|
بنت عرب فارس
السلام عليكم ورحمة الله وبركاته
اللهم صلي على حبيبك و نبيك محمد هذة روايتي الأوله... او لايمكنني تسميتها ب رواية بل قصة حياة لا ادري قصتي او قصة الاف غيري... اخترت هذا المنتدى لانه لي ذكريات كثيره فيه لا اعرف ان اكتب مثل الراويات لاكني اتمنا ان اوصل قصتي الجميله فا لايمكنني انا اموت و انا اخبئها في قلبي بل من جمالها اريد انا تنتشر ف كل بقاع الارض.... اممم اول شي لازم اعرفكم ف نفسي لاني انا هديل من ايران يمكن تستغربون بس هيه انا من ايران من عرب فارس واجدادي من الامارات و السعوديه... قصتي بدائت يوم الي حضر عمي و معه شاب اماراتي يايي هني يتعالج طبعاً مب ف مدينتي لانها تفتقد ل ابسط حقوق اي انسان ف اقرب دكتور ركزو مب مستشفى لا دكتور ويالس بغرفه و يعالج 20 دقيقه... المهم ربيع عمي ياي علشان يتعالج ف شيراز الي تبعد عنا 4 ساعات بس فيها دكاتره عباقره و من كل انحاء العالم ايوون يتعالجون هناك.. وبنسمي ربيع عمي عيسى عمي محمد تعرف ع عيسى ف شيراز كان ياي ويا حد من ربعه بسبب حادث ولانهم مايعرفون اعيميه (فارسيه) ساعدهم عمي.. بسم الله: ااه الجووو حارر موت و امي الله يخليها لنا مصرررره تعلمني اخبز ليتني ماخلصت الثنويه مادري ف اي قاره للحين يخبزون يعني عندنا وايرلس و لابتوب و نت ولازم بروحنا نسوي الخبز المهم انا يالسه اعبي التنور حطب و امي فوق راسي لانه حتى الحطب لازم اعرف كميته اذا وااايد الخبز بيستوي جاف و بيتكسر و اذا شوي الخبز مابينتفخ و يحمر ها كلام امي طبعاً انا مافهم ف هل امور..واخيراً خلصت جييم (يعني الحطب استوا جمر) والحين لازم ارق يعني اسوي الخبزه دايريه وطبعاً ماتستوي دائره تستوي مربع بس امي اطوف لانه ع قولتها بعدين بتعلم وبعد ساعتين خلصنا واخيراً.. ف نفس الوقت دخل عمي اااه فديته من زمان ماشفته كان يدرس ف شيراز لانه اهني مافي جامعات ف رحت له ركض بس فجاه وقفت لانه معاه اضيوف بس شكلهم غير لابسين دشاديش(كنادير) و تختلف عن دشاديش رياييل منطقتنا ف تراجعت و رجعت عند امي... السلام عليكم انا عيسى طبعاً قريتوا عني قبل بس بعد لازم انا اكتب لكم الي يدور حولي يبت ايران بعد ماكنت اراجع ف المستشفى الايراني ف دبي و واحد من الدكاتره عطاني عنوان دكتور شاطر هني بس ايي ايران شهر و دوم يكون ف امريكا ف انتظرته و حزت تواجده ف ايران سافرنا انا و ربيعي صلوح ل ايران لانه هو عنده معارف ع قولته بس طلع كله جذب والحمدالله الله سخر لنا محمد لما كنا ف المطار يايي يستقبل حد من ربعه و تعرفنا عليه و تكفل ف مشاويرنا و مواعيدي عند الدكتور الحمدالله وبعد اسبوعين تحسنت حالتي وايد ف عطوني موعد بعد اسبوع و قرر محمد ياخذنا ع مدينته معا اني للحين مب مستوعب كيف ايراني و يتكلم نفسنا و سني بعد ف وافقنا انا و صلوح علشان انشبع فضولنا بس الطريق كان طويل و ظهري رجع يعورني ف اول ماوصلنا محمد دخل السياره علشان ننزل و ارتاح بس شفت بنت طويله و طويله يعني طويله يمكن طولي معا اني اطول حد ف اخواني تركض صوبنا و مبتسمه بس فجاه تراجعت و راحت عند حرمه كبيره يالسه عند حفر و بيدها خبز.. صلوح: بل ماشاء الله زرافه عيسى:هههه بتنضل البنت صل ع النبي صلوح:ماشاء الله محمد:يلا شباب اتفضلو البيت بيتكم صح انه متواضع مب نفس الفندق بس اسبوع و ان شاء الله بنرجع... عكس كلام محمد كان البيت كبير و في حوش كبير اكبر من بيوتنا بس كان الحوش مافي اشجار ولا شي يحلي ودخلنا البيت الي كان من داخل يشبه الافلام العربيه... عيسى:محمد بيتكم نفس افلام مصر القديمه محمد :ههههه لانه فعلاً قديم هذا ل جد ابوي الله يرحمه و الحين صار بيت اخوي الكبير... يعني الزرافه ع قولت صلوح من اهل محمد يمكن زوجته او اخته او ...مادري ليش افكر فيها محمد: ام علي ... ام علي و فجا دخلت الميلس حرمه كبيره مب ذاك الزود يمكن ف الاربعين لابسه برقع.. ام علي:السلام عليكم ردينا السلام ورحبت فينا الحرمه وقالت: هلا محمد اشحالك؟ الحمدالله ع السلامه ماخبرتنا انك بتي ومعاك ضيوف نبي نقوم بلواجب.. محمد:كلمت اخوي بوعلي اليوم بس شكله نسا يخبركم ام علي : اخوك من الفير ف المزرعه مارجع البيت. واستاذنت و طلعت و بعد اشوي انضرب الباب و طلع محمد.. صلوح: بل عيسى ملابسهم و اشكالهم غيرر... جنه الزمن نسا يمر من هني و يغيرهم.. صح كلام صلاح الحرمه تذكرني ف يدتي الله يخليها.. بعد شوي دخل محمد و في ايده شاي و قهوه و تمر وبعدها ب ساعه بعد ماتغدينا و ريحنا شوي واااه ع الغدا عذاب طعمه غيررر و خاصتن الخبز جنه من خباز ايراني بس احلا..لو مب محمد قاعد جان كلت اكثر عن جي صار لي اسبوعين اكل من اكل المطاعم.. دخل اخو محمد كان له لحيه طويله لابس كندوره كويتيه قصيره و ويهه سمح بس طوويل اطول عن محمد رحب فينا ترحيب حار و اعتذر منا ع القصور.. ويلس يسئلنا عن احوالنا واسئله ثانيه.. بوعلي: هلا والله باهل الامارات عجيب يزورونا اهل البحرين و قطر وايد بس من الامارات قليل الا اهلنا الي تجنسو ف قلت له عن الحادث و قصتي و تحمدلي بسلامه وبعدها اذن العصر و طلعنا كلنا للصلاه و رحنا نمشي للمسيد المسيد كان قديم بس مليان شباب و شياب و اطفال ولانه غريبين عن المكان الكل سلم علينا و كل واحد يعزمنا ع بيته علشان يكرمنا بس كان ل بوعلي هيبه كبيره بعد ماصلينا وانا طبعاً لازم اصلي ع كرسي لانه ظهري بعده يعورني رجعنا البيت بس بعد شوي الميلس كان مليان ناس ف اخذنا محمد ل قسمه الي يتكون من غرفه وصاله.. محمد: اسمحولي الغالين بتكونون معاي ف قسمي هل فتره لانه مثل ماتشوفون البيت دوم مليان.. صلوح: ليش كل هل ضيوف زاروكم فجاه معا انك ماخبرتنا محمد : اسمحولي والله بس اخوي امير هل قريه و من بعد اذان العصر لين بعد العشا يكون مليان.. وبعدها طلعنا ويا محمد كانت قريه جميله فيها مزارع وايد اكثرها مزروع فيها طماطم ف تجولنا ف القرييه و رحنا كم محل نشتري اشوي اغراض امبر محلاتم قد البقاله و طبعاً منتجاتهم كلها ايرانيه و بعد صلاة المغرب رجعنا و كان الميلس مليان طبعاً سوا لنا درب محمد و دخلنا بس سمعته ينادي هديل محمد: هديل ... هديل هديل: امرني عمي محمد : فديتج مايامر عليج عدو حبيبتي جهزو العشا هديل: ان شاء الله صوتها كان خليف معا انهم جدام الباب بس غصب اسمعه يمكن هي الطويله يمكن غيرها... هديل: ااااه ماصدق يعني مب كفايه علي شغل البيت بعد ضيووف ولا بعد من الدرجه الاوله ع قولت عمتي لانه ابوي و عمي كل شوي داشين علينا بيضو ويهنا لاتنسون شي مادري شوو زين ابا اكمل روايتي والله متحمسسسسه بس ما اضن اقدر اقرب الابتوب قبل مايسيرون الضيوف اول مره اتضايق من ييت عمي محمد كنت انتظرن علشان يطلعني شوي ... جهزنا العشا انا و امي وعمتي عائشه لاني اتصلت لها علشان تساعدني لاني للاسف ماعندي خوات .. ليت كان عندي بس علشان نتقاسم شغل البيت... محمد: السلام عليكم. اشحالكم؟ طبعاً عرفتوني من اكون ماقصرو الربع طلبت يجهزون العشا سرعه لاني مششششتاق ل اماني خطيبتي فديتها صار لي شهر مب شايفنها بس متلوم ف الضيوف اخليهم بروحهم ف قلت يمكن بعد العشا ينامون واسير ع حبيبتي الزعلانه.. محمد: بلعافيه شباب عيسى و صالح: الله يعافيك صلوح: ماشاء الله الطباخ ماعليه كلام اضن اذا تمينا هني بزيد عشرين كيلو محمد : هههه ب الف عافيه يا ريال محمد: احم شباب اسمحولي انا عندي مشوار نص ساعه ضروري و ان شاء الله مابتاخر عيسى افا عليك محمد اخذ راحتك نحن مانبيك اتجابلنا 24 ساعه سير عدال اهلك... محمد: مشكورين.. بعد شوي بيوصل الشاي دخلوه داخل.. وطلعت طيران و ركبت الموتر معا انه بيتهم مب بعيد بس ماقدر امشي ابي اوصل اسرع اتصلت لها ماترد بعدها زعلانه واااه من زعلها قاااسيه... رسلت لها رساله اني يايكم بعد شوي اماني بنت خالتي الصغيره علشان جي امون عليهم وادخل و اطلع عادي ضربت الباب شوي و دخلت كانت خالتي و ابراهيم ولدها يتقهوون و يسولفون خالتي استقبلتني استقبال حار سلمت عليهم و سئلت عن حالهم وسئلت عن معذبت القلب و سار اخوها يناديها بس تاخر وانا ماقدر انتظر مخلي الضيوف بروحهم فشله واخيراً دخلت اميرة قلبي... محمد: اشحالج اماني اماني منزله راسها وردت بصوت ياالله سمعته الحمدالله و يلست حتى ماسئلت عن حال افا بس يا الغلا... بعد شوي انسحبت خالتي ف بسرعه يلست عدالها قبل لا ترجع اماني: نعمممم بعد شوي لاحد يدخل محمد: ها الي يهمج حد يدخل وانا صارلي اسبوعين حتى ماسئلتي عني ولاتردين علي ما اهمج اماني : خل الي لاصقه فيك تهتم نسيت اخبركم ليش زعلانه الجامعه محطيه صور نشاطاتنا ف النت و خطيبتي العزيزه شايفتني انا و زميله لي ف صوره و هي لاصقه فيني و تضحك .. محمد: زين انا شو ذنبي اذا هي لاصقه و هي اصلاً ماتقصد شي بس هم عادي عندهم بعدين مب انتي الي طلبتي مني اكون طبيب لانه ها حلمج خلاص عيل انا برجع و خل تولي الدراسه.. اماني رفعت راسها سرعه لانها تعرفني اذا صدق حطيت الشي ف راسي خلاصص لازم انفذه : لا مب قصدي جي لازم تكمل دراستك بس بعد راعي مشاعري شوي و ابعد عن البنات محمد : ان شاء الله حبيبتي.. ابتسمت اماني وووه فديت هل ابتسامه احبهااااا مادري كيف صبرت عنها اسبوعين.. و طبعاً بدال النص ساعه تميت عندهم ساعتين ولا شبعت و يوم رجعت كانت هديل تنتظرني فديتها متلوم فيها كانت تشتكي لي من ضيقها ف البيت بعد ماخلصت الثنوييه و انا هل مره مابقدر اطلعها.. هديل: عميييي واخيراً ييت طبعاً سرت عدال حبيبت القلب .. محمد: هههه اي طبعاً. هديل: زين متى بطلعنا انا وياها ملاااانه انا؟ محمد: فديتج انا ماعندي فرصه و مثل ماتشوفين عندي اضيوف بس مابطول وعد برجع سرعه و بوديكم كل مكان هديل برطمت : انزين ودخلت حصلت عيسى يتابع مباراة و صالح نايم محمد: اسمحلي عيسى تاخرت عليكم. عيسى: افا عليك.. هذا مكانك لازم تطلع و ادش ع راحتك لاتحاتينا. عيسى بعد ماطلع محمد ف شوي انضرب الباب ولاني كنت قريب فتحته شفت الزرافه اتحط صينيه ع طاوله تبعد عن الباب متر او اكثر كانت تطالع تحت بس كانت غيررر عيونها كبار و ويها ناااعم فجاه طالعتني ونزلت راسها و التفتت وراحت بس قلبي حسيت في شي حار انصب عليه خلاه يتحرك من مكانه من الحراره شليت الصينيه و دخلتها بس بعدني اشوف عيونها جدامي و بقت عيونها جدامي و ماخلتني انام لين رجع محمد ونام محمد وللحين العيون جدامي مادري شو فيني.. ومانمت عدل و اول ما اذن الفجر طلعت من الغرفه و قصدت اطلع الحوش اتوضا و اشم هوا اشوي لاكن اول مافتحت باب القسم انصدمت....... الكاتبه: اتمنا تعجبكم الرواية واحصل تفاعل علشان اكمل... وشكراً.... |
رد: بنت عرب فارس
هلا وعليكم السلام ورحمة الله وبركاته
حياك الله حبيبتي نورت المنتدى بإنضمامك وبتمنى تلاقي التفاعل اللي تحبيه.. بدايتك رائعة وبصراحة ما كملت الفصل ولكن اسلوبك مميز بتمنالك التوفيق ويا هلا بك مرة تانية أختك: ميمي. °•○اللهم أغفر لي هزلي وجدي، وخطئي وعمدي، وكل ذلك عندي○•° |
رد: بنت عرب فارس
وعليكم السلام و الرحمه
مشكوره الغاليه من ذوقج وانا بعد اتمنا قصتي تعجب الكل ومشكوره اختي ميمي استانست وااايد من تعليقج... |
رد: بنت عرب فارس
مرحبا بك هديل
رواية رائعة استمتعب مع عيسى والزرافه هههه حرام عليهم يا خوفي تسمعهم موفقه هديل استمري |
رد: بنت عرب فارس
مشكوره حبيبتي بردالمشاعر
فديتج ان شاء الله بستمر دامكم تدعموني |
رد: بنت عرب فارس
السلام عليكم
هلا هدوووله حياج ربي ببيتج الثاني ومبروك علينا وعليج روايتج الاولى وان شاءالله نستمتع معاج وتوصلين فيها لبر الامان واحنا وياج ياااارب وهه بس فديت اللهجه ياناس كم لي وانا اتمنى ان كاتبه اماراتيه تيي وتتحفنا بقصتها والحمدلله ربي حقق امنيتي يارب لك الحمد نجي لقصتنا مع ان القصه بعدها بالبارت الاول بس فيني فضووول اشوف حض هالزرافه بتكون لمين وهل عيسى بيكون من نصيبها متحمسه وااايد ههههه بس ماراح نستعجل بننطر هدووله وماتحمله في جعبتها هدوووله ...طلبتج لاتقطعين فينا واستمري وراح تلاقين اللي يسرج تكفييين هدوله احنا راح ننتظرج كل يوم هههه الفيس الطمااع هههه وللمره الالف ربي يحييك .. جدتكم /النوري |
رد: بنت عرب فارس
وعليكم السلام والرحمه حبيبتي
وااااايد استانست من تعليقج فديتج ان شاء الله اكون عند حسن ضنج بس فديتج انا من ايران مب الامارات بس اللهجه اشوي تشبه اهل الامارات... وتسلمين ع التشجيع يدتي النوري |
رد: بنت عرب فارس
بسم الله الرحمن الرحيم
شكر خاصص ل كل الي علقوا و الي دخلوا و قروا روياتي استانست وايد بتعليقاتكم فديتكم ربي مايخليني منكم وشكراً ليلاس... وبسم الله الهديل الثاني... انصدمت كان ف الصاله الي تفصل بينا و بين هل البيت نايم ولد يمكن عمره سبع سنين ع الكرسي الخشب وشكله يكسر الخاطر ف حاولت اشله و ادخله يرقد ع فراشي بس شكلي قومته من نومته و فتح عيونه... عيسى: ها حبيبي شتسوي هني... الولد : انت شتسوي داش بيتنا يمكن حرامي و قام يصرخ و يناي امه ابي اسكته ماقدرت فجاه يت الحرمه الكبيره ام علي و يوم شافها سكت عن الصراخ... ام علي: صباح الخير ولدي اسمح لنا ولدي امس ماشافكم و نسيت اخبره عيسى: لا عادي خالوه بس استغربت نايم هني ف قلت بدخله ينام ع الفراش ام علي: علي انا قومتك من النوم علشان تدرس ولا اتيي تنخش هني اتنام؟ علي: امي شسوي هديلوه مارضت اتقوم من النوم ادرسني و انا ماعرف ادري بروحي ام علي : تعال داخل انا بقعدها و اسمح لي ولدي ازعجك الولد عيسى: لا عادي افا عليج خالوه بس اذا يبي انا بساعده ام علي : لا مشكور مابنزعجك اكثر ما محتاج شي ماناقصكم شي ف القسم عيسى: لا والله ماعليكم قصور بس قلت بتمشا اشوي ف الحوش ام علي: خذ راحتك وليدي البيت بيتك.. وطلعت للحوش كان الجو حلو وصوت العصافير كل مكان تميت اتحوط ف الحوش لين اذن توضيت و دخلت قومت الشباب للصلاه و صليت انا و بعد اشوي يابو الريوق و دخل علي و بو علي يتريقون عندنا ف الصاله... محمد: ها علي جهزت للمتحان؟ علي:هيه عمي خلصت محمد: امس ماشفتك وين ساير علي : ادرس عند ولد خالي محمد : يلا يوم اتخلص انا بوصلك ابو علي:خله بيسر بروحه قريبه المدرسه محمد: ماعليه انا والشباب بنطلع شوي بنوصله ويانا ابو علي: خير ان شاء الله هديل: علي قعدني من قبل الصبح علشان اراجع معاه المتحان وبرحي امس لين نص الليل اكرف ف المطبخ و اغسل ملابس الضيوف وامي فديتها خليتها اتنام امس وايد تعبت و الحين اتجهز سير المدرسه من ثلاث ايام سجلت ف المدرسه الدينيه احسن عن البيت و بعد علم ينفعني ف الدنيا و الاخره بس قلبي مايطاوعني اخلي امي بروحها اليوم وايد شغل ف البيت و تبا تطبخ بس مجبوره اسير توي باديه ماقدر اغيب.. وانا طالعه شفت عمي ماسك ايد علي و سايرين للسياره ناديت عمي ... محمد: هلا هدوله وين سايره اول الصبح هديل : صباح الخير عمي بسير المدرسه الدينيه وصلني ويا علاوي محمد: وياي الشباب ولا كان بوصلج هديل : اوك محمد : خلاص بخبرهم ينتظروني لين اوصلكم تعالو... وسار عني عمي و رجع بعد شوي و ركبنا السياره و وصلني للمدرسه.. محمد: امس من رجعت نمت نومه حلوه لانه قلبي مرتاح اميرتي رضت عني واليوم قررت اطلع الشباب وانسير كشته و نطبخ برع محمد: يلا شباب مستعدين عيسى: مادري والله محمد يعني انت و ربعك بتطلعون احس وجودنا غلط محمد: افا عليك الطلعه كلها علشانكم صلوح : انا جاهز ماعندي هل سوالف بس عيسى وايد يكبر السوالف محمد: ههههه يلا مشينا قبل نتاخر قررت اوديهم الراس هي منقه كلها عراقيب رمل و خبرت الشباب ايبون المواتر (الدراجات نسميها مواتر) وان شاء الله يستانسون ضيوفنا. عيسى: محمد قرر يطلعنا وانا راسي يعورني لاني مانمت و ظهري رجع يعورني اشوي بس استحيت ارده لانه مخطط ويا مجموعه كبيره ف توكلنا ع الله و رحنا يوم وصلنا شفنا اكثر من عشر سياير و خيمه و دراجات نزلنا والكل رحب فينا و دخلنا الخيمه و بعد السوالف العاديه الشباب انتشرو و الي يلعب ورقه و الي يسولف و الي يجهز الغدا انا و صلوح و محمد وواحد يصير ولد عم محمد واسمه سالم تمينا انسولف... الساعه وحده رجعنا البيت انا بعد ماتعودت ع الشباب نمت نومه مب طبيعيه يعني ماشفت شي من الطلعه ابد بس صلوح مستانس من الطلعه شكله اتعود عليهم... اول مادخلنا الغرفه شفت كندورتي و كندورت صلوح معلقه ف شماعت الصاله و المكان مرتب ويفوح بخور.. استانست ع الهدوء والريح ف رحت للسرير بنام. صلوح: بل عيسى بعد بتنام ولا مستانس ع الشبريه و احنا المساكين ننام ع الارض.. محمد: ههه خله يا ريال مسكين بروحه تعبان عيسى: اي والله هل ايام ظهري رجع يعورني محمد: اذا حسيت العوار زاد خبرني بنتصل ع الدكتور عيسى: ان شاء الله صلوح : محمد اسمحلي ياخوي بس انا يوعان محمد: افا عليك ليش اسمحلي بعد حتى انا يوعان و طلع محمد.. عيسى: صلوح شو ها مب توك متعشي هناك فشلتنا صلووح : شو توك من الساعه تسع تعشينا وانا مب شراتك يالس مكاني عيسى: هيه انت اعرفك مابتغمض لك عين و كرشك فاضي صلووح: الحمدالله ها روحك تعرف هل شي لاتلومني عيل وبعد اشوي دخل محمد ف ايده صينيه محمد: اسمحولي شباب اهل البيت نايمين انا سويت لكم خفايف صلوح: لا عادي واسمح لي تعبتك محمد: تعال ذوق طباخي عيسى: ههه جان قومت الخدامه ليش مكلف ع نفسك و طابخ محمد : ماشي خدامات هني عيل من غسل كندورتي و من رتب الغرفه؟؟ هديل: انا رتبت الغرفه و بخرتها بسسس سويت شي غلط والحين متندمه ماكان لازم امد ايدي ع اغراضهم اخاف يلاحظون اوووف بس شسوي كنت ابا اعرف من هل اضيوف ف شفت الاوراق ع المكتبه و شليتهم كان ملف طبي ل عيسى السعدي الحين ضميري يئانبني يارب سامحني عيسى: وخلص الاسبوع كان اسبوع حلو طلعنا وايد و زرنا و تعرفنا ع وايد ناس لاكن للاسف ماصادفت الزرافه و لا سمعت صوتها و لازم بعد الغدا نطلع لانه المشوار طويل نبي نوصل قبل الظلام.. محمد بعد الغدا طلع مثل مافهمت منه عنده خطيبه و راح يودعها كان كل ليله يسير عليها وانا وصلوح و ابو علي و سالم ولد عمهم ف الميلس.. ابوعلي: اسمحوا لنا ع القصور و اتمنا اتزورونا مره ثانيه صالح: لا والله مامنكم قصور احنا الي تعبناكم ابو علي : تعبكم راحه وان ماشالكم البيت نشلكم ع راسنا عيسى و صالح: تسلم والله و رجع محمد و طلعنا اغراضنا نرتبها ف السياره شفت سالم من بعيد واقف عند وحده و يضحك معاها ويوم ركضت شفت الزرافه و بعد اشوي اخذ من ايدها شي و ييه صوبنا و الزرافه راحت.. كان ف ايده صحن في فطاير يقول للطريق نتسلا في.. وهل