منتديات ليلاس - (موضوع حصري) بات من يهواه من فرط الجوى، خفق الاحشاء موهون القوى

اقتباس:

المشاركة الأصلية كتبت بواسطة ترانيم الصبا (المشاركة 3512227)

مرحبابك ملايين ولا يسدن بذمتيه
لولوه وينك يابنت عبدالله من زمان واحنا تايهين عن الزين
غاويه يابنت الامارات ماحيد كاتبه امارتيه ماهي غاويه فدتكم توسعون الخاطر
لولوه شو كنت تترين ماتتحفينا بروايتك الجميلة
>> تعب من اللهجه مادري خربطت فيها وخليها لأهلها
انت مبدعه من طراز نادر ذكرتينا بالذي مضى
كنت مترده اقرأها بس في ليلة كان طاقني طفش قلت خلينا نشوف وش عندها بنت عبدالله الي واثقه من روايتها وخلتها حصريه بليلاس
ومن قريتها وقعت في غرامها بس خفت توقفين وتهجرينا قلت اهجريها يا رنومه قبل تهجرك بس قلبي حن وخانيني ولا طاوعني لكن برافو عليك مشت الاحداث واثبتي لي العكس
فديت منطوقك وحرفك ولو اسوق لك المدايح ماتكفيك

ماضي مؤلم ومخزي لحارب وموزه ما الومها موزاني تنبكم وهي تشوف ابوها فاقد وعيه وقتل امها بس حرام عليك ياشريره وش ذا الحبكه االاجراميه موت ابو حارب وعبيد
قلبي وجعني على حارب وعيني دمعت >> من اوله يارنومه وانت هاله الدمع الله يستر من تاليها

نعوذ بالله من قهر الرجال ذلتي الرجال اول وتالي ارحميه امبيه يوزي عن الريال>> ماروم انا على اللهجه هعهعهع

وماضي نحر الحب في بدايته بوشايات حاسده مريضه حقوده
ادري بتقولون ماتت بس فيني حره عليها لو مادعيت مابرتاح ادري بتقولون تحمست واسمنها روايه بس بدعي علهيا جعلك ياعواشه ..... خلاص خذت نصيبها ماتت بحادث هخهخهخ

سلطان وشما دخلت بنهم عقرب وخربت ونجحت وماتت وهي مخربه اكثر ودخلت الشرف في الموضوع
اهو راح يتأكد شكه بتمنع شماورفضها له وهي على نظرتها لسلطان

اول مواجه بتكون قويه رغم شوق قلوبهم لبعض سلطان بنظره انها تعمدت تظهر قدام الباب وتثبت شكوكه
وممكن يقلب فلم هندي ويطيح الولد من يده وهو مسبل عيونه في الغاويه الي قدامه هعهعهع
والله بعيده عن سلطان الرومانسيه بسكه وهو بسكه
انا ماسطرها طراق ههههههه
خلاص ما فيني صبر الي اعرف إلقاء المنتظر

بطي وامنه ناس تدور شقى اهو وش حاذفنه هناك في ابو ظبي ومودر عياله بالعين ليش الست امنه ما تتنازل وتسير ويا ريلها
تستاهلين وخلك على ضنك السيء لين تاخذه منك
لو فرضنا انه تزوج عليك اسمك تستاهلين ناقعه بالعين وترينه اخر الاسبوع
والمخبل الثاني سامح لليازي تتماد افصلها اهي جنت على نفسها ومره مقطعك الخير عطها فلوس وبتسكت
والمشكله كل واحد راكب راسه العناد وماهو فاهم وش سبب الاتهام وهي ما واجهته بالمكالمه خلي بيت ابوك ينفعك لتزوجها بطي
احسه ممكن يتهور بطي وياخذ اليازي الرجال مالهم امان

احمد متحسف ومصدوم في عواشه الله يعينه والله شي يشيب الراس

لولوه ابدعتي والله يسعدك مثل ما اسعدتينا بس ارجوك ا رجوك ارجوك لا توقفين ملينا سحبات

لك كل الود والاحترام

يا مسا الاطلالات الحلوة على القلب والروح ..

هلا هلا بـ ربيعتنا الايديده ... اسفرت وانورت :)

مرحب بااااجي علني افدااااج .... وه وه ما شاء الله ترمسين احسن عنااا عيني عليج باردة هههه .. الغوى الا من عقبج يا بعد قلبي انتي ...

رنومة يا رنووووومة .... اسعدتيني فوق ما تتصورين بحضوورج ... في ذمتي ذمه شرفتيني يالغلاااا ..

عيل اهجريها قبل تهجرك هاااااه ...!!!! هههههههه يعلج العاااافيه ضحكت على كلامج ...

لا تخافين بإذن الواحد احد ما ابتعد عنكم ولا اقطع الا يوم نختم هالرواية مع بعض على خير وسهالة ... بحول الله حبيبتي :)

ماضي حارب وموزة ..... ههههه ترومين على الاجرام ...!! انا طيوبة يا بنت بس يوم اتحمس تطلع افكار جهنمية ما عرف من وين .....

عوشة ...... لين الحين الكل يدعي عليها ههههه .. راحت عند ربها يا جماعة ادعولها بالرحمة والمغفرة .. بس عوشة الله يرحمها حتى في الدقيقة الاخيرة كانت تهوجس بـ سلطان وخلت مصايب وراها .... يا ترى رسالتها بتسبب بأضرار فادحة في حياة سلطان وشما ولا سلطان بيتعوذ من بليس وينساها .....!!!!

هههههههه اما وصفففج ..... يقتل يقتل هههه ربي يسعدج .... ترقبي لو اللقاء بين سلطان وشما بيكون مثل وصفج ولا لا :)

بطي وآمنة ..... كلن يدور رزقه ومصدر عيشه يختي :( ... نصيييب ..... بس تتوقعين صدق أليازية بتييب راس بطي ...!!!!! لو يابت راسه بعتزل الكتابة خلاص >>>> ولا جني انا الكاااتبة ههه ..

لا لا خل نتأمل خير ... وان شاء الله هالاثنينه يعقلون ويعرفون غلطتهم بسرعة ويعدلون حالهم المايل :)

احمد ..... صحيح :(

رنومة ... انتي الابداع والرقي كله يا قلبي ... اخجلني كلامج ما عليج زود .... ربي يسعدج ويسعد كل اعضاء هالمنتدى الجميل ... وبإذن الله ما بيقطعني عنكم الا الشديد القوي ربي يبعد عنا وعنكم كل شر ... اصلاً لابي شالتنه وياي كل مكان حتى في السفر هههه ..

لج صافي محبتي/ودي ..