|
ارجو المساعدة
السلام عليكم ورحمة الله وبركاته
انا اسمى سمر و اكيد بعض الاعضاء عارفين انا محامية وكنت بمر بظروف صعبة جدا كانت امى مريضة جدا وكان عندها سرطان بس الحمد لله عملنا العملية والى حد ما الحالة مستقرة عندها مش هى دى مشكلتى انا الدكتور اللى بيعالج امى جه واتقدم ليا وبصراحة بابا وافق عليه وهو تعب معانا جدا وانا كمان كنت معجبة بيه ودلوقتى احنا مخطوبين بس مشكلتى انى لما ببقى معاه واو نيجى نتكلم مبعرفش اتكلم اوى معاه واوقات بحس انى مملة مبلاقيش مواضيع اتكلم فيها معاه وببقى لبخة كدة مع انى اصلا محامية وبعرف اتعامل مع الناس وبقف امام القاضى وبتكلم بدون خوف لكن مع خطيبى ببقى ساكتة وخايفة اتكلم ياخد عنى فكرة انى جريئة او اى حاجة مش عارفة اعمل ايه فى الموضوع ده وبعدين هو هادىء جدا وبيتعامل بهدوء وانا عصبية جدا من كثر اللى بشوفه فى شغلى فانا مش عارفة اتكلم معاه ازاى او اقول ايه وازاى احاول اقلل العصبية لان العصبية بصراحة كانت سبب مشكلة كبيرة بينى وبينه وانا آسفة على الاطالة دمتم فى رعاية الرحمن |
ارجو المساعدة
اهدي حبيبتي وحاولي قبل ما تسيطر عليك العصبيه انك تقري قران او تستغفري ولا تضيعي فترة ما قبل الزواج في عصبية تافهة وطبعا انااعتقد انه زوجك الان ويستحق ان تحترميه اما عن الكلام فخليك عاديةً دون تكلف او قلق واكيد في البداية الامور تكون صعبة فانت بس اهدي وحاولي تثقي بنفسك
الله يكملك على خير تم الإرسال بواسطة iPhone بإستخدام Tapatalk استغفر الله واتوب اليه |
رد: ارجو المساعدة
انا بشكرك جدا لاهتمامك وفعلا معاكى حق جزاك الله خيرا
|
رد: ارجو المساعدة
السلام عليكم ورحمة الله وبركاته
أولا مبرووووووك ياقمر الخطوبة فرحت لك كتير وعن المشكلة كونى على طبيعتك سمر كونى أنتى والبداية دايماااا هى الأصعب ومع الوقت هيكون الحديث أكثر سلاسة وستجدى أن هناك موضوعات مشتركة بينكم وحاولى تخففى من العصبية شوية وتتحكمى فى أعصابك أكتر وربنااا يوفقك ويسعدك حبيبتى فى حفظ الله غاليتى |
رد: ارجو المساعدة
وعليكم السلام ورحمة الله وبركاته
مبارك يا قمر وربنا يتمملك على خير ويوفق بينكم . أسألي الله في سجودك أنه يوفق بينكم ويشرح صدرك وييسر أمرك. علاج العصبية مو بالسهوله هاي بقصد بدو تدريب ووقت على ما تتعودي . الدعاء بعمل المعجزات . أسأل الله أن يقذف في قلبيكما المودة ويديمها ويتمم زواجكم على خير وتجدا السعادة في حياتكما. «اللهم أغفر لي هزلي وجدي، وخطئي وعمدي، وكل ذلك عندي» |
| الساعة الآن 10:34 AM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية