها تحس بحب لها غير والله تقول قطعه منها : آللهم آمين وطلعت وهي متضايقه ماتدري ليه ماودها ترجع للبيت ...في قلبها غصه من تركه لها ودها تعرف وش واره صادق سآمي...عذرة ماهو مقبول هزت رأسها وهي تصرخ: يمه لا يكون الشايب اعرس علي والله ماغير اذبحه سامي مسك الطاره وهو مفزوع ناظرها بعصبيه: غبيه عساه يعرس عليك ان شاءالله والله ماغير انا الي ازفه .. بدريه بقهر: ايه طول عمرك جاحد ي الغبي انا اختك وشلون تزفه بعد سآمي بقهر: انكتمي بدريه عضت شفتها بقهر : ودي افهم مين الكبير فينا ومفروض يحترم الثاني سآمي ابتسم بمكر: أخيراً اعترفتي انك عجيز بدريه بعصبيه: عجز الله رجولك ان شاءالله ي السربوت .. سامي فتح عينه بقهر :الله يأخذك تدعي علي بدريه : تستاهل والله حشا ماهو اخو عدوو سامي إبتسم : افاا انا عدوو والله اني احبك ي الداده بدربه : فديتها تستاهل من تكون داده عشانها سامي إبتسم بوناسه: فديت هالرد الي يقوطر عسل ورفع صوت الشيله واسرع فيها وصرخ بعربجه ابشرك بعزك والله لا اوقف معك ضد المخرف اللي مأخذته والحين راح تشوفي بنفسك بدريه بصرخة خوف :مجنون بنموت ... بدريه بعصبيه: سامي هدا شويه دخلنا الحاره البزارين كلهم برا الحين ...وبخوف صرخت أكثر تحسب الي تسويه شطاره غبي والله ماغير تضيع عمرك وتضيع الي معك يركب فكر لو مرة وحده في بنتك سامي حرام عليك . وهي تصرخ بقوه ..جننها سامي قال وهو يضحك:خلاص اسكتي بهدي بهدي بس انصدم من الي يشوفه ...حوله وبسرعة ضرب فرامل مع صراخ بدريه .............................. ... ؛؛ ؛؛ ؛؛ كتتتتتتتتتتتتت &نـــونـي بنت الجنوب & استودعتكم الله الذي لا تضيع ودائعه سبحان الله وبحمده سبحان الله العظيم " الوتر أحبتي " الله يرحمك يامن اوجعني فراقك |
رد: أعشق أنانيتك عندما تتمناني لك وحدك الكاتبة نوني الجنوب
آللهم إني استغفرك وأتوب أليك سبحانك اللهم إني كنت من الظالمين آللهم صل وسلم على نبينا محمد صلو عليه الروايه لا تليهكم عن الصلاة والعبادة اللهم بلغت اللهم فاشهد & & & ا& البآرت الحادي والخمسون & ؛؛ ؛؛ ؛؛ ؛؛ ؛؛ السلام عليكم ورحمة الله وبركاته صباح الفل ي عسولات ... قبل كل شي مشكورين على الردود هنا ..وفي المنتدى المجاور ..يسعدكم حبايبي .... وآسفة حيل تأخرت عليكم بس. بتكلم بصراحه آيش الي منعني ...من نزوله بدري ...ماشفت تفاعل على البارت ..الي نزلته قبل .ماغير ردود بسيطه كلها صفحة وحدة ..وطبعاً نوني ماهي متعودة على كذا اخخ مأخذة مقلب في نفسي المهم .. ..كسلت ماكتبت على طول مثل كل مرة ....قلت شكلهم طفشوا ويبون راحه شوي من الروآيه .بريحهم شوي ...من أحداث روايتي النكد ....بس يوم شفت الردود في اليومين الي فاتت زادت ....قلت الإنتظار كان خيرة ...وبعدها بديت أكتب بحماس ..بتقولوا طماعه عشان الردود بقولكم معليش والله هذا طبعي مقدر أكتب بدونها وقد قلت للمرة المليون بدونها مقد أكمل بذات هالروايه الي صارت لي ضروف واجد فيها ...وأكتب فيها عشانكم بس ....ماهو مثل روآيتي الأولى كنت أكتب فيها بشوق وحماس ....وعشان اثبت لنفسي اني اقدر أكتب رواية طويلة ..و اشوفها في صفوف المكتملة ....... وبعد .. ...هالبارت وانا أكتبه تعبت نفسيتي منه ويالله قدرت أكتبه ..موجع حيل ...ان شاءالله مايأثر عليكم بعد ......... تمهل يا يبه ارجوك .. شوي /// شوي ) وكان آخر ..وصاياها .. وعلى غفله ...تهور ..مع سرعة ...بدون حساب .. منقول وقف السيارة وهو يشوف ...الشرطة...محاصرة المكان ..وبعد في تجمع ... ناظر بدريه الي صرخت مفزوعه : يمه وش صاير عساه خير ...سامي نزل بسرعة من السيارة .. وهو يركض.. قرب من التجمع ..شاف ابو غلا ممدد في.. الأرض ودمه مغطيه ..حس بصدمه وفزع من المنظر والناس تصيح ..حوله والكل يتكلم ..ويشرح الحادثة ..اللي صارت له ... قفز من فوق بسرعة وهو شارد ...من الشرطة. . والله شفته ..وصحت عليه مابيه يقفز ...بس كان خايف لا يصيدونه ومانتبه ....يالله مات ....حرام عليكم بسرعة اسعفوه ...يمكن في روح ...والله مابه روح ي رجآل شوفه وتأكد بنفسك .. ....فعلاً اي روح وهو ممدد بلى حركه وعينه شاخصه منظره مفزع كان .... رجع ناظر ناحية بيت غلا .وهو يمسك رأسه بيده وش بيكون حالها لو درت روحها متعلقه فيه ...لف راسه ....وناظرناحية سيارته الي فيها بدريه ..بس ركض بسرعة لبيت غلا ....وهو يبي يحاول بقدر المستطاع يأخذها ومايبيها تشوف او تدري الحين .. بس شاف أخته بدريه نزلت تركض من السيارة .. رجع لها .وهو متأكد سمعت كلام شياب الحارة ...وقف في وجهاا ...وهو يحاول يوقفها مايبها تقرب وتشوف جثته ...مطروحه في الأرض ... قالت بخوف ...وهي تصرخ: ابوي صح ابوي جاين يمسكونه ...ومثل المجنونه صرخت :وين راجح وينه لايكون هو بعد مبلغ عنه ....وناظرت الشايب الي رفع صوته ..... وقال :الله يرحمك ي راجح ..كيف يقفز وماينتبه لبعد المسافة .. .تهور الله يرحمه .. الثاني : ليته سلم نفسه ..ولا صار فيه كذا .......الله يرحمه .. ناظرت سامي وهي تصرخ : وش يقولون ذولا وش يقولون ..سامي بسرعة مسكها ..وهو يهدي عليها بس فكته بقوه وهي تركض ناحية المجتمعين.... الرجآل بعدوا عنها... جلست على الأرض وهي تقلب فيه منهارة مسكت يده وهي تصرخ مفزوعة من منظرة : راجح راجح تكفى لا تموت قلت بتخليني اشوف السعادة ي راجح الله يخليك رد عليه وصرخت بوجع ي حسرة قلبي الي ماتهنى معك ي الغالي تكفى رد علي .... ..سامي شوفه مايرد علي ...مسكت رجول سآمي وهي تترجى فيه : تكفى سامي خلهم يسكتون لا يقولون مات سآمي جلس على ركبه وقال بغصه: بدريه الله يخليك أمشي معي الناس تناظر ..... بدريه مسكت في صدره :كيف اروح واخليه كيف .... سامي ضمها على صدرة ..وهو يهدي عليها ..وقف ..وهو يحاول يوقفها معه حاول فيها بس هي موراضه تتحرك ..قال بحده :بدريه الرجآل واقفين وشوفي الإسعاف وصل بدريه وهي تصيح : آه يا وجع قلبي ...عليه .....أشلون صار فيه كذا ...تكفى علمني ...سامي .. سامي مشاها معه غصب ..واتجهوو لبيت راجح .. الشرطي بسرعة :وين مستحيل تدخل ... سامي ...مايدري وش يسوي...قرب من الشرطي وقال بنرفزه : ارحمها على الأقل وخلني ادخلها عند بنته الله اعلم بحالها هي بعد ... الشرطي . يوم شاف حال بدريه ..سمح له ..وبسرعة مشى اخته الي تصرخ وهي منهارة ...دخل شاف غلا واقفه مفزوعه وتناظرة بقهر وهي تلبس العباية ..:بلغت عنه ي ال***** بس انا شردته من الناحية الثانيه وبطلع الحين وابي اقولهم عن بيت ابوك ..واخليهم بعد يمسكوه ان اشاءالله ... شفت بترجع على راسكم .... . بدريه جلست في الأرض وهي منهارة: ليته شرد ي غلا ليته شرد راجح مات ..... غلا جلست في الأرض ومسكت يدها بعصبيه : وش تقولي الله يأخذك لا تتفأولي عليه ....انا بنفسي مسكت له السلم ..وشرد . حست بقهر وغيض يوم زاد صياحها رفعت راسها وناظرت سامي :هيي خذ أختك واطلعوو من بيتي ماهو ناقصه تخوفوني كذا وبسرعة وقفت يوم شافت الدموع في عيونه ... ضربته على صدره: سامي ليه ليه بلغت عنه والحين تصيح وبصرخه تقتل القتيل وتمشي في جنازته ... وبقهر وهي ماسكه على اذونها ماتبي تسمع صوت بدريه وهي تصيح سكت أختك من هالصياح ......واطلعوا من بيتي ..... سامي قرب منها و مسكها وهو يحاول يهديها ...بس دفته بقوة غلا بقهر : لاتقرب مني بعد مابلغت عن ابوي جاي تواسيني .. ولا تبي تلعب علي عشان ماطلع واقولهم عن ابوك ...الحمدلله ابوي ربي أعطاه فرصه ...لأنه يدري قد ايش تغرر به وقدر يشرد ..هو وعدني قالي لو يطلع منها هالمرة مستحيل يرجع له السم ... بدريه صرخت: سامي انت بلغت على راجح ليه ي خوي ليه حرام عليك رملتني وانا توني غلا بقهر قربت منها وتبي تضربها رجعت تفاول على أبوها :غبيه انتي ولا أشلون اقولك أبوي مافيه شي ...قفز قدامي للشارع الثاني ..وش فيك كذا ماهو راضيه تفهمي ...وحالفة غصب تموتي الرجآل .... ..سامي بصرخه ماقدر يمسك نفسه وهو يحاول يبعدها عن بدريه الي هجمت عليها وجالسة تضرب فيها ..: غلا خلاص ويالله بسرعة قدامي .... غلا وهي تزفر بعصبيه : شيل اختك وفارقوا ..انا من بيت ابوي مالي طلعه ... بنتظره لما يجي ...وسكتت وهي تشوف حريم الحارة كلهم عند الباب ..قربوا منها وهم يواسونها وبذات عجوز كبيره في السن قربت منها وضمتها : ايه خليك قويه مثل الحين وي قلبي عليك يمه صغيرة والله على هالوجع بس ربي يعوضك بزوجك .وابوك الله يرحمه ..وان شاء الله موته تكفير لذنيه ... غلا فكت نفسها وهي مصدومه ..الخبر ...جالس يتأكد أكثر واكثر طيب هي بنفسها ساعدت أبوها يقفز ويهرب ...أشلون مات كيف ..مات ... ...ناظرت سامي الي واقف ..ومنزل رأسه ..قالت بضعف : سآمي وش يقولون هذولا سامي قرب منها وسحبها من حضن العجيز وقال بغصه: قولي إنا لله وإنا إليه .راجعون ... غلا صرخت وهي تحاول تبعد عنه ومثل المجنونه تردد:كيف كيف مات انا هربته وهي تأشر على السلم . ليه مو راضيني تفهمون ...اموت لو يصير فيه شيء والله أموت .... الكل فز ..من صوت الرصاص .... ... سامي .. ...قال بفزع : ابوي لا يحلقه ...و بسرعة طلع .. .وهو يشوف الشرطه ...بدت تفضي المكان ...وترمي لبيت ابوه ...وكان رصاص متبادل .... بين الشرطه وابوه ..حس حاله عاجز ...وكلها دقايق ..وشاف ابوه مطلعينه ....وهم يجرونه وراهم بعنف ...حس قلبه بينخلع من مكانه ...بسرعة قرب منه ..بس الشرطي منعه .... صرخ بقهر : مارح أخليك يبه وهويحاول ..يركب معه ..بس في يد بعدته عنه وهي تركبه سيارة الشرطه . ..... بسرعة اتجهه لسيارته وهو بيروح وراهم ..بس وقف يوم نادت المرة الكبيره بصوت عالي: بسرعة يمه الحق آسعف البنت طاحت علينا وعيت تصحى .......بسرعة .... ،، ،، ،، ،، وليد رجع البيت ...وهو ضايق ..دخل جناحه وتوجه لغرفة النوم ...شاف الغرفة فاضية من اي غرض يخصها ..جلس على السرير.. وقال بقهر ليه ي لطيفه. ..ماهو مقدرة حبي لك ...رفع يده لراسه وهو يحس بوجع مايدري وش يسوي ...بس أفضل شيء ينتظر لما تهدى شوي ..ويتفاهم معاها ..ام طلاق مستحيل تحصله ...سمع طرق خفيف على باب الجناح ..وقف بتعب وراح للباب .. وفتحه شاف ريتآج واقفه ... قالت بغصه: تعال غرفتي بتفاهم معك ... وليد زفر بضيق وهو ماسك على رأسه : أبد مو وقتك ريتآج تكفين أجلي اي سم بتلفظي به ..آلحين ... ريتاج دفته من كتفه ودخلت جلست على أول كنبه صادفتها في الصالة وقالت بقهر وهي ترمي الخاتم بقوة على الأرض بطريقه فيه إهانة له : أشلون تعطيني شيء لغيري قولي ...مختارته وتقوم تعطيني هوو وش ذا الكذب والخداع ي شيخ يعني السوق مافي غير الي اختارته لطيفه تجيبه لي .... وليد ناظر الخاتم للمرة الثانيه تسوي هالحركه المهينه ... قدامه لهديته قال بوقاحة وهو يتمنى انه يبرد قلبه فيها شوي ويجرحها مثل ماجرحته ...: ماهو دايم لك الي لغيرك من متى فيه شيء خاص لك .. شافها تطالعة ...بعصبيه أشر للباب ..برا ريتاج ماهو فايق لاي كلمه ....أسمعها منك وبذات آلحين. .. ريتاج وقفت بتحدي في وجهه وهي مطنشه الكلام القذر الي قالة من توو : ودي أعرف ليه يوم حد يواجهك بحقيقتك تروح تأخذ منحى ثاني... وليد قرب منها بقساوة : أقسم بالله ي ريتآج لو ماتنقلعي من قدامي آلحين لا ....وسكت وهو يرفع رأسه لسقف ويزفر بضيق ...ابعدي عني آلحين تكفين .. ريتآج بتحدي: يالله كمل وش بتسوي يعني طلاق والله هذا الي ابيه بتضرب عادي نقص مرجلتك أكثر ماهي ناقصه ..في نظري . وليد رفع يده بيعطيها كف ...على الكلام الي تقوله ...بس هون نزل يده وهو يشوف نظرات القرف ..في وجهاا قال بحده : أقسم بالله ي ريتاج لو اني بس ما قطعت وعد على نفسي كان عرفت اربيك ..وأخليك تثمني الكلمه قبل تقوليها ... ريتآج بعصبيه : قول بس انك تقدر علي وقدام لطيفه دجاجه اقسم بالله تحذف الكلمه وش كبرها ولا تقدر تسوي شيء ..بس انا حاط حيلك علي ...ابتعدت شوي عنه وهي تشوف وجههه محمر من العصبيه تدري ليه انا أستاهل ...جيتك وانا ادور الإحترام الي بعيد عنك وعن أخلاقك ...واي كلمه كان تحذفها علي اطنش وأقول كبري عقلك ي بنت هذا مهما ...كان مجروج ويبي مرته ومايبي حد يفرق بينهم .. وبعد ولد عمك قبل كل شيء.. وخليه يوم يطلقك تكوني طالعة من حياته بخلاقك .. وأحترامك له ...بس وين شكلي غلطانه ..حيل أنت ينفع معك الي قوي مثل لطيفة الي ماسكتت عن حقها والله احسدها ...على الي فيه .. . وليد كان يسمعها وهو ماسك نفسه ...مايبي يقول شيء يندم عليه ...قفل عيونه بصبر ..وهو يتقدم منها ويمسكها من كتفها ..ويفتح باب الجناح ..ويطلعها بعنف ..وقفل الباب بقوة ...في وجهاا . ريتآج قفلت عيونها ...مع تقفيلة الباب ..وهي تحس بقهر وذل ...ودها تبرد خاطرها زود فيه ..ي ناس فيها قهر الدنيا ...محد قهرها وعذبها مثله هالوليد ...رجعت غرفتها وهي تتحسب عليه وتدعي الله يأخذ حقها منه ....أول مرة تحس حالها كذا معصبه ي ناس سكتت بما في الكفايه وليد حطمها كلياً ..يكفي شككها في حب بندر يكفي فرق بينها وبين صديقتها يكفي....حتى لو هو ماله ذنب في الزواج ...بس بكذبه وخداعه فرق بينهم ازود ...وش يبي منها خلاص ....ويكفي قلبها الي ...مال له وهذا الي وجعها أكثر ...رفعت يدها لقلبها ليه تحب واحد ذلك وعذبك ..بقهر أكثر بدوس حبه والله ولا انذل ........وبهمس تكفى عصام تعال بسرعة وفكني من هالعذاب ..ورفعت راسها يآرب..مر هالشهر على خير وانفك .... ،، ،، ،، ،، اليوم الثاني ... في المدرسة ،، ،، قالت بسخريه: ممكن أعرف ايش سبب الغياب ذا كله ... اريج بستفزاز: امم أخوي تعبان ومرقد في المستشفى ومافيني اداوم ..... بسخريه :امممم ليه طالبينك مرافقة معه وانا مدري اريح بقهر من مسخرتها: لا نفسيتي تعبانة .... صديقة أسيل : تكذب ي ابلة شموخ مو اخوها ولد خالتها الي في المستشفى اريج ناظرتها بحقد وهي تتحلف فيها ...الحين وش يفكها من هالابله المتخلفه في نظرها ..قالت بوقاحة : اللي بتسويه سويه ماله داعي ابرر ... شموخ برفعة حاجب: لا ي شيخه. .امم اوك اختبار مراح أعيد فاهمه والصفر حطيته ومستحيل يتغير .. اريج قالت بتعراض:حرام ي ابله ...السالفة كلها انذار غياب بس وش دخل الإختبار من حق اي طالبة ينعاد الاختبار لها إذا ماحضرت ........ شموخ : ايو لك الحق إذا فيه عذر ...بس كذا لا والله ماتعب حالي..وبسخريه أكثر اختبرتي او لا الصفرهو الي بتحصلي عليه من عقلك المصدي .. شافتها بتطول لسانها بسرعة صرخت عليها: ولا كلمه وانثبري مكانك ... اريج جلست وهي تحس بحقد ...ودها تعرف ليه هالابلة جالسه لها الابلات كلهن الي دخلووا قبلها ... ماكلموني عن الغياب ... .. ناظرت حول صديقة أسيل بقهر ............ ،،وكلها دقايق وصفرت الحصه والكل خرج من الفصل.. لبست العبايه وهي تسمع ريم تنادي عليها ماردت ...طلعت بسرعة للشارع ..وهي تحلف تنتقم من هالشموخ ...ناظرت الشارع بطفش ....افف وينك فهد الله يقلعك بعد أنت .... كلها دقايق شافت ابله شموخ تركب السيارة ...مالت عليك ي القرويه ...طيب والله لا أخذ حقي منك ...... زفرت براحه يوم شافت سيارة أخوها وصلت بسرعة اتجهت لها وركبت وهي تنفاخ: ساعة اففف انا ناقصة يكفي الابلة الزفت فهد قاطعها :خير خير تنافخي أحمدي ربك طالع من عملي وجاي لك ... ريوف بقهر: افف من القهر اللي فيني تخيل أخذت صفر بدون حق كذا فهد : ليه ..... اريج بقهر:كذا الابلة القرويه جالسة لي آلحين ليه غبت بس حطت صفر بدون ماتختبرني مقهورة والله حرام ظلم والله لا اشكيها ..... فهد :اففف وش فيها عليك طيب اريج بحقد: والله لا اخليها تندم ماغير تشوفني تنزل رأسها ولا ماكون اريج .. فهد بسخرية:وش بتسوي يعني .. أريج وفكرها بعيد: بسوي فيها الي مايتسوى ..... ،، ،، ،، ،، ،، ،، .بعد يومين ،، ،، ناظرها وهو تعبان حده .وقلبه يتقطع....على الحاله الي وصلت لها ماغير منهارة تصحى وترجع تنام يوم يعطونها مهدئ .رافضه حقيقة موت ابوها ...الي صار ماهو قليل..لا عليه ولا عليها.. .أبوها ميت وابوه مرمي في السجن ...والله شيء صعب حد يتحمله ..يارب لطفك يالله ...وقف ..وقرب منها وجلس ..على طرف السرير ..وهو يمسك يدها ..يبيها تصحى ..ويتكلم معاها بهدوء ..مايبي عاد يعطونها هالمهدئات خايف عليها منها ..قال بهمس يوم شافها حركت يدها الي في يده ..منزعجة : غلا .. فتحت عينها ..وهي ترفع يدها بوجع شافت مغذي ... حركت عيونها وهي تناظر الغرفة بخوف. .حركت راسها وهي تحاول تتذكر ..ايش صار قالت ببحه : سآمي سآمي : عيونه ..والحمدلله على سلامتك شافها ماردت عليه قال وهو متأمل أنها يوم تشوف بنتها تفرح : يالله زينة البنات آلحين تجي وتشوفيها وترد لك العآفية....وقف مسافة الطريق اوك..وتشوفي غرام ان شاءالله. .. غلا عضت شفتها ..وهي تشوفه معطيها ظهره متجهه للباب : دفنتوه ... سامي قفل عيونه بوجع مايدري وش يقول ..لف لها وقال بحزن: غلا خليك قويه تكفين ....... غلا وهي تمسح دموعها كررت السؤال: دفنتوه .. سآمي ماقدر يقول شيء ..غير انه تقرب منها ..وجلس ومسك يدينها بحنان : غلا قولي يآرب صبرني على مصيبتي وربك كريم ي غلا قادر يجبر كسر قلبك .. غلا قاطعته وهي تصيح: أبوي خلاص رآح ...صح بس تكفى لاتقول ...دفنتوه بودعه الوداع الأخير تكفى لاتقول انه تحت التراب سآمي بغصه:لا رفضت يدفنونه إلا يوم تسلمي عليه وتودعيه .. كذب عليها بش كان فيه اجراءت أمنيه عشان تسليم الجثه ..بس الحمدلله اليوم كملت الإجراءات والدفن اليوم العصر بس مايبي يقول لها كذا ...... غلا قاطعته: آلحين بطلع بشوفه سامي تكفى ... وصاحت وهي منهارة ... سآمي ندم انه قال لها مادفنوه وكاد تجن آلحين يوم تشوفه ... يالله صدق طلع غبي ..ليته كمل كذبه عليها وقال دفنوه ....قال بهمس: غلا بجيب لك غرام .. غلا صرخت وهي تصيح: مابي حد غير أبوي تقدر تجيبه جيبه وقفت وهي تحاول ..تقوي نفسها ...سحبت المغذي من يدها بعنف .. سامي ناظريدها والدم يقطر منها قال بعتب:غلا شوفي كيف عورتي حالك يالله وقرب منها وهو يسحب المنديل ... غلا وهي مطشنه ألم يدها : ماهو مثل عوار قلبي ..امش يالله بشوفة .... سآمي : اوعدك تشوفيه ..اليوم قبل الدفن في المغسلة ...بس آلحين ...صعب ... والحين طالع أنهي اجراءت الخروج ودقايق وراجع ...لك. .وطلع وهو يسمع صياحها الي قطع قلبه ....... ،، ،، ،، ،، في بيت ابو وليد .. قالت بحزن: والله قلبي موجعني عليها امس يوم زرتها .. ماصحت أبد ...ولا حست علي .. ابو وليد : الله يرحمه ..اليوم دفنه...قالي ناصر ... ام وليد : الله يرحمه. .. ريتآج .طلعت من المطبخ ..وفي يدها صحن القهوة ..حطته على الطاولة .وبعدها ناولت عمها ..وجلست جنب خالتها ..وهي تسأل بحزن : كيفها ان شاءالله أحسن ..اليوم ام وليد : والله حالها مايسر أبد توني كلمت رجلها يقول أعطوها ابره ونامت ..ام مرته الجديدة بتموت من الصياح حالتهم تحزن الله يصبرهم الموت مصيبه كبيرة ..وبذات موته محزنه طب من السطح ...الله وكيلك .. ريتآج : الله يرحمه ويصبرها يآرب وسكتت وهي تشوف وليد ..نازل من الدرج ...لها يومين ماشافته ...من أصله ماطلعت من غرفتها هي بعد ...شكله مبهذل وحالته حالة ..ابتسمت بسخرية اخخ ي المغرم الولهان ... وليد ...رد السلام بتعب وجلس قريب من أمه من الجهه الثانية. . .... ام وليد وهي تناظر وجهه ..: تعبان ي قلبي .. .. وليد تمدد وهو مثني رجوله ..وحط رأسه على حجر...أمه وهو يقول بتعب:حيل ي الغالية... ابو وليد بحده : من وشهوو تعبان هاا ولا على بنت منصور ... ذبحك الشوق ...البنت بايعة وشهوله ...ماتبي تطلقها ..ابوها اليوم يقول البنت عايفة الولد وياليت ماتوصل للمحاكم ... وقف معصب طلع من الصالة ...... وليد قفل عيونه بصبر....ليته ما نزل من غرفته. ..رفع عيونه وطالع.. ريتآج الي تناظره بشماته .....طنشها وهو مرتاح من لمسات يد أمه الحنونة قال بهمس وهو يبوس يدها : عساني مانحرم من هاليد ...ي أغلى أحبابي ... ام وليد بحزن عليه :يمه عشاني لا تتعب حالك كذا شوف كيف حالتك مريض وتعبان ... ..الي مايبيك لا تدور رضاه ..تكفى لا تطولها وهي قصيرة ...والله ماحدن سأل في صحتك لو صار بك شيء ...غير قلبي الي بينوجع يمه ... وليد بهمس وهو يرجع يمسك يدها ويبوسها : سلامتك من الوجع يمه بس عشاني ي الغاليه ..مابي هالسيرة تنفتح آلحين ...تكفين ام وليد ناظرت ريتآج الي جالسة جنبها و..منشغله في جوالها ..ومطنشه رجلها حتى ماسألت ايش فيه .. ..قالت بعتب : يمه روحي سوي لرجلك شيء حار وأعطيه مسكن جسمه شاب ... ريتآج حطت الجوال ..وقالت بضيق: أبشري ي خالة وهي تناظره طول بعرض ويتدلع ...يالله كله ذا حب ..يمه بس لايموت علينا ...راحت المطبخ سوت له شوربة .....وأخذت مسكن وطلعت ..شافت خالتها بس ..جالسة ... ام وليد : يمه اطلعي فوق له ..يقول تعبان مافيه حيل يجلس هنا ..روحي يمه أعطيه المسكن .... ريتآج عضيت شفتي بقهر ...مابي أدخل جناحه ... بس تعوذت من إبليس. .وقلت بهمس:ان شاءالله رقيت الدرج ..ودخلت الجناح...فتحت عيني بصدمه كل شيء قدامي مكسر ..ومعدوم ...وش صار لذا كله يالله. .وش سالفته مع التكسير ..كل ماصار شيء كسر وحاس الدنيا كذآ .. مشيت بحذر ...وانا اطالع .. زجاج التحف...المنثر بالأرض ... ياصبر الأرض عليك ي وليد ...دخلت الغرفة..كان باردة ثلج ..كيف ماراح يمرض والتكيف كذا ... حطيت الصينه على الطاوله ...وأخذت الريموت وطفيت التكيف ....طالعته لسى تحت الغطاء مافتح عن وجهه قربت منه وقلت بصوت واطي : قوم اشرب الشوربة وخذ مسكن . .وليد بعد الغطاء عن وجهه وقال بتعب:قربيه هنا ..مافيني حيل أقوم ريتآج ناظرت وجهه ..فعلاً تعبان وبقوة بعد. .حسيت بحزن قلبها كذا عورها عليه ..على كذبه وخداعه ..وعيشة المذله الي عايشتها معاه بس قلبها حن عليه ..قربت منه الشوربة وهي تناوله الملعقه : سم ...... وليد بتعب سم بالله وبدأ يشرب بس ماقدر ..حط الملعقه وقال بصدق: مالي نفس أعطيني المسكن ...وخليني لحالي ... ريتآج بقهر منه تحسه ماهو طايقها أبد : على بطن فاضي ماهو زين المسكن بيضرك صدقني .. وليد بحده : ريتآج تكفين أعطيني هوو مافيني اتكلم والله ريتآج ناولته ..المسكن وكاس المويا .لفت تبي تطلع تحسه ودها يصكها بالكاس.. الي في يده .. بس وقفها حكيه يوم قال : اليوم أرسلت لي تقول راحت المحكمه وبدت في اجراءت الخلع بسرعة ليه كذا مالها غير ثلاث أيام ..امداها تروح المحكمه .....ليه كلكم رافضيني .... ريتآج ابتسمت بحسرة وهي معطيته ظهرها : ماتدري ليه السبب وليد .. وليد بوجع : ريتآج مابي اخسر لطيفه ..أموت بدونها فاهمه ايش معنى اموت بدونها تكفين سوي شيء ...قولي لها الخاتم .... وليد يجب لك أحسن منه ..ومصنوع بأسمك بعد بس لا تفارقي ...وليد ......... ريتآج حست قلبها يوجعها على الكلام الي يقوله .. أول مرة تحس ..بغيرة ...من لطيفة ...قالت بوجع وهي ترجع تناظره : تذكر مرة قلت لي توبه معاد ادخلك بينا تعقدي السالفة زود إذا انت ناسي انا مانسيت ....و بقولك آسفة مقدر أساعدك .. وابتسمت بسخرية وليد .. من جدك أنت ...لطيفة ماسمعت لي وانتم لسى مالكين بتسمع لي آلحين ....يالله ي كبر ثقتك بس .... وليد تمدد وحط يده على رأسه وقال بحزن: ماتخيلت تصل بينا لكذآ ..... ريتآج مافيها عاد تتحمل ....طلعت من الغرفة. .. ومن الجناح كله ...دخلت غرفتها ورمت حالها على السرير تصيح ..ليه مقهورة ..ليه تحس بالغيرة وجعها قلبها من كلامة عنها ...وليد مريض عشان لطيفه فارقته وزعلانه منه طيب هي ياما زعلت منه ..ياما ...جلست بيت أهلها بالأيام ...ماسأل فيها. ..ماغير يهدد ..ويستقوي عليها .ويوم ترجع صحته أحسن من يوم تركته ولا يأثر غيابها عليه بشي والحين كم كيلو نزل وجهه مشحب وسخونته طالعة ..بس عشانها .......بقهر ..مسكت المفرش وهي تضغط بيدها بقوة ي غبيه تحبي حد يحب غيرك ..ومين بعد صديقتك .....والله الغلط ماهو على وليد الغلط مني أنا الي سمحت له....... . |
رد: أعشق أنانيتك عندما تتمناني لك وحدك الكاتبة نوني الجنوب
دخلت عليه شافته ممدد ومغطى ...ناظرت سامي الي ماسكها وهو متلطم بالشماغ ...وبدريه الي تصيح وطايحه على صدره .....وامها ماسكه فيها ... قربت منه وهي تتمنى ان الي فيه حالياً كله حلم ...... أول ماوقفت عند رأسه .حست بجسمها كله يرجف و منهارة حدها ...بذات صياح بدريه أكد لها الي هي فية ..واقع ..قالت وهي تطيح على صدره تصيح : يبه رد عليه يبه ....وهي تحاول تفتح على وجهه ...بس سامي منعها ..وقال بهمس:غلا لا رافضين يفتحونه غلا دفت يده : يبه تكفى قوم يبه سوي الي تبي بس لاتحرمني شوفتك ...تكفى. . ..لا توجع قلبي بفرقاك ..سلمت على راسه وجهه وصدرة ورجوله وهي منهارة ....يبه غرام ما شفتها ماشفت بنت ..بنتك .. حرمني وحرمك شوفتها ... يبه هو بلغ عنك صح ...بس والله يبه لانتقم من أبوه واقهره مثل ماقهرني فيك.... .....وهي تحط رأسها على رأسه وتهمس له ..بأخذ حقك يبه ارتاح .... سآمي انصدم من كلامها وجعه حيل تهديدها ...متوقعه انه هو الي بلغ ....ماتدري انه كان يهدد على الفاضي ..وبعد لحمايتها ...يبيه يخاف يجيب شباب في البيت ...وهي موجودة بس وش يفهما دايماً هو الغلطان وهو المخطي ... ناظر امه الي صرخت: وش تنتقمي فيه أبوه تراه ...مسجون وسجنه الله أعلم به يطلع منه ولا يلحق أبوك ..وليته سلم نفسة ولا طب وضيع حالة ازود ...شافت سآمي يترجاها بعيونه يبيها تسكت ..والحين ...خليك صابرة هذا أمرالله. غلا وهي تصيح بوجع وبحقد : ليته الموت الي يأخذه مثل ماحرمني ....أبوي .... سآمي قرب منها ..وهو يقول لأمه : يالله يمه خذي بدريه وخلينا نطلع ... ومسك غلا الي معترضه ..تطلع ..... بدريه قربت من زوجها وقالت وهي تودعه : الله يرحمك ي سعادتي ...ولو كنت ي سآمي الي بلغت عنه الله لايسامحك .. سآمي قفل عيونه بصبر ....تكفين بدريه لا تزيدها علي ...انتي بعد ..ورجع مسك غلا الي تحاول تفك حالها منه ... وركبها السيارة .غصب عنها ..وصلهم الشقه ..ويبي يرجع عشان الدفن ..مسكها ومشاها معه للغرفة وهو.. يهدي فيها ومطنش الكلام والتهديد الي تحذفه عليه ..مقدر وضعها حالياً ......أخذ بنته غرام ....وحملها وهو يناولها هي بس رفضت تحملها ...خلاها عندها وطلع. ..... شاف.. بدريه تصيح بحرقه في حضن امه سحبها بحنان وهو يضمها: الله يصبرك ي قلب أخوك ..اصبري وادعي له ... ولا تصدقي اني بسويها وطلع بسرعة .... . عند غلا الي منهارة حدها تصيح ..ماهي متخيله حياتها بدون أبوها ... ناظرت بنتها وهي تمسح دموعها ..مدت يدها وحملتها ضمتها لصدرها ...ورجعت صاحت ..يمه جدك ماشافك ...يمه اليوم امك ضايقه فيها الدنيا ...راح اعز مخلوق على قلبها ....يمه امك قلبا مكسور....حيل بفرقاه .. يمه امك مدري أشلون تعيش بدون السند ...يمه أبوك وجعني حيل ....كيف قدر يطاوعه قلبه ..يبلغ عنه كيف ...ليه انتقم بهالخسه ...حطت بنتها وتمددت جنبها وهي تذكر ..صياح ابوها يوم يبيها تساعدها .. عشان يهرب ماتنسى كيف نظرت الخوف وكيف شردت .. تجيب السلم وكيف كان مرتبك ..ويردد : بلغ علي الخايس ...غدر فيني يوم هدد اتاريه بيسويها والله لو مسكوني لااورط أبوه معي بعد .. . صاحت بقهر وهي منهارة : آه ليتك سلمت نفسك ..ولا ساعدتك في الهروب ....وابشر يبه ان شاءالله إعدام بعد لأبوه .. قفلت عيونها ..وهي تحس بصداع قوي وعيونها تحرقها .. بس فزت على صوت خالتها وهي تنادي بأسمها : يمه غلا ... صاحت زود يوم شافتها وهي تترمي في حضنها: ابوي مات ي خاله راح السند رآح ... ام وليد وهي تهدي عليها:اصبري يمه والحين مايبي منك غير الدعاء والصدقة ..وادعي له ربي يثبته عند السؤال ... الحين يسأل يمه ..تكفين يمه اصبري .... غلا وهي تصيح يوجع: يمه موجوعه حيل قلبي يعورني عليه . .. ام وليد وهي تصيح:كلنا يمه موجعين بس وش بيدنا غير نصبر وربك كريم قادر يجبر قلبك يمه بس عشان خاطري. ..قوي حالك عشان بنتك وعشان نفسك ..واطلعي من هالغرفة الحين وقابلي المعزين كلهم يسألون عنك. ..وبعد عمتك موجوده ..قومي سلمي عليها ي قلبي ...وهي تمسك يدها ....يالله ي بعد قلبي ... ،، ،، ،، في بيت أبو أسامه ،، ،، لطيفة بقهر من اسامه وامها ضدها فديتك ي رائد امس بس شكيت عليه قال يطلع ويخليه يطلقني من فوق خشمه ام اسامه بعصبيه : لا لا من جدك منصور طاوعت بنتك وبتروح فيها المحكمه ..وش غير رأيك كنت ضد دلعها ..... لطيفه قالت بقهر :حرام عليك يمه كذا ضدي ... ابو أسامه بحده: خلاص لطيفه قلت موضوعك عندي ..وناظر زوجته وهو معصب ...اي والله بغير رأي وانا اشوفها تصيح وحالتها حاله ماتبيه أشلون اخليها ترجع له غصب والبنت ماهي قادرة تعيش مع ضرة غصب هوو .. وبيني وبينك والله أفضل لها .من المغرور ذا الي شايف حاله على الفاضي .....وازوجها سيد سيده ....وكلمت أبوه خلاص لو ولده مايبي يطلق بينا المحاكم .... اسامه وهو يسمع كلام ابوه الي موعاجبه ابد ..تساهله مع لطيفه كذا وبهاالسرعة محكمه وخلع ومكلم الرجآل والمشكله توها صايرة .. قال برجى :يبه تكفى خلهم فتره صدقني بتهدى وترجع له ...وش تستفيد لوطلقها ..بالله .. لطيفة وقفت معترضه : وينك عن رائد والله على جنونه بس لا قلت سند .سند .... ام اسامه بعصبية : احترمي أخوك الكبير وانقلعي فوق ..وناظرت اسامه بعصبية أكثر .. أقول .. خلك الحين من لطيفه وقولي ...متى ناوي تطلقها وتفكنا أنت بعد .. اسامه بضيق وش دخل الحين سالفته مع سالفة لطيفه قال بصبر ..:يمه قايل بطلقها من قبل بس انتي رفضتي تذكري هالشيء. . ام أسامه بحقد: قبل أخوها يسوي عملته وبعد ماقلت لاتطلقها قلت لك تولد وبعدها تفارق ...في الي مايردها ... ابو اسامه قال بحده: والله ودي أعرف كيف التميت على هالعايله أنت وأخوك .... اسامه بسخريه : بركات الشيخ .رائد .. ابو أسامه قال بقهر:والله ي أسامه لو ماتنهي هالمهزله كلها وتفكنا ...منهم ..بيكون لي تصرف ثاني. ... ام اسامه بقهر: وين ننفك وهي حامل ..في ولده وبقهر ليه ماعطيتها مانع ولا اي مصيبه أهم شيء ..ماخلفت منها .... بعض مرات مدري أشلون تفكر أسامه ..... ابو اسامه بعصبيه : أشلون الدبرة آلحين ..وكيف تطلقها وهي حامل .. أسامه وقف وقال وهو منهي السالفة : الطلاق حاصل الله لايعوق بشر . ابو أسامه : كيفك والله أنت دبست حالك طلع نفسك منها وفكنا من هالعايله ....والولد مايضيع ..مصروفه يجيه لما بيته . بس ريحنا وريح رأسي تعبت من مشاكلكم وراي أشغال ..ماهو فاضي أبد ام اسامه في نفسها ايوه هذا الي تفكر فيه أشغالك آه بس ...عيالك في ستين داهية ....الصبر يآرب ... . اسامه : هذا الي بيحصل .. يالله مع السلامة بروح لرائد ...طلع من عندهم وهو ضايق حده ...وبعد خلاص ماعنده عاد القدرة يتحمل وجود ..ريوف في حياته يكفي الي جاه .... ،، ،، ،، ،، ،، رجع البيت وهو تعبان حده كان يوم طويل ومتعب ..بشكل ..تكفل بأمور الدفن والعزاء. اخوياه ماقصروا ..واقفين معه .. شاف الصالة فاضية ..والبيت هدوء ..اتجهه لغرفته .فتح الباب .. شافها نايمه ..وضامه غرام ..لصدرها ..جلس على طرف السرير .. وناظرها شكلها يحزن ..ويوجع قلبه ..بس آه المصيبه راميه عليه السبب ..وقف بتعب ..وطلع للصاله ... وتمدد .. على الكنبه ..وهو يدلك رأسه ..... . ....،، ،، ،، ،، ،، ،، في بيت ابو عصام .. .. رمت الجوال بطفش ..أربعه وعشرين ساعة ..يدق قفلت عيونها بصبر .يوم رن جوالها أكيد هو ...أخذته وهي تتدعي الله يصبرها. ..هي ماتحب تتكلم كثير وهو مايسكت .. ردت :ايوه رائد بضحكه : وش فيك تقولي ذابح أبوك .... أسيل فتحت عينها بصدمه وصرخت بخوف : بسم الله على بابا .. رائد ضحك : لا الي يسمعك يقول سان السكين على رقبته أسيل تخيلت الموقف بس صاحت : حرام ليه تقول كذا كيف يطاوعك قلبك رائد عقد حواجبه يوم سمعها تصيح : ام النكبه وش فيك ي بنت تراي امزح معك يالله ..اسول لايكون من الي نسميهم ام دمعه .... أسيل :صراحه انت تقهر ودي اعرف ليه ماتعرف تحكي . انا مو متعوده على كذا رائد ... رائد ناظر الغرفة بطفش : والله من هالحبسه آه ليت بكرة يجي بسرعة واطلع من هنا ...إلا اسول قولي لي وش بتسوي لي عشا .. أسيل بخجل وهي تتذكر خروجه بكرة بس انصدمت من كلامه توقعت يقول لها ..تجهزي اروح فيك أحسن فندق.. أو على المطار على طول .. أو أقل شيء عازمك أحسن مطعم ..يقول وش بتعشيني ..قالت بصبر: امم اسوي لك بأستا واسوي لك جنبها سلطه وكبه ورق عنب ..و... رائد صرخ معترض : هيي هي وش ورق عنب وسلطه وكبه أقول كبسه الله لايهينك وجنبها مراعي وشطه ..وسلطة طماطم وكثري البصل ...جنبها .. . أسيل فتحت عينها بصدمه وقالت بدلع : ايشش كبسه وشطه وبصل ...لا ماعرف اسويها ...... رائد : وانا ولد ابوي وش الي ماتعرفي لها ..أقول تسنعي وسوي كبسه بس.. .. أسيل خافت انه زعل قالت برقة : خلاص لا تعصب اخلي الشغالة تسويها مره تضبطها ....والله .. رائد بقهر: عليه الطلاق لو سوتها الشغالة ماتطب فمي .. كان قلتي أمي ابرك ... أسيل فتحت عينها بصدمه: ايش طلاق رائد عض شفته بقهر وش هبب..قال بسرعة وهو يغطي على حكيه : ورق العنب والسلطه والطبخه الثاني مدري وشهوو مره أحبها سويها خلاص ..واي شيء من يدك يطلع يجنن والكبسه ذي بسوي لها مقاطعه عشانك ... اسيل بقهر: اسمها بأستا ...تحس بقهر منه ..حتى أسماء الأكلات مايعرفها ..وش ذا الحظ ...عليها ... رائد : لا لا تسويها تكفين ..سوي سلطه بس والله يعين اجيب مظغوط معي ..... أسيل حست بقهر توه يقول بيسوي مقاطعه ..للكبسه يستهبل عليها أكيد ..قالت : سؤال المضغوط وشهوو ولا المقاطعه كلام على الفاضي .جالس تستهبل علي رائد .... رائد بكذب : اممم مدري بس سمعت اخوياي يمدحون المضغوط قلت بجيبه لك إلا انا مدري وشهوو وبتمثيل ..هذا جزاي اسول ..بذوقك هوو أسيل بغباء صدقته ..قالت وهي تفهمه وحزينه عليه :المضغوط يعني كبسة لحم او دجاج وخلاص اسوي كبسه ...ولا يهمك رائد مسك ضحكته وتنهد براحه يوم مشت عليها كذبه وحزنت بعد يالله ي حظي فيك ...قال بتمثيل : لا لا مدام كبسه انا عند كلمتي مابي كبسه ولعاد تطب فمي .... أسيل بحزن :رائد خلاص لاتحرم نفسك من شيء تحبه عشاني .. رائد صرخ بعربجه .. : ابوي انا..على القلب الي عندك .. .. أسيل بعدت الجوال وهي تحس الطبله انفقعت ....همست يآرب صبرني .. رائد بضحكه :سمعتك .. أسيل : رائد تكفى بنام ...بكرة وراي دوام .... رائد : حلفت بكرة اجازة من عندي .. اسيل بقهر : على كيفك هوو رائد :ايوه على كيفي وخلاص خلي المدرسه وش تبي فيها ماعندنا بنات يدرسون .... أسيل صرخت بفزع: لا لا مستحيل ...رائد وصاحت على طول تخيلت انه مثل الرجآل الي يرفضون الدراسة ..ويبية تجلس في البيت ... ... رائد قفل عيونه ...اخخ وش فيها هالبنت .. قال بسرعة :وش فيك كذا بس تصيحي ..ي شيخه امزح روحي من الحين بعد لا تموتي علينا عشان الدراسة .. أسيل قهرها اليوم بما في الكفايه مسحت دموعها ...وقالت بزعل..: خلاص رائد بقفل . رائد:طيب أول قولي انك مو زعلانه آسيل :مو زعلانه .. رائد :وبسوي لك كبسه ..وماروح المدرسه ... أسيل فتحت عينها بصدمه : رائد ...كفايه استهبال .. . رائد ضحك بقوة :ي شيخه امزح المهم بكرة اشوفك مسنترة في بيتنا .. من بدري طيب .... أسيل فتحت عينها بصدمه : ايش لا صعب تعالي انت رائد بزعل: اوك على راحتك ...وقفل أسيل افف ليه ..زعل آلحين ...صعبه أروح لبيت أهله و بعد صعب تطنشه ..فكرت ..تطنش بكرة المدرسه وتخلي أبوها يوصلها ... وتروح تستقبله فعلاً الرجآل مريض ..صعب يجي لها ..هنا . |
رد: أعشق أنانيتك عندما تتمناني لك وحدك الكاتبة نوني الجنوب
اليوم الثاني... ،، ،، ناصر رجع من دوامه ...وهو قرفان ..و متضايق ..زود منها .. جالسة في بيته ولا هي معبرته ..آلحين هو اعتذر وقال لها مليون مرة .آسف. ...وحاول يرضيها بكل الطرق .وش تبي بعد ...شافها قدامه في الصالة مساكه جوالها ...وتكلم ...... جلس على الكنبه واشر لها تقفل .. ..وقال بضيق :جهزي غداي على بال مأخذ دش منيره بسرعة اعتذرت من بنت خالتها وقفت من غير ماترد عليه ..دخلت المطبخ ...وبدت تجهز الأكل. كلها دقايق وشافته دخل وراها...وجلس على كرسي الطاوله ...وقال وهو يتافف: باقي ماجهزتيه .. وش طالب انا مفطح وانا مدري.... منيره ببرود يقتل: كان خذت لك جاهز وفكيت عمرك من الانتظار ناصر رفع حاجب من ردها وقال بقهر : ودي اعرف وش مستفيده من الي انتي فيه غير لا أنتي مرتاحه ولا انا ... منيره ابتسمت على كلامه: الحمدلله مرتاحه وراضيه عن نفسي وانت كيفك ... ناصر زفر بعصبيه :بعد تلومني يوم اقول بتزوج ... والله اني غبي يوم فرطت في بنت عمي منيره ناظرته بصدمه من الكلام الي قاله وبعصبيه صرخت البرود الي متظاهرة فيه طاركله ... :حتى وهي متزوجه ....متحسف عليها بعد .والحين بتجلس كل مرة تذكرني وبحسرة والله غطلة عمري يوم رجعت لك .بس والله كسرت ظهري بعيالي .... ناصر حس بندم على كلامة بدل مايحاول يرضيها يقوم يزيد وهي موناقصه .بينهم ....... بس استفزته بقوه قال بحده وهو يقطع هالسيرة الي دايم تفتح طريق مايتسكر من المشاكل: خلاص قصري صوتك والبنت معاد يجي طاريها أبد وصادقة آلحين هي على ذمة رجلها الله يستر عليها ... منيره صرخت بقهر وهي تدفه عن طريقها .. : الحين مين جايب طاريها انا ولا أنت وبعد متحسف .....أعطته ظهرها وكملت شغلها ..بقهر ... ناصر تعوذ من إبليس وهو يشوفها تاخذ الصحن وتغرف بعصبية . الحين لو يعتذر مستحيل تعطيه... وجهه وهي كذآ.. معصبه طلع من المطبخ ......جلس على الكنبه... في الصاله وهو مقهور من نفسه ..أشلون...قال كذآ... شافها طلعت من المطبخ وقف بسرعة وقف في وجها مايبيها تروح يبيها تقابله على الغداء الي انسدت نفسه منه وهو مالمسه قال بأسف:والله آسف شافها ماناظرته حتى قال بصدق اوعدك والله معاد اطريها أبد ...والله مالي غنى عنك ..وانتي عآرفة هالشيء ..متأكدة منه ... شافها ماتحركت ولا عارضت انه واقف في طريقها ...قال بهمس وهو متأمل انها حنت عليه . بس انصدم يوم طالعتة شاف نظرة التعالي الي يكرها ..وينفر بسبتها .... منيره ناظرته وراسها مرفوع بشموخ:والله ي ناصر معاد تهمني بشيء .والحين.اسيل طريتها ولا لا بعيدة عليك لو تموت ماتاخذها...أخذها الرجآل الي مكتوبه له قال بحده :قلتيها مكتوبه له .وشهوله مسويه ازمة في حياتنا أجل منيره ابتسمت بسخريه : روح تغداء بس الأكل برد .... ناصر قفل عيونه بصبر:طيب تعالي كلي معي منيره ببرود ظاهري: برسل لك العيال .... ناصر أعطاها ظهره ..وسحب شماغه وقال بقهر : أروح اتغدا عند أمي ابرك ... منيره : الله يعينك على مسافة الطريق .. سكتت يوم لف لها وناظرها بعصبية ..ابتسمت غصب عنها ...يستاهل ...عشان يتوب .. . ،، ،، ،، ، في شقة أسامه ،، ،، ريوف جالسة على السجادة وتدعي ..الله يشفيه لها ويقومه بالسلامة وترجع تعيش معه وراسها مرفوع ...آه كل ماتذكر شكله تصيح ...لها ثلاث أيام تنتظر خبر يفرحها ..عشانه .. ..يآرب انك ترفع عنه يارب..واثقه في أخوها بيصدق أكيد يوم يسمع كلام...امه بيصدق .... يعرف كيف العلاقه بينهم ...ماهو مثل اسامه يفتكر علاقتهم زينه مع بعض ومتفقين على الي صار .رجعت رفعت يدها يآرب ي حبيبي ترجعه لي أخوي معافى .. وياخذ حقي من كل الي ظلموني : يأخذ حقك من مين بالضبط لفت مصدومه وهي تناظره متى دخل وكيف ماحست عليه .. قالت وهي توقف وترفع السجادة من على الأرض ..وفكت الجلال..وقابلته وهي تنزل الجلال من على رأسها قالت بقهر من سؤاله : من الي ظلموني .... .. اسامه ابتسم على جنب بسخريه : إذا فعلا خالتك ظلمتك حقك ربي يأخذه منها .. ريوف ناظرته بخوف : ومنك اسامه ببرود : ومن أخوك بعد .. ريوف هزت رأسها بقوه : لا أخوي ي قلبي انخدع بكلام امه وصدقه وبعد عاذرته اللي شافة ماهو قليل أسامه قال بقرف والصورة تنعاد عليه يوم دخل وشافها قال بحده :وانا بعد الي شفته ماهو قليل وعشان كذا اسمعي الي بقوله لك. واشر لها تجلس ... ريوف حسيت بخوف من الي بيقوله جلست وين ماقال لها وبهمس : قول ..اسمعك أسامه بحده : شوفي ي بنت النآس العيشه مع بعضنا شي مستحيل .... ولا انا عندي القدره أسامحك على الي شفته ... بتقولين مظلومه ومدري ايش من هالكلام الي اسمعه منك على طول بقولك في رب يحاسب .. إذا كنتي.. ظالمه واذا كنتي ..مظلومه يأخذ حقك انا صعب أكمل معك ... ولا قادر اصدقك واكذب عيوني وخلاص كفايه الي علي سويته ..وكان غرضي من هالزواج احمي اخوي بس اخوك طلع ماهو كفو وغدر ..والي عندك .. شيء ... واحد الي هو (هالطفل) بيجي على الدنيا وهو ماله ذنب وبعد مالك ذنب عشان هالحمل الي صار ربي كتبه وقدره اللهم لك الحمد زفر بضيق وكمل وهو يشوفها منزله رأسها للأرض وتمسح دموعها الي من وقت مابدأ ..ماوقفت .. ومصروفه ومصورفك... لما باب بيتكم يصلك ...وكل شيء تحتاجيه انا موافق عليه بس اني أقدر أكمل معك حياتي لا مقدر اتحملك أبد عشان كذآ قومي تجهزي اوديك لبيت أهلك .. ريوف كان يتكلم ويتكلم ...وانا أسمعه مافيني اقاطعه ..ولا عندي شيء اقوله وبعد كلامه سكاكين تقطع فيني بدون رحمه ...بس لما قال بيتكم قلت أكيد بيأخذ لي بيت انا ولدي فرحت من قلب ..مستعده اعيش لحالي وبعرض على سمير يسكن عندي بعد يوم يطلع من المستشفى عضت شفتي بألم يوم تذكرت بعد المستشفى السحن ..بس رفعت رأسي بقوه وناظرته وهو يقول بيت أهلك لا اموت والله ...آه ي حسرتي ...بيت أهلي من فيه بالله غير الحيه ناظرته بضعف وانا اترجاه بعيوني خلاص مو لازم بيت لحالي ابي بس يوم يطلع أخوي يرجعني لبيت ابوي .قلت بذل وانا امسح دموعي الي رافضة توقف ..: تكفى تحملني حتى أخوي يطلع بس لا ترجعني لزوجة أبوي .. اسامه ضحك بسخريه : اخوك يطلع ليه مين قالك اول مايكتبوا له خروج يشرف.. بيته اصحي من خيالك ... السجن ينتظر أشكاله لانه مستحيل رائد يسامحه على عملته وبعد الحق العام وين راح .. ريوف قلت بهمس :ضروري تذكرني ... أسامه بحده : ايه بذكرك وش مسوي أخوك ريوف بحزن عليه : حتى بعد حالته هذيك ماراح ترحمه اسامه هز رأسه :مستحيل أخوك قضيته ماهي سهله ..كان بيتسبب بقتل فاهمه ريوف بقهر من كلامه :ماقتله حرام عليك تتبلى عليه .. أسامه بعصبيه : كان بيقتله ...وبعد رميه بالرصاص على الحضور في القاعه ..هذي كلها ضده ... ومسجله عليه ... ريوف عضت شفتها بعجز ماتدري وش تقول مسكت يده برجى وهي تطالع .. عيونه تدور الرحمه: تكفى تحملتي بس لما يطلع من المستشفى ..عارفة بيروح السجن وقتها بس راح يأمن لي مكان بعيد عن أمه ..كان تقول كلامه ملخبط ..بس تبيه يرحمها .. أسامه سحب يده بقساوه:لا ويالله مافي وقت ودي اوصلك وارتح من هالهم كاتم على صدري..خلاص خلص كرمي معك لهنا وبس .... ريوف آه زوجة ابوها وش بتسوي فيها لو شافتها والله ماغير تذبحها تذكرت كيف كان تضربها تذكرت الحرق الي حرقتها فيه بسرعة .رفعت كم بلوزتها وهي تأشر على كتفها من فوق وكاد قلبه يحن : شوف شوف هذي علامه منها حرقتني ليه مانظفت السطح كنت يومها تعبانه حيل سخونتي مرتفه مارحمتني قلت لها والله جسمي مولع مقدر انظفه تدري وش قالت ابشري الحين اولع فيك عن حق وهاا شوف كيف حرقتني بدون رحمه ...شافته يناظرها بدون اي تعابير على وجهه ويناظر مكان الحرق ببرود قالت بأمل أخير وهي .. تجلس على الأرض وهي تسمك رجوله بذل: تكفى لا ترميني لها تكفى والله ماغير تذبحني لو رجعت لها ..ماهو عشاني عشان ضناك ...رفعت راسها وهي تصيح ... اخاف منها ي اسامه تكفى ارحمني وارحم ضعفي ..واعتبرني ماهو موجوده في حياتك...مابي حتى مصروف بس لا ترجعني لها وروح شوف حياتك مع الي تبيها بس تكفى لا ترميني عندها تكفى ... اسامه يكذب لو يقول ماشفق عليها وبذات يوم شاف حرق كتفها نزل نفسه وهو يرفعها وقال قال بجمود وهو يقسي قلبه : مع الأسف الي ابيها خلاص راحت علي ..وبعد كل هالكلام قلتيه .. مايمشي عندي ومالك مكان في هالبيت وبعدين ليه مرخصه كذآ حالك يمكن طلوعك من هنا خير لك .. ويالله عندك خمس دقايق خذي اغراضك وانا انتظر في الصاله وبقساوة أكثر حياة عندي لا تتأملي فيها ...ومدام قدرتي تعيشي هذيك المدة كلها عندها راح تتحملي آلحين .. ريوف قلت وانا اذكره: تذكر أنت وعدت سمير ماطلقني ولا ترجعني والله يومها في المستشفى وقت التحليل إذا كنت ناسي انا أذكر ... تكفى أسامه خلك على كلمتك .... اسامه : صادقة وعدته وكنت عند وعدي بس مثل ماقلت لك هو غدر فيني وصوب أخوي وكان مقصده قتله وانقض وعده لي والحين ماله شيء عندي وهو الي بدأ وخون .شافها زادت في صياحها قال ورأسة صدع من صوتها .... بتطلعي من حياتي ولا أشلون ..ي شيخه افهمي مابيك ولا ابي أكمل معك حتى لو كنتي مظلومه مابيك في حياتي أبد ....... ريوف صاحت أكثر من الكلام. اللي قاله بس وش ترتجي منه طول عمره قاسي وماعنده قلب وقفت وهي تحس الدنيا تلف فيها وخايفه من الي مقبله عليه .....ماتخيل حياتها مع مرة أبوها أشلون تعيش معاها وبذات هالفترة وسمير في المستشفى آه والله لا تكفر فيها ... سمعت صوته يستعجلها ...يبيها تطلع قربت من الدولاب ...وأخذت الشنطه رمت باقي ملابسها فيها ولبست العباية ..وطلعت وهي تحمل الشنطه ..ناظرته .. جالس ..ويناظرها بحده ..وقفت من غير صوت ... أسامه أول ماشافها ..طلعت من الغرفة وقف على طول ..وقال بحده: يالله .. ريوف مشت معاه وهي تقدم خطوة وترجع خطوه ماتبي ترجع أبد ...لبيت أبوها ... ركبت .السيارة..وهي ترجف ...قالت وهي تدور اي عذر تخليه يرجع عن كلامه .. :أسامه اسامه بجمود ناظرها في المرايا : أيوه ريوف بلعت ريقها بخوف وتتمنى تمشي عليه الكذبه ويحن عليها مثل كل مرة إذا تعبت ...: احس بتعب مدري وش فيني ي خوفي الحالة الي قبل ..ترجع لي ... أسامه بجمود :عادي كلي زين ماراح يصير فيك شيء اماا لو تجلس تتدلعي وترفضي الأكل أكيد بتتعبي ومافي حد غير بينضر ... ريوف عضت شفتها بقهر وبعجز : بس انا تعبانه صدق أسامه أسامه بقساوه: ريوف كفايه دلع ..... ريوف دلع ي الظالم ....اي دلع بالله آه .. حد يروح للموت برجوله ...سندت رأسي على الدريشه ..وانا أدعي الله يحميني من زوجة .. ابوي ...مابي منها شيء غير انها ماتأذيني قفلت عيوني وانا أعيد شريط حياتي معاها ...آه ي هو موجع .... : يالله انزلي ... وفتح الباب ونزل ريوف ناظرته برجى أخير يوم فتح الباب يبيها تنزل ... تمنت ..يحن عليها بس آه ماغير النظرة القاسيه الي من يوم تزوجته ماشافت غيرها...نزلت من غير ماتتكلم .. مدت يدها تبي تأخذ الشنطه أسامه : خليها بأخذها أنا ... ريوف هزت رأسها وتقدمته تمشي تحس حالها مثل الي رايح لمنصة الإعدام.... أسامه مشى معاها ..ودق الجرس... شوي وسمع صوت ام سمير تسأل مين .. قال بجمود: انا ... ريوف يوم سمعت صوتها حست برعب ..ودها تمسك فيه وتقوله تكفى ..تراجع عن قرارك .. بعدت خطوه يوم فتحت وطلعت لها وهي لافه الجلال على راسها ومنقبه ...يآرب تخاف من نظرة عيونها ..... مرعبة .... ام سمير وهي تناظر ريوف ..واسامه قالت بجمود: يالله خير .. أسامه : السلام عليكم .. ام سمير : عليكم السلام .. أسامه بحده : هذي الأمانه ورجعت لكم ..مع الأسف ولدك خان ورجع في وعده وانا مشيت على طريقته ورجعت لكم البنت ... . ام سمير بجمود طالعت ريوف ..من غير ماتتكلم ... اعطتهم ظهرها ودخلت ..وخلت الباب مفتوح ..... ريوف ..طالعت أسامه برجى أخير ..تبيه يحن عليها ..ولا يرميها هالرميه ... بس وين ذبحني يوم قال :يالله ادخلي وشدوو الهمه على ضحيه ثانيه وكاد خبل وتضرب معكم هالمرة ... ريوف هزيت رأسي بعجز. .منه ..ومن تفكيرة ...مشيت وانا أحمل الشنطه ..ودخلت ...وانا اشوفها قدامي جالسه في الصالة ..اتجهت لغرفتي . وانا أدعي الله إنها ماتتعرض لي. ...بس وقفت يوم كلمتني ...جسمي كله رجف من خوفي منها .... : أسامه رجع السيارة ..وهو يسمع رنة جوال ناظر وراء .... شاف جوالها ..شاف رقم اخته لطيفه .....زفر بضيق ي ربي متى تنتبه له دايم راميته نزل وأخذه ورجع فيه للبيت شاف الباب باقي مشرع ... تقرب منه ..وهو يبي يناديها .. عشان تأخذه بس وقفه كلام.... خالتها ..: ماتحملك حتى هوو ..سبحان الله مالومه بنت الهندية مين بيتحملها مافي إلا أبوك الغبي الي رخص في بنت عمه ...وخذ عليها بنت الفراشه ..وبقهر صرخت ليه مارديتي على ..الجوال كان نقذتي أخوك ...اقسم بالله ي ريوف لو يصير في سمير شيء ..ماغير تلحقيه ....والسجن الي ينتظرة والمصايب الي تسببتي فيه له .. يعني حابه تنتقمي مني في أخوك ي الخبله هذا سندك اشلون طاوعك قلبس ...تشوفي اتصالي وكلامي الي مسجلته لتس ..وتطنشي ..اقولتس بيذيح الرجآل وانا غلطت في حقتس.. وبدق على رجلك وبقوله كله مني ترا البنت مظلومه.....حاولي تسوي شيء .حلفت لتس بقوله ..بس .ماغير مطنشه كل اتصالتي ورسايلي ... بس تفتكري ولد الأكابر.. راح يخليك عنده ..بعد ما اخوك كان بيتسبب في موت أخوه...... لو رديتي علي كان قدرتي يمكن تنقذي حياتس على الأقل ...ماهو ترجعي ذليله مثل ماطلعتي ذليله .....من هالبيت لكن هالمرة ي ريوف بيكون انتقامي غير ...لو صار في أخوك شيء بس أحمدي ربك اليوم الدكتور طمني عنه ...وعن حالته ...وقربت منها ...بقهر.. ريوف وهي مفزوعة حدها منها تشوفها معصبه متأكدة انها بتطقها قالت بسرعة يوم قربت منها حطت يدها على بطنها وهي تحميه : حرام عليك لا تأذيني انا حامل .. ام سمير انصدمت : وشهوو ..حامل صفقت يدي بيد .. معقول قدرتي على الرجآل ..وهو شايفك بهذاك المنظر.. صدق حظتس مثل حظ أمتس ..لكن هي انتصرت في البداية وبعدها ماتت وابوك رجع لي وانتي حاولتي تلعبي على الرجال ...ومدري كيف غسلتي مخه ..ونسيتيه يآرب ي قوة عينتس اشلون لعبتي عليه .. انا وانا مدبرة كل شيء ومخططه له وصدقت فيتس انتس وحدة **** ......من منظرتس .. أجل هو أشلون ..بس يالله بعد خسرتي في الأخير مثل أمتس ....حملتي وبعدها رماك... مهما كان رجال ومستحيل يسكت على شافة .. وناظرت بطنها ..والله لو اخوك مايطلع منها ..لاحرق قلبك على ضناك الي انتي حامل فيه .........مثل ماحرقتي قلبي على سمير ...أدعي ربك بس انه يقوم ....وانقلعي غرفتس لا اشوفتس هنا أبد ...لما اخوك يصحى ويقلعتس بعيد عني ........ أسامه مصدوم من الي يسمعه. ... ........ ،، ؛؛ ؛؛ ؛؛ كتتتتتتتتتتتتت ،، ،، تحذير لا اشوف اي دعوة لعيالي أسامة وليد ... اما باقي الأبطال خذوا راحتكم فيهم وبذات سآمي لا احد يقصر فيه .. خذوا راحتكم فيه على الأخير استودعتكم الله الذي لا تضيع ودائعه سبحان الله وبحمده سبحان الله العظيم " الوتر أحبتي " الله يرحمك يامن اوجعني فراقك |
رد: أعشق أنانيتك عندما تتمناني لك وحدك الكاتبة نوني الجنوب
السلااام عليكم
وش هالتغلي كله يانوني نهون عليك واحنا الي نحبك 😗😘 ابشري بعشرة ردود بس لاتقطعين فينا وقله الردود ترجع للظروف انا مثلاا قريت الجزء بس مالقيت وقت ارد وبعدها اصابتني وعكه صحيه ومازالت بس مع هذا قلت ارد حتى لو اني كح كح كح نجي لاكثر واحد رفع ضغطي ومعليش نوني عيالك على العين والراس بس احنا مانرضى بالظلم.. الحين انت تقول اي شي تبينه انا مستعد انفذه خلااص يااخي حط لها بيت مهما كان بتكون ام ولدك حط لها بيت وشغاله ومصروف وانسهاااا.. بس انك توديها للبعبع مرت ابوها وشوفه عينك تقول بانتقم من ضناك لاااااا هالشي ماينسكت عنه ابدددددد.. اما انك رجال وتاخذ حرمتك عندك وتحميها من المتوحشه الي عندها او تحط لها بيت.. وليييد.. ياااشيخ نفسي اعرف انت كيف تركيب قلبك ؟؟معقوله كل واحد متزوج ثنتين نفس تفكيرك!! يعني ساعه نحس انك تموت بدباديب ريتاج وساعه نحس انك قيس لطيفه.. ياشيخ ماعرفنا لك حدد بالضبط قلبك من يبي.. لاتقول الثنتين.. لان (ماجعل الله لرجل من قلبين ) سااامي.. بيض الله وجهك.. بس هالخبله غلوو من يفهمهاا.. والله خاطري اكسر راسها واعلمها السنع ماعندها الا طولة اللسان.. نووووني.. تسلم الايادي ياعسل.. بس لاتقطعين فيناا ترانا مانستاهل ..بانتظااارك |
رد: أعشق أنانيتك عندما تتمناني لك وحدك الكاتبة نوني الجنوب
آللهم إني استغفرك وأتوب أليك سبحانك اللهم إني كنت من الظالمين آللهم صل وسلم على نبينا محمد " صلو عليه " الروآيه لا تليهكم عن الصلاة والعبادة اللهم بلغت اللهم فاشهد & & & &البآرت الثاني والخمسون & & & & & تراجع وهو مصدوم ..من الي سمعه...يالله ..وش تقول هذي.. بسرعة ركب سيارته .وحرك ..وهو باقي مصدوم معقول ..فيه كذا ناس ..تصل فيهم الخبث. ..لدرجة توصل لشرف .... طيب ماتفكر ..في بنت زوجها وحاقدة عليها لهالدرجه ..تفكر في ولدها. ..الي وطت راسة ..وخلته يقدم على شيء ..يضيعه ...ناظرجوالها . ..الي ناوي كان يعطيها ...تعوذ من إبليس وهو يحاول يهدي حالة..عارف نفسه لو رجع مايضمن ..وش يسوي فيها ....الخبيثة ماضيعت حياة ولدها بس ضيعة حياته ....راح لشقتة ..ونزل دخل البيت شاف ..الشقة فاضية .... ناظر مكانها والكنبة المعتاده...الي تجلس عليها وتنام أكثر وقتها عليها ..حس بضيق ...مايدري وش يسوي ..لايبي يكمل حياته معاها ..ولا يبي يرميها هالرمية ..هي والي في بطنها ..قفل عيونه..ورفع يده ..وشد رأسه ..بقوة وهو يحس بالصداع ... بدأ يضرب ...زفر بضيق وهو يردد أبد ماهو وقتك ....آه .. ياما حلفت انها مظلومة ..وياما ..قالت خالتي خبيثة ...وياما قالت مدبرة تبي تطلعني من حياتها ......بس ماكان يسمع ..منها أبد ..شد على راسه .. بقوه...ريوف إذا انتي ...مظلومة انا أكثر منك مظلوم تحملت في سالفة انا مالي فيها ..... انحرمت ..من حياة كنت ابيها واتمناها ....وليتها بعيده عني ..لا أخوي زود طعوني ..يوم ارتبط فيها آه....تعبان وضايق ..ومايدري وش السوات .... رفع جواله ودق رقم ام سمير وقال بحده يوم سمع صوتها : أقسم بالله لو تقربي ناحية ريوف ..ماراح يصير فيك خير . أم سمير بتمسكين عشان ولدها تبيه يعفي عنه : علامك يمه مشتط علي ...الله يكفينا الشر ..ولا أنك زعلان مني عشان ..يوم دقيت عليك كان كله يومها من خوفي على ولدي يمه ماكان عندي غير اني اتبلى على حالي.... أسامه قفل عيونه بصبر لسى لها عين تكذب الحقيرة قال بعصبية وهو يقاطعها .. : حقارة مثل كذآ ماشفت .... ام سمير وهي تدعي عليه ..الله يأخذه جالس يغلط ..بس عشان سمير بتحمل قالت وهي ودها تذبحه ..: الله يسامحك يمه والله اني عاذرتك ...اللي صار من سمير ماهو قليل بس انتم فيكم خير ومعروف طيب اصلكم ومانسى وقفتك قبل اسامه ليتها رجال كان رده بيكون غير كذا ..بس وش حيلته مرة قاطعها وهو يصرخ: أقول بلى كثرة حكي ريوف لو يصير فيها شي قسم بالله ..لا تنرمي جنب ولدك ...وانتي عارفة وش اقصد ... ام سمير مافيها عاد تصبرجالس يهدد عشان بنت الهندية ..: مدام خايف عليها وشهوله راميها عندي ....وبعدين وش قلبك كذآ اذكرك حبيب ..ورجال محترم ماتغلط على اللي أكبر منك .. ولا بنت إبليس لعبت عليك ....حسبي الله عليها من بنت ماغير تعذبنا وتبهذلنا معاها ....مدري وش الي يرضها .دايم اتحمل عقوبة فعايلها ... أسامه بعصبية صرخ وهو يقاطعها : حسبي الله عليك من مره وربك قادر يأخذ حق اليتيمه منك ي الظالمة ...ومارميتها بيت غريب .. رميتها بيت أبوها فاهمه ومثل مالك لها واشوف بالله تقدري تقربي منها ...ولا تفتكري إني بعيد ماراح أعرف وش مسوية فيها ...ولا عارفة وش عقوبتك بتكون .... والحين ..الي ابيه منك تخيلها في حالها ...وبس وقفل في وجهاا مقهور ومعصب ..ماقدر يتكلم ...عاد ..تأنيب الضمير وجعه حيل ..ناظر الأرض يوم تنضرب وهي ...تحلف انها برايئة . هز رأسه بعجز ....يحس بحيرة لا هو قادر يروح ..يأخذها ..ولا هو قادر يطنش كذا ...محتارحده ....مستحيل يفكر .وهو معصب كذا لازم يهدى ويفكر ..وش يصير ..... ،، ،، ،، في بيت ابووليد .. ،، ،، نزلت بعد ماعزمتها شوق ..على قهوة وحلا ..في الحوش ...لفت الجلال على كتوفها .. وطلعت شافت خالتها وشوق جالسن جلست بعد ماسلمت عليهم وقالت وهي مسمتعه بالجو : يآرب يجي مطر .. شوق : يآرب آه من أخوك ماغير يرسل لي سنابات وهو يتمشى آه عندهم الجوو وناسه ماغير مطر ... ام وليد بعتب:يمه كان قلتي لرجلك يجي يتقهوى معنا الجو مايتعوض .. ريتآج عضيت شفتي وقلت بأبتسامه مزيفه:وكاد نايم ولا تعبان خفت ازعجة ... ام وليد ماعجبها ردها ناظرت شوق وقالت:دقي عليه خليه ينزل ...شوق هزت رأسها ودقت عليه جاها رده بعد ثواني: الو بعدت الجوال وهي تقول: بسم الله وش فيه صوتك كذا وليد بحده : اخلصي علي وش تبي شوق بقهر : ماهو انا الي ابيك الغالية عازمتك على القهوة وليد مافيه يرد امه قفل ....في وجهاا من غير مايرد ..عليها .. شوق بقهر وهي تناظر الجوال:مع إحترامي لك يمه بس ولدك ماعنده أخلاق. .. ريتاج توك شوق تحسي من مبطي والله ... ام وليد بزعل:وش ذا الحكي ي شوق ...والله وليد مافي مثله الله يرضى عليه بس ماغير متورط في المشاكل الي ابوك متسبب له فيها إلا لو خلاه على راحته كان حياته ونفسيته أحسن ريتآج لا لا أحس بكلام خالتي مدري كيف بس طنشت وماوضحت اني زعلت ..لفيت عيوني وانا اشوف وليد مقبل علينا .. ونفسه في خشمه ..يالطيف ..الطف .. شوق بقهر :تعرف تقفل والله وليد طنشها وسلم على رأس امه وجلس قريب منها ام وليد تناظر شوق:صبي له قهوة ومدي حلا وانتي ساكته شوق صبت قهوة ..وهي تقول: بس عشان الغالية الا على التقفيله في الوجهه ماتستاهل .. وليد بضيق وهو يأشر لراسه : مصدع ياليت تسكتين ... ام وليد بحده: شوق والله لو ماتخلي اخوك من هالتشره بالدله على وجهك شوق بقهر :ايه هذا كله عشان وليد وانا الي متعبه نفسي وعازمة ماحد مثلي ...وفي النهايه المعامله كذا الله يسامحك يمه ريتآج ابتسمت : حالتك صعبه الله لا يحطنا في هالموقف .. انا لو مكانك اروح أموت ... وليد بسخريه ميل فمه : لا فيها تتحمل لاتنسي طالعة على بنت عمها ثقيلة دم .... ريتاج عضت شفتها بقهر حلوة هالدقة وصلت مضبوط للآخر بس تكون غبية لو وضحت له انه حرق قلبها بكلمته قالت بستفزاز له :علامك الله يهديك نازل ونفسك بخشمك اولتها شوق والحين انا روق ي رجال الدنيا ماتسوى وكل شيء يتعوض .... وليد رفع حاجب وقال بقهر:والله الي خسرتها ماتعوض ريتاج بتحدي له: والله كل شيء يتعوض المرة بدالها مره والرجال بداله رجال ...وسكتت وهي تشوفه عصب يستاهل مدام ماحترمها قدام امه واخته وجالس يرمي كلام تافهه مثله وليد بحده وهو يمد فنجانه :صبي ساكته ... ريتآج ابتسمت بتشفي وهي تمد يدها :ابشر ام وليد بعتب : هذا وانا عازمتكم عشان نتونس في هالجو تقوموا تقلبوها نكد وكل واحد يرمي كلمه أكبر من الثانية وليد سحب يدها وسلم عليها وقال بأسف :اسف يمه فديتك لايضيق خاطرك ...واشر لريتاج تقول شيء ريتآج ابتسمت مجامله : ماعليك ي خالة حنا دوم كذآ بس ماله غيري ومالي غيره شافت إبتسامة السخرية الي ارتسمت على وجهه ردت له الإبتسامة ... اليوم مدري وش فيها جالسة تتحرش بوليد.... ام وليد : الله يسعدكم ولا يفرقكم عن بعض شافتهم ساكتين قالت بزعل قولوا آمين ...طيب وليد وريتاج بسرعة : آمين .... شوق هنا خلاص ماتت ضحك ...معاد فيها تسكت شكلهم مسخرة ...وهم يرددوا وراء امها ..... قالت بعد ماشافتهم يناظرونها بقهر: والله لو ادري كان من زمان عزمتكم ....ي خي اشكالكم تحفه ...مره ... وليد بقهر :لا ي شيخه ام وليد ناظرت ريتآج : يمه ريتاج بقولك شيء ابيك تكلمي امك ..لأني انا والله خجلانه منها . ريتآج عقدت حواجبها مستغربه :قولي ي خاله وابشري بعزك ام وليد بحزن: والله يمه مايصير نسوي عرس عصام وشوق. في هالشهر ...عشان رجل اختي الي مات توه ...وعشان مشاعر بنت اختي ...والله حالتها كسيفه وتقطع القلب ...وبعدها يجي رمضان ..انا اشوف انه يتأجل لثاني العيد ....يعني بدل مايكون شهر ثمينه يكون شهر ...عشرة. ... ريتآج ودها تقول لها تكفين لا ...والله مافي حد غيرها يتبهذل ...بهالتأجيل ...هي جالسة تحسب بالساعة ..ويالله ودها الثلاث السابيع ...هذي تمر بسرعة عشان ترتاح ..تقوم ..خالتها ..تأجل بعد شهر زيادة لا كذا كثير طالعت وليد ...الي وجهه مايفسر .وبعد شوق منزله رأسها وساكته .....قالت بهدوء ظاهري:أبشري ي خالة بكلم امي وبعد بكلم عصام ولا يهمك ام وليد :والله خجلانه من امك أكيد حجز ت .. بس والله الرجال مهما كان يصير لنا .... وليد قال بجمود: يمه ابوي عنده خبر .. ام وليد : اي يمه عنده خبر ... وليد ناظر شوق الي منزلة رأسها وساكته قال بضحكه :مين الي شكله تحفه آلحين .. . ام وليد : لا بنتي عاقلة وتعرف الواجب ...وعندها خبر شوق ابتسمت لوليد :لقط وجهك وليد ام وليد وقفت وهي تطالع شوق : يالله يمه ابيك تدقي تلفون ..بطمن على غلا ... شوق وقفت مع امها وراحت ...تدق لها ... وليد طالع ريتاج ...وهي تحرك الملعقه في صحن الحلاااا من غير ماتأكل .قال بشماته وهو يمد فنجانه :مصدومه سبحان الله كل مرة يطلع شيء ويخرب عليك ... ريتآج طالعته ببرود ظاهري وسحبت الفنجان وصبت له وقالت وهي تناوله : شفت كيف سبحان الله الي مفروض تفترق عنها جالسة على قلبك والي تبي تموت عشان تجلس معك بتخلعك ... وليد رماها بالفنجان ..حطت في كتفها ....صرخ بعصبية: تطمني لطيفه ...ماراح تطلب الخلع . ريتآج مسكت مكان الضربه وهي تتألم ..وبعد كانت حارة حرقتها ..بلعت الغصه وقالت وهي ناويه تحرق قلبه بقدر مايحرق قلبها : أجل وشهوله رايحه للمحكمة تأخذ سلفي ...وليد بتكذب في ذي بعد ....يالله وليد عصب وده يذبحها قال بحده : ريتاج اختفي من قدامي أفضل لك .... ريتآج وقفت وقالت بقهر:مصيري اختفي من حياتك كلها وان شاء الله ماهي لطيفه الي تخلعك بإذن الله انا بعدها ...لأن اشكالك ماينفع معاهم الطيب ...واعطته ظهرها وليد بسرعة مسك يدها بقوة وشد عليها وقال وهو صاك على سنونه :اعتذري ريتآج بسرعة .. ريتآج لفت له وقالت ببرود : لا ... وليد قال بتهديد :والله لاحرق قلبك على أخوك والتضحيه اللي مضحيتها عشانه تورح كذا ....وتعرفي يوم احط الحاجه براسي ولو تم زواج شوق وعصام قابليني ..... ريتآج ابتسمت بسخريه : ماتعبت من هالتهديدات وأنت تعيدها ...صدقني لو فيه نصيب بين شوق وعصام والله مافي قوه تفرقهم عن بعض ولا مافي نصيب بينهم مافي قوه تقربهم من بعض ...وقربت منه و بستفزاز أكثر تهايط وانت مره اعطتك الشلوت سكتت وهي تحس انها زودتها حيل في الحكي ..والله على قهرها منه بس حست بقلبها حزن عليه ..وهو يناظرها مكسور .... ابتعدت عنه وهي تتعوذ من إبليس ... ،، ،، ،، في بيت ابو اسامه بعد ما راحو الضيوف ... ام اسامه طلعت أسيل الغرفة الي جهزتها لهم ... قالت بترحيب: حيا الله العروس .. اسيل هزت رأسها بخجل ..وهي تناظر الغرفة ..... ابتسمت لام اسامه وهي ترحب فيها ..استقبالها غير عن بنتها لطيفه ...ماغير سلمت عليها وطلعت ...كلها دقايق وانفتح الباب فزت واقفه وهي تشوفه واقف قدام الباب ...يناظرها مفهي وبعدها ابتسم بطريقة غبية ... رائد قفل الباب قرب منها وجلس على السرير ومد يده وجلسها جنبه...ناظرها كيف منزله رأسها تنهد براحه: آه أخيراً شفتك أعوذ بالله أهلنا هذولا مايحسوون ماغير لازقين والله اذكرهم دايم مايجلسون معي ومايحبوني بس الحين نحاسه اخخ بس وماقهرني غير يوم يفتحون السوم في المجلس على وحدة من نياق ابوي وسرى الليل وحنا ماسرينا ...رفع رأسها بيده وصغر عيونه ... تتوقعي عناد صح ..ليه كذا حاسدنا العالم كله.. ..شافها تناظره ويحسها مدبوله كبدها من سواليفه ابتسم وهو يرحب : حياا الله اسيل يالله لو تفتحي قلبي بس وتشوفي فرحتي فيك ... اسيل بقهر توه يرحب له ساعة ...يسولف سواليف عبيطه ولا ايش العالم حاسدينه ....على القرادة افف ابتسمت مجاملة: حتى انا فرحانه رائد قال بضحكه: والله انك كذوب اسيل فتحت عينها بصدمه : ايشش رائد : هههههههههه امزح ي شيخه بس خفت اقولك كلمه حلوة وتجلسي تصيحي مثل كل مرة .. أسيل عضت شفتها بقهر من متى هي تصيح من الكلام الحلو تصيح اذا دبل كبدها بسخافته ....بس مافيها تقول شيء. .. رائد إبتسم وبهمس: اسيل لايكون تبي تصيحي اسيل هزت رأسها وقالت بدلع : رائد خلاص .. رائد إبتسم : طيب مافي الحمدلله على السلامة أسيل برقه : الحمدلله على السلامة و آسفه تأخرت بس الله يهديك التأخير منك ماعطيتني فرصه . رائد : مقهور والله اسيل ناظرته مستغربه : سلامات رائد كان ودي اجيك وانا لابس البشت .....ويوم طلبت من امي تجيب لي من عندي ابوي تخيلي وش قالت جرحت قلبي اسيل : ايش قالت رائد: لاتفشل عمرك من عروستك البشت وراك مترين اخخخخ يعيروني بقصري ولويدرون الرجاجيل ماهي بقصرها وطولها بفعايلها ...اسيل شفقت عليه ماهو بذاك القصر حرام يجرحونه كذا . ... قلت برقه : ماعليك أهم شيء انك اطول مني ...وبس رائد صغر عيونه: يقال تواسيني آلحين الله يسامحك بس أسيل ناظرته بحيرة وقالت : طيب وش يرضيك رائد مسك ضحكته: بشت أبوك اسيل فتحت عينها بصدمه : ايشش رائد عض شفته لا يضحك: وانا صادق مافي إلا بشت ابوك يجي علي لانه قصير مثلي .... أسيل ناظرته تبي تفهم الي يقوله بوعيه أولا قالت بعجز: أنت كذا شخصيتك على طول استهبال ولا ايش القصه رائد ابتسم : وشهوله مستعجله عندك الوقت عشان تتكتشفيها على راحتك. ......... |
رد: أعشق أنانيتك عندما تتمناني لك وحدك الكاتبة نوني الجنوب
اسامه أول مارجع ...من دوامه ..توجهه لبيت ام سمير ... وطلعت له ام سمير...قال بحده وهو منزل رأسه :نادي ريوف .... ام سمير بقهر منه هذا آخر الزمان يسبب لها رعب ... والله لو مافي شيء يحدني لعرفت كيف اتفاهم معه وهو بنت الهنديه .. بدون نفس قالت : ان شاءالله . ودخلت ورفعت صوتها :ريوف رجلك يبيك .. ريوف الي من أمس ....وهي عايشة رعب ماهو طبيعي عينها على باب الغرفة ..تحس في اي وقت تدخل عليها .....بس فيه شيء محيرها ..طلعت أكثر من مرة من غرفتها .. و تصادفت مع زوجة ابوها ..بس ما تكلمت عليها ..غير يوم دخلت البيت بس .والشيء ذا بحد ذاته غريب.. ..تذكرها ماتخلي فرصه ...من اول ماتشوفها قدامها .... تهاوشها ولا تحذفها باي شيء قدامها ...الله يعميها عنها على الآخر ..فزت من مكانها يوم سمعت صوتها آه توني في سيرتها اخ حسدت نفسي .. يآرب أنت قادر تحميني منها بلعت ريقي يوم فتحت الباب بقوة ..تمنيت عندي مفتاح لهالغرفة :بحده : رجلك برا يبيك .. وقفت وانا ادف المفرش مو مصدقه :برا .. بسرعة طلعت من عندها وانا فرحانه على ظلمه وخوفي منه بس والله عندي أهون من هالعقرب ....شفته واقف عند الباب ..ولابس..بدلته العسكريه .. ومنزل بعد النظاره على عيونه شكله توه راجع من دوامه ..... أسامه شافها قدامه وجايه مطيروة بعد رفع نظارته على رأسه وقال : على هونك محدن وراك .. ريوف ودي اصرخ في وجهه واقوله والله لو تعيش الرعب الي أعيشه ساعه صدقني مايكون هذا ..ردك ..بس طبعاً مقدر أقول كذا لاني عارفة رده بذبحني زود ..... أسامه شافها نزلت رأسها بذل ...من غير ماترد عليه مد يده ورفع رأسها وقال بهدوء: هذا ارفعيه اوك ...ولا تخليه ينزل مهما مين قدامك وطالع عيونها ودي يوم اشوفك قويه لو مرة وحدة بس. ... ريوف ناظرته مستغربه ..أول مرة يقول لها كذآ ..... أسامه شاف الاستغراب في عيونها مد يده وقال:خذي جوالك نسيتيه أمس في السيارة... والحين جبته لك ... ريوف أخذت جوالها و بهمس: مشكور .. أسامه نزل نظارته على عيونه وقال :اي شيء تحتاجيه دقي عليه اوك ويالله في حفظ الله ..وأعطاها ظهره ... ريوف أول ماشفته بيطلع من البوابه قالت بسرعة : اسامه اسامه لف لها وقال :نعم ريوف قربت منه ..وقالت بخوف وتردد: كيف أخوي ... أسامه :الحمدلله بخير الدكتور متواصل معي يقول في تحسن ملحوظ .. ريوف بفرحه :يآرب لك الحمد ... وسكتت ودها تقول له خذني تكفى معك بس عارفة آيش بيكون الرد ...لا أكيد. . .قفلت عيونها يوم طلع وقفل الباب ... جلست على الدكه في الحوش ...وهي تناظر جوالها ..فتحته شافت مكالمات من لطيفه أكثر من مرة ..مادقت عليها ولا لها نيه تدق عليها ...ماتنسى كيف عاملتها آخر مرة قدام الرجال الي يكون قريب لهم .....وقفت بتعب ...ودخلت الصالة ..وهي تشوف خالتها ماسكه الجوال الي يرن في يدها ...كملت مشوارها بس وقفهتا صرختها ........ : تقولها صادق يمه الله يبشرك بالخير تكفى الحين ودني له بشوفه وبفرحة أكثر يالله جاهزة الحين اطلع لك ... قربت منها وقالت بفرحة : سمير صحى صح ام سمير بفرحة: اي والله صحى ... ريوف يآرب لك الحمد وخرت للأرض ساجدة تحمد الله هذي أكبر نعمه يآرب لك الحمد ..وقفت بسرعة وهي تركض وراء خالتها الغرفة : تكفين خذيني معك له تكفين ...والله مانسى لك هالجميل ... ام سمير طنشتها وبسرعة لبست العباية ..شافت ريوف وراها تركض .. تذكرت ...إنه مو من مصلحتها يشوفها ...معاها الحين بذات قالت بحده :ارجعي للبيت بسرعة .. فتح الدريشة وهو يناظرها بغصه حرموه منها امه وخالته والسبب تافهه ..قال آيش بنت الهندية .ومايتشرفون فيها ...وامه تطمع تزوجه بنت ناس ترفع الرأس .وآخر فعولهم فيها .. كان تكسر الظهر آه بس ...قال بقهر :وشهوله ماتخليها تجي تشوف أخوها ... ام سمير ماهي فاضيه لهم قالت بسرعة : عناد يمه مو وقتك أبد آلحين .. عناد : ماراح يضرك أبد وجودها اركبي ريوف ... ام سمير طنشتهم اثنينهم ماهمها آلحين غير ...ولدها يآرب لك الحمد ...وسمير يسوي الي يبي ..اهم شيء انه صحي ... ريوف ركبت وهي فرحانه .وفي نفس الوقت خايفة بعد لا يكون بيصدها راح تتحطم بعدها ...وتفقد آخر أمل لها ... أول ماوقفت السيارة حست قلبها يرجف زود ..فرحانه عشانه صحي وخايفه منه ...شافت اسامه واقف .. وجنبه دكتور يتكلم معه ..حست برعب ...معقول جاي وهو ناوي عليه ولا وش موقفه الحين هنا ...توه رايح من عندها أكيد دق عليه الدكتور ...وجاي عشان يأخذه ..حبيبي ي خوي .. كملت ملاحقه زوجة ابوها الي تركض تحاول تسرع بخطواتها عشان تلحقها ... أسامه عقد حواجبه ..يوم شاف ام سمير الي جايه وهي تركض من فرحتها وعرف ريوف على طول .. .شاف شاب متوسط طوله وعريض شوي يمشي معاهم وهو يحاول يهدي على ام سمير. عناد ..... يناظر الناس وهو متفشل ..: على هونك ي خاله تكفين شوي شوي ...بس بهت وجهه يوم شاف اسامه قدامه بلبسه العسكري معقول هالوقت يأخذونه لا مستحيل ...ماهو لهالدرجه الرجآل ماله ساعات من وقت ما فاق ..حس بغيض وكره له ...يعرفة قبل كذا شافه في المستشفى جاي مع ريوف وقتها و امه قالت له هذا انه زوجها . ..