منتديات ليلاس - ما يلتقي برد و دفا

مسا النور والسرور ..

مبارك عليكم الشهر جميعا ...💕
كل عام وأنتم الى الله أقرب ..
الله يجعلنا واياكم من صوامه وقوامه والعتقاء من النار..

من زمان عن الروايات اللي تحمس وتشد 😍..
حقيقي ماكنت ادري عن الروايه الا لمن شفت من
منتدى مجاور الناس تسال عن الكاتبه ..

بعدها دخلت اشوف الروايه شدتني من اول بارت
مادريت الا وانا في اخر بارت : )

خيزران ماشاء الله كميه جمال ...
الحبكه جمميله وأسلوب اجمل ويشد بقوه 😍
حقيقي قلمك جمييل جداً ..

الشخصيات جمييله ولو انه بعضها يقهر :$

لو نبدا بـ سياف ومقرن ورمد ..
في كذا شي في بالي

سياف اكييد بدا يميل لرمد بس الله يكسر يده
ماصارت كل شوي كافخها ويعرف كيف يحترم الجوهرة ويقدرها ..
والجوهرة بعد 21 سنه اول مره تشوفه معصب كذا !!
حقيقي كرهت الجوهره ع تفكيرها الخايس اصلا
وشلون قدرت تقول هالكلام وهي اصلا ماعندها دليلا ..
الغيره اعمت قلبها

كلام أمينه في اول بارت ..
انو رمد بتصير ارمله سياف يدل ع انو رمد كان
متزوجه سياف قبل مايتوفى أبوها و ماكان عندها
خبر لانها مادرت الا في ثاني يوم من العزا ..

سياف كان ناوي ينفيها سنتين زياده يوم قال انها
جات قبل الموعد اش معنى محدد هالمده ..
هل خلال هالمده بيكون قدر يمسك ع رماح
وقصاف شي ويدخلهم السجن ..
كلامه للجوهره لمن عصبت هل هو يقصد فيها انو
الفتره يتكون سنتين ولا بعدين ويين بيوديها ...
اصلا اللي باين ان رمد جابت راسه وهو اللي ماهو تاركها ..
يستاهل انتقام رمد منه هذا اللي جنته يداه
بس شكل رمد ولدت فيها مشاعر جديده بدأت تنجرف لها ^^

سياف او ابو سياف شكل له علاقه قبل في مقرن
صحبه او قرابه شي زي كذا ويمكن قبل مايدخل
مقرن هالكار وتسمية سياف ولده مقرن ماجات
عبث وكلمة منصور انه تربيه مقرن ..
باين ان مقرن عارف سياف معرفه شخصيه
وعارف طبيعة عمله ولاماكان وثق فيه و زوجه بنته..

رماح اللي يظهر انه يحب رمد و يبيها ملاحقته لها
في تركيا واللبس اللي بالغرفه شكله منه و ارسله
للصندوق بتخصيص رمد هل هي رساله لسياف
انه قادر يوصلها وأنه للحين يبيها ..
يمكن قبل مقرن كان موقف رماح عند حده ...

اتوقع قبل انه كان ناويه يخطبها وقصاف مايد
هالشي يمكن هذا يفسر وجود الخاتم والصوره
اللي شافتها قدر ..
يمكن له السبب مقرن زوجها سياف لثقته فيه انو
قادر يحميها وبنفس الوقت يبعدها عن قذارة عمها وصاحبه

ام سياف هل هي قد شافت رمد قبل ماتكون زوجة ولدها ..
كيف قدرت تتقبلها وتحبها هالحب؟!

وأم رمد وينها مالها اي حس ولاخبر هل هي مطلقه ؟ ولا متوفية ؟ ...
رمد هل عندها أقارب من أمها خوال او خالات .؟!

اسيل وحاتم ..

لسى ماوضحت قصتها ..
بس اللي يظهر انها متهمه ظلم بشي يمس الشرف ..
بس كيييف اذا تكون توامها اللي متهمه !! ..
جا في بالي انو ممكن اختها راعية علاقات ولمن
انكشفت رمت كل شي ع اسيل ..بس يظل سبب مو قوي
حاتم حقييير يقهرر كيف قدر يتزوجها وهو لسى شاك فيها ..
وبعدين ليييه هو طاير عند اختها لايكون كان يحبها بعد .!
يمكن اللي صاب اختها دعوة اسييل المظلومة

قدر في مشهد انها شافت صورة قصاف كانت
شاكه انها قد شافته قبل شكل قصاف يقرب لها
أو بينه وبين عايلتها دين او ثار او انتقام شي زي كذا ..
اهلها وينهم عنها كيف قدر ياخذها ..
لو نفترض انهم بينهم ثار او ماشابها يمكن ضغط
عليهم وزواجه بنتهم بس اكييد بزواج ماهي رايحه معه كذا ..
بس اذا فعلا متزوجها كيف يرضى انو حرسه
يجرجرونها ويشوفونها ويوم تدري من الحواس انها مو متزوج ؟!! ..
لييه سماها باسم قدر هل لان فعلا ربط قدرها معه غصب عنها ..
حقيقي ماودي تكون مخطوفها وجايبها معه كذا
ي عساه العمى قصاف ..

خيزران الله يسعد قلبك مثل مااسعدتينا بس
بلييز طولي البارت حبتين ولا تتأخرين علينا : )
والله مع الحماس احسه بسرعه يخلص ;(

بانتظارك بكل شووق ي مبدعه :$

بحفظ الرحمن ...