منتديات ليلاس

منتديات ليلاس (https://www.liilas.com/vb3/)
-   المواضيع الجانبية (https://www.liilas.com/vb3/f656/)
-   -   طلب ورجاء من آل عبق الرومانسية (https://www.liilas.com/vb3/t197330.html)

لهفة اللقاء 09-10-14 01:10 PM

طلب ورجاء من آل عبق الرومانسية
 
السلام عليكم ورحمة الله وبركاته
مشرفاتنا وكاتباتنا الطيبات كل عام وأنتن بخير وفى أحس حال
أنا مترددة فى فتح الموضوع ده بقالى حوالى شهرين أو أكثر بس لانى متأكدة
من رحابة صدركم وتقبلكم لكل الآراء قررت أنزله لانه ليلاس فعلا أحسن منتدى
انا دخلته وبتمنى أنه دايما يكون فى المقدمة
مش عارفة هل ده مكانه ولا لا وبعتذر مقدما لو مكانه غلط


عندى طلبين أتمنى يستجابوا

1- بما أنه ما شاء الله عدد كاتبات ليلاس زاد وبالتالى الإنتاج زاد
ضرورى يكون فى شخص متخصص فى اللغة العربية وقواعدها لمراجعة الروايات لانه فى روايات
مش لغتها ضعبفة وركيكة بس لا لغتها منتهية تماما بيستخدم فيها ألفاظ عامية بل واختصارات لألفاظ عامية والأخطاء الإملائية كتير جدا مينفعش أطلق على نفسى كاتبة وأنا مثلا بكتب ينتقد بالضاد بدل الدال
طبعا إحنا بشر والأخطاء واردة خصوصا أنه بقينا نكتب بالعامية طول الوقت تقريبا على الأنترنت
ومن هنا ضرورى جداجدا جدا يكون فى مراجعة لغوية للروايات


2- تأخير الكاتبات فى تنزيل فصول الروايات هل من الممكن
ان لا يسمح بنزول رواية إلا لو كانت مكتملة
زى ما بتعمل الرائعة حسن الخلق بتنتهى من الرواية اولا
وبعدين تبدأ فى الإعلان عنها والتنزيل وعمرها ما تأخرت نص ساعة حتى عن موعد التنزيل بل بالعكس
احيانا كانت بتقدم وطبعا مستوى رواياتها واضح مش محتاج كلام سواء فى الحبكة الفكرة واللغة
والمتابعة وكم الردود فيها تشهد
اول شىء مش هيعمل ضغط على الكاتبة بسبب ردود زى وين البارت امتى التنزيل وخلافه
خصوصا لو عندها مشاغل او ظروف او حتى لو حالتها النفسية لا تسمح بالكتابة
فهى تنتهى من روايتها براحتها بدل ما تتاخر على القراء او تضطر تكتب اى شىء مما يقلل من مستوى الرواية لمجرد انها تريح المتابعين
تانى شىء مش منطقى ولا طبيعى إنه رواية تستمر سنة ونص أو سنتين ومتنتهيش
برضه مش منطقى أنه نستنى البارت لمدة شهرأو شهرين ده بيفقد الرواية جمالها وبيفقدنا استمتاعنا بها
فى اقلام رائعة لكن لعدم إلتزامهم بقى الواحد بيفضل ميتابعهومش او على احسن تقدير ينتظر انتهاء الرواية ثم يتابعهم

عارفة انه الكاتبات بشر لهم حياتهم الشخصية والعملية وإلتزاماتهم خارج المنتدى وانه الكتابة بالنسبة لهم ترفيه عن نفسهم وهواية وعلشان كده بقول تكتب الرواية ويتم الانتهاء منها حتى لو هتاخد من الكاتبة سنتين تلاتة اربعة هى حرة تكتبها براحتها على حسب ظروفها ومن غير ضغوط من القراء او اجبار على الاستمرار فى كتابة الرواية لمجرد انه فى متابعين وبعدين تنزلها براحتها لو انتهت او تكتب غيرها لو قررت عد اكمالها من غير ما تعلق القراء والمتابعين معاها لفترات طويلة وفى الاخر كله مش مبسوط
لا الكاتبة ولا القراء

عذرا على الإطالة وشكرا على سعة صدركم :)

العمر الماضى 09-10-14 01:31 PM

رد: طلب ورجاء من آل عبق الرومانسية
 
اهلا بيكى يا لهفة اللقاء هو هنا فى ركن للتواصل للى عايز يتواصل مع مشرفات العبق للتدقيق اللغوى والحصول على النصائح بس اكيد مش كله بيدخل القسم ده وفى روايات بيدخلها كلام عامى شكل مقصود يعنى مش لضعف فى الكاتبة بس لقرب الناس من اللغة العامية زى ما سلاف الشرقاوى كانت عاملة فى زوجة مستقلة كان الحوار باللغة العامية والباقى بالفصحى يعنى كنت جامعة بين الاتنين اما بالنسبة للقصص غير المنتهية انا عن نفسى بضم صوتى لصوتك والحمد لله بعمل كدة واتباعا لنصيحة حسن الخلق عشان ميبقاش في ضغط زى ما قلتى ودى مشكلة حلها فى ايد الكاتبات نفسهم

bluemay 09-10-14 01:42 PM

رد: طلب ورجاء من آل عبق الرومانسية
 
وعليكم السلام ورحمة الله وبركاته
هلا فيك أختي

انا كمان بضم صوتي إلك لهفة ..
بالنسبة للغة وللتدقيق ولإكمالها قبل نزولها.


والحمدلله بالنسبة إلي بعمل بنصيحة حسن الخلق وعم بكتب رواية لكنها من خلف الكواليس
بتمنى تتابعيها لما بتنزل.

تقبلي خالص تحياتي

Sent from Mobile using Tapatalk

لهفة اللقاء 09-10-14 02:08 PM

رد: طلب ورجاء من آل عبق الرومانسية
 
اقتباس:

المشاركة الأصلية كتبت بواسطة العمر الماضى (المشاركة 3481480)
اهلا بيكى يا لهفة اللقاء هو هنا فى ركن للتواصل للى عايز يتواصل مع مشرفات العبق للتدقيق اللغوى والحصول على النصائح بس اكيد مش كله بيدخل القسم ده وفى روايات بيدخلها كلام عامى شكل مقصود يعنى مش لضعف فى الكاتبة بس لقرب الناس من اللغة العامية زى ما سلاف الشرقاوى كانت عاملة فى زوجة مستقلة كان الحوار باللغة العامية والباقى بالفصحى يعنى كنت جامعة بين الاتنين اما بالنسبة للقصص غير المنتهية انا عن نفسى بضم صوتى لصوتك والحمد لله بعمل كدة واتباعا لنصيحة حسن الخلق عشان ميبقاش في ضغط زى ما قلتى ودى مشكلة حلها فى ايد الكاتبات نفسهم

تسلمى يا حبيبتى على ردك انا مش متعودة اعمل موضوعات كتير فمش بعرف اماكن التنزيل :lPk05240:

مفيش مشكلة مع العامية نهائى مفيش مشاكل انه الرواية كلها تكون بالعامية
أو السرد بالفصحى والحوار بالعامية ده فعلا أسلوب معروف فى الكتابة
لكن اللى اقصده انه بتكون الرواية كلها بالفصحى
وبيتم استخدام ألفاظ العامية ممكن يكون مش لضعف لغة الكاتبة بس لانه مش اخدت بالها
وعلشان كده المراجعة والتدقيق من شخص متخصص باللغة العربية هيفرق كتير
وخصوصا فى الأخطاء الإملائية

وربنا يوفقك يا رب فى روايتك هتابعها إن شاء الله وتسلم ايدك مقدما :)

لهفة اللقاء 09-10-14 02:10 PM

رد: طلب ورجاء من آل عبق الرومانسية
 
اقتباس:

المشاركة الأصلية كتبت بواسطة bluemay (المشاركة 3481482)
وعليكم السلام ورحمة الله وبركاته
هلا فيك أختي

انا كمان بضم صوتي إلك لهفة ..
بالنسبة للغة وللتدقيق ولإكمالها قبل نزولها.


والحمدلله بالنسبة إلي بعمل بنصيحة حسن الخلق وعم بكتب رواية لكنها من خلف الكواليس
بتمنى تتابعيها لما بتنزل.

تقبلي خالص تحياتي

Sent from Mobile using Tapatalk

شكرا لإهتمامك حبيبتى ربنا يوفقك يا رب ويتمم لك روايتك على خير
إن شاء الله فى انتظار روايتك وهتابعها وقت نزولها إذا الله راد :)


الساعة الآن 09:36 AM.

Powered by vBulletin® Version 3.8.11
Copyright ©2000 - 2020, Jelsoft Enterprises Ltd.
SEO by vBSEO 3.3.0 ©2009, Crawlability, Inc.
شبكة ليلاس الثقافية