منتديات ليلاس - أسمتني أمي قربى

السلام عليكم

مرحبااا مشاعل. اولا احب اهنيتس على هن لباس لكم خذت وقت طويل وانا اقراها لكن كنت كل ماتركتها اتحمس اني اخلص اشغالي عشان اكملها تمنيت بجد اني تابعتها على الهوا مباشره وحللت وعلقت وتوقعت. والله وانا اقراها توقعت احداث وفعلا صارت مثل ماتوقعت...
قبل انسى احب اشكر حبيبة قلبي النوري شبيهة القمر لانها اللي دلتني على هن لباس لكم وحمستني اني اقراها وفعلا تستااهل الحماس كله..والنوري حبيبة قلب الزوري تعرف ذووقي بالملي شكراااا النوري وبوووسات من هنااا لحد بيتكم
وبعد هن لباس لكم. دورت على قصه تكون كاتبتها مشاعل ولقيت العشق انفى للعشق.. وغرررقت فيهااااااا وانصدمت لاني قريتها مبتوره توقعت انها اكتملت وخصوصا انتس بالمقدمه كتبتي انتس رجعتي تكملينها وماراح تتركينها بدون نهايه وعلى هالاساس قريتها وانصدمت بكل صراحه وانا ادوور النهايه واشوف الردود ان القصه مو كامله. وانا صراحه اللي خلاني ابتعد عن الروايات وقراياتها اني مااا عاد اتحمل قصص مالها نهايه وترجع على رف المنتدى.. مصدومه بجد اني علقت قلبي بالعشق انفى للعشق وهي ما اكنملت بس لما قريت كلامتس بان القصه بترجعين وتكملينها بعد رمضان ان الله عطانا عمر قلت اووكي يااا الزوري بنصبر وباذن الله تكون شعلولوه قد الثقه وتكمل قصتها حقت اهل الشمااااال. اللي سلبوووووووااا قلبي وعقلي وحبييتهم وانا خلقه اموووت على الشمال واهل الشمال ولهجتهم وهالدور بعد القى قصة لهم لااااازم وحتمااااااااااااا ولاااابــــد ان القصه تكمل.
المهم ادري ازعجتس وغثيتس بسوالف قديمه بالنسبه لتس . بس بالنسبه لي جديده..

نجي عاد لربعنا هنا
تدرين اني احس بالغيييره من قربى وكل ما اطريتي شعرهاااا احسدهااااا. ابي شعري كيرلي يااعالم. ابي شعري يتلولو بس للاسف مايتلولو >>> فيس هذيك البنت الحجازيه.هخهخهخه
قربى حبيتهااا مررره مرره خلي شعور الغيره من الشعر على جنب بس الصدق حبيتها ورحمتهاااااا مرره مرره وحيده وماا اصعب شعور الوحده والهجر من الاهل .
تدرين عاد توقعت لما يجي عمها بيرفض انه يترك قربى لعمران مو لحنانه لا لاني توقعت انه يبي يتكسب من وراها او عمران لانه شاف اخته متعلقه فيها بيحاول يخليها عند اخته مهما كلن الثمن ول كان هالثمن هو زواجه منها حتى لو كانت صغيره.. مدري بس للحين متوقعه ان قربى بيكون لها قصه مباشره مع عمران ولااازم تتزوجه. سمعتي شعلووولوه الزواجح لازم يتم عاد ياخذها على نوف والا يطلق نوف مايهم المهم انها تصير لعمران وبس..

جليلة خوفني موقفها وهي جالسه بروحها بالشارع وهالعمال حواليها وللحين خايفه عليها من اللي خذتها عندهم . هاللي خذتها يا انها بترفع من جليله وتصير لها شغله محترمه ويعلمونها المكياج والفن هذا وبيكون لها شأن كبير فيه او انهن صايعات وبتروح بالرجلين لو كان محلهن وكر خياس والا من هالقبيل
لكن جليله عندي توقع انها بتكوووووون بدرب واحد من اثنين يا متعب يا صياف..واتوقع اكثر شي صياف
مع ان متعب يعني ممكن هو اللي يكون اقرب انه يشوف جليله من خلال شغله. يعني لو صدق توقعي وكمشوها مع العاملات اللي راحت عندهم..
خطر على بالي الحين ان جليلة ممكن تكون قريبه لقربى ويمكن ابوها اللي انحاش يكون عم قربى؟؟
بخوت والحمار الكبير وليد.. الحلو يا بخوت ان ام وليد معاتس مو ضدتس . والله يعينتس عليه هالحقير شاكله وارث هالطبع من ابوه وهذي عمتس اميمه تقول لاتسكتين له . بس مدري وش ممكن تسوين تعلمي الكراتيه واجرتس على الله يابنت..>>فيس يحرضها.
ضرب الزوج لزوجته عنوان لحقارته لكن مدري يابخوت انتي بكامل قواتس العقليه يوم تقولين بيعقل اذا جبت له العيال؟؟؟
اووووه ماي قااد. تعالي الحين علميني ابي اعرف ليش اميمه يوم تكلم صياف تقول لها الغداء طابخته بخوت؟؟؟
لاايكون كنتي بتاخذين صياف قبل بس بعد الحادث خطبوتس لوليد؟؟؟؟؟

طبعا الاحداث ببدايتها وكنت ناويه اكتب كلمتين واطلع لكن توني ادري اني مشتااقه للكيبورد من قلب..هخهخه
لكن الاكيد ان احداث القصه عطتني مجال اني اكتب بمخمخه

بانتظار الجزء الجاي اللي اتمنى انه يكون بعد شوي ..>> فيسي الطمااع. خهخهخه

وبالنسبه للبحوث الله يعوضتس خير ياقلبي ويسهل الامر وتقدرين ترجعينها ثانيه.. والله يوفقتس خيتوو

دمتي بود