مشاركه ومناقشه
 

اولا اهلا بيكم وياريت تقبلونى في المنتدي وتكون مواضيعي اللي هكتبها هنا تعجبكوا والاقي فيها مشاركه وتجاوب منكم واكون عضوه خفيفه عليكم
انا مش جديده في عالم القرايه ولا في عالم الروايات بس لسه جديده في عالم روايات احلام فهتلاقوا الروايات اللي قاريتها مش كتير لسه كمان اكتشفت سلسله قلوب عبير وسلسله عبير دار النحاس عاجبونى اوي وحاسيت اسلوبهم قريب شويه من روايات احلام مقاريتش منهم كتير روايه من دي وروايه من دي اللي هما القدر القاسي ومؤامره قاسيه عاجبونى اوي
المهم نبدء في فكره الموضوع اللي عندي اللي اتمنى انها تعجبكوا وتشاركوا فيها برايكم ان شاء الله انا كنت من فتره كتبت موضوع في القسم هنا بتكلم فيه عن اجمل الروايات اللي قاريتها وكمان الابطال والحمد لله الموضوع حصل فيه تفاعل حلو فانا كنت حابه اكمل الفكره دي بس هعمل ايه بقي انا بقرا كل يوم ولو وقفت قرايه بيبقي بالكتير 3 تيام مش بطول عن كده فلو حابين انا ممكن كل اسبوع اكلمكم علي الروايات اللي قاريتها وعاجبتنى في الاسبوع ده ونتناقش فيها وتقولولي رايكم متفقين معايا مختلفين شايفين الروايه حلوه فعلا او نص نص او مش حلوه خالص نتكلم عن الاابطال شخصيتهم ومواقفهم كده يعنى انا هبدء دلوقتى باخر روايات قاريتهم ولو الموضوع عاجبكم هكمل فيه اه الروايات لغايه دلوقتى من سلسله احلام بس يالا نبدء بقي
1- الدوامه روايه حلوه جدا عاجبتنى اوي وروبرتو البطل فظيع لئيم بجد ويجنن بحب الناس الاذكياء اللي زيه بس ده كمان مايمنعش انه جبروت بس في الاخر يجنن بجد كمان جينى البطله ياحبيبتى مش عارفه تاخد منه حق ولا باطل بتقاوح وخلاص وبتحاول تاخد موقف بجد روايه حلوه وابطال لذاذ
2- هروب الي ناره روايه بجد تجنن وكونور فظيع شخصيه تجنن دمه خفيف اوي بتعجبنى حنيته موقفه ردوده علي ياسمين فظيعه يعنى في مشهد بتكلمه في التليفون فبتقوله اذهب الي الحجيم قالها انا في طريقي الي هناك ههذا نفس ماقاله لي والدك منذ قليل هههههههههه الحطه دي ضحكتنى بجد كمان ياسمين جريئه ومتمرده وعنيده عاجبتنى بردو كمان اخر حطه لما قالتله انها بتولد والرساله اللي سابهالهم يعرفهم فيها انها ولدت لا يجنن بجدروايه حلوه وابطال جمال
3- انت الثمن روايه تحفه وريف فالذيز فظيعه شخصيه بجد تحفه واثق من نفسه وجرئ وشخصيته قويه زي كل ابطال روايات احلام بس ريف فعلا يجنن مش شايفاه قاسي بالعكس متهيالي عمل كل حاجه لدانيل عاجبنى اوي خوفه عليها واكتشافه انه بيحبها رغم انه لما اتجوزها ماكنش بيحبها ولا هي كمان كانت بتحبه عاجبنى اوي اعترافهم لبعض بالحب وخوفه عليها وهي بتولد وتعامله مع ابنهم وموافقته علي طلبها انهم يخلفوا تانى وانه بس مكانش راضي بسبب خوفه عليها من التعب اللي بتشوفه في الولاده ودانيل كمان شخصيتها حلوه اوي عنادها معاه تطور مشاعرها روايه تجنن بجد
4- دون قيد او شرط لسه مخلصاها امبارح فظيعه تحفه تجنن وكل حاجه عايزين تقولها عليها قولوها سيزار اندريونى الايطالي العسل كل حاجه فيه تجنن قسوته غصبه انتقامه شهامته صبره حنيته صراحته بيانكا عاشت معاه كل حاجه بصراحه فظيع بجد كل فصل وكل مشهد في الروايه دي يجنن من اولها لنهايتها
دي الروايات اللي قاريتها الاسبوع ده وهبدء ان شاء الله يالنهارده يابكره في روايه رحله الي السراب وحاسه انها هتعجبنى والبطل هيكون يجنن لان انا بموت في الاتراك اصلا وفرحت اوي لما لاقيت روايه بطلها تركي
ياريت الفكره تكون عاجبتكوا واتمنى من كل اللي يشوف موضوعي بجد يشارك برايه في الروايات اللي انا متكلمه عنها ويقول رايه فيهم وفي الفكره ولو عاجبتكوا هكمل ان شاء الله واحتمال بدل ماكل اسبوع تبقي روايه روايه يعنى كل ماخلص روايه اتكلم عنها
في النهايه اقولكوا اسفه بجد لو طولت عليكم

رد: مشاركه ومناقشه
 

ايه يابنات هي الفكره ماعجبتكوش ولا ايه كده مفيش ولا رد

رد: مشاركه ومناقشه
 

ايه يابنات ليه كده مفيش رد ولا تفاعل في الموضوع انا كنت فاكره ان انتوا هتحبوا الفكره وهتحبوا تتناقشوا في الروايات وتقولوا وجهه نظركوا عاجبتكوا معاجبتكوش شخصيه البطل عيوبه مميزاته والبطله كمان موقفهم وجهه نظرهم شايف تصرفهم كان صح ولا غلط كده يعنى انا عن نفسي بحب كده بحب اتناقش في الروايه لما بخلصها زي مابكون بتابع مسلسل كده وكنت فاكره ان انا هلاقي منكوا تشجيع علي كده متهيالي مفيش حد مابيحبش يقول رايه ووجهه نظره ولا انا غلطانه ولا انتوا بتلطوا تقروا روايات ولا ايه ده انا كنت فاكره لما اقول الفكره دي هلاقي تفاعل علي الاقل معقول انما كده ولا رد واحد حتى