قرب منه وقال ومد يده : السلام عليكم أسامه رفع حاجب ومد يده : عليكم السلام عناد بحده: ياليت ماتكسر فرحة امه بذات الحين شوف كيف حالتها ..شافه يناظرها ببرود كمل بقهر من باب الإنسانية اسامه نزل نظارته على عيونه ..وقال ببرود يقتل: ماهو انت الي تعلمني شغلي ...وأعطاه ظهره وطلع من المستشفى كلها .... ،، ،، في الغرفة ام سمير رمت حالها على صدرة وهي تصيح ...: يمه مو مصدقه يومه انك رجعت يمه فديتك يمه والله طيحتك كسرة ظهري ... مسكت يده وهمست له برجى : تكفى يمه سامحني يمه سمير والله راضيه يمه وسوى فيني الي تبي حقك يمه بس اهم شيء تكون بخير ..وهي تتفقد جسمه كله ..وملامح وجهه ... حست بغبنه وقهر ..مارد عليها ...ليته يرد حتى لو هاوشها بس يرد ولا يسكت كذا ... . ... سمير ناظر امه ...ي ناس صعب وضعه ..أشلون ...يقدر يهاوشها هذي أمه عارفين ايش امه جنته وناره ...والي سوته كسر ظهره حيل ..هز رأسه بقلة حيلة ..طالع . ناحية ريوف..شافها واقفه جنب الباب ..وشكلها خايفه...أشر.. لها تقرب منه ..... ريوف كنت فرحانه كثير وانا أشوفه صاحي قدامي ..يالله لك الحمد والشكر يارب ...والله على فرحتي بس متوتره وخايفه من رد فعلة لو قربت منه ...وبعد صياح امه خوفني وترني زيادة ....وماقدرت اقرب منه ...افتكرت أول مادخل اطير له بس يوم دخلت حسيت بشيء يوقفني ... ...بس يوم شفته يأشر لي ..من غير حتى مايرد على امه ...قربت منه .من غير حس .... وطحت على صدرة اصيح ...حسيت بيده على ظهري وبعدها سمعت شهقته .القويه اللي صدمتني ...حيل ....رفعت نفسي وانا اناظر وجهه مصدومه سمير يبكي ...هزيت رأسي ..لا لا ليه يبكي كذا لايكون من قهره مني ...وتذكر السالفة لا ...نظرته لي فيها ندم ...مسكت وجهه بيدي وقلت بهمس : ليه تصيح سمير زاد في صياحه ... ريوف حسيت قلبي مع شهقاته بيطلع من مكانه ..منظره يكسر القلب ...قلت وانا المس وجهه بحنان :لا روح اختك تكفى مابي اشوف دموعك والله انك جالس تذبحني ... سمير زادت وجع قلبه يوم سمع كلامها ...آه ليتني سمعتك قال بوجع : والله ماستاهل أكون اخوو لك ريوف بسرعة حطت يدها على فمه تمنعه يكمل : لا لا والله ازعل منك تقول كذا أخوي وتاج رأسي وبصدق سمير انا وهي تمسح دموعه بعتبرها هذي دموع فرح حبيبي بقومتك ...لا تتنكد ي خوي ...ومدت يدها لوجهه تمسح دموعه الي رجعت نزلت خلاص سمير تكفى لاتخرب فرحتي بقومتك بالسلامة ..وصاحت غصب عنها يوم شافت رافض يسكت .... سمير عض شفته وهو يحاول يمسك نفسه ... ..يالله قد ايش نذل ..على الي سواه فيها ... تبكي عشانه ... قال بحسرة : سامحيني تكفين والله أموت لو ماسمعتها منك ي روح أخوك ...وعض شفته وهو يحاول يمنع نفسه لا يرجع يصيح أشلون صدقت فيك وانتي طاهرة وعفيفة ريوف بسرعة وهي تمسح دموعها : مازعلت منك عشان أسامح وقالت برجى مابي السالفة سمير خلاص انسى ....الله يخليك . لاتوجع نفسك وتوجعني بشيء مابي اتكلم عنه ..... سمير للمرة الكم تكسر عينه ..بطيبة قلبها وتطلبه ينسي وهي المتضررة الوحيده فيها ... ..وهو حتى فرصة ماعطاها ...تشرح له ... ... ناظر أمه الي أبتعدت عنه أول ماقربت ريوف قال بوجع وهو يمسك يد ريوف: ربي بيأخذ حقك ي ريوف بدخولي السجن وحقك من أمي يوم بتنحرم مني ...وتتحسر برميتي الي بنرميها ريوف بسرعة قاطعته وهي فرحانه انها بتبشرة :لا لا ي قلبي ابشرك رائد ماتت اي والله ماتتت والله راح يسامح ... سمير إبتسم بوجع ...فديتها يقال تفرحني ..وتبشرني ...وانا عندي العلم انه حي قالي عناد أول ماصحيت ...بس قلت وانا اسوي نفسي توني ادري ...ويقال فرحان: الله يبشرك ي قلبي صدق والله فرحتيني حيل .... ريوف بأبتسامه كلها براءة : أبشر ي خوي والله بنفسي بكلم زوجته واخيلها تقنعه . وفي نفسها ماعندها غير زوجته وكاد قلبها حنون أحسن من اسامه وامه ولطيفه .. سميرهز رأسه بتعب ...: لا حياتي ...لاتكلمي أحد والي مكتوب لي بيصير....وكم بأخذ فيها يعني سنه سنتين ثلاث اربعة ..والله ماتوفي حق الظلم الي ظلمتك .وحس بتعب مقدر عاد يتكلم ........شوي والدكتور جا وقال خلاص يكفي . ام سمير قربت منه وهي تسلم عليه وقالت بهمس :سامحني يمه سمير إبتسم بألم : قلبي موجوع يمه بس وش بيدي اسوي مهما كان انتي امي ..وحقك علي .. . أول ما.الكل طلع من عنده ..آه يحس بشوية راحه يوم شاف أخته ...وهي مسامحته ....بس هو مستحيل يسامح نفسه ..الي سوته .امه .. ماهو بس دمر ريوف دمرني انا بعد رجع بذاكرته لقبل الحادث ...وقتها على طول.. توجهه من القاعة لبيت امه قال وهو يصرخ: يمه رفعت رأسي يمه لو رقبتي تروح فدوة ..وبغل أكثر وهو منهار ودي بعد اروح لل*** شقتها واذبحها . بيدي ذي ويكون قلبي برد .. خلصت منهم اثنينهم ... طاحت عند رجوله وهي منهارة : لا تقول سويتها ليه ضعيت نفسك ......يمه ... سمير جلس على الأرض وهو يلهف ماعنده وقت الشرطة بيصيدونه قبل مايتخلص بعد من ريوف ..مسك يدها وهو يسلم عليها أكثر من مرة : تكفين يمه لا تنزل دمعه منك بالعكس ارفعي رأسك وقولي ولدي غسل عارة ..قال ببحه توجع ..يمه قهر الرجال يذبح يمه ..انا موطي رأسي والسبب أختي الي ربيتها ... ام سمير هزت رأسها وهي ترفع كفوفها وتمسك وجهه: والله يمه والله انها مظلومة .....هاتي القران احلف لك.... سمير إبتسم بألم : خلاص يمه مافي داعي تحملي نفسك مسؤولية عشان خوفك علي ...الأمر قضى ...لف بقوة على صوت الباب القوي وهو يفتح والكلام الي ذبحه ... : لا والله مو عشانك وهذا الصدق أمك ظلمت البنت وبنفسها قالت لي وقلت لها ي وخيتي خطيتس كبيرة ...هالمرة ترا السالفة ماهو ضرب وطرد مثل العاده لا هالمرة شرف ..وعارفة عواقبه بس لا ركبت رأسها وهي تقول طقت نفسي منها وماعندي غير تسذا .. ام سمير قالت وهي منهارة : آه ليت سمعت كلامتس ..وبغضب صاحت كله منه منه دمرني وخلاني من غيرتي وقهري افقد ولدي بعد مثل مافقدته هوو .. ام عناد بعصبية : والله عندتس نفسية الله لا جابها غيرة تخبل بتس تسذا ...ماحد يسوي سواتس صاحي ... سمير صرخ وهو مصدوم : خاله صادق في الي تقوليه ام عناد : يحرمني ولدي لو اكذب سمير رجع نزل الارض ...منهار ...وهو يقرب من امه ....يمه اي غيرة واي قهر يخليك تسوي كذا يمه تكفين قولي عشاني جالسة تتبلي على نفسك ....تفكين يمه ..ذبحت الرجآل توني يمه ....كذآ راحت روح عشان قهرك يمه ..وصرخ بصوته كله يمه ضيعيتي قبل تضيعي ريوف ..يمه وش سويتي فينا .... عناد الي يناظرهم ساكت وهو يسمع ويشوف المهزله ..الي صايرة قدامه خالته داقه طالبه الفزعة وان سمير مقفل عليها ..بس يوم جينا لقينا الباب مفتوح وسمير ...بعد موجود ....ناظره كيف منهار .... توك سمير تصحى انهم دايماً يظلمون هالبنت ...بس بسرعة تقرب منه يوم شافه ماهو في وعيه خاف لا يأذيها وبعد وش سالفة ذبح الرجآل ..... قال وهو يرفعه ..: استهدى بالله سمير وتذكر انها امك .. مهما سوت ...وهو يحاول يضمة ويهدي عليه .... سمير صاح غصب عنه ...قال ببحه توجع : قتلت صاحبي .. وكنت بقتل أختي ......بس ماقدر ...يكمل بسرعة دف عناد وطلع الي يهمه آلحين يشوف ريوف ...يودعها قبل يسلم نفسه ...ايه يودعها أول .... ويتأسف منها .....قال برجى يآرب اشوفها بس وبعدها والله بسلم نفسي ...كان يمشي بتهور ...بس بعدهاا ماحس إلا السيارة تنحرف فيه ... أول مادخلت البيت ..دخلت على طول غرفتي .... فرحانه حدي ...الحمدلله يآرب ..واخوي عرف الحقيقه ..بس والله ودها تعرف ...كيف دري ببرائتها ..معقول خالتي اعترفت له ...اوأرسلت له ..تسجيل ...مثل مارسلت لي ...زفرت بضيق يوم تذكرت كيف اسامه رمى الجوال ورفض يصدق ...حسيت اني بصيح .هفيت على وجهي :خلاص ريوف انسي اسامه ..واي شيء يخصه ..ولا تخلي شي ينكد عليك فرحتك بأخوك ....سمعت صوت الأذن رددت معاه .. وقفت وفكت العبايه ...واتجهت لحمام الله يعز القارىء. .وتوضيت وصليت المغرب....وجلست أذكر أذكار المساء... سمعت صوت الجوال رن وقفت وانا ارفع ..السجادة ..وقربت منه وانا متأكده انها لطيفه ...بس انصدمت وهي تشوف ..اسم أسامه. ... قلبها دق بخوف ...فتحت الخط ..وقالت بتوتر: هلا أسامه بجمود :هلا فيك والحمدلله على سلامة اخوك ريوف : الله يسلمك اسامه بحده :اسمعي مني طلعة من بيت اهلك ماتطلعي وانا ماعندي خبر خلي هالشيء في رأسك ولا تخليني أتفاجأ بشوفتك مثل اليوم ريوف هذا هو اسامه بس يهاوش قلت بصدق :والله ماطلعت غير عندي اخوي ومن فرحتي ماعندي وقت كان ادق عليك .. أسامه :اي هالمرة قدرت وضعك بس المرة الثانية لو أشوفك جايه مع أحد غريب وانا ماعندي خبر ماظمن لك رد فعلي ريوف : قصدك الغريب عناد حرام عليك والله انه أخو لنا ودايم مايقصر اسامه فتح عينه بصدمه : بعد تمدحي رجال غريب عليك وقدام رجلك ريوف عصبت من شكوكه فيها حاولت تشجع نفسها مدام انه بعيد عنها قالت بقهر : اسامه أنت قلت ماتبي لي وجود في حياتك وطلعتني منها بطريقة حتى العدو مايتعامل كذآ.... أسامه بحده قاطعها: ولسى عند كلمتي ..بس مدام باقي على ذمتي والله ثم والله لوتطلعي مكان مع هالي ينقال عنه عناد وانا ماعندي خبر ياويلك وقفل في وجهاا ... |
رد: أعشق أنانيتك عندما تتمناني لك وحدك الكاتبة نوني الجنوب
بعد شهر من الأحداث .. ،،،،،،،،،،،،، وليد .. مقهور ...من رفض لطيفه له ..و رافضه ترد عليه او تطلع له لو راح عند أهلها وبعد أبوها واقف معاها وقاهره ...بالحيل ... اما ريتآج ...بعد آخر موقف بينهم حده زعلان منها ...آخر شيء توقعه ...منها الكلام الي قالته ....والي قاهرة أكثرحتى إعتذار ماعتذرت منه ... ،، ،، لطيفه الي معصبة من أبوها كل يوم يأجل روحة المحكمه وبعد رائد مطنش وغارق مع اسيل لشوشته ....وطبعاً اسامه غاسلة يدها منه ماغير ساكت ...وكل ماتسأل عن ريوف ..ومتى ناوي يردها.. له يطنشها ....ومايرد عليها. ...غلطت في حقها ..بس رافضه ترد عليها او تكلمها كم مرة دقت عليها ماردت ... ،، ،، وريتاج الي كل مايجي لها نفسيتها تتعب زيادة والي قاهرها ايش تأجيل زواج عصام وشوق ....آه فيها قهر وحسرة على حالها لو جلست أكثر بتموت أكيد. ..من الي تحس فيه ..وليد آخر موقف صار بينهم تحسه حده زعلان منها وبعد..تحسه محملها فراقه عن لطيفه ...و..أكثر وقته مسافر وبرا ونادر وجوده ..وبذات مع مشاكل عمي ليت يجلس برا على طول بدخلته البيت عمي على طول يهاوش يجلس والبيت .. حدة يتكهرب . ... ،، ،، أسامه الي مايدري وش يسوي ...لا هو راضي يكمل حياته معاها ولا هو راضي يطلقها ...بعد ماعرف الحقيقه ومايرفع ضغطه غير يوم ترسل له ...انه بتزاور أخوها والسواق هالي أسمه عناد .. ..بس يالله هانت اليوم الدكتور ...قاله عن حالة سمير وبشرة بتحسن صحته ...يعني الحين يطلقها وضميرة مرتاح ...واليوم بيأخذونه لسجن ... وبيقابله ...هناك ...وبيتفاهم معاه .... ،، ،، ،، ،، ريوف تحس بثقل في بطنها غريب ...وفي هالشهر بطنها كبر اضعاف الحين على حسبتها تتدخل السادس ...وبعد مستغربه حيل .. زوجة أبوها ابد ماتتعرض لها ..معقولة خايفة من سمير يزعل منها ..يالله.اهم شيء انفكيت منها ...كنت خايفه بعيشتي معاها ... بس الحمدلله كافيه خيرها وشرها ....حتى الكلام ماتحكي معي ام اسامه بس ماغير أرسل له كل يومين ثلاثه اني بزور اخوي ..ومرة يحن علي و يرد انه موافق . ومرة يطنش وإذا طنش أطر انثبر مكاني ....مابي مشاكل معاه يكفي كل يوم وانا ماسكه على قلبي...خايفة من سجن أخوي ..حياتي قلبي يتقطع عليه بدل مانفرح بطلعته للبيت يروح للسجن ... ،، ،، سآمي انشغل مع قضية ابوه الي حدها كبيرة ..بس كان يحاول وهو عارف ايش ....عقوبتها ...آه ي انه قلبه موجوع حده ... ...عنده جلسة محكمه ...بكرة .... يآرب مايكون عقوبته قصاص يآرب .... .. اما غلا هذي سالفتها ثانيه....تعب من كثر ماترمي حكي وتهديد ورافضة تصدق ..وبعد موت أبوها صايرة عدوانيه أكثر من أول بعد ...وهو مكبر عقله ومقدر وضعها بس والله مايدري لمتى بيتحمل بعض مرات يطلع من الشقه عشان يخاف عليها منه لا يأذيها ...وبدريه بعد مكمله الناقص يشوف العتب واللوم ..في عيونها بس مافي يجلس يبرر ...وهم رافضين يسمعونه ...مطنشهم على الأخير ....واهم شيء أبوه الحين ...وبعد يلتفت لهم الثنتين. .. وهم يعرفون مين سآمي .... ،، ،، غلا آه مر شهر على موت ابوها وهي تحسه كنه الحين ... صعب تفقد اغلى الناس صعب ...آه يبه ...بس الحاجة الوحيدة الي منسيها حزنها بنتها ...الي تحاول تشغل وقتها بهتمامها فيها اما سآمي ذا ودها تنتقم منه ... بس آه وش بيدها تسوي .. ،، ،، شوق طبعاً ..طفشت ..حتى عصام رضي عليها .الاخ مسوي زعلان ومايرد على اتصالها .ليه وافقت امها في الرأي ...وتأجل زواجهم ...بس الحمدلله قلبه كبير ..ورضي اخيرآ ،، ،، رائد طبعاً لا أحد يسأل عن أحواله الولد طاير ...حده ومبسوط على الآخر ...وكل مافي احد تكلم عليه قال مناك قادمك معرس .. أسيل آه كل مايجي لها تنصدم ازود ...في شخصيته ..تحس قلبها بيوقف في يوم ..من المقالب الي مسويها فيها ... ،، ،، ...ناصر ومنيرة حالهم مثل ماهو....لامنيرة راضية تنسى الي صار ..ولا ناصر عاد أعطاها اهميه ومنشغل عنها طول الوقت مع اخوياه ...في الاستراحات .... . في شقة سامي.. غلا .ناظرت غرام الي تصيح قالت بحنان : خلاص يمه اسكتي الحين اسوي لك رضعة ... ... وحملت الزمزميه .. واتجهت للباب فتحت الباب.وقفت وهي تسمع صراخ سامي وهو معصب .... .. قال بقهر وهو يناظر أخته : لا بدريه ماهو من جدك الي تقولينه لي شهر أحاول اكبر عقلي عليك ...غلا عارف ان عقلها قاضي من مطبي .. بس انتي ..لا أكيد عقلك أكبر.. وبصرخة قرب منها .. اشلون بالله أبلغ عنه واوديك له لاتنسي كنت مرجعك بيتك ...ومعترض على جلوسك هنا .. بدريه بغصه وهي تناظره تحسه صادق بس ماتدري ليه مصدقه غلا أكثر قالت بحيرة : مدري اصدقك ولا اصدق غلا. . ام سامي بقهر : صدقي اخوك وسامي مستحيل يبلغ عنه وان بلغ تراه ماغلط... لا لهنا..ماتقدر تسكت والله لا تزلزل عليهم المكان ضربت الباب بقوة ...وطلعت عليهم مثل الاعصار وهي معصبه حدها : لا ي شيخه الي يشوفكم يقول ماشاءالله النور يشع منكم ...والي مرمي في السجن مظلوم و كان امام مسجد وانا مدري ... سامي بعصبيه : غلا احترمي حالك مدام للحين ساكت عنك وارجعي .. غرفتك وانتي ساكته ... ام سامي بعصبيه وقفت وهي تناظر سامي: خلها بالله اشوف وش عندها واعرفها قدرها وخشمها ذا الي رفعته على الفاضي علينا ...شوفي ماهو كل وقت اسمعتس تحذفي علينا كم كلمه واسكت عنتس ..قلت حرام اقدرها البنت أبوها متوفي وبعد مهما كان مرة ولدي ...بس صراحة انتي محدن يتجمل فيتس ماغير مطوله لسانتس علينا وعلى رجلك .. مفروض ابوك مات مافيه سند غير رجللك آلحين احترمي حالتس عشان تحصلي الاحترام منا شافت سامي متضايق وكن كلامها ماهو عاجبه قالت بقهر :والله لا تطلع فوق راسك بعد ..وانت ماغير ساكت دلع فيها بس لابو حبن يسوي فيك هالسوات .. غلا حست بقهر ..فعلاً ماعندها سند الحين غيره ...مين بيتحملها ... وبعد بنتها بنتحرم منها لو طلبت ..تروح بيت أبوها ... وخالتها آه مستحيل تسكن عندها ..لأنها تعرف رجلها وكيف كان علاقته بأبوها ....ناظرت سامي وهي تبلع الغصه ... دخلت المطبخ ..وسخنت مويا وسوت لبنتها رضعه ...وهي تفكر ليه ماتروح. .بيت ابوها وغصب عنه يوافق ...وتربي بنتها وتعيش هي وبنتها وبس وتنفك من هالعايلة الي دمروهم .... طلعت ماشافت سآمي معاهم ....مشت لغرفتها ....وهي ماسكه نفسها غصب ...أول مادخلت... شافت سآمي جالس على السرير..وحامل بنته في حضنه ويبوس فيها ...قربت منه وتكفت ..تناظره ...شافته مانزلها ...قالت بسخرية: .فيض الحنان مطول عند الأخ سآمي ناولها من غير مايرد...عليها . حملتها وجلست على السرير .. ...ترضعها ...ومنزلة رأسها تناظر بنتها عارف...انها ماسكه نفسها غصب قال بهمس: معقوله غلا مصدقه اني انا الي بلغت عنه .....ولا تبي حجه بس عشان تتبلي علي ...ويكون لك عذر ...للتطويل اللسان .... غلا ناظرته وببرود يقتل:كويس وانت تعطي حالك احتمالات .ونزلت.ناظرها للأرض وهي حزينه : ليت ماعرفناكم ولا كنتم جيران لنا صدقني كنا بخير ...وابوي معي سآمي قال بقهر :ابوك هذا يومه ومكتوب له وهو في بطن امه ..وعلى المجوره كلنا تضررنا .... غلا ناظرته وقالت بغصه : بروح بيت أبوي سامي فتح عينه بصدمه: أشلون وانتي لحالك غلا هزت رأسها : لا مو لحالي غرام معي ... سامي بحده : لا ... غلا بقهر : سامي تكفى لا تزيدها علي ...خلاص بأخذ بنتي وبطلع من حياتك ...يارجال لاتجبرني على العيشة معك .. سامي وقف : أبشري بعزك والله ماردك وفعلاً حقك ..ماحدن على الثاني من الخلق مجبور والحين مستعد اوديك .. بس بنتي والله ماتطلع من هنا ...وانا ولد وافي . .. غلا لا لا ماتبي كذا .تموت بدونها ...قالت بعصبيه: هذي الوحيدة الي مصبرتني على الي انا فيه والي صار لي اشلون تحرمني منها صاحت بوجع سآمي انا خسرت أمي والحين خسرت أبوي مافيني أخسر بعد بنتي .. سآمي بحده: بنتك مافي حد منعك منها بس انتي ماهو مقدرة النعمه الي في يدك ي غلا قرب منها وقال بتهديد المرة الي فاتت بعدتك عنها وانتي باقي على ذمتي اما الحين لا والله ماتطلعي من هنا غير بالطلاق واقطع اي شيء بينا خلاص ..كبرت عقلي المصدي أكثر من اللازم ..وصبري عليك ...لهنا ...وخلاص ودي اعرف وش تبي وهذا قفل وهو يأشر لراسه ..وأكثر وحده تعرفه لو قفل والله بالحسرة ماتشوفيها ....وتعرفي علومي زين ومجربه ي غلا .... غلا بسرعة قاطعته : لا لا خلاص موافقة أعيش مع بنتي ان شاءالله وين عادي خلاص انسى السالفة ...بس خلني في حالي وأنت في حالك .... سآمي قرب منها وابتسم بسخرية وهو يشوف كيف وجهها انخطف وخافت يوم شد شوي عليها ...قال بهمس: الوقت الي تبي تروحي بيت ابوك الله يرحمه انا جاهز .... غلا ناظرت عيونه ..وهي تشوف الانتصار ...يعرف كيف يخليها تبلع لسانها ...نزلت نظرها لبنتها الي في يدها .ووهي مطنشه وجوده ..آخخ يمه يعرف كيف يكسر ظهري ....أشلون اقدر ابعد عنك لا والله يمه بتحمل وبتحمل عشانك بس ... رفعت راسها وهي تشوفه ...متجهه للسرير ...ورمي حاله في مكانه وقال بجمود:لو تصيح غرام طلعيها الصالة بكرة واري محكمه من بدري مابي ازعاج .... غلا هزيت رأسي بقهر ..ليته بكرة ينحكم بالموت ان شاءالله .. وتعرف كيف حرقة القلب .... . ،، ريتآج طلعنا السوق ...نقضي لرمضان الي مابقي منه غير يومين ...بس آه ندمت إني طلعت ....مع حسام ...جنني اسمعووا وش يقول : ريتاج خلي شوق تحترم حالها كل مأخذت شيء قلدت ريتآج ناظرت العربة حقتنا وحق حسام الي حلف مانقضي معه فيها وانا اعصابي مقفله من حسام: بالله وش مقلدتك فيه حسام رفع جالكسي : هذا وشهوو بالله ها شوفي نفس الي عندي شوق بقهر :ليه محتكر لك ...وانا مدري حسام : ايوه خاص فيني بعد ...ويالله بسرعة رجعيها ... ريتاج مديت يدي واخذته عشان اريح نفسي : هيا ارتاح اوك حسام ابتسم: آكيد برتاح وخلوكم ثاني مرة تقلدون شيء شوق بقهر وهي تشوف ريتاج رجعته : ريتاج لا مجنونه لو سمعتي حكيه هاتيه ريتآج بقهر: خلاص شوق فكينا تكفين شوق وهي حدها متنرفزة من مبزرة حسام : ريتآج لا تنسي الحلا اشلون بالله ... ريتآج قالت بهمس : خليه يفارق وناخذه بس لو جلسنا نعانده والله مانخلص تعرفيه بثر ..... حسام : آه ي الحش فيني يمه يمه ...وش تقولون ... شوق قالت بقهر: خلاص مانبيه حنا وأنت عليك بالعافيه ... حسام بسرعة مد يده وخذ وحطه في عربتهم : لا والله حلفت تأخذونه ريتاج بقهر:لا ي شيخ .. حسام ضحك وهو يدف عربته : يالله اوفف شوفي الزحمه كيف عند المحاسب ...يالله الحقوني الله يعين نمسك سرا ...اتوقع الفجر نطلع. ... شوق عضت شفتها بقهر تذبحه ياناس ...ولا شهو تسوي كلها ساعة ورجعوا البيت ..... ريتآج أول مادخلنا كان عمي معصب وليد واقف قدامه وخالتي واقفه بينهم ..تهدي عمي اللي ثاير بقوة ماهو قلت لكم حريقة تشب لو يتلاقون .......ناظرت شوق الي تناظر ابوها وليد بخوف قربت مني وهمست :الله يستر ابوي معصب مرة ريتاج هزيت رأسي وانا خايفة أكثر منها ...فتحت عيوني بصدمه يوم عمي قرب من وليد ..والله بيضربه شكله .. . قرب منه وصرخ وهو معصب : بتفضح حالك مرة تخلعك .. الله يقلعك لو تسكت على هالمهزله ..الرجاجيل يسألوني جالسين و انا رأسي بالأرض .. وليد بعصبيه قاطعه: يبه قلت لك طلاق ماراح أطلق من كيفي لو ايش بتخلع تجلس تنتظر حكم المحكمه ...خلاص خلني في حالي ..يكفي يبه ...والله جاي تعبان توني من سفر ... ام وليد بخوف :تكفى يمه اسمع كلام ابوك .. هالمرة وطلق وفكنا وليد هز رأسه بعناد: يمه طلاق ماراح أطلق ابو وليد بعصبيه أكثر : أشلون يعني ...تروح وتجلس وتسمع للقاضي وهو يقولك البنت خلاص رافضة وجودك في حياتها ...وين كرامتك ...وين مرجلتك ..ابوها داق علي مره ثانية وقال للمرة الثانية ...خله يعز نفسه ..ويفكنا من المحاكم الي مشوارها طويل ..والبنت عايفة مصيره بيطلقها بس يختصرها علينا وعليه وش تنتظر حكي بعد هالحكي ..والله لو انك رجآل ماتجلس على ذمتك دقيقه .... وليد بعصبيه : يقول الي يقوله هي كلمه وحدة طلاق مراح اطلق ولطيفه تهدا ومصيرها ترجع تشرف بيتها ..وشروطها مجابه وابيع الكل عشانها وناظر ناحية ريتاج ...يبي أبوه يفهم ...ويقتنع ...انها لو طلبت يطلق ريتآج موافق... ابو وليد بعصبيه قرب منه وأعطاه كف الكل صرخ من قوته : وانا ولد ابوي ترد علي كذآ ي وليد .. تبيع أهلك عشان مره ...الله لايبارك فيك من ولد ..وناظر مرته ليتك ماخلفتيه ...وقف في وجهي وفضل بنت الناس علي ... وليد ناظر ريتاج ...ونزل رأسه ..وهو يحس بذل وقهر ...بس يوم سمع كلام أبوه الأخير وهو يكلم امه جن بسرعة قرب منه وهو يمسكه ويسلم فوق راسه ويده : والله آسف يبه ...تكفى لا تزعل مني والي تبيه يتنفذ آلحين .. ابو وليد قال بحده وزعل: خلاص خلك على الي في رأسك وسوا الي تبي ..انا مالي فيك .و.عساهم عيلة الراشد ..يبهذلونك من محكمه لمحكمه ... وليد قال وهو مغصوب : يبه من بكرة بروح واطلق ..بس تكفى لا تزعل .... ابو وليد نفض يده ودخل غرفته .وهو زعلان منه . وليد قرب منه : يمه تكفين اقنعيه يرضى علي ويبشر بعزه ام وليد بزعل وقهر: وش تبيني اقوله بالله الحين ي خسارة بس وليد مسبب لنا مشاكل عشان وحدة عافتك.. ولحقت زوجها ... ... ....... ريتآج كنت مصدومه ...من الكف الي آخذه ..أول مرة اشوف وليد ..كذا مكسور...والله على كلامة الوقح ..بس كسر خاطري ... نظرته تذبح ..لي يوم أعطاها عمي الكف ..والله من غير حس دعيت على عمي ...وبعد كلام خالتي كملت الناقص قربت منه ..وجلست جنبه وهو منزل رأسه بين كفوفه ..ويناظر الأرض ..قلت بهمس : لا تسمع كلام عمي وخالتي وتطلق ..وأنت مغصوب ...لطيفه ماتستاهل .. وليد طالعها وقال بضيق: لازم أطلقها عشان ابوي يرتاح وينبسط وبينسبط أكثر بتصيرالست ريتاج الكل في الكل و الزوجة الوحيدة لولده ويضمن حياتها وسعادتها ..ومافي حد ينغص عليها ..والله حوبة لطيفه ماتعداكم ... ريتآج ..حسافة يوم فكرت تشفق عليه .. هذا عيب قلبها إذا حب .يحب يتغاضى عن أشياء واجد... وقفت وهي مجروحه ....منه حيل ...طلعت غرفتها .... وتمددت ..وهي موجوعه حدها ..منه ..هذاجزاها ..يعني..عدلت جلستها يوم شافته دخل ...عليها ندمت ..إنها ماقفلت الباب ...لأنها بصراحة مافيها تتحمل كلمه زيادة منه ..قالت بسخرية يوم جلس على السرير : تكفى وليد إذا جاي ترمي كم كلمة حلوه تكفى اعفيك ... وليد ناظرها وابتسم بحزن: كلمه حلوة .. ريتآج بسخرية :ايوه وانت تعرف تقول غير كلام حلوو ماشاءالله من حلاوته اجلس اتلذذ به .بعد... وليد قال بحزن عليها : آسف بس والله من ضيقي ماعندي غيرك ريتاج بقهر صرخت وهي تقاطعه : ايوه الحيطه الهبيطه انا الي تفك فيه عصبيتك وليد قال بتريقه ماهي وقتها:قلتيها حطيه ... ريتآج سحبت المفرش وقالت بغصه: يوم تطلع قفل آلنورمعك .. وليد بسرعة مسك يدها وجلسها غصب ...وقال بهمس :تكفين..لا تصيري انتي معاهم ...ولا اقولك ..خلينا نطلع ..من هنا احس بضيقه مايعلم فيها غير ربي ...ولو تطلعيني منها بكون ممنون لك ريتآج ناظرته بصدمه : آيش ...تطلع وانت دوبك وسكتت مافيها تكمل وليد إبتسم : متكفخ ... ريتآج عقدت حواجبها ..صدق صدق تحسه استخف و من توصارت مشكله وش كبرها وتكفخ .وبعدها سمعها كلام يسم البدن والحين جاي يبي يطلع ويبتسم بعد ..وصفقت يد بيد وهي مصدومه : عقلك بوه شي اكيد .آه ..عليه العوض ومنه العوض انا خلاص غاسلة يدي منك.... وليد وقف ..وأخذ العباية ..ورماها عليها بقوه وقال بقهر وهو يمد يده ويوقفها غصب عنها : امشي قدامي يالعاقلة .. ريتآج بقهر فكت حالها منه وهي معصبه:وليد بلا جنون وليد لبسها العباية غصب عنها وقال : قلتيها مجنون أمشي ساكته .. ريتآج نزلت طرحتها الي لبسها هي بطريقة تغث ..وهي معصبه حدها أشرت للباب :وليد برا وليد بحده : أقسم بالله لو ماتمشي معي آلحين. ..لا ... ريتآج قاطعته بقهر: ايوه هذا أنت حاط حيلك بس علي وتحلف يالله هاا كمل ..اسمعك وليد زفر بضيق ورفع رأسه وهو يهدي حاله: ريتآج امشي تكفين والله شوي وانفجر من الي انا فيه ... ريتآج عضيت شفتي بعجز ..تعبت مافيني على و ليد ...والله. تعبت من تحكمه فيني ..سويت طرحتي ..ولبست العباية زين وقلت بعجز: نشوف نهاية جنونك لوين .... وليد أشر لها تمشي قدامه ساكته ..... ،، ،، ،، عند اسامه جا قاله العسكري انه خلاص ...سمير موجود في المركز وقف ..وراح له ... أول مادخل شافه قدامه جالس ..رد السلام بجمود سمير رفع نظره له .. كتتتتتتتتتتتتت &نـــونـي بنت الجنوب & استودعتكم الله الذي لا تضيع ودائعه سبحان الله وبحمده سبحان الله العظيم " الوتر أحبتي " الله يرحمك يامن اوجعني فراقك ي حلوين نزل البارت ان شاءالله يعجبكم ولا تحرموني ردودكم المهم حبايبي لا احد يمدح بطولات عيالي اسامه وليد خايفة عليهم من العين من حقي اخاف عليهم رجال اسم الله عليهم ] |
رد: أعشق أنانيتك عندما تتمناني لك وحدك الكاتبة نوني الجنوب
اعتقد ريتاج من حقها زوج يحبها
ارجوا ان تجده بعيدا عن وليد مشكورة |
رد: أعشق أنانيتك عندما تتمناني لك وحدك الكاتبة نوني الجنوب
اقتباس:
هلا وغلا فلورنسيا أنا معك في كلامك ودي أبو قلب فندق يخسر الثنتين وهن ربي يعوضهن بأحسن منه أما رهف إن شاء الله تترك أسامه وتتزوج اللي يحبها ويعوضها وخلي وليد وأسامه يموتون قهر قال أيه نوني تدافع عن عيالها والله إن سامي طلع أرجل منهم مالت على وليد وأسامه وأبوانهم من شابه أباه فما ظلم |
رد: أعشق أنانيتك عندما تتمناني لك وحدك الكاتبة نوني الجنوب
سبحان الله العظيم ولا إله إلا الله وحده لا شريك له له الملك وله الحمد وهو على كل شيء قدير آللهم إني استغفرك وأتوب أليك سبحانك اللهم إني كنت من الظالمين آللهم صل وسلم على نبينا محمد صلو عليه الروايه لا تليهكم عن الصلاة والعبادة اللهم بلغت اللهم فاشهد & & & @ الثالث الخسمون @ & & & & & السلام عليكم ورحمة الله وبركاته مساء الفل ي عسولات وتهنئة خاصة. . للمنتدى المجاور .. بمناسبة الذكرى التاسعه لتأسيس. . واشكر المشرفه فيتامين سي ..على نقلها وجهودها ...التي تبذلها ..ومهما شكرت وقلت ما اوفيها حقها وحق المنتدى المحب لقلبي .. و سعيدة جداً بنقل روايتي لهذا المنتدى الراقي .وشكراً من القلب على شعار التميز.. . والتفاعل مع الروآيه .. &والبآرت أهداء لهم بهذي المناسبه & . ،، ،، قال بصوته الخشن: السلام عليكم رفع نظرة ..له وهو يرد السلام ونزل رأسه مايدري وش يقول ...بس الي صار صار وخلاص.. ماينفع فيه الكلام الي يفكر فيه الحين ريوف ..جلوسها عند امه ماهو.... مريحه ...رجع رفع رأسه وهو..يرفع يده يوم شافه بيتكلم قال وهو ينخيه: انا عندك سوي الي تبي وحقكم بعد ومحدن يلوم .. اسامه جا يقاطعه سمير بسرعة قال:تكفى قول الي تبي بس أول اسمعني ...تكفى ي اسامه طلبتك تروح الحين لريوف ..وتخليها عندك بس لما اطلع ..شافه بيعترض..قال بقهر.. والله صعب علي انزل من قيمة... اختي بس الي حدني أصعب ..و عناد والله ماقصر.. عرض علي مبلغ ..عشان يأجر لها شقه... ويبعدها عن أمي ... بس مارضيت صعب اخليها لحالها ..وريوف ماهي بهالقوة الي تنترك لحالها وانا الله أعلم كم محكومتي وصراحه ماعندي حد اضمنه كثرك وبذات بعد كلامها عنك ..... قبل أقولك سألتها قلت لها كيف أسامه... معك قالت ماقصر... قلت لها أشلون رماك طيب.. وانتي في هالظروف وحامل بعد قالت الله .. يهديك ي خوي بعد .. الي سويته معاد قدرت أجلس عنده..وانا اشوف الضيق في عيونه ...طلبت ارجع بيت أبوي مالي وجهه بعد سواتك . ...إلا هو رجآل وانا عارف انك رجآل ...والحين طلبتك ترجعها لما أطلع بس عارف انك زعلان على أخوك بس ...والله هالشهر الي جلسته عند أمي قلبي مخلوع عليها ..بس مالقيت لك فرصه اشوفك وكل ماقلت لعناد يدق عليك يقول انك ماترد ... ...وبغصه أمي تعبانه نفسياً وماتتأمن من كثر قهرها من ابوي الله يرحمه...ماتدري وش تسوي .. ولا تفكر في سواتها إلا حد بعقلها بيكون هذا مصيري .. ..والحين عناد بيعرضها لدكتور ...نفسي ...بس لما هذاك الوقت ..ماضمن وش يصير ..... أسامه كان يسمع كلامه ..وهو محتار ...بس صدق مرجلته تحكم عليه انه يردها لما أخوها يطلع ..وبعدين قهره يوم يقول عناد بيأجر لها سلامات الأخ من متى صاير وصي عليها وبعدين متى كلمه يذكر هالفتره مافي غريب جاه ..شكله يكذب الخايس .......بس فيه شيء مستغربه في ريوف دايماً. ..ماتتكلم فيه على الي سواه فيها ..لو وحدة غيرها كان على طول تشكت يوم شافت أخوها ...قال بضيق: ابشر أطلع من هنا لريوف على طول سمير براحه : والله مانساها لك والحين انا عندك سوي الي تبي ... ،، ،، في الغرفة حابسه حالها . ... دق جوالها ..أخذته شافت رقم اسامه ..استغربت من زمان مادق..أخذت نفس عميق ..وردت : الو أسامه وهو طالع من المركز ..قرب من سيارته وركب قال بجمود : جهزي حالك بمرك وبأخذك معي ريوف فتحت عينها بصدمه : وشهوو أسامه بضيق: عندك عشر دقايق يالله مع السلامة ريوف بسرعة : هيي وين بتأخذني ؟ أسامه بحده:اخصلي علي بسرعة وقفل في وجهاا ..... ريوف حست بقهر أشلون يرميها والحين يرجع يأخذها كذا .. الحين يقال بطاوعة لا والله ماجلس ..كذا مرة ابعدي ومرة جاي لك..وش ذا التناقض ..مسكت جوالها وهي تفكر تدق عليه .. بس تدري بحالها جبانه ..وماتقدر تتكلم ..وتجادلة ...خليها ترسل له ..فتحت الواتس وكتبت ((لاتعب حالك وتمر ماراح اطلع لك))انتظرت الرد ..مافي طنشها ..والي قهرها زود فتح الرساله بس مابه رد...طيب أسامه ... يقال بطلع معك هين .. والله مانسى الترجي والذل ..الي ذليتني فيه ...آه ليت حد... يوصلها المستشفى لسمير ..عشان تحس بالأمان والراحه .. والله مافيها عاد تتحمل الخوف من مرة ابوها والحين اسامه جاي يكمل عليها .. ..طلعت الصالة ...وناظرت ام سمير الي قفلت السماعه بعصبية ...قالت بخوف: دقي على ولد اختك خلينا يودينا لسمير بشوفه ضروري ... ام سمير بقهرلفت لها وهي تصرخ : أخوك آلحين عارفة وينه توه عناد داق علي ويقول راح للمركز خلاص ...خسرت ولدي آه ي قلبي عليه .. ريوف فتحت عيني بصدمه وانا اردد: خلاص يعني انسجن معاده بالمستشفى ... ام سمير وهي تلبس العباية : بروح عناد جاي لي الحين ...مستحيل اشوف عيال الراشد يسجنون ولدي ...واسكت ريوف بقهر : آه من عيال الراشد .....حسبي الله عليهم ... جلست على الكنبه وانا احس بكره ..لاسامه وأهله كلهم ..آلحين وش يضرهم بالله لو سامحوه ...وقفت وانا اسمع صراح خالتي رحت أركض اناظر عند الباب فتحت عيني بصدمه وانا اشوف اسامه واقف في الحوش وخالتي تهاوشه ..جلست رواء الباب عشان عناد مايشوفني وبعد اسامه لو انتبه لوجودي ماظمن ردة فعله .. ام سمير : بعد لك عين جاي يالله فارق مالك حريم عندنا اسامه بحده: ي مره ابعدي شرك عني ترا ماسك حالي بالقوة عنك وناظر عناد بقهر خذ خالتك وتوكل عناد بحده : أنت وشهوله جاي الحين أسامه رفع حاجب بقهر: جاي لمرتي في شيء أستاذ عناد عناد بعصبيه قرب منه: بعد ما رميتها جاي لها لك وجهه ي رجال استح ...والله سواتك ماحد يسويها ..ترمي مرته وهي حامل بعد ... اسامه قفل عيونه بصبر تكلم وهو صاك على سنونه :يوم تكون ولي أمرها هذاك الوقت تعال تكلم يالله ابعد عني قبل ادفنك هنا والله كلمه زيادة ماظمن لك وش يصير عناد قرب منه بتحدي: تهدد بعد أقول توكل من هنا ولاتفتكرمالها سند ..بكون لها السند لما يطلع أخوها ....هذاك الوقت هو يتصرف معك ..... اسامه دفه بقوه وصرخ بعصبيه: يالله لو فيك خير أشوف تقدر تمنعني . ويالله تقلع عن وجهي . ام سمير صرخت : جالس ي عناد تتهاوش عشان بنت الهنديه وانا قلبي واجعني على ولدي بشوفه اسامه قال بحقد: والله لا أخليك تتحسري على شوفته ولا ماكون ولد الراشد ...وناظر عناد بحقد وقال بقهر شيء مالك حق فيه لل تدخل .وتسوي فيها ... ودخل لصالة ..وهو معصب .... : ريوف بسرعة شردت يوم شافته تقدم بيدخل البيت .. ....جلست على السرير ..وهي تحس بخوف وبعد بقهروحزن على سمير مسجون يآرب وش حاله الحين ي عمري عليك يا خوي ...مسحت دموعها الي نزلت ...رفعت راسها وهي تشوفه واقف قدامها بهيبته وقفت من غير حس ..ي ناس يفرض نفسه لحضر..غصب تهابه ...بلعت ريقها بخوف .....آلحين أكيد جاي يكمل علي ..وبذات مع تدخل عناد الله يهديه ليته سكت ...هو يبي علي الزله ..من غير ..... قرب منها وقال بعصبيه:وش قايل من تو.. يعني ضروري تأخريني واقابل الزفت الي برا ... ريوف هزت رأسها وهي تحاول تقوي حالها:مابي اروح معك أسامه بحده : ولا انا ابيك تروحي معي ريوف بغصه: وش الي حادك طيب أسامه زفر بضيق : مالك شغل امشي ساكته يالله ماعندي وقت وهو يناظر الأرض تذكر شكلها ..وهي مرميه في الغرفة .. هز رأسه يبعد عنه هالصورة ماهو في صالحها لو تذكر... ...آلحين... هو وعد ولازم يوفي بوعده ...تعوذ من إبليس وقال بحده : ماعندي وقت ريوف يالله وناظر الغرفة وهو يدور عباتها شافها مرميه على التسريحه ..بسرعة قرب منها وهو يرميها عليها وقال بحده: اخلصي علي ..... ريوف مسكت العباية وقالت بتردد: وش تبي فيني أسامه أسامه قفل عيونه بصبر: ماعندي استعداد اجلس ابرر لك هالوقت ريوف جلست بعناد على السرير ...: ماراح أطلع من هنا وبعد مافيني حيل اتحمل كلامك لو رجعت لك .. اسامه جلس على السرير جنبها وقال : شوفي من مصلحتك تسمعي الكلام ...بدون عنادك الي ماله داعي..ومدام باقي مطول بالي عليك ياليت تمشي من غير مرادد لاني لو فصلت والله أخذك بطريقة ماتتمنيها ..أبد ريوف ناظرته بقهر : يعني انت كل شيء غصب طردتني من بيتك غصب والحين بتردني له غصب وش ذا أسامه وقف وهو يحس بضيق .من هالغرفة ومن هالظروف الي دايم تحده على شيء مايبيه :امشي ريوف اقسم بالله ماسك حالي غصب من هالغرفة ...لا تزيديها علي ريوف عرفت قصده ..وقفت وقابلته وقالت : متضايق منها اسامه قاطعها وهو يرفع يده: ريوف تكفين مابي اسمع شيء ..وبصرخة يوم شافها تبي ترد : وش فيك كذا ماهو خابرك بهالعناد أمشي قدامي يالله ...وشوفي اي شي يخصك هنا خذيها خلاص رجعه لهالبيت مالك ..بذات هالفترة ... ريوف انخرشت مكانها من صوته ...يالله مسبب لها رعب إذا تكلم بهدوء مابالكم ....اذا رفع صوته ...ي هو رعب حقيقي ... لبست العبايه ..وأخذت جوالها ..ماحست إلا بيده وهو يجرها قالت بهمس: بشويش لا اطيح على وجهي وسكتت من النظره الي جحدها بها ...... ركبت السيارة ...وهي صادة وزعلانه ...ماتبي تروح معه .. آه غبية حاولت.. تكلم سمير أكثر من مرة يأمن ..لها سكن ..بعيد عن امه وعن اسامه ..بس ماقدرت تزود عليه الحالة الي هو فيها..ودايم تمدح فيه عند أخوها وتحاول تبرر تصرفاته وهو مايستاهل ..بس والله لوتدري ..بالي بيسويه اسامه كان قالت له ..ماتوقعت أبد يرجع ويأخذها ..كذا أكثر شيء توقعته ورقتها في اي وقت توصل ...وصلت الشقه أول مانزلت وهي تمشي وراه دخلت ..تذكرت .... كل شيء ..كم مرة في هالشقة انضربت ..كم مرة سمعت فيها حكي ..محدن يتحمله ..كم مره صاحت محدن سمعها ... جلست على كنبتها المعتادة..هي الوحيدة الي وحشتها وتحس بحنين لها ...شافته اتجهه للمطبخ ...كلها ثواني وطلع في يده ..كاس مويا ...شرب وخلاه على الطاولة قدامها ... واعطاها ظهره ..بيدخل الغرفة ... ريوف بالها عند اخوها ودها تسأله وخايفة قالت بتردد يوم شافته أعطاها ظهرها : اسامه اسامه ناظرها من غير مايرد ريوف :سمير اسامه قاطعها وقال بحده : جزاه ولازم يأخذه..ومن مصلحتك ماتسألي كثير ..لان جوابي لك كل مرة نفس الشيء البلد له حكام وقانون ماهو كذا يرفع سلاح ويرمي على خلق الله ..وين حنا عايشين فيه ... ريوف قلت بقهر: والله من حر مابه سوى كذا والله يلوم الي يلومه قرب وجلس على الكنبه المنفرده وقال بجمود : اسمعي هالكلمتين زين لو تبي تعيشي بسلام معي سالفة اخوك هذي لا تفتحيها طيب ريوف بعصبيه : اشلون انسى أخوي صاحي أنت اسامه بحده : ماقلت لك انسيه قلت من مصلحتك لا تجيبي سيرته عندي ....وتبي تعيشي بسلام معي اسمعي الحكي الي بقوله كان بودي أجله لوقت ثاني لأنه ماهو وقته أبد توك راجعه لبيتك بس مافي مانع اقوله آلحين و يكون عندك خبر كيف بتكون حياتك معي ..رفع يده أشر على الشقه وقال ... هذي كلها لك ولضناك ...الله يجيبه بالسلامة ان شاءالله .... .. ريوف ناظرته برفعة حاجب مستغربه من كلامة الي ماهو مناسب ولا هو وقته اللي تبي تعرفه آلحين عن قضية أخوها بس وش تسوي مدام ضيع السالفة ماعندها غير تسكت وبس وبعد من متى هالحنيه الزيادة تذكره مايبيه الحين بعد يدعي له يجي بالسلامة ..المهم خلينا نسمع وش يغرد .... اسامه حس بقهرمنها وهي تطالعه كذا ..وبذات يوم تذكر فزعة هالي اسمه عناد يوم يعرض المبلغ لاخوها : عدلي نظراتك هذي عشان مافقد اعصابي ي ريوف ... ريوف نزلت رأسي. ..مابي اطالعه ويعصب ... . اسامه ناظرها يوم نزلت رأسه ...والله يحس بشفقة عليها .الظلم الي تعرضت له..ماهو قليل لا من الخبيثة مرة ابوها ...ولا منه ..اعتذاره بيكون انه يأمن لها كل شيء ..وماينقص شيء عليها هذا الي يقدر عليه بس اما من ناحية يعتبرها زوجة لا مايقدر يتقبلها في حياته على انها مافيها شي ينقصها من ناحية الجمال وبعد فيها صفه مميزه ..واي رجال يتمناها في زوجته إنها ماتطلع اسرار البيت وتحكي ايش يحصل .... ..بس سبحان الله قلبي ماقدر يتقبلها ...وهذا الشي غصب عني ماهو بيدي ..زفر بضيق وقال : حقوقك عندي بس مصروفك من أكل ولبس وسكن لا تطالبي بشيء ثاني وانا عافيك من اي حقوق تخصني و حياتي بعيشها بطولها الله لا يعوق بشر ..ومابي اي تدخل منك ..في اي شيء يخص حياتي ....إلا لونقص مصروفك تعالي قولي ي ولد الناس تراك مقصر وابشري بعزك بس غيره ماعندي ...وايه بعد مشاكل مع امي مابي ..لأني ماظمن ..وش تسوي يوم تدري بردتك لي ..تراك من آلحين الغلطانه ...حتى لوهي الي غلطت عليك ... ريوف ودي يسكت وينكتم معي غثيان والله من ..كلامه وقفت بروح احس بكتمه وانا اسمع ....كلامه الي كله أوامر بجمود : اسمعي باقي الأهم.... عضيت شفتي بصبر وجلست واشرت بيدي كمل .... أسامه : إذا تزوجت مابي اي اعتراض لك حقك من .... ريوف قاطعته :من مصرف يوصلك خلاص فاهمه كم مرة سمعتني هالحكي ...وتزوج الله يستر عليك اسامه رفع حاجب وابتسم على جنب: شاطرة ..وقف وهو يقول حياك في بيتك خذي راحتك المكان مكانك والشقه كلها تحت تصرفك من اليوم ورايح .. وابتسم على القهر الي يشوفه في عيونها .. ريوف صغرت عيونها بقهر: لا كريم ماشاءالله أسامه ابتسم على جنب وقال :.من يومي كريم ويالله..قومي سوي شيء أكله وانتي ساكته ريوف فتحت عينها بصدمه توه يقول انه عافيها من اي حقوق له قالت تذكره : ماهو توك ماتبي شيء مني وعافيني من كل شيء اسامه هز رأسه وقال : لا هذا برا الإتفاق ...وناظرها وهو يستفزها خليني أستفيد من جلستك شوي ..ولا ابي اصرف عليك كذآ ...وهو يناظر في بطنها في اي شهر ريوف بحقد: مدري ..ودخلت المطبخ ..وهي تفكر وش تسوي له والله مايستاهل شيء ..بس آه ي قلة الحيله .....اممم ماعندي غير كبسة اسرع شيء ..وبعد تملي عينه ..هذي الفراغه ... طلعت دجاجه .حطيتها تفك ...وحضرت القدر ...وجيت أشعل النار بس عيا يشتعل معي ...حاولت مافي ...طلعت له وشفته يناظر جواله ..قلت بملل:الغاز عيا يشتعل .. اسامه وقف ..وجا يشوفه ..حاول يشعله ..بس عيا قال : انا بعد غبي مثلك أكيد الأسطوانة. .كلمت اففف وقتها والله ميت جوع. .. ريوف عضيت شفتي بقهر وش يدرني حسبت به خراب او شيء نسيت عن الأسطوانة...رفعت كتوفي وانا ودي اقوله روح المطاعم ربي كثرها ...بس انكتمت وطلعت لصالة جا وراي ..وقال وهو يفكر :اممم يالله نروح مطعم ومنه بعد نقضي لرمضان ...مابقي شيء عليه ريوف هذا مايحس ..اخوي توه مسجون وهذا يبي يوديني مطعم ويروح بعد فيني السوق قلت بضيق: روح بالعافية عليك ... انا مالي نفس أسامه هز رأسه : لا بتجي وبحده وانا وش قايل من تو مرادد وعناد مابي ..يعني لازم أعيد الإتفاق ريوف قفلت عيوني بصبر: السالفة ماهي مراددد وعناد بس مابي اروح مكان .. أسامه : أخذ دش والبس ثوبي اشوفك جاهزك قدامي ...ودخل الغرفة ريوف تمددت بعد ماختفى...جالسة اتخيل سمير ...أكيد ماراح يتحمل السجن ..آه ي خوي ضيعة حالك ...سمعت صوت محادثه وصلتني ...مديت يدي وأخذت جوالي فتحها كانت من لطيفه ((كل عام وأنت بخير )) وشوي وارسلت الثانيه ((فاتحه المحادثه وبعد مطنشه ودي أعرف مين مزعلك انا ولا اسامه مفروض تحقدي عليه ماهو علي ولا عادي ترجعي له وانا حتى رد برساله ماتطيبي خاطري )) فتحت عيني بصدمه وش يعرفها....اني رجعت ..معقول دقت على أسامه ...اي أكيد قالها....رميت الجوال ... .. وشوي وشفت اسامه قدامي ...وهو متكشخ ..الأخ مصدق نفسه ..ابتسمت على نظرة القهر. ..في عيونه انصدم توقع يطلع يشوفني لابسه العباية ..قال بقهر:الاخت ناويه تنام ريوف جلست وانا أقول : ليت والله تخليني انام وبكون لك من الشاكرين أسامه بقهر اشر لللباب:قدامي يالله ريوف وقفت ولبست العبايه وقلت :أنت قايل للطيفه اني رجعت لك أسامه ناظرها شوي وقال : ايوه فيها شيء .. ريوف هزيت رأسي : لا مافيها شيء بس ماغير الله يعينك أمك بتزعل أكيد أسامه : ان شاءالله خير .. ريوف هزيت رأسي ..وانا ودي اقوله ليه تكرهني امك وش مسويه لها ..أنت وعارفة سبب كرهك لي ...بس امك والله لو كرهتني بعد ماسوى اخوي سمير سواته برائد بقول من حقها بس لا كرها لي من أول ماحطت عينها بعيني ... ركبت السيارة. ...وانا متضايقة مابي هالروحة أبد.... تصدقون عندي فضول ...أعرف رائد واسيل ساكنين وين ..ولو ساكنين عند امه ..وش موقفه يوم يروح أسامه ..واسيل موجودة .. وصلنا مطعم ..باين انه فخم ..حسيت بقهر ..احسه يحتفل. ..بدخول اخوي السجن ..ايه والله هالروقان كله مقد شفته عليه .من يوم ماتزوجته ..... غير اليوم ..إلا من متى اسامه يعزمني ..أول ماحجز طاولة دخلنا أول ماجلسنا ..شفته رفع المنيو وهو يأشر: خذي الي عندك واختاري .. ريوف هزيت رأسي وقلت بضيق: مالي نفس في شيء .. أطلب لنفسك عليك بالعافية شفته يناظرني من غير مايفتح فمه مدري وش عنده اليوم مع هالنظرات احسه ..عنده شيء وده يقوله بس مدري وش راده ..نزل نظره للمنيو ..وقال بهدوء: اطلب لك على ذوقي وعساه يعجبك ... بعدالطلب ..مسك جواله ..وجلس يقلب فيه ... ريوف.. والله احتفالك هذا لااخربه الحين ..ايه هذا الوقت المناسب ... في البيت مقدر افتح فمي بكلمه...لأني أخاف من ردة فعله ..لكن هنا متأكده. .مايقدر... حتى يرفع صوته ...قلت وانا ابي قلبي يبرد شوي يوم اخرب عليه احتفاله : أقول أسامه رفع نظره لي من غير مايرد كملت وانا ...بايعه اليوم عمري :وش احساسك وأنت رايح لبيت أهلك واسيل موجودة حسيت وجهه قلب بسرعة وحمر من عصبيته ....ايوه كذا ..ابتسمت بشماته ...حلفت تكمل احتفالك ...بس جسمي رجف ....من كلمته صاك على سنونه بقهر وشد يده بقوه وقال : ربي رحمك بهالمكان إلا الرد بيكون شيء كان يخليك ماهو بس تبلعي لسانك تبلعي العافية بعد وبتهديد حسك عينك اسمع اسم اسيل يتكرر عاد البنت صارت على ذمة أخوي. .ومعاد اشوفها إلا أخت لي ... ريوف رفعت حاجب وانا منتصرة ...والله يقول أخت وهو وده يذبح نفسه قبل يذبحني ..كررت كلمته بستفزاز: قلت لي صايرة أخت اسامه صغر عيونه : ايوه عندك شيء ثاني ريوف هزيت رأسي بدون صوت ...شوي والأكل وصل تصدقون انفتحت نفسيتي ...وصار العكس سبحان الله انا الي أكل وهو ماغير يحرك الملعقه ...ماحط في فمه شيء ... قلت بشماته أكثر :علامك توك جيعان أسامه رمى الملعقه بقهر وقال: لو كملتي أكلك أمشي خلينا نطلع من هنا .. ريوف هزيت رأسي : لا باقي ماكملت ..واشرت على الأطباق وبعدين حرام طالب وينرمي كذا ليه ماتأكل اسامه بحده مايبي يوضح لها انها سدت نفسه بسؤالها الغبي :ماحب أكل المطاعم .. ريوف وهي تأخذ لقمه بالملعقه وتأكل : ليه والله طعمه لذيذ بلعت القمه وهي تقول لايكون سديت نفسك عن الأكل بسؤالي أسامه بيكون خسران لو يوضح لها مد يده ورجع سحب ملعقته وقال : لا ي شيخه مجنون لو اعيطت اهميه لسؤالك وجلس يأكل غصب ... ريوف ودها تقدر ترد عليه وتقول والله سؤالي خلاك تنتفض من قهرك..بس هالمرة ماراح تجي سليمه والله ماغير يغرس هالشوكه جنب صحنه في صدرها قلت اضيع السالفة: اليوم ضروري روحة السوبر خليها بكره يمدي بعد أسامه بحده: بكرة عندي استلام ماهو فاضي ... وبعدين وش عندك ...خلينا نقضي ونرتاح والله يعين على الزحمه ...وقف شبعتي أمشي قدامي يالله ... ريوف : اي الحمدلله وبعدها رحنا غسلنا ..وطلعنا للسوق ...ونزلنا أخذ عربية ... وقرب مني ..وهو يقول:انتبهي تنسي شيء ترا عزايمي كثيرة في رمضان وهالله هالله...ابي تبيضي وجهي ... ريوف هزيت رأسي وانا اردد الله يعيني ...بس حسيت بحزن هذاك العام كنت مع سمير ..اقضي يالله يومها كان تهريب روحتي لسوق ...امه حلفت عليه مايروح فيني ..ماغير هي تروح معه ..وبعدها جا غرفتي وعرض علي ..قال امشي نروح ونأخذ أغراض الحلى الي امي ماتعرف لها ونخلي لها المقاضي الكبيرة حسيت بصوت اسامه فوق رأسي صحاني من الي كنت فيه ناظرته بصدمه : لا أسامه خذ اصغر من هالمقاس وش ذا أسامه هز رأسه وقال وهو يرفع الكرتون : ي بنت اقولك ضيوفي كثير برمضان كذا طبعي احب اعزم اخوياي برمضان على الفطور ...وهالمرة بريح الغاليه من عزايمي ريوف صغرت عيوني بقهر: وتبدسني انا .. اسامه ابتسم على جنب بثقل : واجب عليك ... ريوف كنت ارمي في السله أشياء معقوله ..وهو يرمي وراي أكثر من كرتون ..ويوم اعترض يرجع يسندر راسي ... بعزايمه وكرمه لخوياه ........ |
رد: أعشق أنانيتك عندما تتمناني لك وحدك الكاتبة نوني الجنوب
