رد: بات من يهواه من فرط الجوى، خفق الاحشاء موهون القوى
 

رصت على جسد فطيم بـ وجه غدا شاحباً/ميتاً/جامداً .... وكأنها تقول لها

ابكِ .... ابكِ فراق الحي ولا تبكِ فراق الميت .... فلنزف الدموع على الأموات .... لوعة لا تفارق الوجدان الى ان يوارى الجسد الثرى ....



يعني خليتينا نمسك الابطال كلهم و نحاول نلبسهم ذي الفقرة ...
اقرب شي لما قلنا ان ذي موزة منهارة عقب الملكوة و ام العنود تهديها ...
اثر الموز اهي اللي تهدي فطيم..
عندي توقع صغنون .. اتوقع الذيب يشوف الموز ...

رد: بات من يهواه من فرط الجوى، خفق الاحشاء موهون القوى
 

ابداااااااااااااااااااااااااااااااااااااااااااااااع
ما شاء الله لولى
بارت رهييييييييب مليان احاسيس رهيبة
تفجرت فيه مكنونات الكثير من الابطال
حبكتك للاحداث رهييييييييييبة تدل على الاحتراف والموهبة -ماشاءالله- انا اكاد اجزم ان البارت النهاردة اتعبك جدا فى كتابته
لانك عايشتى تقلبات كتيرة من المشاعر والاحاسيس مابين احمد وتخبطاته بين الماضى والحاضر
وفطيم وموزة
وحنان ومواجهه احمد بكل ماضيه

من جمال حروفك تاهت منى الكلمات
سلمت اناملك لا حرمنا الله منكولا من ابداعك

رد: بات من يهواه من فرط الجوى، خفق الاحشاء موهون القوى
 

اذا البارت ذا دسم و مشبع بشكل عادي .. بارت السبت الدسسسسسسسسسسسسسسسسم و 10 تنكات سمن بلدي وش بيكون فيه؟؟
علي كل الهذرة اللي هذرتها احس ان البارت يستحق اكثر .....
ابدااااااااااااااع يا اللولو

رد: بات من يهواه من فرط الجوى، خفق الاحشاء موهون القوى
 

لي لي لي لوش مبروك ملكه نعوم حلال عليها حارب فطيم حلو شعور الاخت وحبها لاختها ياريت كل الفراق هكي حلو لبيت الزوج موزه ياطيبها هي وحدها تبي من يواسيها حنون وجعت قلبي بس اكيد الجاي احلى لان بياض وطهر قلبها حيطغي على حقد احمد بطي الله يلوم يلي ايلومه نار الاخ تكويه من صوبين اخ فقده غدر واخ فقد ثقته فيه مانع انتوقع مضايقاته لميره حتكون سبب وقعته في يد حارب وجماعتهم روضه ياحلو عاطفتها ورقه قلبها والله يعينها على نار الغيره لو شبت واخيرا حصوص هالبنت يعجبني تمردها بس مافي منفد مت فلاح لان خلاص ولعت الشراره بينهم واخيرا تحياتي لولوتنا

رد: بات من يهواه من فرط الجوى، خفق الاحشاء موهون القوى
 

مساء مختلف باختلاف حضورج الجميل

مب لاقيه كلام يوصف هالبارت بصراحة دماااااار . . فيه من الأحاسيس القوية واللي تجتاح قلوبنا من دون أي استأذان وتخلي دواخلنا مضروبة بحالة استنفار ماتهدا أبد إلا بعد البارت بساعات !!
يعني هالمرة حابة شوي أني ارمس عن هالاشياء أكثر من الشخصيات نفسها . . روايتج هاي قوية بسدح المشاعر والأحاسيس . . السرد فيها والوصف مالكين الساحة كلها . . صار يجذبني يوم بختار أي رواية أقراها أني أختار اللي فيها الوصف والسرد أكثر من كثر ماحبيت أسلوبج في الكتابة وفي دقة الوصف وذكرج للتفاصيل الجميلة والبسيطة اللي تضفي جمال للموقف أكثر وأكثر . .
أسلوبج ووصفج يخليني اكتشف ف كل كلمة معنى كبير وفي كل جملة شعور كبير وكل موقف رواية كاملة بحد ذاتها . . ماشاء الله عليج لولوة
هالكلام يمكن قلته كذا مرة بالقطارة بس هالمرة بس هالبارت خلاني جي أوقف في كل موقف لان صدق كل موقف في هالبارت تصلح أنها تكون رواية كاملة !!

أحمد كان مراده بـ هالزواج شي لكن طيبة قلب حنان وصفاء نيتها خلته ينجذب لها لا إرادي يعني عنصر الخير اللي في قلبه هو اللي طغى على مراده الشري . . أقصد ان حنان فيها من الحسن الروحي اللي يطغى على كل شي شر في المكان سواء في قلب أحمد او حتى هي مع نفسها إذا فكرت بهمجيته معاها . .
أصل أحمد خير والأصل هو اللي يغلب في المواقف لان مهما كان ف شعور الانسان قهر من مواقف ثانية ويقرر أنه مثلا يرد كرامته أو يفج حرته إلا أن إذا كان أصله طيب ممكن انه يقدر يقاوم الشي ويستسلم للواقع من بعد مايتأكد أن في ناس مالها ذنب من قهره ها وممكن أنها تنظلم هاي المعاملة وربنا بيحاسبه إذا ظلم حد خصوصا إذا كان الطرف الثاني مظلوم وصدق ماله ذنب بولا شي إلا أنه الوحيد اللي يالس جدامه ويطلع خباله كله عليه !! . .
لكن ها مايمنع انه إذا طرى الموضوع في باله أنه يرد للي مخططنه أو ع الأقل يفج حرته في مواضيع بين فترة وفترة وهاللي أتوقع يصير لأحمد واللي قاعد يمر فيه حاليا . . لو نبدا من بداية البارت لين نهايته نلاحظ أنه في البداية معصب لكن في أخر البارت شفنا أنه انقاد للنقص اللي يحس فيه سواء الاحتياج أو الفقدان بشتى أنواعه مثل فقده للحب والحنان والاهتمام والاحترام من قبل أنثاه . .
أنثاه اللي تشاركه حياته واللي لازم يلقى فيها تعويض لكل ناقص يعيشه وطبعا انصدم بالحقيقة في النهاية وحب أنه يتنقم بس ماعتقد للانتقام له وجود بعد مواجهة لغة العيون . . ولغة العيون أصدق من أي لغة في العالم !! دام شاف الصدق ف عيونها ودام شافت الاحتياج ف عيونه أتوقع ان الحين بيتقاربون أكثر

في المقابل حنان وبذرة الخير اللي فيها قدرت أنه تحوي أحمد بطيب كلامها وبصراحتها المؤدبة خصوصا الكلام اللي قالتله أياه بعد سالفة التلفون كان صريح ودايركت ويعني قدرت تمتص غضبه بالكلام اللي قالته لان لمس فيه الصدق والبراءة كلها . .

طبعا كل المواقف اللي في هالبارت لها احترامها ولها من الابداع جانب إلا أن هالمرة حبيت أحلل شخصية هالثنائي واضرب مثل برايي اللي بديت فيه التعليق
ولو ماكنتي ناجحة في الوصف والسدر لهاي الدرجة جان ماقدرت أحلل شخصايتهم وشخصية أحمد بالذات وان شاء الله يكون تحليلي صح . .

وبس يعني هاللي في مخي حاليا

الله يعطيج العافية وتسلم ايدينج على هالبارت الجميل بجميع المقاييس يا جمال وسعادة :)