زوجين
 

زوجتين قاعدين مع بعض بيرغوا *
الزوجة الأولى : انا امبارح كان من اسوأ ايام جوازي …. جوزي رجع من الشغل كنت مجهزاله الأكل … أكل وشرب شاي واتكلمنا عشر دقايق مع بعض وبعدين دخلنا اوضتنا مكملناش عشر دقايق وراح نايم وصحي الصبح بدري على شغله …. -
الزوجة التانية : وأنا امبارح كان من افضل ايام جوازي…… خرجنا اتغدينا بره وبعدين عملنا شوبينج واتمشينا من المول لحد البيت في ساعتين قمة الرومانسية وايدينا في ايد بعض وبعدين رجعنا البيت قعدنا نتكلم ساعتين وبعدين دخلنا اوضتنا ومنمناش غير بعد الفجر وصحي بدري راح شغله
والزوجين قاعدين بيرغوا هم كمان *
زوج الأولي : بيقول انا امبارح من اسعد ايام جوازي …. رجعت من الشغل لقيت مراتي حبيبتي مجهزالي الاكل سخن يدوب اكلت وعملتلي كوباية شاي وحكتلي على موضوع كده ودخلنا اوضتنا وشوية ونمت وصحيت الصبح فايق جدا وجيت على الشغل -
زوج التانية : وأنا قضيت اسوأ يوم في التاريخ ….. روحنا اتغدينا برة غرمتني اد كده وبعدين صممت تشتري حجات من المول خربت بيتي المفترية وفلستني ومكنش معايا فلوس ناخد تاكسي اخدناها ماشي من المول لحد البيت في ساعتين لحد ما رجلي اتكسرت … مكفهاش ده رجعنا البيت فضلت ترغي ساعتين لحد ما دماغي كانت هتنفجر وبعدين دخلنا اوضتنا علشان احاول انام مسبتنيش غير بعد الفجر انام … وجاي الشغل مصدع وعايز انام …. اشوف فيها يوم المفترية!

رد: زوجين
 

ههههههههههههههههههههههه

حلوة هيذي انو كل واحد مفكر انو يومو كان أسوأ أو أسعد،فالنساء بتفكر انو زوجها رومانسي لما يطلعو مشوار برة بينما الرجل بحب قعدة البيت و هلا بقول مش ممكن الرجال تفهم النساء و العكس صحيح،هيذي مشكلة أصعب من معادلات الرياضيات و الفزياء

رد: زوجين
 

قصة طريفة وجميلة، كان يجب أن يتلاقى الزوج والزوجة فكريًا حتى لا يكره أحدهما الآخر أو يلومه على شيء، ولكنها فعلا معبرة وتحمل الكثير من الدروس والعبر

رد: زوجين
 

هههههه حلوة
الاولى الزوجه تعيسة والزوج سعيد
والثانية الزوجه سعيده والزوج تعيس

... اختلاف الافكار ...