المشاركة الأصلية كتبت بواسطة شما بنت محمد (المشاركة 3529168)

مساآ الود والمحبة :)

عساكم كلكم ف خير وصحة وعافية يارب العالمين . .

سمحيلي لولو ع التعليق المتأخر ):

البارت كان مؤثر بشكل وايد كبير ومن قلب عورني قلبي على بطي وسلطان !

بطي بحكم صدمته بأن أخوه انجتل وسلطان يعرف ف كانت ردت فعله قوية وعنيفة !!
ماقدر يحكم مشاعره وماقدر يحدد مصيره .. هل هو ينصدم من الخبر ولا من سلطان ؟!!
ف كانت ردت فعله قاسيه ع سلطان ووجه كلام لسلطان مايستاهله ..
سلطان شو كان يقدر يسوي ها شغله واعتقد بحكم شغله المفروض ينسى المشاعر والأحاسيس ويركز بس بالقضية ذاتها !!
ماينلام بطي ف ردت فعله ف عز صدمته ولا يعرف شو يقول ولا كيف يتصرف
وسلطان حكيم بترصرفاته ماشاء الله عليه هالشغله تناسبه من قلب !!
(هالموقف نسجتيه بشكل مؤثر أثر فيني وايد .. ماشاء الله عليج)

ذياب قدر يتخلص من هالسالم .. حركته حلوة وماعتقد كان مراده بس ان يباها
لا هو يعرف ان اذا عرف سالم انها ماترمس بيغير رأيه ف حب ان يختصر السالفة !!
سالم ماحبيت كلمته يوم قال طرمه حرام عليه .. وذياب يجنن وايد حبيت شخصيته العاقلة ..

حصة خذت موقف من مهرة مسكينة هالمهرة انظلمت بسبت اخوها !!
وميرة تجنن رغم صغر سنها الا انها عاقلة ف أحكامها وكلامها (:

حارب يوم عرف بالشرط .. امممممم ياترى شو بيي ف باله !!
احس الفضول ذابحنه لان يبى يعرف السبب بس المهم عنده الحين ان موزة توافق ..
موزة حبيت وناستها انها تقبلت الموضوع ومستانسه بزواجه بس يوم عرفت بالشرط ...!!
مادري بس ان شاء الله يفهمون شرط ناعمة بالطريقة الصحيحة
انا أتوقع ان ناعمة تبى موزة تواجه الماضي وتباهم يعيشون ف بيتهم الجديم شرات قبل ..
متحمسه اعرف شو بيصير معاهم (:

فرحت من قلب على تقلب اليازية وايد الشي فرحني وحسيتها صادقه (:

حالي مايسمح اني ادخل وأعلّق بضمير مثل كل مرة بس ماهان عليه ماعلق ع ابداعج المعتاد
تقبلي مروري البسيط هالمرة (:

نحبج وايد

المشاركة الأصلية كتبت بواسطة دييما (المشاركة 3529286)

صباح الخير 💜

خلنا نقول بخصص ردي هالمره بسالفة بطي وسلطان

ردة فعل بطي ماهي غريبه صدمته بقتل اخوه قويه وطبيعي ماراح يسامح سلطان بـ هالسهوله يعني مهما كان سلطان صاحب حق وسوا اللي عليه .. بطي ماراح يتفهم هالشيء بالحاله هذي بيظل يفكر ان سلطان كان ممكن يقوله بأي طريقه ، بطي ماراح يسامح سلطان إلا لما تحصل حاجه لسطان لا سمح الله يعني ممكن يتصاوب بسبب شغله -بدأ تفكير الأكشن والأفلام- 😂😂
أو أي ضرر يضره .. وقتها بيفهم بطي ان مهما كان سلطان صديق عمره وماسوى هالشيء إلا للمصلحه العامه


الأحداث باديه تحمى البارتات الجايه بتكون مولعه 🔥🔥🔥😻
+ للآن انتظر موقف بين فلاح وحصه طمني قلبي وقولي انه قريب 😢


إلا ابغى اسألك قد قريتي رواية - لمحت في شفتيها طيف مقبرتي تروي الحكايات أن الثغر معصية - ؟

المشاركة الأصلية كتبت بواسطة السبعاويه (المشاركة 3529305)

ياروعاتك يالولو اسلوبك يخلي الواحد يعد الايام والساعات للبارت الجاي انا مع الي يقول راح يصير لسلطاان شي يخلي بطي يتحسف انه دعئ عليه بالموت
والله يعيننا يالولو علئ اعصابنا بذئ الاسبوع
اشتقنا لشما وحصه والبقيه

المشاركة الأصلية كتبت بواسطة لولوھ بنت عبدالله، (المشاركة 3529427)

ههههههههه الاكشن لاعب لعبته في عقولكن يا بنااااتي ... بس تتوقعين صدق يستوي شي في سليطين ..؟! ويييي لا تفاولون على حبيب شما .... قلبها ما بيتحمل بتموت عليناااااا :(

بس ..... اممممممم ...... ليش لا ..... يمكن توقعج صحيح ..... منو يعرف غير ربج سبحانه ....!!!

المشاركة الأصلية كتبت بواسطة لولوھ بنت عبدالله، (المشاركة 3529427)

هيه دمدوم قريت هالرواية .. من اروع ما قرأت ما شاء الله .. ابدعت طيش فيها وبقوووووة :) ....

المشاركة الأصلية كتبت بواسطة دييما (المشاركة 3529438)

صراحه ماعندي مانع انا ابغى شما تنهار علينا عشان يعرف سلطان غلاته وش تسوي 😂😂😂😂😏





صادقه رواية من أجمل الروايات اللي قريتها 👌😻😻
عاد طيش حالياً تكتب رواية وقريب تخلصها وراح تكون ورقيه
-كتاب- مو على النت
منتظره هالرواية على أحر من الجمر 😢

+ منتظرين بارت اليوم بكل حماس 💃