ربي يسعدكن حبيبات قلبي على هذه الردودالمميزه جدا
والأكثرمن راااائعه واللي توسع الصدر
شكرا للجميع لا خلا ولا عدم منكن يارب

هموسه ياعمري ترى لي فتره مارديت على رشا لإنشغالي
لهذا مانقلت ردي عليها هنا وهذا أول رد لي بعد مافضيت شوي
وراحت بنتي بيتها
ولا يكون خاطرك الا طيب هذا ردي على رشا بعد آخر بارت لها

السلام عليكم

أنا جيتكم

حلفت ماوحده تقوم منكن أستريحن
(فيس فاق من الغيبوبه ودبت فيه الحياة )
اول شيء الله يوفقك رشا في الوظيفه ويكتب لك الخير
وثانيا تسلم يمينك بااااارت يجنن وعلى رأي زارا
لاعاد تراجعين البارت إذا بيطلع بمثل هذا الجمال

المهم نشوف أبطالنا

حاكم والله قهرني وخيب ظننا فيه كنت أظنه أعقل من كذا
واللي قاهرني أكثر إنه عارف حب توق له وعارف إن هذا
خطه من أخوها حتى يطلقها وينوله مراده ليه ماكذبه
وطلب منه لوكان صادق إن أخته طالبه الطلاق تواجه
وجه لوجه بكذا ينفك من الإحراج قدام صاحبه ويفهم
صاحبه الوضع وخلاف مع أهلها لكن حبه لتوق فشل
في أول أختبارحقيقي
هالحين لو عرف بحمل توق ما أظن بيستمرفي قراره
لكن توق هل بترضى عليه بعد سواد وجهه

توق
صحيح إنها حاربت في الأول وضغطت على نفسها وراحت له
لكن بعد كذا مافرقت عن حاكم وإستسلمت لأخوها المفروض بعد ماعرفت بعمايل بجاد وخاصه حملها تتصل على حاكم وتبلغه بحملها وتبين له رغبتها فيه وكذب بجاد لكن تصرفت بغباء
خبت عن حاكم والكل الغبيه الموضوع مسيره بينكشف
واللي خايفه منه بيسيروكان بإمكانها تتصرف قبل ماتنحط في موقف حرج
هالحين هالإثنين الأغبياءماراح تنحل مشكلتهم الا على يد الجده والجد أكيد جدة توق بعد ماربي هداها بتوقف بجانب توق لأنها تعرف بجيت حاكم لتوق وأكيد بتسعى مع الجد لرجوعهم لبعض
وأكيد عبد الرحمن وأمها بيوقفون مع الجده والجد

تميم وسلهام
ما أظن تميم بهذه السلبيه قلبي يقول أنه رجعها بدون ماتعرف
وسلهام زعلت عليها قاهرتني هي ولسانها اللي يبغى له قص
فالاول كنت بصفها لكن بعدتغير تميم وإعتذاره وهي تحبه
ماله لازم ترددها في عودتها له بلا كرامه بلاهم خلاص
أعتذر بالقول وبالفعل بطلاقه لنوير

صيته وعناد
يازين صيته وهي لاعبه في حسبت عناد لكن ما اظن بتحقق رغبتها في الطلاق لان اشك أنه بتحمل يمكن عناد عنده مشكله بسيطه وأنحلت بالعلاج ويمكن خطأ طبي وماأنكشف لأنه
كان زوجاته يأخذن مانع حمل ولهذا ماحملن وهو يعتقد إنه
عقيم أوعنده مشكله في الإنجاب
لكن أتمنى انها تطلب الطلاق وتتركه وتروح لبيت أهلها فتره
خليه يتربى ويحس باللي كان يسويه في حريمه لكن
ما أبغاها تطلق فعلا عناد بياخذ صفعه قويه ودرس ماراح ينساه
وبيمشي على العجين مايلخبطه

سطام
يعل ماسطام وإن شاء الله تنكشف قريب ويبرد قلبنا فيك
حاكم وأنت في السجن بيصطاد في الماء العكر الخاين

مشاري
لاشلت يمينك والله إنك رجال الرجال مواقف وأنت وقفت وقفت
رجال وبيض الله وجهك أنت وعم توق راجس
ذوق
أظن بعد اللي شافته من مرجلة مشاري بتوافق عليه
رجال يعتمدعليه ويحب ولها ماراح تلقى أحسن منه
عجايب وصيته
ليه كل هالتحامل على توق وخسارة الصحبه اللي
بينكن بدل ماتهدن الوضع تزيدن النار حطب
هذا وأنتن عارفات بحب توق لحاكم وإن مالها يد
في اللي يسير
أم توق
مالها حق في سكوتها لأنه ضرره أكبرمن لو تكلمت
توق مظلومه وعبدالرحمن على عماه ومنال مازالت على حقدها
المفروض تكلم عبد الرحمن وتتخلص من العقرب منال وتحافظ على حياة بنتها وش هالسلبيه اللي فيها سكوتها ماله مبرر
غلا إذا كانت خايفه عن عبد الرحمن يقتل منال ويبتلي فيها
لكن أرجع وأقول سكوتها غلط لازم تتكلم
الله يسعدك رشا مثل ماتسعديننا
منتظرينك على الموعد ولو فيه أستثائي مانقول لا
لكن مانبغى نضغط عليك