رد: ذات مُقيّدة حوّل عُنُقِ امْرَأة / بقلمي
السَّلام عَلَيْكم و رَحْمة الله و بَركاته مَساء الحُب جَميعاً، عَساكم كلكم بألف خير و صحَّة و عَافية الفصل اللي راح ما عطيتكم خَبَر بخصوص مَوْعِد الفَصْل القادم، إن شاء الله بيكون السَّبت الجايَّة..و بيكون مَوْعْدنا إن شاء الله و بإذنه كل سَبْت..يوم واحد فَقَط و أَتْمنى أَتْمنى الْتزم معاكم هالمرَّة..ادعوا بس الفصل الدراسي هذا يكون خَفيف لَطيف عشان تنزل لكم الأجزاء بشكل مُنْتَظم ^_^ إضافة إلى إنَّ جزء واحد في الأسبوع بيعطيني مَجال اكتب أكثر و ما انضغط،و عشان يكون حجم الفصول ممتاز نوعاً ما..و نقول إن شاء الله هالصيف ننهيها على خير..، قَرأت تَعْليقاتكم كلها..استانست على تفاعلكم..إن شاء الله على طول..و أَتْمنى اشوف ظُهور للي بس يقرأون من غير أي تعليق =) إن شاء الله بَعَقّب عليها نَلْتقي السَّبْت إن شاء الله مُوَفَّقين جَميعاً، |
رد: ذات مُقيّدة حوّل عُنُقِ امْرَأة / بقلمي
مساء الخير ..
ليلي .. ايش هالتوقع .. صدعت انا بدال سنبلة😳 .. دخيلك ردي نيوتن علبته .. ماشفنا منه خير من يوم طلعتيه اول مرة .. مصدي وحالته حالة☹ يعني ما اظن بلقيس وصلت لها الدناءة ابد .. ممكن لاحقت ناصر بس ما اظن تفرط بشرفها كذا .. في حالة قديمة لها في الماضي كانت تبكي وعليها آثار و سألها أبوها مين فقالت ناصر .. ما اظن انه ناصر بس يمكن عشان تنتقم منه.. اللي محيرني هو كيف تزوجها اخو ناصر ..؟ كان يحبها مثلًا..؟ او الموضوع اكبر من كذا بكثير.. ، جنان .. استفزتني جدًا .. بس العتب على أحمد .. يعني البنت راحت بحال سبيلها و تزوجت ليش ترجع و على فني بتحقق لها الحلم ذا ..! هذا هو الكبير كذا ليه ماقضب أرضه و شاف زوجته و بناته .. جدًا حركتهم وقحة اثنينهم .. بلا حلم بلا هم .. تمام في الماضي جنان كان طريقها خاطئ يوم التقت فيه وعشانها كانت وحيدة ولقينا لها عذر .. بس الحين بعد ما تزوجت فيصل و امتلت حياتها فيه و لا قصر عنها بشيء ليش وافقت احمد وطلعت معاه .. و فوق كذا ورد و جو هادي .. اقرفوني بجد .. و ما ينلام فيصل على اللي سواه فيها .. اللي فهمته من السياق انو ظلوا بعدها سنة وتطلقوا.. توقعت فيصل يطلق بوقت أقصر من السنة .. طبعًا قصدي باللي سواه فيها هو الجرح مو حرمانها من بنتها .. اظن بعد السالفة حملت جنان او عرفت انها حامل .. لذلك هو ماطلقها بس بعد ماكانت بتجهض اضطر فيصل يخليها لوقت الولادة وبعدها اخفى بنته عنها وقالها انها ماتت و طلقها .. فيصل .. من كثر كبته لنفسه رجع دم زي هذاك اليوم .. بعدين هو من جده كان يحسب انو جنان رح تفتح له الباب بنفسه .. ماهو صاحي😏 .. مدري ليش بعد موقفهم ذا حسيت انو فكرة يصير ابو حريم مقبولة جدًا😂 .. ، نور .. بتروح لطلال و تفاجئه .. عسى بس العواقب سليمة🌚 .. ، عبدالله .. ابي اتبناه .. يحزنني .. احسه بريء مرة .. و غيداء فتحت عيونه على السالفة و تبي عيونه تتفتح زين وما تدري ان الوضع أكبر من كذا .. اللي ما فهمته هو مغزى ناصر من اخباره لعبدالله ..؟ يعني يبي يهيأه لزواج نور و طلال او يبي يفتح له باب الماضي كله..؟ احس من الحين قلبي يعورني على عبدالله .. هو الوحيد اللي ماله ذنب بالسالفة .. بداية من بلقيس و ناصر و انتهاء بطلال و نور .. ، بلقيس .. چليلة الحيا .. باقي بس تجيب لناصر العقد عشان يتزوجها🙄 .. الماضي جدًا غامض .. غششينا يختي😁 .. طيب ليلوه هي نفسها زوجته والا..؟ ، فاتن .. و تحقق مرادك .. صرتي وعد وماكو أثر لفاتن.. بس هل ممكن سلطان يبلع الفخ بسرعة والا بيتحقق أكثر..؟ واذا كانت تبي تصير وعد أكيد انه يعرف مكان دوامها في الجامعة .. الا اذا بتتركه هو كمان عشان تختفي..؟ ، يوسف .. يا عزتي له😳😳 .. هو ذاكرته يا الله العافية و زاد جاته ضربة على راسه..! مين يكون الشخص ..؟ اللي متأكدة منه انو من رجال سلطان و العصابة .. بس كيف دخل البيت الا اذا كانت الخادمة و السايق ساعدوه..! ، حور .. اظن اكتشافها لأبوها و انو امها مو أمها الحقيقية فتح عيونها و شكوكها لأبوها .. قلت لك .. احسها هي اللي بتكشف لنا سالفة يوسف و ابوه وهل هو انتحار فعلًا او قتل على هيئة انتحار ..! باقي ألغاز واجد عن ابو يوسف .. السلسال اللي مع ملك .. معرفة استور وهاينز لهم .. واشياء واجد غامضة .. ، اتمنى اني علقت على الكل .. دمتِ بود💜 .. |
رد: ذات مُقيّدة حوّل عُنُقِ امْرَأة / بقلمي
اقتباس:
عيونش الجَميلة..شَرَّفتيني، والله ما اقدر أحدد..على حَسَب سير الأحداث..حاولت أقَدّر عدد بس والله ما طلع شي.. حَبيبتي إذا مو حابَّة تقرأينها و هي مو مكتملة..اتركيها لين ما تكتمل..أريح..، اقتباس:
و عليكم السَّلام و رحمة الله و بركاته عُذْراً إذا سَبَّب لكم وَجَع.. جِنان كانت زوجته لزَمَن..أَقْرَب له من أي إنسان..و حَبَّته و للحين تحبَّه..فحافظة كل شي فيه..فما كان صعب عليها تعرف وضعه..و خصوصاً إنَّ مو من الطبيعي فيصل يعترف بهالاعتراف "شوقه للماضي" إلا إذا كان مو في وعيه..، حَبيبتي ميمي..يكفيني وجودش اللطيف و كلماتش البسيطة و العَميقة في معانيها..، سَلمتِ اقتباس:
نورتين يا قَمَر..هلا والله فاتن مالها أي علاقة بالجثة...يعني فاتن ما كانت تدري عنها و لا رائد من الأساس، هي جثَّة عادية كان رائد رايح يأدّي واجبه بخصوصها..من تحقيق و غيره..لكن مواصفاتها جاءت على طَبَق من ذهب..فيقدر من خلال تلاعب خطير في مختبر المركز إنَّه يغير النتائج..فتكون المتوفية كأنها فاتن..متجاهل إنّه اللي يسويه له عقوبة،إضافة إلى إنّه رَجُل أمن اللي ممكن يخلي عقوبته مُضاعفة...وَضَح اللحين ؟ بخصوص جِنان..ما بقول دليل براءتها..لأنها مُذْنِبة و مُخْطِئة بالتَّأكيد..لكن ذكرت شي في الفصل السابق يخلع عنها تُهْمة الخِيانة و إنها راحت لأحمد و في قلبها مشاعر له..، ما اذكر و الله أي جزء..