طلب غريب شوي
 

مسا الخير

طلبي غريب شوي محتاجة حد يفسرلي حلم ماما ضروري


بتحكي اني جيت عندها بالحلم واحكيت الها ان البيبي اللي حامل فيه صبي شو تفسير هاد الشي

مع العلم اني حامل


يا ريت اذا حد عنه خلفية في تفسير الاحلام يفيدني

رد: طلب غريب شوي
 

هلا وغلاا


حبيبتي الله يجعله خير قولي آمين

بس يا حبيبتي انتبهي اﻷحلام على ما تفسر به .

يعني اول تفسير هو اللي بقع وعليه ما تحكيها إلا لأنسان بحبك وبتمنالك الخير

وهيك امرنا النبي محمد ﷺ

حيث قال : (( 

- إنَّ الرُّؤيا تقع على ما تُعَبَّرُ ، و مثلُ ذلك مثلُ رجلٍ رفع رجلَه فهو ينتظرُ متى يضعُها ، فإذا رأى أحدُكم رُؤيا فلا يُحَدِّثْ بها إلا ناصحًا أو عالِمًا )) صححه اﻷلباني

وعنه ﷺ انه قال : (( 

- رؤيا المؤمنِ جزءٌ مِنْ سِتَّةٍ وأربعينَ جُزءًا مِنَ النُّبوَّةِ ؛ وهي على رِجْلِ طائرٍ ؛ ما لم يُحَدِّثْ بها فإذا حَدَّث بها وقعتْ - وأحسَبُه قال - ؛ لا يُحَدِّثُ إلا حبيبًا ، أو لبيبًا . وفي روايةٍ : الرؤيا على رِجْلِ طائرٍ ؛ مالم تُعَبَّرْ ، فإذا عُبِّرَتْ وقعت - أحسَبُه قال - ؛ ولا تَقُصُّها إلا على وادٍّ ، أو ذي رأيٍ )).
صححه الألباني




إن شاء الله تقومي بالسلامة و ترزقي بصبي صالح .


تقبلي مروري وخالص ودي

MaYa

○° الله أغفر لي ذنبي كله ، دقه وجله ، وأوله وآخره ، وعلانتيته وسره .°○

رد: طلب غريب شوي
 

تسلميلي MaYa اعذري جهلي ما كنت بعرف هاد الشي ومن تمك لباب السما يا رب كل ما في الموضوع انه احلام الماما دائما بتصير بشكل ما وما بتحكي لا بعد ما بتتحقق وانا عندي ثلاث بنات ربي يخليهم واول مرة ماما بتحكي عن حلم قبل ما يصير فحبيت اعرف معناه

شكرا الك للتنبيه

رد: طلب غريب شوي
 

العفو حبيبتي

وربنا يحققلك اللي بتتمنيه ويقر عينك بذريتك يا رب

ويرزقك صبي صالح يفرح قلبك.


هاي بشرى المؤمن آخر الزمان بتصدق الرؤيا هيك قال النبي الكريم عليه الصلاة واتم التسليم.

رد: طلب غريب شوي
 

خير بإذن الله ،،
لكن الافضل غاليتي انك تسألين مفسِّر رؤى موثوق به وليس من هبَّ ودبَّ
رزقك الله بالولد الصالح