مره سالم كان بيي ويانا شيراز... وطلعنا من عرب فارس متجهين ل شيراز محمد: ودعت حبيبتي اماني وقلبي يحترق ماشبعت منها هل مره بس الي مهون عليي الفراق انه حددنا موعد عرسنا بعد اسبوعين بتبداء عطلتي و قررت ما ارجع ل الدراسه الا هي ويايي ونستقر ف شيرا. و تترتب حياتي شوي والحمدالله اخوي وافق و اهلها وافقو بس هي اعترضت انها مابتجهز بس الحمدالله قدرت اقتعها ف السياره سالم من قدك حمود خلاص بتستوي معرس صالح: افا بتعرس ماخبرتنا محمد: ههه ليش اخبركم انتو بتحضرون ان شاء الله عيسى: الف مبروك محمد بس مب جنك صغير ع العرس محمد: لا وين صغير عمري27 ابي اشوف عيالي قبل اشيب صلوح: يعني عيسى شيب و ماشاف عياله ويبي الكل نفسه محمد : ههه وليش انت صغير صلوح صالح: انا الحمدالله مالج و عرسي قريب بس عيسى دخل 30 وبعده عزابي عيسى: وانت ساالم متزوج ولا نفسي سالم: لا الحمدالله انا معرس والحين مخلي زوجتي وياي لعيون اخوها علشان اجهزه محمد: حشى عروس انا و وصوا شيراز و بدا عيسى العلاج و لها محمد بتجهيز نفسه للعرس و رجع بعدها ب اسبوع سالم للبلاد و مرت عشر ايام و خلص عيسى فترت علاجه ف ايران و كان لازم يرجعون الامارات محمد: لا شباب مابقا عن عرسي شي و مابسمح لكم تسافرون عيسى: والله ودوا نحضر عرسك بس لازم نرجع انا صار لي فتره من ايام الحادث وانا ماداومت و ماقدر محمد يثنيهم عن الرجعه للامارات و حجز لهم ب يومين قبل عرسه عيسى: قررت ارجع صلوح خاطره ايتم و يشوف عرس محمد لانه صدق محمد صار نفس الاخو لنه لاكن انا مشتاق ل امي و خواتي و ابوي و كل الامارات و ماقدر استحمل يوم زياده ف الليل طلعنا وتشرا هدايا للاهل لانه بكرا الليل سفرتنا هديل : من زمان ماسمعتو اخباري صح انا مسسسستانسه عرس عمي بعد ثلاث ايام و كل هل فتره اجهز للعرس و من وناستي نسيت الملل الحين سايرين شيراز اشتري لي فستان ويا عمتي و زوجها و مسستانسه اني بسير شيراز و اتحوط شوي.. وصلنا بعد اربع ساعات طريق و مارضيت انروح الفندق لانه ماشي وقت لازم باجر الفجر نرجع البلاد ف سيده رحنا ل اكبر مجمع ف شيراز و نزلنا انا و عمتى ندور لنا فساتين... عيسى:انا وصلوح شرينا اشوي هدايا و خلصنا بس محمد الي للحين يتحوط ماخلا شي ماشرا جنه هو العروس يقول يبي كل شي يديد ف حياتي اليديده حتى ملابسه وانا و صلوح كنا نساعده ف الختيار.. كنا واقفين عند محل شفت من بعيد سالم و معاه حرمتين و احزرو منو زرافتي معاه هل مره شفتها من قريب سلمنا ع سالم و شاركنا ف التسوق ل محمد و الزرافه والي معاها راحو بعيد يمكن يتسوقن وبعدها رجعنا انا و صالح و محمد و بقا سالم ف المجمع... و رجعنا الفندق و رتبنا اغراضنا و تجهزنا للرجعه لاوطن و انا شوقي ماخلاني انام .... محمد: راح اشتاق لهم وايد ان شاء الله يزوروني ودعتهم ف المطار و بعد ماطارت الطياره رتبت اغراضي لاني برجع تاخرت وايد بعد باجر عرسي وباجر حفلة حنة اميرتي و انا قررت اشوفها عيسى : بعد ساعه ف الطياره و حنته صالح خلت الساعه كانهم عشر ساعات يلومني ليش ماوافقت اتم ل عرس محمد.. نزلنا من الطياره و انا كلي شوق... |
رد: بنت عرب فارس
السلام عليكم
هلااا هدووله حيااك ربي زين بسألك الحين انتي كيف عايشه بإيران ؟؟ يعني عادي مافيه مضايقات تصير لكم وياليت توصفين لنا حال اهل السنه هناك وبعدين كيف عايشه بايران وتتكلمين اماراتي ؟؟ واشيا واجد تدور براسي بس مو األحين >>فيس كونان خلينا بزرافتنا وسي عيسى اللي قهرني وش مطسسه للبلاد قبل يحضر زواج محمد اللي كنت متعشمه انه يشوف الزرافه فيه وهي متكشخه ويحلف مايرجع لاهله الا بها .. بس خسااره هالعويس الخايس خرب خططي .. فيس مقهوررر بس ماعلينا مرده بيرجع ويحقق خططي والا بزعل عليه ههههه عاد زعل الجدة كااايد ههههه هدوووله ياقلبي ياليت تتحفينا بجزء كل ليله تخبرين الجدة لازم تقرأ لها شي يوسع صدرها قبل تنام هههه بانتظاارك ياعسوووله ... |
رد: بنت عرب فارس
عدناااا
السلام عليكم رائعة هدولة كتير عجبتني الرواية ... تتسم بالبساطة والعفوية ... اندمجت مع ابطالها وحبيت طبيعة الحياة البسيطة عندهم... بس الله يسامحه هادا إسم هاد >> الزرافة .. هههههههه واصلي حبيبتي متشوقة للجاي .. لك ودي °•○اللهم أغفر لي هزلي وجدي، وخطئي وعمدي، وكل ذلك عندي○•° |
رد: بنت عرب فارس
السلام عليكم روايتك حلوة وغريبة
يا ننتظرك كمليها بليز |
رد: بنت عرب فارس
السلام عليكم ورحمة الله
اسسسسسفه ع تاخيري بس ضررفي شوي صعبه شبية القمر مشكوره ع دعمج حبيبتي استانس يوم تسئليني عن عرب فارس لانه ف وايد ناس مايعرفون من انكون..، فديتج اكيد ف مضايقات بس تعودنا عليها يمكن تشوفين ف النت محطة النووي ف منطقة بوشهر يعني منطقتنا واكثر بلاويهم قريبنا و يتحكمون ب اسامينا يعني ممنوع نسمي عائشه و عمر وابوبكر و ف الجامعات ممنوع ندخل تخصص سياسي بس الحمدالله ع كل الحال حالنا احسن من السنه الي يعيشون ف مناطق الشيعه... وفديتج كله ولا زعلج. Bluemay فديتج اسسستانست وايد ان الروايه عيبتج ان شاء الله تكونيين من متابعاتي حبيبتي واتشرف فيج ... شرقاويه عسل تسلمين حياتي ان شاء الله بكمل و بكون عند حسن ظنج . بسم الله عيسى يمكن تستغربون ليش هلشوق و اللهفه للرجعه بس انا غير حب الرجعه للوطن و شوقي ل اهلي ف قلبي شوق ماينوصف ل حلم سنين و حبيبة قلبي العنود... تعرفت عليها ايام الدراسه و كانت هي حلاوة غربتي والي صبرتني ع بعدي عن اهلي بس للاسف اهلي وقفو جدام سعادتي لانهم محافظين و مايتقبلون البنت الي تدرس بعيد عن عين اهلها صار لي سنتين احاول معاهم و مافقدت الامل و الحين املي اكبر بعد الحادث لانه اكيد مابيرضون يزعلوني وانا ب هل حاله... وصلت البيت ع اذان العصر وماخبرت حد رجعنا ف تكسي انا و صلووح. ف بيت عيسى: عيسى دخل و هو ينادي ع اهل البيت. عيسى : هلا هلا والله بريحت الجنه بتاج راسي بماي عيوني ام محمد و هي تصيح:اشحالك وليدي فديتك اشحال عوقك ان شاء الله مايعورك شي ماصدق انك تمشي ع ريولك من دون مساعده الحمدالله يارب الحمدالله عيسى : الحمدالله اماييه لاتخافين انا بخير وبعدها سلم ع اخوه الي اصغر منه و اخر العنقود اخته وسئل عن ابوه كان ساير المسيد. ميره: ان شاء الله ماتعبت ف السفره؟ عيسى: لا الحمدالله سهالات. ام محمد: الحمدالله ياوليدي . موسى: ياريال زين رجعت امك ذبحتنا من البجي كل ليله عيسى و هو يلوي ع امه: فديتها ربي يخليها لي ام محمد : فديتك ولا يخليني منك يا نظر عيوني ميره قومي جهزي ل اخوج شي ياكله و يرتاح . بعد سبوع... عيسى: قررت ارجع افاتح اهلي ب موضوع خطبتي للعنود قلبي يحاتيها صار لي اسبوع اتصل لها و دوم فونها مغلق بس للاسف انصدمت صدمت حياتي و انا اخبر اختي عن قراري العنود الي وعدتني تنتظرني ل اخر العمر ملجة استغلت فترت علاجي و ملجة اااه قلبي احسه بيوقف وانا الي كنت متامل اهلي يوافقون بس كله منهم سنتين انا وياها ننتظر و علشان عادات و تقاليد خذو مني احلا شي ف حياتي طلعت من البيت ومب ناوي ارجع له بعد الصدمه وخل يتهنون ب تقاليدهم و عاداتهم بدوني . بيت عيسى كانو معفوسين بعد ماعرفو انه عيسى عرف بسالفة ملجة حبيبته و بعد ماشل اغراضه و طلع من البيت و امه مسكينه تبجي ع حال ولدها بس محد ف ايده يوقفه او يمنعه . ف ايران محمد كان مستانس و طاير من الفرحه بعد زواجه واخيراً حبيبته بتكون معاه دوم. هديل: كانت مستانسه بزواج عمها و زوجته بتكون معاها ف البيت و بتتسلا وياها. والباقين عايشين حياتهم مثل اول. نرجع الامارات عيسى صار لي اسبوع طالع من البيت اتصالات اهلي ماوقفت و انا اتصالاتي ل عنود ماوقفت بس للاسف دوم مغلق لاكني قدرت اوصل ل ربيعتها الي كانت معاها ايام الدراسه و فهمت منها السالفه اماييه الله يهديها بعد الحادث تتصل ل ام العنود و تواقعها ع حبي ل بنتها وانها هي سبب الحادث واهل العنود يغصبونها ع ولد عمها والي حارق فوادي عرسها بعد كم يوم يعني خلاص بطير مني و انا ماف ايدي شي لو ترضا تكلمني يمكن احصل حل بس للاسف ماترد.... اذا عرست العنود حياتي بتنتهي لازم اوقف هل زواج قررت اكلم ولد عمها وخبرت الشباب يدورون لي رقمه... قبل عرسهم ب يومين حصلت رقمه واتصلت عيسى : الو السلام عليكم خليفه: وعليكم السلام امرني اخوي عيسى: مايامر عليك عدو اذا ماعندك مانع ودي نلتقي ف مكان عام خليفه: اسمح لي اخوي ماعرفتك عيسى: انا عندي امانه ولازم اوصله اذا تبغيها الليله تعال كوفي... خليفه مستغرب: اوك يصير خير تم❤️ توقعاتكم... |
رد: بنت عرب فارس
وعليكم السلام ورحمة الله وبركاته
هلا وغلاا الحمدلله على رجوعك بالسلامة يا قمر ... وأنا أسعد بمتابعتك وبتمنى لك كل التوفيق والنجاح ... الله يفرجها عليكم وكتير احزتني أوضاعكم هناك . لي عودة بعد القراءة بتعليق . لك ودي أختك ميمي °•○اللهم أغفر لي هزلي وجدي، وخطئي وعمدي، وكل ذلك عندي○•° |
رد: بنت عرب فارس
السلام عليكم
هلا والله هدووله الحمدلله على سلامتك حبيبتي واخر الغيبات ان شاءالله اي والله اول مره اسمع عنها بس راح اقرأ عنها وياارب يحفظ كل السنه بكل مكان نجي لحبايبنا مع ان البارت صغنووون بس ماعليه سماح هالمره ..بس المره الجايه نبي جزء طول الفرات ههههههه عيسى هالمتهور ياخوفي يقول شي لخليفه ويخرب على البنت حياتها لانه مهما كان ماراح يرضى ولد العم ان بنت عمه تكون مع علاقه مع احد فكيف اذا كانت الان زوجته .. الله يصلحك ياعويس تدري اني فرحت ان هالعنود راحت عن طريقنا لاني بزوجك وحده تسواها وانا قايله من الاول عويس لهدووله وهدوله لعويس ههههه عاد لاتخرب خططي اتوقع ان عيسى من يشوف خليفه راح يتعوذ من الشيطان ويتراجع عن اللي كان بيسويه هدووووله للمره الالف طلبتك لاتقطعين فينا حبيناك وحبينا قصتك وان شاء الله نكملها سوى بانتظاارك .. |
رد: بنت عرب فارس
عدناااا
عيسى وطلع متعلق ببنت ... طيب يا ابو عين زايغة مالك ومال الغزالة مدري وش سميتها . هههههه العنود هي الخسرانة أكيد .. حبت واحد وانغصبت على غيره . شو أستفادت أمه يوم إنها تدمر حياة البنت ؟! عيسى طفش ولكن ما يأس منها . بتوقع رح يلتقي بخليفة ويخبره السالفة . ولكن برأيي تصرفة غلط مليون بالمية ﻷنه رح يخرب بيت العنود ... يعني ولد عمها ما راح يتركها لسواد عيون عيسى . بالعكس رح يتمسك فيها اكثر ولكن ممكن يهينها ويذلها ويعذبها . هديل مبسوطة بزواج عمها ورح تتونس معها لما تجي عندها. يسلمو إيديك هدولة .. وبإنتظارك بشووق كبير . °•○اللهم أغفر لي هزلي وجدي، وخطئي وعمدي، وكل ذلك عندي○•° |
رد: بنت عرب فارس
أهلا بيكى ياقلبى
الرواية بدايتها جميلة وأتمنى تخلصيها ان شاء الله والله ينصر أهل السنة فى اى مكان يارب لى باك بعد القراءة ان شاء الله |
رد: بنت عرب فارس
السلام عليكم
هلا هدووله وينك عسى المانع خير اشتقنا لابطالنا الزرافه وعيسى الله يطمنا عليك |
رد: بنت عرب فارس
رواااايه رهييبه
بانتظاااارك بكل شووووق |
رد: بنت عرب فارس
تغلق إلى حين عودة الكاتبة
|
| الساعة الآن 08:35 PM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية