رد: بات من يهواه من فرط الجوى، خفق الاحشاء موهون القوى
اقتباس:
النقاش مع انسانة مميزة مثلج له طعم ثاني .. واستمتعت فيه فوق ما تتصورين حبيبتي :) الله لا يحرمني من طلتج .. |
رد: بات من يهواه من فرط الجوى، خفق الاحشاء موهون القوى
اقتباس:
مسا الحب والغلا كله وردة شقى .. يالله .. ما ارقى كلامج يا راقية ..!! والنعم بكل اللي ذكرتيهن والله .. ومسألة اني ذكّرتج بكاتبة دشت خاطرج واسعدتج بكتاباتها فـ ها بحد ذاته سعادة لي انا يالغالية .. الدين امر رئيسي في حياتنا .. وخلو الرواية او اي قصة منه ما بيعطيها ابداً واقعية .. وجاذبية ..!!!! خل افضفضلج شوي .. واقولج مثال .. انا بحكم اني قارئة من الدرجة الأولى .. واقرا وايد روايات انجليزية مترجمة للعربية .. بغض النظر عن روعة السرد والحوار والاحداث .. بحس ان الرواية فيها نقص .. فيها خلل ..!!! ليش ..!!! ذكر الله بين السطور وإدخال عنصر الدين في الكتابة هو النقص .. لو مثلاً قريتي رواية لكاتبة عربية مبتدئة .. وعندها عيوب كثيرة في اسلوبها .. ما ان تقرا عينج كلام الله او حديث لنبينا محمد عليه الصلاة والسلام في كتاباتها .. روحج بتبتسم .. ولا ارادي بيقشعر بدنج وبتحسين بسكينة .. طبعاً ها مب معناته ان الكاتبة اتم على عيوبها ..!!! لابد تحسن نفسها واطور مهاراتها عشان تجذب القراء لها .. ها رايي ..... واتريا اقرا وجهة نظرج .. الشباب المستهترين بكل مكان وبكل زمان .. وانتشرت مؤخراً للأسف الروايات اللي تظهر الشباب العرب .. والخليجيين خصوصاً .. بشكل مشين مخزي .. يه ان الشاب راعي بنات او راعي عوذ بالله خمور او او او او .... انا يوم اطيح عيني على هالنوع من الروايات .. " ا ن ق ه ر " بمعنى الكلمة ..!!!! ترى الدنيا بعدها بخير .. فيه الصالح .. فيه اللي يصلي ويخاف ربه .. فيه اللي يحترم خواته ويهتم فيهن ويرعاهن .. وفيه اللي يستحي حتى يرفع عينه على بنية .. واكيد عندج امثلة حية في حياتج ... اكبر غلط ان نطلع للغير صورة مشينة عن شبابنا وبناتنا .. اوكي انا مع فكرة ان في فئة منهم يبالهم "إعادة تربية وبرمجة لعقولهم" .. بس ما نعمم ونضخم الامر وندخل في عقول "البعض" أفكار مالها معنى لا بتفيدهم ولا بتفيدنا الصراحة ...!!! هالفئة من الكتّاب للأسف بدال ما يكحلونها يعمونها .. شما + سلطان .. تتوقعين بتقدر تتخطى ماضيها وتترك حب سلطان ..؟! "الـ يمكن" بنخليها شوي على جنب لين ما ايي الوقت المناسب .. شما قوية .. لكن هل هي قوية في الحب ..؟! .. هذا لو افترضنا انها بتصير من أملاك سلطان على قولتج .. وضع موزة معقد .. فقدت صوتها في يوم أليم .. ليش ما تقولين "هل هي بتوافق على يعقوب لو مثلاً خطبها" أو "هل بتقدر في يوم تشوف الدنيا بمنظورها الطبيعي .. وترضى تتزوج مثل باقي البنات" فلاح ما بيسكت .. بس شو بتكون ردة فعله وشو خطوته الياية ..؟! الله اعلم حمد وميره .. تتوقعين ميره تحبه .. أو "تفكر فيه أصلاً" ..؟!! عوشة + آمنة .. نساء متزوجات ولهن قصص خاصة في حياتهن باختلاف نوايا كل وحده منهن .. ولـ نواياهن دور كبير في ايامهن الياية ... اما بشكل سلبي او إيجابي .. يا واد يا تئيل توقعاتج الأخيرة خلتني ابتسم ابتسامة خبيثة .. بس مع هذا بقولج ..... الله اعلم ههه :) انززززين .. نيي عند مسألة الجمال يالجمال كله .. انا ما احب افصفص البني آدم واصوره انه اسطوري ووسامته مستحيلة وماله شبيه في الكون .. لا .. المسألة بسيطة جداً .. مستحيل .. وأكرر "مستحيل" في انسان قبيح ..!!! لابد فيه جمال سواء في ويهه .. او عيونه .. او ابتسامته .. او طوله .. او ضحكته .. او كلامه ...وأو روحه الطيبة .. ويكفي لو القلب نظيف ونقي .. فـ ها بيضفي على ويه الانسان جمال من الله وجاذبية .. في الرواية ما دققت في مسألة الجمال الا لأسباب معينة .. مثلاً سلطان وحارب .. اجسامهم معضلة بحكم شغلهم وتدريباتهم اليومية .. موزة ركزت في جمال لون عينها العسلية لغرض بعد بنعرفه عقب .. امممم منو بعد .. ايوه .. شخصيتين بعد استخدمت جمالهم لأسباب أيضاً .. :) وحاولت قد ما اقدر اني ما اوصف كل شخصية بشكل كامل عشان اخلي لخيالكم المجال انه يسرح ويمرح ههه .. :) صدق تفهمون رمستنا ..!!! اذا على جيه برتاح الصراحة لأني احط المعاني عشانكم .. وعشان اللي يجهل اختلاف اللهجات في الامارات .. واقتراحج على العين والله حبيبتي .. بحاول انسق البارت القادم بشكل مناسب للجميع .. وردة شقى .. السموحة طولت عليج .. بس رقي كلامج يخلي الواحد ينتعش في الرد ويتحمس .. خلج جريبة دوم حبيبة قلبي .. ربي يحفظج الغلااا .. |
رد: بات من يهواه من فرط الجوى، خفق الاحشاء موهون القوى
يسعد صباحك يا الغلااا ..
وصباح جميع قراء روايتك الرائعة . أشكرك على كلماتك الرقيقة وبقولك هادا من لطفك حبيبتي وكلك ذووق عيوني .. أنا بعترض على شغلة لو سمحتي.. الشرح مهم بالنسبة لي ولأغلب القراء غير الناطقين باللهجة خليجية >>> ههههه بعتذر بس عن جد ما قرأت كثير وبعتبر حالي بأول الطريق وفي غيري متلي أكيد. بصراحة في كلمات مختلفة وايد عن المعنى المتعارف عليه عند أهل الشام وحتى مصر .. ولا تنسي إنك بتدخلي كلمات عريقة ويمكن قل إستخدامها عندكم . فبتمنى ما تغيري النمط ﻷنو صعب علي كل شوي أنزل تحت البارت أدور عالمعنى . فسوري حبيبتي وردة أتحملي غلاظتنا شوي وبإذن الله الرواية الياية اكون احترفت اللهجة وغيري كمان وجمعنا مخزون كلمات كبير منها . تقبلي مروري وخالص ودي °•○اللهم أغفر لي هزلي وجدي، وخطئي وعمدي، وكل ذلك عندي○•° |
رد: بات من يهواه من فرط الجوى، خفق الاحشاء موهون القوى
اقتباس:
يسعدلي مساج بلومي الحلوة .. ما قلت الا الصدق حبيبتي .. صحيح انا فكرت فيها وشفت ان شريحة كبيرة من القراء بيلاقون صعوبة في فهم بعض الكلمات وخصوصاً الجديمة منها .. فـ بخليه مثل ما هو لين ما تقريباً افسر كل الكلمات الصعبة .. الصراحة الكلمات ومعانيهن تمركزت اكثر شي في البارتات الاولى .. مع متابعتكم للبارتات العشرين والخ الخ الخ .. ان شاء الله .. ما بتشوفون هالحركة الا نادر .. بحاول اصغر الكلام اللي بين الاقواس عشان وردة والقراء اللي يواجهون نفس المعضلة ما يتشتتون وينزعجون .. وبخصوص البارت القادم .. بإذن الله بنزله في الليل .. :) ربي يحفظكم جميع .. |
رد: بات من يهواه من فرط الجوى، خفق الاحشاء موهون القوى
ربي يسعدك ويبارك فيك ..
حل مرضي بالنسبة إلي .. لك ودي °•○اللهم أغفر لي هزلي وجدي، وخطئي وعمدي، وكل ذلك عندي○•° |
الساعة الآن 06:26 AM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية