منتديات ليلاس - طلب عدة روايات أتمنى أحد يعرفها..

مساء الخير حبايبي :e106: كيف الحال؟
نزلت مواضيع طلبات قبل لكن محد عرف يساعدني بيها :EWx04511: و هذا موضوع ثاني أنزله و أسأل بيه عن عناوين 4 روايات

(الرواية الأولى)
قصتها أنوا البطلة عندها أخت توأم. أخت البطلة تكون راقصة مشهورة لكن تبده تمرض و تضطر البطلة تكمل مشوار أختها تحت أسمها حتى لتفقد شهرتها.
أخت البطلة تكون قصتها أنوا تحب واحد و تحمل منه لكن لا يتزوجها و بالنهاية تموت و الطفل يموت. الشيء الوحيد اللي تعرفه البطلة عن والد الطفل هو منديل مكتوب عليه حرف A.
فتبدأ البطلة بالبحث عن هذا الرجل و الأنتقام منه لكن ما تعرف أنوا هذا اللي تنتقم منه هوه أبن عمه لوالد الطفل و يحمل نفس الأسم.
بنهاية الرواية البطلة تتلقى رصاصة عن البطل أللي حبته لكنها تعيش و يعترف لها عن حبه.

"هاي الرواية صار لي أدور عليها لأكثر من سنتين و أتمنى أحد يعرفها"

(الرواية الثانية)
البطل يتزوج البطلة في بداية الرواية و الأسباب ما تكون واضحة. بيوم العرس يوصلها للبيت أللي المفروض يعيشون بيه لكن يتركها هناك بنفس الليلة و يطلع و السبب يكون أنتقاماً لشقيقته أللي يكون لاعب عليها شقيق البطلة.
بعد فترة يرجع البطل للبيت و تصير بينهم علاقة و تحمل البطلة لكنها ترفض أنوا تبقى معاه.
آخر كم فصل من الرواية يكون البطل يلاحق البطلة حتى يقنعها أنهم لازم يعيشون كعائلة لأن في طفل بالموضوع.
تتعرض بأحدى المرات البطلة لحادث سيارة نتيجة لملاحقته لها و يوقف قلبها لكن ترجع تعيش و كالعادة يعترف البطل عن حبه لها في نهاية الرواية روايتين

"هاي الرواية في ثانية تشبهها ببعض الأحداث لكن مو هيه اللي أريدها"

(الرواية الثالثة)
البطل يلتقي بالبطلة لما يكون عمرها 16 سنة و تشتغل بفندق والدها أو والده "مو متأكدة". يعجب بيها علما تصير 18 سنة و بعدها تصير بينهم علاقة. يتفقون على الزواج ولكن بيوم و بالصدفة تسمعه يكول لشقيقته أنوا هوه مريض و لازم يتزوج بسرعة حتى يقدر يجيب أطفال قبل لا تتأخر حالته و بعدين ما يعرف يخلف. هيه تتركه من ذاك اليوم و بعد سنين يلتقون مرة ثانية و هوه ميعرف سبب رحيلها لكن ينتقم منها و يخليها تصير عشيقته. بالنهاية تقرر تتركه و تروح , يتجادلون و تتوضح الحقيقة و تعرف أنوا هيه ما سمعت الموضوع كله و غلطت بالأستنتاج. و طبعاً يعيشون حياة سعيدة بالنهاية :peace:

(الرواية الرابعة)
البطل يلتقي بالبطلة بالمصعد و يكون سامع عنها أنوا هيه كاسرة قلوب كثير شباب ببرودها. بأول لقاء بينهم بالمصعد يعانقها و بعدها يحاول جهده بكسب قلبها لكن ما يشوف أي نتيجة. هيه بهاي الفترة طبعاً تبدي تتعلق بيه و تحبه بدون ما يعرف. بالنهاية أتذكر يتجادلون و يكللها أنوا قلبها من جليد و ما تعرف تحب أحد ولا عرفت تحبه بهاي الفترة , و هيه بعدين تعترفله بحبها و تخلص القصة على هالحدث :ZlY04550:

أتمنى أحد يساعدني ألكَه هاي الروايات لأن تعبت أدور عليها و ما أعرف إذا كانت حديثة أو قديمة أو من روايات أحلام أو غيرها ..
أنا قارية قرابة الـ 400 رواية لهذا ما أتذكر عناوين الروايات مثل قبل ..