|
رد: عشق بلا قيود للكاتبة شخصية خيالية
بارت رغم انه مستفز للاعصاب الا انه جدآ رائع الي قدر يثير شعور المتابعات
نبدا بصيته مشكلتها جدآ بسيطه لها حلين اما الجد يتدخل لأنفصالها عن عناد او يرفع لها تميم قضية خلع وتخلص من عناد وينتهي موضوعها بسلام الا اذا للكاتبه وجهة نظر اخرى توق وما ادراك ماتوق وما زالت مستمره بشي مدري شسميه غيرهبال حماقه لا مبالاه وش يضرك وانتي طالعه من البيت ام حاكم واقفه قاطه كلمتين وانتي تلبسين العبايه ما راح تعطلك ابدااا تقولين الوالده تعبانه وبروح لها هذي تكفي تبرر خروجك الغامض ما ادري شسمي الي سويتيه حتى يوم طلعتي وانتي بالسياره رساله لحاكم تكفي يوم اخذتي جوال اختك ما اخذتي احتياطاتك مقفله الباب ومكلمه حاكم ما ادري ها الفهاوه الي انتي فيها راح توصلك وين الحين رحتي لرماح وصار الي صار والحمل ماندري وش عواقب ها المطبات الي اكلتيهاسواء طاح الجنين او بقى وانا اتوقع بيثبت مالك حل الا شيهانه تدخلينها بالموضوع حاولي تاخذين جوال الجازي عسى مامن جازي وتصرفي بذكاء واشرحي لها كل شي وشيهانه بعد الله بتدبرك والاسباب واجد قريبه نفسيا من حاكم وقريبه لك بالمكان بتوصل لك بسرعه وذكيه بتطلع لك حلول سلهام وبدت التحديات اولها تويتر سكري اي باب يفتح عليك شبهه ويعيد الماضي احذفي حسابك وصلحي حساب جديد هيثم ماضي اسود ادفنيه مع الاموات حتى لو تطلقتي من تميم هيثم مرفوض لأسباب من اهلك انتي عارفتها نوير يارااااسي حامت تسبدي من شفتها مقبله على تميم تكفين رشا خلصينا منها لاتقرب تميم انا ماخفت الا من ام تميم تقعد تسوي سوالف وقصص لين تخلي تميم يقبل بنويران لكن الحمدلله جاب لها الله شغل ابو تميم اشغلها بورعه تميم خذ اجازه مرضيه عرضيه الي هي وشد لجدك تراه محتاجك لين يعدي كم شهر وتفكنا من نوير وتقرب اكثر من سلهام وخذ شور عجايب تراه تنفعك منال زي ماتوقعت و البنات قبلي السالفه ماهي ثار ابوها السالفه حقد مزروع من الطفوله والظروف ساعدتها تبدا انتقامها من توق لكن حبل الكذب قصير بتنكشف وهي الي بتكشف نفسها لعبد الرحمن بتصحي امه من الغيبوبه وبيربط الامور وبيتضح له شي من الحقيقه على الاقل بالوقت الحالي سطام المطمن بموضوعه انه يمشي بطريق اعوج والورقه الي وصلت حاكم اتوقع اسمه من ضمن الموجودين يعني حتى لو انفصلوا حاكم وتوق سطام نهايته قشره وقريبه بارت رائع رشا وننتظر الاروع منك وعندي طلب اتمنى البارتات ماتكون يوم الجمعه اليوم هذا الكل مشغول اي يوم با الاسبوع بيكون تفاعل البنات اكثر |
رد: عشق بلا قيود للكاتبة شخصية خيالية
ما شاء الله طيف الاحباب كفيتي ووفيتي ..و بردتي حرتي ..
بس مهوب كنك متحاملة علي توق .. ترا كل اللي صار مجموعة كوارث مالها ذنب فيها ..يعني بحسن نيه .. |
رد: عشق بلا قيود للكاتبة شخصية خيالية
شبت تسبدي من توق ودي من عطاها رقمة كوية على علباها تظهر قلبها هههههه
|
رد: عشق بلا قيود للكاتبة شخصية خيالية
و الله انها طيبة ..بس اوقات بتكون غبية ..
الله يعينها علي اللي جاي و تري حاكم بعد عليه غباء اوقات و تسرع "ظنجرة و لقت غطاها" |
رد: عشق بلا قيود للكاتبة شخصية خيالية
السلام عليكم ورحمة الله وبركاته الله يسعدكن حبيباتي عاجزه عن شكركن على على هالردود الحلوه وخجلانه منكن والله لأن ما أقدر أرد عليكن هالأسبوع بالذات أم الوليد اللي على ردودها المميزه مارديت عليها ولا مره وهي ضيفه جديده لكن بأضرب عصفورين بحجر بأرد على رشا اللي خجلانه منها لأن لي بارتين مارديت عليها وكتعويض لكن بأنقل ردي عليها هنا لأن مثل ماذكرت قبل ردودي عليكن تظهر فيها توقعاتي وكلامي في ردي على رشا المهم هذا ردي على رشا السلام عليكم ورحمة الله وبركاته هذا البارت فعلا حرق للأعصاب حاكم في هذا البارت عداه العيب وتصرف بحكمه وعقل لكن إلى متى راح يقدر يتحكم في أعصابه ويحكم عقله في وجود أدله وإثباتات تدين توق غير عن تصرفات توق اللي تقهر أخفاءها بعض الحقاقئق عن حاكم كالمكالمه وركوبها مع سطام وحملها وخروجها رغم تنبيه حاكم لها دون أبلاغ حتى عمتها عن سبب خروجها وأخيرا تصرفها السلبي أمام أخوانها فإذا التمسنا لها العذر في خروجها بدون حتى إخبارعمتها بسبب خوفها على أمها ليس لها عذر في بقية أخطاءها إن شاء الله يخيب أمل سطام ويثبت حمل توق سطام شكله وراه بلى يتاجر في سلاح أو مخدرات وإظن اسمه من ضمن الأسماء اللي بيراقبونها الشرطه وإن شاء الله بيوقع في يد حاكم ويبرد قلبه منه سلهام عين العقل اللي سوته بعدم الرد على هيثم والله يستر مايوقع جوالها في يد تميم ويعرف عن هيثم ساعتها بياخذها وبيخفيها عن الجميع منال يعل مامنال لعبت في العائله لعب ما أستبعد إن طيحة أم حاكم هي سببها أما سمعتها وهي تتكلم عن خططها اللي تسود الوجه لهدم حياةتوق والا عن إنها تاخذ مانع لهذا تدعي إنها ماتقوم حتى ماتنفضح عند عبد الرحمن وحتى تهدم حياة توق عبد الرحمن للآن ماقدر يكشف منال الكذابه توقعته أذكى من كذا بجاد بضمه للقامة السوداء مع سطام ومنال والجده وأم تميم طاح من عيني بعد تصرفه الأخير مع توق هالأناني طمعان في الفلوس وماهوضامن عمره يعيش حتى يستمتع بها اولا أبوتميم أكيد بيزوج عناد لأنها لأن كل همه القلوس ولأنه هومزواج مايشوف تميم مخطي من هالناحيه مايقدر يتكلم اللي بيته من قزاز مايحذف الناس بالطوب رشا البارت ابداع لدرجة تأثرنا به تسلم يمين خطت لنا هالإبداع المعذره رشا على القصور في اللي راح والله ظروف صحيه ومناسبات أجتماعيه زواج ولد خالتي الخميس اللي راح وشبكة أختي الخميس الجاي فالمعذره يالغلا أضم صوتي للي بيغيرون موعد البارت وياليت يكون السبت لأن الخميس والجمعه مناسبات وضيوف وخرجات السبت أنسب لأن الأحد دوام وشكرا على تفهمك وتقبلك للنقد وآراء الأعضاء الله يسعدك دنيا وآخره وآخره مثل ماتسعديننا ويحفظ لك غاليك |
| الساعة الآن 05:10 AM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية