منتديات ليلاس - (موضوع حصري) 70-دانجيلو المميز.ج3. من شياطين دانجيلو. ترجمة زهرة منسية ( كاملة )

تشكراتي زهرة مافيش اروع من كده بصراحة...ابداع
ياربي البنت دي كان ممكن امسكها واخضها لغاية ماسنانها يقعوا...يعني مش كفاية تبكي وتتهم مايكل بالقسوة لا كمان تبلل قيمصه المكوي( كويس انه ماكان في كحل )...كنت متوقعة منها الرفض او الموافقة علي عرض العمل لكن رد الفعل ده كان اغرب من الغريب ..طبعا المفروض نعذرها عشان الظروف اللي هي فيها لكن كانت اوفر رياكتينغ خالص ...فكر النساء المعوج ...الرجال حايرين ازاي النساء تفهم الكلام لانه يدخل المنظومة اللي بين وذانهم يخرج معكوس 180 درجة (ههههههه في مواقف بتحصل مع زوجي لما بعدين يفسر الكلام اللي كان يقوله انفش وانخزى من اللي عملته وفهمته) لازم الرجالة يعطونا كاتلوج يوضح مغزى كل كلامهم (احلى كتاب قرأته في الموضوع ده الرجال من المريخ والنساء من الزهرة لجون جراي )
المهم ايفا بعد ما عملت عملتها واتهمت مايكل بالظلم ماعدش عرفت ازاي تهّديه وتعتذر ..عجبني موقفه في المكتب وانه اظهر غضبه وتأخر على العودة للشقة (امال ايه يابنتي انت اهنتي الكبير قوي مش حيعديها لك بالساهل) لكن خسارة الطيبة تغلبت عليه بعدين (نياهاهاها) ومع انه كان مصدع راح عمل لها عجة وعرض عليها العمل مرة ثانية ( عمري ماشفت بطل رائع مثله ..الراجل عداه العيب بصراحة ) بس نفسي اعرف الصداع راح منه ازاي!!!!!!
مش معقول رجعت ابفا لعدم فهم قصد مايكل مرة ثانية على استعمال الواقي ..اعتقد انها تتعمد عدم فهمه لانها لاتريد ان تثق فيه وكأنها مستخسراه فيها وكأنه كثير جدا عليها ومش مصدقة انه سيعجب بها فهي تحاول وتتعمد قلب معنى كلامه في كل مرة ...وكويس ان مايكل ماكلمها عن ايما دلوقت والا كانت ايفا حتفهم انه مخونها اكثر وماواثق فيها ومعتبرها حفارة ذهب
اتوقع ان الفصل الجاي ايفا ماتسافر لكن رايف يتصل او بيير يأتي لايفا ويعترف ويطلب منها المغادرة ... قصدي الفصل الجاي يكون به كشف سر ابوة الطفلين
ميرسي زهرة وعلى فكرة انا في امريكا عشان كده هناك فرق في التوقيت ..انا دلوقت يادوبك افطر