ناظرت الطريق يوم طلعوابرا الرياض قالت بستفسار : وليد منكتمه من وقت ما طلعت السيارة ممكن الحين أعرف وين متجهين له وليد بهدوء :بروح مكه وكاد ارتاح شوي ضايقة فيني الوسيعه ي ريتآج ريتآج : مكه وليد : ايوه ماودك في عمره وكاد قلوبنا شوي ترتاح ريتآج : إلا ودي .وفي خاطري من مبطي ... وليد عقد حواجبه :في خاطرك وليه ماقلتي من قبل ريتاج صغرت عيونها وبدقه : أنت فاضي لي بالله وليد بعتب :ريتآج مين يتهرب من الثاني انا ولا إنتي وشوفي أكبر دليل حتى إعتذار ماعتذرتي ريتاح ناظرته :أعتذر ليه ماذكر اني غلطت عليك وليد رفع حاجب: لا ي بنت العم غلطتي وتذكري آخر موقف صار بينا وتذكري وش غردتي به.. في مره عاقلة تقول لرجلها الحكي الي قلتيه ويالله انتظر اعتذار...منك تراه في خاطري لا تبخلي علي .. ريتاج ريحة ظهرها زود على المقعدة وقالت بنذاله: اعتذار تبطي ماتسمعه مني ... وليد :افاا... ليه ي بنت العم ..وش فيكم كذا كارهيني لهالدرجه انا رجآل ماتعاشر ..... ريتاج بضيق: وليد لو سمحت لا تجمعني مع أحد .. وليد بسخريه :تغاري منها وهي مخليه لك كل شيء وطلعت من حياتنا كلها .. ريتآج هزيت رأسي بقهر: لا موكذا ومين قالك غيرانه بالعكس والله اني زعلاته حيل على قرار الطلاق وليد بضيق: ماهو كثر زعلي ليتها تكبر عقلها .وتعرف غلاها عندي ريتاج ودي اسكته اكره شعوري هذا يوم احس فيه قلت بضيق : حاول مره ثانيه لاتسمع كلام عمي ... وليد :خلاص مافي فايده هالمره صامله من غير حكي ابوي ريتآج فتحت عيني بصدمه : وليد بلا جنون وش ذا الكلام وليد بحزن:والله هذا الصدق ريتآج :لك فرصه وليد ترجع تحاول .. وليد هز رأسه : لا خلاص هالمرة لطيفه عايفة بقوه وشكل الطلاق هو الي بيصير .. ريتآج ب : ليتك انت الي تكبر عقلك ولا تسوي شي تندمون عليه الإثنين نصيحتي لك اصبر شوي.. وليد بضيق : اعطيتها الوقت الكافي و مستعد أعطيها لو تبي العمر كله بس مع ضغط ابوي ورسايلها ..وترجيها ي خوفي افقد اعصابي ريتآج عضيت شفتي بقوه مابي اصيح بس غصب عني صحت ..احس بوجع ...وليد يحبها حيل حرام الي صار لي ولهم ... وليد وهو يسمع شهقاتها قال بضيق : غريب أمرك تبكي عليها مفروض تفرحي الملعب لك لوحدك ريتاج صديت لدريشه ..وانا ضايقه زود من حكيه ...وش افرح به آه بس ... ،، ،، ،، ،، ،، اليوم الثاني ،، ،، غلا حركت يدها على رأس غرام وهي مفزوعه : يمه بنتي جسمها نار ...بسرعة سحبت جوالي ..ودقيت رقم سآمي أول ماسمعت صوته قلت بخوف: وينك فيه بسرعه تعال سامي وهو مفزوع:وراك غلا بسرعة : غرام تعبانه جسمها نار ...خايفه عليها تكفى تعال بسرعة ولا أخذت لموزين وديتها بنفسي . سآمي بعصبيه : انثبري مكانك الحين جاي غلا : بسرعة تكفى قفلت وانا ارددد ان شاءالله مافيها شيء ...حملتها وانا ادعي الله يخليها لي ...اموت لو يصير فيها ..شيء ..هذي حيلتي في هالدنيا ...قلت بهمس ...كيف مانتبهت انك مريضه ي قلبي إلا توو ...دقايق ..وجوالي رن ...شفت رقم سامي بسرعة فتحت الخط: ايوه : انا برا قفلت بسرعه ولبست العباية ...وطلعت وانا اسمع صياح ام سامي وين موديه البنت ..يمه دقي على اخوك قولي مرتك هربت ببنتك بسرعة ي بدريه هذي محدن يقدرعليها غير ربي سرعة يمه ..لا تبعد زود قفلت الباب وراي وانا اتحمد الله على العقل ..أول ماوصلت السيارة .. كان سامي يكلم جوال قفل وهو متضايق أول ماقفلت الباب قال بحده : بيضرك شيء لو رديتي على امي وقايله لها انك جايه معي ولا بنتك تعبانه ... غلا طنشته مارديت عليه ...ادري فيه ما أكثر من كلام امه إلا هوو ولو رديت ماراح أخلص ...بس عصبت من هالزحمه ...وطالعته بقهر: دبر نفسك من هالزحمه البنت تعبانه سامي بحده صرخ : كيف يعني اطير بالله اصبري شوي ..تفتح الاشارة الحين وتخف الزحمه غلا بتهدد : والله مافيني اخسرها ترا اقسم بالله ي انت وعايلتك كلكم ماتجوون فيها شيء ... سامي تعوذ من إبليس :غلا خلاص اسكتي غلا بسكت وبشوف ....نزلت نظري لبنتي وانا اقيس حرراتها بيدي ...: يالله البنت نار حياتي كيف تتحمل السخونه هذي يارب لطفك فيها سامي ناظرها بقلق وقال : ربك ارحم فيها وان شاء تخف آلحين غلا :والنعم بالله ...وبعدها تنهدت براحه يوم وقف السيارة قدام المستشفى ..بسرعة نزلت ..وسامي وراي يمشي ..وهو معصب ..سآمي بهمس: بشويش الله يفشلك انتظريني على الأقل غلاصدق انه فاضي البنت تعبانه وهو يتشرههه.. .دخلنا عند الدكتور. ...وكشف عليها ..وكتب لها أدويه طبعاً سألت عن كل دواء بالتفصيل .. وقال لو ماتخف سخونتها نرجع فيها ...طلعنا ... سامي بقهر : اقسم بالله الدكتور شوي ويصفقنا من اسألتك وش ذا كل شيء معترضه عليه غلا بقهر :ليه تبيني أخذ دواء لها كذا لازم اسأل عنه البنت صغيرة ماتحمل سامي بسخريه : اخس اللي معاها شهادة في الطب وفاهمه كل دواء وحنا ماندري ي غبيه أكيد مارح يعطيها شيء يضرها .. غلا رفعت يدها :بربر لما تتعب ..وايه بسأل مافيها شيء بنتي وخايفة عليها فيها شيء هذي بعد سامي هز رأسه بعجز من هالدماغ عليها..وصلها البيت ونزلوا ..دخلوا الشقه ...على صراخ امه : وشهوله اكلمك ماتردي عليه غلا ناظرتها بقهر مطوله بالها من اليوم ...طشنتها ومشت لغرفتها ...حطت بنتها على السرير ..وفكت العبايه ..شافت سآمي داخل عليها قالت بتهديد وهي تأشر لبنتها: بتسوي مشاكل تكفى أطلع مافيني ترا حدي ضايقه وخايفه عليها .. سامي فتح عينه بصدمه : انا ي المفتريه الحين راعي المشاكل آه بس ..والله بعض مرات ودي افرمك فرم ..بس اخاف ايتم بنتي غلا بسخريه :كويس وانت عندك دم وتفكر في بنتك سآمي : ايه بس لاتضمني على طول ترا بعض مرات افقد اعصابي وتصير أشياء ماهي في مصلحتك .. غلا اكرة يوم يتكلم بتهديد : طيب برا بنام انا وبنتي ومانبي حد غريب يزعجنا ... سآمي عض شفته بقهروهو يأشر على بنته: الحين انتي وهالنتفه صاير انا غريب عليكم وبعد ماتبون ازعاج شافها بترد قال بحده حتى انا بنام .. ورمى حاله جنب بنته ..وهو يتأكد من سخونتها .. رفع راسه مفزوع ...من صوت غلا ... : لاتلمسها الحين تصحى ومعاد ترجع تنام ...اففف شوف كيف صحت يالله وش اسوي فيك آلحين سامي هز رأسه بقهر وقال وهو صاك على سنونه: الحين بتصحى من لمسة يدي وماراح تصحى من صوتك ذا انكتمي خلاص البنت نايمه علامك كذا بس مشتطه ..أستغفر الله العظيم غلا ميلت فمها وقالت :صوتي متعوده عليه بس لمسة غير لمستي ماهي متعودة ... سآمي عقد حواجبه : غلا احسك تبيني ابعد عن بنتي صح الاحظ عليك هالشيء ودايم تصرفيني يوم اقرب منها ...ويوم احملها بعد اشوف الضيق في عيونك ..مجنونه لو هالشيء الي ملاحظه صدق .. غلا فعلاً تكره لما يقرب منها...تخاف عليها منه ...تخاف يحرمها منها سبب لها عقدة ...ايه هو السبب ..لدرجة تتضايق يوم يحملها او يلاعبها ..والي يقهرها يوم تضحك له ..وماتضحك لها ..والله تحس بغيرة من جد ...شافته يناظرها ينتظر جواب قالت بصدق: انت السبب سآمي فتخ عينه واشر لنفسه: انا السبب وشلون غلا بطفش: سآمي تكفى مابي اعيش في نكد ومشاكل عندك ابي اعيش مع بنتي وبس في هالبيت ي ليت تخليني في حالي وأنت في حالك.. سآمي عض شفته بقهر والله هالبنت ...ماتقدر معروف ..ولا يبان فيها بعد جميل كل مرة تثبت له....انها ماتستاهل قلبه ...حرام يكون يحب وحدة مثل كذا ...تعب وهو يتحمل ..قال بقهر: لدرجة تبعديني عن بنتي ..وش ذا القلب الي عليك حقد أعوذ بالله الله لايبلانا .. غلا بقهر :يمه على القلب الرحيم نسيت سامي وش مسوي ماهو حرمتني ولا فكرت في ضعفي ...وانا مابيدي شيء اسويه روح بس وخلى عنك المثاليه الزيادة بس ... سآمي رفع نفسه وهو يسند ظهره على السرير وقال بعصبيه: بعدتك منا والطريق مثل سواتك الحين غلا بقهر :المهم بعدتني وبس عنها وحرمتني منها ..شهر وانا اصيح ابي اموت عشانها ..جسمي كله يعورني. .وانا صابره واتحامل على نفسي واجي اشوفها وتقوم تطردني اخس طرده. .ولا لعبك بعصابي شيء ثاني. ...وكنت اشوف التلذذ في عيونك والحين مجلسني .وبعد تهدد فيني ..ماتدري قد ايش مغصوبه بالجلسه هنا ... سآمي قاطعها وهو يبيها تعترف لو مرة وحده إنها غلطانه : طيب الي صار مني وش سببه اعترفي ... غلا اعطته ظهرها من غير ماترد ...وغطت رأسها. .بالمفرش وهي ماسكه دموعها ...ماتبي تذكر رفضها لبنتها ... ودها يطلع من الغرفة ....لفت لبنتها يوم صاحت ..شافته يناظرها ..ماتدري وش يفكر فيه ...بس مدام يناظرها كذا أكيد عنده شيء ... رفعت نفسها شوي ..وقربت بنتها منها ..وهي تحملها ..... : تبي تعيشي في بيت أبوك انا موافق وخذي غرام معاك بعد ولا تخافي اي وقت تحتاجي شيء انا موجود ... غلا طالعته مصدومه توقعت بيقول شيء بس ماتوقعت هالشيء أبد كذا يقول لها موافق تروح لبيت أبوها وبعد تأخذ غرام معاها لا لا أكيد يكذب علي قالت وهي ماهي مصدقه :موافق بيت أبوي وبعد أخذ غرام سآمي هز رأسه بصدق : ايوه موافق ولو تبي الحين مستعد اوصلك .. غلا تحس بفرحه ودها تروح تعيش لحالها مع بنتها قالت بدون مراعاة لمشاعره :ماتصدق قد ايش فرحانه هذي امنيتي نعيش انا وبنتي بس ....... سآمي حس بطعنه قويه ...افف كارهه وجوده بالمرة قال بمكابره وهو يحاول يحافظ على كرامته المجروحه :فكرت فيها يوم قلتي لي امس قلت ليه ارفض أكون غبي لو أرفض ..بالعكس...البعد أفضل ..لي ولك ...لاني ماهو قادر اتحمل ..وجودك في حياتي وعلى ماظن رفضتك قبل من حياتي بس صارت ضروف بس الحين رجعت...فكرت بعقل وبعد غرام بتبهذل لو فكرت اتزوج مستحيل مرة الأب تجي مثل الأم .. غلا خلت كلامه كله وقالت بقهر: لك بعد نفس تتزوج سآمي أشر على نفسه بعزه :ايه اتزوج ليه ماهو رجآل شايفتني ... غلا ناظرته بقهر : بشويش طيب لا يتشقق فمك وانت متحامي كذآ تزوج بعد عشر لو تبي سآمي بستفزاز لها :مايجوز حدنا أربعه ... غلا اربعه مالت بس ..قالت بقهر:متى ناوي توديني لبيت أبوي سآمي وقف وهو يلبس ثوبه وسحب مفتاحه وجواله وناظرها وقال ببرود ظاهري : آلحين غلا : لا الحين صعب ...خايفة غرام مريضه ...خلها يومين ..وبعدها وصلني .. سآمي هز رأسه بضيق : على راحتك ... غلا أول ماقفل الباب...تحس انها في حلم ..معقوله ..وافق ..يوديها لبيت أبوها وتنازل بالسهولة .عن غرام ..يالله مو مصدقه .. ناظرت غرام ..وانا اهمس بنروح لبيت جدو وبنعيش لحالنا ونفلها ..ونرتاح من سامي وامه ...صح غرام شافتها عقدت حواجبها وبدت تبي تصيح قالت وهي تهزها خلاص مارضيتي في ابوك وجدتك آه ماتطلعي إلا مثلهم الله يعيني عليكم بس .....وبقهر وهي تقلد صوته اتزوج مالت ...عليك تزوج مين راح ترضى بواحد مثلك .... |
رد: أعشق أنانيتك عندما تتمناني لك وحدك الكاتبة نوني الجنوب
اول يوم برمضان .. :: :: في شقة ريوف .. اافف الضيقه زادت عندي من وقت مادق علي... اسامه وهو في الدوام يقولي تجهزي بنفطر عن أهلي ...وانا أكيد بقول ان شاءالله ...وش عندي غيرها حتى إعتراض مقدر أعترض .. يآربي مايدري بالعلاقة بيني وبين أهله ماهي زينه .. يقوم ...يحرجني .. والله يعين على كلام امه ونظراتها ....سمعت صوت الباب يفتح ويتقفل ..زفرت بضيق ..اوف شرف ...عدلت جلستي على ..السرير ..وانا احس بثقل في حركتي ...الله يعيني على هالحمل ..وبعد ظهري الي مدري وش فيه بس قايم علي ....طالعته يوم دخل .. :وهو يرمي مفتاحه وجواله : السلام عليكم ريوف بخوف من حضوره : عليكم السلام أسامه قرب وجلس على السرير :كل عام وانت بخير وشهر مبارك والله يتقبل صالح العمال ريوف رفعت حاجب وانا مستغربه معاملته لي غريبه غير عن قبل يدق علي من الدوام ويسأل و صار لاتكلم ناظرني بنظره عكس أول كان يناظرني بحتقار قلت بهدوء : وأنت بخير والله يجعله مبارك على الجميع ..آللهم آمين أسامه : جاهزة نروح آلحين .. ريوف طالعت الساعة وقلت : باقي تونا صلينا العصر خلها تجي اربعه ونص نروح .. أسامه وقف وقال:أخذ شور ونروح ....جهزي حالك .. ريوف وقفت ورحت للمطبخ جهزت الأكل الي بأخذه معي ..والله يستر أمه لاتكبه في وجهي ..تسويها والله بعد ماغلفت الصحن زفرت بضيق..وانا اسند ظهري على الكونتر...ودي اقوله مابي أروح. . بس عارفة رده ..يكفي المحاوله الي حاولتها في الجوال ورفض راح يرضى آلحين ...الله يعيني وبس . رحت تجهزت على السريع ...والأخ باقي يأخذ شور ....طلعت الصالة انتظره .. وشوي وشفته جاي ....وهو لابس ثوبه ..وعطره سابقه ..قلت بآخر أمل : اسامه ليتك تعفيني من هالروحة .. اسامه بحده : خلاص ريوف وش قايل لك في الجوال ابوي داق وعازمني تبيني ارفض عزيمته لا والله مارده ريوف تنهدت بضيق : عزمك أنت اسامه قاطعها :قال انت وزوجتك ماقال لحالك ريوف بقهر وقفت: ودي اعرف ليه تبيني اروح ومصمم عل روحتي ماهي العادة ..أسامه تبي الصدق تصرفاتك غريبه معي أسامه أبتعد ..مايبيها تكشفه ...فعلاً هالمره مصمم على روحتها ...ويدعي الله انه يتقبلها في حيايته ...ويقدر ينسى كل شيء يوجعه ... قال وهو متنرفز من عنادها :حتى انتي وش فيك من وقت مارجعتي صايرة غثيثه غير العادة ماسمع لك صوت او إعتراض ريوف بغصه :تحب تشوف امك تذلني صح أسامه بحده :بلا وسوسه زيادة .. ريوف وسوسه حسبي الله ونعم الوكيل ... مشيت معه ...مغلوب على أمري ...آه ي سمير ..لتك تشوف حال أختك بس أول ماركبنا السيارة ...قلت : شوف انا مشيت معك لبيت أهلك وانا مور اضيه على هالروحه .و ابي منك مقابل اسامه ناظرها وهو رافع حاجب : آللهم اني صايم ريوف بقهر :ماتبي تعرف ايش المقابل أسامه تنهد بصبر: يالله اسمعك ريوف بتردد وخوف : بزور اخوي في السجن اسامه فتح عينه بصدمه : وشهوو لا والله ماتزوريه ريوف بقهر : ليه تحلف طيب وش المشكله في زيارتي له اسامه بعصبية: بالله آلحين تبي المركز كلهم يعرفون ان زوجتي جايه تزور أخوها ريوف بقهر : مدام انك متفشل وماتبي توديني خلني اروح مع عناد ومرة أبوي اسامه عصب من جد آلحين قال بقهر وهو يحاول يمسك نفسه: مابي اجرح صيامي عشانك بس لي تفاهم معك في هالموضوع وبقهر قال ايش عناد يوديني طيب ريوف نتفاهم لا رجعنا ..... ريوف صديت بزعل ....وكلها دقايق وصلنا ...وشوفوا الإستقبال البارد من أمه ...قهرتني والله ناظرت اسامه الي جلس بالصالة ...قربت منه ..وجلست كذا عناد لأمه... قلت بهمس: نفطر ونروح طيب أسامه هز رأسه من غير صوت ...وهو يناظر ابوه الي جاي ومعاه اغراض بيده ...بهمس : قومي سلمي عليه ابو اسامه قرب وهو يرحب : هلا هلا أسامه سلم فوق رأسه .وبعدها ريوف سوت مثله وبعد السلامات ابو اسامه بحده: وينه رائد باقي شوي ويأذن ماله حس ام أسامه الي طلعت من المطبخ ...وهي تأشر للشغاله تحضر السفرة قالت : الحين بينزل بس عشان ريوف جالسة بالصالة ماقدر...يالله تعالي الغرفة الثانيه ولا ادخلي المطبخ ... ريوف حسيت بفشله ...يعني انا السبب انه تأخر ...يالله غبيه من جد الرجآل أكيد بيجتمع مع أهله اجلس له بالصالة ...ليه مشيت للمطبخ ..وانا اسمع صوت لطيفه ترحب في اسامه ..دخلت المطبخ وقفت وانا ..احس بغربه بهالبيت اكره وجودي هنا .. لفيت على مسكة لطيفه لي : وش ذا التغلي ي قلبي لهالدرجه قلبك قاسي ريوف عضيت شفتي مدري وش اقول لها بس عارفة نفسي لو تكلمت صحت ... لطيفه : اسفه ريوف والله ضايقه حدي بعد زعلي لك ..وبعدين ودي كذا بعد الفطور نجلسه جلسه حلوة ..ونروح المسجد نصلي صلاة التراويح وش رايك.... ريوف جيت ارد شفت اسيل ...دخلت علينا وهي ترد السلام ..سلمنا عليها ...ناظرتها حسيت بشيء وجعني مدري ليه .. معقول لاني ادري ان أسامه يحبها ...هزيت رأسي اطرد هالتافهه من رأسي ...بعدين وش فيني البنت متزوجه وانا جالسة افكر كذآ... بعدها فرشنا السفرة ..وكلها دقايق ...والأذن اقام .. اللكل فطر ..وبعد الفطور الي راح يصلي والي لم السفرة بعدها تجمعنا كلنا في الصالة الثانية ...على الحلا والقهوة .. ريوف حسيت لطيفه باردة حيل مع أسيل ..ويالله تكلم معاها عكس يوم تكون معي ... اسيل برقه : اقول ريوف في اي شهر ريوف : السادس .. اسيل بصدمه: ايش احس بطنك كبير مرة افتكرت والله شهرك .. لطيفه : قولي ماشاءالله اسيل رفعت حاجب : على وشهوو احسدها يعني والله ماغير تعب وثقل عليها ولا لا ي ريوف .. ريوف مدري وش أقول احترت ..وصادقه اسيل تعب والله ابتسمت لهم بدون مارد أفضل شيء. .صراحه احس لطيفه أبد ماهي طايقة أسيل بالمرة بعد ...سبحان الله عكس ام اسامه الي شايله فيها ..وطول ماحنا في المطبخ وهي تحلف عليها ماتشيل شيء ..... .. .. في الصالة ناظرته وقالت بقهر :يعني للمرة الثانيه ي اسامه عاندت ورجعتها لك حتى من غير ماتشاور نفس الزواج تزوجت وماشاورت لمتى اسامه اتحمل كل مرة صدمه منك اسامه بضيق قال : يمه البنت مالها أحد غيري وش اسوي أخوها مثل مانتي خابرة منطول بالسجن .... ام اسامه بعصبيه: عساه البلى ان شاءالله وبقهر ماراح ننفك ي اسامه من هالعايله ..... ابو اسامه وهو يتقهوى:ي مرة ماتعرفي تسكتي خلاص رجعها وش فيه يعني خربت الدنيا ...ومدام هو راضي خلاص خليه يعيش حياته مثل مايبي .. رائد قال بتعراض :يمه والله الصدق البنت مالها ذنب حاطه عليها أسامه يحس بضيق يوم رائد يتكلم عن ريوف ..وده يقول له مالك دخل مدام السالفة فيها ريوف ..... ام اسامه بقهر: يالله ها حطوا علي ....آلحين عشانها الله ماهو انا الظالمة في عيونكم وهي المظلومه. . اسامه سلم فوق راسها ومد يده لكتوفها وقربها منه :حقك علي والله وآسف ماشاورتك بس والله مثل ماقلت لك في الي حدني يالغالية ام أسامه ناظرته بقهر : للمره الثانيه ي اسامه تكسر عيني اسامه :ماعاش من يكسر عينك واطلبي تتدلي طلباتك أوامر .. ام اسامه :مدام طلباتي أوامر عندي طلب لك اسامه اشر على خشمه: ابشري من هالخشم طلبك يتنفذ ام اسامه بحده : خذ بنت خالتك أريج رائد وقف بعصبيه وهو معترض : لا اريج لا فاهمين ... أسامه ناظره بصدمه صح امه صدمته بطلبها بس ماهو مثل صدمته برائد وفزته تقول مقروص قال بحده : علامك اشتطيت كذآ .. رائد بقهر وعصبيه: والله ي اسامه انصحك خلك على زوجتك وابعد عن وجع الرأس والزوجه الثانية وش لك فيها .. ام اسامه بعصبية : انقلع مالك دخل ..ويوم أجي اطلب منك تتزوج على مرتك قول هالحكي فاهم ابو اسامه وقف :انا رايح اقضي لعمالي أفضل لي ..وانتي اجلس زوجي في عيالك وخربي بيويتهن ...بعد .. ام اسامه رفعت يدها بدون مبالاة وناظرت رائد الي يهدد صرخت بعصبيه : بتنثبر بدون اعتراض ولا خذ مرتك وانقلع عن وجهي ...خلاص قلت لك مالك دخل ... رائد بقهر ناظر اسامه مايبيه يسمع كلام امه: للمرة المليون ي اسامه اقولها لك لا تتسرع ...تكفى ي خوي .. ام اسامه وقفت وهي معصبه : فارق من وجهي بسرعة ... في الصالة الثانيه لطيفه وقفت وهي مفزوعة: بسم الله وش فيه ... صوتهم كذا عالي .. ريوف الله يستر ...بس سكتنا كلنا وحنا نسمع رائد ينادي زوجته بصوت عالي ...شفنا اسيل طلعت ...بسرعة ... لطيفه مشت بسرعة بس وقفت وهي تناظر ريوف :تعالي مافي أحد أكيد طلعوا اسيل ورائد ... ريوف هزيت رأسي وقفت ...ومشيت معاها ..طلعنا لصالة وشفنا ام اسامه وهي معصبه واسامه جالس يهدي فيها .. لطيفه :عساه خير علامه رائد صوته عالي وبعد انتي يمه ليه كذا معصبه ... ام اسامه بحده : شيء مالك فيه لا تسألي عنه .. وناظرت اسامه وأنت فكر في الي قلته لك ... ولا تجي هالمره الا بالرد .. اسامه ناظر ريوف وقال: ابشري ي الغالية ..وتم من الحين لو تبي بعد .. لطيفه بفضول: والله اموت لو ماتقولون لي ... اسامه ضحك بصوت عالي : ههههههه أجل روحي موتي محدن قايل لك ريوف والله حتى انا جاني فضول ...أعرف. .ي ترى وش بينهم الله يستر ...وش ناوين عليه ...يالله ماعلي ..فيهم. ...طالعت اسامه وهو يضحك ي باسط ...كل هالضحك ليه آلحين. ... أسامه وقف : يالله ريوف .. لطيفه مسكت فيها معترضه :لا بينا مخطط انا وريوف الليله ومستحيل تخربه ... اسامه عقد حواجبه : يعني كل ماجبتها هنا تنشبي لي كذآ .. لطيفه : أيوه عندك مانع سيد اسامه ولا غيران عليها اسامه بسخريه :ايوه غيران لطيفه بقهر: حرام عليك أكيد بترميها بالشقه وبتروح الاستراحه مثل عادتك .. ريوف تذكرت نظرات امه قبل تفارق الجلسه ...لا والله ماجلس وقفت وانا اقول :معليش ي قلبي مرة ثانيه لطيفه بضيق :ليه ريوف ريوف : حدي تعبانه ولا اقولك ليه ماتجي معنا انتي ... لطيفه : لا لا حلفت ماطلع اي بيت لما أطلق واقضي عدتي بعدها بفلها ...وكذا بنشب لك ولا يهمك .... اسامه بحده: مجنونه .. وش ذا الكلام لطيفه :هذا الصدق ..والله مابي غير الطلاق .. وتكفى لا تبدأ كلامك كله ماراح يغير شيء .... أسامه اشر لريوف تطلع وراه وهو متضايق من حال أخته .... ريوف قربت من لطيفه : فكري في حياتك مرة ثانيه لطيفه ولا تأخذي قرر تندمي عليه .. لطيفه بصدق: والله الندم بعينه يوم اجلس على ذمته ريوف لبست العباية .وهي تقول: الله يكتب الي فيه الخير لك حبيبتي ...وطلعت بعد ماسلمت عليها ... ركبت السيارة ...وطول الطريق ساكتين . .. وصلها البيت ورجع طلع بسرعة ...جلست على الكنبة ..وهي تفكر وش الي طلبته امه منه .....ي ترى ..... ،، ،، ،، في سيارة رائد قبل تنزل بيت أهلها قالت بحزن :ليه طيب أمك تزوجه حرام البنت ماتستاهل والله طيبه مرة .. رائد بقهر وهو يضرب الدركسون: المشكله ماهو في سالفة الزواج المشكله في اريج بس على جثتي لو أخذها أسيل تذكرت الخرابيط الي ترميها كان اريج وخويتها يوم ترسلها قالت بشك: يعني الحين انت مخلي سالفة الزواج كلها ومعترض على البنت بس .. رائد هز رأسه بقهر:اي والله ماتصلح مره ..لأسامه أسيل عضت شفتها : ممكن اعرف ليه اعتراضك على اريج رائد : تكفين انزلي الحين وبمرك بعد السحور ... أسيل نزلت وهي مقهورة ..مصيرها تعرف ..وش قصة اريج معاه .. ليه هالعصبيه كلها من يوم ماتزوجته ماقد شافته معصب مثل الحين .. ،، ،، ،، ،، ،، ،، ،، في مكه اخذو عمره ..وبعدها استأجر فندق قريب من الحرم ... طلع يأخذ أغراض ..دق على لطيفه ...عنده أمل تسمع كلامه وآخر فرصه يعطيها مثل ماوعد أبوه ... سمع صوتها بعد ثالث رنه استبشر خير مدام ردت عليه ..... : السلام عليكم لطيفه بسخريه: سبحان الله تونا في سيرتك وليد : عساه خير لطيفه ميلت فمها بسخريه : الخير بعلمه ...ي رجال وليد وهو يناظر المكان قال : الله ي لطيفه ودي تكوني معي في هالمكان الطاهر ..مكه اجواها غير كلها راحه وطمنينه ليطفه : في مكه أنت .... وليد : اي والله .. لطيفه قالت وهي تترجاه : سألتك بالله وأنت في هالمكان الطاهر ..انك ترمي علي يمين الطلاق تكفى ي وليد مالي في المحاكم ... والله عيشة معك ماعاد لي ...وتذكر الي بينا وقدره تكفى ...لا تبهذلني معك ي وليد ..وتخليني ادعي عليك بدل مادعي لك وليد قاطعها وهو موجوع : لطيفه صعب الي تتطلبيه مني ليه مو راضيه تحسي فيني ... لطيفه : تكفى ي وليد لا ترمي حالك علي أكثر وتتأمل..اني برجع لك .والله لو تنطبق السماء على الأرض مارجعت لك لو اجلس طول عمري معلقه ...والله يعز علي أقولك عايفتك بس الصدق هذا هو وعايفه كل شيء يخصك بعد ..... وليد قاطعها وهو معصب: حدتيني على اقصاي ي لطيفه ..وتذكري انتي الي بعتي والحين ابشري بعزك ..روحي وانتي ((طلاق طلاق طلاق )) وصك الطلاق يوصلك وقت مارجع الرياض .وقفل الجوال ..وهو معصب .ليته مادق ...عليها ...بس لمتى بيأجل وهي كل مرة ترمي كلام اقوى من قبل....رفع رأسه وناظر السماء وهو يدعي الله يصبره على فراقها ..عض شفته بقهر أشلون يقدر يعيش بدونها .... عند لطيفه قفلت وهي ماهي مصدقه الي قاله ...اخيرا تطلقت ... بلعت الغصه ..وهي تردد افرحي لطيفه لا تصيحي رفعت يدها لوجها وهي تترجف ..اذبح عمري لو صحت عشانه ...ايه امنيه وتحققت .يارب لك الحمد يآرب اليوم دعيتك وانا صايمه خذ حبه من قلبي والحين يآرب نسني هوو ...خلاص لطيفه اعتبريه شيء وانتهى في حياتك .. حست بدمعتها على خدها نزلت غصب مسحتها وهي تحس الرجفة زادت ..وجسمها كله ..ولع من الحرارة ..وقفت وهي تحاول تقوي حالها ...اتجهت لغرفة امها .. شافتها متمدده على السرير قربت منها ...وتمددتت جنبها وقالت بغصه وهي ترجف بضعف : وليد طلقني شافت الصدمة بعيون امها رفعت يدها وهي تقول تكفين يمه مابي اسمع اي شيء ...اللي فيني يكفيني .... ام اسامه ضمتها لصدرها وهي تردد:خيره يمه خيره سمعت شهقتها ..قالت بغصه: ليه يمه ماهو هذا الي تبيه .. لطيفه وهي تصيح: ايه هذا الي ابيه بس فيه شيء يوجعني يمه هنا وهي تأشر لصدرها ام أسامه بحزن : حسبي الله ونعم الوكيل في الي خرب حياتك ... ،، ،، ،، في شقة ناصر لحقها المطبخ وقال وهو يحذرها: تكفين لا توضحي لأمي وشوق انا بينا زعل تراه جايه وهي ضايقه حدها ...من المشاكل الي صايره في بيتنا .. منيرة هزت رأسها ببرود وهي تصب العصير: ابشر ولا يهمك ناصر هز رأسه وقال وهو مبتسم :ترا مستبشر في هالشهر الفضيل قلبك يحن شافها بترد قال بسرعة تكفين أجلي ردك عشان العصير هذا مايرجع على وجهكك منيره صغرت عيونها بقهر وبسرعة ابتسمت بخبث : طيب ليه العصير ترجعه لوجهي وانت ماسمعت الرد وكاد يعجبك .. ناصررفع حاجب وبقهر : يعني كان لك نيه ترضين منيره ابتسمت وهي تشوف القهر: كان بس آلحين لا وامش بس تأخرنا على أهلك ناصر ابتسم ومشى وراها .... قرب وجلس جنب امه وحط يده على كتوفها :ليه الغالية كذا ضايقه .. ام وليد بغصه:أقولك ضربه والله قلبي موجوع عليه رجآل طول بعرض ينضرب قدام زوجته ناصر : يستاهله أكيد هالوليد ام وليد ضربت على صدرها :وشهوو انا جايه اشكي لك تقوم تقول كذا ... شوق مسكت ضحكتها ناصر دفش في الكلام بشكل ماعنده أسلوب أبد بدل مايهدي عليها عصبها زود ماقدرت تمسك ضحكتها عاد : هههههه ناصر مسك ضحكته وقال:شوق انكتمي وناظر امه اسف ي الغاليه ابي اونسك بس ام وليد بعتب : تبي تونسني تقوم تتشمت في أخوك وتقول يستاهل الي جاه شوق : اخخ يقال الحين تصلحها تكفى تسكت لعاد تجيب العيد أكثر .. منيره ناظرت ناصر وشوق بعتب وقفت وجلست جنب ام وليد وقالت بحزن عليها: تطمني ي خاله ..وروحته لمكه خيره والله وان شاء الله ربي يهدي على قلبه ويرتاح ناصر : أقول يمه وش رايك نلحقه لمكه والله العمره كلنا نحتاجها وناظر منيره ... ام وليد :والله يمه ماحد يكره هالشيء .. ودنا في العمرة ... شوق وقفت بحماس : اي والله شور زين ي ناصر ناصر ناظر منيره وقال : هاا وش رايك ي ام سلطان منيره هزت رأسها بالموافقة ناصر إبتسم بحماس : اقول يمه مدام الكل راضي وش رايك نسحب على الشايب مانأخذه معنا ام وليد بعتب : ورا مانأخذه ناصر بضحكه : عشان اخاف يضرب ولدك زود لو شافه .. ام وليد بزعل:جالس تتريق بخوك ي ناصر مابي عاد أسافرمعك ناصر بسرعة قال : يمه والله ابيك تضحكي منيره بقهر :وش فيك اليوم شوق قربت من امها وهي تترجى :تكفين يمه نبي نروح عمره ام وليد ودها في العمرة وبعد بتشوف وليد ...قلبها محروق عليه وماتدري كم بيجلس هناك.....لازم تتطمن عليه ...يكفي صوته يوم دق عليها اليوم ..مره ضايق وتعبان. .. قالت : دق عليه يمه وقول له بجيتنا وكاد يستانس .... ناصر : ابشري يمه وهمس لشوق توقعي فعلاً يستانس ولا بنكد عليه مع بنت العم .. شوق رفعت كتوفها:والله مدري بس اخوك نحيس من يومه ناصر دق عليه ومارد ...قال بهمس : من أولها كذآ ،، ،، ،، في مكه .. ريتآج مستغربه ..من وقت ماطلع بعد الفطور ..ما رجع ..غريبه طول طالعت الجوال ..شافت ..الساعة باقي شوي وتصل 12 معقول كل ذا ...برا ..دقت عليه ..مارد .. ..الله يستر ...رجعت دقت عليه بعد مارد ...شوي وسمعت صوت الباب ...تطمنت جلست شوي ماتبي تتطلع له .ويفتكر مقطعه حالها عليه ويشوف نفسه زود ..يكفي طول الوقت ساكت والضيق باين عليه.. وبعد الحين.. اتصالها الي طنشه ...سمعت صوته يكلم وبعد اسبيكر ...وقفت بقهر يرد على جواله وانا مطنشني .. بس وقفتني المحادثه ..... :ناصر تكفى ابد ماهو فايق لك ناصر ضحك بصوت عالي:هههههههههه اقول شايل بنت العم معاك ويقولون طاير فيها ...امي جايه تشكي منك تقول نسيتها مع بنت جاسم ..اخخ هبلت فيك ريتآج تذكر يوم تقول مابيها والحين مسفرها وحركات ..ي شيخ خف علينا ... وليد بقهر عض شفته وقال بحسره :آه لو تدري وش نيتي كان قلت بسفر بنت جاسم وكاد . سلطان يرضى علي ويروح معي عشان لطيفه يوم أجيب جاهه.. بس آلحين خلاص طلقت لطيفه ...ومعاد يفيد شيء ...وبرجع الرياض ان شاءالله ناصر بحده قال: نيتك خايسه يالنذل المهم انثبر مكانك وعدت امي بعمره وقفل .. ريتآج حسيت بصدمه من رده ....مسفرني الحين عشان يبي عمي يروح معاه ..للطيفه ..لها الدرجه مستغل وجودي معه .. فتحت الباب بقوه وقلت بعصبيه : ،، ،، كتتتتتتتتتتتتت هذا البارت ونزل على اني زعلانه عليكم حيل ..فرحانين وجالسين تتشمتون في ولدي ..عشان الكف الي جاه ...آه بس ودي اعرف وش فيكم على عيالي ولا فيتامين سي جالسه تتريق فيه تقول..قلبه فندق افاا وهذا وهو متأمل فيك يقولي قولي لخاله فتوو تدور لي الثالثه ..وكاد تكون أعقل من الثنتين الي ابتليت فيهن ..اخخ بس صدمه كانت له ولي ولا وليدي الثاني أسامه بكري .. ودكم ...تتنأوبون عليه بالعقال.... ليه كذا وش ذي القساوه ... ودي أعرف وش هم مسوين فيكم بس ...آه.كنت من كثر زعلي ناويه اسحب عليكم ...ومانزل بارت ..بس عشان وليد نزلت لكم جا وقالي ..يمه ماعليه نزلي لهن بآرت مهما كان بردها لهن بالطيب ...واخوي أسامه ..رجآل ومايأثر فيه عقال ..ومهما كان مايحط عقله مع عقل الحريم ... ياربي شفووا بس المرجله صدق ربيت ... اسم الله عليهم عيالي الله يستر عليهم من الحسد بس ...ويالله لو تبغون رضاي شدوا الهمه وزوجوه الثالثه تكون سنعه ...واسامه بعد زوجوه .. ثانيه بدل ام دمعه ريوف & & وايه بعد ترا البآرت طويل حيل لاحد يقول قصير لان هذا الي في استطاعتي & نـــونـي بنت الجنوب & استودعتكم الله الذي لا تضيع ودائعه سبحان الله وبحمده سبحان الله العظيم " الوتر أحبتي " الله يرحمك يامن اوجعني فراقك |
رد: أعشق أنانيتك عندما تتمناني لك وحدك الكاتبة نوني الجنوب
اسامة وامة عقابهم سيكون بالزواج
من اريج وليد انشاء الله سيخرج خالى الوفاض لاطال عنب الشام ولابلح اليمن شكرا فيتامين سى على مجهودك |
رد: أعشق أنانيتك عندما تتمناني لك وحدك الكاتبة نوني الجنوب
آللهم إني استغفرك وأتوب أليك سبحانك اللهم إني كنت من الظالمين آللهم صل وسلم على نبينا محمد صلو عليه الروايه لا تليهكم عن الصلاة والعبادة اللهم بلغت اللهم فاشهد & & & & البآرت الرابع والخمسون & السلام عليكم ورحمة الله وبركاته كيفكم ي الغوالي امم حبيت اوضح شي في البآرت الي قبل نزل ...وقت ماوليد طلق لطيفه ... كتبت كلمة (طلاق).. بدل كلمة( طالق ).اخخ من كثر ماقلبي عورني على التوفي مانتبهت ان الكلمه انطبعت غلط والله توني انتبه جننني هالجوال .. فيه قاموس عيا يروح منه ونسخ لي الكلمه وبعد أكثر من مره من غير مانتبه .والبارت نزل بدون مراجعه لضيق وقتي .حبيت أوضح لكم عشان مافيني . ارسل للمشرفة تعدل ..مشوار يبي له هههه وبعد وش ذي السب كله على ولدي والله ماهو في مصلحتكم لو ضاق خاطري عليه^^ يالله اشوف أعتذر للكابتن ولا ببدا بحركات النذاله معاكم ^^ ... & & & طلعت وهي مصدومه من الكلام الي قاله صرخت بعصبيه : مثل كذا حقارة ماشفت ناظرها ورمى الجوال ببرود يذيح وقال : افترقنا خلاص طلقتها حدتني على اقصاي ريتاج فتحت عينها بصدمه اكثر تحس انها شوي وتنجن قالت بقهر : بعد لك عين تشكي علي ..هزت راسها بحسره والله ماشفت مثل.. رجآل اناني مسويني سلم لك ولحياتك مع لطيفه وجايبني حتى لبيت الله لغرض لنفسك حسبي الله عليك وليد مثل مارخصتني وبصرخه وبعد تقولها كذا لناصر بكل برود ..ماتفكر على الأقل اني بنت عمك شافتها يناظرها بدون مايرد كملت بتشفي :والله ي وليد فرحانه في الي صار لك ..وعساك من هالحال وازود .. وليد هز رأسه بحسافه: بعد مالعبتي بحياتي جايه تتشمتي . . ريتاج عضت شفتها بقهر :لعبت بحياتك ي رجآل فوق واعرف قدرك زين ترا أنت الي رامي حالك علي ...وتذكر مشكلتك مع لطيفه وش سببه .. وليد ببرود ظاهري : سببه واضح ماغيرك ريتاج صرخت بعصبيه معاد تشوف من قهرها : سببه كذبك ي ابو وجهين لكن لطيفه كفوو طلعت وان شاءالله انا ماهو بأقل منها ....طلقني وليد وليد وقف ..ودفها عن طريقه واتجهه للغرفة وهو قرفان من حاله ..أبد ماتوقع تصير حياته كذا ....والحين ذي أبد ماهو وقتها رأسه صدع من صراخها وصياحها ... ريتآج لحقته وهي تصرخ بعصبيه : طلقني آلحين وليد مسكها من عن كتوفها بقوه : شوفي ترا الي فيني يكفي ياليت تطلعي وتقفلي النور معك ريتاج بعناد : أقسم بالله تطلقني ومن فوق خشمك بعد وليد بعصبيه : ريتآج تجلسي ساكته ي تطلعي يكون أفضل ريتاج ضحكت بسخريه وهي مقهورة: اسكت ليه بعد هالي سمعته أقدر عاد اسكت وليد أنت مو عارف وش سويت فيني دمرتني فاهم ايش دمرتني كل مرة انصدم بشي أقوى من الي قبله وش الي تبيه مني تكفى فكني من حياتك كلها والحين بعد وابي ارجع الرياض ولا دقيت على أبوي يجي والي فيها فيها والله جلسه معادني بجالسه هنا لو آيش وبسرعة لمت اغراضها ولبست العباية وقالت بحده: يالله رجعني لبيت أهلي ...ولا أقسم برب العزه مايردني عن رقم أبوي شيء .. وليد مسك على رأسه ..أبد ماهو فايق الحين لريتاج .. قال وهو صاك على سنونه: صدقيني اليوم بذات لا تسوي فيها ..ماهو في مصلحتك أبد تراي حدي ماسك نفسي عليك بالقوه مابي اذلك والله ريتآج بقهر: انت عاد بقيت شي ماهو بش ذليتني دمرتني اقولك ...بس وش أقول طول عمرك واطي وبتفضل واطي ي وليد عافتك لطيفه والحين انا سبحان الله لاهي قدرت تكمل معك ولا انا بقدر ... وليد وقف بعصبيه قرب منها ومسك فكها بقوه وشد عليه قال وهو صاك على سنونه : واطي ي ريتآج كبيره حيل هالكلمه .. ريتآج هزت رأسها بألم تبيه يبعد يده ..أول مارخى يده قالت بتحدي :صدقني الكلمه ماهي لايقه إلا عليك وبعد حقوق محفوظه لك وليد قفل عيونه بصبر وزفر بضيق وهو يحاول يهدي نفسه مايبي يزود عليها الي قاله ماهو قليل في حقها بس والله غصب عنه قال كذآ يوم ناصر بدا يرمي حكي وجلس يزبد له وانها جابت رأسه وبعد كان مقهور يحس هي السبب لفراقه من لطيفه مايدري كيف طلع من هالحكي قال بهدوء :بمشيها لأني مقدر وضعك بس ي ليت تعطيني فرصه افهمك وش اقصد كان والله يعلم اني قلتها بدون قصد ريتآج ناظرته بتحقير وهي تهز رأسها تبيه يبعد يده أول مارخى يده قالت بستفزاز له : بعد لك عين تكذب يالله وضعك ابد ماهو طبيعي ..... وليد صرخ بقهر ماهي ترضى : ريتآج لا اطلع حرتي فيك . . ريتآج قربت بتحدي منه : سبحان الله ماتقدر تحط حيلك إلا علي ..وغيري مسح فيك البلاط لاكن مقيوله الي ترخص عمرها تستاهل ..كملت وصوتها يرجف ماتبي تصيح لكن والله ي وليد معاد لي جلسه معك لو تموت قدامي ...والعايله الي رخصت عمري عشانهم في حريقه تحرقهم كلهم ..من اليوم ورايح بسيؤ مثلك في الانانيه .. وليد رفع يده بتهديد: ريتآج للمره المليون اقولك ابعدي عني بس انتي رافضه تسمعي ومن آلحين حطيها في راسك طلاق والله ماطلق لو تموتي وعساك تجلسي العمر كله معلقه ريتآج : قلت لك بتطلق ولا الي بدت فيه لطيفه أكمله أنا وأنت عارف قصدي .. وليد صغر عيونه بقهر: وش قصدك ريتآج بقهر : قصدي المحكمه ي وليد ..وبخلعك ماعليك حسوفه ي اشباه الرجآل وليد بعصبيه دفها بقوه على الدولاب : اشباه الرجآل قد هالكلمه رفع يده بتهديد والله لاتتحسفي على هالكلمة ولا ماكون وليد ريتآج قفلت عيونها وهي تحس كتفها انخلع من الدولاب تحملت على الوجع ولبست العباية طالعته بغيض : صدقني مهما تحسفت ماهو قدي التحسف الي احس فيه آلحين ليت ماضيعت سنه من حياتي عشان شيء مايستاهل وقالت وهي ناويه تحرق دمه تدري فيه غيوري درجه أولى حتى لو مايحبها بس أنانيته تحكمه... لكن الله يعوضني بالي ينسيني هاللي صار منك ولد عمي ... وليد عض شفته بقهر :ناويه على عمرك اليوم وش ذا الحكي معاد به حيا ... ريتآج تحس بقرف حتى من صوته :وليد رجعني الرياض آلحين وليد تمدد على السرير وقال بحده :أهلي جاين انثبري مكانك ريتآج صرخت بعصبيه :والله لو مين جاي ماجلست وبسرعة اخذت جوالها بتدق على أبوها ...يجي لها وليد فز بقوه وبسرعة سحب الجوال ..منها وقال بحده:تقلعي قدامي ..بسرعة أخذ أغراضهم وطلعوا .. طول الطريق ماحد تكلم على الثاني ...... ريتآج تحس بذل وقهر ..بلعت الغصه ...وهي تحلف ماتنزل دمعه ويشوف ضعفها ...وليد حطمها ..على الآخر .. قفلت عيونها وهي تحرقها ...رن جوال وليد ... وليد سبحه وناظر رقم ناصر قال بقهر وهو عاض على شفته: وش أقول له بالله... ريتآج قالت بوجع وهي مطنشنه كلامه : آه ليتني اختصرتها على عمري من أول ليله ي وليد ولا رخصت نفسي لهالدرجه .. وليد بقهر :آلحين قولي لي وش اقول لهم والله متفشل من شوي داق علي يبي يجي والحين أقوله انا راجع والحين أكيد ناصر داق. بيأكد لي ريتآج بغصه :قوله الغبيه الي لعبت عليها واللي كان سلم عشان توصل لهدفك كشفت لعبتي وحلفت يمين ماتجلس دقيقه على ذمتي يمكن تجمع شوي من كرامتها الي داسها ولد عمها وليد هز رأسه بقهر:صدق غبيه انتي وهالحكي ..ليه ماهو راضيه تفهمي اني ماقصد وقتها كنت معصب ومدري وش اقول . ريتآج قفلت على اذونها وقالت بقهر: مابي اسمع صوتك وليد زفر بضيق .ورفع جواله وأرسل له ((حنا في الطريق راجعين الرياض)) أول مآذن الفجر ..وقف عند مسجد .... قال بتعب:نزلنا نصلي ريتآج نزلت من غير ماترد عليه ..بعد الصلاة ركبوا السيارة وريتاج حاولت تنام بس ..آه بعد الي صار كيف تنام ...ناظرته بطرف عينها ..شافته يسوق وهو هادي عكس يوم طلعنا كان معصب حده .... قفلت عيونها وهي تدعي الله تنام ....تبي تهرب من واقعها ... : ممكن نتفاهم ريتاج طنشته وليد : هالمرة أكيد صامله في قرارك ... ريتآج فتحت عينها وقالت بحده : ماعمري كنت صامله مثل هالمرة وليد تنهد بضيق : خلينا نتكلم بالمنطق شوي وهجدي شيطانك شوي ..وفكري في كلامي قبل نصل الرياض .. شافها ساكته ماردت عليه كمل كلامه امم صدقيني طلاقنا ماراح يأثر إلا في عصام وشوق ...وانتي مضحيه هالوقت كله عشانهم والحين جايه ريتاج قاطعته بعصبيه: لا تسوي معي نظام الحشر قلت لك مايهمني أحد ضحيت بما في الكفايه ماشوف أحد فكر فيني ...كلن يفكر بمصلحته وانا من اليوم ورايح معاد افكر إلا في نفسي .. وليد مقهور منها ..ليه ماهو راضيه تفهم عليه. قال بحده : في ستين داهيه بعد لطيفه مايهمني عاد شيء خلاص عفت الحريم بعدها ... ريتآج قفلت عيونها بقهر ...اجرح زود ..بعد خلاص ماعاد له هالرجآل شيء زين اذكره فيه...... |
رد: أعشق أنانيتك عندما تتمناني لك وحدك الكاتبة نوني الجنوب
في بيت ناصر بعد صلاة الفجـر .. دخل الغرفة شافها جالسة على السجادة تقرأ قران ....جلس على سرير بنته .. وقال بعد ماقفلت القران : شكلنا بنكسل سفرتنا وليد راجع الحين بالطريق توه مرسل لي ... منيره طالعته وهي تنزل الجلال :ليه حنا رايحين عشان وليد ناصر :لا السالفة ماهي كـذا بس الي اقصده امي أكيد بتكنسل الروحه لانها بعد بتطمن على وليد.وشكل مشاكل حاصله من فعايله الزينه الله يستر منيره :عادي مره ثانيه ناصر : لا ان شاءالله رايحين مدام خاطرك فيها منيره ابتسمت وهي تتمدد جنب سلطان وتسحب المفرش : والله خاطري فيها ..بس مدام به مشاكل عند اهلك اجلها حتى ربي يسهل ناصر : لو جلسنا نتظر مشاكل وليد مع حريمه عزالله ماخلصنا ان شاءالله نمشي بكره بعد الفطور منيره عدلت سلطان بالنومه وقالت بهمس: ان شاءالله ناصر ناظرها وقال بقهر :شكل غرفة عيالك جازت لك حيل شكلي بجربها انا بعد .. منيره رفعت حاجب: حياك ناصر ابتسم على جنب وقال: لا بكون اكرم منك وبقولك حياك في غرفتي ...شفتي الضيافه السنعه كيف منيره رفعت يدها ببرود: لا مشكور وضيافتك وصلت.... تمسي على خير ...بنام وراي فطور .. ناصر رفع حاجب وقال: صدقيني العزيمه ذي ماراح تكرر.. وقف بزعل واعطاها ظهره وهو مقهوركل مره تصده . .. منيره حست فيه ..وقلبها وجعها عليه ...وبعد والله حتى هي تعبت من الصد .جلست وهي متردده :ناصر ناصر من غير مايلف لها:هلا منيره بتردد: اممم مدامها ماراح تكرر ماراح افوتها ناصر لف لها وهو مصدوم قال بفرحه وهو ماهو مصدق الي يسمعه : صدق شهر مبارك ....وتهجد فيه الشياطين منيره ابتسمت له: وكاد الحين شياطيني هاجده وبعد فيه شي ثاني الطفش له دور أكثر ماحصلت احد اتناقر معه ناصر قرب منها و مسك يدها وقفها :افاا الحين مافقدتي غير المناقر الي حاست حياتنا . منيره صغرت عيونها وسحبت يدها: بعد جالس تغلط الحين مناقرتي هي الي خربت حياتنا ولا عينك الزايغه لا انا برجع في قرراي ويالله اعطنا مقفاك ... ناصر رجع مسكها وهو يضحك:مين قال هالحكي الله يهديك دايم تفهمي غلط حياك تفضلي ... منيره رفعت حاجب : لا ي رجـال افهم غلط اوك بمشيها لك مكبره عقلي اليوم للآخر. .حظك ناصر بضحكه: فيك الخير ورفع يده شكراً يالله ..اخيراً رضت علي منيره بأبتسامه : يالله فراقي مأثر فيك بالحيل ناصر صغر عيونه : بدينا بالذل منيره ضحكت بصوت عالي وهي فرحانه أكثر منه ... ... @ @ @ @ @ اول ماصلوا الرياض قالت بتعب وضيق :بيت أهلي وليد بضيق :كبري عقلك ي ريتاج وللمره الأخيره اقولها لك صدقيني لو وصلتك ماراح نخلص بتحصل مشاكل كثيرة حنا في غنا عنها ريتآج بعصبيه : وليد ليه مو راضي تفهم انه خلاص فاض فيني ورجعه معك والله لو تموت افهم عاد خلاص تعبت من كثر ماقول لك مابيك .. وليد هز رأسه بقهر :كلكم ماتستاهلون والله ...وزين الي سويته فيكم وكل وحده رميتها لبيت أهلها ريتآج عضت شفتها بقهر : عارف آيش مشكلتك ي وليد انك مأخذ في نفسك مقلب آلحين بالله مين رمى الثاني يآرب صبرني بس وليد بحده : تبي بيت أهلك خلاص انثبري وبلى كثرة حكي ريتآج : اي والله ابي بيت أهلي وليد حس بقهر منها بتروح كذا ..يعني مايكفي خسر لطيفه والحين ريتآج بس لا امله في عمه كبير ومصيره يرجعها مثل العادة.... وقف عند بيت أهلها ..أول ماتحركت تبي تنزل رفع يده وناظر ساعته وقال بنذاله: اتوقع ساعتين بالكثير واشوفك منوره بيتك انتظرك ريتآج فتحت عينها بصدمه من وقاحته : شفت ماهو اقولك الي متعبك ي وليد هالثقه الزيادة وليد بستفزاز:ان شاءالله افطر من يدينك بعد الله لا يخليني بس ريتاج ردها له قفلت باب السيارة بقوه ..تكذب لو تقول ماستفزها ..يعني لهالدرجه رخيصه ..في نظره واثق الأخ برجوعها هين ... دقت الجرس ...كلها ثواني والشغاله فتحت لها ...دخلت وهي تشوف أبوها وامها في الصاله ...حاولت تمسك حالها ...وهي تشوفهم يناظرونها مستغربين ..بلعت الغصه وردت السلام. ..ودها مايسألوها الي تبيه تتطلع لغرفتها ..وتختلي بنفسها بس .....وبعد تتمنى تحاول تقفل السالفة ..كلها لما يتزوج عصام وشوق ..بس أبد لو سكتت ماهو في مصلحتها وليد نذل وكذاب يقدر يسوي اي مصيبه ...وأبوها وقتها بيرجعها غصب .. مثل العادة أبو عصام وهو مستغرب شكلها ..يحسها ماهي طبعيه أبد قال بشك : امس داقه تقولي في مكه وبتجلسي أسبوع على كلامك عساه خير الي مرجعكم كذآ بسرعة ريتآج ماقدرت تصبر صاحت من غير ماترد عليه ابو عصام وقف وقرب منها وجلس على الكنبه وهو يضمها لصدره : وشهوله تصيحي كذا وليد فيه شيء صار شيء قولي ام عصام مدت يدها وهي ترفع وجهه ريتاج وبخوف: يمه قولي وش فيه والله قلبي مخلوع ..وليد هوو سبب وجعتس صح ابو عصام بحده : وش ذا الكلام ي مره وليد عاقل ومستحيل يضر بنت عمه . ريتاج رفعت راسها وناظرت ابوها وقالت بقهر وهي تصيح : :ايوه هذا الي جاب اجلي الثقه الزيادة الي معطيها ولد اخوك يبه كفايه ترخيص لي والله ماستاهل الي يسويه فيني ... ابو عصام وقف وهو مصدوم من كلامها قال بعصبيه : وش مسوي فيك قولي ريتآج طالعته وقالت بضعف: يبه تحملت بما فيه الكفايه وهذا اقصاي معاد فيني ...والي يذبح يبه زود ثقته فيك. انك بتردني له بدون مايتعب حاله .... ام عصام ضمتها لصدرها وبقهر طالعت زوجها :شفت قلت لك ان أخوك وعياله كلهن مافيهم خيربس مدري متى بتفهم والي بتسويه الحين أكيد بترجعها له صح مثل دايم والله ثم والله ي جاسم اني هالمره ماسكت ..ولو طلعت ريتآج بطلع قبلها ابو عصام بعصبيه :يخسى اردها له وعارف بنتي مايطلع منها ...الغلط وصادقه أعطيته أكثره من حجمه هالوليد لكن هين تفاهمي معه ومع أخوي ...... ريتاج تسمع حكيه ..وهي تصيح على صدر امها ...ماهي مصدقه الي يقوله ابوها معقوله ..بيوقف معاها هالمرة ...همست لامها بروح لغرفتي امها هزت رأسها ومشت معاها لغرفتها وهي تهدي عليها: خيره يمه خلاص لا تصيحي هذا ماعليه حسوفه ريتآج مسحت دموعها : يمه والله مايستاهل حتى يصير ولد عم ام عصام بقهر:الله ي..استغفر كنت بغلط وانا صايمه بس ماعليك الحين قومي غسلي وجهك ..وصلي وارتاحي وشوي ويأذن ونفطر وبعدها والله ي ريتاج بتافهم مع ابوك لو ماتحرك هالمره ويشوف لك مخرج من هالي اسمه وليد ....... @ @ @ @ @ @ في شقة اسامه في المطبخ .. جالسه تلف السنبوسه ..وتفكر في أخوها. .وش مسوي ..حست بضيقه .طالعته واقف قدام الباب.بطوله ..... رد السلام وسحب كرسي وجلس ..قال بهدوء : وش فطورنا اليوم ريوف طالعته وهي مستغربه انه يجي ويسأل دايم تسوي أكل ويأكل من غير مايعلق ..أو يسأل وش هي الطبخة : سنبوسه وشوربه وبعد احتمال اسوي مكرونه وسويت حلا بعد ..تبي شيء ثاني عادي قول اسويه وبسخريه وكاد احلل الجلسة أسامه : لا مشكورة هذا يكفي وبعد الكلام الأخير مابي أسمعه مره ثانيه ريوف بعد مشكوره .ويشرهه على كلامي .. كملت لف ..وانا مستغربه جلسته عندي بالمطبخ ..خابرته مايحب يجلس في مكان جالسة فيه ...والله احسه متغير حيل ..وش الي غيره كذا ..كملت آخر وحده ووقفلت الحافظه ...وسندت ظهرها على ظهر الكرسي وقالت بفضول : فيه شيء متغير فيك أسامه أسامه رفع حاجب وقدم نفسه شوي وسند على الطاولة : آيش الي تشوفيه متغير فيني ريوف نزلت نظرها تخاف تأخذ وتعطي معاه.. ..سبب لها فوبيا ..وقفت وهي تحمل الحافظه وتحطها على الكونتر شافته باقي ينتظر جوابها :خلاص خلاص أنسى أسامه يحسها خايفه منه قال : تدري وش الي يقهرني فيك ريوف : اتوقع كل شيء يقهرك فيني أسامه رفع حاجب وقف قرب منها :لا فيه شيء يقهرني زود ..كمل وهو يشوف وجهااا انخطف زيادة تنهد بضيق :هالضعف الي اشوفه فيك ريوف صدت عنه وهي تلهي نفسها بالشوربة ..... قالت بتوتر: فيك شيء متغير بس مدري وشهو رد على سألي لا تجلس تضيع ... أسامه : تدري ليه متغير .. ريوف قاطعته : شفقه صح ..بس معقول الحين طرا لك تشفق الي أعرفه كان ماتقصر أبد ولا تخلي فرصه إلا تجرح وتمد يدك والحين فجأة كذا صرت تشفق ...شيء مايدخل العقل اسامه قال بندم : الله يأخذ حقك من الي ظلموك ريوف فتحت عينها بصدمه من كلامه ..جت بتتكلم ماعطاها فرصه طلع على طول من المطبخ ...... رجعت تكمل شغلها ..وهي تفكر ..في كلامه طيب ماهو هو أول وأحد ظلمها ...معقول يدعي على حاله ..ولا قصده شيء ثاني ..افف تعبت والله .... @ @ @ في بيت ابووليد دخل البيت ...وهو قرفان من نفسه ..سلم على امه وشوق على السريع وقال بتعب:بنام يمه مابي أحد يزعجني وناظر شوق صحيني للصلاه طيب ام وليد قالت بقلق: يمه فيك شيء ...وبعدين وينها ريتآج ماهي معك وليد بضيق: ريتآج تبي تفطر عند أهلها وتطمني ي الغالية مافيه شيء وخلاص بشري ابوي وقولي له لطيفه طلعت من حياتنا وخليه ينبسط بالحيل ...هذا الي تمناه تحقق آلحين ام وليد بعتب: خلاص وليد مايصير تتكلم عن أبوك كذآ وليد عض شفته بوجع: وش قلت يمه ماغير الي كان يبيه ويتمناه ام وليد : روح نام وعين من الله خير ولا قمت لي كلام معك .. وليد قرب من امه وسلم فوق رأسها وانحنى وسلم فوق يدها: والله يمه مايهمني غير رضاك وادعي يمه ربي يريح قلبي والله موجوع مدري من وين احصلها ام وليد بقلق: بينك وبين ريتآج شيء صح تكفى وليد لا توجع قلبي عليك زود ..يكفي خوفي عليك يوم أبوك مد يده الحين وش يسوي فيك ..لو زعلت ريتآج ...تكفى أول ماتصحى من النوم روح وطيب خاطرها ولا انا بدق عليها وادري فيها ماتردني ... وليد هز رأسه من غير مايتكلم ..وطلع لغرفته ...وهو تعبان .. شوق بشك: الله يستر يمه ولدك أكيد مهبب شيء ثاني حنا ناقصين الله يهديه ام وليد بقلق: الله يستر قومي بس شوي ويأذن خلينا نحضر الفطور الكل فطر وبعد الفطور ..تجمعوا ...على القهوة ابو وليد بحده: ولدك لا فطر ولا جا يسلم بعد ولا لايكون مسوي مقاطعه عشان لطيفوه. .. ام وليد بتوتر وخوف: الله يهديك تعبان وارسلت له فطور لغرفته ينام شوي ويقوم يسلم عليك ....لا تشرهه عليه تراه ضايق حده ابو وليد بسخريه : وش الي مضيق وولد أمه ام وليد بضيق : طلق لطيفه ومن حقه يضيق مهما كان زوجته وبينهم عشره ... ابو وليد : هاا قلتي لي طلق لطيفوه وبسخريه اي عشره بالله الي تقولي عنها ماغير يوم هنا وشهر بيت أهلها والحين قطع كلامه رنة الجوال ..شاف رقم أخوه رد : ارحب ابو عصام بحده : وينه وليد ادق عليه مايرد .. ابو وليد صغر عيونه وقال بستفسار : عساه خير ابو عصام بعصبيه:وين الخير بالله وهو ماصان بنت عمه ابووليد وقف بعصبيه : وش تقول ابو عصام بحده : والله حسافه فيه ريتاج افتكرت معطي بنتي رجآل بس طلع ولدك ارخمه ...ومايستاهل بنتي ...كفوه الي تذله وتنقص مرجلته في المجالس وتخلي الرجآجيل تحكي عنه ابو وليد بعصبيه : وش هالكلام ي جاسم يهون عليك وليد تقول عنه كذا .. ابو عصام بعصبيه : ولدك مابقى له جميل ينذكر ... يالله مع السلامة ابو وليد قفل الجوال وهو معصب ...صرخ بعصبيه : شوق بسرعة قولي لوليد ينزل بسرعة ... صرخ بعصبيه : بسرعة ام وليد هذا الي خايفة منه قالت وهي تحاول تدافع عنه: وش فيه بعد ي سلطان حرام عليك الولد تعبان حده وانت ماغير حاط عليه والحين أخوك بعد ماقصر الله يسامحه ...وآكيد السالفة بسيطه ...آلحين ابو وليد بعصبيه :قالك وش مسوي في بنته عمه أخوي داق علي وهو زعلان حده ...ماهي بالعادة يكلمني كذآ. .. ام وليد : لا والله ماقال لي شيء ماغير قال انه طلق لطيفه بس وبعد لا تكبروها انتم خلوها هم يحلونها ولو فيه شيء . .. ابو وليد بعصبيه :يطلق لطيفه ويقوم يرمي بنت عمه .. طالع شوق بعصييه :بعدك واقفه وش قايل انا .. شوق بخوف : يبه خله ينام تكفى ويوم يقوم تفاهم معه الحين مايصير وحالتك كذا .... ابو سلطان طنشهم وبسرعة ....رقى الدرج واتجهه... لجناحه وفتح الباب بقوه وهو يصرخ : نايم بعد وليد جلس مفزوع من دخلة ابوه عض شفته وهو متوتر أكيد وصله العلم .... ابو وليد قرب منه وهو معصب: وش الي سويته رامي بنت عمك عشانك طلقت لطيفوه ..جالس تنتقم مني فيها هذي علومك ي الرخمه ....تطلع حرتك في مره ضعيفه مالها قوه ... وليد قفل عيونه بصبر : يبه والله العظيم هي طلبت اني اوديها وبعدين وش انتقامه ابو وليد بصرخه: وشهوله طلبت تروح وتقول ماتبي عاد ترجع لك كذا رايحه بيت أهلها ... وليد بقهر :مدري عنها وبعدين مين قال معاد براجعه والله ماغير ترجع ابو وليد بحده : اشوف كيف ترجع والله مثل مافرطت في الجوهرة الي بيدك مصيرك تتحسف وقول ابوي ماقال وخلي بنت الراشد تنفعك ...واجلس بعد سوي حداد في هالغرفه عليها .. وليد بقهر : امداها وصلت لك الحكي ..بنت أخوك .... ابو وليد رفع العصايه وقال : والله ودي بهذي على ظهرك وكاد تعرف علوم الرجآل ي الرخمه ...... ام وليد قربت من سلطان وهي خايفه لا يسويها ويمد يده مره ثانيه عليه ...اشرت لوليد يسكت ومسكت زوجها وهي تحاول تطلعه من الغرفه وتهدي عليه : استهدى بالله ابو وليد قال بحسره: والله ماغير ولدك يتحسف ام وليد : ماعليه اي زوجين تحصل بينهم بس أنت لا تكبرها وهي ان شاءالله محلوله بإذن الواحد الأحد شوق واقفه عند باب غرفتها .تطالع .ابوها وهو نازل من الدرج مع امها ...وهي ماسكه على قلبها والله ماغير تروح فيها هي ...وعصام ...آه وقتكم ي ريتاج وليد ...الله يستر ...بس عند وليد بالغرفة سند ظهره على السرير..وهو معصب ..وقرفان من حاله .. وش هالحاله الي هو فيها ...سحب جواله ..ودق على ريتآج يبها ترجع البيت ..وينفك من مشاكل أبوه ...بس ماردت ارسل لها ((تجهزي جاي لك )) ردت له (( طلقني )) رمي الجوال على الجدار وهو معصب ...كره هالكلمه من كثر ماتنعاد عليه ..وقف ..وهو يأخذ جواله قلبه بيده ..عض شفته بقهر .. تشطب تشطيب ..توه مطلعه (آيفون بلس 7) بقهر رماه مره ثانيه ...ورجع جلس على السرير ..وهو يزفر بضيق ..وش الي سواه عشان يصير فيه كذآ ..دخول ريتاج حياته بالغصب ..وبعدها يوم قدر يتقبلها تبي تبعد وبعد لطيفه غصب تممت الزواج والحين غصب خلته... يطلقها والحين ريتآج بتكمل نفس الموال .. يآرب الصبر بس ...ولا أبوه هذا شيء ثاني ماله حل ....... @ @ @ @ @ @ @ بعد صلاة التراويح رجع الشقه ..وجلس على أول كنبه وناظرها وهي تأكل حلا قال بهدوء : وش ذا البخل جاملي على الأقل واعزمي ... ريوف ناظرته مستغربه وش يقصد شافته يناظر صحنها قالت بهدوء : تبي اسامه رفع حاجب وقال : المشاور بخيل ريوف وقفت : الحين بجيب لك وراحت المطبخ .وقطعت له ...وطلعت ..واعطته ..وصبت له فنجان قهوه ومدته له اسامه أخذها منها حط الفنجان وصحن الحلا على الطاولة ريوف ناظرته مستغربه توه يقول يبي ....طنشت وكملت صحنها ..اسامه بجمود : أمس قلتي شي ماحاسبتك عليه ياليت ي ريوف معاد اسمع اسمه ...عشانك بس ... ريوف تذكرت موضوع عناد قالت بغباء مزيف : الله يهديك لا أكلت الحلا واعطيتني رأيك ولا انا فاهمه عن وشهوو تتكلم ذوق بالله واعطني رأيك ... أسامه وقف وجلس على نفس الكنبه وقال بتحذير: أقول الفهاوه هذي ماهي علي والله ثم والله ي ريوف لو اسمع اسم عناد ينذكر على لسانك ي ويلك مدام باقي على ذمتي أحترمي حالك عشان أحترمك ريوف ناظرته بخوف وبهمس :طيب كيف اشوف أخوي أنت مو راضي توديني ... أسامه بحده: أخوك قال لااشوف ريوف تجي تزورني ريوف بسرعه:كذاب مستحيل سمير يق....وسكتت وهي تشوف العصبيه بعيونه أسامه بعصبيه : كذاب مره وحده ريوف بلعت ريقها تكره خوفها منه قالت بذل عشان تتقي شره : آسفه أسامه حزن عليها يحسها ميته رعب قال وهو يقفل السالفة :خلاص اتفقنا ريوف بفهاوه : على وشهو أسامه قفل عيونه بصبر: تصدقين مافي احد ينرفزني مثلك فيك فهاوه ولا تتصنعيها .. ريوف نزلت رأسها بضعف ...مافيها تقول شيء وقفت بتروح الغرفة أسامه ناظرها وهي معطيته ظهرها قال بحده : باقي ماكلمت كلامي ارجعي مكانك واسمعي الي بقوله .. ريوف قالت من غير مايناظرها :عارفة وش بتقول خلاص فهمت عناد ماذكره لفت له وقالت وانا يوم ذكرته عشان بس اشوف أخوي ...بس أنت مثل العادة تشك فيني وبعد ماهو راضي على روحتي لأخوي وانا ماعندي غير الصبر ..لمتى الله أعلم وبغصه الله يفك ضيقة أخوي وارتاح من كل شيء ... أسامه اشر لها تجلس جلست على الكنبه المنفرده وطالعته تبيه يخلص اسامه بجمود: ايوه كذا خليك عاقلة ومد يده وأخذ صحن الحلاااا وذاق منه وقال : تسلم يدك ... ريوف ودها تقوله بدري .....وبعد مستغربه ...ليه الحين يفتح سالفة عناد ....العصر في المطبخ ماجاب سيرة عنه ...المهم خلينا نفهم وش يبي الحين .... اسامه : عشان ترتاحي معي لأكثرقطع كلامه رنة الجوال ريوف هزت رأسها بدون صوت ...الله والراحه :هلا ي الغاليه أكيد امه الي تدق ...الله يستر لا يكون عندهم عزيمه ولا شيء ..والله مالي نفس اروح ..وايه بقوله له ماودي ...أروح ... .طالعته عاقد حواجبه ...وجالس يسمع كلامها بذمه ..معقول الموضوع الي تحكي فيه مهم لهالدرجه ... :ابشري ي الغاليه اوك بكره وانا عندك ونروح والله يكتب الي فيه الخير ....يالله بحفظ الله قفل الجوال ريوف أول ماقفل قالت : يالله قول ايش تبي بروح اريح شوي أسامه إبتسم بسخريه : معقول لهالدرجه تبي تعرفي وكاد مايعجبك الي ابي أقوله لك .. ريوف قالت بهمس: قول عادي مايضر أسامه : بتزوج ريوف طالعته بصدمه .: وشهوو أسامه طالع عيونها بيشوف تأثير كلمته عليها شاف الصدمه على ملامحها قال بهدوء :انتي عارفه وضع حياتنا صح ريوف هزت رأسها بدون صوت .. اسامه :تمام مدام انك عارفه الوضع بقولك بتزوج ومن حقي لأني والله ي ريوف صعب وضعي ....لاتلوميني فيه ريوف قاطعته بغصه: تزوج ومالي حق الومك وعارفة الوضع بينا ... وعارفة انك مغصوب علي ...وعارفه بعد آلحين ان أخوي هو الي حدك ترجعني ..وبعد متأكده من هالشيء ..بس تدري ايش غلطي يوم دافعت عنك عنده ..ليتني ي اسامه مارفعتك عنده مير لو ادري أنه ان مدحي بيجي على رأسي وارجع لك مره ثانيه كان قلت الي بخاطري كله له ...وكاد يدبر لي مكان أجلس فيه . أسامه زفر بضيق وقال : والله العظيم مافيني اتقبل حياتي معك شيء فوق طاقتي ..أبي شيء ينسيني الي صار ...انا عارف انك .. ريوف رفعت يدها مقاطعه ...تبيه يسكت : قلت لك أسامه تزوج بدون ماترمي اي كلمه والله بدعي لك ربي يسعدك بعد ...مع الي بتختارها ...... أسامه وقف وقرب منها وجلس مقابلها في الأرض على ركبه وقال بصدق وهو ماسك يدينها : أقسم بالله ماتنذلي وانا موجود طلباتك أومر لك بيتك ولها بيتها ..ونزل رأسه وقال بأسف : آسف والله بس ماعندي غير أقول حسبي الله ونعم الوكيل على مرة ابوك الي تبلت عليك و ضيعتك وضيعتني معاك ...وانا الصورة الي شفتك فيها مقدرت أنساها واتغاضى ...وامشي حياتي ...رفع رأسه وطالع عيونها وهو يشوف الدموع فيها قال بهمس وهو عاض شفته: شيء مقدرت اتقبله ... ريوف مسحت دموعها وقالت بصدمه : اسامه الي أفهمه من حكيك أنك مصدق اني .. اسامه قاطعها وهو يرفع يده : ايه مصدق انك بريئه الله لا يسامحها ..ظلمتنا جميع ...بس الوضع الي كنتي فيه هو الي منكد عليه ومخليني انفر منك ... ريوف هزت رأسها مو مصدقه وقفت مثل المقروصه وصرخت بقهر وغيض.: الله لا يسامحها ولا يسامحك بعد حسبي الله ونعم الوكيل ... اسامه طالعها مصدوم من صراخها وقف وقال بحده :تذكري انه به جيران ريوف بقهر : قولي أشلون عرفت الحقيقة اسامه قال بجمود: سمعتها بنفسي يوم وصلتك و رجعت بعطيك جوالك وقتها عرفت كل شيء ... ريوف قربت منه بقهر وضربته على صدره : صدقت يوم سمعتها طيب وانا جالسة احلف لك يمين وانت ماغير تذوق فيني المر وحالف ما تصدق والحين بعد جاي وتبي تتزوج تكمل الي بقي حتى كلمة آسف ماسمعتها منك ولا إعتذار يجبر بخاطري وعلى إنه والله مايكفي الي سويته فيني ماهو قليل .... اسامه بعدها عنه وقال بحده:الي صار مني كان ردة فعل .. ولو غيري صدقيني والله ثم والله مايرضى يطل بوجهك بعد ويرميك ولا يفكروالزواج من حقي أختار وشد على هالكلمة ريوف مسحت دموعها : مشكور ماقصرت وأنت تحملتني ...وطول عمرك رجآل وينشهد لك وشهادتي فيك مجروحه .. ولو على زواجك ي أسامه والله مايهز فيني شعره ... و مثل مانت ماقدرت تتقبلني بحياتك انا ماقدرت اتقبلك بعد الشعور متبادل بس فيه سؤال وهي تقرب منه بجراءة عكس العادة : مين العروس أسامه قال بجمود: بنت خالتي اريج ريوف رفعت رأسها وطالعت عيونه : امك مرشحتها اسامه هز رأسه بلا : أمي مالها دخل انا طلبت ريوف : يعني نسيت الي تحبها وصرت تختار بعد اسامه بعصبيه:ريوف ريوف بسخريه: اختيارك هالمره كفوك تصدق اسامه بحده: وش قصدك ريوف رفعت رأسها وناظرت عيونه : مبروك وعلي يمين ماغير احضر بعد ولا يهمك ..مدام العروس أريج. .. وأعطته ظهرها ..ودخلت الغرفه رمت حالها وهي ترجع بها الذاكره ليوم زواج رائد واسيل كانت .تعدل مكياجها في صالة الحمام الله يكرم القارئ بعد مانحاس والسبه اسامه ..آه كل ماتذكر الكف الي أكلته قدام أهله تحس بذل أكثر .....سمعت صوت من الحمام على خفيف .. : أقسم بالله ي رائد لاخرب زواجك ولا ماكون أريج وتذكر هالشيء انا كذا تلعب علي وترمي بنت خالتك عشان الي ماتسمى هين اوك اوك خلك مذكر هالشي . : آيش طيب طيب انتظر المفاجأة وتذكر حضوري ماراح يروح عبث اوك اضحك وانبسط ... وانتظر بس عارف والله لا أخليك تندم على الساعة الي فكرت فيها انك تلعب علي ...ي العريس . . ريوف حسيت بصدمه من الكلام الي سمعته ..وبعد أشلون مدخله جوال في قاعة افراح ..حسيت حالي مثل البلهه يوم فتحت الباب وانا ... واقفه قدامها اريج طلعت من الحمام شافت ريوف قدامها قالت بنفس خايسه :كملت بعد اففف ..وطلعت وهي معصبه سبحان الله بعدها بشوي البنت الي تهدد جايه وهي تصيح ومعاها الخبر الشين الي أخوي ..كان المتسبب فيها ولهيت ولا فكرت عاد بهاالسالفة...و آلحين يوم ذكرها اسامه تذكرت من هي اريج قادر ربي يقهرك ي اسامه مثل ماقهرتني ...وان شاءالله تندم وقتها ...يآرب حتى إعتذار استخصره فيني ...كرهته زود .. ودي كان على الأقل اشوف الندم بعيونه ... وكاد قلبي يبرد شوي ....... |
رد: أعشق أنانيتك عندما تتمناني لك وحدك الكاتبة نوني الجنوب
اليوم الثاني في بيت ابو اسامه ،، ،، وقفت في الصاله وهي تصرخ على الخدامه: بسرعه جيبي البخور مافي وقت الحين اسامه بيجي رائد نزل ..وهو معصب مابيده شيء ..وده يرسل رسالة لاريج بس ويهددها بس يدري فيها راسها قوي ولا راح تعطيه وجهه مصدوم اشلون بهالسرعة كل شيء صارفي يومين امه كلمت خالته وخلاص راحين الحين يخطبون قال بقهر..: يمه والله ان هالخطبه من وجهة نظري مالها داعي ام اسامه بحده : وجهة نظرك لك فاهم وشي مالك فيه لا تحشر حالك لطيفه ناظرت امها وهي ضايقه ماتدري تزعل على نفسها ولا على ريوف وش ذا الحظ عندها عقده من الي يتزوج على مرته : يمه والله حرام قدري وضع هالضعيفه الحين ودي اعرف ليه بتزوجي أسامه ام أسامه ببرود: بفرح بولدي مثل كل ام ودي اسوي لها عرس ماينحكى فيه رائد بقهر : يعني أول ماصار له عرس ماهو صار له عرس وفرحنا به .... ام أسامه بعصبيه:تسمي الي صار عرس حرام عليك بعد ماجلست عنده الله اعلم كم رائد قاطعها بقهر : يمه والله هالزواجه ما تتم مدام اني موجود وبحوس الدنيا عليكم وطلع وهو معصب ....رن جواله وشاف رقم اسيل ..رد بسرعة :هلا أسيل بدلع : رودي كيف افطرت زين وانا مافطرت معك رائد إبتسم غصب عنه ي ناس تنسيه ضيقته : امم تبي الصدق والله ماقدرت وانتي الله يسامحك رايحه ومخليتني وحيد أسيل ناظرت ريتآج الي مسرحه :غصب عني وأنت عارف الوضع رائد شاف سيارة أسامه وقفت قال بسرعة : ايه والله عارف يالله بقفل جاا أسامه .. أسيل بسرعة قالت :رايحين تخطبون له رائد بقهر : ايوه يالله مع السلامة ... وبسرعة تقدم منه وهو معصب ... .... .نزل من السيارة شاف رائد قدامه ..معصب قرب منه وهو عاقد حواحبه: وش فيه رائد بقهر قرب منه : للمره المليون أقولك ي أسامه .. بنات خلق واجد بس اريج فكك منها والله ماتصلح لك ... اسامه بشك : ليه بالذات عليها معترض قولي عشان اعرف كيف اتصرف والغي زواجي كله منها رائد طالعه بخيرة صعب ..يفضح بنت خالته ..وبعد اخوها خويه صعب والله وبعد ماراح يخلص لو يعرف انه بينهم علاقه بيحط عليه أسامه مثل قبل وكاد بعد يغصبه على الزواج منها ..والله ماغير يخسر اسيل قال بعجز : اقولك كنسله وبس من غير ماتسأل ليه .... أسامه مسكه من ياقة بلوزته : في شيء عندك قوله ولا انقلع عن وجهي رائد قال بقهر وهو مغصوب على الي بيقوله :أحبها وسكت وهو يشوف نظرات القرف في عيون أسامه بس فجأه تحولت لابتسامة خبث ... أسامه انصدم من رده ..بس عارف انه كذوب ..ويبي يخرب عليه ومجرب بعد والخساسه صفه فيه قال بخبث : قلت لي تحبها ي رجال عز الطلب هذا الي ابيه وكاد أخذ حقي لو مره وحده منك رائد وده يسطره ..قال بعصبيه : غبي وطول عمرك بتظل غبي أسامه ضرب على كتفه بسخريه:خليت الذكاء لك وبحده شد مسكته على كتفه والله لو اسمع كلام تافهه زي وجهك في موضوع الخطبه اقسم بالله ي رائد بتشوف شي مايسرك واي شي في بالك طلعه اوك وساختك خلها بعيده عني ودفه عن طريقة ...واعطاه ظهره...وداخل للبيت ... على كلام لطيفه :يمه توقعت أول وحده توقف بصف ريوف انتي سبحان الله على الي صار لك من مرة أبوك ام اسامه قاطعتها بعصبيه وهي ترجف ماتبي تذكر وش صار لها تحسس من هالموضوع : لطيفه انكتمي لا اسمعك هالكلام مره ثانيه فاهمه وضع ريوف يختلف عن وضعي وانا ماظلمتها بس ودي اختار لولدي مثل لي أم .. أسامه بحده ناظر لطيفه وقال : لك الحق كله ي بعد رأسي وهذا انا تحت شورك لطيفه وقفت وهي متضايقه طلعت لغرفتهاا .... رائد ركب سيارته وضرب الدركسون بقوه :والله ي خوي الوساخه بتشوفها على اصولها مع هالي ماتسمى ....رفع جواله بترددد ...وده يدق عليها ويهددها ...بس عارف خبثها ....ماينسى تهديدها يوم زواجه وش بتسوي ...والحين جالس على أعصابه ودايم ..يوسوس خايف لا تخرب علاقته في أسيل .. وآه لو تدري والله ماغير تصدق على طول ...... @ @ @ @ @ @ في بيت ام فهد بعد ماكلم عمها وأخوها ..واتفقوا قال عمها :لو تبي نظره شرعية مستعدين أسامه قال بهدوء:ياليت ..عنده فضول يشوفها دخلت غرفتها بعد ماعطت الموافقه .... وهي ماهي مصدقة ...توقعت اذا فيه خطبه بتكون من رائد ماهو من أسامه. ..ابتسمت بخبث آلحين جاي الإنتقام ي رائد ..والله ماغير احوس حياتك .... زواجي من أخوك بيسهل لي كل شيء ...طيب والله لاخرب حياتك ...مثل ماكسرت قلبي الي حبك ....وماراح يحب غيرك .. سمعت صوت أخوها فهد ينادي إسمها : تعال فهود فهد دخل والابتسامة على وجهه : قومي ي حلوه خطيبك بيشوفك أريج فتحت عينها بصدمه:ايشش فهد : يالله بسرعة اريج :ماهو مستعده فهود تكفى صرفه فهد بخبث:عمي في السالفة وتعرفي ل قال كلمه يالله أريج .زفرت بتوتر ..قالت بهمس: طيب ثواني بس ... فهد هز رأسه وطلع ينتظرها برا الغرفة وشوي وشافه طالعة مسكها بيدها ومشى معاها للغرفة وبسرعة راح لأسامه وقال له يتفضل أسامه دخل وهو متوتر ...ناظرها جالسة قدامه ..رفعت راسها ناظرته ورجعت نزلت رأسها وبسرعة وقفت وطلعت فهد ضحك بصوت عالي : اسرع نظرة هههههه امش امش ي ولد الخاله ..... أسامه إبتسم له وهو متوتر بعد وهو رجال والله مايلومها ..أبد @ @ @ @ @ سوت نفسها نايمه يوم دخل ... حست بثقله يوم جلس على السرير .. قال بهدوء : قومي تسحري جبت معي أكل ريوف قالت بهمس :مالي نفس وطالعته وهو كاشخ قالت بفضول :وش صار معك اسامه قرب منها وقال : لا يكون غيرانه ... ريوف طالعته بقهر :لا ماهو كذا بس احس بتعب أسامه بقلق: وش تحسي فيه ريوف : مدري كذا احس اني تعبانه وبس .. أسامه مسك يدها وقال: طيب يالله تسحري .. وبعد أخذت لك موعد بكرة ان شاءالله نروح .. ريوف ناظرت عيونه بحيره :موعد آيش أسامه اشر لبطنها: نشوف ولد ابوه كيف وضعه ريوف مصدومه ماهمها الحين غير كلمته : يعني معترف فيه وتبيه أسامه عض شفته بندم : وش تقولين انتي بالله هذا كلام قومي الله يهديك وبعد خليها في بالك اني ابي هالطفل وخليك من الوسوسه ريوف ناظرته بقهر ...للمره الثانيه يقول عنها موسوسه ..ي ناس بيجننها هالرجال ماهو كان رافض وجود هالطفل ..احسه يغلط ومايبي يتعرف بغلطه ..ذبحه الغرور ... .وقفت يوم نادى بأسمها ..طلعت الصالة ،،شافته يفرش السفرة بحماس : ماشاءالله شكل نفسك مفتوحه أسامه قال بنذاله : ايه مفتوحه .والسبه شوفتي لأريج ريوف ابتسمت على جنب بسخريه :ماشاءالله امداكم على ا لنظره الشرعية بعد .. أسامه هز رأسه وهو يأشر لها تجلس .. ريوف مسكت الملعقه ومدت يدها وهي مالها نفس: أنت طلبتها أسامه عقد جواجبه : وشهوو ريوف : النظرة اسامه ببرود: ايوه ريوف هذي الي بتأخذ حقها من عيونه وبتكون شماتي عليك ي أسامه شيء يثلج الصدر قالت بسخرية : ان شاءالله عجبتك بس أسامه بأبتسامه : تمشي الحال انتي أحلى منها بواجد يالله افرحي الحين يقولون مرته الأولى أحلى مين قدك .. ريوف انصدمت من رده ..توقعت يمدحها أقل شيء عشان يقهرني : اهم شيء جمال الروح وبسخريه ميلت فمها وان شاء الله تكون الشريفه الي تدورها بس اسامه طالعها بحده : تذكري انها بنت خالتي فاهمه لاسمع هالحكي مره ثانيه ..... ريوف بلعت ريقها بخوف . بعض مرات تندم انها تتكلم معه ..او ترد عليه واو تفكر تنتقم منه أبد ماهي قده : ماقصدي شيء بس كنت تقول اني ماهو شريفه وبتأخذ أسامه قاطعها بحده : خلاص ريوف كلي ساكته ريوف رميت الملعقه وقمت وجلست على الكنبه ..وقلت بوجع..: أمك فرحانه صح أسامه شرب مويا وقال ببرود : مدري ريوف : أكيد بتفرح لك العروس بنت أختها أسامه : يمكن ريوف بفضول : متى زواجك أسامه : مدري ماحددناا بس الملكه ثاني العيد ... ريوف هزيت رأسي ...احس بشيء يفرحني أخيراً بنتقم منك ي اسامه والله بتعرف مين الشريفة الي تدور عليها .. ..بس فيه شيء ..مخوفني من دخول هالبنت حياتي والله ماهي سهله ...على اني ودي اسامه يأخذها ويعرف كيف وقتها الظلم والخيانة أسامه عقد حواجبه :ايش عندك كذا تطالعيني ... . ريوف هزت رأسها : مافيه شي و الله يتمم لكم اسامه بضحكه : آللهم آمين ريوف بقهر ناظرت ابتسامته العبيطه : خير تضحك أسامه مد يده وخربط شعرها :بسألك فيه مشط عندك ريوف بسرعة رفعت شعرها النازل بعشوائيه :سخيف أسامه مسك يدها وشد عليها وقال وهو ماسك ضحكته:مين الي سخيف ريوف ناظرت عيونه أول مره تشوفه كذا مبسوط ..لهالدرجه شوفة أريج ابسطتك قالت بقهر :أريج اسامه فكها وهو ميت ضحك : هههههههههه ي شينها غيرة الحريم ..لسى ماتزوجت وهذي علومك ريوف حست بقهر جالس يضحك عليها ....أعطته ظهرها ودخلت الغرفة ...وهي معصبه .. اسامه صرخ بصوت عالي : على هونك ،@ @ @ بعد يومين في شقة سآمي دخل الغرفة شافها جاهزة قال بوجع : يالله وهو يحمل أغراضها غلا وقفت بدون ماتتكلم مشت معاه ... ام سامي يوم شافت سامي حامل الشنطه صرخت بقهر : وين وين على الله سآمي :بودي غلا لبيت أبوها ام سامي ناظرت غرام الي حاملتها غلا : يكون أحسن بس لوحدها غرام مالها روحه معاها غلا صرخت بقهر وهي تضم بنتها لصدرها بتملك: والله لو تموتي ماتقدرين تأخذيها مني ام سامي بصرخه اعلى من صرختها : سآمي خذها بسرعة سامي تنهد بضيق وناظر غلا : @ @ كتتتتتتتتتتتتت & نـــونـي بنت الجنوب & استودعتكم الله الذي لا تضيع ودائعه سبحان الله وبحمده سبحان الله العظيم " الوتر أحبتي " الله يرحمك يامن اوجعني فراقك |
رد: أعشق أنانيتك عندما تتمناني لك وحدك الكاتبة نوني الجنوب
السلام عليكم ورحمة الله وبركاته أعتذر عن اكمال نقل الروايه نزولا لرغبة الكاتبه لأن حصل تعديل في بعض بارتات الروايه في منتدى الكاتبه ولم يتم التعديل هنا ولأسباب اخرى عموما الكاتبه مستمره في تنزيل الروايه في منتداها لمن اراد تكملة الروايه أكرر اعتذاري لكم |
اقتباس:
🙁🙁🙁🙁😠😠😡😡 |
| الساعة الآن 12:39 AM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية