|
رد: بات من يهواه من فرط الجوى، خفق الاحشاء موهون القوى
اقتباس:
صباح الغلا زمن مجروح .. وانا انتظر عودتج بفارغ الصبر يا جميلة الطلة .. :) |
رد: بات من يهواه من فرط الجوى، خفق الاحشاء موهون القوى
اقتباس:
صبحج الله بالنور والسرور حبيبة قلبي شما .. ويومي اجمل واجمل بوجودكم ومروركم وحروفكم الراقية يالغوالي .. ربي يسلمج من الشر الغلاا .. حارب صحيح .. حارب يتألم وايد .. واشباح ماضيه ما تخليه يعيش براحة نفس .. يا ترى بيقدر يعيش السعادة في يوم ..؟!!! تسلميلي يالغالية من ذوقج :) فلاح وحصة ههههه .. الاكشنات لابد منها لزيادة عنصر الاثارة :) ناعمة وايد مهم عندي اني اوصل للقارئ شغف الابطال واحاسيسهم بالشكل الصحيح .. ويهمني بعد ان احببكم في امور انا احبها شخصياً :) شما وحبها الخفي لسلطان حب يرهق القلب .. بطي وآمنة .. مصبح وسلامة واحلى كناري :) تسلمين يالغالية ماعليج زوود .. وانا واثقة فيكم وفي وقفتكم معاي للنهاية ان شاء الله .. الله لا يرحمني منكم يا حبايب لولوه انتوو .. |
رد: بات من يهواه من فرط الجوى، خفق الاحشاء موهون القوى
السلام عليكم و رحمة الله و بركاته صراحة لا اجد الكلمات المناسبة لوصف هذا الإبداع قلمك راقي جدا ووصفك للأحداث يجعل القارىءيحس انه مع ابطال الرواية موفقة حبيبتي تسلمي
|
رد: بات من يهواه من فرط الجوى، خفق الاحشاء موهون القوى
"
. . عُدنَا :peace: مِن’ أينَ أبدَاَ موقِف مِيرَهـ مَعَ حمد جِدَاً مُؤثِر وَمُضْحِكـ لَكِنْ تَصَرفُه رجولِي بحت وأشُدُ عَلَى يدِيكـ فِي وضْع مواقفْ تُدَعِم الأخلاق في ردات الفعل علَيهَا وتُنَمِيهَا فِي مجتمَعَاتِنَا ..:55: شَمّا وَ آآآآآآهـ مِنْ تِلْكَـ المشَاعِر المدُفونَة تَحتَ جَلِيد قَابل لِـ الذَوبَانْ بِـ فعْل إشْتِعَالِ الأحاسِيس وإنتفَاضِهَا لحظَةَ تَدافعِ ذِكرىَ لـ مَاضٍ مَا .. حَااااارِب يَكفِي الحِلْم وَ أحدَاثُه التِ] إستَنَزَفَت أحَاسيسَنَا .. بس من شاف حارب ومارس عليها خبثه ومكره ؟؟؟>>> هنا أنا تلخبطت شوي تبدوا لي ناعمة بس وين بيشوفها قبل كذا وهذا أول لقاء يجمعهم في أحداثِ القِصَة ... بطِي وَأمنَه لابدَ من مُصَارحَة من قِبل آمنة وتَصَرُف سريع من بطِي ليحافِظَا على كَيانِ العائِلَة .. سَيفْ أرثِي لحاله وصعوبة المرض التي تَزدَاد .. الجد أبو عبيد روووووووووووووعة كفو اللي سَواهـ بـ نهَيَان ..:376: فَلاااااااح وَ مُخطَطَات شِرِيرَة تِجَاهـ حِصَة .. :) :lol: يعطيكـ العافيَة ي قلبِي عَلى مجهُودِكـ .. مودَتِي .." |
رد: بات من يهواه من فرط الجوى، خفق الاحشاء موهون القوى
وردة شقى .. صباحج ورد وياسمين غناتي .. اولاً اسمحيلي ما رديت على كلامج البارحة لأني ما ان نزلت البارت حسيت خلاص طاقتي راحت ورقدت .. مسا الفل لا عادي مسموحه بالحل انا كنت انطر الجزء حدي متحمسه وقتها :) " فعلا وجود الدين بالروايه يعطيها لمسه خاصه و بنفس الوقت يعكس لي نوعية الكاتبه و وعيها الديني بس تدرين احيانا للأسف البعض و يمكن نقول قليل منهم ينقل حكم شرعي غلط خاصه عن الطلاق و غيره اكثر من مره مرت علي هالنوعيه و طبعا كنت انبه الكاتبه فحتى الدين اذا رسمته بروايتي لازم يكون صحيح خاصه الاحكام الشرعيه للي للاسف البعض يعتمد على اشياء مرت عليه بدون لا يتمعن فيها و يستوعبها و اذكر مره تبهت كاتبه على شي غلط تدرين شقالتلي؟! قالتلي هذا خيال قتلها الدين مافيه .. " مسألة ان الكاتبة تنقل حكم شرعي خاطئ .. اول شي عطيني اسم الكاتبة عشان افهمها ان اللي تفكر به غلط .. الكاتب انسان عادي .. قاعد ورا شاشة الكمبيوتر ويكتب وغيره يقرا .. مثله مثل اللي في تويتر .. في انستغرام .. في الفيس بوك .. ومنهم يصدق بسرعة ومنهم يعرف يحكم عقله ويبحث ويدور على الإجابات الصحيحة .. سالفة اني بحط حكم شرعي عن امور مهمة مثل الطلاق او الزواج .. ويكون الحكم الشرعي خاطئ واتغافل عنه لأنها "مجرد رواية" ...!!! لا لا .. هالشي اساساً ما يجوز .. عاد ما اذكر منو :) وفعلا البعض يعتبر الروايات مصدر معلومات ياخذ منها بدون لا يتأكد من صحة المعلومه و هالشي اكثر من كاتبه قلته لها .. تعرفين .. والله .. اني لين يوم الدين .. بكون شاكرة "لكاتبات عزيزات وغاليات" .. لانهن ذكرني بأشيا كنت غافلة عنها في ديني وعبادتي .. وايد اشيا يا وردة .. والحمدلله في أمور كنت اجهلها وقمت اسويها بعد تذكيرهن .. وفي أمور غيري سواها بعد التذكير ايضاً .. ها شو معناته .. ها معناته ان القارئ يتأثر .. يتجاوب .. يحس مع اللي يقراه .. يفعل احياناً اللي يقراه .. ليش استهين باللي اكتبه واللي انشره بين الناس وهالعمل بيتم معاي لين قبري وبينعرض علي يوم القيامة ..!!!! لا .. الموضوع مب سهل ابداً .. كارثة اشوفه .. غير ان الاستهانة بعقل القارئ ..... شي اممممم .. ماعرف شو الكلمة المناسبة .. يمكن سطحية بحتة .. وانانية كذلك لأنها الكاتب بدّا مصلحة رفاهيته .. وشغفه في الكتابة على مصلحة الناس وما يتلقونه من معلومات يمكن تفيدهم في حياتهم ويمكن تضرهم وتخرب مبادئهم ..!!!! هالكلام أقوله بشكل عام ما اقصد كاتبة معينة .. والانسان في النهاية انسان ... مب معصوم من الخطأ ابداً .. صاجه بكلامج في كاتبات لهم هدف سامي برواياتهم و البعض مجرد تفريغ بدون فايده تعود عليه او حتى على القارئ بالعكس يمكن يكسب آثام من الي يكتبه بدون لا يبين خطأ الي يكتبه ولا حتى يحذر القراء منه .. و جل من لا يسهو بعضهم يستانسون اذا احد نبهم لغلط و بعضهم ولا كأنج تنصحين ولا يعبرون الله يهديهم .. " كلمة وسيم ما تحكر خيال القارئ .. بالعكس تثير خياله ويرسمه بالصورة اللي هو يفضلها ويحبها .. لا تلوميني تعقدت من يقولون وسيم شوفي شلون يكون الوصف صرت اشك ان الروايه الي اقراها خليجيه :( و الله اضحك احيانا جني اقرى روايه اجنبيه مو خليجيه من مواصفات الابطال .. ولا ننسى ان العقول ما تتشابه .. يعني عقلي وعقلج يختلف تماماً عن العقول الباقية .. مب كل حد يقدر يشوف كلمة وسيم على انه احتكار للخيال" ممكن ليش لا .. " احلى شي التوقعات صابت :) الهندي طلع ماغيره حارب اعتقد انه اسمر و سماره مع اللكنه الهنديه خلته يتقن الدور و الظاهر يا انه يحب الافلام الهنديه ولا سلطان مخليه يجابلهم :) و اول لقى مع ناعمه باسبانيا اخ الموقف قصت ويه اتوقع اعمل نفسك ميت ويا ارض انشقي وبلعيني التعبير المناسب لصدمة نعوم واي صج موقف محرج بعد حروب مو هين لازم يتحرش احس ويها صار ابيض نشف من الدم لا بعد ما درت انه رفيج عمها بتكمل السالفه :) و انا اقرى انه يشتري كتب حياكه احاول اتذكر منو الي وعد اخته اذكر الكلام بس نسيت الاشخاص و اكيد اهو الي سلم عليه ذياب.. بطي اتمنى انه يقرص اليازي قرصه تماديها لاني ما اشوفه حاسم برد فعله ممكن يحظر الرقم او يشكي وهو ريال ما راح يصعب عليه الموضوع يشوف لها صرفه لان الي مثلها ما تمل وينخاف منها و توقع اللامتوقع فلازم يتغدى فيها قبل لا تتعشى فيه.. عوشه تحب سلطان و شكلها جذبت على شما بسالفه تخصه خلتها ترفضه بس الي فهمته ان الي شافته و تعلقت فيه خطبها و خذته بس ماكان كفو هذا الي فهمته ولا الي تعلقت فيه كان سلطان و يوم خطبها بعد سنه جذبت عليها عوشه و رفضته و مازال قلبها معاه؟! اتوقع الثانيه اهي الصح بيي اليوم الي بتتبرأ فيه ساحة سلطان و بتجاهد شما باسترجاع حبه الي تمكن منه كبرياؤه فلاح اهلا اهلا بالمخططات المخيفه شكله بيخطبها او ممكن يخطط على شي يجبرها فيه تقبل بخطبته :)؟! ميره شكلها بتكشف الريال قريب و اكيد بتنصدم شلون عرفها؟! و اسمها؟! اكتشفت انها خفيفة طينه هالبنت.. نهيان و ااي بدت ظلاله تحط على الروايه بهدوء مخيف ممكن يكون اهو الي شافته روضه؟! و بالتالي يكون المثلث سلطان و نهيان و حارب.. اليد اينن حبيته خوش يد :) سبحان الله هذا حال اليدان يتفقدون احفادهم و يخافون عليهم.. احس الرحله من فرنسا للامارات بصير فيها شي الله يعديهم الشر و يوصلون بالسلامه.. استرجاع الماضي شي متعب الله يعين حارب عليه مو شويه فاقد ثلاثه ماراح يرتاح لين ياخذ حقه .. أحمد بيي اليوم الي يكشف فيه حقيقة قلب مرته بس هل حبه لها بيشفع لها ولا بيكشف لها الويه الثاني لريلها ؟ على فكره حبيت معلومات التاريخ الي ضمنتيها روايتج قبل جم يوم قريت عن عبدالله الي سلم مفاتيح الاندلس والكلام الي قالته امه له .. سبحان الله بقدر ماكانوا ملتزمين بدينهم بقدر ماكانت الدنيا تتفتح جدامهم و بقدر ما تخلوا عن دينهم بقدر ما تراجعوا بفتوحاتهم و زادنت انهزاماتهم .. :) دام حبرك الزاهي |
| الساعة الآن 09:30 AM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية