منتديات ليلاس - عشق بلا قيود للكاتبة شخصية خيالية

منتديات ليلاس (https://www.liilas.com/vb3/)

- القصص المكتمله (https://www.liilas.com/vb3/f717/)

- - عشق بلا قيود للكاتبة شخصية خيالية (https://www.liilas.com/vb3/t199294.html)

رد: عشق بلا قيود للكاتبة شخصية خيالية

السلام عليكم ورحمة الله
أولا اسلوبك سلس ورائع، ممتع جدا أحسنتي، مشاعرك في الكتابة كانت بسيطة وممتازة، احببت قصتك حبذ لوتعيدين كتابة بالفصحى بعد الانتهاء ... انتظر كل جمعة بفارغ الصبر لكن المقاطع قصيرة ههه بسرعة أرجوك ;)

رد: عشق بلا قيود للكاتبة شخصية خيالية

اقتباس:

المشاركة الأصلية كتبت بواسطة عذرا ياقلب (المشاركة 3551534)

لا لا كتبت رد وش طوله وطار بسبت جند هليل إلا عندي الله يصلحهم جند هليل يذي ولا يقبل

هههههه الله يعينك

أول شي شكر وامتنان لام جمال ولرشا قسم ورجعت الحياة حسيت تسذا انتعاش في روحي عقب مابغيت اصير من الفاسدات وتتابع تركي بسس قحط الساحه الروائية متعوب على الكلمه

هههههه الحمد لله لحقناك قبل ماتسيرين من الفاسدات

اتوقع قصيدة الجد لها دور في سالفة توق إلا بتسويها شهاب إبليس منال

وش دخل القصيده في منال وتوق لالا ماني معك

رشا من الحين قلبي عورتي على توق عاوزة تعملي فيها ايه يامفتريه

شكل رشا بتساعد منال وبيخربن بيت توق وياليت على كذا
إلا بتخرب علاقتها بأهلها ومن فين تلقاها المسكينه من زوجها
والا من أهلها

سلهام جاز لي اقتراح الزوري ليته صدق تزف عمرها

لالا أنا ماني معكن وش يقولون عنها الناس تجننت لمازوجها
تزوج عليها سلهام ذكيه وتعرف كيف تقهرهم بدون ماتسبب
الأذيه لنفسها ليتها تسحب تميم معها وترقصه معها وهي كاشخه وخلي نوير وأم تميم يولعن من القهر وهن يشوفن تميم مفهي فيها وناسي كل اللي حوله

رشا وفيتو قلوب تنبض من الشرقيه إلى عندكم

نفس القلوب في اتجاه معاكس هههههه

منورتنا هتونه وشكرا حبيبتي على المشاركه لا خلا ولا عدم منك يارب

رد: عشق بلا قيود للكاتبة شخصية خيالية

اقتباس:

المشاركة الأصلية كتبت بواسطة زارا (المشاركة 3551545)

يؤ يؤ يؤيؤ من قدي رديت علي رشوووو..:dancingmonkeyff8:

تستاهلين الزوري

ام جماااااااااااال قلبي انتي والله ردووودتس هي اللي مخليه للقصه حلا زود عن حلاها.
وحنا مانستغني عن اللي عرفنا على الروايه .. وتعب وجابها هنا ويتعب بالردود عليها .. ماتقصرين يااا قلبي..

تسلمين ياقلبي

واحب اقووول لرشووو يااااا هلا ومرحبا فيتس وبردتس.. ماتقصرين يااقلبي عاد الحين لو انتي بهالرد معطتنا لمحه عن اللي بيصير كان قلنا ماتعرف تغبي وكبت عشاها.. مير بسم الله عليتس جيده وتعرفين تحفظين اسراااار ربعتس..ههخهخهخه

والله أنك صادقه دريك ماشاء الله عليها وترد علينا بالقطاره
كل هذا حرص لاتفضح ربعها

ام جمااال تدرين الحين جاني تووقع.. يعني الدكان فتحته شووووي بس مو شرعت الباب لاا بس خليته مساايف شووويه..
المهم اتوووقع ان سلهااام بتتعب وبيجيها وجعها اللي يجيها داااايم عقب ماترقص وهي تعبانه يعني اتووووقع انها بترقص صدق وتميم يشوووف بعيووونه بس بتكون تعبانه وبتطيح عليهم وهو يشووفها وبيترك نوووير في محلهاااا ويفزع لسلهومه ونوووير تشوووف وحتى اتخيله يعطي نوووير البشت تمسكه عشان يشيل سلهام يوووديها للدكتر..هههههههههههه
بالله وش رااايتس مهوووب توووقع جميل وحلووو ويبرد الاعصاااب عقب حرقتها من ام تميم..

ههههه يازينك الزوري ويازين توقعك ليت رشا تعتمده
تدرين عاد أخاف إن رشا تنسف كل توقعاتنا لو تلغي العرس

هتووووون.. يااهلااااااااا ومليووووووووووون غلااا نووورتي السااحه.. والله صاادقه انتعشنا شوووي بهالروايه..بس عاد انا ولله الحمد مابغيت اتاابع التركيه واجي من الفاسدات.. لاني صرت منهم من يوم عرفت انجين المشهوور بكريم فااطمه..ههههههه

وأنا أقول البنت وين هي غاطه لها فتره اثرك طايحه في الربيع هههههه
يسعدك الزوري لا خلا ولا عدم منك يارب

رد: عشق بلا قيود للكاتبة شخصية خيالية

اقتباس:

المشاركة الأصلية كتبت بواسطة شبيهة القمر (المشاركة 3551563)

السلاام عليكم

وعليكم السلام ورحمة الله وبركاته

ياهلا والله بسيدة الشاشة الروائيه رشوو وياهلا بكل متابعين العشق وسلام خااص لماماتي الله يحييها ويحيي دكانها

ياهلا بك زود النوري يالله تحيي اللي مثل الهلال مايظهر غير مره في الشهر

النت طير علي النجمه كنت متوقعه انه الذيب بس نعوض بالجايات ههههه

ماشاء الله والله ولا خطر على بالي

منالووووه تكفون ياناااس احد يمسكها لي هالخايسه ماتستحي عويذا منها ومن شرها بس احساسي ان السحر بينقلب على الساحر اما ان ربي بيعاقبها في اخوها او بيجيها مرض او بيسحرونها داعش وتروح معهم ههههخ بس الاكيد انها موب سالمة من سواياها

أكيد والاوكد ماراح تسلم من عبد الرحمن لما ينكشف امرها

سطاام احساسي انه بيرتبك وبيجيب العيد في التحقيق وساعتها مااحد براد الدحمي عنه بيكسر ابو راسه

ليته والله إنه جبان

حاكم والله شكل الضربه بتأثر عليه واااجد اليوم طرده من الغرفه وبكره الله يستر لايطردها من البيت كله عاد هنا توق بتحس انها خسرت كل شي اهلها وحاكم وكل الدنيا ويمكن تروح بغيبوبه من الصدمه

مالومها لو جاتها جلطه ضحت باهلها لأجله وهو ضحى بها
يقولون اللي ماله خير في أهله ماله خير في غيرهم

شيهانه والله من قالوا خسر كليته توقعت انها تتبرع له بكليتها علشان تكفر ذنبها معه

ماهي بعيده على شيهانه

سلهام وتميم ملح الروايه يازينهم ويازين قصتهم اتوقع تسويها سلهام وترقص بعرسه وبتشغل تفكير تميم فيها وبدل مايدخل على نوير يدخل على سلهام ولحظتها بيكتشف انه ظلمها وهذا اللي تبيه سلهام بس فرحة تميم ماراح تكتمل لانه بيصبح الصبح وسلهام هاجه لجدها اللي بيوفي بوعده ولا يرجعها لتميم اللي بتحفى رجلينه وبيمرض من المطارد وراء سلهام علشان ترجع له

ياسلام لو يضبط توقعك

ماماتي.. نفس الشعور حتى انا توق ماحبيتها بالحيل لانها ضعيفه عكس سلهام اللي تبرد القلب يازينها ياناااس

النوري حرام عليك أنت وزار على الضعيفه مايكفيها ثلاثي الشر المتعاونين عليها

فيتووو تسلمين ياقلبي
رشوو ياهلا فيتس يابعدهم والبيت بيتس هنا والا هنااك

الله يسلمك ياقلبي ومشكوره على المشاركه الراااائعه
لاخلا ولا عدم منك

رد: عشق بلا قيود للكاتبة شخصية خيالية

اقتباس:

المشاركة الأصلية كتبت بواسطة amal hassine (المشاركة 3551585)

السلام عليكم ورحمة الله

أولا اسلوبك سلس ورائع، ممتع جدا أحسنتي، مشاعرك في الكتابة كانت بسيطة وممتازة، احببت قصتك حبذ لوتعيدين كتابة بالفصحى بعد الانتهاء ... انتظر كل جمعة بفارغ الصبر لكن المقاطع قصيرة ههه بسرعة أرجوك ;)

وعليكم السلام ورحمة الله وبركاته
هلا وغلا منوره ياقلبي
ومشكوره ياقلبي يعطيك العافيه