بشوف و بعطيش خَبَر.. ناصر ببساطة يبي نُور تعتاد على طَلال بأسرع و قت ممكن..تشوفونه قاعد يشتغل بسرعة..يبي واقعها و هي زوجة لطَلال يطغي على الذكريات الغامضة اللي تراودها..عشان تعيش مرتاحة و حُرَّة من أي إحساس بالذنب..فلا تستغربون إذا شفتون أي فعل منه قَد يكون أَناني أو متسرّع...أهم شي عنده راحة بنته..، حَبيبتي إنتِ يا جَميـلة..شُكْراً على الكَلام المُحَفّز..إن شاء الله أكون استاهله.. و سَلمتِ أَنتِ قَمَر.. قُبْلات |
رد: ذات مُقيّدة حوّل عُنُقِ امْرَأة / بقلمي
اقتباس:
مَساء الوَرْد حَبيبتي إنتِ مو أَوَّل وحدة تقول يبي لها تَرْكيز..والله حسيتها مُعادلة مُعَقَّدة >_< مع إنّي أشوفها واضحــة للجَميع..ساعات أحس إنَّ حتى النهاية مكشوفة..بس يمكن لأني الكاتبة فأحس بهالشي..، طَلال بفقده لأمه فَقَد المُسْتَقْبَل معاها..و كأنَّه فَقَد نُضْجه و شَبابه..فبَقَت رُوحه متمسكة بالطُّفولة..لَعَلها ترجّع له أُمَّه و سنينه القَليلة الجَميلة..لذلك تشوفونه يتصرف بهالطريقة البريئة..بس في عمره تكون كأنها سَذاجة للأسف..، حَبيبتي ما أقدر أزيد على توقعش..كفيتين و وفيتين *_^ انتظري استرجاعنا للماضي عشان تقارنين بين توقعش و بين الموقف الحَقيقي..، لا ما اشرت إلى هالشي..للعلم ترى هالموقف اللي ذكرته قبل موقفها مع أبوها و موضوعها مع ناصر...بتعرفون إذا تطرقنا له..، ليش إشاعة..يمكن كان فعلاً صح اللي ذُكِر بخصوص أم مرْوة.. ههههه لأن أم مروة أساساً كانت تشفق على طَلولي..فهي تبعت أمها..، لا في مثل ناصر..بس نادريــن و جِدَّاً..مُمكن أكون قابلت أحدهم..، مثل ما ذكرت..ناصر أهم شي راحة بنته و سعادتها و خَلاصها من الماضي و شعورها بالذنب..فلا تستبعدون منه أي شي..، حَبيبتي سلامتش..ما تشوفين شر،الله يعطيش الصحة و العافية يارب، إن شاء الله الله يسمع منش و يكون عندي كتاب..بس أكيد مو ذات..ذات مكانها اهني..أما الكتاب فيحتاج لسنيـــــن..، بس يعني كخبر جَديد و فرش..بدأت من فترة مو قصيرة أخطط لرواية جَديدة..اهني تنزل..اكتملت عندي الشخصيات الرئيسية تقريباً..بس مو أكيد..اللحين أهم شي انتهي من ذات على خير..فلا تعتبرونه خبر أكيد ^_^ عُمري تسلمين على التواجد..كوني دائماً هُنا لكِ مني قُبْلات، اقتباس:
هَلا والله بالجَميلات، ليلاس مادري شفيه..صاير شريــر :( حَبيبتي إنتِ..تنوريني في كل مَكان..، مَساء القُلوب الطَّيبة و الأرواح البيضاء مُمكن يكون ربط عبدالله بين الحَدثين..و مُمكن الحَدثين مَفْصولين في باله، نَعم عِلاقة رَقيقة و شَفَّافة..، عَبْدالله مثل ما ذكرت سابقاً..قلبه أبيض و نقي..فكان شي مو متوقع منه أبداً اللي صار بينه و بين مَرْوة، للأمانة السر اللي قصدته خطبة طَلال لنور سابقاً..بس فعلاً اللي ذكرتيه سِر مُهِم جِدَّاً..، هههههه فيصل زين اكتفى بهالكلام..ما اتعمق أكثر >_< يا جَمال وصفكم و ترجمتكم لأحاسيس الأبطال..عَذْبـــة...، ما قالها..ما قال ارجعي لي:"( الخوف إنَّه يقولها في الوقت الغلط..، هو في فعلاً سوء فهم بالنسبة لموقفها مع أحمد..ما يجرّدها من خطأها..بس يخفف تهمتها..جِنان عندها كلام فيصل ما سمعه للحين..، القتيــلة فعلاً جاءت على المَزاج..و بنكتشف من هي في الوقت المُناسب..، مُمكن يكونون ثياب بنتها..و ممكن يكون شيء آخر سَبَق و تم ذِكْره *_^ لَحد الآن ما تطرقت للموقف اللي حصل بينهم في الماضي.. بس الواضح لحد الآن إنَّ ناصر بريء..، بنشوف شنو نتيجة تسَرّع ناصِر..، الشُكر لكِ غاليتي سَعيـــدة بوجودكِ أَبْها.. كوني بخير، |
رد: ذات مُقيّدة حوّل عُنُقِ امْرَأة / بقلمي
ههههههههههههههههه
لا .. ولا معقدة ولا شي بالنسبة لي، انقطعت فترة عن القرااءة ككل وعن القراءة بالعربي خصوصا وحتى لما جيت ارد بدأت بروايات مترجمة أو خفايف ورقية من المكتبة وكذا كإعادة تمرين وبعدين جيت هنا وما شاء الله صدمت باللغة اللي من زمااااان عنها فلازم تركيز قوي 😹 وكمان انا بطبيعة الحال ما انتبه للفتافيت والجمل الصغيرة المؤدية للاستنتاجات غير مع القراءة الثانية وهذا مع الكل 😸 . . 😱😱 تعالي تعالي .. الحين مش انتي كتبتي بموقف بلقيس مع ناصر بالنهاااية كذا لما مشت شيي نفس انها بدأت تحقد وتخطط للانتقام 😨😨 ولا انا كنت اهلوس كمان ذا المرة 😨😨 صراحة متشوقة للسالفة >> كائن يترك كل القصص والابطال الرئيسيين ويستقعد للصغار اللي على جنب 😹😹 اي نتكلم عن أشخاص ثانين ذا المرة >> وبعد رد متأخر نتيجة للصداع 😹😹 فيصل وجنان انا من الاول تقريبا متاكدة أن جنان ما خانته ولا أذنبت بشي .. ليش مدري .. هو احساس كذا ان فيه جزء ناقص وبقوة من الصورة وقواه ردة فعل ام فيصل لما سمعت الحكاية ظنتي لما يعرف فصول باللي صار بيعض أصابعه من الندم بس لا فات الفوت ما ينفع الصوت يا اخ فيصل سنة كاملة معاك وما سمعتها فذنبك على جنبك .. تدرين .. جا ببالي ان احمد يمكن كان يمثل لجنان اخوها اللي غاب او ابوها اللي عايش حياته ومهملهم ويمكن بعد مجرد شخصية من شخصيات رواية ما قرأتها كصديق مثلا ويمكن لقاؤهم بلندن كان له علاقة بالموضوع ومدري ليش بعد احس سلمان صديقه عرف بحقيقة الموقف بعدين ولسبب ما ما تكلم >> شطحة بس هي جت معي كذا كان مؤثر جدا كيف جنان درت بتعب فيصل من مجرد سماع صوته (بغض النظر عن ان قلبي ميت ومتأثرتش اوي) وتفسيرها لما سألها علي (يا حبني له ولاسمه) يثبت كمان انها مش بس باقي تحبه لكن تدري بكل كل تفاصيله وواثقة انه حاليا بموقف ضميري صعب وكابت مشاعره بقوة مع ذا الزواج ليمون مرض .. نفسها يعني اصلا فيصل وجنان فولة وانقسمت نصين 😹 الله يعينهم على حالهم ويعوض ذا البنت . . شوي ان شاء الله وارتب افكاري عن شخصية جديدة وارجع :فيسي اللي ما يعرف يرد مرة واحدة ويخلص: |
الساعة الآن 02:59 PM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية